བོད་ཡིག

e-texts based on the ACIP/ALL Input

grong khyer grags pa skyong du/ sgyu ma mkhan la gdams pa/ dngos po bsam gyis mi khyab pa zhes bya ba rdzogs so// //chos spyod mi dge rang grol sogs 'ga' yar bzhugs so// // rgya gar skad du/ d+harmA tra tha ka raM sa ta na ma/ bod skad du/ chos spyod mi dge rang grol zhes bya ba / phyogs bcu'i sangs rgyas dang byang chub sems dpa' thams cad la phyag 'tshal lo/ /dkon mchog bla med 'gro pa skyob pa'i zhing/ /thugs rje'i 'byung gnas bla ma yi dam lha/ /phyi nang DA ki chos skyong tshogs dang bcas/ /phyogs bcu'i bstod 'os rnams la phyag 'tshal lo/ /mnyam med sangs rgyas skyob pa'i dam chos dang/ /'dren pa'i ngag bdun bla ma rin po che/ /yi dam mkha' 'gro chos skyong bsrungs ma la/ /byang chub bar du rtag par skyabs su mchi/ /sdug bsngal rgya mtsho'i sems can snying re rje/ /mkha' mnyam mar gyur bde skyid rab ldan zhing/ /mi mthun bdud dang gnod pa kun bral nas/ /'gro kun bla med sangs rgyas thob pa'i phyir/ /gus pas byang chub bar dang tshe 'di'i bar/ /ding nas sang gi bar du dge la bkol/ /bdag nyid ci 'dra 'gro kun de 'dra zhing/ /sgrib gnyis ral? bral mkhyen par rgyas shog /byams dang snying rje tshad med sa gzhi la /ting 'dzin rin chen dag pa'i gzhal yas khang/ /thabs shes nyi zla pad+ma'i gdan bshams pas/ /gus pa'i yid dang gsal ba'i ting 'dzin gyis/ /sangs rgyas byang chub sems dpa' 'khor bcas dang/ /bla ma yi dam mkha' 'gro chos skyong tshogs/ /rgyal ba rab 'byam ma lus spyan 'dren gyis/ /'gro la brtse dgongs gnas 'dir gshegs su gsol/ / oM sarba ta thA ga ta mahA gu ru de ba DA ki ni badzra d+harma pa las ma ya dza hUM baM ho/ /'gro ba'i don du dge ba'i gdan la bzhugs/ /phyi nang gsang ba yid 'ong rgya mtsho yis/ /mchod par 'os pa rnams kyis rgyal ba mchod/ /'gro kun tshogs rdzogs sgrib gnyis byang phyir bzhes/ /phyogs bcu'i zhing na bzhugs pa'i sangs rgyas dang/ /sems dpa' bla ma yi dam chos skyong tshogs/ /ma lus tshogs bcas zhabs pad ze 'bru la/ /spyi bos rab tu gus par phyag 'tshal lo/ /'gro ba kun gyi 'das dang ma 'ongs dang/ /deng 'dir bsags pa'i mi dge ci mchis pa/ /bla ma rgyal ba sras dang bcas la bshags/ /mya ngan mi 'da' bzhugs gsol 'khor lo bskor/ /bdag sogs 'gro bas bgyis pa'i dge ba kun/ /bla med don du byang chub phyir bsngo'o/ /bla ma sangs rgyas dkon mchog yi dam lha/ /chos skyong bsrungs ma ma lus 'khor bcas kyi/ /snang stong 'gyur med ye shes rdo rje'i sku/ /mthong sgra dang ldan la phyag 'tshal bstod/ /bla ma sangs rgyas dkon mchog yi dam lha/ /chos skyong bsrungs ma ma lus 'khor bcas kyi/ /grag stong 'gyur med brjod bral rdo rje'i gsung/ /thos pas don dang ldan la/ bla ma sangs rgyas dkon mchog yi dam lha/ /chos skyong bsrungs ma ma lus 'khor bcas kyi/ /gsal stong 'gyur med ye shes rdo rje'i thugs/ /ye shes lnga dang ldan la/ /yon tan kun ldan 'gyur med rdo rje'i sku/ /grag stong don ldan ka la ling ka'i dbyangs ye shes lnga ldan kun la khyab ba'i thugs/ /sku gsung yon tan ldan la phyag 'tshal bstod/ /lus ngag yid gsum sdig bcu kun bral nas/ /mtshan ldan bla ma ci 'drar bdag gyur cig /dbus kyi ri rgyal gling bzhi gling phran bcas// gsal byed nyi ma zla bas bskor zhing mdzes/ /rin chen sna bdun gter gyi bum par bcas/ /phyi nang gsang ba yid 'ong mchod pas spras/ /kun bzang mchod sprin mdzes pI zhing khams 'di/ /dkon mchog rnaM gsum bla ma yi dam dang/ /Da ki chos skyong ma lus 'khor bcas la/ /gus pas 'bul gyis 'gro ba'i don du bzhes/ /oM gu ru de ba Da ki ni rad na maN+Dal pu tsa? me g+ha sa mu tra spha ra na sa ma ye hUM/ me tog bdug spos snang gsal zhal zas? dang/ /rgyal mtshan ba dan phreng ba sna tshogs 'bul/ /oM badzra puShpu tsa me ga sogs dang/ /de bzhin du d+hu pe/ g+han d+he/ a lo ke /ni wi te/ shapta a hUM / gzugs sgra dri ro 'dod yon sna tshogs 'bul/ /oM sarba ta thA ga ta h+ri d+hi? du tsa me ga sa mu tra spha ra na sa ma ye hUM/ 'jig rten khams na dngos 'byor yid kis sprul/ /mchod par 'os pa ji snyed mchis pa kun/ /bla ma yi dam rgyal pa'i tshogs la 'bul/ /thugs rjes 'gro ba'i don du bzhes su gsol// thugs rjes nyer gzigs 'gro kun skyab tu gsol/ /bla ma yi dam rgyal ba 'khor bcas la/ /mchod 'os kun gyis mchod cing bstod pa yis/ /'gro kun tshogs rdzogs sgrib gnyis rab gsal nas/ /he ru ka dpal bla med mchog thob shog /bla ma yi dam phyi nang gsang ba'i lha/ /Da ki chos skyong tshogs ma lus pa'i/ /bde legs yon tan ma lus rab rgyas pa'i/ /bde legs des ni bkra shis bde legs shog /skyob pa'i rjes slob gang dang gang zhig gis/ /nyin re bzhin du thun gsum glags gyur na/ /sdig bcom nyes bral mkhyen gnyis thob par 'gyur/ /gang gis thos gyur don ldan bde bar 'gyur/ /de phyir 'di nyid don du gnyer bar bya/ /dge nges 'gro kun mkhyen gnyis ? par shog /chos spyod mi dge rang grol zhes bya ba/ grub chen ra hU las mdzad pa rdzogs so// //rgya gar gyi grub thob ra hU la badzra'i zhal mnga' nas / lots+tsha ba chos kyi blo gros kyis bsgyur ba'o/ /