བོད་ཡིག

e-texts based on the ACIP/ALL Input

dzam b+ha la'i phyag rgya zhes bya'o/ /oM dzam b+ha la dza len drA ye swAhA/ /sngags 'dis rje btsun la chu khyor ba brgya rtsa brgyad dbul bar bya'o/ /phyi nas mchod pa byas te sngags bzlas par bya'o/ /de nas dngos grub ni sbyin bdag chen por gyur te the tshom med do/ /dpal dzam b+ha la'i sgrub thabs mdor bsdus pa slob dpon chen po tsan drA go mis mdzad pa rdzogs so// //rgya gar skad du/ saM k+Shi pa ta dzam b+ha la sA d+ha na/ bod skad du/ dzam b+ha la'i sgrub thabs mdor bsdus pa/ bcom ldan 'das dzam b+ha la la phyag 'tshal lo/ /sngon du gsungs pa'i cho gas snying khar sna tshogs pad+ma dang zla ba la dzaM yig las byung ba'i 'od zer gyis sangs rgyas la sogs pa yang dag par mchod nas sdig pa bshags pa la sogs pa byas nas dus phyis stong pa nyid mngon du byas te/ de la de bzhin du gnas pa'i sna tshogs pad+ma dang zla ba la dzam las byung ba'i sa bon gyis gang ba sa bon gyi sems can snying po can de'i 'od zer gyis sems can dpag tu med pa'i don sna tshogs pa mdzad nas/ de yongs su gyur pa las dzaM b+ha la gser gyi mdog lta bu sangs rgyas lnga'i cod pan can/ mdzes pa'i gos dang rgyan gyis brgyan pa/ /zhal gcig pa/ phyag gnyis pa/ phyag g.yas na ba'i dza pU ra ka bsnams pa/ phyag g.yon na kha nas rin po che sna tshogs sgyugs pa'i ne'u le bsnams pa/ /ud pal sngon po'i phreng ba bsnams pa/ logs gnyis na rin po che'i snye ma'i char 'bebs pa'i gnod sbyin gnyis gnas pa/ zhabs kyi 'og na gnas pa'i rin po che'i bum pa dpag tu med pa'i 'od zer gyi phreng ba 'khrigs pa'i bdag nyid du rab tu rnam par bsam mo/ /oM dzaM b+ha la dza len trA ye swAhA zhes pa'i sngags bzlas par bya'o/ /lag pa gnyis khu tshur bcings te gung mo'i dbus su tshigs gsum pa bcag pa'i phyag rgyas snying kha dang/ mgrin pa dang/ spyi bo dang/ mdzod spu rnams su sbyin par bya'o/ /snga bar yang de bzhin du skad cig gis bsgoms nas 'dis chu snyim pa brgya rtsa brgyad dbul bar bya'o/ /oM dzam b+ha la dza len tra d+ha naM me de hi da da dA pa ya swAhA/ dzam b+ha la'i sgrubs thabs mdor bsdus pa rdzogs so// //rgya gar skad du/ sh+rI dzam b+ha la sA d+ha naM bi sta ra/ bod skad du/ dpal dzam b+ha la'i sgrub thabs rgyas pa/ dpal dzam b+ha la la phyag 'tshal lo/ /dang por re shig gnas kyi don thams cad rang gi lus kyang stong par bsgoms te/ de'i rjes la cung zad dmar ba'i dkyil 'khor la thabs dang shes rab kyi rang bzhin de nyid gnod sbyin gyi shing rta gru gsum pad ma 'dab ma brgyad pa'i rnam pa'o/ /de'i dbus su bam yig las nor rgyun ma sku mdog ser mo phyag na 'bras kyi snyim dang mchog sbyin mdzad pa/ rgyan thams cad kyis brgyan pa/ /gnod sbyin mo brgyad kyis yongs su bskor ba 'di lta ste/ bzang mo dang/ rab tu bzang mo dang/ spas ma dang/ rab tu spas pa dang/ lha mo dang/ dbyangs can ma dang/ 'phags ma dang chu shel rnams kyis yongs su bskor ba lha mo chen mo de'i b+ha ga'i dbus su dzam gi bdag nyid sangs rgyas lnga'i cod pan can/ phyag g.yas na bI dza pU ra ka bsnams pa/ g.yon na ne'u le bsnams pa/ de bzhin gshegs pa lngas rin po che sna tshogs pa'i char 'bebs bzhin pa/ dung can gyi mgo dang/ pad+ma chen pos mgo'i gter chen po la zhabs gnyis bzhugs pa/ rin po che la sogs pa'i char 'bab bzhin pa rang gi khang pa'i phyogs gcig tu bsam par bya'o/ /sku mdog ser po ud pa la sngon po'i phreng ba bsnams pa/ dpal ldan mgon po dzam b+ha la nor rgyun ma la 'khyud pa byang chub sems kyi thig le las skyes pa'i rin po che'i tshogs kyis nam mkha' ma lus pa rnam par bsgom par bya'o/ /'bab