<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N2291: bsam gtan phyi ma rim par phye ba rgya cher bshed pa<br><table><tr><td>
<input type="button" onclick="location.href='tcompletep.php?id=N2291&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N2291&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N2291&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">bsam gtan phyi ma rim par phye ba rgya cher bshad pa bzhugs/ /
 rgya gar skad du/ d+hya not+ta ra pa ta la TI kA/ bod skad du/ bsam gtan phyi ma rim par phye ba rgya cher bshad
 pa/ dpal rdo rje sems dpa' rnal 'byor chen po'i rnal 'byor pa la phyag 'tshal lo/ /rnam par snang mdzad rgyal mchog de nyid
 gsum rig pa/ /rig sngags tshogs kun ting 'dzin dmigs la phyag 'tshal nas/ /lung dang bla mas nges par
 bstan pa'i tshul dag gis/ /bsam gtan phyi ma rim par phye bas cung zad dgro /de la rim par phye ba 'di las don rnam
 pa bcu gnyis bstan pa ni/ 'di lta ste/ rig sngags dang gsang sngags kyi bzlas brjod dang/ bsam gtan dang/
 rnal 'byor gyi mtshan nyid rig sngags dang gsang sngags kyi thabs chen po'i bdag nyid che ba bstan pa'i don ni dang po ste/ slob ma
 rnams de la nan tan byed 'dod par bya ba'i phyir/ de nas ye shes kun rdzogs pa zhes bya ba la sogs pa tshigs su bcad pa gsum
 gyis bstan par rig par bya'o/ /rig sngags dang gsang sngags kyi thabs chen po de nyid kyi yul rab tu phye ste/ rnam pa thams
 cad bshad par khas 'ches pa'i don ni gnyis pa ste/ yul so sor nges pa la kun rdzogs par ma bshad du dogs pa gsal ba'i phyir/ cho ga gang dang gang
 dag gis/ bsam gtan las la gang gnas pa zhes bya ba la sogs pa tshigs su bcad pa gcig gis rig par bya'o/ /de la nan tan du bya ba'i dgos pa
 bstan pa'i phyir gsum pa ste/ de'i 'bras bu med par dogs bzlog pa'i phyir/ gsang sngags bsam gtan zhes bya ba la sogs pa tshigs su bcad pa
 gsum gyis bstan par rig par bya'o/ /rig sngags dang gsang sngags kyi thabs chen po de nyid kyi rang bzhin bstan pa'i don ni bzhi pa ste/ de la mkhas par
 bya ba'i phyir/ lha'i sku yi gnas de la zhes bya ba la sogs pa'i tshigs su bcad pa nas/ yan lag bcu'i cho ga las zhes bya ba'i mdza' i bar du rig par
 bya'o/ /de bzhin du sngon gyi las kyi bag chags langs pa'i dbang ngam/ mi mthun pa ma spangs pas nyes pa gang 'byung ba las gsang sngags
 gzhan du phyogs par 'gyur te/ de bstan pa'i don ni lnga pa ste/ de dag shes nas yongs su spang ba'i phyir/ ma dad pa dang snyoms pa dang/ /bkres skom zil
 gnon de bzhin te/ zhes bya ba la sogs pa'i tshigs su bcad pa nas/ gsang sngags de las gzhan du phyogs zhes bya ba'i mdza' i bar du rig par bya'o/ /de nas
 gzhan yang yon tan gang dag 'byung ba la/ /gsang sngags spyan ras kyis 'tsho ba'i bdag nyid mngon du gyur pa de bstan pa'i don ni drug pa ste/ gang zhig kun tu zhen
 pa dang zhes bya ba la sogs pa tshigs su bcad pa gcig gis bstan par rig par bya'o/ /de bzhin du gsang sngags spyan ras kyis 'tsho ba'i mtshan nyid mngon du
 gyur nas sgrub pa po la yon tan gang 'byung ba de bstan pa'i don ni bdun pa ste/ lha dang lha min sems can ni/ /dbang phyug ye shes 'jug pa rnams zhes bya ba la sogs pa'i tshigs su bcad pa bzhis
 bstan par shes par bya'o/ /de nas yang mngon du gyur pa'i tshe yon tan byung na lus dang sems dregs pa skye ste/ bzlas brjod dang bsam gtan la sogs pa la mi 'jen srid de/ de bas na de dgag pa'i
 phyir brgyad pa ste/ gsang sngags lha'i mngon phyogs pa'i zhes bya ba la sogs pa'i tshigs su bcad pa gcig gis bstan to/ /de bzhin du mngon du phyogs pa'i tshe na bzlas brjod la sogs pa'i dge ba
 la 'bad pa'i mtshan nyid la zhen pa'i phan yon bstan pa'i don ni dgu pa ste/ mngon du phyogs pa'i gnas thob na zhes bya ba la sogs pa'i tshigs su bcad pa gsum gyis bstan to/ /de nas gzhan yang
 ji skad bshad pa'i mtshan nyid la zhen pa'i yul bstan pa'i phyir bcu pa ste/ spro zhing stobs dang ldan pa ni zhes bya ba la sogs pa'i tshigs su bcad pa gcig gis bstan to/ /de bzhin du gsang sngags
 nye bar gyur pa'i gnas skabs kyi rgyur gyur pa bzlas brjod dang bsam gtan la sogs pa goms pa goms pa las byung ba sgrub pa po'i yon tan bstan pa'i phyir bcu gcig pa ste/ gnas dang zas dang
 grang ba dang zhes bya ba la sogs pa'i tshigs su bcad pa bzhis bstan par shes par bya'o/ /de bzhin du gsang sngags nye bar gyur pa dang/ gsang sngags grub pa'i phan yon dang 'bras bu rnam
 par phye ste bstan pa'i phyir bcu gnyis pa ste/ nam zhig nye bar gyur pa na zhes bya ba la sogs pa tshigs su bcad pa gsum gyis bstan par shes par bya ste de dag ni bsdus pa'i don to/ /da ni dngos po de dag gi so so'i don
 gyi yan lag rnam par phye ste brtag pa'i skabs dbye'o/ /de la bzlas brjod dang/ bsam gtan dang/ rnal 'byor gyis mtshan nyid rig sngags dang gsang sngags kyi thabs kyi man ngag mi mthun pa'i phyogs dang gnyen
 por bcas shing phan yon dang bcas pa rdo rje 'dzin las tshangs pa'i me tog ces bya bas thos nas tshangs pa mi 'chi ba zhes bya ba la bstan par bsams pa'i tshig gis 'di ste/ de nas ye shes kun rdzogs pa/ /rig
 sngags gsang sngags thabs chen de zhes bya ba la sogs pa'o/ /de la rig sngags dang gsang sngags kyi thabs chen po bshad par bya'o/ /zhes tshigs su bcad pa gsum bstan pa dang/ bshad par bya'o zhes bya ba
 'di dang 'brel to/ /de nas zhes bya ba'i tshigs ni skabs kyi de ma thag pa ste/ gang gi phyir 'di ni bya ba'i rgyud 'phags pa rdo rje gtsug tor gyi phyogs gcig pa ste/ der 'di'i sngon rol tu don gzhan yang 'das pa'i phyir ro/ /de zhes bya ba 'di ni rig sngags dang/
 gsang sngags kyi thabs chen po zhes bya ba 'di dang 'brel to/ /sngar bshad pa la snyeg pa'i tshig de zhes bya ba 'dis ni rig sngags dang gsang sngags kyi thabs chen po bstan par thog ma nyid du nyan pa pos gsol ba btab par ston pa ste des 'di skad smras? par 'gyur ro/ /khyod kyis
 rig sngags dang gsang sngags kyi thabs sngar gang dris pa de bshad do/ zhes bya ba'i don to/ /da ni rig sngags dang gsang sngags kyi thabs de de nyid ye shes kun rdzogs pa zhes bya ba la sogs pa'i tshig gis bye brag tu bstan te/ de la ye shes kun rdzogs pa zhes bya ba ye shes
 ni yongs su dag pa'i sems kyi khyad par gyi mtshan nyid do/ /de kun tu rnam pa thams cad du gang goms pas kun tu rdzogs par 'gyur ba de ni/ ye shes kun rdzogs zhes bya'o/ /de bas na 'di ltar dgongs te/ sangs rgyas dang byang chub sems dang/ nyan thos dang rang sangs rgyas
 rnams kyi ye shes yongs su dag pa gang yin pa de yang mngon du 'am/ brgyud de 'og nas 'chad pa'i mtshan nyid rig sngags dang gsang sngags kyi thabs goms pa las 'grub ste/ de bas na 'dis kyang 'khor ba las rnam par grol ba'i mtshan nyid nyon mongs pa dang shes
 bya'i sgrib pa las rnam par thar pa'i rgyu yin pas de bstan to/ /'di ltar lha'i chos kyi sku goms par byed pa'i mtshan nyid rig sngags kyi thabs te/ 'khor ba las rnam par thar pa'i rgyu yin par 'og nas/ sgra mthar thar pa ster ba nyid ces dngos su 'chang ngo/ /yang na ye shes
 kyis kun rdzogs pas na/ ye shes kun rdzogs pa'o/ /de la ye shes yongs su dag pa'i sems gnyis su med pa rnam pa med pa'i de nyid las ye shes zhes bya ste/ des kun tu yongs su rdzogs shing/ yongs su rdzogs par bya bas/ rnam pa thams cad du rtogs nas bshad pa na de skad ces
 bya'o/ /'di rnam pa thams cad du yongs su rdzogs pa yang bzlas brjod kyi yan lag bzhi dang me la gnas pa la sogs pa'i sgra'i sbyor ba'i mtshan nyid rig sngags pa gsang sngags gyi thabs kyi rang gzhin yan lag ci tsam gyis dngos grub mchog dang 'bring la sogs pa thob par
 rig sngags dang gsang sngags dang sbyar dgos pa de tsam yan lag rnams bstan pas yongs su rdzogs par rig par bya'o/ 'di ltar sems yongs su dag pa'i bye brag la gnas pa'i rnal 'byor pa rnams smra ba la sogs pa mi srid mod kyi/ 'on kyang de'i
 dbang dang/ sngon gyi smon lam gyis shugs kyis 'dul ba rnams ji ltar 'dod par/ rig sngags dang gsang sngags kyi thabs ston pa'i mdo sde dang rgyud dang cho ga zhib mo nyid la sogs pa'i nges pa'i tshig rnams snang ba srid pas na/ yongs su dag pa'i ye shes kun tu rdzogs pa zhes bya'o/ /yang na
 'jig rten las 'das pa rnam pa med pa'i ye shes kyi phyi nas thob pa/ dag pa 'jig rten pa'i ye shes kyis bshad pa srid pas na/ ye shes kun tu rdzogs pa zhes gsungs so/ /'dis kyang so sor rang gi rig pa'i ye shes kyis mthus/ de dag bshad par bya ba yin gyis rtog gi pa'i dpog pas chung
 pa'i shes pas bstan par bya ba ni ma yin na zhes bstan to/ /de bas na 'dir tshig bshad pa'i don/ bcom ldan 'das rnams kyis 'di ltar bstan par yang mngon te/ 'di lta ste ye shes kyis rnam pa thams cad kun tu rdzogs shing ye shes kyis thugs su chud nas yongs su rdzogs pa'i rim pas
 bstan pa'o/ /zhes byang mngon no/ /ye shes kun rdzogs pa de yang gang zhe na/ gsungs pa rig sngags dang gsang sngags kyi thabs chen po zhes bya ba'o/ de la de ni rig sngags dang gsang sngags dag gi thabs kyang de yin la/ thabs yang yin pas na/ rig sngags dang gsang sngags kyi thabs
 chen po'o zhes bya'o/ /de la rig sngags ni bud med kyi gzugs dang dbyibs kyi lha dang/ de ston pa'i sgra dang/ phyag rgya la sogs pa'o/ /de las bzlog pa ni gsang sngags kyi mtshan nyid do/ rig sngags la sogs pa de dag thams cad kyang kun rdzob dang don dam pa'i bden pa la gnas pa'i bye
 brag gi gnyis su med pa'i ting nge 'dzin dang/ gzungs dang phyag rgya dang/ tshig dang yi ge dang sgra dang/ rnam pa dang bcas pa dang/ rnam pa med pa'i ye shes dang/ chos kyi dbyings kyi rang bzhin te/ de la de dag gi chos kyi dbyings kyi ye shes kyi rang bzhin gang yin pa de ni so sor rang gi rig pa ste/ byin gyis
 brlab kyis kyang 'dul ba'i spyod yul du nye bar bstan du mi rung ngo/ /gang yang de dag gi gzugs kyi sku la sogs par snang ba'i gzugs kyi bdag nyid rang bzhin de dag ni rnam par mi rtog pa'i ye shes la gnas pa rnams kyi mngon gyi smon lam gyi shugs kyi 'dul ba'i gro ba mang po thams cad
 kyi rgyud la snang bar 'gyur bas/ don byed par shes par bya'o/ /rnam par mi rtog pa'i ye shes kyi rang bzhin la gnas pa rnams/ sngon gyi smon lam gyi shugs kyi sems can gyi don mdzad do/ /zhes bya ba'i don 'di yang nges par khas blang par bya'o/ /gzhan du na rnam par rtog pa dang bcas pa'i
 shes pa mngon du gtang zhing byed pa rnams ni/ mi phal ba rnams ltar rnam pa thams cad du sems can gyi don byed par mi srid par 'gyur ro/ /yang na bsam gtan pa rnams kyi yul ni bsam gyis mi khyab ste/ rnam par rtog pa dang bcas pa'i ye shes la gnas pa rnams kyang
 gdul bya rnams la de bzhin du snang ba mi phal pa bzhin du lhun gyis grub pa nyid du bskyed do/ /yod yang 'di bdag cag lta bu'i yul ma yin te bsam pa 'dis ci zhig bya ste btad bar bya'o/ /rig sngags dang gsang sngags dag gi nges pa'i tshig kyang bcom ldan 'das nyid kyis mdzad pa ni/ 'dis
 nyon mongs pa rnams 'joms pa dang/ don phun sum tshogs pa thob pa 'am/ 'dis ji ltar gyur pa'i dngos po yang dag pa ji lta ba bzhin rig pas na rig pas te/ ji ltar srid par lha rnam pa drug gi rang bzhin la rig sngags zhes bya'o/ /shes pa dang skyob pa dang ldan pa 'am/ gsang
 ste brjod pa'i phyir gsang sngags ste rang bzhin snga ma yin no/ /thabs zhes bya ba ni ka la zhes bya ste/ ka la zhes bya ba'i sgra yang kha cig tu ni yan lag la bya ba yang yod de/ /dper na lha'i cha shas rdzogs par bya ba lta bu ste/ lha yan lag dang bcas par bya bar shes par 'gyur ro/ /de bzhin zla ba'i cha
 shas zhes bya ba lta bu ste/ kha cig tu ni yan lag nyi tshe tsam la yang bya'o/ /de bzhin du lha cha shas dang bcas pa zhes bya ba 'dir yang/ sgra'i yan lag dang/ gzugs kyi yan lag rnams dang ldan no zhes bya bar shes par bya'o/ /ka la zhes bya ba'i sgra kha cig tu ni dngos po dga' 
 zhig mngon par sgrub par byed pa dang/ rang gi bya ba la sbyor bar byed pa la yang bya ste/ dper na mda' gzhu'i mtshon cha la sogs pa'i thabs kyi sgra lta bu ste/ de yang gang gi mda' gzhu la sogs pa sgrub cing/ rang gi bya ba la sbyor ba der mngon par sgrub par byed pa dang
 bya ba la sbyor ba dag yin no/ /'di ltar mda' gzhu thabs shes so/ /zhes smras na mda' gzhu la sogs pa byed pa'i cho ga dang de 'phen pa'i cho ga shes/ /zhes bya bar mngon na/ ka la zhes bya ba'i sgra kha cig tu ni rang gi bya ba la sbyor bar byed pa nyid la bya ste/ dper na glang po che'i thabs shes
 zhes bya ba lta bu'o/ /der yang cho ga gang gis glang po che rang gi bya ba la sbyor bar byed pa de nyid la thabs shes bya ba'i glang po che skyed par bya ba la ni mi bya'o/ /de ltar na ka la zhes bya ba'i sgra ni de la sogs pa'i rnam pa du ma la snyegs pas skabs dang sbyar zhing gzung bar bya'o//
 de la 'dir rig sngags dang gsang sngags dag gi thabs chen po zhes bya ba de ni rig sngags dang gsang sngags dag rang gi las la sbyor bar byed pa nyid la thabs kyi tshig tu gdags kyi yan lag dang skyed pa'i byed pa la ni mi bya'o/ /'di ltar rig sngags dang gsang sngags kyi thabs chen pa rnam par
 dbye ba mang/ yan lag bzhi bzlas brjod kyi cho ga dang/ me la gnas pa la sogs pa sgra'i cho gas mdzad do/ /bzlas brjod la sogs pa 'di dag kyang rig sngags dang gsang sngags rnams kyi rang gi las la sbyor ba nyid du dam pa rnams kyis bshad de/ rig sngags la sogs pa skyed pa ni ma yin no
 phra ba zhes bya ba ni de yid kyi las kyis shes par bya bas na phra ba ste/ /'di ltar rang gi sems yongs su sbyang ba bzlas brjod kyi yan lag bzhi la sogs pa byed pa na/ gsang sngags dang de bzhin gshegs pa'i gzhi dang zla ba'i dkyil 'khor rnams bsam pa ni yid kyi las nyid
 yin no/ /zhes bya ba'i don to/ /lha chen po la sogs pas kyang/ rig sngags dang gsang sngags kyi thabs bshad de/ de bas na bye brag tu phye ba de bzhin gshegs pas gsungs zhes bshad do/ /de la gsungs pa ni bshad ces bya ba'i tha tshig go /klog pa dang nyan pa dang 'don pa'i sgo nas kyang rig
 sngags la sogs pa'i thabs nan+tan du bya ba srid pas na bye brag tu bya ba'i phyir/ bsam gtan gyis kyang shin tu brgyan? ces gsungs so/ /de la bdag gi de kho na nyid la sogs pa ji ltar srid pa bsam pa ni bsam gtan de bsam gtan des/ bdag gi de kho na nyid dang bzlas brjod kyi de kho na
 nyid la sogs pa'i mtshan nyid kyi thabs kyis brgyan pa ni de bzhin gshegs pa'i gzhi la sogs pa sems na gsal ba snang ba'i sgo nas yongs su rdzogs par mdzes par bya zhes bya ba'i don to/ /bzlas brjod kyi yan lag bzhi la sogs pa'i mtshan nyid rig sngags la sogs pa'i thabs
 de yang/ srog dang rtsol ba la sogs pa med na rdzogs par mi nus pas na/ rnal 'byor thabs ni kun bstan pa zhes bya ba gsungs so/ /kun ni ma lus pa ste lha rnam pa drug las ji ltar srid pa dang/ sbyor ba'i rnal 'byor gyi thabs kyi yan lag slar bsdud pa dang/ srog dang rtsol ba la
 sogs pa'i mtshan nyid bstan pa ni bshad pa'o/ /rig sngags dang gsang sngags kyi thabs chen po gang yin pa rnal 'byor de'i thabs thams cad kyang bstan pa ste/ rnal 'byor gyi yan lag thams cad bshad ces bya ba'i don to/ /des na 'di skad du rig sngags kyi thabs de nyid 'ba' zhig
 bshad pa ma yin gyi slar sdud pa la sogs pa bsam gtan gyi yan lag dang bcas par bshad do zhes smras par 'gyur ro/ /yang 'di gnod pa sel nus pa'i sgo nas bye brag tu sdug bsngal sdig pa sel ba ste/ zhes gsungs so/ /de la sdug bsngal ni lus dang sems ni gnod pa'i mtshan nyid bkres
 be dang skom pa dang bsad pa dang bcings pa dang yid mi bde ba la sogs pa'i rang bzhin no/ /sdig pa ni lus la sogs pa las byung ba la mi 'dod pa'i las kyi bag chags sems la yod pa ste/ de dag bzlas brjod la sogs pa'i mtshan nyid rig sngags la sogs pa'i thabs kyis sel ba'i
 dang tshul gang yin pa de la de skad ces bya'o/ /phyag na rdo rje'i zhal nas gsungs zhes bya ba ni rdo rje 'dzin las tshangs pas sngon du thos pa bstan to/ /skye dang 'chi ba 'jig byed pa zhes bya ba ni nges par legs pa'i gnas thob pa'i rgyu yin par bstan te/ 'di ltar sgra gnas rnal 'byor bstan par 'dran?
 sgra mthar thar pa ster ba nyid ces bya ba 'og nas 'chad pa'i phyir ro/ /kun tu mi tshugs zhes bya ba'i yul dang dus thams cad du sems can thams cad kyi gnod pa sbyor ba na bzlas brjod kyi yan lag bzhi la sogs pa'i mtshan nyid rig sngags kyi thabs
 kyi 'bras bu'i mthu la gnod par byed mi nus te/ de bas na kun tu mi tshugs zhes bya'o/ /bstan pa ste zhes bya ba ni srog dang rtsol ba'i sbyor ba la sogs pas goms par byed pa'i tshe sems ma zhi ba'i mtshan nyid mi brtan pa med pas na brtan pa ste/ zhi ba zhes bya ba'i don to/ /'di dang pha rol byed par
 gnas zhes bya ba ni de la pha rol dang 'di bas na 'di dang pha rol dag go /de dag byed pa ni skyed pa ste/ pha rol dang 'di byed pa'o/ /pha rol dang 'di byed pa de'i rgyu'i ngo bor gnas pa'i 'jug pa ste/ pha rol dang 'di byed par gnas pa'o/ /de la pha rol ni 'jig rten pha rol lo/ /'di ni 'jig rten 'di'o/ /'di
 yang spyir 'jig rten pha rol dang/ 'jig rten 'di dag bskyed pa tsam du bstan pa 'di ston mod kyi/ 'on kyang bdag nyid che ba ston pa'i skabs yin pas na 'dod pa'i 'bras bu khyad par can sgrub pa'i sgo nas 'jig rten gnyis ka'i rgyur gnas par rig par bya ste/ 'dis kyang rig sngags la sogs
 pa'i thabs chen po de dag mngon par mtho ba'i rgyur bstan to/ /dkyil 'khor chen po la sogs 'byung zhes bya ba dkyil 'khor chen po rnams ni bya ba'i rgyud kyi cho gar gtogs pa'i rig gsum gyi dkyil 'khor 'phags pa gzhan gyis mi thub pa zhes bya ba dang/ rab tu gnas pa dang
 rnam par gnon pa la sogs pa gzung ngo/ /sogs pa'i tshig gis ni rig so so dang/ lha so so'i bye brag gi dkyil 'khor rnams kyang bsdu'o/ /de bas na tshig gi don ni 'di lta ste/ de bzhin gshegs pa la sogs pa rnams kyi sku dang gsung dang thugs gsang ba'i ngo bo nyid rang bzhin gyi
 dkyil 'khor chen po la sogs pa rnams gang goms pa las bye brag tu 'byung ba de ni/ dkyil 'khor chen po la sogs pa 'byung ba ste/ bzlas brjod kyi yan lag bzhi ste/ me la gnas pa la sogs pa sgra'i bsam gtan gyi bdag nyid rig sngags dang gsang sngags kyi thabs
 chen po la bya'o/ /'dis kyang rig sngags la sogs pa'i thabs de longs spyod rdzogs pa dang sprul pa'i sku mang po'i rgyu yin par bstan to/ /rig sngags kyi thabs las yon tan rin po che mdza' yas pa 'byung ba de'i mthu tshig re re nas sgrags par bya mi nus pas mdor bstan pa/ 'dod pa'i
 don ni rjes su sgrub ces gsungs te/ des 'di skad gsungs pa yin no/ /nges par legs pa dang/ mngon par mtho ba'i rgyur gyur ba'i don gang 'dod pa de dag nyid 'di goms pa las byung ngo zhes pa ste/ de lta bu'i rig sngags dang/ gsang sngags kyi thabs chen po bshad par bya'o
 zhes bya ba 'og nas 'byung ba dang sbyar ro/ /rig sngags dang gsang sngags mnyes par bya ba'i cho ga thabs shes bya ba de yang rnam pa gnyis te/ gcig gi dam tshig 'dzin pa dang/ dbang bskur ba dang/ sbyin sreg dang/ mchod pa la sogs pa nges pa'i mtshan nyid do/ /de las gzhan pa
 ni bzlas brjod kyi yan lag bzhi dang/ me la gnas pa la sogs pa sgra'i bsam gtan gyi rang bzhin no/ /de gnyis las 'dir ni bzlas brjod kyi yan lag bzhi'i sbyor ba la sgra dang sems dang/ bzhi'i bsam gtan dang me la gnas pa dang/ sgra'i bsam gtan la sogs
 pa'i mtshan nyid kyi thabs zhes bya ba nyid rtag par bya ste de bstan pa'i phyir/ cho ga gang dang gang dag gis/ /bsam gtan las la gang gnas pa/ /de bzhin gshegs la phyag 'tshal nas/ /de dag ma lus bshad par bya zhes gsungs so/ /de la cho ga gang dang gang gis zhes bya
 ba ni bzlas brjod kyi yan lag bzhi dang/ me la gnas pa la sogs pa sgra'i cho gas so/ /gang gnas pa zhes bya ba ni rig sngags la sogs pa'i thabs te/ rig sngags la sogs pa rnams sgrub pa'i thabs so/ /yul gang la de gnas zhe na/ bsam gtan las la zhes
 gsungs te/ gsang sngags la sogs pa sems dpa' i mtshan nyid bsam gtan gyi bya ba la gnas zhes bya ba'i don to/ /de dag bshad par bya zhes bya ba ni bzlas brjod kyi yan lag bzhi dang me la gnas pa la sogs pa'i rang bzhin du bsam gtan gyi las la
 gang gnas pa gang yin pa de nyid bshad pa'o/ /ma lus zhes bya ba ni cho ga gang dang gang dag gis gnas pa'i cho ga de ma lus par bshad do/ /zhes bya ba'i tha tshig go /de bzhin gshegs la phyag 'tshal nas zhes bya ba ni phyag byas nas dam pa'i spyod pa'i rjes su
 'jug pa bstan to/ /des kyang 'di skad bstan te/ bsam gtan gyi las nyid la rig sngags la sogs pa'i thabs bshad pa bzlas brjod kyi yan lag bzhi la sogs pa bsam gtan gyi mtshan nyid yin pa de nyid bstan gyi/ dam tshig dang/ dbang bskur ba dang/ sbyin
 sregs la sogs pa'i mtshan nyid bstan pa ni ma yin te/ de dag gzhan du bshad zin pa'i phyir ro zhes bya ba'i tha tshig go /bzlas brjod kyi yan lag bzhi la sogs pa'i mtshan nyid rig sngags la sogs pa'i bsam gtan de yang ci dgos she na/ gsang sngags bsam
 gtan zhes bya ba/ /mchog tu gsang ba yang dag gsungs/ /drang srong dka' thub chen po yang/ /de dag med na mi 'grub po zhes bya ba gsungs so/ /des ni 'di skad bstan te/ gsang sngags kyi bsam gtan med na/ gsang sngags la mngon par brtson pa'i drang srong rnams kyang mi
 'grub ste/ de bas na gsang sngags kyi bsam gtan bshad par bya'o zhes bstan pa'o/ /de la 'dir gsang sngags rnams kyi bsam gtan ni rnam pa gnyis te/ bzlas brjod kyi yan lag bzhi dang/ me la gnas pa dang/ sgra la sems pa'i bsam gtan dang/ de las gzhan pa
 ni rang gi lha'i rnal 'byor gyi bsam gtan no/ /de la tshigs su bcad pa 'dis ni bzlas brjod kyi yan lag bzhi dang/ me la gnas pa dang/ sgra la sogs pa'i gsang sngags kyi phan yon gsungs pa ste/ de la gsang sngags kyi bsam gtan mchog tu gsang ba gsungs zhes
 bya ba dang sbyar ro/ /bsam gtan zhes bya ba ni sems dpa' ste/ yan lag bzhi la sogs par gnas pa'i gsang sngags kyi bsam gtan yang dang yang du mngon du byed pa zhes bya ba'i tha tshig go /bya ba zhes bya ba'i sgra ni srid pa ste/ des gsang sngags rnams sems dpa' mchog tu
 gsang ba srid do/ /zhes bya ba'i tha tshig go /mchog ni dam pa'o/ /gsang ba ni mi bstan pa ste des ni 'di ltar dgongs so/ gsang sngags kyi bsan gtan de gsang sngags thams cad grub pa'i yan lag gi snying por gyur pa yin yang rgyud so so dag tu gsal bar rnam par phye ste ma bstan pa ni slar
 sdud pa dang/ srog dang rtsol ba la sogs bsam gtan gyi yan lag rnams nan tan du byed mi nus pa'i gdul bya'i 'gro ba rnams gzung ba'i phyir ro/ /mi mngon pa'i tshig tu ni thams cad du yang phal cher gsungs te/ phyis bshad par bya'o/ /gsang sngags zhes bya ba ni sgra dang yi
 de'i rang bzhin de bzhin gshegs pa'i thugs kar zla ba'i dkyil 'khor la sogs pa la dgod pa rnams kyi zhes bya ba'i tha tshig go /de dag med na zhes bya ba ni sgra dang yi ge sems dpa' i mtshan nyid bsam gtan de dag med na/ dngos grub rab la sogs pa thob par mi 'gyur ro/ zhes bya ba'i
 don to/ /de yang su zhe na/ drang sron dka' thub chen po yang zhes bya ba ste/ des 'di skad bshad par 'gyur ro/ /drang srong rnams kyang gsang sngags bsam gtan med par mi 'grub na/ sgrub pa po gzhan lta ci smos zhes bya ba'i don to/ /drang srong zhes bya bas kyang lus dang ngag dang yid
 bsdams pa dang ldan par bstan pa ste/ 'di ltar lus la sogs pa bsdams pa ni thub pa zhes bya'o/ /thub pa yang drang srong sgra'i rnam grangs su 'jig rten na snang ngo/ /dka' thub po zhes bya ba'i bye brag gis ni bzlas brjod dang khrus dang sbyin sreg la sogs pa'i phyi rol gyi bya ba rnams bstan to/
 des ni tshul khrims dang/ brtul zhugs dang/ dka' thub dang ldan pa'i drang srong dka' thub chen po dang ldan pa yang gsang sngags kyi bsam gtan med na mi 'grub po zhes bya bar bstan no/ /da ni bzlas brjod kyi bye brag gis bdag nyid che ba bstan pa'i sgo nas/ bdag lha nyid gyur ba'i
 rnal 'byor gyi mtshan nyid bsam gtan gyi phan yon bstan pa/ gsang sngags rnal 'byor can rnams ni/ /gsang sngags bzlas brjod me 'bar 'dra/ skye dang 'chi ba 'jig byed pa/ /rdo rje can gyis sngon gsungs so/ /zhes bya ste de la gsang sngags kyi rnal 'byor can sgrub pa po rnams
 kyi gsang sngags kyi bzlas brjod ni brjod pa ste/ me 'bar ba zhes bya ba dang sbyar ro/ /de la bzlas brjod ces bya ba ni yid la smra ba dang/ gshibs te smra ba'i gsang sngags kyi bzlas brjod do/ /gsang sngags zhes bya ba ni de bzhin gshegs pa'i thugs kar zla ba'i
 dkyil 'khor la gnas pa'i sgra dang/ yi ge'i rang bzhin rnams kyis zhes bya ba'i tha tshig go /gsang sngags rnal 'byor can rnams kyi zhes bya ba ni gsang sngags lha'i gzugs kyi mtshan nyid kyi rnal 'byor dang ldan zhing mi gnyis pa dbyer med pa'i sgrub pa po gang yin pa de dag
 gsang sngags kyi rnal 'byor can te/ lha nyid kyi rnal 'byor byas pa zhes bya ba'i tha tshig ste/ de dag gi bzlas brjod gang yin pa de me 'bar ba zhes bya ba dang sbyar ro/ /de la lha'i rnal 'byor byas pa rnams kyi/ /bzlas brjod ni me 'bar ba dang 'dra ste/ zhes bya ba 'dis lha'i rnal 'byor gyi mtshan nyid
 bsam gtan gyi phan yon bstan te/ bzlas brjod kyi dpe me 'bar ba las blangs pa yang 'di ltar dgongs te/ gang gi phyir bdag gi de kho na nyid rtag tu mngon du byas pa'i lha'i de kho na nyid kyi mtshan nyid ni lha'i rnal 'byor du bstan to/ /bdag gi de kho na nyid brtag pa yang nyon mongs
 pa dang shes bya'i sgrib pa'i gnyen po goms par byed pa ste 'og nas 'chad do/ /de bas na lha'i rnal 'byor byas pa'i bzlas brjod rtsom pa nyid na yang nyon mongs pa dang las kyi sgrib pa thams cad kyi bud shing bsreg pa'i phyir me 'bar ba dang 'dra ste/ zhes brtags so/ /rang bzhin yang yan lag
 bzhi'i bsam gtan la zhen pa'i sbyor bas tshul bzhin ma yin pa yid la byed pa la sogs pa'i gnyen po yin pa'i phyir ro/ /de bzhin du 'bras bu yang sangs rgyas pa'i mthar phyin pa'i bar du mi shes pa'i bud shing thams cad sreg pa'i rgyu yin pa'i phyir ro/ /de bas na skye dang 'chi ba 'jigs
 byed pa zhes bya ba gsungs te/ mngon du dang brgyud pa las 'gyur ro/ /zhes bya ba'i tha tshig go /da ni lha'i rnal 'byor gyi mtshan nyid kyi bsam gtan dang bzlas brjod kyi yan lag bzhi'i sgrib bsam gtan de dag mjug bsdu ba'i sgo nas dus cig tu nan tan bya bar bstan pa'i phyir de bas nges
 'dir gsang sngags kyi/ bsam gtan tshim bya me dag la/ dngos grub 'dod pa dag gis ni/ rtag tu rgyun tu sbyor bar bya zhes bya ba gsungs so/ /de la gang gi phyir bzlas brjod kyi tshe gsang sngags kyi sgra dang/ yi ge'i rang bzhin gyi bsam gtan gsang ba gsungs pa dang/ lha'i rnal 'byor
 byas pa'i sngags pa'i bzlas brjod kyang me 'bar ba zhes bya ba gsungs pa de'i bzlas brjod byed pa des bzlas brjod kyi tshe de bzhin gshegs pa'i gzhi la gsang sngags kyi sgra dang yi ge'i 
 rang bzhin bkod pa sems pa ni bsam gtan no/ /tshim par bya ba ni gsal bar snang bar bya'o/ gang gi dus
 su zhe na me dag la zhes bya ba gsungs te/ me 'bar ba la zhes bya ba'i don to/ /me 'bar ba zhes bya ba'i bzlas brjod kyis kyang lha'i rnal 'byor byas pa'i bzlas brjod byed pa'i bzlas brjod bstan te/ gang gi phyir gsang sngags kyi rnal 'byor pa rnams kyi bzlas brjod me 'bar zhes gsungs pa de'i
 phyir lha'i rnal 'byor byas nas de bzhin gshegs pa la sogs pa rnam par bkod pa'i gsang sngags la dmigs pa mngon du byas te/ bzlas brjod bya'o zhes gsungs pa yin no/ /me dag la zhes bya ba 'dis me la gnas pa'i gsang sngags kyi sbyor ba'i cho ga 'og nas 'byung ba
 bstan to zhes smra ba gang yin pa de ni skabs mi shes pas zan gyi dus na yang lan tshwa dang ldan pa'i tshod ma la sogs pa'i sgra thos nas/ rta dang lhan cig tu tshod ma za bar yid ches kyang srid do/ /'di ltar gsang sngags kyi sbyor ba'i skabs rnam pa gnyis 'chad pa ni/ bzlas brjod kyi yan
 lag bzhi'i cho ga'i mtshan nyid dang/ /me la gnas pa la sogs pa sgra'i bsam gtan gyi mtshan nyid do/ /de la yan lag bzhi'i bsam gtan la ni gsang sngags gshibs te brjod pa dang/ yid kyi brjod pa gnyis/ sngags bzlas yan lag mnyams par zhes 'og nas 'chad 
 do/ /me la gnas pa la sogs pa sgra'i sbyor ba ni sems pa mtshan nyid bsam gtan nyid du 'chad de/ me'i nang gnas zhi ba ste/ tshig rnam dag pa yan lag ldan/ /srog dang rtsol ba 'gags pa'i bdag /gnyid spangs nas ni rnam par bsam/ zhes bya ba la sogs pa'i
 gzhung gis bstan to/ /bsam mo zhes bya ba'i tshig bstan pa'i phyir ro/ /bsam pa yang bsam gtan gyi mtshan nyid de/ rtogs pa dang sems pa dang/ bsam gtan zhes bya ba ni rnam grangs yin pa'i phyir ro/ /skabs 'dir ni/ rnal 'byor ba'i bzlas brjod
 me 'bar ba zhes bya ba gsungs so/ /zhes bya ba bshad nas mjug bsdu ba'i tshig byed pa na/ bzlas brjod me 'bar ba zhes bya ba de nyid lha dang gsang sngags dag gi bsam gtan la sbyar bar rigs kyi skabs su ma bab pa'i me la gnas pa'i sgra'i bsam gtan la ni
 mi bya'o/ /me la gnas pa'i sgra'i bsam gtan de la ni logs shig tu bsam gtan la sogs pa'i skabs 'og nas 'chad pa'i phyir ro/ /rab tu 'phros pa ni mi dgos kyi gtang ngo/ /de la brtag pa zhes bya ba ni nyi ma re re'o/ /rgyun tu sbyor bar zhes bya ba ni/ bzlas
 brjod ma rdzogs kyi bar du ste/ 'og nas 'chang ba'i rim gyis brjod cing gsang sngags kyi sgra la dmigs par bya'o zhes bya ba'i don to/ /'di yang gsang sngags bzlas brjod byed pa'i bsam gtan gyi tshe na bya bar bya ba'i rgyud thams cad kyi spyi'i cho ga bsdus pa'i
 rgyud 'phags pa rab tu grub par byed pa dang/ dpungs bzangs dang/ dpal rtog pa bsdus pa la sogs pa dang/ bye brag gi rgyud 'phags pa rnam par snang mdzad mngon par rdzogs par byang chub pa rnam par sprul pa'i byin gyis brlab pa dang/ 'phags pa phyag na rdo rje mngon
 bar dbang bskur ba dang/ byang chub kyi snying po dang/ rig 'dzin gyi sde snod la sogs pa las gsungs te/ kha cig tu ni mi mngon pa'i tshig tu bshad kha cig tu ni gsal bar bstan te/ 'di ltar rab tu grub par byed pa las bzlas brjod byed pas bzlas brjod tshe/
 rig sngags lha nyid gtad nas ni/ sgom pa mchog tu gces pa yang/ rtog pa bzung nas yod mi bsam zhes bya ba la sogs pa gsungs pa'o/ /de bzhin du dpung bzangs las kyang/ snyom dang bud med mi dge ldan pa'i sems/ /gang dang gang du kun tu rgyu ba dag /de
 dang de nas bsgrims te rnam bzlog nas/ /gsang sngags yi ge mchod la sbyar bar bya zhes bya ba dang/ /de bzhin du bsam gtan dag dang ldan pa'i sgrub pa po/ /shes las byung ba dga' ba rab tu bskyed/ /dga' las lus ni shin tu sbyangs pa thob/ /shin tu sbyangs sems bde
 pa'i skal ldan 'gyur/ dga' ba de yid gcig ting nge 'dzin gyur na/ de tshe bzlas brjod dogs pa med par 'gyur/ zhes bya ba la sogs pa gsungs so/ /bdag gi de kho na nyid brtag pa yang de nyid las gsungs te/ 'dod chags la sogs nyon mongs dri mar bcas/ de bas sems
 ni 'khor ba yin par gsungs/ nyon mongs rnam grol shes dang zla 'dra ba/ srid pa'i rgya mtsho mthar ni kun tu bsgrags zhes bya ba la sogs pa'i gzhung gis bshad do/ /de bzhin du rnam par snang mdzad mngon par byang chub pa las kyang bzlas brjod byed pa'i tshe/
 bzlas brjod kyi yan lag bzhi'i sbyor bas gsang sngags kyi sbyor ba gsal ba nyid du bshad do phyag na rdo rje mngon par dbang bskur ba las kyang 'jam dpal nam sngags pa lhun gyi grub par lha nyid kyi nga rgyal du gyur pa de'i tshe/ gsang sngags thams cad mngon du phyogs par gnas par 'gyur ro bzhes
 gsungs so/ /rig sngags 'chad gi sde snod las kyang/ ri mo la sogs pa la gnas pa'i lha'i bsam gtan bya ba 'dis ni snyan cha kun tu bskyod/ /ne'u le rkyal bu bskul ba snyam/ de ltar bzlas brjod 'bad pa'i tshe/ zhabs la sogs pa'ang rim gyis brtag ces gsungs
 pa dang/ bdag gi de kho na nyid brtag pa yang gnas pa gsum dang/ rnam par thar pa'i sgo gsum la gzhol bar bya'o/ /zhes de nyid las gsungs te/ gnas pa gsum ni 'phags pa'i dang/ lha'i dang tshangs pa'i gnas pa'o/ /de la 'phags pa'i ni 'phags pa'i
 bden pa bzhi'o/ /lha'i de bsam gtan bzhi'o/ /tshangs pa'i ni tshad med pa bzhi'o/ /stong pa nyid dang/ mtshan ma med pa dang/ smon pa med pa'i mtshan nyid ni rnam par thar ba'i sgo gsum yin no zhes de las bshad do/ /dpal rtog pa bsdus pa las ni/ chos
 bdag med pa goms par bya ba dang/ lha'i rnal 'byor gzhung rab tu mang pos bstan pas 'dir ma bris so/ /de bas na de la sogs pa'i rgyud las/ ji ltar srid pa'i lha'i gzugs dang/ gsang sngags kyi sgra'i bsam gtan du byas
 pa nyid kyi bzlas brjod gsungs so/ /gang dag tu gdul bya'i dbang gis ma bshad pa de dag ni rgyud thams cad kyi cho ga bsdus pa'i rgyud 'phags pa dpung bzang dang/ dpal rtog pa bsdus pa la sogs pa las gsungs so/ /de dag du yang gsang sngags
 kyi bsam gtan ni bstan gyi de'i sbyor ba ma bshad do/ /'dir ni yan lag bzhi la sogs pa bshad pas rab tu gsal bar bstan par rig par bya'o/ /da ni rig sngags dang gsang sngags kyi thabs chen po'i yul rab tu dbye ba dang/ mtshan nyid bshad
 do/ /de la rig sngags dang gsang sngags ni rnam pa drug gi bdag nyid de/ byang chub kyi sems kyi mtshan nyid gnyis su med pa'i ting nge 'dzin dang sgra dang yi ge dang/ phyag rgya dang/ gzugs dang/ kun rdzob kyi ting nge 'dzin rnam pa dang bcas pa'i bye brag go /de
 dag gi dngos grub mchog la sogs pa dang/ zhi ba la sogs pa'i las kyi mtshan nyid rang gi bya ba sgrub pa'i thabs ni thabs so/ /zhes mda' gzhu'i mtshon cha la sogs pa'i dpes sngar bstan zin to/ /thabs de yang 'dir rnal 'byor la gnas par 'dod kyi bya ba
 la gnas pa ni ma yin no/ /de la yang bye brag rnam pa gnyis te/ gcig gi bzlas brjod la bltos pa dang bcas pa/ rig sngags dang gsang sngags kyi gzugs la sogs pa mngon du bya ba goms par byed pa'i mtshan nyid do/ /de las gzhan pa ni bzlas brjod la mi
 bltos pa me la gnas pa la sogs pa sgra la mngon par brtson pa'i mtshan nyid do/ /de yang yan lag bzhi la sogs pa rig sngags dang gsang sngags kyi thabs chen po sgrub pa dang de las gzhan yang sngar lha mchod nas bdag gi de kho na nyid dang/ rig sngags kyi de kho
 na nyid bsgrub pa sngar bya bar 'dod de/ de bas de bstan pa/ lha yi sku yi gnas de la/ dang po kho nar mchod nas ni/ zhes bya ba la sogs pa nas/ srog dang rtsol ba rab tu bsdams zhes bya ba'i bar du'o/ /de'i 'og tu yang bzlas brjod la ltos pa'i rig sngags dang/
 gsang sngags kyi gzugs la sogs pa mngon du bya ba goms par bya ba'i mtshan nyid rig sngags dang gsang sngags kyi thabs chen po gsungs pa/ sgra dang sems dang gzhi la gzhol/ /gsang sngags mi 'gyur gzhi la gnas zhes bya ba la sogs pa nas/ mis ni dngos grub thob
 par 'gyur zhes bya ba'i bar du'o/ /de'i 'og tu yang bzlas brjod la mi bltos par rig sngags dang gsang sngags kyi gzugs la sogs pa mngon du bya ba goms par sbyor ba phan yon dang bcas par bstan pa/ gsang sngags me gnas dngos grub star zhes bya ba la sogs pa
 nas/ yan lag spangs pa rgyal bas mkhyen zhes bya ba'i bar du'o/ /de'i 'og tu gsang sngags dang rig sngags la dmigs pa/ goms par byed pa'i mtshan nyid thabs zhes bya ba rnam pa gnyis po 'di nyid kyi yan lag rnams bstan pa/ srog rtsol dka' thub bsam gtan
 dang zhes bya ba la sogs pa nas/ tshangs la rtag tu rig bya bas zhes bya ba'i bar du'o/ /'di ni re zhig rig sngags dang gsang sngags kyi thabs chen po yan lag dang bcas pa mdor bstan pa'i tshig rnams bsdus pa'i don to/ /yan lag gi don brtag pa ni de la/ lha yi sku
 yi gnas de la/ dang po kho nar mchod nas ni zhes pa mchod pa smos pa ni mtshan ma bstan pa ste/ de bas na gtsang sbra bya ba dang/ gnas dang/ bdag bsrung ba dang/ lha spyan drangs ba la sogs pa yang 'dir bya dgos par shes par bya'o/ /gang gi phyir zhe na lha spyan ma drangs shing
 gnas bsrung ba ma byas par sgrub pa pos lha mchod pa'i skabs med pa'i phyir ro/ /gtsang sbra la sogs pa mchod pa'i cho ga'i bar de dag kyang/ rig sngags la sogs pa'i brtag pa thams cad las shes par bya'o/ /'dir yang mchod nas zhes bya ba'i tshig gi mtsham sbyor
 ba tsam 'ba' zhig bstan to/ /'dir yang mchod nas zhes sngon gyi dus su bya ba'i tshig 'di'o gnas 'byung ba phyis bya ba bzlas brjod la sogs pa bstan pa'i tshig dang 'brel to/ /de la mchod nas zhes bya ba ni/ skabs 'dir mchod pa rnam
 pa bzhi bstan te/ phyag rgya dang/ gsang sngags dang/ yid kyi dang/ zang zing dang/ mchod pa bzhi'i bye brag go /lnga pa ni nan tan gyi mchod pa ste/ lha'i sku'i gnas de la de mi srid pa'i phyir ro/ /de skabs 'dir mi sbyar ro/ /de la zhes bya ba'i tshig de lha'i sku'i gnas zhes bya ba de
 dang sbyar ro/ /de'i don 'di ste/ lha gang gi bzlas brjod la sogs pa'i mtshan nyid rig sngags dang gsang sngags kyi thabs chen po goms par 'dod pas/ de mchod nas bzlas brjod la sogs pa goms par bya'o/ /zhes bya ba'i don to/ /mchod pa de yang lha de'i gang du
 bya zhe na/ sku'i gnas zhes bya ba ste/ de la sku nyid gnas pas na sku'i gnas so/ /sku dang gzugs dang lus shes bya ba ni rnam grangs so/ /des ni don 'di ltar 'gyur te/ ri mo dang sku gzugs la sogs pa'i lha'i gzugs kyi mtshan nyid sku'i gnas la mchod pa byas nas/ bzlas
 brjod la sogs pa bya'o zhes bstan to/ /rnal 'byor gnas bcas pa zhes bya ba ni/ rnal 'byor gyi phyir 'dug pas na rnal 'byor gnas so/ /de la rnal 'byor ni sbyor ba ste/ ji ltar srid pa'i lha ba drug la kun tu sbyar ba zhes bya ba'i tha tshig ste/ de dang rjes su mthun par gnas pa ni rdo rje dang
 bkra shis dang sems pa'i skyil mo krung la sogs pa'i mtshan nyid do/ /bde gshegs mdun du bsams nas ni/ zhes bya ba 'di bzlas brjod la sogs pa'i sbyor ba thams cad/ bcom ldan 'das kyi spyan sngar bya ba bstan to/ /de ltar ci mngon zhe na/ lha'i rnal 'byor gyi mtshan nyid rig sngags
 kyi brtul zhugs kyi gnas bstan pa'i sgo nas don dam pa bzlas brjod kyi gnas 'og nas/ gsang sngags la sogs ldan pa mi rig sngags khro bo mang po kun/ /rgyal ba'i skul mngon phyogs nas/ /bsam gtan ngoms phyir rtag tu gnas zhes bstan to/ /da ni bdag gi de kho
 na nyid brtag par bya ste/ de la gzhan gyis yongs su brtag pa'i bdag ni kun rdzob kyi bden pa'i tha snyad du yang mi bzod pas na rnal 'byor pa'i gzugs la sogs pa'i phung po lnga po rnam par ma bshig pa'i rang bzhin 'di nyid la bdag ces brjod par shes par bya'o/ /rnal 'byor ba'i bdag
 de lta bu'i phyin ci ma log pa'i rang bzhin ni bdag gi de kho na nyid de/ de yang 'di ltar dgongs so/ rig pa dang lung ngag gis brtags nas/ de'i phung po lnga'i mtshan nyid kyi bdag phyin ci ma log pa'i ngo bo nyid tsam zhig lhag ma lus pa med par skur ba gdab mi nus pa gang yin pa de ni bdag gi de kho na
 nyid do/ de yang don dam pa'i bden pa'i yul spros pa thams cad kyi bag chag kyi bzhi dang bral ba rnam pa med pa rang gis rig pa'i ngo bo nyid gnyis su med ye shes kyi mtshan nyid yin par 'dir 'dod do/ /de lta bu'i bdag gi de kho na nyid rtogs par bya ba'i thabs gsungs pa/ phyi nas yan lag rnam grol
 pa/ mi 'byed 'byed pa rnam par spangs/ phra ba mi g.yo gsal ba ste/ blo'i spyod yul mdun du gnas/ /bdag nyid 'di 'drar bzhag nas ni/ zhes bya ba'o/ /de la yan lag la sogs pa las rnam par grol ba'i tshig rnams dang/ bdag nyid 'di 'drar gzhag nas zhes bya ba 'di dang sbyar ro/ /de la
 mig la sogs pa'i yan lag las rnam par grol zhing bral ba ni/ yan lag las rnam par grol ba'o/ /yan lag las rnam par grol ba'i bdag de bzhag nas zhes bya ba'i tshig 'og ma rnams dang yang de bzhin du sbyar ro/ /yan lag las rnam par grol ba'i bdag de yang ci 'dra
 ba zhig ce na/ mi 'byed ces bya ba gsungs te/ de la yan lag yongs su spangs pa'i sgo nas gzhan gyi rgyud la gnas pa'i mig dang rna ba la sogs pa'i rnams par shes pas kyang mi 'byed cing mi 'dzin pas na mi 'byed pa ste/ gzugs med ces bya ba'i tha tshig go /da ni gzugs med pa la sogs
 pa'i ngo bo nyid kyi bdag ste gzugs la sogs pa la dmigs pa dgag pa'i phyir/ /'byed pa rnams par spangs zhes bya ba gsungs so/ de'i don 'di lta ste/ /mig la sogs pa'i yan lag yongs su spangs pa nyid kyis/ mig la sogs pas bskyed pa'i rnam par shes pa dmigs par byed pa rnams med
 do/ /med pas na gzugs la sogs pa dbye ba rnams la 'dis dmigs pa spangs pa'i phyir/ 'byed pa rnam par spangs pa ste/ de la 'byed pa rnam par spangs zhes bya ba snga ma bzhin du sbyar ro/ /des ni yan lag rnam par grol bas na/ bdag gzugs
 la sogs pa'i rang bzhin yang ma yin/ gzugs dang sgra la sogs pa la dmigs par byed pa'i rang bzhin yang ma yin zhes bshad par 'gyur ro/ /de lta bu'i bdag gi rang bzhin 'di bcom ldan 'das kyis kha cig tu ni gnyis su med pa'i ye shes kyi rang bzhin du de bshad pa
 la/ mos pa'i sems can rnams la bstan to/ /'dir ni bdag gi de kho na nyid kyi rang bzhin du bstan te/ de lta bu'i sgra thos pa tsam gyis 'dul ba'i 'gro ba bsdu ba'i sgo nas bshad par mngon no/ /de la 'di snyam du sems pa dag kyang yod de/ gal te bdag gi de kho na nyid po
 'di bdag rang phyi rol gyi gzugs kyi rang bzhin yang ma yin phyi rol gyi gzugs la dmigs pa'i rang bzhin yang ma yin du zin kyang/ gang rmi lam gyi rnam par shes pa dang 'dra bar nang gi 'khrul ba las phyi rol gyi don snang ba ste/ 'dir sus bkag ces gang rgol ba de'i
 lan du phra ba zhes gsungs so/ /de 'di ltar dgongs te/ ci tsam du nang gi rgyud 'khrul pa'am/ phyi rol gyi don gyi dbang gis don gyi rnam par snang ba de tsam du bdag ces bya ba shes pa'i rang bzhin de rigs so/ /de med pa ni rnam pa thams cad du rnam par grol ba phra ba'i dngos po nyid yin
 par mngon no/ /da ni bdag gi de kho na nyid ye shes kyi rang bzhin te/ zhum pa dang rgod pa med par bstan pa/ mi g.yo gsal ba ste zhes bya ba gsungs so/ /de la mi g.yo ba ni mi 'gul ba mi 'gyur ba zhes bya ba'i tha tshig go/ 'dis kyang shes rab rgod pa'i rnal 'byor ba chos rnam par
 'byed pa'i rnam par rtog pa goms par byas pa'i sems g.yo ba zhi ba'i mtshan nyid rgod pa dgag pa gsungs so/ /de bas na sems mi g.yo ba ni lam la nye bar zhi ba yin no/ /zhes bshad do/ /de bzhin du gsal ba zhes bya ba ni dang ba ste/ rmugs pa la sogs pa'i nyes pa dang bral zhes
 bya ba'i tha tshig go/ 'dis kyang zhi gnas gcig por song ba'i rnal 'byor pa chos rnam par dbye ba'i dus ni yang gang ha cang mnyam par bzhag ces pa/ sems zhum pa'i mtshan nyid rmug pa chos rnam par 'byed pa'i mi mthun pa'i phyogs su 'gyur ba de bkag go/ de ltar bdag gi de kho na
 nyid yan lag med pa/ dmigs pa med pa/ gzugs med pa/ rnam pa med pa mi g.yo ba gsal bar rjes su myong ba mtshan nyid yin yang rnam par dpyod pa'i lam ma spangs pa nyid du 'dod pas/ blo yi dpyod pa mdun na gnas zhes bya ba gsungs so/ /blo ni shes rab po'i de'i
 rang gi yul la 'jug pa ni dpyod pa ste/ blo'i dpyod pa'o/ /blo'i dpyod pa de shes rab kyi snang ba'i mtshan nyid/ bdag gi de kho na nyid gang yin pa'i mdun na gnas pa de ni blo'i dpyod pa mdun na gnas pa'o/ /des 'di skad gsungs par 'gyur te/ rang gis rig pa'i rang bzhin de rnam
 par mi rtog pa yin yang shes rab kyi snang ba mdun na dpyod pa nyid du 'jug go /zhes bshad do/ /shes rab de bdag gis de kho na nyid dang tha mi dad du zin kyang/ bdag gi de kho na nyid kyi mdun na gnas zhes gsungs te/ snang ba'i dpe bzhin no/ /de ltar ci mngon zhe na/ snang ba mngon du byas nas mig
 can gyi dngos po snang ba rnam mthong ngo zhes bya ba lta bu'o/ /de ltar gzung ba dang 'dzin pa'i yongs su rtog pa'i rang bzhin las rnam par grol ba gzugs med pa rnam pa mi g.yo ba rab tu 'od gsal ba/ rang gi rig pa'i rang bzhin bdag gis de kho na nyid bstan nas mjug bsdu ba'i phyir ro/ /bdag nyid
 'di 'drar bzhag nas ni/ zhes bya ba gsungs te/ 'di 'drar zhes bya ba ni gong du smos pa'i mtshan nyid ltar ro/ /bzhag nas zhes bya ba ni chos rnams kyi rang dang spyi'i mtshan nyid gsal ba'i rigs pas bsam nas zhes bya ste/ gsang sngags kyi bzlas brjod bya'o zhes 'og nas 'chad
 do/ /de ni bdag gi de kho na nyid de lta bu mngon du byas pa'i snang ba las langs nas lha'i de kho na nyid bstan pa'i phyir/ gsang sngags rnam par shes pas bsgom/ /bsdams nas ting nge 'dzin la gnas/ /srog dang rtsol ba rab tu bsdams zhes bya ba gsungs so//
 de la gsang sngags kyi rnam par rtog pa dang bcas pa dang/ rnam par mi rtog pa'i ye shes dang/ sgra dang/ yi ge dang/ phyag rgya dang/ gzugs kyi bye brag las lha rnam pa drug go /de lta bu'i gsang sngags la dmigs pa'i rnam par
 shes pa de ni gsang sngags kyi rnam par shes pa ste/ gsang sngags kyi rnam pa'i rnam par shes pa des sgom zhing bsgom pa ni gsang sngags kyi rnam par shes pas bsgos pa ste/ bdag nyid ces bya ba'i skabs dang 'brel to/ /des na 'di ltar
 dgongs te/ nam rnam par mi rtog pa'i rang bzhin bdag gi de kho na nyid de las ldang bar 'dod par gyur pa de na/ lha'i rang bzhin rnam pa drug po de bdag bsgos nas/ lha'i de kho na nyid kyi gzugs su bya'o zhes dgongs pa'o/ /de la lha'i ngo bo nyid
 kyis bsgo ba'i tshul yang 'di lta ste/ ji ltar bdag gi de kho na nyid 'di rnam par mi rtog cing rnam pa med pa/ phyogs thams cad du khyab pa de bzhin du/ bdag 'dod pa'i gsang sngags kyang de bzhin te/ de bas na 'di gnyis rnam pa thams cad
 du mtshungs pas/ lha'i rnam par mi rtogs pa'i ye shes snang ba de dag gi rnam par mi rtog pa'i bdag gi de kho na nyid ye shes snang ba'i nang du 'dus/ bdag gi yang chu dang 'o ma bzhin du 'dus pas na/ bdag cag gnyis gcig go
 zhes yongs su brtags te/ yang rnam par mi rtog pa'i snang ba'i sgo de nyid du bdag dang/ lha gnyis gcig par nga rgyal mngon du byas te/ snang ba med par gang gis rig pa shin tu mngon sum du gyur par bsam gtan bya'o/ /de las
 langs nas gsang sngags kyi sgrar rnam par brtag go de las kyang gsang sngags kyi yi ge'i rnam pa nam mkha' i nang na gnas pa snang bar bsam par bya'o/ /de dag kyang bdag gi de kho na nyid zla ba'i dkyil 'khor gyi rnam par mngon par gyur pa
 la shin tu dag pa'i dngul? chu gser gyi bye ma la zhen pa ltar nang du 'dus par bsam mo/ /de nas yang lha dang bdag gi de kho na nyid gcig tu gyur pa'i rang bzhin zla ba'i bdud rtsi las 'od zer rab tu 'phros pa'i sgo nas/ lhag pa'i lha'i gzugs dang
 bdag dang mi gnyis pa'i rnal 'byor gyi rab tu gsal bar snang zhing/ de'i nga rgyal du mngon par bsgom mo/ /bsam gtan gyi rnam par rtog pa de las kyang langs nas/ 'tshogs ma dang spyi gtsug la sogs pa'i phyag rgya rnams kyis yan lag dang
 bcas par byas la/ rnam par rtog pa dang bcas pa'i lhar bsgom mo/ /'di ni re zhig spyi'i gsang sngags kyi rnam par shes pa bsgom pa'i rim pa'o/ /gang kha cig tu rnam pa gzhan du gsungs pa de dag du yang de bzhin du sbyar bar bya'o/ /da ni gsang
 sngags rnam pa drug po de dag nyid kyi rnam par shes pas bsgo ba ni sems dpa' i mtshan nyid/ bsam gtan gyi lha'i gzugs dang bdag mi gnyis par ji ltar bsams pa'i ting nge 'dzin mngon du byas pas/ yun ring du dmigs shing gsal
 bar snang bar bya ba bstan pa/ bsdams nas ting nge 'dzin la gnas zhes bya ba gsungs te/ 'dir yang bdag ces bya ba dang 'brel te/ de bas na bdag bsdams nas ting nge 'dzin la gnas par bya'o/ /zhes bya bar 'gyur ro/ /de la bdag bsdams
 pa ni dran pa srog dang rtsol bar ldan par ji ltar ting nge 'dzin du bya ba'i lha'i gzugs las gzhan du mi 'phro ba'o/ /ting nge 'dzin la gnas zhes bya ba ni/ ting nge 'dzin rtse gcig tu dmigs pa'i mtshan nyid la mnyam par ldan pa'i sgo nas gnas pas
 na ting nge 'dzin la gnas te/ bdag gis bye brag la bya'o/ /de nas 'di ltar dgongs te/ rnam pa gnyis kyi lha'i gzugs bdag dang mi gnyis pa'i rnal 'byor bskyed pa ni 'di lta ste bsam gtan dang ting nge 'dzin gyis so/ /de la bsam
 gtan ni sems pa'i mtshan nyid de dang por bsam par bya ba'i dngos po'i rang gi gzugs la rtogs pa'i rang bzhin no/ /ting nge 'dzin ni bsam gtan gyis brtags pa'i dngos po'i rang bzhin yul du gyur pa las rnam par rtog
 pa'i rab tu spros pa dang gral ba rtse gcig tu dmigs pa rnam par mi rtog pa'i rang bzhin brjod pa med pa don tsam du yul du gyur pa'i rang bzhin no/ /de bas na dang po kho nar gsang sngags rnam pa drug gi yi ges rnam par shes pa bsgoms pa/
 sems pa'i mtshan nyid bsam gtan gyis bdag gi de kho na nyid po de lha'i gzugs su rnam par brtag nas/ yang ji ltar lha'i gzugs su bsams pa'i bdag nyid de dang/ rnam pa gcig par ting nge 'dzin gyis shin tu bsgoms pas/ gsal
 bar bya bar ting nge 'dzin la gnas/ zhes bya'i tshig gi bstan no/ /ting nge 'dzin la gnas pa'i tshe/ bdag nyid bsdams pa'i tshig bcad dgod par mngon te/ bsam gtan du 'jug pa na yang bdag bsdams dgos mod kyi 'on kyang ji ltar ting nge 'dzin
 mngon du byed pa'i tshe/ bdag bsdams par 'dod pa de ltar bsam gtan mngon du byed pa'i tshe na ma yin no/ /de ci'i phyir zhe na/ bsam gtan gyi mtshan nyid ni bsam pa'i dngos po la thog ma nyid du rtogs pa'i sems pa'i rnam pa can du 'dod de/ de bas
 na bsam gtan ni bdag nyid sna tshogs su rnam par rtog pa'i rang bzhin yin pas de la bdag bsdam par ma byas kyang/ sna tshogs su rtog pa sems pa'i rang bzhin gyi bsam gtan ni thams cad du med par mi 'gyur ro/ /ting nge 'dzin ni bsam gtan gyis
 rnam par rtogs nas nges pa'i dngos po la dmigs pa ste/ ting nge 'dzin ni sems rtse gcig pa zhes bshad pa'i phyir/ de rnam pa gcig pa nyid do/ /de bas na bdag gi de kho na nyid la bsdams na/ ji ltar ting nge 'dzin du bya ba'i lha'i de kho na nyid bdag tu
 gyur ba las gzhan pa gung du yid 'gro bas rtse gcig tu mi 'gyur te/ de bas na bsdams nas ting nge 'dzin la gnas zhes gsungs so/ /bsdams zhes smras ba de yang ji ltar bsdams par bya ba mi shes te/ de bas na/ srog dang rtsol ba rab tu bsdams
 zhes gsungs so/ /de la srog dang rtsol ba ni de la srog dang rtsol ba ste/ lha'i de kho na nyid la bdag nyid ting nge 'dzin du gnas pas na/ de gnyis bsdams de la/ srog rtsol ba rab tu bsdams pa'i bdag ces bya'o/ /de la srog ces bya ba ni mig dang rna
 ba dang sna dang kha dang lte ba dang/ skyes pa dang/ bud med kyi dbang po dang/ mi gtsang ba'i khung khu dang/ skra dang ba spu'i bu ga nas 'byung ba dang/ 'jug pa'i mtshan nyid kyi rlung ste/ de bsdams pa yang skabs 'dir 'byung ba dang 'jug pa dgag pa'o/ /de ni ?
 gi lus lha'i sku'i de kho na nyid gnyis su med pa ji ltar bsams pa'i gnas ji lta ba bzhin du/ rlung 'jug pa dang 'byung ba rnam par dgag pa gyen du 'dren pa'i rlung gis/ rul sbal gyi lus bskum pa dang/ lce yis chu btung ba'i tshul du bsdus te/ ji
 ltar bsam pa'i lha'i sku de kho na nyid dang/ bdag gi lus gnyis su med par gyur pa'i nang du ting nge 'dzin nam/ bzlas brjod ma rdzogs kyi bar du 'am/ ci nus par bzung ngo/ /zhes de skad bshad pa yin no/ /rtsol bar ni dran par gsungs te
 de bsdams pa yang bzlas brjod kyi dus ma rdzogs kyi bar du 'am/ ci nus par ji ltar bsam pa'i lha nyid kyi gzugs las gzhan pa gung du dmigs dgag pa ste/ 'di de ltar ci mngon zhe na srog ces bya ba rlung du bshad/ rtsol bas dran pa zhes bya'o/ zhes
 gzhan dag las gsungs so/ /yang na ji skad smos pa'i mtshan nyid kyi srog snga ma'i rim pa nyid kyis kun tu bsdams pa rgyun bcad cing/ 'gog pa ni srog rtsol ba zhes bya ste/ srog rtsol ba des bdag shin tu bsdams pa ni srog rtsol ba rab tu
 bsdams pa'o/ /phyogs 'dir yang bdag ces bya ba'i sems bsdams pa nyid kyis/ dran pa bsdams par rig par bya'o/ /de ltar ci mngon zhe na/ sems rgyal po dran pa dang ting nge 'dzin dang yid la byed pa la sogs pa'i 'khor gyis bskor ba
 srog gi rta zhon pa nyid du 'dod de/ srog gi rta de bzung na/ sems rgyal po 'khor dang bcas pa nges par bzung bar 'gyur ro/ /'di ltar gzhan dag las kyang/ srog 'gog pa ste/ de bgag pas dran pa dang/ /bla dang yid la byed pa la sogs pa dang bcas pa'i bdag gi sems
 nges par bzung bar 'gyur ro/ /zhes gsungs so/ /de bas na de ltar rnam par shes pa gsang sngags pa drug gi rnam pa bsgoms pas lha'i de kho na nyid ces bya ba/ lha'i gzugs su bdag mngon par bsgyur la/ srog dang rtsol ba 'gog pa sngar byas te/ ting nge 'dzin du gnas par byas nas/
 bzlas brjod kyi yan lag bzhi la sogs pa 'og nas 'chad pa thams cad 'dir bya'o/ zhes bstan pa tha tshig go /de bzhin gshegs pa la sogs pa bzlas brjod kyi yan lag brtag pa yang rdo rje gtsug tor gyi rgyud 'di nyid du sngar bstan te/ de bas na
 gzhung 'di ni bsam gtan phyi ma rim par phye ba zhes bsgrags so/ /'di ltar ming bshad pa ni yan lag bzhi'i 'og tu bsam gtan gyi phyir bshad pas na bsam gtan phyi ma'i rim par phye ba zhes bya'o/ /der gang gsungs pa'i lhag ma bzlas brjod
 dang me la gnas pa la sogs pa'i sgra'i bsam gtan rigs sngags dang gsang sngags kyi thabs zhes bya ba yan lag dang bcas pa de 'dir bshad de/ de bas na sgra dang sems dang gzhi la sogs pa bzlas brjod la sogs pa'i yan lag rnams kyi mtshan nyid kyi
 tshig 'dir ma bshad pa ni 'di ltar sgra dang sems la sogs pa bshad pa thog ma nyid du rgyud 'dir bshad zin pa'i phyir ro/ /zhes bya ba'i tha tshig go /der 'di dag gi mtshan nyid bshad pa yang sgra ni sngags kyi yi ge'o/ /sems ni sngags kyi
 gzhi zla ba'i dkyil 'khor gyi rnam par gyur pa'o/ /gzhi ni de bzhin gshegs pa'i sku'i rang bzhin no/ /gzhi gnyis pa ni rang gi lha'i gzugs so/ /gzhan yang srog dang rtsol ba dang/ slar sdud pa la sogs pa'i mtshan nyid gang yin pa de dag rdo rje gtsug tor
 gyi rgyud 'di nyid du sngar bshad zin pas de dang 'brel ba bsam gtan phyi ma zhes bya ba rim par phye ba 'dir de dag gi mtshan nyid ma gsungs par shes par bya'o/ /ji ltar rnam par snang mdzad mngon par rdzogs par byang chub pa'i rgyud las bshad pa yi ge byang chub
 sems yin te/ gnyis pa la ni sgra zhes bya/ gzhi ni rang gi lha bzhag par/ rang gi lus la bya ba yin/ /gnyis pa'i gzhi ni zhes bya ba/ /rdzogs pa'i sangs rgyas rkang gnyis mchog /srog ces bya ba rlung du bshad/ rtsol ba dran pa zhes bya'o/ /zhes bya ba la
 sogs pa lta bu ste/ de bzhin du 'dir yang gzhi la sogs pa de dag gi mtshan nyid sngar bshad zin par blta'o/ /der yang lha nyid kyi rnal 'byor byas pa'i sngags pas/ mdun du de bzhin gshegs pa'i sku'i nang du bzhugs pa'i zla ba'i dkyil 'khor la gsang
 sngags kyi yi ge bzhag pa/ sngar byas pa'i bzlas brjod kyi cho ga ni gsungs na/ yid kyis brjod dam gshibs te brjod pa na yan lag bzhi rnams las/ yan lag gang la dmigs shing gsang sngags brjod par bya ba dag bye brag tu ma phye'o/ /de bzhin du bzlas
 brjod med par yang bsam gtan nyid kyis gsang sngags 'grub pa dang/ rnal 'byor dang thar pa thob po/ /zhes bya ba 'di yang der gsungs na/ ji ltar na de rnams bsam gtan nyid kyis bzlas brjod la mi bltos par dngos grub la sogs pa ster bar ma
 gsungs pas/ de la ji ltar yan lag bzhi'i gsang sngags brjod pa'i tshe/ so sor nges pa'i yan lag la dmigs pa dang/ ji ltar bsam gtan nyid kyis gsang sngags rnam dngos grub dang/ rnal 'byor dang thar ba ster bar 'gyur ba de bshad par
 bya'o/ /de la yang re zhig bzlas brjod kyi yan lag bzhi rnams kyi gsang sngags brjod pa'i tshe/ bzlas brjod byed pas rnam pa gsum gyis dmigs pa nges par bstan pa ni/ de la lha nyid du bdag rnal 'byor byas pa'i zlos pa pos mdun na bzhugs
 pa'i de bzhin gshegs pa'i thugs ka na gnas pa'i zla ba la bkod pa'i gsang sngags kyi yi ge la nges par dmigs nas/ gsang sngags brjod pa de bstan pa'i phyir/ /sgra dang sems dang gzhi la gzhol/ /gsang sngags mi 'gyur gzhi la gnas/ /yan lag ma
 mnyams gsang sngags bzlas/ /ngal na bdag la ngal sos shig/ ces gsungs so/ /de bzhin du gzhi snga ma bzhin yan lag bzhi bkod pa de bzhin gshegs pa'i gzhi'i thugs ka na gnas pa'i gsang sngags kyi yi ge dang bcas pa'i zla ba'i dkyil 'khor la
 sems pa las/ yid kyis slar bsdud pa'i sbyor bas bdag rang gi lha'i sku'i thugs ka na 'dug pa'i zla ba la gnas pa'i gsang sngags kyi yi ge la dmigs shing sngags brjod pa nges pa/ mi 'gyur ba dang yi ger ldan/ /gzhi la bzhir gyur de bzhin te/
 rang sngags phyir ni gang brtags pa/ /yid kyi dag pa bsams par bya/ zhes bya ba gsungs so/ /de bzhin du yan lag bzhi'i dgongs pa byas pa nyid kyis gsang sngags kyi sgra la dmigs shing/ /gsang sngags brjod pa'i cho ga yang/ /slar sdud pa yis
 bsdams nas ni/ /srog dang rtsol ba bsdams pa'i yid/ /sngags rig pas ni sngags la sbyar/ /yid kyi bzlas brjod brtsam par bya zhes bya ba la sogs pa gsungs so/ /'di ni re zhig yan lag bzhi rnams la dmigs pa rab tu dbye ba'i tshigs su bcad pa
 rnams bsdus pa'i don to/ /yan lag gi don bstan pa ni sgra dang sems dang gzhi zhes bya ba la sogs pa'o/ /de la gzhol bar gsang sngags bzlas brjod bya'o/ zhes bya ba dang 'brel te/ gang du gzhol zhe na/ sgra dang sems dang gzhi la gzhol
 zhes smras ba'o/ /de la sgra zhes bya ba ni gsang sngags kyi yi ge'i 'phreng ba'o/ /sems zhes bya ba ni byang chub kyi sems kyi mtshan nyid zla ba'i dkyil 'khor gyi rnam pa'o/ /gzhi zhes bya ba ni de bzhin gshegs pa'i gzhi'o/ /gzhol zhes bya ba ni zlos pa po'i bye brag ste/ de
 bas na zlos pa po sgra la sogs pa la gzhol ba ni rgyun ma chad par dmigs pa'i sgo nas zhen pa'o/ /'dis ni mdun du bsams pa'i de bzhin gshegs pa'i gzhi'i thugs ka na gnas pa'i gsang sngags kyi phreng ba dang bcas pa'i zla ba'i gzugs brnyan la dmigs
 shing gsang sngags bzlas brjod bya bar bstan te/ sgra dang sems dang gzhi smos pa ni tshig gi rim pa'i go rims bzhin no/ /de bas na dus gcig tu yang dmigs pa 'di sum rim pa 'di nyid kyi dmigs par bya'o/ /zhes bya ba'i tha tshig go/ gsang sngags mi 'gyur gzhi la gnas
 zhes bya ba ni de la shin tu bsgoms pa'i phyir rang gi snang ba'i rang bzhin las mi nyams shing mi g.yo bas ni mi 'gyur ba ste/ bdag gis shin tu bsgoms pa'i rang gi lha nyid kyi gzhi la bya'o/ /mi 'gyur ba dang gzhi yang de yin pas na mi 'gyur ba'i gzhi'o
 sgra dang yi ge la sogs pa rang bzhin gyi gsang sngags mi 'gyur ba'i gzhi ting nge 'dzin gyis rtogs pa'i gzugs kyi sku la gsang sngags mi 'gyur ba'i gzhi zhes bya'o/ /gzhi zhes bya ba ni bdag dang gzhan gyi sems dang sems las byung ba rnams kyi bzhi dang dmigs pa dang/
 rten gyi sgo nas gzhir gyur pa 'am/ skyes pa la sogs pa'i gzugs su shes shing rtogs par 'gyur ba'i snang ba'i gzhi yin pas na gzhi'o/ /gsang sngags mi 'gyur ba'i gzhi de la gnas pa'i rang gi lha'i nga rgyal dang ldan pa zhes bya ba ni tha tshig go/ gsang sngags bzlas
 brjod bya zhes bya ba ni gsang sngags brjod pa ste yid kyis ma shub bur bya'o/ /zhes bstan to/ /yan lag mnyams zhes bya ba ni zlos pa gang gi sgra la sogs pa'i yan lag ji ltar srid pa'i nga rgyal dang/ dmigs pa gsum mnyams shing yongs su ma gtang ba de yan
 lag ma nyams pa ste/ bzlas brjod kyi yan lag bzhi yongs su ma btang ba zhes bya ba'i tha tshig go/ de la gsang sngags kyi yi ge dang/ zla ba'i dkyil 'khor dang/ de bzhin gshegs pa'i sku'i mtshan nyid kyi yan lag gsum ni dmigs
 pa'i yongs su ma btang ba'o/ /bzhi pa ni bdag gi lha nyid kyi gzhi'i yan lag gang yin pa ste/ de ni nga rgyal du bya ba yongs su ma btang btang ba zhes bya ba'i tha tshig go /bzlas brjod kyi yan lag bzhi las de bzhin gshegs pa'i gzhi la sogs pa'i yan lag gsum
 la dmigs pa'i ting nge 'dzin las ldang bar bya ba'i phyir/ da lan bdag la ngal sos shig ces bya ba gsungs so/ /de la ngal ba ni srog dang rtsol ba bsdams pa dang/ yan lag gsum la dmigs shing gsang sngags 'don pas/ ngal na bdag gi rang bzhin la ngal sos shig
 ces bstan pa'o/ /de la bdag ni rnam par smin pa'i rang bzhin gyi lus su 'dod do/ /de ngal bso ba ni g.yeng ba spang ba'i phyir te/ rang gi lus lha'i skur bsam pa btang la rang gi lus su bsams te/ ldang ngo zhes bya ba'i tha tshig go /btang ba'i rim pa yang 'di
 ste/ gsang sngags kyi yi ge'i sgra ni de'i yig 'bru la sems bas btang ngo/ /yi ge yang de med pa'i zla ba la sems pas so/ /zla ba'i dkyil 'khor ni de bzhin gshegs pa'i sku 'ba' zhig la sems pas so/ /de yang rang gi lha'i sku 'ba' zhig tu sems pas so/ /
 de yang de'i yi ge'i 'bru la sems pas so/ /de yang de'i sgra la sems pas so/ /de'i sgra la lha'i ye shes kyi sku la sems pas so/ /ye shes kyi sku la sems pa de yang/ chos kyi sku la sems pas so/ /de yang mi dmigs pa'i bdag gi de kho na nyid la bya'o/ /de yang sgyu
 ma dang smig rgyu la sogs par snang ba rnam par smin pa'i lus su Nsems pa ste/ 'di ni bdag la ngal sos shig ces bya ba'i tshig gi don to/ /de la bdag gi de kho na nyid la sogs pa de dag thams cad nan tan du bya ba'i rim pa ni/ 'di ste bdag gi de kho na nyid
 bsgoms pa sngar byas te/ lha nyid kyi nga rgyal du byas pa'i zlos pa pos snga ma bzhin du rus sbal gyi yan lag bskum pa dang/ lce yis chu btung ba ltar lus thams cad kyi dbugs rgyu ba dang/ dbang po'i grong nang du phyogs par byas kyang/ phug gi nang na gnas
 pa'i mi phyi rol du blta ba'i tshul du mig zam zim du byas shing/ gdong cung zad bstod de/ rang gi gsang sngags kyi yi ge 'phreng ba dang/ zla ba'i dkyil 'khor dang/ de bzhin gshegs pa'i gzhi rnams rim pa 'di nyid kyi ri mo bting ba la cig car dmigs pa'i
 tshul du yid kyi'am shu bur gsang sngags brjod par bya'o/ /bar bar du yang lus thams cad kyi rlung skad cig tsam bag yangs su byas te/ dbugs dbyung ba na/ de bzhin du rang gi lus rang gi lha nyid kyi rang bzhin du gyur pa la bltas nas yang snga ma bzhin du phyi
 rol tu bzhugs pa'i de bzhin gshegs pa la sogs pa'i gsum la dmigs shing dbugs dbyung ba'i lha'i mdza' i bar du srog dang rtsol ba sdom zhing bzlas brjod de bzhin du bya'o/ /rim pa 'dis bzlas rjod btang ba'i bar bzlas brjod byas la/ sngar smos pa'i
 rim bas rnam par smin pa'i bdag gi lus la ngal bso'o/ /da ni yan lag bzhi dgod pa'i go rims byas pa'i zlos pa po/ /de nyid kyi gsang sngags 'don pa'i tshe/ dmigs pa'i bye brag gzhan bstan te/ de yang gsang sngags kyi yi ge bkod pa'i zla
 ba'i dkyil 'khor gyi rnam pa'i rims pas de bzhin gshegs pa'i gzhi las/ rang gi lha dang bdag gnyis su med pa'i gzhi la spo'o/ /de las kyang de bzhin gshegs pa'i gzhi la spo ste/ gsang sngags kyi mdza' 'am/ dbugs 'byung ba'i mdza' 
 phyir 'byung ba dang slar sdud pa'i sbyor bas bya ba ste bstan pa'i phyir/ mi 'gyur ba dang yi ger ldan/ /gzhi las gzhir gyur de bzhin te/ /rang sngags phyir ni gang brtags pa/ /yid kyi dag pa bsam par bya zhes bya ba gsungs te/ de la yid kyi zhes bya ba ni/
 yid las byung bas na/ yid kyis te yid zla ba'i dkyil 'khor gyi rnam par gyur pa'i gnas skabs so/ /yid ji lta bu zhig yin zhes khyad par du bstan pa'i phyir mi 'gyur ba dang yi ger ldan zhes bya ste/ de la shin tu bsgoms pa'i phyir gsal bar snang ba las
 mi 'gyur bas na mi 'gyur ba ste/ zla ba'i dkyil 'khor la bkod pa'i gsang sngags kyi yi ge rnams la bya'o/ /yi ge de rnams kyang mi 'gyur ba ni mi 'bral ba dang rgyun mi 'chad par/ rab tu snang bar yid zla ba'i dkyil 'khor gyi rnam par gyur pa gang yin pa la/ sbyar ba
 de ni mi 'gyur ba dang yi ger ldan pa'i yid do/ /yang de nyid bye brag du dbye ba'i phyir/ gzhi las gzhir gyur zhes bya ba gsungs te/ gzhi las zhes bya ba ni yang dag par rdzogs pa'i sangs rgyas kyi gzhi las so/ /gzhir gyur zhes bya ba ni rang gi lha'i sku bdag gi
 gzhir gyur pa ste/ zla ba'i dkyil 'khor gyi rnam par gyur pa'i yid de/ gsang sngags kyi yi ge dang bcas par bdag gi gzugs rang gi lhar gyur pa de'i snying gar blta zhing dbugs dbyung ba'i mdza' i bar du bzlas brjod bya'o/ /de las de bzhin du yang dag par
 rdzogs pa'i sangs rgyas kyi gzhi la blta'o/ /de las kyang yid kyi de slar bsdus te/ snga ma bzhin du rang gi lha'i sku'i gzhi la gnas par byas la bzlas brjod bya ste/ de lta bur sems shing gsang sngags gdon par bya'o/ /zhes bya ba'i tha tshig go /de bzhin zhes
 bya ba'i sgras ni bzlas brjod kyi dmigs pa'i khyad par gzhan nye bar bsdud pa bstan to/ /yang yid kyi dag pa zhes bya ba de nyid kyi khyad par bstan te/ de la yid kyi dag pa ni rnam pa gnyis te/ 'dod chags la sogs pa'i nyon mongs pa'i dri ma g.yeng ba dang bcas
 pa rnams kun nas ma langs pa dang/ zla ba'i gzugs brnyan gyi rnam par gyur pa'i gnas skabs na yang/ kun rdzogs shing dri ma med par rab tu snang ngo/ /gang brtags zhes bya ba ni/ zla ba'i dkyil 'khor gyi rnam par bsgyur zhes bya ba'i tha tshig go /rang sngags
 phyir zhes bya ba ni yid zla ba'i gzugs su brtag pa'i dgos pa bstan te/ rang gi gsang sngags kyi yi ge'i gnas kyi phyir zhes bya ba'i tha tshig go /'di bsdus pa'i don snga ma bzhin du lha'i de kho na nyid kyi sku bdag gi gzugs su gyur par bdag nyid rab tu goms par byas shing de
 bzhin du srog dang rtsol ba bsdams pa sngar byas te/ cung zad cig ting nge 'dzin gyis gsal bar rab tu snang bar byas nas srog dang rtsol ba sdams pa nyid kyis mig cung zad btsums kyang yid snang ba dang bcas par mdun du btang la ha cang mi ring bar bdag gi tshad las cung zad
 mtho bar de bzhin gshegs pa'i sku gzugs brtags de de'i thugs kar gsang sngags kyi 'phreng ba bzlas brjod bya ba nang na gnas pas brgyan pa'i zla ba'i dkyil 'khor rab tu brtag go/ de nas zla ba'i dkyil 'khor gyi gsang sngags dang bcas par snga ma bzhin du lus thams
 cad kyi rlung slar bsdu ba'i tshul gyis bdag gi snying ga'i nang na gnas par dbugs dbyung ba'i mdza' i bar du gsang sngags 'don re re nas brjod pas blta zhing bdag gi gsang sngags par byas nas yang lus thams cad nas rlung 'byung ba'i tshul du rlung dang bcas pas yid
 kyis de bzhin gshegs pa'i thugs ka'i phyogs su btang ngo/ /zla ba'i dkyil 'khor de'i nang na gnas pa'i gsang sngags kyi phreng ba la blta shing snga ma bzhin du rang gi snying ga'i nang na gnas pa la dmigs pa'i tshul gyis dbugs dbyung ba'i mdza' i bar du/ gsang sngags
 'don pa snga ma bzhin du byas la/ rim pa 'dis bzlas brjod btang ba'i bar du bzlas brjod bya'o/ /btang ba'i dus na yang yan lag gzhi char yang thang gcig tu dmigs par bya'o/ /da ni de bzhin du bzlas brjod kyi yan lag gzhi bo shin du bsgoms pas lus thams cad
 kyi rlung bsdus nas dbang po'i grong slar bsdud pa'i tshul gyis gsang sngags kyi sgra 'don pa la dmigs shing bzlas brjod bya ba bstan pa'i phyir/ slar bsdus pa yis bsdams nas su/ srog dang rtsol ba bsdams pa yis/ /gsang sngags rig pas sngags dang sbyar/ /yid kyi
 bzlas brjod brtsams par bya/ /'di nyid kyis ni cho ga yis/ /yang na shu bur bya yang rung/ /sngags rig dngos grub 'dod pa yis/ bzlas brjod gzhan du mi bya'o zhes gsungs so/ /de la yid gsang sngags la sbyar nas/ yid bzlas brjod rtsom mo zhes bya ba dang sbyar ro
 yid de yang ji lta bu zhig tu byas te/ gsang sngags la sbyar zhes/ slar bsdus pa yis bsdams nas ni/ zhes bya ba gsungs te/ mnyam par ma bzhag pa'i yid rang dgar 'byung ba mig la sogs ba'i sgo nas ji ltar srid par phan tshun tu rab tu rgyu ba lus thams cad kyi rlung bsdu
 ba'i tshul gyis slar bkug la rang bzhin gyi nang du 'jug pa ni slar sdud pa ste/ slar bsdus pa des bsdams shing bcum la nang du phyogs par byas nas zhes bya ba'i tha tshig ste/ de lta bu'i yid de gsang sngags la sbyar ro/ zhes bya ba dang 'brel to/ /yang de nyid kyi
 kyang bar bstan pa ni/ srog dang rtsol ba bsdams pa zhes bya ba ste/ gong du mos pa'i mtshan nyid kyi srog dang rtsol ba bdag yid gang gis bcum zhing bsdams pa 'am/ srog dang rtsol ba bdag gis bsdams pa ste/ de dag nyid kyis bsdams shing mi g.yo bar byas pa la/ srog
 dang brtsol ba bsdams pa zhes kyang bya'o/ /de ni srog dang rtsol ba bsdams pa'i yid yin te/ rlung gi lam dang dran pa btul zhes bya ba'i don to/ /gsang sngags rig pa sngags la sbyar zhes bya ba ni gsang sngags kyi sgra la dmigs pa'i yid de gsang sngags kyi yul la
 sbyar ba ste/ mngon par 'dod ces bya ba'i tha tshig go/ yid kyis mngon du smra zhing rnam par rtog pa'i phyir yid kyis bzlas brjod do/ /'di nyid kyi ni cho ga yis zhes bya ba ni/ gsang sngags kyi sgra la dmigs pa'i cho gas so/ /zhes bya ba'i tha tshig go /shub bur yang rung
 zhes bya ba ni gsang sngags shub bur smra zhing 'don pa'i bzlas brjod do/ /shub bu ni 'bad mi dgos par gsang sngags 'don pa'i sbyar ba'o/ /de'i dgongs pa 'di lta ste/ slar sdud pa srog dang rtsol ba shin tu bsdams pas dbang po'i byed pa mang po rang dbang med
 bar nang du phyogs par byas pa'i zlos pa po sgra chen por 'don par mi srid pas na gsang sngags sgra chung ngur 'don pa ni shub bu'i mtshan nyid du zhar la zhes par bya'o/ /shub bur yang rung zhes bya ba de nyid kyis bzlas brjod las shub bu'i bzlas brjod kyi phyogs gzhan bstan par
 mngon mod kyi yang na zhes bya ba'i sgra smos pas ni gtsug lag mdzad pas yid kyis bzlas brjod nyid bsdams par mngon no/ /dI don 'di ste/ yid kyis bzlas brjod nyid ting nge 'dzin phra ba'i rgyu yin pas rtag tu 'di nyid bya'o/ /gal te rgya la shub bur bzlas brjod byed 'dod
 na de yang de'i tshe de nyid kyi sbyar bas bya'o zhes bstan to/ /yod ni slar bsdud pa dang srog dang rtsol ba bsdams pas yid dang rlung dang/ dbang po'i byed pa'i tshogs nang du phyogs par byas pas shub bur brjod par dka' ste/ de bas na yid bde ba nyid rigs so/ ting nge 'dzin
 dbang du ma gyur pa rnams tshig brjod na ting nge 'dzin nyams par 'gyur ba yang srid de/ rig pas de dang sbyar na yang yid kyi bzlas brjod nyid mchog yin no/ /dngos grub 'dod pas zhes bya ba ni dngos grub 'dod pa'i phyir gsang sngags kyi bzlas brjod byed pa gang yin
 pa de dag gis bzlas brjod kyi cho ga 'di nges par nan tan bya'o/ /zhes dgongs pa'o/ /'jig rten pha rol gyi bsod nams la sogs pa'i phyir byed pa ni 'di skad du gsungs pa'i cho ga las nyams shing ci nus par bzlas brjod byas nas yang nyes par mi 'gyur ro zhes
 bya ba'i tha tshig go/ sgra la dmigs pa'i bzlas brjod la yid kyi dang shub bur bzlas brjod bya ba smos pa ni 'dir nye bar bstan pa'i mtshan nyid du blta ste/ de bas na snga ma'i bzlas brjod dag la yang sbyar bar bya'o/ /'di'i bsdus pa'i don kyang snga ma bzhin du yan lag
 bzhi'i cho ga byas shing de bzhin gshegs pa'i gzhi la bltas nas/ lus thams cad kyi rlung gis lam gyis rjes su 'brang ba'i sems kyi rta mngon du phyogs par byas la ru sbal gyi lus bskum pa dang lce yis chu btung ba'i tshul du rlung slar bsdud pa'i sbyor bas yid
 nang du phyogs par bya ste/ rang gi lha dang/ gnyis su med par shin tu bsgoms pa'i gzugs kyi bdag khyab par byas la dran pa dang rlung 'byung ba'i lam bkag ste/ brjod par bya ba'i sgra la dmigs shing sems gzung nas dbyugs dbyung ba'i
 mdza' 'am/ gsang sngags kyi mdza' i bar du gsang sngags 'don pa byas la/ yang de bzhin du rlung gi lam gyi rjes su 'brang ba'i sems phyir phyogs par byas la/ de bzhin gshegs pa la sogs pa gsum la bltas nas slar bsdus te/ de bzhin du
 gsang sngags kyi sgra la dmigs pa'i bzlas brjod byas la yang de bzhin du dbyung ba dang slar bsdu ba'i tshul gyis ji tsam 'dod pa'i bar du bzlas brjod bya'o/ /de ltar gsang sngags brjod pa'i cho ga dbang dang po la dmigs pa gsum gsungs pa ni de bzhin
 gshegs pa dang de'i nang na gnas pa'i gsang sngags dang bcas pa'i zla ba'i dkyil 'khor la dmigs pa'i bye brag go /gsang sngags zlos pa'i cho ga gnyis pa la ni dmigs pa gnyis te/ bdag gi snying ga'i zla ba'i dkyil 'khor dang/ de'i nang na gnas pa'i gsang sngags
 kyi yi ge'i phreng ba'o/ /rim pa gsum pa la ni bzlas brjod bya ba'i gsang sngags kyi sgra la dmigs pa ste/ bzlas brjod gsum gyi bye brag go /bzlas brjod kyi de kho na nyid dang bdag gis de kho na nyid rig sngags kyi de kho na nyid kyi mtshan nyid rig sngags dang gsang sngags
 kyi thabs chen po bshad zin to/ /da ni rig sngags dang gsang sngags kyi dngos grub kyi lam 'di nyid yin gyi gzhan ni ma yin te/ thun mong ma yin pa'i rgyu yin par bstan pas ji skad smos pa'i mtshan nyid rig sngags dang gsang sngags kyi thabs 'di la nan
 tan bstan par bya ba'i phyir ro/ /rig sngags de nyid ma lus dang/ /bdag gi de nyid cho ga dang/ /bzlas brjod de nyid chog shes na/ /mes ni dngos grub thob par 'gyur/ /de la bzlas brjod kyi de kho na nyid mchog ces bya ba ni bzlas brjod kyi yan lag la dmigs pa'i
 mtshan nyid gong du smos pa gang yin pa de la bzlas brjod kyi de kho na nyid ces bya ba ste/ bzlas brjod kyi yan lag bzhi ma yin pa las dam par gyur pas na mchog go /de bas na de shes na dngos grub thob po zhes bya ba dang 'drel to/ /'o na bzlas brjod kyi de kho na nyid rab tu nan tan byas nas
 zhes smra bar rigs so/ /gang gi phyir zhe na nan tan ma byas par shes pa tsam gyis 'bras bu yod pa mi snang ngo/ /dper na 'jig rten na smos dang tshong gi cho ga shes kyang nan tan na? byas na de'i 'bras bu dang ldan pa mi snang ste de ni mi rigs de la nyes pa med de 'bras bu la rgyu btags te/ bstan par
 dgongs pa 'am/ nan tan la sogs pa'i mtshan nyid du brjod par dgongs pa'o/ /rig sngags de nyid ma lus dang zhes bya bas ma lus dang zhes smos pa ni rig sngags rnam pa drug gi de kho na nyid yongs su shes par bstan to/ /bdag gi de kho na nyid cho ga yang zhes bya ba ni cho ga'i tshig smos pas
 'di skad bstan te/ bdag gi de kho na nyid kyi cho ga mos pas rnam par spyad kyi bdag gi de kho na nyid des thob par gyur pa la ni mi bya'o/ de ci'i phyir zhe na/ bdag gi de kho na nyid gnyis su med pa'i ye shes kyi mtshan nyid sngar smos pa de nyid thob na sangs rgyas su gyur pa nyid yin pas
 de la bzlas brjod bshad cing dgos zhes dgos pa'o/ /da ni bzlas brjod la mi bltos par bsam gtan 'ba' zhig las ji ltar 'dod pa'i dngos grub dang/ rnal 'byor dang thar pa thob pa'i cho ga bya ba bstan par bya ste/ de'i phyir gsang sngags kyi bsam gtan gyi gnas bstan
 pa'i phyir/ dben pa'i skyes mos tshal dang dogs?/ /phug dang ri bo nag tshal du/ /brtul zhugs gnas sam sdom pa yis/ /sngags pa bsam gtan byed cing gnas shes bya ba gsungs so/ /de la bsam gtan gyi gnas bstan pa'i dgongs pa ni/ 'di ltar gnas rnam pa gnyis te
 lus dben pa dang/ sems dben pa'i rgyu'i bye brag go/ de la bzlas brjod la ni pad+ma'i mtsho dang/ ri dang phug la sogs pa'i mtshan nyid yon tan gang yang rung ba dang ldan pa'i gnas kyi bye brag tu yang las dang dngos grub kyi rjes su mthun par bya ba'i phyir gnas 'cha'o/ /bsam
 gtan la ni lus dben pa dang/ sems dben pa'i rgyu gnyis ka dang ldan pa nyid kyis gnas su gnas par rigs te/ de bas na de gnyis ka'i yon tan gyi rgyu dang ldan pa nyid/ dben pa'i skyed mos tshal la sogs pa bsam gtan gyi skabs su bstan to/ /bzlas brjod gyi
 gnas ni de dag nyid dang gzhan dang gzhan dag kyang rgyud 'di'i sngon rol du gsungs par blta'o/ /bsam gtan byed cing ces bya ba ni nye ba'i mtshan nyid de ting nge 'dzin bsgoms pa la yang blta bar bya'o/ /brtul zhugs ni rab tu byung ba dang/ rig sngags kyi brtul zhugs la
 sogs pa'o/ /bsdams pa ni gso sbyong la sogs pa'i mtshan nyid do/ /bsam gtan byed cing zhes gsungs pa de yang/ bsam par bya ba ni 'dir lha'i rang bzhin de de bas na de nyid brtag par bya'o/ /de la lha'i rang bzhin rnam pa gsum ste/ 'di ltar gzugs kyi sku'i bdag nyid
 kyi lha'i rang bzhin dang/ sgra'i bdag nyid kyi lha'i rang bzhin dang/ don dam pa'i lha'i rang bzhin no/ /de'i gzugs kyi bdag nyid kyi lha'i rang bzhin yang rnam pa gnyis te/ gcig ni mig la sogs pa'i yan lag gi dbyibs kyi rang bzhin no/ /gnyis pa ni phyag rgya'i rang
 bzhin no/ /sgra'i rang bzhin gyi lha bdag nyid la yang rnam pa gnyis te/ gcig ni yi ge'i mtshan nyid do/ /gnyis pa ni sgrar brjod pa'i rang bzhin no/ /sgrar brjod pa'i rang bzhin de yang rnam pa gsum ste/ gcig ni rkan dang mchu la sogs pa'i rtsol bas bskyed
 pa shub bu la sogs par bzlas brjod byed pa'i sgra'i rang bzhin no/ /gnyis pa ni yid kyi spyir gsang sngags 'don pa'i rang bzhin no/ /gsum pa yang gsang sngags kyi yi ge re re nas sems pa'i bdag nyid rnam par rtog pa'i rang bzhin no/ /don dam pa'i lha'i
 rang bzhin yang rnam pa gnyis te/ de de la gcig ni chos kyi dbyings kyi rang bzhin no/ /de las gzhan pa ni de la dmigs pa snang ba med par rnam par mi rtog pa'i ye shes kyi rang bzhin no/ /de ltar lha'i rang bzhin thams cad kyi bye brag 'di dag gis bzlas brjod kyi
 yan lag bzhi'i cho ga la lha'i de kho na nyid dang/ bzlas brjod kyi mdza' i bar du ji ltar dpyad par bya ba de dag ni bshad zin to bzlas brjod la mi bltos par bsam gtan las gsang sngags kyi 'bras bu 'dod pas ni/ rang bzhin gsum 'og nas 'chad pa'i rim pas
 ji ltar srid par bsam gtan du bya'o/ /de la gcig ni ji skad smos pa sgra zhes bya ba lha'i bye brag gi bdag nyid gsang sngags kyi yan lag gi yi ge rnam so sor yid kyis rnam par brtags pa'i bsam gtan gyi rang bzhin no/ /gnyis pa ni rig sngags de nyid kyi tshig tu smra
 ba'i yi ge sgra'i rang bzhin no/ /gsum pa ni yongs su dag pa gnyis su med pa'i ye shes kyi yul chos kyi dbyings kyi rang bzhin no/ /de la rang bzhin gsum po ji ltar srid pa de'i bsam gtan gyi sbyor ba dang/ bsam gtan gyi 'bras bu bstan pa'i phyir/ gsang sngags ma
 gnas dngos grub ster/ /sgra gnas rnal 'byor ster ba dran/ /sgra mthar thar pa ster ba nyid/ /'di dag de nyid gsum po yin zhes gsungs so/ /de la gsang sngags me gnas dngos grub ster/ sgra gnas rnal 'byor ster ba dran zhes bya ba'i tshig gnyis kyis ji ltar srid pa'i
 lha'i rang bzhin gnyis kyi bsam gtan gyi sbyor ba las dngos grub mchog dang/ sems mnyam par gnas pa'i mtshan nyid rnal 'byor 'grub pa bstan to/ /sgra mthar thar pa ster ba nyid ces bya ba nges kyang chos kyi dbyings kyi rang bzhin gyi bsam gtan gyi thar pa
 thob pa bstan to/ /sbyor ba gsum gyi bsam gtan de dag ni kun rdzob yin yang ji skad du smos pa'i 'bras bu thob pa las gzhan du mi 'gyur bas na/ 'di sum char yang de kho na nyid gsum du gsungs so/ /bzlas brjod la sogs pa'i de kho na nyid bstan pa la yang
 dgongs pa 'di nyid yin par shes par bya'o/ /de dag gis don 'di dag ji ltar bstan pa de yang gleng ba la 'grel ba'i tshigs bcas bshad pas de ma thag tu 'og nas bstan par bya'o/ /de la yang bzlas brjod kyi cho ga gong du smos pa bzhin du gsang sngags kyi
 bsam gtan gyi cho ga la yang bdag gis/ de kho na nyid shin tu bsgoms shing sgra zhes bya ba lha'i sgra snang ba dang/ gnyis su med par mos par byas la de bsgoms par 'dod de/ de bas na thog ma nyid du bdag gi de kho na nyid sngar gsungs pa'i mtshan nyid tshigs su bcad
 pa 'dis bshad pa/ mi 'byed las byung dngos po rnams/ /blo can gyi ni bdag la bsdams/ /sngags pa yan lag 'das la gnas/ /zhen pa med par bsam gtan bya'o/ /zhes gsungs so/ /de la sngags pas bsam gtan bya'o/ /bsam mo zhes bshad pa ci zhig bsdam par zhe na/ mi 'byed
 las byung dngos po rnams/ bsdams nas zhes bya ba gsungs so/ /de la mig la sogs pa'i dbang po'i rnam par shes pas mi 'byed pas na mi 'byed pa ste yid do/ /de la mtshungs par ldan pa 'am/ de'i rgyud gang 'byung zhing skye ba de rnams mi 'byed pa las byung? ba ste/ sems
 dang sems las byung ba'i mtshan nyid de rnams bsdams nas zhes bya ba dang 'brel to/ /de dag bsdams pa yang kun nas bkris pa'i ngo bor mi skye ba ste/ ji skad smos pa'i mtshan nyid bsdams pa de yang gang du bsdam zhe na/ bdag la zhes bya ba gsungs te/ yid la zhes
 bya ba'i don to/ /des 'di skad du gsungs par 'gyur te/ ji skad du gsungs pa'i mtshan nyid snang ba med pa gnyis su med pa'i bdag gi de kho na nyid mngon du byed pas kun nas dkris pa de dag mi 'byung zhing/ bag chags su gnas pa'i mtshan nyid ni bsdams pa'o/ /de'i gzhi
 yang yid rang bzhin bdag gi de kho na nyid yin pa'i phyir/ bdag la zhes bya ba gsungs so/ /blo dang ldan pa zhes pa ni shes rab dang ldan na de kho na nyid brtag nus par 'gyur ro/ /zhes bya ba'i tha tshig go /yan lag 'das la gnas zhes bya ba ni 'di snyed gcig go/ zhes yongs su chad par
 yan lag tu dbye zhing bgrad du yod pa ni yan lag ste/ mig dang rna ba la sogs pa'i yan lag rnams la bya'o/ /sngags pa gang gis yid la mi byed pa'i sgo nas sam/ chos bdag med par sgrub pa'i rig pas sun phyung ste/ yan lag de dag las 'das shing brgal ba dang
 yongs su btang ba de ni yan lag las ma 'das pa ste/ yan lag las 'das pa zhes bya ba'i don 'di la yan lag las 'das par gyur nas gnas pa ni/ yan lag 'das la gnas pa ste/ snang ba med pa'i ye shes gsal ba las ma langs zhes bya ba'i don to/ /de ltar bdag gi de kho na nyid la
 gnas pas sgra zhes bya ba'i lha'i rang bzhin dang/ chos kyi dbyings kyi lha'i rang bzhin bsam par bya'o zhes bstan pa'i phyir/ bsam gtan bya'o zhes gsungs so/ /ji ltar bsam gtan bya zhe na/ zhen pa med par zhes gsungs te/ zhen cing chags pa dang bral ba gang yin pa de ni zhen
 pa med pa ste/ 'dis kyang bsam gtan du bya ba'i dngos po la mngon par chags pa dgag pa gsungs te/ mngon par chags pa dgag pa de yang shes rab kyi snang ba'i sgo nas bdag gi de kho na nyid rnam par bcas pa nyid la dgag par rig par bya'o/ /ci'i phyir zhe na/ bsam gtan du
 bya ba la chags na gong nas gong du chos rnam par mi 'gyur bas/ khyad par mi thob par 'gyur ba'i phyir ro/ /kun rdzob kyi lha'i de kho na nyid kyi mtshan nyid la bsam gtan du bya ba la ni de la mngon par chags par 'dod pa nyid pas zhen pas med par bya zhes bya ba'i dgag de la dgrongs? par ni
 de la mkhas pa rnams kyis mi lta'o de la de lta bu'i bdag gi de kho na nyid la gnas nas lha'i de kho na nyid mngon du bya ste/ sgra zhes bya ba'i lha'i de kho na nyid mngon du bya ba'i phyir/ sgra zhes bya ba phreng bar sbyar/ /yi ge brgyus pa mi 'gyur rnams/ dril bu'i sgra bzhin ma chad
 par/ /yid la zhen par sems pa ni/ /zhes bya ba la sogs pa gsungs te/ 'dis kyang snang ba med pa'i ye shes kyi mtshan nyid bdag gi de kho na las ldang ba dang/ gsang sngags kyi sgra'i rnam pa'i lha'i rnal 'byor bstan te/ 'dir yang bdag gi de kho na nyid rnam par mi rtog
 pa snang ba med pa'i mtshan nyid kyi phyi nas thob pa'i sgra'i bdag nyid kyi lha'i de kho na sgra'i rnam par rtog pa lhan cig tu skyes pa nyams pa dang chu dang 'o ma bzhin du sgra dang gcig tu gyur par sems pa'i rnal 'byor gyi gsal bar nam gyur pa de na/ sngags pa de sgra'i bdag nyid kyi
 lha'i sbyor ba la gnas par gyur pa de bstan to/ /de la sgra zhes bya ba yi ge rnams phreng bar sbyar ba sems pa na zhes bya ba dang sbyar te/ de bas na yi ge rnams phreng bar sbyar zhes bya ba ni gsang sngags kyi yi ge'i rgyud par ma chad pa'i mtshan nyid bsam gtan du
 bya ba la sbyar nas zhes bya ba ste/ bkod nas zhes bya ba'i tha tshig go/ phreng bar sbyar bar zhes spyir gsungs te/ de bas na sgra zhes bya ba bye brag tu bstan to/ /sgrar snang ba gsang sngags kyi yi ge'i sgra gcig nas gcig tu rgyud pa'i mtshan nyid ces bya ba'i tha tshig go /kha cig tu
 sgra'i tshig ni yi ge la yang sbyar mod kyi 'on kyang 'dir gsang sngags kyi sgra nyid du rig par bya ste/ dril bu'i sgra bzhin rgyun mi 'chad par zhes 'og nas 'chad pa'i phyir te/ dril bu'i sgra ltar sgra 'byung ba yi ge'i mtshan nyid kyi sgra la mi srid pa'i phyir ro/ /zhes dgongs
 pa'o/ /bsam gtan du bya ba'i gsang sngags kyi yi ge'i sgra gcig nas gcig tu 'byung ba'i mtshan nyid sgra zhes bya ba'i phreng ba sbyar ba ni gsang sngags kyi yan lag yi ge'i sgra rgyun mi 'chad par rab tu snang bar 'dod pas na/ yi ge'i rgyud pa zhes gsungs so/ /de la yi
 ge rnams brgyus pas na yi ge brgyus pa ste/ phreng ba zhes bya ba dang sbyar ro/ /des kyang yi ge brgyud pa'i phreng ba bkod pa'i mtshan nyid de nyid sbyar nas zhes bya ba 'dis bstan mod kyis nges par bya ba'i phyir yang brjod par bya ste/ de bas na mi 'gyur zhes bya bas bye
 brag tu bstan to/ /brgyus pa de mi 'gyur ba ni rang bzhin mi 'gyur zhing mi g.yo ba'i ngang tshul can gsang sngags kyi yi ge'i sgra rgyun ma chad par rab tu snang ba zhes bya ba'i tha tshig go/ yang yi ge'i sgra de dag nyid gcig nas gcig tu byung ba'i mtshan nyid kyi phreng ba bye brag tu bstan pa'i phyir
 dril bu'i sgra bzhin ma chad par zhes bya ba gsungs so/ /de la dril bu'i sgra ni gang rna lam du sgra sgrags pa'i phyi rol gyi dril bu'i sgra 'dra bar lhan cig skyes pa rgyun mi 'chad par yi ge'i sgra'i rgyun mngon par mi gsal ba de 'dir 'dod do/ /de bas na de lta bu'i dril bu'i sgra bzhin ma chad
 pa dang/ /'brel pa'i yi ge'i sgra gcig nas gcig tu 'byung ba'i 'phreng ba la zhes pa med par bsam gtan du bya'o/ /zhes bya ba'i skabs dang sbyar ro/ /de dag gis ni sgra'i bdag nyid kyi lha dang/ mi gnyis pa'i rnal 'byor du de'i rna ba la rnam par rtog par gnas par bstan to/ /de ni de ltar bu'i sgra'i
 bdag nyid kyi lhar snang ba ting nge 'dzin gyis sbyor bas shin tu gsal bar byas nas bzlas brjod la mi bltos pa'i bsam gtan nyid kyis dngos grub thob par 'dod pas rang gi snying gar mar me lce 'dra ba'i me 'bar ba'i nang du/ de'i tshig gi yig 'bru gcig nas gcig tu brgyud pa'i
 rang bzhin bsam te bsgom mo zhes bstan pa'i phyir/ yid la zhen par sems pa na/ /me yi nang gnas zhi ba ste/ /tshig rnams dag pa yan lag ldan/ /srog dang rtsol ba bkag pa'i bdag /gnyis spangs nas ni rnam par bsam zhes bya ba gsungs so/ /de la sems pa na zhes bya ba ni de lta'i
 phreng ba lta bu'i de kho na nyid kyi mtshan nyid de/ bsam gtan byed pa'i tshe nyid na me la sogs pa'i rnam par rtog par bya'o/ /zhes bya ba'i tha tshig go /des ni yi ger bkod pa'i sgra'i bdag nyid kyi lha sgrar rnam par rtog pa gcig nas gcig tu 'byung ba ste/ snying ga dang nye ba nyid du bsam mo
 zhes de skad gsungs pa yin no/ /me'i nang na gnas zhes bya ba ni snying ga'i phyogs der yang mar me'i me lce dang 'dra ba me 'bar ba'i nang na 'dug pa rnam par brtag to zhes pa'o/ /zhi ba zhes bya ba ni mi gnod pa'i rang bzhin zhes bya ba'i don te/ des 'di skad du gsungs par 'gyur ro//
 de'i gnas me 'bar ba'i yi ge'i 'bru gcig nas gcig tu brgyud pa dang bcas pa de tsha ba la sogs pa reg pa'i sgo nas gnod pa'i rang bzhin ma yin pas gsang sngags kyi sgrar snang ba'i rnam par rtog pa gcig nas gcig tu 'byung ba la zhi ba zhes gsungs so/ /tshig
 rnam par dag pa zhes bya ba ni/ gang la rkan dang mchu la sogs pa sbyar bas bskyed pa'i tshig dang yid la gsang sngags zlos pa'i mtshan nyid kyi tshig rnam par dag cing med par gyur pa de ni tshig rnam par dag pa'o/ /des 'di skad du gsungs par 'gyur te/ de shub bu
 la sogs par bzlas brjod bya ba'i sgra'i rang bzhin yang ma yin gyi gsang sngags kyi yi ge'i sgra ring por sems pa'i rnam par rtog pa'i rang bzhin no/ /med pa la gang rnam par rtog pa'i sgrar 'dogs
 par snang ste/ ji ltar lto'i dri ma rnam par dag pa ces bya ba lta bu'o/ /de bas na tshig rnam par dag pa zhes bya ba tshig gi mtshan nyid rnam pa gnyis su med ces bya ba'i tha tshig go /yan lag ldan zhes bya ba de la yan lag gi sgra de'i tshig du brjod pa'i yig 'bru'i phreng ba'i
 rang bzhin te/ yan lag de dang ldan pa ni yan lag dang ldan zhing bcas pa ste/ tshig ces bya ba'i sgrar rnam par rtog pa'i phreng ba gang yin pa de yan lag dang ldan pa'o/ /des ni sgra de'i tshig gi yi ge'i 'bru'i phreng ba me 'bar ba'i nang na gnas pa de mngon par grags
 par rnam par brtag go zhes bya ba'i tha tshig go/ /da ni de lta bu'i gsang sngags kyi sgras sems pa la zhum pa dang rgod pa spang bar bstan pa/ srog dang rtsol ba bkag pa'i bdag /gnyid spangs nas ni rnam par bsam zhes bya ba gsungs so/ /de la gong du gsungs pa'i srog dang
 rtsol ba bdag gi mtshan nyid sngar gsungs pa'i rim pa nyid kyi rnal 'byor pa'i rang bzhin gyi bdag gang yin la/ bsam gtan byed pa'i tshe bkag pa de ni srog dang rtsol ba bkag pa'i bdag ces bya'o/ /'dis kyang rnal 'byor ba'i rgod pa dgag pa gsungs te/
 ci'i phyir zhe na/ dran pa dang srog gi skyon ma bkag pa ni phyugs dang 'dra bar sems mnyam par bzhag pa med par nye bar zhi ba'i sems su mi 'gyur ro/ /zhes bya ba'i don to/ /gnyid spangs nas zhes bya ba 'dis zhum pa'i phyogs su gtogs pa'i gnyid yongs su spangs pa
 bshad pa zhum pa med pa bstan to/ /des na gsang sngags me gnas dngos grub ster ces gang gsungs pa de bshad zin te/ gang gi phyir zhe na/ yid kyi bsam pa mer rnam par rtog pa ni me ste/ der tshig gi yi ge'i phreng ba dang bcas pa ji skad gsungs pa'i
 mtshan nyid kyi gsang sngags kyi sgra bsam par bya ba'i bsam gtan zhes bya yi ge dang bcas pa'i gsang sngags kyi sgra'i mtshan nyid kyi gsang sngags de la gnas pas na/ me la gnas zhes bstan to/ /bsam gtan 'di'i 'bras bu yang/ /sgra la dmigs pa'i
 bsam gtan ni/ /'ba' zhig byas pa nyid kyis kyang/ /dngos po kun gnas dam pa'i dpal/ /grub pa'i skyes bu thob par 'gyur/ zhes 'og nas 'byung ste/ de nyid du bshad par bya'o/ /bsam gtan 'di'i sbyor ba'i rim pa yang 'di'o/ /de la thog ma nyid du gnyis su
 med pa'i ye shes kyi mtshan nyid bdag gi de kho na nyid mngon du byas nas/ de'i rjes la thob pa'i sgra'i bdag nyid kyi lha'i de kho na nyid du rnam par rtog pas bdag bsgos te/ sgra de snying ga'i phyogs na gnas pa'i me 'bar ba'i nang na 'dug cing de'i yi ge'i phreng
 ba gnas par srog dang rtsal ba bkag ste/ nyin re bzhin bsam gtan du bya ba ni/ ji skad du bru ba mi tsha ba la sogs pa phyi dang nang gi mtshan ma byung nas bdag nyid ji ltar bsam pa sgrub nus par gyur gyi bar du'o/ /me la gnas pa'i gsang sngags kyi yi
 ge'i sgra'i bsam gtan 'di yang yan lag bzhi'i bzlas brjod byed pas kyang bzlas brjod kyi mjug gam gzhan du yang rung ste/ gsang sngags kyi mthu bskyed pa dang/ sems mnyam par bzhag pa'i phyir sbyar bar bya'o/ /zhes de la mkhas pa dag smra'o/
 da ni sgra gnas rnal 'byor ster bar dran zhes gang gsungs pa de brtag par bya ste/ de la sgra ni ji skad du gsungs pa sgra'i bdag nyid kyi lha'i rang bzhin no/ /sgra tsam po de la brjod par bya ba'i tshig gi rang bzhin dang/ yi ge yongs su spangs pa nang gis brjod pa tsam
 rnam pa dang bcas pa'i yid kyi rang bzhin du gang gnas pa gsang sngags kyi don gyi rang bzhin de dag ni sgra la gnas pa'o/ /dran pa ni bsam pa ste/ rnal 'byor ster bar 'gyur ro/ /zhes bya ba'i don to/ de la rnal 'byor ni skabs 'dir yid yangs
 pa brtul la/ ma yengs kyi bar du bsam gtan bya ba'i sgra'i yul la gang rtse gcig tu 'jug pa ste/ bsam gtan bya ba'i sgra'i dbyangs dang yid du sbyor ba ni rnal 'byor ro zhes sgra'i don bshad pa'i phyir te/ de bas na kha cig gis rnal 'byor ni
 sems 'jug pa bkag pa'o/ /zhes smras pa dang/ de bzhin du srog ces bya ba'i rlung legs par bkag pa ni rnal 'byor to/ /zhes gang smras pa de yang bshad par gyur te/ ji ltar sgra gcig bu la dmigs pa'i yid ni gang la nyon mongs pa dang nyon mongs pa med pa'i rnam
 par shes pa 'jug pa de dag re zhig dogs pa med par bkag par 'gyur ro/ /de bzhin du yid rtse gcig tu gyur ba nyid la ni srog ces bya ba'i yid kyi rnam par shes pa'i gnas rlung gzhan du mi 'jug ste/ de bas na sems rtse gcig tu gyur na rlung bkag par don gyi
 dbang gi 'gyur ro/ /de ltar sgra gnas rnal 'byor ster bar dran zhes bya ba ste bstan pa'i phyir/ /snying gar gnas pa phra ba ni/ /dri med zla ba'i dkyil 'khor te/ /de nad rab tu bzhi pa yi/ /me lce rab tu 'od bzang ba/ /mi 'gyur bzhi ni der bzhag nas/ /der 'dug nas ni sgra bsam
 mam/ /mi 'gyur ba la yi ge bzhag /sgra nyid 'ba' zhig bsam par bya/ /zhes bya ba gsungs so/ /des 'di skad gsungs te/ de ltar snang ba med pa'i bdag gi de kho na nyid la gnas pa nyid kyi snying ga na zla ba'i gzugs kyi nang na 'dug pa'i me lce'i nang na lha'i gzhi 'am/ zla ba'i
 dkyil 'khor 'ba' zhig la yi ge'i 'bru'i phreng ba rab tu brtags la/ cung zad tsam zhig ting nge 'dzin gyi rab tu gsal bar byas te/ de'i rnam pa yang spangs la ji skad smos pa'i sgra'i dbyangs tsam 'ba' zhig bsam gtan du bya'o/ /zhes bya ba ni bsdus pa'i
 don to/ /yan lag gi don bshad par bya ste/ de la phra ba zla ba'i dkyil 'khor zhes pa ni sdug cing rgya che ba'i skyon spangs pa'i zla ba ni phra ba ste/ de la bu bsgoms na rnal 'byor pa'i snying gar gnas shing sems mnyams par gnas par mi 'gyur ba'i
 phyir ro/ /dri ma med pa zhes bya ba ni rab tu 'od gsal zhing mdangs can du bsgom par bya ba bstan pa'o/ /mi 'gyur gzhi ni der bzhag nas zhes bya ba mi 'gyur ba ni gsang sngags kyi yi ge'i gzhi ste/ gnas kyi sgo nas lha'i gzugs kyi sku la gzhi zhes bya'o/ /mi
 'gyur ba'i gzhi rang gi lha'i sku bzhag nas zhes bya ba ni zla ba'i dkyil 'khor la gnas pa'i me lce de la bsams nas zhes bya ba'i tha tshig go /de ltar gang gnas pa'i lha mi 'gyur ba'i gzhi zhes bya ba la ci lha de nyid kyi gzugs bsams pa 'am/ 'on te gzhan
 'ga' zhig bsam pa bye brag tu ma phye bas de bstan pa'i phyir/ sgra bsam mo zhes bya ba gsungs te/ sngar bshad pa'i sgra'i mtshan nyid bsam zhing sgom mo zhes bya ba'i don to/ /des 'di skad bstan par 'gyur te/ sngar zla ba'i dkyil 'khor gyi nang na gnas pa'i me lce de la
 lha'i sku bsam gtan du byas nas phyis sgom pa de btang ste/ sgra 'ba' zhig bsam gtan du bya'o/ /dbugs dbyung ba'i tshe yang sems kyi kyang/ lha'i sku la dmigs par bya'o zhes bstan to/ /'dis kyang bzlas brjod kyi yan lag bzhi la dmigs pa'i sbyor ba las me la gnas pa'i
 gsang sngags la dmigs pa bye brag tu bstan to/ /de ltar ci mngon zhe na/ bzlas brjod kyi yan lag bzhi la de bzhin gshegs pa dang zla ba'i dkyil 'khor dang/ gsang sngags kyi yi ge de phreng ba dang/ gsum cig car dmigs pa dang/ nang du yang zla ba'i dkyil 'khor dang/
 yi ge'i phreng ba gnyis dmigs pa'am/ gsang sngags kyi sgra brjod cing bsam gtan bya ba zlos pa pos gsang sngags brjod pa'i tshe cig car bya ba sngar bstan to/ /de bzhin du me la gnas pa'i gsang sngags la dmigs pa'i sbyor ba la yang me lce nang na 'dug pa'i yi ge phreng ba
 dang bcas pa'i gsang sngags kyi sgra dang/ me la sogs pa sum char dus gcig tu dmigs pa bstan pa/ yid la zhe na par sems pa na/ mi yi nang gnas zhi ba ste/ tshig rnams dag pa yan lag ldan/ zhes bya ba gsungs te/ me'i mtshan nyid dang/ gsang sngags kyi yi ge ??
 pa'i gsang sngags kyi yi ge'i phreng ba'i sgra la dus gcig tu dmigs pa nges pa'i phyir ro/ /'dir ni mi 'gyur ba'i gzhi sngar bzhag nas phyis sgra bsgom mo zhes bya ba'i phyi ma'i dus bstan pa'i tshig gis ni sgra bsgoms pa'i tshe gsang sngags
 mi 'gyur ba'i gzhi yongs su btang ba gsungs so/ /de bzhin du gzhung gzhan dag las kyang sgra'i bsam gtan byed pa 'am/ rlung gi reg pa'i bsam gtan byed pa'i tshe/ gzugs la dmigs na sems g.yeng bar 'gyur ro zhes gsungs so/ /sgra'i bsam gtan nyid rnam pa
 gzhan du bya ba yang/ mi 'gyur ba la yi ge bzhag /sgra nyid 'ba' zhig bsam par bya/ zhes gsungs te/ snang ba med par rnam par gcig par gnas pa na rgyun du 'jug kyang rang bzhin mi 'gyur bas na mi 'gyur ba zhes bya ste/ byang chub kyi sems la
 bya'o/ /de bas na de'i mtshan mar gyur pa zla ba'i dkyil 'khor la yang mi 'gyur ba zhes bya ste/ zla ba'i dkyil 'khor mi 'gyur ba de la gsang sngags kyi yi ge'i 'bru'i rang bzhin rnams bzhag ste/ bsgoms nas sgra 'ba' zhig bsam mo/ /zhes bya ste snga ma
 bzhin du sgra'i dbyangs tsam 'ba' zhig bsam mo zhes bya ba'i tha tshig go /'dis kyang snga ma'i sgre'i bsam gtan gyi sbyor ba las bye brag tu bstan to/ /de ltar ci mngon zhe na snga ma ni rang gi lha'i sku de sems ngal bso ba'i phyir bsam gtan du byas nas phyis
 sgra'i dbyangs 'ba' zhig la dmigs pa gsungs so/ /'dir ni yi ge'i 'bru rnams kyi rang bzhin 'ba' zhig sems ngal bso ba'i phyir zla ba'i dkyil 'khor ba bsam nas phyis sgra'i bsam gtan bya'o/ /zhes dgongs so/ /sgra'i bsam gtan gyi sbyor ba yang
 phreng ba'i gsang sngags kyi yi ge re re'i lus thams cad kyi rlung slar sdud pa dang/ lhan cig tu yid kyis rnam par rtag cing bya'o/ /da ni me la gnas pa la sogs pa sgra'i bsam gtan gyi 'bras bu gang yin pa de bstan pa/ sgra la dmigs pa'i bsam
 gtan ni/ 'ba' zhig byas pa nyid kyis kyang/ dngos po kun nas dam pa'i dpal/ sgrub pa'i skyes bus thob par 'gyur/ zhes bya ba gsungs so/ /de la 'ga' zhig zhes bya ba ni bzlas brjod la mi bltos pa'i bsam gtan 'ba' zhig gis so/ /sgra la dmigs pa zhes bya ba ni gong du
 dmigs pa'i rim pas sgra rig cing sgra'i rjes su song ba ste/ sgra la dmigs pa zhes bya ba'i tha tshig go /sgrub pa'i skyes bu zhes bya ba ni nye bar bstan pa ste/ bud med kyis kyang 'thob pa'o/ /dngos po kun gnas dam pa'i dpal/ zhes bya ba ni lha'i dang lha'i ma yin pa'i sems can thams cad
 kyi dngos po la gnas pa'i dpal longs spyod thob pa ste/ ji ltar 'dod pa'i dngos grub sgrub nus par 'gyur ba lha'i dang lha'i ma yin pa'i dpal sbyor ba las 'byung ba dang/ sbyor ba ma yin pa las byung ba gsang sngags kyi rnal 'byor gyi mthus thob par 'gyur ro/ /zhes dgongs pa'o
 dpal de yang yid bzhin gyi nor bu dang/ bum pa bzang po dang/ dpag bsam gyi shing dang/ ral gri la sogs pas sbyor ba'i dngos grub longs spyod kyi mtshan nyid dang/ de bzhin du phra ba dang/ phye ba la sogs pa dbang phyug gi yon tan brgyad pa'i mtshan nyid do/ /dam pa'i
 dpal zhes bya ba dam pa'i sgra'i khyad par ni rnal 'byor gyis mthus thob pa'i dpal te/ bstan pa dang zil gyis mi non pa nyid dang/ nyon mongs pa'i gdung ba la sogs pa thul ba'i yon tan gyi tshogs la longs spyod byed par bstan pa'i phyir ro/ /da ni sgra mthar thar pa ste
 ba nyid ces gsungs pa de brtag par bya'o/ /de la gong du smos pa'i sgra'i mdza' ni sgra med pa ste/ gsang sngags kyi sgra tsam la gnas pa yongs su btang ba ni sgra'i mdza' o/ /sgra'i mdza' der gsang sngags kyi chos kyi sku'i rang bzhin du gnas pa rnam par thar ba ster bar
 dran pa ni bsam pa'o/ /'di skad du gsungs par 'gyur te/ sgra'i gnas skabs kyi yongs su btang bas gnyis su med pa'i rnam par bsgoms na/ rang gi rnam par rtog pa las byung ba'i nyon mongs pa dang/ shes bya'i sgrib pa la sems grol bar 'thob bo zhes bya'o/ /chos kyi sku stong
 pa nyid kyi mtshan nyid de yongs su dag pa dang/ yongs su ma dag pa'i sems can spyi'i thun mongs yin mod kyi 'on kyang gsang sngags kyi ngo bo'i rang bzhin du gnas pa de mngon du gyur par bya'o/ /gang gi phyir gsang sngags kyi spyod pa la zhugs pa'i rnal
 'byor pa rnams kyis gsang sngags yan lag du gyur par snang ba dang/ sgra zhes bya ba dang/ yid kyi dang/ tshig rnam par dag pa'i gnas skabs yongs su btang ba'i rim pas chos kyi sku de mngon du gyur bar bya'o/ /de bas na sgra'i mdza' chos kyi dbyings kyi rang
 bzhin bsgoms na thar pa ster to zhes gsungs so/ /rnam pa 'di lta bu'i tshig dpyad pa la rnam pa du mar rgol ba dang/ lan ldon pa'i yul la bdag cag lta bu blo 'phror btub mod kyi ha cang 'phros pas ci zhig byas btang la skabs nyid brtag par bya'o//
 gsang sngags kyi sgra'i rnam pa yid kyi rnam par rtog pa'i rang bzhin sgra'i ngo bo nyid kyi gnas skabs de yang rnam pa gsum gyis btang bar bya ba ni gnas yongs su btang ba dang/ de mngon par 'byed pa yongs su btang ba dang/ rang bzhin yongs su btang ba'o/ /de la
 gnas ni gzugs kyi yan lag gi gnas skabs te/ de la gnas pa gsang sngags kyi sgra tsam nyid la rnam par rtog pa'i rang bzhin la 'jug pa'i phyir ro/ /mngon par byed pa ni yid kyi dang shub bur bzlas brjod byed pa'i sgra ste/ yid kyi rnam par
 rtogs pa'i rang bzhin tshig tu gsal bar mngon par ston pa'i phyir ro/ /de la rang bzhin ni gsang sngags kyi yi ge'i sgrar rnam par rtogs pa'i ngo bo nyid de/ yid kyi dang shub bur bzlas brjod byed pa'i sgra las gzhan pa'o/ /de bas na rnam pa gsum
 po des ji skad gsungs pa'i gsang sngags kyi rang bzhin gyi gnas skabs yongs su btang ba bstan pa'i phyir ltos bcas yan lag gyur par snang zhes bya ba la sogs pa gsungs so/ /de la ltos bcas yan lag gyur par snang zhes bya ba
 'dis ni gnas yongs su btang ba bstan to/ /sgra zhes bya ba dang yid kyi dang zhes bya ba ni gsal bar mngon par byed pa yongs su btang ba bstan pa'o/ /tshig rnam par dag pa zhes bya ba ni rang bzhin yongs su btang ba bstan pa ste/ de ni bsdus pa'i don to/ /yan lag gi don to/
 yan lag gi don bshad par bya ste/ de la rig sngags dbang po'i yan lag spangs zhes bya ba ni rig sngags rnams kyi dbang po bas na/ rig sngags kyi dbang po ste/ mnyes par bya ba'i rang bzhin yin pa'i phyir/ /bsgrub par bya ba'i rig sngags la bya'o//
 rig sngags zhes bya ba ni nye bar bstan pa ste/ gsang sngags la yang bya'o/ /rig sngags kyi dbang po de rang 'brel ba'i yan lag spang bar bya ba ni rig sngags kyi dbang po'i yan lag spang bar bya ba ste/ spang ba yang de yin la yan lag kyang de yin pas na de
 skad ces bya'o/ /des ni 'di skad gsungs te/ rig sngags kyi dbang po dang 'brel ba'i yan lag spang ba ni btang bar bya ba ste/ yan lag ces bya ba'i sgra ni 'dir cha shas tsam gyis rnam grangs so/ /yang na yan lag gi tshig gnas skabs la yang bya ste/ ji ltar
 bdag cag gi dus 'di 'dra'o zhe'i/ bdag cag gi gnas skabs 'di 'dra ba'o zhes bya ba lta bu'o/ /de bas na tshig gi don 'di ltar 'gyur te/ rig sngags kyi dbang po'i spang par bya ba'i gnas skabs sam/ cha shas ni rig sngags kyi dbang po'i yan lag
 spang bar bya ba ste/ rgyal ba de bzhin gshegs pas mkhyen pa ni rig par 'gyur pa'o/ /rig sngags kyi dbang po'i yan lag spang bar bya dbang ci 'dra ba zhig rgyal bas mkhyen ce na/ bltos bcas yan lag gyur par snang/ /sgra zhes bya dang yid kyi dang/ tshig
 rnams dag pa zhes bya ba gsungs te/ de la bltos pa dang bcas par gyur pas na bltos pa dang bcas pa ste sngags pa'o/ /bdag gis dngos po gang la yan lag lha'i sku yan lag gi mtshan nyid kyi rang bzhin du gyur cing skyes pa de ni yan lag/ /tu
 gyur pa'o/ /rig sngags kyi dbang po'i yan lag spangs par bya ba 'am/ rig sngags kyi dbang po'i cha shas sam/ gnas skabs spang bar bya ba gang la yan lag tu gyur pa cung zad mi gsal bar snang ba yod pa de ni
 yan lag tu gyur par snang ba ste/ de bltos bcas pa'i yan lag gyur pa snang zhes de skad gsungs so/ /bltos bcas yan lag gyur par snang ba'i rig sngags kyi dbang po dang 'brel pa spang bya ba'i gnas skabs de/ rgyal ba de bzhin gshegs
 pas mkhyen to/ zhes bya ba'i tha tshig /sngags pa srog dang rtsol ba dang dka' thub dang/ bsam gtan la sogs pa la bltos pa dang bcas pa'i yan lag du gyur par snang ba zhes bya ba rig sngags kyi rnam pa dag tu gyur pa rnam par shes pa snang ba gang
 yin pa de bltos pa dang bcas pa yan lag tu gyur par snang ba'o/ /de yang thar pa 'dod pa bsam gtan gyi tshe/ rnal 'byor gyi mthus chos kyi dbyings kyi rang bzhin gyi lha'i cha shas la dmigs pa'i tshul gyis spang bar bya'o/ /bltos pa dang bcas
 pa ma yin pa'i gzugs kyi yan lag gsang sngags kyi rnam par smin pa de ni sngags pa la mi srid pas/ yongs su spang bar bya ba mi rigs pa'i phyir ma smos so sgra zhes bya ba la sgra ni gsang sngags shub bur bzlas brjod byed pa las byung ba'i sgra
 de la bya ste/ rig sngags kyi dbang po yan lag spang bar bya ba rig sngags kyi dbang po'i spang bar bya ba'i gnas skabs gang yin pa de ni sgra zhes bya ba'i yan lag shub bur bzlas brjod byed pa'i gnas skabs la bya'o zhes bya bar dgongs pa'o/ /des ni gsang
 sngags shub bur bzlas brjod byed pa'i rang bzhin yang grol bar 'dod pas chos kyi sku la dmigs pas spang bar bya'o zhes bshad pa yin no/ /de nas yang yid las byung ba'i gsang sngags kyi sgra'i rang bzhin gyi gnas skabs kyang chos kyi dbyings la
 dmigs pas yongs su spang bar bya'o zhes bstan pa/ yid kyi dang zhes gsungs so/ /yid las byung bas na yid kyi ste/ rig sngags kyi dbang dang yan lag spang bar bya zhes bya bar sbyar ro/ /de yang yid kyi bzlas brjod las byung ba'i sgra'i ngo bo nyid mnyes par bya
 ba'i lha'i gsang sngags 'don pa'i rang bzhin gnas skabs de yang grol bar 'dod pas spang par bya'o zhes bya ba'i tha tshig go /tshig rnam par dag pa zhes bya ba ni rig sngags kyi dbang po'i yan lag gang la tshig rnam pa gnyis med par gyur cing rnam par
 dag pa de ni tshig rnam par dag pa'o/ /tshig rnam par dag pa/ rig sngags kyi dbang po'i yan lag spang bar bya ba rgyal bas mkhyen ces bya ba ni yid kyi rnam par rtog pa'i rang bzhin yid kyi dang/ shub bur bzlas brjod byed pa'i ngo bo nyid dang bral ba rig sngags kyi
 dbang po'i gnas skabs gang yin pa de yang grol bar 'dod pas chos kyi sku la dmigs pas spang bar bya zhes de skad bstan par 'gyur ro/ yang na tshigs su bcas pa de nyid kyi don 'di ltar bshad par bya ste/ bltos pa dang bcas pa dang/ yan lag tu gyur
 par snang ba dang sgra zhes bya ba dang/ yid kyi dang tshig rnam par dag pa'i yan lag dag kye rig sngags kyi dbang po spang bar byas nas/ rig pa mkhas pa gsang sngags kyi don rnam par bye ba la mkhas pa'i de bzhin gshegs par 'gyur ro/ /zhes bya ba'i tha tshig
 go /de la grol par 'dod pas rags rim gyi spang ba'i rim pa ni 'di lta ste/ slar sdud pa dang/ dka' thub dang/ bsam gtan dang/ srog dang rtsol ba la sogs pa byas nas/ rang gi lha'i gzugs brnyan la dmigs pas rab tu spom pa'i ting nge 'dzin brtan
 par byas la/ shub bur bzlas brjod byed pa'i gsang sngags kyi sgra la dmigs pa'i ting nge 'dzin rab tu rags pa la dmigs pa yongs su spangs nas rags pa'i ting nge 'dzin brtan par bya'o/ /rags pa la dmigs pa de yang phra ba yid kyi sgra'i ting nge 'dzin
 gyi yongs su spang ngo/ /de yang rab tu spangs nas rab tu phra ba gsang sngags kyi rnam par rtog pa'i ting nge 'dzin la gnas so/ /de yang yongs su spangs te/ grol bar 'dod pas chos kyi sku la dmigs pa'i ting nge 'dzin nan tan du bya'o/ /bltos
 pa bcas pa'i sngags dang yan lag du gyur par snang ba'i gnas skabs gang yin pa de yongs su spang ngo zhes ni gsungs na/ ji ltar de ltos pa dang bcas pa ma gsungs pas de bstan pa/ slar sdud ces bya ba la sogs pa'o/ /de la slar sdud pa dang/ dka' 
 thub dang bsam gtan dang/ srog dang rtsol ba dang/ cho ga ste/ de dag ni/ slar sdud dka' thub bsam gtan dang/ /srog dang rtsol ba'i cho ga rnams te/ de dag gi bya ba ni byed pa ste/ nan tan la yang de skad ces bya'o/ /de bas na ji tsam du sngags pa la slar sdud pa la sogs
 pa'i rnam par shes pa sna tshogs su 'byung ba de tsam du ltos pa dang bcas pa zhes bya ste/ de ni sdus pa'i don to/ /slar sdud pa la sogs pa la ltos pas na bltos pa dang bcas pa zhes bya'o/ /de la slar sdud pa dang srog dang rtsol ba ni/ slar sdud pas ni bkug nas ni srog
 dang rtsol ba bsdams pa'i yid/ ces bya ba'i skabs der bshad zin to/ /bsam gtan gyi sgra yang bsam gtan zhes bya mchog tu gsang zhes bya ba'i tshigs su bcad pas bshad zin to/ /de bas na gang ma bshad pa de dag bshad par bya'o/ /de la dka' thub
 kyi bya ba bshad par bya ba ste 'dis gdungs shing bsdams pas na dka' thub ste/ 'dod chags dang/ zhe sdang dang/ rgyags pa dang/ rgyu la sogs pa nyon mongs pa'i gnyen por gyur pa lus dang ngag dang yid kyis legs par spyod pa la nan tan byed pa'i
 ngo bo dge ba bcu'i las kyi lam gyi rang bzhin can gyi yid do/ /gzhan yang gsang sngags kyi tshul la sogs pa la sogs pa las bcas pa dam tshig dang/ 'dul ba dang/ dpyod pa dang/ nan tan gyi mtshan nyid de/ de bas na 'dod chags
 la sogs pa'i gnyen po dka' thub ces bya ba de nan tan du byas na/ lus dang la sogs pa bsdams pas gnod par 'gyur ba'i phyir/ de'i gnyen po nan tan du byed pa gnod pa'i bdag nyid can la dka' thub ces bya ba'i tshig tu bshad do/ /zhes dgongs so/ /cho ga
 bya ba zhes bya ba ni cho gar bya ba sna tshogs rnams te/ dkyil 'khor bstan pa dang/ dbang bskur ba dang/ me tog la sogs pa'i yo byad kyi mchod pa dang/ sbyin sreg la sogs pa gsang sngags mnyes par byed pa'i rgyu rnams te/ de dag gi bya ba ni nan tan du
 bya ba ste/ cho ga'i bya ba'o/ /rnam par shes pa sna tshogs zhes bya ba ni bdag gi de kho na nyid rab tu shes par byed pa'i tshe/ phung po lnga'i rang dang spyi'i mtshan nyid nges par rtogs pa'i rnam pa sna tshogs kyi rnam par snang ba ni rnam par shes pa sna tshogs te/ sna tshogs
 ni rnam pa tha dad pa'i rang bzhin zhes bya ba'i don to/ /des ni dka' thub dang ldan pas dkyil 'khor gyi las bya ste/ lha mchod pa la sogs pa legs par byas nas slar sdud pa bya ste/ bdag gi de kho na nyid rtag pa/ rdzogs par byas pas rnam par shes pa sna tshogs pa
 spangs la srog rtsol ba mngon du byas nas lha'i rnal 'byor gyi mtshan nyid yan lag tu gyur par snang ba'i rnam par shes par nan tan bya'o/ /zhes pa bstan pa ste/ de yang mjug bsdu ba'i sgo nas bstan pa/ dka' thub chen po dang ldan par zhes bya ba la sogs pa'o/ /de
 la dka' thub chen po dang ldan par byas la yan lag snang ba nan tan bya'o/ /zhes pa dang sbyar ro/ /de la dka' thub kyi mtshan nyid ni gong du bshad pa'o/ /de'i tshe che ba yang legs par byas pa dang/ rtag tu byas pa dang/ ma nyams pa dang/ ma 'dres par sgrub pa'i sgo nas
 mthong ba de chos la 'bras bu thob par byad nus pa'o/ /chos bskyed ces bya ba ni rang gi mtshan nyid phyin ci ma log par 'dzin pa'i phyir/ bdag gi de kho na nyid kyi rang bzhin la 'dir chos zhes bya ba'i tshig tu 'dod do/ /de bskyed pa ni rnam pa med par mos pa bskyed pa'o/
 brtul zhugs mchog ces bya ba ni rig sngags kyi brtul zhugs la sogs pa la ma 'dres pa'i tshul du gnas zhes bya ba'i don to/ /bltos bcas zhes bya ba ni slar sdud pa dang/ bsam gtan dang/ srog dang rtsol ba la bltos pa dang
 ldan pa'o/ /yul las grol zhes bya ba ni phyi rol gyi gzugs la sogs pa'i rnam pa'i mtshan nyid kyi yul las grol ba'o/ /yan lag snang ba bsam gtan bya zhes bya ba/ yan lag ni lha'i yan lag go /de dag cung zad tsam snang ba ni/ snang ba ste/ rnam par sman pa'i
 gzugs ma yin pa'i phyir/ bsam gtan dang ting nge 'dzin gyi bye brag las re zhig mi gsal bar snang ba ni yan lag snang zhes bya ba'i tha tshig go /yan lag snang ba de yang mngon du byas nas chos kyi dbyings kyi mtshan nyid kyi lha'i rang bzhin ji ltar mngon du bya ba
 de bstan pa/ der yang brtul zhugs byas nas ni zhes bya ba la sogs pa'o/ /der yang zhes bya ba ni yan lag goms par bya'o/ /brtul zhugs byas nas zhes bya ba ni yi dam bya ste/ bdag nyid lha'i rang bzhin du sems kyis byas nas zhes bya ba'i tha
 tshig go /yan lag goms par zhes bya ba'i brtul zhugs de ji lta bu zhig ce na/ dogs pa zhes bya ba gsungs te/ gsal bar mi snang zhes bya ba'i don to/ /des 'di ltar dgongs so/ /ting nge 'dzin ma thob pa slar sdud pa la sogs pa la bltos pa bcas
 par bsam gtan byed pa na/ re zhig bdag lha'i gzugs brnyan gyi rnam pa gang yin par bdag gyur par snang ba de mi gsal ba'i rang bzhin nyid de/ rnam par rtog pa dang bcas pa'i bsam gtan gyi spyod yul las byung ba'i phyir ro/ /de bas na rnam
 rtog rjes su song ba ni/ /don gsal bar ni mi snang ngo/ /zhes bshad do/ /de lta bu'i brtul zhugs mngon du byas ci zhig bya zhe na/ 'jig rten smad pa'i zhes gsungs te/ bsam gtan gcig po spyad ces bya ba dang 'brel to/ /bsam gtan dngos po
 sems pa gang la 'jig rten smod pa yod pa de ni 'jig rten smad pa'i bsam gtan no/ /des ji skad bstan pa yin te/ bdag lha'i rnam par snang bar gyur pa sgra zhes bya ba la sogs pa'i bzlas brjod dang bcas pa yid la mi byed pas yongs su spangs nas sems
 can dang gnod kyi 'jig rten ma skyes pa'i rnam par spyod pa smod pa'i rang bzhin gyi bsam gtan sems pa nyon mongs pa dang/ shes bya'i sgrib pa las rnam par grol ba'i phyir bya'o/ /zhes pa'o/ bsam gtan pa ji lta bu zhig ce na/ blo gros zhi ba bstan pa zhes gsungs so/
 de la yul ma chags pas na blo gros zhi ba'o/ /bkres pa dang/ skom pa la sogs pa'i nyon mongs pa la ji mi snyam pa ni brtan pa'o/ /'jig rten smos pa'i bsam gtan gcig bu smos pa 'ba' zhig bstan pa'i don te/ 'jig rten smos pa nyid kyi bsam gtan
 'ba' zhig spyad kyi/ bar bar du sgra'i bsam gtan la sogs pa mi spyad do/ /zhes pa'o/ /da ni 'di spyad de bdag gi de kho na nyid brtag pa sngar byas nas bsam gtan pas yan lag bsgom pa'i nan tan bya'o/ /bdag gi de kho na nyid brtag pa yang 'dus byas pa'i
 dngos po thams cad sun 'byin pa'i rnam pa'o/ /de bas na chos thams cad gzod ma nas ma skyes pa sgyu ma dang smig rgyu ba dang mtshungs par mos par byas na gal te gtsong sbra la sogs pa yang mi byed par 'gyur srid de/ de dgag pa'i phyir/ khu ba bshang gci zhes
 bya ba la sogs pa gsungs so/ /des ni 'di bstan te/ bdag gi de kho na nyid sngar byas nas/ lha'i rnal 'byor la gnas kyang 'jig rten gyi kun rdzob kyi rjes su 'jug pa'i mtshan nyid gtsang sbra bya zhing mi dge ba'i 'bras bur 'gyur ba sems can la gnod pa
 spang bar bya'o/ /zhes pa'o/ /de la khu ba zhes bya ba ni khu chu 'byung ba'o/ /bshang gci 'byung ba la sogs pa dang/ 'phags pa ni khar zos pa la sogs pa'o/ /rgyu ba ni phyen no/ /dogs pa zhes bya ba ni rang gi lus lhar snang bar gnas pas kyang zhes bya ba'i tha
 tshig go /yang zhes bya ba'i tshig gis dogs pa med cing lha'i bye brag tu bsgom pa ma byas pa 'ba' zhig gi bya ba ma yin gyi dogs pa can lha'i rnam par gnas pa'i zlos pa pos kyang bya bar bstan pa'o/ /bshang gci la sogs pa 'gro
 be med pa 'jig rten mi 'phya ba'i phyogs su dri dang chags pa med pa'i mtshan nyid gtsang sbra bya ste/ gtsang sbra med pa ni bya ba'i rgyud kyi tshul dang 'gal ba'i phyi rol zhes bya ba'i tha tshig go /chos kyis kyang de lta yin te/ gang gtsang sbra la sogs pa la
 bltos pas gsang sngags bzlas brjod byas na 'bras bu 'phral du thob par 'gyur ro/ /rnal 'byor gyi rgyud kyi tshul la yang ji ltar bya snyam na yang der yang phyi rol che chung la sogs pa byas nas mi gtsang bzhin du gsang sngags bzlas brjod bya'o//
 zhes na mi gsungs so/ /'phags kyang rung ma 'phags kyang rung/ gtsang yang rung ma gtsang rung zhes bya ba la sogs pa gang gsungs pa de dag kyang gtsang sbra la mngon par zhen pa yongs su spang pa'i phyir ram/ rnal 'byor la gcig kho nar 'bar ba'i gang
 zag la dgongs pa ste/ gang gi phyir zhe na/ 'di ni phyi rol gyi bya ba thams cad la mi bltos pa nyid du rnal 'byor goms shing sems brtan par snang ba'i mtshan nyid kyi dngos grub thob par bya ba'i phyir zhugs pa yin pas de la phyi rol gyi
 gtsang sbra bstan pa'i cho ga 'di ci zhig bya/ gang yang ral gri la sogs pa'i dngos grub phyi rol gyi mtshan ma la bltos pa dang bcas pa de bsgrub pa'i phyir/ /'phags pa de kho na nyid bsdus pa la sogs pa/ rnal 'byor gyi rgyud kyi dgongs pa 'grel
 pa rdo rje rtse mo la sogs pa las dus gsum du khrus bya ba la sogs pa yang de'i phyir gsungs te/ rgya cher 'phros pa 'dis ni ci zhig byas btang ngo/ /yod ye 'di ni bya ba'i rgyud yin pas na rnal 'byor bsgom pa bya bas kyang gtsang sbra byas
 yongs su mi btang bar bya'o/ /zhes bka' stsal to/ /dben par gtsang sbra brtsam par bya zhes bya ba la stong pa nyid sgom mo zhes bya ba gang dag bcad pa de'i lan du bya ba ni/ gal te don 'di lta bur dgongs pa zhig yin/ /stong pa nyid bsgom mo zhes gsungs
 par gyur mod kyi/ dben par gtsang sbra bya ba'i dgongs pa ci zhig bya/ rab tu stong par smra ba dag bshang gci byas pa'i mi gtsang bas lus dang gos la reg pa'i bring bas 'jigs nas sgor 'jug tu yang mi ster ro/ /zas bslang du yang mi thob pas bkres
 pa'i sdug bsngal bas lus dang yid nyon mongs te/ dus ma yin pa nyid du thams cad stong par 'gyur ba'i mtshan nyid 'chi bar 'gyur ta re/ mi 'dod pa'i las spangs pa'i man ngag kyang/ srad dang khron pa lu ma dang zhes bya ba la sogs pa gsungs so/ /de
 la srad la sogs par sems can la gnod par kun tu mi spyad ces bya ba dang 'brel to/ /de la sems can ni srog chags so/ /de dag la tshe ba ni gnod pa ste/ de kun tu mi spyad pa ni mi bya ba'o/ /de dag gang gis mi spyad ce na/ lus ngag yid kyi ces bya ba gsungs so/ /de la
 lus kyis srog gcod pa dang/ ma byin par len pa dang/ 'dod pas log par spyod pa dang mi tshangs par spyod pa spong ba'i mtshan nyid sems can la gnod pa yongs su spang ba'o/ /de bzhin du ngag gi las kyang brdzun du smra ba dang/ tshig 'khyal pa la sogs pa yongs su spang
 ba'i mtshan nyid do/ /yid kyi ni tshigs? sems la sogs pa spang ba'i ngo bo nyid do/ /'o na lus dang ngag gi las kyi lam rjes su zhugs pa ni sems can rnams la gnod par srid na chags sems dang/ gnod par sems pa dang/ log par lta ba'i mtshan nyid ni yid
 kyi las gyi lam gyi rjes su 'jug pa ste/ bdag la mi 'dod pa la sogs pa'i las la sogs par gyur du zin kyang yid kyis sems la gnod pa kun tu mi spyod do/ /zhes dgag pa sems can la gtsang la rgnod par go ji ltar 'gyur/ de la nyes pa
 med de/ gang gi phyir zhe na/ bdag kyang sems can gyi nang du gtogs te/ de bas na bdag la yang gang mi 'dod pa'i 'bras bu tshe phyi ma la sogs par 'gyur ba de yang nyes par 'gyur ba nyid pas dgag par dgongs pa'i
 phyir ro/ /yang na lus dang ngag gi las bskyed pa'i rgyu sems pa bkag pas nyes pa med do/ /spang ngo zhes bya ba ni bslab pa slang bas sems can la gnod pa yongs su spangs te/ mi bya'o zhes pa'o/ /des 'di ston te sdom pa gzung ba sngar byas nas/ gang
 las kyi lam gyi rjes su 'jug par byed pa de sems rab tu rtas pas lhun gyis grub par yang mngon du 'gyur ro/ /da ni bsam gtan dang bzlas brjod dang sgrub pa la sogs pa'i rgyu'i lha'i rnal 'byor gyi mtshan nyid brtul zhugs gang gsungs pa/
 brtul zhugs de mngon du bya ba'i gnas dang dus nges par bya ba'i phyir/ bsam gtan dang ni bzlas pa dang/ gsang sngags bsgrub par bya ba dang/ sbyin sreg las de dbang bskur dang/ yul gyi bya ba rnams la yang/ brtul zhugs gsungs pa
 gang yin pa/ zhes bya ba gsungs te/ de la gsang sngags rnams kyi bsam gtan bya ba'i phyir/ brtul zhugs gsung pa gang yin pa zhes bya ba dang sbyar ro/ /de bzhin du bzlas brjod la sogs pa la yang sbyar ro/ de la gsang sngags rnams kyi bsam
 gtan ni/ me gnas dngos grub ster ces bya ba la sogs pa sngar gsungs pa'o/ bsam gtan de'i phyir/ gsang sngags kyi yi ge re re la rtog pa'i rnam pa tshig rnam par dag pa sgra'i bdag nyid kyi bsgos pa sgra'i bdag nyid kyi lha'i rnal 'byor gyi
 mtshan nyid la rig sngags kyi brtul zhugs su bshad do/ /de bzhin du gsang sngags rnams bzlas brjod bya ba'i phyir brtul zhugs gsungs pa/ mi 'gyur gsang sngags gzhi la gnas zhes bya ba 'dis bdag nyid bdag gi lha'i skur gyur par bsam
 pa'i sgo nas brtul zhugs bya ba bstan to/ /de bzhin du bsgrub pa la sogs pa'i brtul zhugs kyang rang gi lha'i bdag nyid du rig par bya ste/ des 'di ltar sbyar ro/ /gsang sngags rnams kyi sbyin sreg gi phyir brtul zhugs dang gsungs pa zhes bya ba ni gsang sngags
 rnams la sbyin sreg dbul ba'i phyir/ lha'i rnal 'byor bshad pa gang yin pa'o/ /gsang sngags rnams dbang bskur ba'i brtul zhugs ni gsang sngags kyi gzugs brnyan gyi sku la thim par bya ba'i phyir 'o ma la sogs pas dbang bskur ba'o/ /yang na sgrub pa po
 gsang sngags bsgrub par bya ba'i phyir/ gang dbang bskur bar bya ba de ni gsang sngags kyi dbang bskur ba ste/ gsang sngags kyi dbang bskur ba da la gang gsungs pa gang yin pa zhes bya ba dang sbyar ro/ /yul gyi bya ba rnams la yang brtul zhugs gsungs pa gang
 yin pa zhes bya ba ni dkyil 'khor dang/ bsgrub pa dang/ bzlas brjod kyi gnas byi dor byed pa'i tshe/ gang lha'i rnal 'byor gyi mtshan nyid brtul zhugs mngon du bya'o/ /zhes dgongs pa'o/ /brtul zhugs de gnas gang du bya ba dang/ dus ji srid du bya
 ba de dag thams cad bcom ldan 'das rdo rje 'dzin gyi sngon bdag la bshad do/ /zhes cho ga 'chad pa'i tshangs pas nyan pa'i tshangs pa la smras pa de yi gnas dang/ tshad rnams kyang/ sngon gyi bdag nyid 'ba' zhig la/ mthu chen rdo rje 'dzin
 pa'i lhas/ /rab tu gsang ba gsungs pa yin zhes bya'o/ /de'i zhes bya ba ni lha'i rnal 'byor gyi mtshan nyid brtul zhugs kyi ste/ gnas dang tshad gang yin de dag kun bshad par bya zhes bya ba dang sbyar ro/ /'dir yang bdag gi blos brtags te smra ba ma
 yin na/ /zhes bstan pa'i phyir/ sngon ni bdag nyid 'ba' zhig la/ mthu chan rdo rje 'dzin pa'i lhas/ /rab tu gsang ba gsungs pa yin zhes bshad do/ /lha'i rnal 'byor gyi mtshan nyid brtul zhugs mngon du byed pa'i gnas dang dus gang gsungs
 pa de thams cad bshad par bya ba 'ba' zhig tu ma zad kyi nye bar gyur pa la sogs pa'i mtshan nyid gang gsungs pa de yang bshad par bya'o zhes bstan pa'i phyir/ nyer gyur mngon du phyogs pa dang/ gsang sngags ster bar gyur  
 pa dang/ gzhan du phyogs pa gang yin pa/ /de kun tshangs pa khyod la bshad/ ces gsungs so/ /de la nye bar gyur pa la sogs pa'i tshig rnams ni/ gsang sngags rnams zhes bya ba'i skabs 'di dang sbyar ro/ /de bas na gsang sngags nye bar gyur ba dang/
 mngon du phyogs pa dang/ gsang sngags ster ba dang/ gzhan du phyogs pa rnams bstan par bya'o/ /zhes gsungs pa yin no/ /de la bsam gtan dang bzlas brjod la sogs pa rab tu goms pas sems mnyam par bzhag par gyur pa'i sgrub
 pa po byin gyis brlab tu rung bar mkhyen nas lha spyan drangs kyang rung ma drangs kyang rung/ nam de dang nye bar gshegs pa de ni rig sngags nye bar gyur pa zhes bya ste/ drung du gshegs par gyur zhes bya ba'i tha tshig go des ni nye bar gyur pa'i mtshan ma gang yin pa de
 bshad par bya'o/ /zhes gsungs pa yin no/ /mngon du phyogs zhes bya ba ni lha nyid kyi gnas na bzhugs bzhin du gang spyan ras kyi 'tsho ba de la mngon du phyogs pa zhes bya'o/ /de bas na mngon du phyogs par gyur pa'i mtshan ma gang yin pa
 de dag kyang bshad par bya'o/ /zhes gsungs pa yin no/ /gsang sngags nyid kyi gnas na bzhugs bzhin du spyan ras kyi 'tsho ba'i mtshan nyid 'di yang nye bar gyur pa'i mngon rol tu lta bar bya ste/ de bzhin du 'og nas kyang 'chad do//  
 gsang sngags ster ba zhes bya ba ni gsang sngags rnams kyis sbyin zhing gsol ba la gsang sngags ster ba zhes bya ste dngos grub la bya'o/ /des ni dngos grub kyi bye brag kyang bshad par bya'o/ /zhes gsungs pa yin no/ /gzhan du phyogs
 zhes bya ba ni gsang sngags 'phang bar 'gyur ba'i gnas skabs kyang bshad par bya'o zhes bstan pa ste/ nyes gang dag byung na gsang sngags 'phang bar 'gyur ba de dag kyang bshad par bya'o zhes pa'o/ /da ni rig sngags kyi brtul zhugs kyi gnas skabs mdor bstan pa de zhib du
 bshad pa'i phyir/ gsang sngags la sogs dang ldan pa'i zhes bya ba la sogs pa gsungs so/ /de 'di skad bshad par 'gyur te/ nam lha'i rnal 'byor gyi mtshan nyid rig sngags kyi brtul zhugs mngon du byed par 'dod pa de'i tshe mdun du de bzhin gshegs pa'i sku gzugs
 bsams la/ rig sngags dang gsang sngags dang/ khro bo dang mngag gzhug pa dang/ mngag gzhug ma la sogs pa nam mkha' i dbyings khyab cing kho ra khor yug tu yongs su bskor bar thang cig tsam zhig mngon par bsams la ting nge 'dzin gyis gsal bar bya ste/ bdag nyid kyang
 gsang sngags dang rig sngags kyi gzugs kyi rang bzhin gyi mtshan nyid brtul zhugs bshad par byin gyis brlabs la/ de'i dbus na 'dug par bya'o/ /ci'i phyir zhe na/ rig sngags dang gsang sngags la sogs pa thams cad rgyal ba'i spyan snga na rtag tu 'khod de/ de bas na
 sngags pa yang yang gsang sngags la sogs pa'i lha'i rnal 'byor byas pas ting nge 'dzin gyis tshul gyis rgyal ba la mngon du phyogs par ci nus su bya'o/ /da ni de bzhin gshegs pa'i/ 'khor gyi dkyil 'khor gyi dkyil 'khor gyi nang na 'dug pa rang gi lha'i rnal 'byor gyi mtshan nyid
 rig sngags kyi brtul zhugs de mngon du bya ba'i dus nges par bstan pa'i phyir ro/ /dus gsum du ni phra mo 'di zhes bya ba la sogs pa gsungs so/ /de la dus gsum zhes bya ba ni snga dro dang phyi dro dang phyed mtshams kyi bye brag go /'di zhes bya ba ni de'i nang na 'dug pa rang gi rig sngags
 kyi brtul zhugs la snyags so/ /phra mo zhes bya ba ni bsam gtan gyi rig par bya ba'i phyir ro/ /gsang sngags rnams bsgrub pa la brtun pas rig par bya'o/ /zhes bya ba ni brtag par bya zhing mngon du bya'o/ /zhes bya ba'i tha tshig go /ci 'di 'ba' zhig dus gsum
 du mngon du bya 'am/ zhes pa la ma yin no zhes bstan pa/ yan lag bcu'i cho ga las zhe bya ba ste/ de ji lta ji ltar srid pa'i yan lag bcu'i rnam pa dang ldan par rig sngags kyi brtul zhugs de dus gsum du mngon du bya'o zhes pa'o/
 yan lag bcur nges pa'i cho ga 'di ni yan lag bcu'i cho ga ste/ bzlas brjod kyi yan lag bzhi la sogs pa'i cho ga'i mtshan nyid do/ /yan lag bcu'i cho ga de gang las su bya zhing nan tan du bya ba de gang yin pa dang lhan cig tu rig sngags kyi
 brtul zhugs de dus gsum du mngon du bya'o zhes pa'o/ zhes bshad pa yin no/ /de la yan lag bcu'i bdag gi de kho na nyid dang/ rig sngags kyi de kho na nyid dang/ bzlas brjod kyi de kho na nyid dang/ me la gnas pa la sogs pa'i bsam gtan
 rnam pa gsum dang/ gsang sngags bsgrub pa la 'jug pa'i cho ga dang/ sbyin sreg gi cho ga dang/ dbang bskur ba'i cho ga dang/ gnas kyi bya ba'i nan tan te/ de dag ni yan lag bcu rnams so/ /de bas na yan lag bcu po de rnams las ji
 ltar skabs su bab pa las gang yang rung ba'i yan lag nan tan du byas pa las/ lhan cig tu lha'i rnal 'byor gyi mtshan nyid rig sngags kyi brtul zhugs de mngon du bya'o/ /zhes bya bar dgongs pa'o/ /gang phyir zhe na/ lha'i rnal 'byor byas
 pa la gsang sngags las byung ba'i las kyi bye brag sbyor ba'i mtshan nyid ni de dag tsam du zad pa'i phyir ro/ /da ni gsang sngags gzhan du phyogs par 'gyur ba'i rgyu rnams bshad par bya ste/ de shes nas yongs su spang ba'i phyir ro/ /de dag
 kyang mi 'dod pa'i las kyi bag chags langs pa'i dbang ngam/ ya nga ba ma spangs pa las gsang sngags kyi byin gyi brlabs pa'i skal ba med par 'gyur ba'i rgyu rnams ni ma dad pa dang/ snyom pa la sogs pa sngags pa'i rgyud las byung ba ste
 de bas na de bstan pa'i phyir gsungs pa ma dad pa dang snyom pa dang zhes bya ba la sogs pa nas/ gsang sngags de las gzhan du phyogs zhes bya ba'i bar du'o/ /de la ma dad pa la sogs pa de dag ji ltar srid par rang gi las dang/ rang gi rnam par rtog pa dang skye bo
 sdang ba dang brten pa'i mtshan nyid dang/ rgyu rnams gsum las byung ba yang gnyen po las/ nan tan byas pas bzlog par bya'o/ /de la las las skyes pa rnams bzlog pa ni bdag med pa'i bsam gtan dang/ bzlas brjod dang sbyin sreg la sogs pa'o/ /rang
 gi rnam par rtog pa las byung ba rnams ni de'i rang bzhin rnam par dpyad pas so/ /skye bo sdang ba dang brten pa'i skabs su gyur pa ni de yongs su spang bas bzlog go /las la the tshom za ba dang/ zhes bya ba ni dge ba dang mi dge ba'i las kyi 'bras bu 'am/ yang na
 gsang sngags kyi las dus dus su ji ltar byed pa'i the tshom za zhing brjed pa'i skabs su 'byung ba'o/ /log 'dren gyis brlabs pa dang/ zhes bya ba ni ji skad gsungs pa'i nyes pa rnams las gzhan pa sems g.yeng ba la sogs pa ni log 'dren gyis brlabs pa'i
 nyes pa yin par shes par bya'o/ /'dir yang 'di ltar shes par bya ste/ nam ma dad pa la sogs pa de dag las kyi bag chags la sogs pa'i mthu las byung bar gyur pa de'i tshe sngags pa de las gsang sngags gzhan du phyogs par 'gyur te byin gyis brlabs pa'i
 skal ba med par 'gyur gyi sgrib pa thams cad spangs pas rtog pa'i bag chags bsal ba'i gsang sngags la sogs pa nyid ni 'phang bar mi 'gyur ro/ /sngags pa'i rgyud las de dag skyes pa'i tshe gtso bo'i rgyu ma tshang bas rig sngags dang gsang sngags dag gis
 kyang bzlog par mi nus so/ /'di ltar gsang sngags la sogs pa ni mchod pa dang bzlas brjod la sogs pas bsod nams skye ba'i rgyur gyur zhing dngos grub thob pa'i bag chags rtas pa'i grogs tsam zhig sgrub pa po la mdzad par 'dod do/ /gal te
 'grub pa'i las kyi bag chags med pa la yang dngos grub ster bar 'gyur na ni de'i tshe rab tu thugs rje ches pas thams cad thams cad stsol ba'i mthu mnga' bar 'gyur ro/ /de ltar yang ma yin pas rab tu spros pa btang ngo/ /de nas gzhan
 yang gsang nye bar gyur cing mngon du phyogs par gyur pa'i rgyu sgrub pa pos bsam gtan dang/ bzlas brjod la goms par byas pa las byung ba'i yon tan bstan pa/ gang zhig zhi bar 'dug pa dang/ sgra yi ngo bor gyur pa na/ /de tshe sngags pa gsang sngags
 la/ /nye bar gyur cing mngon du phyogs zhes bya ba yin no/ /de la gang zhig ces bya ba ni 'dis ni ji ltar srid pa'i bsam gtan dang/ bzlas brjod byed pa gang yang rung ba de la snyegs so/ /zhi ba zhes bya ba ni 'dod pa dang/ khro ba dang/ rgyags pa dang/ rgyu la sogs
 pa kun nas ma langs zhing lus dang ngag dang yid ma gyur pa'i gnas skabs thob nas zhes bstan pa'o/ /'dug pa zhes bya ba ni bsam gtan nam bzlas brjod byed pa'i phyir 'dug ces dgongs pa'o/ /sgra yi ngo bo gyur pa zhes bya ba la/ de'i ngo bo ni
 rang bzhin du gyur pas na/ sgra de'i ngo bo zhes de skad gsungs te/ sgra'i rnam pa'i rang bzhin du rnam par shes pa gcig nas gcig du rgyun mi 'chad ces bya ba'i don to/ /des 'di skad bstan par 'gyur te/ de lta bur gyur pa de bsam gtan
 nam bzlas brjod byed pa la 'dug nas gang gi tshe bsam gtan du byed pa 'am bzlas brjod du bya ba'i sgra gcig bu la migs par gyur na/ de'i tshe gsang sngags nye bar gyur cig /mngon du phyogs pa zhes bya'o/ /'dir ni nye bar zhes bya ba mngon
 du phyogs pa'i khyad par te/ de ni nam bsam gtan pa 'am/ bzlas brjod byed pa sgra'i ngo bor gyur pa de'i tshe/ gsang sngags nye bar gyur pa spyan ras kyi 'tsho ba'i mtshan nyid mngon du phyogs par 'gyur ro/ /zhes bstan to/ /de bas na gzhan
 yang gsang sngags mngon du gyur pa'i tshe thun mong ma yin pa'i yon tan rnams bstan te/ de dag kyang lha dang lha min sems can ni zhes bya ba la sogs pa tshigs su bcad pa bzhis bstan to/ /de la tshigs su bcad pa dang po dang gnyis pa dang bzhi pas
 mngon du gyur pa'i tshe phyi rol gyi mtshan ma bstan to/ /tshigs su bcad pa gsum pas nang gi mtshan ma bstan par rig par bya'o/ /lha ni lha la sogs pa'o/ /lha ma yin ni srin bu la sogs pa'o/ /zhi ba zhes bya ba ni mi gnod pa'o/ /da ni gsang sngags mngon 
 du 'gyur ba'i yon tan thob pa mi nyams par bya ba'i thabs bstan te/ de bsrung ba mngon du 'gro ba'i brtson pa byed na dngos grub nye bar gyur pa'i phyir/ gsang sngags lha ni mngon phyogs pa'i zhes bya ba la sogs pa'i tshigs su bcad pa gnyis kyis
 bstan te/ kun tu zhen zhes bya ba ni bzlas brjod dang/ bsam gtan la sogs pa'o/ /dka' thub dang ldan zhes bya ba ni ji skad du smos pa'i dka' thub bya ba la brtson pa zhes bya ba'i tha tshig go /nam mkha' rgyu ba'i 'gro bar gnas zhes bya ba ni nam mkha' la
 'gro ba na/ nam mkhar rgyu ba ste/ lha'o/ de dag gi 'gro ba ni lha'i 'gro ba'o/ /der gnas pa ni lhar gyur pa'o/ /nam mkhar rgyu bar gnas zhes bya ba 'di yang grub pa'i gnas skabs nye bar bstan pa'i tshig tu gtogs par blta'o/ /myos pa'i mtshan nyid gti
 mug pa ni/ mngon du gyur pa'i tshe dang/ grub par gyur pa'i tshe dbang phyug thob pa ma nyams par 'gyur ba'i rgyur mtshungs par bstan pa'i phyir ro/ /dbang phyug ces bya ba ni lus dang ngag dang yid mchog thob pa'i mtshan nyid do/ /de yang mngon du gyur pa'i
 tshe'i mtshan nyid/ de la shes pa'ang de la skye bar 'gyur zhes bya ba la sogs pa sngar bstan pa'o/ /grub pa'i gnas skabs nye bar bstan pa yang rig dang rdzas kyi dngos grub dang/ /sman gyi yang ni lus can rnams zhes bya ba la sogs pa 'og nas
 'chad do/ /gang zhig ma myos zhes bya ba ni rmongs par mi 'gyur ba ste/ sems blong bar mi 'gyur zhes bya ba'i don to/ /des ji skad bstan par 'gyur te/ mngon du 'gyur ba'i tshe dbang phyug thob pa mi nyams pa'i rgyu ni bzlas bcod
 dang bsam gtan la sogs pa la zhen cing dka' thub dang kha ton la 'grus pa dang/ sems ma rmongs pa'o/ /grub pa'i tshe dbang phyug thob pa la ni mi rmongs pa gtso bo ste/ de'i tshe ni khyad par du dam tshig bsrung ba la bye brag tu nan tan bya bar
 'dod do/ /de bas na bzlas brjod bya ba la sogs pa ni/ dam tshig tsam du dgongs su zad kyi ma grub pa grub pa'i rgyu ni ma yin no/ /da ni mngon du gyur pa'i tshe dbang phyug thob pa'i yon tan nyams par gyur pa'i rgyu spong zhing bzlas brjod dang bsam gtan
 la sogs pa la mngon par brtson par byas na/ rim gyis 'bras bu gang thob par 'gyur ba de bstan pa'i phyir/ gsang sngags 'bras bu ma lus pa zhes bya ba la sogs pa tshigs su bcad pa gnyis kyis bstan to/ /des zhes bya ba ni mngon du byung ba
 dang/ grub pa'i tshe thob pa nyams par gyur pa'i rgyu spong ba'o/ /gnas mchog ces gsungs pa de yang gang zhe na/ rdo rje can gyi gsang ba'i mchog ces bya ba la sogs pa gsungs so/ /de la rdo rje can ni rdo rje 'dzin pa ste/ gsang sngags kyi spyod pa
 las byung ba'i byang chub sems dpa' i khyad par ro/ /de'i gsang ba'i mchog ni sku dang gsung dang thugs kyi 'byor ba'i mtshan nyid do/ /des 'di skad bstan par 'gyur te/ gsang sngags spyad pa las byung ba'i byang chub sems dpa' i go 'phang ni gnas
 mchog ste/ dam pa de thob par 'gyur ro zhes pa'o/ /rdo rje 'dzin pa de'i gsang ba'i mtshan nyid kyi phan yon ni bsngags pa'i phyir/ gang zhig thob nas bder 'gyur ba/ yongs su rdzogs pa rgyal ba bzhin zhes gsungs so/ /des 'di ltar dgongs te
 gsang sngags kyi spyod pa las byung ba'i byang chub sems dpa' i ting nge 'dzin gyi yul ma thob kyang/ gsang sngags kyi sbyor ba'i 'bras bur gyur pa myong bar 'gyur te/ de dag ni de bzhin gshegs pa'i sku la sogs pa'i 'khor la sprul pa'i sems can ? dang/
 grol ba la sogs pa'i rgyur gyur pa yang gsang sngags kyi sbyor bas byas nas bdag kyang bde ba 'phel bar byed do/ /ji ltar zhe na/ rdzu 'phrul ni rnam pa bzhi ste/ skyes nas thob pa dang/ sbyor ba las byung ba dang/ gsang sngags dang/ sman las byung ba dang/ las
 las skyes pa'o/ /de bas na gsang sngags kyi sbyor ba'i mthus de bzhin gshegs pa'i rdzu 'phrul kha cig kyang thob bo zhes bstan pa/ gang zhig thob nas bder 'gyur ba/ /yongs su rdzogs pa rgyal ba bzhin zhes sngar gsungs so/ /de la gsang sngags kyi lha mngon du
 gyur pa thob nas/ sgrub pos zhen par bya'o zhes gong du bshad pa dngos pos gang la zhen par bya ba 'di bshad de/ de bas na zhen par bya ba'i yul gsungs pa spro zhing stobs dang ldan pa ni zhes bya ba la sogs pa'o/ /des ni dka' thub dang bsam gtan dang/
 bzlas brjod ji skad bshad pa la/ zhen cing mngon par brtson par bya'o zhes bshad de/ de la spro ba ni brtson 'grus dang ldan pa'o/ /stobs dang ldan pa ni bkres pa dang/ skom pa dang/ pha rol gyi gnod pa la sogs te/ nyon mongs pa bzod pa'o/ /gsang sngags
 rang bzhin me yis ni/ /sdig pa thams cad bsreg par bya zhes bya ba dang 'brel to/ /gsang sngags kyi ngo bo nyid kyi me zhes bshad pa yin no/ /me'i rang bzhin yang gang gi phyir gsang sngags bzlas brjod byas sam/ bsam gtan du byas nas mngon
 sum du 'am/ brgyud pas skye ba dang 'chi ba'i zhags pa la sogs pa sreg par byed do/ /zhes sngar bshad do/ /sdig pa rnams ji ltar bsreg ce na gsungs pa/ bzlas brjod bsam gtan dka' thub med zhes bya ba la sogs pa gsungs te/ de dag
 ni bya ba'i bye brag go /des ni gsang sngags rnams kyi bzlas brjod dang/ bsam gtan dang dka' thub kyi bya bas de dag bsreg ces bya ba'i tha tshig go /bsreg par bya zhes bya ba ni sreg pa dang dang 'dra zhes bya ba'i don to/ /de bas na 'di skad bshad
 par 'gyur te/ gsang sngags kyi bsam gtan dang bzlas brjod las byung ba'i dge ba'i bag chags de ni 'grus ba dang/ rtag tu sbyor ba las gyur pa'i phyir stobs dang ldan pa'o/ /de bas na de'i rnam par smin pa de ma thag pa nyid du mngon par skye'o/ /rnam par
 smin pa de yang bag yod pas rig pa 'dzin pa la sogs pa'i grub pa'i rim gyi 'phags pa rdo rje 'dzin gyi sku dang/ gsung dang/ thugs kyi gsang ba thob pa'i rim pas sangs rgyas pa'i bar du 'gyur ro/ /de bas na sdig pa'i bag chags 'bras bu rnam par
 smin pa'i skabs mi rnyed pa ni sa bon bsregs pa dang 'dra bas na sdig pa rnam par bsreg ces bshad do/ /gzhan yang 'dod chags med pa la sogs pas bskyed pa bzlas brjod dang bsam gtan gyi mtshan nyid dge ba'i bag chags ni 'dod chags la sogs pa'i
 mthu chud par byed pas sdig pa'i bag chags phyir ldog go zhes de skad du bshad duAng rung mod kyi/ gzhung rab tu mang por 'phros su dogs pa dang/ tshul 'di ltar grags pa'i phyir 'dir bdag gis zhib tu ma dpyad do/ /da ni bzlas brjod dang bsam
 gtan bsgom pa las sgrub pa po'i yon tan 'byung ba gsang sngags nye ba'i rgyur gyur pa bstan pa gnas dang zas dang grang ba dang zhes bya ba la sogs pa'i tshigs su bcad pa bzhi gsungs so/ /de tshe las kyi 'bras bu des zhes bya ba ni bzlas brjod dang
 bsam gtan gyi bag chags kyi mtshan nyid las kyi 'bras bu ji ltar 'dod pa'i dngos grub kyi mtshan nyid gdon mi za bar nges par 'gyur bar rig par bya/ 'dis kyang lus kyi yon tan gsang sngags nye bar gyur ba'i rgyu las byung ba rnams bstan to// 
 yid kyi yon tan 'byung ba bstan pa'i phyir/ sgra 'am yang na gzugs la yang/ /gang brtson pa ni mi rmongs pa zhes gsungs te/ bsam gtan pa 'am/ zlos pa po ji ltar rig par yi ge dang dbyangs kyi rang bzhin sgra dang/ lha'i rang bzhin gyi gzugs
 la bya ste/ mi rmongs zhes bya ba ni dmigs pa'i tshe sems blong bar mi 'gyur ba'o/ /des 'di skad bshad par 'gyur te/ bsam gtan du bya ba dang bzlas brjod du bya ba'i sgra la sogs pa la ji tsam 'dod par rnam par shes pa'i rgyun 'jug par bar ma chad
 par 'dzin zhes bya ba'i don to/ /don 'di ni sgra'i ngo bor gyur pa na zhes bya ba'i tshig des gong du yang bshad zin mod kyi/ gsang sngags kyi bsam gtan la phal cher sgra'i ngo bo la dmigs pa gtso bor bstan pa'i phyir gsang sngags nye bar gyur pa
 la sogs pa'i skabs thams cad du yang/ sgra 'am yang na gzugs la yang mi rmongs zhes gsungs so/ /yang na sgra'i ngo bor gyur pa'i gsang sngags nye bar gyur pa mngon du phyogs pa nyid kyi rgyu yin gyi gsang sngags nye bar gyur pa'i gnas skabs
 kyi ni ma yin no/ /zhes kha cig de ltar sems na yang gzugs la sbyor ba na mi rmongs pa'o/ /zhes de tsam zhig bshad pa la sgra 'am/ yang na gzugs zhes bya ba'i don mtshungs par bstan pas nyes pa med do/ /nye bar gyur par des bshad bya zhes bya
 ba ni gsang sngags kyi skabs so/ /gang zhig mthong ba tsam gyis ni/ sems can thams cad byams gyur pa/ zhes bya ba 'dis ni lus kyi yon tan bshad do/ /de la snang ba dang mi snang ba dang/ mi dang srin bu dang/ sprul dang gcan gzan khro bo
 la sogs pa ni sems can thams cad ces bya ba'i sgrar brjod do/ /de ni dngos grub nye bar 'gyur zhes bya ba ni dngos grub nye bar gyur pas gsang sngags nye bar gyur pa bstan to/ /sems can bgegs byed pa de rnams sgrub pa po la byams
 pa'i sems 'jog ste/ de bas na bgegs med par bstan pa bgegs rnams thams cad rnam par spangs zhes gsungs so/ /gal te sems can chen po rnams sgrub pa po la byams par 'gyur te/ bgegs med par gyur
 pa dngos grub kyi rgyu yin na/ 'o na ni de ltar gyur pa'i tshe bgegs med pas bsgrub pa'i tshe bsrung ba la sogs pa cung zad kyang mi dgos so/ /zhes smras pa la/ bde ba dang ni sdug bsngal mdza' / /'dod dang khro dang 'jigs pa dang/ /nad dang 'chi
 dang gnod bdag gi /rgyu ni sngags pa rnams la yod ces gsungs so/ /'dir bde ba la sogs pa'i bag chags sgrub pa po'i rgyud la yod do zhes bstan to/ /des 'di skad gsungs par 'gyur te/ gnas dang zas dang grang ba la sogs pa la ji
 mi snyam par gyur nas grang ba la sogs pa'i gnod pa sdug bsngal gyis kun nas dkris pa'i mtshan gyi bgegs med par gyur pa dang/ de bzhin du bsam gtan dang/ bzlas brjod byed pa'i tshe dmigs pa la brtan par gyur pa na sems g.yeng ba
 la sogs pa'i mtshan nyid kyi bgegs med par gyur pa dang/ de bzhin du sems can thams cad byams par gyur pas de las byung ba'i gnod pa'i phyir des nye bar bskyed pa gnod pa'i mtshan nyid kyi bgegs de'i yul la/ khro bo la sogs pa kun nas
 dkris pa dang bcas par med par kun tu zin kyang gang yang de dag gi /rgyu bdag gi rgyu la bag chags su gnas pa'i mtshan nyid de dag bzlas brjod byed pa la med pa ni ma yin no/ /de bas na bag chags kyi mtshan nyid kyi rgyu yin pas grogs
 byed pa'i rkyen dang phrad na bgegs 'byung bar 'gyur ro/ /de bas na de gsal ba'i phyir/ sgrub pa la sogs pa la srung ba bya bar rigs pas nyes pa med do/ /da ni gsang sngags nye bar gyur ba'i sngags pa'i phan yon bstan pa'i phyir/ nam zhig nye
 bar gyur pa na/ /dus dang yang dang bya dang lus/ /chos dang chos min 'bras bu la/ /de tshe sngags pa mi bltos so/ /zhes bya ba gsungs so/ /des 'di skad gsungs par 'gyur te/ nam sngags pa la gsang sngags nye bar gyur pa de'i tshe dus la
 sogs pa la mi bltos par dngos grub sgrub pa rtsom mo zhes bya ba'i tha tshig ste/ nam sngags nye bar ma gyur pa la mngon du bsnyen pa med pa de'i tshe bzlas brjod dang/ bsam gtan dang dbang bskur ba la sogs pa'i tshigs la dus la sogs pa la
 bltos par bya'o/ /zhes don gyi dbang gi gsungs par 'gyur ro/ /'o na sngags pa dus la sogs pa la mi bltos na bsgrub par bya ba la gsang sngags 'bar bar 'gyur ro zhes/ bsdam pa dang ni bshig pa dang zhes bya ba la sogs pa'i gzhung gis bstan na/ de ci'i phyir
 dus la sogs pa la mi bltos par bshad/ de ni gsang sngags nye bar ma gyur pa las dgongs te gsungs pas nyes pa med do/ /gang rig sngags nye bar gyur pa la sogs pa'i sgrub pa pos ni nyes pa byas pa yang bzod do zhes bstan/ rig sngags nye
 bar gyur 'dod dang/ /sgrub pa dang ni de bzhin mchog /nyes pa stong dag byas pa yang/ /bzod par 'gyur ba dgos pa med/ /ces bya ba gsungs so/ /rig sngags nye bar 'gyur ba bzod pa'i skabs 'dir/ rig sngags 'dod pa la sogs pa rnams
 kyang bzod par 'gyur ba srid do zhes bstan to/ /'dir bzlas brjod dang bsam gtan la sogs pas sgrub po'i yon tan ji skad du smos pa dang ldan pa la/ rig sngags nye bar gyur pa bstan to/ /'dod pa ni nye bar ma gyur kyang sgrub pa po sngon du bsnyen
 pa byed pa'i tshe/ yang nye pa byas bzod do/ /'dod par gyur pa yang de dang cha mthun pa 'am/ tshe rabs snga ma la mnyes par byas pas so/ /grub pa ni ral gri la sogs pa'i dngos grub ster ba'i sgo nas grub pa'i dam tshig las 'das pa'i nyes ba
 byas pa yang cung zad bzod do/ /de bzhin du rig sngags mchog ni nye bar ma gyur pa dang/ 'dod pa ma yin pa dang/ ma grub pa yang mthu che bas cung zad kyis mi 'khrugs pa'i phyir/ sgrub pa po'i nyes pa med do/ /zhes
 gsungs so/ /stong zhes bya ba ni mang po'i nye ba'i mtshan ma 'am/ nges pa'i tshig ste stong las lhag par mi bzod zhes bya ba'i tha tshig go /sgrub pa po nyes pa bzod pa 'ba' zhig ma yin gyi/ rigs las byung ba la sogs pa'i dngos grub kyang nye bar
 gyur pa dang/ grub pa bdag ster ro zhes bstan pa/ rigs dang rdzas kyi dngos grub dang/ sman gyi yang ni lus can la/ /nye bar gyur dang sngags grub pa/ /dbang du gyur pa rtag par 'gyur ro/ zhes bya ba gsungs so/ /de la rigs kyi
 dngos grub ni bsgrub par bya ba'i rdzas med par yang bzlas brjod byas pa 'am/ bsam gtan du bya ba las mngon par shes pa la sogs pa'i rig sngags kyis byin pa 'am/ rang gi rigs dang rigs mthun pa 'am/ gnod sbyin la sogs pa'i
 rigs dang rigs mthun par skye ba ni bsgrub par bya ba'i rdzas med par yang rigs su gtogs pa'i gsang sngags kyi lha 'ba' zhig las thob pas na rigs las byung ba zhes gsungs so/ /de bzhin du rdzas las byung ba ni ral gri la sogs pa'i dngos
 grub kyi mtshan nyid do/ /sman gyi zhes bya ba ni shu dag la sogs pa sgrub pa las byung ba'i mtshan nyid do/ /dngos grub de dag ni gsang sngags nye bar gyur pa 'am/ grub pa la dbang du gyur pa ste/ nye bar spyad du rung bar 'gyur ro/ /zhes bya ba'i tha
 tshig go /'grel pa 'di ni byas las de ring bdag gis dge ba gang zhig thob gyur pa/ /zla 'od gsal dang mu tig dol shal dri ma med pa dkar po 'dra ba des/ /nyon mongs mi shes sgrib pa'i blo rgyud spang phyir sems can byang chub yid gyur
 cig /yang dag rtogs pa'i gtam 'di sangs rgyas gsang bas smras pa sems can rnams kyis nyon/ /bsam gtan phyi ma zhes bya ba/ rgya cher bshad pa slob dpon sangs rgyas gsang bas mdzad pa rdzogs so// //rgya gar gyi mkhan po
 bidyA ka ra pra b+hA dang/ zhu chen gyi lots+tsha ba bande dpal brtsegs kyis bsgyur cing zhus te gtan la phab pa// (//'phags pa dpung bzang gi zhus pa'i rgyud kyi don bzhugs so/) /!/ /rgya gar skad du/ Arya su bA hu pa ri pra ts+tsha nA ma tan+t+ra