བོད་ཡིག

e-texts based on the ACIP/ALL Input

byed na bsam gtan rtse gcig nges par gnas pas spyad bya ste/ /ji srid 'bum phrag yongs su ma rdzogs pa ni rdzogs 'gyur nas ni las kyi rim bzhin bya/ /rnam pa thams cad du ni mi mthun pa'i phyogs su nye bar song yang ngo/ nyid bsam gtan byed/ dkar po tshe gcig nyid nas shin tu mdzes pa'i yid kyis ji srid zla ba gnas pa'i bar/ /de nyid sbyar ba'i skad cig nub re bzhin du ji snyed zla ba nya ba'i bar du bya/ /de nyid kyi na nub mo thub par dka' ba'i tshigs bcad mkhan gyis dngos grub thob par 'gyur/ /gang zhig dpal ldan nag pos rgyal po dpal ldan gshin rje gshed kyi rgyud du gnas byas pa/ /dpal dang ldan pa'i rdo rje dbyangs can bcom ldan 'das ma de ni yang dag mnyes pa'i thabs/ /sems can rnams la phan pa'i don du bdag gis byas pa'i bsod nams yang dag gyur ba des/ /des ni 'gro kun nag po lta bur thub par dka' ba'i tshigs bcad mkhan ni grub par shog /sangs rgyas rnal 'byor dpal 'dzin gyis/ /dpal ldan rdo rje dbyangs can gyi/ /'joms byed mthar ni byed pa yi/ /sgrub pa'i thabs ni 'di byas so/ /rdo rje dbyangs can ma'i sgrub pa'i thabs/ slob dpon dpal gyis mdzad pa rdzogs so// //paN+Di ta don yod rdo rje dang/ khams pa lo tsa ba dge slong ba ris bsgyur cing zhus so// //rgya gar skad du/ big+h+na sA d+ha naM/ bod skad du/ bgegs bskrad pa'i sgrub thabs/ bcom ldan 'das bgegs mthar byed la phyag 'tshal lo/ /dang por re zhig sgrub pa po chen po'i gdan la 'dug ste / rang gis snying gar aM dmar po las skyes pa'i nyi ma'i dkyil 'khor bsgoms la/ de'i steng du hUM sngon po rnam par bsams nas/ hUM gi 'od las skyes pa'i bgegs mthar byed dang/ bla ma dang/ sangs rgyas dang/ byang chub sems dpa' dmigs la/ me tog la sogs pas yang dag par mchod de/ phyag 'tshal ba dang/ gsum la skyabs su 'gro ba la sogs pa byas nas stong pa nyid bsgom par bya'o/ /oM shU n+ya tA dz+nyA na badzra swa b+hA ba At+ma ko haM/ de nas aM dmar po las skyes pa'i dkyil 'khor gyi steng du hUM ngo/ /de yongs su gyur pa las rdo rje hUM gis mtshan pa bsgom par bya'o/ /hUM gi 'od kyis bskul ba'i de bzhin gshegs pa thams cad bzhugs pa sngon du 'gro bas de thams cad yongs su gyur pa las bdag nyid bgegs dgra bsgom par bya ste/ zhal gcig phyag gnyis pa/ g.yon brkyang ba'i zhabs kyis gnas pa/ mdog sngo ba/ phyag g.yon na sdigs mdzub dang zhags pa/ g.yas pa na rdo rje 'phyang zhing 'jigs par byed pa/ skra kham pa gyen du bsgreng ba'o/ /de nas bcom ldan 'das kyi thugs kar hUM yongs su gyur pa las rdo rje hUM gis mtshan pa'o/ /de lta bur gyur pa'i bgegs dgra spro ba dang bsdu ba'i gzugs sna tshogs pad+ma'i steng du nyi ma la gnas pa bsgom par bya'o/ /dam tshig la sogs pa'i cho ga sngon du 'gro bas 'di ltar thun mtshams gnyis dang gsum dang bzhi la sogs par bsgom par bya'o/ /oM A(rgyud 'grel rgya gar skad du/ e ka dzA TI sA d+ha naM/ bod skad du/ ral gcig ma'i sgrub pa'i thabs /'phags ma ral gcig mal phyag 'tshal lo/ /sngon du bstan pa'i cho gas stong pa nyid bsgoms pa'i rjes su sna tshogs pad+ma'i steng du TAM yongs su gyur pa las/ thod pa'i ?? hUM sngon po spro ba dang bsdu ba sngon du 'gro bas/ de yongs su gyur pa las bcom ldan 'das ma ral gcig ma yan lag thams cad nag pa/ phyag bzhi ma/ zhal gcig la/ spyan dkar zhing dmar ba'o/ /spyan gsum pa stag gi pags pa'i sham