Wylie

e-texts based on the ACIP/ALL Input

བསམ་གཏན་ཕྱི་མ་རིམ་པར་ཕྱེ་བ་རྒྱ་ཆེར་བཤད་པ་བཞུགས། ། ་རྒྱ་གར་སྐད་དུ། དྷཡ་ནོཏྟ་ར་པ་ཏ་ལ་ཊཱི་ཀཱ། བོད་སྐད་དུ། བསམ་གཏན་ཕྱི་མ་རིམ་པར་ཕྱེ་བ་རྒྱ་ཆེར་བཤད ་པ། དཔལ་རྡོ་རྗེ་སེམས་དཔའ་རྣལ་འབྱོར་ཆེན་པོའི་རྣལ་འབྱོར་པ་ལ་ཕྱག་འཚལ་ལོ། །རྣམ་པར་སྣང་མཛད་རྒྱལ་མཆོག་དེ་ཉིད ་གསུམ་རིག་པ། །རིག་སྔགས་ཚོགས་ཀུན་ཏིང་འཛིན་དམིགས་ལ་ཕྱག་འཚལ་ནས། །ལུང་དང་བླ་མས་ངེས་པར ་བསྟན་པའི་ཚུལ་དག་གིས། །བསམ་གཏན་ཕྱི་མ་རིམ་པར་ཕྱེ་བས་ཅུང་ཟད་དགྲོ་།དེ་ལ་རིམ་པར་ཕྱེ་བ་འདི་ལས་དོན་རྣམ ་པ་བཅུ་གཉིས་བསྟན་པ་ནི། འདི་ལྟ་སྟེ། རིག་སྔགས་དང་གསང་སྔགས་ཀྱི་བཟླས་བརྗོད་དང། བསམ་གཏན་དང། ་རྣལ་འབྱོར་གྱི་མཚན་ཉིད་རིག་སྔགས་དང་གསང་སྔགས་ཀྱི་ཐབས་ཆེན་པོའི་བདག་ཉིད་ཆེ་བ་བསྟན་པའི་དོན་ནི་དང་པོ་སྟེ། སློབ་མ ་རྣམས་དེ་ལ་ནན་ཏན་བྱེད་འདོད་པར་བྱ་བའི་ཕྱིར། དེ་ནས་ཡེ་ཤེས་ཀུན་རྫོགས་པ་ཞེས་བྱ་བ་ལ་སོགས་པ་ཚིགས་སུ་བཅད་པ་གསུམ ་གྱིས་བསྟན་པར་རིག་པར་བྱའོ། །རིག་སྔགས་དང་གསང་སྔགས་ཀྱི་ཐབས་ཆེན་པོ་དེ་ཉིད་ཀྱི་ཡུལ་རབ་ཏུ་ཕྱེ་སྟེ། རྣམ་པ་ཐམས ་ཅད་བཤད་པར་ཁས་འཆེས་པའི་དོན་ནི་གཉིས་པ་སྟེ། ཡུལ་སོ་སོར་ངེས་པ་ལ་ཀུན་རྫོགས་པར་མ་བཤད་དུ་དོགས་པ་གསལ་བའི་ཕྱིར། ཆོ་ག་གང་དང་གང ་དག་གིས། བསམ་གཏན་ལས་ལ་གང་གནས་པ་ཞེས་བྱ་བ་ལ་སོགས་པ་ཚིགས་སུ་བཅད་པ་གཅིག་གིས་རིག་པར་བྱའོ། །དེ་ལ་ནན་ཏན་དུ་བྱ་བའི་དགོས་པ ་བསྟན་པའི་ཕྱིར་གསུམ་པ་སྟེ། དེའི་འབྲས་བུ་མེད་པར་དོགས་བཟློག་པའི་ཕྱིར། གསང་སྔགས་བསམ་གཏན་ཞེས་བྱ་བ་ལ་སོགས་པ་ཚིགས་སུ་བཅད་པ ་གསུམ་གྱིས་བསྟན་པར་རིག་པར་བྱའོ། །རིག་སྔགས་དང་གསང་སྔགས་ཀྱི་ཐབས་ཆེན་པོ་དེ་ཉིད་ཀྱི་རང་བཞིན་བསྟན་པའི་དོན་ནི་བཞི་པ་སྟེ། དེ་ལ་མཁས་པར ་བྱ་བའི་ཕྱིར། ལྷའི་སྐུ་ཡི་གནས་དེ་ལ་ཞེས་བྱ་བ་ལ་སོགས་པའི་ཚིགས་སུ་བཅད་པ་ནས། ཡན་ལག་བཅུའི་ཆོ་ག་ལས་ཞེས་བྱ་བའི་མཛའ་ཨི་བར་དུ་རིག་པར ་བྱའོ། །དེ་བཞིན་དུ་སྔོན་གྱི་ལས་ཀྱི་བག་ཆགས་ལངས་པའི་དབང་ངམ། མི་མཐུན་པ་མ་སྤངས་པས་ཉེས་པ་གང་འབྱུང་བ་ལས་གསང་སྔགས ་གཞན་དུ་ཕྱོགས་པར་འགྱུར་ཏེ། དེ་བསྟན་པའི་དོན་ནི་ལྔ་པ་སྟེ། དེ་དག་ཤེས་ནས་ཡོངས་སུ་སྤང་བའི་ཕྱིར། མ་དད་པ་དང་སྙོམས་པ་དང། །བཀྲེས་སྐོམ་ཟིལ ་གནོན་དེ་བཞིན་ཏེ། ཞེས་བྱ་བ་ལ་སོགས་པའི་ཚིགས་སུ་བཅད་པ་ནས། གསང་སྔགས་དེ་ལས་གཞན་དུ་ཕྱོགས་ཞེས་བྱ་བའི་མཛའ་ཨི་བར་དུ་རིག་པར་བྱའོ། །དེ་ནས ་གཞན་ཡང་ཡོན་ཏན་གང་དག་འབྱུང་བ་ལ། །གསང་སྔགས་སྤྱན་རས་ཀྱིས་འཚོ་བའི་བདག་ཉིད་མངོན་དུ་གྱུར་པ་དེ་བསྟན་པའི་དོན་ནི་དྲུག་པ་སྟེ། གང་ཞིག་ཀུན་ཏུ་ཞེན ་པ་དང་ཞེས་བྱ་བ་ལ་སོགས་པ་ཚིགས་སུ་བཅད་པ་གཅིག་གིས་བསྟན་པར་རིག་པར་བྱའོ། །དེ་བཞིན་དུ་གསང་སྔགས་སྤྱན་རས་ཀྱིས་འཚོ་བའི་མཚན་ཉིད་མངོན་དུ ་གྱུར་ནས་སྒྲུབ་པ་པོ་ལ་ཡོན་ཏན་གང་འབྱུང་བ་དེ་བསྟན་པའི་དོན་ནི་བདུན་པ་སྟེ། ལྷ་དང་ལྷ་མིན་སེམས་ཅན་ནི། །དབང་ཕྱུག་ཡེ་ཤེས་འཇུག་པ་རྣམས་ཞེས་བྱ་བ་ལ་སོགས་པའི་ཚིགས་སུ་བཅད་པ་བཞིས ་བསྟན་པར་ཤེས་པར་བྱའོ། །དེ་ནས་ཡང་མངོན་དུ་གྱུར་པའི་ཚེ་ཡོན་ཏན་བྱུང་ན་ལུས་དང་སེམས་དྲེགས་པ་སྐྱེ་སྟེ། བཟླས་བརྗོད་དང་བསམ་གཏན་ལ་སོགས་པ་ལ་མི་འཇེན་སྲིད་དེ། དེ་བས་ན་དེ་དགག་པའི ་ཕྱིར་བརྒྱད་པ་སྟེ། གསང་སྔགས་ལྷའི་མངོན་ཕྱོགས་པའི་ཞེས་བྱ་བ་ལ་སོགས་པའི་ཚིགས་སུ་བཅད་པ་གཅིག་གིས་བསྟན་ཏོ། །དེ་བཞིན་དུ་མངོན་དུ་ཕྱོགས་པའི་ཚེ་ན་བཟླས་བརྗོད་ལ་སོགས་པའི་དགེ་བ ་ལ་འབད་པའི་མཚན་ཉིད་ལ་ཞེན་པའི་ཕན་ཡོན་བསྟན་པའི་དོན་ནི་དགུ་པ་སྟེ། མངོན་དུ་ཕྱོགས་པའི་གནས་ཐོབ་ན་ཞེས་བྱ་བ་ལ་སོགས་པའི་ཚིགས་སུ་བཅད་པ་གསུམ་གྱིས་བསྟན་ཏོ། །དེ་ནས་གཞན་ཡང ་ཇི་སྐད་བཤད་པའི་མཚན་ཉིད་ལ་ཞེན་པའི་ཡུལ་བསྟན་པའི་ཕྱིར་བཅུ་པ་སྟེ། སྤྲོ་ཞིང་སྟོབས་དང་ལྡན་པ་ནི་ཞེས་བྱ་བ་ལ་སོགས་པའི་ཚིགས་སུ་བཅད་པ་གཅིག་གིས་བསྟན་ཏོ། །དེ་བཞིན་དུ་གསང་སྔགས ་ཉེ་བར་གྱུར་པའི་གནས་སྐབས་ཀྱི་རྒྱུར་གྱུར་པ་བཟླས་བརྗོད་དང་བསམ་གཏན་ལ་སོགས་པ་གོམས་པ་གོམས་པ་ལས་བྱུང་བ་སྒྲུབ་པ་པོའི་ཡོན་ཏན་བསྟན་པའི་ཕྱིར་བཅུ་གཅིག་པ་སྟེ། གནས་དང་ཟས་དང ་གྲང་བ་དང་ཞེས་བྱ་བ་ལ་སོགས་པའི་ཚིགས་སུ་བཅད་པ་བཞིས་བསྟན་པར་ཤེས་པར་བྱའོ། །དེ་བཞིན་དུ་གསང་སྔགས་ཉེ་བར་གྱུར་པ་དང། གསང་སྔགས་གྲུབ་པའི་ཕན་ཡོན་དང་འབྲས་བུ་རྣམ ་པར་ཕྱེ་སྟེ་བསྟན་པའི་ཕྱིར་བཅུ་གཉིས་པ་སྟེ། ནམ་ཞིག་ཉེ་བར་གྱུར་པ་ན་ཞེས་བྱ་བ་ལ་སོགས་པ་ཚིགས་སུ་བཅད་པ་གསུམ་གྱིས་བསྟན་པར་ཤེས་པར་བྱ་སྟེ་དེ་དག་ནི་བསྡུས་པའི་དོན་ཏོ། །ད་ནི་དངོས་པོ་དེ་དག་གི་སོ་སོའི་དོན ་གྱི་ཡན་ལག་རྣམ་པར་ཕྱེ་སྟེ་བརྟག་པའི་སྐབས་དབྱེའོ། །དེ་ལ་བཟླས་བརྗོད་དང། བསམ་གཏན་དང། རྣལ་འབྱོར་གྱིས་མཚན་ཉིད་རིག་སྔགས་དང་གསང་སྔགས་ཀྱི་ཐབས་ཀྱི་མན་ངག་མི་མཐུན་པའི་ཕྱོགས་དང་གཉེན ་པོར་བཅས་ཤིང་ཕན་ཡོན་དང་བཅས་པ་རྡོ་རྗེ་འཛིན་ལས་ཚངས་པའི་མེ་ཏོག་ཅེས་བྱ་བས་ཐོས་ནས་ཚངས་པ་མི་འཆི་བ་ཞེས་བྱ་བ་ལ་བསྟན་པར་བསམས་པའི་ཚིག་གིས་འདི་སྟེ། དེ་ནས་ཡེ་ཤེས་ཀུན་རྫོགས་པ། །རིག ་སྔགས་གསང་སྔགས་ཐབས་ཆེན་དེ་ཞེས་བྱ་བ་ལ་སོགས་པའོ། །དེ་ལ་རིག་སྔགས་དང་གསང་སྔགས་ཀྱི་ཐབས་ཆེན་པོ་བཤད་པར་བྱའོ། །ཞེས་ཚིགས་སུ་བཅད་པ་གསུམ་བསྟན་པ་དང། བཤད་པར་བྱའོ་ཞེས་བྱ་བ ་འདི་དང་འབྲེལ་ཏོ། །དེ་ནས་ཞེས་བྱ་བའི་ཚིགས་ནི་སྐབས་ཀྱི་དེ་མ་ཐག་པ་སྟེ། གང་གི་ཕྱིར་འདི་ནི་བྱ་བའི་རྒྱུད་འཕགས་པ་རྡོ་རྗེ་གཙུག་ཏོར་གྱི་ཕྱོགས་གཅིག་པ་སྟེ། དེར་འདིའི་སྔོན་རོལ་ཏུ་དོན་གཞན་ཡང་འདས་པའི་ཕྱིར་རོ། །དེ་ཞེས་བྱ་བ་འདི་ནི་རིག་སྔགས་དང། ་གསང་སྔགས་ཀྱི་ཐབས་ཆེན་པོ་ཞེས་བྱ་བ་འདི་དང་འབྲེལ་ཏོ། །སྔར་བཤད་པ་ལ་སྙེག་པའི་ཚིག་དེ་ཞེས་བྱ་བ་འདིས་ནི་རིག་སྔགས་དང་གསང་སྔགས་ཀྱི་ཐབས་ཆེན་པོ་བསྟན་པར་ཐོག་མ་ཉིད་དུ་ཉན་པ་པོས་གསོལ་བ་བཏབ་པར་སྟོན་པ་སྟེ་དེས་འདི་སྐད་སྨྲས?་པར་འགྱུར་རོ། །ཁྱོད་ཀྱིས ་རིག་སྔགས་དང་གསང་སྔགས་ཀྱི་ཐབས་སྔར་གང་དྲིས་པ་དེ་བཤད་དོ། ཞེས་བྱ་བའི་དོན་ཏོ། །ད་ནི་རིག་སྔགས་དང་གསང་སྔགས་ཀྱི་ཐབས་དེ་དེ་ཉིད་ཡེ་ཤེས་ཀུན་རྫོགས་པ་ཞེས་བྱ་བ་ལ་སོགས་པའི་ཚིག་གིས་བྱེ་བྲག་ཏུ་བསྟན་ཏེ། དེ་ལ་ཡེ་ཤེས་ཀུན་རྫོགས་པ་ཞེས་བྱ་བ་ཡེ་ཤེས ་ནི་ཡོངས་སུ་དག་པའི་སེམས་ཀྱི་ཁྱད་པར་གྱི་མཚན་ཉིད་དོ། །དེ་ཀུན་ཏུ་རྣམ་པ་ཐམས་ཅད་དུ་གང་གོམས་པས་ཀུན་ཏུ་རྫོགས་པར་འགྱུར་བ་དེ་ནི། ཡེ་ཤེས་ཀུན་རྫོགས་ཞེས་བྱའོ། །དེ་བས་ན་འདི་ལྟར་དགོངས་ཏེ། སངས་རྒྱས་དང་བྱང་ཆུབ་སེམས་དང། ཉན་ཐོས་དང་རང་སངས་རྒྱས ་རྣམས་ཀྱི་ཡེ་ཤེས་ཡོངས་སུ་དག་པ་གང་ཡིན་པ་དེ་ཡང་མངོན་དུ་འམ། བརྒྱུད་དེ་འོག་ནས་འཆད་པའི་མཚན་ཉིད་རིག་སྔགས་དང་གསང་སྔགས་ཀྱི་ཐབས་གོམས་པ་ལས་འགྲུབ་སྟེ། དེ་བས་ན་འདིས་ཀྱང་འཁོར་བ་ལས་རྣམ་པར་གྲོལ་བའི་མཚན་ཉིད་ཉོན་མོངས་པ་དང་ཤེས ་བྱའི་སྒྲིབ་པ་ལས་རྣམ་པར་ཐར་པའི་རྒྱུ་ཡིན་པས་དེ་བསྟན་ཏོ། །འདི་ལྟར་ལྷའི་ཆོས་ཀྱི་སྐུ་གོམས་པར་བྱེད་པའི་མཚན་ཉིད་རིག་སྔགས་ཀྱི་ཐབས་ཏེ། འཁོར་བ་ལས་རྣམ་པར་ཐར་པའི་རྒྱུ་ཡིན་པར་འོག་ནས། སྒྲ་མཐར་ཐར་པ་སྟེར་བ་ཉིད་ཅེས་དངོས་སུ་འཆང་ངོ། །ཡང་ན་ཡེ་ཤེས ་ཀྱིས་ཀུན་རྫོགས་པས་ན། ཡེ་ཤེས་ཀུན་རྫོགས་པའོ། །དེ་ལ་ཡེ་ཤེས་ཡོངས་སུ་དག་པའི་སེམས་གཉིས་སུ་མེད་པ་རྣམ་པ་མེད་པའི་དེ་ཉིད་ལས་ཡེ་ཤེས་ཞེས་བྱ་སྟེ། དེས་ཀུན་ཏུ་ཡོངས་སུ་རྫོགས་ཤིང། ཡོངས་སུ་རྫོགས་པར་བྱ་བས། རྣམ་པ་ཐམས་ཅད་དུ་རྟོགས་ནས་བཤད་པ་ན་དེ་སྐད་ཅེས ་བྱའོ། །འདི་རྣམ་པ་ཐམས་ཅད་དུ་ཡོངས་སུ་རྫོགས་པ་ཡང་བཟླས་བརྗོད་ཀྱི་ཡན་ལག་བཞི་དང་མེ་ལ་གནས་པ་ལ་སོགས་པའི་སྒྲའི་སྦྱོར་བའི་མཚན་ཉིད་རིག་སྔགས་པ་གསང་སྔགས་གྱི་ཐབས་ཀྱི་རང་གཞིན་ཡན་ལག་ཅི་ཙམ་གྱིས་དངོས་གྲུབ་མཆོག་དང་འབྲིང་ལ་སོགས་པ་ཐོབ་པར ་རིག་སྔགས་དང་གསང་སྔགས་དང་སྦྱར་དགོས་པ་དེ་ཙམ་ཡན་ལག་རྣམས་བསྟན་པས་ཡོངས་སུ་རྫོགས་པར་རིག་པར་བྱའོ། འདི་ལྟར་སེམས་ཡོངས་སུ་དག་པའི་བྱེ་བྲག་ལ་གནས་པའི་རྣལ་འབྱོར་པ་རྣམས་སྨྲ་བ་ལ་སོགས་པ་མི་སྲིད་མོད་ཀྱི། འོན་ཀྱང་དེའི ་དབང་དང། སྔོན་གྱི་སྨོན་ལམ་གྱིས་ཤུགས་ཀྱིས་འདུལ་བ་རྣམས་ཇི་ལྟར་འདོད་པར། རིག་སྔགས་དང་གསང་སྔགས་ཀྱི་ཐབས་སྟོན་པའི་མདོ་སྡེ་དང་རྒྱུད་དང་ཆོ་ག་ཞིབ་མོ་ཉིད་ལ་སོགས་པའི་ངེས་པའི་ཚིག་རྣམས་སྣང་བ་སྲིད་པས་ན། ཡོངས་སུ་དག་པའི་ཡེ་ཤེས་ཀུན་ཏུ་རྫོགས་པ་ཞེས་བྱའོ། །ཡང་ན ་འཇིག་རྟེན་ལས་འདས་པ་རྣམ་པ་མེད་པའི་ཡེ་ཤེས་ཀྱི་ཕྱི་ནས་ཐོབ་པ། དག་པ་འཇིག་རྟེན་པའི་ཡེ་ཤེས་ཀྱིས་བཤད་པ་སྲིད་པས་ན། ཡེ་ཤེས་ཀུན་ཏུ་རྫོགས་པ་ཞེས་གསུངས་སོ། །འདིས་ཀྱང་སོ་སོར་རང་གི་རིག་པའི་ཡེ་ཤེས་ཀྱིས་མཐུས། དེ་དག་བཤད་པར་བྱ་བ་ཡིན་གྱིས་རྟོག་གི་པའི་དཔོག་པས་ཆུང ་པའི་ཤེས་པས་བསྟན་པར་བྱ་བ་ནི་མ་ཡིན་ན་ཞེས་བསྟན་ཏོ། །དེ་བས་ན་འདིར་ཚིག་བཤད་པའི་དོན། བཅོམ་ལྡན་འདས་རྣམས་ཀྱིས་འདི་ལྟར་བསྟན་པར་ཡང་མངོན་ཏེ། འདི་ལྟ་སྟེ་ཡེ་ཤེས་ཀྱིས་རྣམ་པ་ཐམས་ཅད་ཀུན་ཏུ་རྫོགས་ཤིང་ཡེ་ཤེས་ཀྱིས་ཐུགས་སུ་ཆུད་ནས་ཡོངས་སུ་རྫོགས་པའི་རིམ་པས ་བསྟན་པའོ། །ཞེས་བྱང་མངོན་ནོ། །ཡེ་ཤེས་ཀུན་རྫོགས་པ་དེ་ཡང་གང་ཞེ་ན། གསུངས་པ་རིག་སྔགས་དང་གསང་སྔགས་ཀྱི་ཐབས་ཆེན་པོ་ཞེས་བྱ་བའོ། དེ་ལ་དེ་ནི་རིག་སྔགས་དང་གསང་སྔགས་དག་གི་ཐབས་ཀྱང་དེ་ཡིན་ལ། ཐབས་ཡང་ཡིན་པས་ན། རིག་སྔགས་དང་གསང་སྔགས་ཀྱི་ཐབས ་ཆེན་པོའོ་ཞེས་བྱའོ། །དེ་ལ་རིག་སྔགས་ནི་བུད་མེད་ཀྱི་གཟུགས་དང་དབྱིབས་ཀྱི་ལྷ་དང། དེ་སྟོན་པའི་སྒྲ་དང། ཕྱག་རྒྱ་ལ་སོགས་པའོ། །དེ་ལས་བཟློག་པ་ནི་གསང་སྔགས་ཀྱི་མཚན་ཉིད་དོ། རིག་སྔགས་ལ་སོགས་པ་དེ་དག་ཐམས་ཅད་ཀྱང་ཀུན་རྫོབ་དང་དོན་དམ་པའི་བདེན་པ་ལ་གནས་པའི་བྱེ ་བྲག་གི་གཉིས་སུ་མེད་པའི་ཏིང་ངེ་འཛིན་དང། གཟུངས་དང་ཕྱག་རྒྱ་དང། ཚིག་དང་ཡི་གེ་དང་སྒྲ་དང། རྣམ་པ་དང་བཅས་པ་དང། རྣམ་པ་མེད་པའི་ཡེ་ཤེས་དང། ཆོས་ཀྱི་དབྱིངས་ཀྱི་རང་བཞིན་ཏེ། དེ་ལ་དེ་དག་གི་ཆོས་ཀྱི་དབྱིངས་ཀྱི་ཡེ་ཤེས་ཀྱི་རང་བཞིན་གང་ཡིན་པ་དེ་ནི་སོ་སོར་རང་གི་རིག་པ་སྟེ། བྱིན་གྱིས ་བརླབ་ཀྱིས་ཀྱང་འདུལ་བའི་སྤྱོད་ཡུལ་དུ་ཉེ་བར་བསྟན་དུ་མི་རུང་ངོ། །གང་ཡང་དེ་དག་གི་གཟུགས་ཀྱི་སྐུ་ལ་སོགས་པར་སྣང་བའི་གཟུགས་ཀྱི་བདག་ཉིད་རང་བཞིན་དེ་དག་ནི་རྣམ་པར་མི་རྟོག་པའི་ཡེ་ཤེས་ལ་གནས་པ་རྣམས་ཀྱི་མངོན་གྱི་སྨོན་ལམ་གྱི་ཤུགས་ཀྱི་འདུལ་བའི་གྲོ་བ་མང་པོ་ཐམས་ཅད ་ཀྱི་རྒྱུད་ལ་སྣང་བར་འགྱུར་བས། དོན་བྱེད་པར་ཤེས་པར་བྱའོ། །རྣམ་པར་མི་རྟོག་པའི་ཡེ་ཤེས་ཀྱི་རང་བཞིན་ལ་གནས་པ་རྣམས། སྔོན་གྱི་སྨོན་ལམ་གྱི་ཤུགས་ཀྱི་སེམས་ཅན་གྱི་དོན་མཛད་དོ། །ཞེས་བྱ་བའི་དོན་འདི་ཡང་ངེས་པར་ཁས་བླང་པར་བྱའོ། །གཞན་དུ་ན་རྣམ་པར་རྟོག་པ་དང་བཅས་པའི ་ཤེས་པ་མངོན་དུ་གཏང་ཞིང་བྱེད་པ་རྣམས་ནི། མི་ཕལ་བ་རྣམས་ལྟར་རྣམ་པ་ཐམས་ཅད་དུ་སེམས་ཅན་གྱི་དོན་བྱེད་པར་མི་སྲིད་པར་འགྱུར་རོ། །ཡང་ན་བསམ་གཏན་པ་རྣམས་ཀྱི་ཡུལ་ནི་བསམ་གྱིས་མི་ཁྱབ་སྟེ། རྣམ་པར་རྟོག་པ་དང་བཅས་པའི་ཡེ་ཤེས་ལ་གནས་པ་རྣམས་ཀྱང ་གདུལ་བྱ་རྣམས་ལ་དེ་བཞིན་དུ་སྣང་བ་མི་ཕལ་པ་བཞིན་དུ་ལྷུན་གྱིས་གྲུབ་པ་ཉིད་དུ་བསྐྱེད་དོ། །ཡོད་ཡང་འདི་བདག་ཅག་ལྟ་བུའི་ཡུལ་མ་ཡིན་ཏེ་བསམ་པ་འདིས་ཅི་ཞིག་བྱ་སྟེ་བཏད་བར་བྱའོ། །རིག་སྔགས་དང་གསང་སྔགས་དག་གི་ངེས་པའི་ཚིག་ཀྱང་བཅོམ་ལྡན་འདས་ཉིད་ཀྱིས་མཛད་པ་ནི། འདིས ་ཉོན་མོངས་པ་རྣམས་འཇོམས་པ་དང། དོན་ཕུན་སུམ་ཚོགས་པ་ཐོབ་པ་འམ། འདིས་ཇི་ལྟར་གྱུར་པའི་དངོས་པོ་ཡང་དག་པ་ཇི་ལྟ་བ་བཞིན་རིག་པས་ན་རིག་པས་ཏེ། ཇི་ལྟར་སྲིད་པར་ལྷ་རྣམ་པ་དྲུག་གི་རང་བཞིན་ལ་རིག་སྔགས་ཞེས་བྱའོ། །ཤེས་པ་དང་སྐྱོབ་པ་དང་ལྡན་པ་འམ། གསང ་སྟེ་བརྗོད་པའི་ཕྱིར་གསང་སྔགས་སྟེ་རང་བཞིན་སྔ་མ་ཡིན་ནོ། །ཐབས་ཞེས་བྱ་བ་ནི་ཀ་ལ་ཞེས་བྱ་སྟེ། ཀ་ལ་ཞེས་བྱ་བའི་སྒྲ་ཡང་ཁ་ཅིག་ཏུ་ནི་ཡན་ལག་ལ་བྱ་བ་ཡང་ཡོད་དེ། །དཔེར་ན་ལྷའི་ཆ་ཤས་རྫོགས་པར་བྱ་བ་ལྟ་བུ་སྟེ། ལྷ་ཡན་ལག་དང་བཅས་པར་བྱ་བར་ཤེས་པར་འགྱུར་རོ། །དེ་བཞིན་ཟླ་བའི་ཆ ་ཤས་ཞེས་བྱ་བ་ལྟ་བུ་སྟེ། ཁ་ཅིག་ཏུ་ནི་ཡན་ལག་ཉི་ཚེ་ཙམ་ལ་ཡང་བྱའོ། །དེ་བཞིན་དུ་ལྷ་ཆ་ཤས་དང་བཅས་པ་ཞེས་བྱ་བ་འདིར་ཡང། སྒྲའི་ཡན་ལག་དང། གཟུགས་ཀྱི་ཡན་ལག་རྣམས་དང་ལྡན་ནོ་ཞེས་བྱ་བར་ཤེས་པར་བྱའོ། །ཀ་ལ་ཞེས་བྱ་བའི་སྒྲ་ཁ་ཅིག་ཏུ་ནི་དངོས་པོ་དགའ་ ་ཞིག་མངོན་པར་སྒྲུབ་པར་བྱེད་པ་དང། རང་གི་བྱ་བ་ལ་སྦྱོར་བར་བྱེད་པ་ལ་ཡང་བྱ་སྟེ། དཔེར་ན་མདའ་གཞུའི་མཚོན་ཆ་ལ་སོགས་པའི་ཐབས་ཀྱི་སྒྲ་ལྟ་བུ་སྟེ། དེ་ཡང་གང་གི་མདའ་གཞུ་ལ་སོགས་པ་སྒྲུབ་ཅིང། རང་གི་བྱ་བ་ལ་སྦྱོར་བ་དེར་མངོན་པར་སྒྲུབ་པར་བྱེད་པ་དང ་བྱ་བ་ལ་སྦྱོར་བ་དག་ཡིན་ནོ། །འདི་ལྟར་མདའ་གཞུ་ཐབས་ཤེས་སོ། །ཞེས་སྨྲས་ན་མདའ་གཞུ་ལ་སོགས་པ་བྱེད་པའི་ཆོ་ག་དང་དེ་འཕེན་པའི་ཆོ་ག་ཤེས། །ཞེས་བྱ་བར་མངོན་ན། ཀ་ལ་ཞེས་བྱ་བའི་སྒྲ་ཁ་ཅིག་ཏུ་ནི་རང་གི་བྱ་བ་ལ་སྦྱོར་བར་བྱེད་པ་ཉིད་ལ་བྱ་སྟེ། དཔེར་ན་གླང་པོ་ཆེའི་ཐབས་ཤེས ་ཞེས་བྱ་བ་ལྟ་བུའོ། །དེར་ཡང་ཆོ་ག་གང་གིས་གླང་པོ་ཆེ་རང་གི་བྱ་བ་ལ་སྦྱོར་བར་བྱེད་པ་དེ་ཉིད་ལ་ཐབས་ཤེས་བྱ་བའི་གླང་པོ་ཆེ་སྐྱེད་པར་བྱ་བ་ལ་ནི་མི་བྱའོ། །དེ་ལྟར་ན་ཀ་ལ་ཞེས་བྱ་བའི་སྒྲ་ནི་དེ་ལ་སོགས་པའི་རྣམ་པ་དུ་མ་ལ་སྙེགས་པས་སྐབས་དང་སྦྱར་ཞིང་གཟུང་བར་བྱའོ།། ་དེ་ལ་འདིར་རིག་སྔགས་དང་གསང་སྔགས་དག་གི་ཐབས་ཆེན་པོ་ཞེས་བྱ་བ་དེ་ནི་རིག་སྔགས་དང་གསང་སྔགས་དག་རང་གི་ལས་ལ་སྦྱོར་བར་བྱེད་པ་ཉིད་ལ་ཐབས་ཀྱི་ཚིག་ཏུ་གདགས་ཀྱི་ཡན་ལག་དང་སྐྱེད་པའི་བྱེད་པ་ལ་ནི་མི་བྱའོ། །འདི་ལྟར་རིག་སྔགས་དང་གསང་སྔགས་ཀྱི་ཐབས་ཆེན་པ་རྣམ་པར ་དབྱེ་བ་མང། ཡན་ལག་བཞི་བཟླས་བརྗོད་ཀྱི་ཆོ་ག་དང། མེ་ལ་གནས་པ་ལ་སོགས་པ་སྒྲའི་ཆོ་གས་མཛད་དོ། །བཟླས་བརྗོད་ལ་སོགས་པ་འདི་དག་ཀྱང་རིག་སྔགས་དང་གསང་སྔགས་རྣམས་ཀྱི་རང་གི་ལས་ལ་སྦྱོར་བ་ཉིད་དུ་དམ་པ་རྣམས་ཀྱིས་བཤད་དེ། རིག་སྔགས་ལ་སོགས་པ་སྐྱེད་པ་ནི་མ་ཡིན་ནོ ་ཕྲ་བ་ཞེས་བྱ་བ་ནི་དེ་ཡིད་ཀྱི་ལས་ཀྱིས་ཤེས་པར་བྱ་བས་ན་ཕྲ་བ་སྟེ། །འདི་ལྟར་རང་གི་སེམས་ཡོངས་སུ་སྦྱང་བ་བཟླས་བརྗོད་ཀྱི་ཡན་ལག་བཞི་ལ་སོགས་པ་བྱེད་པ་ན། གསང་སྔགས་དང་དེ་བཞིན་གཤེགས་པའི་གཞི་དང་ཟླ་བའི་དཀྱིལ་འཁོར་རྣམས་བསམ་པ་ནི་ཡིད་ཀྱི་ལས་ཉིད ་ཡིན་ནོ། །ཞེས་བྱ་བའི་དོན་ཏོ། །ལྷ་ཆེན་པོ་ལ་སོགས་པས་ཀྱང། རིག་སྔགས་དང་གསང་སྔགས་ཀྱི་ཐབས་བཤད་དེ། དེ་བས་ན་བྱེ་བྲག་ཏུ་ཕྱེ་བ་དེ་བཞིན་གཤེགས་པས་གསུངས་ཞེས་བཤད་དོ། །དེ་ལ་གསུངས་པ་ནི་བཤད་ཅེས་བྱ་བའི་ཐ་ཚིག་གོ་།ཀློག་པ་དང་ཉན་པ་དང་འདོན་པའི་སྒོ་ནས་ཀྱང་རིག ་སྔགས་ལ་སོགས་པའི་ཐབས་ནནྟན་དུ་བྱ་བ་སྲིད་པས་ན་བྱེ་བྲག་ཏུ་བྱ་བའི་ཕྱིར། བསམ་གཏན་གྱིས་ཀྱང་ཤིན་ཏུ་བརྒྱན?་ཅེས་གསུངས་སོ། །དེ་ལ་བདག་གི་དེ་ཁོ་ན་ཉིད་ལ་སོགས་པ་ཇི་ལྟར་སྲིད་པ་བསམ་པ་ནི་བསམ་གཏན་དེ་བསམ་གཏན་དེས། བདག་གི་དེ་ཁོ་ན་ཉིད་དང་བཟླས་བརྗོད་ཀྱི་དེ་ཁོ་ན ་ཉིད་ལ་སོགས་པའི་མཚན་ཉིད་ཀྱི་ཐབས་ཀྱིས་བརྒྱན་པ་ནི་དེ་བཞིན་གཤེགས་པའི་གཞི་ལ་སོགས་པ་སེམས་ན་གསལ་བ་སྣང་བའི་སྒོ་ནས་ཡོངས་སུ་རྫོགས་པར་མཛེས་པར་བྱ་ཞེས་བྱ་བའི་དོན་ཏོ། །བཟླས་བརྗོད་ཀྱི་ཡན་ལག་བཞི་ལ་སོགས་པའི་མཚན་ཉིད་རིག་སྔགས་ལ་སོགས་པའི་ཐབས ་དེ་ཡང། སྲོག་དང་རྩོལ་བ་ལ་སོགས་པ་མེད་ན་རྫོགས་པར་མི་ནུས་པས་ན། རྣལ་འབྱོར་ཐབས་ནི་ཀུན་བསྟན་པ་ཞེས་བྱ་བ་གསུངས་སོ། །ཀུན་ནི་མ་ལུས་པ་སྟེ་ལྷ་རྣམ་པ་དྲུག་ལས་ཇི་ལྟར་སྲིད་པ་དང། སྦྱོར་བའི་རྣལ་འབྱོར་གྱི་ཐབས་ཀྱི་ཡན་ལག་སླར་བསྡུད་པ་དང། སྲོག་དང་རྩོལ་བ་ལ ་སོགས་པའི་མཚན་ཉིད་བསྟན་པ་ནི་བཤད་པའོ། །རིག་སྔགས་དང་གསང་སྔགས་ཀྱི་ཐབས་ཆེན་པོ་གང་ཡིན་པ་རྣལ་འབྱོར་དེའི་ཐབས་ཐམས་ཅད་ཀྱང་བསྟན་པ་སྟེ། རྣལ་འབྱོར་གྱི་ཡན་ལག་ཐམས་ཅད་བཤད་ཅེས་བྱ་བའི་དོན་ཏོ། །དེས་ན་འདི་སྐད་དུ་རིག་སྔགས་ཀྱི་ཐབས་དེ་ཉིད་འབའ་ཞིག ་བཤད་པ་མ་ཡིན་གྱི་སླར་སྡུད་པ་ལ་སོགས་པ་བསམ་གཏན་གྱི་ཡན་ལག་དང་བཅས་པར་བཤད་དོ་ཞེས་སྨྲས་པར་འགྱུར་རོ། །ཡང་འདི་གནོད་པ་སེལ་ནུས་པའི་སྒོ་ནས་བྱེ་བྲག་ཏུ་སྡུག་བསྔལ་སྡིག་པ་སེལ་བ་སྟེ། ཞེས་གསུངས་སོ། །དེ་ལ་སྡུག་བསྔལ་ནི་ལུས་དང་སེམས་ནི་གནོད་པའི་མཚན་ཉིད་བཀྲེས ་བེ་དང་སྐོམ་པ་དང་བསད་པ་དང་བཅིངས་པ་དང་ཡིད་མི་བདེ་བ་ལ་སོགས་པའི་རང་བཞིན་ནོ། །སྡིག་པ་ནི་ལུས་ལ་སོགས་པ་ལས་བྱུང་བ་ལ་མི་འདོད་པའི་ལས་ཀྱི་བག་ཆགས་སེམས་ལ་ཡོད་པ་སྟེ། དེ་དག་བཟླས་བརྗོད་ལ་སོགས་པའི་མཚན་ཉིད་རིག་སྔགས་ལ་སོགས་པའི་ཐབས་ཀྱིས་སེལ་བའི ་དང་ཚུལ་གང་ཡིན་པ་དེ་ལ་དེ་སྐད་ཅེས་བྱའོ། །ཕྱག་ན་རྡོ་རྗེའི་ཞལ་ནས་གསུངས་ཞེས་བྱ་བ་ནི་རྡོ་རྗེ་འཛིན་ལས་ཚངས་པས་སྔོན་དུ་ཐོས་པ་བསྟན་ཏོ། །སྐྱེ་དང་འཆི་བ་འཇིག་བྱེད་པ་ཞེས་བྱ་བ་ནི་ངེས་པར་ལེགས་པའི་གནས་ཐོབ་པའི་རྒྱུ་ཡིན་པར་བསྟན་ཏེ། འདི་ལྟར་སྒྲ་གནས་རྣལ་འབྱོར་བསྟན་པར་འདྲན? ་སྒྲ་མཐར་ཐར་པ་སྟེར་བ་ཉིད་ཅེས་བྱ་བ་འོག་ནས་འཆད་པའི་ཕྱིར་རོ། །ཀུན་ཏུ་མི་ཚུགས་ཞེས་བྱ་བའི་ཡུལ་དང་དུས་ཐམས་ཅད་དུ་སེམས་ཅན་ཐམས་ཅད་ཀྱི་གནོད་པ་སྦྱོར་བ་ན་བཟླས་བརྗོད་ཀྱི་ཡན་ལག་བཞི་ལ་སོགས་པའི་མཚན་ཉིད་རིག་སྔགས་ཀྱི་ཐབས ་ཀྱི་འབྲས་བུའི་མཐུ་ལ་གནོད་པར་བྱེད་མི་ནུས་ཏེ། དེ་བས་ན་ཀུན་ཏུ་མི་ཚུགས་ཞེས་བྱའོ། །བསྟན་པ་སྟེ་ཞེས་བྱ་བ་ནི་སྲོག་དང་རྩོལ་བའི་སྦྱོར་བ་ལ་སོགས་པས་གོམས་པར་བྱེད་པའི་ཚེ་སེམས་མ་ཞི་བའི་མཚན་ཉིད་མི་བརྟན་པ་མེད་པས་ན་བརྟན་པ་སྟེ། ཞི་བ་ཞེས་བྱ་བའི་དོན་ཏོ། །འདི་དང་ཕ་རོལ་བྱེད་པར ་གནས་ཞེས་བྱ་བ་ནི་དེ་ལ་ཕ་རོལ་དང་འདི་བས་ན་འདི་དང་ཕ་རོལ་དག་གོ་།དེ་དག་བྱེད་པ་ནི་སྐྱེད་པ་སྟེ། ཕ་རོལ་དང་འདི་བྱེད་པའོ། །ཕ་རོལ་དང་འདི་བྱེད་པ་དེའི་རྒྱུའི་ངོ་བོར་གནས་པའི་འཇུག་པ་སྟེ། ཕ་རོལ་དང་འདི་བྱེད་པར་གནས་པའོ། །དེ་ལ་ཕ་རོལ་ནི་འཇིག་རྟེན་ཕ་རོལ་ལོ། །འདི་ནི་འཇིག་རྟེན་འདིའོ། །འདི ་ཡང་སྤྱིར་འཇིག་རྟེན་ཕ་རོལ་དང། འཇིག་རྟེན་འདི་དག་བསྐྱེད་པ་ཙམ་དུ་བསྟན་པ་འདི་སྟོན་མོད་ཀྱི། འོན་ཀྱང་བདག་ཉིད་ཆེ་བ་སྟོན་པའི་སྐབས་ཡིན་པས་ན་འདོད་པའི་འབྲས་བུ་ཁྱད་པར་ཅན་སྒྲུབ་པའི་སྒོ་ནས་འཇིག་རྟེན་གཉིས་ཀའི་རྒྱུར་གནས་པར་རིག་པར་བྱ་སྟེ། འདིས་ཀྱང་རིག་སྔགས་ལ་སོགས ་པའི་ཐབས་ཆེན་པོ་དེ་དག་མངོན་པར་མཐོ་བའི་རྒྱུར་བསྟན་ཏོ། །དཀྱིལ་འཁོར་ཆེན་པོ་ལ་སོགས་འབྱུང་ཞེས་བྱ་བ་དཀྱིལ་འཁོར་ཆེན་པོ་རྣམས་ནི་བྱ་བའི་རྒྱུད་ཀྱི་ཆོ་གར་གཏོགས་པའི་རིག་གསུམ་གྱི་དཀྱིལ་འཁོར་འཕགས་པ་གཞན་གྱིས་མི་ཐུབ་པ་ཞེས་བྱ་བ་དང། རབ་ཏུ་གནས་པ་དང ་རྣམ་པར་གནོན་པ་ལ་སོགས་པ་གཟུང་ངོ། །སོགས་པའི་ཚིག་གིས་ནི་རིག་སོ་སོ་དང། ལྷ་སོ་སོའི་བྱེ་བྲག་གི་དཀྱིལ་འཁོར་རྣམས་ཀྱང་བསྡུའོ། །དེ་བས་ན་ཚིག་གི་དོན་ནི་འདི་ལྟ་སྟེ། དེ་བཞིན་གཤེགས་པ་ལ་སོགས་པ་རྣམས་ཀྱི་སྐུ་དང་གསུང་དང་ཐུགས་གསང་བའི་ངོ་བོ་ཉིད་རང་བཞིན་གྱི ་དཀྱིལ་འཁོར་ཆེན་པོ་ལ་སོགས་པ་རྣམས་གང་གོམས་པ་ལས་བྱེ་བྲག་ཏུ་འབྱུང་བ་དེ་ནི། དཀྱིལ་འཁོར་ཆེན་པོ་ལ་སོགས་པ་འབྱུང་བ་སྟེ། བཟླས་བརྗོད་ཀྱི་ཡན་ལག་བཞི་སྟེ། མེ་ལ་གནས་པ་ལ་སོགས་པ་སྒྲའི་བསམ་གཏན་གྱི་བདག་ཉིད་རིག་སྔགས་དང་གསང་སྔགས་ཀྱི་ཐབས ་ཆེན་པོ་ལ་བྱའོ། །འདིས་ཀྱང་རིག་སྔགས་ལ་སོགས་པའི་ཐབས་དེ་ལོངས་སྤྱོད་རྫོགས་པ་དང་སྤྲུལ་པའི་སྐུ་མང་པོའི་རྒྱུ་ཡིན་པར་བསྟན་ཏོ། །རིག་སྔགས་ཀྱི་ཐབས་ལས་ཡོན་ཏན་རིན་པོ་ཆེ་མཛའ་ཡས་པ་འབྱུང་བ་དེའི་མཐུ་ཚིག་རེ་རེ་ནས་སྒྲགས་པར་བྱ་མི་ནུས་པས་མདོར་བསྟན་པ། འདོད་པའི ་དོན་ནི་རྗེས་སུ་སྒྲུབ་ཅེས་གསུངས་ཏེ། དེས་འདི་སྐད་གསུངས་པ་ཡིན་ནོ། །ངེས་པར་ལེགས་པ་དང། མངོན་པར་མཐོ་བའི་རྒྱུར་གྱུར་བའི་དོན་གང་འདོད་པ་དེ་དག་ཉིད་འདི་གོམས་པ་ལས་བྱུང་ངོ་ཞེས་པ་སྟེ། དེ་ལྟ་བུའི་རིག་སྔགས་དང། གསང་སྔགས་ཀྱི་ཐབས་ཆེན་པོ་བཤད་པར་བྱའོ ་ཞེས་བྱ་བ་འོག་ནས་འབྱུང་བ་དང་སྦྱར་རོ། །རིག་སྔགས་དང་གསང་སྔགས་མཉེས་པར་བྱ་བའི་ཆོ་ག་ཐབས་ཤེས་བྱ་བ་དེ་ཡང་རྣམ་པ་གཉིས་ཏེ། གཅིག་གི་དམ་ཚིག་འཛིན་པ་དང། དབང་བསྐུར་བ་དང། སྦྱིན་སྲེག་དང། མཆོད་པ་ལ་སོགས་པ་ངེས་པའི་མཚན་ཉིད་དོ། །དེ་ལས་གཞན་པ ་ནི་བཟླས་བརྗོད་ཀྱི་ཡན་ལག་བཞི་དང། མེ་ལ་གནས་པ་ལ་སོགས་པ་སྒྲའི་བསམ་གཏན་གྱི་རང་བཞིན་ནོ། །དེ་གཉིས་ལས་འདིར་ནི་བཟླས་བརྗོད་ཀྱི་ཡན་ལག་བཞིའི་སྦྱོར་བ་ལ་སྒྲ་དང་སེམས་དང། བཞིའི་བསམ་གཏན་དང་མེ་ལ་གནས་པ་དང། སྒྲའི་བསམ་གཏན་ལ་སོགས ་པའི་མཚན་ཉིད་ཀྱི་ཐབས་ཞེས་བྱ་བ་ཉིད་རྟག་པར་བྱ་སྟེ་དེ་བསྟན་པའི་ཕྱིར། ཆོ་ག་གང་དང་གང་དག་གིས། །བསམ་གཏན་ལས་ལ་གང་གནས་པ། །དེ་བཞིན་གཤེགས་ལ་ཕྱག་འཚལ་ནས། །དེ་དག་མ་ལུས་བཤད་པར་བྱ་ཞེས་གསུངས་སོ། །དེ་ལ་ཆོ་ག་གང་དང་གང་གིས་ཞེས་བྱ ་བ་ནི་བཟླས་བརྗོད་ཀྱི་ཡན་ལག་བཞི་དང། མེ་ལ་གནས་པ་ལ་སོགས་པ་སྒྲའི་ཆོ་གས་སོ། །གང་གནས་པ་ཞེས་བྱ་བ་ནི་རིག་སྔགས་ལ་སོགས་པའི་ཐབས་ཏེ། རིག་སྔགས་ལ་སོགས་པ་རྣམས་སྒྲུབ་པའི་ཐབས་སོ། །ཡུལ་གང་ལ་དེ་གནས་ཞེ་ན། བསམ་གཏན་ལས་ལ་ཞེས ་གསུངས་ཏེ། གསང་སྔགས་ལ་སོགས་པ་སེམས་དཔའ་ཨི་མཚན་ཉིད་བསམ་གཏན་གྱི་བྱ་བ་ལ་གནས་ཞེས་བྱ་བའི་དོན་ཏོ། །དེ་དག་བཤད་པར་བྱ་ཞེས་བྱ་བ་ནི་བཟླས་བརྗོད་ཀྱི་ཡན་ལག་བཞི་དང་མེ་ལ་གནས་པ་ལ་སོགས་པའི་རང་བཞིན་དུ་བསམ་གཏན་གྱི་ལས་ལ ་གང་གནས་པ་གང་ཡིན་པ་དེ་ཉིད་བཤད་པའོ། །མ་ལུས་ཞེས་བྱ་བ་ནི་ཆོ་ག་གང་དང་གང་དག་གིས་གནས་པའི་ཆོ་ག་དེ་མ་ལུས་པར་བཤད་དོ། །ཞེས་བྱ་བའི་ཐ་ཚིག་གོ་།དེ་བཞིན་གཤེགས་ལ་ཕྱག་འཚལ་ནས་ཞེས་བྱ་བ་ནི་ཕྱག་བྱས་ནས་དམ་པའི་སྤྱོད་པའི་རྗེས་སུ ་འཇུག་པ་བསྟན་ཏོ། །དེས་ཀྱང་འདི་སྐད་བསྟན་ཏེ། བསམ་གཏན་གྱི་ལས་ཉིད་ལ་རིག་སྔགས་ལ་སོགས་པའི་ཐབས་བཤད་པ་བཟླས་བརྗོད་ཀྱི་ཡན་ལག་བཞི་ལ་སོགས་པ་བསམ་གཏན་གྱི་མཚན་ཉིད་ཡིན་པ་དེ་ཉིད་བསྟན་གྱི། དམ་ཚིག་དང། དབང་བསྐུར་བ་དང། སྦྱིན ་སྲེགས་ལ་སོགས་པའི་མཚན་ཉིད་བསྟན་པ་ནི་མ་ཡིན་ཏེ། དེ་དག་གཞན་དུ་བཤད་ཟིན་པའི་ཕྱིར་རོ་ཞེས་བྱ་བའི་ཐ་ཚིག་གོ་།བཟླས་བརྗོད་ཀྱི་ཡན་ལག་བཞི་ལ་སོགས་པའི་མཚན་ཉིད་རིག་སྔགས་ལ་སོགས་པའི་བསམ་གཏན་དེ་ཡང་ཅི་དགོས་ཤེ་ན། གསང་སྔགས་བསམ ་གཏན་ཞེས་བྱ་བ། །མཆོག་ཏུ་གསང་བ་ཡང་དག་གསུངས། །དྲང་སྲོང་དཀའ་ཐུབ་ཆེན་པོ་ཡང། །དེ་དག་མེད་ན་མི་འགྲུབ་པོ་ཞེས་བྱ་བ་གསུངས་སོ། །དེས་ནི་འདི་སྐད་བསྟན་ཏེ། གསང་སྔགས་ཀྱི་བསམ་གཏན་མེད་ན། གསང་སྔགས་ལ་མངོན་པར་བརྩོན་པའི་དྲང་སྲོང་རྣམས་ཀྱང་མི ་འགྲུབ་སྟེ། དེ་བས་ན་གསང་སྔགས་ཀྱི་བསམ་གཏན་བཤད་པར་བྱའོ་ཞེས་བསྟན་པའོ། །དེ་ལ་འདིར་གསང་སྔགས་རྣམས་ཀྱི་བསམ་གཏན་ནི་རྣམ་པ་གཉིས་ཏེ། བཟླས་བརྗོད་ཀྱི་ཡན་ལག་བཞི་དང། མེ་ལ་གནས་པ་དང། སྒྲ་ལ་སེམས་པའི་བསམ་གཏན་དང། དེ་ལས་གཞན་པ ་ནི་རང་གི་ལྷའི་རྣལ་འབྱོར་གྱི་བསམ་གཏན་ནོ། །དེ་ལ་ཚིགས་སུ་བཅད་པ་འདིས་ནི་བཟླས་བརྗོད་ཀྱི་ཡན་ལག་བཞི་དང། མེ་ལ་གནས་པ་དང། སྒྲ་ལ་སོགས་པའི་གསང་སྔགས་ཀྱི་ཕན་ཡོན་གསུངས་པ་སྟེ། དེ་ལ་གསང་སྔགས་ཀྱི་བསམ་གཏན་མཆོག་ཏུ་གསང་བ་གསུངས་ཞེས ་བྱ་བ་དང་སྦྱར་རོ། །བསམ་གཏན་ཞེས་བྱ་བ་ནི་སེམས་དཔའ་སྟེ། ཡན་ལག་བཞི་ལ་སོགས་པར་གནས་པའི་གསང་སྔགས་ཀྱི་བསམ་གཏན་ཡང་དང་ཡང་དུ་མངོན་དུ་བྱེད་པ་ཞེས་བྱ་བའི་ཐ་ཚིག་གོ་།བྱ་བ་ཞེས་བྱ་བའི་སྒྲ་ནི་སྲིད་པ་སྟེ། དེས་གསང་སྔགས་རྣམས་སེམས་དཔའ་མཆོག་ཏུ ་གསང་བ་སྲིད་དོ། །ཞེས་བྱ་བའི་ཐ་ཚིག་གོ་།མཆོག་ནི་དམ་པའོ། །གསང་བ་ནི་མི་བསྟན་པ་སྟེ་དེས་ནི་འདི་ལྟར་དགོངས་སོ། གསང་སྔགས་ཀྱི་བསན་གཏན་དེ་གསང་སྔགས་ཐམས་ཅད་གྲུབ་པའི་ཡན་ལག་གི་སྙིང་པོར་གྱུར་པ་ཡིན་ཡང་རྒྱུད་སོ་སོ་དག་ཏུ་གསལ་བར་རྣམ་པར་ཕྱེ་སྟེ་མ་བསྟན་པ་ནི་སླར ་སྡུད་པ་དང། སྲོག་དང་རྩོལ་བ་ལ་སོགས་བསམ་གཏན་གྱི་ཡན་ལག་རྣམས་ནན་ཏན་དུ་བྱེད་མི་ནུས་པའི་གདུལ་བྱའི་འགྲོ་བ་རྣམས་གཟུང་བའི་ཕྱིར་རོ། །མི་མངོན་པའི་ཚིག་ཏུ་ནི་ཐམས་ཅད་དུ་ཡང་ཕལ་ཆེར་གསུངས་ཏེ། ཕྱིས་བཤད་པར་བྱའོ། །གསང་སྔགས་ཞེས་བྱ་བ་ནི་སྒྲ་དང་ཡི ་དེའི་རང་བཞིན་དེ་བཞིན་གཤེགས་པའི་ཐུགས་ཀར་ཟླ་བའི་དཀྱིལ་འཁོར་ལ་སོགས་པ་ལ་དགོད་པ་རྣམས་ཀྱི་ཞེས་བྱ་བའི་ཐ་ཚིག་གོ་།དེ་དག་མེད་ན་ཞེས་བྱ་བ་ནི་སྒྲ་དང་ཡི་གེ་སེམས་དཔའ་ཨི་མཚན་ཉིད་བསམ་གཏན་དེ་དག་མེད་ན། དངོས་གྲུབ་རབ་ལ་སོགས་པ་ཐོབ་པར་མི་འགྱུར་རོ། ཞེས་བྱ་བའི ་དོན་ཏོ། །དེ་ཡང་སུ་ཞེ་ན། དྲང་སྲོན་དཀའ་ཐུབ་ཆེན་པོ་ཡང་ཞེས་བྱ་བ་སྟེ། དེས་འདི་སྐད་བཤད་པར་འགྱུར་རོ། །དྲང་སྲོང་རྣམས་ཀྱང་གསང་སྔགས་བསམ་གཏན་མེད་པར་མི་འགྲུབ་ན། སྒྲུབ་པ་པོ་གཞན་ལྟ་ཅི་སྨོས་ཞེས་བྱ་བའི་དོན་ཏོ། །དྲང་སྲོང་ཞེས་བྱ་བས་ཀྱང་ལུས་དང་ངག་དང་ཡིད ་བསྡམས་པ་དང་ལྡན་པར་བསྟན་པ་སྟེ། འདི་ལྟར་ལུས་ལ་སོགས་པ་བསྡམས་པ་ནི་ཐུབ་པ་ཞེས་བྱའོ། །ཐུབ་པ་ཡང་དྲང་སྲོང་སྒྲའི་རྣམ་གྲངས་སུ་འཇིག་རྟེན་ན་སྣང་ངོ། །དཀའ་ཐུབ་པོ་ཞེས་བྱ་བའི་བྱེ་བྲག་གིས་ནི་བཟླས་བརྗོད་དང་ཁྲུས་དང་སྦྱིན་སྲེག་ལ་སོགས་པའི་ཕྱི་རོལ་གྱི་བྱ་བ་རྣམས་བསྟན་ཏོ། ་དེས་ནི་ཚུལ་ཁྲིམས་དང། བརྟུལ་ཞུགས་དང། དཀའ་ཐུབ་དང་ལྡན་པའི་དྲང་སྲོང་དཀའ་ཐུབ་ཆེན་པོ་དང་ལྡན་པ་ཡང་གསང་སྔགས་ཀྱི་བསམ་གཏན་མེད་ན་མི་འགྲུབ་པོ་ཞེས་བྱ་བར་བསྟན་ནོ། །ད་ནི་བཟླས་བརྗོད་ཀྱི་བྱེ་བྲག་གིས་བདག་ཉིད་ཆེ་བ་བསྟན་པའི་སྒོ་ནས། བདག་ལྷ་ཉིད་གྱུར་བའི ་རྣལ་འབྱོར་གྱི་མཚན་ཉིད་བསམ་གཏན་གྱི་ཕན་ཡོན་བསྟན་པ། གསང་སྔགས་རྣལ་འབྱོར་ཅན་རྣམས་ནི། །གསང་སྔགས་བཟླས་བརྗོད་མེ་འབར་འདྲ། སྐྱེ་དང་འཆི་བ་འཇིག་བྱེད་པ། །རྡོ་རྗེ་ཅན་གྱིས་སྔོན་གསུངས་སོ། །ཞེས་བྱ་སྟེ་དེ་ལ་གསང་སྔགས་ཀྱི་རྣལ་འབྱོར་ཅན་སྒྲུབ་པ་པོ་རྣམས ་ཀྱི་གསང་སྔགས་ཀྱི་བཟླས་བརྗོད་ནི་བརྗོད་པ་སྟེ། མེ་འབར་བ་ཞེས་བྱ་བ་དང་སྦྱར་རོ། །དེ་ལ་བཟླས་བརྗོད་ཅེས་བྱ་བ་ནི་ཡིད་ལ་སྨྲ་བ་དང། གཤིབས་ཏེ་སྨྲ་བའི་གསང་སྔགས་ཀྱི་བཟླས་བརྗོད་དོ། །གསང་སྔགས་ཞེས་བྱ་བ་ནི་དེ་བཞིན་གཤེགས་པའི་ཐུགས་ཀར་ཟླ་བའི ་དཀྱིལ་འཁོར་ལ་གནས་པའི་སྒྲ་དང། ཡི་གེའི་རང་བཞིན་རྣམས་ཀྱིས་ཞེས་བྱ་བའི་ཐ་ཚིག་གོ་།གསང་སྔགས་རྣལ་འབྱོར་ཅན་རྣམས་ཀྱི་ཞེས་བྱ་བ་ནི་གསང་སྔགས་ལྷའི་གཟུགས་ཀྱི་མཚན་ཉིད་ཀྱི་རྣལ་འབྱོར་དང་ལྡན་ཞིང་མི་གཉིས་པ་དབྱེར་མེད་པའི་སྒྲུབ་པ་པོ་གང་ཡིན་པ་དེ་དག ་གསང་སྔགས་ཀྱི་རྣལ་འབྱོར་ཅན་ཏེ། ལྷ་ཉིད་ཀྱི་རྣལ་འབྱོར་བྱས་པ་ཞེས་བྱ་བའི་ཐ་ཚིག་སྟེ། དེ་དག་གི་བཟླས་བརྗོད་གང་ཡིན་པ་དེ་མེ་འབར་བ་ཞེས་བྱ་བ་དང་སྦྱར་རོ། །དེ་ལ་ལྷའི་རྣལ་འབྱོར་བྱས་པ་རྣམས་ཀྱི། །བཟླས་བརྗོད་ནི་མེ་འབར་བ་དང་འདྲ་སྟེ། ཞེས་བྱ་བ་འདིས་ལྷའི་རྣལ་འབྱོར་གྱི་མཚན་ཉིད ་བསམ་གཏན་གྱི་ཕན་ཡོན་བསྟན་ཏེ། བཟླས་བརྗོད་ཀྱི་དཔེ་མེ་འབར་བ་ལས་བླངས་པ་ཡང་འདི་ལྟར་དགོངས་ཏེ། གང་གི་ཕྱིར་བདག་གི་དེ་ཁོ་ན་ཉིད་རྟག་ཏུ་མངོན་དུ་བྱས་པའི་ལྷའི་དེ་ཁོ་ན་ཉིད་ཀྱི་མཚན་ཉིད་ནི་ལྷའི་རྣལ་འབྱོར་དུ་བསྟན་ཏོ། །བདག་གི་དེ་ཁོ་ན་ཉིད་བརྟག་པ་ཡང་ཉོན་མོངས ་པ་དང་ཤེས་བྱའི་སྒྲིབ་པའི་གཉེན་པོ་གོམས་པར་བྱེད་པ་སྟེ་འོག་ནས་འཆད་དོ། །དེ་བས་ན་ལྷའི་རྣལ་འབྱོར་བྱས་པའི་བཟླས་བརྗོད་རྩོམ་པ་ཉིད་ན་ཡང་ཉོན་མོངས་པ་དང་ལས་ཀྱི་སྒྲིབ་པ་ཐམས་ཅད་ཀྱི་བུད་ཤིང་བསྲེག་པའི་ཕྱིར་མེ་འབར་བ་དང་འདྲ་སྟེ། ཞེས་བརྟགས་སོ། །རང་བཞིན་ཡང་ཡན་ལག ་བཞིའི་བསམ་གཏན་ལ་ཞེན་པའི་སྦྱོར་བས་ཚུལ་བཞིན་མ་ཡིན་པ་ཡིད་ལ་བྱེད་པ་ལ་སོགས་པའི་གཉེན་པོ་ཡིན་པའི་ཕྱིར་རོ། །དེ་བཞིན་དུ་འབྲས་བུ་ཡང་སངས་རྒྱས་པའི་མཐར་ཕྱིན་པའི་བར་དུ་མི་ཤེས་པའི་བུད་ཤིང་ཐམས་ཅད་སྲེག་པའི་རྒྱུ་ཡིན་པའི་ཕྱིར་རོ། །དེ་བས་ན་སྐྱེ་དང་འཆི་བ་འཇིགས ་བྱེད་པ་ཞེས་བྱ་བ་གསུངས་ཏེ། མངོན་དུ་དང་བརྒྱུད་པ་ལས་འགྱུར་རོ། །ཞེས་བྱ་བའི་ཐ་ཚིག་གོ་།ད་ནི་ལྷའི་རྣལ་འབྱོར་གྱི་མཚན་ཉིད་ཀྱི་བསམ་གཏན་དང་བཟླས་བརྗོད་ཀྱི་ཡན་ལག་བཞིའི་སྒྲིབ་བསམ་གཏན་དེ་དག་མཇུག་བསྡུ་བའི་སྒོ་ནས་དུས་ཅིག་ཏུ་ནན་ཏན་བྱ་བར་བསྟན་པའི་ཕྱིར་དེ་བས་ངེས ་འདིར་གསང་སྔགས་ཀྱི། བསམ་གཏན་ཚིམ་བྱ་མེ་དག་ལ། དངོས་གྲུབ་འདོད་པ་དག་གིས་ནི། རྟག་ཏུ་རྒྱུན་ཏུ་སྦྱོར་བར་བྱ་ཞེས་བྱ་བ་གསུངས་སོ། །དེ་ལ་གང་གི་ཕྱིར་བཟླས་བརྗོད་ཀྱི་ཚེ་གསང་སྔགས་ཀྱི་སྒྲ་དང། ཡི་གེའི་རང་བཞིན་གྱི་བསམ་གཏན་གསང་བ་གསུངས་པ་དང། ལྷའི་རྣལ་འབྱོར ་བྱས་པའི་སྔགས་པའི་བཟླས་བརྗོད་ཀྱང་མེ་འབར་བ་ཞེས་བྱ་བ་གསུངས་པ་དེའི་བཟླས་བརྗོད་བྱེད་པ་དེས་བཟླས་བརྗོད་ཀྱི་ཚེ་དེ་བཞིན་གཤེགས་པའི་གཞི་ལ་གསང་སྔགས་ཀྱི་སྒྲ་དང་ཡི་གེའི་ ་རང་བཞིན་བཀོད་པ་སེམས་པ་ནི་བསམ་གཏན་ནོ། །ཚིམ་པར་བྱ་བ་ནི་གསལ་བར་སྣང་བར་བྱའོ། གང་གི་དུས ་སུ་ཞེ་ན་མེ་དག་ལ་ཞེས་བྱ་བ་གསུངས་ཏེ། མེ་འབར་བ་ལ་ཞེས་བྱ་བའི་དོན་ཏོ། །མེ་འབར་བ་ཞེས་བྱ་བའི་བཟླས་བརྗོད་ཀྱིས་ཀྱང་ལྷའི་རྣལ་འབྱོར་བྱས་པའི་བཟླས་བརྗོད་བྱེད་པའི་བཟླས་བརྗོད་བསྟན་ཏེ། གང་གི་ཕྱིར་གསང་སྔགས་ཀྱི་རྣལ་འབྱོར་པ་རྣམས་ཀྱི་བཟླས་བརྗོད་མེ་འབར་ཞེས་གསུངས་པ་དེའི ་ཕྱིར་ལྷའི་རྣལ་འབྱོར་བྱས་ནས་དེ་བཞིན་གཤེགས་པ་ལ་སོགས་པ་རྣམ་པར་བཀོད་པའི་གསང་སྔགས་ལ་དམིགས་པ་མངོན་དུ་བྱས་ཏེ། བཟླས་བརྗོད་བྱའོ་ཞེས་གསུངས་པ་ཡིན་ནོ། །མེ་དག་ལ་ཞེས་བྱ་བ་འདིས་མེ་ལ་གནས་པའི་གསང་སྔགས་ཀྱི་སྦྱོར་བའི་ཆོ་ག་འོག་ནས་འབྱུང་བ ་བསྟན་ཏོ་ཞེས་སྨྲ་བ་གང་ཡིན་པ་དེ་ནི་སྐབས་མི་ཤེས་པས་ཟན་གྱི་དུས་ན་ཡང་ལན་ཚྭ་དང་ལྡན་པའི་ཚོད་མ་ལ་སོགས་པའི་སྒྲ་ཐོས་ནས། རྟ་དང་ལྷན་ཅིག་ཏུ་ཚོད་མ་ཟ་བར་ཡིད་ཆེས་ཀྱང་སྲིད་དོ། །འདི་ལྟར་གསང་སྔགས་ཀྱི་སྦྱོར་བའི་སྐབས་རྣམ་པ་གཉིས་འཆད་པ་ནི། བཟླས་བརྗོད་ཀྱི་ཡན ་ལག་བཞིའི་ཆོ་གའི་མཚན་ཉིད་དང། །མེ་ལ་གནས་པ་ལ་སོགས་པ་སྒྲའི་བསམ་གཏན་གྱི་མཚན་ཉིད་དོ། །དེ་ལ་ཡན་ལག་བཞིའི་བསམ་གཏན་ལ་ནི་གསང་སྔགས་གཤིབས་ཏེ་བརྗོད་པ་དང། ཡིད་ཀྱི་བརྗོད་པ་གཉིས། སྔགས་བཟླས་ཡན་ལག་མཉམས་པར་ཞེས་འོག་ནས་འཆད་ ་དོ། །མེ་ལ་གནས་པ་ལ་སོགས་པ་སྒྲའི་སྦྱོར་བ་ནི་སེམས་པ་མཚན་ཉིད་བསམ་གཏན་ཉིད་དུ་འཆད་དེ། མེའི་ནང་གནས་ཞི་བ་སྟེ། ཚིག་རྣམ་དག་པ་ཡན་ལག་ལྡན། །སྲོག་དང་རྩོལ་བ་འགགས་པའི་བདག་།གཉིད་སྤངས་ནས་ནི་རྣམ་པར་བསམ། ཞེས་བྱ་བ་ལ་སོགས་པའི ་གཞུང་གིས་བསྟན་ཏོ། །བསམ་མོ་ཞེས་བྱ་བའི་ཚིག་བསྟན་པའི་ཕྱིར་རོ། །བསམ་པ་ཡང་བསམ་གཏན་གྱི་མཚན་ཉིད་དེ། རྟོགས་པ་དང་སེམས་པ་དང། བསམ་གཏན་ཞེས་བྱ་བ་ནི་རྣམ་གྲངས་ཡིན་པའི་ཕྱིར་རོ། །སྐབས་འདིར་ནི། རྣལ་འབྱོར་བའི་བཟླས་བརྗོད ་མེ་འབར་བ་ཞེས་བྱ་བ་གསུངས་སོ། །ཞེས་བྱ་བ་བཤད་ནས་མཇུག་བསྡུ་བའི་ཚིག་བྱེད་པ་ན། བཟླས་བརྗོད་མེ་འབར་བ་ཞེས་བྱ་བ་དེ་ཉིད་ལྷ་དང་གསང་སྔགས་དག་གི་བསམ་གཏན་ལ་སྦྱར་བར་རིགས་ཀྱི་སྐབས་སུ་མ་བབ་པའི་མེ་ལ་གནས་པའི་སྒྲའི་བསམ་གཏན་ལ་ནི ་མི་བྱའོ། །མེ་ལ་གནས་པའི་སྒྲའི་བསམ་གཏན་དེ་ལ་ནི་ལོགས་ཤིག་ཏུ་བསམ་གཏན་ལ་སོགས་པའི་སྐབས་འོག་ནས་འཆད་པའི་ཕྱིར་རོ། །རབ་ཏུ་འཕྲོས་པ་ནི་མི་དགོས་ཀྱི་གཏང་ངོ། །དེ་ལ་བརྟག་པ་ཞེས་བྱ་བ་ནི་ཉི་མ་རེ་རེའོ། །རྒྱུན་ཏུ་སྦྱོར་བར་ཞེས་བྱ་བ་ནི། བཟླས ་བརྗོད་མ་རྫོགས་ཀྱི་བར་དུ་སྟེ། འོག་ནས་འཆང་བའི་རིམ་གྱིས་བརྗོད་ཅིང་གསང་སྔགས་ཀྱི་སྒྲ་ལ་དམིགས་པར་བྱའོ་ཞེས་བྱ་བའི་དོན་ཏོ། །འདི་ཡང་གསང་སྔགས་བཟླས་བརྗོད་བྱེད་པའི་བསམ་གཏན་གྱི་ཚེ་ན་བྱ་བར་བྱ་བའི་རྒྱུད་ཐམས་ཅད་ཀྱི་སྤྱིའི་ཆོ་ག་བསྡུས་པའི ་རྒྱུད་འཕགས་པ་རབ་ཏུ་གྲུབ་པར་བྱེད་པ་དང། དཔུངས་བཟངས་དང། དཔལ་རྟོག་པ་བསྡུས་པ་ལ་སོགས་པ་དང། བྱེ་བྲག་གི་རྒྱུད་འཕགས་པ་རྣམ་པར་སྣང་མཛད་མངོན་པར་རྫོགས་པར་བྱང་ཆུབ་པ་རྣམ་པར་སྤྲུལ་པའི་བྱིན་གྱིས་བརླབ་པ་དང། འཕགས་པ་ཕྱག་ན་རྡོ་རྗེ་མངོན ་བར་དབང་བསྐུར་བ་དང། བྱང་ཆུབ་ཀྱི་སྙིང་པོ་དང། རིག་འཛིན་གྱི་སྡེ་སྣོད་ལ་སོགས་པ་ལས་གསུངས་ཏེ། ཁ་ཅིག་ཏུ་ནི་མི་མངོན་པའི་ཚིག་ཏུ་བཤད་ཁ་ཅིག་ཏུ་ནི་གསལ་བར་བསྟན་ཏེ། འདི་ལྟར་རབ་ཏུ་གྲུབ་པར་བྱེད་པ་ལས་བཟླས་བརྗོད་བྱེད་པས་བཟླས་བརྗོད་ཚེ། ་རིག་སྔགས་ལྷ་ཉིད་གཏད་ནས་ནི། སྒོམ་པ་མཆོག་ཏུ་གཅེས་པ་ཡང། རྟོག་པ་བཟུང་ནས་ཡོད་མི་བསམ་ཞེས་བྱ་བ་ལ་སོགས་པ་གསུངས་པའོ། །དེ་བཞིན་དུ་དཔུང་བཟངས་ལས་ཀྱང། སྙོམ་དང་བུད་མེད་མི་དགེ་ལྡན་པའི་སེམས། །གང་དང་གང་དུ་ཀུན་ཏུ་རྒྱུ་བ་དག་།དེ ་དང་དེ་ནས་བསྒྲིམས་ཏེ་རྣམ་བཟློག་ནས། །གསང་སྔགས་ཡི་གེ་མཆོད་ལ་སྦྱར་བར་བྱ་ཞེས་བྱ་བ་དང། །དེ་བཞིན་དུ་བསམ་གཏན་དག་དང་ལྡན་པའི་སྒྲུབ་པ་པོ། །ཤེས་ལས་བྱུང་བ་དགའ་བ་རབ་ཏུ་བསྐྱེད། །དགའ་ལས་ལུས་ནི་ཤིན་ཏུ་སྦྱངས་པ་ཐོབ། །ཤིན་ཏུ་སྦྱངས་སེམས་བདེ ་པའི་སྐལ་ལྡན་འགྱུར། དགའ་བ་དེ་ཡིད་གཅིག་ཏིང་ངེ་འཛིན་གྱུར་ན། དེ་ཚེ་བཟླས་བརྗོད་དོགས་པ་མེད་པར་འགྱུར། ཞེས་བྱ་བ་ལ་སོགས་པ་གསུངས་སོ། །བདག་གི་དེ་ཁོ་ན་ཉིད་བརྟག་པ་ཡང་དེ་ཉིད་ལས་གསུངས་ཏེ། འདོད་ཆགས་ལ་སོགས་ཉོན་མོངས་དྲི་མར་བཅས། དེ་བས་སེམས ་ནི་འཁོར་བ་ཡིན་པར་གསུངས། ཉོན་མོངས་རྣམ་གྲོལ་ཤེས་དང་ཟླ་འདྲ་བ། སྲིད་པའི་རྒྱ་མཚོ་མཐར་ནི་ཀུན་ཏུ་བསྒྲགས་ཞེས་བྱ་བ་ལ་སོགས་པའི་གཞུང་གིས་བཤད་དོ། །དེ་བཞིན་དུ་རྣམ་པར་སྣང་མཛད་མངོན་པར་བྱང་ཆུབ་པ་ལས་ཀྱང་བཟླས་བརྗོད་བྱེད་པའི་ཚེ། ་བཟླས་བརྗོད་ཀྱི་ཡན་ལག་བཞིའི་སྦྱོར་བས་གསང་སྔགས་ཀྱི་སྦྱོར་བ་གསལ་བ་ཉིད་དུ་བཤད་དོ་ཕྱག་ན་རྡོ་རྗེ་མངོན་པར་དབང་བསྐུར་བ་ལས་ཀྱང་འཇམ་དཔལ་ནམ་སྔགས་པ་ལྷུན་གྱི་གྲུབ་པར་ལྷ་ཉིད་ཀྱི་ང་རྒྱལ་དུ་གྱུར་པ་དེའི་ཚེ། གསང་སྔགས་ཐམས་ཅད་མངོན་དུ་ཕྱོགས་པར་གནས་པར་འགྱུར་རོ་བཞེས ་གསུངས་སོ། །རིག་སྔགས་འཆད་གི་སྡེ་སྣོད་ལས་ཀྱང། རི་མོ་ལ་སོགས་པ་ལ་གནས་པའི་ལྷའི་བསམ་གཏན་བྱ་བ་འདིས་ནི་སྙན་ཆ་ཀུན་ཏུ་བསྐྱོད། །ནེའུ་ལེ་རྐྱལ་བུ་བསྐུལ་བ་སྙམ། དེ་ལྟར་བཟླས་བརྗོད་འབད་པའི་ཚེ། ཞབས་ལ་སོགས་པའང་རིམ་གྱིས་བརྟག་ཅེས་གསུངས ་པ་དང། བདག་གི་དེ་ཁོ་ན་ཉིད་བརྟག་པ་ཡང་གནས་པ་གསུམ་དང། རྣམ་པར་ཐར་པའི་སྒོ་གསུམ་ལ་གཞོལ་བར་བྱའོ། །ཞེས་དེ་ཉིད་ལས་གསུངས་ཏེ། གནས་པ་གསུམ་ནི་འཕགས་པའི་དང། ལྷའི་དང་ཚངས་པའི་གནས་པའོ། །དེ་ལ་འཕགས་པའི་ནི་འཕགས་པའི ་བདེན་པ་བཞིའོ། །ལྷའི་དེ་བསམ་གཏན་བཞིའོ། །ཚངས་པའི་ནི་ཚད་མེད་པ་བཞིའོ། །སྟོང་པ་ཉིད་དང། མཚན་མ་མེད་པ་དང། སྨོན་པ་མེད་པའི་མཚན་ཉིད་ནི་རྣམ་པར་ཐར་བའི་སྒོ་གསུམ་ཡིན་ནོ་ཞེས་དེ་ལས་བཤད་དོ། །དཔལ་རྟོག་པ་བསྡུས་པ་ལས་ནི། ཆོས ་བདག་མེད་པ་གོམས་པར་བྱ་བ་དང། ལྷའི་རྣལ་འབྱོར་གཞུང་རབ་ཏུ་མང་པོས་བསྟན་པས་འདིར་མ་བྲིས་སོ། །དེ་བས་ན་དེ་ལ་སོགས་པའི་རྒྱུད་ལས། ཇི་ལྟར་སྲིད་པའི་ལྷའི་གཟུགས་དང། གསང་སྔགས་ཀྱི་སྒྲའི་བསམ་གཏན་དུ་བྱས ་པ་ཉིད་ཀྱི་བཟླས་བརྗོད་གསུངས་སོ། །གང་དག་ཏུ་གདུལ་བྱའི་དབང་གིས་མ་བཤད་པ་དེ་དག་ནི་རྒྱུད་ཐམས་ཅད་ཀྱི་ཆོ་ག་བསྡུས་པའི་རྒྱུད་འཕགས་པ་དཔུང་བཟང་དང། དཔལ་རྟོག་པ་བསྡུས་པ་ལ་སོགས་པ་ལས་གསུངས་སོ། །དེ་དག་དུ་ཡང་གསང་སྔགས ་ཀྱི་བསམ་གཏན་ནི་བསྟན་གྱི་དེའི་སྦྱོར་བ་མ་བཤད་དོ། །འདིར་ནི་ཡན་ལག་བཞི་ལ་སོགས་པ་བཤད་པས་རབ་ཏུ་གསལ་བར་བསྟན་པར་རིག་པར་བྱའོ། །ད་ནི་རིག་སྔགས་དང་གསང་སྔགས་ཀྱི་ཐབས་ཆེན་པོའི་ཡུལ་རབ་ཏུ་དབྱེ་བ་དང། མཚན་ཉིད་བཤད ་དོ། །དེ་ལ་རིག་སྔགས་དང་གསང་སྔགས་ནི་རྣམ་པ་དྲུག་གི་བདག་ཉིད་དེ། བྱང་ཆུབ་ཀྱི་སེམས་ཀྱི་མཚན་ཉིད་གཉིས་སུ་མེད་པའི་ཏིང་ངེ་འཛིན་དང་སྒྲ་དང་ཡི་གེ་དང། ཕྱག་རྒྱ་དང། གཟུགས་དང། ཀུན་རྫོབ་ཀྱི་ཏིང་ངེ་འཛིན་རྣམ་པ་དང་བཅས་པའི་བྱེ་བྲག་གོ་།དེ ་དག་གི་དངོས་གྲུབ་མཆོག་ལ་སོགས་པ་དང། ཞི་བ་ལ་སོགས་པའི་ལས་ཀྱི་མཚན་ཉིད་རང་གི་བྱ་བ་སྒྲུབ་པའི་ཐབས་ནི་ཐབས་སོ། །ཞེས་མདའ་གཞུའི་མཚོན་ཆ་ལ་སོགས་པའི་དཔེས་སྔར་བསྟན་ཟིན་ཏོ། །ཐབས་དེ་ཡང་འདིར་རྣལ་འབྱོར་ལ་གནས་པར་འདོད་ཀྱི་བྱ་བ ་ལ་གནས་པ་ནི་མ་ཡིན་ནོ། །དེ་ལ་ཡང་བྱེ་བྲག་རྣམ་པ་གཉིས་ཏེ། གཅིག་གི་བཟླས་བརྗོད་ལ་བལྟོས་པ་དང་བཅས་པ། རིག་སྔགས་དང་གསང་སྔགས་ཀྱི་གཟུགས་ལ་སོགས་པ་མངོན་དུ་བྱ་བ་གོམས་པར་བྱེད་པའི་མཚན་ཉིད་དོ། །དེ་ལས་གཞན་པ་ནི་བཟླས་བརྗོད་ལ་མི ་བལྟོས་པ་མེ་ལ་གནས་པ་ལ་སོགས་པ་སྒྲ་ལ་མངོན་པར་བརྩོན་པའི་མཚན་ཉིད་དོ། །དེ་ཡང་ཡན་ལག་བཞི་ལ་སོགས་པ་རིག་སྔགས་དང་གསང་སྔགས་ཀྱི་ཐབས་ཆེན་པོ་སྒྲུབ་པ་དང་དེ་ལས་གཞན་ཡང་སྔར་ལྷ་མཆོད་ནས་བདག་གི་དེ་ཁོ་ན་ཉིད་དང། རིག་སྔགས་ཀྱི་དེ་ཁོ ་ན་ཉིད་བསྒྲུབ་པ་སྔར་བྱ་བར་འདོད་དེ། དེ་བས་དེ་བསྟན་པ། ལྷ་ཡི་སྐུ་ཡི་གནས་དེ་ལ། དང་པོ་ཁོ་ནར་མཆོད་ནས་ནི། ཞེས་བྱ་བ་ལ་སོགས་པ་ནས། སྲོག་དང་རྩོལ་བ་རབ་ཏུ་བསྡམས་ཞེས་བྱ་བའི་བར་དུའོ། །དེའི་འོག་ཏུ་ཡང་བཟླས་བརྗོད་ལ་ལྟོས་པའི་རིག་སྔགས་དང། ་གསང་སྔགས་ཀྱི་གཟུགས་ལ་སོགས་པ་མངོན་དུ་བྱ་བ་གོམས་པར་བྱ་བའི་མཚན་ཉིད་རིག་སྔགས་དང་གསང་སྔགས་ཀྱི་ཐབས་ཆེན་པོ་གསུངས་པ། སྒྲ་དང་སེམས་དང་གཞི་ལ་གཞོལ། །གསང་སྔགས་མི་འགྱུར་གཞི་ལ་གནས་ཞེས་བྱ་བ་ལ་སོགས་པ་ནས། མིས་ནི་དངོས་གྲུབ་ཐོབ ་པར་འགྱུར་ཞེས་བྱ་བའི་བར་དུའོ། །དེའི་འོག་ཏུ་ཡང་བཟླས་བརྗོད་ལ་མི་བལྟོས་པར་རིག་སྔགས་དང་གསང་སྔགས་ཀྱི་གཟུགས་ལ་སོགས་པ་མངོན་དུ་བྱ་བ་གོམས་པར་སྦྱོར་བ་ཕན་ཡོན་དང་བཅས་པར་བསྟན་པ། གསང་སྔགས་མེ་གནས་དངོས་གྲུབ་སྟར་ཞེས་བྱ་བ་ལ་སོགས་པ ་ནས། ཡན་ལག་སྤངས་པ་རྒྱལ་བས་མཁྱེན་ཞེས་བྱ་བའི་བར་དུའོ། །དེའི་འོག་ཏུ་གསང་སྔགས་དང་རིག་སྔགས་ལ་དམིགས་པ། གོམས་པར་བྱེད་པའི་མཚན་ཉིད་ཐབས་ཞེས་བྱ་བ་རྣམ་པ་གཉིས་པོ་འདི་ཉིད་ཀྱི་ཡན་ལག་རྣམས་བསྟན་པ། སྲོག་རྩོལ་དཀའ་ཐུབ་བསམ་གཏན ་དང་ཞེས་བྱ་བ་ལ་སོགས་པ་ནས། ཚངས་ལ་རྟག་ཏུ་རིག་བྱ་བས་ཞེས་བྱ་བའི་བར་དུའོ། །འདི་ནི་རེ་ཞིག་རིག་སྔགས་དང་གསང་སྔགས་ཀྱི་ཐབས་ཆེན་པོ་ཡན་ལག་དང་བཅས་པ་མདོར་བསྟན་པའི་ཚིག་རྣམས་བསྡུས་པའི་དོན་ཏོ། །ཡན་ལག་གི་དོན་བརྟག་པ་ནི་དེ་ལ། ལྷ་ཡི་སྐུ ་ཡི་གནས་དེ་ལ། དང་པོ་ཁོ་ནར་མཆོད་ནས་ནི་ཞེས་པ་མཆོད་པ་སྨོས་པ་ནི་མཚན་མ་བསྟན་པ་སྟེ། དེ་བས་ན་གཙང་སྦྲ་བྱ་བ་དང། གནས་དང། བདག་བསྲུང་བ་དང། ལྷ་སྤྱན་དྲངས་བ་ལ་སོགས་པ་ཡང་འདིར་བྱ་དགོས་པར་ཤེས་པར་བྱའོ། །གང་གི་ཕྱིར་ཞེ་ན་ལྷ་སྤྱན་མ་དྲངས་ཤིང ་གནས་བསྲུང་བ་མ་བྱས་པར་སྒྲུབ་པ་པོས་ལྷ་མཆོད་པའི་སྐབས་མེད་པའི་ཕྱིར་རོ། །གཙང་སྦྲ་ལ་སོགས་པ་མཆོད་པའི་ཆོ་གའི་བར་དེ་དག་ཀྱང། རིག་སྔགས་ལ་སོགས་པའི་བརྟག་པ་ཐམས་ཅད་ལས་ཤེས་པར་བྱའོ། །འདིར་ཡང་མཆོད་ནས་ཞེས་བྱ་བའི་ཚིག་གི་མཚམ་སྦྱོར ་བ་ཙམ་འབའ་ཞིག་བསྟན་ཏོ། །འདིར་ཡང་མཆོད་ནས་ཞེས་སྔོན་གྱི་དུས་སུ་བྱ་བའི་ཚིག་འདིའོ་གནས་འབྱུང་བ་ཕྱིས་བྱ་བ་བཟླས་བརྗོད་ལ་སོགས་པ་བསྟན་པའི་ཚིག་དང་འབྲེལ་ཏོ། །དེ་ལ་མཆོད་ནས་ཞེས་བྱ་བ་ནི། སྐབས་འདིར་མཆོད་པ་རྣམ ་པ་བཞི་བསྟན་ཏེ། ཕྱག་རྒྱ་དང། གསང་སྔགས་དང། ཡིད་ཀྱི་དང། ཟང་ཟིང་དང། མཆོད་པ་བཞིའི་བྱེ་བྲག་གོ་།ལྔ་པ་ནི་ནན་ཏན་གྱི་མཆོད་པ་སྟེ། ལྷའི་སྐུའི་གནས་དེ་ལ་དེ་མི་སྲིད་པའི་ཕྱིར་རོ། །དེ་སྐབས་འདིར་མི་སྦྱར་རོ། །དེ་ལ་ཞེས་བྱ་བའི་ཚིག་དེ་ལྷའི་སྐུའི་གནས་ཞེས་བྱ་བ་དེ ་དང་སྦྱར་རོ། །དེའི་དོན་འདི་སྟེ། ལྷ་གང་གི་བཟླས་བརྗོད་ལ་སོགས་པའི་མཚན་ཉིད་རིག་སྔགས་དང་གསང་སྔགས་ཀྱི་ཐབས་ཆེན་པོ་གོམས་པར་འདོད་པས། དེ་མཆོད་ནས་བཟླས་བརྗོད་ལ་སོགས་པ་གོམས་པར་བྱའོ། །ཞེས་བྱ་བའི་དོན་ཏོ། །མཆོད་པ་དེ་ཡང་ལྷ་དེའི་གང་དུ ་བྱ་ཞེ་ན། སྐུའི་གནས་ཞེས་བྱ་བ་སྟེ། དེ་ལ་སྐུ་ཉིད་གནས་པས་ན་སྐུའི་གནས་སོ། །སྐུ་དང་གཟུགས་དང་ལུས་ཤེས་བྱ་བ་ནི་རྣམ་གྲངས་སོ། །དེས་ནི་དོན་འདི་ལྟར་འགྱུར་ཏེ། རི་མོ་དང་སྐུ་གཟུགས་ལ་སོགས་པའི་ལྷའི་གཟུགས་ཀྱི་མཚན་ཉིད་སྐུའི་གནས་ལ་མཆོད་པ་བྱས་ནས། བཟླས ་བརྗོད་ལ་སོགས་པ་བྱའོ་ཞེས་བསྟན་ཏོ། །རྣལ་འབྱོར་གནས་བཅས་པ་ཞེས་བྱ་བ་ནི། རྣལ་འབྱོར་གྱི་ཕྱིར་འདུག་པས་ན་རྣལ་འབྱོར་གནས་སོ། །དེ་ལ་རྣལ་འབྱོར་ནི་སྦྱོར་བ་སྟེ། ཇི་ལྟར་སྲིད་པའི་ལྷ་བ་དྲུག་ལ་ཀུན་ཏུ་སྦྱར་བ་ཞེས་བྱ་བའི་ཐ་ཚིག་སྟེ། དེ་དང་རྗེས་སུ་མཐུན་པར་གནས་པ་ནི་རྡོ་རྗེ་དང ་བཀྲ་ཤིས་དང་སེམས་པའི་སྐྱིལ་མོ་ཀྲུང་ལ་སོགས་པའི་མཚན་ཉིད་དོ། །བདེ་གཤེགས་མདུན་དུ་བསམས་ནས་ནི། ཞེས་བྱ་བ་འདི་བཟླས་བརྗོད་ལ་སོགས་པའི་སྦྱོར་བ་ཐམས་ཅད། བཅོམ་ལྡན་འདས་ཀྱི་སྤྱན་སྔར་བྱ་བ་བསྟན་ཏོ། །དེ་ལྟར་ཅི་མངོན་ཞེ་ན། ལྷའི་རྣལ་འབྱོར་གྱི་མཚན་ཉིད་རིག་སྔགས ་ཀྱི་བརྟུལ་ཞུགས་ཀྱི་གནས་བསྟན་པའི་སྒོ་ནས་དོན་དམ་པ་བཟླས་བརྗོད་ཀྱི་གནས་འོག་ནས། གསང་སྔགས་ལ་སོགས་ལྡན་པ་མི་རིག་སྔགས་ཁྲོ་བོ་མང་པོ་ཀུན། །རྒྱལ་བའི་སྐུལ་མངོན་ཕྱོགས་ནས། །བསམ་གཏན་ངོམས་ཕྱིར་རྟག་ཏུ་གནས་ཞེས་བསྟན་ཏོ། །ད་ནི་བདག་གི་དེ་ཁོ ་ན་ཉིད་བརྟག་པར་བྱ་སྟེ། དེ་ལ་གཞན་གྱིས་ཡོངས་སུ་བརྟག་པའི་བདག་ནི་ཀུན་རྫོབ་ཀྱི་བདེན་པའི་ཐ་སྙད་དུ་ཡང་མི་བཟོད་པས་ན་རྣལ་འབྱོར་པའི་གཟུགས་ལ་སོགས་པའི་ཕུང་པོ་ལྔ་པོ་རྣམ་པར་མ་བཤིག་པའི་རང་བཞིན་འདི་ཉིད་ལ་བདག་ཅེས་བརྗོད་པར་ཤེས་པར་བྱའོ། །རྣལ་འབྱོར་བའི་བདག ་དེ་ལྟ་བུའི་ཕྱིན་ཅི་མ་ལོག་པའི་རང་བཞིན་ནི་བདག་གི་དེ་ཁོ་ན་ཉིད་དེ། དེ་ཡང་འདི་ལྟར་དགོངས་སོ། རིག་པ་དང་ལུང་ངག་གིས་བརྟགས་ནས། དེའི་ཕུང་པོ་ལྔའི་མཚན་ཉིད་ཀྱི་བདག་ཕྱིན་ཅི་མ་ལོག་པའི་ངོ་བོ་ཉིད་ཙམ་ཞིག་ལྷག་མ་ལུས་པ་མེད་པར་སྐུར་བ་གདབ་མི་ནུས་པ་གང་ཡིན་པ་དེ་ནི་བདག་གི་དེ་ཁོ་ན ་ཉིད་དོ། དེ་ཡང་དོན་དམ་པའི་བདེན་པའི་ཡུལ་སྤྲོས་པ་ཐམས་ཅད་ཀྱི་བག་ཆག་ཀྱི་བཞི་དང་བྲལ་བ་རྣམ་པ་མེད་པ་རང་གིས་རིག་པའི་ངོ་བོ་ཉིད་གཉིས་སུ་མེད་ཡེ་ཤེས་ཀྱི་མཚན་ཉིད་ཡིན་པར་འདིར་འདོད་དོ། །དེ་ལྟ་བུའི་བདག་གི་དེ་ཁོ་ན་ཉིད་རྟོགས་པར་བྱ་བའི་ཐབས་གསུངས་པ། ཕྱི་ནས་ཡན་ལག་རྣམ་གྲོལ ་པ། མི་འབྱེད་འབྱེད་པ་རྣམ་པར་སྤངས། ཕྲ་བ་མི་གཡོ་གསལ་བ་སྟེ། བློའི་སྤྱོད་ཡུལ་མདུན་དུ་གནས། །བདག་ཉིད་འདི་འདྲར་བཞག་ནས་ནི། ཞེས་བྱ་བའོ། །དེ་ལ་ཡན་ལག་ལ་སོགས་པ་ལས་རྣམ་པར་གྲོལ་བའི་ཚིག་རྣམས་དང། བདག་ཉིད་འདི་འདྲར་གཞག་ནས་ཞེས་བྱ་བ་འདི་དང་སྦྱར་རོ། །དེ་ལ ་མིག་ལ་སོགས་པའི་ཡན་ལག་ལས་རྣམ་པར་གྲོལ་ཞིང་བྲལ་བ་ནི། ཡན་ལག་ལས་རྣམ་པར་གྲོལ་བའོ། །ཡན་ལག་ལས་རྣམ་པར་གྲོལ་བའི་བདག་དེ་བཞག་ནས་ཞེས་བྱ་བའི་ཚིག་འོག་མ་རྣམས་དང་ཡང་དེ་བཞིན་དུ་སྦྱར་རོ། །ཡན་ལག་ལས་རྣམ་པར་གྲོལ་བའི་བདག་དེ་ཡང་ཅི་འདྲ ་བ་ཞིག་ཅེ་ན། མི་འབྱེད་ཅེས་བྱ་བ་གསུངས་ཏེ། དེ་ལ་ཡན་ལག་ཡོངས་སུ་སྤངས་པའི་སྒོ་ནས་གཞན་གྱི་རྒྱུད་ལ་གནས་པའི་མིག་དང་རྣ་བ་ལ་སོགས་པའི་རྣམས་པར་ཤེས་པས་ཀྱང་མི་འབྱེད་ཅིང་མི་འཛིན་པས་ན་མི་འབྱེད་པ་སྟེ། གཟུགས་མེད་ཅེས་བྱ་བའི་ཐ་ཚིག་གོ་།ད་ནི་གཟུགས་མེད་པ་ལ་སོགས ་པའི་ངོ་བོ་ཉིད་ཀྱི་བདག་སྟེ་གཟུགས་ལ་སོགས་པ་ལ་དམིགས་པ་དགག་པའི་ཕྱིར། །འབྱེད་པ་རྣམས་པར་སྤངས་ཞེས་བྱ་བ་གསུངས་སོ། དེའི་དོན་འདི་ལྟ་སྟེ། །མིག་ལ་སོགས་པའི་ཡན་ལག་ཡོངས་སུ་སྤངས་པ་ཉིད་ཀྱིས། མིག་ལ་སོགས་པས་བསྐྱེད་པའི་རྣམ་པར་ཤེས་པ་དམིགས་པར་བྱེད་པ་རྣམས་མེད ་དོ། །མེད་པས་ན་གཟུགས་ལ་སོགས་པ་དབྱེ་བ་རྣམས་ལ་འདིས་དམིགས་པ་སྤངས་པའི་ཕྱིར། འབྱེད་པ་རྣམ་པར་སྤངས་པ་སྟེ། དེ་ལ་འབྱེད་པ་རྣམ་པར་སྤངས་ཞེས་བྱ་བ་སྔ་མ་བཞིན་དུ་སྦྱར་རོ། །དེས་ནི་ཡན་ལག་རྣམ་པར་གྲོལ་བས་ན། བདག་གཟུགས ་ལ་སོགས་པའི་རང་བཞིན་ཡང་མ་ཡིན། གཟུགས་དང་སྒྲ་ལ་སོགས་པ་ལ་དམིགས་པར་བྱེད་པའི་རང་བཞིན་ཡང་མ་ཡིན་ཞེས་བཤད་པར་འགྱུར་རོ། །དེ་ལྟ་བུའི་བདག་གི་རང་བཞིན་འདི་བཅོམ་ལྡན་འདས་ཀྱིས་ཁ་ཅིག་ཏུ་ནི་གཉིས་སུ་མེད་པའི་ཡེ་ཤེས་ཀྱི་རང་བཞིན་དུ་དེ་བཤད་པ ་ལ། མོས་པའི་སེམས་ཅན་རྣམས་ལ་བསྟན་ཏོ། །འདིར་ནི་བདག་གི་དེ་ཁོ་ན་ཉིད་ཀྱི་རང་བཞིན་དུ་བསྟན་ཏེ། དེ་ལྟ་བུའི་སྒྲ་ཐོས་པ་ཙམ་གྱིས་འདུལ་བའི་འགྲོ་བ་བསྡུ་བའི་སྒོ་ནས་བཤད་པར་མངོན་ནོ། །དེ་ལ་འདི་སྙམ་དུ་སེམས་པ་དག་ཀྱང་ཡོད་དེ། གལ་ཏེ་བདག་གི་དེ་ཁོ་ན་ཉིད་པོ ་འདི་བདག་རང་ཕྱི་རོལ་གྱི་གཟུགས་ཀྱི་རང་བཞིན་ཡང་མ་ཡིན་ཕྱི་རོལ་གྱི་གཟུགས་ལ་དམིགས་པའི་རང་བཞིན་ཡང་མ་ཡིན་དུ་ཟིན་ཀྱང། གང་རྨི་ལམ་གྱི་རྣམ་པར་ཤེས་པ་དང་འདྲ་བར་ནང་གི་འཁྲུལ་བ་ལས་ཕྱི་རོལ་གྱི་དོན་སྣང་བ་སྟེ། འདིར་སུས་བཀག་ཅེས་གང་རྒོལ་བ་དེའི ་ལན་དུ་ཕྲ་བ་ཞེས་གསུངས་སོ། །དེ་འདི་ལྟར་དགོངས་ཏེ། ཅི་ཙམ་དུ་ནང་གི་རྒྱུད་འཁྲུལ་པའམ། ཕྱི་རོལ་གྱི་དོན་གྱི་དབང་གིས་དོན་གྱི་རྣམ་པར་སྣང་བ་དེ་ཙམ་དུ་བདག་ཅེས་བྱ་བ་ཤེས་པའི་རང་བཞིན་དེ་རིགས་སོ། །དེ་མེད་པ་ནི་རྣམ་པ་ཐམས་ཅད་དུ་རྣམ་པར་གྲོལ་བ་ཕྲ་བའི་དངོས་པོ་ཉིད་ཡིན ་པར་མངོན་ནོ། །ད་ནི་བདག་གི་དེ་ཁོ་ན་ཉིད་ཡེ་ཤེས་ཀྱི་རང་བཞིན་ཏེ། ཞུམ་པ་དང་རྒོད་པ་མེད་པར་བསྟན་པ། མི་གཡོ་གསལ་བ་སྟེ་ཞེས་བྱ་བ་གསུངས་སོ། །དེ་ལ་མི་གཡོ་བ་ནི་མི་འགུལ་བ་མི་འགྱུར་བ་ཞེས་བྱ་བའི་ཐ་ཚིག་གོ། འདིས་ཀྱང་ཤེས་རབ་རྒོད་པའི་རྣལ་འབྱོར་བ་ཆོས་རྣམ་པར ་འབྱེད་པའི་རྣམ་པར་རྟོག་པ་གོམས་པར་བྱས་པའི་སེམས་གཡོ་བ་ཞི་བའི་མཚན་ཉིད་རྒོད་པ་དགག་པ་གསུངས་སོ། །དེ་བས་ན་སེམས་མི་གཡོ་བ་ནི་ལམ་ལ་ཉེ་བར་ཞི་བ་ཡིན་ནོ། །ཞེས་བཤད་དོ། །དེ་བཞིན་དུ་གསལ་བ་ཞེས་བྱ་བ་ནི་དང་བ་སྟེ། རྨུགས་པ་ལ་སོགས་པའི་ཉེས་པ་དང་བྲལ་ཞེས ་བྱ་བའི་ཐ་ཚིག་གོ། འདིས་ཀྱང་ཞི་གནས་གཅིག་པོར་སོང་བའི་རྣལ་འབྱོར་པ་ཆོས་རྣམ་པར་དབྱེ་བའི་དུས་ནི་ཡང་གང་ཧ་ཅང་མཉམ་པར་བཞག་ཅེས་པ། སེམས་ཞུམ་པའི་མཚན་ཉིད་རྨུག་པ་ཆོས་རྣམ་པར་འབྱེད་པའི་མི་མཐུན་པའི་ཕྱོགས་སུ་འགྱུར་བ་དེ་བཀག་གོ། དེ་ལྟར་བདག་གི་དེ་ཁོ་ན ་ཉིད་ཡན་ལག་མེད་པ། དམིགས་པ་མེད་པ། གཟུགས་མེད་པ། རྣམ་པ་མེད་པ་མི་གཡོ་བ་གསལ་བར་རྗེས་སུ་མྱོང་བ་མཚན་ཉིད་ཡིན་ཡང་རྣམ་པར་དཔྱོད་པའི་ལམ་མ་སྤངས་པ་ཉིད་དུ་འདོད་པས། བློ་ཡི་དཔྱོད་པ་མདུན་ན་གནས་ཞེས་བྱ་བ་གསུངས་སོ། །བློ་ནི་ཤེས་རབ་པོའི་དེའི ་རང་གི་ཡུལ་ལ་འཇུག་པ་ནི་དཔྱོད་པ་སྟེ། བློའི་དཔྱོད་པའོ། །བློའི་དཔྱོད་པ་དེ་ཤེས་རབ་ཀྱི་སྣང་བའི་མཚན་ཉིད། བདག་གི་དེ་ཁོ་ན་ཉིད་གང་ཡིན་པའི་མདུན་ན་གནས་པ་དེ་ནི་བློའི་དཔྱོད་པ་མདུན་ན་གནས་པའོ། །དེས་འདི་སྐད་གསུངས་པར་འགྱུར་ཏེ། རང་གིས་རིག་པའི་རང་བཞིན་དེ་རྣམ ་པར་མི་རྟོག་པ་ཡིན་ཡང་ཤེས་རབ་ཀྱི་སྣང་བ་མདུན་ན་དཔྱོད་པ་ཉིད་དུ་འཇུག་གོ་།ཞེས་བཤད་དོ། །ཤེས་རབ་དེ་བདག་གིས་དེ་ཁོ་ན་ཉིད་དང་ཐ་མི་དད་དུ་ཟིན་ཀྱང། བདག་གི་དེ་ཁོ་ན་ཉིད་ཀྱི་མདུན་ན་གནས་ཞེས་གསུངས་ཏེ། སྣང་བའི་དཔེ་བཞིན་ནོ། །དེ་ལྟར་ཅི་མངོན་ཞེ་ན། སྣང་བ་མངོན་དུ་བྱས་ནས་མིག ་ཅན་གྱི་དངོས་པོ་སྣང་བ་རྣམ་མཐོང་ངོ་ཞེས་བྱ་བ་ལྟ་བུའོ། །དེ་ལྟར་གཟུང་བ་དང་འཛིན་པའི་ཡོངས་སུ་རྟོག་པའི་རང་བཞིན་ལས་རྣམ་པར་གྲོལ་བ་གཟུགས་མེད་པ་རྣམ་པ་མི་གཡོ་བ་རབ་ཏུ་འོད་གསལ་བ། རང་གི་རིག་པའི་རང་བཞིན་བདག་གིས་དེ་ཁོ་ན་ཉིད་བསྟན་ནས་མཇུག་བསྡུ་བའི་ཕྱིར་རོ། །བདག་ཉིད ་འདི་འདྲར་བཞག་ནས་ནི། ཞེས་བྱ་བ་གསུངས་ཏེ། འདི་འདྲར་ཞེས་བྱ་བ་ནི་གོང་དུ་སྨོས་པའི་མཚན་ཉིད་ལྟར་རོ། །བཞག་ནས་ཞེས་བྱ་བ་ནི་ཆོས་རྣམས་ཀྱི་རང་དང་སྤྱིའི་མཚན་ཉིད་གསལ་བའི་རིགས་པས་བསམ་ནས་ཞེས་བྱ་སྟེ། གསང་སྔགས་ཀྱི་བཟླས་བརྗོད་བྱའོ་ཞེས་འོག་ནས་འཆད ་དོ། །དེ་ནི་བདག་གི་དེ་ཁོ་ན་ཉིད་དེ་ལྟ་བུ་མངོན་དུ་བྱས་པའི་སྣང་བ་ལས་ལངས་ནས་ལྷའི་དེ་ཁོ་ན་ཉིད་བསྟན་པའི་ཕྱིར། གསང་སྔགས་རྣམ་པར་ཤེས་པས་བསྒོམ། །བསྡམས་ནས་ཏིང་ངེ་འཛིན་ལ་གནས། །སྲོག་དང་རྩོལ་བ་རབ་ཏུ་བསྡམས་ཞེས་བྱ་བ་གསུངས་སོ།། ་དེ་ལ་གསང་སྔགས་ཀྱི་རྣམ་པར་རྟོག་པ་དང་བཅས་པ་དང། རྣམ་པར་མི་རྟོག་པའི་ཡེ་ཤེས་དང། སྒྲ་དང། ཡི་གེ་དང། ཕྱག་རྒྱ་དང། གཟུགས་ཀྱི་བྱེ་བྲག་ལས་ལྷ་རྣམ་པ་དྲུག་གོ་།དེ་ལྟ་བུའི་གསང་སྔགས་ལ་དམིགས་པའི་རྣམ་པར ་ཤེས་པ་དེ་ནི་གསང་སྔགས་ཀྱི་རྣམ་པར་ཤེས་པ་སྟེ། གསང་སྔགས་ཀྱི་རྣམ་པའི་རྣམ་པར་ཤེས་པ་དེས་སྒོམ་ཞིང་བསྒོམ་པ་ནི་གསང་སྔགས་ཀྱི་རྣམ་པར་ཤེས་པས་བསྒོས་པ་སྟེ། བདག་ཉིད་ཅེས་བྱ་བའི་སྐབས་དང་འབྲེལ་ཏོ། །དེས་ན་འདི་ལྟར ་དགོངས་ཏེ། ནམ་རྣམ་པར་མི་རྟོག་པའི་རང་བཞིན་བདག་གི་དེ་ཁོ་ན་ཉིད་དེ་ལས་ལྡང་བར་འདོད་པར་གྱུར་པ་དེ་ན། ལྷའི་རང་བཞིན་རྣམ་པ་དྲུག་པོ་དེ་བདག་བསྒོས་ནས། ལྷའི་དེ་ཁོ་ན་ཉིད་ཀྱི་གཟུགས་སུ་བྱའོ་ཞེས་དགོངས་པའོ། །དེ་ལ་ལྷའི་ངོ་བོ་ཉིད ་ཀྱིས་བསྒོ་བའི་ཚུལ་ཡང་འདི་ལྟ་སྟེ། ཇི་ལྟར་བདག་གི་དེ་ཁོ་ན་ཉིད་འདི་རྣམ་པར་མི་རྟོག་ཅིང་རྣམ་པ་མེད་པ། ཕྱོགས་ཐམས་ཅད་དུ་ཁྱབ་པ་དེ་བཞིན་དུ། བདག་འདོད་པའི་གསང་སྔགས་ཀྱང་དེ་བཞིན་ཏེ། དེ་བས་ན་འདི་གཉིས་རྣམ་པ་ཐམས་ཅད ་དུ་མཚུངས་པས། ལྷའི་རྣམ་པར་མི་རྟོགས་པའི་ཡེ་ཤེས་སྣང་བ་དེ་དག་གི་རྣམ་པར་མི་རྟོག་པའི་བདག་གི་དེ་ཁོ་ན་ཉིད་ཡེ་ཤེས་སྣང་བའི་ནང་དུ་འདུས། བདག་གི་ཡང་ཆུ་དང་འོ་མ་བཞིན་དུ་འདུས་པས་ན། བདག་ཅག་གཉིས་གཅིག་གོ ་ཞེས་ཡོངས་སུ་བརྟགས་ཏེ། ཡང་རྣམ་པར་མི་རྟོག་པའི་སྣང་བའི་སྒོ་དེ་ཉིད་དུ་བདག་དང། ལྷ་གཉིས་གཅིག་པར་ང་རྒྱལ་མངོན་དུ་བྱས་ཏེ། སྣང་བ་མེད་པར་གང་གིས་རིག་པ་ཤིན་ཏུ་མངོན་སུམ་དུ་གྱུར་པར་བསམ་གཏན་བྱའོ། །དེ་ལས ་ལངས་ནས་གསང་སྔགས་ཀྱི་སྒྲར་རྣམ་པར་བརྟག་གོ་དེ་ལས་ཀྱང་གསང་སྔགས་ཀྱི་ཡི་གེའི་རྣམ་པ་ནམ་མཁའ་ཨི་ནང་ན་གནས་པ་སྣང་བར་བསམ་པར་བྱའོ། །དེ་དག་ཀྱང་བདག་གི་དེ་ཁོ་ན་ཉིད་ཟླ་བའི་དཀྱིལ་འཁོར་གྱི་རྣམ་པར་མངོན་པར་གྱུར་པ ་ལ་ཤིན་ཏུ་དག་པའི་དངུལ?་ཆུ་གསེར་གྱི་བྱེ་མ་ལ་ཞེན་པ་ལྟར་ནང་དུ་འདུས་པར་བསམ་མོ། །དེ་ནས་ཡང་ལྷ་དང་བདག་གི་དེ་ཁོ་ན་ཉིད་གཅིག་ཏུ་གྱུར་པའི་རང་བཞིན་ཟླ་བའི་བདུད་རྩི་ལས་འོད་ཟེར་རབ་ཏུ་འཕྲོས་པའི་སྒོ་ནས། ལྷག་པའི་ལྷའི་གཟུགས་དང ་བདག་དང་མི་གཉིས་པའི་རྣལ་འབྱོར་གྱི་རབ་ཏུ་གསལ་བར་སྣང་ཞིང། དེའི་ང་རྒྱལ་དུ་མངོན་པར་བསྒོམ་མོ། །བསམ་གཏན་གྱི་རྣམ་པར་རྟོག་པ་དེ་ལས་ཀྱང་ལངས་ནས། འཚོགས་མ་དང་སྤྱི་གཙུག་ལ་སོགས་པའི་ཕྱག་རྒྱ་རྣམས་ཀྱིས་ཡན་ལག་དང ་བཅས་པར་བྱས་ལ། རྣམ་པར་རྟོག་པ་དང་བཅས་པའི་ལྷར་བསྒོམ་མོ། །འདི་ནི་རེ་ཞིག་སྤྱིའི་གསང་སྔགས་ཀྱི་རྣམ་པར་ཤེས་པ་བསྒོམ་པའི་རིམ་པའོ། །གང་ཁ་ཅིག་ཏུ་རྣམ་པ་གཞན་དུ་གསུངས་པ་དེ་དག་དུ་ཡང་དེ་བཞིན་དུ་སྦྱར་བར་བྱའོ། །ད་ནི་གསང ་སྔགས་རྣམ་པ་དྲུག་པོ་དེ་དག་ཉིད་ཀྱི་རྣམ་པར་ཤེས་པས་བསྒོ་བ་ནི་སེམས་དཔའ་ཨི་མཚན་ཉིད། བསམ་གཏན་གྱི་ལྷའི་གཟུགས་དང་བདག་མི་གཉིས་པར་ཇི་ལྟར་བསམས་པའི་ཏིང་ངེ་འཛིན་མངོན་དུ་བྱས་པས། ཡུན་རིང་དུ་དམིགས་ཤིང་གསལ ་བར་སྣང་བར་བྱ་བ་བསྟན་པ། བསྡམས་ནས་ཏིང་ངེ་འཛིན་ལ་གནས་ཞེས་བྱ་བ་གསུངས་ཏེ། འདིར་ཡང་བདག་ཅེས་བྱ་བ་དང་འབྲེལ་ཏེ། དེ་བས་ན་བདག་བསྡམས་ནས་ཏིང་ངེ་འཛིན་ལ་གནས་པར་བྱའོ། །ཞེས་བྱ་བར་འགྱུར་རོ། །དེ་ལ་བདག་བསྡམས ་པ་ནི་དྲན་པ་སྲོག་དང་རྩོལ་བར་ལྡན་པར་ཇི་ལྟར་ཏིང་ངེ་འཛིན་དུ་བྱ་བའི་ལྷའི་གཟུགས་ལས་གཞན་དུ་མི་འཕྲོ་བའོ། །ཏིང་ངེ་འཛིན་ལ་གནས་ཞེས་བྱ་བ་ནི། ཏིང་ངེ་འཛིན་རྩེ་གཅིག་ཏུ་དམིགས་པའི་མཚན་ཉིད་ལ་མཉམ་པར་ལྡན་པའི་སྒོ་ནས་གནས་པས ་ན་ཏིང་ངེ་འཛིན་ལ་གནས་ཏེ། བདག་གིས་བྱེ་བྲག་ལ་བྱའོ། །དེ་ནས་འདི་ལྟར་དགོངས་ཏེ། རྣམ་པ་གཉིས་ཀྱི་ལྷའི་གཟུགས་བདག་དང་མི་གཉིས་པའི་རྣལ་འབྱོར་བསྐྱེད་པ་ནི་འདི་ལྟ་སྟེ་བསམ་གཏན་དང་ཏིང་ངེ་འཛིན་གྱིས་སོ། །དེ་ལ་བསམ ་གཏན་ནི་སེམས་པའི་མཚན་ཉིད་དེ་དང་པོར་བསམ་པར་བྱ་བའི་དངོས་པོའི་རང་གི་གཟུགས་ལ་རྟོགས་པའི་རང་བཞིན་ནོ། །ཏིང་ངེ་འཛིན་ནི་བསམ་གཏན་གྱིས་བརྟགས་པའི་དངོས་པོའི་རང་བཞིན་ཡུལ་དུ་གྱུར་པ་ལས་རྣམ་པར་རྟོག ་པའི་རབ་ཏུ་སྤྲོས་པ་དང་གྲལ་བ་རྩེ་གཅིག་ཏུ་དམིགས་པ་རྣམ་པར་མི་རྟོག་པའི་རང་བཞིན་བརྗོད་པ་མེད་པ་དོན་ཙམ་དུ་ཡུལ་དུ་གྱུར་པའི་རང་བཞིན་ནོ། །དེ་བས་ན་དང་པོ་ཁོ་ནར་གསང་སྔགས་རྣམ་པ་དྲུག་གི་ཡི་གེས་རྣམ་པར་ཤེས་པ་བསྒོམས་པ། ་སེམས་པའི་མཚན་ཉིད་བསམ་གཏན་གྱིས་བདག་གི་དེ་ཁོ་ན་ཉིད་པོ་དེ་ལྷའི་གཟུགས་སུ་རྣམ་པར་བརྟག་ནས། ཡང་ཇི་ལྟར་ལྷའི་གཟུགས་སུ་བསམས་པའི་བདག་ཉིད་དེ་དང། རྣམ་པ་གཅིག་པར་ཏིང་ངེ་འཛིན་གྱིས་ཤིན་ཏུ་བསྒོམས་པས། གསལ ་བར་བྱ་བར་ཏིང་ངེ་འཛིན་ལ་གནས། ཞེས་བྱའི་ཚིག་གི་བསྟན་ནོ། །ཏིང་ངེ་འཛིན་ལ་གནས་པའི་ཚེ། བདག་ཉིད་བསྡམས་པའི་ཚིག་བཅད་དགོད་པར་མངོན་ཏེ། བསམ་གཏན་དུ་འཇུག་པ་ན་ཡང་བདག་བསྡམས་དགོས་མོད་ཀྱི་འོན་ཀྱང་ཇི་ལྟར་ཏིང་ངེ་འཛིན ་མངོན་དུ་བྱེད་པའི་ཚེ། བདག་བསྡམས་པར་འདོད་པ་དེ་ལྟར་བསམ་གཏན་མངོན་དུ་བྱེད་པའི་ཚེ་ན་མ་ཡིན་ནོ། །དེ་ཅིའི་ཕྱིར་ཞེ་ན། བསམ་གཏན་གྱི་མཚན་ཉིད་ནི་བསམ་པའི་དངོས་པོ་ལ་ཐོག་མ་ཉིད་དུ་རྟོགས་པའི་སེམས་པའི་རྣམ་པ་ཅན་དུ་འདོད་དེ། དེ་བས ་ན་བསམ་གཏན་ནི་བདག་ཉིད་སྣ་ཚོགས་སུ་རྣམ་པར་རྟོག་པའི་རང་བཞིན་ཡིན་པས་དེ་ལ་བདག་བསྡམ་པར་མ་བྱས་ཀྱང། སྣ་ཚོགས་སུ་རྟོག་པ་སེམས་པའི་རང་བཞིན་གྱི་བསམ་གཏན་ནི་ཐམས་ཅད་དུ་མེད་པར་མི་འགྱུར་རོ། །ཏིང་ངེ་འཛིན་ནི་བསམ་གཏན་གྱིས ་རྣམ་པར་རྟོགས་ནས་ངེས་པའི་དངོས་པོ་ལ་དམིགས་པ་སྟེ། ཏིང་ངེ་འཛིན་ནི་སེམས་རྩེ་གཅིག་པ་ཞེས་བཤད་པའི་ཕྱིར། དེ་རྣམ་པ་གཅིག་པ་ཉིད་དོ། །དེ་བས་ན་བདག་གི་དེ་ཁོ་ན་ཉིད་ལ་བསྡམས་ན། ཇི་ལྟར་ཏིང་ངེ་འཛིན་དུ་བྱ་བའི་ལྷའི་དེ་ཁོ་ན་ཉིད་བདག་ཏུ ་གྱུར་བ་ལས་གཞན་པ་གུང་དུ་ཡིད་འགྲོ་བས་རྩེ་གཅིག་ཏུ་མི་འགྱུར་ཏེ། དེ་བས་ན་བསྡམས་ནས་ཏིང་ངེ་འཛིན་ལ་གནས་ཞེས་གསུངས་སོ། །བསྡམས་ཞེས་སྨྲས་བ་དེ་ཡང་ཇི་ལྟར་བསྡམས་པར་བྱ་བ་མི་ཤེས་ཏེ། དེ་བས་ན། སྲོག་དང་རྩོལ་བ་རབ་ཏུ་བསྡམས ་ཞེས་གསུངས་སོ། །དེ་ལ་སྲོག་དང་རྩོལ་བ་ནི་དེ་ལ་སྲོག་དང་རྩོལ་བ་སྟེ། ལྷའི་དེ་ཁོ་ན་ཉིད་ལ་བདག་ཉིད་ཏིང་ངེ་འཛིན་དུ་གནས་པས་ན། དེ་གཉིས་བསྡམས་དེ་ལ། སྲོག་རྩོལ་བ་རབ་ཏུ་བསྡམས་པའི་བདག་ཅེས་བྱའོ། །དེ་ལ་སྲོག་ཅེས་བྱ་བ་ནི་མིག་དང་རྣ ་བ་དང་སྣ་དང་ཁ་དང་ལྟེ་བ་དང། སྐྱེས་པ་དང། བུད་མེད་ཀྱི་དབང་པོ་དང། མི་གཙང་བའི་ཁུང་ཁུ་དང། སྐྲ་དང་བ་སྤུའི་བུ་ག་ནས་འབྱུང་བ་དང། འཇུག་པའི་མཚན་ཉིད་ཀྱི་རླུང་སྟེ། དེ་བསྡམས་པ་ཡང་སྐབས་འདིར་འབྱུང་བ་དང་འཇུག་པ་དགག་པའོ། །དེ་ནི་? ་གི་ལུས་ལྷའི་སྐུའི་དེ་ཁོ་ན་ཉིད་གཉིས་སུ་མེད་པ་ཇི་ལྟར་བསམས་པའི་གནས་ཇི་ལྟ་བ་བཞིན་དུ། རླུང་འཇུག་པ་དང་འབྱུང་བ་རྣམ་པར་དགག་པ་གྱེན་དུ་འདྲེན་པའི་རླུང་གིས། རུལ་སྦལ་གྱི་ལུས་བསྐུམ་པ་དང། ལྕེ་ཡིས་ཆུ་བཏུང་བའི་ཚུལ་དུ་བསྡུས་ཏེ། ཇི ་ལྟར་བསམ་པའི་ལྷའི་སྐུ་དེ་ཁོ་ན་ཉིད་དང། བདག་གི་ལུས་གཉིས་སུ་མེད་པར་གྱུར་པའི་ནང་དུ་ཏིང་ངེ་འཛིན་ནམ། བཟླས་བརྗོད་མ་རྫོགས་ཀྱི་བར་དུ་འམ། ཅི་ནུས་པར་བཟུང་ངོ། །ཞེས་དེ་སྐད་བཤད་པ་ཡིན་ནོ། །རྩོལ་བར་ནི་དྲན་པར་གསུངས་ཏེ ་དེ་བསྡམས་པ་ཡང་བཟླས་བརྗོད་ཀྱི་དུས་མ་རྫོགས་ཀྱི་བར་དུ་འམ། ཅི་ནུས་པར་ཇི་ལྟར་བསམ་པའི་ལྷ་ཉིད་ཀྱི་གཟུགས་ལས་གཞན་པ་གུང་དུ་དམིགས་དགག་པ་སྟེ། འདི་དེ་ལྟར་ཅི་མངོན་ཞེ་ན་སྲོག་ཅེས་བྱ་བ་རླུང་དུ་བཤད། རྩོལ་བས་དྲན་པ་ཞེས་བྱའོ། ཞེས ་གཞན་དག་ལས་གསུངས་སོ། །ཡང་ན་ཇི་སྐད་སྨོས་པའི་མཚན་ཉིད་ཀྱི་སྲོག་སྔ་མའི་རིམ་པ་ཉིད་ཀྱིས་ཀུན་ཏུ་བསྡམས་པ་རྒྱུན་བཅད་ཅིང། འགོག་པ་ནི་སྲོག་རྩོལ་བ་ཞེས་བྱ་སྟེ། སྲོག་རྩོལ་བ་དེས་བདག་ཤིན་ཏུ་བསྡམས་པ་ནི་སྲོག་རྩོལ་བ་རབ་ཏུ ་བསྡམས་པའོ། །ཕྱོགས་འདིར་ཡང་བདག་ཅེས་བྱ་བའི་སེམས་བསྡམས་པ་ཉིད་ཀྱིས། དྲན་པ་བསྡམས་པར་རིག་པར་བྱའོ། །དེ་ལྟར་ཅི་མངོན་ཞེ་ན། སེམས་རྒྱལ་པོ་དྲན་པ་དང་ཏིང་ངེ་འཛིན་དང་ཡིད་ལ་བྱེད་པ་ལ་སོགས་པའི་འཁོར་གྱིས་བསྐོར་བ ་སྲོག་གི་རྟ་ཞོན་པ་ཉིད་དུ་འདོད་དེ། སྲོག་གི་རྟ་དེ་བཟུང་ན། སེམས་རྒྱལ་པོ་འཁོར་དང་བཅས་པ་ངེས་པར་བཟུང་བར་འགྱུར་རོ། །འདི་ལྟར་གཞན་དག་ལས་ཀྱང། སྲོག་འགོག་པ་སྟེ། དེ་བགག་པས་དྲན་པ་དང། །བླ་དང་ཡིད་ལ་བྱེད་པ་ལ་སོགས་པ་དང་བཅས་པའི་བདག་གི་སེམས ་ངེས་པར་བཟུང་བར་འགྱུར་རོ། །ཞེས་གསུངས་སོ། །དེ་བས་ན་དེ་ལྟར་རྣམ་པར་ཤེས་པ་གསང་སྔགས་པ་དྲུག་གི་རྣམ་པ་བསྒོམས་པས་ལྷའི་དེ་ཁོ་ན་ཉིད་ཅེས་བྱ་བ། ལྷའི་གཟུགས་སུ་བདག་མངོན་པར་བསྒྱུར་ལ། སྲོག་དང་རྩོལ་བ་འགོག་པ་སྔར་བྱས་ཏེ། ཏིང་ངེ་འཛིན་དུ་གནས་པར་བྱས་ནས། ་བཟླས་བརྗོད་ཀྱི་ཡན་ལག་བཞི་ལ་སོགས་པ་འོག་ནས་འཆད་པ་ཐམས་ཅད་འདིར་བྱའོ། ཞེས་བསྟན་པ་ཐ་ཚིག་གོ་།དེ་བཞིན་གཤེགས་པ་ལ་སོགས་པ་བཟླས་བརྗོད་ཀྱི་ཡན་ལག་བརྟག་པ་ཡང་རྡོ་རྗེ་གཙུག་ཏོར་གྱི་རྒྱུད་འདི་ཉིད་དུ་སྔར་བསྟན་ཏེ། དེ་བས་ན ་གཞུང་འདི་ནི་བསམ་གཏན་ཕྱི་མ་རིམ་པར་ཕྱེ་བ་ཞེས་བསྒྲགས་སོ། །འདི་ལྟར་མིང་བཤད་པ་ནི་ཡན་ལག་བཞིའི་འོག་ཏུ་བསམ་གཏན་གྱི་ཕྱིར་བཤད་པས་ན་བསམ་གཏན་ཕྱི་མའི་རིམ་པར་ཕྱེ་བ་ཞེས་བྱའོ། །དེར་གང་གསུངས་པའི་ལྷག་མ་བཟླས་བརྗོད ་དང་མེ་ལ་གནས་པ་ལ་སོགས་པའི་སྒྲའི་བསམ་གཏན་རིགས་སྔགས་དང་གསང་སྔགས་ཀྱི་ཐབས་ཞེས་བྱ་བ་ཡན་ལག་དང་བཅས་པ་དེ་འདིར་བཤད་དེ། དེ་བས་ན་སྒྲ་དང་སེམས་དང་གཞི་ལ་སོགས་པ་བཟླས་བརྗོད་ལ་སོགས་པའི་ཡན་ལག་རྣམས་ཀྱི་མཚན་ཉིད་ཀྱི ་ཚིག་འདིར་མ་བཤད་པ་ནི་འདི་ལྟར་སྒྲ་དང་སེམས་ལ་སོགས་པ་བཤད་པ་ཐོག་མ་ཉིད་དུ་རྒྱུད་འདིར་བཤད་ཟིན་པའི་ཕྱིར་རོ། །ཞེས་བྱ་བའི་ཐ་ཚིག་གོ་།དེར་འདི་དག་གི་མཚན་ཉིད་བཤད་པ་ཡང་སྒྲ་ནི་སྔགས་ཀྱི་ཡི་གེའོ། །སེམས་ནི་སྔགས་ཀྱི ་གཞི་ཟླ་བའི་དཀྱིལ་འཁོར་གྱི་རྣམ་པར་གྱུར་པའོ། །གཞི་ནི་དེ་བཞིན་གཤེགས་པའི་སྐུའི་རང་བཞིན་ནོ། །གཞི་གཉིས་པ་ནི་རང་གི་ལྷའི་གཟུགས་སོ། །གཞན་ཡང་སྲོག་དང་རྩོལ་བ་དང། སླར་སྡུད་པ་ལ་སོགས་པའི་མཚན་ཉིད་གང་ཡིན་པ་དེ་དག་རྡོ་རྗེ་གཙུག་ཏོར ་གྱི་རྒྱུད་འདི་ཉིད་དུ་སྔར་བཤད་ཟིན་པས་དེ་དང་འབྲེལ་བ་བསམ་གཏན་ཕྱི་མ་ཞེས་བྱ་བ་རིམ་པར་ཕྱེ་བ་འདིར་དེ་དག་གི་མཚན་ཉིད་མ་གསུངས་པར་ཤེས་པར་བྱའོ། །ཇི་ལྟར་རྣམ་པར་སྣང་མཛད་མངོན་པར་རྫོགས་པར་བྱང་ཆུབ་པའི་རྒྱུད་ལས་བཤད་པ་ཡི་གེ་བྱང་ཆུབ ་སེམས་ཡིན་ཏེ། གཉིས་པ་ལ་ནི་སྒྲ་ཞེས་བྱ། གཞི་ནི་རང་གི་ལྷ་བཞག་པར། རང་གི་ལུས་ལ་བྱ་བ་ཡིན། །གཉིས་པའི་གཞི་ནི་ཞེས་བྱ་བ། །རྫོགས་པའི་སངས་རྒྱས་རྐང་གཉིས་མཆོག་།སྲོག་ཅེས་བྱ་བ་རླུང་དུ་བཤད། རྩོལ་བ་དྲན་པ་ཞེས་བྱའོ། །ཞེས་བྱ་བ་ལ ་སོགས་པ་ལྟ་བུ་སྟེ། དེ་བཞིན་དུ་འདིར་ཡང་གཞི་ལ་སོགས་པ་དེ་དག་གི་མཚན་ཉིད་སྔར་བཤད་ཟིན་པར་བལྟའོ། །དེར་ཡང་ལྷ་ཉིད་ཀྱི་རྣལ་འབྱོར་བྱས་པའི་སྔགས་པས། མདུན་དུ་དེ་བཞིན་གཤེགས་པའི་སྐུའི་ནང་དུ་བཞུགས་པའི་ཟླ་བའི་དཀྱིལ་འཁོར་ལ་གསང ་སྔགས་ཀྱི་ཡི་གེ་བཞག་པ། སྔར་བྱས་པའི་བཟླས་བརྗོད་ཀྱི་ཆོ་ག་ནི་གསུངས་ན། ཡིད་ཀྱིས་བརྗོད་དམ་གཤིབས་ཏེ་བརྗོད་པ་ན་ཡན་ལག་བཞི་རྣམས་ལས། ཡན་ལག་གང་ལ་དམིགས་ཤིང་གསང་སྔགས་བརྗོད་པར་བྱ་བ་དག་བྱེ་བྲག་ཏུ་མ་ཕྱེའོ། །དེ་བཞིན་དུ་བཟླས ་བརྗོད་མེད་པར་ཡང་བསམ་གཏན་ཉིད་ཀྱིས་གསང་སྔགས་འགྲུབ་པ་དང། རྣལ་འབྱོར་དང་ཐར་པ་ཐོབ་པོ། །ཞེས་བྱ་བ་འདི་ཡང་དེར་གསུངས་ན། ཇི་ལྟར་ན་དེ་རྣམས་བསམ་གཏན་ཉིད་ཀྱིས་བཟླས་བརྗོད་ལ་མི་བལྟོས་པར་དངོས་གྲུབ་ལ་སོགས་པ་སྟེར་བར་མ ་གསུངས་པས། དེ་ལ་ཇི་ལྟར་ཡན་ལག་བཞིའི་གསང་སྔགས་བརྗོད་པའི་ཚེ། སོ་སོར་ངེས་པའི་ཡན་ལག་ལ་དམིགས་པ་དང། ཇི་ལྟར་བསམ་གཏན་ཉིད་ཀྱིས་གསང་སྔགས་རྣམ་དངོས་གྲུབ་དང། རྣལ་འབྱོར་དང་ཐར་བ་སྟེར་བར་འགྱུར་བ་དེ་བཤད་པར ་བྱའོ། །དེ་ལ་ཡང་རེ་ཞིག་བཟླས་བརྗོད་ཀྱི་ཡན་ལག་བཞི་རྣམས་ཀྱི་གསང་སྔགས་བརྗོད་པའི་ཚེ། བཟླས་བརྗོད་བྱེད་པས་རྣམ་པ་གསུམ་གྱིས་དམིགས་པ་ངེས་པར་བསྟན་པ་ནི། དེ་ལ་ལྷ་ཉིད་དུ་བདག་རྣལ་འབྱོར་བྱས་པའི་ཟློས་པ་པོས་མདུན་ན་བཞུགས ་པའི་དེ་བཞིན་གཤེགས་པའི་ཐུགས་ཀ་ན་གནས་པའི་ཟླ་བ་ལ་བཀོད་པའི་གསང་སྔགས་ཀྱི་ཡི་གེ་ལ་ངེས་པར་དམིགས་ནས། གསང་སྔགས་བརྗོད་པ་དེ་བསྟན་པའི་ཕྱིར། །སྒྲ་དང་སེམས་དང་གཞི་ལ་གཞོལ། །གསང་སྔགས་མི་འགྱུར་གཞི་ལ་གནས། །ཡན་ལག་མ ་མཉམས་གསང་སྔགས་བཟླས། །ངལ་ན་བདག་ལ་ངལ་སོས་ཤིག། ཅེས་གསུངས་སོ། །དེ་བཞིན་དུ་གཞི་སྔ་མ་བཞིན་ཡན་ལག་བཞི་བཀོད་པ་དེ་བཞིན་གཤེགས་པའི་གཞིའི་ཐུགས་ཀ་ན་གནས་པའི་གསང་སྔགས་ཀྱི་ཡི་གེ་དང་བཅས་པའི་ཟླ་བའི་དཀྱིལ་འཁོར་ལ ་སེམས་པ་ལས། ཡིད་ཀྱིས་སླར་བསྡུད་པའི་སྦྱོར་བས་བདག་རང་གི་ལྷའི་སྐུའི་ཐུགས་ཀ་ན་འདུག་པའི་ཟླ་བ་ལ་གནས་པའི་གསང་སྔགས་ཀྱི་ཡི་གེ་ལ་དམིགས་ཤིང་སྔགས་བརྗོད་པ་ངེས་པ། མི་འགྱུར་བ་དང་ཡི་གེར་ལྡན། །གཞི་ལ་བཞིར་གྱུར་དེ་བཞིན་ཏེ། ་རང་སྔགས་ཕྱིར་ནི་གང་བརྟགས་པ། །ཡིད་ཀྱི་དག་པ་བསམས་པར་བྱ། ཞེས་བྱ་བ་གསུངས་སོ། །དེ་བཞིན་དུ་ཡན་ལག་བཞིའི་དགོངས་པ་བྱས་པ་ཉིད་ཀྱིས་གསང་སྔགས་ཀྱི་སྒྲ་ལ་དམིགས་ཤིང། །གསང་སྔགས་བརྗོད་པའི་ཆོ་ག་ཡང། །སླར་སྡུད་པ་ཡིས ་བསྡམས་ནས་ནི། །སྲོག་དང་རྩོལ་བ་བསྡམས་པའི་ཡིད། །སྔགས་རིག་པས་ནི་སྔགས་ལ་སྦྱར། །ཡིད་ཀྱི་བཟླས་བརྗོད་བརྩམ་པར་བྱ་ཞེས་བྱ་བ་ལ་སོགས་པ་གསུངས་སོ། །འདི་ནི་རེ་ཞིག་ཡན་ལག་བཞི་རྣམས་ལ་དམིགས་པ་རབ་ཏུ་དབྱེ་བའི་ཚིགས་སུ་བཅད་པ ་རྣམས་བསྡུས་པའི་དོན་ཏོ། །ཡན་ལག་གི་དོན་བསྟན་པ་ནི་སྒྲ་དང་སེམས་དང་གཞི་ཞེས་བྱ་བ་ལ་སོགས་པའོ། །དེ་ལ་གཞོལ་བར་གསང་སྔགས་བཟླས་བརྗོད་བྱའོ། ཞེས་བྱ་བ་དང་འབྲེལ་ཏེ། གང་དུ་གཞོལ་ཞེ་ན། སྒྲ་དང་སེམས་དང་གཞི་ལ་གཞོལ ་ཞེས་སྨྲས་བའོ། །དེ་ལ་སྒྲ་ཞེས་བྱ་བ་ནི་གསང་སྔགས་ཀྱི་ཡི་གེའི་འཕྲེང་བའོ། །སེམས་ཞེས་བྱ་བ་ནི་བྱང་ཆུབ་ཀྱི་སེམས་ཀྱི་མཚན་ཉིད་ཟླ་བའི་དཀྱིལ་འཁོར་གྱི་རྣམ་པའོ། །གཞི་ཞེས་བྱ་བ་ནི་དེ་བཞིན་གཤེགས་པའི་གཞིའོ། །གཞོལ་ཞེས་བྱ་བ་ནི་ཟློས་པ་པོའི་བྱེ་བྲག་སྟེ། དེ ་བས་ན་ཟློས་པ་པོ་སྒྲ་ལ་སོགས་པ་ལ་གཞོལ་བ་ནི་རྒྱུན་མ་ཆད་པར་དམིགས་པའི་སྒོ་ནས་ཞེན་པའོ། །འདིས་ནི་མདུན་དུ་བསམས་པའི་དེ་བཞིན་གཤེགས་པའི་གཞིའི་ཐུགས་ཀ་ན་གནས་པའི་གསང་སྔགས་ཀྱི་ཕྲེང་བ་དང་བཅས་པའི་ཟླ་བའི་གཟུགས་བརྙན་ལ་དམིགས ་ཤིང་གསང་སྔགས་བཟླས་བརྗོད་བྱ་བར་བསྟན་ཏེ། སྒྲ་དང་སེམས་དང་གཞི་སྨོས་པ་ནི་ཚིག་གི་རིམ་པའི་གོ་རིམས་བཞིན་ནོ། །དེ་བས་ན་དུས་གཅིག་ཏུ་ཡང་དམིགས་པ་འདི་སུམ་རིམ་པ་འདི་ཉིད་ཀྱི་དམིགས་པར་བྱའོ། །ཞེས་བྱ་བའི་ཐ་ཚིག་གོ། གསང་སྔགས་མི་འགྱུར་གཞི་ལ་གནས ་ཞེས་བྱ་བ་ནི་དེ་ལ་ཤིན་ཏུ་བསྒོམས་པའི་ཕྱིར་རང་གི་སྣང་བའི་རང་བཞིན་ལས་མི་ཉམས་ཤིང་མི་གཡོ་བས་ནི་མི་འགྱུར་བ་སྟེ། བདག་གིས་ཤིན་ཏུ་བསྒོམས་པའི་རང་གི་ལྷ་ཉིད་ཀྱི་གཞི་ལ་བྱའོ། །མི་འགྱུར་བ་དང་གཞི་ཡང་དེ་ཡིན་པས་ན་མི་འགྱུར་བའི་གཞིའོ ་སྒྲ་དང་ཡི་གེ་ལ་སོགས་པ་རང་བཞིན་གྱི་གསང་སྔགས་མི་འགྱུར་བའི་གཞི་ཏིང་ངེ་འཛིན་གྱིས་རྟོགས་པའི་གཟུགས་ཀྱི་སྐུ་ལ་གསང་སྔགས་མི་འགྱུར་བའི་གཞི་ཞེས་བྱའོ། །གཞི་ཞེས་བྱ་བ་ནི་བདག་དང་གཞན་གྱི་སེམས་དང་སེམས་ལས་བྱུང་བ་རྣམས་ཀྱི་བཞི་དང་དམིགས་པ་དང། ་རྟེན་གྱི་སྒོ་ནས་གཞིར་གྱུར་པ་འམ། སྐྱེས་པ་ལ་སོགས་པའི་གཟུགས་སུ་ཤེས་ཤིང་རྟོགས་པར་འགྱུར་བའི་སྣང་བའི་གཞི་ཡིན་པས་ན་གཞིའོ། །གསང་སྔགས་མི་འགྱུར་བའི་གཞི་དེ་ལ་གནས་པའི་རང་གི་ལྷའི་ང་རྒྱལ་དང་ལྡན་པ་ཞེས་བྱ་བ་ནི་ཐ་ཚིག་གོ། གསང་སྔགས་བཟླས ་བརྗོད་བྱ་ཞེས་བྱ་བ་ནི་གསང་སྔགས་བརྗོད་པ་སྟེ་ཡིད་ཀྱིས་མ་ཤུབ་བུར་བྱའོ། །ཞེས་བསྟན་ཏོ། །ཡན་ལག་མཉམས་ཞེས་བྱ་བ་ནི་ཟློས་པ་གང་གི་སྒྲ་ལ་སོགས་པའི་ཡན་ལག་ཇི་ལྟར་སྲིད་པའི་ང་རྒྱལ་དང། དམིགས་པ་གསུམ་མཉམས་ཤིང་ཡོངས་སུ་མ་གཏང་བ་དེ་ཡན ་ལག་མ་ཉམས་པ་སྟེ། བཟླས་བརྗོད་ཀྱི་ཡན་ལག་བཞི་ཡོངས་སུ་མ་བཏང་བ་ཞེས་བྱ་བའི་ཐ་ཚིག་གོ། དེ་ལ་གསང་སྔགས་ཀྱི་ཡི་གེ་དང། ཟླ་བའི་དཀྱིལ་འཁོར་དང། དེ་བཞིན་གཤེགས་པའི་སྐུའི་མཚན་ཉིད་ཀྱི་ཡན་ལག་གསུམ་ནི་དམིགས ་པའི་ཡོངས་སུ་མ་བཏང་བའོ། །བཞི་པ་ནི་བདག་གི་ལྷ་ཉིད་ཀྱི་གཞིའི་ཡན་ལག་གང་ཡིན་པ་སྟེ། དེ་ནི་ང་རྒྱལ་དུ་བྱ་བ་ཡོངས་སུ་མ་བཏང་བཏང་བ་ཞེས་བྱ་བའི་ཐ་ཚིག་གོ་།བཟླས་བརྗོད་ཀྱི་ཡན་ལག་བཞི་ལས་དེ་བཞིན་གཤེགས་པའི་གཞི་ལ་སོགས་པའི་ཡན་ལག་གསུམ ་ལ་དམིགས་པའི་ཏིང་ངེ་འཛིན་ལས་ལྡང་བར་བྱ་བའི་ཕྱིར། ད་ལན་བདག་ལ་ངལ་སོས་ཤིག་ཅེས་བྱ་བ་གསུངས་སོ། །དེ་ལ་ངལ་བ་ནི་སྲོག་དང་རྩོལ་བ་བསྡམས་པ་དང། ཡན་ལག་གསུམ་ལ་དམིགས་ཤིང་གསང་སྔགས་འདོན་པས། ངལ་ན་བདག་གི་རང་བཞིན་ལ་ངལ་སོས་ཤིག ་ཅེས་བསྟན་པའོ། །དེ་ལ་བདག་ནི་རྣམ་པར་སྨིན་པའི་རང་བཞིན་གྱི་ལུས་སུ་འདོད་དོ། །དེ་ངལ་བསོ་བ་ནི་གཡེང་བ་སྤང་བའི་ཕྱིར་ཏེ། རང་གི་ལུས་ལྷའི་སྐུར་བསམ་པ་བཏང་ལ་རང་གི་ལུས་སུ་བསམས་ཏེ། ལྡང་ངོ་ཞེས་བྱ་བའི་ཐ་ཚིག་གོ་།བཏང་བའི་རིམ་པ་ཡང་འདི ་སྟེ། གསང་སྔགས་ཀྱི་ཡི་གེའི་སྒྲ་ནི་དེའི་ཡིག་འབྲུ་ལ་སེམས་བས་བཏང་ངོ། །ཡི་གེ་ཡང་དེ་མེད་པའི་ཟླ་བ་ལ་སེམས་པས་སོ། །ཟླ་བའི་དཀྱིལ་འཁོར་ནི་དེ་བཞིན་གཤེགས་པའི་སྐུ་འབའ་ཞིག་ལ་སེམས་པས་སོ། །དེ་ཡང་རང་གི་ལྷའི་སྐུ་འབའ་ཞིག་ཏུ་སེམས་པས་སོ། ། ་དེ་ཡང་དེའི་ཡི་གེའི་འབྲུ་ལ་སེམས་པས་སོ། །དེ་ཡང་དེའི་སྒྲ་ལ་སེམས་པས་སོ། །དེའི་སྒྲ་ལ་ལྷའི་ཡེ་ཤེས་ཀྱི་སྐུ་ལ་སེམས་པས་སོ། །ཡེ་ཤེས་ཀྱི་སྐུ་ལ་སེམས་པ་དེ་ཡང། ཆོས་ཀྱི་སྐུ་ལ་སེམས་པས་སོ། །དེ་ཡང་མི་དམིགས་པའི་བདག་གི་དེ་ཁོ་ན་ཉིད་ལ་བྱའོ། །དེ་ཡང་སྒྱུ ་མ་དང་སྨིག་རྒྱུ་ལ་སོགས་པར་སྣང་བ་རྣམ་པར་སྨིན་པའི་ལུས་སུ་ཎསེམས་པ་སྟེ། འདི་ནི་བདག་ལ་ངལ་སོས་ཤིག་ཅེས་བྱ་བའི་ཚིག་གི་དོན་ཏོ། །དེ་ལ་བདག་གི་དེ་ཁོ་ན་ཉིད་ལ་སོགས་པ་དེ་དག་ཐམས་ཅད་ནན་ཏན་དུ་བྱ་བའི་རིམ་པ་ནི། འདི་སྟེ་བདག་གི་དེ་ཁོ་ན་ཉིད ་བསྒོམས་པ་སྔར་བྱས་ཏེ། ལྷ་ཉིད་ཀྱི་ང་རྒྱལ་དུ་བྱས་པའི་ཟློས་པ་པོས་སྔ་མ་བཞིན་དུ་རུས་སྦལ་གྱི་ཡན་ལག་བསྐུམ་པ་དང། ལྕེ་ཡིས་ཆུ་བཏུང་བ་ལྟར་ལུས་ཐམས་ཅད་ཀྱི་དབུགས་རྒྱུ་བ་དང། དབང་པོའི་གྲོང་ནང་དུ་ཕྱོགས་པར་བྱས་ཀྱང། ཕུག་གི་ནང་ན་གནས ་པའི་མི་ཕྱི་རོལ་དུ་བལྟ་བའི་ཚུལ་དུ་མིག་ཟམ་ཟིམ་དུ་བྱས་ཤིང། གདོང་ཅུང་ཟད་བསྟོད་དེ། རང་གི་གསང་སྔགས་ཀྱི་ཡི་གེ་འཕྲེང་བ་དང། ཟླ་བའི་དཀྱིལ་འཁོར་དང། དེ་བཞིན་གཤེགས་པའི་གཞི་རྣམས་རིམ་པ་འདི་ཉིད་ཀྱི་རི་མོ་བཏིང་བ་ལ་ཅིག་ཅར་དམིགས་པའི ་ཚུལ་དུ་ཡིད་ཀྱིའམ་ཤུ་བུར་གསང་སྔགས་བརྗོད་པར་བྱའོ། །བར་བར་དུ་ཡང་ལུས་ཐམས་ཅད་ཀྱི་རླུང་སྐད་ཅིག་ཙམ་བག་ཡངས་སུ་བྱས་ཏེ། དབུགས་དབྱུང་བ་ན། དེ་བཞིན་དུ་རང་གི་ལུས་རང་གི་ལྷ་ཉིད་ཀྱི་རང་བཞིན་དུ་གྱུར་པ་ལ་བལྟས་ནས་ཡང་སྔ་མ་བཞིན་དུ་ཕྱི ་རོལ་ཏུ་བཞུགས་པའི་དེ་བཞིན་གཤེགས་པ་ལ་སོགས་པའི་གསུམ་ལ་དམིགས་ཤིང་དབུགས་དབྱུང་བའི་ལྷའི་མཛའ་ཨི་བར་དུ་སྲོག་དང་རྩོལ་བ་སྡོམ་ཞིང་བཟླས་བརྗོད་དེ་བཞིན་དུ་བྱའོ། །རིམ་པ་འདིས་བཟླས་རྗོད་བཏང་བའི་བར་བཟླས་བརྗོད་བྱས་ལ། སྔར་སྨོས་པའི ་རིམ་བས་རྣམ་པར་སྨིན་པའི་བདག་གི་ལུས་ལ་ངལ་བསོའོ། །ད་ནི་ཡན་ལག་བཞི་དགོད་པའི་གོ་རིམས་བྱས་པའི་ཟློས་པ་པོ། །དེ་ཉིད་ཀྱི་གསང་སྔགས་འདོན་པའི་ཚེ། དམིགས་པའི་བྱེ་བྲག་གཞན་བསྟན་ཏེ། དེ་ཡང་གསང་སྔགས་ཀྱི་ཡི་གེ་བཀོད་པའི་ཟླ ་བའི་དཀྱིལ་འཁོར་གྱི་རྣམ་པའི་རིམས་པས་དེ་བཞིན་གཤེགས་པའི་གཞི་ལས། རང་གི་ལྷ་དང་བདག་གཉིས་སུ་མེད་པའི་གཞི་ལ་སྤོའོ། །དེ་ལས་ཀྱང་དེ་བཞིན་གཤེགས་པའི་གཞི་ལ་སྤོ་སྟེ། གསང་སྔགས་ཀྱི་མཛའ་འམ། དབུགས་འབྱུང་བའི་མཛའ་ ་ཕྱིར་འབྱུང་བ་དང་སླར་སྡུད་པའི་སྦྱོར་བས་བྱ་བ་སྟེ་བསྟན་པའི་ཕྱིར། མི་འགྱུར་བ་དང་ཡི་གེར་ལྡན། །གཞི་ལས་གཞིར་གྱུར་དེ་བཞིན་ཏེ། །རང་སྔགས་ཕྱིར་ནི་གང་བརྟགས་པ། །ཡིད་ཀྱི་དག་པ་བསམ་པར་བྱ་ཞེས་བྱ་བ་གསུངས་ཏེ། དེ་ལ་ཡིད་ཀྱི་ཞེས་བྱ་བ་ནི། ་ཡིད་ལས་བྱུང་བས་ན། ཡིད་ཀྱིས་ཏེ་ཡིད་ཟླ་བའི་དཀྱིལ་འཁོར་གྱི་རྣམ་པར་གྱུར་པའི་གནས་སྐབས་སོ། །ཡིད་ཇི་ལྟ་བུ་ཞིག་ཡིན་ཞེས་ཁྱད་པར་དུ་བསྟན་པའི་ཕྱིར་མི་འགྱུར་བ་དང་ཡི་གེར་ལྡན་ཞེས་བྱ་སྟེ། དེ་ལ་ཤིན་ཏུ་བསྒོམས་པའི་ཕྱིར་གསལ་བར་སྣང་བ་ལས ་མི་འགྱུར་བས་ན་མི་འགྱུར་བ་སྟེ། ཟླ་བའི་དཀྱིལ་འཁོར་ལ་བཀོད་པའི་གསང་སྔགས་ཀྱི་ཡི་གེ་རྣམས་ལ་བྱའོ། །ཡི་གེ་དེ་རྣམས་ཀྱང་མི་འགྱུར་བ་ནི་མི་འབྲལ་བ་དང་རྒྱུན་མི་འཆད་པར། རབ་ཏུ་སྣང་བར་ཡིད་ཟླ་བའི་དཀྱིལ་འཁོར་གྱི་རྣམ་པར་གྱུར་པ་གང་ཡིན་པ་ལ། སྦྱར་བ ་དེ་ནི་མི་འགྱུར་བ་དང་ཡི་གེར་ལྡན་པའི་ཡིད་དོ། །ཡང་དེ་ཉིད་བྱེ་བྲག་དུ་དབྱེ་བའི་ཕྱིར། གཞི་ལས་གཞིར་གྱུར་ཞེས་བྱ་བ་གསུངས་ཏེ། གཞི་ལས་ཞེས་བྱ་བ་ནི་ཡང་དག་པར་རྫོགས་པའི་སངས་རྒྱས་ཀྱི་གཞི་ལས་སོ། །གཞིར་གྱུར་ཞེས་བྱ་བ་ནི་རང་གི་ལྷའི་སྐུ་བདག་གི ་གཞིར་གྱུར་པ་སྟེ། ཟླ་བའི་དཀྱིལ་འཁོར་གྱི་རྣམ་པར་གྱུར་པའི་ཡིད་དེ། གསང་སྔགས་ཀྱི་ཡི་གེ་དང་བཅས་པར་བདག་གི་གཟུགས་རང་གི་ལྷར་གྱུར་པ་དེའི་སྙིང་གར་བལྟ་ཞིང་དབུགས་དབྱུང་བའི་མཛའ་ཨི་བར་དུ་བཟླས་བརྗོད་བྱའོ། །དེ་ལས་དེ་བཞིན་དུ་ཡང་དག་པར ་རྫོགས་པའི་སངས་རྒྱས་ཀྱི་གཞི་ལ་བལྟའོ། །དེ་ལས་ཀྱང་ཡིད་ཀྱི་དེ་སླར་བསྡུས་ཏེ། སྔ་མ་བཞིན་དུ་རང་གི་ལྷའི་སྐུའི་གཞི་ལ་གནས་པར་བྱས་ལ་བཟླས་བརྗོད་བྱ་སྟེ། དེ་ལྟ་བུར་སེམས་ཤིང་གསང་སྔགས་གདོན་པར་བྱའོ། །ཞེས་བྱ་བའི་ཐ་ཚིག་གོ་།དེ་བཞིན་ཞེས ་བྱ་བའི་སྒྲས་ནི་བཟླས་བརྗོད་ཀྱི་དམིགས་པའི་ཁྱད་པར་གཞན་ཉེ་བར་བསྡུད་པ་བསྟན་ཏོ། །ཡང་ཡིད་ཀྱི་དག་པ་ཞེས་བྱ་བ་དེ་ཉིད་ཀྱི་ཁྱད་པར་བསྟན་ཏེ། དེ་ལ་ཡིད་ཀྱི་དག་པ་ནི་རྣམ་པ་གཉིས་ཏེ། འདོད་ཆགས་ལ་སོགས་པའི་ཉོན་མོངས་པའི་དྲི་མ་གཡེང་བ་དང་བཅས ་པ་རྣམས་ཀུན་ནས་མ་ལངས་པ་དང། ཟླ་བའི་གཟུགས་བརྙན་གྱི་རྣམ་པར་གྱུར་པའི་གནས་སྐབས་ན་ཡང། ཀུན་རྫོགས་ཤིང་དྲི་མ་མེད་པར་རབ་ཏུ་སྣང་ངོ། །གང་བརྟགས་ཞེས་བྱ་བ་ནི། ཟླ་བའི་དཀྱིལ་འཁོར་གྱི་རྣམ་པར་བསྒྱུར་ཞེས་བྱ་བའི་ཐ་ཚིག་གོ་།རང་སྔགས ་ཕྱིར་ཞེས་བྱ་བ་ནི་ཡིད་ཟླ་བའི་གཟུགས་སུ་བརྟག་པའི་དགོས་པ་བསྟན་ཏེ། རང་གི་གསང་སྔགས་ཀྱི་ཡི་གེའི་གནས་ཀྱི་ཕྱིར་ཞེས་བྱ་བའི་ཐ་ཚིག་གོ་།འདི་བསྡུས་པའི་དོན་སྔ་མ་བཞིན་དུ་ལྷའི་དེ་ཁོ་ན་ཉིད་ཀྱི་སྐུ་བདག་གི་གཟུགས་སུ་གྱུར་པར་བདག་ཉིད་རབ་ཏུ་གོམས་པར་བྱས་ཤིང་དེ ་བཞིན་དུ་སྲོག་དང་རྩོལ་བ་བསྡམས་པ་སྔར་བྱས་ཏེ། ཅུང་ཟད་ཅིག་ཏིང་ངེ་འཛིན་གྱིས་གསལ་བར་རབ་ཏུ་སྣང་བར་བྱས་ནས་སྲོག་དང་རྩོལ་བ་སྡམས་པ་ཉིད་ཀྱིས་མིག་ཅུང་ཟད་བཙུམས་ཀྱང་ཡིད་སྣང་བ་དང་བཅས་པར་མདུན་དུ་བཏང་ལ་ཧ་ཅང་མི་རིང་བར་བདག་གི་ཚད་ལས་ཅུང་ཟད ་མཐོ་བར་དེ་བཞིན་གཤེགས་པའི་སྐུ་གཟུགས་བརྟགས་དེ་དེའི་ཐུགས་ཀར་གསང་སྔགས་ཀྱི་འཕྲེང་བ་བཟླས་བརྗོད་བྱ་བ་ནང་ན་གནས་པས་བརྒྱན་པའི་ཟླ་བའི་དཀྱིལ་འཁོར་རབ་ཏུ་བརྟག་གོ། དེ་ནས་ཟླ་བའི་དཀྱིལ་འཁོར་གྱི་གསང་སྔགས་དང་བཅས་པར་སྔ་མ་བཞིན་དུ་ལུས་ཐམས ་ཅད་ཀྱི་རླུང་སླར་བསྡུ་བའི་ཚུལ་གྱིས་བདག་གི་སྙིང་གའི་ནང་ན་གནས་པར་དབུགས་དབྱུང་བའི་མཛའ་ཨི་བར་དུ་གསང་སྔགས་འདོན་རེ་རེ་ནས་བརྗོད་པས་བལྟ་ཞིང་བདག་གི་གསང་སྔགས་པར་བྱས་ནས་ཡང་ལུས་ཐམས་ཅད་ནས་རླུང་འབྱུང་བའི་ཚུལ་དུ་རླུང་དང་བཅས་པས་ཡིད ་ཀྱིས་དེ་བཞིན་གཤེགས་པའི་ཐུགས་ཀའི་ཕྱོགས་སུ་བཏང་ངོ། །ཟླ་བའི་དཀྱིལ་འཁོར་དེའི་ནང་ན་གནས་པའི་གསང་སྔགས་ཀྱི་ཕྲེང་བ་ལ་བལྟ་ཤིང་སྔ་མ་བཞིན་དུ་རང་གི་སྙིང་གའི་ནང་ན་གནས་པ་ལ་དམིགས་པའི་ཚུལ་གྱིས་དབུགས་དབྱུང་བའི་མཛའ་ཨི་བར་དུ། གསང་སྔགས ་འདོན་པ་སྔ་མ་བཞིན་དུ་བྱས་ལ། རིམ་པ་འདིས་བཟླས་བརྗོད་བཏང་བའི་བར་དུ་བཟླས་བརྗོད་བྱའོ། །བཏང་བའི་དུས་ན་ཡང་ཡན་ལག་གཞི་ཆར་ཡང་ཐང་གཅིག་ཏུ་དམིགས་པར་བྱའོ། །ད་ནི་དེ་བཞིན་དུ་བཟླས་བརྗོད་ཀྱི་ཡན་ལག་གཞི་བོ་ཤིན་དུ་བསྒོམས་པས་ལུས་ཐམས་ཅད ་ཀྱི་རླུང་བསྡུས་ནས་དབང་པོའི་གྲོང་སླར་བསྡུད་པའི་ཚུལ་གྱིས་གསང་སྔགས་ཀྱི་སྒྲ་འདོན་པ་ལ་དམིགས་ཤིང་བཟླས་བརྗོད་བྱ་བ་བསྟན་པའི་ཕྱིར། སླར་བསྡུས་པ་ཡིས་བསྡམས་ནས་སུ། སྲོག་དང་རྩོལ་བ་བསྡམས་པ་ཡིས། །གསང་སྔགས་རིག་པས་སྔགས་དང་སྦྱར། །ཡིད་ཀྱི ་བཟླས་བརྗོད་བརྩམས་པར་བྱ། །འདི་ཉིད་ཀྱིས་ནི་ཆོ་ག་ཡིས། །ཡང་ན་ཤུ་བུར་བྱ་ཡང་རུང། །སྔགས་རིག་དངོས་གྲུབ་འདོད་པ་ཡིས། བཟླས་བརྗོད་གཞན་དུ་མི་བྱའོ་ཞེས་གསུངས་སོ། །དེ་ལ་ཡིད་གསང་སྔགས་ལ་སྦྱར་ནས། ཡིད་བཟླས་བརྗོད་རྩོམ་མོ་ཞེས་བྱ་བ་དང་སྦྱར་རོ ་ཡིད་དེ་ཡང་ཇི་ལྟ་བུ་ཞིག་ཏུ་བྱས་ཏེ། གསང་སྔགས་ལ་སྦྱར་ཞེས། སླར་བསྡུས་པ་ཡིས་བསྡམས་ནས་ནི། ཞེས་བྱ་བ་གསུངས་ཏེ། མཉམ་པར་མ་བཞག་པའི་ཡིད་རང་དགར་འབྱུང་བ་མིག་ལ་སོགས་བའི་སྒོ་ནས་ཇི་ལྟར་སྲིད་པར་ཕན་ཚུན་ཏུ་རབ་ཏུ་རྒྱུ་བ་ལུས་ཐམས་ཅད་ཀྱི་རླུང་བསྡུ ་བའི་ཚུལ་གྱིས་སླར་བཀུག་ལ་རང་བཞིན་གྱི་ནང་དུ་འཇུག་པ་ནི་སླར་སྡུད་པ་སྟེ། སླར་བསྡུས་པ་དེས་བསྡམས་ཤིང་བཅུམ་ལ་ནང་དུ་ཕྱོགས་པར་བྱས་ནས་ཞེས་བྱ་བའི་ཐ་ཚིག་སྟེ། དེ་ལྟ་བུའི་ཡིད་དེ་གསང་སྔགས་ལ་སྦྱར་རོ། ཞེས་བྱ་བ་དང་འབྲེལ་ཏོ། །ཡང་དེ་ཉིད་ཀྱི ་ཀྱང་བར་བསྟན་པ་ནི། སྲོག་དང་རྩོལ་བ་བསྡམས་པ་ཞེས་བྱ་བ་སྟེ། གོང་དུ་མོས་པའི་མཚན་ཉིད་ཀྱི་སྲོག་དང་རྩོལ་བ་བདག་ཡིད་གང་གིས་བཅུམ་ཞིང་བསྡམས་པ་འམ། སྲོག་དང་རྩོལ་བ་བདག་གིས་བསྡམས་པ་སྟེ། དེ་དག་ཉིད་ཀྱིས་བསྡམས་ཤིང་མི་གཡོ་བར་བྱས་པ་ལ། སྲོག ་དང་བརྩོལ་བ་བསྡམས་པ་ཞེས་ཀྱང་བྱའོ། །དེ་ནི་སྲོག་དང་རྩོལ་བ་བསྡམས་པའི་ཡིད་ཡིན་ཏེ། རླུང་གི་ལམ་དང་དྲན་པ་བཏུལ་ཞེས་བྱ་བའི་དོན་ཏོ། །གསང་སྔགས་རིག་པ་སྔགས་ལ་སྦྱར་ཞེས་བྱ་བ་ནི་གསང་སྔགས་ཀྱི་སྒྲ་ལ་དམིགས་པའི་ཡིད་དེ་གསང་སྔགས་ཀྱི་ཡུལ་ལ ་སྦྱར་བ་སྟེ། མངོན་པར་འདོད་ཅེས་བྱ་བའི་ཐ་ཚིག་གོ། ཡིད་ཀྱིས་མངོན་དུ་སྨྲ་ཞིང་རྣམ་པར་རྟོག་པའི་ཕྱིར་ཡིད་ཀྱིས་བཟླས་བརྗོད་དོ། །འདི་ཉིད་ཀྱི་ནི་ཆོ་ག་ཡིས་ཞེས་བྱ་བ་ནི། གསང་སྔགས་ཀྱི་སྒྲ་ལ་དམིགས་པའི་ཆོ་གས་སོ། །ཞེས་བྱ་བའི་ཐ་ཚིག་གོ་།ཤུབ་བུར་ཡང་རུང ་ཞེས་བྱ་བ་ནི་གསང་སྔགས་ཤུབ་བུར་སྨྲ་ཞིང་འདོན་པའི་བཟླས་བརྗོད་དོ། །ཤུབ་བུ་ནི་འབད་མི་དགོས་པར་གསང་སྔགས་འདོན་པའི་སྦྱར་བའོ། །དེའི་དགོངས་པ་འདི་ལྟ་སྟེ། སླར་སྡུད་པ་སྲོག་དང་རྩོལ་བ་ཤིན་ཏུ་བསྡམས་པས་དབང་པོའི་བྱེད་པ་མང་པོ་རང་དབང་མེད ་བར་ནང་དུ་ཕྱོགས་པར་བྱས་པའི་ཟློས་པ་པོ་སྒྲ་ཆེན་པོར་འདོན་པར་མི་སྲིད་པས་ན་གསང་སྔགས་སྒྲ་ཆུང་ངུར་འདོན་པ་ནི་ཤུབ་བུའི་མཚན་ཉིད་དུ་ཞར་ལ་ཞེས་པར་བྱའོ། །ཤུབ་བུར་ཡང་རུང་ཞེས་བྱ་བ་དེ་ཉིད་ཀྱིས་བཟླས་བརྗོད་ལས་ཤུབ་བུའི་བཟླས་བརྗོད་ཀྱི་ཕྱོགས་གཞན་བསྟན་པར ་མངོན་མོད་ཀྱི་ཡང་ན་ཞེས་བྱ་བའི་སྒྲ་སྨོས་པས་ནི་གཙུག་ལག་མཛད་པས་ཡིད་ཀྱིས་བཟླས་བརྗོད་ཉིད་བསྡམས་པར་མངོན་ནོ། །དཱི་དོན་འདི་སྟེ། ཡིད་ཀྱིས་བཟླས་བརྗོད་ཉིད་ཏིང་ངེ་འཛིན་ཕྲ་བའི་རྒྱུ་ཡིན་པས་རྟག་ཏུ་འདི་ཉིད་བྱའོ། །གལ་ཏེ་རྒྱ་ལ་ཤུབ་བུར་བཟླས་བརྗོད་བྱེད་འདོད ་ན་དེ་ཡང་དེའི་ཚེ་དེ་ཉིད་ཀྱི་སྦྱར་བས་བྱའོ་ཞེས་བསྟན་ཏོ། །ཡོད་ནི་སླར་བསྡུད་པ་དང་སྲོག་དང་རྩོལ་བ་བསྡམས་པས་ཡིད་དང་རླུང་དང། དབང་པོའི་བྱེད་པའི་ཚོགས་ནང་དུ་ཕྱོགས་པར་བྱས་པས་ཤུབ་བུར་བརྗོད་པར་དཀའ་སྟེ། དེ་བས་ན་ཡིད་བདེ་བ་ཉིད་རིགས་སོ། ཏིང་ངེ་འཛིན ་དབང་དུ་མ་གྱུར་པ་རྣམས་ཚིག་བརྗོད་ན་ཏིང་ངེ་འཛིན་ཉམས་པར་འགྱུར་བ་ཡང་སྲིད་དེ། རིག་པས་དེ་དང་སྦྱར་ན་ཡང་ཡིད་ཀྱི་བཟླས་བརྗོད་ཉིད་མཆོག་ཡིན་ནོ། །དངོས་གྲུབ་འདོད་པས་ཞེས་བྱ་བ་ནི་དངོས་གྲུབ་འདོད་པའི་ཕྱིར་གསང་སྔགས་ཀྱི་བཟླས་བརྗོད་བྱེད་པ་གང་ཡིན ་པ་དེ་དག་གིས་བཟླས་བརྗོད་ཀྱི་ཆོ་ག་འདི་ངེས་པར་ནན་ཏན་བྱའོ། །ཞེས་དགོངས་པའོ། །འཇིག་རྟེན་ཕ་རོལ་གྱི་བསོད་ནམས་ལ་སོགས་པའི་ཕྱིར་བྱེད་པ་ནི་འདི་སྐད་དུ་གསུངས་པའི་ཆོ་ག་ལས་ཉམས་ཤིང་ཅི་ནུས་པར་བཟླས་བརྗོད་བྱས་ནས་ཡང་ཉེས་པར་མི་འགྱུར་རོ་ཞེས ་བྱ་བའི་ཐ་ཚིག་གོ། སྒྲ་ལ་དམིགས་པའི་བཟླས་བརྗོད་ལ་ཡིད་ཀྱི་དང་ཤུབ་བུར་བཟླས་བརྗོད་བྱ་བ་སྨོས་པ་ནི་འདིར་ཉེ་བར་བསྟན་པའི་མཚན་ཉིད་དུ་བལྟ་སྟེ། དེ་བས་ན་སྔ་མའི་བཟླས་བརྗོད་དག་ལ་ཡང་སྦྱར་བར་བྱའོ། །འདིའི་བསྡུས་པའི་དོན་ཀྱང་སྔ་མ་བཞིན་དུ་ཡན་ལག ་བཞིའི་ཆོ་ག་བྱས་ཤིང་དེ་བཞིན་གཤེགས་པའི་གཞི་ལ་བལྟས་ནས། ལུས་ཐམས་ཅད་ཀྱི་རླུང་གིས་ལམ་གྱིས་རྗེས་སུ་འབྲང་བའི་སེམས་ཀྱི་རྟ་མངོན་དུ་ཕྱོགས་པར་བྱས་ལ་རུ་སྦལ་གྱི་ལུས་བསྐུམ་པ་དང་ལྕེ་ཡིས་ཆུ་བཏུང་བའི་ཚུལ་དུ་རླུང་སླར་བསྡུད་པའི་སྦྱོར་བས་ཡིད ་ནང་དུ་ཕྱོགས་པར་བྱ་སྟེ། རང་གི་ལྷ་དང། གཉིས་སུ་མེད་པར་ཤིན་ཏུ་བསྒོམས་པའི་གཟུགས་ཀྱི་བདག་ཁྱབ་པར་བྱས་ལ་དྲན་པ་དང་རླུང་འབྱུང་བའི་ལམ་བཀག་སྟེ། བརྗོད་པར་བྱ་བའི་སྒྲ་ལ་དམིགས་ཤིང་སེམས་གཟུང་ནས་དབྱུགས་དབྱུང་བའི ་མཛའ་འམ། གསང་སྔགས་ཀྱི་མཛའ་ཨི་བར་དུ་གསང་སྔགས་འདོན་པ་བྱས་ལ། ཡང་དེ་བཞིན་དུ་རླུང་གི་ལམ་གྱི་རྗེས་སུ་འབྲང་བའི་སེམས་ཕྱིར་ཕྱོགས་པར་བྱས་ལ། དེ་བཞིན་གཤེགས་པ་ལ་སོགས་པ་གསུམ་ལ་བལྟས་ནས་སླར་བསྡུས་ཏེ། དེ་བཞིན་དུ ་གསང་སྔགས་ཀྱི་སྒྲ་ལ་དམིགས་པའི་བཟླས་བརྗོད་བྱས་ལ་ཡང་དེ་བཞིན་དུ་དབྱུང་བ་དང་སླར་བསྡུ་བའི་ཚུལ་གྱིས་ཇི་ཙམ་འདོད་པའི་བར་དུ་བཟླས་བརྗོད་བྱའོ། །དེ་ལྟར་གསང་སྔགས་བརྗོད་པའི་ཆོ་ག་དབང་དང་པོ་ལ་དམིགས་པ་གསུམ་གསུངས་པ་ནི་དེ་བཞིན ་གཤེགས་པ་དང་དེའི་ནང་ན་གནས་པའི་གསང་སྔགས་དང་བཅས་པའི་ཟླ་བའི་དཀྱིལ་འཁོར་ལ་དམིགས་པའི་བྱེ་བྲག་གོ་།གསང་སྔགས་ཟློས་པའི་ཆོ་ག་གཉིས་པ་ལ་ནི་དམིགས་པ་གཉིས་ཏེ། བདག་གི་སྙིང་གའི་ཟླ་བའི་དཀྱིལ་འཁོར་དང། དེའི་ནང་ན་གནས་པའི་གསང་སྔགས ་ཀྱི་ཡི་གེའི་ཕྲེང་བའོ། །རིམ་པ་གསུམ་པ་ལ་ནི་བཟླས་བརྗོད་བྱ་བའི་གསང་སྔགས་ཀྱི་སྒྲ་ལ་དམིགས་པ་སྟེ། བཟླས་བརྗོད་གསུམ་གྱི་བྱེ་བྲག་གོ་།བཟླས་བརྗོད་ཀྱི་དེ་ཁོ་ན་ཉིད་དང་བདག་གིས་དེ་ཁོ་ན་ཉིད་རིག་སྔགས་ཀྱི་དེ་ཁོ་ན་ཉིད་ཀྱི་མཚན་ཉིད་རིག་སྔགས་དང་གསང་སྔགས ་ཀྱི་ཐབས་ཆེན་པོ་བཤད་ཟིན་ཏོ། །ད་ནི་རིག་སྔགས་དང་གསང་སྔགས་ཀྱི་དངོས་གྲུབ་ཀྱི་ལམ་འདི་ཉིད་ཡིན་གྱི་གཞན་ནི་མ་ཡིན་ཏེ། ཐུན་མོང་མ་ཡིན་པའི་རྒྱུ་ཡིན་པར་བསྟན་པས་ཇི་སྐད་སྨོས་པའི་མཚན་ཉིད་རིག་སྔགས་དང་གསང་སྔགས་ཀྱི་ཐབས་འདི་ལ་ནན ་ཏན་བསྟན་པར་བྱ་བའི་ཕྱིར་རོ། །རིག་སྔགས་དེ་ཉིད་མ་ལུས་དང། །བདག་གི་དེ་ཉིད་ཆོ་ག་དང། །བཟླས་བརྗོད་དེ་ཉིད་ཆོག་ཤེས་ན། །མེས་ནི་དངོས་གྲུབ་ཐོབ་པར་འགྱུར། །དེ་ལ་བཟླས་བརྗོད་ཀྱི་དེ་ཁོ་ན་ཉིད་མཆོག་ཅེས་བྱ་བ་ནི་བཟླས་བརྗོད་ཀྱི་ཡན་ལག་ལ་དམིགས་པའི ་མཚན་ཉིད་གོང་དུ་སྨོས་པ་གང་ཡིན་པ་དེ་ལ་བཟླས་བརྗོད་ཀྱི་དེ་ཁོ་ན་ཉིད་ཅེས་བྱ་བ་སྟེ། བཟླས་བརྗོད་ཀྱི་ཡན་ལག་བཞི་མ་ཡིན་པ་ལས་དམ་པར་གྱུར་པས་ན་མཆོག་གོ་།དེ་བས་ན་དེ་ཤེས་ན་དངོས་གྲུབ་ཐོབ་པོ་ཞེས་བྱ་བ་དང་འདྲེལ་ཏོ། །འོ་ན་བཟླས་བརྗོད་ཀྱི་དེ་ཁོ་ན་ཉིད་རབ་ཏུ་ནན་ཏན་བྱས་ནས ་ཞེས་སྨྲ་བར་རིགས་སོ། །གང་གི་ཕྱིར་ཞེ་ན་ནན་ཏན་མ་བྱས་པར་ཤེས་པ་ཙམ་གྱིས་འབྲས་བུ་ཡོད་པ་མི་སྣང་ངོ། །དཔེར་ན་འཇིག་རྟེན་ན་སྨོས་དང་ཚོང་གི་ཆོ་ག་ཤེས་ཀྱང་ནན་ཏན་ན?་བྱས་ན་དེའི་འབྲས་བུ་དང་ལྡན་པ་མི་སྣང་སྟེ་དེ་ནི་མི་རིགས་དེ་ལ་ཉེས་པ་མེད་དེ་འབྲས་བུ་ལ་རྒྱུ་བཏགས་ཏེ། བསྟན་པར ་དགོངས་པ་འམ། ནན་ཏན་ལ་སོགས་པའི་མཚན་ཉིད་དུ་བརྗོད་པར་དགོངས་པའོ། །རིག་སྔགས་དེ་ཉིད་མ་ལུས་དང་ཞེས་བྱ་བས་མ་ལུས་དང་ཞེས་སྨོས་པ་ནི་རིག་སྔགས་རྣམ་པ་དྲུག་གི་དེ་ཁོ་ན་ཉིད་ཡོངས་སུ་ཤེས་པར་བསྟན་ཏོ། །བདག་གི་དེ་ཁོ་ན་ཉིད་ཆོ་ག་ཡང་ཞེས་བྱ་བ་ནི་ཆོ་གའི་ཚིག་སྨོས་པས ་འདི་སྐད་བསྟན་ཏེ། བདག་གི་དེ་ཁོ་ན་ཉིད་ཀྱི་ཆོ་ག་མོས་པས་རྣམ་པར་སྤྱད་ཀྱི་བདག་གི་དེ་ཁོ་ན་ཉིད་དེས་ཐོབ་པར་གྱུར་པ་ལ་ནི་མི་བྱའོ། དེ་ཅིའི་ཕྱིར་ཞེ་ན། བདག་གི་དེ་ཁོ་ན་ཉིད་གཉིས་སུ་མེད་པའི་ཡེ་ཤེས་ཀྱི་མཚན་ཉིད་སྔར་སྨོས་པ་དེ་ཉིད་ཐོབ་ན་སངས་རྒྱས་སུ་གྱུར་པ་ཉིད་ཡིན་པས ་དེ་ལ་བཟླས་བརྗོད་བཤད་ཅིང་དགོས་ཞེས་དགོས་པའོ། །ད་ནི་བཟླས་བརྗོད་ལ་མི་བལྟོས་པར་བསམ་གཏན་འབའ་ཞིག་ལས་ཇི་ལྟར་འདོད་པའི་དངོས་གྲུབ་དང། རྣལ་འབྱོར་དང་ཐར་པ་ཐོབ་པའི་ཆོ་ག་བྱ་བ་བསྟན་པར་བྱ་སྟེ། དེའི་ཕྱིར་གསང་སྔགས་ཀྱི་བསམ་གཏན་གྱི་གནས་བསྟན ་པའི་ཕྱིར། དབེན་པའི་སྐྱེས་མོས་ཚལ་དང་དོགས?། །ཕུག་དང་རི་བོ་ནག་ཚལ་དུ། །བརྟུལ་ཞུགས་གནས་སམ་སྡོམ་པ་ཡིས། །སྔགས་པ་བསམ་གཏན་བྱེད་ཅིང་གནས་ཤེས་བྱ་བ་གསུངས་སོ། །དེ་ལ་བསམ་གཏན་གྱི་གནས་བསྟན་པའི་དགོངས་པ་ནི། འདི་ལྟར་གནས་རྣམ་པ་གཉིས་ཏེ ་ལུས་དབེན་པ་དང། སེམས་དབེན་པའི་རྒྱུའི་བྱེ་བྲག་གོ། དེ་ལ་བཟླས་བརྗོད་ལ་ནི་པདྨའི་མཚོ་དང། རི་དང་ཕུག་ལ་སོགས་པའི་མཚན་ཉིད་ཡོན་ཏན་གང་ཡང་རུང་བ་དང་ལྡན་པའི་གནས་ཀྱི་བྱེ་བྲག་ཏུ་ཡང་ལས་དང་དངོས་གྲུབ་ཀྱི་རྗེས་སུ་མཐུན་པར་བྱ་བའི་ཕྱིར་གནས་འཆའོ། །བསམ ་གཏན་ལ་ནི་ལུས་དབེན་པ་དང། སེམས་དབེན་པའི་རྒྱུ་གཉིས་ཀ་དང་ལྡན་པ་ཉིད་ཀྱིས་གནས་སུ་གནས་པར་རིགས་ཏེ། དེ་བས་ན་དེ་གཉིས་ཀའི་ཡོན་ཏན་གྱི་རྒྱུ་དང་ལྡན་པ་ཉིད། དབེན་པའི་སྐྱེད་མོས་ཚལ་ལ་སོགས་པ་བསམ་གཏན་གྱི་སྐབས་སུ་བསྟན་ཏོ། །བཟླས་བརྗོད་གྱི ་གནས་ནི་དེ་དག་ཉིད་དང་གཞན་དང་གཞན་དག་ཀྱང་རྒྱུད་འདིའི་སྔོན་རོལ་དུ་གསུངས་པར་བལྟའོ། །བསམ་གཏན་བྱེད་ཅིང་ཅེས་བྱ་བ་ནི་ཉེ་བའི་མཚན་ཉིད་དེ་ཏིང་ངེ་འཛིན་བསྒོམས་པ་ལ་ཡང་བལྟ་བར་བྱའོ། །བརྟུལ་ཞུགས་ནི་རབ་ཏུ་བྱུང་བ་དང། རིག་སྔགས་ཀྱི་བརྟུལ་ཞུགས་ལ ་སོགས་པའོ། །བསྡམས་པ་ནི་གསོ་སྦྱོང་ལ་སོགས་པའི་མཚན་ཉིད་དོ། །བསམ་གཏན་བྱེད་ཅིང་ཞེས་གསུངས་པ་དེ་ཡང། བསམ་པར་བྱ་བ་ནི་འདིར་ལྷའི་རང་བཞིན་དེ་དེ་བས་ན་དེ་ཉིད་བརྟག་པར་བྱའོ། །དེ་ལ་ལྷའི་རང་བཞིན་རྣམ་པ་གསུམ་སྟེ། འདི་ལྟར་གཟུགས་ཀྱི་སྐུའི་བདག་ཉིད ་ཀྱི་ལྷའི་རང་བཞིན་དང། སྒྲའི་བདག་ཉིད་ཀྱི་ལྷའི་རང་བཞིན་དང། དོན་དམ་པའི་ལྷའི་རང་བཞིན་ནོ། །དེའི་གཟུགས་ཀྱི་བདག་ཉིད་ཀྱི་ལྷའི་རང་བཞིན་ཡང་རྣམ་པ་གཉིས་ཏེ། གཅིག་ནི་མིག་ལ་སོགས་པའི་ཡན་ལག་གི་དབྱིབས་ཀྱི་རང་བཞིན་ནོ། །གཉིས་པ་ནི་ཕྱག་རྒྱའི་རང ་བཞིན་ནོ། །སྒྲའི་རང་བཞིན་གྱི་ལྷ་བདག་ཉིད་ལ་ཡང་རྣམ་པ་གཉིས་ཏེ། གཅིག་ནི་ཡི་གེའི་མཚན་ཉིད་དོ། །གཉིས་པ་ནི་སྒྲར་བརྗོད་པའི་རང་བཞིན་ནོ། །སྒྲར་བརྗོད་པའི་རང་བཞིན་དེ་ཡང་རྣམ་པ་གསུམ་སྟེ། གཅིག་ནི་རྐན་དང་མཆུ་ལ་སོགས་པའི་རྩོལ་བས་བསྐྱེད ་པ་ཤུབ་བུ་ལ་སོགས་པར་བཟླས་བརྗོད་བྱེད་པའི་སྒྲའི་རང་བཞིན་ནོ། །གཉིས་པ་ནི་ཡིད་ཀྱི་སྤྱིར་གསང་སྔགས་འདོན་པའི་རང་བཞིན་ནོ། །གསུམ་པ་ཡང་གསང་སྔགས་ཀྱི་ཡི་གེ་རེ་རེ་ནས་སེམས་པའི་བདག་ཉིད་རྣམ་པར་རྟོག་པའི་རང་བཞིན་ནོ། །དོན་དམ་པའི་ལྷའི ་རང་བཞིན་ཡང་རྣམ་པ་གཉིས་ཏེ། དེ་དེ་ལ་གཅིག་ནི་ཆོས་ཀྱི་དབྱིངས་ཀྱི་རང་བཞིན་ནོ། །དེ་ལས་གཞན་པ་ནི་དེ་ལ་དམིགས་པ་སྣང་བ་མེད་པར་རྣམ་པར་མི་རྟོག་པའི་ཡེ་ཤེས་ཀྱི་རང་བཞིན་ནོ། །དེ་ལྟར་ལྷའི་རང་བཞིན་ཐམས་ཅད་ཀྱི་བྱེ་བྲག་འདི་དག་གིས་བཟླས་བརྗོད་ཀྱི ་ཡན་ལག་བཞིའི་ཆོ་ག་ལ་ལྷའི་དེ་ཁོ་ན་ཉིད་དང། བཟླས་བརྗོད་ཀྱི་མཛའ་ཨི་བར་དུ་ཇི་ལྟར་དཔྱད་པར་བྱ་བ་དེ་དག་ནི་བཤད་ཟིན་ཏོ་བཟླས་བརྗོད་ལ་མི་བལྟོས་པར་བསམ་གཏན་ལས་གསང་སྔགས་ཀྱི་འབྲས་བུ་འདོད་པས་ནི། རང་བཞིན་གསུམ་འོག་ནས་འཆད་པའི་རིམ་པས ་ཇི་ལྟར་སྲིད་པར་བསམ་གཏན་དུ་བྱའོ། །དེ་ལ་གཅིག་ནི་ཇི་སྐད་སྨོས་པ་སྒྲ་ཞེས་བྱ་བ་ལྷའི་བྱེ་བྲག་གི་བདག་ཉིད་གསང་སྔགས་ཀྱི་ཡན་ལག་གི་ཡི་གེ་རྣམ་སོ་སོར་ཡིད་ཀྱིས་རྣམ་པར་བརྟགས་པའི་བསམ་གཏན་གྱི་རང་བཞིན་ནོ། །གཉིས་པ་ནི་རིག་སྔགས་དེ་ཉིད་ཀྱི་ཚིག་ཏུ་སྨྲ ་བའི་ཡི་གེ་སྒྲའི་རང་བཞིན་ནོ། །གསུམ་པ་ནི་ཡོངས་སུ་དག་པ་གཉིས་སུ་མེད་པའི་ཡེ་ཤེས་ཀྱི་ཡུལ་ཆོས་ཀྱི་དབྱིངས་ཀྱི་རང་བཞིན་ནོ། །དེ་ལ་རང་བཞིན་གསུམ་པོ་ཇི་ལྟར་སྲིད་པ་དེའི་བསམ་གཏན་གྱི་སྦྱོར་བ་དང། བསམ་གཏན་གྱི་འབྲས་བུ་བསྟན་པའི་ཕྱིར། གསང་སྔགས་མ ་གནས་དངོས་གྲུབ་སྟེར། །སྒྲ་གནས་རྣལ་འབྱོར་སྟེར་བ་དྲན། །སྒྲ་མཐར་ཐར་པ་སྟེར་བ་ཉིད། །འདི་དག་དེ་ཉིད་གསུམ་པོ་ཡིན་ཞེས་གསུངས་སོ། །དེ་ལ་གསང་སྔགས་མེ་གནས་དངོས་གྲུབ་སྟེར། སྒྲ་གནས་རྣལ་འབྱོར་སྟེར་བ་དྲན་ཞེས་བྱ་བའི་ཚིག་གཉིས་ཀྱིས་ཇི་ལྟར་སྲིད་པའི ་ལྷའི་རང་བཞིན་གཉིས་ཀྱི་བསམ་གཏན་གྱི་སྦྱོར་བ་ལས་དངོས་གྲུབ་མཆོག་དང། སེམས་མཉམ་པར་གནས་པའི་མཚན་ཉིད་རྣལ་འབྱོར་འགྲུབ་པ་བསྟན་ཏོ། །སྒྲ་མཐར་ཐར་པ་སྟེར་བ་ཉིད་ཅེས་བྱ་བ་ངེས་ཀྱང་ཆོས་ཀྱི་དབྱིངས་ཀྱི་རང་བཞིན་གྱི་བསམ་གཏན་གྱི་ཐར་པ ་ཐོབ་པ་བསྟན་ཏོ། །སྦྱོར་བ་གསུམ་གྱི་བསམ་གཏན་དེ་དག་ནི་ཀུན་རྫོབ་ཡིན་ཡང་ཇི་སྐད་དུ་སྨོས་པའི་འབྲས་བུ་ཐོབ་པ་ལས་གཞན་དུ་མི་འགྱུར་བས་ན། འདི་སུམ་ཆར་ཡང་དེ་ཁོ་ན་ཉིད་གསུམ་དུ་གསུངས་སོ། །བཟླས་བརྗོད་ལ་སོགས་པའི་དེ་ཁོ་ན་ཉིད་བསྟན་པ་ལ་ཡང ་དགོངས་པ་འདི་ཉིད་ཡིན་པར་ཤེས་པར་བྱའོ། །དེ་དག་གིས་དོན་འདི་དག་ཇི་ལྟར་བསྟན་པ་དེ་ཡང་གླེང་བ་ལ་འགྲེལ་བའི་ཚིགས་བཅས་བཤད་པས་དེ་མ་ཐག་ཏུ་འོག་ནས་བསྟན་པར་བྱའོ། །དེ་ལ་ཡང་བཟླས་བརྗོད་ཀྱི་ཆོ་ག་གོང་དུ་སྨོས་པ་བཞིན་དུ་གསང་སྔགས་ཀྱི ་བསམ་གཏན་གྱི་ཆོ་ག་ལ་ཡང་བདག་གིས། དེ་ཁོ་ན་ཉིད་ཤིན་ཏུ་བསྒོམས་ཤིང་སྒྲ་ཞེས་བྱ་བ་ལྷའི་སྒྲ་སྣང་བ་དང། གཉིས་སུ་མེད་པར་མོས་པར་བྱས་ལ་དེ་བསྒོམས་པར་འདོད་དེ། དེ་བས་ན་ཐོག་མ་ཉིད་དུ་བདག་གི་དེ་ཁོ་ན་ཉིད་སྔར་གསུངས་པའི་མཚན་ཉིད་ཚིགས་སུ་བཅད ་པ་འདིས་བཤད་པ། མི་འབྱེད་ལས་བྱུང་དངོས་པོ་རྣམས། །བློ་ཅན་གྱི་ནི་བདག་ལ་བསྡམས། །སྔགས་པ་ཡན་ལག་འདས་ལ་གནས། །ཞེན་པ་མེད་པར་བསམ་གཏན་བྱའོ། །ཞེས་གསུངས་སོ། །དེ་ལ་སྔགས་པས་བསམ་གཏན་བྱའོ། །བསམ་མོ་ཞེས་བཤད་པ་ཅི་ཞིག་བསྡམ་པར་ཞེ་ན། མི་འབྱེད ་ལས་བྱུང་དངོས་པོ་རྣམས། བསྡམས་ནས་ཞེས་བྱ་བ་གསུངས་སོ། །དེ་ལ་མིག་ལ་སོགས་པའི་དབང་པོའི་རྣམ་པར་ཤེས་པས་མི་འབྱེད་པས་ན་མི་འབྱེད་པ་སྟེ་ཡིད་དོ། །དེ་ལ་མཚུངས་པར་ལྡན་པ་འམ། དེའི་རྒྱུད་གང་འབྱུང་ཞིང་སྐྱེ་བ་དེ་རྣམས་མི་འབྱེད་པ་ལས་བྱུང?་བ་སྟེ། སེམས ་དང་སེམས་ལས་བྱུང་བའི་མཚན་ཉིད་དེ་རྣམས་བསྡམས་ནས་ཞེས་བྱ་བ་དང་འབྲེལ་ཏོ། །དེ་དག་བསྡམས་པ་ཡང་ཀུན་ནས་བཀྲིས་པའི་ངོ་བོར་མི་སྐྱེ་བ་སྟེ། ཇི་སྐད་སྨོས་པའི་མཚན་ཉིད་བསྡམས་པ་དེ་ཡང་གང་དུ་བསྡམ་ཞེ་ན། བདག་ལ་ཞེས་བྱ་བ་གསུངས་ཏེ། ཡིད་ལ་ཞེས ་བྱ་བའི་དོན་ཏོ། །དེས་འདི་སྐད་དུ་གསུངས་པར་འགྱུར་ཏེ། ཇི་སྐད་དུ་གསུངས་པའི་མཚན་ཉིད་སྣང་བ་མེད་པ་གཉིས་སུ་མེད་པའི་བདག་གི་དེ་ཁོ་ན་ཉིད་མངོན་དུ་བྱེད་པས་ཀུན་ནས་དཀྲིས་པ་དེ་དག་མི་འབྱུང་ཞིང། བག་ཆགས་སུ་གནས་པའི་མཚན་ཉིད་ནི་བསྡམས་པའོ། །དེའི་གཞི ་ཡང་ཡིད་རང་བཞིན་བདག་གི་དེ་ཁོ་ན་ཉིད་ཡིན་པའི་ཕྱིར། བདག་ལ་ཞེས་བྱ་བ་གསུངས་སོ། །བློ་དང་ལྡན་པ་ཞེས་པ་ནི་ཤེས་རབ་དང་ལྡན་ན་དེ་ཁོ་ན་ཉིད་བརྟག་ནུས་པར་འགྱུར་རོ། །ཞེས་བྱ་བའི་ཐ་ཚིག་གོ་།ཡན་ལག་འདས་ལ་གནས་ཞེས་བྱ་བ་ནི་འདི་སྙེད་གཅིག་གོ། ཞེས་ཡོངས་སུ་ཆད་པར ་ཡན་ལག་ཏུ་དབྱེ་ཞིང་བགྲད་དུ་ཡོད་པ་ནི་ཡན་ལག་སྟེ། མིག་དང་རྣ་བ་ལ་སོགས་པའི་ཡན་ལག་རྣམས་ལ་བྱའོ། །སྔགས་པ་གང་གིས་ཡིད་ལ་མི་བྱེད་པའི་སྒོ་ནས་སམ། ཆོས་བདག་མེད་པར་སྒྲུབ་པའི་རིག་པས་སུན་ཕྱུང་སྟེ། ཡན་ལག་དེ་དག་ལས་འདས་ཤིང་བརྒལ་བ་དང ་ཡོངས་སུ་བཏང་བ་དེ་ནི་ཡན་ལག་ལས་མ་འདས་པ་སྟེ། ཡན་ལག་ལས་འདས་པ་ཞེས་བྱ་བའི་དོན་འདི་ལ་ཡན་ལག་ལས་འདས་པར་གྱུར་ནས་གནས་པ་ནི། ཡན་ལག་འདས་ལ་གནས་པ་སྟེ། སྣང་བ་མེད་པའི་ཡེ་ཤེས་གསལ་བ་ལས་མ་ལངས་ཞེས་བྱ་བའི་དོན་ཏོ། །དེ་ལྟར་བདག་གི་དེ་ཁོ་ན་ཉིད་ལ ་གནས་པས་སྒྲ་ཞེས་བྱ་བའི་ལྷའི་རང་བཞིན་དང། ཆོས་ཀྱི་དབྱིངས་ཀྱི་ལྷའི་རང་བཞིན་བསམ་པར་བྱའོ་ཞེས་བསྟན་པའི་ཕྱིར། བསམ་གཏན་བྱའོ་ཞེས་གསུངས་སོ། །ཇི་ལྟར་བསམ་གཏན་བྱ་ཞེ་ན། ཞེན་པ་མེད་པར་ཞེས་གསུངས་ཏེ། ཞེན་ཅིང་ཆགས་པ་དང་བྲལ་བ་གང་ཡིན་པ་དེ་ནི་ཞེན ་པ་མེད་པ་སྟེ། འདིས་ཀྱང་བསམ་གཏན་དུ་བྱ་བའི་དངོས་པོ་ལ་མངོན་པར་ཆགས་པ་དགག་པ་གསུངས་ཏེ། མངོན་པར་ཆགས་པ་དགག་པ་དེ་ཡང་ཤེས་རབ་ཀྱི་སྣང་བའི་སྒོ་ནས་བདག་གི་དེ་ཁོ་ན་ཉིད་རྣམ་པར་བཅས་པ་ཉིད་ལ་དགག་པར་རིག་པར་བྱའོ། །ཅིའི་ཕྱིར་ཞེ་ན། བསམ་གཏན་དུ ་བྱ་བ་ལ་ཆགས་ན་གོང་ནས་གོང་དུ་ཆོས་རྣམ་པར་མི་འགྱུར་བས། ཁྱད་པར་མི་ཐོབ་པར་འགྱུར་བའི་ཕྱིར་རོ། །ཀུན་རྫོབ་ཀྱི་ལྷའི་དེ་ཁོ་ན་ཉིད་ཀྱི་མཚན་ཉིད་ལ་བསམ་གཏན་དུ་བྱ་བ་ལ་ནི་དེ་ལ་མངོན་པར་ཆགས་པར་འདོད་པ་ཉིད་པས་ཞེན་པས་མེད་པར་བྱ་ཞེས་བྱ་བའི་དགག་དེ་ལ་དགྲོངས?་པར་ནི ་དེ་ལ་མཁས་པ་རྣམས་ཀྱིས་མི་ལྟའོ་དེ་ལ་དེ་ལྟ་བུའི་བདག་གི་དེ་ཁོ་ན་ཉིད་ལ་གནས་ནས་ལྷའི་དེ་ཁོ་ན་ཉིད་མངོན་དུ་བྱ་སྟེ། སྒྲ་ཞེས་བྱ་བའི་ལྷའི་དེ་ཁོ་ན་ཉིད་མངོན་དུ་བྱ་བའི་ཕྱིར། སྒྲ་ཞེས་བྱ་བ་ཕྲེང་བར་སྦྱར། །ཡི་གེ་བརྒྱུས་པ་མི་འགྱུར་རྣམས། དྲིལ་བུའི་སྒྲ་བཞིན་མ་ཆད ་པར། །ཡིད་ལ་ཞེན་པར་སེམས་པ་ནི། །ཞེས་བྱ་བ་ལ་སོགས་པ་གསུངས་ཏེ། འདིས་ཀྱང་སྣང་བ་མེད་པའི་ཡེ་ཤེས་ཀྱི་མཚན་ཉིད་བདག་གི་དེ་ཁོ་ན་ལས་ལྡང་བ་དང། གསང་སྔགས་ཀྱི་སྒྲའི་རྣམ་པའི་ལྷའི་རྣལ་འབྱོར་བསྟན་ཏེ། འདིར་ཡང་བདག་གི་དེ་ཁོ་ན་ཉིད་རྣམ་པར་མི་རྟོག ་པ་སྣང་བ་མེད་པའི་མཚན་ཉིད་ཀྱི་ཕྱི་ནས་ཐོབ་པའི་སྒྲའི་བདག་ཉིད་ཀྱི་ལྷའི་དེ་ཁོ་ན་སྒྲའི་རྣམ་པར་རྟོག་པ་ལྷན་ཅིག་ཏུ་སྐྱེས་པ་ཉམས་པ་དང་ཆུ་དང་འོ་མ་བཞིན་དུ་སྒྲ་དང་གཅིག་ཏུ་གྱུར་པར་སེམས་པའི་རྣལ་འབྱོར་གྱི་གསལ་བར་ནམ་གྱུར་པ་དེ་ན། སྔགས་པ་དེ་སྒྲའི་བདག་ཉིད་ཀྱི ་ལྷའི་སྦྱོར་བ་ལ་གནས་པར་གྱུར་པ་དེ་བསྟན་ཏོ། །དེ་ལ་སྒྲ་ཞེས་བྱ་བ་ཡི་གེ་རྣམས་ཕྲེང་བར་སྦྱར་བ་སེམས་པ་ན་ཞེས་བྱ་བ་དང་སྦྱར་ཏེ། དེ་བས་ན་ཡི་གེ་རྣམས་ཕྲེང་བར་སྦྱར་ཞེས་བྱ་བ་ནི་གསང་སྔགས་ཀྱི་ཡི་གེའི་རྒྱུད་པར་མ་ཆད་པའི་མཚན་ཉིད་བསམ་གཏན་དུ ་བྱ་བ་ལ་སྦྱར་ནས་ཞེས་བྱ་བ་སྟེ། བཀོད་ནས་ཞེས་བྱ་བའི་ཐ་ཚིག་གོ། ཕྲེང་བར་སྦྱར་བར་ཞེས་སྤྱིར་གསུངས་ཏེ། དེ་བས་ན་སྒྲ་ཞེས་བྱ་བ་བྱེ་བྲག་ཏུ་བསྟན་ཏོ། །སྒྲར་སྣང་བ་གསང་སྔགས་ཀྱི་ཡི་གེའི་སྒྲ་གཅིག་ནས་གཅིག་ཏུ་རྒྱུད་པའི་མཚན་ཉིད་ཅེས་བྱ་བའི་ཐ་ཚིག་གོ་།ཁ་ཅིག་ཏུ ་སྒྲའི་ཚིག་ནི་ཡི་གེ་ལ་ཡང་སྦྱར་མོད་ཀྱི་འོན་ཀྱང་འདིར་གསང་སྔགས་ཀྱི་སྒྲ་ཉིད་དུ་རིག་པར་བྱ་སྟེ། དྲིལ་བུའི་སྒྲ་བཞིན་རྒྱུན་མི་འཆད་པར་ཞེས་འོག་ནས་འཆད་པའི་ཕྱིར་ཏེ། དྲིལ་བུའི་སྒྲ་ལྟར་སྒྲ་འབྱུང་བ་ཡི་གེའི་མཚན་ཉིད་ཀྱི་སྒྲ་ལ་མི་སྲིད་པའི་ཕྱིར་རོ། །ཞེས་དགོངས ་པའོ། །བསམ་གཏན་དུ་བྱ་བའི་གསང་སྔགས་ཀྱི་ཡི་གེའི་སྒྲ་གཅིག་ནས་གཅིག་ཏུ་འབྱུང་བའི་མཚན་ཉིད་སྒྲ་ཞེས་བྱ་བའི་ཕྲེང་བ་སྦྱར་བ་ནི་གསང་སྔགས་ཀྱི་ཡན་ལག་ཡི་གེའི་སྒྲ་རྒྱུན་མི་འཆད་པར་རབ་ཏུ་སྣང་བར་འདོད་པས་ན། ཡི་གེའི་རྒྱུད་པ་ཞེས་གསུངས་སོ། །དེ་ལ་ཡི ་གེ་རྣམས་བརྒྱུས་པས་ན་ཡི་གེ་བརྒྱུས་པ་སྟེ། ཕྲེང་བ་ཞེས་བྱ་བ་དང་སྦྱར་རོ། །དེས་ཀྱང་ཡི་གེ་བརྒྱུད་པའི་ཕྲེང་བ་བཀོད་པའི་མཚན་ཉིད་དེ་ཉིད་སྦྱར་ནས་ཞེས་བྱ་བ་འདིས་བསྟན་མོད་ཀྱིས་ངེས་པར་བྱ་བའི་ཕྱིར་ཡང་བརྗོད་པར་བྱ་སྟེ། དེ་བས་ན་མི་འགྱུར་ཞེས་བྱ་བས་བྱེ ་བྲག་ཏུ་བསྟན་ཏོ། །བརྒྱུས་པ་དེ་མི་འགྱུར་བ་ནི་རང་བཞིན་མི་འགྱུར་ཞིང་མི་གཡོ་བའི་ངང་ཚུལ་ཅན་གསང་སྔགས་ཀྱི་ཡི་གེའི་སྒྲ་རྒྱུན་མ་ཆད་པར་རབ་ཏུ་སྣང་བ་ཞེས་བྱ་བའི་ཐ་ཚིག་གོ། ཡང་ཡི་གེའི་སྒྲ་དེ་དག་ཉིད་གཅིག་ནས་གཅིག་ཏུ་བྱུང་བའི་མཚན་ཉིད་ཀྱི་ཕྲེང་བ་བྱེ་བྲག་ཏུ་བསྟན་པའི་ཕྱིར ་དྲིལ་བུའི་སྒྲ་བཞིན་མ་ཆད་པར་ཞེས་བྱ་བ་གསུངས་སོ། །དེ་ལ་དྲིལ་བུའི་སྒྲ་ནི་གང་རྣ་ལམ་དུ་སྒྲ་སྒྲགས་པའི་ཕྱི་རོལ་གྱི་དྲིལ་བུའི་སྒྲ་འདྲ་བར་ལྷན་ཅིག་སྐྱེས་པ་རྒྱུན་མི་འཆད་པར་ཡི་གེའི་སྒྲའི་རྒྱུན་མངོན་པར་མི་གསལ་བ་དེ་འདིར་འདོད་དོ། །དེ་བས་ན་དེ་ལྟ་བུའི་དྲིལ་བུའི་སྒྲ་བཞིན་མ་ཆད ་པ་དང། །འབྲེལ་པའི་ཡི་གེའི་སྒྲ་གཅིག་ནས་གཅིག་ཏུ་འབྱུང་བའི་འཕྲེང་བ་ལ་ཞེས་པ་མེད་པར་བསམ་གཏན་དུ་བྱའོ། །ཞེས་བྱ་བའི་སྐབས་དང་སྦྱར་རོ། །དེ་དག་གིས་ནི་སྒྲའི་བདག་ཉིད་ཀྱི་ལྷ་དང། མི་གཉིས་པའི་རྣལ་འབྱོར་དུ་དེའི་རྣ་བ་ལ་རྣམ་པར་རྟོག་པར་གནས་པར་བསྟན་ཏོ། །དེ་ནི་དེ་ལྟར་བུའི་སྒྲའི ་བདག་ཉིད་ཀྱི་ལྷར་སྣང་བ་ཏིང་ངེ་འཛིན་གྱིས་སྦྱོར་བས་ཤིན་ཏུ་གསལ་བར་བྱས་ནས་བཟླས་བརྗོད་ལ་མི་བལྟོས་པའི་བསམ་གཏན་ཉིད་ཀྱིས་དངོས་གྲུབ་ཐོབ་པར་འདོད་པས་རང་གི་སྙིང་གར་མར་མེ་ལྕེ་འདྲ་བའི་མེ་འབར་བའི་ནང་དུ། དེའི་ཚིག་གི་ཡིག་འབྲུ་གཅིག་ནས་གཅིག་ཏུ་བརྒྱུད་པའི ་རང་བཞིན་བསམ་ཏེ་བསྒོམ་མོ་ཞེས་བསྟན་པའི་ཕྱིར། ཡིད་ལ་ཞེན་པར་སེམས་པ་ན། །མེ་ཡི་ནང་གནས་ཞི་བ་སྟེ། །ཚིག་རྣམས་དག་པ་ཡན་ལག་ལྡན། །སྲོག་དང་རྩོལ་བ་བཀག་པའི་བདག་།གཉིས་སྤངས་ནས་ནི་རྣམ་པར་བསམ་ཞེས་བྱ་བ་གསུངས་སོ། །དེ་ལ་སེམས་པ་ན་ཞེས་བྱ་བ་ནི་དེ་ལྟའི ་ཕྲེང་བ་ལྟ་བུའི་དེ་ཁོ་ན་ཉིད་ཀྱི་མཚན་ཉིད་དེ། བསམ་གཏན་བྱེད་པའི་ཚེ་ཉིད་ན་མེ་ལ་སོགས་པའི་རྣམ་པར་རྟོག་པར་བྱའོ། །ཞེས་བྱ་བའི་ཐ་ཚིག་གོ་།དེས་ནི་ཡི་གེར་བཀོད་པའི་སྒྲའི་བདག་ཉིད་ཀྱི་ལྷ་སྒྲར་རྣམ་པར་རྟོག་པ་གཅིག་ནས་གཅིག་ཏུ་འབྱུང་བ་སྟེ། སྙིང་ག་དང་ཉེ་བ་ཉིད་དུ་བསམ་མོ ་ཞེས་དེ་སྐད་གསུངས་པ་ཡིན་ནོ། །མེའི་ནང་ན་གནས་ཞེས་བྱ་བ་ནི་སྙིང་གའི་ཕྱོགས་དེར་ཡང་མར་མེའི་མེ་ལྕེ་དང་འདྲ་བ་མེ་འབར་བའི་ནང་ན་འདུག་པ་རྣམ་པར་བརྟག་ཏོ་ཞེས་པའོ། །ཞི་བ་ཞེས་བྱ་བ་ནི་མི་གནོད་པའི་རང་བཞིན་ཞེས་བྱ་བའི་དོན་ཏེ། དེས་འདི་སྐད་དུ་གསུངས་པར་འགྱུར་རོ།། ་དེའི་གནས་མེ་འབར་བའི་ཡི་གེའི་འབྲུ་གཅིག་ནས་གཅིག་ཏུ་བརྒྱུད་པ་དང་བཅས་པ་དེ་ཚ་བ་ལ་སོགས་པ་རེག་པའི་སྒོ་ནས་གནོད་པའི་རང་བཞིན་མ་ཡིན་པས་གསང་སྔགས་ཀྱི་སྒྲར་སྣང་བའི་རྣམ་པར་རྟོག་པ་གཅིག་ནས་གཅིག་ཏུ་འབྱུང་བ་ལ་ཞི་བ་ཞེས་གསུངས་སོ། །ཚིག ་རྣམ་པར་དག་པ་ཞེས་བྱ་བ་ནི། གང་ལ་རྐན་དང་མཆུ་ལ་སོགས་པ་སྦྱར་བས་བསྐྱེད་པའི་ཚིག་དང་ཡིད་ལ་གསང་སྔགས་ཟློས་པའི་མཚན་ཉིད་ཀྱི་ཚིག་རྣམ་པར་དག་ཅིང་མེད་པར་གྱུར་པ་དེ་ནི་ཚིག་རྣམ་པར་དག་པའོ། །དེས་འདི་སྐད་དུ་གསུངས་པར་འགྱུར་ཏེ། དེ་ཤུབ་བུ ་ལ་སོགས་པར་བཟླས་བརྗོད་བྱ་བའི་སྒྲའི་རང་བཞིན་ཡང་མ་ཡིན་གྱི་གསང་སྔགས་ཀྱི་ཡི་གེའི་སྒྲ་རིང་པོར་སེམས་པའི་རྣམ་པར་རྟོག་པའི་རང་བཞིན་ནོ། །མེད་པ་ལ་གང་རྣམ་པར་རྟོག་པའི་སྒྲར་འདོགས ་པར་སྣང་སྟེ། ཇི་ལྟར་ལྟོའི་དྲི་མ་རྣམ་པར་དག་པ་ཅེས་བྱ་བ་ལྟ་བུའོ། །དེ་བས་ན་ཚིག་རྣམ་པར་དག་པ་ཞེས་བྱ་བ་ཚིག་གི་མཚན་ཉིད་རྣམ་པ་གཉིས་སུ་མེད་ཅེས་བྱ་བའི་ཐ་ཚིག་གོ་།ཡན་ལག་ལྡན་ཞེས་བྱ་བ་དེ་ལ་ཡན་ལག་གི་སྒྲ་དེའི་ཚིག་དུ་བརྗོད་པའི་ཡིག་འབྲུའི་ཕྲེང་བའི ་རང་བཞིན་ཏེ། ཡན་ལག་དེ་དང་ལྡན་པ་ནི་ཡན་ལག་དང་ལྡན་ཞིང་བཅས་པ་སྟེ། ཚིག་ཅེས་བྱ་བའི་སྒྲར་རྣམ་པར་རྟོག་པའི་ཕྲེང་བ་གང་ཡིན་པ་དེ་ཡན་ལག་དང་ལྡན་པའོ། །དེས་ནི་སྒྲ་དེའི་ཚིག་གི་ཡི་གེའི་འབྲུའི་ཕྲེང་བ་མེ་འབར་བའི་ནང་ན་གནས་པ་དེ་མངོན་པར་གྲགས ་པར་རྣམ་པར་བརྟག་གོ་ཞེས་བྱ་བའི་ཐ་ཚིག་གོ། །ད་ནི་དེ་ལྟ་བུའི་གསང་སྔགས་ཀྱི་སྒྲས་སེམས་པ་ལ་ཞུམ་པ་དང་རྒོད་པ་སྤང་བར་བསྟན་པ། སྲོག་དང་རྩོལ་བ་བཀག་པའི་བདག་།གཉིད་སྤངས་ནས་ནི་རྣམ་པར་བསམ་ཞེས་བྱ་བ་གསུངས་སོ། །དེ་ལ་གོང་དུ་གསུངས་པའི་སྲོག་དང ་རྩོལ་བ་བདག་གི་མཚན་ཉིད་སྔར་གསུངས་པའི་རིམ་པ་ཉིད་ཀྱི་རྣལ་འབྱོར་པའི་རང་བཞིན་གྱི་བདག་གང་ཡིན་ལ། བསམ་གཏན་བྱེད་པའི་ཚེ་བཀག་པ་དེ་ནི་སྲོག་དང་རྩོལ་བ་བཀག་པའི་བདག་ཅེས་བྱའོ། །འདིས་ཀྱང་རྣལ་འབྱོར་བའི་རྒོད་པ་དགག་པ་གསུངས་ཏེ། ་ཅིའི་ཕྱིར་ཞེ་ན། དྲན་པ་དང་སྲོག་གི་སྐྱོན་མ་བཀག་པ་ནི་ཕྱུགས་དང་འདྲ་བར་སེམས་མཉམ་པར་བཞག་པ་མེད་པར་ཉེ་བར་ཞི་བའི་སེམས་སུ་མི་འགྱུར་རོ། །ཞེས་བྱ་བའི་དོན་ཏོ། །གཉིད་སྤངས་ནས་ཞེས་བྱ་བ་འདིས་ཞུམ་པའི་ཕྱོགས་སུ་གཏོགས་པའི་གཉིད་ཡོངས་སུ་སྤངས་པ ་བཤད་པ་ཞུམ་པ་མེད་པ་བསྟན་ཏོ། །དེས་ན་གསང་སྔགས་མེ་གནས་དངོས་གྲུབ་སྟེར་ཅེས་གང་གསུངས་པ་དེ་བཤད་ཟིན་ཏེ། གང་གི་ཕྱིར་ཞེ་ན། ཡིད་ཀྱི་བསམ་པ་མེར་རྣམ་པར་རྟོག་པ་ནི་མེ་སྟེ། དེར་ཚིག་གི་ཡི་གེའི་ཕྲེང་བ་དང་བཅས་པ་ཇི་སྐད་གསུངས་པའི ་མཚན་ཉིད་ཀྱི་གསང་སྔགས་ཀྱི་སྒྲ་བསམ་པར་བྱ་བའི་བསམ་གཏན་ཞེས་བྱ་ཡི་གེ་དང་བཅས་པའི་གསང་སྔགས་ཀྱི་སྒྲའི་མཚན་ཉིད་ཀྱི་གསང་སྔགས་དེ་ལ་གནས་པས་ན། མེ་ལ་གནས་ཞེས་བསྟན་ཏོ། །བསམ་གཏན་འདིའི་འབྲས་བུ་ཡང། །སྒྲ་ལ་དམིགས་པའི ་བསམ་གཏན་ནི། །འབའ་ཞིག་བྱས་པ་ཉིད་ཀྱིས་ཀྱང། །དངོས་པོ་ཀུན་གནས་དམ་པའི་དཔལ། །གྲུབ་པའི་སྐྱེས་བུ་ཐོབ་པར་འགྱུར། ཞེས་འོག་ནས་འབྱུང་སྟེ། དེ་ཉིད་དུ་བཤད་པར་བྱའོ། །བསམ་གཏན་འདིའི་སྦྱོར་བའི་རིམ་པ་ཡང་འདིའོ། །དེ་ལ་ཐོག་མ་ཉིད་དུ་གཉིས་སུ ་མེད་པའི་ཡེ་ཤེས་ཀྱི་མཚན་ཉིད་བདག་གི་དེ་ཁོ་ན་ཉིད་མངོན་དུ་བྱས་ནས། དེའི་རྗེས་ལ་ཐོབ་པའི་སྒྲའི་བདག་ཉིད་ཀྱི་ལྷའི་དེ་ཁོ་ན་ཉིད་དུ་རྣམ་པར་རྟོག་པས་བདག་བསྒོས་ཏེ། སྒྲ་དེ་སྙིང་གའི་ཕྱོགས་ན་གནས་པའི་མེ་འབར་བའི་ནང་ན་འདུག་ཅིང་དེའི་ཡི་གེའི་ཕྲེང ་བ་གནས་པར་སྲོག་དང་རྩལ་བ་བཀག་སྟེ། ཉིན་རེ་བཞིན་བསམ་གཏན་དུ་བྱ་བ་ནི། ཇི་སྐད་དུ་བྲུ་བ་མི་ཚ་བ་ལ་སོགས་པ་ཕྱི་དང་ནང་གི་མཚན་མ་བྱུང་ནས་བདག་ཉིད་ཇི་ལྟར་བསམ་པ་སྒྲུབ་ནུས་པར་གྱུར་གྱི་བར་དུའོ། །མེ་ལ་གནས་པའི་གསང་སྔགས་ཀྱི་ཡི ་གེའི་སྒྲའི་བསམ་གཏན་འདི་ཡང་ཡན་ལག་བཞིའི་བཟླས་བརྗོད་བྱེད་པས་ཀྱང་བཟླས་བརྗོད་ཀྱི་མཇུག་གམ་གཞན་དུ་ཡང་རུང་སྟེ། གསང་སྔགས་ཀྱི་མཐུ་བསྐྱེད་པ་དང། སེམས་མཉམ་པར་བཞག་པའི་ཕྱིར་སྦྱར་བར་བྱའོ། །ཞེས་དེ་ལ་མཁས་པ་དག་སྨྲའོ། ་ད་ནི་སྒྲ་གནས་རྣལ་འབྱོར་སྟེར་བར་དྲན་ཞེས་གང་གསུངས་པ་དེ་བརྟག་པར་བྱ་སྟེ། དེ་ལ་སྒྲ་ནི་ཇི་སྐད་དུ་གསུངས་པ་སྒྲའི་བདག་ཉིད་ཀྱི་ལྷའི་རང་བཞིན་ནོ། །སྒྲ་ཙམ་པོ་དེ་ལ་བརྗོད་པར་བྱ་བའི་ཚིག་གི་རང་བཞིན་དང། ཡི་གེ་ཡོངས་སུ་སྤངས་པ་ནང་གིས་བརྗོད་པ་ཙམ ་རྣམ་པ་དང་བཅས་པའི་ཡིད་ཀྱི་རང་བཞིན་དུ་གང་གནས་པ་གསང་སྔགས་ཀྱི་དོན་གྱི་རང་བཞིན་དེ་དག་ནི་སྒྲ་ལ་གནས་པའོ། །དྲན་པ་ནི་བསམ་པ་སྟེ། རྣལ་འབྱོར་སྟེར་བར་འགྱུར་རོ། །ཞེས་བྱ་བའི་དོན་ཏོ། དེ་ལ་རྣལ་འབྱོར་ནི་སྐབས་འདིར་ཡིད་ཡངས ་པ་བརྟུལ་ལ། མ་ཡེངས་ཀྱི་བར་དུ་བསམ་གཏན་བྱ་བའི་སྒྲའི་ཡུལ་ལ་གང་རྩེ་གཅིག་ཏུ་འཇུག་པ་སྟེ། བསམ་གཏན་བྱ་བའི་སྒྲའི་དབྱངས་དང་ཡིད་དུ་སྦྱོར་བ་ནི་རྣལ་འབྱོར་རོ་ཞེས་སྒྲའི་དོན་བཤད་པའི་ཕྱིར་ཏེ། དེ་བས་ན་ཁ་ཅིག་གིས་རྣལ་འབྱོར་ནི ་སེམས་འཇུག་པ་བཀག་པའོ། །ཞེས་སྨྲས་པ་དང། དེ་བཞིན་དུ་སྲོག་ཅེས་བྱ་བའི་རླུང་ལེགས་པར་བཀག་པ་ནི་རྣལ་འབྱོར་ཏོ། །ཞེས་གང་སྨྲས་པ་དེ་ཡང་བཤད་པར་གྱུར་ཏེ། ཇི་ལྟར་སྒྲ་གཅིག་བུ་ལ་དམིགས་པའི་ཡིད་ནི་གང་ལ་ཉོན་མོངས་པ་དང་ཉོན་མོངས་པ་མེད་པའི་རྣམ ་པར་ཤེས་པ་འཇུག་པ་དེ་དག་རེ་ཞིག་དོགས་པ་མེད་པར་བཀག་པར་འགྱུར་རོ། །དེ་བཞིན་དུ་ཡིད་རྩེ་གཅིག་ཏུ་གྱུར་བ་ཉིད་ལ་ནི་སྲོག་ཅེས་བྱ་བའི་ཡིད་ཀྱི་རྣམ་པར་ཤེས་པའི་གནས་རླུང་གཞན་དུ་མི་འཇུག་སྟེ། དེ་བས་ན་སེམས་རྩེ་གཅིག་ཏུ་གྱུར་ན་རླུང་བཀག་པར་དོན་གྱི ་དབང་གི་འགྱུར་རོ། །དེ་ལྟར་སྒྲ་གནས་རྣལ་འབྱོར་སྟེར་བར་དྲན་ཞེས་བྱ་བ་སྟེ་བསྟན་པའི་ཕྱིར། །སྙིང་གར་གནས་པ་ཕྲ་བ་ནི། །དྲི་མེད་ཟླ་བའི་དཀྱིལ་འཁོར་ཏེ། །དེ་ནད་རབ་ཏུ་བཞི་པ་ཡི། །མེ་ལྕེ་རབ་ཏུ་འོད་བཟང་བ། །མི་འགྱུར་བཞི་ནི་དེར་བཞག་ནས། །དེར་འདུག་ནས་ནི་སྒྲ་བསམ ་མམ། །མི་འགྱུར་བ་ལ་ཡི་གེ་བཞག་།སྒྲ་ཉིད་འབའ་ཞིག་བསམ་པར་བྱ། །ཞེས་བྱ་བ་གསུངས་སོ། །དེས་འདི་སྐད་གསུངས་ཏེ། དེ་ལྟར་སྣང་བ་མེད་པའི་བདག་གི་དེ་ཁོ་ན་ཉིད་ལ་གནས་པ་ཉིད་ཀྱི་སྙིང་ག་ན་ཟླ་བའི་གཟུགས་ཀྱི་ནང་ན་འདུག་པའི་མེ་ལྕེའི་ནང་ན་ལྷའི་གཞི་འམ། ཟླ་བའི ་དཀྱིལ་འཁོར་འབའ་ཞིག་ལ་ཡི་གེའི་འབྲུའི་ཕྲེང་བ་རབ་ཏུ་བརྟགས་ལ། ཅུང་ཟད་ཙམ་ཞིག་ཏིང་ངེ་འཛིན་གྱི་རབ་ཏུ་གསལ་བར་བྱས་ཏེ། དེའི་རྣམ་པ་ཡང་སྤངས་ལ་ཇི་སྐད་སྨོས་པའི་སྒྲའི་དབྱངས་ཙམ་འབའ་ཞིག་བསམ་གཏན་དུ་བྱའོ། །ཞེས་བྱ་བ་ནི་བསྡུས་པའི ་དོན་ཏོ། །ཡན་ལག་གི་དོན་བཤད་པར་བྱ་སྟེ། དེ་ལ་ཕྲ་བ་ཟླ་བའི་དཀྱིལ་འཁོར་ཞེས་པ་ནི་སྡུག་ཅིང་རྒྱ་ཆེ་བའི་སྐྱོན་སྤངས་པའི་ཟླ་བ་ནི་ཕྲ་བ་སྟེ། དེ་ལ་བུ་བསྒོམས་ན་རྣལ་འབྱོར་པའི་སྙིང་གར་གནས་ཤིང་སེམས་མཉམས་པར་གནས་པར་མི་འགྱུར་བའི ་ཕྱིར་རོ། །དྲི་མ་མེད་པ་ཞེས་བྱ་བ་ནི་རབ་ཏུ་འོད་གསལ་ཞིང་མདངས་ཅན་དུ་བསྒོམ་པར་བྱ་བ་བསྟན་པའོ། །མི་འགྱུར་གཞི་ནི་དེར་བཞག་ནས་ཞེས་བྱ་བ་མི་འགྱུར་བ་ནི་གསང་སྔགས་ཀྱི་ཡི་གེའི་གཞི་སྟེ། གནས་ཀྱི་སྒོ་ནས་ལྷའི་གཟུགས་ཀྱི་སྐུ་ལ་གཞི་ཞེས་བྱའོ། །མི ་འགྱུར་བའི་གཞི་རང་གི་ལྷའི་སྐུ་བཞག་ནས་ཞེས་བྱ་བ་ནི་ཟླ་བའི་དཀྱིལ་འཁོར་ལ་གནས་པའི་མེ་ལྕེ་དེ་ལ་བསམས་ནས་ཞེས་བྱ་བའི་ཐ་ཚིག་གོ་།དེ་ལྟར་གང་གནས་པའི་ལྷ་མི་འགྱུར་བའི་གཞི་ཞེས་བྱ་བ་ལ་ཅི་ལྷ་དེ་ཉིད་ཀྱི་གཟུགས་བསམས་པ་འམ། འོན་ཏེ་གཞན ་འགའ་ཞིག་བསམ་པ་བྱེ་བྲག་ཏུ་མ་ཕྱེ་བས་དེ་བསྟན་པའི་ཕྱིར། སྒྲ་བསམ་མོ་ཞེས་བྱ་བ་གསུངས་ཏེ། སྔར་བཤད་པའི་སྒྲའི་མཚན་ཉིད་བསམ་ཞིང་སྒོམ་མོ་ཞེས་བྱ་བའི་དོན་ཏོ། །དེས་འདི་སྐད་བསྟན་པར་འགྱུར་ཏེ། སྔར་ཟླ་བའི་དཀྱིལ་འཁོར་གྱི་ནང་ན་གནས་པའི་མེ་ལྕེ་དེ་ལ ་ལྷའི་སྐུ་བསམ་གཏན་དུ་བྱས་ནས་ཕྱིས་སྒོམ་པ་དེ་བཏང་སྟེ། སྒྲ་འབའ་ཞིག་བསམ་གཏན་དུ་བྱའོ། །དབུགས་དབྱུང་བའི་ཚེ་ཡང་སེམས་ཀྱི་ཀྱང། ལྷའི་སྐུ་ལ་དམིགས་པར་བྱའོ་ཞེས་བསྟན་ཏོ། །འདིས་ཀྱང་བཟླས་བརྗོད་ཀྱི་ཡན་ལག་བཞི་ལ་དམིགས་པའི་སྦྱོར་བ་ལས་མེ་ལ་གནས་པའི ་གསང་སྔགས་ལ་དམིགས་པ་བྱེ་བྲག་ཏུ་བསྟན་ཏོ། །དེ་ལྟར་ཅི་མངོན་ཞེ་ན། བཟླས་བརྗོད་ཀྱི་ཡན་ལག་བཞི་ལ་དེ་བཞིན་གཤེགས་པ་དང་ཟླ་བའི་དཀྱིལ་འཁོར་དང། གསང་སྔགས་ཀྱི་ཡི་གེ་དེ་ཕྲེང་བ་དང། གསུམ་ཅིག་ཅར་དམིགས་པ་དང། ནང་དུ་ཡང་ཟླ་བའི་དཀྱིལ་འཁོར་དང། ་ཡི་གེའི་ཕྲེང་བ་གཉིས་དམིགས་པའམ། གསང་སྔགས་ཀྱི་སྒྲ་བརྗོད་ཅིང་བསམ་གཏན་བྱ་བ་ཟློས་པ་པོས་གསང་སྔགས་བརྗོད་པའི་ཚེ་ཅིག་ཅར་བྱ་བ་སྔར་བསྟན་ཏོ། །དེ་བཞིན་དུ་མེ་ལ་གནས་པའི་གསང་སྔགས་ལ་དམིགས་པའི་སྦྱོར་བ་ལ་ཡང་མེ་ལྕེ་ནང་ན་འདུག་པའི་ཡི་གེ་ཕྲེང་བ ་དང་བཅས་པའི་གསང་སྔགས་ཀྱི་སྒྲ་དང། མེ་ལ་སོགས་པ་སུམ་ཆར་དུས་གཅིག་ཏུ་དམིགས་པ་བསྟན་པ། ཡིད་ལ་ཞེ་ན་པར་སེམས་པ་ན། མི་ཡི་ནང་གནས་ཞི་བ་སྟེ། ཚིག་རྣམས་དག་པ་ཡན་ལག་ལྡན། ཞེས་བྱ་བ་གསུངས་ཏེ། མེའི་མཚན་ཉིད་དང། གསང་སྔགས་ཀྱི་ཡི་གེ་?? ་པའི་གསང་སྔགས་ཀྱི་ཡི་གེའི་ཕྲེང་བའི་སྒྲ་ལ་དུས་གཅིག་ཏུ་དམིགས་པ་ངེས་པའི་ཕྱིར་རོ། །འདིར་ནི་མི་འགྱུར་བའི་གཞི་སྔར་བཞག་ནས་ཕྱིས་སྒྲ་བསྒོམ་མོ་ཞེས་བྱ་བའི་ཕྱི་མའི་དུས་བསྟན་པའི་ཚིག་གིས་ནི་སྒྲ་བསྒོམས་པའི་ཚེ་གསང་སྔགས ་མི་འགྱུར་བའི་གཞི་ཡོངས་སུ་བཏང་བ་གསུངས་སོ། །དེ་བཞིན་དུ་གཞུང་གཞན་དག་ལས་ཀྱང་སྒྲའི་བསམ་གཏན་བྱེད་པ་འམ། རླུང་གི་རེག་པའི་བསམ་གཏན་བྱེད་པའི་ཚེ། གཟུགས་ལ་དམིགས་ན་སེམས་གཡེང་བར་འགྱུར་རོ་ཞེས་གསུངས་སོ། །སྒྲའི་བསམ་གཏན་ཉིད་རྣམ་པ ་གཞན་དུ་བྱ་བ་ཡང། མི་འགྱུར་བ་ལ་ཡི་གེ་བཞག་།སྒྲ་ཉིད་འབའ་ཞིག་བསམ་པར་བྱ། ཞེས་གསུངས་ཏེ། སྣང་བ་མེད་པར་རྣམ་པར་གཅིག་པར་གནས་པ་ན་རྒྱུན་དུ་འཇུག་ཀྱང་རང་བཞིན་མི་འགྱུར་བས་ན་མི་འགྱུར་བ་ཞེས་བྱ་སྟེ། བྱང་ཆུབ་ཀྱི་སེམས་ལ ་བྱའོ། །དེ་བས་ན་དེའི་མཚན་མར་གྱུར་པ་ཟླ་བའི་དཀྱིལ་འཁོར་ལ་ཡང་མི་འགྱུར་བ་ཞེས་བྱ་སྟེ། ཟླ་བའི་དཀྱིལ་འཁོར་མི་འགྱུར་བ་དེ་ལ་གསང་སྔགས་ཀྱི་ཡི་གེའི་འབྲུའི་རང་བཞིན་རྣམས་བཞག་སྟེ། བསྒོམས་ནས་སྒྲ་འབའ་ཞིག་བསམ་མོ། །ཞེས་བྱ་སྟེ་སྔ་མ ་བཞིན་དུ་སྒྲའི་དབྱངས་ཙམ་འབའ་ཞིག་བསམ་མོ་ཞེས་བྱ་བའི་ཐ་ཚིག་གོ་།འདིས་ཀྱང་སྔ་མའི་སྒྲེའི་བསམ་གཏན་གྱི་སྦྱོར་བ་ལས་བྱེ་བྲག་ཏུ་བསྟན་ཏོ། །དེ་ལྟར་ཅི་མངོན་ཞེ་ན་སྔ་མ་ནི་རང་གི་ལྷའི་སྐུ་དེ་སེམས་ངལ་བསོ་བའི་ཕྱིར་བསམ་གཏན་དུ་བྱས་ནས་ཕྱིས ་སྒྲའི་དབྱངས་འབའ་ཞིག་ལ་དམིགས་པ་གསུངས་སོ། །འདིར་ནི་ཡི་གེའི་འབྲུ་རྣམས་ཀྱི་རང་བཞིན་འབའ་ཞིག་སེམས་ངལ་བསོ་བའི་ཕྱིར་ཟླ་བའི་དཀྱིལ་འཁོར་བ་བསམ་ནས་ཕྱིས་སྒྲའི་བསམ་གཏན་བྱའོ། །ཞེས་དགོངས་སོ། །སྒྲའི་བསམ་གཏན་གྱི་སྦྱོར་བ་ཡང ་ཕྲེང་བའི་གསང་སྔགས་ཀྱི་ཡི་གེ་རེ་རེའི་ལུས་ཐམས་ཅད་ཀྱི་རླུང་སླར་སྡུད་པ་དང། ལྷན་ཅིག་ཏུ་ཡིད་ཀྱིས་རྣམ་པར་རྟག་ཅིང་བྱའོ། །ད་ནི་མེ་ལ་གནས་པ་ལ་སོགས་པ་སྒྲའི་བསམ་གཏན་གྱི་འབྲས་བུ་གང་ཡིན་པ་དེ་བསྟན་པ། སྒྲ་ལ་དམིགས་པའི་བསམ ་གཏན་ནི། འབའ་ཞིག་བྱས་པ་ཉིད་ཀྱིས་ཀྱང། དངོས་པོ་ཀུན་ནས་དམ་པའི་དཔལ། སྒྲུབ་པའི་སྐྱེས་བུས་ཐོབ་པར་འགྱུར། ཞེས་བྱ་བ་གསུངས་སོ། །དེ་ལ་འགའ་ཞིག་ཞེས་བྱ་བ་ནི་བཟླས་བརྗོད་ལ་མི་བལྟོས་པའི་བསམ་གཏན་འབའ་ཞིག་གིས་སོ། །སྒྲ་ལ་དམིགས་པ་ཞེས་བྱ་བ་ནི་གོང་དུ ་དམིགས་པའི་རིམ་པས་སྒྲ་རིག་ཅིང་སྒྲའི་རྗེས་སུ་སོང་བ་སྟེ། སྒྲ་ལ་དམིགས་པ་ཞེས་བྱ་བའི་ཐ་ཚིག་གོ་།སྒྲུབ་པའི་སྐྱེས་བུ་ཞེས་བྱ་བ་ནི་ཉེ་བར་བསྟན་པ་སྟེ། བུད་མེད་ཀྱིས་ཀྱང་འཐོབ་པའོ། །དངོས་པོ་ཀུན་གནས་དམ་པའི་དཔལ། ཞེས་བྱ་བ་ནི་ལྷའི་དང་ལྷའི་མ་ཡིན་པའི་སེམས་ཅན་ཐམས་ཅད ་ཀྱི་དངོས་པོ་ལ་གནས་པའི་དཔལ་ལོངས་སྤྱོད་ཐོབ་པ་སྟེ། ཇི་ལྟར་འདོད་པའི་དངོས་གྲུབ་སྒྲུབ་ནུས་པར་འགྱུར་བ་ལྷའི་དང་ལྷའི་མ་ཡིན་པའི་དཔལ་སྦྱོར་བ་ལས་འབྱུང་བ་དང། སྦྱོར་བ་མ་ཡིན་པ་ལས་བྱུང་བ་གསང་སྔགས་ཀྱི་རྣལ་འབྱོར་གྱི་མཐུས་ཐོབ་པར་འགྱུར་རོ། །ཞེས་དགོངས་པའོ ་དཔལ་དེ་ཡང་ཡིད་བཞིན་གྱི་ནོར་བུ་དང། བུམ་པ་བཟང་པོ་དང། དཔག་བསམ་གྱི་ཤིང་དང། རལ་གྲི་ལ་སོགས་པས་སྦྱོར་བའི་དངོས་གྲུབ་ལོངས་སྤྱོད་ཀྱི་མཚན་ཉིད་དང། དེ་བཞིན་དུ་ཕྲ་བ་དང། ཕྱེ་བ་ལ་སོགས་པ་དབང་ཕྱུག་གི་ཡོན་ཏན་བརྒྱད་པའི་མཚན་ཉིད་དོ། །དམ་པའི ་དཔལ་ཞེས་བྱ་བ་དམ་པའི་སྒྲའི་ཁྱད་པར་ནི་རྣལ་འབྱོར་གྱིས་མཐུས་ཐོབ་པའི་དཔལ་ཏེ། བསྟན་པ་དང་ཟིལ་གྱིས་མི་ནོན་པ་ཉིད་དང། ཉོན་མོངས་པའི་གདུང་བ་ལ་སོགས་པ་ཐུལ་བའི་ཡོན་ཏན་གྱི་ཚོགས་ལ་ལོངས་སྤྱོད་བྱེད་པར་བསྟན་པའི་ཕྱིར་རོ། །ད་ནི་སྒྲ་མཐར་ཐར་པ་སྟེ ་བ་ཉིད་ཅེས་གསུངས་པ་དེ་བརྟག་པར་བྱའོ། །དེ་ལ་གོང་དུ་སྨོས་པའི་སྒྲའི་མཛའ་ནི་སྒྲ་མེད་པ་སྟེ། གསང་སྔགས་ཀྱི་སྒྲ་ཙམ་ལ་གནས་པ་ཡོངས་སུ་བཏང་བ་ནི་སྒྲའི་མཛའ་ཨོ། །སྒྲའི་མཛའ་དེར་གསང་སྔགས་ཀྱི་ཆོས་ཀྱི་སྐུའི་རང་བཞིན་དུ་གནས་པ་རྣམ་པར་ཐར་བ་སྟེར་བར ་དྲན་པ་ནི་བསམ་པའོ། །འདི་སྐད་དུ་གསུངས་པར་འགྱུར་ཏེ། སྒྲའི་གནས་སྐབས་ཀྱི་ཡོངས་སུ་བཏང་བས་གཉིས་སུ་མེད་པའི་རྣམ་པར་བསྒོམས་ན། རང་གི་རྣམ་པར་རྟོག་པ་ལས་བྱུང་བའི་ཉོན་མོངས་པ་དང། ཤེས་བྱའི་སྒྲིབ་པ་ལ་སེམས་གྲོལ་བར་འཐོབ་བོ་ཞེས་བྱའོ། །ཆོས་ཀྱི་སྐུ་སྟོང ་པ་ཉིད་ཀྱི་མཚན་ཉིད་དེ་ཡོངས་སུ་དག་པ་དང། ཡོངས་སུ་མ་དག་པའི་སེམས་ཅན་སྤྱིའི་ཐུན་མོངས་ཡིན་མོད་ཀྱི་འོན་ཀྱང་གསང་སྔགས་ཀྱི་ངོ་བོའི་རང་བཞིན་དུ་གནས་པ་དེ་མངོན་དུ་གྱུར་པར་བྱའོ། །གང་གི་ཕྱིར་གསང་སྔགས་ཀྱི་སྤྱོད་པ་ལ་ཞུགས་པའི་རྣལ ་འབྱོར་པ་རྣམས་ཀྱིས་གསང་སྔགས་ཡན་ལག་དུ་གྱུར་པར་སྣང་བ་དང། སྒྲ་ཞེས་བྱ་བ་དང། ཡིད་ཀྱི་དང། ཚིག་རྣམ་པར་དག་པའི་གནས་སྐབས་ཡོངས་སུ་བཏང་བའི་རིམ་པས་ཆོས་ཀྱི་སྐུ་དེ་མངོན་དུ་གྱུར་བར་བྱའོ། །དེ་བས་ན་སྒྲའི་མཛའ་ཆོས་ཀྱི་དབྱིངས་ཀྱི་རང ་བཞིན་བསྒོམས་ན་ཐར་པ་སྟེར་ཏོ་ཞེས་གསུངས་སོ། །རྣམ་པ་འདི་ལྟ་བུའི་ཚིག་དཔྱད་པ་ལ་རྣམ་པ་དུ་མར་རྒོལ་བ་དང། ལན་ལྡོན་པའི་ཡུལ་ལ་བདག་ཅག་ལྟ་བུ་བློ་འཕྲོར་བཏུབ་མོད་ཀྱི་ཧ་ཅང་འཕྲོས་པས་ཅི་ཞིག་བྱས་བཏང་ལ་སྐབས་ཉིད་བརྟག་པར་བྱའོ།། ་གསང་སྔགས་ཀྱི་སྒྲའི་རྣམ་པ་ཡིད་ཀྱི་རྣམ་པར་རྟོག་པའི་རང་བཞིན་སྒྲའི་ངོ་བོ་ཉིད་ཀྱི་གནས་སྐབས་དེ་ཡང་རྣམ་པ་གསུམ་གྱིས་བཏང་བར་བྱ་བ་ནི་གནས་ཡོངས་སུ་བཏང་བ་དང། དེ་མངོན་པར་འབྱེད་པ་ཡོངས་སུ་བཏང་བ་དང། རང་བཞིན་ཡོངས་སུ་བཏང་བའོ། །དེ་ལ ་གནས་ནི་གཟུགས་ཀྱི་ཡན་ལག་གི་གནས་སྐབས་ཏེ། དེ་ལ་གནས་པ་གསང་སྔགས་ཀྱི་སྒྲ་ཙམ་ཉིད་ལ་རྣམ་པར་རྟོག་པའི་རང་བཞིན་ལ་འཇུག་པའི་ཕྱིར་རོ། །མངོན་པར་བྱེད་པ་ནི་ཡིད་ཀྱི་དང་ཤུབ་བུར་བཟླས་བརྗོད་བྱེད་པའི་སྒྲ་སྟེ། ཡིད་ཀྱི་རྣམ་པར ་རྟོགས་པའི་རང་བཞིན་ཚིག་ཏུ་གསལ་བར་མངོན་པར་སྟོན་པའི་ཕྱིར་རོ། །དེ་ལ་རང་བཞིན་ནི་གསང་སྔགས་ཀྱི་ཡི་གེའི་སྒྲར་རྣམ་པར་རྟོགས་པའི་ངོ་བོ་ཉིད་དེ། ཡིད་ཀྱི་དང་ཤུབ་བུར་བཟླས་བརྗོད་བྱེད་པའི་སྒྲ་ལས་གཞན་པའོ། །དེ་བས་ན་རྣམ་པ་གསུམ ་པོ་དེས་ཇི་སྐད་གསུངས་པའི་གསང་སྔགས་ཀྱི་རང་བཞིན་གྱི་གནས་སྐབས་ཡོངས་སུ་བཏང་བ་བསྟན་པའི་ཕྱིར་ལྟོས་བཅས་ཡན་ལག་གྱུར་པར་སྣང་ཞེས་བྱ་བ་ལ་སོགས་པ་གསུངས་སོ། །དེ་ལ་ལྟོས་བཅས་ཡན་ལག་གྱུར་པར་སྣང་ཞེས་བྱ་བ ་འདིས་ནི་གནས་ཡོངས་སུ་བཏང་བ་བསྟན་ཏོ། །སྒྲ་ཞེས་བྱ་བ་དང་ཡིད་ཀྱི་དང་ཞེས་བྱ་བ་ནི་གསལ་བར་མངོན་པར་བྱེད་པ་ཡོངས་སུ་བཏང་བ་བསྟན་པའོ། །ཚིག་རྣམ་པར་དག་པ་ཞེས་བྱ་བ་ནི་རང་བཞིན་ཡོངས་སུ་བཏང་བ་བསྟན་པ་སྟེ། དེ་ནི་བསྡུས་པའི་དོན་ཏོ། །ཡན་ལག་གི་དོན་ཏོ། ་ཡན་ལག་གི་དོན་བཤད་པར་བྱ་སྟེ། དེ་ལ་རིག་སྔགས་དབང་པོའི་ཡན་ལག་སྤངས་ཞེས་བྱ་བ་ནི་རིག་སྔགས་རྣམས་ཀྱི་དབང་པོ་བས་ན། རིག་སྔགས་ཀྱི་དབང་པོ་སྟེ། མཉེས་པར་བྱ་བའི་རང་བཞིན་ཡིན་པའི་ཕྱིར། །བསྒྲུབ་པར་བྱ་བའི་རིག་སྔགས་ལ་བྱའོ།། ་རིག་སྔགས་ཞེས་བྱ་བ་ནི་ཉེ་བར་བསྟན་པ་སྟེ། གསང་སྔགས་ལ་ཡང་བྱའོ། །རིག་སྔགས་ཀྱི་དབང་པོ་དེ་རང་འབྲེལ་བའི་ཡན་ལག་སྤང་བར་བྱ་བ་ནི་རིག་སྔགས་ཀྱི་དབང་པོའི་ཡན་ལག་སྤང་བར་བྱ་བ་སྟེ། སྤང་བ་ཡང་དེ་ཡིན་ལ་ཡན་ལག་ཀྱང་དེ་ཡིན་པས་ན་དེ ་སྐད་ཅེས་བྱའོ། །དེས་ནི་འདི་སྐད་གསུངས་ཏེ། རིག་སྔགས་ཀྱི་དབང་པོ་དང་འབྲེལ་བའི་ཡན་ལག་སྤང་བ་ནི་བཏང་བར་བྱ་བ་སྟེ། ཡན་ལག་ཅེས་བྱ་བའི་སྒྲ་ནི་འདིར་ཆ་ཤས་ཙམ་གྱིས་རྣམ་གྲངས་སོ། །ཡང་ན་ཡན་ལག་གི་ཚིག་གནས་སྐབས་ལ་ཡང་བྱ་སྟེ། ཇི་ལྟར ་བདག་ཅག་གི་དུས་འདི་འདྲའོ་ཞེའི། བདག་ཅག་གི་གནས་སྐབས་འདི་འདྲ་བའོ་ཞེས་བྱ་བ་ལྟ་བུའོ། །དེ་བས་ན་ཚིག་གི་དོན་འདི་ལྟར་འགྱུར་ཏེ། རིག་སྔགས་ཀྱི་དབང་པོའི་སྤང་པར་བྱ་བའི་གནས་སྐབས་སམ། ཆ་ཤས་ནི་རིག་སྔགས་ཀྱི་དབང་པོའི་ཡན་ལག ་སྤང་བར་བྱ་བ་སྟེ། རྒྱལ་བ་དེ་བཞིན་གཤེགས་པས་མཁྱེན་པ་ནི་རིག་པར་འགྱུར་པའོ། །རིག་སྔགས་ཀྱི་དབང་པོའི་ཡན་ལག་སྤང་བར་བྱ་དབང་ཅི་འདྲ་བ་ཞིག་རྒྱལ་བས་མཁྱེན་ཅེ་ན། བལྟོས་བཅས་ཡན་ལག་གྱུར་པར་སྣང། །སྒྲ་ཞེས་བྱ་དང་ཡིད་ཀྱི་དང། ཚིག ་རྣམས་དག་པ་ཞེས་བྱ་བ་གསུངས་ཏེ། དེ་ལ་བལྟོས་པ་དང་བཅས་པར་གྱུར་པས་ན་བལྟོས་པ་དང་བཅས་པ་སྟེ་སྔགས་པའོ། །བདག་གིས་དངོས་པོ་གང་ལ་ཡན་ལག་ལྷའི་སྐུ་ཡན་ལག་གི་མཚན་ཉིད་ཀྱི་རང་བཞིན་དུ་གྱུར་ཅིང་སྐྱེས་པ་དེ་ནི་ཡན་ལག། །ཏུ ་གྱུར་པའོ། །རིག་སྔགས་ཀྱི་དབང་པོའི་ཡན་ལག་སྤངས་པར་བྱ་བ་འམ། རིག་སྔགས་ཀྱི་དབང་པོའི་ཆ་ཤས་སམ། གནས་སྐབས་སྤང་བར་བྱ་བ་གང་ལ་ཡན་ལག་ཏུ་གྱུར་པ་ཅུང་ཟད་མི་གསལ་བར་སྣང་བ་ཡོད་པ་དེ་ནི ་ཡན་ལག་ཏུ་གྱུར་པར་སྣང་བ་སྟེ། དེ་བལྟོས་བཅས་པའི་ཡན་ལག་གྱུར་པ་སྣང་ཞེས་དེ་སྐད་གསུངས་སོ། །བལྟོས་བཅས་ཡན་ལག་གྱུར་པར་སྣང་བའི་རིག་སྔགས་ཀྱི་དབང་པོ་དང་འབྲེལ་པ་སྤང་བྱ་བའི་གནས་སྐབས་དེ། རྒྱལ་བ་དེ་བཞིན་གཤེགས ་པས་མཁྱེན་ཏོ། ཞེས་བྱ་བའི་ཐ་ཚིག་།སྔགས་པ་སྲོག་དང་རྩོལ་བ་དང་དཀའ་ཐུབ་དང། བསམ་གཏན་ལ་སོགས་པ་ལ་བལྟོས་པ་དང་བཅས་པའི་ཡན་ལག་དུ་གྱུར་པར་སྣང་བ་ཞེས་བྱ་བ་རིག་སྔགས་ཀྱི་རྣམ་པ་དག་ཏུ་གྱུར་པ་རྣམ་པར་ཤེས་པ་སྣང་བ་གང ་ཡིན་པ་དེ་བལྟོས་པ་དང་བཅས་པ་ཡན་ལག་ཏུ་གྱུར་པར་སྣང་བའོ། །དེ་ཡང་ཐར་པ་འདོད་པ་བསམ་གཏན་གྱི་ཚེ། རྣལ་འབྱོར་གྱི་མཐུས་ཆོས་ཀྱི་དབྱིངས་ཀྱི་རང་བཞིན་གྱི་ལྷའི་ཆ་ཤས་ལ་དམིགས་པའི་ཚུལ་གྱིས་སྤང་བར་བྱའོ། །བལྟོས་པ་དང་བཅས ་པ་མ་ཡིན་པའི་གཟུགས་ཀྱི་ཡན་ལག་གསང་སྔགས་ཀྱི་རྣམ་པར་སྨིན་པ་དེ་ནི་སྔགས་པ་ལ་མི་སྲིད་པས། ཡོངས་སུ་སྤང་བར་བྱ་བ་མི་རིགས་པའི་ཕྱིར་མ་སྨོས་སོ་སྒྲ་ཞེས་བྱ་བ་ལ་སྒྲ་ནི་གསང་སྔགས་ཤུབ་བུར་བཟླས་བརྗོད་བྱེད་པ་ལས་བྱུང་བའི་སྒྲ ་དེ་ལ་བྱ་སྟེ། རིག་སྔགས་ཀྱི་དབང་པོ་ཡན་ལག་སྤང་བར་བྱ་བ་རིག་སྔགས་ཀྱི་དབང་པོའི་སྤང་བར་བྱ་བའི་གནས་སྐབས་གང་ཡིན་པ་དེ་ནི་སྒྲ་ཞེས་བྱ་བའི་ཡན་ལག་ཤུབ་བུར་བཟླས་བརྗོད་བྱེད་པའི་གནས་སྐབས་ལ་བྱའོ་ཞེས་བྱ་བར་དགོངས་པའོ། །དེས་ནི་གསང ་སྔགས་ཤུབ་བུར་བཟླས་བརྗོད་བྱེད་པའི་རང་བཞིན་ཡང་གྲོལ་བར་འདོད་པས་ཆོས་ཀྱི་སྐུ་ལ་དམིགས་པས་སྤང་བར་བྱའོ་ཞེས་བཤད་པ་ཡིན་ནོ། །དེ་ནས་ཡང་ཡིད་ལས་བྱུང་བའི་གསང་སྔགས་ཀྱི་སྒྲའི་རང་བཞིན་གྱི་གནས་སྐབས་ཀྱང་ཆོས་ཀྱི་དབྱིངས་ལ ་དམིགས་པས་ཡོངས་སུ་སྤང་བར་བྱའོ་ཞེས་བསྟན་པ། ཡིད་ཀྱི་དང་ཞེས་གསུངས་སོ། །ཡིད་ལས་བྱུང་བས་ན་ཡིད་ཀྱི་སྟེ། རིག་སྔགས་ཀྱི་དབང་དང་ཡན་ལག་སྤང་བར་བྱ་ཞེས་བྱ་བར་སྦྱར་རོ། །དེ་ཡང་ཡིད་ཀྱི་བཟླས་བརྗོད་ལས་བྱུང་བའི་སྒྲའི་ངོ་བོ་ཉིད་མཉེས་པར་བྱ ་བའི་ལྷའི་གསང་སྔགས་འདོན་པའི་རང་བཞིན་གནས་སྐབས་དེ་ཡང་གྲོལ་བར་འདོད་པས་སྤང་པར་བྱའོ་ཞེས་བྱ་བའི་ཐ་ཚིག་གོ་།ཚིག་རྣམ་པར་དག་པ་ཞེས་བྱ་བ་ནི་རིག་སྔགས་ཀྱི་དབང་པོའི་ཡན་ལག་གང་ལ་ཚིག་རྣམ་པ་གཉིས་མེད་པར་གྱུར་ཅིང་རྣམ་པར ་དག་པ་དེ་ནི་ཚིག་རྣམ་པར་དག་པའོ། །ཚིག་རྣམ་པར་དག་པ། རིག་སྔགས་ཀྱི་དབང་པོའི་ཡན་ལག་སྤང་བར་བྱ་བ་རྒྱལ་བས་མཁྱེན་ཅེས་བྱ་བ་ནི་ཡིད་ཀྱི་རྣམ་པར་རྟོག་པའི་རང་བཞིན་ཡིད་ཀྱི་དང། ཤུབ་བུར་བཟླས་བརྗོད་བྱེད་པའི་ངོ་བོ་ཉིད་དང་བྲལ་བ་རིག་སྔགས་ཀྱི ་དབང་པོའི་གནས་སྐབས་གང་ཡིན་པ་དེ་ཡང་གྲོལ་བར་འདོད་པས་ཆོས་ཀྱི་སྐུ་ལ་དམིགས་པས་སྤང་བར་བྱ་ཞེས་དེ་སྐད་བསྟན་པར་འགྱུར་རོ། ཡང་ན་ཚིགས་སུ་བཅས་པ་དེ་ཉིད་ཀྱི་དོན་འདི་ལྟར་བཤད་པར་བྱ་སྟེ། བལྟོས་པ་དང་བཅས་པ་དང། ཡན་ལག་ཏུ་གྱུར ་པར་སྣང་བ་དང་སྒྲ་ཞེས་བྱ་བ་དང། ཡིད་ཀྱི་དང་ཚིག་རྣམ་པར་དག་པའི་ཡན་ལག་དག་ཀྱེ་རིག་སྔགས་ཀྱི་དབང་པོ་སྤང་བར་བྱས་ནས། རིག་པ་མཁས་པ་གསང་སྔགས་ཀྱི་དོན་རྣམ་པར་བྱེ་བ་ལ་མཁས་པའི་དེ་བཞིན་གཤེགས་པར་འགྱུར་རོ། །ཞེས་བྱ་བའི་ཐ་ཚིག ་གོ་།དེ་ལ་གྲོལ་པར་འདོད་པས་རགས་རིམ་གྱི་སྤང་བའི་རིམ་པ་ནི་འདི་ལྟ་སྟེ། སླར་སྡུད་པ་དང། དཀའ་ཐུབ་དང། བསམ་གཏན་དང། སྲོག་དང་རྩོལ་བ་ལ་སོགས་པ་བྱས་ནས། རང་གི་ལྷའི་གཟུགས་བརྙན་ལ་དམིགས་པས་རབ་ཏུ་སྤོམ་པའི་ཏིང་ངེ་འཛིན་བརྟན ་པར་བྱས་ལ། ཤུབ་བུར་བཟླས་བརྗོད་བྱེད་པའི་གསང་སྔགས་ཀྱི་སྒྲ་ལ་དམིགས་པའི་ཏིང་ངེ་འཛིན་རབ་ཏུ་རགས་པ་ལ་དམིགས་པ་ཡོངས་སུ་སྤངས་ནས་རགས་པའི་ཏིང་ངེ་འཛིན་བརྟན་པར་བྱའོ། །རགས་པ་ལ་དམིགས་པ་དེ་ཡང་ཕྲ་བ་ཡིད་ཀྱི་སྒྲའི་ཏིང་ངེ་འཛིན ་གྱི་ཡོངས་སུ་སྤང་ངོ། །དེ་ཡང་རབ་ཏུ་སྤངས་ནས་རབ་ཏུ་ཕྲ་བ་གསང་སྔགས་ཀྱི་རྣམ་པར་རྟོག་པའི་ཏིང་ངེ་འཛིན་ལ་གནས་སོ། །དེ་ཡང་ཡོངས་སུ་སྤངས་ཏེ། གྲོལ་བར་འདོད་པས་ཆོས་ཀྱི་སྐུ་ལ་དམིགས་པའི་ཏིང་ངེ་འཛིན་ནན་ཏན་དུ་བྱའོ། །བལྟོས ་པ་བཅས་པའི་སྔགས་དང་ཡན་ལག་དུ་གྱུར་པར་སྣང་བའི་གནས་སྐབས་གང་ཡིན་པ་དེ་ཡོངས་སུ་སྤང་ངོ་ཞེས་ནི་གསུངས་ན། ཇི་ལྟར་དེ་ལྟོས་པ་དང་བཅས་པ་མ་གསུངས་པས་དེ་བསྟན་པ། སླར་སྡུད་ཅེས་བྱ་བ་ལ་སོགས་པའོ། །དེ་ལ་སླར་སྡུད་པ་དང། དཀའ་ ་ཐུབ་དང་བསམ་གཏན་དང། སྲོག་དང་རྩོལ་བ་དང། ཆོ་ག་སྟེ། དེ་དག་ནི། སླར་སྡུད་དཀའ་ཐུབ་བསམ་གཏན་དང། །སྲོག་དང་རྩོལ་བའི་ཆོ་ག་རྣམས་ཏེ། དེ་དག་གི་བྱ་བ་ནི་བྱེད་པ་སྟེ། ནན་ཏན་ལ་ཡང་དེ་སྐད་ཅེས་བྱའོ། །དེ་བས་ན་ཇི་ཙམ་དུ་སྔགས་པ་ལ་སླར་སྡུད་པ་ལ་སོགས ་པའི་རྣམ་པར་ཤེས་པ་སྣ་ཚོགས་སུ་འབྱུང་བ་དེ་ཙམ་དུ་ལྟོས་པ་དང་བཅས་པ་ཞེས་བྱ་སྟེ། དེ་ནི་སྡུས་པའི་དོན་ཏོ། །སླར་སྡུད་པ་ལ་སོགས་པ་ལ་ལྟོས་པས་ན་བལྟོས་པ་དང་བཅས་པ་ཞེས་བྱའོ། །དེ་ལ་སླར་སྡུད་པ་དང་སྲོག་དང་རྩོལ་བ་ནི། སླར་སྡུད་པས་ནི་བཀུག་ནས་ནི་སྲོག ་དང་རྩོལ་བ་བསྡམས་པའི་ཡིད། ཅེས་བྱ་བའི་སྐབས་དེར་བཤད་ཟིན་ཏོ། །བསམ་གཏན་གྱི་སྒྲ་ཡང་བསམ་གཏན་ཞེས་བྱ་མཆོག་ཏུ་གསང་ཞེས་བྱ་བའི་ཚིགས་སུ་བཅད་པས་བཤད་ཟིན་ཏོ། །དེ་བས་ན་གང་མ་བཤད་པ་དེ་དག་བཤད་པར་བྱའོ། །དེ་ལ་དཀའ་ཐུབ ་ཀྱི་བྱ་བ་བཤད་པར་བྱ་བ་སྟེ་འདིས་གདུངས་ཤིང་བསྡམས་པས་ན་དཀའ་ཐུབ་སྟེ། འདོད་ཆགས་དང། ཞེ་སྡང་དང། རྒྱགས་པ་དང། རྒྱུ་ལ་སོགས་པ་ཉོན་མོངས་པའི་གཉེན་པོར་གྱུར་པ་ལུས་དང་ངག་དང་ཡིད་ཀྱིས་ལེགས་པར་སྤྱོད་པ་ལ་ནན་ཏན་བྱེད་པའི ་ངོ་བོ་དགེ་བ་བཅུའི་ལས་ཀྱི་ལམ་གྱི་རང་བཞིན་ཅན་གྱི་ཡིད་དོ། །གཞན་ཡང་གསང་སྔགས་ཀྱི་ཚུལ་ལ་སོགས་པ་ལ་སོགས་པ་ལས་བཅས་པ་དམ་ཚིག་དང། འདུལ་བ་དང། དཔྱོད་པ་དང། ནན་ཏན་གྱི་མཚན་ཉིད་དེ། དེ་བས་ན་འདོད་ཆགས ་ལ་སོགས་པའི་གཉེན་པོ་དཀའ་ཐུབ་ཅེས་བྱ་བ་དེ་ནན་ཏན་དུ་བྱས་ན། ལུས་དང་ལ་སོགས་པ་བསྡམས་པས་གནོད་པར་འགྱུར་བའི་ཕྱིར། དེའི་གཉེན་པོ་ནན་ཏན་དུ་བྱེད་པ་གནོད་པའི་བདག་ཉིད་ཅན་ལ་དཀའ་ཐུབ་ཅེས་བྱ་བའི་ཚིག་ཏུ་བཤད་དོ། །ཞེས་དགོངས་སོ། །ཆོ་ག ་བྱ་བ་ཞེས་བྱ་བ་ནི་ཆོ་གར་བྱ་བ་སྣ་ཚོགས་རྣམས་ཏེ། དཀྱིལ་འཁོར་བསྟན་པ་དང། དབང་བསྐུར་བ་དང། མེ་ཏོག་ལ་སོགས་པའི་ཡོ་བྱད་ཀྱི་མཆོད་པ་དང། སྦྱིན་སྲེག་ལ་སོགས་པ་གསང་སྔགས་མཉེས་པར་བྱེད་པའི་རྒྱུ་རྣམས་ཏེ། དེ་དག་གི་བྱ་བ་ནི་ནན་ཏན་དུ ་བྱ་བ་སྟེ། ཆོ་གའི་བྱ་བའོ། །རྣམ་པར་ཤེས་པ་སྣ་ཚོགས་ཞེས་བྱ་བ་ནི་བདག་གི་དེ་ཁོ་ན་ཉིད་རབ་ཏུ་ཤེས་པར་བྱེད་པའི་ཚེ། ཕུང་པོ་ལྔའི་རང་དང་སྤྱིའི་མཚན་ཉིད་ངེས་པར་རྟོགས་པའི་རྣམ་པ་སྣ་ཚོགས་ཀྱི་རྣམ་པར་སྣང་བ་ནི་རྣམ་པར་ཤེས་པ་སྣ་ཚོགས་ཏེ། སྣ་ཚོགས ་ནི་རྣམ་པ་ཐ་དད་པའི་རང་བཞིན་ཞེས་བྱ་བའི་དོན་ཏོ། །དེས་ནི་དཀའ་ཐུབ་དང་ལྡན་པས་དཀྱིལ་འཁོར་གྱི་ལས་བྱ་སྟེ། ལྷ་མཆོད་པ་ལ་སོགས་པ་ལེགས་པར་བྱས་ནས་སླར་སྡུད་པ་བྱ་སྟེ། བདག་གི་དེ་ཁོ་ན་ཉིད་རྟག་པ། རྫོགས་པར་བྱས་པས་རྣམ་པར་ཤེས་པ་སྣ་ཚོགས་པ ་སྤངས་ལ་སྲོག་རྩོལ་བ་མངོན་དུ་བྱས་ནས་ལྷའི་རྣལ་འབྱོར་གྱི་མཚན་ཉིད་ཡན་ལག་ཏུ་གྱུར་པར་སྣང་བའི་རྣམ་པར་ཤེས་པར་ནན་ཏན་བྱའོ། །ཞེས་པ་བསྟན་པ་སྟེ། དེ་ཡང་མཇུག་བསྡུ་བའི་སྒོ་ནས་བསྟན་པ། དཀའ་ཐུབ་ཆེན་པོ་དང་ལྡན་པར་ཞེས་བྱ་བ་ལ་སོགས་པའོ། །དེ ་ལ་དཀའ་ཐུབ་ཆེན་པོ་དང་ལྡན་པར་བྱས་ལ་ཡན་ལག་སྣང་བ་ནན་ཏན་བྱའོ། །ཞེས་པ་དང་སྦྱར་རོ། །དེ་ལ་དཀའ་ཐུབ་ཀྱི་མཚན་ཉིད་ནི་གོང་དུ་བཤད་པའོ། །དེའི་ཚེ་ཆེ་བ་ཡང་ལེགས་པར་བྱས་པ་དང། རྟག་ཏུ་བྱས་པ་དང། མ་ཉམས་པ་དང། མ་འདྲེས་པར་སྒྲུབ་པའི་སྒོ་ནས ་མཐོང་བ་དེ་ཆོས་ལ་འབྲས་བུ་ཐོབ་པར་བྱད་ནུས་པའོ། །ཆོས་བསྐྱེད་ཅེས་བྱ་བ་ནི་རང་གི་མཚན་ཉིད་ཕྱིན་ཅི་མ་ལོག་པར་འཛིན་པའི་ཕྱིར། བདག་གི་དེ་ཁོ་ན་ཉིད་ཀྱི་རང་བཞིན་ལ་འདིར་ཆོས་ཞེས་བྱ་བའི་ཚིག་ཏུ་འདོད་དོ། །དེ་བསྐྱེད་པ་ནི་རྣམ་པ་མེད་པར་མོས་པ་བསྐྱེད་པའོ། ་བརྟུལ་ཞུགས་མཆོག་ཅེས་བྱ་བ་ནི་རིག་སྔགས་ཀྱི་བརྟུལ་ཞུགས་ལ་སོགས་པ་ལ་མ་འདྲེས་པའི་ཚུལ་དུ་གནས་ཞེས་བྱ་བའི་དོན་ཏོ། །བལྟོས་བཅས་ཞེས་བྱ་བ་ནི་སླར་སྡུད་པ་དང། བསམ་གཏན་དང། སྲོག་དང་རྩོལ་བ་ལ་བལྟོས་པ་དང ་ལྡན་པའོ། །ཡུལ་ལས་གྲོལ་ཞེས་བྱ་བ་ནི་ཕྱི་རོལ་གྱི་གཟུགས་ལ་སོགས་པའི་རྣམ་པའི་མཚན་ཉིད་ཀྱི་ཡུལ་ལས་གྲོལ་བའོ། །ཡན་ལག་སྣང་བ་བསམ་གཏན་བྱ་ཞེས་བྱ་བ། ཡན་ལག་ནི་ལྷའི་ཡན་ལག་གོ་།དེ་དག་ཅུང་ཟད་ཙམ་སྣང་བ་ནི། སྣང་བ་སྟེ། རྣམ་པར་སྨན་པའི ་གཟུགས་མ་ཡིན་པའི་ཕྱིར། བསམ་གཏན་དང་ཏིང་ངེ་འཛིན་གྱི་བྱེ་བྲག་ལས་རེ་ཞིག་མི་གསལ་བར་སྣང་བ་ནི་ཡན་ལག་སྣང་ཞེས་བྱ་བའི་ཐ་ཚིག་གོ་།ཡན་ལག་སྣང་བ་དེ་ཡང་མངོན་དུ་བྱས་ནས་ཆོས་ཀྱི་དབྱིངས་ཀྱི་མཚན་ཉིད་ཀྱི་ལྷའི་རང་བཞིན་ཇི་ལྟར་མངོན་དུ་བྱ་བ ་དེ་བསྟན་པ། དེར་ཡང་བརྟུལ་ཞུགས་བྱས་ནས་ནི་ཞེས་བྱ་བ་ལ་སོགས་པའོ། །དེར་ཡང་ཞེས་བྱ་བ་ནི་ཡན་ལག་གོམས་པར་བྱའོ། །བརྟུལ་ཞུགས་བྱས་ནས་ཞེས་བྱ་བ་ནི་ཡི་དམ་བྱ་སྟེ། བདག་ཉིད་ལྷའི་རང་བཞིན་དུ་སེམས་ཀྱིས་བྱས་ནས་ཞེས་བྱ་བའི་ཐ ་ཚིག་གོ་།ཡན་ལག་གོམས་པར་ཞེས་བྱ་བའི་བརྟུལ་ཞུགས་དེ་ཇི་ལྟ་བུ་ཞིག་ཅེ་ན། དོགས་པ་ཞེས་བྱ་བ་གསུངས་ཏེ། གསལ་བར་མི་སྣང་ཞེས་བྱ་བའི་དོན་ཏོ། །དེས་འདི་ལྟར་དགོངས་སོ། །ཏིང་ངེ་འཛིན་མ་ཐོབ་པ་སླར་སྡུད་པ་ལ་སོགས་པ་ལ་བལྟོས་པ་བཅས ་པར་བསམ་གཏན་བྱེད་པ་ན། རེ་ཞིག་བདག་ལྷའི་གཟུགས་བརྙན་གྱི་རྣམ་པ་གང་ཡིན་པར་བདག་གྱུར་པར་སྣང་བ་དེ་མི་གསལ་བའི་རང་བཞིན་ཉིད་དེ། རྣམ་པར་རྟོག་པ་དང་བཅས་པའི་བསམ་གཏན་གྱི་སྤྱོད་ཡུལ་ལས་བྱུང་བའི་ཕྱིར་རོ། །དེ་བས་ན་རྣམ ་རྟོག་རྗེས་སུ་སོང་བ་ནི། །དོན་གསལ་བར་ནི་མི་སྣང་ངོ། །ཞེས་བཤད་དོ། །དེ་ལྟ་བུའི་བརྟུལ་ཞུགས་མངོན་དུ་བྱས་ཅི་ཞིག་བྱ་ཞེ་ན། འཇིག་རྟེན་སྨད་པའི་ཞེས་གསུངས་ཏེ། བསམ་གཏན་གཅིག་པོ་སྤྱད་ཅེས་བྱ་བ་དང་འབྲེལ་ཏོ། །བསམ་གཏན་དངོས་པོ ་སེམས་པ་གང་ལ་འཇིག་རྟེན་སྨོད་པ་ཡོད་པ་དེ་ནི་འཇིག་རྟེན་སྨད་པའི་བསམ་གཏན་ནོ། །དེས་ཇི་སྐད་བསྟན་པ་ཡིན་ཏེ། བདག་ལྷའི་རྣམ་པར་སྣང་བར་གྱུར་པ་སྒྲ་ཞེས་བྱ་བ་ལ་སོགས་པའི་བཟླས་བརྗོད་དང་བཅས་པ་ཡིད་ལ་མི་བྱེད་པས་ཡོངས་སུ་སྤངས་ནས་སེམས ་ཅན་དང་གནོད་ཀྱི་འཇིག་རྟེན་མ་སྐྱེས་པའི་རྣམ་པར་སྤྱོད་པ་སྨོད་པའི་རང་བཞིན་གྱི་བསམ་གཏན་སེམས་པ་ཉོན་མོངས་པ་དང། ཤེས་བྱའི་སྒྲིབ་པ་ལས་རྣམ་པར་གྲོལ་བའི་ཕྱིར་བྱའོ། །ཞེས་པའོ། བསམ་གཏན་པ་ཇི་ལྟ་བུ་ཞིག་ཅེ་ན། བློ་གྲོས་ཞི་བ་བསྟན་པ་ཞེས་གསུངས་སོ། ་དེ་ལ་ཡུལ་མ་ཆགས་པས་ན་བློ་གྲོས་ཞི་བའོ། །བཀྲེས་པ་དང། སྐོམ་པ་ལ་སོགས་པའི་ཉོན་མོངས་པ་ལ་ཇི་མི་སྙམ་པ་ནི་བརྟན་པའོ། །འཇིག་རྟེན་སྨོས་པའི་བསམ་གཏན་གཅིག་བུ་སྨོས་པ་འབའ་ཞིག་བསྟན་པའི་དོན་ཏེ། འཇིག་རྟེན་སྨོས་པ་ཉིད་ཀྱི་བསམ་གཏན ་འབའ་ཞིག་སྤྱད་ཀྱི། བར་བར་དུ་སྒྲའི་བསམ་གཏན་ལ་སོགས་པ་མི་སྤྱད་དོ། །ཞེས་པའོ། །ད་ནི་འདི་སྤྱད་དེ་བདག་གི་དེ་ཁོ་ན་ཉིད་བརྟག་པ་སྔར་བྱས་ནས་བསམ་གཏན་པས་ཡན་ལག་བསྒོམ་པའི་ནན་ཏན་བྱའོ། །བདག་གི་དེ་ཁོ་ན་ཉིད་བརྟག་པ་ཡང་འདུས་བྱས་པའི ་དངོས་པོ་ཐམས་ཅད་སུན་འབྱིན་པའི་རྣམ་པའོ། །དེ་བས་ན་ཆོས་ཐམས་ཅད་གཟོད་མ་ནས་མ་སྐྱེས་པ་སྒྱུ་མ་དང་སྨིག་རྒྱུ་བ་དང་མཚུངས་པར་མོས་པར་བྱས་ན་གལ་ཏེ་གཙོང་སྦྲ་ལ་སོགས་པ་ཡང་མི་བྱེད་པར་འགྱུར་སྲིད་དེ། དེ་དགག་པའི་ཕྱིར། ཁུ་བ་བཤང་གཅི་ཞེས ་བྱ་བ་ལ་སོགས་པ་གསུངས་སོ། །དེས་ནི་འདི་བསྟན་ཏེ། བདག་གི་དེ་ཁོ་ན་ཉིད་སྔར་བྱས་ནས། ལྷའི་རྣལ་འབྱོར་ལ་གནས་ཀྱང་འཇིག་རྟེན་གྱི་ཀུན་རྫོབ་ཀྱི་རྗེས་སུ་འཇུག་པའི་མཚན་ཉིད་གཙང་སྦྲ་བྱ་ཞིང་མི་དགེ་བའི་འབྲས་བུར་འགྱུར་བ་སེམས་ཅན་ལ་གནོད་པ ་སྤང་བར་བྱའོ། །ཞེས་པའོ། །དེ་ལ་ཁུ་བ་ཞེས་བྱ་བ་ནི་ཁུ་ཆུ་འབྱུང་བའོ། །བཤང་གཅི་འབྱུང་བ་ལ་སོགས་པ་དང། འཕགས་པ་ནི་ཁར་ཟོས་པ་ལ་སོགས་པའོ། །རྒྱུ་བ་ནི་ཕྱེན་ནོ། །དོགས་པ་ཞེས་བྱ་བ་ནི་རང་གི་ལུས་ལྷར་སྣང་བར་གནས་པས་ཀྱང་ཞེས་བྱ་བའི་ཐ ་ཚིག་གོ་།ཡང་ཞེས་བྱ་བའི་ཚིག་གིས་དོགས་པ་མེད་ཅིང་ལྷའི་བྱེ་བྲག་ཏུ་བསྒོམ་པ་མ་བྱས་པ་འབའ་ཞིག་གི་བྱ་བ་མ་ཡིན་གྱི་དོགས་པ་ཅན་ལྷའི་རྣམ་པར་གནས་པའི་ཟློས་པ་པོས་ཀྱང་བྱ་བར་བསྟན་པའོ། །བཤང་གཅི་ལ་སོགས་པ་འགྲོ ་བེ་མེད་པ་འཇིག་རྟེན་མི་འཕྱ་བའི་ཕྱོགས་སུ་དྲི་དང་ཆགས་པ་མེད་པའི་མཚན་ཉིད་གཙང་སྦྲ་བྱ་སྟེ། གཙང་སྦྲ་མེད་པ་ནི་བྱ་བའི་རྒྱུད་ཀྱི་ཚུལ་དང་འགལ་བའི་ཕྱི་རོལ་ཞེས་བྱ་བའི་ཐ་ཚིག་གོ་།ཆོས་ཀྱིས་ཀྱང་དེ་ལྟ་ཡིན་ཏེ། གང་གཙང་སྦྲ་ལ་སོགས་པ་ལ ་བལྟོས་པས་གསང་སྔགས་བཟླས་བརྗོད་བྱས་ན་འབྲས་བུ་འཕྲལ་དུ་ཐོབ་པར་འགྱུར་རོ། །རྣལ་འབྱོར་གྱི་རྒྱུད་ཀྱི་ཚུལ་ལ་ཡང་ཇི་ལྟར་བྱ་སྙམ་ན་ཡང་དེར་ཡང་ཕྱི་རོལ་ཆེ་ཆུང་ལ་སོགས་པ་བྱས་ནས་མི་གཙང་བཞིན་དུ་གསང་སྔགས་བཟླས་བརྗོད་བྱའོ།། ་ཞེས་ན་མི་གསུངས་སོ། །འཕགས་ཀྱང་རུང་མ་འཕགས་ཀྱང་རུང། གཙང་ཡང་རུང་མ་གཙང་རུང་ཞེས་བྱ་བ་ལ་སོགས་པ་གང་གསུངས་པ་དེ་དག་ཀྱང་གཙང་སྦྲ་ལ་མངོན་པར་ཞེན་པ་ཡོངས་སུ་སྤང་པའི་ཕྱིར་རམ། རྣལ་འབྱོར་ལ་གཅིག་ཁོ་ནར་འབར་བའི་གང ་ཟག་ལ་དགོངས་པ་སྟེ། གང་གི་ཕྱིར་ཞེ་ན། འདི་ནི་ཕྱི་རོལ་གྱི་བྱ་བ་ཐམས་ཅད་ལ་མི་བལྟོས་པ་ཉིད་དུ་རྣལ་འབྱོར་གོམས་ཤིང་སེམས་བརྟན་པར་སྣང་བའི་མཚན་ཉིད་ཀྱི་དངོས་གྲུབ་ཐོབ་པར་བྱ་བའི་ཕྱིར་ཞུགས་པ་ཡིན་པས་དེ་ལ་ཕྱི་རོལ་གྱི ་གཙང་སྦྲ་བསྟན་པའི་ཆོ་ག་འདི་ཅི་ཞིག་བྱ། གང་ཡང་རལ་གྲི་ལ་སོགས་པའི་དངོས་གྲུབ་ཕྱི་རོལ་གྱི་མཚན་མ་ལ་བལྟོས་པ་དང་བཅས་པ་དེ་བསྒྲུབ་པའི་ཕྱིར། །འཕགས་པ་དེ་ཁོ་ན་ཉིད་བསྡུས་པ་ལ་སོགས་པ། རྣལ་འབྱོར་གྱི་རྒྱུད་ཀྱི་དགོངས་པ་འགྲེལ ་པ་རྡོ་རྗེ་རྩེ་མོ་ལ་སོགས་པ་ལས་དུས་གསུམ་དུ་ཁྲུས་བྱ་བ་ལ་སོགས་པ་ཡང་དེའི་ཕྱིར་གསུངས་ཏེ། རྒྱ་ཆེར་འཕྲོས་པ་འདིས་ནི་ཅི་ཞིག་བྱས་བཏང་ངོ། །ཡོད་ཡེ་འདི་ནི་བྱ་བའི་རྒྱུད་ཡིན་པས་ན་རྣལ་འབྱོར་བསྒོམ་པ་བྱ་བས་ཀྱང་གཙང་སྦྲ་བྱས ་ཡོངས་སུ་མི་བཏང་བར་བྱའོ། །ཞེས་བཀའ་སྩལ་ཏོ། །དབེན་པར་གཙང་སྦྲ་བརྩམ་པར་བྱ་ཞེས་བྱ་བ་ལ་སྟོང་པ་ཉིད་སྒོམ་མོ་ཞེས་བྱ་བ་གང་དག་བཅད་པ་དེའི་ལན་དུ་བྱ་བ་ནི། གལ་ཏེ་དོན་འདི་ལྟ་བུར་དགོངས་པ་ཞིག་ཡིན། །སྟོང་པ་ཉིད་བསྒོམ་མོ་ཞེས་གསུངས ་པར་གྱུར་མོད་ཀྱི། དབེན་པར་གཙང་སྦྲ་བྱ་བའི་དགོངས་པ་ཅི་ཞིག་བྱ། རབ་ཏུ་སྟོང་པར་སྨྲ་བ་དག་བཤང་གཅི་བྱས་པའི་མི་གཙང་བས་ལུས་དང་གོས་ལ་རེག་པའི་བྲིང་བས་འཇིགས་ནས་སྒོར་འཇུག་ཏུ་ཡང་མི་སྟེར་རོ། །ཟས་བསླང་དུ་ཡང་མི་ཐོབ་པས་བཀྲེས ་པའི་སྡུག་བསྔལ་བས་ལུས་དང་ཡིད་ཉོན་མོངས་ཏེ། དུས་མ་ཡིན་པ་ཉིད་དུ་ཐམས་ཅད་སྟོང་པར་འགྱུར་བའི་མཚན་ཉིད་འཆི་བར་འགྱུར་ཏ་རེ། མི་འདོད་པའི་ལས་སྤངས་པའི་མན་ངག་ཀྱང། སྲད་དང་ཁྲོན་པ་ལུ་མ་དང་ཞེས་བྱ་བ་ལ་སོགས་པ་གསུངས་སོ། །དེ ་ལ་སྲད་ལ་སོགས་པར་སེམས་ཅན་ལ་གནོད་པར་ཀུན་ཏུ་མི་སྤྱད་ཅེས་བྱ་བ་དང་འབྲེལ་ཏོ། །དེ་ལ་སེམས་ཅན་ནི་སྲོག་ཆགས་སོ། །དེ་དག་ལ་ཚེ་བ་ནི་གནོད་པ་སྟེ། དེ་ཀུན་ཏུ་མི་སྤྱད་པ་ནི་མི་བྱ་བའོ། །དེ་དག་གང་གིས་མི་སྤྱད་ཅེ་ན། ལུས་ངག་ཡིད་ཀྱི་ཅེས་བྱ་བ་གསུངས་སོ། །དེ་ལ ་ལུས་ཀྱིས་སྲོག་གཅོད་པ་དང། མ་བྱིན་པར་ལེན་པ་དང། འདོད་པས་ལོག་པར་སྤྱོད་པ་དང་མི་ཚངས་པར་སྤྱོད་པ་སྤོང་བའི་མཚན་ཉིད་སེམས་ཅན་ལ་གནོད་པ་ཡོངས་སུ་སྤང་བའོ། །དེ་བཞིན་དུ་ངག་གི་ལས་ཀྱང་བརྫུན་དུ་སྨྲ་བ་དང། ཚིག་འཁྱལ་པ་ལ་སོགས་པ་ཡོངས་སུ་སྤང ་བའི་མཚན་ཉིད་དོ། །ཡིད་ཀྱི་ནི་ཚིགས?་སེམས་ལ་སོགས་པ་སྤང་བའི་ངོ་བོ་ཉིད་དོ། །འོ་ན་ལུས་དང་ངག་གི་ལས་ཀྱི་ལམ་རྗེས་སུ་ཞུགས་པ་ནི་སེམས་ཅན་རྣམས་ལ་གནོད་པར་སྲིད་ན་ཆགས་སེམས་དང། གནོད་པར་སེམས་པ་དང། ལོག་པར་ལྟ་བའི་མཚན་ཉིད་ནི་ཡིད ་ཀྱི་ལས་གྱི་ལམ་གྱི་རྗེས་སུ་འཇུག་པ་སྟེ། བདག་ལ་མི་འདོད་པ་ལ་སོགས་པའི་ལས་ལ་སོགས་པར་གྱུར་དུ་ཟིན་ཀྱང་ཡིད་ཀྱིས་སེམས་ལ་གནོད་པ་ཀུན་ཏུ་མི་སྤྱོད་དོ། །ཞེས་དགག་པ་སེམས་ཅན་ལ་གཙང་ལ་རྒནོད་པར་གོ་ཇི་ལྟར་འགྱུར། དེ་ལ་ཉེས་པ ་མེད་དེ། གང་གི་ཕྱིར་ཞེ་ན། བདག་ཀྱང་སེམས་ཅན་གྱི་ནང་དུ་གཏོགས་ཏེ། དེ་བས་ན་བདག་ལ་ཡང་གང་མི་འདོད་པའི་འབྲས་བུ་ཚེ་ཕྱི་མ་ལ་སོགས་པར་འགྱུར་བ་དེ་ཡང་ཉེས་པར་འགྱུར་བ་ཉིད་པས་དགག་པར་དགོངས་པའི ་ཕྱིར་རོ། །ཡང་ན་ལུས་དང་ངག་གི་ལས་བསྐྱེད་པའི་རྒྱུ་སེམས་པ་བཀག་པས་ཉེས་པ་མེད་དོ། །སྤང་ངོ་ཞེས་བྱ་བ་ནི་བསླབ་པ་སླང་བས་སེམས་ཅན་ལ་གནོད་པ་ཡོངས་སུ་སྤངས་ཏེ། མི་བྱའོ་ཞེས་པའོ། །དེས་འདི་སྟོན་ཏེ་སྡོམ་པ་གཟུང་བ་སྔར་བྱས་ནས། གང ་ལས་ཀྱི་ལམ་གྱི་རྗེས་སུ་འཇུག་པར་བྱེད་པ་དེ་སེམས་རབ་ཏུ་རྟས་པས་ལྷུན་གྱིས་གྲུབ་པར་ཡང་མངོན་དུ་འགྱུར་རོ། །ད་ནི་བསམ་གཏན་དང་བཟླས་བརྗོད་དང་སྒྲུབ་པ་ལ་སོགས་པའི་རྒྱུའི་ལྷའི་རྣལ་འབྱོར་གྱི་མཚན་ཉིད་བརྟུལ་ཞུགས་གང་གསུངས་པ། ་བརྟུལ་ཞུགས་དེ་མངོན་དུ་བྱ་བའི་གནས་དང་དུས་ངེས་པར་བྱ་བའི་ཕྱིར། བསམ་གཏན་དང་ནི་བཟླས་པ་དང། གསང་སྔགས་བསྒྲུབ་པར་བྱ་བ་དང། སྦྱིན་སྲེག་ལས་དེ་དབང་བསྐུར་དང། ཡུལ་གྱི་བྱ་བ་རྣམས་ལ་ཡང། བརྟུལ་ཞུགས་གསུངས་པ ་གང་ཡིན་པ། ཞེས་བྱ་བ་གསུངས་ཏེ། དེ་ལ་གསང་སྔགས་རྣམས་ཀྱི་བསམ་གཏན་བྱ་བའི་ཕྱིར། བརྟུལ་ཞུགས་གསུང་པ་གང་ཡིན་པ་ཞེས་བྱ་བ་དང་སྦྱར་རོ། །དེ་བཞིན་དུ་བཟླས་བརྗོད་ལ་སོགས་པ་ལ་ཡང་སྦྱར་རོ། དེ་ལ་གསང་སྔགས་རྣམས་ཀྱི་བསམ ་གཏན་ནི། མེ་གནས་དངོས་གྲུབ་སྟེར་ཅེས་བྱ་བ་ལ་སོགས་པ་སྔར་གསུངས་པའོ། བསམ་གཏན་དེའི་ཕྱིར། གསང་སྔགས་ཀྱི་ཡི་གེ་རེ་རེ་ལ་རྟོག་པའི་རྣམ་པ་ཚིག་རྣམ་པར་དག་པ་སྒྲའི་བདག་ཉིད་ཀྱི་བསྒོས་པ་སྒྲའི་བདག་ཉིད་ཀྱི་ལྷའི་རྣལ་འབྱོར་གྱི ་མཚན་ཉིད་ལ་རིག་སྔགས་ཀྱི་བརྟུལ་ཞུགས་སུ་བཤད་དོ། །དེ་བཞིན་དུ་གསང་སྔགས་རྣམས་བཟླས་བརྗོད་བྱ་བའི་ཕྱིར་བརྟུལ་ཞུགས་གསུངས་པ། མི་འགྱུར་གསང་སྔགས་གཞི་ལ་གནས་ཞེས་བྱ་བ་འདིས་བདག་ཉིད་བདག་གི་ལྷའི་སྐུར་གྱུར་པར་བསམ ་པའི་སྒོ་ནས་བརྟུལ་ཞུགས་བྱ་བ་བསྟན་ཏོ། །དེ་བཞིན་དུ་བསྒྲུབ་པ་ལ་སོགས་པའི་བརྟུལ་ཞུགས་ཀྱང་རང་གི་ལྷའི་བདག་ཉིད་དུ་རིག་པར་བྱ་སྟེ། དེས་འདི་ལྟར་སྦྱར་རོ། །གསང་སྔགས་རྣམས་ཀྱི་སྦྱིན་སྲེག་གི་ཕྱིར་བརྟུལ་ཞུགས་དང་གསུངས་པ་ཞེས་བྱ་བ་ནི་གསང་སྔགས ་རྣམས་ལ་སྦྱིན་སྲེག་དབུལ་བའི་ཕྱིར། ལྷའི་རྣལ་འབྱོར་བཤད་པ་གང་ཡིན་པའོ། །གསང་སྔགས་རྣམས་དབང་བསྐུར་བའི་བརྟུལ་ཞུགས་ནི་གསང་སྔགས་ཀྱི་གཟུགས་བརྙན་གྱི་སྐུ་ལ་ཐིམ་པར་བྱ་བའི་ཕྱིར་འོ་མ་ལ་སོགས་པས་དབང་བསྐུར་བའོ། །ཡང་ན་སྒྲུབ་པ་པོ ་གསང་སྔགས་བསྒྲུབ་པར་བྱ་བའི་ཕྱིར། གང་དབང་བསྐུར་བར་བྱ་བ་དེ་ནི་གསང་སྔགས་ཀྱི་དབང་བསྐུར་བ་སྟེ། གསང་སྔགས་ཀྱི་དབང་བསྐུར་བ་ད་ལ་གང་གསུངས་པ་གང་ཡིན་པ་ཞེས་བྱ་བ་དང་སྦྱར་རོ། །ཡུལ་གྱི་བྱ་བ་རྣམས་ལ་ཡང་བརྟུལ་ཞུགས་གསུངས་པ་གང ་ཡིན་པ་ཞེས་བྱ་བ་ནི་དཀྱིལ་འཁོར་དང། བསྒྲུབ་པ་དང། བཟླས་བརྗོད་ཀྱི་གནས་བྱི་དོར་བྱེད་པའི་ཚེ། གང་ལྷའི་རྣལ་འབྱོར་གྱི་མཚན་ཉིད་བརྟུལ་ཞུགས་མངོན་དུ་བྱའོ། །ཞེས་དགོངས་པའོ། །བརྟུལ་ཞུགས་དེ་གནས་གང་དུ་བྱ་བ་དང། དུས་ཇི་སྲིད་དུ་བྱ ་བ་དེ་དག་ཐམས་ཅད་བཅོམ་ལྡན་འདས་རྡོ་རྗེ་འཛིན་གྱི་སྔོན་བདག་ལ་བཤད་དོ། །ཞེས་ཆོ་ག་འཆད་པའི་ཚངས་པས་ཉན་པའི་ཚངས་པ་ལ་སྨྲས་པ་དེ་ཡི་གནས་དང། ཚད་རྣམས་ཀྱང། སྔོན་གྱི་བདག་ཉིད་འབའ་ཞིག་ལ། མཐུ་ཆེན་རྡོ་རྗེ་འཛིན ་པའི་ལྷས། །རབ་ཏུ་གསང་བ་གསུངས་པ་ཡིན་ཞེས་བྱའོ། །དེའི་ཞེས་བྱ་བ་ནི་ལྷའི་རྣལ་འབྱོར་གྱི་མཚན་ཉིད་བརྟུལ་ཞུགས་ཀྱི་སྟེ། གནས་དང་ཚད་གང་ཡིན་དེ་དག་ཀུན་བཤད་པར་བྱ་ཞེས་བྱ་བ་དང་སྦྱར་རོ། །འདིར་ཡང་བདག་གི་བློས་བརྟགས་ཏེ་སྨྲ་བ་མ ་ཡིན་ན། །ཞེས་བསྟན་པའི་ཕྱིར། སྔོན་ནི་བདག་ཉིད་འབའ་ཞིག་ལ། མཐུ་ཆན་རྡོ་རྗེ་འཛིན་པའི་ལྷས། །རབ་ཏུ་གསང་བ་གསུངས་པ་ཡིན་ཞེས་བཤད་དོ། །ལྷའི་རྣལ་འབྱོར་གྱི་མཚན་ཉིད་བརྟུལ་ཞུགས་མངོན་དུ་བྱེད་པའི་གནས་དང་དུས་གང་གསུངས ་པ་དེ་ཐམས་ཅད་བཤད་པར་བྱ་བ་འབའ་ཞིག་ཏུ་མ་ཟད་ཀྱི་ཉེ་བར་གྱུར་པ་ལ་སོགས་པའི་མཚན་ཉིད་གང་གསུངས་པ་དེ་ཡང་བཤད་པར་བྱའོ་ཞེས་བསྟན་པའི་ཕྱིར། ཉེར་གྱུར་མངོན་དུ་ཕྱོགས་པ་དང། གསང་སྔགས་སྟེར་བར་གྱུར་ ་པ་དང། གཞན་དུ་ཕྱོགས་པ་གང་ཡིན་པ། །དེ་ཀུན་ཚངས་པ་ཁྱོད་ལ་བཤད། ཅེས་གསུངས་སོ། །དེ་ལ་ཉེ་བར་གྱུར་པ་ལ་སོགས་པའི་ཚིག་རྣམས་ནི། གསང་སྔགས་རྣམས་ཞེས་བྱ་བའི་སྐབས་འདི་དང་སྦྱར་རོ། །དེ་བས་ན་གསང་སྔགས་ཉེ་བར་གྱུར་བ་དང། ་མངོན་དུ་ཕྱོགས་པ་དང། གསང་སྔགས་སྟེར་བ་དང། གཞན་དུ་ཕྱོགས་པ་རྣམས་བསྟན་པར་བྱའོ། །ཞེས་གསུངས་པ་ཡིན་ནོ། །དེ་ལ་བསམ་གཏན་དང་བཟླས་བརྗོད་ལ་སོགས་པ་རབ་ཏུ་གོམས་པས་སེམས་མཉམ་པར་བཞག་པར་གྱུར་པའི་སྒྲུབ ་པ་པོ་བྱིན་གྱིས་བརླབ་ཏུ་རུང་བར་མཁྱེན་ནས་ལྷ་སྤྱན་དྲངས་ཀྱང་རུང་མ་དྲངས་ཀྱང་རུང། ནམ་དེ་དང་ཉེ་བར་གཤེགས་པ་དེ་ནི་རིག་སྔགས་ཉེ་བར་གྱུར་པ་ཞེས་བྱ་སྟེ། དྲུང་དུ་གཤེགས་པར་གྱུར་ཞེས་བྱ་བའི་ཐ་ཚིག་གོ་དེས་ནི་ཉེ་བར་གྱུར་པའི་མཚན་མ་གང་ཡིན་པ་དེ ་བཤད་པར་བྱའོ། །ཞེས་གསུངས་པ་ཡིན་ནོ། །མངོན་དུ་ཕྱོགས་ཞེས་བྱ་བ་ནི་ལྷ་ཉིད་ཀྱི་གནས་ན་བཞུགས་བཞིན་དུ་གང་སྤྱན་རས་ཀྱི་འཚོ་བ་དེ་ལ་མངོན་དུ་ཕྱོགས་པ་ཞེས་བྱའོ། །དེ་བས་ན་མངོན་དུ་ཕྱོགས་པར་གྱུར་པའི་མཚན་མ་གང་ཡིན་པ ་དེ་དག་ཀྱང་བཤད་པར་བྱའོ། །ཞེས་གསུངས་པ་ཡིན་ནོ། །གསང་སྔགས་ཉིད་ཀྱི་གནས་ན་བཞུགས་བཞིན་དུ་སྤྱན་རས་ཀྱི་འཚོ་བའི་མཚན་ཉིད་འདི་ཡང་ཉེ་བར་གྱུར་པའི་མངོན་རོལ་ཏུ་ལྟ་བར་བྱ་སྟེ། དེ་བཞིན་དུ་འོག་ནས་ཀྱང་འཆད་དོ།། ་གསང་སྔགས་སྟེར་བ་ཞེས་བྱ་བ་ནི་གསང་སྔགས་རྣམས་ཀྱིས་སྦྱིན་ཞིང་གསོལ་བ་ལ་གསང་སྔགས་སྟེར་བ་ཞེས་བྱ་སྟེ་དངོས་གྲུབ་ལ་བྱའོ། །དེས་ནི་དངོས་གྲུབ་ཀྱི་བྱེ་བྲག་ཀྱང་བཤད་པར་བྱའོ། །ཞེས་གསུངས་པ་ཡིན་ནོ། །གཞན་དུ་ཕྱོགས ་ཞེས་བྱ་བ་ནི་གསང་སྔགས་འཕང་བར་འགྱུར་བའི་གནས་སྐབས་ཀྱང་བཤད་པར་བྱའོ་ཞེས་བསྟན་པ་སྟེ། ཉེས་གང་དག་བྱུང་ན་གསང་སྔགས་འཕང་བར་འགྱུར་བ་དེ་དག་ཀྱང་བཤད་པར་བྱའོ་ཞེས་པའོ། །ད་ནི་རིག་སྔགས་ཀྱི་བརྟུལ་ཞུགས་ཀྱི་གནས་སྐབས་མདོར་བསྟན་པ་དེ་ཞིབ་དུ ་བཤད་པའི་ཕྱིར། གསང་སྔགས་ལ་སོགས་དང་ལྡན་པའི་ཞེས་བྱ་བ་ལ་སོགས་པ་གསུངས་སོ། །དེ་འདི་སྐད་བཤད་པར་འགྱུར་ཏེ། ནམ་ལྷའི་རྣལ་འབྱོར་གྱི་མཚན་ཉིད་རིག་སྔགས་ཀྱི་བརྟུལ་ཞུགས་མངོན་དུ་བྱེད་པར་འདོད་པ་དེའི་ཚེ་མདུན་དུ་དེ་བཞིན་གཤེགས་པའི་སྐུ་གཟུགས ་བསམས་ལ། རིག་སྔགས་དང་གསང་སྔགས་དང། ཁྲོ་བོ་དང་མངག་གཞུག་པ་དང། མངག་གཞུག་མ་ལ་སོགས་པ་ནམ་མཁའ་ཨི་དབྱིངས་ཁྱབ་ཅིང་ཁོ་ར་ཁོར་ཡུག་ཏུ་ཡོངས་སུ་བསྐོར་བར་ཐང་ཅིག་ཙམ་ཞིག་མངོན་པར་བསམས་ལ་ཏིང་ངེ་འཛིན་གྱིས་གསལ་བར་བྱ་སྟེ། བདག་ཉིད་ཀྱང ་གསང་སྔགས་དང་རིག་སྔགས་ཀྱི་གཟུགས་ཀྱི་རང་བཞིན་གྱི་མཚན་ཉིད་བརྟུལ་ཞུགས་བཤད་པར་བྱིན་གྱིས་བརླབས་ལ། དེའི་དབུས་ན་འདུག་པར་བྱའོ། །ཅིའི་ཕྱིར་ཞེ་ན། རིག་སྔགས་དང་གསང་སྔགས་ལ་སོགས་པ་ཐམས་ཅད་རྒྱལ་བའི་སྤྱན་སྔ་ན་རྟག་ཏུ་འཁོད་དེ། དེ་བས་ན ་སྔགས་པ་ཡང་ཡང་གསང་སྔགས་ལ་སོགས་པའི་ལྷའི་རྣལ་འབྱོར་བྱས་པས་ཏིང་ངེ་འཛིན་གྱིས་ཚུལ་གྱིས་རྒྱལ་བ་ལ་མངོན་དུ་ཕྱོགས་པར་ཅི་ནུས་སུ་བྱའོ། །ད་ནི་དེ་བཞིན་གཤེགས་པའི། འཁོར་གྱི་དཀྱིལ་འཁོར་གྱི་དཀྱིལ་འཁོར་གྱི་ནང་ན་འདུག་པ་རང་གི་ལྷའི་རྣལ་འབྱོར་གྱི་མཚན་ཉིད ་རིག་སྔགས་ཀྱི་བརྟུལ་ཞུགས་དེ་མངོན་དུ་བྱ་བའི་དུས་ངེས་པར་བསྟན་པའི་ཕྱིར་རོ། །དུས་གསུམ་དུ་ནི་ཕྲ་མོ་འདི་ཞེས་བྱ་བ་ལ་སོགས་པ་གསུངས་སོ། །དེ་ལ་དུས་གསུམ་ཞེས་བྱ་བ་ནི་སྔ་དྲོ་དང་ཕྱི་དྲོ་དང་ཕྱེད་མཚམས་ཀྱི་བྱེ་བྲག་གོ་།འདི་ཞེས་བྱ་བ་ནི་དེའི་ནང་ན་འདུག་པ་རང་གི་རིག་སྔགས ་ཀྱི་བརྟུལ་ཞུགས་ལ་སྙགས་སོ། །ཕྲ་མོ་ཞེས་བྱ་བ་ནི་བསམ་གཏན་གྱི་རིག་པར་བྱ་བའི་ཕྱིར་རོ། །གསང་སྔགས་རྣམས་བསྒྲུབ་པ་ལ་བརྟུན་པས་རིག་པར་བྱའོ། །ཞེས་བྱ་བ་ནི་བརྟག་པར་བྱ་ཞིང་མངོན་དུ་བྱའོ། །ཞེས་བྱ་བའི་ཐ་ཚིག་གོ་།ཅི་འདི་འབའ་ཞིག་དུས་གསུམ ་དུ་མངོན་དུ་བྱ་འམ། ཞེས་པ་ལ་མ་ཡིན་ནོ་ཞེས་བསྟན་པ། ཡན་ལག་བཅུའི་ཆོ་ག་ལས་ཞེ་བྱ་བ་སྟེ། དེ་ཇི་ལྟ་ཇི་ལྟར་སྲིད་པའི་ཡན་ལག་བཅུའི་རྣམ་པ་དང་ལྡན་པར་རིག་སྔགས་ཀྱི་བརྟུལ་ཞུགས་དེ་དུས་གསུམ་དུ་མངོན་དུ་བྱའོ་ཞེས་པའོ། ་ཡན་ལག་བཅུར་ངེས་པའི་ཆོ་ག་འདི་ནི་ཡན་ལག་བཅུའི་ཆོ་ག་སྟེ། བཟླས་བརྗོད་ཀྱི་ཡན་ལག་བཞི་ལ་སོགས་པའི་ཆོ་གའི་མཚན་ཉིད་དོ། །ཡན་ལག་བཅུའི་ཆོ་ག་དེ་གང་ལས་སུ་བྱ་ཞིང་ནན་ཏན་དུ་བྱ་བ་དེ་གང་ཡིན་པ་དང་ལྷན་ཅིག་ཏུ་རིག་སྔགས་ཀྱི ་བརྟུལ་ཞུགས་དེ་དུས་གསུམ་དུ་མངོན་དུ་བྱའོ་ཞེས་པའོ། ཞེས་བཤད་པ་ཡིན་ནོ། །དེ་ལ་ཡན་ལག་བཅུའི་བདག་གི་དེ་ཁོ་ན་ཉིད་དང། རིག་སྔགས་ཀྱི་དེ་ཁོ་ན་ཉིད་དང། བཟླས་བརྗོད་ཀྱི་དེ་ཁོ་ན་ཉིད་དང། མེ་ལ་གནས་པ་ལ་སོགས་པའི་བསམ་གཏན ་རྣམ་པ་གསུམ་དང། གསང་སྔགས་བསྒྲུབ་པ་ལ་འཇུག་པའི་ཆོ་ག་དང། སྦྱིན་སྲེག་གི་ཆོ་ག་དང། དབང་བསྐུར་བའི་ཆོ་ག་དང། གནས་ཀྱི་བྱ་བའི་ནན་ཏན་ཏེ། དེ་དག་ནི་ཡན་ལག་བཅུ་རྣམས་སོ། །དེ་བས་ན་ཡན་ལག་བཅུ་པོ་དེ་རྣམས་ལས་ཇི ་ལྟར་སྐབས་སུ་བབ་པ་ལས་གང་ཡང་རུང་བའི་ཡན་ལག་ནན་ཏན་དུ་བྱས་པ་ལས། ལྷན་ཅིག་ཏུ་ལྷའི་རྣལ་འབྱོར་གྱི་མཚན་ཉིད་རིག་སྔགས་ཀྱི་བརྟུལ་ཞུགས་དེ་མངོན་དུ་བྱའོ། །ཞེས་བྱ་བར་དགོངས་པའོ། །གང་ཕྱིར་ཞེ་ན། ལྷའི་རྣལ་འབྱོར་བྱས ་པ་ལ་གསང་སྔགས་ལས་བྱུང་བའི་ལས་ཀྱི་བྱེ་བྲག་སྦྱོར་བའི་མཚན་ཉིད་ནི་དེ་དག་ཙམ་དུ་ཟད་པའི་ཕྱིར་རོ། །ད་ནི་གསང་སྔགས་གཞན་དུ་ཕྱོགས་པར་འགྱུར་བའི་རྒྱུ་རྣམས་བཤད་པར་བྱ་སྟེ། དེ་ཤེས་ནས་ཡོངས་སུ་སྤང་བའི་ཕྱིར་རོ། །དེ་དག ་ཀྱང་མི་འདོད་པའི་ལས་ཀྱི་བག་ཆགས་ལངས་པའི་དབང་ངམ། ཡ་ང་བ་མ་སྤངས་པ་ལས་གསང་སྔགས་ཀྱི་བྱིན་གྱི་བརླབས་པའི་སྐལ་བ་མེད་པར་འགྱུར་བའི་རྒྱུ་རྣམས་ནི་མ་དད་པ་དང། སྙོམ་པ་ལ་སོགས་པ་སྔགས་པའི་རྒྱུད་ལས་བྱུང་བ་སྟེ ་དེ་བས་ན་དེ་བསྟན་པའི་ཕྱིར་གསུངས་པ་མ་དད་པ་དང་སྙོམ་པ་དང་ཞེས་བྱ་བ་ལ་སོགས་པ་ནས། གསང་སྔགས་དེ་ལས་གཞན་དུ་ཕྱོགས་ཞེས་བྱ་བའི་བར་དུའོ། །དེ་ལ་མ་དད་པ་ལ་སོགས་པ་དེ་དག་ཇི་ལྟར་སྲིད་པར་རང་གི་ལས་དང། རང་གི་རྣམ་པར་རྟོག་པ་དང་སྐྱེ་བོ ་སྡང་བ་དང་བརྟེན་པའི་མཚན་ཉིད་དང། རྒྱུ་རྣམས་གསུམ་ལས་བྱུང་བ་ཡང་གཉེན་པོ་ལས། ནན་ཏན་བྱས་པས་བཟློག་པར་བྱའོ། །དེ་ལ་ལས་ལས་སྐྱེས་པ་རྣམས་བཟློག་པ་ནི་བདག་མེད་པའི་བསམ་གཏན་དང། བཟླས་བརྗོད་དང་སྦྱིན་སྲེག་ལ་སོགས་པའོ། །རང ་གི་རྣམ་པར་རྟོག་པ་ལས་བྱུང་བ་རྣམས་ནི་དེའི་རང་བཞིན་རྣམ་པར་དཔྱད་པས་སོ། །སྐྱེ་བོ་སྡང་བ་དང་བརྟེན་པའི་སྐབས་སུ་གྱུར་པ་ནི་དེ་ཡོངས་སུ་སྤང་བས་བཟློག་གོ་།ལས་ལ་ཐེ་ཚོམ་ཟ་བ་དང། ཞེས་བྱ་བ་ནི་དགེ་བ་དང་མི་དགེ་བའི་ལས་ཀྱི་འབྲས་བུ་འམ། ཡང་ན ་གསང་སྔགས་ཀྱི་ལས་དུས་དུས་སུ་ཇི་ལྟར་བྱེད་པའི་ཐེ་ཚོམ་ཟ་ཞིང་བརྗེད་པའི་སྐབས་སུ་འབྱུང་བའོ། །ལོག་འདྲེན་གྱིས་བརླབས་པ་དང། ཞེས་བྱ་བ་ནི་ཇི་སྐད་གསུངས་པའི་ཉེས་པ་རྣམས་ལས་གཞན་པ་སེམས་གཡེང་བ་ལ་སོགས་པ་ནི་ལོག་འདྲེན་གྱིས་བརླབས་པའི ་ཉེས་པ་ཡིན་པར་ཤེས་པར་བྱའོ། །འདིར་ཡང་འདི་ལྟར་ཤེས་པར་བྱ་སྟེ། ནམ་མ་དད་པ་ལ་སོགས་པ་དེ་དག་ལས་ཀྱི་བག་ཆགས་ལ་སོགས་པའི་མཐུ་ལས་བྱུང་བར་གྱུར་པ་དེའི་ཚེ་སྔགས་པ་དེ་ལས་གསང་སྔགས་གཞན་དུ་ཕྱོགས་པར་འགྱུར་ཏེ་བྱིན་གྱིས་བརླབས་པའི ་སྐལ་བ་མེད་པར་འགྱུར་གྱི་སྒྲིབ་པ་ཐམས་ཅད་སྤངས་པས་རྟོག་པའི་བག་ཆགས་བསལ་བའི་གསང་སྔགས་ལ་སོགས་པ་ཉིད་ནི་འཕང་བར་མི་འགྱུར་རོ། །སྔགས་པའི་རྒྱུད་ལས་དེ་དག་སྐྱེས་པའི་ཚེ་གཙོ་བོའི་རྒྱུ་མ་ཚང་བས་རིག་སྔགས་དང་གསང་སྔགས་དག་གིས ་ཀྱང་བཟློག་པར་མི་ནུས་སོ། །འདི་ལྟར་གསང་སྔགས་ལ་སོགས་པ་ནི་མཆོད་པ་དང་བཟླས་བརྗོད་ལ་སོགས་པས་བསོད་ནམས་སྐྱེ་བའི་རྒྱུར་གྱུར་ཞིང་དངོས་གྲུབ་ཐོབ་པའི་བག་ཆགས་རྟས་པའི་གྲོགས་ཙམ་ཞིག་སྒྲུབ་པ་པོ་ལ་མཛད་པར་འདོད་དོ། །གལ་ཏེ ་འགྲུབ་པའི་ལས་ཀྱི་བག་ཆགས་མེད་པ་ལ་ཡང་དངོས་གྲུབ་སྟེར་བར་འགྱུར་ན་ནི་དེའི་ཚེ་རབ་ཏུ་ཐུགས་རྗེ་ཆེས་པས་ཐམས་ཅད་ཐམས་ཅད་སྩོལ་བའི་མཐུ་མངའ་བར་འགྱུར་རོ། །དེ་ལྟར་ཡང་མ་ཡིན་པས་རབ་ཏུ་སྤྲོས་པ་བཏང་ངོ། །དེ་ནས་གཞན ་ཡང་གསང་ཉེ་བར་གྱུར་ཅིང་མངོན་དུ་ཕྱོགས་པར་གྱུར་པའི་རྒྱུ་སྒྲུབ་པ་པོས་བསམ་གཏན་དང། བཟླས་བརྗོད་ལ་གོམས་པར་བྱས་པ་ལས་བྱུང་བའི་ཡོན་ཏན་བསྟན་པ། གང་ཞིག་ཞི་བར་འདུག་པ་དང། སྒྲ་ཡི་ངོ་བོར་གྱུར་པ་ན། །དེ་ཚེ་སྔགས་པ་གསང་སྔགས ་ལ། །ཉེ་བར་གྱུར་ཅིང་མངོན་དུ་ཕྱོགས་ཞེས་བྱ་བ་ཡིན་ནོ། །དེ་ལ་གང་ཞིག་ཅེས་བྱ་བ་ནི་འདིས་ནི་ཇི་ལྟར་སྲིད་པའི་བསམ་གཏན་དང། བཟླས་བརྗོད་བྱེད་པ་གང་ཡང་རུང་བ་དེ་ལ་སྙེགས་སོ། །ཞི་བ་ཞེས་བྱ་བ་ནི་འདོད་པ་དང། ཁྲོ་བ་དང། རྒྱགས་པ་དང། རྒྱུ་ལ་སོགས ་པ་ཀུན་ནས་མ་ལངས་ཞིང་ལུས་དང་ངག་དང་ཡིད་མ་གྱུར་པའི་གནས་སྐབས་ཐོབ་ནས་ཞེས་བསྟན་པའོ། །འདུག་པ་ཞེས་བྱ་བ་ནི་བསམ་གཏན་ནམ་བཟླས་བརྗོད་བྱེད་པའི་ཕྱིར་འདུག་ཅེས་དགོངས་པའོ། །སྒྲ་ཡི་ངོ་བོ་གྱུར་པ་ཞེས་བྱ་བ་ལ། དེའི་ངོ་བོ་ནི ་རང་བཞིན་དུ་གྱུར་པས་ན། སྒྲ་དེའི་ངོ་བོ་ཞེས་དེ་སྐད་གསུངས་ཏེ། སྒྲའི་རྣམ་པའི་རང་བཞིན་དུ་རྣམ་པར་ཤེས་པ་གཅིག་ནས་གཅིག་དུ་རྒྱུན་མི་འཆད་ཅེས་བྱ་བའི་དོན་ཏོ། །དེས་འདི་སྐད་བསྟན་པར་འགྱུར་ཏེ། དེ་ལྟ་བུར་གྱུར་པ་དེ་བསམ་གཏན ་ནམ་བཟླས་བརྗོད་བྱེད་པ་ལ་འདུག་ནས་གང་གི་ཚེ་བསམ་གཏན་དུ་བྱེད་པ་འམ་བཟླས་བརྗོད་དུ་བྱ་བའི་སྒྲ་གཅིག་བུ་ལ་མིགས་པར་གྱུར་ན། དེའི་ཚེ་གསང་སྔགས་ཉེ་བར་གྱུར་ཅིག་།མངོན་དུ་ཕྱོགས་པ་ཞེས་བྱའོ། །འདིར་ནི་ཉེ་བར་ཞེས་བྱ་བ་མངོན ་དུ་ཕྱོགས་པའི་ཁྱད་པར་ཏེ། དེ་ནི་ནམ་བསམ་གཏན་པ་འམ། བཟླས་བརྗོད་བྱེད་པ་སྒྲའི་ངོ་བོར་གྱུར་པ་དེའི་ཚེ། གསང་སྔགས་ཉེ་བར་གྱུར་པ་སྤྱན་རས་ཀྱི་འཚོ་བའི་མཚན་ཉིད་མངོན་དུ་ཕྱོགས་པར་འགྱུར་རོ། །ཞེས་བསྟན་ཏོ། །དེ་བས་ན་གཞན ་ཡང་གསང་སྔགས་མངོན་དུ་གྱུར་པའི་ཚེ་ཐུན་མོང་མ་ཡིན་པའི་ཡོན་ཏན་རྣམས་བསྟན་ཏེ། དེ་དག་ཀྱང་ལྷ་དང་ལྷ་མིན་སེམས་ཅན་ནི་ཞེས་བྱ་བ་ལ་སོགས་པ་ཚིགས་སུ་བཅད་པ་བཞིས་བསྟན་ཏོ། །དེ་ལ་ཚིགས་སུ་བཅད་པ་དང་པོ་དང་གཉིས་པ་དང་བཞི་པས ་མངོན་དུ་གྱུར་པའི་ཚེ་ཕྱི་རོལ་གྱི་མཚན་མ་བསྟན་ཏོ། །ཚིགས་སུ་བཅད་པ་གསུམ་པས་ནང་གི་མཚན་མ་བསྟན་པར་རིག་པར་བྱའོ། །ལྷ་ནི་ལྷ་ལ་སོགས་པའོ། །ལྷ་མ་ཡིན་ནི་སྲིན་བུ་ལ་སོགས་པའོ། །ཞི་བ་ཞེས་བྱ་བ་ནི་མི་གནོད་པའོ། །ད་ནི་གསང་སྔགས་མངོན་ ་དུ་འགྱུར་བའི་ཡོན་ཏན་ཐོབ་པ་མི་ཉམས་པར་བྱ་བའི་ཐབས་བསྟན་ཏེ། དེ་བསྲུང་བ་མངོན་དུ་འགྲོ་བའི་བརྩོན་པ་བྱེད་ན་དངོས་གྲུབ་ཉེ་བར་གྱུར་པའི་ཕྱིར། གསང་སྔགས་ལྷ་ནི་མངོན་ཕྱོགས་པའི་ཞེས་བྱ་བ་ལ་སོགས་པའི་ཚིགས་སུ་བཅད་པ་གཉིས་ཀྱིས ་བསྟན་ཏེ། ཀུན་ཏུ་ཞེན་ཞེས་བྱ་བ་ནི་བཟླས་བརྗོད་དང། བསམ་གཏན་ལ་སོགས་པའོ། །དཀའ་ཐུབ་དང་ལྡན་ཞེས་བྱ་བ་ནི་ཇི་སྐད་དུ་སྨོས་པའི་དཀའ་ཐུབ་བྱ་བ་ལ་བརྩོན་པ་ཞེས་བྱ་བའི་ཐ་ཚིག་གོ་།ནམ་མཁའ་རྒྱུ་བའི་འགྲོ་བར་གནས་ཞེས་བྱ་བ་ནི་ནམ་མཁའ་ལ ་འགྲོ་བ་ན། ནམ་མཁར་རྒྱུ་བ་སྟེ། ལྷའོ། དེ་དག་གི་འགྲོ་བ་ནི་ལྷའི་འགྲོ་བའོ། །དེར་གནས་པ་ནི་ལྷར་གྱུར་པའོ། །ནམ་མཁར་རྒྱུ་བར་གནས་ཞེས་བྱ་བ་འདི་ཡང་གྲུབ་པའི་གནས་སྐབས་ཉེ་བར་བསྟན་པའི་ཚིག་ཏུ་གཏོགས་པར་བལྟའོ། །མྱོས་པའི་མཚན་ཉིད་གཏི ་མུག་པ་ནི། མངོན་དུ་གྱུར་པའི་ཚེ་དང། གྲུབ་པར་གྱུར་པའི་ཚེ་དབང་ཕྱུག་ཐོབ་པ་མ་ཉམས་པར་འགྱུར་བའི་རྒྱུར་མཚུངས་པར་བསྟན་པའི་ཕྱིར་རོ། །དབང་ཕྱུག་ཅེས་བྱ་བ་ནི་ལུས་དང་ངག་དང་ཡིད་མཆོག་ཐོབ་པའི་མཚན་ཉིད་དོ། །དེ་ཡང་མངོན་དུ་གྱུར་པའི ་ཚེའི་མཚན་ཉིད། དེ་ལ་ཤེས་པའང་དེ་ལ་སྐྱེ་བར་འགྱུར་ཞེས་བྱ་བ་ལ་སོགས་པ་སྔར་བསྟན་པའོ། །གྲུབ་པའི་གནས་སྐབས་ཉེ་བར་བསྟན་པ་ཡང་རིག་དང་རྫས་ཀྱི་དངོས་གྲུབ་དང། །སྨན་གྱི་ཡང་ནི་ལུས་ཅན་རྣམས་ཞེས་བྱ་བ་ལ་སོགས་པ་འོག་ནས ་འཆད་དོ། །གང་ཞིག་མ་མྱོས་ཞེས་བྱ་བ་ནི་རྨོངས་པར་མི་འགྱུར་བ་སྟེ། སེམས་བློང་བར་མི་འགྱུར་ཞེས་བྱ་བའི་དོན་ཏོ། །དེས་ཇི་སྐད་བསྟན་པར་འགྱུར་ཏེ། མངོན་དུ་འགྱུར་བའི་ཚེ་དབང་ཕྱུག་ཐོབ་པ་མི་ཉམས་པའི་རྒྱུ་ནི་བཟླས་བཅོད ་དང་བསམ་གཏན་ལ་སོགས་པ་ལ་ཞེན་ཅིང་དཀའ་ཐུབ་དང་ཁ་ཏོན་ལ་འགྲུས་པ་དང། སེམས་མ་རྨོངས་པའོ། །གྲུབ་པའི་ཚེ་དབང་ཕྱུག་ཐོབ་པ་ལ་ནི་མི་རྨོངས་པ་གཙོ་བོ་སྟེ། དེའི་ཚེ་ནི་ཁྱད་པར་དུ་དམ་ཚིག་བསྲུང་བ་ལ་བྱེ་བྲག་ཏུ་ནན་ཏན་བྱ་བར ་འདོད་དོ། །དེ་བས་ན་བཟླས་བརྗོད་བྱ་བ་ལ་སོགས་པ་ནི། དམ་ཚིག་ཙམ་དུ་དགོངས་སུ་ཟད་ཀྱི་མ་གྲུབ་པ་གྲུབ་པའི་རྒྱུ་ནི་མ་ཡིན་ནོ། །ད་ནི་མངོན་དུ་གྱུར་པའི་ཚེ་དབང་ཕྱུག་ཐོབ་པའི་ཡོན་ཏན་ཉམས་པར་གྱུར་པའི་རྒྱུ་སྤོང་ཞིང་བཟླས་བརྗོད་དང་བསམ་གཏན ་ལ་སོགས་པ་ལ་མངོན་པར་བརྩོན་པར་བྱས་ན། རིམ་གྱིས་འབྲས་བུ་གང་ཐོབ་པར་འགྱུར་བ་དེ་བསྟན་པའི་ཕྱིར། གསང་སྔགས་འབྲས་བུ་མ་ལུས་པ་ཞེས་བྱ་བ་ལ་སོགས་པ་ཚིགས་སུ་བཅད་པ་གཉིས་ཀྱིས་བསྟན་ཏོ། །དེས་ཞེས་བྱ་བ་ནི་མངོན་དུ་བྱུང་བ ་དང། གྲུབ་པའི་ཚེ་ཐོབ་པ་ཉམས་པར་གྱུར་པའི་རྒྱུ་སྤོང་བའོ། །གནས་མཆོག་ཅེས་གསུངས་པ་དེ་ཡང་གང་ཞེ་ན། རྡོ་རྗེ་ཅན་གྱི་གསང་བའི་མཆོག་ཅེས་བྱ་བ་ལ་སོགས་པ་གསུངས་སོ། །དེ་ལ་རྡོ་རྗེ་ཅན་ནི་རྡོ་རྗེ་འཛིན་པ་སྟེ། གསང་སྔགས་ཀྱི་སྤྱོད་པ ་ལས་བྱུང་བའི་བྱང་ཆུབ་སེམས་དཔའ་ཨི་ཁྱད་པར་རོ། །དེའི་གསང་བའི་མཆོག་ནི་སྐུ་དང་གསུང་དང་ཐུགས་ཀྱི་འབྱོར་བའི་མཚན་ཉིད་དོ། །དེས་འདི་སྐད་བསྟན་པར་འགྱུར་ཏེ། གསང་སྔགས་སྤྱད་པ་ལས་བྱུང་བའི་བྱང་ཆུབ་སེམས་དཔའ་ཨི་གོ་འཕང་ནི་གནས ་མཆོག་སྟེ། དམ་པ་དེ་ཐོབ་པར་འགྱུར་རོ་ཞེས་པའོ། །རྡོ་རྗེ་འཛིན་པ་དེའི་གསང་བའི་མཚན་ཉིད་ཀྱི་ཕན་ཡོན་ནི་བསྔགས་པའི་ཕྱིར། གང་ཞིག་ཐོབ་ནས་བདེར་འགྱུར་བ། ཡོངས་སུ་རྫོགས་པ་རྒྱལ་བ་བཞིན་ཞེས་གསུངས་སོ། །དེས་འདི་ལྟར་དགོངས་ཏེ ་གསང་སྔགས་ཀྱི་སྤྱོད་པ་ལས་བྱུང་བའི་བྱང་ཆུབ་སེམས་དཔའ་ཨི་ཏིང་ངེ་འཛིན་གྱི་ཡུལ་མ་ཐོབ་ཀྱང། གསང་སྔགས་ཀྱི་སྦྱོར་བའི་འབྲས་བུར་གྱུར་པ་མྱོང་བར་འགྱུར་ཏེ། དེ་དག་ནི་དེ་བཞིན་གཤེགས་པའི་སྐུ་ལ་སོགས་པའི་འཁོར་ལ་སྤྲུལ་པའི་སེམས་ཅན་?་དང། ་གྲོལ་བ་ལ་སོགས་པའི་རྒྱུར་གྱུར་པ་ཡང་གསང་སྔགས་ཀྱི་སྦྱོར་བས་བྱས་ནས་བདག་ཀྱང་བདེ་བ་འཕེལ་བར་བྱེད་དོ། །ཇི་ལྟར་ཞེ་ན། རྫུ་འཕྲུལ་ནི་རྣམ་པ་བཞི་སྟེ། སྐྱེས་ནས་ཐོབ་པ་དང། སྦྱོར་བ་ལས་བྱུང་བ་དང། གསང་སྔགས་དང། སྨན་ལས་བྱུང་བ་དང། ལས ་ལས་སྐྱེས་པའོ། །དེ་བས་ན་གསང་སྔགས་ཀྱི་སྦྱོར་བའི་མཐུས་དེ་བཞིན་གཤེགས་པའི་རྫུ་འཕྲུལ་ཁ་ཅིག་ཀྱང་ཐོབ་བོ་ཞེས་བསྟན་པ། གང་ཞིག་ཐོབ་ནས་བདེར་འགྱུར་བ། །ཡོངས་སུ་རྫོགས་པ་རྒྱལ་བ་བཞིན་ཞེས་སྔར་གསུངས་སོ། །དེ་ལ་གསང་སྔགས་ཀྱི་ལྷ་མངོན་དུ ་གྱུར་པ་ཐོབ་ནས། སྒྲུབ་པོས་ཞེན་པར་བྱའོ་ཞེས་གོང་དུ་བཤད་པ་དངོས་པོས་གང་ལ་ཞེན་པར་བྱ་བ་འདི་བཤད་དེ། དེ་བས་ན་ཞེན་པར་བྱ་བའི་ཡུལ་གསུངས་པ་སྤྲོ་ཞིང་སྟོབས་དང་ལྡན་པ་ནི་ཞེས་བྱ་བ་ལ་སོགས་པའོ། །དེས་ནི་དཀའ་ཐུབ་དང་བསམ་གཏན་དང། ་བཟླས་བརྗོད་ཇི་སྐད་བཤད་པ་ལ། ཞེན་ཅིང་མངོན་པར་བརྩོན་པར་བྱའོ་ཞེས་བཤད་དེ། དེ་ལ་སྤྲོ་བ་ནི་བརྩོན་འགྲུས་དང་ལྡན་པའོ། །སྟོབས་དང་ལྡན་པ་ནི་བཀྲེས་པ་དང། སྐོམ་པ་དང། ཕ་རོལ་གྱི་གནོད་པ་ལ་སོགས་ཏེ། ཉོན་མོངས་པ་བཟོད་པའོ། །གསང་སྔགས ་རང་བཞིན་མེ་ཡིས་ནི། །སྡིག་པ་ཐམས་ཅད་བསྲེག་པར་བྱ་ཞེས་བྱ་བ་དང་འབྲེལ་ཏོ། །གསང་སྔགས་ཀྱི་ངོ་བོ་ཉིད་ཀྱི་མེ་ཞེས་བཤད་པ་ཡིན་ནོ། །མེའི་རང་བཞིན་ཡང་གང་གི་ཕྱིར་གསང་སྔགས་བཟླས་བརྗོད་བྱས་སམ། བསམ་གཏན་དུ་བྱས་ནས་མངོན ་སུམ་དུ་འམ། བརྒྱུད་པས་སྐྱེ་བ་དང་འཆི་བའི་ཞགས་པ་ལ་སོགས་པ་སྲེག་པར་བྱེད་དོ། །ཞེས་སྔར་བཤད་དོ། །སྡིག་པ་རྣམས་ཇི་ལྟར་བསྲེག་ཅེ་ན་གསུངས་པ། བཟླས་བརྗོད་བསམ་གཏན་དཀའ་ཐུབ་མེད་ཞེས་བྱ་བ་ལ་སོགས་པ་གསུངས་ཏེ། དེ་དག ་ནི་བྱ་བའི་བྱེ་བྲག་གོ་།དེས་ནི་གསང་སྔགས་རྣམས་ཀྱི་བཟླས་བརྗོད་དང། བསམ་གཏན་དང་དཀའ་ཐུབ་ཀྱི་བྱ་བས་དེ་དག་བསྲེག་ཅེས་བྱ་བའི་ཐ་ཚིག་གོ་།བསྲེག་པར་བྱ་ཞེས་བྱ་བ་ནི་སྲེག་པ་དང་དང་འདྲ་ཞེས་བྱ་བའི་དོན་ཏོ། །དེ་བས་ན་འདི་སྐད་བཤད ་པར་འགྱུར་ཏེ། གསང་སྔགས་ཀྱི་བསམ་གཏན་དང་བཟླས་བརྗོད་ལས་བྱུང་བའི་དགེ་བའི་བག་ཆགས་དེ་ནི་འགྲུས་བ་དང། རྟག་ཏུ་སྦྱོར་བ་ལས་གྱུར་པའི་ཕྱིར་སྟོབས་དང་ལྡན་པའོ། །དེ་བས་ན་དེའི་རྣམ་པར་སྨིན་པ་དེ་མ་ཐག་པ་ཉིད་དུ་མངོན་པར་སྐྱེའོ། །རྣམ་པར ་སྨིན་པ་དེ་ཡང་བག་ཡོད་པས་རིག་པ་འཛིན་པ་ལ་སོགས་པའི་གྲུབ་པའི་རིམ་གྱི་འཕགས་པ་རྡོ་རྗེ་འཛིན་གྱི་སྐུ་དང། གསུང་དང། ཐུགས་ཀྱི་གསང་བ་ཐོབ་པའི་རིམ་པས་སངས་རྒྱས་པའི་བར་དུ་འགྱུར་རོ། །དེ་བས་ན་སྡིག་པའི་བག་ཆགས་འབྲས་བུ་རྣམ་པར ་སྨིན་པའི་སྐབས་མི་རྙེད་པ་ནི་ས་བོན་བསྲེགས་པ་དང་འདྲ་བས་ན་སྡིག་པ་རྣམ་པར་བསྲེག་ཅེས་བཤད་དོ། །གཞན་ཡང་འདོད་ཆགས་མེད་པ་ལ་སོགས་པས་བསྐྱེད་པ་བཟླས་བརྗོད་དང་བསམ་གཏན་གྱི་མཚན་ཉིད་དགེ་བའི་བག་ཆགས་ནི་འདོད་ཆགས་ལ་སོགས་པའི ་མཐུ་ཆུད་པར་བྱེད་པས་སྡིག་པའི་བག་ཆགས་ཕྱིར་ལྡོག་གོ་ཞེས་དེ་སྐད་དུ་བཤད་དཱུང་རུང་མོད་ཀྱི། གཞུང་རབ་ཏུ་མང་པོར་འཕྲོས་སུ་དོགས་པ་དང། ཚུལ་འདི་ལྟར་གྲགས་པའི་ཕྱིར་འདིར་བདག་གིས་ཞིབ་ཏུ་མ་དཔྱད་དོ། །ད་ནི་བཟླས་བརྗོད་དང་བསམ ་གཏན་བསྒོམ་པ་ལས་སྒྲུབ་པ་པོའི་ཡོན་ཏན་འབྱུང་བ་གསང་སྔགས་ཉེ་བའི་རྒྱུར་གྱུར་པ་བསྟན་པ་གནས་དང་ཟས་དང་གྲང་བ་དང་ཞེས་བྱ་བ་ལ་སོགས་པའི་ཚིགས་སུ་བཅད་པ་བཞི་གསུངས་སོ། །དེ་ཚེ་ལས་ཀྱི་འབྲས་བུ་དེས་ཞེས་བྱ་བ་ནི་བཟླས་བརྗོད་དང ་བསམ་གཏན་གྱི་བག་ཆགས་ཀྱི་མཚན་ཉིད་ལས་ཀྱི་འབྲས་བུ་ཇི་ལྟར་འདོད་པའི་དངོས་གྲུབ་ཀྱི་མཚན་ཉིད་གདོན་མི་ཟ་བར་ངེས་པར་འགྱུར་བར་རིག་པར་བྱ། འདིས་ཀྱང་ལུས་ཀྱི་ཡོན་ཏན་གསང་སྔགས་ཉེ་བར་གྱུར་བའི་རྒྱུ་ལས་བྱུང་བ་རྣམས་བསྟན་ཏོ།། ་ཡིད་ཀྱི་ཡོན་ཏན་འབྱུང་བ་བསྟན་པའི་ཕྱིར། སྒྲ་འམ་ཡང་ན་གཟུགས་ལ་ཡང། །གང་བརྩོན་པ་ནི་མི་རྨོངས་པ་ཞེས་གསུངས་ཏེ། བསམ་གཏན་པ་འམ། ཟློས་པ་པོ་ཇི་ལྟར་རིག་པར་ཡི་གེ་དང་དབྱངས་ཀྱི་རང་བཞིན་སྒྲ་དང། ལྷའི་རང་བཞིན་གྱི་གཟུགས ་ལ་བྱ་སྟེ། མི་རྨོངས་ཞེས་བྱ་བ་ནི་དམིགས་པའི་ཚེ་སེམས་བློང་བར་མི་འགྱུར་བའོ། །དེས་འདི་སྐད་བཤད་པར་འགྱུར་ཏེ། བསམ་གཏན་དུ་བྱ་བ་དང་བཟླས་བརྗོད་དུ་བྱ་བའི་སྒྲ་ལ་སོགས་པ་ལ་ཇི་ཙམ་འདོད་པར་རྣམ་པར་ཤེས་པའི་རྒྱུན་འཇུག་པར་བར་མ་ཆད ་པར་འཛིན་ཞེས་བྱ་བའི་དོན་ཏོ། །དོན་འདི་ནི་སྒྲའི་ངོ་བོར་གྱུར་པ་ན་ཞེས་བྱ་བའི་ཚིག་དེས་གོང་དུ་ཡང་བཤད་ཟིན་མོད་ཀྱི། གསང་སྔགས་ཀྱི་བསམ་གཏན་ལ་ཕལ་ཆེར་སྒྲའི་ངོ་བོ་ལ་དམིགས་པ་གཙོ་བོར་བསྟན་པའི་ཕྱིར་གསང་སྔགས་ཉེ་བར་གྱུར་པ ་ལ་སོགས་པའི་སྐབས་ཐམས་ཅད་དུ་ཡང། སྒྲ་འམ་ཡང་ན་གཟུགས་ལ་ཡང་མི་རྨོངས་ཞེས་གསུངས་སོ། །ཡང་ན་སྒྲའི་ངོ་བོར་གྱུར་པའི་གསང་སྔགས་ཉེ་བར་གྱུར་པ་མངོན་དུ་ཕྱོགས་པ་ཉིད་ཀྱི་རྒྱུ་ཡིན་གྱི་གསང་སྔགས་ཉེ་བར་གྱུར་པའི་གནས་སྐབས ་ཀྱི་ནི་མ་ཡིན་ནོ། །ཞེས་ཁ་ཅིག་དེ་ལྟར་སེམས་ན་ཡང་གཟུགས་ལ་སྦྱོར་བ་ན་མི་རྨོངས་པའོ། །ཞེས་དེ་ཙམ་ཞིག་བཤད་པ་ལ་སྒྲ་འམ། ཡང་ན་གཟུགས་ཞེས་བྱ་བའི་དོན་མཚུངས་པར་བསྟན་པས་ཉེས་པ་མེད་དོ། །ཉེ་བར་གྱུར་པར་དེས་བཤད་བྱ་ཞེས་བྱ ་བ་ནི་གསང་སྔགས་ཀྱི་སྐབས་སོ། །གང་ཞིག་མཐོང་བ་ཙམ་གྱིས་ནི། སེམས་ཅན་ཐམས་ཅད་བྱམས་གྱུར་པ། ཞེས་བྱ་བ་འདིས་ནི་ལུས་ཀྱི་ཡོན་ཏན་བཤད་དོ། །དེ་ལ་སྣང་བ་དང་མི་སྣང་བ་དང། མི་དང་སྲིན་བུ་དང། སྤྲུལ་དང་གཅན་གཟན་ཁྲོ་བོ ་ལ་སོགས་པ་ནི་སེམས་ཅན་ཐམས་ཅད་ཅེས་བྱ་བའི་སྒྲར་བརྗོད་དོ། །དེ་ནི་དངོས་གྲུབ་ཉེ་བར་འགྱུར་ཞེས་བྱ་བ་ནི་དངོས་གྲུབ་ཉེ་བར་གྱུར་པས་གསང་སྔགས་ཉེ་བར་གྱུར་པ་བསྟན་ཏོ། །སེམས་ཅན་བགེགས་བྱེད་པ་དེ་རྣམས་སྒྲུབ་པ་པོ་ལ་བྱམས ་པའི་སེམས་འཇོག་སྟེ། དེ་བས་ན་བགེགས་མེད་པར་བསྟན་པ་བགེགས་རྣམས་ཐམས་ཅད་རྣམ་པར་སྤངས་ཞེས་གསུངས་སོ། །གལ་ཏེ་སེམས་ཅན་ཆེན་པོ་རྣམས་སྒྲུབ་པ་པོ་ལ་བྱམས་པར་འགྱུར་ཏེ། བགེགས་མེད་པར་གྱུར ་པ་དངོས་གྲུབ་ཀྱི་རྒྱུ་ཡིན་ན། འོ་ན་ནི་དེ་ལྟར་གྱུར་པའི་ཚེ་བགེགས་མེད་པས་བསྒྲུབ་པའི་ཚེ་བསྲུང་བ་ལ་སོགས་པ་ཅུང་ཟད་ཀྱང་མི་དགོས་སོ། །ཞེས་སྨྲས་པ་ལ། བདེ་བ་དང་ནི་སྡུག་བསྔལ་མཛའ་། །འདོད་དང་ཁྲོ་དང་འཇིགས་པ་དང། །ནད་དང་འཆི ་དང་གནོད་བདག་གི་།རྒྱུ་ནི་སྔགས་པ་རྣམས་ལ་ཡོད་ཅེས་གསུངས་སོ། །འདིར་བདེ་བ་ལ་སོགས་པའི་བག་ཆགས་སྒྲུབ་པ་པོའི་རྒྱུད་ལ་ཡོད་དོ་ཞེས་བསྟན་ཏོ། །དེས་འདི་སྐད་གསུངས་པར་འགྱུར་ཏེ། གནས་དང་ཟས་དང་གྲང་བ་ལ་སོགས་པ་ལ་ཇི ་མི་སྙམ་པར་གྱུར་ནས་གྲང་བ་ལ་སོགས་པའི་གནོད་པ་སྡུག་བསྔལ་གྱིས་ཀུན་ནས་དཀྲིས་པའི་མཚན་གྱི་བགེགས་མེད་པར་གྱུར་པ་དང། དེ་བཞིན་དུ་བསམ་གཏན་དང། བཟླས་བརྗོད་བྱེད་པའི་ཚེ་དམིགས་པ་ལ་བརྟན་པར་གྱུར་པ་ན་སེམས་གཡེང་བ ་ལ་སོགས་པའི་མཚན་ཉིད་ཀྱི་བགེགས་མེད་པར་གྱུར་པ་དང། དེ་བཞིན་དུ་སེམས་ཅན་ཐམས་ཅད་བྱམས་པར་གྱུར་པས་དེ་ལས་བྱུང་བའི་གནོད་པའི་ཕྱིར་དེས་ཉེ་བར་བསྐྱེད་པ་གནོད་པའི་མཚན་ཉིད་ཀྱི་བགེགས་དེའི་ཡུལ་ལ། ཁྲོ་བོ་ལ་སོགས་པ་ཀུན་ནས ་དཀྲིས་པ་དང་བཅས་པར་མེད་པར་ཀུན་ཏུ་ཟིན་ཀྱང་གང་ཡང་དེ་དག་གི་།རྒྱུ་བདག་གི་རྒྱུ་ལ་བག་ཆགས་སུ་གནས་པའི་མཚན་ཉིད་དེ་དག་བཟླས་བརྗོད་བྱེད་པ་ལ་མེད་པ་ནི་མ་ཡིན་ནོ། །དེ་བས་ན་བག་ཆགས་ཀྱི་མཚན་ཉིད་ཀྱི་རྒྱུ་ཡིན་པས་གྲོགས ་བྱེད་པའི་རྐྱེན་དང་ཕྲད་ན་བགེགས་འབྱུང་བར་འགྱུར་རོ། །དེ་བས་ན་དེ་གསལ་བའི་ཕྱིར། སྒྲུབ་པ་ལ་སོགས་པ་ལ་སྲུང་བ་བྱ་བར་རིགས་པས་ཉེས་པ་མེད་དོ། །ད་ནི་གསང་སྔགས་ཉེ་བར་གྱུར་བའི་སྔགས་པའི་ཕན་ཡོན་བསྟན་པའི་ཕྱིར། ནམ་ཞིག་ཉེ ་བར་གྱུར་པ་ན། །དུས་དང་ཡང་དང་བྱ་དང་ལུས། །ཆོས་དང་ཆོས་མིན་འབྲས་བུ་ལ། །དེ་ཚེ་སྔགས་པ་མི་བལྟོས་སོ། །ཞེས་བྱ་བ་གསུངས་སོ། །དེས་འདི་སྐད་གསུངས་པར་འགྱུར་ཏེ། ནམ་སྔགས་པ་ལ་གསང་སྔགས་ཉེ་བར་གྱུར་པ་དེའི་ཚེ་དུས་ལ ་སོགས་པ་ལ་མི་བལྟོས་པར་དངོས་གྲུབ་སྒྲུབ་པ་རྩོམ་མོ་ཞེས་བྱ་བའི་ཐ་ཚིག་སྟེ། ནམ་སྔགས་ཉེ་བར་མ་གྱུར་པ་ལ་མངོན་དུ་བསྙེན་པ་མེད་པ་དེའི་ཚེ་བཟླས་བརྗོད་དང། བསམ་གཏན་དང་དབང་བསྐུར་བ་ལ་སོགས་པའི་ཚིགས་ལ་དུས་ལ་སོགས་པ་ལ ་བལྟོས་པར་བྱའོ། །ཞེས་དོན་གྱི་དབང་གི་གསུངས་པར་འགྱུར་རོ། །འོ་ན་སྔགས་པ་དུས་ལ་སོགས་པ་ལ་མི་བལྟོས་ན་བསྒྲུབ་པར་བྱ་བ་ལ་གསང་སྔགས་འབར་བར་འགྱུར་རོ་ཞེས། བསྡམ་པ་དང་ནི་བཤིག་པ་དང་ཞེས་བྱ་བ་ལ་སོགས་པའི་གཞུང་གིས་བསྟན་ན། དེ་ཅིའི་ཕྱིར ་དུས་ལ་སོགས་པ་ལ་མི་བལྟོས་པར་བཤད། དེ་ནི་གསང་སྔགས་ཉེ་བར་མ་གྱུར་པ་ལས་དགོངས་ཏེ་གསུངས་པས་ཉེས་པ་མེད་དོ། །གང་རིག་སྔགས་ཉེ་བར་གྱུར་པ་ལ་སོགས་པའི་སྒྲུབ་པ་པོས་ནི་ཉེས་པ་བྱས་པ་ཡང་བཟོད་དོ་ཞེས་བསྟན། རིག་སྔགས་ཉེ ་བར་གྱུར་འདོད་དང། །སྒྲུབ་པ་དང་ནི་དེ་བཞིན་མཆོག་།ཉེས་པ་སྟོང་དག་བྱས་པ་ཡང། །བཟོད་པར་འགྱུར་བ་དགོས་པ་མེད། །ཅེས་བྱ་བ་གསུངས་སོ། །རིག་སྔགས་ཉེ་བར་འགྱུར་བ་བཟོད་པའི་སྐབས་འདིར། རིག་སྔགས་འདོད་པ་ལ་སོགས་པ་རྣམས ་ཀྱང་བཟོད་པར་འགྱུར་བ་སྲིད་དོ་ཞེས་བསྟན་ཏོ། །འདིར་བཟླས་བརྗོད་དང་བསམ་གཏན་ལ་སོགས་པས་སྒྲུབ་པོའི་ཡོན་ཏན་ཇི་སྐད་དུ་སྨོས་པ་དང་ལྡན་པ་ལ། རིག་སྔགས་ཉེ་བར་གྱུར་པ་བསྟན་ཏོ། །འདོད་པ་ནི་ཉེ་བར་མ་གྱུར་ཀྱང་སྒྲུབ་པ་པོ་སྔོན་དུ་བསྙེན ་པ་བྱེད་པའི་ཚེ། ཡང་ཉེ་པ་བྱས་བཟོད་དོ། །འདོད་པར་གྱུར་པ་ཡང་དེ་དང་ཆ་མཐུན་པ་འམ། ཚེ་རབས་སྔ་མ་ལ་མཉེས་པར་བྱས་པས་སོ། །གྲུབ་པ་ནི་རལ་གྲི་ལ་སོགས་པའི་དངོས་གྲུབ་སྟེར་བའི་སྒོ་ནས་གྲུབ་པའི་དམ་ཚིག་ལས་འདས་པའི་ཉེས་བ ་བྱས་པ་ཡང་ཅུང་ཟད་བཟོད་དོ། །དེ་བཞིན་དུ་རིག་སྔགས་མཆོག་ནི་ཉེ་བར་མ་གྱུར་པ་དང། འདོད་པ་མ་ཡིན་པ་དང། མ་གྲུབ་པ་ཡང་མཐུ་ཆེ་བས་ཅུང་ཟད་ཀྱིས་མི་འཁྲུགས་པའི་ཕྱིར། སྒྲུབ་པ་པོའི་ཉེས་པ་མེད་དོ། །ཞེས ་གསུངས་སོ། །སྟོང་ཞེས་བྱ་བ་ནི་མང་པོའི་ཉེ་བའི་མཚན་མ་འམ། ངེས་པའི་ཚིག་སྟེ་སྟོང་ལས་ལྷག་པར་མི་བཟོད་ཞེས་བྱ་བའི་ཐ་ཚིག་གོ་།སྒྲུབ་པ་པོ་ཉེས་པ་བཟོད་པ་འབའ་ཞིག་མ་ཡིན་གྱི། རིགས་ལས་བྱུང་བ་ལ་སོགས་པའི་དངོས་གྲུབ་ཀྱང་ཉེ་བར ་གྱུར་པ་དང། གྲུབ་པ་བདག་སྟེར་རོ་ཞེས་བསྟན་པ། རིགས་དང་རྫས་ཀྱི་དངོས་གྲུབ་དང། སྨན་གྱི་ཡང་ནི་ལུས་ཅན་ལ། །ཉེ་བར་གྱུར་དང་སྔགས་གྲུབ་པ། །དབང་དུ་གྱུར་པ་རྟག་པར་འགྱུར་རོ། ཞེས་བྱ་བ་གསུངས་སོ། །དེ་ལ་རིགས་ཀྱི ་དངོས་གྲུབ་ནི་བསྒྲུབ་པར་བྱ་བའི་རྫས་མེད་པར་ཡང་བཟླས་བརྗོད་བྱས་པ་འམ། བསམ་གཏན་དུ་བྱ་བ་ལས་མངོན་པར་ཤེས་པ་ལ་སོགས་པའི་རིག་སྔགས་ཀྱིས་བྱིན་པ་འམ། རང་གི་རིགས་དང་རིགས་མཐུན་པ་འམ། གནོད་སྦྱིན་ལ་སོགས་པའི ་རིགས་དང་རིགས་མཐུན་པར་སྐྱེ་བ་ནི་བསྒྲུབ་པར་བྱ་བའི་རྫས་མེད་པར་ཡང་རིགས་སུ་གཏོགས་པའི་གསང་སྔགས་ཀྱི་ལྷ་འབའ་ཞིག་ལས་ཐོབ་པས་ན་རིགས་ལས་བྱུང་བ་ཞེས་གསུངས་སོ། །དེ་བཞིན་དུ་རྫས་ལས་བྱུང་བ་ནི་རལ་གྲི་ལ་སོགས་པའི་དངོས ་གྲུབ་ཀྱི་མཚན་ཉིད་དོ། །སྨན་གྱི་ཞེས་བྱ་བ་ནི་ཤུ་དག་ལ་སོགས་པ་སྒྲུབ་པ་ལས་བྱུང་བའི་མཚན་ཉིད་དོ། །དངོས་གྲུབ་དེ་དག་ནི་གསང་སྔགས་ཉེ་བར་གྱུར་པ་འམ། གྲུབ་པ་ལ་དབང་དུ་གྱུར་པ་སྟེ། ཉེ་བར་སྤྱད་དུ་རུང་བར་འགྱུར་རོ། །ཞེས་བྱ་བའི་ཐ ་ཚིག་གོ་།འགྲེལ་པ་འདི་ནི་བྱས་ལས་དེ་རིང་བདག་གིས་དགེ་བ་གང་ཞིག་ཐོབ་གྱུར་པ། །ཟླ་འོད་གསལ་དང་མུ་ཏིག་དོལ་ཤལ་དྲི་མ་མེད་པ་དཀར་པོ་འདྲ་བ་དེས། །ཉོན་མོངས་མི་ཤེས་སྒྲིབ་པའི་བློ་རྒྱུད་སྤང་ཕྱིར་སེམས་ཅན་བྱང་ཆུབ་ཡིད་གྱུར ་ཅིག་།ཡང་དག་རྟོགས་པའི་གཏམ་འདི་སངས་རྒྱས་གསང་བས་སྨྲས་པ་སེམས་ཅན་རྣམས་ཀྱིས་ཉོན། །བསམ་གཏན་ཕྱི་མ་ཞེས་བྱ་བ། རྒྱ་ཆེར་བཤད་པ་སློབ་དཔོན་སངས་རྒྱས་གསང་བས་མཛད་པ་རྫོགས་སོ།། །།རྒྱ་གར་གྱི་མཁན་པོ ་བིདྱཱ་ཀ་ར་པྲ་བྷཱ་དང། ཞུ་ཆེན་གྱི་ལོཙྪ་བ་བནདེ་དཔལ་བརྩེགས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། (།།འཕགས་པ་དཔུང་བཟང་གི་ཞུས་པའི་རྒྱུད་ཀྱི་དོན་བཞུགས་སོ།)་།!། །རྒྱ་གར་སྐད་དུ། ཨཱརྱ་སུ་བཱ་ཧུ་པ་རི་པྲ་ཙྪ་ནཱ་མ་ཏནྟྲ ་