བོད་ཡིག

e-texts based on the ACIP/ALL Input

bcom ldan 'das ma'i bris sku bkrams nas mchod pa byas te bsgoms par bya'o/ /de nas bcom ldan 'das ma'i dngos grub tu 'gyur ro/ /nor rgyun ma'i sgrub thabs rdzogs so// //rgya gar skad du/ ba su d+ha ra sA d+ha naM/ bod skad du/ nor rgyun ma'i sgrub thabs/ /nor rgyun ma la phyag 'tshal lo/ /sngon du gsungs pa'i tshogs 'dir paM yig ser po yongs su gyur pa las sku mdog ser mo zhal gsum phyag gnyis pa lang tsho gzhon zhing rgyan dang na bza' rnam par brgyan pa 'bras kyi snye ma dang rin po che'i char 'bab bzhin pa'i bum pa phyag g.yon na bsnams pa/ /phyag g.yas pa mchog sbyin mdzad pa/ /dpag tu med pa'i grogs mo'i 'khor gyis bskor ba/ sna tshogs pad+ma dang zla ba'i gdan la bzhugs pa/ rin chen 'byung ldan gyis dbu brgyan pa/ rang gi snying kha'i sa bon las skad cig gis bskyed nas phyag rgya bcing bar bya ste/ /lag pa gnyis khu tshur byas nas gung mo'i tshigs gsum pa bcag pa ni nor rgyun ma'i phyag rgya'o/ /de nas oM ba su d+ha ra rad na ni d+ha na kE te swA hA/ zhes pa'i sngags bzlas par bya'o/ /nor rgyun ma'i sgrub thabs rdzogs so// //rgya gar skad du kha su d+ha ra Ni u pa de sha(rgyud 'grel rgyun ma la phyag 'tshal lo/ /nor rgyun ma'i bris sku 'am sku gzugs bkram nas/ mdun du tsan dan gyi maN+Dal gru bzhi pa byas nas/ de nas bcom ldan 'das ma bskyed nas mchod cing lag pa tsan dan gyis byugs te/ nor rgyun ma'i gzungs kyi po ti skud bas bcings nas mdun du chu'i snod bzhag nas nang du bcug ste/ sems can thams cad byams pa'i sems kyis dmigs te/ dngos grub mngon par 'dod pas snying gar bzung ste nor rgyun ma'i bzungs bklag par bya'o// klog pa yang swAhA dang ldan pas sngags rnams kyis swAhA zhes pa'i sgra brjod pas na me tog dkar po dur ba dang bcas te ka ra dang 'bras dang chu'i snod du dbul bar bar bya'o/ /gos dang sa gtsang phyogs gtsang mar ji srid zla ba drug bkug cing chu'i nang du gshegs par bya'o/ /nor rgyun ma'i gzungs kyi man ngag rdzogs so// //rgya gar skad du/ badzra pA rA h+ri sA d+ha ni/ bod skad du/ rdo rje phag mo'i sgrub thabs/ /rdo rje phag mo la phyag 'tshal lo/ /rnal 'byor pa snga bar langs nas zhal bsang ba la sogs pa byas nas dam tshig gi ril bu zhal du bcug ste/ ri'i phug la sogs pa yid du 'ong ba'i gnas su sna sogs rdo rje'i stan la 'dug nas A la'i dbyangs lan gsum brjod pas bdag nyid rdo rje phag mor gyur nas de'i rnam pa can du 'gro ba thams cad nges par byas te/ rang gi snying gar chu skyes dang nyi ma la paM yig dmar po bltas nas de las byung ba'i 'od zer dmar po bskal pa'i me lta bu'i shin tu mi zad pa 'og min gyi gnas su song nas rdo rje phag mo 'chad par gyur pa'i sku mdog dang phyag mtshan dang ldan pa dang/ /bla ma dang sangs rgyas dang byang chub sems dpa' rnams mdun gyi nam mkha' la spyan drangs nas bzhugs te/ /snying kha nas phyung ba'i 'od zer gyi mchod pa rnams gyis yang dag par mchod nas de'i mdun du sdig pa bshags pa dang/ bsod nams la rjes su yi rang ba dang/ dge ba yongs su bsngo ba dang/ gsum la skyabs su 'gro ba dang/ byang chub tu sems bskyed pa la sogs pa byas nas tshad med pa'i gnas bzhin bya bsgoms te/ de nas chos thams cad rdo rje'i rang bzhin gyi stong pa nyid du byas nas/ oM shU n+ya tA dz+nyA na badzra swa b+hA ba At+ma ko haM/ zhes pa'i sngags kyis don mngon du byas nas skad cig gis ? gnas pa'i skur gnas par bya'o/ /sngon gyi smon