བོད་ཡིག

e-texts based on the ACIP/ALL Input

rdo rje'i dkyil 'khor gyi brgyan las gsungs pa yin no/ /dge slong tshul khrims rgyal mtshan gyis bsgyur ba'o// //rgya gar skad du/ tri sa ma yi sa ma ya sA d+ha na/ bod skad du/ dam tshig gsum gyi dam tshig gi sgrub thabs/ /sangs rgyas la phyag 'tshal lo/ /dam chos gshe bar mi bya zhing/ /spang bar nam yang ma yin no/ /rdzogs sangs rgyas dang byang chub sems/ /de dag gus min bya ba min/ /bla ma dbang bya brnyas mi bya/ /lus can rnams ni rdeg mi bya/ /sngags dang phyag rgya dang mi bya/ /tshung kyang nges par mi gsan no/ /ser sna dang ni chad btung bar/ /nam yang bya ba ma yin no/ /rdo rje'i gzugs ni mi 'gong zhing/ /bza' bar bya ba nyid kyang min/ /nyal khri stan du mi bya zhing/ /phyag rgya sogs la ma gus spang/ /bla ma dag gam lha la dang/ /byis pa'i chos nyid mi bya'o/ /rang bzhin bzang dang nyes byed la'ang/ /mngon spyod bya ba ma yin no/ /nyon mongs bya min byed gzhug dang/ /yi rang bar yang mi bya'o/ /mdor na bdag gzhan rjes mi mthun/ /gang yin de dag spang bar bya/ /dam tshig 'di ni rtog chen dpal/ /dam tshig gsum gsungs dam tshig yin/ /g.yo sgyu dang ni log 'tsho dang/ /dri ma la dga' tshogs par 'du/ /yid gnyis za bar byed pa dang/ /yo byad phal chen yongs su 'dzin/ /snyoms las zhum pa'i sems nyid dang/ /bdag bstod la sogs de bzhin te/ /bar chad byed par gyur pa'i chos/ /rtog pa'i rgyal po las 'di gsungs/ /skyon 'di rnams las / nges grol zhing/ /sngar bshad dam tshig la gnas pa/ /'du 'dzi kun spang dad par ldan/ /rdzogs pa'i byang chub la yid brtan/ /lus ngag yid kyi 'jug pa kun/ /skye dgu skyob phyir phan brtson pas/ /dngos grub dam tshig gsum gsungs pa/ /'dod pas cho ga bzhin du sgrubs/ /paN+Di ta chen po rin chen 'byung gnas spas pas mdzad pa'i dam tshig gi sgrub thabs rdzogs so// //dge slong tshul khrims rgyal mtshan gyis bsgyur ba'o// //