བོད་ཡིག

e-texts based on the ACIP/ALL Input

ba dang btung ba dang myang ba dang/ bldag pa la sogs pa kha zas kyi bye brag ji ltar 'byor pa rnams kyis dkyil 'khor gyi mdza' mar bzhag la/ mchod g.yog pa gnyis sam gsum gyis mchod brgyun ma chad par bya'o// slob dpon bdag bstod g.yogs pa la sogs pa'i rgyan dang/ dbu rgyan la sogs pa rgyan thams cad kyis brgyan pa/ rdo rje dang dril bu bzung la ku sha'i steng du khrus bya/ rgyan sna tshogs pas brgyan la 'khor dang bcas te bzhag go /de'i phyi logs na g.yas brkyang ba'i stobs kyis g.yas skor du hUM zhes bgegs bskrad de nas log ste/ byang shar nas g.yon brkyang ba'i stobs kyis g.yon skor du oM badzra yak+Sha hUM hUM zhes brjod pas/ bdag dang yon bdag gi nor 'grib par byed pa'i bgegs de dpag tshad brjod kyis mi lang bar byed zhing dengs par bya'o/ /de nas mchod pa dang gtor ma'i cho ga zhag gsum du rgyun ma chad par bya/ bdag nyid kyi snying po rgyas bsdus gang mos la ci nus su bzlas/ yon bdag gi sems bskyed pa dang/ sdig pa bshags pa dang/ rjes su yi rang ba dang/ 'dod pa'i don la sogs pa la gsol ba ci nus su byed du gzhug /de nas nub gsum gyi tha ma kha zas longs spyod pa dang/ yon bdag gza' bran 'khor dang bcas pa la dkyil 'khor gyi sgo rnams gsal la dkyil 'khor du gzhug cing dbang bskur ro/ /rnam thos sras la gtor ma chen po gcig byin la nor gyi bdag por mnga' gsol/ yon bdag 'khor dang bcas pas kyang/ byang phyogs kyi rgyal po chen po rnam thos sras kyi bu 'khor dang bcas pas do nub nas bzung ba phan chod nor gyi bdag po mdzod la bdag cag gi nor dang zas mi 'grib par 'phel bar mdzad du gsol zhes dus la brjod do/ /de nas gtor ma btang sil snyan sna tshogs pa'i sgra dang ldan pas btang ngo/ /de nas dkyil 'khor bsdu/ bkra shis gsol/ bsod nams kyi tshogs ji ltar 'byor pa bsag cing bla ma la yon dbul lo/ /nor 'grib pa dgang ba'i cho ga dpag bsam shing rgyas pa zhes bya ba/ slob dpon ye shes rdo rjes mdzad pa rdzogs so// // dpal rdo rje rnam par 'joms pa la phyag 'tshal lo/ /tshogs kyi bdag po'i las 'dod pa'i don thams cad rab tu sbyin pa longs spyod sgrub par 'dod pa'i sgrub pa po dam tshig dang ldan pas gnas khang yid dang mthun par maN+Dal zlum po shin tu mnyam pa me long gi nges lta bur byas te/ kha dog sngon po khru do'i tshad tsam byas la de'i par bu sngon po gtso bo'i yi ges 'khor ba nang du tshogs kyi bdag po'i snying po gser las bris pa dang/ ras sngon po la tshogs kyi bdag po'i gzugs bris la rab tu gnas pa byas la dar sna tshogs pas dril la de'i nang du gzhag go /spre'u'i snying gi nang du gser sa byung ma dang/ rin po che rnyed tshad dang/ sha sna rnyed tshad de maN+Dal gyi steng du bzhugs la glang po che'i spu dang/ spre'u'i spu bsgril ba'i gzungs thag gdags/ de'i steng du tshogs kyi bdag po'i sku mdog dang/ phyag mtshan gsal bar bsgom/ bdag nyid rnam 'joms kyi nga rgyal du byas la gzungs thag bzung la/ na mo rat na tra yA ya/ oM ga swAhA/ /zhes stong stong gzhan kyis bar mchod par bzlas shing tshogs bdag gis bdag nyid la longs spyod ji ltar 'dod pa byin par bsam mo/ /yar ngo'i brgyad pa 'am/ yang na mar ngo'i brgyad pa la tshogs kyi bdag po'i gtor ma shin tu bzang po sha sna tshogs dang/ mar dang/ khur ba dang/ ro mchog sna tshogs dang ldan pas mchod cing 'dod pa'i don la gsol ba gdab/ gzhan gyis mthong du mi rung ngo/ /tshogs bdag gi bsgrub pa dbul ba'i gter sbyin zhes bya ba/ dpal mar me mdzad bzang pos mdzad pa nor dang zas 'dod pa rnams kyi dam pa rdzogs so// //