བོད་ཡིག

e-texts based on the ACIP/ALL Input

bstod pa/ phrin las thams cad sgrub pa zhes bya ba/ slob dpon tsan+d+ra go mis mdzad pa rdzogs so// //rgya gar skad du/ Arya tA ra de bi sto tra pu shA ma la nI ma/ bod skad du/ 'phags ma lha mo sgrol ma la bstod pa me tog phreng ba zhes bya ba/ mgon po thugs rje chen po dang ldan pa 'phags pa spyan ras gzigs dbang phyug la phyag 'tshal lo/ /thugs rje'i spyan gyis 'gro la gzigs pa'i/ zhabs kyi pad+ma la ni btud de/ tshogs gnyis rdzogs par bya ba'i phyir du/ /lhag pa'i lha la bstod par bya'o/ /phyag 'tshal sgrol ma lha yi lha khyod/ /dngos grub ma lus kun gyi 'byung gnas/ /yid bzhin nor bu rin po che ltar/ /'dod pa'i 'bras bu ster bar mdzad ma/ /phyag 'tshal ngo mtshar khyad du 'phags pa'i/ /yon tan thams cad rdzogs pa'i sku la/ /ye shes lnga yi rang mdangs rgyas pas// thugs rje'i 'od zer phyogs bcur 'phro ma/ /phyag 'tshal chu bzhi'i pha rol legs gnas/ /las dang nyon mongs srid las rnam grol/ /sangs rgyas yon tan phyir mi ldog pa'i/ /sa lam ma lus mthu ru phyin ma/ /phyag 'tshal srid pa'i dra ba 'joms mdzad/ / thugs kyi snying po yi ge bcu pas/ /zhi dang rgyas dang dbang dang mngon spyod/ /'phrin las 'od kyis nam mkha' gang ma/ /phyag 'tshal 'gro ba'i skyabs mchog sgrol ma/ /bud med gzugs kyis 'gro ba 'dul mdzad/ /dpal ldan 'jig rten dbang phyug sras mo// 'phags pa'i spyan chab las ni 'khrungs ma/ /phyag 'tshal 'gran zla med pa'i sku mdog /zag med bde chen zla ba'i gdan la/ /bzhugs pa'i zhabs kyi pad+ma la ni/ /lha dang lha min cod pan gtugs ma/ /phyag 'tshal che ba'i nang na tsha mchog /'byung po ro langs ma lus tshogs 'joms/ /gzhan gyis mi thub drag rtsal chen mo/ /stobs chen pha rol mnon par mdzad ma/ /phyag 'tshal sgrol ma 'khor ba sgrol mdzad/ /bcom ldan 'das ma khyod kyi zhabs la/ /skyabs pa'i mi de mya ngan 'das thob/ /mchog gi don chen 'grub par mdzad ma/ /phyag 'tshal seng ldeng nags kyi sgrol ma/ /rigs drug bur 'dzin brtse ba'i thugs kyis/ /snying rje chen po'i gru bzhings kyis ni/ /srid gsum 'khor ba'i mtsho las sgrol ma/ phyag 'tshal phongs pa kun las skyob mdzad/ /mtsho bas mnar te mchu mgul skams nas/ /bkres pas khyod la gsol ba btab pas/ /longs spyod mi zad char rgyun 'bebs ma/ /phyag 'tshal dpa' mo rdo rje sgrol ma/ /dzam+bu chu bo'i gser gyi mdog can/ /rdo rje la sogs phyag mtshan brgyad kyi/ /phrin las rnams kyi 'gro don mdzad ma/ /phyag 'tshal skye 'gro rnams la dbang bskur/ /'jig rten gsum na thu rtsal ldan pa'i/ /dregs pas myos pa rnams kyi cod pan/ /khyod kyi zhabs kyi mthil gyis brdzis ma/ /phyag 'tshal thub dbang stobs bcu'i rtsal ldan/ /sku lnga'i rang bzhin khyab bdag chen mo/ /bsrung med gsum dang ma 'dres dran gsum/ /yongs su dag pa bzhi pa mnga' ma/ /phyag 'tshal srid pa'i 'ching pa las grol/ /ye shes sku la rdzu 'phrul thogs mang thabs dang shes rab mchog la mnga' brnyes/ /sdug bsngal 'khor ba'i dri ma dag ma/ /phyag 'tshal mthu stobs bdag mo'i snying po/ /yi ge bcu pa spyi 'or btags nas/ /dpung tshogs bde bzhi'i nang du phyin pas pha rol dmag gi g.yul ngo bzlog ma/ /phyag 'tshal mkhyen dang brtse ba'i bdag nyid/ /bsam gtan ting 'dzin rnam thar mang pos/ /brgyan pa'i gter mdzad dpal gyi be'u ra/ /shes bya'i dkyil mdza' rtag tu chung ma/ /phyag 'tshal nyi ma 'bum gyi mdangs can/ /shes rab chen po'i 'od zer 'bar bas/ /khams gsum sems can rnams kyi rgyud la/ /ma rig sgo da'i mun rum sel ma/ /phyag 'tshal ye shes lnga yi bdag nyid/ /dpal ldan dri ma med pa'i sku la/ /mtshan mchog sum cu rtsa gnyis kyis brgyan/ /dpe byad bzang po brgyad cus spras ma/ /phyag 'tshal khams gsum dbang du sdud ma/ /tshangs pa'i khyab 'jug ma hA de ba/ /lha chen rnams kyi dbu yi cod pan/ /khyod kyi zhabs la rab tu btung ma/ /phyag 'tshal 'jig pa kun las skyob mdzad/ /me dang chu dang rgyal po'i chad pa/ /stag dang seng ge sbrul? dang srin po/ /glang po che yi breng dbang sel ma/ /phyag 'tshal byin brlab rmad du gyur nas/ /'byung ba 'khrugs dang gdon gyis bskyed pa'i/ /srog 'phrog nad kyi bye brag ma lus/ /khyod la gsol btab gdung ba sel ma/ /phyag 'tshal btsun mo rin po chen cha byad/ /smin pa'i bar nas mdzod spu 'od 'bar/ /spyan dgu ud+pal mdog 'dri'i 'dzum mdangs/ /thugs rje chags pas 'gro la gzigs ma/ /phyag 'tshal dpa' mo bdud kyi dpung 'joms/ /'khor ba'i 'dam las 'gro ba 'dren mdzad/ /shul nor 'phreng la thugs rjes bzung nas/ /thar pa'i lam la khrid par mdzad ma/ /phyag 'tshal bdud bzhi 'joms par mdzad ma/ /sangs rgyas kun dngos rje btsun ma khyod/ /phung po lnga spangs lnga'i bdag nyid/ /ye shes lnga rdzogs nyon mongs spangs ma/ /phyag 'tshal dge legs gzi brjid chen mo/ /zhal bzangs bcu drug zla ba rgyas 'dra'i/ /'od kyis khams gsum mun pa 'joms mdzad/ /shes rab dpal dang blo gros spel ma/ /phyag 'tshal bud med sgyu 'phrul khyod la/ /mA ma kI dang spyan ma gos dkar/ /lha dang klu dang gnod sbyin rnams kyi/ /che ba'i che mchog rnams kyis bstod ma/ /phyag 'tshal hUM gi sbyor ba dang ldan/ gnas gsum du ni de nyid bkod pas/ /nus pa'i rdzu 'phrul mdza' la rgyal nas/ /phrin las bzhi yi rtsal dang ldan ma/ /phyag 'tshal dge ba rgyas par mdzad ma/ /ji ltar nyi ma'i dkyil 'khor shar bas/ /mun pa rang sar dag pa bzhin du/ khyod bsgom sgrib pa spangs par byed ma/ /phyag 'tshal phrin las du ma'i bdag mo/ /khyod sku sna tshogs ngo bo shel bzhin/ /sku mdog phyag mtshan gcig tu ma nges/ /gang la nye bar tha dang 'tshar ma/ /phyag 'tshal don dam rgyal ba'i yum las/ /ma g.yos kun rdzob lha mo'i gzugs can/ /sku mdog sngo ljang gar gyi nyams dags?/ ? gsal mi rtog pa yis 'gying ma/ /phyag 'tshal 'khor ba'i g.yul rdo do zlog ma/ /nga bdag dngos por zhen pa'i snying la/ /spros bral ye shes ral gri bsnun nas/ gzung 'dzin 'khrul ba'i dpa' bo gsod ma/ /phyag 'tshal tshogs ? rdzogs pa'i dbu skra/ /mthon mthing lcang lo 'khyil ba'i dbus na/ /rdzogs pa'i sangs rgyas 'od dpag med las/ /thugs rje'i 'od zer phyogs bcur 'phro mdzad/ /gang gis me tog phreng ba'i bstod pa/ /klog gam kha don 'don par byed pa/ /de yis bsod nams dpag med 'thob cing/ /sdig sgrib stobs chen ma lus dag 'gyur/ /gang zhig skye bo tha mal rnams kyis/ /'di 'don pa de dge sbyong du 'gyur/ /gang+gA'i klung gi bye ma snyed kyi/ /sangs rgyas rnams kyis byin gyis rlob 'gyur/ /su yi blo la bstod pa 'di 'dzin/ /'dul khrims sdom pa dam tshig rnams kyi/ /nyer byas bsam pa rtsa ltung dri ma/ /ma lus dag nas dngos grub thob 'gyur/ /'di 'don blo yi pad+ma kha 'byed/ /rgol ba ngan pa'i lung rigs tshar gcod/ /rig pa'i gnas la shes rab chen po/ /zla ba yar ngo bzhin du 'phel 'gyur/ /e ma bstod pa'i rgyal po 'di ni/ /lan cig yid la dran pa tsam gyis/ /zhing mchog dam pa bde ba can der/ /the tshom med par nges par skye 'gyur/ 'gro ba'i skyabs mchog rje btsun ma la/ /bdag gi me tog phreng bas bstod pa'i/ /dge ba gru gzings lta bu des ni/ /srid gsum 'khor ba'i mtsho las sgrol 'gyur/ /me tog phreng ba'i bstod pa 'di ni/ /rje btsun ma la lnga brgya pa rnams kyis thams cad mkhyen ba'i khur che ba'i yon tan du ma dang ldan pa/ slob dpon tsan+d+ra go mi zhes bya bas bstod pa rdzogs so// //rgya gar skad du/ Arya tA ra de bi sta ba nA ma(rgyud 'grel