བོད་ཡིག

e-texts based on the ACIP/ALL Input

dpal rdo rje rnam par 'joms pa la phyag 'tshal lo/ /'phags pa rdo rje rnam par 'joms pa'i dpa' bo gcig pa'i dkyil 'khor du dbang bskur bar 'dod pa'i sgrub pa po/ dam tshig dang ldan pas sa'i cho ga la sogs pa sngon du song bas/ sa stegs gru gsum me long gi ngos ltar byas la/ thog gdab ste dbus lte ba mu khyud kyis bskor la lte ba ljang gu mu khyud dmar po sna tshogs pad+mas bskor ba/ gru chad ljang gu bar khyams gnyis pa dkar ser sgo dang/ sgo khyud du bcas pa bris la/ mtshan nyid dang ldan pa'i bum pa la g+hi haM gi mtshan rdo rje rgya gram phyogs gcig med pa btab la las thams cad pa'i bum pa la sku dkar gyi sna tshogs rdo rje bris la byang du bzhag /pU dza ji ltar 'byor pa dang bA li bsham/ lag pa gn yis rdo rje bcings la mthe bong bsgrengs la srin lag sbyar te mdzub mo phyis nas/ nas gang gi ma rig pa byas la mthe'u chud blang la/ oM badzra dzwa lA na ya hUM phaT/ ces pa brgya rtsa brgyad bzlas pas bum pa'i nang du paM dang maM las pad+ma nyi ma brtsags pa'i steng du hUM las rdo rje rnam par 'joms pa sku mdog ljang ser phyag gnyis kyis gser gyi bum pa rdo rje rgya gram phyogs gcig med pas kha bcad pa thugs kar 'dzin pa/ sku pa rin po che'i rgyan sna tshogs pas brgyan pa/ dbu la rigs lnga'i sangs rgyas kyis brgyan pa/ zhal yid tsam khro ba yan lag sbrul rigs bzhis brgyan pa bskyed do/ /de'i thugs ka'i hUM las 'od 'phros pas don gnyis byas nas/ oM badzra dz+nyA na hUM swAhA hUM zhes brjod pas ye shes sems dpa' ci 'dra ba zla ba'i gdan la bskyed pa de nyid la mchod pa dang gtor ma bya'o/ /de'i thugs ka'i hUM la dmigs te/ bdag nyid khrus bya ba dang/ gos rje ba la sogs pa bya ste/ snying po brgya rtsa brgyad bsdus pa la stong phrag gcig shin tu bsdus pa la stong phrag bzlas te/ slob ma la bsrung skur gdags pa dang/ dam tshig sdom pa 'bogs pa la sogs pa bya ste/ dkyil 'khor du gzhug /gzungs nyi shu rtsa gcig klag tu bzhug /de nas lha bo bstan/ dbugs 'byung/ gzings bstod/ dbang bskur/ lag tu rdo rje dang dril bu'i sgras dkyil 'khor bskor/ dbang rdzogs par byin la gos rje zas kyi rnal 'byor bya'o/ /de yang mchod pa dbul ba dang gtor ma btang/ dkyil 'khor bsdu/ bkra shis gsol/ slob ma la chos bshad/ slob mas bla ma la yon dbul/ bden pa'i tshig brjod do/ /dpa' bo gcig pa'i dkyil 'khor du dbang bskur ba'i bdud rtsi bum pa'i cho ga dpal mar me mdzad kyis mdzad pa rdzogs so// //