<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N3580: bsdus pa'i rim pa'i bka' 'grel<br><table><tr><td>
<input type="button" onclick="location.href='tcompletep.php?id=N3580&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N3580&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N3580&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">paN+Di ta de nyid dang/ /bod kyi lo tsa ba mar pa chos kyi blo gros kyis bsgyur cing zhus te gtan la phab pa'o/ /'dis kyang rgyal ba'i lung rtogs kyi bstan pa phyogs dus thams cad du dar zhing rgyas par gyur cig/ /bsdus pa'i rim pa'i dga' 'grel slob dpon
 skeg? pa'i rdo rjes mdzad pa bal po dge 'dun so so ti dang lo tsa ba blo ldan shes rab kyi 'gyur bzhugs// */ /rgya gar skad du/ piN+Di kra ma tri ba du/ bod skad du/ bsdus pa'i rim pa'i dka' 'grel/ rdo rje sems dpa' la phyag 'tshal lo/ /mdza' gnyis so ldan 'gro la phan pa'i phyir/ /gang gis
 rtogs nas dbu ma'i lugs bstan pa/ /rgyal sras klu sgrub de la phyag 'tshal nas/ mdor byas dang po'i rim pa gsal bar bya/ 'di la 'phags pa klu sgrub 'dis rdo rje phreng ba la sogs pa/ bshad pa'i rgyud kyi rjes su 'brangs pas rang nyid kyi dpal gsang ba 'dus pa'i mdza' drug gi
 don thugs su chung nas/ thugs rjes bsdus pa'i rim pa mdzad par bzhed pas/ sku bzhi'i rang bzhin bcom ldan 'das la phyag 'tshal ba gsungs pa ni/ khams gsum zhes bya ba la sogs yin no/ /bde ba ni bde ba chen po ste/ rgyal ba rnaMs kyi sku zung 'jug gi sgras brjod
 par bya ba'i phyag bgyid do/ /zhes 'brel to/ /ci lta bur gyur pa la zhe na/ mi mnyam mnyam pa la ste/ shin tu thun mong ma yin pa la'o/ /de ci'i phyir zhe na/ brjod pa mi rtogs lus gcig ces bya ba ste/ rnam par rtog pa'i dra bas mgos pa'i lus/ gnyis pa med pas gcig pur
 gyur pa/ mtshan sum cu rtsa gnyis la sogs pas brgyan pa'i sku gang la mnga' ba de la'o/ /rnam par mi rtog pa'i rang bzhin yin pa de nyid kyi phyir/ /khams gsum spyod pa las sgrol zhes bya ba ste/ khams gsum pa nyid ni khams gsum pa ste lus dang ngag dang yid ces bya ba'o/ /de'i spyod pa
 ni kun tu spyod pa ste/ de las grol ba'o/ /de lta ma yin na ni/ rnam par rtog pa nyid nyams par 'gyur ro/ /mkha' mnyam rtog pa ni nam mkha' dang 'dra ba shes pa'i phyir ro/ /dngos po kun gyi ngo bo nyid ni de'i rang bzhin yin pa'i phyir ro/ /brjod ma thag pa'i khyad par gnyis pos ni 'di gsal ba'i rang bzhin
 du ston par byed do/ /dag pa ni yongs su dag pa'i ye shes kyi rang bzhin yin pa'i phyir/ /zhi ba ni nyon mongs pa'i sgrib pa dang bral ba'i phyir ro/ /zhes bya ba'i sgrib pa med pa'i phyir na rnam dben no/ /mchog zhi ba'i rang bzhin bla na med pa'i mya ngan las 'das pa'i rang bzhin yin pa'i phyir ro/ /rnal
 'byor pa rnams kho nas rtogs bya ba ni de sangs rgyas thams cad kyi rang bzhin yin pa'i phyir ro/ /rtogs dka' ba ni byang chub sems dpa' la sogs pa rnams kyi mngon sum ma yin pa'i phyir ro/ /rnam par spyad dka' ba ni de dag gi rjes su dpag bya ba ma yin pa'i phyir ro/ /rang dang gzhan
 la mchog phan ni/ /de las byung ba longs spyod rdzogs pa'i sku bdag nyid bde ba phun sum tshogs pa thob pa'i phyir dang/ 'phags pa spyan ras gzigs dbang phyug la sogs pa rnams kyis don mdzad pa'i phyir ro/ /'dis ni longs spyod rdzogs pa'i sku'i rang bzhin nyid brjod pa yin no/ /khyab
 pa ni rdzogs par longs spyod pa'i skur bskyod pa'i sprul pa'i sku mdza' yas pa'i rang bzhin yin pa'i phyir ro/ /'dis ni sprul pa'i sku'i rang bzhin nyid du brjod par byed do/ /mtshan ma med pa ni 'od gsal ba la zhugs pa las/ /bag chags kyi mtshan nyid kyi mtshan ma nub pa na sngon
 byas pa'i smon lam gyis ldang ba'i phyir ro/ /de lta bur gyur pa'i bcom ldan 'das la phyag 'tshal nas/ da ni sgrub thabs kyi skabs dbye bar gsungs pa ni dpal ldan zhes bya ba la sogs pa'o/ /dpal ldan 'dus pa'i rgyud kyi sgrub thabs mdor byas rim pa zhes bya ba bdag gis brjod ces
 'brel to/ /sems can thams cad kyi phan pa 'dir skye ba zhes byas pas so/ /sgrub thabs du ma yod pa nyid yin pa des na/ 'dis ci bya snyam na/ mdza' drug don ni rtogs pa ste zhes gsungs pa ste/ mdza' drug ni bshad pa'i khyad par ste/ ldam? pa dgongs te bshad?
 pa dang/ ldem per dgongs pa ma yin pas bshad pa dang/ /sgra ji bzhin pa dang/ sgra ci bzhin ma yin pa dang/ nges pa dang drang ba'i don gyi rang bzhin don gang la yod pa de ni de skad ces bya ste?/ de rtogs pa las te yongs su shes pa las bdag gis brjod dgos pa ni kho bo ca gis mdza' drug?
 bshad par rgyu bshad par bya ba yin pa des na rgyud la 'jug pa'i don du sgrub thabs byed pa yin no/ /sgrub thabs gzhan ni rgyud la 'jug pa'i thabs su gyur pa ma yin no zhes bya ba 'di yin no/ /dgong ba med pa rtogs pa dang ldan pa 'jug pa med pa ma yin nam/ /des na mdor byas
 pa'i rim pa bsgom pa las dgos pa ci yod snyam pa dogs pa gsu nas/ dgos pa ston pa'i lhur len pa'i tshigs su bcad pa gnyis gsungs pa ni rnam rtog zhes bya ba la sogs pa'o/ /med pa'i don de rnam par rtog par byed cing rab tu 'jog par byed pas rnam par rtog pa ste/ ma rig pa'o/ /de
 nyid ni bag chags yin te skyed byed yin pas so/ /de las byung ba'i nyes pa ni rnam rtog bag chags nyes pa ste chags pa la sogs pa'o/ /de yang 'gro gsum rnam par rmongs byed yin pas/ de skyes par 'gyur ba la bltas nas so/ /rnal 'byor rgyud ni bsdus pa la sogs pa'o/ /des brjod
 pa'i don kyi khyad par sgrub thabs sgom pa'i mtshan nyid rnal 'byor rgyud kyi sgras brjod par bya ba yin par rtogs par bya ste/ tha mi dad pas nye bar gnas pas so/ /rnal 'byor gyi rgyud nges sbyang bar bya zhes 'brel to/ /'dod pa ni gzugs la sogs pa ste/ de dag yongs su spangs nas gos lha ma gsum
 spong ba la sogs pa dka' thub rnams kyis bdag nyid gdungs/ /ma yin par bya ste/ de byas na sdug bsngal bar gyur na byang chub ni de bas sgrub par bya ba yin no/ /gang gis zhe na rnal 'byor rgyud kyi rjes 'brangs pa ste/ 'dir yang rnal 'byor rgyud kyi sgra'i do ni snga ma bzhin te de'i rjes 'brangs pa ste/ rjes su sgrub pas
 so/ /'di skad du lha'i rnam pa bsgoms pas 'di thams cad rnam par sbyangs nas spyad par bya ste/ nyes pa yang lha'i rang bzhin de dang der rtog par bya ba yin no zhes brjod pa yin no/ /mdor byas kyi rim pa'i dgos pa 'di ni rgyu gang gis yin pa'i rgyu des ma 'dir ni sdom gnas pa zhes bya ba/ ltung
 pa sbom be la sogs pas ma gos pa'o/ de nyid kyi phyir thams cad kyi che dam tshig nyams pa'i nyes pas mi phyed pa yin no/ /brtul zhugs rtag ldan pa zhes bya ba ni shes rab kyi brtul zhuD dang ldan pa'o/ /sku gsungs thugs kyi rdo rje yis te/ rdo rje sems dpa' i sgrub pa'i thbs ni bsgom pa zhes
 pa ste/ 'dis sgrub par byed pas so/ ni'i sgra ni nges par bzung ba dang rim pa bzhin du yin te/ dgos pa mthong nas snyam du dgongs pa'o /de ltar dgos pa dang ldan pas 'jug pa'i yan lag bstan nas/ /sgrub pa'i gnas gsungs pa ni/ /dgon pa chen po la sogs pa'o/ /dgon
 mtshen? po'i phyogs cha ni chu'i gnas la sogs pa rnams kyis yid 'phrog pa'i phyir mchog tu gyur pa'o /me tog dang 'bras bu la sogs pas brgyan pa'i ri dang/ skye pos dben par te/ dben pa'i gnas gzhan dag tu yang ngo/ /'jig rten dang 'jig rten las 'das pa'i dngos
 sgrub thams cad gang du yang dag par 'du zhing 'dzin par 'gyur ba de ni dngos grub thams cad bsdus te sangs rgyas nyid do/ /sgrub pa ni bsgrub par bya ba'o/ /ci ltar bsgrub par bya zhe na/ brjod pa ni 'jam pa'i bstan la zhes bya ba la sogs pa'o/ /phyed dang po 'di yi don ni 'di yin
 te/ byung 'dir sgom pa'i dbang du byas pa'i sngags pa tho rang stan las langs nas gdod bkrub la sogs pa byas nas dri zhim po la sogs pas nye bar byugs pa'i sa'i char yid dang rjes su mthun par sems dpa' i skyil mo krung bcas te/ mdun du 'dug pa'i sa'i cha la ba glang gi lci
 pa la sogs pa'i dkyil 'khor byas pa'i dbus su bcom ldan 'das rdo rje sems dpa' 'chad par 'gyur ba'i mdog dang phyag dang mtshan ma can 'khor dang bcas pa bzhugs par mos la dmigs te/ de la 'byor pa ci lta pa bzhin mchod pa byas nas/ de'i spyan sngar sdig pa bshags
 pa la sogs pa dang/ snying rje chen po bsgom pa yang bya'o/ /de'i rjes la zhe sdang rdo rje'i ting 'dzin la gnas pas gnas bsrung rnam par bsam/ zhes bya ba'o/ /'di yi don ni 'di yin te/ stong pa nyid du lhag par mos pas/ tha mal pa'i nga rgyal bsal te/ yud tsam la bdag nyid
 la 'chad bar 'gyur ba'i rim pas/ /mdog dkar po la sogs pa'i bdag nyid kyi rdo rje sems dpa' bsrung pa'i 'khor lo'i dbus na rnam par gnas pa shes rab dang bcas pa rnam par bsgom nas/ bskyod pa la sogs pa'i bya bas shes rab kyi pad ma'i nang du lhung ba'i byang chub kyi sems dkyil
 'khor kyi 'khor lo'i rang bzhin du bskyed la/ de las ni badzra d+h+rik+ka ces pa'i sngags brjod pas/ mi bskyod pa mdog nag po zhal gsum pa phyag drug pa 'chad par 'gyur ba'i mtshan ma can rang gi mdun na bzhugs par bltas te de 'o ma la chu'i tshul du rjes su zhugs par bdag
 nyid in+d+ra ni la'i mdog can gyi zhe sdang rdo rje'i rang bzhin du bsgom par bya/ /de nas byang chub kyi sems de las hUM gi yi ge ring po bcu brjod de phyogs bcur khro bo rnam par spro bar bya'o/ /zhes ston pas brjod pa ni/ 'bar ba'i 'od ldan zhes bya ba la sogs pa'o/ /de dag hUM gi yi ge las
 byung ba yang yin la/ nyi ma la gnas pa yang yin pas zhes khyad par gyi bsdu pa'o/ /phyogs bcu po rnams ni dkyil 'khor gyi mdun ni shar la sogs pa'o sgo ste/ der rim bzhin te gang gi sgo gang yin pa de las ma 'das par ro /de ltar zhes bya ba ni sngar brjod pa'i
 rim pas so/ /bsam par bya ba ni bsgom par bya ba'o/ /'bar ba'i 'od ldan 'jigs su rung zhes bya ba la sogs pas bgegs thams cad gsal bar bya'o/ /zhes khod nas 'byung ngo/ /da ni phur bus gdab pa gsungs pa ni bgegs kun zhes bya ba la sogs pa'o/ /dbang po
 la sogs pa'i bgegs rnams gzhig pa'i don ni mthu mnyams par bya pa'i phyir ro/ /'og phyogs na gnas pa'i khro bo'i rgyal po gnod mdzes kyis rang gi gnas su sprul pa'i gnod mdzes kyi rgyal po gnyis pa gzhag gnas rang gi mdun du 'ongs te/ mdag
 gzhug gi tshul du bka' lung gnod par byed par bsams nas/ oM suM b+ha zhes bya pa'i sngags kyis phur bus gdab pa'i don du bka' lung bsgo bar bya'o/ /de naS? gnod mdzes kyi rgyal po bka' lung thob nas phyogs bcu po rnams su song nas bgegs kyi bdag po rnams kyi snying ga nas lcags
 gyus? phug cing mgrin pa nas zhags pas bcings nas khrid de 'ongs te khro bo bcu po rnams la gtong par bsam mo/ /don 'di nyid bstan pa'i phyir gsungs pa ni/ khro bo gzugs can 'di yis ni zhes bya ba la sogs pa'o/ /de ltar zhes bya ba ni brjod ma thag pa'i tshul gyi so/ /sbyor
 ba yis zhes bya ba ni 'chad par 'gyur ba'i sngags brjod pas so/ /cho ga bzhin zhes bya ba ni 'chad par 'gyur ba phur bu 'dengs pa'i cho gas so/ /de nyid ston pa ni rdo rje bdud rtsi zhes bya ba la sogs pa ste/ bdud rtsi 'khyil pas byang gi sgor sprul pa gnyis pa gzhag nas bdag nyid
 phur bu bcu'i rnam par 'phrul bar bsam mo/ /zhes bya ba'i don to/ /phur bu'i rnam pa gsungs pa'i lte ba'i ph yigs nas zhes bya ba la sogs pa'o/ /zhal gsum zhes bya ba la sogs pa la/ /gtso bo'i zhal ni mdog sngon po/ /g.yas dkar g.yon dmar ba so sar spyan gsum
 pa'o/ /phyag drug ni phyag g.yas na sna tshogs rdo rje dang 'khor lo dang ud pa la bsnams pa'o/ /g.yon rnams na ni snying ga'i sdigs mdzub zhags pa dang bcas pa dang/ dril bu dang dgra sta yin par rig par bya'o/ /da ni gang gis ji ltar phur bus gdab par bya ba de de bzhin du ston
 pas gsungs pa ni 'og tu zhes bya ba la sogs pa'o/ /gnod mdzes rgyal po ni nag pa dang dkar ba dang dmar ba/ zhal spyan gsus po che 'jigs par byed pa mi bskyod pa'i dbu brgyan can zhal so so la spyan gsum yod pa/ phyag g.yas rnams na rdo rje to ba dang 'khor
 lo dang rin po che/ g.yon rnams ni snying gar sdigs mdzub zhags pa dang/ bcas pa dang pad+ma dang kha TwAM ga 'dzin pa ste/ bgegs kyi tshogs phyogs bcu na gnas pa rnams kyi spyi bor rdo rje phur bas btab nas/ oM g+ha g+ha zhes bya ba la sogs pa'i sngags zlo zhing rdo rje tho bas brdungs 
 te/ rkad thil gyi bdu phur bus gzer bar bya'o/ /zhes bya ba ni tshigs su bcad pa'i don to/ /sngags de nyid ston par byed pa ni oM zhes bya ba la sogs pas so/ /brjod zin pa'i gon ? rgyal po'i rang bzhin gsungs pa ni gnod mdzes rgyal po'i des bya bas sogs
 bas so?/ /dmi? khro bo rnams kyis byas zin pa'i bya ba ston pas bya ba gzhan gsungs pa ni/ /rdo rje me yang rnam bsam ste zhes bya ba la sogs pa'o/ /spros zin pa'i khro bo bcu pos bgegs rnams phyogs bcu rnams su spos pa/ khro bo dag nyid kyi lus la 'phros pa'i me lce 'bar ba rnams
 kyi tshig par yang blta'o/ /de'i rjes thogs su sngar brjod pa'i gnod mdzes kyis phyogs bcur phur bus gdab par bya'o/ /phur bus btab nas kyang/ steng 'og dag kyang byin gyis brlabs/ de la rim laM ni 'di yin ste/ gnag pa dang dkar ba dang dmar ba dang sngo ba yi TAk+ki? hUM dza zhes bya
 ba rnams kyis rim pa ji lta ba bzhin/ gnag pa dang dkar ba dang dmar ba dang sdog lcags dang chu dang me dang rlung gi rang bzhin gyi rab bzhi phyi rol du rnam par bsams nas/ bruM dkar po'i steng du rdo rje'i dra ba mchod rten lta bu lcags kyi ra ba'i steng na rnam par gnas pa yi ge
 gsum por mahA? drug pa'i kha dog can gyi go cha byas pa dang/ hUM nag po sna tshogs rdo rje'i rang bzhin gyi sa'i cha rnam par bsam par bya'o/ /de ltar byin gyis brlabs nas/ 'od gsal par 'jug par bya'o/ /zhes ston pa ni srid pa gsum po zhes bya ba la sogs pa'o//
 srid pa gsum po ni khams gsum po/ /don dam du ste 'od gsal pa'i rang bzhin gyis so/ /'di ni nye bar mtshon pa ste/ bsrung pa'i 'khor lo yang ngo bo nyid med par blta ba ste/ thams cad 'od gsal ba'i rang bzhin du bsgom par bya'o zhes bya ba'i don to/ /'di
 yang bsrung ba'i 'khor lo yin no/ /da ni don gang sems la gzhag nas 'od gsal bsgom pa'i don te bstan pa'i don gsungs pa ni/ med la zhes bya ba la sogs pa'o/ /bstan pa dang g.yo ba'i don thams cad med par 'gyur pa la ni sgom pa yod pa ma yin te/ bsgom
 par bya ba med pa'i phyir ro/ /yod pa bsgom pa gang yin pa de yang bsgom pa med pa nyid yin te/ sgom pa med kyang bsgom bya yod pa'i phyir ro/ /de ltar de tshul lugs de ltar na yod pa dang med pa dang ldan pa'i dngos po gang yin pa de ni ngo bo med par 'gyur ro/ /de'i phyir sgom pa dmigs
 so/ /'di ni nye bar mtshon pa ste/ sgom pa po dang bsgom par bya ba yang mi dmigs par rig par bya'o/ /don 'di nyid tshigs su bcad pas bstan pa'i don gsungs pa ni brtan g.yo'i bdag nyid ces bya ba la sogs pa'o/ /brtan pa dang g.yo ba ni bdag nyid snod dang sems
 can gyi rang bzhin rnams med pa la zhes bya ba la sogs pa'i tshigs su bcad pa 'dis dngos po stong pa nyid du bsgom mo/ /de bsgoms nas rdo rje'i rang bzhin gyis gzhi bsgom par bya'o/ zhes bstan pa don du gsungs pa ni/ sgrub pa'i rnal 'byor 'di yis su/ /zhes bya
 ba la sogs pa ste/ de ma thag tu 'chad par 'gyur ba'i sgrub pa'i rnal 'byor 'dis so/ /bsgrub pa bya bas na sgrub pa ste/ rlung la sogs pa'i dkyil 'khor ro/ /de dag gi rnal 'byor ni ting nge 'dzin bsgom pa ste/ des so ye shes sa gzhi zhes bya ba la dkyil 'khor bzhi 'dus bas
 spyad pa'i rdo rje'i rang bzhin gyis bzhi ni ye shes sa gzhi yin te/ sgom pa'i shes pa'i rang bzhin yin pa'i phyir ro/ /byin gyis brlab pa ni skyed pa'o/ /'di nyid ston par byed pa ni hUM gnyis zhes bya ba nas bzung ste/ rdo rje sa gzhi dkyil 'khor 'char/ dkyil 'khor bzhi po bsus nas
 su? zhes bya ba'i mthar thug pas so/ /rlung gi dkyil 'khor gzhu'i rnam pa can mdog sngon po/ /nam mkha' khams kyi dbus gnas pa zhes bya ba mkha' i dbus su bsgom par bya'o/ /de yang hUM gnyis yi gi sa bon las skyes pa yin te/ ngos gnyis hUM nag po gnyis kyi dbus na gnas pa'i
 yi yig sngon po yongs su gyur pa yin no/ /rdo rje gnyis ldan pa zhes bya ba ni yi ge hUM gnyis po nyid kyi ngos gn is su bskyed pa'i rdo rje rtse lnga pa nag po gnyis kyis mtshan pa'o/ /de'i steng du ni me'i dkyil 'khor gru gsum kha dog dmar po bsgom par bya'o/ /hUM gnyis ngal gri
 zhes bya ba la sogs pa ni snga ma bzhin? no/ /sa bon gyi yi ge dmar po yin no/ /zhes bya ba'i khyad par yin no/ /me'i dkyil 'khor de'i steng du ni chu'i dkyil 'khor zlum po mdog dkar po bsgom mo/ /de la yang hUM gnyis maM gyi sa bon laS zhes bya ba la
 sogs pa ni snga ma bzhin yin la/ sa bon gyi yi ge kha dog dkar po yin no/ /zhes bya ba ni khyad par yin no/ /chu'i dkyil 'khor de'i steng du ni sa'i dkyil 'khor gru? bzhi pa mdog ser po bsgom par bya'o/ /hUM gnyis laM gyi sa bon zhes bya ba la sogs pa ni snga ma bzhin du
 bshad par bya'o/ /sa bon gyi yi ge mdog ser po yin par shes par bya'o/ /'di thams cad rnam par bsams nas dkyil 'khor bzhi bo bsdus pas rdo rje'i rang bzhin gyi sa'i dkyil 'khor tsam bsgom par bya'o/ /sgom pa de la khang pa btsegs ma bsgom par bya'o zhes
 ston pa ni/ der ni zhes bya ba nas bzung ste rnga yab sogs kyis rnam brgyan po'i shes bya ba'i mthar thugs pas so/ /rdo rje'i rang bzhin gyi sa'i cha der ni yi ge a yongs su gyur pa'i chs 'byung dkar po gru gsum pa rnam par bsams nas re'u bu ga'i dbus su kha dog sna tshogs
 pa'i baM g yi sa bon las skyes pa'i sna tshogs pad+ma'i lte bar yi ge hUM mdog sna tshogs pa y ongs su gyur pa'i sna tshogs rdo rje'i lte bar la bruM yig dkar po rnam par snang mdzad kyi rang bzhin rnam par bsams nas de yongs su gyur pa las khang pa rtsegs ma bsgom par
 bya'o/ /zhes bya bar dgongs ba'o/ /de lta bu'i khyad par can lha dang mi rnams las 'das pa'i khang bzangs mchog sa'i dkyil 'khor gyi steng du rnam par bsams te/ gnas ci lta ba bzhin sna tshogs pad+ma'i steng du zla ba dang nyi ma la sogs pa'i gdan yang rnam
 par bzhag nas gzhi yongs su rdzogs par sngon du 'gro ba can gyi rdo rje gsum bskyed pa bsgom par bya'o/ /zhes gsungs pas na rang nyid tha mal pa'i nga rgyal spangs nas yud tsam la bdag nyid dkyil 'khor ba'i ltas bskor ba'i rdo rje 'chang gi rang bzhin du bsgom par bya'o/
 zhes ston pa ni bdag nyid phyag rgya dang ldan zhing zhes bya ba bzung ste/ steng du de bzhin bsam par bya/ zhes bya ba'i mthar thug pas so/ /'di thams cad ni go bar sla bas ma bshad do/ /'di dag ni phyag dang mdog dang mtshan ma dang gdan bzhi ni dkyil 'khor spro ba'i bsdus? su brjod par bya ba
 yin pas 'dir ma bstan to/ /de'i rjes thogs su phung po lnga ni mdor bsdu na/ sangs rgyas lngar ni rab tu grags/ /rdo rje skye mched bdag nyid ni/ /byang chub sems dpa' i dkyil 'khor mchog/ sa ni spyan ma yin par brjod/ /chu khams mA ma kIr brjod de/ /me ni gos dkar zhes bya
 yin/ /rlung ni sgrol mar rab grags te/ /sngags pas gzugs dang sgra sogs kyis/ /lha ni rab tu bsgom par bya/ /zhes bya ba rgyud kyi don mngon du byas nas mos pas yongs su bsgoms pas thams cad lus kyi dkyil 'khor la gzhug par bya'o/ /zhes ston pas gsungs pa ni
 yod? ci bzhin zhes bya ba la sogs pa'o/ cho ga ji lta ba bzhin pa ni shar la sogs pa'i phyogs rnams su goms rims las ma 'das par dgos pa'o/ /de dag kha sbyor rnal 'byor gyis zhes bya ba ni/ de dag gzugs kyi phung po la sogs pa rnams su bsdus pa nyid kha sbyor
 yin la/ de ni rnal 'byor gyi ting nge 'dzin bsgom pa ste/ des dkyil 'khor gyi bdag po'i rang bzhin du gyur pa'i rang gis lus gzhug par bya'o/ /de'i 'og tu ji zhig bya zhe na brjod pa/ lus 'khor la brten zhes bya ba la sogs pa'o/ /ji lta ji lta ba bzhin du lus kyi 'khor
 lo la bsten pa'i sangs rgyas de rnams de ltar 'chad par 'gyur ba'i tshul du ji lta ji lta ba bzhin du bsams nas te bkod nas phyi rol kyi dkyil 'khor lus kyi dkyil 'khor du zhugs par gyur pa na de bzhin gshegs pa thams cad rdul phra rab gyi yongs su bsgrubs pa'i
 rang bzhin don dam pa'i 'khor lo de byed par gyur pas de bzhin nyid du ste/ 'od gsal bar bzhug par bya ste zhugs par bsgoms par bya'o/ /'di nyid ston pa ni de bzhin gshegs pa'i tshogs pas bsad na zhes bya ste/ de bzhin gshegs pa'i tshogs ni de bzhin gshegs pa la sogS
 pa'i 'khor lo ste/ gzugs kyi phung po la sogs pa'i ngo bo nyid do/ /bsang na zhes bya ba de bzhin nyid du bzhug na'o/ /de ltar yin na dngos grub ste/ phyag rgya chen po la sogs pa ste ldang ba zhes bya ba'i don to/ /de 'thob ci rnyed par 'gyur ro/ 'di ni rtsa ba'i rgyu yin la
 'di yi don de bzhin gshegs pa la sogs pa rnams gzugs kyi phung po la sogs pa gzhug pa sngon du 'gro ba can gyi 'od gsal bar gzhug pa'i mtshan nyid ni bshad pa'i rgyud rdo rje phreng ba zhes bya bar ji ltar gsal bar 'gyur bI? de ltar bcom ldan 'das zhes bya ba kho nas phyung sta rnam par phye ba
 yin no/ /ji ltar phye ba yin zhe na/ ji bzhin zhes bya ba'o/ /gzugs phung zhes bya ba ni/ gzugs kyi phung po'i ngo bo nyid rnam par snang mdzad de/ /'di ni gzugs kyi phung po'i nang du 'du ba yin no/ /me long rtogs pa ni gshin rje mthar byed de/ lag pa g.yon par 'du ba'o/ /sa'i khams ni spyad
 ma ste sar 'du ba yin no/ /mig gi dbang po ni sa'i snying po ste mig dag hu'o/ /gzugs ni gzugs rdo rje ma ste gzugs thams cad la'o/ /khro bo dang ni byams par ldan zhes bya ba la/ khro bo ni mi g.yo ba ste/ rtsib logs g.yas par ro/ /byams pa ni mgo bor ro/ /'dis ni mtshams pa/
 bsam pa'i ? na gnas pa'i lha rnams nang du 'du bstan pa yin no/ /tshor pa'i phung po rin chen 'byung pa ste tshor pa'i phung po'i nang du 'du bar 'gyur ro/ /mnyam nyid ni nam mkha' i snying po snar ro/ /chu khams ni mA ma ki ste chu rnams su'o/ /rna ba'i dbang po na phyag na rdo rje ste/ rna
 gnyis su'o/ /sgra ni sgra rdo rje ma ste sgra rnams su'o/ /khro bo gnyis dang yang dag ldan zhes bya ba ni Tak+ki dang shes rab mthar byed dag ste/ rin pa ji ltar rtsib logs g.yon pa dang yang na g.yon pa dag tu'o/ /'dis ni mtshams dang bcas pa'i lho phyogs na gnas pa'i lha rnams kyi
 khongs su 'du ba brjod do/ /'du shes ni 'od dpag med de/ 'du shes kyi phung po'i nang du'o/ /so sor rtog pa ni 'jam dpal de yid du'o/ /bsreg za ni sgrol ma ste me'i khams su'o/ /sna'i dbang po zhes bya ba ni snas nye bar mtshon pa ste lce yin pa zung ngo/ /des sna'i dbang po'i sgra ni lce'i
 dbang po la bzhed pa yin la/ /nges lta yid dang lce'i dbang po ni 'jig rten dbang phyug yin pas lcer 'du bar 'gyur ro zhes bya ba'i don 'di gzhung btsugs par blta'o/ /dri ni dri rdo rje ma ste dri rnams su'o/ /khro bo gnyis dang yang dag ldan zhes bya ba ni/ dbyug sngon can dang pad+ma mthar byed dag?
 ste go rims ji lta bar pus mo g.yas pa dang khar 'du'o/ /'dis ni mtshams dang bcas pa'i nub phyogs na gnas pa'i lha rnams kyi nang du brjod pa yin no/ /'du byed ni don yod grub pa ste 'du byed kyi phung por 'du'o/ /bya ba grub pa ni kun tu bzang po sta tshigs rnams thams cad du'o/ ?
 sgrol ma? ste rlung gi khams su'o/ /lce'i dbang po zhes bya ba ni khams rnams kyi don du ma yin pa'i phyir myong bar byed cing reg par byed pa zhes bya bas/ lce'i dbang po'i sgras ni reg pa'i dbang po la bzhed do/ /des na sgrib pa thams cad rnam par sel ba lus thams cad du 'du ba yin zhes rig par
 pa'o/ /de ni ro rdo rje ma ste ro rnams su'o/ /khro bo gnyis dang yang dag ldan zhes bya ba ni/ stobs po cha dang bgegs mthar byed dag ste rim pa ci lta ba pus mo g.yon pa dang rdo rje dag tu rjes su zhugs pa'o/ /'dis ni mtshams dang bcas pa'i byang gi phyogs na gnas pa'i lha rnams nang du 'du ba rab bya
 bstan to/ /steng 'og khro bor yang dag ldan zhes bya ba ni gtsug gtor 'khor lo sgyur ba dang gnod mdzes rgyal po dag ste grangs ci lta ba bzhin spyi bo dang rkang pa'i mdza' ma gnyis su 'dus so/ /rang bzhin du ni snang nyid bya ba zhes bya ba rang bzhin to bcom ldan 'das kyi ngo bo nyid lta bur snang ba'i
 rnam pa gang la yod pa bcom ldan 'das kyis gzigs te/ rang bzhin du snang ba bcom ldan 'das kyi gzugs de ni rnam shes phung por zhugs par 'gyur ba yin no/ /'dis ni lha dang lha mo dag kyang 'ong gsal bar zhugs pa bstan pa yin no/ /'di ni rjes su gzhig pa zhes bya ba'i man ngag
 yin par rig par bya'o/ /da ni tshigs su bcad pa phyed kyis 'khrul pa zhi bar bya ba'i don du 'od gsal brjod par byed pa'i sgra rnam grangs gsungs pa ni/ mya ngan 'das dang/ zhes bya ba la sogs pas so/ /brjod pa yin zhes bya ba'i sgrar byas shing rab tu bsgrags pa'o/ /de ltar re zhig 'ong gsal zhugs
 pa brjod nas brtan pa bskyed par bya ba'i don du/ gdon mi za bar brjod par bya ba'i gsang sngags brtan par bya ba'i don gsungs pa ni/ brtan par bya ba'i don du ni/ zhes bya ba la sogs pa'o/ /'di ni zhes bya ba ni de ma thag tu brjod bzhin pa ste/ oM shU? nkha? hA zhes bya ba
 la sogs pa'i sngags so/ /ci'i don du brtan pa bskyed par bya zhe na/ 'di ni don dam dkyil 'khor te/ zhes bya ba la sogs pa'o/ /gang gi phyir 'di ni don dam ste bcos bu ma yin pa lhan cig skyes par 'gyur pa'i dkyil 'khor yin te/ snang ba med cing 'od gsal ba ma dag
 pa'i snang ba gsum dang bral bzung 'jug ni sku'i mtshan nyid can te/ mtshan ma 'am rgyur ba yin la/ de nyid kyi phyir de bzhin gshegs pa kun gyi gnas te/ gzhi yin pa dang/ don dam bden pa zhes kyang bya/ /zhes bya ba don daM pa'i bden pa'i ming du yang rab tu grags pa/ de'i phyir
 'di dran pa'i dgos pa ched du byas nas brtan pa bskyed par bya ba yin no/ /de ltar stong pa nyid la dmigs pas nyes pa'i dri ma thams cad bkrus pa na/ rdo rje sems dpa' phyag rgya chen po'i rang bzhin rim pa 'dis bskyed par bya'o/ /zhes pa bstan pa'i phyir gsungs pa ni/ sngags dang zhes?
 bya ba la sogs pa'o/ /sngags kyi yi ge las byung ba'i sku phyag rgya chen po'i bdag nyid can kyi sbyor pa gang yin pa'i sngon byas pa'i smon lam gyi 'phen pa de yis lha dmigs par byed pa la ldang ba ste/ grub pa yang bstan par bya ste/ de ma thag tu zhes bya ba kho nas dbyung ngo/ /ji ltar zhe na gsungs
 pa ni nam mkha' zhes bya ba la sogs pa'o/ /nam mkha' i khams ni nang gi rim pa ste/ lha sa stong bas na nam mkha' dang chos mtshungs pa'i phyir ro/ /de'i dbus su gnas pa dzam+bu'i 'bras bu smin pa lta bu'i cung zad dmar ba'i nyi ma'i dkyil 'khor yi ge hUM las skyes pa rnam par bsgoms
 te/ de'i dbus yi ge oM dkar po yongs su gyur pa'i zla ba dkar po bsam mo/ /de'i de ma thag tu zla ba de la ya dmar pos bskyed pa'i pad+ma 'dab brgyad pa rnam par bsgoms la pad+ma'i lte ba'i steng du sa bon gsum po de nyid dgod par bya'o/ /zhes bya ba ni man ngag yin no/ /sngags dang pad+ma nyi
 mang? gces? bya ba nas bzung ste/ rjes su rnal 'byor brtsam par bya zhes bya ba'i mthar thug pa ni rtogs sla'o/ /rjes su rnal 'byor de gang yin zhe na/ brjod pa ni zla pa'i dbus su zhes bya ba la sog spa'o/ /chos kyi dbyings kyi rang bzhin gyi zla ba de nyid kyi dbus su/ /sngar brjod zin pa'i sa bon gsum
 bkod nas de gnyis gyur pas mngon par byang chub pa rnam pa lnga mtshon par byed pa'i rdo rje rnam par bsgoms nas de yongs su gyur nas rdo rje sems dpar bsgom par bya'o/ /zhes bya ba ni bsdus pa'i don to/ /de ltar re zhig rdo rje sems dpa' bsgoms la rdo rje sems dpa' skyel? bstan
 pa yin no/ /yang gang gi tshe rnam par snang mdzad la sogs pa gtso bo nyid du bsgom par 'dod pa de'i che ni zla ba'i dkyil 'khor gyi steng du sa bon gsum yongs su gyur pa las de rnams kyi mtshan ma bltas nas bsgom par bya'o/ /de dag gi rang rang gi gnas su ni bstan ? ma thag
 rdo? rje sems dpa' blta bar bya'o/ /gal te yang sngar mos pa'i dkyil 'khor bsgoms pa'i skabs su rdo rje sems dpa' reg rdo rje ma la snyoms par zhugs pa bstan na yang/ de bzhin gshegs pa gzhan bzhi po bdag nyid ci lta ba'i shes rab kyi mgul rna 'khyud pa'i rnams rang
 gi? gnas rdo rje sems dpa' gzhag nas gtso bor gyur par de dang de la mos pa rnams kyis bsgom par bya ba yin no/ /dkyil 'khor pa gzhan pa'i khams la sogs pa rnams skyong bar byed pa brjod pa rnams la ni gtso bo nyid yod pa ma yin te/ sa ni spyan ma yin par brjod ces bya
 ba la sogs tha gsungs pa yin no/ /rnam par snang mdzad la sogs pa mang rjes su zhugs pa yin mod kyi/ skabs las 'ongs pa ni mi bskyod pa rjes su zhugs par bya ba yin no zhes ston pas brjod pas so/ /mi bskyod pas rjes su zhugs pa zhes bya ba la sogs te/ tshigs su
 bcad? pa 'di yang go sla bar ro/ /mi bskyod pa rjes su zhugs pa'i don du gzhi 'di ba bas brjod pa ni/ rdo rje 'khor lo zhes bya ba la sogs pa ste/ tshigs su bcad pa 'di yis ni kun? da? zla ba lta da dkar ba'i bcom ldan 'das de nyid kyi phyag g.yas g.yon dag tu bsgom par bya/ 
 ba'i mtshan ma brjod pa yin no/ /da ni 'di nyid lha thams cad kyi bdag nyid can du gyur pa na/ sngags bkod pa'i don kyi shugs kho nas gdul bya'i skye bo thams cad kyi spyod yul du 'gyur ro zhes bstan pa'i don du sa bon dgod pa gsungs pa ni de nas zhes bya ba nas
 brtsams te/ gnod mdzes rgyal po bkod par bsam/ zhes bya ba'i mthar thug pas so/ /'dir gzugs dang sgra dang dri dang ro rnams kyi sa bon dza(rgyud 'grel du bsgom mo/ /lha rnams kyi sa bon nyid thams cad ni 'chad par 'gyur ba'i tshul gyis bdag nyid ji lta ba'i mtshan ma dang gdan dmigs nas/ de'i gdan gyi steng na gnas pa'i mtshan ma'i nang du chud par bsgom par bya ba yin no/ /gshin rje mthar byed la sogs pa khro bo bcu po rnams
 ni yi ge haM raM po bcu las yongs su gyur pa phyag la sogs pa'i cha rnams na rang gi phyag mtshan yod par sgom mo zhes bya ba ni man ngag go/ de ltar re zhig rnal 'byor gsum rdzogs nas lus kyi dkyil 'khor dang ldan pa'i rnal 'byor pas/ sgrub pa chen po'i thabs su gyur pa rnal 'byor
 chen po bsgom par bya'o zhes bstan pa'i don du gsungs pa'o/ /phud sogs cho ga sbyin du ni zhes bya ba la sogs pa ste/ tshigs su bcad pa 'di yang go sla'o/ /rnal 'byor chen po yang gang zhig yin/ /snyam na zla ba'i dkyil 'khor zhes bya ba nas brtsams te/ 'di gnyis brjod pas gsol
 ba gdab ces bya ba'i mthar thug pa'o/ /'dir don ni 'di yin te/ mgo'i nang du oM dkar po las yongs su gyur pa'i 'khor lo rtsibs brgyad pa'i lte ba'i nang na gnas pa'i zla ba'i steng du yi ge oM bsams la de'i mthu las spyan ma 'chang bar 'gyur ba'i mdog dang phyag rgya dang
 mtshan ma dang ldan pa mang po nam mkha' i mthongs thams cad khyab par spros par bsgom mo/ /de'i 'og tu sa bon de nyid las spros pa'i bcom ldan 'das rnam par snang mdzad 'chang par 'gyur ba'i mdog dang phyag dang mtshan ma can yang nam mkha' thams cad khyab par spros pa'i
 rang gi 'khor lo'i dbus na bzhugs pa spros te/ sgrub pa po'i mdun gyi yul du gsol ba gdab par bsam mo/ /sgrub pa po'i bcom ldan 'das de la gus pa sngon du 'gro bas tshigs su bcad pa 'di gnyis kyis gsol ba gdab par bya'o/ /de nyid brjod pa ni/ dpal ldan sangs rgyas sku bcad?
 ba la sogs pa'o/ /dpal ni spyan ma ste de gang la yod pa de dpal ldan no/ /sangs rgyas ni dus gsum du bzhugs pa'i de bzhin gshegs pa rnams so/ /de rnams kyi sku de'i bdag nyid kyis 'jig par byed pas ni sangs rgyas sku 'chad do/ /rdo rje gsum ni rdo rje 'chang chen po ?/ de dang mi
 phyed cing bdag nyid gcig tu bsgom pa'o/ /bdag la ste/ bdag gi lus la de'i byin gyis brlabs kyis gnas te/ bzhugs par mdzod cig pa'o/ /sku'i rdo rje ni rnam par snang mdzad do/ /de ltar bdag po la gsol ba btab nas/ de'i 'khor lo la gsol ba'i don du brjod pa ni phyogs?
 bcur bzhugs pa'i zhes bya ba la sogs pa'o/ /'di yi don yang snga ma bzhin rtogs par bya'o/ /de ltar bcom ldan 'das la gsol ba btab na gang du gyur pa de bstan pa'i phyir spyan ma dang lhan cig ces ba la sogs pa'o/ /gsol ba btab ma thag tu mdun na bzhugs pa'i bcom ldan 'das
 'phros pa'i bdag nyid kyi rang bzhin rnam pa de lta bur spyan ma dang snyems par zhugs pa bsgom par bya'o/ /de'i rjes la phan tshun rjes su chags pas bde ba chen po'i rang bzhin du gyur te/ 'od zer dkar po'i gzugs kyis sgrub pa po'i mgo yi phyogs su zhugs nas phung po lnga po rnams
 gyi gang ba'i lus 'dis byin gyis brlabs po zhes bya ba ni bsdus pa'i don to/ /de nas sgrub pa po re ba la smon pa ni/ sangs rgyas kun gyi sku gang zhig/ phung po lngas ni rab gang ltar/ /sangs rgyas sku yi rang bzhin gyis/ /bdag gi yang ni? de 'drar shog/ ces bya ba ste/ sku'i rdo rje sangs rgyas kun gyi
 sku gang zhig/ gzugs la sogs pa'i phung po lngas rab tu brgyan pa'o/ /gang zhig ces bya ba ni ji ltar ste/ skyes bu chen po'i mtshan sum cu rtsa gnyis la sogs pa'i rang bzhin gang gis bzhugs pa ltar/ /sangs rgyas sku'i rang bzhin te/ rnam par snang mdzad kyi sku'i ngo bo nyid kyis
 bdag nyid kyi yang ni de 'drar shog ste lus shog cig ces khong nas dbyung ngo/ /'di bstan par bya ba'i don du gdon mi za bar brjod par bya ba'i sngags gsungs pa ni oM zhes bya ba la sogs pas so/ /de ltar de zhig sku rdo rje rdzogs nas rim pa 'dis ?
 gsung rdo rje bsgrub bar bya'o zhes ston par byed pa ni/ lce'i pad+ma'i zhes bya ba la sogs pa'o/ /lce'i rtsa pa mgrin pa zhes bya ba'i ming gzhan dang ldan pa'i steng gi zla bar yi ge a dmar po las yongs su gyur pa'i pad+ma dmar po'i dbus kyi zla ba la gnas pa'i sa bon de nyid las nges
 bar byung ba'i gos? dkar mo 'chad par 'gyur ba'i mdog dang mtshan ma can sems can gyi don du spros ba'i tshul gyis nam mkha' i phyogs thams cad khyab par bsgoms nas so/ /rdo rje gsung zhes bya ba'i sa bon de nyid las spros pa ste/ 'chad par 'gyur ba'i mdog dang phyag la
 sogs pa can 'phro ba dang 'du ba'i rang bzhin spros pa'i rang gi 'khor lo de'i? dbus na bzhugs pa/ skyes bu chen po'i mtshan la sogs pas brgyan cing/ rang gi mdun na bzhugs pa gsol pa gdab par bya ba bsgom par bya'o zhes bya ba ni tshigs su bcad pa gnyis gyi don te/ da ni gsol
 ba gdab par bya ba'i don du tshigs su bcad pa gnyis brjod pa ni/ dpal ldan gsung gi zhes bya ba la sogs pa'o/ /dpal ni ta ra ste/ de dang ldan pa'i phyir dpal ldan no/ /chos ni 'od dpag med gsung gi rang bzhin yin pa'i phyir ro/ /mi phyed rdo rje zhes bya ba la sogs pa ni sngags? bzhin no//
 bdag la te bdag gi bdag la byin gyis brlob kyi na bzhugs pa mdzod cig pa'o/ /gsung gi rdo rje ni rdo rje gsung ldan no/ /'di yi 'khor lo la gsol ba gdab pa snga ma khon bzhin no/ /gsol ba gdab ma thag tu gsung gi rdo rje byin gyis brlab brjod pa ni rang gi bdag po dang zhes
 bya ba la sogs pa ste/ bcom ldan 'das 'od dpag med 'chad par 'gyur ba'i mdog dang phyag la sogs pa dang ldan pa thams cad spros pa'i rang bzhin can 'chad par 'gyur ba'i mdog dang phyag la sogs pa'i can gyi dkar mo dang lhan cig kha sbya bar gyur nas phan tshun rjes su chags
 bar sngon du song? ba? cen gyis 'od zer dmar pa'i rang bzhin gyis kha sgo nas zhugs te/ lce'i pad+ma bzhugs shing sgrub pa po de'i dag byin gyis brlab pa zhes bya ba ni bsdus pa'i don to/ /de ni re ba? smon par rjod? pa ni/ rdo rje chos kyi gsung gang zhig zhes bya ba la sogs pas so/ /rdo rje chos zhes bya
 ba 'od dpag med kyi gsung ste brjod pa gang zhig thob pa'o/ /ci 'dra ba zhe na/ nges par brjod pa ni nges tshig ste/ gang dag la de phun sum tshogs pa yod pa de dag ni nges pa'i tshig phun sum tshogs pa'o/ /nges tshig smos pa nye bar mtshon pa ste/ de na chos dang don dang spobs pa rnams bzung ba/
 yin no/ /bdag gi tshig kyang de 'dra ste/ de dang 'dra bar brjod par ro/ /chos 'dzin pa dang 'drar gyur ba zhes bya ba ni chos 'dzin pa dang/ 'dra ba bdag gi yang de 'dra bar shog cing gyur cig pa'o/ /bstan par bya ba'i don tu brjod par bya ba'i sngags ni/ oM zhes bya ba la sogs pa yin no/ /
 da ni sems byin gyis brlab pa ston pas/ sngags pa snying gar zhes bya ba la sogs pa'o/ /snying gar zla ba'i dkyil 'khor gyi steng du yi ge hUM sngon po las skyes pa'i rdo rje rtse lnga pa'i nang na gnas pa'i zla ba la 'od zer rnam pa lnga rnam par 'phro zhing mdangs 'bar ba'i hUM bsams nas/
 de nas lha mo mA ma kI mdog dang phyag la sogs pa 'chad par 'gyur ba dang mthun pa spro ba dang sdud pa'i rang bzhin can spro bar bya zhing bcom ldan 'das mi bskyod pa 'chad par 'gyur ba'i mdog dang phyag la sogs pa can spro ba dang bsdus pa'i rang bzhin can rang gi lha mo'i
 'khor lo'i dbus na rnam par bzhugs pa bdag nyid kyi mdun du bsams la gsol ba gdab po/ /zhes bya ba'i tshigs su bcad pa gnyis kyi don to/ /snga ma bzhin gsol ba 'debs ba'i don du tshigs su bcad pa gnyis brjod pa ni dpal ldan thugs kyi zhes bya ba la sogs pa'o/ /dpal
 ldan ni mA ma kI dang yang dag par ldan pa'i phyir ro/ /rdo rje lta bu'i thugs ni thugs rdo rje ste/ 'khor ba dang mya ngan las 'das pa dag gis ma gos pa'i phyir ro/ /de lta bur gyur ba'i thugs mda' ba ni thugs kyi rdo rje 'chang ste mi bskyod pa'o/ /lhag ma ni snga ma yin no de bzhin du 'di
 yi 'khor lo la gsol ba gdab pa yang snga ma kho na bzhin no/ /de ltar gsol ba btab par gyur ba na gang zhig bsgom par bya ba de bstan pa'i phyir gsungs pa ni thugs kyi rdo rje dang bcas pa zhes bya ba la sogs pa'o/ /bcom ldan 'das mi bskyod pa yang dag
 par spro bar bya ba'i bdag nyid kyi rang bzhin 'chad par 'gyur ba'i mdog la sogs pa can/ spros par gyur ba'i bdag nyid kyi rang bzhin can gyi mA ma kI 'chad par 'gyur ba'i mdog la sogs pa dang/ ldan pa dang lhan cig kha sbyor du gyur nas phan tshun rjes su chags pas bde ba chen
 po'i rang bzhin nyams su myong bar gyur nas 'od zer nag po'i rang bzhin gyis snying gang zla ba bzhugs pas sems byin gyis brlab par bya'o zhes bya ba ni tshigs su bcad pa'i don to/ /phyis re ba smon par bya'o zhes gsungs pa ni kun tu bzang po zhes bya ba la sogs pas so/ /kun tu bzang
 po ni mi bskyod pa'o/ /gsang dbang po zhes bya ba la gsang ba ni gnyis med kyi ye shes so/ /de ka ya ti ste/ brjod par byed pas na gu hya ka'o/ /ka'i sgra ni sa khams so/ /dbang byed pas ni dbang ste/ dbang phyug dam pa'o/ /gsal ba ston ba rnams kyi dbang po ste/ de kho na ston pa rnams kyi gtso
 bor gyur pa zhes bya ba'i don to/ /blo ldan ni reg bya rdo rje ma dang yang dag par ldan pa'o/ /rnam pa de lta bu'i sems gang yin pa dang 'dra bar rdo rje 'dzin pa dang mtshungs par gyur pa bdag gi sems kyang gyur cig ces bya ba ni gsol ba yin no/ /sems byin gyis rlob pa'i sngags ni oM zhes
 bya ba la sogs pa'o/ /de ltar re zhig so sor byin gyis brlabs nas/ nga ni bdag nyid thams cad byin gyis rlob pa brjod pa ni de ltar zhes bya ba la sogs pa'o/ /tshigs su bcad pa 'di yang go bar bsla'o/ /byin gyis rlob pa'i man ngag kyang so sor byin gyis brlab pa bzhin no/ /sngags kyang oM zhes
 bya ba la sogs pa yin no/ /de ltar dam tshig sems dpa' bsgoms nas ye shes sems dpa' bsgom pa'i don du gsungs pa ni/ de ltar byin gyis brlabs nas bdag ces bya ba la sogs pa'o/ /de ltar brjod zin pa'i rim pas so so ba dang bsdams nas bdag nyid de bzhin gshegs
 pa rnams kyis byin gyis brlabs par byas nas so/ /zla ba'i dkyil 'khor gnas shing zhes bya ba ni sngar brjod pa'i tshul gyis sa bon dang mtshan ma yongs su gyur pa sngon du 'gro ba can/ rgyu'i rdo rje 'chang dam tshig sems dpa' zhes bya ba'i ming gzhan dang ldan pa/ rdo rje dang dril bus nye bar mtshon cing/
 zla ba'i gdan la bzhugs pa mtshan ma drug dang zhes bya ba sngar brjod pa'i tshul la sogs pa phyag na gnas pa dang ldan pa bsams par bya'o/ /snyam du dgongs pa'o/ /de'i thugs kar ni phyag la sogs pa rang nyid dang 'dra ba'i ye shes sems dpa' mdog dmar po rnam par bsgoms
 nas de'i thugs kar zla ba'i dkyil 'khor gyi steng du yi ge hUM sngon po bkod de/ rnal 'byor chen po'i ming can sems pa gsum gyi bdag nyid la dbang bskur bar gyur pa na bdag nyid mi bskyod pa'i cod pan dang ldan par bsgom mo/ /de ltar rnam par bsgoms nas bsgrub pa chen po bya ba gsun
 pa ni/ de ltar zhes bya ba la sogs pa'o/ /bsgrub pa'i sbyor ba 'di yis zhes bya ba ni 'chad par 'gyur pa'i sgrub pa'i cho ga 'dis so/ /bsgrub pa chen po zhes bya ba 'dis rdo rje 'chang la sogs pa chen po rnams sgrub pas na sgrub pa chen po'o/ /sgrub pa ni skyod pa la sogs pa byed pa yan lag
 dang bcas pa ste/ de brtsam par bya ste zhes bya ba'o/ /da ni gzhi 'di snga pa brjod pa ni gzugs dang zhes bya ba la sogs pa'o/ /tshor ba ma zhes bya ba ni chos bstan pa la sogs pas sems can thams cad kyi sems dga' zhing sgyur bar byed pas de bskyed pa'i 'o/ /legs brlabs shing zhes
 bya ni rang dam gzhan gyi gso sbyong la sogs pa byin pa'i tshul gyis yongs su sbyangs pa'i phyi rol gyi bud med de rdo rje sems dpa' skyed pa bzhin du dkar ba dang dmar ba dang nag po'i bdag nyid can gyi yi ge gsum gyis reg bya rdo rje ma'i rang bzhin bskyed la/ rag tu bslangs nas 'khyud la
 bsgrub ba chen po brtsam par bya'o/ /zhes snga ma dang 'brel to/ /de rigs lnga'i tshogs su rim gyis ston pas/ brjod pa ni/ e yig zhes bya ba la sogs pa ste/ oM yig ni spyi bor zla ba'i steng gi srog dkar po las yongs su gyur pa'i 'khor lo dkar po'i lte ba'i zla ba la gnas pa'i srog dkar  
 po'i a yig ces bya ba ni/ lce rtsa'i steng du a dmar mo las yongs su gyur pa'i pad+ma dmar po lte ba'i dbus kyi zla bar gnas pa'i yi ge a dmar po'o/ /hUM dang zhes bya ba ni/ snying gar nyi ma'i dkyil 'khor gyi steng du yi ge hUM sngon po las yongs su gyur pa'i rdo rje
 sngon po rtse lnga pa'i lte ba'i dbus nas gnas pa'i nyi ma'i yi ge hUM sngon po'o/ /lte bar swA zhes bya ba ni/ lte bar zla ba'i steng du yi ge swA ser po las yongs su gyur pa'i rin po che mdog ser po la gnas pa'i zla ba'i swA mdog ser po'o/ /rkang pa gnyis la ? des bya ba ni brla gnyis su zla ba'o/ /steng
 du yi ge ha sngon po gnyis las yongs su gyur pa'i sna tshogs rdo rje 'od zer dang bcas pa'i lte ba gnyis la gnas pa'i zla ba gnyis la ha sngon po gnyis dgod par bya'o/ /sa bon 'di thams cad ni rang rang gi gtso bo'i mdog can du dngos su 'am mos pas bsgom par bya ba yin no
 spyan dang zhes bya ba la sogs pa ni spyan ma la sogs pa'i lha mo bzhis so/ /sa la sogs ba'i khams bzhi la/ rang rang gi mtshan ma'i dbus na gnas pa'i zla ba'i dkyil 'khor du mo ha ra ti zhes bya ba la sogs pa'i sa bon gyi rang bzhin du bsgom par bya ba yin no/ /lha mo rdo rje gzugs sogs
 rnams zhes bya ba ni gzugs rdo rje ma dang/ sgra rdo rje ma dag dri rdo rje ma dang/ ro rdo rje ma dang ni bcom ldan 'das ma de'i phyi rol dang nang gi bdag nyid can gyi gzugs dang sgra dang dri dang ro rnams la 'chad par 'gyur ba'i tshul gyis rang rang gi sa bon ma'i dbus na gnas pa'i zla pa'i dbus su sngar
 brjod pa'i rang gi sa bon gyi bdag nyid du bsgom par bya'o/ /de dag sa snying la sogs pa zhes pa ni sa'i snying po dang phyag na rdo rje dang nam mkha' i snying po dang 'jig rten dbang phyug gi sa bon bdag nyid mig la sogs pa'i dbang po la gnas pa'i 'dzin par byed pa'i rang bzhin rnams dang
 snyoms par zhugs pa ste bzung bar bya ba yin bar gzugs rdo rje ma la sogs pa de dag bsgom par bya'o/ /byang chub sems dpa' gzhan bzhi po byams pa dang 'jam dpal dang sgrib pa thams cad rnam par sel ba dang kun tu bzang? po zhes bya ba rnams ni rim pa ci lta ba bzhin mgo bo
 dang yid dang lus dang mtshams rnams su/ sa bon gyi bdag nyid du rnams par gnas par bsgom mo/ /lag pa g.yas zhes bya ba la sogs pa ni khro bo bcu po rnams kyi lha mo rnams dang rang gi bdag po dang phyag la sogs pa 'dra bar/ snga ma kho na bzhin yi ge hUM ring po mdog sngon po rnams
 las yongs su gyur pa reg rdo rje ma'i yan lag gi gnas rnams su bsgom par bya'o/ zhes bya ba ni bsdus pa'i don to/ /sa'i snying po nas brtsams te/ sa 'dzin gyi mdza' thug pa'i lha'i rang bzhin 'di rnams kyi sa bon ni rang rang gi mtshan ma'i dbus na gnas pa'i nyi ma dang zla ba la bsgom par
 bya ba yin no/ /rdo rje ro langs ma la sogs pa ni sa'i sa bon las yongs su gyur pa'i dngos kho nang bsgom par bya ba ni khyad par yin no/ /brjod zin pa'i tshul de ltar lha mo de legs bar sbyangs nas de lha mo la sogs pa bgod pas tha mal pa'i bud med kyi rang bzhin spangs te rnal
 'byor bas de rdo rje sems dpa' i rnal 'byor dang ldan pas rdo rje pad+ma brtsams zhes bya ba ni rdo rje dang pad+ma yongs su gyur ma thag du 'chad par 'gyur ba'i tshul gyis brtsams par bya'o/ /'di ni re zhig phyi rol gyi bud med yongs su sbyod ba brjod pa yin no/ /gal te phyi rol gyi bud med med par gyur
 na de'i tshe rnam par rtog pa la gnas pa'i reg rdo rje ma la yang yongs su sbyong ba 'di nyid bya ba yin no/ /da ni rdo rje dang pad+ma yongs su sbyong ba brjod pa ni/ /sngags pas zhes bya ba la sogs pa nas bzung ste/ de 'og bsgrub pa brtsam par bya zhes bya ba'i mthar thugs pas so/ /hUM yig mthon mthing gyis rang gi
 mtshan ma rdo rje rtse lnga pa nag po 'od zer lnga dang ldan pa bsams nas de'i rtse mo dbus ma la srog dkar po dgod cing/ de'i chos 'byung la yang a yig dmar po las yongs su gyur pa pad+ma dmar po 'dab brgyad pa'i rang bzhin du bsgom par bya'o/ /zhes bya ba ni bsdus pa'i don to/ /de nas oM sarba ta
 thA ga ta zhes bya ba la sogs pa'i sngags kyis/ rin chen 'byung ldan gyi nga rgyal dang ldan pas phan tshun rjes su chags pa sngon du 'gro bas 'khyud pa dang 'o la sogs pa bya'o/ de nas nga rgyal 'di nyid kyis bskyod pa bya'o/ /zhes ston pas brjod pa ni/ yi ge hUM gi glu yis zhes bya ba la sogs pa'
 yi ge hUM gi klu rnam pa mang po brjod cing rdo rje pad+ma'i nang du chud pas rin chen 'byung ldan gyi nga rgyal dang ldan pas bskyod bya ste g.yo bar bya'o de nas rims kyis dga' ba gnyis rtogs par byas nas/ rdo rje'i nor bu'i nang du dga' ba gsum pa skyes pa na/
 nor bu'i rtse mo'i bu ga bgegs par byed pa'i yi ge gnyis rnam par bsams nas dgag par bya zhing yi ge gnyis po 'di nyid brjod par bya'o/ /zhes bya ba ni tshogs? su bcad pa'i don to/ de nas ni lus kyi dkyil 'khor ba'i lha rnams lhan skyes pa'i bde ba nyams su myong nas rtsa'i
 skugs? nas thig le'i gzugs kyis pad+ma'i nang du babs par 'gyur ro/ /'dis ni dga' ba bzhi pa yang yang dag par skye bar gyur ba yin no zhes rig par bya'o/ /de nas ni brta bar gyur ba'i byang chub kyi sems kyis de bzhin gshegs pa thams cad mchod par bya'o/ zhes ston
 bar byed pas gsungs pa ni 'byung ba'i mthar yang zhes bya ba la sogs pa'o/ /spros pa'i byang chub kyi sems kyis don grub pa'i don to/ /sngags ni oM zhes bya ba la sogs pa yin no/ /da ni zhe sdang rdo rje'i bdag nyid kyis dkyil 'khor ba'i lha dag spro bar bya ba yin te/ deS na zhe sdang rdo
 rje'i gnas su 'dug bar bya ba'i phyir gsungs ba ni rang sngags yi ge zhes bya ba la sogs pa'o/ /rang gi sngags kyi yi ge ni badzra d+h+rig ces bya ba'i sngags mdog nag po ste de las skyes ba'o/ /zhes bya ba rdo rje gsum gyis byin gyis brlab pa zhes bya ba ni sku rdo rje la sogs pa'i
 rang bzhin oM a hUM zhes bya ba'i yi ge gsum po mgo dang mgrin ba dang/ snying ga la gnas pas byin gyis brlabs pa rdo rje 'chang gi rang bzhin bdag nyid pad+ma'i nang du ste pad+ma'i khong par bskyed nas de ma thag tu slar yang zhe sdang rdo rjer bskyed bar bya ste mi bskyod bci 'dra
 ba bzhin du bskyed nas bsgom par bya zhe na brjod pa badzra d+h+rig ces bya ba'o/ /mi bskyod ces bya ba ni mi 'khrugs pas na/ mi bskyod ba ste/ rdo rje sems dpa' o/ /des dbu'rgyan byas pa ste/ dbur brgyan pa gang yin pa de la de skad ces bya'o/ /sngo dmar dkar ba'i zhal dang ldan/ zhes
 bya ba ni gtso bo'i zhal ni sngo baM g.yon ni dmar ba g.yas ni dkar ba'o/ /rdo rje zhes bya ba ni rdo rje sngon po rtse lnga ba'o/ /'khor lo zhes bya ba ni 'khor lo ser po rtsibs brgyad pa'o/ /dril bu zhes bya ni mdog dkar po sgra dang ldan pa'o/ /yid bzhin nor bu zhes bya ba ni sems can thams cad bsam
 bsgom par byed pa ste rin po che yid sbyin no/ /ral gri zhes bya ba ni nor bu rin po che la sogs pas brgyan pa'i yu bcan gyi ral gri sngon po rab tu 'bar ba'o/ /'dis ni 'di'i 'khor lo sgyur ba drug gi rang bzhin du bstan pa'o/ /'di ni dkyil 'khor ba gzhan rnams dang/ rgyu'i rdo rje 'chang
 la yang ji ltar srid par rtogs par bya'o/ /des na de lta bur gyur pa'i bcom ldan 'das bsgom par bya ba yin no/ /bcom ldan 'das 'dis ci zhig bya zhe na brjod pa 'di ni zhes bya ba bcom ldan 'das mi bskyod pa ni snying ga nas te de bzhin gshegs pa thams cad
 kyi thugs kyi rang bzhin bud med kyi pad+ma'i nang du babs pa'i byang chub kyi sems las badzra d+h+rika gi sngags kyis bskyed pa byung nas te/ btog nas phyogs bcur rnam par gzigs mdzad de zhes bya ba phyogs bcu na rnam par gnas pa'i sems can kun la lha'i spyan gyis
 gzigs nas/ 'bar ba dang 'tsher ba la sogs pa sangs rgyas kyi cho 'phrul ma lus pa yang mdzad cing de rnams kyi bsam pa ci lta ba bzhin chos kyi 'khor lo yang bskor bas zhe sdang rdo rje'i gnas pa ste/ zhe sdang chen po'i nyon mongs bas nyon mongS pI ? nad dag kyang rnam
 bar sbyangs shing zhe sdang rnam bar byas nas slar byon nas/ rdo rje mgon po ste/ rdo rje sems dpa' i rang bzhin can gyi bsgrub pa po'i spyan sngar 'dug nas so/ /phyi nas sgrub pa pos ci zhig bya? na brjod pa sngags pas de na zhes bya ba la sogs pa ste/ mdun na 'dug pa ste/ bdag nyid
 kyi snying gar bcu gnas bsgom par bya'o/ /sngar gyis gzugs ni zhes bya ba la sogs pa'o/ sngar gyi rdo rje 'chang gi rnam pa mdog dkar po yongs su gyur pa ste/ yongs su spangs nas zhe sdang rdo rje'i gnas la ste/ mi bskyod pa'i rang bzhin la gzhugs par gyur ba na/ bdag nyid in+d+ra
 nI la lta bu nag po 'bar ba ste/ ba spu'i bu gnas byung ba'i 'od zer rnams kyis sku rnam par 'tsher bar ro/ /nyi ma'i dkyil 'khor dbus gnas pa zhes bya ba ni/ sna tshogs pad+ma'i nang na gnas pa'i yi ge hUM sngo dmar las skyes pa'i nyi ma'i yi ge hUM sngon
 po'i rang bzhin can gyi rdo rje rtse lnga pa'i lte ba la gnas pa'i nyi ma'i steng? na gnas pa'o/ /rang gi phyag rgya ste reg rdo rje mas 'khyud pa ste/ mgul pa nas nye bar 'khyud pa'o/ /rgyan rnam kun gyi ste/ nor bu dang mu tig la sogs pas rnam par spras pa'i cod pa na dang ska rags la sogs
 pas brgyan cing/ drag po la sogs pa'i rang bzhin gyi zhal gsum gyi rnam par mdzes pa bsgom par bya'o zhes snga ma dang 'brel to/ /de de ltar zhe sdang rdo rje'i ting 'dzin la/ gnas pas dkyil 'khor rnam par spro/ dkyil 'khor thams cad ces bya ba ni dkyil
 'khor ba thams cad do/ /ji ltar spro zhe na gsungs pa ni dzin dzig ces bya ba la sogs pa'o/ /'dzin 'dzig sngags las byung ba zhes bya ba ni/ bud med gyi pad+ma'i nang du lhung ba'i byang chub kyi sems las skyes pa'i dzin dzig gi sngags dkar po'o/ /de nas de las skyes pa'i
 'khor lo rtsibs brgyad pa dkar po/ de'i lte ba'i dbus su ni sngags kha dog dkar po de nyid ni mtshan ma dang ldan pa'i sngags de nyid kyis bskyed pas na/ dzin dzig sngags las phyung ba'i de bzhin du dkyil 'khor ba gzhan rnams dang sngar brjod pa'i zhe sdang rdo rje la yang/ bdag nyid
 ci lta ba dang kha dog ci lta ba'i mtshan ma dang sa bon dmigs nas bskyed bar bya ba yin par rig par bya'o/ /dkar dang dmar dang nag pa'i zhal/ zhes bya ba ni gtso bo dkar ba dang g.yas nag pa g.yon dmar ba'o/ /'khor lo zhes bya ba la sogs pa/ pad+ma ma rtogs pa mtshan ma lnga
 po 'di dag gi mdog dang rang bzhin ni snga ma khon bzhin no/ /'dod chags ni gti mug gi phyogs cig yin pa'i phyir na/ 'di dag ni don dam bar de'i bdag nyid yin no zhes bya ba bstan pa'i phyir pad+ma 'dab ma brgyad pa gzugs dkar po nyid yin no/ /thugs ka nas zhes bya ba ni snga ma
 bzhin no/ /shar phyogs kyi zla bar zhes bya ba ni sna tshogs 'dab ma ni pad+ma la gnas pa'i yi ge oM dkar pos bskyed pa'i zla ba'i oM yig dkar pos bskyed pa'i 'khor lo rtsibs brgyad pa'i lte ba zla ba'i dkyil 'khor kyis rnam par brgyan pa'o/ /bzhugs zhes bya ba ni
 rnam bar snang mdzad do zhes rig par bya'o/ /de ltar rnam par snang mdzad spro ba brjod pa yin la mi bskyod pa'i sngar brjod zin te/ da ni rin chen 'byung ldan gyi brjod pa'i don du gsungs pa ni/ ratna d+h+rig ces gsungs pa ste/ rtogs par sla'o ser dang zhes bya ba la sogs la rtsa ba'i
 zhal ni ser ba g.yas nag pa g.yon dkar ba'o/ /'di yang mtshan ma lnga po'i mdog dang rang bzhin ni snga ma bzhin no/ /'dod chags dang ser sna dag tsam gyi ni de'i bdag nyid yin no zhes bstan pa'i phyir pad+ma mdog ser po yin no/ /snying ga las zhes bya ba ni snga ma bzhin no//
 rin chen dbus su zhes bya ba ni/ sna tshogs pad+ma'i lte ba'i yi ge oM dkar po las yongs su gyur pa'i zla ba la gnas pa'i yi ge swA ser pos bskyed ba'i rin po che'i dbus na gnas pa'i zla ba la'o/ /gzhugs par bya zhes bya ba la/ rin chen 'byung ldan zhes khong nas dbyung ngo/ /da ni
 mi bskyod pa'i spro ba bstan pa'i phyir gsungs ba ni a ro lig sngags las byung ba zhes bya ba la sogs pa'o/ /pad+ma ra ga'i 'od ces bya ba ni mdog dmar pa'o/ /dmar dang nag dang dkar ba'i zhes bya ba ni/ rtsa ba dang g.yas pa dang g.yon rnams te gzhan ni go sla'o//
 mtshan ma lnga po'i mdog dang rang bzhin ni snga ma bzhin no/ /pad+ma ni gtso bo yi mdog can no/ /snga ma bzhin zhes bya ba la sogs ni thugs ka nas byung ste/ spro ba dang bsdu ba byas nas so/ /pad+mar zhes bya ba ni sna tshogs pad+ma'i nang du oM yig dkar po bskyed pa'i zla ba la gnas pa'i a yig dmar po las
 yongs su gyur pa'i pad+ma dmar po 'dab ma brgyad kyi dbus na gnas pa'i zla ba'i dkyil 'khor la'o/ /bzhugs par bya zhes bya ba 'dir yang 'od dpag med ces khong nas dbyung bar bya'o/ /de'i rjes la don yod grub pa'i spro pa brjod ba'i don du gsungs pa ni pradz+nyA d+h+rig
 ces bya ba la sogs pa ste/ rtogs sla'o/ /ljang dang zhes bya ba rtsa ba'i zhal ni ljang gu g.yas nag pa g.yon dkar ba'o/ /ral gri zhes bya ba la/ 'dir yang mtshan ma lnga po rnams kyis mdog dang rang bzhin snga ma bzhin no/ /'dod chags dang phrag dog dag semS
 tsam nyid kyis de'i bdag nyid du mngon bar bzhed na pad+ma ljang gu nyid do/ /sna tshogs rdo rje zhes bya ba ni sna tshogs pad+ma'i steng du yi ge oM dkar po las yongs su gyur ba'i zla ba la gnas pa'i yi ge ha sngon po las skyes pa'i sna tshogs pa'i lte ba la gnas pa'i zla ba la'o bzhugs bya ba
 'dir yang don yod pa zhes rtogs par bya'o/ /de bzhin gshegs pa lnga po 'di dag bsgom pa'i dgos pa gsungs pa ni zhe sdang zhes bya ba la sogs pa ste/ 'di yang rtogs par sla'o/ /da ni lha mo bzhi po rnams kyi spro ba gsungs pa ni/ mo ha ra ti sngags zhes bya ba nas brtsams nas
 zhi ba nas bzhugs par bya ba'i mthar thug pa ste/ 'di ni de bzhin gshegs pa bzhi po spros pa bzhin bshad par bya'o/ /sgrol ma'i mtshan ma la uta ba la'i sgras ni pad+ma dmar po brjod pa yin te/ 'dod chags kyi yul nyid du bstan pa'i don du'o/ /gzhan spyan ma la
 sogs pa rnams la ni phrag dog gi yul nyid du bstan pa'i don du uta pa la yin pas na snga ma las khyad par ro/ /de ltar 'di thams cad kyis nang rim gyi lha rnams kyi spro ba brjod pa yin no/ /rim pa gnyis pa'i lha rnams kyi spro ba gsungS ni/ /rim pa gnyis par zhes bya
 ba la sogs pa'o/ /gang gi gnas gang yin zhe na/ brjod pa ni rdo rje gzugs ma yid 'ong ni/ zhes bya ba la sogs pa'o/ /rdo rje gzugs ma ni dkar mo/ sna tshogs pad+ma can gyi pad+ma'i steng gi oM dkar po las yongs su gyur ba'i zla ba la gnas pa'i sa bon dkar po yi ge
 gsum du grags pas bskyed pa'i me long dkar po/ /sa bon kyi snying po can las yongs su gyur pa'i ste/ phyag drug rnam par snang mdzad kyis mtshan pa'o/ /rtsa ba'i phyag gnyis kyis me long bzung ba/ g.yon dang g.yas dang dbus na gnas pa'i zhal/ sngo ba dang dmar ba dang
 dkar ba'o/ /gzhan mtshan ma dang gdan dang bya ba ni gti mug dga' ma dang 'dra'o/ /bud med kyi pad+ma'i nang du bskyed nas me'i phyogs bzhag par bya'o zhes bya ba ni lta bur bya ba'i don to/ /de bzhin du lha mo gzhan gsum po yang sgra dang dri dang ro rdo rje ma rnams kyang/ oM dkar po yongs su gyur ba'i zla ba
 la gnas pa'i ser ba dang dmar ba sngo ba'i yi ge gsum las byung ba /pi ma dang dung chos dang ro'i bsnod ser po dang dmar po dang sngon po/ /sa bon gyi snying po can rnams las yongs su gyur pa rnams ni/ rin chen 'byung ldan dang 'od dpag med dang don yod grub pas mdzes par byas pa rang
 rang gi bdag po dang 'dra ba'i zhal dang ldan pa/ rtsa ba'i phyag rnams kyis brjod ma thag pa'i mtshan ma 'dzin cing mtshan ma dang ldan dang bya ba gzhan ni/ mA ma kI dang gos dkar dang tar rnams 'dra ba ste bden bral dang rlung lha dang dbang ldan gyi phyogs rnams su dgod par bya ba yin no zhes bstan
 pa'i phyir gsungs pa ni rdo rje sgrol ma zhes bya ba nas brtsams nas/ lhag ma sgrol ma ji bzhin no zhes bya ba'i mthar thug pa ste/ 'di thams cad ni go sla'o/ /bcom ldan 'das dang lhan cig tu grub pa reg bya rdo rje ma'i rang bzhin gsungs pa ni rdo rje sems dpa' dang 'khyud cing zhes bya ba
 pa sogs pa ste/ tshigs su bcad pa 'di yang go bar sla'o/ /rim gnyis pa'i lha gzhan kyang bstan pa'i phyir gsungs pa ni rim pa gnyis pa'i shar phyogs kyi zhes bya ba la sogs pa nas gzung ste/ byang gi phyogs su spro bar bya ba'i mthar thug ste go bar sla'o/ /byang chub sems dpa' 
 brgyad po sna tshogs pa'i pad+ma'i lte bar gnas pa'i zla ba'i dkyil 'khor du rang gi sa bon dang mtshan ma yongs su gyur ba las skyes pa 'di rnams kyi sbro ba ni snga ma bzhin rtogs par bya'o/ zhes bya ba ni nye bar bstan pa yin no/ /da ni brjod ma thag pa'i byang chub sems dpa' brgyad po
 rnams kyi rang bzhin la sogs pa ston par byed pas/ 'di dag dbur rgyan rang mgon te zhes bya ba la sogs pa gsungs te/ byams pa dang sa'i snying po dag gi dbur rgyan ni rnam par snang mdzad do/ /phyag na rdo rje dang nam mkha' i snying po dag ni rin chen 'byung ldan gyi cod pan can no/ /'jig rten dbang
 phyug dang 'jam pa'i dbyangs kyi ni mgon po 'od dpag tu med pa'o/ /sgrib pa thams cad rnam par sel ba dang kun tu bzang po dag ni bdag po ni don yod pa yin no zhes bya ba'o/ /mdog sogs ni zhes bya ba ni mdog dkar po la sogs pa dang/ zhal gsum
 pa dang zla ba'i dkyil 'khor gyi steng na gnas pa'i 'khor lo la sogs pa rnams ni rnam par snang mdzad la sogs pa dang 'dra'o/ /de bzhin du phyag drug po rnams dang rdo rje la sogs pa'i mtshan ma rnams kyang rnam par snang mdzad la sogs pa de rnams nyid dang 'dra ba yin no//
 byams pa'i mtshan ma la khyad par gsungs pa ni byams pa 'ba' zhig ces bya ba la sogs pas so/ /'di dag bsgoms pas sgrub pa po dang gzhan rnams la ci zhig byed snyam na gsungs pa ni lha'i mig sogs rtsol mdzad pa zhes bya ba la sogs pas/ sgrub pa po yi mig la sogs
 pa'i rnam par dag pa bsgoms pa rnams kyis ni mig la sogs pa rnams rnam par sbyong bar byed la de bzhin du sems can gzhan khams gsum na/ gnas pa rnams kyi mig la sogs pa yang rdzu 'phrul gyis rnam par sbyong bar byed do/ /zhes bya ba 'di dgongs pas so/ /gdan
 rnams la ni bzhugs par bya zhes bya ba ni rnam par snang mdzad la sogs pa'i gdan sngar brjod pa'i 'khor lo la sogs pa rnams la'o/ /de ltar na re zhig byang chub sems dpa' brgyad ka yang spro ba yin no/ /da ni bgegs bsad pa'i don du khro bo bcu po rnams kyi spro ba gsungS
 pa ni/ ya man ta krita ces bya ba la sogs pa'o/ /'di'i spro ba ni rnam par snang mdzad spro ba bzhin te/ pad+ma'i nang du sngon po ya man ta krita ces bya ba de las grub pa yin par rig par bya'o/ /nag dang dmar dang dkar ba'i zhal/ zhes bya ba la rtsa ba'i zhal nag pa/ g.yon pa dmar ba g.yas
 pa dkar ba ste/ so sor spyan gsum dang ldan pa'o/ /'di ni rnam par snang mdzad kyi rang bzhin yin yang thugs kyi dbang po'i rang bzhin bsan nag pa nyid do/ /dbyug pa zhes bya ba ni dbyug pa dkar po rdo rjes mtshan pa'o/ /'khor lo dang rdo rje ni sngar brjod pa'i mdog dang rang bzhin can no//
 thugs kar ni sdigs mdzub zhags pa zhes bya ba ni snying ga'i sdigs mdzub dang lhan cig pa'i rdo rje'i rang bzhin gyi zhags pa nag po thogs pa'o/ /dgra sta zhes bya ba ni rdo rjes mtshan ma rdo rje'i rang bzhin gyi dgra sta nag po'o/ /mi bzad ces bya ba la sogs pas ni bya ba brjod pa'o/ /bsgrub pa
 po rdo rje sems dpa' i ting nge 'dzin la snyoms par zhugs pa'i ting nge 'dzin nyams par byed pa gang dag yin pa brgya byin la sogs 'khor dang bcas pa de dag srig par mdzad cing rgyad srid bar byed pa yin no/ /zhes bya ba ni bsdus pa'i don to/ /de ltar byas nas mi zhig byed lta? yin/
 pad+ma nyi ma la zhes bya ba na gsungs so/ /'dab ma sna tshogs can gyi pad+ma'i steng du rang nyid kyi sa bon gyis bskyed pa'i 'khor lo dkar po rtsibs brgyad pa'i lte bar yi ge hUM sngo nag ni sa bon las bskyed pa'i nyi? ma'i dkyil 'khor la g.yon brkyang ba'i gnas pas bzhugs?
 pa zhes bya ba ni man ngag gi don to/ /padmAn+ta krita ces bya ba la sogs pas ni gnyis po spro ba gsungs ba'o/ /'di'i spro ba ni pradz+nyA ta krita ces bya ba dkar por gyur pa sngags de las/ rin chen 'byung ldan spro ba bzhin spro bar rig par bya'o/ /dkar dang zhes bya ba la sogs pa'o rtsa ba'i
 zhal ni dkar ba g.yas nag pa g.yon dmar po'o/ /rin chen 'byung ldan gyi rang bzhin 'di dkar ba nyid ni chos kyi dbyings kyi rang bzhin yin pa'i phyir ro/ /mtshan ma rnams kyi rang bzhin dang mdog ni snga ma bzhin rig par bya'o/ /pad+ma nyi ma la gnas zhes bya ba ni sna tshogs pad+ma'i lte bar rang
 gi sa bon nyid kyis bskyed pa'i yid bzhin gyi nor bu ser bo'i dbus kyi yi ge hUM sngar brjod ba'i rang bzhin las skyes ba'i nyi ma g.yon brkyang ba'i zhabs nas mnan nas gnas pa zhes bya ba'i don to/ /da ni gsum pa'i spro ba gsungs pa ni/ padmAn+ta krid ces bya ba la sogs pa'o//
 'di'i spro ba ni 'od dpag med kyi spro ba bzhin rig par bya'o/ zhal ni dmar dang zhes bya ba la sogs pa la zhal dang po ni dmar ba g.yas nag pa g.yon dkar ba'o/ /gtun shing zhes bya ba ni rdo rjes mtshan pa'i dbyug pa sngon po rdo rje'i rang bzhin no/ /mtshan ma gzhan rnams kyi mdog dang
 rang bzhin ni snga ma bzhin rig par bya'o/ /pad+ma nyi ma la bzhugs shing zhes bya ba ni 'dir yang sna tshogs pa'i lte bar rang gi sa bon nyis kyis bskyed pa'i pad+ma dmar po'i dbus kyi snga ma'i rang bzhin can gyi yi ge hUM gis bskyed pa'i nyi ma'i dkyil 'khor la/ bcoM
 ldan nas g.yon brgyad bas bzhugs pa yin no/ /zhes bya ba'i don to/ /da ni bzhi pa spro bar gsungs pa ni/ big+h+nan+ta krit ces bya ba las byung ba zhes bya ba la sogs pa ste/ 'di'i spro ba yang don yod grub pa spro bzhin rig par bya'o/ zhal ni sngo dang zhes bya ba la sogs pa la/
 zhal dang po ni sngo ba g.yon dmar ba g.yas dkar pa'o/ /pad+ma nyi ma la zhes bya ba ni sna tshogs pad+ma'i dbus su rang gi sa bon las skyes pa'i sna tshogs rdo rje'i lte ba'i yi ge hUM sngar brjod pa'i rang bzhin can las skyes pa'i nyi ma la g.yon brkyang bas bzhugs pa zhes bya ba'i don
 to/ /de bzhin du khro po'i rgyal po gzhan drug po rnams la yang snga ma'i tshul kho na bzhin rang gi bdag po ci lta ba'i mtshan mas skyed pa dang/ mtshams rnams su gnas par rig par bya'o/ /zhes bstan pa'i don du gsungs pa ni rang gi gsang sngags las byung ba'i zhes bya ba la sogs
 pa'o/ /rang gi sngags ni yi ge hUM ste/ de bzhin du gzhan la yang rtogs par bya'o/ /'di rnams thams cad kyi mdog ni nag po kho na yin no/ /gzhan ni go bar sla'o/ de ltar re zhig dkyil 'khor ba rnams thams cad kyi spro ba rdzogs pa yin no/ /phyis bsgrub pa ci zhig bya snyam na gsungs
 pa ni/ lha ni sum cu gnyis rang bzhin/ zhes bya ba la sogs pa ste/ 'di yang go bar/ phra mo'i rnal 'byor 'di yang gang yin snyam na gsungs pa ni/ sna'i rtse mor zhes bya ba la sogs te/ shes rab kyi pad+ma'i sna rtser yungs kar zhes bya ba yungs 'bru'i tshad tsam gyi tshad/ /byang chub kyi
 sems sprul pa las skyes pa/ rdo rje la sogs pa'i khong pa der rten dang brten par bcad pa'i dkyil 'khor bsgoms zhes bya bar 'brel to/ /de yang ye shes kyi gnas yin te/ de bzhin gshegs pa'i ye shes kyi bzhi yin te/ sems bstan pa la de 'dra ba'i mngon du 'gyur
 pa'i phyir ro/ /de nyid kyi phyir yid du 'ong ba yin no/ /gsang ba ni snga? bar bya ba yin pa'i phyir ro/ /ye shes rtags rnams ye shes dang mtshungs par bsgom par bya'o// //yang na mtshan ma cam? bsgom par bya'o zhes ston pas gsungs pa ni rin
 chen chen po zhes bya ba la sogs pa'o/ /rin chen chen po de ni rin thang che ba'i phyir ro/ /mdog lnga pa ni rigs lnga las byung ba rdo rje la sogs pa'i mtshan ma'o/ /yungs kar sbom po zhes bya ba la sogs pa snga ma bzhin no/ /rnal 'byor gyis ni zhes bya ba ni rang gi lha'i rnal 'byor gyis so//
 rtag tu ni nyin dang mtshan tu'o/ /bsgom pa la rag las pa'i sems brtan pa nyid bskyed pa'i phyir spro bar bya'o zhes ston pas gsungs pa ni/ rin chen brtan nas zhes bya ba la sogs pa ste/ rin chen ni rdo rje la sogs pa'i mtshan ma'o/ /brtan pa ni bsgom pa g.yo ba med pa nyid du
 nges par rig nas spro bar bya ste/ sems can gyi don byed pan rang bzhin gcig tu bya'o/ /gang gi tshe? bsgom pa ma brtan par rig pa de'i tshe ni spro bar mi bya ba kho na ste dngos po med pa'i phyir spros pa'i 'bras bu yang dgos pa yin pa'i phyir ro/ /rdo rje las 'phros pa brtan par byas paS
 na phyag rgya chen po'i rang bzhin yang 'gyur ba yin no/ /phyogs dang po la ni de'i kho na gnas pa dang gnyis pa la de las 'thon pa spro bar bya'o/ /zhes gsungs pa ni sangs rgyas zhes bya ba la sogs pa'o/ /sangs rgyas 'bar ba dang mtshungs pa'i zhes bya ba la sangs rgyas
 rnaMs? kyi 'bar ba ni dkar po la sogs pa'i mdog go/ de dag dang mnyam zhing mtshungs pa'i don dam pa mdangs dga' ba dag la yod pa de rnams te/ dkar po la sogs pa mdog dang bcas pa zhes bya ba'i don to rab mchog sprin rnams zhes bya ba ni phul du byung ba'i sangs rgyas
 kyi cho gas rnams so/ /da ni rdo rje slob dpon bzlas pa bya'o zhes bya ba gsungs pa ni/ slob mo za zhing zhes bya ba la sogs te/ slongs mo za ba'i ngang tshul gyis so/ /mi zla ste zhes bya ba ni rab tu smra bar mi bya'o/ /slongs mo za ba nye bar mtshan pa'i don te/ yongs su tshol ba la sogs
 dman par 'jug pa gzhan dag dang ldan pas kyang bzla bar mi bya'o/ /zhes bya ba yin no/ /slob da? dga' bar yang mi bya zhes bya ba la slong ba zhes bya ba ni zas nye bar mtshon pa ste/ slong ba la dga' ba kha zas la dga' ba yang mi bya'o/ /ci tsam gyis lus
 brtan par 'byung ba de tsam gyis cho ga shes pas shin tu spros pa med pa'i spyod pa spyod par bya'o/ /de lta bur gyur pa'i spyod pa la gnas pas ci zhig bya snyam pa gsungs pa ni/ 'dod pa kun gyi zhes bya ba nas pha la sogs pa'o/ /sngags pas 'dod pa kun la spyod par byed
 pas sngags de yi ge gsum/ lus tha mi dad pa ste/ lha'i rnal 'byor dang tha dad pa med pas bzlas pa bya'o/ /'di ni don ni 'di yin te/ rang gi snying ga na gnas pa'i mi shigs pa bsgom par bya'o/ /brtan par byas nas de la yi ge mdog dmar por gnas pa'i sngags gang
 yin pa'i rnam par bsgom nas/ 'jug pa'i rlung dang/ gcig tu 'dres par ur pa 'jug pa dang/ yi ge oM dkar po de bzhin gshegs pa'i tshogs spro bar byed pa bltas nas/ 'byung ba'i rlung gis phyir 'byung ba dang/ yi ge hUM nag po yi ge oM gyis spros pa'i
 sangs rgyas byed rnams bsdus par byed pa dang/ sangs rgyas de dag gnas par byed pa'i yi ge A yang bsgom par bya'o/ /'di ni g.yas dang g.yon dang steng dang 'og dang rgyu ba'i dkyil 'khor bzhi po rnams kyi rang bzhin/ go rims ji lta ba bzhin gos dkar dang sgrol ma
 dang mA ma kI dang reg bya rdo rje ma rnam kyi rang bzhin yin pa'i phyir/ gos dkar mo la sogs pa'i bzlas pa yin no/ /da ni dag gi bzlas pa'i don du kha sbyar bya ba gsungs pa ni/ rdo rje zhes bya ba la sogs pa'o/ /rdo rje spro ba'i lha rnams kyi lus so/ /brjod nas zhes bya ba ni gnas nas
 bzlas bslang nas gnas so/ /spro bar bya ste zhes bya ba ni/ phung po'i las la sogs pa'i rang bzhin gyi bdag nyid la gzhag par bya'o/ /rdzogs pa na te kha sbyor byed pa'i bya ba mthar phyin pa na ni/ bsdu bar bya ste/ ting 'dzin sems dpa' bzhugs par bya ba zhes bya ba bsgrub pa'o/ /
 de nas ni de bzhin gshegs pa thams cad kyi bdag nyid can no/ snyam pa nga rgyal dang ldan pas/ myur ba dang bul pa la sogs pa dang nyes ba dang tshig gis yi ge gsum brjod par bya'o/ /gang gi tshe bzlas pa byas nas rdzogs pa de'i tshe na dkyil 'khor ba rnams gnas ji lta ba bzhin dgos par
 bya'o/ /zhes bya ba ni man ngag yin no/ /'di thams cad nas bya bar 'os pa gzhan gang yin pa de kho na bas gsungs pa ni rnal 'byor phra ba'am zhes bya ba la sogs pa'o/ /de bzhin nyid du bzhugs par bya zhes bya ba ni/ zla ba'i dkyil 'khor gyi rnam pas byang chub kyi sems kyi gnas skabS
 su bya'o/ /de ltar 'od gsal bar zhugs pa'i rje btsun ma mthong nas spyan ma la sogs lha mo rnams skul bar byed pa ni dkyil 'khor la gnas zhes bya ba la sogs pa ste/ rtogs sla'o/ /tshigs su bcad pa bzhi po de bsdams na/ rdo rje thugs khyod ces bya ba la sogs pa gsungs so//
 rdo rje thugs ni sems la dbang thob pa'o/ /khyod ces bya ba ni mdun na gnas pa lta bur bsams nas mngon par brjod pa'o/ /khams gsum pa'i chos kyis rgyal srid thob pa'i phyir na sa'i dbang phyug go /sems can dbyings ni 'byung bo thams cad kyi bdag nyid yin pa'i phyir ro//
 dga' ba ni rtse drod do/ /de yid du 'ong ba'i tshim pa bskyed pa yin pa'i phyir ro/ /don chen ni mchog dga' go /de 'dod cing skyed par byed pas na don chen 'dod pa'o/ /rnam pa de lta bu'i dga' ba yid yod don chen 'dod pa ste/ 'khyud pa la sogs pa rnams kyis bdag la skyabs te/ dga' 
 ba mdzod cig pa'o/ /mgon po ni jo bo ro sems can thams cad pa'i rgyu yin pas na bskyed byed do/ /sems can rnams la phan pa dang/ bde ba byed pas na/ gnyen chen mchog go/ bdag ni ste kho mo son par bzhed na de'i che bdag la rol te 'dod par mdzod cig pa'o/ /'di ni sbyan mas
 bskul ba'o/ /de'i de ma thag tu mA ma kI sa bskul ba bstan pa'i don tu gsungs pa ni/ mi 'jigs pa'i sku mnga' bas na rdo rje'i sku'o/ /khyod ni snga ma bzhin no/ /sems can ma dga' zhes bya ba ni dga' ba bskyed pa'i phyir ro/ /bka' 'khor lo zhes bya ba ni bka' i 'khor lo bskor ba'i dang
 tshul na yin pa'i phyir ro/ /sangs rgyas don du byang chub mthar thug phyir don ston/ /zhes bya ba la sangs rgyas kyi phung pa lnga'o/ /de rnams kyi don du kun rdzob kyi bden pa'o/ /byang chub ni don dam pa'i bden pa'o/ /de gnyis ka mthar thug yin te/ yang bdag
 pa'i sbyor pas bskyed pa'i sku'o/ /theg pa gsum gyi sems can rnams la phan pa'i bsam pas ston pas na phan don ston no/ /mgon po gal te zhes bya ba snga ma bzhin no/ /chags pa ste chags pa'i rnam par dag pI rnaM paS/ 'dod chags dam tshigs te/ 'dod chags la
 spyod pa bdag la dgyes rol te 'dod pa mdzod cig pa'o/ /lhag ma rnam par bkral zin to/ /da ni gos dkar mos skul ba ni rdo rje gsung zhes bya ba la sogs pa gsungs so /rdo rje gsung ni gsung gi dbang phyung thob pa'i phyir ro/ /khyod ces bya ba ni snga ma bzhin no//
 thams cad la zhes bya ba ni sems can gyi khams so/ /phan? rjes brtse nas zhes bya ba ni shin tu brtse pa'i bdag nyid can no/ /de nyid phyir tshangs pa'i gnas gzhis sems can rnams kyi don bya ba la rtag tu ste/ dus thams cad du yang dag par 'jug pa yin no//
 rab dgyes dpyod mnga' ste rab tu dgyes pa'i spyod pas so/ /kun nas sems can gyi khams la bzang zhing dge ba bskyed par byed pas na kun bzang ngo/ /bdag la dgyes rol zhes bya ba ni bdag la rten gcig pa'o/ /da ni sgrol ma'i bskul ba gsungs pa ni/ rdo
 rje 'dod khyod ces bya ba la sogs pa'o/ /rdo rje dang pad+ma yang dag par ldan pas spros pa'i dkyil 'khor pa'i lha rnaMs kyis zhe sdang la sogs pa la spyod pa'i sems can gyi khams rnam par spyod pa'i phyir rdo rje 'dod pa ste/ mngon par 'dod pa'i don thugs chen po
 sgrub par byed pa khyod ces bya ba ni snga ma bzhin no/ /las kyi rigs kyi bdag po yin pa'i phyir dam tshig mchog go/ 'dod chags la dpyod pa'i sems can rnams la 'dod chags rnam par dag pa'i thabs kyis thar pa ster pas na/ phan chen don no/ shAkya'i rigs su skye ba
 rnams kyis thig ler? gyur pas rdzogs sangs rigs kyi thig le'o/ /yang na bya ba grub pa'i ye shes kyi rang bzhin gyi 'gro pa'i don byed pa'i phyir rdzogs sangs rigs kyi thig le'o/ /rang dang gzhan gyi rnam par dbye ba'i dmigs pa bral pa yin yang sems can rnams la rjes su brtse ba'i phyir na/
 mnyam nyid rjes brtse can no/ /mgon po gal te zhes bya ba la sogs pa ni snga ma bzhin no/ /gang gi phyir chags dang chags bral dang bar ma'i chags bral dang 'od gsal ba'i ye shes skyed par byed pa ni kho mo yin no zhes bar du bsags pa byed pa'i/ yon tan gter? bcu? ?
 zhes? bya ba la sogs pa'o/ /de ltar tshangs pa'i gnas bzhi'i rang bzhin rnams kyis bskul ba ni sngon gyi smon lam gyi rgyun? gyis mthus stong pa nyid kyi rnal 'byor lam bzhengs nas de ? pa thams cad dag tu dgyes pa'i mdzad pas cham par mtshad par gyur te zhes bya ba ni man
 ba'o?/ /de rnams? kyis bzhings su gsol ba'i mgon po la de bzhin gshegs pa rnams dang stong par byed do zhes bstod? pas gsungs pa ni/ de ltar zhes bya ba la sogs pa ste rtogs par sla'o/ /de la dang po mi skyed pa'i rang bzhin du stod pa ni/ mi bskyed cas? phyag? sogs pa'o
 ? mdzes? pa'i cho gas thams cad mi g.yo pas na mi bskyod pa'o/ /rdo rje ste thugs gang la de yod pa de la bod pa'o/ /stong pa bzhi'i bdag nyid yin pa'i phyir/ ye shes chen po yin no /rdo rje ni mi bskyod pa la sogs pa'o/ /de dag 'dzin pas rdo rje 'dzin par dbyings so/ dben?
 pa gnyis khyad par du yongs su shes pas na/ khams chen po'o/ /don dam pa'i dkyil 'khor dang lus kyi dkyil 'khor dang spros pa'i dkyil 'khor gsum gyi rang bzhin yin pa'i phyir 'khor gsum mo/ /sku rdo rje la sogs pa gsum gyi ngo bo yin pa'i phyir rdo rje gsum gyi mchog go/
 rdo rje sgrog zhes bya ba ni kho bo dag la dam tshig gi de kho na shod cig pa'o/ /'di mi bskyod pa'i sgo nas bstod pa'o/ /da ni rnam par snang mdzad kyi sgo nas bstod pa gsungs pa ni/ rnam par snang mdzad ces bya ba la sogs pa'o/ /rnam par snang bar byed cing 'od gsal gyi mes bsal
 par byed pas na rnam par snang mdzad do/ /de nyid kyi phyir bdag po chen po'o/ /rdo rje ni de bzhin gshegs pa rnams so/ de dag rnam par dag pa'i rang bzhin yin pas drug pa yin pa'i zhi ba'o/ /mchog dag gi bdag nyid yin phyir/ dgyes pa che'o/ /dang bzhin
 'od gsal chos rnams ni/ rdo rje ston khyod la phyag 'tshal/ zhes bya ba la rang bzhin gyis 'od gsal ba ste ngo bo nyid kyi dag pa'i chos rnams/ kye rdo rje zhes bos nas rtog ces bya ba ni rtog gcig pa'o/ /da ni rin chen 'gyur ldan gyi sgo nas bstod pa gsungs pa ni/ rin chen rgyal
 po zhes bya ba la sogs pa'o/ /rin chen ni rin chen che'i rigs te/ de dag mdzes par byed migs la/ gsal bar byed pas na rin chen rgyal po'o/ /mnyam pa nyid kyi ye shes kyi bdag nyid yin pa'i phyir shin tu zab pa'o/ /de nyid kyi phyir rdo rje nam mkha' dri ma med pa yin no//
 gdod ma nas dag pa'i phyir ngo bo nyid dag go /chos thams cad dang ma 'dres pa'i phyir gos pa med do/ /rdo rje sgrog khyod la phyag 'tshal/ zhes bya ba ni gsal bston cing shog cig pa'o/ /de nas 'od dpag med kyi sgo nas stod pa gsungs pa ni rdo rje dpag med ces bya ba la sogs
 ba'o/ /rdo rje dpag med ni pad+ma'i rigs te/ de dag gi bdag po yin pas na rgyal po chen po'o/ /so sor rtogs pa'i bdag nyid yin pa'i phyir mi rtogs pa'o/ /de nyid kyi phyir nam mkha' rdo rje 'dzin yin no/ /'dod chags ni 'khor ba la chags pa'i mtshan nyid do/ /de'i pha rol ni mu ste
 der phyin pa gnyes pa'o/ /rdo rje gsung zhes bya ba ni snga ma bzhin no/ /don yod grub pa'i sgo nas stod pa gsungs pa ni/ don yod ces bya ba la sogs pa'o/ /don dang bcas pa'i ye shes gtsor gyur pa yin pa'i phyir don yod rdo rje sde/ don yod pa'i rigs rnams so/ /rdzogs sangs rgyas
 ni rigs de rnams kyi mdun du byas pa'o/ /zhib la sogs pa'i las rnams kyi sgrub pa po'i skye bo rnams kyi bsam pa rdzogs par byed pas na/ 'dod pa thams cad yong skor mdzad do/ /dag pa'i ngo bo las byung ba'o/ /de lta bu'i rdo rje sems dpa' khyod la 'dud ces don yod
 pa'i sgo nas stod pa'o/ /da ni nye bar bsdu ba gsungs pa ni sangs rgyas kyis bstod ces bya ba la sogs pa'o/ /de nas te de ma thag tu 'gon po gcig bu bzhugs par gyur ces 'brel to/ /ci zhig nas mnyam na gsungs pa'i phyir ni/ byed bar gyur pa'i sangs rgyas rnams kis bdag nyid la
 bstod nas so/ /sangs rgyas nye bar mtshon pa'i don to/ /lha mo rnams ngo bo zhes rig par bya'o/ /'khor lo zhes bya ba ni lha mo'i 'khor lo'o/ /sngar gyi tshul dad mnyes mdzad do/ /zhes bya ba rjes su chags par bya zhing de rnams la mchog tu gsang ba ji lta ba bzhin du bshad nas rang gi lus
 kyi 'khor lor dkyil 'khor ba'i 'khor lo rnams phung po la sogs pa'i 'khor lo rnams/ phung po la sogs pa'i rang bzhin gyis bsdus nas bzhugs par gyur ba yin no/ /bsdus pa'i rim pa dang/ rdo rje bzlas pa'i rim pa ni sngar bstan te/ bde ba chen po ni sems kyi rang bzhin
 yin pa'i phyir de lta na bde ba chen pa cig pu bzhugs par 'gyur zhes bya ba'i sgra 'dir sems rnam par dag pa'i rim pa zur? gyis ston pa yin no/ /de nas dang byin gyis brlab pa'i rim pa gsum bstan pa'i don gsungs pa ni/ de ltar zhes bya ba la sogs pa'o/ /de ltar zhes
 bya ba brjod ma thag pa'i tshul gyis rnal 'byor bzhi'i tshul gyis rnal 'byor bzhi byed de/ rnal 'byor bzhi sgrub par byed pa'i rnal 'byor pa ste sgrub pa pos/ brtan pa dang rgyu bar gyur pa'i 'jig rten hUM yig snying po can zhes bya ba yi ke hUM gi snying po de sgyur gyur pa 'di la yod paS
 na? hUM yig snying bo can no/ /bsams nas zhes bya ba la snying gar zhes bya ba ni khong nas dbyung bar bya ba'o/ /da 'gro ba de dag kyang des bskyed rdo rje sems dpar zhes bya ba yi ge hUM des rdo rje sems pa'i rang bzhin du yongs su gyur par bltas nas/ bdag nyid kyang 'od gsal las yud
 tsam gyis la ngas nas/ nges? blos zhes bya ba la brjod ma thag pa'i rang bzhin gyis dran pa dang shes bzhin ldan par ro/ /ji bzhin zhes bya ba ni/ nye bar bstan pa ji bzhin du/ spyod lam rnam pa bzhi po rnam par rgyu bar bya'o/ /'dir don ni 'di ltar dgongs pa yin te rnal 'byor 
 rnam pa bzhi dang ldan pa'i rnal 'byor pas/ snying ga na gnas pa'i 'jig rten la/ yi ge hUM ni sa bon las rdo rje sems dpa' i rang bzhin du yongs su gyur pa bltas te/ bdag nyid kyang stong pa nyid kyi ting nge 'dzin las langs par rtog par byas nas bar chad med
 par de'i yid kyi gnas par bya'o/ /zhes gnas par bya'o/ /rnal 'byor gzhan gyis skabs 'cha' ba gsungs pa ni/ sngags pa zhes bya ba la sogs pa ste go sla'o/ /ji ltar bsgom snyam na gsungs pa ni/ mtho gang tsam ni zhes bya ba la sogs pa'o/ /yi ge b+h+ruM mdog dkar po rnaM
 par bsams nas de las yongs su gyur pas zla ba'i dkyil 'khor bsgom par bya'o/ /de'i dbus su yi ge oM dkar po bltas te/ de las bdud rtsi 'bab par sgom par bya'o/ /zhes bya ba ni tshigs su bcad pa'i don to/ /rdo rje sbyor ba 'di yis ni zhes bya ba la sogs pas ni phan
 yon brjod pa ste/ de yang go bar sla'o/ /nang gi bdag nyid can gyi sbyin sreg bstan pa'i phyir gsungs pa ni/ de ltar zhes bya ba la sogs pa'o/ /sbyar ba la sogs pa ji ltar bya snyam na/ yi ge hUM gis zhes bya ba la sogs pa gsungs so/ /yi ge hUM zhes bya ba ni hUM las yongs su gyur pa'i
 rdo rjes so/ /sbyang bya zhing zhe na ni/ ? ma dang spro sa ma dag gis dag par byas ba'o/ /a yig gis ni zhes bya ba ni a yig las yongs su gyur pa'i pad+ma'i snod ces par gyur pas sang bar byas te/ pad+ma snod du chung pa zan la sogs pa rnams sngon gyi dam tshig rjes su
 rtogs par bya'o/ /zhes bya ba'i don te ji ltar yang bar bya zhes na/ de'i phyir brjod pa ni/ oM gyis mnan nas zhes bya ba la sogs pa'o/ /yi ge oM gyis mnan pa zhes bya ba nges mtshan pa'o/ /de la rim pa ni 'di yin te/ nam mkha' la yi ge hUM yongs su gyur pa'i rdo rje de'i 'og
 tu yi ge a las yongs su gyur pa'i bde snod/ /de'i dbus su ni yi ge oM gyis mtshan pa'i dam tshig gi rdzas rnams/ rdo rje dang pad+ma sprad pa las me 'bar te/ des rdzas rnam par spros te btsos pas zhu bar byas nas de bzhin gshegs pa thams cad kyi rang bzhin yang
 dag par ston par byed pa'i ye shes kyis nyi ma'i 'od zer gyi ye shes kyi sa bon la de'i 'od zer rnams kyis de bzhin gshegs pa thams cad kyi ye shes kyi bdud rtsi drengs? nas dngos por rnams dang lhan cig gcig tu byas nas yi ge gsum gyis byin gyis brlabs nas/ zhes bya ba ni kha?
 zas yongs su sbyang ba'o/ /mgrin pa sbyangs ba gsungs pa ni/ dung zhes bya ba ni yi ge oM dkar po las yongs su gyur pa'i dung dka' po'o/ /h+ri yig las byung ba zhes bya ba ni h+ri:dmar po las byung ba'o/ /pad+ma ni pad+ma dmar po'o/ /yi ge hUM ni nag po'o/ /rdo rje rtse? ni rdo rje rtse lnga pa mdog sngon
 po'o/ /ma yig ni mdog dmar po ste/ mgrin pa skyong ba'o/ /lha rnams mchim par byed pa gsungs pa ni/ snying gar 'brug sgra zhes bya ba la sogs pa gsungs pa'o/ /'brug sgra zhes bya ba ni 'brug sgra'i sgra dang chos mthun pa'i phyir te/ yi ge hUM me lce gcig gsum dang ldan
 pa'o/ /sgom pa'i yi ge hUM de las me lce 'bar bar bya'o/ /der ni kha zas sbyin sreg bya zhes bya ba ni de bzhin gshegs pa thams cad kyi bdag nyid can yi ge hUM der kha zas de yongs su sbyar ba'i dam tshig rdzas rnams sbyin sreg bya ste/ bsreg blugs bya'o/ /de ltar gyur na lus kyi
 dkyil 'khor pa'i lha rnams yang dag par tshim par byas par gyur te/ gang gi phyir 'di ni nang gi sbyin sreg yin pa de'i phyir ro/ /da ni rim pa ji lta ba bzhin du lte ba dang mgrin pa dang snying ga dang/ bsang ba na gnas pa/ rlung dang me dang chu dang dbang chen gyi dkyil 'khor rnams
 kyi bya ba gsungs pa ni/ rlung gis zhes bya ba la sogs pa ste rlung ni rlung gi dkyil 'khor te/ nges me de me'i dkyil 'khor yang bar bya zhing me'i dkyil 'khor de 'ched par bya'o/ /'ched par byed pa ni skems par byed ba'o/ /dbang chen gyi ni dkyil 'khor zhes bya ba ni sa'i
 dkyil 'khor ro/ /gnas ni gzhi ste de nyid kyi phyir gang ru bsreg rdzas zhugs gyur pa zhes gsungs so/ /bza' ba dang ltung ba ji snyed zhugs gyur pa zhes bya ba ni bza' ba dang ltung ba zhugs pa de dag thams cad 'ju ba yin no/ /gang gis snyam pa la brjod pa ni chu yis yin zhes bya ba ste/
 srul bar byed pa'i chus rul bar byas pa na de dag 'jug pa'i phyir zhes dgongs pa'o/ /sgrub pa pos gdon mi za bar bya ba'i las gsungs pa ni kha'i pad+ma'i zhes bya ba la sogs pa'o/ /kha sbyor byed pa'i sbyor ba yis zhes bya ba ni bshad lam gyi pad+ma
 btsum pa sngon du btang bas 'og dang steng gi rlung bkag pas so/ /de'i de ma thag tu bshad lam pad ma nas te/ bshad lam gyi sgo nas byung ste zhes bya ba'i phyir ston nas thal ba'i mthar ni zas zhu ba'i de ma thag tu mthar ni zhes bya ba mthar thugs par gyur pa bshad pa'i
 gnas skabs su gyur pa rnams par ltas te shes par bya'o/ /des cir 'gyur snyam pa la brjod pa ni/ dga' ba med cing zhes bya ba la sogs pa ste go bar sla'o/ /dga' ba la sogs pa nye bar 'tshe ba dang bral ba'i sgrub pa pos tshe 'di nyid la bcom ldan 'das yun ring por
 bsgoms pa na mngon du byed par 'gyur ro snyam du dgongs pa'o/ /bdag gi spyod yul du gyur pa'i don 'di skye'o thams cad dang thun mong du gyur cig snyam du smon par byed pa ni/ rdo rje 'phreng ba dpal rta mchog gis ni zhes bya ba la sogs te/ 'di yang go bar
 sla'o/ /rdo rje 'dzin pa'i sgrub thabs bsdus rim ni/ bshad pas bsod nams thob pa gang yin te/ bdag lus la gnas bsdus pa'i rim pa ni/ 'gro ba ji srid lus kun la 'jug shog /bsdus pa'i rim pa'i dka' 'grel/ slob dpon sgeg pa'i rdo rjes mdzad pa
 rdzogs so// //bal po dge bsnyen so so di ta dang/ /dag slong lo tsa ba blo ldan shes rab kyis bsgyur ba'o// //rnal 'byor yan lag drug pa klu sgrub kyis mdzad pa gzhugs?/ /*/ /rgya gar skad du/ ShaDang+ga yog nAm?/ bod skad du/ rnal