བོད་ཡིག

e-texts based on the ACIP/ALL Input

rgya gar gyi mkhas grub na ro pan chen gyi zhal mnga' nas/ bod kyi lots+tsha ba mar pa chos kyi blo gros kyis pu la ha rir bsgyur cing zhus te gtan la phab pa'o// //chos drug rdo rje'i tshig rkang/ / rgya gar skad du/ d+harma ShaT badzra yo ge tha nA ma /bod skad du/ /chos drug rdo rje'i tshig rkang zhes bya ba / dpal zung 'jug bde ba chen po la phyag 'tshal lo/ /gang zhig brjod bral lhun grub 'dus ma byas/ / kha sbyar bde chen longs sku gang 'dul shar/ /sku gsum bdun ldan rdo rje 'chang dbang gis/ /theg chen skye med rang sgra 'di skad thos/ /dbang bzhis smin byas dang dang brtson 'grus ldan/ /mi rtag skyo shas nyes dmigs sngon 'gro bas/ /lam mchog 'di la gang gis 'bad gyur na/ /zla drug lo 'am tshe 'dir sangs rgyas 'gyur/ /thabs lam bde drod rang 'bar/ /sgyu lus chags sdang rang grol/ /rmi lam nyid 'khrul rang dag /'od gsal gti mug rang sangs/ /'pho ba ma sgoms sangs rgyas/ /bar do longs spyod rdzogs sku/ /rang lus thabs ldan rtsa gsum 'khor lo bzhi/ a haM 'bar 'dzag skad cig dga' bzhis brgyan/ /shes rab kha ga mu kha'i snyoms 'jug gis/ /zag bcas zag med dga' bzhi rim bzhin no/ bcud bsdus dag byed stong ra'i gnad gsum dang/ /drod myur gtum mo'i chos drug rim bzhin te/ /ri bong dbab bzung zlog 'gram rlung dang bsre/ /zab med ye shes chen pos brgyan par bya'o/ /gtum mo zas su zab/ gos su gyon pa/ stan du 'dir gab /srid pa'i dbang zhu ba/ gegs rang grol dang rlung rtar zhon pa'o/ /sgru lus bden med dbang po rab 'bring gsum/ /'bral med mos gus rang lus cir snang kun/ /snang stong bden bral lha sku'i lam khyer bya/ /chags sdang rang grol bcu bzhi'i sa thob 'gyur/ /dbang po rab grogs su bla ma dam pa brten pa/ 'bring tshig gzhan gyis bar mchod par khrid pa tha ma mal cig tu ting nge 'dzin bskyed pa'o/ /gang gis bsam pa thams cad yongs spangs nas/ /rmi lam 'dun pa'i gnad la 'bral med bya/ /nying 'khrul yang dag sgyu ma lam rim gyi/ /yon tan nyin mtshan dus su rang shar 'byung/ /rmi lam bzung ba/ sbyang ba/ spel ba/ sprul pa/ bsgyur ba/ yul snang ngo/ /'khrul 'byams/ bde 'byams/ stong 'byams rnams/ mos gus tshogs sogs gar sel brgyan par bya/ /'od gsal 'char byed bla ma'i mos gus dang/ bde chen zag bcas zag med lta stangs kyis/ /bde gsal mi rtog dbyer med rang shar 'byung/ /sbyor dngos rjes gsum dus gnang brgyan par bya/ /'od gsal bzung ba lam khyer bsre ba mthar thug go /'od gsal mngon gyur dam pa nyams myong can/ /'char sgo gegs sel bogs 'don brgyan par bya/ /'pho bya 'pho byed bral ba yang rab ste/ /'bring dang tha mas chags sdang spang byas nas/ /dga' zhing mos gus dmigs pa rtse gcig gis/ /gyen du 'phang zhing smon lam brgyan par bya/ /chos sku de bzhin nyid kyi 'phob/ zung 'jug yi dam gyi 'pho ba/ byin rlabs bla ma'i 'pho ba/ 'dug? med mkha' spyod kyi 'pho ba'o/ /dus gnad lus gnang rdzas dang ngag gnad la/ /sbyangs shing brtan pas 'pho ba mchog yin no/ /phar ? sogs 'od gsal chos sku dang/ /gang 'dul sprul skus mtshams sbyor skye shas gnad/ /chags sdang phrag dog 'od gsal lha skus sbyang/ /sgrib gnyis rang dag sku gsum mngon du 'gyur/ /bar do dang po'i 'od gsal rang shar/ /'bring rgyal ba longs sku rang shar/ tha ma sprul sku 'gag med rang shar/ /spyi gnang 'chug med lam 'khyer ro/ /gzugs sgra chu snang byed la sogs pa yi/ thim 'gros rang bzhin brgyad cu shes par bya'o// //log ltas rgyud dkrugs rtsod ldan snyigs ma'i dus/ /yang dag chos ni nyin skar ru sbal sbu/ /chos log tshong dus 'o ma'i chos spyod che/ /nyams myong lung dang tha ma yig brgyan pa gces/ /lam gyi mchog gyur 'di ni nyams len rnams/ /gzhan gyi dus min 'di 'am bar mdor/ /bde stong dbyer med dang shar nas/ /rnam par dag pa'i mkha' spyod nyid du 'gro/ 'di nyid mi rabs bdun du tshig brgyud las/ mi spel rdo rje'i rgya ? gdab par bya/ /chos drug rdo'i chig rkang zhes bya ba rdzogs so// //ye shes kyi mkha' 'gro ma'i zhal nas lots+tsha ba glan dar ma blo gros kyis bsgyur ba'o/ /bdag khyud po rnal 'byor pas gser sreng? lnga brgya phul nas zhus te nyams su myong bar byas pa'o/ /phyis tho ling du lots+tsha ba rin chen bzang pos gtan la phab pa'o// //phyag chen rdo rje'i tshig rkang// //rgya gar skad du /mahA