བོད་ཡིག

e-texts based on the ACIP/ALL Input

sman ma rlung la 'char ba 'am mnan par bya'o/ /yang na ling ga la bzlas pa bya ste/ chu mig gam/ sbyin sreg gam/ sa gter ram/ ri rtser gtad bya'o/ /'khrul 'khor rdzogs so// //dus ma yin par 'chi ba dang/ ngag? bzlog ba ni bdag nyid lha'i rnal 'byor du byas te/ phyag rgya'i tshogs dang bcas par bsgoms nas/ mdun du 'chi bdag gnas par bsgoms te/ phyag rgya'i tshogs kyis de la bsnun pa'i sbyor ba bya ste/ tshur 'dus pas bdag ye shes kyi bdud rtsis lus la phan btags par bsams te/ thams cad 'joms pa bzlas par bya'o/ /ngag bzlog pa ni grog mkhar gyis dang/ ba lang gi lci ba la bsgrub bya'i ming gzugs byas la/ de'i snying gar sngar gyi 'khrul 'khor bris pa'i mthar che ge mo mA ra ya ban d+ha ya nan bya ba bcug ste bkod nas bcug nas/ gzugs kyi khar thams cad 'dzoms ba'i sngags bzlas pa'i yungs kar dang phur bus btab ste/ de nas mchod rten rnying pa 'am/ lha khang gi them pa 'am/ lam rgya gram? mam?/ bsgrub bya'i yul gyi phyogs su tsha tsha'i 'og tu 'am/ yang na rang gi mal 'og tu dong gru gsuM pa byas pa 'am/ 'og tu bzhag nas bye mas bkang ste/ g.yam pa la rdo rje rgya gram bris la mnan pa'i sbyor ba bya'o/ /de nas tshangs pa dang brgya byin dang/ leg ldan drag po la gtor ma byin la/ 'chi bdag gzhom pa 'am/ che ge mo'i dag bcings shing che mo'i srung ma bdag gi dbang du gyis shig ces bsgo bar bya'o/ /rang bsrung ba yang thun mong du lha'i nga rgyal gyis bzlas bsgom rtag tu bya pa dang/ lus la sngar bshad pa'i mtshan nyid can gdags so/ /bzlog pa'i thabs rdzogs so// //bgegs bzlog cing gzing pa ni bdag nyid lha'i rnal 'byor du byas te/ grog mkhar gyi sa dang/ dur khrod