བོད་ཡིག

e-texts based on the ACIP/ALL Input

rgya gar skad du/ kha ro ra ba na tA ra sA d+ha naM/ bod skad du/ seng ldeng nags kyi sgrol ma zhes bya ba'i sgrub thabs/ bcom ldan 'das sgrol ma la phyag 'tshal lo/ /sngon du bstan pa'i tshogs sdig pa bshags pa la sogs pa byas pa'i rjes la stong pa nyid du byas la/ de la sngon gyi gnas su pad+ma dang zla ba la taM gi sa bon yongs su gyur pa las utpa la lte bar taM gyis mtshan pa'o/ /de yongs su gyur pa las bdag nyid ljang gu don yod grub pa'i dbu rgyan can/ mchog sbyin dang utpa la g.yas dang g.yon pa'i phyag na'o/ /mya ngan med pa'i shing gi 'od zer can dang/ ral gcig ma gnyis g.yas dang g.yon gyi phyogs kyi cha na bsnams pa ste/ mdzes ma'i gzhon nu ma rgyan gyis brgyan ma/ seng ldeng gi nags su sna tshogs ba'i sems can gyi don byed ma bsams la/ ye shes sems ma dang gcig tu byas te/ oM tA re tut+tA re tu re swAhA/ zhes bya ba'i sngags kyi bzlas pa byas la de nyid kyi yid kyis ji ltar bde bar gnas par bya'o/ /seng ldeng nags kyi sgrol ma'i sgrub thabs rdzogs pa'i sangs rgyas kyi gsungs pa rdzogs so// //paN+Di ta don yod rdo rje dang/ khams pa lots+tsha ba dge slong ba ris bsgyur ba'o// //rgya gar skad du/ si ta tA ra sA d+ha naM/ bod skad du/ sgrol ma dkar mo'i sgrub pa'i thabs/ 'phags ma