བོད་ཡིག

e-texts based on the ACIP/ALL Input

dge slong tshul khrims rgyal mtshan gyis bsgyur ba'o// //*/ /rgya gar skad du/ bA gI sA d+ha naM/ bod skad du/ ngag gi sgrub thabs/ skyon gyi dra ba 'joms mdzad dpal ldan rdo rje chos/ /dag gi maN+Dal 'od zer dra ba spro mdzad pa'i/ /ma lus rdzogs sangs rgyas rnams gsung gi ngo bo ba/ /yang dag phyag 'tshal ngag gi sgrub thabs bdag gis brjod/ /ngo bo nyid kyi rang bzhin rnam par dag pa'i sngags/ /rab brjod brtson 'grus rlung gi 'gyid bag dang ldan pa/ /sgyu ma rmig sgyu chu zla dag dang mtshungs gyur par/ /ma lus 'jig rten 'di ni rnam par bsgom byas la/ /thams cad rnam dag ngo bo baM yig sa bon las/ /legs byung sna tshogs pad+ma rnam par bsgom bya zhing/ / yi ge aM las skyes gyur mdza' yas snang byed pa'i/ /shin tu dag pa'i zla ba cha shas kun rdzogs pa/ /gzhan yang 'od zer dra ba rab tu spro byed pa'i/ /sa bon yi ge gsang ba mchog tu mchod byed pa/ /spros med dag rnams rab tu spro byed rgyu gcig pu/ /me tog band+hu ka yi 'od dang mtshungs pa'o/ /sa bon de las legs byung skyon dang bral gyur pa'i/ /ting 'dzin phyag rgyas gnas ba'i phyag de pad+ma dang/ /rdo rje gdan bzhugs snying rje dag gis mngon dgyes pa/ /'dod chags rdo rje yongs su dag pa'i 'dod chags dpal/ /rnam dag sangs rgyas sprin chogs dra ba ba spu ye/ /khong nas nges spro skye dgu rnams la phan mdzad par/ 'gro ba rnams ni thams cad dag gi rang bzhin yang/ /shin tu rnam dag blo yis rnam par bsgom par bya/ /'bar bas 'jig rten thams cad mchog tu snang byed pa'i/ /snying gi zla dkyil la ni rdo rje nges blta ste/ hUM yig mgon byung sku ni lnga'i bdag nyid can/ /sangs rgyas sprin tshogs rnams ni nges par 'phro ba dang/ /de dbus gtso mo las 'pho rdo rje'i gdan gnas pa'i/ /yi ge chen po rnams nyams rgyud las shin tu 'bar/ /rgyas byed sdug bsngal rnams ni rab tu 'phel byed pa'i/ /mun par srid gsum lus can kun tu snang bar byed/ /de brjod mdzes pa'i 'od zer gyis ni bya ba byas pas/ /nyi mar dkyil 'khor dri med dga' ba dmar chags pa'i/ /shes rab mchog gi phe nya dge dag rab bskyed pa/ /rdo rje'i rang bzhin lce ni rnam par rdzogs byas te/ /de rtse'i cha ni utpal dmar zhing rno ba la/ /de nyid rgya chen 'od kyis yid 'od rnam par bsam/ /bdag nyid gzi brjid ldog pa med pa'i brtson 'grus kyis/ /rgol ba'i spobs pa'i mchog ni nges bar gzhom par byed/ /rtag par goms pa'i stobs las byung ba'i rig pa yis/ /dag gi sgrub thabs grub pa 'dir ni nyer 'ongs pas/ /dar dar? lkugs pa smra byed rgyun mi 'chad par yang/ /ngo mtshar bstan bcos rnams kyi rig pa'i rnal 'byor pas/ /bdag nyid don chen dang ni 'gro ba'i rgyu mtshan du/ /rmad byung bstan chos dag ni nges par byed par 'gyur/ /'dis ni gzhan sems 'jug pa shes par 'gyur ba dang/ /'dod chags soD ldan de dang de dag nye bar spong/ /ting 'dzin de la bstan pa nyid kyi 'bang byed cing/ /shin tu phra drag gsal ba nyid du nges byas na/ /ma lus sangs rgyas go 'phang sku ni 'dzin byed par/ /'di 'gyur 'on kyang 'di la rnam par spyad mi bya// yang dag yang dag mun pa dag kyang mdun gnas par/ /sbyor ba goms pas skyes bu rnams la 'gyur ba ni/ /'dod pas gdungs rnams bzhin te 'dir ni dga' ba yi/ /sems kyis rjes 'jug rnal 'byor la ni brtson par gyis/ /'dis ni bdag gi gang phyir dge ba'i dag? gang thob pa/ /des ni 'gro la rgyal ba'i phun tshogs mchog rnams sbyin byed dang/ 'jigs pa dang bral mya ngan zug rdu rnams ni legs bton nas/ /zla ba'i 'od zer yid dga' ba dang nye bar nyid gyur cing/ /sems ni rgyun mi 'chad par dge la rjes su zhen pa dang/ /bla ma mchog mnyes bde ba'i gdams ngag la ni dang gzhol ba'i/ /brtson? ldan pad+ma dag gi rigs su nye bar skyed byed pa/ /ting 'dzin dbang gis dga' bas bgrong par dpal gnas 'jug par shog/ 'gro ba bzang po bdag nyid kyang ni shin tu 'thor 'bar ba'i/ /me dpung ra ba'i dkyil na gnas par gyur pa'i sku nyid dang/ /bla ma mchog ni snying rje thod pa'i phreng ba dang ldan pa'i// sprin tshogs kyis gang rdo rje'i phun tshogs thob par shog/ dag gi sgrub thabs bla med 'di/ /legs par 'gro ba bzang bos byas/ /des ni ngag gi sgrub byas na/ /dag ni dbang phyug nyid du brjod/ /dag gi sgrub thabs so/ /ngag sgrub pa'i paN+Di ta chen po shAkya rak+Shi ta la sogs ba'i zhal snga nas legs par mnyan nas dge slong tshul khrims rgyal mtshan gyis dogs pa dang bral bar bsgyur ba'o// //rgya gar skad du/ bA gI sA d+ha naM/