བོད་ཡིག

e-texts based on the ACIP/ALL Input

!/ (/'phags ma sgrol ma'i dkyil 'khor du 'jug pa'i bya ba la sogs pa bzhugs/) /rgya gar skad du/ Arya tA ra maN+Da lA ba tA ra kri tA nA ma(rgyud 'grel pa spyan ras gzigs dbang phyug la phyag 'tshal lo/ /lha mo shes rab pha rol phyin/ /gos pa med pa'i ye shes ni/ /sna tshogs gzugs can nor bu ltar/ /ma lus mdzad la phyag 'tshal lo/ /dus gsum bde gshegs thams cad dang/ /sna tshogs 'gro ba'i ma khyab la/ /gus pa'i blo yis sgrol ma yi/ /cho ga'i rim pa brjod par bya/ /de la 'dir lha mo sgrol ma la lhag par gus pa'i gang zag gang yang rung bas/ /gnas khang brgyan cing byi dor legs par byas pa la sku gsung thugs kyi rten dgram khyad par sgrol ma 'am/ thugs rje chen po'i rten bzhugs su gsol la/ tshul ji lta ba bzhin nu dkyil 'khor bzhengs la/ der tshogs pa rnams la sha chang sgog gcod spangs nas khrus legs par byas la lus la dri bzang pos byugs te/ gos gtsang ma gyon la/ mchod pa'i yo byad rnams dang/ ba'i lci bas la ma lhung ba yang sta gon bya/ gzhan yang nye bar mkho ba rnams kyang tshogs pa dang ldan par bya'o/ /de nas thams cad kyis rang rang gi mdun du sa la ba'i lci bas byugs pa la maN+Dal gyi cho ga las byung ba ltar me tog sil ma'i chom bu bcu dgu pa'i dbus kyi ri rab kyi steng du po ta la nas spyan drangs pa'i sgrol ma 'khor dang bcas pa bzhugs par bsam pa la thog mar phyag bya/ /nye bar spyod pa lngas mchod la mtshan gyis dngos gzhi bstod pa lan gsum brjod/ snying po brgya rtsa brgyad bzlas la tsog tsog por 'dug pas gso sbyong blang bar bya'o/ /phyogs bcu na bzhugs pa'i sangs rgyas dang byang chub sems dpa' thams cad dang mgon po thugs rje chen po dang ldan pa 'phags pa spyan ras gzigs dbang phyug bdag la dgongs su gsol/ /bcom ldan 'das sgrol ma bdag la dgongs su gsol/ /ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas rnams dang/ sa chen po la rab tu bzhugs pa'i byang chub sems dpa' sems dpa' chen po rnams kyis/ sems can thams cad la phan par bya ba'i phyir dang/ bde bar bya ba'i phyir dang/ tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes gzigs pa'i phung po yongs su rdzogs par bya ba'i phyir/ gso sbyong nges par byas te yang dag par blangs pa de bzhin du/ bdag med 'di zhes bgyi bas kyang dus 'di nas bzung nas/ sang gdugs rtse shar gyi bar du sems can thams cad la phan par bya ba'i phyir dang/ bde bar bya ba'i phyir dang/ tshul khrims kyi phung po dang/ ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes gzigs pa'i phung po yongs su rdzogs par bya ba'i phyir gso sbyong nges par byas te yang dag par blang bar bgyi'o/ /deng nas srog gcod mi bya zhing/ /gzhan gyi nor yang blang mi bya/ /'khrig pa'i chos kyang mi spyad cing/ /brdzun gyi tshig kyang mi smra'o/ /skyon ni mang po mnyam brten pas/ /chang ni yongs su spang bar bya/ /khri stan mthon po mi bya zhing/ /de bzhin dus ma yin pa'i zas/ /dri dang phreng ba dang ni brgyan/ /gar dang glu sogs spang bar bya/ /ji ltar dgra bcom rtag tu ni/ /srog gcod la sogs mi byed pa/ /de ltar srog gcod la sogs spang/ /bla med byang chub thob par shog/ sdug bsngal mang dkrug sems can kun/ /srid pa'i mtsho las sgrol bar shog/ ces pa lan gsum du bya'o/ /de ltar gso sbyong blangs nas dus kyi khyad par la nyin gcig gam/ mtshan gcig gam/ thun gcig la sogs pa yang bya'o/ /de la bsnyung bar gnas pa 'am dkar gsum la brten pa yang rung bas 'phags ma sgrol ma lhag par gus pa'i blo rtse gcig par bya'o/ /de nas slob dpon gyis der gnas pa thams cad kyis bsam pa bcos la byang chub kyi sems dang mi 'bral bar bya ba dang/ de bzhin gshegs pa thams cad kyi gdung bdag gis gzung snyam pa dang/ byang chub sems dpa' i spyod pa la bdag gis spyad snyam pa dang/ mdza' yas pa'i sems can thams cad bdag gis bsgral snyam pa'i bsam pa rgyun mi 'chad pas cho ga thams cad bya'o/ /de nas sa gzhi byin gyis brlab par bya ste/ de bzhin gshegs pa sras dang bcas pa thams cad kyis byin gyis brlab pa'i sa phyogs 'di rnams thams cad kyang gser gyi sa bzhi brdal pa la rin po che sna bdun dang baiDUryas mig mangs ris su bris pa'am shel bzhin pa ltar ba la rin po che sna tshogs pa'i phra bkod pa'i tshul khyad par 'phags pa/ kun nas rab tu dang ba dang ldan pa la stong gsum gyi stong chen po'i 'jig rten gyi khams dang tshad rab tu mnyam par grub pa ste/ reg na bde zhing 'jam la mnyen pa phyogs mtshams rnams kyang rin po che sna bdun gyi rgyu las byas pa'i sa gzhi bltar ba kho na la rab tu mdzes pa dums brgyan pa/ nam mkha' 'am lag mthil ltar mnyam pa/ yangs shing bde ba 'byor pa dang ldan pa mnan na nem zhing bteg na 'bar ba/ dam grog dang g.yang sa dang cong rong dang bya skyibs dang bral ba/ gseg ma dang gyo dum dang tsher ma la sogs pa dang brel ba ste/ rnam par 'phrul pa dang bkod pa bsam gyis mi khyab pas brgyan cing mdzes par spras pa'i sa gzhi la nye bar 'tshe ba med pa'i chu yan lag brgyad dang ldan pa sgra snyan pa 'bab ba/ mtsho dang rdzing bu dang lter ka la sogs pa la me tog rnam pa sna tshogs pas khebs pa/ mya ngan med pa dang u dum ba ra dang n+ya gro d+ha la sogs pa'i shing ljon pa rnams la yid du 'ong ba'i me tog dang 'bras bu g.yur zab dang ldan pa du mas brgyan pa/ rma bya dang khrung khrung dang bzhad dang sa ra la sogs pa g.yur za zhing ldem pa dang bcas pa'i bya rnam pa sna tshogs pas bdag med pa'i sgra sgrogs pa dang ldan pa/ seng ge dang glang po che rol pa dang/ kri Na dza Ti dang lto 'phye ba la sogs pa'i ri dags rnams kyang 'khrul ba med pa'i sems kyis dga' zhing brtse bar spyod pas byams pa la gnas pa dang/ pad+ma dang ku mu ta dang pun? dir? ka dang/ utpa la dang pad+ma ge sar la sogs pa kha dog dang dri la sogs pa phun sum tshogs pa sna tshogs pas nye bar mdzes par byed pa'i sa gzhi dam pa dang/ phyogs mtshams thams cad kyang ga bur dang gla rtsi dang a ka ru dang tsan dan sbrul gyi snying po la sogs pas sa'i phyogs kun dri bsung chen pos yongs su khyab pas sems can thams cad kyi yid tshim par byed pa/ rig pa 'dzin pa la sogs pa dang mi 'am ci la sogs pa'i tshogs rab tu yang dag par rgyu zhing lha'i bu dang bu mo dang dri za'i bu mo la sogs pa'i tshogs rnams kyang dam pa chos kyi sgra dang ldan pa'i yid du 'ong ba'i glu dbyangs du ma sgrogs pa chos kyi ro'i dga' ba phun sum tshogs pa dang ldan pas rang dang gzhan gyi rgyu yongs su dang ba chen po skyes pa thob par 'gyur pa zhi g.yas dang lhag mthong gi ting nge 'dzin gyi sgo du ma dang ldan pa'i chos kyi dbyings rang bzhin las grub pas nye bar 'tshe ba'i gnod pa dang bral ba'i sa phyogs dam pa ste/ mdor na bde ba can gyi 'jig rten gyi khams kyi rnam par bkod pa dang mtshungs par 'byor cing dar ba bde zhing skyid pa nyams dga' ba byang chub sems dpa' i tshogs kyis yongs su gang ba'i sa phyogs dam par byin gyis brlab par bya ste/ de yang chos kyi dbyings kyi byin gyis brlabs dang/ dkon mchog gsum gyi bden pa'i byin gyis brlabs pa/ /chos gnyis yongs su rdzogs pa'i mthu dang/ rig sngags kyi rgyal po 'di'i byin gyis brlabs kyis de bzhin du gyur cig/ oM na mo b+ha ga ba te bai ro tsa na pra b+ha rA dzA ya ta thA ga tA ya a ra ha te samyaksaM bud+d+hA ya/ tadya thA/ oM su k+Sh+me su k+Sh+me/ sa ma sa ma ye shAn+te shAn+te a sa ma ro ye/ ya na m+b+he ta ra m+b+he ya sho ba ti ma hA te dzo ni ra ku le ni ro pa Na sarba bud+d+ha a tiSh+Thi te swAhA zhes sngags dang bcas pa 'di lan gsum brjod do/ /de nas sa phyogs dam pa rgya yongs su ma chad pa de dag gi dbus su sngon gyi de bzhin gshegs pa rnam dag byang chub sems dpa' de dag gi sngon gyi smon lam gyi mthu khyad par can las grub pa'i zhing gi bkod pa phun sum tshogs pa dang ldan zhing sna tshogs pa rin po che las grub pa'i gzhal yas khang dam pa la khor yug chen po'i rgyan gyis nye bar mdzes bar spras pa/ de bzhin gshegs pa'i 'od zer gyis phyi dang nang kun tu gang bas dri ma med cing 'od gsal ba las byung ba'i bde bar gshegs pa'i gzhal yas khang chen por yongs su grub pa ni rnam par thar pa'i sgo stong pa nyid dang mtshan ma med pa dang/ smon pa med pa dang/ mngon par 'dus ma byas pa nyid kyi phyir sgo bzhi dang ldan pa dang/ dran pa nye bar bzhag pa bzhi dang ldan pa'i phyir gru bzhi dang yang dag par spong ba bzhi'i phyir bsil khang bzhi dang/ rdzu 'phrul gyi rkang pa bzhi dang ldan pas khrus khang gi rdzing bu bzhi yis spras pa dang/ 'phags pa'i lam yan lag brgyad dang ldan pa nyid kyi phyir ka ba brgyad dang ldan pa ste/ rin po che'i stegs gru bzhi las gnas shing bum pa las byung ba'i rin po che'i ka ba las nor bu du mas mdzes par bcings pa rab tu dga' ba la sogs pa'i sa bcu gnyis dang ldan zhing gsung rab yan lag bcu gnyis rnam par dag pas bang rim bcu gnyis dang ldan pa'i rta babs kyis mdzes pa/ sems can thams cad kyi rgyud tshim par byed pa'i chos kyi 'khor lo la brtse ba chen po dang ldan pas gser gyi dril bu g.yer kha dang/ mu tig la sogs pas spras ba'i ri dags pho mo gnyis kyi brgyan pa dang/ rta babs kyi logs de dag la yang lha'i na bza' rnam pa sna tshogs pa'i bla re dang ba dan dang rgyal mtshan dang kha dog sna tshogs me tog gi phreng ba dang gser dang nor bu sna tshogs pas brgyan cing mdzes par gyur pa dang/ gzungs dang so so yang dag par rig pa la sogs pa'i rang bzhin du dag pas rin po che'i kha dog sna tshogs pa las rin po che gzhan gyis kha dog gis legs par spras pa'i 'dod yon gyi snam bu shel bzhin du bstar ba dang/ byang chub kyi yan lag rnams dang ldan pas rin po che'i snam bu kha dog lnga'i rin po che'i phreng ba brgyus pas mig mangs ris su bris pas mdzes pa'i logs rnams dang/ me long lta bu la sogs pa'i ye shes lnga'i rnam par dag pas dngul dang/ gser dang/ pad+ma rA ga dang/ in+d+ra nI la dang/ bai bUrya las grub pa'i rtsig pa yang rgya dang dbang su mtshams pa las/ /sgyu ma lta bu dang/ ting nge 'dzin dang/ rnam par sprul pa dang/ chos yang dag par grub pa'i phyir dra ba dang/ dra ba phyed pa 'phyang ba dang/ me tog rnam pa sna tshogs pa'i do shal kyang bar bar du spras pa la dra ba'i nang du pad+ma dang zla ba dang/ rdo rje dang/ nyi ma dang/ nor bu la sogs pa du mas brgyan pa'i steng du sku gsung thugs kyi bkod pa'i 'od zer bsam gyis mi khyab pas brgyan pas na rin po che sna bdun las grub pa'i zar chogs dang ldan pa dang/ stobs dang/ mi 'jigs pa dang/ sangs rgyas kyi yon tan du ma dang ldan pas dngul las grub pa'i rin po che'i rang bzhin gyi mnga' yab la rgyal mtshan dang ba dan rnams kyi spras pa dang/ sangs rgyas kyi chos ma 'dres pa'i so sor nges pa'i phyir rin po che'i dbyug pa rtse gsum pa dang rnam par rol ba mi'i rgyal mtshan la gser gyi dril bu g.yer ga nges par bcings pa la kha dog sna tshogs pa'i ras kyi rlung gis bskyod pa'i 'khyog pa dang bcas pa spyangs pa dang/ dbang po dang/ stobs dang/ bden pa dang/ byin gyis brlabs pa'i rang bzhin gyi gdugs bzhi dang/ rnga yab dang/ dung dang me tog gi chun 'phyang gis brgyan pa'o/ /phyi nang gi dngos po yang ma bsgribs par gsal zhing rig pa dang ldan pas rang bzhin las grub pa'i ka ba dang gdung la sogs pa yang so sor mnga' thang dang mtshams par grub pa dang/ pad+ma'i ze 'bru la sna tshogs rdo rje'i dbus su chos nyid mi 'khrug pa'i de kho na nyid la nges par gnas pa'i phyir brtan par byas pa pad+ma'i 'dab ma rnams su khor yug la bum pa bzang po las 'thon pa dgongs pa nges par bsgrub pa'i phyir byang chub kyi shing rnams la 'khor la sogs pa'i rin po che sna bdun dang tshal dang pags pa la sogs pa'i nye ba'i rin po che rnams dang/ gzhan yang bdag med pa'i rin po che sgra dang ldan zhing yid du 'ong bas sems yongs su tshim par byed pa'i dbyangs du ma dang ldan pa'i ri dags kyi rgyal po rnams dang/ ngang pa'i rgyal po dang/ rma bya dang shin tu mi 'am ci pho mo dang sprin dang khrus kyi rdzing bu las lus phyed 'thon pa'i rig pa 'dzin pa rnams kyis brgyan pa dang/ mdor na sangs rgyas dang byang chub sems dpa' i tshogs rnams kyi so so'i bsod nams dang ye shes las grub pa gang yang ma tshang ba med pa gzhal yas khang dam par byin gyis brlab par bya'o/ /dkon mchog gsum gyi bden pa'i byin gyis brlabs dang/ tshogs gnyis yongs su rdzogs pa'i mthu dang/ chos kyi dbyings las grub pa'i byin rlabs dang/ rig sngags kyi rgyal po'i mthus de bzhin du gyur cig/ na mo b+ha ga ba te bai ro tsa na pra b+ha rA dza ta thA ga tA ya arha te samyksaM b+hud+d+ha ya/ tadya thA/ oM bi ma la sarba saM ska ra sid+d+ha s+tha na sarba bud+d+ha bo d+hi satwa s+tha ku Da g+ha ra a d+hiSh+Tha na a d+hiSh+Thi te swAhA zhes lan gsum du brjod pa dang bsam par bya'o// //de nas de ltar byin gyis brlab pa'i gzhal yas khang de dag gi dbus su seng ge'i khri pad+ma'i snying po zla ba rab tu rgyas pa'i gdan la bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mgon po tshe dpag tu med pa dang/ byang chub sems dpa' sems dpa' chen po mgon po thugs rje chen po dang ldan pa 'phags pa spyan ras gzigs dbang phyug dang/ bde bar gshegs pa rnams dang byang chub sems dpa' thams cad kyi yum du gyur pa dang/ de dag gi phrin las ma lus pa grub par byed pa'i rig pa'i rgyal mo 'phags ma sgrol ma la sogs pa rnams kyang so so'i zhing khams dang/ gnas nas rang gi gdan 'dzoms pa la di ring mgon skyabs dang dpung gnyen du spyan 'dren/ cing mchis na/ che ge mo la sogs pa mdza' yas pa'i 'gro ba ma lus pa bla na med pa'i go 'phang la dgod pa'i phyir/ thugs kyis dgongs/ snyan gyis gsan/ spyan gyis gzigs nas sngon gyi thugs dam khyad par can la gzhes te/ deng gnas 'dir byon par ci gnang/ /zhes lan gsum du bya'o/ /de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas mi bskyod pa dang/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin chen 'byung ldan dang/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad dang/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas don yod grub pa dang/ de bzhin gshegs pa rnams dang byang chub sems dpa' thams cad kyi yum du gyur pa rdo rje sgrol ma dang/ rin chen sgrol ma dang/ pad+ma'i sgrol ma dang/ las kyi sgrol ma dang/ bdug spos sgrol ma dang/ me tog sgrol ma dang/ mar me sgrol ma dang/ dri mchog sgrol ma la sogs pa rnam ? chog mo la sogs pa mdza' yas pa'i 'gro ba ma lus pa bla na med pa'i go 'phang la dgod pa'i phyir/ /de ring mgon dang skyabs dang dpung gnyen du spyan 'dren zhing mchis na/ thugs kyis dgongs/ snyan gyis gsan/ spyan gyis gzigs nas so so'i zhing khams dang gnas nas sngon gyi thugs dam khyad par can las bzhengs nas yid du 'ong ba'i pho brang dam par gdan 'dzom par byon par gnang bar 'dzod cig ces lan gsum mo/ /deng sangs rgyas dang byang chub sems dpa' thams cad ? yum du gyur pa rig pa'i rgyal mo chos kyis sprin gser du snang ba'i sgrol ma dang/ yang dag pa'i mdza' rab tu mi g.yo ba'i sgrol ma dang/ chos kyi don yang dag par sngon du gyur pa'i sgrol ma dang/ de bzhin gshegs pa thams cad kyi blo gros sgrol ma dang/ kun nas 'od zer rab tu 'phro ba'i sgrol ma dang/ nyon mongs pa thams cad ring du gyur pa'i sgrol ma dang/ de bzhin gshegs pa thams cad kyi yon tan gyi 'od byed pa'i sgrol ma dang/ byang chub sems dpa' thams cad kyi rab tu sbyangs par gyur ba'i sgrol ma dang dri ma med par rab tu snang pa'i sgrol ma dang/ yon tan gyi tshogs ma lus pa rab tu dga' ba'i sgrol ma dang/ rnam par grol bar gyur pa shes rab sgrol ma dang/ sangs rgyas dang byang chub sems dpa' thams cad kyi ye shes kyi sgrol ma dang/ sangs rgyas thams cad kyi thugs mnyam par mnyam pa'i sgrol ma dang/ de bzhin gshegs pa thams cad kyi thugs rje'i stabs kyis sgrol ma dang/ sangs rgyas thams cad kyi phrin las la brtson pa'i sgrol ma dang/ smon lam gyi rgya mtsho'i pha rol tu phyin pa'i sgrol ma dang/ brtul zhugs mchog tu gyur pa'i rab tu bzod pa'i sgrol ma dang/ rnam pa thams cad kyi thabs dang ldan pa'i sgrol ma dang/ sangs rgyas thams cad kyi yon tan ma lus par 'gyed pa'i sgrol ma dang/ tshul khrims kyi pha rol tu phyin pa'i sgrol ma dang/ chos thams cad kyi srog rnam par 'dzin pa'i sgrol ma dang/ sems dang las rab tu mkhyen pa'i sgrol ma dang/ yo byad kyi dbang phyug za ma tog gi sgrol ma dang/ las dang skye ba yang dag par mkhyen cing grub pa'i sgrol ma dang/ thabs nges par rnam par sgrol ba'i sgrol ma dang/ chos yang dag par grub pa rgya mtsho'i sgrol ma dang/ smon lam gyi mchog legs pa'i dbyangs kyi sgrol ma dang/ mos pa'i rtsa ba rab tu brtan pa chos kyi sgrol ma dang/ rdzu 'phrul kun nas nges par 'gro ba'i sgrol ma dang/ mkhyen pas rnam par mdzes pa'i dpal gyi sgrol ma dang/ rin po che'i blo yid bzhin gyi nor bu'i sgrol ma dang/ gtsug tor rnam par rgyal ba'i sgrol ma dang/ kun nas 'od zer rnam par 'gyed pa'i sgrol ma dang/ de bzhin gshegs pa'i gsang 'dzin ri khrod lo ma'i sgrol ma dang/ shes rab kyi sgo yang dag par 'phel ba'i sgrol ma dang/ sangs rgyas thams cad mi zad pa'i ye shes za ma tog gi sgrol ma dang/ las thams cad yang dag par sbyor zhing 'dren pa'i sgrol ma dang/ spongs pa ma lus par skyed cing dug sel ba'i sgrol ma dang/ rnam par bkod pa kun nas mdzes pa tsun da'i sgrol ma dang/ sangs rgyas thams cad kyi zhal rnam par mdza' yas pa'i sgrol ma la sogs pa yang/ che ge mo la sogs mdza' yas pa'i 'gro ba ma lus pa bla na med pa'i byang chub la 'god pa'i phyir di ring dpung gnyen dang mgon skyabs su spyan 'dren cing mchis na/ so so'i zhing khams rnam par dag pa nas sngon gyi thugs dam khyad par can gzhes te thugs kyis dgongs/ snyan gyis gsan/ /spyan gyis gzigs nas yid du 'ong pa'i pho brang dam par mchod pa'i tshogs 'byor pa'i dbus na gdan 'dzom pa chen po la byon par mdzod cig /ces lan gsum du bya'o/ /deng 'dir byang chub sems dpa' sems dpa' chen po kun tu bzang po dang/ byang chub sems dpa' sems dpa' chen po byams pa dang/ byang chub sems dpa' sems dpa' chen po blo gros mi bzad pa dang/ byang chub sems dpa' sems dpa' chen po 'jam dpal dang/ byang chub sems dpa' sems dpa' chen po sa'i snying po dang/ byang chub sems dpa' sems dpa' chen po spos kyi glang po dang/ byang chub sems dpa' sems dpa' chen po nam mkha' i snying po dang/ byang chub sems dpa' sems dpa' chen po ye shes tog dang/ byang chub sems dpa' sems dpa' chen po nam mkha' mdzod dang/ byang chub sems dpa' sems dpa' chen po bzang skyong dang/ byang chub sems dpa' sems dpa' chen po byad na rdo rje dang/ byang chub sems dpa' sems dpa' chen po dpa' bar 'gro ba dang/ byang chub sems dpa' sems dpa' chen po blo gros rgya mtsho dang/ byang chub sems dpa' sems dpa' chen po rdo rje snying po dang/ byang chub sems dpa' sems dpa' chen po 'jig rten dbang phyug dang/ byang chub sems dpa' sems dpa' chen po zla 'od dang/ byang chub sems dpa' sems dpa' chen po gnas chen thob dang/ byang chub sems dpa' sems dpa' chen po ngan song kun sbyod dang/ byang chub sems dpa' sems dpa' chen po dra ba'i 'od dang/ byang chub sems dpa' sems dpa' chen po spobs pa brtsegs dang/ byang chub sems dpa' sems dpa' chen po 'od mdza' yas dang/ byang chub sems dpa' sems dpa' chen po mya ngan kun sel dang/ byang chub sems dpa' sems dpa' chen po sgrib pa thams cad rnam par sel ba dang/ byang chub sems dpa' sems dpa' chen po mya ngan dang mun pa thams cad sel ba la sogs pa rnams kyang/ che ge mo la sogs pa mdza' yas pa'i 'gro ba ma lus pa bla na med pa'i go 'phang la dgod par bya ba'i phyir de ring mgon skyabs dang dpung gnyen du spyan 'dren zhing mchis na/ so so'i zhing khams rnam par dag pa nas sngon gyi thugs dam khyad par can las bzhengs te/ thugs kyis dgongs/ snyan gyis gsan/ spyan gyis gzigs nas yid du 'ong ba'i pho brang dam par mchod pa'i tshogs 'byor pa'i dbus gdan 'dzom pa chen po la byon par mdzod cig dang zhes lan gsum du'o/ /deng dkon mchog gsum gyi bden pa'i byin gyis brlabs kyis nges pa'i tshig yang dag par rig pa lcags kyu sgrol ma dang/ chos yang dag par rig pa zhags pa sgrol ma dang/ spobs pa yang dag par rig pa lcags sgrog sgrol ma dang/ don yang dag par rig pa dril bu sgrol ma la sogs pa dkyil 'khor chen po'i sgo skyong ba rnams kyang che ge mo la sogs pa mdza' yas pa'i 'gro ba ma lus pa bla na med pa'i byang chub la dgod pa'i phyir/ de ring mgon skyabs dang dpung gnyen du spyan 'dren zhing mchis na/ so so'i zhing khams rnam par dag pa nas sngon gyi thugs dam khyad par can las glegs nas thugs kyis dgongs/ snyan gyis gsan/ spyan gyis gzigs te/ yid du 'ong ba'i pho brang dam bar mchod pa'i tshogs 'byor pa'i dbus gdan 'dzom pa chen po la byon bar mdzed cig dang/ chos kyi dbyings kyis byin gyis brlab dang/ tshogs gnyis yongs su rdzogs pa'i mthu dang/ rig sngags kyi rgyal mo 'di'i stobs kyis de bzhin du grub par gyur cig /na mo ratna tra ya ya a mi tA b+hA ya ta thA ga tA ya/ arha te sa myaksaM bud+d+ha ya/ na ma Arya ba lo ki te shwa rA ya bo d+hi satwA ya/ mahA satwA ya mahA kA ru Ni kA ya/ tadya thA/ oM tA re tA re tut+tA re tut+tA re tu re tu re ku ma ri pad+ma gard+he sid+d+he b+ha ga ban/ /ak+Sho b+hya rat na saM b+ha ba bai ro tsa na a mo g+ha sid+d+hi badzra tA? ra? ratna tA ra pad+ma tA ra d+hu pa tA ra puShpa tA ra dI pa tA ra gand+ha tA ra sarba bud+d+hi bo d+hi satwa da sha dik bya ba lo kas+thi ta A gats+tsha A gats+tsha swA hA/ zhes lan gsum du'o/ /deng rgyal ba sras dang bcas pa thams cad kyi spyan sngar dbang po dang me lha dang/ gshin rje dang/ srin po dang/ chu bdag dang/ rlung lha dang/ nor 'dzin dang/ dga' ldan dang/ tshangs pa dang/ thags bzangs ris dang/ sa'i lha mo dang/ dbang phyug chen po dang/ klu'i rgyal po rnams dang/ nag po chen po dang/ dga' ba'i dbang phyug dang/ tshogs kyi bdag po dang/ gza' dang/ rgyu skar la sogs pa chos skyong ba'i srung ma mthu dang gzi brjid phun sum tshogs pa ma lus pa rnams kyang so so'i zhing khams rnam par dag pa nas/ che ge mo la sogs pa mdza' yas pa'i 'gro ba ma lus pa'i tshe dang bsod nams la sogs spel ba dang/ sangs rgyas kyi bstan pa dar zhing rgyas pa'i slad du di ring mgon skyabs dang dpung gnyen du spyan 'dren zhing mchis ma sngon gyi thugs dam khyad par can las glengs te/ thugs dam gyis dgongs/ snyan gyis gsan/ spyan gyis gzigs nas yid du 'ong ba'i pho brang dam par gdan 'dzom pa chen po la byon par ci gnang zhes lan gsum du'o/ /dkon mchog gsum gyi bden pa'i byin gyis rlabs dang/ che ge mo la sogs pa'i bsam pa rnam par dag pa'i stobs kyis deng rgyal ba sras dang bcas pa ma lus par mngon sum du byon bar gyur pa rnams la/ sman gyi rgyal po rnams dang mchog tu gyur pa'i dri phun sum tshogs pa legs par sbyar ba rnams kyis chu shel gyi bum pa la rin po che du ma'i phra bkod pa'i tshul la nges par thon pa'i rgyun gyis rgyal ba sras dang bcas pa'i zhabs la bkru bar bya'o/ /de yang phyogs mtshams rnams su dri zhim po'i ngang dang ldan pa'i tsan dan dang a ka ru dang du ru ka la sogs pa mi las khyad par 'phags pa dpal dang gzi brjid 'bar bar byed pa'i lha rdzas mchog tu gyur pas bla ma dang de bzhin gshegs pa sas dang bcas pa dkyil 'khor du nges par grub pa rnams kyi sku la byugs par bya'o/ /de yang dri ma med cing yan lag brgyad dang ldan pa'i bdud rtsi mo ma'i rgyun lta bur dkar zhing bsil ba legs 'dzin gyi dbang po tshim par byed pa phyi dang nang rnams khyad rnam par dag par sbyar ba'i chus bla ma dam pa rnams dang rgyal ba sras dang bcas kyi zhal bsil zhing mnyes par bya'o// //na ma(rgyud 'grel gyi mnyes par byas pa las dkon mchog gsum gyi bden pa'i byin gyis brlabs dang/ tshogs gnyis yongs su rdzogs pa'i mnga' thang dang/ rig sngags kyi mthus de bzhin du gyur cig/ de ltar de'i byin gyis brlab kyis sangs rgyas gang+gA'i klung gi bye ma snyed dang mnyam pa'i zhabs 'bring du gyur cig /'jig rten gyi khams kyi rdul phra rab thams cad dang mnyam pa'i grangs kyi byang chub sems dpa' rnams kyang mnyes par byed par rgyur cing?/ /sangs rgyas kyi zhing ma lus par spyod pa dang/ rgyal ba sras dang bcas pa'i phrin las ma lus pa la 'jug par gyur cig/ skabs thams cad du lha'i sde sum cu rtsa gnyis la sogs pas srung bar gyur cig/ klu'i rgyal po 'jog po dang/ ku'i rgyal po rgya mtsho'i mchid la sogs pa rnams kyis bsrung ba dang/ dus dang ldan par char 'bebs par gyur cig /rgyal po chen po bzhi la sogs pas kyang bsrung ba dang bskyab pa dang sped par gyur cig/ mdza' yas pa'i 'gro ba ma lus pa rnams kyang mi khom pa brgyad las thar pa dang dal? ba dang 'byor ba'i lus su gyur cig/ sems can thams cad byang chub tu sems ma bskyed pa bskyed pa dang/ bskyed pa rnams 'phel ba dang rgyal bar gyur cig/ sangs rgyas thams cad kyis bstod cig dgongs pa dang/ de bzhin gshegs pa rnams kyi thugs rab tu rangs par yang gyur cig /sangs rgyas thams cad kyi gsang ba 'dzin pa dang/ mi 'phrags ba'i ye shes chen po la gnas par gyur cig /de bzhin gshegs pa rnams kyi sku gdung rnams kyang rgyas shing 'phel nas sems can thams cad kyi gnod pa zhi bar gyur cig /de nas sngar spyan drangs pa'i sangs rgyas dang/ byang chub sems dpa' thams cad kyi mtshan nas brjod cing zhabs la gtugs pa'i phyag gsum gsum bya'o/ /gdan 'dzom pa chen po la bzhugs pa'i rgyal ba sras dang bcas pa'i tshogs rnams la/ phyogs bcu'i 'jig rten gyi khams thams cad na lha dang mi'i me tog gi bye brag rang rang gi bsod nams kyi stobs kyis yid las byung ba dang/ chu dang thang dang spang ri dang/ ljon shing las khrungs pa'i kha dog dang dbyibs phun sum tshogs pa dri bsung chen po dang ldan pa rnams kyang phreng ba dang me tog sil ma spel legs kyi me tog gi char gyi rgyun lta bur sangs rgyas dang byang chub sems dpa' thams cad kyi dbul dbul bar bgyi'o/ /na ma(rgyud 'grel A puShpe pu tsa me g+ha sa mu dra spha ra Na sa ma ye hUM/ phyogs bcu'i 'jig rten gyi khams thams cad na lha dang mi rnams kyi bdug pa'i bye brag rang bzhin ni ting nge 'dzin las byung ba dang/ lhan cig skyes pa dang/ rab tu sbyar ba la sogs pa'i phyogs thams cad du dri dang chen po dang ldan pa sprin gyi phung po 'khrigs par gyur pa lta bu yang gdan 'dzom pa chen po la bzhugs pa'i rgyal ba sras dang bcas pa rnams kyi shangs la dbul bar bgyi'o// //na ma(rgyud 'grel bo d+hi satwA naM oM A(rgyud 'grel sbyar ba dang/ nyi ma dang zla ba dang rab tu snang bar gyur pas phyogs mtshams go 'byed pa legs par 'khrungs shing 'bar bas lus can rnams kyi mig gi dbang por gsal bar byed pa'i mar me'i phreng ba la sogs pa yang gdan 'dzom pa chen po la bzhugs pa'i rgyal ba sras dang bcas pa rnams kyi spyan la dbul bar bya'o// //na ma(rgyud 'grel rnams kyi dri byug pa'i khyad par khams las skyes pa dang/ 'bru dang sman las byung ba dang/ me tog dang 'bras bu las sbyar ba'i dri mchog dkar zhing bsil ba dang/ reg na bde ba'i rkyen rtsir gyur pa dri chab bdud rtsi rgyun lta bus gdan 'dzom pa chen po la bzhugs pa'i rgyal ba sras dang bcas pa thams cad kyi thugs kar dbul bar bgyi'o// //na ma(rgyud 'grel thams cad na lha dang mi rnams kyi zhal zas kyi bye brag rnam par dag pa'i kha dog dang dri phun sum tshogs pa dga' ba'i stobs 'phel zhing don yong ba'i ro brgya dang ldan pa la bza' ba dang/ bca' ba dang/ bldag pa dang/ myang ba dang/ 'jib pa dang/ khyad par 'phags pa'i btung ba'i rnam pa rnams kyang gdan 'dzom pa chen po la bzhugs pa'i rgyal ba sras dang bcas pa'i zhal dang phyog tu dbul bar bgyi'o// //na ma(rgyud 'grel pU dza me g+ha sa mu tra spha ra Na sa ma ye hUM/ phyogs bcu'i 'jig rten gyi khams thams cad na lha dang mi rnams kyi rol mo'i bye brag mngon par 'dus ma byas pa'i sgra dbyangs dang/ rnga dang/ rnga chen dang/ pi wang dang/ gling bu dang/ 'khar rnga dang/ dung dang/ dung dkar dang/ pheg rdob pa la sogs pa tshangs pa'i dbyangs ltar snyan cing yid 'phrog pa'i rol mo'i rnam pa gdan 'dzom pa chen po la bzhugs pa'i rgyal ba sras dang bcas pa thams cad kyi stan gyi dbang po la dbul bar bgyi'o// na ma(rgyud 'grel du gyur pa dang/ seng ge dang/ glang po che dang/ nyi zla dang/ gser dngul dang/ mu tig la sogs pas spras pa'i gzi brjid 'bar ba dang mtho zhing mdzes pa'i khri la sogs pa dang/ gdugs dang/ rgyal mtshan dang/ ba dan dang/ bla re dang/ rnga yab dang/ lnga lding dang/ phreng rgyud dang/ nor bu la sogs pa dgos pa'i yo byad dang/ blo rten dang/ sku yol dang/ na bza' dang/ mtho ba'i stan dag mal cha dang/ ngo mtshar ba'i rab tu bde ba'i rkyen rtsi la sogs pa yang gdan 'dzom pa chen po la bzhugs pa'i rgyal po dang bcas pa rnams kyi sku la dbul bar bgyi'o/ /na ma(rgyud 'grel kyi phun sum tshogs pa'i rkyen du gyur pa la khrus gyi rdzing bu dang/ bdud rtsi'i sman dang/ ma rmos lo tog dang/ dpag bsam shing chen po dang/ bum pa bzang po dang/ gter chen po dang/ ral gri dang/ mig rtsa dang 'dod 'jo'i ba dang/ rin po che dang/ rkang byug la sogs pa grub pa'i rdzas dang skyes bu chen po'i sngon du 'gro ba'i rtsibs stong dang ldan pa'i 'khor lo dang/ dgos 'dod 'byung ba'i nor bu rin po che dang/ yid 'phrog pa'i btsun mo dang/ mdzod khengs blon po dang/ shugs 'gro'i rta dang/ dpa' brtan glang po dang/ brtul phong dmag mi la sogs pa'i rin po che rnam pa bdun dang/ gdugs bzangs gser g.yu can dang/ dung dkar dang/ chu skyes dang/ gser nya dang/ bum mchog dang/ rgyal mtshan dang/ dpal be dang/ rab tu 'bar ba'i 'khor lo la sogs pa skyes bu mchog rnams la bkra shis pa'i rdzas su gyur pa rnams kyang gdan 'dzom pa chen po la bzhugs pa'i sangs rgyas dang byang chub sems dpa' ma lus pa la nyer spyod du dbul bar bgyi'o/ /na ma(rgyud 'grel la rim par bshams pa 'am bdag pos gzung ba 'am/ bdag pos yongs su ma bzung ba'i khyad par dang blos sbrul pa'i ting 'dzin gyi mchod pa kun tu bzang po'i mchod sprin gyi rgya mtsho bsam gyis mi khyab pa dus dang dus min du byung pa dang/ mdor na sangs rgyas dang byang chub sems dpa' rgyal ba sras dang bcas pa'i so so'i mnga' thang las grub pa ma lus pa rnams kyang dang pa'i blo yis zhing gi rdul snyed du sbrul nas dbul bar bya'o/ /de yang dkon mchog gsum gyi bden pa'i byin gyis brlab dang/ tshogs gnyis yongs su rdzogs pa'i mtha dang rig pa'i rgyal mo 'di lan brgya rtsa brgyad brjod pa'i stobs kyis de bzhin du gyur cig /na ma(rgyud 'grel pa'i sprin chen pos btibs bar 'gyur ba'o/ /de ltar sangs rgyas dang byang chub sems dpa' rnams kyi mtshan yid la byas nas mchod pa phul bas sangs rgyas kyi zhing khams ma lus pa rnams su mchod sprin gyi phung po rgyun mi 'chad par gyur cig /sangs rgyas thams cad kyi phrin las ma lus pa rnams lhun gyis grub par gyur cig /byang chub sems dpa' rnams kyi byang chub kyi spyod pa rlabs po che thams cad mthar phyin par gyur cig /ting nge 'dzin gyi sgo du ma rnams la gzungs dang rig pa'i sgo nas 'jug par gyur cig /de ltar mchod pa'i gus pas bdag dang mdza' yas pa'i sems can ma lus rnams ma 'ongs ba'i dus na de bzhin gshegs pa dgra bcom pa yang dag par rdzogs pa'i sangs rgyas su gyur cig /byang chub sems dpa' i spyad pa spyod pa nas yang chos gang byang chub sems dpa' sems dpa' chen po rnams kyis sangs rgyas la thos pa'i chos de dag ma lus pa yang thob par gyur cig /byang chub sems dpa' rnams kyis chos la bkur sti byed pa ltar che ge mo la sogs pa'i 'gro ba ma lus pa yang chos rnams la bkur sti byed par gyur cig/ j ltar sangs rgyas dang byang chub sems dpa' rnams kyi 'gro ba ma lus pa la chos ston pa ltar bdag cag 'gro ba la chos ston par gyur cig /sangs rgyas kyi chos ma lus pa la byang chub sems dpa' rnams kyis mkhas shing rdzogs pa ltar bdag cag kyang de bzhin du gyur cig/ de ltar sangs rgyas dang byang chub sems dpa' rnams la mchod pa byas pas sems can thams cad la phan pa dang bde brgya chen po dang ldan par gyur cig/ bro nad thams cad rab tu zhi ba dang sdig pa thams cad nyams pa dang/ bkra mi shis pa thams cad mi 'byung ba dang/ rmi lam ngan pa thams cad zlog pa dang/ dus ma yin par 'bum pa thams cad rab tu zhi bar gyur cig /sangs rgyas kyi bstan pa la ma zhugs pa dang/ zhugs pa rnams kyi dge ba'i rtsa ba rgya chen po 'phel ba dang/ dge ba'i rtsa ba bsgrub pa la bgegs dang log 'dren la sogs pa thams cad zhi nas mi 'byung bar 'gyur cig /'jig rten skyong ba rnams kyis che ge mo la sogs pa'i 'gro ba ma lus pa rnams la bsung ba dang/ bskyab pa dang/ sped pa dang/ yongs su gzung ba dang/ zhi ba dang/ bde legs su 'gyur ba dang/ chad pa spang ba dang/ mtshon cha spang ba dang/ dug zhi ba la sogs pa byed par gyur cig /dge ba'i rtsa ba 'dis phyogs bcu dus gsum gyi sangs rgyas thams cad mngon sum du gyur nas de dag gi mthus mi skye ba'i chos la bzod pa thob par gyur cig /rigs kyi bu dang rigs kyi bu mo gang la la zhig dad pa dang ldan pas gus pas sangs rgyas dang byang chub sems dpa' blta bar 'dod pa dang de dag la chos nyan par 'dod pas kyang de bzhin du grub par gyur cig /gzhan yang legs par sbyar zhing bshams nas phul ba'i mchod pa 'dis che ge mo la sogs pa 'gro ba ma lus pa rnams dang nas de bzhin gshegs pa thams cad kyis yongs su gzung bar gyur cig /deng nas ngal ba dang dub pa med par nor dang 'bru dang dbyig la sogs pa rnams tshogs med par rnyed par gyur cig /dgra bo thams cad las rab tu rgyal bar gyur cig /rgyal po thams cad zhi ba dang/ gsong por smra ba dang yul la phan par gyur cig /lus la dug gis mi tshugs pa dang/ dbyig dug gis mi tshugs pa dang/ rims kyis mi tshugs pa dang/ mtshon gyis mi tshugs pa dang/ chus mi tshugs pa de na mes mi tshugs pa dang/ mkha' 'gro ma'i gnod pas mi tshugs bar gyur cig /nam 'chi ba'i tshe de bzhin gshegs pa rnams mthong bar gyur cig /shi 'phos nas bde ba can gyi zhing khams pad+ma'i sdong po las brdzus nas skye bar gyur cig /mchod cing bsnyen bkur ba'i dge ba'i rtsa ba 'dis byang chub sems dpa' sems dpa' chen po rnams kyi rnam par thar pa rgyal ba thams cad kyi 'jug pa ye shes kyi snying po zhes bya ba thob bar gyur cig /sems can gang dag 'chid bas bcings pa dang/ sdug bsngal ba dang/ yid mi bde ba dang/ nad dang gnod pa dang/ sdug bsngal sna tshogs pas gtses pa rnams kyis ni gnas dang skyabs dang dpung gnyen du yang gyur cig /gnod sbyin dang srin po la sogs pa ma rungs pa'i sems dang ldan pa rnams kyang byams pa'i sems dang/ snying rje'i sems dang/ dga' ba'i sems dang/ bag yod pa'i sems dang ldan par gyur cig /byang chub pa'i sems dang ldan par gyur cig /sems can thams cad bla na med pa yang dag par rdzogs pa'i byang chub la ma bkod par che ge mo la sogs pa'i bdag cag rnams le lo dang/ snyoms las dang bya ba ma yin par dus 'das par ma gyur cig /sangs rgyas bye ba khrag khrig brgya stong 'bum phrag du ma'i phrin las ma lus pa sgrub par gyur cig /sems can thams cad kyi bsam pa yid bzhin du yongs su rdzogs par gyur cig /ngan song rnam pa gsum yang rgyun chad pa dang/ mi khom pa gzhan yang spang bar gyur cig /sangs rgyas dang byang chub sems dpa' de rnams kyi mtshan 'dzin cing mchod pa de'i sgrib pa thams cad lus dang ngag dang yid kyis nyes par spyod pa thams cad las yongs su grol bar gyur cig /gang la la zhig cho ga gzhin du sbyor ba byed pa de phyir mi ldog pa'i sa la gnas par gyur cig /de dag gi lag tu sangs rgyas dang byang chub sems dpa' thams cad kyi ye shes kyi snying po la gnas par gyur cig /snying rje chen po dang ldan pa'i rigs kyi bu dang rigs kyi bu mo'i thabs 'dis sems can thams cad bla na med pa yang dag par rdzogs pa'i sangs rgyas la dgod par gyur cig /dkon mchog gsum gyi bden pa'i byin gyis brlab kyis de bzhin du gyur cig /de ltar sangs rgyas dang byang chub sems dpa' thams cad kyi mtshan yid la dran nas phyag rgyas mchod ba phul nas/ sngar byas pa'i nyes pa las dug 'thungs pa lta bu'i bsam pa dang/ phyis lus dang srog la bab? kyang mi byed pas sdig pa thams cad mthol lo bshags so// //che ge mo la sogs pa'i 'gro ba ma lus pa rnams kyis sngon 'khor ba thog ma med pa nas da lta la thug pa'i bar du yang 'dod chags dang/ zhe sdang dang/ gti mug gis kun nas blangs nas lus dang ngag dang/ yid kyi sgo nas sdig ba mi dge ba'i las byas pa dang/ byed du bcug pa dang/ byed ba la rjes su yi rang ba dang/ ma dang pha la ma gus pa dang/ grogs tshangs par mtshungs pa la ma gus pa dang/ mkhan po dang slob dpon la ma gus pa dang/ rgyud sdom pa gsum dang 'gal ba dang/ dam pa'i chos spangs pa la sogs pa'i sdig pa dang sgrib pa ci mchis ba de dag thams cad shin du gnod zhing 'gyod pa'i sems kyis rgyal ba sras dang bcas pa rnams kyi spyan sngar mthol lo bshags so/ /mi 'chab bo/ /mi sped do/ /slan chad kyang legs par sdom mo zhes lan gsum du bya'o// /deng rgyal ba sras dang bcas pa'i spyan sngar bdag cag gis ma 'tshal ba'i nyes pa'i tshogs ci mchis pa rnams stobs bzhi'i sgo nas yang dag par bshags pas/ sdig pa dang sgrib pa ma lus pa thams cad byang bar gyur cing/ /lus ngag yid gsum gyi nyes pa ma lus pa dag par gyur cig /nyon mongs pa'i sgrib pa dang/ bag chags kyi sgrib pa dang/ shes bya'i sgrib pa dang/ snyoms par 'jug pa'i sgrib pa la sogs pa sgrib pa'i tshogs ba ma lus pa rnam par dag pa dang byang bar gyur cig /mdza' yas pa'i 'gro ba ma lus pa rnams kyi nyes skyon du gyur pa thams cad dag nas bla na med pa'i byang chub kyi sa la phyin par gyur cig /'khor ba'i mdza' ji srid yod pa de srid du pha dang ma la sogs pa dag ma dag pa'i sems can thams cad la rang dang gzhan gyi smon lam gyi mthu chen po dang/ bsod nams kyi las kyi ma lus pa rjes su 'dzin par gyur cig /tsha ba dang grang ba'i sems can dmyal ba rnams kyi sdug bsngal ma lus pa skems par gyur cig /phyi dang nang gi sgrib pa thams cad dang ldan pa'i yi dags kyi tshogs ma lus pa rnams kyi sdug bsngal 'dren par gyur cig /dbyings dang kha 'thor la gnas pa'i dur 'gro glen zhing gti mug pa rnams kyang rang rang gi sdug bsngal dang bral nas lha la sogs pa'i lus su gyur cig /ltung ba la sogs lus dang sems gzir ba'i sdug bsngal dang/ 'thab pa dang/ rtsod pa dang 'gyed pa la sogs pa'i lha ma yin gyi sdug bsngal ma lus pa yang byad nas/ 'dod pa'i yon tan lnga la spyod par gyur cig /skye rgas na 'chi la sogs ma sdug bsngal bcu gcig gis rab tu mnar ba'i 'gro ba mi rnams kyang rtag tu bde legs kyi spyod par gyur cig /dkon mchog gsum gyi bden pa'i byin gyis brlabs kyis de bzhin du gyur cig /deng rgyal ba sras dang bcas bcas pa rnams la phyag byas nas mchod de che ge mo la sogs pa'i mdza' yas pa'i sems can ma lus pa rnams kyis chos kyi dbyings mdza' klas pa nas sangs rgyas dang byang chub sems dpa' rnams dang/ nyan thos dang/ rang sangs rgyas la sogs pa 'phags pa rnams kyi dge pa dang/ skye bo la sogs pa gzhan dag gis mngon par mtho ba dang nges bar legs pa'i rgyur gyur ba'i dge ba'i rtsa ba mdza' dag la dga' zhing spro ba chen po dang ldan pas snying gi dkyil nas yi rang ngo/ /gzhan dag gi dge ba thams cad 'phel zhing rgyas par gyur cig /sangs rgyas thams cad kyi phrin las mthar phyin par gyur cig /byang chub sems dpa' rnams kyis mdzad pa yongs su rdzogs par gyur cig /nyan thos dang rang rgyal ba rnams kyis thugs zhi ba las bzhengs nas byang chub sems dpa' sems dpa' chen po rnams kyi bslab pa la slob par gyur cig /skye bo rnams kyang mngon par mtho ba dang nges par legs pa'i lam mngon du gyur nas sangs rgyas kyi bstan pa la bya ba byed par gyur cig /nam 'chi ba'i dus na yang sems la gdung pa med par dga' ba dang bcas pas mi lus don yod par rang dgar 'gro bar gyur cig /de ltar chos sgo kun la yi rang ba tshe rabs rnams su thub pa'i gsung rab 'byams la ma rmongs pa dang/ spobs pa phun sum tshogs pa dang ldan par gyur cig / stong pa dang snying rje gnyis su med pas rnyed pa dang/ grags pa la ma ltos par lus can ma lus pa rnams kyi 'khor ba'i bar du don byed par gyur cig /ji srid sems can thams cad bla na med pa'i go 'phang la ma bkod pa de srid du lus ngag yid kyi bsod nams dang ye shes kyi tshogs rgyun ma chad par mnyam pa med pa'i phun sum tshogs pa du mas brgyan bar gyur cig /dkon mchog gsum gyi bden pa'i byin gyis brlab kyis de bzhin du gyur cig /deng rgyal ba sras dang bcas pa rnams kyi spyan sngar che ge mo la sogs pa'i 'gro ba ma lus pa yang nges par 'byung ba dri ma med pa'i tshul khrims rgya chen po zhi ba gya nom pa lus la sogs pa legs par bsdams pa'i spyod pa sangs rgyas kyi bstan pa'i khang bzangs dam par gyur ba spong ba'i sems 'dun pa dang bcas pa so sor thar pa'i sdom pa la gnas par bgyi'o/ /phan pa rgya chen po la rab tu 'jug pa rang bas gzhan mchog tu gces par mdzad pa'i rgyal ba sras dang bcas pa'i ngo mtshar ba'i spyod pa la che ge mo la sogs pa mdza' yas pa'i 'gro ba ma lus pas kyang bslob par bya'o/ /rgyu dang lam dang 'bras bu'i dus su bde bas brgyan cing dri ma med par dag pa'i theg pa lam myur zhing thabs mang ba dang bka' ba med pas 'jug pa rab tu bde ba bla na med pa'i mchog 'byung ba'i 'bras bu rdo rje'i dam tshig la che ge mo la sogs pa'i 'gro ba ma lus pa yang dag par gnas par bgyi'o/ /sangs rgyas dang byang chub sems dpa' ma lus pa rnams la rab tu gces pa'i lus sdom pa gsum gyis brgyan cing mdzes pa 'di dang/ mkho zhing nye bar longs spyod pa'i nor rdzas dang/ dus gsum du bsags pa'i dge ba'i rtsa ba rnams kyang yongs su dbul bas dus thams cad du thugs rje chen po dang ldan pa khyed rnams kyis bzhes su gsol lo/ /deng ltar mchod pa bzhes pa'i rgyal ba sras dang bcas pa ye shes kyi sku can gyi mtshan bzang po sum cu rtsa gnyis dang/ dpe byad brgyad cus spras zhi ba chen po rnams dang/ thugs zhi ba chen po rnams dang/ thugs zhi ba chen po las ma g.yos kyang sku rab tu khros pas rngam zhing 'jigs pa'i tshul gyi nyams dgu dang ldan pa'i khro bo chen po'i tshogs rnams la rab tu dang ba'i dad pa rtse gcig dang ldan pa mig mi 'dzums pas lta bar bgyi'o zhes lan gsum du'o/ /phyogs bcu dus gsum gyi sangs rgyas dang byang chub sems dpa' rnams la mtshan yid ?? nas phyag byas mchod pa phul bas che ge mo la sogs pa mdza' yas pa'i 'gro ba ma lus pa mnga' ris kyi 'bangs su mchis pa rnams la sangs rgyas dang byang chub sems dpa' rnams kyi yon tan gyi phung po dang/ ye shes kyi phung po dpag tu ma mchis pa bskal pa bye ba khrag khrig brgya stong gi bar du yang brjod kyi mi lang ba bsams pa tsam gyis thob par gyur cig /de ltar mchod cing zhus pa'i mthus sangs rgyas bcom ldan 'das rnams kyis bla na med pa'i tshul khrims bsrung zhing de'i dri bsrung gis phyogs bcur yongs su dag par gyur cig /sems can thams cad la shin tu brtan pa'i tshul khrims dang/ 'gyod pa med pa'i tshul khrims dang/ thams cad mkhyen pa'i ye shes kyi tshul khrims dang/ tshul khrims ngan pa yongs su spong ba'i tshul khrims dang/ thams cad du yang dag par med pa'i tshul khrims dang/ sngon ma byung ba'i tshul khrims dang/ mkhan po med pa'i tshul khrims dang/ bya ba med pa'i tshul khrims dang/ gdung ba med pa'i tshul khrims dang/ nyon mongs pa med pa'i tshul khrims dang/ mthar phyin pa'i tshul khrims dang ldan par gyur cig /sems can thams cad tshul khrims kyi pha rol tu phyin pa dang ldan te sangs rgyas bcom ldan 'das kyi lhun gyis grub pa'i tshul khrims dang ldan bar gyur cig /sems can thams cad sbyin pa dang tshul khrims dang/ bzod pa dang brtson 'grus dang/ bsam gtan dang/ shes rab la goms par gyur cig /sems can thams cad kyang 'phags ma sgrol ma'i zhabs kyi padmo dang ldan zhing/ pad+ma de'i dra bsung gis phyogs bcur yongs su khyab par gyur cig /sems can thams cad kyang theg pa chen po'i ting nge 'dzin gyi zas kyis 'tsho zhing/ bla na med pa'i zas kyi dad pas phyogs bcur khyab cing ji ltar bur ba nags kyi me tog la mi gnod pa ltar sems can thams cad la gcig la gcig mi gnod pas 'tsho bar gyur cig /sems can thams cad tshad med pa las grub pa'i lus dang ldan par gyur cig sems can thams cad rtag tu byams pa'i sems kyis yid la dmigs pa med par sbyin pa la sogs pa'i pha rol tu phyin pa la zhugs nas de dag gi dge ba yang sems can thams cad dang thun mong du gyur cig /sems can thams cad byang chub sems dpa' sems dpa' chen po rnams kyi rang dbang can gyi ting nge 'dzin gyi rgyal po la zhugs nas dbang du gyur pa'i sa la gnas bar gyur cig /ting nge 'dzin de'i mthus gang dang gang du skye bar 'dod pa der yid bde bzhin du skye bar gyur cig /rigs kyi bu de byang chub sems kyi spyad pa spyod pa na/ sems can dmyal ba'i 'jig rten rnams dge ba'i rtsa ba la 'jog par gyur nas/ dmyal bar rang dbang can du skyes nas dmyal ba'i sems can 'gro ba rnams thar pa la 'god par gyur cig /dmyal ba'i sems can rnams chos rnam pa sna tshogs pa rnams bshad nas dmyal ba rnams bla na med pa'i byang chub tu sems bskyed par gyur cig /yi dags rnams su rang dbang du skyes nas bkres pa dang skom pa rnams rgyun chad par gyur cig /bza' ba dang/ bgo ba dang/ nor gyi char chen pos yi dags rnams bde ba la bkod nas sems can de rnams kyang bla na med pa'i byang chub tu sems bskyed par gyur cig /dud 'gro'i 'gro ba rnams su rang dbang du skyes nas gcig la gcig za ba rnams rgyan chad de phan tshun byams pa la 'god par gyur cig /sems can thams cad dge ba'i bshes gnyen tshel ba dang/ chos nyan pa dang/ don sems pa dang/ smras pa ltar spyod par gyur cig /dkon mchog gsum gyis bden pa'i byin gyis brlab kyis de bzhin du gyur cig /de nas rgyal ba'i yum 'phags ma sgrol ma la sogs pa la mdog dang/ yon tan dang stobs dang gzi brjid dang mdzad pa la sogs pa sna tshogs pa'i bstod pa bya'o/ /gzungs sngags mthu chen po dang ldan pa 'di yang brjod par bya'o/ na mo ratna tra yA ya/ na ma(rgyud 'grel sarba duShpaM dzam b+ha ya staM b+ha ya mo ha ya/ band+ha ya hUM hUM hUM phaT phaT phaT sarba duSh+Ta stwaM b+ha ni tA re swAhA/ /de ltar bstod ba rnams dang/ rig sngags 'di bzlas pa las 'di 'dra ba'i yid bzhin gyi nor bu rin po che la long spyod par gyur cig/ /sems can thams cad la chos kyi don yang dag par 'byor zhing phun sum tshogs pa thams cad rang gi yong la 'dod pa tsam gyis mod la gzhan la dag ma lus par thob par gyur cig/ sems can thams cad mi dge ba'i lus dang/ ngag dang yid kyi mdza' thams cad dang/ gnad dus thams cad du dge pa'i lus dang/ ngag dang yid kyi las thams cad dang ldan par gyur cig/ sems can thams cad rang ran gi lus la mtshan dang/ dpe byad kyis yongs su brgyan pa dang/ rtag tu phan tshun gcig la gcig 'jigs pa med pa dang/ zhi 'gras pa med pa dang/ dga' pa'i yid dang/ byams pa'i mig gis mngon par lta zhing zab mo'i chos la mngon par bzod pa dang ldan par gyur cig/ sems can thams cad byang chub sems pa'i spyod pa la mngon par brtson dang 'khor ba yongs su spong ba'i brtson 'grus chen po dang ldan pa dang/ sangs rgyas kyi sol yang dag par gzhol bar gyur cig/ nyon mongs pa dang nye pa'i nyon mongs pa thams cad ring du spangs nas/ bsam gtan dang/ rnam par thar ba dang/ snyoms par 'jug pa dang/ ting nge 'dzin dang/ mngon par shes pa rnams dang/ rig pa rnams kyang phun sum tshogs bar gyur cig /sems can thams cad 'jig rten dang/ 'jig rten las 'das pa'i shes rab dang/ ye shes phun sum tshogs pa dang/ yang dag par ldan par gyur cig/ so sor yang dag par rig pa'i ye shes bzhi thob nas bzo dang/ bstan bcos dang/ sgyu rtsal dang/ spobs pa dang/ mthu dang/ gsang ba'i cho ga shes pa dang/ /de kho na nyid mthong ste/ nyon mongs pa dang/ shes bya'i sgrib pa ma lus par spangs pa'i ye shes chen po thob par gyur cig/ che ge mo la sogs pa'i mdza' yas pa'i 'gro ba ma lus pa rnams phyogs bcu'i 'jig rten gyi khams ma lus pa'i sangs rgyas thams cad kyi zhing khams su bsgrod pa dang/ de dag gi phrin las ma lus pa la 'jug par gyur cig/ skyob pa shAkya seng ge'i bstan pa la rab tu gsal ba dang/ bdud sde bcom pa dang/ /bde legs thams cad kyi gzhir gyur pa yang shog cig/ snyigs ma'i dus su nyon mongs pa la bab ba na/ bdag gis lhag pa'i bsam pa na par dag pas/ 'jig rten du 'dul ba'i mthu thob ste/ 'gro ba ma lus pa bde ba la 'god par gyur cig/ gdul bya'i dbang gis gang nas gang du skye bar byed na yang/ snying gi pad+mam la rjes btsun ma sgrol ma bzhugs nas thos pa dang/ bsam pa dang/ sgom pa lhur byas te/ gzhan don rgya chen po la 'jug par gyur cig/ bde ba dang legs pa thams cad kyi bsod nams dang/ ye shes kyi tshogs chen po bskyed pa'i gzhir gyur pa'i bdag gi lus dang ngag dang/ yid kyi bya ba ma lus pa kun yang chos bzhin du dge ba dang/ zhi ba dang nges par gyur cig/ nam du yang chags sdang dang/ 'khrug pa dang yid mi bde ba mi 'byung zhing dkar po'i yon tan thams cad kyang 'phel zhing rgyas par gyur cig/ rtag tu yang dag pa'i ye shes la gnas te rtson pa dang/ bshad ba dang/ rtsod pa dang/ mthu rtsal dang/ spobs pa dang/ ris dang/ yon tan dang/ longs spyod dang/ don dang/ tshig dang/ shes rab la sogs pa gzhan don la 'jug cing zhugs pa'i phrin las rgya chen po thob bar gyur cig/ dang nas brtsams te dus thams cad du nor bdun gyi yon tan ldan pa'i mi'i lus su stobs chen pos 'gro ba ma lus pa dge ba la dgod par byas nas sems can thams cad phyir mi ldog pa'i sa la 'god par gyur cig/ mdor na de bzhin gshegs pa sras dang bcas pa thams cad kyi sku gsung thugs kyi yon tan gyi rgya mtsho zab cing rgya che ba dang/ tshad med pa'i phrin las ngo mtshar du gyur pa dang/ sku gsum gyi rnam par 'brul pa la sems dga' zhing spro bas nyin mtshan du lus kyi ba spu langs te dbugs phyang nas bstod dbyangs du mas bstong bar 'gyur cig/ mchog gi rig skyes nas byams ba dang ldan pa dang/ lus bzang ba dang/ shes rab rno ba dang/ byang chub sems dpa' i grogs dang 'grogs pa dang/ sbyin pa la sogs pa goms shing de la 'bras bu mi 'dod pa dang/ gsong por byed cing sangs rgyas la gus pas snyan pa'i dbyangs kyis bstod par shog /rig sngags 'di lan brgyad bzlas pas de bzhin gshegs pa la snyan pa'i dbyangs kyis ma lus pa la bstod bstod par 'gyur ro// //na ma(rgyud 'grel phyir skyabs gsum skyob ba dang/ bcas pa la rab tu grub bas skyabs su mchi'o/ /de yang rnam bar dag pa'i ye shes zung du 'jug pa'i ting nge 'dzin sku gsum lhun gyis grub ba'i phyag rgya mtshon pa'i lha tshogs grags pa 'jig rten gsum gyi mgon po sangs rgyas thams cad la phyag 'tshal zhing skyabs su mchi'o/ /smra bsam brjod du med pa gsung gi rang bzhin dus gsum gyi rgyal ba thams cad skyed par byed pa'i yum mtshan nyid so so'i ye shes ma lus par ston pa dam chos mdo sde rnams la ? 'tshal zhing skyabs su mchi'o/ /'khor ba'i rgya mtshor mig zum nas stor ba'i 'gro ba'i skyabs dang gnyen mdzad cing phrin las bzhi yis thugs rtse gcig par don mdzad ba'i gtso bo theg pa chen po'i dge 'dun la phyag 'tshal zhing skyabs su mchi'o zhes lan gsum du'o/ /de ltar skyabs gsum bla ma dang bcas pa la dbang por gzhag/ rten du gzung skyabs su gsol nas stobs dang grogs zhus pas/ de bzhin du gzigs te che ge mo la sogs pa mdza' yas ba'i 'gro ba ma lus pa rnams srid pa'i rgya mtsho'i rba rlabs drag pos rang dbang med par g.yengs te/ mgon med par byid ba rnams la ded nas gzung nas byang chub la thug gis bar du bla na med pa gsum la skyabs su mchis pa'i sems can gling med rnams kyi gling du gyur cig/ gnas med pa rnams kyi gnas su gyur cig /skyabs med rnams kyi skyabs su gyur cig/ skyob pa med pa rnams kyi skyob par gyur cig/ mgon med pa rnams kyi mgon du gyur cig/ dpung gnyen med pa rnams kyi dbung gnyen du gyur cig/ ji srid sems can thams cad yongs su mya ngan las ma 'das kyi bar de ji srid du bdag kyang yongs su mya ngan las mi 'da' o zhing sems can thams cad la lam bar ba dang/ 'jug pa rab tu bde ba'i sgo? nas phan pa dang/ bde ba rgya chen po nam mkha' i mdza' klas pa tsam gyis gang zhing yongs su rgyas par gyur cig/ skyabs su 'gro ba'i dag ba'i rtsa ba 'di la brten nas sems can thams cad bla na med pa yang dag par rdzogs pa'i sangs rgyas kyi go 'phang la 'god par gyur cig/ /gzhan yang sems can thams cad bla na med pa yang dag par rdzogs pa'i sangs rgyas kyi go 'phang ma la bkod bar du yang lha dang mi'i rten phun sum tshogs pa la brten nas rang rang gi dge ba'i bshes gnyen de nyid kun tu sbyod par tshogs pa'i sgo nas/ byang chub sems dpa' i skyod pa ngo mtshar bas yang dag par mnyes par byed par gyur cig/ /byang chub tu sems bskyed pa dang yang mi 'bral bar gyur cig theg pa chen po'i chos mdza' dag la dga' ba de kha na ma tho ba med pas long spyod par gyur cig/ bsod nams dang ye shes kyi tshogs kyi bdag nyid pha rol tu phyin pa drug gi sgrub pa la yang dag par gnas par gyur cig/ de ltar gus shing skyabs su mchi bas bdag nyid bslab pa gsum gyis lus yongs su rdzogs par byas nas/ /gzungs dang ting nge 'dzin la sogs pa sangs rgyas kyi chos grangs med pa rnams la longs spyod cing spyan dang/ mngon par shes pa la sogs pa yon tan thams cad la dbang thob cing rang rgyang phyug cing rgyas par gyur cig bdud kyi gnod pa dang/ bar du gcod pa thams cad kyis mi brdzi bar gyur cig /dge ba'i rtsa ba bsam gyis mi khyab pa'i mthus yongs su rdzogs shing/ smin nas byang chub tu lung bstan pa thob cing thabs mkhas pas sangs rgyas kyi zhing sbyong ba dang/ sems can yongs su smin par byed par gyur cig/ mthar mi gnas pa'i mya ngan las 'das pa thob nas sems can thams cad 'khor ba'i rgya mtsho las yongs su sgrol bar gyur cig/ dkon mchog gsum gyi bden pa'i byin gyis brlab kyis de bzhin du gyur cig/ deng de bzhin gshegs pa sras dang bcas pa rnams kyi mtshan nas brjod phyag 'tshal skyabs su gsol nas/ che ge mo la sogs pa mdza' yas pa'i 'gro ba ma lus pa'i mun pa bsal nas/ lam mchog tu gyur pa bskyed pa'i phyir dang/ glo bur gyi nyon mongs pas gdungs pa'i skye bo mdza' dag bsgral bar bya ba'i don du gsol pa ni/ mgon po gang zhig gis gang zag pa med pa'i bdud rtsi'i mchog brnyes kyang sems can gyi las dang skal ba'i dbang gis thugs chub zad snyom par zhugs pa rnams la dam pa chos kyi bdud rtsi dri ma med cing 'od gsal ba gsung bar chos kyi 'khor lo bskor bar bskul lo zhes lan gsum mo/ /gang yang 'jig rten gyi sgron ma dam pa de da ring du mi gnas par zhi bar gshegs par bzhed pa de dag la yang ji srid sems can gyi khams yod pa de srid du nyi ma dang/ zla ba lta bu'i tshul gyis sems can gyi khams la rab tu gsal bar bzhugs su gsol ba ste/ bdud bzhi bcom pa'i sman pa'i mchog chen po khyod la gus pas rab tu bzhugs pa gsol ba 'debs so lan gsum du bya'o// //'jig rten ma rig pa la sogs pas rab tu ldongs? pa rnams la dri ma med cing 'od gsal ba'i rang bzhin yongs su gsal bar gyur cig/ rgyal ba sras dang bcad pa rnams la mchod cing/ gus pas chos kyi sgron ma spar pa zhus pa las che ge mo la sogs pa mnga' ris kyi 'bangs su mchis ba rnams dang/ gzhan yang 'gro ba ma lus pa rnams kyi theg pa gsum gyi chos ma lus pa la rang dbang thob par gyur cig/ 'jig rten gyi khams gzhan dag gzhan dag tu chos kyi 'khor lo dri ma med pas gzhan yongs su smin par byed par gyur cig/ khams gsum gyi 'gro ba ma lus pa rnams la rang rang dang 'tsham pa'i theg pa chen po'i dge ba'i bshes gnyen ngam pas bsam pa dang 'thung pa'i chos mthun pa'i chos ston par gyur cig/ sems can thams cad kyang thos pa dang bsam pa lhur byas nas/ ting nge 'dzin gyi sgo rnams la snyoms par 'jug par gyur cig/ sems can thams cad la dge ba bcu'i las kyi lam rab tu ston pa dang/ byang chub kyi phyogs kyi dge ba ji snyed ba tshul khrims kyi phung po dang ldan pa 'am ting nge 'dzin gyi phung po dang ldan pa'am/ shes rab kyi phung po dang ldan pa 'am/ rnam par grol ba'i ye shes mthong ba'i phung po dang ldan pa'am/ 'phags pa'i bde ba dang ldan pa de dag kyang nges par 'byung ba'i don du ston par gyur cig/ /gang yang dag par bsgrub pa la chos gang du bri ba 'am/ blang ba 'am/ dor ba dang/ gzung ba dang/ sdang ba med par gzhan la 'chad par gyur cig/ yang dag par bsgrub pa la zhugs pa ni gnyis la blo ma 'jug ste/ chos thams cad gnyis su med par yang dag par ji lta ba bzhin du mthong nas/ de bzhin gshegs pa thams cad sems can thams cad la nges par 'byung ba'i las yang dag par ston par gyur cig/ rgyal ba sras dang bcas pa la bskul zhing gsol bas che ge mo la sogs pa bka' i 'bangs thams cad kyis 'khor thams cad kyi bsam pa yongs su shes pas 'khor thams cad mgu bar byed pa dang/ 'khor thams cad kyis lus sems tshim par byed ba dang/ 'khor thams cad dga' ba dang/ rab tu dga' ba dang/ dang la bskyed pa dang/ snying rje chen po la sbyor ba dang/ de kho na nyid mnyam pa nyid du rtogs pa dang/ gzhan ma yin pa nyid dang/ mi 'gyur ba nyid dang/ mi 'khrugs pa nyid dang/ 'byung ba med pa nyid dang/ 'jigs pa med pa nyid dang/ rtsod pa med pa nyid du ston par gyur cig/ rgyal ba sras dang bcas pa'i chos kyi gsung dri ma med pa de bzhin nyid dang mnyam zhing/ chos kyi dbyings kyi ngos mnyam pa des 'jig rten gyi khams rab 'byams ma lus pa rnams la thogs pa med cing khyab par gyur cig/ /de bzhin gshegs pa tshad med grangs med bsam gyis mi khyab? gzhal du med brjod du med pa'i chos dang ldan zhing/ snying rje chen pos zin pa'i sems can rnams la nges par 'byung ba'i lam yang dag par ston par gyur cig/ /nam mkha' mdza' yas mu med pa bzhin du rgyal sras dang bcas pa'i mkhyen pa dang/ brtse ba mu med pas che ge mo la sogs pa 'gro ba mdza' yas mu med la brtse bas bu lta bur dgongs nas/ /'gro ba ma lus pa rnams kyang de bzhin gshegs pa'i gsung dri ma med pa thos nas/ mngon par yid ches/ rab tu rtogs dri ma med pa the tshom mi za ba dang/ rgya cher dga' mgu ste rangs pa rnyed nas/ nam mkha' lta bur bsam gyis mi khyab pa'i don la ngo mtshar ba dang/ rmad du byung ba'i 'du shes skye bar gyur cig /rgyal ba sras dang bcas pas che ge mo la sogs pa'i sems can thams cad snying rjes mi gtong zhing thams cad kyang ngo mtshar ba'i 'jug pa la gnas par gyur cig/ dkon mchog gsum gyi bden pa'i byin gyis brlab kyis de bzhin du grub par gyur cig/ deng phyogs bcu dus gsum du bzhugs pa'i de bzhin gshegs pa sras dang bcas pa rnams kyi spyan sngar mdza' yas pa'i 'gro ba ma lus pa'i ched du dus 'di nas bzung nas/ bla na med pa'i byang chub la mchis kyi bar du 'gro ba'i rgya mtshor bying pa'i mdza' yas pa'i 'gro ba ma lus pa gdon par bya ba'i phyir/ ji ltar 'das pa dang/ ma 'ongs ba dang/ da ltar byung ba'i sangs rgyas dang byang chub sems dpa' rnams kyi bslabs pa dang/ slob pa dang/ slob par gyur pa'i sangs rgyas thams cad kyi sgrib pa med par rang bzhin thams cad mkhyen pa nyid ye shes kyi chos kyi chos nyid rjes su gzigs nas byang chub tu thugs bskyed pa ltar/ che ge mo la sogs pa yang dag par rdzogs pa'i byang chub chen por sems bskyed par bgyis te/ 'khor ba'i rgya mtsho las sems can ma bsgral ba rnams bsgral ba dang/ ma grol ba rnams grol bar bya ba dang dbugs ma byin ba rnams dbugs dbyung ba dang/ yongs su mya ngan las ma 'das pa rnams chos kyi dbyings su yongs su mya ngan las 'das bar bgyi'o/ /sdom pa'i tshul khrims dang/ dge ba chos sdud kyi tshul khrims dang/ sems can don byed kyi tshul khrims la yang dag par bslab par bgyi'o zhes lan gsum du'o/ /de ltar rgyas ba sras dang bcas pa thams cad kyi spyan sngar sems bskyed pa ma lus pa'i 'gro ba rnams bla na med pa'i byang chub la dgod par gyur cig /nyon mongs ba'i rgya mtsho las sems can ma sgrol ba rnams bdag gis yongs su sgro ba bar gyur cig /sems can thams cad las kyi lu gu rgyud las ma sgrol ba rnams bdag gis sgrol bar byed par gyur cig /'khor ba'i rgya mtsho dpa' klong rab tu 'khrugs pa las sems can thams cad dbugs dbyung ba'i skabs med pa la bdag gis yongs su dbugs 'byin par gyur cig /sems can thams cad sdug bsngal rgyu dang bcas pa las yongs su mya ngan las ma 'das pa rnams bdag gis yongs su mya ngan 'da' bar gyur cig gzhan yang sems can thams cad bla na med pa yang dag par rdzogs pa'i byang chub thob par gyur cig /byang chub ma thob kyi bar du yang lha dang mi'i rten phun sum tshogs pa thob par gyur cig /byang chub tu sems bskyed pa dang mi 'bral bar gyur cig /bsod nams dang ye shes kyi tshogs chen po yongs su 'phel ba'i pha rol tu phyin pa drug sgrub pa la yang dag par gnas par gyur cig /dge ba'i bshes gnyen dam pa dang 'grogs ba dang mi 'bral bar gyur cig/ de'i gdams ba dang/ rjes su gnang ba dang bcas te shes rab kyi pha rol tu phyin pa las byung ba'i sems bskyed nyi shu rtsa gnyis lam rnam pa lnga'i bdag nyid rim gyis bgrod par gyur cig /de la dang po tshogs kyi lam la gnas te 'dun pa dang bcas pa'i sems bskyed pa sa lta bu dang/ bsam pa dang ldan pa'i sems bskyed pa gser bzang po lta bu dang/ lhag pa'i bsam pa dang ldan pa'i sems bskyed pa zla ba tshes pa lta bu la spyod cing gnas par gyur cig /des zhi gnas dang lhag mthong dang/ bsod nams ye shes kyi tshogs 'phel bas 'jig rten phal po che las khyad par du 'phags par gyur cig /sbyor ba dang ldan pa'i sems bskyed pa mi lta bus nyon mongs ba'i bud shing thams cad bsregs nas thams cad mya ngan las 'das pa'i rgyur gyur nas spos kyi glang po che la dril bu g.yer kas brgyan pa ltar rnal 'byor ba'i sems la rgyan cing phyug par gyur cig/ /mthong lam du sa dang po rab tu dga' ba la gnas te/ sbyin pa'i pha rol tu phyin pa dang ldan pa'i sems bskyed pa gter lha bu la spyod cing gnas par gyur cig/ tshogs gnyis yongs su rdzogs pa'i mthus de kho na nyid mngon sum du rtogs par byas te yang dag par lta ba la sogs pa rnal 'byor pa'i sems yongs su phyung bar yang gyur cig/ de nas sgom pa'i lam la gnas te/ a gnyis pa tshul khrims kyi pha rol tu phyin pa dang ldan pa'i sems bskyed pa rin po che'i 'byung khung lta bu la gnas par gyur cig/ sa gsum pa la bzod pa'i pha rol tu phyin pa dang ldan pa'i sems bskyed pa rgya mtsho lta bu la spyod cing gnas par gyur cig/ sa bzhi pa brtson 'grus kyi pha rol tu phyin pa dang ldan pa'i sems bskyed pa rdo rje lta bu la gnas par gyur cig sa lnga pa la bsam gtan gyi pha rol tu phyin pa dang ldan pa'i sems bskyed pa ra'i rgyal po ri rab lta bur gnas par gyur cig /sa drug pa la shes rab kyi pha rol tu phyin pa dang ldan pa'i sems bskyed ba sman pa lta bu la gnas par gyur cig /sa bdun pa la thabs mkhas pa'i pha rol tu phyin pa dang ldan pa'i sems bskyed pa'i dge ba'i gshes gnyen lta bu la gnas par gyur cig/ sa brgyad pa la smon lam gyi pha rol tu phyin pa dang ldan pa'i sems bskyed pa yid bzhin gyi nor bu rin po che lta bu la gnas par gyur cig /sa dgu pa la stobs kyi pha rol tu phyin pa dang ldan pa'i sems bskyed pa nyi ma'i dkyil 'khor lta bu la gnas par gyur cig/ sa bcu pa la ye shes kyi pha rol tu phyin pa dang ldan pa'i sems bskyed pa klu dbyangs gnas ? ba'i bshes gnyen lta bu la gnas par gyur cig/ de nas khyad par gyi laM la gnas te/ mngon par shes pa'i mthu thogs pa med pa dang ldan pa'i sems bskyed pa rgyal po lta bu la gnas par gyur cig/ bsod nams dang ye shes kyi tshogs yongs su rdzogs pa dang ldan pa'i sems bskyed pa bang mdzod lta bu la gnas par gyur cig/ byang chub kyi phyogs dang mtshungs? pa'i sems bskyed pa lam po che lta bu la gnas par gyur cig/ snying rje dang lhag mthong gi sems bskyed pa gzhon pa brtan po lta bu la gnas par gyur cig/ gzungs dang spobs pa phun sum tshogs pa dang ldan pa'i sems bskyed pa dkon ma'i chu mig lta bur spyod cing gnas par gyur cig/ de nas mthar phyin pa'i lam la gnas te/ chos kyi skyed mos tshal dang ldan pa'i sems bskyad pa sgra dbyangs snyan pa lta bu la spyod cing gnas par gyur cig/ bgrod pa gcig pa'i lam dang ldan pa'i sems bskyed pa chu po'i rgyun lta bu la spyod par gyur cig /chos kyi sku dang ldan pa'i sems bskyed pa sprin lta bu la spyod cing gnas par cig/ gzhan yang bdag gi sems bskyed pa'i dge ba'i rtsa ba 'di la brten nas/ 'jig rten gyi khams thams cad na sems can dmyal pa thams cad rgyun chad par gyur cig/ yi dags kyi 'gro ba thams cad rgyun chad par gyur cig/ dud 'gro'i skye gnas thams cad kyang rgyun chad par gyur cig/ mi khom pa thams cad rgyun chad bar gyur cig /lha dbul ba dang mi dbul po la sogs pa mtho ris kyi gnod pa thams cad rgyun chad par gyur cig/ ser sna dang 'chal ba'i tshul khrims dang/ gnod sems dang/ le lo dang/ rnam par g.yeng pa dang/ 'chel pa'i shes rab rgyun chad par gyur cig/ 'dod pa la 'dun pa la sogs pa'i sgrib pa lnga dang bral bar gyur cig/ nyon mongs pa dang/ las dang/ rnam par smin pa'i sgrib pa gsum dang bral bar gyur cig/ nyon mongs pa dang/ shes bya'i sgrib pa dang bral bar gyur cig/ sems can thams cad sangs rgyas kyi go 'phang thob nas 'jig rten gyi khams na sems can zhes bya ba'i sgra mi grags par thams cad kyang sangs rgyas 'ba' zhig gi rang bzhin du gyur cig/ 'jig rten 'dir yang lo phyugs rtag tu legs pa dang/ mi nad dang/ phyugs nad thams cad rgyun chad bar gyur cig /'thab pa dang/ rtsod pa la sogs pa thams cad nye bar zhi bar gyur cig/ nad dang/ gnod pa dang/ dgra dang/ bgeg dang/ sdig pa dang/ gnod pa la sogs pa thams cad mi 'byung zhing rgyun chad par gyur cig /dpal dang/ bkra shis dang/ bsod nams dang/ dbang thang dang/ tshe dang/ dngos grub dang/ bde legs la sogs pa yon tan phun sum tshogs pa thams cad 'phel zhing rgyas par gyur cig/ nam 'chi ba'i dus su rang gi legs par spyad pa'i las la goms ba lhur? byas nas rnam par dkar ba'i chos dga' bde thun mong ma yin pa thob par gyur cig/ dga' bde des rang rgyud rnyog ba dang bral nas/ rang gi yi dam gyi lha rje btsun ma sgrol ma mngon sum du mthong bar gyur cig/ mthong nas kyang de'i gdams pa dri ma med pa bdud rtsi'i mchog la sbyod pa dang/ lus sems tshim par gyur cig/ shi ma thag tu skye ba gzhin gyis bar ma chod par g.yu lo brgyan pa'i zhing khams su pad+ma'i sdong ba la brdzus te skyes nas sems can gyi khams dpag tu med pa sgrol nas dpal mgon du gyur cig /dkon mchog gsum gyi bden ba'i byin gyis rlabs kyis de bzhin du gyur cig /de nas rin po che la sogs pa'i snod shin tu mdzes pa'i nang 'bras la sogs pa'i kha zas sna tshogs pa la me tog dang 'bras bu la sogs pas brgyan pa la cha gnyis par byas/ sku gsung thugs kyi snying po lan bdun bsngags nas/ byin gyis brlab pa la pad+ma kha phye ba'i phyag rgya byas la/ sangs rgyas dang byang chub sems dpa' i tshogs ma lus pa la dbul ba'i sngags 'di lan bdun bzlas te/ kha dog dang/ dri ro phun sum tshogs pa la dmigs par bya'o/ /oM na mo bud+d+ha b+ho d+hi satrA nAM a pra ti ha ta shA sa nAM he he b+ha ga ba ti ma hA satwA bud+d+ha a ba lo ki te i daM ba liM grih+Na grih+Na/ a mri ta kha kha khA hi khA hi tiSh+Tha tiSh+Tha hUM hUM phaT phaT swAhA/ de nas 'byung po thams cad la dbul ba ni/ oM A kA ro mu khaM sarba d+harmA NAM A dyanu ta pan+na twAt oM A(rgyud 'grel band+ha/ ha na ha na gardza ya ga rdza ya/ bi spho Ta ya spho Ta ya sarba big+h+nan bi na ya ka ma hI ga na pa ti/ dzi bi ta na ka ra ya hUM hUM hUM phaT phaT phaT swAhA// //dang po ni de bzhin gshegs pa sras dang bcas pa rnams la dbul bar bya/ gnyis pa ni phyogs skyong ba la sogs pa rnams 'phul la phrin las gsol ba ni/ der rgyal ba sras dang bcas pa rnams la sku gsung thugs kyi 'khrul pa mi mnga' pa ltar che ge mo la sogs pa mnga' ris kyi 'bangs su mchis pa rnams la lus ngag yid gsum gyi 'khrul pa spang pa'i phyir brtse bas gzigs par mdzod/ rgyal ba sras dang bcas pa la rjes su chags pa dang khong khro ba med pa ltar che ge mo la sogs pa'i 'gro ba ma lus pa la ca co med pa'i chos ston bar gyur cig /rgyal ba sras dang bcas pa la rmongs pa dang bsnyel ba med pas/ bsam gtan dang /rnam par thar pa dang/ ting nge 'dzin dang/ snyoms par 'jug pa la thogs pa med pa lhar che ge mo la sogs pa'i 'gro ba ma lus pa la brjed ngas par mi 'gyur bar bya ba'i phyir/ rjes su gzung du gsol lo/ /rgyal ba sras dang bcas pa rnams la 'chag pa 'am/ bzhengs pa'am/ bzhugs pa 'am/ chos gsungs pa la sogs pa gang la yang bsam gtan dang ldan pa ltar/ che ge mo la sogs pa'i sems can thams cad la ting nge 'dzin gyi sgo dum la 'jug pa'i byin gyis brlabs su gzigs par mdzod cig /de bzhin gshegs pa sras dang bcas pa la tha dad pa med pa'i thugs chos kyi dbyings dbyer med cing mnyam pa nyid kyi ye shes kyis 'dod chags la sogs pa dang bral ba'i phyir/ che ge mo la sogs pa'i 'gro ba rnams la khong khro ba med pa dang/ log par nges pa'i sems med pa dang/ tha dad pa'i 'du shes spangs pa'i phyir rjes su 'dul bar mdzod cig/ sangs rgyas dang/ byang chub sems dpa' rnams la gti mug med pa'i phyir ye shes dang ldan pa dang/ rnam par ltung ba med ba'i phyir/ 'jig rten las 'das pa dang/ 'phags pa ma yin pas nges par mi 'byung ba'i phyir/ de bzhin gshegs pa'i btang snyoms 'phags pa'i nges par 'byung ba dang/ rang gi ngang? phyis grub pas gnyen po'i rjes su ma song ba dang/ ma brtags pa dang/ ma bsgoms pa med pa'i phyir/ che ge mo la sogs pa 'gro ba ma lus pa rnams la mthon dman med pa dang/ bzang ba dang/ ngan pa med pa'i btang snyoms phun sum tshogs pa yongs su rdzogs par yang mdzod cig/ /rgyal ba sras dang bcas pa rnams dge ba'i chos la 'dun pa ste/ de yang byams pa la 'dun pa dang/ snying rje dang/ chos dang sems can 'dul ba dang/ byang chub sems dpa' yang dag par 'dzud pa la nyams pa med pa dang/ brtson 'grus chen po dang ldan pa lnga che ge mo la sogs pa'i mdza' yas pa'i sems can 'gro ba ma lus pa rnams kyang dkon mchog gsum gyi gdung 'dzin pa dang/ de bzhin gshegs pa'i ye shes sngon du 'gro ba'i rang bzhin gyi sems can thams cad bla na med pa'i ye shes thams cad mkhyen pa'i? yongs su rdzogs par bya ba'i phyir ye shes kyi spyan gyis gzigs su gsol lo/ /de bzhin gshegs pa sras dang bcas pa rnams ni sems can thams cad yal bar mi 'dor ba dang/ chos nyan pa nyid du gzigs pas gang la yang brnyas pa med pa dang/ lus dang sems yang dag par spyangs ba dang/ brtson 'grus brtsams ba de /de ltar mnga' ris gyi gdul bya rnams kyang brtson 'grus yang dag par rab tu sbyor bas sems can thams cad 'phags pa'i rnam par grol ba thob bar 'gyur ba'i phyir/ sna tshogs pas brtson 'grus nyams pa med par 'byung ba cig dang/ thub pa chen po rnams la mngon par rdzogs par sangs rgyas ma thag tu 'das pa dang/ ma 'ongs pa dang/ da ltar byung ba'i sems can gyi rgyud la rnam par bltas kyang phyis brjed pa dang/ sems can gyi dbang po la 'jug pa dang/ phung po gsum du rnam par gzhag pa dang/ sems can gyi bsam pa la 'jug pa dang/ spyod pa la rnam par lta bas dran pa nyams pa med pa dang/ che ge mo la sogs pa'i 'gro ba rnams la yang dran par bya ba dang/ bsam par bya ba dang/ brtag par bya ba dang/ mi brjed ba'i gzugs kyi mthu thob pa'i phrin las grub par mdzod cig/ der rgyal ba sras dang bcas pa de bzhin nyid gang dang mnyam pa nyid dang/ ting nge 'dzin la zhugs pas mdza' dang dbus mi dmigs pa ltar sems can thams cad de lta bu'i ting nge 'dzin rnyed par mkhyen pas gzigs shig/ gzhan gyi dring mi 'dzeg pa dang/ sems can gzhan dang/ gang zag gzhan la chos go bar byed pa dang/ so so yang dag par rig pa mi zad pa la mkhas pa dang/ tshig thams cad rab tu dbye ba dang/ tshig gcig bskal ba brgya stong gi bar du ston bar shes pa dang/ dri ba ji lta ba bzhin du the tshom gcod pa dang/ thams cad du thogs pa med pa dang/ sems can thams cad kyi khams dang spyod ba shes pa dang/ chos kyi phung po brgyad khri bzhi stong ci rigs par ston par gyur cig /de bzhin gshegs pa sras dang bcas pa rnams kyi thugs kyis dgongs nas che ge mo la sogs pa'i 'gro ba ma lus pa rnams la chags pa dang/ gnyis su 'dzin pa thams cad dang bral ba'i rnam par grol ba bla na med pa yang dag par rdzogs pa'i byang chub thob par mdzod cig /gzhan yang bdag cag la sogs pa'i mnga' ris rnams kyang ming dang gzugs dang longs spyod dang spyod lam dang rigs la sogs pa gang gis sems can ma lus pa 'dul bar byed pa'i ye shes kyi rang bzhin du/ brtse bas yongs su khyab par mdzod cig/ che ge mo la sogs pa'i 'gro ba ma lus pa rnams kyang shin tu nges pa'i tshig dang ldan te/ 'bras bu rgya chen po ston pa'i chos 'chad pa dang ldan par gyur cig/ dag rnam par dag pas kun nas shes par byed pa/ gya gyu med pa/ mi rtsub pa/ mnyen shing yid du 'ong ba mi 'chab pa/ mi 'chog? shin tu snyan pa'i dbyangs rab tu gsal ba/ nges ba/ 'dzam pa/ phan pa/ dga' ba bskyed pa/ mdzes pa/ thogs pa med pa/ lus tshim par byed pa/ 'dod chags la sogs pa zhi bar byed pa'i rang bzhin du gyur cig / rgyal ba sras dang bcas pa'i byin gyis brlabs kyis che ge mo la sogs pa'i 'gro ba ma lus pa rnams kyi sems kyi rgyud yongs su dag pas dmigs pa las 'das pa nam mkha' dang mtshungs shing chos kyi dbyings dang dbyer med pa ste/ ye shes kyi rang bzhin du gyur par mdzad cig /dbang po la sogs pa'i phyogs skyong ba rnams kyis che ge mo la sogs pa'i 'gro ba ma lus pa rnams kyi bar du gcod pa thams cad zhi bar bya ba'i phyir/ bsam pa thams cad yongs su 'grub pa dang/ sangs rgyas kyi bstan pa dar zhing rgyas par gyur cig /dam pa'i chos mi nub pa'i rgyal mtshan phyogs bcur tshugs shig /dkyil 'khor chen po la 'jug ba rnams kyi phyi dang nang gi bar du gcod pa thams cad sol zhig /lam dang sgrub pa'i mi mthun pa'i rkyen thams cad phyir phyogs par mdzod cig 'jig rten pa la bde ba dang/ lo legs pa dang/ nor dang phyugs dang/ bang mdzod 'phel bar mdzod cig/ gnas dang bdag dang rnal 'byor bsrung ba la brtson par mdzod cig/ sangs rgyas rnams kyi bka' drin dran pa dang/ byang chub sems dpa' rnams kyi gsung nyan pa dang/ sgrub pa po'i dam la gnas par mdzod cig/ dkon mchog gsum gyi bden pa'i byin gyis brlab kyis de bzhin du phrin las rgyas par mdzod cig/ dkon mchog gsum gyi bden pa'i byin gyis brlabs kyis de bzhin du gyur cig/ de nas de bzhin gshegs pa rnams dang/ 'jig rten skyong ba la sogs pa rnams la rdzas ma tshogs pa dang/ cho ga lhag pa la sogs pa'i nyes pa thams cad bshags par bya'o/ /ci 'dod pa'i dngos grub zhus la 'khor lo'i dbang phyug la me tog gi phreng ba dbul lo/ /cho ga 'di ni rab gnas dang/ sbyin bsreg dang/ dbang bskur la sogs pa'i bya ba la slob dpon dang/ slob mar bcas pa'i rgyud yongs su dag par byed pa'o/ /dgos pa'i dbang gis mchod pa dang/ dkyil 'khor mngon par 'byung ba 'am/ bya ba la ni sngon du mtshan gyis bstod pa'i dngos gzhi stong phrag brgyad sgrogs par bya'o/ /cho ga dngos la zhugs pa na yan lag gi khyad par re re la yang ci nus pa'i phyag bya'o/ /shin tu rgyas par bshad zin to// //mdor bsdus pa la/ yang dga' ba rnams dang/ phyag la sogs pa bya ba dang/ sdom gyi tshig le'ur byas pa/ phyogs rnams gtsang zhing cha nyen pa dang/ /kun du dri dang ldan gyur pa/ /bde ba can gyi zhing khams ltar/ /sa gzhi byin gyis brlab par bgyi'o/ /phyi nang ma bsgribs gsal ba dang/ /rin chen rnams las grub pa yi/ /thub pa dbang po sras bcas kyi/ /gzhal yas khang du byin brlab po/ /bla ma dkyil 'khor lha tshogs dang/ /phyogs bcur bzhugs pa'i sangs rgyas sras/ /bka' sdong phyogs skyong ma lus pa/ /de ring spyan 'dren gshegs su gsol/ /gtsang zhing dri zhim bsil ba yi/ /dri chab bdud rtsi'i rgyun lta bus/ /rgyal ba sras bcas ma lus pa/ /chu gsum gyis ni mnyes par bgyi'o/ /dus gsum bzhugs pa'i bla ma lha/ /rin chen gsum gyi nam mkha' la/ /til gyi gang bu ltar dmigs nas/ /sgo gsum gus pas phyag 'tshal lo/ /me tog la sogs nyer spyod dang/ /rgyal srid bdun dang grub pa'i rdzas/ /mchod sprin nam mkha' gang dmigs lte/ /'gro ba spral phyir dbul bar bgyi'o/ /bdag dang sems can mkha' mnyam gyis/ /thog med dus nas da lta'i bar/ /ma lus sdig pa ci bgyis pa/ /shin tu 'gyod bas bshags par bgyi'o/ /mngon mtho des legs rgyur gyur pa'i/ /skye bo'i dge ba gang bgyis pa/ /lhag par spro par yi rang ngo/ /sgo gsum bsdams shing mi dge bcom/ /ched du bya bas gzhan don brtson/ /lam bde che ges chung 'jug pa zab/ /sdom pa gsum la gnas par bgyi/ /btang ba dka' ba'i lus 'di ni/ /mgon dang bde gshegs sras bcas la/ /bran g.yog nyid du dbul lags kyi/ /deng nas khyed kyi 'bangs su mchis/ /rgyal srid bu dang chu ma dang/ /'bru dang ? blang bran du bcas/ /sa gzhi gser mogs? rin po che/ /gus pas thugs mchog rnams la mchod/ /sbyin dang tshul khrims sgom pa dang/ /thos pas tshogs gnyis cibs gsang/ /dus gsum bsdus pa'i dge ba gang/ /thub pa chos kyi spyan la dbul/ /sgeg 'dzum ldem zhing brjid pa dang/ /rngam zhing khros pas khro bo'i gzugs/ /sras bcas sku yi dkyil 'khor la/ /dang pas mig mi 'dzum bar blta'o/ /sangs rgyas byang chub ma lus pa'i/ /tshe dang yon tan mthu stobs dang/ /sku gsum mdzad pa ma lus la/ /dbyangs snyan ngag gis bstong par bgyi'o/ /bla ma rdo rje slob dpon dang/ /yi dam dkyil 'khor lha tshogs te/ /sangs rgyas chos dang dge 'dun la/ /rtag tu gus pas skyabs su mchi/ /rgyal bas byang chub mchog brnyes nas/ /cung zad snyoms par zhugs pa la/ /tshangs pa lta bu gus pa yis/ /chos kyi 'khor lo bskor bar bskul/ /byang chub mdzad pa mthar phyin nas/ /bde gshegs mya ngan 'das bzhes pa/ /ji srid 'khor ba mdza' yod pa/ /sems can don du bzhugs par gsal/ /ji ltar sngon gyi skyob pa yis/ /byang chub sems ni bskyed pa ltar/ /de bzhin bdag kyang sems can phyir/ /byang chub chen por sems bskyed do/ /rgyal sras 'jig rten skyong rnams la/ /sku gsum grub dang rig pa 'dzin/ /las chogs bon las rnam dbye sogs/ /las bcol de ni grub par mdzod/ /'dir na nyes pa gang byas pa/ /gang yang lus can skyabs gyur pa/ /ma 'tshal ba rnams bshags par bgyi/ /gtso bos ci nas bka' gnang 'tshal/ /la 'bras bu mchog dang thun mong ste/ /ma nor cho ga don shes rab dang/ /spobs pa mthu rtsal phun tshogs pa'i/ /dngos grub de dag gnang bar rigs/ /dus gsum bsags pa'i dge ba ni/ /tshogs gnyis bdud rtsi lta bu 'dis/ /sku gsum 'bras bu grub gyur nas/ gzhan don 'bad med 'byung bar shog/ de ltar bya ba ma lus pa mthar phyin nas dkyil 'khor la 'jug pa'am/ dkyil 'khor gshegs su gsol bar bya'o/ /yi ge brgya ba ci nus bla bzlas par bya'o/ phongs pa rnams mgu ba dang/ gzhi bdag la gtor ma sbyin par bya'o/ /lha thams cad la mchod pa lha grangs dang mnyam par byas pas mchod pa'o/ /dkyil 'khor la 'jug bri med cho ga 'dis/ /'gro rnams mun pa gsal nas dkyil 'khor du/ /ma lus zhugs nas bde ba che rtogs te/ /bde ba can gyi zhing du myur bgrod shog /rje btsun ma 'phags ma sgrol ma'i dkyil 'khor la 'jug pa'i cho ga zhes bya ba/ dngos grub brnyas pa'i slob dpon chen po b+ha ba b+ha dras mdzad pa rdzogs so// //mahA paN+Di ta sh+rI bi ma la kirti'i zhal snga nas dang/ lots+tsha ba shAkya'i dge slong rdo rje 'dzin pa zhang grub pa dpal bzang pos bal bo'i grong khyer yam bu'i nub phyogs nyi ma'i gtsug lag khang du bsgyur cing zhus nas gtan la phab pa'o// //rgya gar skad du/ tsin+ta ma Ni tAM ra sA d+ha na nA ma/ bod skad du/ sgrol ma yid bzhin nor bu de nas bya ba'i sgrub thabs