བོད་ཡིག

e-texts based on the ACIP/ALL Input

brgya byin yang dbang du byed do/ /rigs byed ma phyag drug ma'i sgrub thabs rdzogs so// //rgya gar skad du/ aSh+Ta b+hu dza ku ru kul+le sA d+ha naM/ bod skad du/ rigs byed ma'i phyag brgyad ma'i sgrub thabs/ rigs byed ma la phyag 'tshal lo/ /sngon du stong pa nyid kyi mthar thug pa bsgom nas raM yig yongs su gyur pa las nyi ma la h+ri(rgyud 'grel nyi ma la rdo rje skyil krung gis bzhugs pa gzhal yas khang gi dbus su gnas shing phyag dang po gnyis kyis 'jig rten gsum las rnam par rgyal ba'i phyag rgya mdzad pa'o/ /g.yas kyi phyag lhag ma rnams kyis lcags kyu dang rna ba'i rtsar mda''gengs pa dang/ /mchog sbyin gyi phyag rgya bsnams pa'o/ /g.yon gyi phyag lhag ma rnams kyis zhags pa dang/ gzhu dang/ ud pa la bsnams pa rgyan thams cad kyis brgyan pa bsgoms par bya'o/ /shar gyis 'dab mar rab tu dangs pa'i sgrol ma'o/ /lho'i 'dab mar rdzogs pa'i sgrol ma'o/ /nub kyi 'dab mar rgyal ba'i sgrol ma'o/ /byang gi 'dab mar rna ba'i sgrol ma'o/ /dbang ldan gyi 'dab ma la tsun da'o/ /me'i 'dab ma la gzhan gyis mi thub ma'o/ /bden bral gyi 'dab ma la mar me sgrol ma'o/ /rlung gi 'dab ma la gau rI'i sgrol ma rnams bsgoms par bya'o/ /de rnams thams cad kyang sku mdog ser mo de bzhin gshegs pa lnga'i dbu rgyan can rdo rje'i skyil bkrung gis bzhugs pa'o/ /phyag g.yas pa dag gis mchog sbyin gyis phyag rgya dang/ mda' snyan gyis rtsar 'gengs pa'o/ /phyag g.yon pa dag gis ud pa la dang/ gzhu bsnams pa'o/ /shar gyi sgor rdo rje ro langs ma 'jigs shing lto ba 'phyang ba/ sku mdog dmar mo mi bskyod pas dbu brgyan pa/ phyag g.yas pa dag gis sdigs 'dzub dang/ lcags kyu bsnams pa/ phyag g.yon pa dag gis dril bu dang/ zhags pa bsnams pa'o/ /lho'i sgor gzhan gyis mi thub ma sku mdog ser mo rin chen 'byung ldan gyis dbu brgyan pa/ phyag g.yas pa dag gis dbyug pa dang/ lcags kyu bsnams? pa/ phyag g.yon pa dag gis dril bu dang/ zhags pa bsnams pa'o/ /nub kyi sgor ral pa gcig ma sku mdog nag mo skra gyen du brdzes shing lto ba 'phyang? ba/ mche ba gtsigs shing mchu bsdams pa/ 'od dpag tu med pas dbu brgyan pa/ phyag g.yas pa dag gis rdo rje dang/ lcags kyu bsnams pa/ phyag g.yon pa dag gis dril bu dang/ zhags pa bsnams pa'o/ /byang du rdo rje gAn d+ha ri sku mdog ser ljang khu lta bu don yod grub pas dbu brgyan pa/ zhal 'jigs shing lto 'phyang ba'o// phyag g.yas pa dag gis kha TwAM ga dang/ lcags kyu bsnams pa/ phyag g.yon pa dag gis/ dril bu dang zhags pa bsnams pa bsam par bya'o/ /bzhi po 'di rnams zhabs g.yon brkyang gis gnas pa'o/ /de la 'dir 'jig rten gsum las rnam par rgyal ba'i phyag rgya ni lag pa gnyis rgyab sbyar nas ming med gnyis mdun pa byas te mthe chung gung mo 'theb kyi bsngams nas 'dzub mo lcags kyu'i rnam pas 'gying dpral ba'i phyogs su gzung bar bya'o/ /bsgoms pas dal na sngags bzlas par bya'o/ /oM ku ru kul+le hUM h+rI(rgyud 'grel gnas thob par shog /dpal gyi 'bras bu'i shing gis me rab tu sbar te mar dang sbrad la sgres shing dpal gyi 'bras bu'i sbyin bsreg 'bum byas pas rgyal po dang blon po rnams dbang du 'gyur ro/ /ud pa la'i sbyin bsreg stong byas te mar me stong phrag cig lha mo'i mdun du dbul bar byas nas rgyal po thams cad dbang du 'du bar 'gyur ro/ /ku ru kul+le phyag brgyad pa'i sgrub thabs rgyal po in+d+ra b+hu? ti zhabs kyis mdzad pa rdzogs so// //rgya gar skad du/ ku ru kul+le sA d+ha naM/ bod skad du/ ku