Wylie

e-texts based on the ACIP/ALL Input

ལ་ཕྱབ་པའོ།། །།རྒྱ་གར་སྐད་དུ། བཛྲ་དྷཱ་ཏུ་མཎྜ་ལ་བྷ་བ་ན་པཎྜཱི་ཐཾ། བོད་སྐད་དུ། རྡོ་རྗེ་དབྱིངས་ཀྱི་དཀྱིལ་འཁོར་གྱི་དོན་བསྒོམ་པའི་དོན་བསྡུས་པ། འཇམ་དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །དང་པོར་བདག་མེད་པ་ལ་མོས ་པ་དང། ལྐོག་མ་སྦྱང་བ་དང་ལག་པ་སྦྱང་བ་དང་བགེགས་བསྐྲད་པ་དང་གནས་སྲུང་བ་དང་དཀྱིལ་འཁོར་སྤྲུལ་པ་དང། མེ་ཏོག་ལ་སོགས་པས་མཆོད་པ་དང་ཕྱག་འཚལ་བ་དང་སྡིག་པ་བཤགས་པ་དང་བསོད་ནམས་ལ་རྗེས་སུ་ཡི་རང་བ་དང། ་གསོལ་བ་གདབ་པ་དང་བསྐུལ་བ་དང་མཆོད་པ་ཉི་ཤུ་དང་བདག་ཉིད་དབུལ་བ་དང་བསྔོ་བ་དང་སྨོན་ལམ་གདབ་པ་དང། བྱང་ཆུབ་ཏུ་སེམས་བསྐྱེད་པ་དང་སྡོམ་པ་ཉི་ཤུ་བླང་བ་དང། བྱང་ཆུབ་ཏུ་སེམས་བསྐྱེད་པ་ཕུལ་དུ་བྱུང་བ་དང། རང་བཞིན་གྱི ་དཀྱིལ་འཁོར་དང། སྤྲུལ་པའི་དཀྱིལ་འཁོར་དང། བསྒོམ་པའི་དཀྱིལ་འཁོར་རྣམས་ཀྱི་གཟུགས་བརྙན་བསྒོམ་པ་དང། ཕྱག་རྒྱ་བཅིང་བ་སྔོན་དུ་འགྲོ་བའི་ཆོ་ག་སྒྲུབ་པ་མདོར་བསྟན་པ་དང། རྡོ་རྗེ་ཐལ་མོའི་མཚན་ཉིད་དང་དེ་དག་བྱིན་གྱིས་བརླབ་པའི ་སྔགས་དང། རྡོ་རྗེ་དབབ་པ་བསྐྱེད་བ་དང། དེ་བརྟན་པར་བྱ་བ་དང། ངན་སོང་ཐམས་ཅད་དགུག་པ་དང། སྡིག་པ་ཐམས་ཅད་དྲལ་བ་དང་ཕྱག་རྒྱ་དགྲོལ་བ་དང། དེ་ཉིད་ཕུལ་དུ་དབྱུང་བ་དང། རང་གི་སྙིང་གའི་རྡོ་རྗེ་ལ་སྙིང་པོ་དགོད་པ་དང་ཟླ་བ་གཉིས ་བསྒོམ་པ་དང་རྡོ་རྗེ་བསྒོམ་པ་དང། གཞན་སྒྲུབ་པ་ལ་ཕྱག་རྒྱ་གཞན་བསྒོམ་པ་དང་སྙིང་པོ་དགོད་པ་དང། ཕྱག་རྒྱའི་ང་རྒྱལ་དང་སྔར་བཤད་པའི་དཀྱིལ་འཁོར་གཞུག་པ་དང། སེམས་དཔའ་བསྐྱེད་པ་དང། དམ་ཚིག་སེམས་དཔའ་ཨི་ང་རྒྱལ་དང་དམ ་ཚིག་གི་ཕྱག་རྒྱས་དེའི་ང་རྒྱལ་དང། དེ་ཉིད་ཀྱིས་གནས་གཞིར་བྱིན་གྱིས་བརླབ་པ་དང། ཕྱག་རྒྱ་ཆེན་པོའི་སྙིང་པོ་དང་སྔགས་བཟླས་པ་དང། རང་གི་སྙིང་གར་དཀྱིལ་འཁོར་བསམ་པ་དང། ཕྲེང་བ་བླངས་ཏེ་དོར་བ་དང་དཀྱིལ་འཁོར་དུ་འཇུག་པ་དང། ཕྲེང ་བ་བླངས་ཏེ། སྤྱི་བོར་བཀྲོལ་ཞིང་བཅིང་བ་དང། གདོད་གཡོགས་དགྲོལ་བ་དང་དཀྱིལ་འཁོར་བསྟན་པ་དང་མཐོང་བ་དེ་བརྟན་པར་བྱ་བ་དང། དབང་བསྐུར་ལྔ་དང་དཀྱིལ་འཁོར་རེ་རེ་ཞིང་དག་པ་བྱིན་གྱིས་བརླབ་པ་དང་དཀྱིལ་འཁོར་རེ་རེའི་བདག་ལ་བྱིན་གྱིས ་བརླབ་པ་ལ་སོགས་པ་ལྔ་བརྒྱ་དགུ་བཅུ་རྩ་གཉིས་ཀྱི་རྣལ་འབྱོར་སྒྲུབ་པ་དང། སྙིང་གའི་དཀྱིལ་འཁོར་གཅིག་ཏུ་གྱུར་པ་དང། རང་གི་ལུས་ལ་ཟླ་བ་མང་པོ་དགོད་པ་དང། དེ་ནས་ནམ་མཁའ་ལ་ཟླ་བའི་དཀྱིལ་འཁོར་དགོད་པ་དང། སྙིང་པོ་དགོད་པ་དང་རྡོ ་རྗེ་ལ་སོགས་པ་ཕྱག་མཚན་དགོད་པ་དང་དའི་ང་རྒྱལ་དང་དཀྱིལ་འཁོར་བསྐྱེད་པ་དང་ཡེ་ཤེས་སེམས་དཔའ་དགུག་པ་དང་བལྟ་བ་དང་དགུ་།པ་ལ་སོགས་པས་རང་གི་ལུས་ལ་བཞུག་པ་དང། ཁ་དོག་དང་དབྱིབས་ལ་སོགས་པའི་དབྱེ་བ་དང། སྙིང ་པ་དང་སྔགས་དག་གིས་བརྟན་པར་བྱ་བ་དང། དེ་བཞིན་གཤེགས་པ་ཐམས་ཅད་བཞུག་པ་དང། རྡོ་རྗེ་དབྱིངས་སྔོན་དུ་འགྲོ་བའི་རིགས་ལྔའི་སྔགས་ཀྱིས་བྱིན་གྱིས་བརླབ་པ་དང་གནས་བཞི་པར་རྡོ་རྗེ་ལ་སོགས་པ་དགོས་པ་དང་ཕྱག་རྒྱ་བཞིས་རྒྱས ་གདབ་བ་དང། ཕྱག་རྒྱ་ཐམས་ཅད་སྤྱིའི་སྔགས་ཀྱིས་བཅིང་པ་དང་ཡིག་རྒྱ་པས་བརྟན་པར་བྱ་བ་དང། ཡང་དབང་བསྐུར་བླང་བ་དང་དགའ་བའི་གླུ་དང་གར་དང་ལཱ་སྱ་ལ་སོགས་པའི་མཆོད་པ་དང། རྡོ་རྗེ་དྲིལ་བུ་བླང་བའི་དེ་ཁོ་ན་ཉིད་དང་སྔགས་བརྗོད་པ ་དང་དེ་དག་བརྟན་པར་བྱ་བ་དང། ཚིག་གསུམ་གྱིས་གླུ་བླང་བ་དང་རང་བཞིན་མེད་པའི་སྔགས་ཀྱིས་བདག་མེད་པར་བསྒོམ་པ་དང། སྣོད་ཀྱི་འཇིག་རྟེན་རྣམ་པར་དག་པ་དང། སྤྱིའི་གདན་དང། ཁྱད་པར་གྱི་གདན་པར་དོན་ཐམས་ཅད་གྲུབ་པས་བསམ ་གཏན་དང་གཟུགས་མང་པ?་བསྒོམ་པ་དང། མི་གཡོ་བ་ལ་འཇུག་པ་དང་དེ་བཞིན་གཤེགས་པས་བཞངས་པ་དང་དེ་རྣམས་མཐོང་བ་དབང་ལ་ཕྱག་བྱ་བ་དང་དེ་རྣམས་ཀྱི་གདམས་ངག་དང་མངོན་པར་བྱང་ཆུབ་པ་ལྔ་ནི་སེམས་སོ་སོར་རྟོག་པ་མི་བསྐྱོད ་པའི་ངོ་བོ་དང་བྱང་ཆུབ་ཏུ་སེམས་བསྐྱེད་པ་སྦྱིན་པའི་ཕ་རོལ་ཏུ་ཕྱིན་པ་རིན་ཆེན་འབྱུང་ལྡན་དང། རྡོ་རྗེ་བསྐྱོད་པ་ནི་འོད་དཔག་ཏུ་མེད་པ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་དང་དེ་བཞིན་གཤེགས་པ་ཐམས་ཅད་ཀྱི་སྐུ་ལ་སོགས་པའི་རྡུལ་ཕར་བ ་ཞུགས་པ་ནི། བརྩོན་འགྲུས་ཀྱི་ཕ་རོལ་ཏུ་ཕྱིན་པ་སྟེ། །དོན་ཡོད་གྲུབ་པའོ། །གཟུགས་རྫོགས་པ་ནི་དེ་བཞིན་གཤེགས་པ་ཐམས་ཅད་ཀྱི་རང་བཞིན་ཏེ། རྣམ་པར་སྣང་མཛད་ཀྱི་རང་བཞིན་ནོ། །རྡོ་རྗེ་རིན་ཆེན་གྱི་དབང་བསྐུར་བ་དང་རྗེས་སུ་གནང་བ ་སྦྱིན་པ་དང། རི་རབ་ཀྱི་རྩེ་མོར་གཞལ་ཡས་ཁང་བསྐྱེད་པ་དང། དེ་བཞིན་གཤེགས་པ་བཞིས་ཡོངས་སུ་བསྐོར་བ་སྟེ་སྦྱོར་བ་དང་པོའི་ཏིང་ངེ་འཛིན་ཏོ། །ནང་གི་བདག་ཉིད་ཀྱི་ཁྲུས་ནི་ལུས་དྲན་པ་ཉེ་བར་གཞག་པའོ། །ལྐོག་མ་དང་ལྕེ་བྱིན་གྱིས་བརླབ་པ་ནི ་ཚེ་རབ་དྲན་པ་ཉེ་བར་གཞག་པའོ། །ལག་པ་བྱིན་གྱིས་བརླབ་པ་ནི་སེམས་དྲན་པ་ཉེ་བར་གཞག་པའོ། །བགེགས་བསྐྲད་པ་ནི་ཆོས་དྲན་པ་ཉེ་བར་གཞག་པའོ། །བགེགས་འཇོམས་པ་ནི་སེམས་ཀྱི་རྫུ་འཕྲུལ་གྱི་རྐང་པའོ། །བགེགས་བཅིངས་པ་ནི་དབྱོད ་པའི་རྫུ་འཕྲུལ་གྱི་རྐང་པའོ། །སྟེང་འོག་བཅིངས་པ་ནི་མི་དགེ་བའི་ཆོས་སྐྱེས་པ་སྡོང་བའོ། །ཡང་ཤད?་སོགས་པ་བཅིངས་པ་ནི་མི་དགེ་བའི་ཆོས་མ་སྐྱེས་པ་མི་བསྐྱོད་པའོ། །དཀྱིལ་འཁོར་སྤྲུལ་པ་དང་དཀྱིལ་འཁོར་ལྔས་ཕྱག་བཙལ་བ་ནི་དགེ་བའི ་ཆོས་མ་སྐྱེས་པ་བསྐྱེད་པའོ། །སྔག་པ་བཤགས་པ་ནས་བརྩམས་ཏེ། མཆོད་པ་ཉི་ཤུ་དང་སྡོམ་པ་བླང་བ་ནི་དགེ་བའི་ཆོས་སྐྱེས་པ་བསྲུང་བ་ཚོགས་ཀྱིས་ལམ་མོ། །དེ་ནས་གཟུགས་བརྙན་ལ་སོགས་པའི་སྦྱོར་བ་ནས་བརྩམས་ཏེ། རྣལ་འབྱོར་ཆེན་པོའི་བར་དུ ་སྦྱར་བའི་ལམ་ཡིན་ཏེ། རྡོ་རྗེ་དྲལ?་མོ་དང། རྡོ་རྗེ་བསྡམས་པ་དང། རྡོ་རྗེ་དབབ་པ་དང། བརྟན་པར་བྱ་བ་དང། སྡིག་པ་དྲལ་བ་དང། ངན་འགྲོ་སྦྱོད་པ་ནི་དད་པའི་དབང་པོའོ། །བདག་མེད་པ་བསྒོམ་པ་ནི་བརྩོན་འགྲུས་ཀྱི་དབང་པོའོ། ཟླ་བ་གཉིས་བསྐྱེད་པ་ནི་དྲན་པའི ་དབང་པོ་།དམ་ཆག་སེམས་དཔའ་བསྐྱེད་པ་ནི་ཏིང་ངེ་འཛིན་གྱི་དབང་པོའོ། །ཡེ་ཤེས་སེམས་དཔའ་གཞུགས་པ་ལ་སོགས་པ་ནི་ཤེས་རབ་ཀྱི་དབང་པོའོ། །སྙིང་གར་དཀྱིལ་འཁོར་དགོད་པ་ནི་དད་པའི་སྟོབས་སོ། །དེ་ལ་འཇུག་པ་ནི་བརྩོན་འགྲུས་ཀྱི་སྟོབས་སོ།། ་ཕྲེང་བའི་དབང་ནི་དྲད་པའི་སྟོབས་སོ། །དམ་ཚིག་གསུམ་གྱི་གླུ་ནི་ཏིང་ངེ་འཛིན་གྱི་སྟོབས་སོ། །ཡང་སྟོད་པ་ཉིད་བསྒྲོམ་པ་ནི་ཤེས་རབ་ཀྱི་སྟོབས་ཏེ་སྦྱོར་བའི་ལམ་མོ། །འོག་མིན་ལ་ཡིད་ཀྱི་རང་བཞིན་གྱི་ལུས་གནས་པ་ནི་ཏིང་ངེ་འཛིན་བྱང་ཆུབ་ཀྱི་ཡན་ལག ་གོ། རི་རབ་ལ་སོགས་པ་བསྒོམ་པ་ནི་བརྩོན་འགྲུས་ལ་སོགས་པ་བྱང་ཆུབ་ཀྱི་ཡན་ལག་གོ་།གདན་བསྒོམ་པ་ནི་དགའ་བ་བྱང་ཆུབ་ཀྱི་ཡན་ལག་གོ་།དེ་བཞིན་གཤེགས་པ་ཐམས་ཅད་གཤེགས་པ་ནི་ཤིན་ཏུ་སྦྱངས་པ་ཡང་དག་བྱང་ཆུབ ་ཀྱི་ཡན་ལག་གོ་།དེ་རྣམས་མཐོང་བ་ནི་ཆོས་རྣམ་པར་འབྱེད་པ་བྱང་ཆུབ་ཀྱི་ཡན་ལག་གོ་།དེ་རྣམས་ཀྱི་གདམས་ངག་ནི་དྲན་པ་ཡང་དག་བྱང་ཆུབ་ཀྱི་ཡན་ལག་གོ་།དེ་དག་གདམས་ངག་གིས་མི་གཡོ་བའི་ཏིང་ངེ་འཛིན་སྤང་བ་ནི། བཏང་སྙོམས་ཡང ་དག་བྱང་ཆུབ་ཀྱི་ཡན་ལག་གོ་།དེ་ནི་མཐོང་བའི་ལམ་སྟེ་ས་དང་པོའོ། །སེམས་སོ་སོར་རྟོགས་པ་ནི་ཡང་དག་པའི་ལྟ་བ་སྟེ་ས་གཉིས་པའོ། །སེམས་བསྐྱེད་པ་ནི་ཡང་དག་པའི་རྟོག་པ་སྟེ་ས་གསུམ་པའོ། །རྡོ་རྗེའི་བདག་ཉིད་བསྒོམ་པ་ནི་ཡང་དག ་པའི་ངག་སྟེ་ས་བཞི་པའོ། །དེ་བཞིན་གཤེགས་པ་ཐམས་ཅད་བཞུགས་པ་ནི་ཡང་དག་པའི་འཚོ་བ་སྟེ་ས་ལྔ་པའོ། །གཟུགས་གྲུབ་པ་ནི་ཡང་དག་པའི་རྩོལ་བ་སྟེ་ས་དྲུག་པའོ། །བྱིན་གྱིས་བརླབ་པ་ནི་ཡང་དག་པའི་ལས་ཀྱི་མཛའ་སྟེ་ས་བདུན ་པའོ། །དབང་བསྐུར་བ་དང་དབྱངས་བཅིང་བ་ནི་ཡང་དག་པའི་དྲན་པ་སྟེ་ས་བརྒྱད་པའོ། །ཡི་གེ་བརྒྱ་པས་བརྟན་པར་བྱ་བ་ནི་ཡང་དག་པའི་ཏིང་ངེ་འཛིན་སྟེ་ས་དགུ་པའོ། །རྗེས་སུ་གནང་བ་ལྔ་ཐོབ་པ་ནི་ས་བཅུ་པ་སྟེ་བསྒོམ་པའི་ལམ་པའོ།། ་དེ་ནི་དང་པོར་སྦྱོར་བའི་ཏིང་ངེ་འཛིན་ཏོ། །དཀྱིལ་འཁོར་རྒྱལ་པོ་མཆོག་ནི་རྡོ་རྗེ་ལྟ་བུའི་ཏིང་ངེ་འཛིན་སྔོན་དུ་འགྲོ་བས་རྒྱུ་དང་འབྲས་བུ་ཉེ་བར་བཏགས་པས་བཤད་དོ། །ལས་རྒྱལ་པོ་མཆོག་ནི་སེམས་ཅན་གྱི་ལས་གཙོ་བོ་ཡིན་པས། སངས ་རྒྱས་ཀྱི་ས་བཅུ་གཅིག་པ་ཀུན་ཏུ་འོད་ཅེས་བྱའོ། །ལམ་གྱི་རིམ་པའོ། །རྡོ་རྗེ་དབྱིངས་ཀྱི་དཀྱིལ་འཁོར་གྱི་དོན་བསྒོམ་པའི་དོན་བསྡུས་པ་རྫོགས་སོ།། །།རྒྱ་གར་གྱི་མཁན་པོ་ཀུ་མཱ་ར་ཀ་ལ་ཤའི་ཞལ་སྔ་ནས་བསྒྱུར་ཅིང་ཞུས ་པའོ།། །བྱ་བསྡུས་པ་ཞེས་བྱ་བ་བཞུགས་སོ།། །།*། །རྒྱ་གར་སྐད་དུ། ཀྲི་ཡ་སཾ་གྲ་ཧ་ནཱ་མ། བོད་སྐད་དུ། བྱ་བ་བསྡུས་པ་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །འགྲོ་མགོན་རྡོ་རྗེ་སེམས་བཏུད་ནས། །སློབ་མ་དམ་པས ་