<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N2149: rdo rje dbyings kyi dkyil 'khor gyi don bsgom pa'i don bsdus pa<br><table><tr><td>
<input type="button" onclick="location.href='tcompletep.php?id=N2149&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N2149&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N2149&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">la phyab pa'o// //rgya gar skad du/ badzra d+hA tu maN+Da la b+ha ba na paN+DI thaM/ bod skad du/ rdo rje dbyings kyi dkyil 'khor gyi don bsgom pa'i don bsdus pa/ 'jam dpal rdo rje sems dpa' la phyag 'tshal lo/ /dang por bdag med pa la mos
 pa dang/ lkog ma sbyang ba dang lag pa sbyang ba dang bgegs bskrad pa dang gnas srung ba dang dkyil 'khor sprul pa dang/ me tog la sogs pas mchod pa dang phyag 'tshal ba dang sdig pa bshags pa dang bsod nams la rjes su yi rang ba dang/
 gsol ba gdab pa dang bskul ba dang mchod pa nyi shu dang bdag nyid dbul ba dang bsngo ba dang smon lam gdab pa dang/ byang chub tu sems bskyed pa dang sdom pa nyi shu blang ba dang/ byang chub tu sems bskyed pa phul du byung ba dang/ rang bzhin gyi
 dkyil 'khor dang/ sprul pa'i dkyil 'khor dang/ bsgom pa'i dkyil 'khor rnams kyi gzugs brnyan bsgom pa dang/ phyag rgya bcing ba sngon du 'gro ba'i cho ga sgrub pa mdor bstan pa dang/ rdo rje thal mo'i mtshan nyid dang de dag byin gyis brlab pa'i
 sngags dang/ rdo rje dbab pa bskyed ba dang/ de brtan par bya ba dang/ ngan song thams cad dgug pa dang/ sdig pa thams cad dral ba dang phyag rgya dgrol ba dang/ de nyid phul du dbyung ba dang/ rang gi snying ga'i rdo rje la snying po dgod pa dang zla ba gnyis
 bsgom pa dang rdo rje bsgom pa dang/ gzhan sgrub pa la phyag rgya gzhan bsgom pa dang snying po dgod pa dang/ phyag rgya'i nga rgyal dang sngar bshad pa'i dkyil 'khor gzhug pa dang/ sems dpa' bskyed pa dang/ dam tshig sems dpa' i nga rgyal dang dam
 tshig gi phyag rgyas de'i nga rgyal dang/ de nyid kyis gnas gzhir byin gyis brlab pa dang/ phyag rgya chen po'i snying po dang sngags bzlas pa dang/ rang gi snying gar dkyil 'khor bsam pa dang/ phreng ba blangs te dor ba dang dkyil 'khor du 'jug pa dang/ phreng
 ba blangs te/ spyi bor bkrol zhing bcing ba dang/ gdod g.yogs dgrol ba dang dkyil 'khor bstan pa dang mthong ba de brtan par bya ba dang/ dbang bskur lnga dang dkyil 'khor re re zhing dag pa byin gyis brlab pa dang dkyil 'khor re re'i bdag la byin gyis
 brlab pa la sogs pa lnga brgya dgu bcu rtsa gnyis kyi rnal 'byor sgrub pa dang/ snying ga'i dkyil 'khor gcig tu gyur pa dang/ rang gi lus la zla ba mang po dgod pa dang/ de nas nam mkha' la zla ba'i dkyil 'khor dgod pa dang/ snying po dgod pa dang rdo
 rje la sogs pa phyag mtshan dgod pa dang da'i nga rgyal dang dkyil 'khor bskyed pa dang ye shes sems dpa' dgug pa dang blta ba dang dgu /pa la sogs pas rang gi lus la bzhug pa dang/ kha dog dang dbyibs la sogs pa'i dbye ba dang/ snying
 pa dang sngags dag gis brtan par bya ba dang/ de bzhin gshegs pa thams cad bzhug pa dang/ rdo rje dbyings sngon du 'gro ba'i rigs lnga'i sngags kyis byin gyis brlab pa dang gnas bzhi par rdo rje la sogs pa dgos pa dang phyag rgya bzhis rgyas
 gdab ba dang/ phyag rgya thams cad spyi'i sngags kyis bcing pa dang yig rgya pas brtan par bya ba dang/ yang dbang bskur blang ba dang dga' ba'i glu dang gar dang lA sya la sogs pa'i mchod pa dang/ rdo rje dril bu blang ba'i de kho na nyid dang sngags brjod pa
 dang de dag brtan par bya ba dang/ tshig gsum gyis glu blang ba dang rang bzhin med pa'i sngags kyis bdag med par bsgom pa dang/ snod kyi 'jig rten rnam par dag pa dang/ spyi'i gdan dang/ khyad par gyi gdan par don thams cad grub pas bsam
 gtan dang gzugs mang pa? bsgom pa dang/ mi g.yo ba la 'jug pa dang de bzhin gshegs pas bzhangs pa dang de rnams mthong ba dbang la phyag bya ba dang de rnams kyi gdams ngag dang mngon par byang chub pa lnga ni sems so sor rtog pa mi bskyod
 pa'i ngo bo dang byang chub tu sems bskyed pa sbyin pa'i pha rol tu phyin pa rin chen 'byung ldan dang/ rdo rje bskyod pa ni 'od dpag tu med pa ste/ shes rab kyi pha rol tu phyin pa dang de bzhin gshegs pa thams cad kyi sku la sogs pa'i rdul phar ba
 zhugs pa ni/ brtson 'grus kyi pha rol tu phyin pa ste/ /don yod grub pa'o/ /gzugs rdzogs pa ni de bzhin gshegs pa thams cad kyi rang bzhin te/ rnam par snang mdzad kyi rang bzhin no/ /rdo rje rin chen gyi dbang bskur ba dang rjes su gnang ba
 sbyin pa dang/ ri rab kyi rtse mor gzhal yas khang bskyed pa dang/ de bzhin gshegs pa bzhis yongs su bskor ba ste sbyor ba dang po'i ting nge 'dzin to/ /nang gi bdag nyid kyi khrus ni lus dran pa nye bar gzhag pa'o/ /lkog ma dang lce byin gyis brlab pa ni
 tshe rab dran pa nye bar gzhag pa'o/ /lag pa byin gyis brlab pa ni sems dran pa nye bar gzhag pa'o/ /bgegs bskrad pa ni chos dran pa nye bar gzhag pa'o/ /bgegs 'joms pa ni sems kyi rdzu 'phrul gyi rkang pa'o/ /bgegs bcings pa ni dbyod
 pa'i rdzu 'phrul gyi rkang pa'o/ /steng 'og bcings pa ni mi dge ba'i chos skyes pa sdong ba'o/ /yang shad? sogs pa bcings pa ni mi dge ba'i chos ma skyes pa mi bskyod pa'o/ /dkyil 'khor sprul pa dang dkyil 'khor lngas phyag btsal ba ni dge ba'i
 chos ma skyes pa bskyed pa'o/ /sngag pa bshags pa nas brtsams te/ mchod pa nyi shu dang sdom pa blang ba ni dge ba'i chos skyes pa bsrung ba tshogs kyis lam mo/ /de nas gzugs brnyan la sogs pa'i sbyor ba nas brtsams te/ rnal 'byor chen po'i bar du
 sbyar ba'i lam yin te/ rdo rje dral? mo dang/ rdo rje bsdams pa dang/ rdo rje dbab pa dang/ brtan par bya ba dang/ sdig pa dral ba dang/ ngan 'gro sbyod pa ni dad pa'i dbang po'o/ /bdag med pa bsgom pa ni brtson 'grus kyi dbang po'o/ zla ba gnyis bskyed pa ni dran pa'i
 dbang po /dam chag sems dpa' bskyed pa ni ting nge 'dzin gyi dbang po'o/ /ye shes sems dpa' gzhugs pa la sogs pa ni shes rab kyi dbang po'o/ /snying gar dkyil 'khor dgod pa ni dad pa'i stobs so/ /de la 'jug pa ni brtson 'grus kyi stobs so//
 phreng ba'i dbang ni drad pa'i stobs so/ /dam tshig gsum gyi glu ni ting nge 'dzin gyi stobs so/ /yang stod pa nyid bsgrom pa ni shes rab kyi stobs te sbyor ba'i lam mo/ /'og min la yid kyi rang bzhin gyi lus gnas pa ni ting nge 'dzin byang chub kyi yan lag
 go/ ri rab la sogs pa bsgom pa ni brtson 'grus la sogs pa byang chub kyi yan lag go /gdan bsgom pa ni dga' ba byang chub kyi yan lag go /de bzhin gshegs pa thams cad gshegs pa ni shin tu sbyangs pa yang dag byang chub
 kyi yan lag go /de rnams mthong ba ni chos rnam par 'byed pa byang chub kyi yan lag go /de rnams kyi gdams ngag ni dran pa yang dag byang chub kyi yan lag go /de dag gdams ngag gis mi g.yo ba'i ting nge 'dzin spang ba ni/ btang snyoms yang
 dag byang chub kyi yan lag go /de ni mthong ba'i lam ste sa dang po'o/ /sems so sor rtogs pa ni yang dag pa'i lta ba ste sa gnyis pa'o/ /sems bskyed pa ni yang dag pa'i rtog pa ste sa gsum pa'o/ /rdo rje'i bdag nyid bsgom pa ni yang dag
 pa'i ngag ste sa bzhi pa'o/ /de bzhin gshegs pa thams cad bzhugs pa ni yang dag pa'i 'tsho ba ste sa lnga pa'o/ /gzugs grub pa ni yang dag pa'i rtsol ba ste sa drug pa'o/ /byin gyis brlab pa ni yang dag pa'i las kyi mdza' ste sa bdun
 pa'o/ /dbang bskur ba dang dbyangs bcing ba ni yang dag pa'i dran pa ste sa brgyad pa'o/ /yi ge brgya pas brtan par bya ba ni yang dag pa'i ting nge 'dzin ste sa dgu pa'o/ /rjes su gnang ba lnga thob pa ni sa bcu pa ste bsgom pa'i lam pa'o//
 de ni dang por sbyor ba'i ting nge 'dzin to/ /dkyil 'khor rgyal po mchog ni rdo rje lta bu'i ting nge 'dzin sngon du 'gro bas rgyu dang 'bras bu nye bar btags pas bshad do/ /las rgyal po mchog ni sems can gyi las gtso bo yin pas/ sangs
 rgyas kyi sa bcu gcig pa kun tu 'od ces bya'o/ /lam gyi rim pa'o/ /rdo rje dbyings kyi dkyil 'khor gyi don bsgom pa'i don bsdus pa rdzogs so// //rgya gar gyi mkhan po ku mA ra ka la sha'i zhal snga nas bsgyur cing zhus
 pa'o// /bya bsdus pa zhes bya ba bzhugs so// //*/ /rgya gar skad du/ kri ya saM gra ha nA ma/ bod skad du/ bya ba bsdus pa zhes bya ba/ dpal rdo rje sems dpa' la phyag 'tshal lo/ /'gro mgon rdo rje sems btud nas/ /slob ma dam pas