བོད་ཡིག

e-texts based on the ACIP/ALL Input

phul nas zhus lots+tsha ba glan dar ma blo gros kyis bsgyur ba'o// //phyag rgya chen po bsam gyis mi khyab pa brgyad bzhugs so/ /rnal 'byor mtshan brgyad zhes kyang bya'o// //rgya gar skad du/ a tsa na tra ma tA mu tra na ma/ bod skad du/ phyag rgya chen po bsam gyis mi khyab pa zhes bya ba/ dpal rdo rje sems dpal la phyag 'tshal lo/ /skye 'gag med pa'i chos nyid 'od gsal ni/ smra bsam brjod med phyag rgya chen po'i lam/ ngos bzung dang bral yid la mi byed pa/ /zab cing 'dus ma byas la phyag 'tshal lo/ /e ma ho/ /rdo rje dbyer med skye 'jig bral/ drag po'i khams gsum 'gro ba 'dul/ /mun khung gter la sgron me ltar/ /ma rig sgrubs na rang rig gsal/ chos kun rtsa ba byang chub sems/ /rang bzhin gnyis su med pa'i phyir/ /sems nyid rang 'byung ye shes te/ /ma 'dres yongs rdzogs rgyal pa'i thugs/ /de nyid ji bzhin rtogs gyur na/ /sangs rgyas ces ni de la bya/ /gdod nas gnas pa'i dkyil 'khor la/ /grub med sprul pa'i dkyil 'khor shar/ /de ltar rtogs pa'i rnal 'byor pa/ /gdal khyab pa la 'bad pa med/ /zag med rnam grol dang du dag /rgyal ba'i dgongs pa 'di kho na/ /dkyil 'khor la sogs 'phro 'du rnams/ /ched du ma byas ngang du shar/ /'od gsal chu 'os rba rlabs kyis/ /ngo mtshar rnam 'phrul bsam ? khyab ? phyir chos rnams sna tshogs kun/ /ji bzhin ma bcos bzhin du gnang/ /nyon mongs lnga sogs rang bzin rnams/ /rnam grol ye shes chen por shar/ /de nyid mngon gyur stan pa naM/ /mi zad brgyan gyis 'khor lo shar/ /gnyis snang rnam pa mi snang ba'i/ /'gro don rang bzhi lhun gyis grub/ /'di ltar snang ba'i chos rnams kun/ /dbyings dang ye shes gnyis su med/ /'khor ba'i rnam rtog sna tshogs las/ /rgyal ba'i sku dang ye shes 'byung/ /rang bzhin ma skyes yum gyi klog /ma 'gags shar ba ya ba kyi mkha' / /de ltar gnyis med bde ba ni/ /rnal 'byor rig pa'i dgongs pa yin/ /bya byed rig pa'i brtsol ba rnams/ /thabs dang shes rab gnyis su med/ /'khor ba'i nyon mongs dug gsum 'di/ /lhun grub ma bcos sku gsung thugs/ /'dus byas phung po'i rang bzhin ni/ /zag med rnam par grol ba'i ngang/ /sna tshogs snang ba'i 'khor lo ni/ /rang bzhin spyod pa sgyu ma'i grogs/ /gsang chen bla med theg pa ni/ /thabs dang shes rab phul du phyin/ /snang dang mi snang gnyis su med/ /'dzin pa bral ba de tsam mo/ /ji bzhin ma bcos sems nyid la/ /ma yengs bcos slad med par gnas/ /des na gsang pa'i snying po ni/ /tshig gis brjod pa'i yul las 'das/ /rang lus dben pa'i dgon pa der/ /phyi nang gsang ba'i yo byang 'dzin/ /sems nyid rin chen za ma tog /chags bral nam mkha' lta bur 'char/ /snang ba sgyur byed rnal 'byor pa/ /rang bzhin mdzad pa sna tshogs la/ /'phrul dga' lta bur snang ba'i na/ /don du mi 'gyur yongs mi bzung?/ /bdag nyid chen po rgyal ba'i sems/ /rtogs par 'dod pa rgod bro ang/ /khams gsum ye nas rgya ba'i sku/ /'khor ba myang 'das gnyis su med/ /dus gsum rgyal ba rang giS sems/ /'bad cing rtsol ba'i gnang dang bral/ /bde dang sdug bsngal dbyer med la/ /spong len mtshan ma 'dod pa ci/ /de nyid rang gsal 'dzin pa med/ /'dzin med grub mdza' lta ba bral/ /sems kyis me long de gsal ba/ /sngags 'chang dgongs pa mnyam nyid do/ /rang la gnas pa gzhan du min/ /rgyun tu gnas ba rting dpag dka' / /brtsol sgrub bral bar yongs la khyab/ /dngos su mthong ba bla ma'i drin/ /ma skyes spros bral sems nyid gzhi/ /kha dog dbyibs dang gnas rig bral/ /zab cing rgya che gsal bar ldan/ /brtan g.yo ma lus de ltar byos/ /'gro ba 'di kun sangs rgyas te/ /gsal bar yod kyang rtogs pa med/ /sems nyid nor bu rin chen de/ /skubs nam mkha' lding phrug gu 'dra/ /dam pa mnyes byed skyes bu yis/ /bder gshegs dgongs pa rdzogs pa'i don/ /dug gsung sku gsum thugs su dag /dpa' bo seng ge bzhin du rgyu/ /theg chen gsang ba'i rnal 'byor gyis/ /spyod pa'i khyad par ci spyad kyang/ /tshogs sgyur? len med 'dzin dang bral/ /dkyil 'khor chen po'i gsang bar zhugs/ /sku gsung yon tan 'phrin las la/ /'od gsal ye shes snyoms mdzad pa/ /bdag gzhan gnyis kyis 'dod pa sgrub/ /thugs rjes khams gsum bsgril? la rtson/ /rol pa'i ye shes dges pa las/ /thabs chen zab mo'i theg pa spro /mi zad sdub zung du 'jug /de ltar mnyam byed rnal 'byor gyis/ /rnal 'byor gyi rgyal po'i khab tu/ rnal 'byor pa la gdams pa rang bzhin bsam rnal 'byor pa la gdams pa dad bzhin bsam gyis mi khyab pa zhes bya ba// a'ii// //sdug pa tshar gcod ye shes chen po'i klong/ /rab 'bar 'jigs byed he ru ka la 'dud/ /thabs dang ldan pa rnal 'byor chen po'i gzhung/ /ma lus rgyal ba'i rjes su 'jug par bya'o/ /sdang ba'i sems can zhi ba'i mi 'dul ba/ /gnyen po'i tshar gcang 'phrin las chen po'i lugs/ / bla ma la dmod bstan la sdang sogs la/ /rang bzhin grol phyir sgral ba'i sbyor ba tsam/ /mnyam nyid rig pa'i rnal 'byor chos kun ni/ /ro gcig zhi ba'i rgyu 'bras sdug bsngal bcad/ /thabs ldan lcags kyu'i? 'khor ba'i phung po dgug /thugs rjes lcing mnan shes rab mtshon gyis bral / /chu shing kha phye ma rig mun pa gsal/ /ye shes 'od kyis 'byung ba rims kyis sbyangs/ /de sems gsal bar nyi zla'i gdan stengs su/ /A(rgyud 'grel mdzad pa can/ /ngo mtshar sgyu ma'i dpe brgyad rnams kyis sras/ /phung po la sogs 'byung ba dbang po rnams/ /mchod pa'i sprin phung bzhin du khyab par spro/ /a'i rang bzhin thog mdza' med pa'i nang/ /ha la sngon mtshon bris pa'i gzugs la lta/ /hUM ltar phur bu'i btags skar rtsad nas gcod/ /mnyam du sbyor ba de nyid nges pa yis/ /phyag rgya'i snying po bdag po dgu 'das pa'i/ /go 'phangs gter phyed chagS pa'i sdig pa sgrol/ /thabs dang shes rab 'bral ba gsang ba'i ? bas/ /dka' thug tshogs dang bral ba bsgrub pa'i lan/ /nyi zla'i ces? brin? zhe sdang bde bar thim/ /nyon mongs dran rtog shes rab snang ba gsal/ /goms pa'i sbyor ba legs bshad rten pa yis/ /rten med 'dzin pa bral ba ye shes lha/ /mnyam par sbyor ba'i zag med bde ba che/ /gnyis 'dzin bung shing me ltar rang tshig 'gyur/ /de ltar shes pa'i skyes bu 'dzin pa dang/ /'phel 'grib zag pa yod med la sogs pa/ /'ching grol khyad par sna tshogs snang ba kun/ /sgyu ma'i sbyor ba rgyal ba'i mdzad par gnas/ /sbyor ba'i bdug pa ma lus bsgral bya zhing/ /bsgral ba'i skye med dbyings su nges par sbyor// dngos dang dngos med 'jig rten 'jig rten 'das/ /spyod yul bral ba'i gsang ba'i lam mchog go /gnod sbyin srin po'i mthu rtsal ngan song lam/ /gnyis 'dzin zhen pa rang rgyud 'khor ba te/ /de nyid med par grol ba srin bor lam/ /yang dag don la gnas pa lta bur 'gyur/ /thams cad rang byung byang chub sems yin pas/ /'di nyid ma skyes phyogs ris cha shas bral/ /ma dmigs mi dmigs dmigs su med pa yis/ /'phrin las chen po'i mi mthun dri ma sel/ /dgug dang bkug dang 'thab dang skar ba dang/ /'dren dang 'dzin dang 'khyim par bya ba ste/ /sbyang dang spel ba'i las la legs rtsam pa'i/ /rgyun chang med pa'i bde ba chen por 'gyur/ /gsang mchog thig le dbyings la rab tu rdzogs/ /phyi nang snong? bcung ye shes chen po'i sku/ /gang gis dpag par mi nus bsam las 'das/ /rang byung mdza' dbus med pa snying pos gsang/ /dbang po dman dang rtog ga'i yul min zhing/ /gang du 'ching ba'i las la spyod pa'i kyang/ /de nyid grol ba'i mchog ster rgyal sras lam/ /'phro 'du med pa'i rgyal ba'i dkyil 'khor ro/ /rnal 'byor gyi dbang phyug chen po ti lo pas/ gyang kyis nor bu'i grong khyer du mthu can la gdaMs? pa 'phrin las bsam gyis mi khyab pa zhes bya ba// // athii// //e ma ho/ /srid pa'i rtsa ba bde ba che/ /sems can kun gyi rang bzhin gnyis med bde pa'i chi ma gyur ba/ /lhan cig skyes ba'i ngo bor gsal/ /thabs chen gsang ba'i dkyil 'khor dag /rol pa bde ba'i nyams dang ldan/ /'phrin las mdzad pa'i dgongs pa las/ /dus gsum mnyam pa'i tshul du bzhugs/ /thabs kyis bskul pa'i shes ca chags/ /de bzhin shes rab pa de zhen sel/ /gnyis med rol pa'i ye shes kyis/ /rdo rje 'dzin pa nyid du 'gyur/ /rdo rje 'chang gis stobs? ldan pas/ /'khor lo bzhi dang srog shing gsum/ /me rlung thabs ldan sbyor sheS pa'i/ /ye shes nam mkha' lta bur mthong/ /gang de thabs las byung ba yis/ /gnas bcud thig le mi dmigs pa'i/ /bde chen thig le'i stobs las byung/ /spyi dang rang gi mtshan nyid gsal/ /phung sogs 'jig rten rtag pa kun/ /rang snang sgyu mar snang tsam las/ /phyi nang bden gnyis mnyam sbyor bas/ /kha 'dras gcig dang du ma bral/ /bde chen thig le rang byung las/ /man ngag ldan pa'i rgyas btab pas/ /ma rig gnyis 'dzin la sogs dang/ /dman pa'i theg pa ring du sbang/ /'dzag dang 'phar dang 'bar ba dang/ /'dar dang rgyug dang sgra sogs dang/ /rang bsal mngon shes 'chi med sogs/ /skye med nam mkha' i rang bzhin gsal/ /rtsa dang rnam shes sgyu ma las/ /mi dmigs brjod med gang goms pa/ /grangs las 'das pa'i ye shes kyang/ /mi zad brgyan gyis 'khor lo mthong/ /rang byung bde ba thog mdza' med/ /ngo bo nyid kyis bden mthong zhing/ /thig le rang shar sprul pa yis/ /mdzad pa'i rnam 'phrul bsam mi khyab/ /bde chen theg par 'gro ba yis/ /bstan pa'i rim pa mdza' yas kyang/ /sems can bsam pa ji zhin du/ /thig le chen po'i dang las 'byung/ /dug gi dug nang gsal pa ltar/ /'gro ba chags pa'i 'dul ba ste/ /skyes bu thabs kyis bder 'jug pa/ /pad+ma la ni 'dam bzhin no/ /skyed pa thabs kyis 'od zer gyis/ /a las cung zad bde pa'i reg /rang byung gsang ba'i lam du bril/ /rang rang 'khor lo thim par byed/ /ma lus bde bar shar ba las/ /'khor ba'i bag chags ma lus spangs/ /tha dad la sogs chos med de/ /skye med bde ba'i snying por gsal/ /'chol pa sprin gyis dum bu dang/ /nyi zla spa can mkha' la 'du/ /drag po pho brang sgo las bsrungs/ /mgo med rang gis gnas nas 'gyings/ /stobs kyis gnas pa'i ga'u sbyor/ /zla ba nam mkha' i dkyil du stim/ /nyi ma'i bkod pa'i chu g.yo zhing/ /seng ge 'dud pa'i laM 'brang gsal/ /'phen dang sdud par byed pa dang/ /gyen du 'gro dang mthur la sgul/ /'khor lo bzhi la rgyas thebs pas/ /bde ba chen po lhun gyis grub/ /'khor dang mya ngan 'das pa rnams/ /gdod nas grub par gnyis su// med/ /ma lus bde pa'i gzugs su shar/ /gsang chen mi ldog rigs su nges/ /'gro la gsang lam 'di bstan pas/ /me tog la ni chu bzhin du/ /shes rab gsum la goms pa yis/ /gsang ba gsum la spyad par bya/ /thabs chen ldan la mngon sum ste/ /gnyis med thig le 'phro 'du med/ /mnyam pa chen po'i mchog gis dbyings/ /thabs shes gnyis med rdo rje'i lus/ /phyag rgya'i sbyor ba 'di yis ni/ /dpag med leg par 'khyam pa rnams/ /thabs kyis ma skyas pa la bkod/ /'chi ba med pa'i chos skur thim/ /bde ba chen po'i khyab pa'i ro/ /lus gnas lus las ma skyes pa'i/ /sangs rgyas kun dang dbyer med pa'i/ /thams cad lhan cig skyes par gsal/ /rnal 'byor gyi dbang phyug tI lo pas/ sgyu ma sprul pa'i grong khyer du/ /smad 'tshong ma la gdams pa/ /bsam gyis mi khyab pa bde ba chen po zhes bya ba// //athIi// // e ma ho/ /sangs rgyas rnams kyis gsang ba'i gsung/ /mdzad pa rnam grol ye shes chen po la/ /dges snyam rol pa'i chos kyi phung po rnams/ /yid 'od glu ru thub pas bka' stsal to/ /gsang sngags mda' chig 'thun pa'i bka' lung can/ /zab mo sgra sgrogs rnam dag sngags nyid ste/ /lus can gdung ba sel ba bde ba'i sgra/ /grags stod gnyis su med pa zung 'jug dang/ /snang ba sku la sgra tshig sna tshogs gsung/ /de nyid dbyer med dbang? du bsdus pa thugs/ /rgyal ba'i dkyil 'khor tha dad med pa yis/ /a yi drangs pa tshangs pa dbyangs kyis sgra/ /ngo bo skye med brjod pa'i yul las 'das/ /nga ro bcu drug rang 'byung dga' ba yin/ shes rab yum chen khong nas 'dren pa'o/ /gsal byed 'dren pa'i mi 'byung tshig tu 'brel/ /thub pa'i dgongs pa lkog gyur mkhyen pa gnyis/ /thugs rjes spro phyir gsal ba'i tshig tu rgyus/ /don tshan ston pa glu'i tshig yin no/ /pho yis drangs nas mo'i rgyun dang ldan/ /gnyis med ro gcig gsal ba mtho dang mda'/ /sems byung rgyun spyod dang du gnas par byed/ /de'i sgra de 'dren pa glu'i brgyan/ /sgra yis yid mtsho tshig gis don la sbyor/ /dges pa'i rang rtsal mi mthun phyogs las rgyal/ /gsang sngags bden pa'i dag tu byin rlobs pa/ /mi dmigs thugs rje mnyam pa'i dbyings las byung/ /ye shes chen po sgyu ma rang snang baS/ /zag med snyan pa'i nga ro bsod nams tshogs/ / gsang ba'i dbyings las rab tu 'phros gyur pas/ /dkyil 'khor mdza' yas rnams la rol pa'i dbul/ /dbang po yod dus rig pas tshogs rnams dang/ /'byung ba shes rab byang chub rdo rje ste/ /lhag pa'i ye shes de bzhin nyid mchog la/ /bskal pa mnyam pa'i mnyes pa chen po nyid/ /de ltar glu yis 'jig rten gdung sel cing/ /'jig rten 'das pa mnyes pa'i mchod pa ste/ /don du nges pa dag gis rig byed can/ /mkhyen pa'i 'jug sgo bsam gyis mi khyab pa// sdug bsngal bde bar sbyor ba'i mthu stobs can/ /nyon mongs rnam grol ye shes chen po'i lam/ /lam la ye shes 'byung ba'i 'dzin pa med/ /nges par sbyor ba rdo rje tshig gi glu/ /rang bzhin gnyis med dgongs pa mdza' yas ston/ de'i rgyu nyid don dam blo las 'das/ /'bras bu rol pa dkyil 'khor rnga? bI gdangs/ /mi dmigs thugs rje'i rtsal du rang shar ro/ /chos rnams ma lus sems su 'dus pa ste/ /sems las ma rtogs shes bya gzhan med pa'i/ /sems/ kyis rang bzhin ye nas rgyal ba'i thugs/ /'pho 'gyur med pa 'phel 'grib gol sa chod/ /rang byung dga' ba'i 'gro ba'i gdung ba sel/ /dangs ma rtser phyin mkhyen pa bsam mi khyab/ /skye dgu'i bdag po tshangs pa'i rtse mo'i bar// skyong ba'i glu mkhan tI lo ? yin no// ? //kye ho yon tan sgyu ma yin pas skyon la dngos ma grub/ /gnas la nges pa med pas 'pho 'gyur nyam ming/ /sems la skye shi med te 'od gsal dang/ /dran rig sna tshogs ye shes rol pa'i rtsal/ /de ltar shes pas spang blang 'dzin pa med/ /rig pa'i ngo bo nyams las ma g.yos par/ /dur khrod chen por smyon pa'i spyod pa gyis/ /rnal 'byor rnams la nga yis lung bstan to/ /rnal 'byor gyi dbang phyug tI lo pas/ 'dus pa rin po che'i tshong 'dus su/ /glu mkhan la gdams pa/ /rol mo bsam gyis mi khyab pa zhes bya ba// athii// //e ma rnal 'byor chen po kye/ /gnyis su med pa'i bde pa ni/ /rang byung rtsol ba bral ba te/ /bsam gyis mi khyab ngo mtshar che/ /thabs chen rnams gnyis ma bstan par/ /de nyid rtogs pa med pa ste/ /sems nyid nor bu rin chen la/ /'dod pa med pa'i tshul gyis rtogs/ shes rab lhun? gyis grub pa yis/ /ye shes chen po bsam mi khyab/ /gnyis med lam gyis 'jug pa dang/ /zung 'jug chen po rgyal ba'i thugs/ /sgrib med nyi ma gsal ba yis/ /dngos po ma lus gsal bar byed/ /don dam ye shes chen po las/ /kun rdzob rgyal ba'i dkyil 'khor shar/ /mnyam nyid sems la goms pa ni/ /skyes bu seng ge lta bur rdzi/ /pad+ma 'dam gyi nyes dang bral/ /mi dbang ma'i lton gnas/ /sel med shes pa ma bcos pa/ /gsang ba'i dkyil 'khor chen po yin/ /gnyen po'i bcos dang dgag pa med/ /rang lugs ye shes chen por gsal/ /mnyam pa'i gdeng dang ldan pa yis/ /dpa' o mi mthun g.yul las rgyal/ /de ltar brtul shugs spyod pa yis/ /rnal 'byor che la gnas par byos/ /rma bya dug gis mdzes pa ltar/ /dpa' bo nyon mongs brgyan du 'gyur/ /rgyal pa gshegs shul 'phrin las bzhi/ /de bzhin rnal 'byor pa yis mdzod/ /'dzin med ye shes chen po'i me'i rtog pa'i bag chags bsregs par byed/ /sgrib bral byang chub sems la ni/ /dri ma'i nam yang gos pa med/ /rin thang med pas nor bu de/ /bsod nams phun tshogs dag la mnga' / /ldan min sems kyis gter mdzod de/ /bla ma'i drin thob rnams la gsal/ /rig byed sems kyis rnam pa ni/ /man ngag rim pa'i thag bcad de/ /rang bzhin de ltar yid ches pas/ /rnam par mi rtog don dam mo/ /chos rnams nam mkha' mtshon pa ste/ /ngo bo sems kyis yul las 'das// mig rgyu'i rgyu yang nam mkha' la/ /sna tshogs snang ba de ltar byos/ /theg mchog yangs pa zab me'i lam/ /dmigs med spros ba kun las 'das/ /chos kyis dbyings su mnyam pa yis/ /de nyid don chen blo la 'char/ /yod med semS kyis yul las 'das/ /re dogs 'dzin pa mdza' nas sangs/ /chos rnams du ma ro gcig phyir/ /bsgom dang mi bsgom rtsol ba bral/ /sems nyid ye nas sangs rgyas pas/ /chos gzhan nyid du sgom mi dgos/ /yin par shes pas blo thag chod/ /dpal thob yon tan de rtsam mo/ /rnam par rtog dang mi rtog kyang/ /rang bzhin shes pas spong mi nyams/ /ngo bo nyid kyis ma skyes pa'i/ /rjes med bya ba lam bcos su med/ /mi mthun gnyen por dbyer med pa/ /de shes 'bad pas blo dang bral/ /mnyam bzhag chen po'i dgongs pa ste/ /gang la de yod rig pa can/ /gcer bu ral pa'i gtsug phud can/ /las kyis 'phangs pa'i rdzu 'phrul gyis/ /'jig rten pa las mi mdor zhing/ /de nyid ye shes mthong ba med/ /? bzhi'i rnam dag dkar po la/ /snang ba sna tshogs ri mo bkra/ /ji srid nam mkha' i mdza' i bar/ /shes rab sprul pa bsam mi khyab/ /sprul tsam nyid ni ma nges te/ /mnyam nyid rgyal po'i dang? la gnas/ /dbang sgyur ye shes chen po ste/ /de nyid gzhan min dbang po nyid/ /sbra tshad lung gis mtshon cha yang/ /skye med rang byung dang nas shar/ /tshangs pa dbang phyug la sogs kyang/ /yi ge'i shes par ma mthong ngo// lhan cig skyes pa'i ye shes do/ /rtsol ba'i ring du song gyur pas/ /brtsol med bla ma'i zhal nas ni/ /legs rnyed ring thang bral ba ltos/ /rnal 'byor gyi dbang phyug tI lo pas/ rgyal po seng grags seng ge'i sgo drung du/ /mu stegs pa la gdams pa chos nyid bsam gyis mi khyab pa zhes bya ba athi'i// //e ma sangs rgyas e mchos/ /e ma gtum mo mdzad pa legs/ /e ma gsod pa shin tu zab/ /a a sdug bsngal gnas nas bsgral/ /rdo rje rigs kyis dam tshig ste/ /gsal zhing dangs pa thugs kyis rigs/ /rno zhing rtsub pa'i 'bigs pa yang/ /gang la bsnun pas 'joms par byed/ /ma skyes rdo rje ye shes kyang/ /rno zhing 'bugs pa'i rang bzhin ste/ /gsad cing 'phrin las drag po yis/ /sdug pa ma lus zhi bar mdzod/ /brtse zhing mkhas pas rnal 'byor pas/ /ci nus gsad pa'i sbyor ba tsam/ /ngan song gsum du bka' stsal dang/ /bsgral pa'i gnas lngar grags pa dang/ /snying rjes yul ni rnam pa gnyis/ /las dang dge ba'i bsdus pa'o/ /rang bzhin ye nas rnam dag kyang/ /ma rtogs nyon mongs dbang gis na/ /khams gsum sdug bsngal myong 'gyur la/ /gsang pa thar pa'i bya phyir ro// de'i rig pa 'og min nam/ /sangs rgyas zhing las mi ldog pa'i/ /gnas su nges par byas nas ni/ /yon tan ldan pa'i gnas su'o/ /chos rnams ci yang min pa la/ /snying rje'i gsang par dam bcas nas/ /chos kun 'dzin pa'i shes rab kyis/ /ji ltar rtog cing goms pa las/ /yig 'bru sna tshogs 'od zer gyis/ /sgrib pa byang zhing go 'phangs bgod/ /sngags dang phyag rgya ldan pa yis/ /rgyal pa'i thugs rjes gsad par byas/ /de yis chos kun don rig cing/ /de lta? sgrib pa'i bag chags choms/ /shes rab ting 'dzin khyad par rnams/ /skye 'gyur dgos pa med las gsad/ /de bsad mchod pa'i khyad par gyis/ /rdo rje mkha' 'gro la sogs mnyes// de 'og sems can don byas te/ /sdug bsngal gnas bsgral bsod nams tshogs/ /rang sems khyad par dam tshig nye/ /dbang don phun sum tshogs pa'o/ /ngan 'gro rnams kyis sgrib pa sbyangs/ /bsad pa byang chub lam la dgod// gzhan don lhun gyis grub pa'o/ /de ltar shes rab chen po yis/ /dngos 'dzin rdul tsam ma dmigs la/ /thabs su ma gyur gang yang med/ /mnyam par shes nas ci dga' gyis/ /sgyu ma lta bu'i tshul shes nas/ /yod med dmigs pa la 'das pas/ /log rtog tsam la srog tu snang/ /srog kyang med la bcang bya med/ /srog ni dngos por lta ba dang/ /mtshan mar zhen pa rnams la snang/ /de ltar mtshan ma bral ba dang/ /snying rjes blo can rnams la min/ de ltar shes la spor len nam/ /'jug dang rtsol pha len mi 'gyur/ /sgyu ma lta bu'i spyod pa yis/ /de ma rtogs pa'i 'gro rnams la/ /ngang las ma g.yos snying rje yis/ /sna tshogs mdzad pa ston par byed/ /gsod pa'i sbyor ba ? pa yis/ /ma lus rgyal bas sa la 'god/ /gtum po rang gis gnas na 'gying/ /dpa' bos g.yul las rgyal bar byed/ /nags kyis mun pa me yis bsreg /dug mtsho'i gling la bdud rtsis myos/ /sngon gyis thugs dam chen po yis/ /'jig rten 'gro ba ma lus pa/ /rgyal ba'i zhing du sbyor ba'i na/ /gsad pa'i sbyor ba shes par byos/ /gzhi rtsa bral ba'i skad cig la/ /yang dag sgyu ma'i tshul du snang/ /bdag dang gzhan gyis rang bzhin rnams/ /rnam dag dbyings su tshul gcig go/ rnal 'byor gyi dbang phyug tI lo pas/ /rigs ngan gtum po'i grong khyer du/ /shan pa la gdams pa/ gsod pa'i sbyor ba bsam gyis mi khyab pa zhes bya ba// //athIi?// // dpal ldan thugs kyis gsang ba nas/ /rin chen sgron gyis 'od zer gyis/ /log tog mun pa sel mdzad pa/ /blo yis legs spyad gsad par rigs/ /sngon sbyangs bskal pa mang po nas/ /rgyal ba mnyes byed dge ba bskun/ /don dam nges ba'i rang bzhin ni/ /shes rab mchog ldan de la gsal/ /ye shes sgyu 'dra'i rgyal ba dang/ /log rtog sgyu 'dra'i sems can yang/ /sgyu ma yin phyir rang bzhin mnyam/ /de ltar yong shes 'gal ba med/ /shes rab chos skur tshul gcig cing/ /thabs rnams gzugs skur tshul gcig pas/ /dbyer med spyad du med pas na/ /sems las sangs rgyas nges par bya/ /de lta bas na sgrub bya'i lam med cing/ /'bad pa byas pa'i don med kyi na zhig /dper na dgra med skyes bu zhig /rang gis grib ma'i 'jigs pa ltar/ /btags pa'i 'khrul 'khor can la ni/ /snying rje skye bar ci mi rigs/ /snying rje sgyu ma lta bu yis/ /thabs kyis spyod pa cir yang ston/ /'khor ba spong bar mi byed cing/ /thar pa 'dod pa mi skyed? kyang/ /rang bzhin shes rab chen po yis/ /rgyal ba dgongs pa de ltar bsgom/ /chos rnams rang bzhin shes pa yis/ /rnam dag sems kyis dbyings la rol/ /ngo bo stong pa'i rtags dang bral/ /rang bzhin bde ba'i chad pa med/ /ma bcos gdod nas rnam par dag/ dbyer med zung 'jug sngags kyi lam/ /gnyis med spros dang bral ba'i phyir/ /ming tsam du yang mi dmigs so/ /rmi lam skyes bu'i dug 'thungs ltar/ /srid las nyon mongs de ltar shes/ /dug? gis sdug bsngal mi zad pa/ /'khor ba'i sdug bsngal de tsam mo/ /rmi lam du yang nang gsal ltar/ /lam gyiS rig pa de bzhin no/ /de nyid rgyu 'bras mi slu ba'i/ /ma rig gnyid log rnams la nges/ /'khor ba rmi lam ltar shes pas/ /mi 'gyur ba de thob rlom sems med/ /mtshan ma'i log rtog bral ba na/ /ye shes chen po chos kyi sku/ /bsod nams rgyal ba'i gzugs sku la/ /ting 'dzin dpe byang dag gis sprad/ /rnam smin lus la tshul bzhin du/ /sku gsum 'byor pa 'bras bu'i mchog /rnal 'byor shes rab ting 'dzin gyis/ /sems can thub pa'i spyod yul spyod/ /gnas med dmigs pa'i rdul dang bral/ /sems can khams la skyo ba med/ /de ltar shes pa'i rnal 'byor la/ /mi bya ci yang yod ma yin/ /lus kyis bcos ba la sogs med/ /nam mkha' i ri mor bzhin du lta/ /chos rnams kun gyis rtsa ba ni/ /sems dang sems snang tsam du 'dus/ /sems kyis rang bzhin byang chub la/ /byang chub kyang ni sems nyid do/ /de ltar sems kyis rang bzhin de/ / nyan thos gang zag med par shes/ /rang rgyal gzugs don med par shes/ /rnal 'byor spyod pa'i gzung 'dzin med/ /dbu mas don dam bden pa la/ /sngags kyis bden pa dbyer med rtogs/ /snang ba'i bag chags che chung gis/ /theg pa'i dbye ba bsam mi khyab/ /rgyal ma rten 'bras bu ni/ /med ces thub pa'i mdo ru gsungs/ /rgyu med 'bras bu dag pa ni/ /khyod kyis yul med bden pa'i bka' / /chos rnams rnam par sgrub byed cing/ /mtshan nyid tsam du dmigs pas na/ /rigs pa'i gnod pa la sogs pa/ /dngos por lha rnams phan tshun 'gal/ /de ltar rnam par sbyang pa yis/ /phyag rgya chen po'i tshul la ni/ /phyogs tsam reg pa ma yin pa'i/ /rgya mtsho chen po 'jal dang mtshungs/ /phyi dang snang srid chos rnams kun/ /rang bzhin gnyis med gdod nas dag/ lam gyis bcos nas sgrub tu med/ /rtsol med lhun gyis grub pa'o/ /gser gyis gling na rdo med ltar/ /phyi nang bsdus pa'i chos rnams la/ /skyon zhes ming yang ma grub te/ /thams cad rol pa'i brgyan du khyer/ /rnal 'byol gyi dbang phyug tI lo pas/ grong khyer pad+ma can du/ rig byed mkhan po la gdams pa/ /sna tshogs bsam gyis mi khyab pa zhes bya ba/ /athii// // kye ho/ /bzhin bzangs rnal 'byor brtson pa'i nga la nyon/ /legs so legs so khyod kyis mdzad pa legs/ /theg pa'i tshul chen thub pa'i gsung rab rnams/ /sgyu ma lta bur rgyal ba'i rab tu gsungs/ /chos rnams thams cad sgyu ma mig rgyu dang/ /rmi lam gzugs brnyan sprul pa lta bu ru/ /legs par shes na nyon mongs spang du med/ /rang grol ye shes thub pa'i dgongs ba'o/ /khyod kyis rde'u shing pu la sogs la/ /sbyor ba goms pa sngags kyis bsnun pa na/ /skyes pa bud med rta dang glang po sogs/ /gzugs brnyan sna tshogs snang ba 'byung ba na/ /dang po gang nas kyang ni ma byung la/ /snang ba'i tshe na sgyu ma yin pa'i phyir/ /mtshan ma gang yang yod min sgyu ma bsdus pa na/ /'gag cing mi snang gyur tshe gang duAng song ba med/ /bsdus tshe mi snang gyur kyang skad cig rgyun ma chad/ /de ltar snang dang mi snang gnyis ka mtshan nyid med/ /gcig nyid yin phyir ji srid rkyen nyid dang/ /nye bar gnas par snang tsam mtshan bzang po'i sgyu ma'i thub la gdugs tshong phul/ /tshogs gnyis rdzogs pa sgyu ma'i snang ba yis/ /bye brag gyur pa med te mgo mnyam mo/ /mig rgyu dag kyang nyams kyis 'du 'phro yis/ /las kyi bya ba byed dang mgo mnyam mo/ /rmi lam dag la lha'i lung bstan nas/ /ma 'ongs dngos po ston te bye brag med/ /gzugs brnyan kra yi sngags las grub pa yis/ /lkog gyur rkun mo'i gzugs mthong tha dad med/ /sprul pa 'gro ? 'don du rgyal ba'i sprul/ /bskal par gnas te mdzad pa sgrub pa med/ /lo zla skad cig sna tshogs snang ba yang/ /sprul par rtogs te bye brag mtshungs pa'o/ /de ltar sgyu ma 'dra ba'i dngos po kun/ /'byin dang bsdud dang 'phel bar byed pa yis// de ltar de la sngag pa'i yong mi gos/ /bsod nams dag kyang de bzhin shes par bya/ /gang la sdig dang bsod naMs gnyis med pa/ /de ltar gyur la byang chub bar du gsungs/ /chu yis gnod pa gzings kyis lan pa bsgrub/ /chu med gyur tshe gzings kyis dgos pa med/ /de bzhin gnas ngan len gyis gnod kyis bar/ /sgyu mar shes pa gang la yong pa phan/ /gnas ngan len gyis gnod pa bral ba na/ /bsod nams sgyu ma lta bur dgos pa med/ /sems can sangs rgyas rang bzhin mnyam pa te/ /chos rnams thams cad ngo bo nyid kyis stong/ /rang bzhin 'od gsal gdod nas 'dus ma byas/ /sgyu ma'i gos yin ye nas sangs rgyas so/ /de ltar shes nas bdag gzhan dbyer med pa// phung sogs sgyu ma tsam du snang ba yis//de bzhin gshegs par shes pas blo ldan ni/ /lam gyis mchog tu rgyal ba'i rab tu gsungs/ /de ltar khyed kyis bya ba chos mtshon dpe/ /bden pa'i stong pa'i chos nyid gang yin de// nges pas don du yang dag stong par rtogs/ /chos kyi dbyings yin rnam par dag pa'i ngang/ /'gro ba sgyu ma'i lam yang der shes nas/ ye shes sgyu ma lta bu'i don byed shog/ /rnal 'byor gyi dbang phyug til pas/ grong khyer grags pa skyong du/ sgyu ma mkhan la gdams pa/ dngos po bsam gyis mi khyab pa zhes bya ba rdzogs so// //chos spyod mi dge rang grol sogs 'ga' yar bzhugs so// //