བོད་ཡིག

e-texts based on the ACIP/ALL Input

du mchis par mdzod/ /'jam dpal gyi mtshan yang dag par brjod pa'i yan lag bdun pas tshogs bsag pa'i thabs/ slob dpon 'jam dpal bshes gnyen gyis mdzad pa rdzogs so// //'phags pa 'jam dpal gzhon nur gyur pa la phyag 'tshal lo/ /'phags pa 'jam dpal gyi mtshan yang dag par brjod pa ni/ dang po bdag nyid kyis sems can gyi don du sangs rgyas thob par bya'o zhes bsam/ de nas a A i a'i u a'u e i o aau aM a(rgyud 'grel pa'i 'od zer gyis rten gyi dkyil 'khor mngon par bsgrub par bya'o/ /de'i dbus su seng+ge'i khri nyi ma'i dkyil 'khor gyi steng du bsam pa ni/ s+thi to h+ri di dz+nyA na murti ra haM bud+d+ha bud+d+ha nAM/ tyad+hA bartI nAM zhes brjod pas rnam snang chen po kun tu zhal bsam mo/ /de'i thugs kar dang po'i sangs rgyas bsam/ de'i thugs kar shes rab 'khor lo bsgoms te/ oM badzra tIk+Sh+NA ya te na ma/ oM du(rgyud 'grel shes rab 'khor lo rtsibs drug bsgom/ de'i steng du ye shes sems pa bzla ba dang a bsgom par bya'o/ /a'i 'od zer gyis ye shes kyi dkyil 'khor drug bdag la zhugs par bsam mo/ /de la mtshan brjod par bya'o/ /de la dang por byang sems rdo rje'i dkyil 'khor gyi mtshan brjod par bya ste/ 'di ltar sangs rgyas bcom ldan 'das zhes pa nas theg pa chen po'i tshul gyi mchog ces pa'i bar du tshigs bcad bcu bzhi brjod pas/ ye shes sems dpa' i yi ge a las mtshan don byung ste/ de dag gis bcom ldan 'das byang sems rdo rje'i dkyil 'khor gyi lha tshogs su gyur te/ spros nas 'gro ba'i sems kyi don byas nas slar 'dus te/ rnam snang chen po'i phyi rim du gnas bar bsam mo/ /de nas sangs gyis rnam par snang mdzad che zhes ba nas tshigs bcad nyi shu rtsa lngar rkang ba gcig gis ma tshang ba brjod bas/ thugs ka'i ye shes sems dpa' i a las mtshan don gyi yi ge brgya brgyad cu rtsa gcig 'phros te/ de dag kyang rnam par snang mdzad kyi dkyil 'khor gyi lha tshogs su gyur te/ 'gro ba'i don byas nas rnam par snang mdzad chen po la bskor bar bsam mo/ de nas rdo rje 'jigs byed 'jigs par byed pa nas/ sgra dang ldan pa rnams kyis mchog ces pa'i bar du tshigs bcad bcur rkang pa gcig gis lhag pa brjod pas/ ye shes sems dpa' i thugs ka'i a las mtshan gyi yi ge rnams spros pas 'jig rten gyi gdug pa can rnams btul nas dkyil 'khor chen po'i shar phyogs su 'khor bar bzhugs par bsam mo/ /de nas yang dag bdag med de bzhin nyid nas ye shes me lce 'od rab gsal zhes pa'i bar tshigs bcad bzhi bcu rtsa gnyis brjod pas/ ye shes sems dpa' i thugs ka'i yi ge a las mtshan gyi don yi ge nyis brgya sum bcu rtsa lnga byung ste spros pas/ sangs rgyas snang ba mdza' yas kyi dkyil 'khor 'byung bas 'gro don byas nas dkyil 'khor chen po'i nub phyogs su bzhugs par bsam mo/ /de nas 'dod pa'i don grub dam pa ste zhes pa nas nor bu chen po rin chen tog ces pa'i bar gyi tshigs su bad pa nyi shu rtsa bzhi brjod pas/ ye shes sems dpa' i thugs ka'i a las mtshan don yi ge brgya nyi shu rtsa bzhi spro ste/ sangs rgyas rin chen 'byung ldan gyi dkyil 'khor kyang sprul pas 'gro ba'i don byas nas dkyil 'khor chen po'i lho phyogs su bzhugs par bsam mo/ /de nas sangs rgyas kun gyis rtogs bya zhes pa nas 'jam dpal dpal dang ldan pa'i mchog ces pa'i bar du tshigs su bcad pa bco lnga brjod pas/ ye shes sems dpa' i thugs ka'i a las mtshan don dgu bcu rtsa dgu spros te/ sangs rgyas don yod grub pa'i dkyil 'khor gyi sprul pas sems can gyi bsam pa yongs su grub par byas nas slar 'dus te dkyil 'khor chen po'i byang phyogs su bzhugs par bsgom mo/ /de ltar dkyil 'khor chen po drug po de las 'di ltar sangs rgyas bcom ldan 'das nas 'jam dpal dpal dang ldan pa'i mchog ces pa la sogs pas bstod cing mchod par bsams la gdon to/ /de ltar dkyil 'khor chen po la 'dir 'dud nyi shus yang dag par bstod do/ /de nas 'dod pa'i don gsol ba gdab ste dge ba rtsa ba bla na med pa'i byang chub tu bsngos te/ oM swA b+hA ba'i sngags kyis chos thams cad rang bzhin gyis rnam par dag cing spros pa dang bral bar 'jam pa'i dbyangs kyi ngo bo nam mkha' ltar dri ma med par yongs su dag par bsgoms te spyod lam gyi bya ba gzhan bya'o// de ltar rigs bsdus pa'i dbang du byas nas mtshan brjod cing bsdus pa la tshigs bcad nyis brgya drug cu rtsa gnyis kyis bstan to/ /de'i yon tan gyi gzhung tshigs bcad brgya lnga bcu'o/ /de ltar na sangs rgyas kyi mtshan brjod pa yon tan dang bcas pa'o/ /'jam dpal gyi mtshan gdon pa'i man ngag slob dpon 'jam dpal bshes gnyen gyis mdzad pa rdzogs so// //'phags pa 'jam dpal la phyag 'tshal lo/ /'jam dpal gyi mtshan yang dag par brjod pa'i dge ba'i rtsa ba bsngo ba dang mkhas pas rang gi