བོད་ཡིག

e-texts based on the ACIP/ALL Input

so// //rgya gar skad du/ badzra sh+rI kha le sA d+ha naM/ bod skad du/ rdo rje lu gu rgyud kyi sgrub thabs/ bcom ldan 'das ma rdo rje lu gu rgyud la phyag 'tshal lo/ /sngar bstan pa'i cho gas snying gar zla ba'i dkyil 'khor la hUM gi yi ge ljang gu las srung ba'i rdo rje lu gu rgyus zhal gsum phyag drug ma/ zhal g.yas pa dang cig shos sngo ba dang dkar ba/ zhal so so la spyan gsum mnga' ba/ phyag g.yas gsum na rdo rje dang lcags sgrog dang mnga' / phyag g.yon gsum na sdigs mdzub dang zhags pa dang/ gzhu'o/ /sku mdog sngo bsangs su ljang ba cung zad bzhad ba/ rgyan thams cad kyis brgyan pa/ sems can sngar ba rnams 'joms par byed par bdag nyid bsgom la phyag rgya bcing bar bya'o/ /de la lag pa gnyis khu tshur so sor bcings la mthe'u chung dang mdzub mo lcags sgrog gi rnam par bcing bar bya'o/ /de nas bzlas ba ni oM badzra sh+ri kha la hUM phaT swAhA/ zhes pa'o/ /'di ni rdo rje lu gu rgyud kyi sgrub thabs/ slob dpon chen po dza ta ri dgra las rnam par rgyal bas mdzad pa rdzogs so// //rgya gar gyi mkhan po paN+Di ta su ma ti kirti dang/ bod kyi lots+tsha ba mkhas pa ma re ba chos kyi dbang phyug gis bsgyur cing zhus te gtan la phab ba'o// //rgya gar skad