བོད་ཡིག

e-texts based on the ACIP/ALL Input

pa'i dbyangs kyi skur bdag nyid bsgom par bya'o/ /seng ge'i steng bzhugs pa sku mdog ser po gser gyi mdog lta bu/ rgyan thams cad kyis brgyan pa/ bshad pa'i phyag rgya mdzad cing phyag g.yon logs na/ utpa la bsnams pa/ mi bskyod pa'i dbu brgyan can/ g.yas na nor bzangs gzhon nu dang g.yon du gshin rje gshed blta bar bya'o/ /bsgoms pas ngal na sngags bzlas par bya'o/ /oM bA gI shwa ra mu(rgyud 'grel po'i sgrub thabs rdzogs so// (//shes rab 'phel ba'i gter gyi sgrub thabs la sogs pa bzhugs/) /rgya gar skad du/ pradz+nyA bard+hA ni ni d+hi bA dI rA dza sA d+ha naM/ bod skad du/ shes rab 'phal ba'i gter gyi ngag gi rgyal po'i sgrub thabs/ 'jam pa'i dbyangs la phyag 'tshal lo/ /rab tu bshad pa'i mchod pas mchod nas sdig pa bshags pa dang/ dge ba la rjes su yi rang ba la sogs pa dang/ byams pa la sogs pa'i cho gas chos thams cad kyi de bzhin nyid zla ba gnyis kyi nang du bzhugs nas/ /chu skyes ser po rnam par gyur pa las ser po bi las maM yig gi sa bon/ de las zla ba la sogs pa yongs su gyur pa las yang dag pa'i ngag gi rgyal por rang nyid do/ /de nas shes rab bskyed pas ta'i mdza' dang/ ra'i mdza' dang/ sa'i mdza' rnams kyi tshogs pa ba'i dang zla ba phyed pa dang thig le dang por bcas pa'i sngags bzlas par bya'o/ /shes rab 'phel ba'i gter ngag gi rgyal po'i sgrub thabs/ dpal ldan paN+Di ta 'phrog byed 'joms pas mdzad pa rdzogs so// //rgya gar skad du/ bA ga rA dza sA d+ha naM/ bod skad du/ ngag gi rgyal po'i sgrub thabs/ 'phags pa 'jam dpal la phyag 'tshal lo/ /gzhon nu'i rnam par mdzad pa yis/ /'jig rten rjes su 'dzin mdzad pa/ /de bzhin nyid kyi lam ston pa'i/ /'jam pa'i dbyangs la phyag 'tshal lo/ /'jam dpal gyi rtog pa las gsungs pa'i cho gas ngag gi rgyal po'i sgrub thabs bshad par bya'o/ /dang por re zhig zur bzhi sgo bzhi pa/ rin po che sna tshogs pas brgyan cing bla bres kyis mdzes par byas pa/ mu tig gi rang bzhin gyis rgyal mtshan dang ba dan la sogs pas brgyan pa'i gzhal? yas khang rnam par bsams nas/ de la dbus su dar gyi gdan la/ de'i steng du nye bar 'dug ste/ de nas byang chub tu sems bskyed par bya ste/ sems can dang sems can gyi rgyud kyis gzung ba ji snyed pa de rnams thams cad 'jam dpal gyis ye shes la rab tu dgod par bya'o zhes so/ /gang yang skad cig gis mi rtag pa dang/ bdag med pa dang/ sems can gyi sdug bsngal rnams rmi lam dang/ mig 'phral lta bu dang/ gzugs brnyan tsam ste/ gdod ma nas zhi ba/ rang bzhin gyis yongs su dag pa/ ngo bo nyid med pa las skyes shing skye ba med pa yang dag pa'i mdza' i de bzhin du gyur ba chos thams cad stong pa'o zhes stong pa nyid du lhag par gsungs te/ sems can 'di rnams sred pa'i dbang gis mi rig pas ljongs shing las kyi rnam par smin pa mi mthong la/ de rnams la rten cing 'brel par 'byung ba zab mo'i las kyi bya ba la zhugs nas bdag gis chos bstan par bya'o zhes snying rje'i phyir yang lhag pa'i tshig go /de'i phyir bcom ldan 'das kyis 'dus pa la sogs par gsungs te/ stong pa nyid dang snying rje dbyer med par byang chub kyi sems shes par bya ste/ 'dir byang chub kyi sems bskyed par bya ba las bskyed pa ni byang chub sems