བོད་ཡིག

e-texts based on the ACIP/ALL Input

bsgyur cing zhus te gtan la phab pa'o/ rdzogs so// //'phags pa 'jam dpal gzhon nur gyur pa la phyag 'tshal lo/ /mtshan yang dag par brjod pa'i rnal 'byor las/ nam gyi cha smad rang gi rgyud la rtag pa ni rang nyid lha'i phyag rgya chen por gsal bar byas la snang ba thams cad dkyil 'khor la bsdus te/ dkyil 'khor yang rim gyis 'khor lo la yang gtso bo bsdus te/ gtso bo yang dang po'i sangs rgyas la bsdu/ de yang ye shes 'khor lo la bsdu/ de yang ye shes sems dpa' la bsdu/ de yang zla ba la de yang a la bsdu/ a las nam mkha' i khams su 'phel te/ a A i a'i u a'u e i o aau aM a(rgyud 'grel yi ge brgya blangs pa de'i ngang las yi ge'i phreng ba bcu drug tu gyur te gnas/ de'i ngang las brgyad du gnas/ de'i ngang las yi ge bzhir gyur te gnas pa las/ bdag gi lus sgyu ma lta bur langs te 'khor lo bzhi dran par byas la/ spyi bor oM dkar po kha thur du 'phyang ba dang mgrin par h+rI(rgyud 'grel po kha gyen du gdengs pa dang snying khar hUM sngon po mgo thur du 'dzag pa dang/ lte bar a dkar po thig le dmar po 'od zer gyen du 'phro ba la bltas la/ a dkar po de las 'od zer rno la myur ba drag la grims pa/ ring gcig langs pas khrag gis thig le la 'od zer phog pa dang/ thig le las 'od zer phra la ring ba/ rno la myur ba dmar la dang ba/ grang la gsal ba/ zhig spyi bo'i oM gyi thig le dkar po la reg par gsal ba dang/ oM de las yi ge brgya pa'i tshul du byang chub kyi sems bde ba'i rang bzhin thig le dkar po'i tshul du khu 'phang lta bur dkar tsha ngar 'bab par bsams la rang gi khrag gi thig le la phog pa dang lus thams cad bde bas rgyas te shin tu bde bas gang bar gyur pa dang/ de la sems gtad pa ni bde ba'i ting nge 'dzin te/ bcu drug byed byed thig le can zhes bya'o/ /de yang stong pa nyid du shes bar byas nas bde stong dbyer med du bsgom mo/ /yan lag med pa'i rtsis las 'das zhes pa dang/ thig le stong pa yi ge brgya zhes bya ste/ de lta bu'i ngang las stong pa 'od gsal chos kyi skur thim pa ni mnyam bzhag gi tshe rnam rtog gi rba rlabs kyis kyang bskyod pa med par nam mkha' la sprin dengs pa 'am/ mar me la rlung gis ma bskyod pa 'am/ rgya mtsho dang pa la rlung gis ma bskyod pa bzhin du zhe 'dod thams cad dang bral ba/ stong pa'i rgyas thabs pa/ 'od gsal chos kyi sku la tsen ne yer re wa re khyug ge lte me mer de ha re phyal le/ yid la mi byed thom me/ yor ra sim me ting nge/ mugs se thibs se/ yid la mi byed spros bral mi rtog pa gang yin pa de 'di'o snyam pa med pa lta bu mi 'gyur ba so ma rang thag lhug pa lta bu yin la/ sems gsal la rtog pa med pa 'di'o snyam pa dang bral ba'o/ /gnyis 'dzin dang gnyis ma yin pa'i shes pa gang dang yang bral ba'o/ /nyon mongs pa mdza' dag 'joms pa rdo rje lta bu'i ting nge 'dzin la mnyam par bzhag go /de lta bu'i ting nge 'dzin la snyoms par zhugs na ting nge 'dzin brgya la snyoms par zhugs par 'gyur ta/ rdzogs pa'i sangs rgyas mngon sum du 'gyur ro/ /rjes thob kyi shes pa la ni stong pa chen po yi ge lngar gyur pa dang/ de'i ngang las stong pa chen po yi ge brgyar langs pa dang/ de'i ngang las yi ge'i phreng ba bcu drug du 'gyur te gnas pa las ni bar snang gi khams su A li kA li'i phreng bar bltas la/ nga la sgyu ma lta bu'i dkyil 'khor gyi lha tshogs sprul par bya'o/ /slob dpon 'jam dpal bshes gnyen gyis mdzad pa'i/ 'phags pa 'jam dpal gyi mtshan yang dag par brjod pa'i mnyam par gzhag pa'i rim pa'i man ngag/ rgya gar gyi mkhan po su badzra dang/ bod kyi lo tsa ba chos kyi shes rab kyis bsgyur ba rdzogs so// //'phags pa 'jam dpal la phyag 'tshal la/ /skye ba mi lus thob pa rnams/ /mi lus thob pa shin tu dka' / /de bas dam chos rnyed par dka' / /des na sgrub la brtson par bya/ /sang tsam 'chi 'am sus shes na/ /da lta nyid du bsnun te bya/ /yid dga' ba'i