བོད་ཡིག

e-texts based on the ACIP/ALL Input

de bzhin gshegs pa thams cad kyis dam tshig srung ba'i sgrub thabs gtsug tor dri med mar me mdzad ye shes kyi mdzad pa bzhugs so// //rgya gar skad du/ sarba ta thA ga ta sa ma ya rak+Sha sA d+ha naM/ bod skad du/ de bzhin gshegs pa thams cad kyi dam tshig bsrung ba'i sgrubs thabs/ /de bzhin gshegs pa 'od zer dri ma med pa'i snying po la phyag 'tshal lo/ /'jig rten 'jig rten 'das pa yi/ /gang 'dod dngos grub sbyin mdzad pa'i/ /bla ma'i zhabs kyi rdul la ni/ /dngos po kun gyis phyag 'tshal 'dud/ /sangs rgyas byang chub sems dpa' dang/ /rgyal sras thu bo rnams la yang/ /dngos kun phyag byas 'od zer gyi/ /dri med snying po sgrub thabs bshad/ /bkra shis yid 'od bde gnas su/ /khrus byas bde ba'i stan la 'dug /gsum la skyabs su 'gro ba dang/ /byang chub sems ni bskyed pa dang/ /sdom bzung tshad med bzhi la gnas/ /rang snying a las 'od byung bas/ /bla ma sangs rgyas byang chub sems/ /nam mkha' i ngos la bsam par bya/ /phyag 'tshal mchod pa la sogs bya/ /de nas stod pa'i ngo bor bsam/ /oM shU n+ya tA dz+nyA na badzra swa b+hA ba At+ma ko haM/ /de nas lam rjes dran par bya/ /a las zla ba rdo rjer bskyed/ /de yis ji ltar 'dod rgyal pos/ /bgegs rnams bskrad par byas nas ni/ /de dbus nam mkha' gru gsum zlum/ /gru bzhi ri rab rnam par bsam/ /gru bzhi sgo dang rab ldan pa/ /'od dang ldan pa'i khang par bsgom/ /lte bar pad+ma zla ba la/ /a dang maM mu h+ri:hUM las/ /a las nor bu 'bar bar bar gyur// sku mdog sna tshogs ma nges la/ /zhal gcig phyag gnyis rgyad dang ldan/ /g.yas pa skyabs byin g.yon nor bu/ /mtshan dang dpe byang tshogs pa dbus/ /g.yas su 'jam dpal rnon po la/ /rgyab tu shAkya thub pa nyid/ /g.yon du seng ge skra bsam bya/ /mdun du phyag na rdo rje bsgom?/ /mdun gyi nam mkha' ye shes bsam/ /byin brlabs dbang bskur bsam par bya/ /mchod bstod legs pa rdzogs pa dang/ /rtse gcig yid kyis bsgom par bya/ /de las skyon snying po bzlas/ /gtsug tu bzlas? dang smin phrag bzlas/ snying gnyid du bzlas pa'o/ /nye ba'i snying po/ /oM sarba ta thA ga ta mu dra a d+hiSh+Thi te swAhA/ de nas gtor mas mchod nas gshegs/ /bdag nyid spyod lam nyid bya zhing/ /snang ba sgyu ma bzhin du sbyang/ /'di byas dal ba'i bsod nams kyis/ /'di byas dal bsdig pa dag /dri med 'khor lo'i skur gyur shog /de bzhin gshegs ba thams cad kyi dam tshig bsrung ba zhes bya sgrub thabs rgya gar gyi mkhan po dI paM sh+rI dz+nya nas mdzad pa rdzogs so// // paN+Di ta de nyid dang/ bod kyi lo tsa ba nag tsho tshul khrims rgyal bas bsgyur ba'o// //de nas khrus byas gos gtsang bgos/ /spos kyis dkyil 'khor gru bzhi bya/ /mchod rten lnga btab gro gal/ /'khor lo bya ru rdzogs