བོད་ཡིག

e-texts based on the ACIP/ALL Input

la/ pad+ma dang zla ba la sa bon tUM yongs su gyur pa las sa bon tAM gi snying po dang ldan pa'i utpa la'i mchog go/ de dag las yongs su grub pa'i sngon pa'i sngon mngon yod grub pa dbu brgyan la gnas pa phyag g.yas dang g.yon gyi mchog sbyin pa dang utpa la bsnams pa/ mya ngan med la dga' ma dang 'od zer can dang ral gcig ma mdun dang g.yas dang g.yon gyi sa'i cha la ste/ lha'i bu mo gzhon nu rgyan rnams dang ldan par bsgoms la/ ye shes sems dpa' dang lhan cig gcig tu byas te/ oM tA re tu tdrA re tu re swAhA/ zhes bya ba'i sngags bzlas la/ de yid la byed pa dang ldan pa nyid kyis ji ltar 'dod par brgyu bar bya ba'o/ /'phags ma ser ldeng nags kyi sgrol ma'i sgrub thabs so/ / a b+ha ya'i zhal snga nas dge slong tshul khrims rgyal mtshan gyis bsgyur ba'o// //rgya gar skad du/ tA ra sA d+ha naM/ bod skad du/ sgrol ma'i sgrub thabs/ sgrol ma la phyag 'tshal lo/ /dang po snying ga'i zla ba'i dkyil na gnas ba'i tAM gi sa bon las/ rnam par 'phros pa'i 'od zer las grub ba'i bla ma dang sangs rgyas dang byang chub sems dpa' rnams bsgom par bya zhing/ de dag phyi dang nang gis bdag nyid kyi mchod pas kyang legs par mchod cing de dag gi spyan sngar bla na med pa'i mchod pa rnam pa bdun yang bya ba'o/ /de nas stong pa nyid rnam par bsgoms la/ oM chos thams cad rang bzhin gyis dag pas rang bzhin gyis dag pa bdag yin no/ zhes brjod par bya ba'o/ /de nas zla ba dang tI las yang dag par byung ba'i utpa la dkar po la gnas pa'i yi ge tAM las nges par byung ba'i sgrol ma sngon mo ste/ phyag gnyis kyi g.yas pas mchog sbyin pa g.yon pas rtsa ba dang bcas pa'i utpa la'i mchog sbyin bsnams pa/ rgyan thams cad kyis brgyan pa zla ba'i gdan la skyil mo krung gis bzhugs par bsam par bya ba'o/ /dam tshig gi phyag rgya bcings pa ni thal mo sbyar la mdzub mo gnyis kyis gud mo gnyis rgyab nas bka' cing mthe bong dag pad+ma 'byar ba ltar nang du brkyang ba ni utpa la kha bye ba'i phyag rgya'o/ /de nas oM tA re tut+tA re tu re swAhA/ zhes bya ba'i sngags 'di zlas par bya ba'o/ /sgrol ma chen mo zhes bya ba'i sgrol ma'i sgrub thabs rdzogs so// // a b+ha ya'i zhal snga ni nas tshul khrims rgyal mtshan gyis bsgyur ba'o// //*// /rgya gar skad du/ tA ra sA d+ha naM/ bod skad du/ sgrol ma'i sgrub thabs/ sgrol ma la phyag 'tshal lo/ /snga ma dag bzhin du stong pa nyid kyi bar du bsgoms la/ baM gyi yi ge las skyes pa'i sna tshogs pad+ma'i dbus su yi ge aM las byung ba'i zla ba la tAM gyi yi ge sngon pos bskyed ba'i sgrol ma sku mdog sngon mo rgyan thams cad dang ldan pa ste/ g.yon na utpal sngon po dang ldan pa g.yas kyis mchog sbyin par mdzad pa skyil krung phyed pas bzhugs pa g.yas kyi phyogs na ni mya ngan med pa la dga' ma ser mo rin po che sna tshogs kyi dbu brgyan dang ldan zhing g.yas dang g.yon gyi phyag gnyis na rdo rje dang mya ngan med kyi yal ga bsnams pa'o/ /de bzhin du rma bya chen mo ser? yon dang cig shos kyis phyag gnyis na rma bya'i mjug sgro dang rnga yab bsnams pa'o/ /g.yon gyi phyogs na ral gcig ma bod thung ba nag mo stag dang dzi ma'i pags pa bsnams pa/ /spyan gsum ma/ zhal mche ba rnam par gtsigs pa skra kham pa gyen du 'bar ba/ gre gug dang thod pa bsnams pa'o/ /de bzhin du 'phags ma dug sel ma ljang gu phyag g.yas pa dang g.yon pa gnyis na rnga yab