བོད་ཡིག

e-texts based on the ACIP/ALL Input

'grub 'gyur te/ /rnam par 'joms pa'i skur 'grub shog /rdo rje rnam par 'joms pa'i sgrub thabs las dang bcas pa slob dpon ye shes rdo rjes mdzad pa rdzogs so// //'phags pa rdo rje rnam par 'joms pa'i khrus kyi cho ga /chos nyid mnyam pa nyid la rab gnas kyang/ /thugs rjes gtan du mya ngan mi 'da' zhing/ /'dod pa'i don grub mdza' yas gzugs mnga' ba/ /dpa' brtan rdo rje 'chang la phyag 'tshal lo/ /de la dang por bum pa'i mtshan nyid brtan pa'i dbang du mdzad nas/ nor bu yungs kar dur ba dang// rin chen rma med tsan dan bcas/ /shel dang rdo rje me tog dang/ /chu yi gser ram yang na ni/ /dngul gyi bum pa dag kyang rung/ /gtsang ma'i gos kyi dkri zhing dgang/ /zhes gsungs pas/ gser ram dngul lam zangs las byas kyang rung zhabs kyi gdub ko rin 'chang du ser gcig gi tshad du byas la gdags so/ /dbus kyi dbyibs ni lhung bzed 'dra bar bya'o/ /mgrin pa'i 'phang du sor bzhi'i tshad du bya'o/ /mgrin pa'i nang gi tshad kyang sor bzhi ba'i sbubs su bya'o/ /mgrin pa'i kha khyer phyir bskyed pa ni sor gnyis kyi tshad du byas la/ /kha'i cha ga'i bshal ka sor gcig gi tshad du bya'o/ /dbul po rnams kyi dngul dang gser? la sogs pa las bya ba mi rnyed pas de'i phyir rgyu gzhan la bya bar gsungs te/ /bum pa pad+ma dmar po'i mdog ltar dmar zhing byu ru dang li khri dang mtshal gyi mdog? ltar dmar pa dags btang nges pa'i nag po? ra ri med par bya'o/ /ltor ni chu phul lnga yan chod nas bcu shong ba'i tshad gang nus pa'i tshar byas te de nas lag ba byug spos kyis byuD te/ dri zhim po shin tu bkra shis pa'i bdug pas bdugs la/ gu gul la/ oM a mri te hUM phat ces bdud rtsi thabs sbyor gyi sngags kyis lan bdun du bzlas pas bum zhi? nang du bdugs la/ chu gtsang ma srog chags med par btsags pas bkang ste/ de'i nang du tsandan na dang/ ga pUr dang/ gur gum dang/ dzA ti dang/ gla rtsi lnga po bsres pa'i chu yang blugs nas der rin po che lnga zhe bya ba nor bu rin po che dang/ byu ru dang/ gser sa le sbram dang/ mu tig dang/ shel dag dang/ sman lnga zhes bya ba/ bya kri dang/ seng kri dang/ gi bri kar ni dang/ sa hA dang/ sa ha de ba dang/ 'bru lnga zhes bya ba/ nas dang/ so ba dang/ til dang/ mon sran dang/ mon sran gre'u nams kyang bcug la bum pa'i khar? gser ram dngul phor ram/ kham phor gtsang ma'i nang du yungs kar blugs pa'i snod bzhag ste/ ras gtsang ma kha 'tshar ma gong pas bum pa'i kha dang yungs kar gyi snod dang bcas pa dkri zhing g.yogs la bcing ste/ mdud pa'i steng du pa'i lci ba rgyas gdab pa'i tshul du glan la der rtswa dur ba'i nyag ma bdun btsugs te phyug na rdo rje la dbul par 'os pa'i me tog dmar po dri zhim po 'am yang na me tog dri zhim po gang lnga rung ba'i phreng baS kyang buM pa'i mgrin pa bskor ba'i don no/ /dkyil 'khor med par bum pa 'ba' zhig gis 'dod pa'i la ni 'grub pas thos mar dkyil 'khor brin sa brtag dgos pas spyi'i rgyud dpung bzang gis zhus pa las 'dir sbyar bar bya ste/ phyugs ltas shing cig lha'i khang pa'am/ /lam gyi bzhi mdo khang steng? nags tshal du/ /zhes gsungs so/ /dkyil 'khor bri bar bstan pa yang de nyid las/ dkyil 'khor gru bzhi lham pa gru bzhi'i tshad/ /tshon rtsi rnam pa sna tshogs rnams gyis bri/ /phyogs kyi lha rnams gnas ni yongs su bzung/ /sgo bzhi pa la phyogs kyi rtswa yang dgram zhes gsungs te/ /de yang sa gzhi shin tu sbyangs shing shin tu 'thas par bcags ba'i rnam lnga zhes bya bar/ 'o ma dang/ mar dang/ zho dang/ gcin dang lci ba rnams dang/ spos rnams bsres pa rnams kyis bskus la thig gdab par bya'o/ /gru bzhi'i tshad khru bzhi par byas la phur bus legs par gdab? bo?/ /de'i dbus su gsang sngags 'chang khrus byed pa'i sa khru do bzhag go /de'i phyi rim khru gang khyon? yod pa la cha gsum du bgos te/ dang por 'jig rten skyong ba rnams kyi gnas su bya'o/ /gnyis pa ni sdo khyud mu khyud mu tig gi phreng ba dag bri'o/ /gsum pa la ni mchod pa dag bri'o/ /'jig rten skyong ba rnams dgod pa yang/ /spyi'i rgyud gsang ba'i dkyil 'khor las/ 'di skad du /brgya byin gyi ni 'khor lor gsungs/ /me lha'i phyag rgya me thab yin/ /gshin rje'i phyag rgya be con te/ /bden bral gyi ni ral grir bstan/ /chu bdag gi ni zhags par bstan/ /rlung? gi phyag rgya rgyal mtshan yin/ /ku be ra yi dbyug to yin/ /dbang phyug ni rtse gsum gsungs/ /sa'i phyag rgya bum pa yin/ nyi bla'i bya rgya zlum por bya zhes gsungs so/ /dkyil 'khor ni sgo bzhir stong cing/ bkris brgyad po'o dpal pe dang/ 'khor lo dang/ gdugs dang/ rgyal mtshan dang/ pad+ma dang/ bum pa dang/ dung dang/ nya dag bris pas mdzes par bya'o/ /dbus su ni ku sha gding zhing phyi rol thog dag tu yang ku sha dgram mo/ /steng du yang bla res legs par dag bcing me tog gi phreng ba dang/ ba dan dang/ dang gyi lnga ldi dang/ me long gis brgyan na khrus kyi cho ga bkra shis par 'gyur ro/ /de nas bum pa yang dkyil 'khor gyi dbus su bzhag ste/ grwa bzhir seng ldeng gi phur pa bzhi la bdud rtsi thabs sbyor gyi sngags gong du smos pa bzlas shing btsugs nas/ tshon sna lnga yis skud pa la yang gsang sngags de nyid bzlas shing bskor bas mtshams bcad par bya'o/ /bshos dang gtor ma dgod pa yang/ /dpung bzangs kyis zhus ba'i rgyud 'am? bzang dang sha chad la phug la sogs bcas/ /'bras chan 'bras bu mang po'i gtor ma sbyin zhes gsungs te/ ma phyi ba yang 'os 'os su phye ste/ sha chang la phug dag ni gshin rje dang bden bral 'khor dang bcas pa la sbyin no/ de nas rig sngags 'chang ba bdag nyid phyi nang gi dri ma dag par byas la/ gos sar pa bgos te/ cho ga brtsams pa'i dbang du mdzad nas/ des ni rab khrus gtsang ma yin/ /mdo sde dam pa mnyam par bya/ /gang dag yid dge sems dang zhing/ /gtsang ma'i gos kyis rab brgyan te/ /zab mo sangs rgyas spyod yul ba/ /mdo sde 'di ni nyan byed na zhes gsungs te/ /de'i don rang gi rgyud dag ba de dkyil 'khor gyi nub sgor 'greng la/ lag pa byug sbos kyis byugs nas/ /rang gi lta ji ltar mnos pa bzhin du bsgoms la/ mig gnyis su yi ge hUM 'bar ba re bsams la se gol gyi sgra phyung zhing/ phyogs su bltas pas mtshams bcad bgegs bskrad nas/ slar stan bde ba la 'dug nas dkyil 'khor de yang rin po che sna tshogs las grub pa'i lha'i gnas bzang po dpe med par dmigs shing/ bum pa de yang yid bzhin gyi mtsho'i bdud rtsi'i chus gang bar dmigs te/ lag pa gnyis thal mo khong stong du sbyar ba las kha phye ste pad+ma'i tshul du byas pa ni pad+ma gdan gyi phyag rgya yin te/ /de'i sngags la/ oM pad+ma ka ma la ye swAhA/ zhes brjod nas yid bzhin gyi mtsho'i dbus su pad+ma'i sdong pa dang lo ma dang 'dab ma dang ze ba dang snying por bcas pa dpe med par bzang zhing che ba zhig bsams te/ mchod yen gyi snod blangs la sbreng zhing 'di skad du/ dad pa dang ni dam tshig gis/ /bdag la mchod yon bzhes su gsol/ /mchod yon bzhes nas de nyid du/ /mchod pas bdag la dgyes par mdzod/ /A ha ra A ha ra/ sarba bi dya d+ha ra pU dzi te swAhA/ zhes brjod pas/ 'phags pa mdun gyi nam mkha' la 'khor dang bcas pa gshegs par rig pa dang/ bar 'dir phyir 'breng ba'i bgegs bskrad/ a mri tas bsang/ yang na rtsa sngags sam bskrad sngags kyis so/ /lag pa g.yas pa'i mthe'u chung gi sen mos mthe bong mnan te/ lhag ma gsum nas do tsam gyis ma reg par byas te/ rdo rje'i tshul du byas nas bstan pa ni dam tshig chen po'i phyag rgya yin te/ de'i sngags la/ oM shang ka re mahA sa ma ye swAhA zhes brjod nas/ gdan de la 'phags pa khro bo yi rgyal po phyag na rdo rje'i thugs kyi khyad par las byung ba/ rdo rje rnam par 'joms pa zhes bya ba mdog sngon po yid tsam khro ba/ phyag g.yas na rdo rje rgya gram las rwa phyogs gcig med pa bsnams pa phyag g.yon pa bkur brten cing 'gyid ba/ dbu rgyan rtse bran can/ rgyan thams cad kyis brgyan pa/ na bza' stong g.yogs dar la sgang g.yogs tshigs su bsgams? pa/ 'khor rigs kyi lha dpag tu med pa dang gshegs par dmigs shing/ rtsa ba'i phyag rgya lag pa gnyis thal mo khong stong du sbyar la srin lag gnyis nang du bkug ste/ phan tshun bsnol ba'i rtse mo mthe bong dang mdzub mo'i drung du cung zad 'byung bar byas la/ gung mo gzhibs pa'i phyi rol nas mdzub mo dkug la nas gang tsam gyis ma reg par byas te/ mthe bong gnyis dang mthe'u chung gnyis kyang gzhibs pa ni rdo rje rnam par 'joms pa rtsa ba'i phyag rgya las thams cad byed do/ /de'i sngags la/ oM badzra dzwa la na ye swAhA/ de nas mchod pa rnam pa lnga rim bzhin du dbul te/ dang por byug spos dbul te/ gtsang zhing gtsang mar sbyang ba yi/ /lha rdzas bzang po'i byug spos 'di/ /bdag gi dad pas 'bul lags kyis/ /bzhes nas bdag la dgyes par mdzod/ /A ha ra A ha ra sarba 'di d+hya d+ha ri pu dzi te swAhA/ de nas me tog dbul te/ gtsang zhing gtsang mar skyes pa yi/ /lha rdzas dam pa'i me tog 'di/ bdag gi dad pas 'bul lags kyis/ /bzhes nas bdag la dgyes par mdzod/ /de nas bdug pa dbul te/ shing gi khu ba yid du 'ong/ /dri yis rgyas pa bdug pa'i mchog /bdag gi dad pas 'bul lags kyis/ /bzhes nas bdag la dgyes par mdzod/ /bshos dbul te/ sman rnams khu ba yi gar 'ong/ /dri yis rgyas pa lha yi zas/ /bdag gis dad pas 'bul lags kyis/ /bzhes nas bdag la dgyes par mdzod/ /'di yan chad kyi sngags ni gong mar smos pa gong ma bzhin du sbyar ro/ /de'i 'og tu mar me dbul te/ gnod rnams 'dzoms shing bkra shis la/ /dge zhing mun pa rnam sel ba/ /lha rdzas bzang po'i zhugs mar 'di/ /bdag gis dad pas 'bul lags kyis/ /bzhes nas bdag la dgyes par mdzod/ /A lo ke A lo ke sarba bar bya d+ha? ra pu dzi te swAhA/ /de nas gdon rnams la gtor ma dbul bar bya ste/ lha dang lha min gnod sbyin lto 'phye grul/ /nam mkha' lding dang 'dab bzangs lus srul po/ /dri za srin po gdon gyi rigs rnams dang/ /gang dag sa la gnas pa'i rdzu 'phrul can/ /bdag gis pus mo sa la btsugs nas su/ /thal sbyar de dag la ni gsol ba 'debs/ /bu smad bcas shing g.yog 'khor bcas pa rnams/ /gsan nas phan gdags slad du 'dir gshegs shig/ /sems can gang dag ri rab steng gnas dang/ /dga' ba'i tshal dang lha yul gang gnas dang/ /gang dag shar nub nyi ma'i khyim gnas dang/ /chu bo kun dang chu'i dogs rnams dang/ /rin chen gnas su 'ang gnas ni bcas pa dang/ /rdzing dang mtsho dang lu ma ltang lteng dang/ /khron pa dang ni ngam grog chu mig dang/ /grong dang phyugs lhas grong khyer nags tshal dang/ /khang stong dag dang lha yi gnas dag dang/ /lha khang mchod rten 'dug gnas bsti gnas dang/ /mu stegs gnas dang glang chen khang pa dang/ /gang dag rgyal po'i dkor khang gnas pa dang/ /srang dang khyams dang lam kha'i bzhi mdo dang/ /gang dag shing gcig po dang lam po che /dur khrod chen po nags tshal chen po dang/ /gang dag seng ge glang chen dred kyi gnas/ /'jigs pa'i sa dang 'brog na gnas pa dang/ /gling bzangs rnams su gnas ni bcas pa dang/ /gang dag lhun po dur khrod gnas pa rnams/ /rab tu thugs dgyes bri dang phrang ba dang/ /bdug pa gtor ma mar me bstod bus 'bul/ /'di dag bzhes nas bsnams dang gsol mdzod la/ /bdag gis las 'di'i 'bras bu mchis par mdzod/ /lag pa gnyis thal mo sbyar ba las kha phye ste/ bkan pa ni gtor ma sbyin pa'i phyag rgya'o/ /de'i sngags la srin po rnams la/ krang ke ri/ sha za rnams la/ mi tsi mi tsi/ 'byung po rnams la/ gung gung/ thams cad la/ na ma:sarba ta thA ga te b+hyo/ bi shwa mu khe b+hya:/ sarba(rgyud 'grel bkyed de/ pad+ma'i tshul du bya'o/ /de'i sngags la/ dbang ldan phyogs su ru tra ya swAhA/ dbang po'i phyogs su shag kra ya swAhA/ me'i phyogs su aga ne ye swAhA/ gshin rje'i phyogs su be ba sa ta ye swAhA/ bden bral phyogs su rak+Sha sa a ti pa ta ye swAhA/ chu lha'i phyogs su mi ga a sha na ya swAhA/ rlung lha'i 'og gi phyogs su ba ya be ye swAhA/ ku be ra'i phyogs su yag sha b+hyid d+ha re swAhA/ stang gi phyogs su a did dya yE swAhA/ nyi ma'i 'o/ /zla ba'i tsan+t+ra ye swAhA/ 'og gi phyogs su pri thaM bya ye swAhA/ sa'i lha mo yi'o/ /de ltar phyogs skyong rnams kyang mchod de/ /bzlas brjod bya ba'i dbang du mdzad nas/ lan grangs nyi shu rtsa gcig gam/ yang na lan grangs brgya rtsa brgyad/ /rdo rje rnam 'joms bzlas nas su/ rgyal po rtag tu khrus gyis shig /ces 'byung ba'i don ni de ltar 'phags pa 'khor dang bcas pa dang/ 'jig rten skyong ba dang/ 'byung po thams cad la mchod pa byas nas/ bum pa'i nang du 'phags pa spyan drangs pa de nyid kyang srog dang bcas pa lta bu dmigs te/ de'i thugs kar zla ba'i dkyil 'khor dri ma med pa la yi ge'i phreng ba rnams bkod de bzlas so/ /lha'i sku dang/ zla ba'i dkyil 'khor dang/ yi ge'i phreng pa la dus cig tu dmigs pa ni 'jig rten na za 'og la sogs pa'i gding ba khra'o lta ba dang 'dra'o/ /zla ba'i dkyil 'khor chung du'i nang du yi ge'i phreng ba ji ltar mang ba ji ltar bkod ce na/ sems goms pa rnams la mi rung ba med de/ chu nyung du shin tu dang ba'i nang du nyi zla dang/ gza' skar la sogs pas brgyan pa'i nam mkha' thams cad snang pa bzhin no/ /rgyal po zhes pas 'dzin du zang de/ gzhan yang khrus kyi sbyor ba bya ba'i dbang du mdzad nas/ mdo sde 'di yi gzi brjid kyis/ /srog chags dag ni thams cad kyi/ /mi bzad pa yi nad rnams kun/ /de dag thams cad zhi bar blta/ /tshe dang bsod nams 'phel bar 'gyur/ /sdig pa kun las rnam par thar zhes gsungs te/ de ltar bzlas brjod kyi grangs tshang nas phyogs bcu'i lha rnams dga' bar bya ba'i phyir tshigs su bcad pa yang bsgrag par bya ste/ dbang po rdo rje 'chang ba'i lha/ /lha yi rgyal po gdon gyi bdag /shar phyogs gdon gyi tshogs bcas la/ /mchod pa bgyid cing phyag kyang 'tshal/ /mi ste sreg bya za ba'i lha/ /'byung po'i rgyal po gdon gyi bdag /phyogs mtshams gdon gyi tshogs bcas la/ /mchod pa bgyid cing phyag kyang 'tshal/ /gshin rje be con 'chang ba'i lha/ /ma mo'i rgyal po gdon gyi bdag /ma mo'i gdon gyi tshogs bcas la/ /mchod pa bgyid cing phyag kyang 'tshal/ /bden dang bral ba legs ldan lha/ /srin po'i rgyal po gdon kyi bdag /sna tshogs bcas kyi tshogs bcas pa/ /mchod pa bgyid cing phyag kyang 'tshal/ /zhags pa thogs pa chu yi lha/ /bden pa bsrung ba gdon gyi bdag /nub phyogs gdon dang bcas pa la/ /mchod pa bgying cing phyag kyang 'tshal/ /rlung ste srog kyang 'dzin pa'i lha/ /chig bsrung gdon gyi bdag po ste/ /rlung gi tshogs kyi gdon bcas la/ /mchod pa bgying cing phyag kyang 'tshal/ /gnod sbyin lag na be con thogs/ /nor srung gdon gyi bdag po ste/ /byang phyogs gdon dang bcas pa la/ /mchod pa bgyid cing phyag kyang 'tshal/ /dbang dang ldan pa 'dren pa'i lha/ /bgegs kyi rgyal po gdon gyi bdag /dbang ldan phyogs kyi gdon bcas la/ /mchod pa bgyid cing phyag kyang 'tshal/ /'og gi klu ste sa yi lha// sa 'dzin lag pa chen po ste/ /dam tshig shes pa'i gdon bcas la /mchod pa bgyid cing phyag kyang 'tshal/ /steng gi lha tshogs thams cad dang/ zla ba nyi ma gza' chen dang/ /gza' dang rgyu skar bcas pa la/ /mchod pa bgyid cing phyag kyang 'tshal/ /de nas shu ti dang ba'i rnam lnga chu dang sbyar ba la bdud rtsi thabs sbyor gyi sngags gong du smos pa btab ste/ khrus byed pa'i lus bkrus te dril nas khrus byas te gos sar pa bgos nas dkyil gyi sgor? 'dug ste/ de la bsrung ba chen po bya'o/ /da nas gsum la skyabs su 'gro ba la sogs pa byin te/ dkyil 'khor bskor du bcug la/ gus pas phyag byas la/ cho ga bzhin du dkyil 'khor gyi dbus su rtswa ku sha bkram pa'i steng du bde bar 'dug la/ gsang sngags bzlos pas bum pa blangs te/ gzungs sngags bzlas shing khrus byed du bcug la phyi nang gi dri ma thams cad ma lus par dag par bsam mo/ /shin tu bde legs dang bkra shis dang/ rgyal bar gyur cig bya ba'i tshig dang rol mo'i sgra skad rab tu swan? pa dang yang ldan par 'gyur ro/ /yungs kar dang/ zho dang dur ba dang/ li khri dang/ me long dang/ dung dang/ bil ba'i 'bras bu dang/ 'gi wang rnams kyang slob ma'i nang du ras khri'u bting ba'i nang du gzhag ste/ res bkra shis 'don pa'i lag tu bzhag nas rdzas de rnams re re nas blangs shing sbyin no/ /de nas byab pa bya ste/ rma bya'i steng du zla ba'i steng du gzungs rings bsams la/ des bya bcing gzungs rings brjod pas bshams la che ge mo'i sarba bya ti la sogs pa sbyar ro/ /de nas bsrung ba bya ste/ skud pa la bsrung ba byas la gdags/ gzungs rings bris la de la rab gnas byas pa gdags so/ /de nas yang bsrung ba bya ste/ rdo rje phyed de'i lag tu byin nas zhi ba dang dga' ba'i sems kyis long zhig ces bya ba'i tshig kyang brjod par bya'o/ /rdo rje phyed po de la bzung nas gdon thams cad las thar nas ldang ste/ zla ba sgra gcan 'dzin gyis gzung pa las thar ba bzhin du lus sdig pa dang bral ba'i dbang du mdzad nas/ sdig pa thams cad byang byas nas/ sdug bsngal thams cad med par byed/ /rgyud do cog gi rtsa ba ste/ /dpal kun gyis ni legs par brgyan/ /sems can dbang po nyams pa dang// tshe zad pa dang tsho nyams dang/ /phun sum tshogs min gang chags dang/ /lha rnams rgyab kyis phyogs pa dang/ /mdza' sdug skye bo sdang ba dang/ /bram ze la sogs gtses pa dang/ /phan tshun mthun pa ma yin dang/ /nor 'gribs pas ni gnod pa dang/ /mya ngan ngal las gnod pa dang/ /'jigs pa dang ni phongs pa dang/ /gza' dang rgyu skar byad stems dang/ /mi bzad gdon gyis nyen pa dang/ /mya ngan mngal las byung ba yi/ /rmi lam sdig pa mthong na yang/ /cho ga 'di yi phan yon gyis/ /de dag las ni thar bar 'gyur/ /zhes dgongs pa'o/ /de nas 'byor na zhi ba'i sbyin sreg bya'o/ /yang gzhan du na 'di ltar bya'o/ /byams pa che dang snying rje che/ /mnyam par ldan par byas kyang rung/ /de yang zhi bar shes bya ste/ /nang gi sbyin sreg dam pa yin/ /'phags pa rdo rje rnam par 'joms pa'i khrus kyi chog slob dpon ye shes rdo rjes mdzad pa rdzogs so// //dpal rdo rje rnam par 'joms pa'i cho ga zhes