བོད་ཡིག

e-texts based on the ACIP/ALL Input

gcig tu sdebs pa rdzogs so// //dpal rdo rje rnam par 'joms pa la phyag 'tshal lo/ /rdo rje lhun po ri rab zom/ /rgyud do cog gi brgya rtsa brgyad/ /de yi rtsa bar 'di gsungs pa/ /sgrub pa'i thabs ni brgya dang brgyad/ /lo grangs de de'i 'dod pa'o/ /'di nyid la ni rnam pa gnyis/ /rgyud kyi rtsa ba bzhir blangs nas/ /bskyed pa nyid dang rdzogs pa'o/ /bskyed pa la ni brgya dang lnga/ /rdzogs pa'i rim pa sgrub pa gsum/ /'di nyid rtsa ba'i rjes 'brangs pa'o/ /de la thog mar dbang bskur ni/ /'jig rten gyi gang zag sbyin bya'i phyir/ /'jig rten 'das dang 'jig rten pa'i/ /dbang bskur rim pa gnyis su bshad/ /'das pa la ni brgyad yin no/ /'jig rten dbang bskur rnam pa drug /spyi yi dbang dang bco lnga yis/ /ma smin pa rnams smin par byed/ /de yi sdom ni 'di lta ste/ /de la sgrub thabs brgya dang brgyad gsungs pa la/ /'jig rten 'di blo dor ba rnams la 'das pa'i dbang brgyad bskur te/ blo rgya che ba spros pa la dga' pa rnams dang/ lha sum cu rtsa lnga'i dkyil 'khor du dbang don gnyis rdzogs par 'dod pas khro bo brgyad kyi dkyil 'khor du dbang bskur/ las kyi sgrib pa rgyun gcod par 'dod pas/ /lha mo brgyad kyi dkyil 'khor du dbang bskur/ bdud 'dul bar 'dod pas khro bo bcu'i dkyil 'khor du dbang bskur/ rang gi don sgrub par 'dod pas dpa' bo gcig pa'i dkyil 'khor du dbang bskur/ shes rab 'phel bar 'dod pas yab yum gnyis med kyi dkyil 'khor du dbang bskur/ ye shes sngon du sgrub par 'dod pas rigs kyi khro bo lnga'i dkyil 'khor du dbang bskur/ mchog gi las sgrub par 'dod pas sgom bzhi'i dkyil 'khor du dbang bskur zhing bsnyen bsgrub bya'o/ /'jig rten pa la drug ste/ 'jig rten gyi 'dod pa rnams kyis 'jig rten pa'i dkyil 'khor drug tu dbang bskur te/ 'jig rten pa'i mthu dang rdzu 'phrul 'dod pas phyogs skyong bcu'i dkyil 'khor du dbang bskur/ dpal dang dbang phyug 'dod pas rgyal po chen po bzhi'i dkyil 'khor du dbang bskur/ stobs dang grags pa 'dod pas gza' brgyad kyi dkyil 'khor du dbang bskur/ snyan pa dang legs pa 'dod pas rgya skad yi shu rtsa brgyad kyi dkyil 'khor du dbang bskur/ nad dang gdon zhi bar 'dod pas klu brgyad kyi dkyil 'khor du dbang bskur/ dbang skur bcu bzhi po de dag gi las kyi rim pa la sngon pa dbang bskur ba'i cho ga dang bco lnga ni/ dbang bskur dam par gsol cig zhes rgyud kyi sgrub par byung pa'o/ /lhag ma gza'i las kyi bye phrag bdun yod pa las/ gza'i gdon las grol bar byed pa rin po che grol byed dang/ gza' ngan pa bzlog pa rgya mtsho'i sprin dang/ gza' ba rgyad kyi las ma grub pa ? par byed pa 'dod pa thams cad rab tu sbyin pa dang/ bsgrub bya gza'i byang du gzhug pa 'khor lo can dang bcas pa/ thog gi sgra bsad pa drag shul can dang/ lo thog 'joms par bya ba'i chu thig dang/ 'gal bar skrag par byed pa'i las sna tshogs su bstan pa mgal ma'i 'khor lo dang bdun la/ rgya mtsho sprin dang/ rin po che grol byed dang/ 'dod pa rab tu sbyin pa dang gsum mo/ /gza' dang zhes pa'i sgrub pa po 'khor lo can dang/ drag shul can dang/ chu thig dang 'gal ba me'i 'khor lo bzhi ni sems can thams cad skrag par byed pa'i sgrub pa'o/ /rgyu skar gyi lhag ma gnyis la rgyu skar ngan pa bzlog par byed pa bdud rtsi sprin dang/ rgyu skad gyi las sna tshogs sgrub par 'dod pa dus 'dzin bzang po dang/ gnyis ni rgyu skar dang zhes pa'i sgrub pa'o/ /lha brgyad kyi lhag ma gnyis la/ 'jig rten pa'i lha nye bar byed pa don drug ni/ lha rnams rgyab kyis phyogs pa'i sgrub pa po tshogs kyi bdag po sgrub pa dbul mo gter sbyin ni/ 'phongs pa'i sgrub pa'o/ /klu lhag ma'i brgyad las yams las thar bar byed pa yid bzhin nor bu dang ? klu sgrub pa rin po che dbyig sgrub dang/ klu'i gdan las grol bar byed pa sbrul 'byin gsang ba dang/ klu'i gdon las thar bar byed pa klu srog me dpal gyi 'khor lo dang bzhi ni mi bzang gdon gyis nyen pa'i sgrub pa'o/ /bsgrub bya byang du gzhug pa'i srog bcod pa'i srog gcod spu gri dang/ rims kyi sgra bsang pa ral gri'i 'khor lo dang/ rmugs pa'i las gzi mdangs chen mo dang gsum mo/ /sems can rmugs par byed pa'i las kyi mdza' o/ /char dbab pa bdud rtsi'i rgyun dang/ chu gtor gyi klu la sogs pa'i gdon rnams mnyes par byed pa bdud rtsi'i rgya mtsho gnyis ni 'dod pa thams cad rab tu sbyin pa sgrub pa'o/ /ser pa bsrung ba 'byung ba rgyun gcod dang byis pa gdon las thar bar byed pa me'i 'khor lo gnyis ni/ sems can thams cad srung bar byed pa'i sgrub pa'o/ /rdo rje rang rtags kyi sgrub pa bdun la/ sgrub pa nges pa'i cho ga ni mi chod pa'i man ngag gi sgrub pa ni mi shigs pa'i sgrub pa'o/ /yo ga pra sen drag ba ni bden pa zhes pa'i sgrub pa'o/ /'dod pa'i don dus la nges pa'i ? pa ni/ sra ba zhes pa'i sgrub pa'o/ /dbang po dang ldan pa ni brtan pa zhes bya ba'i sgrub pa'o/ /'dod pa'i gtan tshigs thogs pa med pa ni/ thogs pa med pa zhes bya ba'i sprul pa'o/ /mna' las rgyal ba dang/ tshong las rgyal pa dang/ pha rol gyi sde pham par byed pa dang/ gdon dang nad las rgyal ba dang bzhi ni/ thams cad du ma 'bam pa'i sgrub pa'o/ /mngon spyod kyi sbyin sreg ni sems can thams cad 'jil bar byed pa'o/ /rgyun gcod sbu gri ni/ rig sngags thams cad gcod par byed pa'o// ye shes 'dus pa'i ? pa ni/ /las thams cad 'joms par byed pa'i sgrub pa'o/ /gser gyi ri bo ni rig sngags thams cad gnon pa'i byed pa'i sgrub pa'o/ /phyir bzlog gsang ba dang/ rdo rje rnon pa dang nye ba'i las phyi ma gsum ni gzhan gyi las thams cad 'jig par byed pa'o/ /lha'i gdon las thar bar byed pa dang/ 'byung po dang/ dri za dang/ tshangs pa dang/ srin po dang/ sha za dang/ klu dang/ log 'dren gyi dang/ brjed byed kyi dang/ smyo byed kyi dang/ lha ma yin gyi dang/ bzhon nu'i dang/ gnod sbyin gyi gdon las thar bar byen pa dang/ bcu gsum ni/ gdon thams cad las thar bar byed pa'i sgrub pa'o/ /rdo rje tho ba ni gdon thams cad brlag par byed pa'i sgrub pa'o/ /rdo rje lcags kyu ni/ 'byung po thams cad 'gugs par byed pa'i sgrub pa'o// yid bzhin nor bu 'od 'bar ba ni/ rig sngags kyi las thams cad byed du 'jug pa'i sgrub pa'o/ /rdo rje be con ni/ ma grub pa rnams grub par byed pa'i sgrub pa'o/ /rin po che gter sgrub ni/ grub pa rnams chud mi zar byed pa'i sgrub pa'o/ /zhi ba'i sbyin sreg ni zhi pa'o/ rgyas pa ni rgyas pa'o/ /? chings 'phrul yig dang/ rlung gi zhags pa gnyis ni/ sems can thams cad rengs par byed pa'i sgrub pa'o/ /bkra shis nyi ma ni/ dpal kun gyis ni legs par brgyan gyi sgrub pa'o/ /gsal ba'i snang ba dang/ dgra las rgyal ba dang/ dri ma dang bral ba'i sbyong byad dang/ pad+ma rgyas pa dang/ rdo rje rgyal mtshan dang lnga ni/ sems can dbang po nyams pa dang zhes pa'i sgrub pa'o/ /khrus kyi cho ga ni/ bkra shis rum pa spyi blugs zhes pa'i sgrub pa'o/ /rab tu gnas pa ni bum pa'i kha brgyan dpag bsam shing zhes pa'i sgrub pa'o/ /rgyun gyi 'khor lo dang/ dug gsal ba'i me long dang/ rang byung 'jigs bral gsum ni tshe tshad med pa zhes pa'i sgrub pa'o/ /pad+ma dbyig sgrub dang/ bcud len gnyis ni/ tshe nyams dad zhes pa'i sgrub pa'o/ /dpag bsam sdong po dang rin po che las kyi phreng ba dang/ las tshogs stong rgyas gsum ni/ phun sum tshogs min gang chags dang zhes pa'i don to/ /'gyur byed chen mo dang/ gzhan gyi lce dbab pa bzlog pa dang/ sdad pa gsum gyi las thor bu gsum na?/ mdza' sdug skye ba sdang de dang zhes pa'i bsgrub pa'o/ /go cha chen mo ni/ bram ze la sogs gtses pa dang zhes pa'i bsgrub pa'o/ /rtsi 'byor dbyig gi nor bu ni/ phan tshun mthun pa ma yin dang zhes pa'i sgrub pa'o/ /dpag bsam gyi shing rgyas pa ni/ nor 'gribs pas ni 'phongs pa dang zhes pa'i sgrub pa'o/ /sbas pa'i ga'u ni 'jigs pa dang ni gnod pa dang zhes pa'i sgrub pa'o/ /phyir ldog 'khor lo ni byad stems dang zhes pa'i sgrub pa'o/ /gser gyi rgya mtsho ni/ srog chags dag ni thams cad kyi/ mi bzang ba yi nang rnams kyang zhes pa'i sgrub pa'o/ /rgyal mtshan rtse mo ni tshe 'phel ba'i sgrub pa'o/ /dpal ye shes phreng ba ni/ bsod nams 'phel ba'i sgrub pa'o/ /de ltar brgya dang lnga ni/ bskyed pa'i rim pa'i sgrub thabs so/ /sgra la gnas pa'i bsam gtan dang/ sgra la mi gnas pa'i bsam gtan dang/ sgra mthar gyi bsam gtan gsum ni/ zab mo sangs rgyas spyod yul ba zhes ba'i sgrub thabs so/ /thim yig gsang ba zhes bya ba/ slob dpon pad+ma 'byung gnas kyis mdzad pa rdzogs so// / d+harma kI d+ha pra? dras yang zhus byas so// //khro bo chen po rdo rje gnam lcags 'bar ba zhes bya ba bzhugs so// //khro bo chen po rdo rje gnam lcags 'bar ba nag po la phyag 'tshal lo/ /dang por gnas dben par mtshams