བོད་ཡིག

e-texts based on the ACIP/ALL Input

mchod rten sgrub pa'i cho ga'i rim pa mdor bsdus pa/ slob dpon tsan+d+ra go mis mdzad pa rdzogs so// //zangs dkar lo tsa'i 'gyur ro// //rgya gar skad du/ uShtI? Sha sI tA ta pa tre ho ma bi b+hi/ bod skad du/ gtsug tor nas byung ba'i gdugs dkar mo can sbyin sreg gi cho ga /gdugs dkar mo can la phyag 'tshal lo/ /gzhan don ? phyin lha mo ni/ /gdugs dkar can la phyag 'tshal te/ /lha rnams mnyes par bya ba'i phyir/ /sbyin sreg gis ni tshim par bya/ /dri zhim pa'i chus legs par khrus byas gos sar pa bgos te/ rgyan khyad par can btags la bgegs bsrung ba dang/ bsrung pa'i 'khor lo bsgom par bya'o/ /de nas rgyud dag par bya ste/ phyag dang mchod pa la sogs rgyud dag par bya'o/ /brtsam du rung pa'i sa phyogs su phrin las dang sbyar te/ thabs dang rdzas la sogs pa rdzogs par byas la/ /shing gang yin pa bcer te/ mchod pa dang bsreg rdzas chogs pa dang/ oM badzra dzwa la raM zhes pas ye? spar la/ de nas stong pa tshad med bar bsgoms te/ oM badzra dzwa la sarba d+harmA badzra sarba d+harma si te hUM zhes pa'i sgas stong par bsgom mo/ /de'i ngang las 'byung ba ri rab dang bcas pa'i steng du h+rUM las me thabs gzhal las khang lta bu'o/ /der a dang zla ba las bon gyi yi ge las 'od zer kha dog sna tshogs pa ldan pa 'phros shing 'dus pa las me lha dkar po rgyan kun rdzogs pa/ phyag bzhi pa ag tshoms ser la 'khyil ba/ gsus pa che la 'bar ba gzi brjid can/ g.yas rdo rje dang bgrang phreng bsnams pa/ g.yon gnyis skyabs spyin dang/ kunde bsnams pa'o/ /thugs ka na raM dmar po gru gsum gyis mtshan pa'o/ /de nas de nyid dang 'dra ba'i ye shes sems dpa' spyan drangs te/ tshur spyon tshur gshegs 'byung ba che/ /lha'i rgyal po drang srong mchog /sreg blugs zhal zas bzhes slang du/ /'bar ba'i nang du gshegs su gsol/ /e hye ti ag na ye ma hA rA dza ga dza hUM 'byung ba chen po me yi lha/ /lha rgyal drang srong bde ba'i mchog /sreg blugs zhal zas bzhes nas kyang/ /'di nyid du ni bzhugs su gsol/ /de nas yon chab kyis spyan drangs la/ bsang gtor byin te dbang bskur bar bya'o/ /de nas mchod pa dang phyag gis mchod de/ mar gyi dgang blugs phul te/ tshangs pa'i 'jig rten mgon skyob pa'i/ /gzi brjid chen po me yi lha/ /sku bcas sku ni dpal dang ldan/ /rngam brjid rgyan ldan las la dbang/ /sregs blugs phul bas las rnams bsgrubs/ /zhi la sogs pa'i lha dpal te/ /ji ltar 'dod pa'i las bsgrub pa// gzi brjid rgyal la phyag 'tshal bstong/ /bsang gtor phul la/ ag na ye ha dya? ka bya ba tan ga/ a ti pyA ti pya/ sarba pA baM shAn tiM ku ru zhes pa 'am/ oM badzra ag na le swAhA/ yaM shing 'od la go/ oM a ga na ye swAhA/ mar zhal du'o/ /oM sarba pA paM da ha na badzrA ya swAhA/ til dang yungs kar phyag du'o/ /sarba saM ba de/ zho dang 'bras chan phyag tu'o/ /a pra ti ha ta badzra ya ku sha gtsug tu'o/ /badzra A yu:She dur ba gtsug du'o/ /ma hA be ga ya/ nas zhal du'o/ /mahA g+hasma re/ gro zhal du'o/ /ma hA ba la/ sran ma zhal du'o/ /mahA puSh+Ta ye/ 'bras so ba zhal du'o/ /mahA sh+ra ya a ma po ti/ zhes bya bas/ dzA ti pha la dang/ starka dang/ bilba rnams zhal du'o/ /rdzas thams cad me lha'i sngags kyis bsreg par bya'o/ /u dum pa ra la sogs ming dang thog mar brgyan te bsreg par bya'o/ /dri dang me tog dang spos dang/ mar me dang mchod yon rnams ni so sor dbul bar bya'o/ /oM badzra a na la mahA b+hu ta dzwa la ya sarba b+hasmi ku ru sarba duSh+Ta na ma ma hUM phaT/ shan ti ku ru swAhA/ me lha gzi brjid bskyed pa'i dgang blugs phul la/ mchod pa dang bstod pa bya'o/ /de nas me lha'i thugs kar dkyil 'khor pa 'am lha rnams dkar po la sogs par bskyed pa las 'od zer 'phros pa las ye shes kyi dkyil 'kho spyan drangs la/ de bzhin gshegs pa'i gdung dang/ rdo rje'i gdung dang/ pad+ma'i gdung dang/ glang po'i gdung dang/ gzhon nu'i gdung dang/ klu'i gdung dang/ 'dus pa'i gdung dang/ de bzhin gshegs pa ma lus pa dang/ rgyal ba'i rdo rje gzhan gyis mi thub ma/ gtum chen stobs chen 'bar ba mo/ /bgegs chogs 'joms ma gshegs su gsol/ /bsang gtor phul te mchod yon gyi spyan drangs la sngags dang phyag rgyas brtan par bya'o/ /de nas mchod pa dang bstod pa 'byung ba'i rim pa brjod par bya'o// de nas gong ma bzhin du dgang blugs dang/ sreg blugs dbul lo/ /oM sarba ta thA ga ta uSh+NI Sha si tA ta pa tre hUM/ a mu kaM shAn+tiM ku ru swAhA/ zhes snying po 'am/ nye ba'i snying po 'am/ oM na mo b+ha ga ba ti uSh+NI ShA ya shud d+he bi ra tsa pi ma la swAhA/ zhes bya ba'i sngags sam/ rdzas so so'i sngags rnams kyi khyad par gyis dkyil 'khor pa 'am/ lha rnams tshim par bya ste sdig pa sreg pa'i sngags kyis bsreg par bya'o/ /de nas mchod pa dang/ bstod pa byas la smon lam gdab/ /bdag gis bcom ldan 'das gdugs dkar mo can phyag rgya'i tshogs dang bcas pa/ ji ltar tshogs pa'i mchod pa dang/ sbyin sreg rnams kyis mchod pas/ bdag ming 'di zhes bgyi ba dang/ sems can thams cad sgrib pa gnyi byang nas/ tshogs gnyis rdzogs te/ 'di nyid du bla na med pa'i byang chub chen po thob bar gyur cig ces gsol pa btab la/ gdugs dkar mo can phyag rgya'i tshogs dang bcas pa la phrin las su gsol ba ni/ bdag dang yon gyi bdag po rnams la nang kyi rigs su gyur pa rlung dang mkhris pa dang/ bad kan dang 'dus pa las gyur pa thams cad zhi bar mdzong cig /gdon gyi rigs su gyur pa gdon stong phrag brgyad cu las thar bar mdzod cig /'phral gyi rkyen las gyur pa'i nang thams cad zhi bar mdzad du gsol/ bzod par gsol ba ni bdag snyigs ma lnga'i dus kyi sems can du gyur pas yo byad ma tshogs pa dang/ bdag las dang po par gyur pas sems la dbang ma thob ste/ bying ba dang rgod pa'i dbang gis mi gsal ba dang/ cho ga nyams te lhag cad du gyur pa thams cad bzod pa chen po mdzad du gsol lo/ /de nas ye shes kyi 'khor lo gshegs te/ rjes su mthun pa'i dngos grub gsol/ /sangs rgyas yul du gshegs nas kyang/ /gtan du ? pa ma lags pas/ /slar yang 'byon par mdzad du gsol/ /mu(rgyud 'grel rgyal po drang srong mchog gyur pa/ /ye shes mchog gis nyon mongs thams cad bsreg /'dzin byed me lha nyid la phyag 'tshal bstod/ /gzi brjid ldan pa me yi lha/ /'dod pa thams cad stsol mdzad pa/ /bdag gzhan don bsgrubs la bzhugs/ /tshangs pa'i srab la phyag 'tshal 'dud/ /de nas ye shes kyi me lha gshegs te/ bskyed pa me 'bar ba la bltas te/ oM ma ma hUM ni sarba da ha na badzrA ya che go mo shAn tiM ku ru swAhA/ zhes byabs brgya 'am stong dam khri'am 'bum mam ji srid nus pas sreg par bya'o/ /bdag gi cho ga'i rim pa 'dis/ /lhag pa'i lha rnams mnyes bya ste/ /srid pa'i btson dar nyam thag pa'i/ /'gro kun srid mtsho brgal bar shog /'phags pa de bzhin gshegs pa thams cad kyi gtsug tor nas byung ba'i gdugs dkar mo can zhes bya ba'i sbyin sreg gi cho ga /slob dpon rdo rje rnon pos mdzad pa rdzogs so// //*/ /rgya gar skad du/ uSh+TI Sha b+ha pA si tA pa tre di d+hi nA ma/ bod skad du/ gtsug tor