བོད་ཡིག

e-texts based on the ACIP/ALL Input

kha che'i paNdi ta ta thA ga ta b+ha dra dang/ dge slong 'phags pas rgya'i yul cod du'i mkhar du bsgyur ba'o// //rgya gar skad du/ sh+rI si ta tE ra sA d+ha naM/ bod skad du/ dpal sgrol ma dkar mo'i sgrub thabs/ dpal sgrol ma dkar mo la phyag 'tshal lo/ /'chi ba'i skyon gyis gos min la/ /zla ba drug gi mthar thug par/ /sgrol ma'i thugs kyi 'khor la ni/ /bsgrims bsgoms dngos grub thams cad rnyed/ /ngag gi dbang phyug gis byas pa'i/ /'chi ba slu ba kun bsdus pas/ /sgrol ma dkar mo phyung 'di ni/ /bsgoms pas 'jigs pa spong bar byed/ /bzhi pa'i sde tshan gnyis pa A/ /'od zer rnam 'gro nam mkha' ni/ /pad+ma dkar dang zla gdon la/ /bdun bltas gsum la skyabs 'gro brjod/ /yud tsam stong pa nyid bsgoms nas/ /so so skye bo'i 'khrul bcom ste/ /rdo rje smon la mthu nyid kyis/ /byang chub sems kyi yi ge bsgom/ /pad+ma dkar po'i dbus gnas pa/ /zla ba'i gzugs kyi gdan steng du/ /rdo rje skyil krung dang bcas shing/ /'dod sbyin ud+pa la 'dzin pa mo/ /ston ka'i 'od ltar dkar pa'i mdog /rgyab tu zla ba yang dag bsten/ /rgyan rnams thams cad yongs su rdzogs/ bcu drug lo lon sku mnga' ba'i/ /rdzogs sangs rgyas rnams de yis sras/ /yum gyur 'dod pa'i gzugs 'dzin ma/ /de yi snying dbus 'khor lo'i 'od/ /dkar mdangs 'phags ma sgrol ma bsgom/ /brgyad kyi rtsibs can brgyad rnams kyi/ /yi ge se yongs su gang ba nyid/ /oM ha yi ge'i dbus gnas pa/ /bsgrub bya'i ming ldan lte bar ro/ /zla ba drug tu nges brtan par/ /mi bde med pa'i sems yin pas/ /rtse gcig sems kyis bsgom bya zhing/ /yi ge bcu ba'i sngags 'di bzlas/ /oM yig thog mar byin byas nas/ /phyis tA re rab tu sbyar/ /tut+tA re 'dis tu re phyis/ /swAhA mdza' yin las kun la'o/ /tshangs dbang khyab 'jug zla nyi dang/ /drag po phyogs skyong 'dod pa'i lhas/ /ba spu'i rtse yang bskyod mi nus/ /'chi ba las rgyal grol rnams bzhin/ /gnyer ma skra dkar skal ngan dang/ /nad dang dbul po nyams? par byed/ /seng ge la sogs 'jigs chen brgyad/ /sdug bsngal tshogs rnams sel bar byed/ /bza' dang btung ba gos dad ni/ /khang bzang rin chen ldan mi slob/ /ral gri mig sman rkang byug dang/ /bum pa bzang sogs dngos grub 'gyur/ /snyan dngags rtsod dang mi brjod dang/ /shes rab gcig tu dri ma med/ /'dod pa gzhan yang grub byed pa/ /'khor lo 'di las rab tu 'byung/ /sgrol ma dkar mo bsgrub pa'i thabs/ /'chi dang nad rnams 'joms byed pa/ /phyung ba'i dge ba gang thob des/ /'gro kun sgrol ma'i bdag nyid shog //sgrol ma dkar mo 'chi ba slu ba'i sgrub thabs/ slob dpon ngag gi dbang phyug grags pas mdzad pa rdzogs// //dpal chos kyi rje sa'i steng na 'gran zla dang bral ba'i paN+Di ta chen po shAka sh+rI b+ha dra dang/ sgra sgyur gyi lots+tsha ba gnubs byams pa'i dpal gyis bsgyur pa'o// //rgya gar skad du/ tA ra tsin+ta ma ni sA d+ha naM nA ma/ bod skad du/ sgrol ma yid bzhin nor bu'i sgrub thabs zhes bya ba/ /rje btsun ma sgrol ma la phyag 'tshal lo//