<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N2139: dpal mchog dang po'i dkyil 'khor gyi cho ga zhes bya ba<br><table><tr><td>
<input type="button" onclick="location.href='tcompletep.php?id=N2139&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N2139&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N2139&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">pa'i/ /sems can kun la phan phyir dang/ /bla med 'bras bu thob bya'i phyir/ /rin chen bzang pos bsgyur ba yin// //dpal mchog dang po'i dkyil 'khor gyi cho ga bzhugs// //dpal mchog dang po'i dkyil 'khor gyi cho ga zhes bya ba/
 dpal rdo rje sems dpa' la phyag 'tshal lo/ /sngon du bsnyen pa byas nas/ nyin re 'am/ zla re 'am/ lo re zhing rnal 'byor chen po nyid kyi dkyil 'khor chen po bri bar bya'o/ /de la dang po kho nar yo byad thams cad dang yang dag par ldan pas mngon par 'dod pa'i sa'i
 dbus su/ mi rus kyi phye ma'i spyin sreg dang/ mngon spyod kyi sbyin sreg gi cho gas/ dkyil 'khor gyi bgegs zlog la/ bdag dang slob ma zhi bar byed pa'i sbyin sreg bya'o/ /de nas rdo rje gnod sbyin gyis sems can gdug pa can rnams bskrad la/ gnas
 bsrung bar bya ste/ yang de nyid kyis sngags lan bdun bzlas pa'i yungs kang dang chu dang thal ba rnams kyis gtor la/ pa'i spyogs? der khru gang tsam mam/ 'od ma gang tsam brkos la/ steng 'og bzlog la/ sra dang rus pa dang/ zhogs ma dang/ thal ba la
 sogs pa bsal te/ dag cing dri zhim pa'i sas bskang la/ rdo rje rtse mo yongs su bzlas pa'i spos chus sbang zhing/ 'thas par bcag par bya'o/ /shin tu mnyam pa'i sgo bzhi pa'i khang pa brtsegs ma'i nang du chud par rta babs bzhis mdzes par byas pa
 sgo bzhi sgo glegs bzang pos bskor ba'i gnas su/ slob ma shin tu mkhas pas shar phyogs nas brtsams te/ rdo rje gnod sbyin gyi sngags bzlas pa'i ba'i rnam lngas legs par byug cing/ de nyid yongs su bzlas pa'i sbos chus bsang gtor bya ba dang/
 de nyid yongs su bzlas pa'i rin po che dang/ 'bru dang sman thams cad de'i dbus su bzhag par bya ste/ sa yongs su sbyangs pa'i cho ga'o/ /de las yongs su sbyangs shing 'thas par bcags zin pa'i rdo rje gnod sbyin gyis bgegs bsal la/ yungs kar
 dang/ chu dang thal ba rnams la rdo rje gnod sbyin gyi sngags lan bdun bzlas bas mngon par gtong bar bya'o/ /de nas yang slob ma shin tu mkhas pas rdo rje gnod sbyin gyi sngags yongs su bzlas pa'i ba'i rnam ldas legs par byug cing/ spos chus kyang phyogs
 der bsang gtor bya'o/ /de nas rin po che dang/ 'bru sman thams cad la bzlas brjod lan bdun byas pa sa'i de'i dbus su gzhug par bya ste/ 'di yis 'dir sa sbyangs pa'i cho ga'o// //de nas yang slob ma shin tu mkhas
 pas sa'i shar phyogs nas brtsams te/ rdo rje gnod sbyin gyis yongs su bzlas pa'i dris legs par byug par bya'o/ /de nas lugs ma dang/ 'bur du brkos pa dang/ ris su bris pa'i sangs rgyas dang byang chub sems dpa' rnams dang/ dbang phyug che stsogS
 phyag rgya yis/ /grub pa'i rdo rje cher bstod las/ /rig pa'i tshogs rnams kyis brgyan cing/ /tha mar mtshon gyi rabs nye bar mdzes par bya ba dang/ rgyal mtshan gyi dam pa dang/ bla re'i mchog dril bu btags pa bre ba dang/ me tog dang/ mar me
 dang/ me tog gi tshun 'phyang dang/ dra ba dang dra ba phyed pa dang/ zla ba phyed pa dang/ zla ba rdo rje dang/ rin po che dang/ ba dan dang/ 'phred pa rnams dang/ sgo bzhi dang mtshams? bzhir spos khang bzhag pa dang/ rol mo dang/ glu dang/ gar rnams kyis
 yang dag par mchod nas/ sa la lag pa bzhag ste/ hUM dang yi ge brgya pa lan bdun bzlas brjod bya'o/ /sa yongs su bzung ba'i cho ga'o// //de nas dkyil 'khor gyi sa'i dbus su 'dug la/ bgegs gzham pa la sogs pa ji lta ba
 bzhin du byas te/ dang po'i rdo rjes dkyil 'khor yul la phyag byas pa la sogs pa sngon du 'gro bas sdom pa gzung nas/ lha'i rnal 'byor dang/ gzhal yas khang dang/ gdan rnams bskyed de/ dbus su sems dpa' i skyil mo krung gis 'dug pa/
 'di ltar bdag nyid spro ba bskyed par bya ste/ deng du bdag tshe 'bras bu yod/ /bdag gi gson pa 'bras bur bcas/ /lha dang dam tshig gis mnyam par gyur bar bdag ni som nyi med/ /byang chub sems dang sems gcig las/ /mi ldog par ni bdag 'gyur?
 te/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ /de nas lus thams cad kyis phyag byas la/
 bdug spos phul te/ sangs rgyas thams cad la gsol ba gdab par bya'o/ /ma lus phyogs na bzhugs pa yi/ /sangs rgyas thams cad dgongs su gsol/ /bdag ming 'di zhes bgyi ba yis/ /rdo rje can gyi dkyil 'khor bri/ /ded 'dir sangs rgyas kun
 gshegs te/ /dngos grub 'dir ni brtsal du gsol/ /zhes brjod de/ yang lag thams cad kyis phyag byas te/ dang po'i sbyor ba dang/ dkyil 'khor gyi mchog dang las kyi mchog ces bya ba'i ting nge 'dzin gsum bsgoms la/ snga ma bzhin du cho ga thams cad
 rjes su bcad de/ hUM bzlos pa la brtson zhing phyag rgya chen po bsgom par bya'o/ /de nas dkyil 'khor bri bar bya ba'i phyir/ bdag nyid la de bzhin gshegs pa thams cad kyis gsol pa btab par gyur par bsams te/ bcom ldan 'das khyod la gsol ba ni/
 'dod chags chen po bde ba che/ /snying po 'di ni brtag pa nyid/ /bde chen myur du sgrub par mdzod/ /ces bya bas gsol ba btab par bsam mo/ /de nas de las langs te/ de bzhin gshegs pa thams cad kyi zhabs la phyag 'tshal te/ de bzhin gshegs pa
 thams cad kyis nam mkha' kun tu gang bar bsams la/ bdag ni rang nyid rdo rje can/ /rdo rje sems dpa' bdag rang nyid/ /bdag ni sangs rgyas rgyal po che/ /stobs chen rdo rje can bdag yin/ /rnal 'byor dbang phyug rgyal po bdag /phyag na rdo rje brtan bdag
 ste/ /bdag po rdo rje chen po bdag /byin gyis brlab pa mi 'dor ro/ /hUM zhes brjod par bya'o/ /mchog tu dam tshig gsum thob pa'i/ /slob dpon rang gi phyag rgya yis/ /rdo rje dril bu 'chang bya zhing/ /'khor lo'i cho ga thams cad bya/ /rtog pa kun
 la mnyam 'jug pas/ /dkyil 'khor thams cad bsgrub par bya/ /dam tshig che gsum zhes bya ba'i/ /rgya 'di gsang sngags sgrub byed pa'o/ /dngos grub kun gyi cho ga la/ /rdo rje dril bu rab bskul bas/ /chog lhag gam ma tshang na/ /'grub par 'gyur
 te smad mi bya/ /de nas dkyil 'khor thams cad mngon du byas la/ dang po'i rdo rje hUM badzra u tiSh+Tha ma hA maN+Da la u thA pa la/ zhes brjod do/ /bar snang gi phyogs su dkyil 'khor bzhag la/ bdag nyid dang po'i rdo rje de nyid hUM gis byin gyis brlabs la/ yang phyag rgya
 chen po bsams te/ oM badzra tiSh+Tha maT ces bya ba mig gnyis su bkod de/ de bzhin du langs la phyag rgyas gnas pas thams cad du bltas te/ snyems pas hUM 'don zhing sod la rkang pa gnyis kyi 'og tu a las sna tshogs rdo rje bsams te/ rkang pa nas brtsams nas
 nam mkha' i khams ma lus pa dang mnyam par gnas pa'i/ sa'i ch rdo rjer gyur par lhag par mos par byas la/ rdo rje'i lta bas kyang g.yon pas bgegs bsal te/ skor phyogs dang steng phyogs dang/ nam mkha' i phyogs thams cad du dkyil 'khor mtshams
 gcad pa dang/ ra ba dang dra ba dag bya'o/ /de nas sgo dbye ba'i phyag rgyas sgo phye la/ rdo rje rgyu'i ngo bo zhal bzhi pa/ phyag bzhi pa'i gsang ba'i gzugs can gyi dkyil 'khor phyag rgya dang/ sngags 'di dang ldan pas dkug par bya'o/ /oM ma hA badzra maN+Dal hUM dza/
 rdo rje khu tshur gnyis las mthe bong dang mdzub mo rdo rjer bya ba ni dkyil 'khor thams cad dgug par byed pa rdo rje 'khor lo zhes bya ba'i phyag rgya'o/ /oM badzra tsakra a ti tiSh+Tha sid+d+ha hUM/ zhes bya ba'i phyag rgya 'di dang ldan pas dkyil 'khor yang byin gyis brlab
 par bya'o/ /rdo rje'i khu tshur gnyis 'khor lo bskor ba'i tshul du mgal me bskor ba ltar bya ba ni 'di'i phyag rgya'o/ /de nas seng lded ga rdo rje phur bu mdza' yas dang rnam par rgyal ba dang/ sprin sgra dang gsus po che rgyal ba zhes bya ba dang rim pa bzhin du
 steng gi 'khor lo sgyur ba dang/ rdo rje hUM mdzad dang/ 'phags pa 'jam dpal dang gshin rje gshed dang/ rdo rje chen po dang/ rta mgrin lta bu la/ 'og rdo rje rtse gcig pa lta bur bskyed la tsan dmar pos byug cing/ skad bu dmar po dang/ me tog gi 'phreng ba dmar
 pos bcings la/ oM ko ta ya tri ya ta ma/ tsi ta tra ti ta ma Ta ces bya ba brgya rtsa brgyad bzlas brjod byas te/ de g.yon pa'i rdo rje khu tshur gyis gzung la/ phyi'i dkyil 'khor gyi grwa bzhir dbang ldan gyi phyogs nas brtsams te/ rdo rje thal mos brdud bar bya'o//
 de nas rdo rje gnod sbyin gyi bgegs bsal la/ bsrung ba byas te de bzhin du rdo rje khu tshur gyis sgra bcad la rdo rje gnod sbyin gyis bsrungs pas yang dag par bsrung ste/ rdo rje gnod sbyin yongs su bzlas pa'i bum pa dkyil 'khor gyi sgor bsang gtor bya ba'i
 phyir gzhag par bya'o/ /de nas spos chu la rdo rje gnod sbyin gyis bzlas la de nyid 'don cing/ spos chus dkyil 'khor gyis gzhi byug par bya'o/ /de nas lha thams cad kyi gnas su dri'i dkyil 'khor byas la/ lag pas bran nas hUM lan bdun de dag la
 bzlas te/ de rnams su dpal rdo rje sems dpa' la sogs pa nam mkha' i phyogs nas phab ste/ hUM nyid kyis bcug la/ mchod pa rnam pa ldas mchod do/ /de nas phyi rol du gtor ma byin la/ rnam par rgyal ba'i bum pa ji skad du bshad pa'i mtshan nyid
 rnams dang ldan pa sman dang 'bru dang rin po che la sogs pa yang dag par ldan par byas la/ chu nyung zad blugs te/ rdo rje gnod sbyin dang/ rdo rje me ltar rab tu 'bar ba dang/ rdo rje sems dpa' la re re zhing yang lan brgya rtsa brgyad bzlas pa'i mchod yon
 bum pa'i steng du gzhag la/ rang gi dam tshig gi phyag rgyas bzung ba'i rdo rje dang/ me tog gi yal ga phreng ba re re zhing yang nyi ma gnyis pa la de dus gsum du bzlas brjod bya'o /de ltar bum pa'i bsnyen pa byas nas rdo rje gnod sbyin dang/ rdo rje sems dpa' dang
 sangs rgyas spyan gyis mar la sogs ba'i sbyin sreg re re zhing brgya rtsa brgyad byas te 'di'i lhag par gnas pa'i sbyin sreg gi cho ga'o/ /de nas bcom ldan 'das la mtshan brgya rtsa brgyad kyis yang dag par bstod la/ mchod pa bcu
 gnyis kyi 'khor dang bcas pa yang dag par legs par mchod la snga ma bzhin du phyag byas nas mchod yon phul te/ slob ma lhag par gnas pa'i cho ga bya'o/ /de la dang por lag na me tog thogs pa'i slob mas/ slob dpon la phyag byas la/ 'di
 skad ces brjod par bya ste/ dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa' i tshul brtan pa/ /mgon po chen po bdag 'tshal lo/ /dam tshig de nyid btsal du gsol/ /byang chub sems kyang bdag la stsol//
 sangs rgyas chos dang dge 'dun ste/ /skyabs gsum dag ni bdag la stsol /zla ba'i dkyil 'khor bskyed la/ de'i steng du hUM las rdo rje rtse lnga pa bsams la/ lag pa g.yas pas rdo rje blangs t+te/ su ra ta sa ma ya staM ho badzra sid+d+hi ya thA su khaM/ zhes bya ba'i
 snying pos de'i snying gar rdo rje bzhag par bya'o/ /de nas sdig pa bshags pa la sogs pa byed du gzhug par bya ste/ rtog pa ma lus legs par bsdus nas ni/ /shin tu bsam pa bzang po ldan pas nyon/ /brjed des blo la rdo rje sems stsogs pa'i/ /bde
 bar gshegs pa rnams ni byin mi rlob/ /dbang med bdag gis mi dge bgyis pa dang/ /rjes su yi rang yang na bgyid btsal gang/ /de dag thams cad byang chub mchog gis ni/ /spyan sngar ma lus de dag so sor gshags/ /bde gshegs rnams kyi tshogS
 gnyis bsags pa dang/ /sras rnams kyi ni zab cing mdza' med pa'i/ /'gro ba ma lus don rnams grub mdzad dang/ /de las gzhan pa 'am bdag ni yi rang ngo/ /thugs rjes gdungs pa'i thabs dang ldan gyur cig/ blo gros sdig med gti mug tshogs
 kun bcom/ /ma lus rigs kyi pad+ma'i nang bzhugs pa/ /bde bar gshegs pa rnams la skyabs su mchi/ /rab mchog blo yi kun dga' zer? ba ste/ /dman pa 'jigs par byed pas 'khor lo'i tshul/ /srid pa'i 'byor ba zil gyis gnon pa'i phul/ /gsung
 mchog chos kyi mchog la skyabs su mchi/ /'dod chags la sogs sprul gyi dug bcom zhing/ /blo gros rnam rgyas thugs rje chen po'i yid/ /brtul zhugs dbang po'i tshogs la skyabs gsol zhing/ /srid dang bral ba rnams la bdag phyag 'tshal/ /rgyu'i
 rjes thogs bdag po'i yin nyid la/ /'bras bu'i nus pas sgra'i chogs las rgyal/ /so sor rig dang snying rje'i rtsab can/ /byang chub yang dag rig pa bdag gis bzung/ /sems can rnams ni yongs su smin phyir dang/ /skyab pa'i phyir ram yang na bdag gi
 sems/ /yang dag nyid du dag par bya ba'i phyir/ thams cad rtsa mchog nyid du ltos pa med par sbyin/ /de bzhin tshul khrims bzod dang brtson 'grus dang/ /bsam gtan dang ni shes rab bla med pa/ /bdag dang gzhan rnams dag par bya phyir 'di/ /skad
 cig re re zhing yang bsgom par bgyi/ /bde gshegs sngags la rgya cher mkhas pa dang/ /chos rgyal rtag tu lhun gyis grub pa ni/ /'gro 'di rnams kyis thob par bya ba'i phyir/ /'di na mkha' bzhin du ni gnas par bgyid/ /ces lan gsum brjod do//
 bdag gi dge ba'i rtsa ba yang dag par bsdus pa 'dis/ bdag gis thams cad yongs su btang bar bgyi'o/ /bdag gis sems can thams cad la mnyam pa'i sems bskyed par bgyi'o/ /bdag gis sems can thams cad la theg pa thams
 cad dang thabs kyi bye brag thams cad kyis btul nas/ mi gnas pa'i mya ngan las 'das pa'i dbyings la rab tu bzhag par bya'o/ /bdag gis sems can thams cad yongs su mya ngan las 'das bar gyur kyang/ sems can 'ga' yang mya ngan 
 las rangs par gyur pa med do/ /zhes sems bskyed par bgyi'o/ /bdag gis chos thams cad la skye ba med pa nyid du rjes su rtogs par bgyi'o/ /bdag gis ma yongs pa'i sems dang thams cad mkhyen pa'i ye shes kyi sems
 kyi pha rol tu phyin pa drug la bslab par bgyi'o/ /bdag gis theg pa gcig gi tshul du gnas par yang rtogs par bgyi'o/ /bdag gis byang chub kyi phyogs kyi chos sum cu rtsa bdun la gnas pa so sor rtogs pa'i phyir bslab par bgyi'o/ /bdag gis
 stobs bcu dang/ mi 'jigs pa dang/ so so yang dag par rig pa bzhi dang/ sangs rgyas kyi chos ma 'dres pa rnams so sor rtogs? par bya ba'i phyir mngon par brtson par bgyi'o/ /de bzhin du bdag gis sangs rgyas kyi chos tshad med pas lus pa la
 mngon par gnas shing bsgrub par bgyi'o/ /'di ni byang chub sems dpa' rnams kyi rdo rje lta bu byang chub chen por sems bskyed pa yin te/ de bzhin gshegs pa thams cad kyi yab dang/ de bzhin gshegs pa thams cad kyi bka' bzhin byed pa
 dang/ de bzhin gshegs pa thams cad kyi sras kyi thubs ste/ 'di nyid kyis bcom ldan 'das kun tu bzang po'o/ /de ji lta ba bzhin du yang dag par rdzogs par byas pa'i dge ba'i rtsa ba'i stobs kyis bdag sems bskyed pa 'di la gnas pas bde ba
 mdza' yas pa la gnas pa'i kun tu bzang po'i sbod pa zhes bya ba rdzogs pa la gdul bar bya pa'i skye bo'i tshogs ma lus pa la bde ba'i dbang phyug gi rab tu dbye ba mang po yang dag par bstan pas smin par bya zhing/ rab tu dga' ba'i gzengs bstod
 pa la nges par sbyar bar bya'o/ /de nas dpal chen mos slob ma'i lag tu dri phyin pa dang/ rab tu dag pas me tog rab tu dga' bas bdug spos/ spyan gyis mar mo sbyin zhing badzra ha sa zhes bya ba mngon par bzlas shing/ phyag rgya mchog gis bsrung ba byas
 pa'i a shwad tha las byas pa'i dri bgos shing me tog gi bcings pa'i so shing dang/ badzra tIk+ShaN zhes bya ba bzlas pa'i ku sha gsar ba slob ma la sbyin par bya'o/ /de nas dpung pa g.yon par mdud pa gsum dang ldan pa'i bsrung skud la oM badzra rak+Sha haM zhes
 bya ba'i sngags 'di bzlas la bdag nyid kyis yang dag par bcing bar bya'o/ /de nas oM bud+d+ha me h+ri badzra rak+Sha haM zhes bya ba mdud pa dang ldan pa'i sngags byams pa'i go chas go bskon par bya'o/ /de la phyag rgya ni 'di yin te/ rdo rje khu tshur gnyis bcings la/
 mdzub mo gnyis kyis mdud pa dang/ /bdag gam gzhan la go bskon na/ /bdag gam gzhan la go bskon na/ /bdag po yi ni bsrung bar 'gyur/ /yang oM badzra satwa uShtI? sha hUM phaT/ ces bya ba slob ma'i spyi gtsug tu dgod do/ /de nas 'di'i phyag rgya bshad de/ rdo rje gdams pa dam byas
 la/ /mthe bo bsnyams pa bcug nas su/ /mdzub mo rtse mo bkab pas ni/ /sems dpa' i gtsug tor zhes byar grags/ /de nas sgreb ma la 'di skad ces brjod par bya ste/ bzhin bzangs dag longs la de bzhin gshegs pa rnams la phyag gyis
 shig/ nad par chen po'i grong khyer mthong bar 'gyur ro/ /slob ma lhag par gnas pa'i cho ga'o/ /de nas mchod pa byas la bdug spos btul te/ bcom ldan 'das 'khor dang bcas pa nye bar snyan gsan dbab pa spyan drangs la bya'o/ /rdo rje sems
 dpa' bcom ldan 'das/ /rig sngags rgyal la phyag 'tshal lo/ /bdag ni brtse bar gyur nas su/ /slob ma rnams la brtse ba dang/ /khyed rnams la yang mchod pa'i phyir/ /sang ni dkyil 'khor 'dri bar 'tshal/ /bcom ldan bdag ni gus pa la
 de bas snang ba mdzad par rigs/ /sangs rgyas 'jig rten mgon brtse bas/ /byang chub sems dpa' i dgra bcom dang/ /gsang sngags lha gzhan gang lags dang/ /'jig rten skyod ba'i lha rnams dang/ /gang yang 'byung po mthu chen dang/ /gang su
 lha yi spyan mnga' ba'i/ /sems can bstan la dga' ba rnams/ /bdag la dgongs pa mdzad du gsol/ /bdag ming 'di zhes bgyi ba yis/ /seng ni dkyil 'khor bzang po'i ming/ /'di zhes bgyi ba ci nus kyis/ /cho ga bzhin du
 'bri legs na/ /bdag dang slob mar bcas pa la/ /thugs ni brtse bar dgongs nas su/ /tshogs pa thams cad dkyil 'khor du/ /byin gyis brlab pa mdzad du gsol/ /zhes lan gsum brjod do/ /lha lhag par gnas pa'i cho ga'o// //de nas
 bcom ldan 'das la phyag byas la/ mtshan brgya rtsa brgyad las bstod de/ mchod yon phul ba sngon du 'gro bas yang dag par mchod la phyag byas te/ slob ma rnams la zab cing rgya che ba'i chos bshad pa byas nas slob ma'i tshogs dang bcas pa'i slob
 dpon dkyil 'khor gyi sa'i mdza' logs su nyal bar bya'o/ /de nas skya rengs shar ba'i dus su khrus bya ba sngon du 'gro bas lha'i rnal 'byor byas la/ nyi ma shar ba'i dus su dkyil 'khor bri ba brtsam par byas te/ de bzhin du dang po'i rdo rjer bskyed
 nas/ dang po kho nar srad bu mtshon dmar po dang/ ljang gu dang/ sngon po dang ser po dang/ dkar po dri zhim pos so sor brtso bar bya'o/ /de nas rim pa nyid kyis bzhag la/ h+ri oM hUM traM a zhes bya ba sa bon gyi yi ge rnams las de bzhin gshegs pa 'od
 dpag med dang/ don yod par grub pa dang/ mi bskyod pa dang/ rin chen 'byung ldan dang/ rnam par snang mdzad srad bu la rnam par bsams la/ de bzhin gshegs pa 'od dpag med la sogs pa/ rang rang gi phyogs na bzhugs pa rang gi sa bon gyi
 'od zer srad bu rang rang gi thugs ka las yang dag par btod par bsam par bya'o/ /de nas de rnams 'bar ba'i lta ba dang/ dza h+ri zhes bya ba mig gnyis su bkod la/ 'bar ba'i lta ba dang/ lcags kyus bkug nas rang gi lag pa gnyis su bzhag la/
 rang gi lag par bzhag pa de rnams kyis phyi rol gyi srad bu la kun tu gang bar bsams pa bsgril bar bya ste/ a no mya a nu ga ta sarba d+harma pa ras pa ras a nu pra bi sh+ra sarba d+harma hUM/ a dyan ta a nu pra biSh+Ta sarba d+harma hUM/ zhes brjod par bya'o/ /de nas dri bzang
 bos? byugs pa'i gser la sogs pa'i snod du bzhag la/ me tog gis gtor te yang dag par mchod la/ oM badzra sa ma ya su tra mA ti kra ma hUM/ zhes bya ba zlos shing rdo rje khu tshur gyis bzung la/ bzlas brjod brgya rtsa brgyad bya'o/ /de nas dkyil 'khor gyis
 dri zhim pos byugs la/ me tog gi sil ma gtor te/ nam mkha' la bzhugs pa'i bcom ldan 'das me tog la sogs pa dang/ glu dang rol mo la sogs pas yang dag par mchod la/ mig g.yas g.yon du dza gnyis las nyi ma dang zla ba kha dog ser po bskyed
 de/ yid la hUM 'don cing rnam par snang mdzad du bsgyur nas/ badzra karma zhes brjod de/ rang gi snying las bsgrubs pa'i grogs mchog rdo rje las kyi gzugs su drangs la phyung ste hUM zhes bya ba zlos shing yang rdo rje 'dzin pa chen por bdag nyid bsams la dri zhim po dang/
 yungs kar dang ldan pa'i tshon dkar po dang lhan cig bgos te/ srang bu de dang po'i rdo rje khu tshur gyis bzung la/ phyi nas ci bder bya ba dang/ rim pa 'dis thig gdab par bya'o/ /de la dang po kho nar de bzhin gshegs pa thams cad la phyag bya ste/ yi ge dzas
 bsgrubs pa'i grogs mchog rdo rje las kyi gzugs can gyi lag du btang la/ phyogs thams cad mnyam pa nyid du dmigs nas slob dpon nub tu bltas nas/ shar du bltas te/ tshangs pa'i thig gdab par bya'o/ /yang lho phyogs su gnas nas/
 byang phyogs su bltas te/ tshangs ba'i thig gnyis pa gdab par bya'o/ /de nas shar lhor mtshams su gnas nas byang du bltas te/ phyi'i dkyil 'khor gyi shar phyogs kyi logs thig gdab par bya'o/ /de nas nub byang mtshams su gnas nas lho phyogs
 su kha bltas te/ nub phyogs kyi logs thig gdab par bya'o/ /de bzhin du gnas nas shar du kha bltas te byang phyogs kyi legs thig gdab par bya'o/ /yang shar lho mtshams kyi cha la 'dug nas/ nub phyogs su bltas te lho phyogs
 kyi logs thig gdab par bya'o/ /de bzhin du 'khyams kyi thig dang/ lha'i snam bu'i thig gdab par shes par bya'o/ /thams cad du slob dpon dang sgrub pa'i grogs mchog ni g.yas su bskor ba'i tshul gyis 'gro bar shes par bya'o/ /de nas shar lho'i mtshamS
 su gnas nas nub byang mtshams kyi bar du srang bu brkyang ste thig gdab pa dang/ yang lho nub mtshams su 'dug la byang shar mtshams su srad bu brkyang ste thig gdab par shes par bya'o/ /de nas sgo dang sko khyud gdab ste/ de la thig gi sngags ni 'di
 yin te/ oM badzra su twa sa ma ya bu ta mA tikra ma hUM zhes bya'o/ /dza dza dza zhes bya ba'i dza gsum dang/ sgrub pa'i grogs mchog gi srad bu drang bar bya'o/ /de la sgo thams cad dang sgo khyud ni brgyad char bya'o/ /sgo 'gram dang/ kha khyer dang lha'i snam bu naM sgo'i
 phyed kyi tshad do/ tshon? sna lnga'i sa ni kha khyer gyi phyed kyi tshad do/ /rta babs ni sgo'i sum 'gyur du bya'o/ /phyi'i dkyil 'khor gyi phyed ni/ nang gi dkyil 'khor te/ zur bzhi pa/ sgo bzhi pa/ ka ba brgyad dang/ rta babs med par legs par thig gdabs/
 dkyil 'khor gyi dbus su seng ldeng gi phur bu 'og rdo rje rtse gcig pa lta bu la/ steng rdo rje rtse lnga lta bur byas te/ hUM las bskyed la/ oM badzra kI li kI la ya/ sarba big nan baM hUM phaT/ ces brgya rtsa brgyad bzlas te/ rdo rjes brdung bar bya'o/ /de la btags
 pa'i srad bus nang gis dkyil 'khor gyi phyi rol gyi rdo rje phreng ba'i thig gdab par bya'o/ /de la dkyil 'khor brgyad 'dra ba'i ka ba brgyad kyi thig cha mnyam par thig gdab par bya ste/ shar phyogs kyi phyi'i ka ba'i thig ni/ lho phyogs kyi char 'dug la
 byang du bltas ta thig gdab par bya'o/ /nub phyogs kyi cha'i ka ba'i thig ni byang phyogs kyi char gnas la lho phyogs su bltas te gdab po/ /byang phyogs kyi char ka ba'i thig ni nub phyags su 'dug la shar gyi phyogs su bltas te gdab par bya ste/ lho
 phyogs kyi cha'i ka ba'i thig ni shar phyogs kyi char 'dug la nub tu bltas te gdab po/ /de ni lung las gsungs pa'i thig gdab pa'i chog bshad par bya ste/ de nas thig ni gdab bya ba/ /srad bu nyis 'gyur dag gis te/ /nam mkha' thams cad char 'gyur bas//
 tshad med pa ni tshad yin no/ /bzang po sangs rgyas kun gyi gnas/ /phyogs rnams thams cad mnyam pa nyid/ /shar dang nub dang byang dang lhor/ /thig bzhi btab pas dkyil 'khor brgyad/ /zung bzhi pa la sgo bzhi pa/ /khyams rnams kyis ni legs par
 bskor/ /rta babs bzhi dang yang dag ldan/ /'od zer 'bar bas 'khrigs pa yi/ /dkyil 'khor kun gyi grwa rnams dang/ /sgo dang sgo khyud mtshams rnams su/ /zla ba phyed la rab gnas ba'i/ /rdo rje rin chen rnams kyis spras/ /mi mnyam med pas zur bzhi
 ste/ /dran dang dbang bo sgo bzhi'o/ /bsam gtan rnams ni rta babs bzhi/ /ting 'dzin kha khyer shes par bya/ /kha khyer la brten rdo rje'i bdag /gzugs rnams lha mos mchod pa yin/ /rgyan rnams kun gyis bkram pa yang/ /bsam pa thams cad rdzogS
 byed pa'o/ /gdul byas bskyod pa sna tshogs mchog /dar 'phan dril bu sgrogs pa yin/ /me long ye shes rtag me long/ /byang chub yan lag me tog byed/ /dra ba dra phyed rin chen mchog /nyi ma zla ba yang dag ldan/ /kun grub mi bzad bde ba ste/ /bde ba
 chen po zhes grags pa'o/ /phyi'i dkyil 'khor ro/ /de'i nang gi dkyil 'khor ni/ /dkyil 'khor pa rgyud? bdag? dang? mtshungs/ /rdo rje'i thig ni yongs? btab pas/ /rdo rje 'khor lo zhes byar grags/ /byang chub sems ni theg pa che/ /rdo rje'i
 thig ni rab bskor bas/ /rdo rje thig ni yongs btab la/ /rdo rje 'khor lo yang dag bri/ /yang dag bris te kun gyi mchog /thar pa chen po'i rang bzhin 'gro /thog ma med cing mchog nyid pas/ /phyogs rnams thams cad mnyam
 pa yin/ /oM suM b+ha ni suM b+ha hUM/ grih+Na grih+Na hUM/ grih+Na pa ya grih+Na pa ya hUM/ A na ya ho/ b+ha ga bA na/ badzra rA dza hUM phaT ces brjod la/ dkyil 'khor lte ba la gnas pa'i phur bu phyung la/ 'og nas bshad pa'i tshon sna lngas phur bu'i kha bkad ste
 mnyam par bya'o/ /de nas mig gnyis su h+ra las zla ba dang nyi ma bskyed la/ khro bo'i lta bas kun tu bltas te/ sgo rnams bya'o/ /de nas tshon sbyangs pa bshad par bya ste/ oM tsi tra sa ma ye hUM zhes bya bas/ phyag 'di dang ldan pas tshon thams
 cad kha lan bdun bzlas na/ rdo rje'i rang bzhin du 'gyur ro/ /zhes bcom ldan 'das rdo rje 'chang chen pos gsungs so/ /de la phyag rgya ni 'di yin te/ rdo rje'i phyag rgya gnyis las ni/ /mdzub mo'i rtse mo mnyam sbyar bas/ /byas la tshon rtsi thams cad
 ni/ /'bar ba'i lta bas dgug par bya/ /h+ri zhes bya ba'i thar khro bo ti rin ti ra'i phyag rgya bcings la spel bar bya'o/ /de tshon rtsi dkar po la ni/ de bzhin gshegs pa dkar po'i phra rab rnams bzhugs par bya'o/ /ser po la ni ser po'o/ /sngon
 po ni sngon pa'o/ /ljang gu la ni ljang gu'o/ /dmar po la ni dmar po bcug nas/ /ji skad du bshad pa'i 'bar ba'i lta bas mngon par sbyangs pa'i dus su yang dang po'i rdo rjes thog mtshon dgye ba brtsam par bya'o/ /tshon thams cad dbang ldan gyi
 phyogs nas brtsams te bskor phyogs su hUM bzlos shing dgye la/ de'i 'og tu ji ltar dga' bas tshon dgye bar bya'o/ /de la tshon dgye ba'i rim pa ni 'di yin te/ dmar po dang/ ljang gu dang/ sngon po dang/ ser po ste/ dkar po na thams
 cad kyi nang rol du'o/ /de ltar dkyil 'khor bris nas/ /dkyil 'khor gyi lte bar sna tshogs pad+ma'i gdan la/ dpal rdo rje sems dpa' mtshan nyid sngar bshad pa lta bu'i lugs ma la sogs pa'i gzugs bkod la/ hUM gis kyang bar snang gi phyogs nas spyan
 drangs nas/ gzugs dang cig tu bsre bar bya'o/ /de bzhin du thams cad la'ang shes par bya'o/ /gang gi phyir lha thams cad kyi yang dgod pa'i snying po ni hUM 'di nyid do/ /de la de'i mdun du rdo rje yid las byung ba sku mdog dmar skya/ de bzhin gshegs pa lnga'o
 cod pan can/ g.yon pa'i rdo rje khu tshur gyis me tog can gyi gzhu bsnams pa/ phyag g.yas pa rdo rje rtse gcig pa'i mde'u can gyi mda' gsor ba brtson pa'o/ /de'i g.yas sogs su rdo rje kI li kI li sku mdog rdo rje yid las byung ba dang mthun pas/ rdo rje khu tshur bcings pa'i phyag
 gnyis kyis rang gi thugs ka'i phyogs su dang po'i rdo rje rtse lnga pa mdog dmar po bsnams nas 'khyud pa'i chul du bzhugs pa'o/ /de'i rgyab tu rdo rje dran pa sku mdog sngo dmar skya/ phyag g.yas na chu srin gyi rgyal mtshan bsnams pa phyag g.yon gyi ba dan la bsnyems
 pa dang bcas pas bzhugs pa'o/ /de'i g.yon logs su rdo rje bsnyems pa dang bcas pa'i gser btso ma lta bu'i mdog can/ rdo rje khu tshur gyi rdo rje rtse lnga pa gnyis bsnams te/ sku gnyis su bsnyems pa dang bcas pa/ dbu g.yon du cung zad 'dud la/ sgeg ba dang
 bcas pa'o/ /nang gi dkyil 'khor de nyid kyi shar lho'i mtshams su rab tu dga' ba sku mdog rdo rje yid las byung ba dang mthun pa'o/ /lho nub mtshams su rab tu dga' ma sku mdog kI li kI mi dang mthun pa'o/ /nub byang mtshams su sbyan ma sku mdog rdo rje dran pa
 dang mthun pa'o/ /byang shar mtshams su dpal chen mo rdo rje bsnyems pa dang mthun pa'o/ /de dag kyang go rims ji lta ba bzhin du/ me tog gi zam tog dang/ spos khang dang/ mar me'i sdong? bu dang/ dri'i dung chos rang gi spyi bo'i phyogs su thal mo kha phye bas 
 'dzin pa'o/ /rdo rje 'phreng ba'i phyi rol gyi nang du shar phyogs su bcom ldan 'das mi bskyod pa sku mdog dkar po rtse lnga pa bsnams pa/ sa gnon gyi phyag rgyas bzhugs pa'o/ /de'i g.yas phyogs su phyag na rdo rje dang dril bu bsnams?  shing g.yon
 bsnyems pa dang bcas pa'o/ /g.yon du 'jam dpal/ gzhon nur gyur pa nam mkha' i mdog can/ gzhon nu'i cha lugs 'chang ba mdzub mo dang bcas pa phyag bzhi ral gri bzhi de bzhin gshegs pa rnams la 'debs pa'o/ /rdo rje phreng ba'i nang lho phyogs su
 rin chen 'byung ldan bai DUrya sngo bsangs lta bu'imdog can/ rdo rje rin po che mchog sbyin pa'i phyag gis bsnams pa'o/ /de'i g.yas logs su byang chub sems dpa' nam mkha' i snying po sku mdog ma rgad lta bu rang gi mgo la dbang bskur ba'i phreng ba rang
 nyid 'ching ba zhal rnam par bzhad pa'o/ /g.yon logs su nam mkha' mdzod sku mdog sna tshogs pa/ phyag na rdo rje dang/ sna tshogs dril bu bsnams nas rdo rje snyems pa 'gyings nas bzhugs pa zhal rnam par bzhad mdzad pa'o/ /rdo rje phreng ba'i nang gi
 nub phyogs su 'od dpag tu med pa gser bcom lta bu'i mdog can pad+ma bsnams ba chos kyi 'khor lo'i phyag rgyas chos ston par mdzad pa'o/ /de'i g.yas logs su 'jig rten dbang phyug sku mdog dmar skya/ g.yon bsnyems pas pad+ma'i stod
 bu 'dzin pas phyag g.yas pas rang gi thugs kar pad+ma kha phyed bar mdzad pa'o/ /g.yon logs su sems bskyed ma thag tu chos kyi 'khor lo bskor ba gser gyi mdog can/ phyag g.yon pa gdan la brten pa/ phyag g.yas pa'i gud mo'i rtse mor rdo
 rje 'khor lo rtsibs brgyad pa rang gi thugs ka'i phyogs su bskor ba'i tshul du bsnams pa zhal rnam par bzhad pas bzhugs pa'o/ /rdo rje 'phreng ba'i nang gi nub phyogs su don yod grub pa sku mdog sna tshogs pa/ mi 'jigs pa sbyin pa'i phyag rgyas
 sna tshogs rdo rje bsnams pa'o/ /de'i g.yas logs su rdo rje khu tshur gser gyi mdog can dam tshig gi khu tshur gyis rdo rje rtse lnga pa bsnams nas zhal rnam par bzhad nas bzhugs pa'o/ /de'i g.yas logs su rdo rje gnod sbyin sku mdog sngon po rdo rje mche ba rnam par
 gtsigs pa/ 'bar ba'i 'phreng ba kun tu 'khrigs pa'i 'od mnga' ba 'jigs par mdzad pa/ ha ha zhes gsal bar bzhad pa'i zhal gyis bzhugs shing/ rdo rje khu tshur gnyis kyis rdo rje mche ba'i mtshon cha rnams nas zhal gyi grwa gnyis su 'dzag par bzhugs
 pa'o/ phyi'i dkyil 'khor gyi lha'i snam bu la shar lho mtshams kyi phyogs su rdo rje sgeg mo/ /rdo rje yid las byung ba'i mdog can/ rdo rje khu tshur gnyis kyis rdo rje rtse lnga pa gnyis bsnams nas gnyis ka bsnyems par bya ste/ dbu g.yon du 'dud pas phyag 'tshal
 ba'o/ /lho nub mtshams su rdo rje bzhad pas rdo rje kA li kI li dang mdog 'dra ba phyag g.yas na so'i 'phreng ba gnyis dang ldan pa'i rdo rje gnyis bsnams nas bzhad pa'i tshul du mdzad pa'o/ /g.yon gyi gdan la brten te bzhugs pa'o/ /nub byang du rdo rje klu chen mo
 sku mdog rdo rje dran pa dang 'thun pa'o/ /rdo rje pi bang brdung ba la brtson par mdzad pa'o/ /byad shar mtshams su rdo rje gang ma rdo rje bsnyems pa dang/ 'thun pa phyag gnyis kyis rtse gsum pa bsnams te/ gang mdzad pa'o/ /nang dang phyi rol tu bcas pa'i shar gyi sgo
 gnyis su rdo rje gzugs sku mdog rdo rje yid las byung ba dang 'thun pa/ phyag na me long bsnams pa'o/ /lho phyogs kyi sgo gnyis su rdo rje sgra sku ma dog kI li kI la dang 'thun pa/ byang phyogs kyi sgo gnyis su rdo rje ro sku mdog rdo rje bsnyems pa dang mthun pa/ phyag
 na ro'i snod bsnams pa'o/ /de'i phyir 'di dag ni rdo rje lcags kyu la sogs pa gnyis yin par 'dod de/ me long dang/ pi bang dang/ dri'i snod dang/ ro'i snod ni gzugs la sogs pa'i phyag mtshan yin la/ rdo rje lcags kyu la sogs pa'i phyag mtshan no
 zhes rtsa ba'i rgyud las gsungs pa yin pas so/ /phyi'i dkyil 'khor gyi shar gyi 'khyams kyi nang du/ 'dod pa'i khams kyi dbang phyug dang/ tshangs pa dang/ lha chen po dang/ khyab 'jug dang/ brgya byin chung ma dang bcas par bri'o/ /lhor
 nyi ma dang/ zla ba dang/ spen pa dang/ mig dmar po/ /nub tu stobs kyi lha/ dpyid kyi lha/ rgyal ba/ rgyal ba nor bsyin/ rlung lha/ me lha/ lus ngan po rnams bri'o/ /byang du phag dang/ gshin rje tshogs kyi bdag po dang/ chu lha la sogs pa rnams sdar
 bshad pa'i rim gyis chu lha'i mthar thug gi bar du chung ma dang bcas par 'bags pa de kho na nyid bsdus pa las gsungs pa'i phyag rgya chen pos bri bar bya'o/ /de la dpal rdo rje sems dpa' la sogs pa nas rdo rje gzugs kyi bar du ni sems dpa' i skyil
 mo krung gis ni bzhugs pa'o/ /rdo rje sems dpa' ni shar phyogs su gzigs nas bzhugs pa'o/ /lhag ma rnams ni rang gi bdag po la gzigs par bri bar bya'o/ /de ltar dkyil 'khor chen po bris nas/ phyi dro'i dus su mtshams la bab pa na/ dpal rdo rje
 ? mdzad kyi sbyor ba byas la/ khro bo ti rin ti ra'i bcings te/ badzra dang hUM bzhi bzlos shing dkyil 'khor chen por 'jug par bya'o/ /de nas bskor ba lan bdun byas la lhag pa dang mtshang ba rnams nyes pa zhi bar bya ba'i phyir/ rdo rje dril bu dkrol la
 dkyil 'khor la blta bar bya'o/ /de nas me tog gi phreng ba bcom ldan 'das la phul la/ gar bya ba'i tshul gyis blangs te/ 'phreng bas dbang bskur ba'i sngags kyis rang gi mgo la bcings nas sgo dbye ba ji lta ba bzhin du bya'o/ /de nas dpal rdo rje
 sems dpa' i rnal 'byor byas la/ sa ra ta badzro haM zhes bya ba la sogs pa dang/ gzhan yang rang giS ming brjod cing bcom ldan 'das rdo rje sems dpa' i phyag rgya chen po bcings te/ hUM a zhes bya ba dang/ dpal rdo rje sems dpa' i dkyil 'khor gyi
 lte bar rang gi rdo rje'i gzugs su bsam par bya'o/ /de nas hUM badzra haM zhes rdo rje'i nga rgyal du rnam par bsams la hUM badzra satwa hUM zhes bya bas/ rdo rje de rdo rje sems dpa' i phyag rgya chen po'i ngo bo nyid du bdag nyid bsam par bya'o/ /de bzhin du rdo rje re'i bar gyi phyag
 rgya chen po bcings la hUM a zhes bya ba dang/ rdo rje'i gzugs su ro'i snod bsam mo/ /de nas hUM badzra ra sa b+ha dza no haM zhes bya ba dang/ phyag rgya'i nga rgyal du bsams la/ hUM badzra ra so haM zhes bya bas/ phyag rgya'i gzugs de rdo rje ro'i phyag rgya chen po'i ngo bo nyid du bdag
 nyid bsam par bya'o/ /de nas rdo rje bslu ba dang mtshan brgya rtsa brgyad kyis bsdod pa de bzhin byas la/ rdo rje can gyi spyan sngar rdo rje sems dpa' i skyil mo krung gis 'dug la/ yongs su brtags pa'i dkyil 'khor der gsang ba'i lcags kyus bcom ldan 'das 'khor
 dang bcas pa spyan drangs la/ de bzhin du rdo rje gnod sbyin gyis bgegs bskrad pa la sogs byas te/ rdo rje khu tshur gyis sgo bcad la/ rdo rje gnod sbyin gyis bsrung ba thams cad yang dag par bsrungs te/ de bzhin du mchod yon phul nas dang po ?  rdo rje
 bsgrub par bya'o/ /de nas de bzhin du lha thams cad kyi ljags la hUM bsams nas/ dpal rdo rje sems dpa' la sogs pa nas/ chu lha'i mthar thug pa'i bar gyi las kyi phyag rgya dang/ phyag rgya chen po nye bar bsan nas/ dbang bskur ba'i phyag rgya rnams
 kyis de rnams dbang bskur la/ mchod yon phul te/ bum pa gang ba la sogs pas bcom ldan 'das 'khor dang bcas pa mchod par bya'o/ /dril bu mchog btags rgyal mtshan dag /grwa rnams su ni bzhag par bya/ /phyi'i mtshams kyi gnas su ni/ /
 bum pa yal gar bcas pas mdzes/ /phyag na rdo rje'i spyan sdar yang/ /bum pa spos chus gang ba bzhag /gang zhig rdo rjer bcas pa la/ /nags kyi lcug mas bzlas brjod bya/ /'di skad ston par 'gyur te/ rtsa ba nag por ri med pa/ lro ba che la/ mgrin
 pa mtho ba/ mchu 'byang ba/ byu ru dang/ gser dang/ dung dang/ mu tig dang/ pad+ma ra ga ste/ rin po che thams cad dang/ 'bri ha ti dang/ ka na da ka ri dang/ ha sa dang/ daN+Ti ud pa la dang/ a pa ra dzi ta dkar po ste/ sman thams
 cad dang/ 'bras sA lu dang/ nas dang/ gro dang/ til dang/ ma sha ste 'bru thams cad dang/ tsan dan dkar po la sogs pa dang ldan pa'i chu dang/ me tog dkar po dang/ dri shin tu zhim pa rnams kyi yongs su bkang la/ phyi rol kun tu dri
 zhim pos byugs te/ me tog gi 'phreng ba btags la/ rang gi lha'i phyag rgyas mtshan pa dang/ mgul par ras gtsang ma dkar pos bkris la/ 'bras bu dang/ lo ma bzang po dang ldan pa'i yal gas kha brgyan pa/ dang po'i rdo rjes yongs su bzung ba'i
 me tog gi lcug ma la brgya rtsa brgyad kyi bar du bzlas shing hUM yang bzlas la/ phyi rol kun du lha re re zhing dbul bar bya ste/ de la dang por dpal rdo rje sems dpa' i mdun du gcig dbul bar bya'o/ /yang bum pa cig 'jug pa'i sgor mngon du phyogs
 par gzhag go de ltar bum pa phul nas bum pa gang ba yang so sor dbul bar bya'o/ /de ltar 'byor par ma gyur na bcom ldan 'das la bum pa gcig /lhag ma rnams la bum pa bcu dang/ bum pa gang ba yang dbul bar bya ste/ bcu las ni
 nyung bar mi bya'o/ /zhes gsungs pa'i phyir ro/ /de ltar bum pa rnams dang/ bum pa gang ba yang phul nas/ ras zung 'bum 'am/ khri 'am/ stong phrag gcig gam lha re re zhing re re rdo rje rin po che dang/ hUM gnyis bzlas la dbul ba dang/
 bla re rgyal mtshan dang/ ba dan sna tshogs pa rnams kyang bcom ldan 'das 'khor dang bcas pa rnams la dbul bar bya'o/ /me tog gi shing brgya 'am/ bzhi 'am/ me tog thams cad sngar bshad pa'i me tog gi rig sngags kyis dbul ba dang/
 dra thams cad kyang dri'i rig sngags kyis dbul ba dang/ ga bur dang a ka ru dang du ru ka dang/ tsan dan la sogs pa bdug pa rnams ni bdug pa'i rigs so/ /kha zas ro brgya la sogs pa ni a kA ro zhes bya ba la sogs pas so/ /mar me la sogs pa ni mar me'i rig
 sngags mngon par bzlas la/ badzra spha ra Na khaM zhes brjod la bcom ldan 'das 'khor dang bcas pa la dbul bar bya'o/ /ma 'byor na bcu las nyung bar mi bya'o/ /mar me'i sdong bu dang bcas pa'i snod chen po stong bzhag par bya'o/ /than mar me'i snod chen po
 bzhi mar me'i rig sngags nyid bzlas la dbul bar bya'o/ /rol mo brgya stong dam rol mo'isil snyan hUM gis rol mo'i phyag rgya dang ldan pas bzlas la dbul te/ rdo rje khu tshur gnyis kyis lag pa'i sor mo rnams kyis/ rol mo brdung ba rnam pa ?nu po 'di lta
 ste/ pi 'ang? dang/ gling bu dang/ rnga dang mukun dang/ cha lang dang/ rnga bo che dang/ rdza rnga dang/ rnga rings dang/ kun dza dang/ ti mi li brdung ba'i tshul du byed pa'o/ /phyi rol gyi gar la sogs pa yang hUM nyid kyis dbul bar bya'o/ /dar dbyangs 'phyang ba dang/
 me tog gi chun po dang/ rnga yab kyis rnam par brgyan pa dang/ dra ba dang/ dra ba byed pas spras pa dang/ zla ba byed dang bcas pas nye bar mdzes par byas pa dang/ rta dang/ glang po che dang/ ba lang gi khyu mchog shin tu brtags pa rnams kyang dbul bar bya'o/ /rta babs
 yid du 'ong ba dril du la sogs pa dang bcas pa yang dbul bar bya'o/ /de nas rdo rje mtshon cha ma la sogs pa las kyi phyag rgya rnam pa bcu gnyis 'og nas bshad pa'i mtshan nyid dang ldan pas bcom ldan 'das 'khor dang bcas pa yang dag par mchod la/ oM gyi
 rin po che sna bdun dang/ dpag bsam gyi shing dang/ kha zas ro brgya dang/ glu dang gang la sogs pa'i sprin rnams sprul la/ dpral ba'i phyogs su thal mo khong stong du sbyar la/ oM sarba bitpUr pU ra a brta ya a brta ya ho/ /zhes bya bas de rnams dbul
 bar bya'o/ /de nas oM a kA ro mu khaM sarba d+harma NoM/ A dya nud pan na twAta/ ces pas mngon par bzlas la/ 'di nyid brjod cing phyi rol du gtor ma sbyin par bya'o/ /de nas rdo rje me ltar rab tu 'bar ba dang/ rdo rje gnod sbyin dang/
 rdo rje spyan la sogs pas sbyin sreg byas la dpal rdo rje sems dpa' i dkyil 'khor gyi tshul gyis thab kyi dbus su me tog gis bzhugs su gsol lo/ /hUM zlos shing mar la sogs pa'i rdzas la sbyin sreg brgya rtsa brgyad dbul bar bya'o/ /de nas
 rdo rje yod las byung la sogs pa nas/ rdo rje ro'i bar/ a hUM bzlos shing re re la sbyin sreg bdun bdun dbul bar bya'o/ /de nas phyag 'tshal ba la sogs pa sngon du 'gro bas sdom pa bzung la/ oM sarba yo ga tsi ta uta pa ta ya mi zhes bya bas byang chub
 chen po'i sems bskyed la/ g.yas pa'i rdo rje khu tshur gyis dang po'i rdo rje blangs nas/ rang gi snying gar legs par bzhag te/ hUM zhes bya bas rdo rje bskyed la/ 'di skad ces brjod par bya ste/ su ra ta sa ma ya stwaM ho/ badzra sid+d+ha ya pA su kha/ /de nas
 sgor bzhag pa'i bum pa'i chus bdag nyid la dbang bskur la/ ras dmar po'i gos zung gon zhing me tog phreng ba btags pa dang/ gdong dri zhim pos byugs la/ ji skad du bshad pa'i gar las byung ba'i rdo rje thal mo bcings nas de dang me tog
 blangs? te/ de snying ga'i phyogs su bskor nas bzhag la/ badzra badzra hUM zhes bya ba bzlos shing slob dpon 'jug par bya'o/ /shar phyogs kyi sgor badzra oM gu sha dza(rgyud 'grel dkyil 'khor chen po der de bzhin du 'jug par bya ste/ badzra pA sha hUM brjod la/ rdo rje bsdams pa las/ zhag pas bdag nyid gzhug par bya'o/ /de nas nub phyogs kyi sgor de bzhin du bdag nyid zhugs la/ badzra spho Ta baM zhes bya bas rdo rje ?
 sgrog bcings te/ bdag nyid bcing bar bya'o/ /yang byang phyogs kyi sgor zhugs la badzra A be sha a zhes bya bas bdag nyid dbang du bya'o/ /yang shar phyogs kyi sgor zhugs la/ mahA ra ta su Ti Dha su to sh+ya su mu kho badzra satwa a d+hya sid+d+hya ? zhes brjod de rdo rje gar a
 byung ba'i bcom ldan 'das kyi phyag rgya chen po bcings la phyag bya'o/ /de skad du zhugs nas mgon la phyag byas te/ g.yon pa'i rdo rje mig dang ni/ /g.yon bsnyems 'dzum pa'i mchog gis ni/ /rol pa'i mig ni btsum par bya zhes gsungs pa'i phyir ro/ /oM
 ? ma su kha a sha ya su la li ta ? sya na mi tan mi tot/ b+ha ga bAn ta ma dza hUM baM ho hi hi hi hi hi hi pra tIts+tsha ku su ma any+dza li nA tha zhes bya ba ni phyag 'tshal ba'i rig sngags so/ /yang bzhugs pa'i phyag rgya bcings la/ dkyil 'khor lan gsum bskor
 bar bya'o/ /de nas yang mdun du 'dug la de kho na nyid 'di lan cig brjod par byas te/ 'dod chags chen po bde ba che/ /rdo rje chos ni nor che zhing/ /ye shes chen po las che ba/ /rdo rje sems dpar der bdag 'grub/ /dza(rgyud 'grel chu 'thungs la/ /as bdag nyid la dbab par bya ste/ a yang g.yon pa'i rdo rje khu tshur gyis rdo rje sems ma phye la/ bdag nyid la dbab par bya ste/ oM a zhes bya ba lan brgya rtsa brgyad bzlas la/ bcom ldan 'das rdo rje sems dpas bdag nyid kun du gang
 bar bas ? mo/ /de nas hUM gis me tog gis phreng ba dor la/ de slar blangs te rang gi mgo la de nyid bcing bar bya'o/ /de nas de nyid kyis gdod g.yogs bkrol la/ de nyid bzlos shing rdo rje sems dpa' nas brtsams te/ rdo rje gzugs kyi bar gyi dkyil 'khor
 blta bar bya'o/ /tiSh+Tha badzra zhes bya ba la sogs pa bzhugs pa'i phyag rgya snying gar dgrol bar bya'o/ /de nas bcom ldan 'das kyi phyag rgya phyag rgya chen po bcing bar bya'o/ /bcom ldan 'das la rdo rje'i lta ba lta zhing/ ji srid bcom ldan 'das kyis mthong ba
 snang nas/ dngos grub thams cad rtsol ba de srid kyi bar du bzlas par bya'o/ /de nas rdo rje thal mo bskor la 'dug la/ shis pa brjod pa'i tshul gyis bdag nyid snying gar gzhag la/ mtshan brgya rtsa brgyad la sogs pa'i bstod pa byas la/ 'dod
 chags rdo rje la sogs pa gsang ba'i mchod pa bzhis bcom ldan 'das yang dag par mchod de/ glu dang rol mo la sogs pas kyang mchod la/ yang bcom ldan 'das kyi phyag rgya chen po bcings te/ bcom ldan 'das rdo rje'i lta bas bltas nas rdo rje thal mo
 bskor bas bcom ldan 'das la phyag bya'o/ /phyag byas nas kyang/ me tog la sogs pa'i dbang bskur ba blang bar byas te/ de yang dang po kho nar dang po'i rdo rjes bzung ba'i me tog gi yal ga las rnam par rgyal ba'i bum pa la sngags 'di bzlas brjod nyi shu rtsa
 gcig bya ste/ oM mahA su kha badzra a mo g+ha sa ma ya da ka sid+d+ha a b+hi Shiny+tsa sarba su kha so ma na sya ni a da da ku ru ku ru ja(rgyud 'grel rnams su lha thams cad dgod par bya ste/ phyi rol gyi dkyil 'khor gyi nang du sna tshogs pad+ma'i steng du phyag rgya chen pos 'dug la/ me tog la sogs pas bdag nyid yang dag par mchod de/ mchod yon blangs nas dpal rdo rje sems dpa' i sku gzugs rang
 gi mgo la bzhag ste/ mtshan brgya rtsa brgyad pas bstod la/ rdo rje khu tshur gyis rnam par rgyal ba'i bum pa blangs la/ oM badzra a b+hi Shiny+tsa hUM zhes brjod de/ des bdag nyid dbang bskur bar bya zhing chu de btung bar bya'o/ /oM mahA su kha badzra satwa dza(rgyud 'grel su ra sta stwaM/ zhes bya bas/ thog ma'i rdo rje rang gi mgo la bcings te/ bzlas brjod brgya rtsa brgyad bya'o/ /de nas sngar bshad pa'i phyag rgya rnams kyis dbang bskur thams cad yang dag par blangs te/ lugs ma 'am/ brkos ma 'am/ bris pa
 'am?/ byas pa'i sangs rgyas kyi phreng ba la sogs pa dang ldan pa'i cod pan rdo rje rin po che'i sngags dang/ 'phreng ba'i dbang bskur ba'i sngags bzlas pas bdag nyid la dbang bskur bar bya'o/ /de nas rdo rje dang/ bdag po dang/ ming gi dbang bskur blangs la /
 dngos grub kyi brtul zhugs glang bar bya'o/ /de nas me tog la sogs pa dang/ phyag rgya'i mchod pa bcu gnyis kyis bdag nyid la mchod par bya'o/ /de nas de kho na nyid kyis bzung la/ chos kyi dril bu dkrol bar bya zhing/ dam tshig gi phyag rgya chen por byin
 gyis brlabs la/ hUM zhes bya zhing brjod par bya'o/ /de nas bcom ldan 'das la phyag byas la sngags bzung ste/ tshigs su bcad pa lngas rjes su gnang ba dang/ gzeng bstod pa dang/ lung bstan pa blang bar bya'o/ /bdag la byin gyis brlabs par byas te/
 ji ltar 'dod pa'i cho gas bcom ldan 'das rab tu bsgrubs la phyir dbyung bar bya'o/ /slob dpon gyi las kyi cho ga rgyas ba rdzogs so// //de nas sngar bshad pa'i cho ga nyid kyis slob ma gzhug par bya ste/ slob dpon gyis lnga po bsdus pa 'di nyid
 bcings la/ slar yang zhugs te cho ga thams cad rjes su bcad nas/ bcom ldan 'das la phyag byas nas/ 'di skad ces brjod par bya ste/ khyod sngon khyim la dga' ba yis/ /srid pa'i dge ba dag pa'i phyir/ /'dod pa kun gyi dngos grub ces/ /
 'gro ba kun kyang grub par gyis/ /de nas bcom ldan 'das la mchod pa thams cad kyi yang dag par mchod de/ slob ma gzhug par bya'o/ /de la bslab pa'i gzhi lnga blangs pa 'am/ /dge slong dam/ dge slong gi bslab pa yongs su bzung bas sdom pa
 gzung la/ des slob dpon la phyag byas nas 'di skad ces brjod par bya ste/ /dga' chen khyod bdag ston pa bas/ /slob dpon khyod ni dgongs su gsol/ /byang chub sems dpa' i tshul bstan pa/ /mgon po chen po bdag 'tshal lo/ /dam tshig de
 nyid bdag la gsol/ /sdom pa rnams kyang stsal du gsol/ /de nas rdo rje gnod sbyin yongs su bzlas ba'i ras dmar po bzang po zhig gis smad g.yogs bya/ gcig gis bstod g.yog byas la/ yang rdo rje lcags kyu dang/ zhagS
 la dang/ lcags sgrog dang/ rdo rje 'bebs pa'i gdong g.yogs la yongs su bzlas la/ des slob ma'i gdong g.yogs pa dang/ me tog gi phreng ba gdams shing/ gdong dri zhim pos byugs la/ phyag bzhi byed du gzhug go /yang lag na me tog
 thogs pa nyid kyis sdig pa bshags pa dang/ rjes su yi rang ba bskul ba dang/ gsol ba gdab pa byas nas/ slob mas 'di skad brjod par bya ste/ thub pa nyi ma ma lus pa/ /sangs rgyas rnams ni bdag la dgongs/ /bdag ming 'di zhes bya ba yi//
 slob dpon dbang du gnas pa la/ /sangs rgyas rol mo las byung ba/ /mi ldog pa yi 'khor lo sbyor/ /thar pa chen po'i grong khyer che/ /gsang ba chen por 'jug par gyis/ /gsang ba thams cad bsdus pa ni/ /slob dpon chen po bdag 'jug
 mdzod/ /mi ldog pa yi dbang bskur ba/ /skal ba chen po bdag la stsol/ /mtshan rnams kun gyis rgyas btab cing/ /dpe byang rnams dang yang dag ldan/ /sangs rgyas sku ni yid 'ong ba/ /slob dpon chen po bdag la brtsol/ /dbang skur chen po
 rmad 'byung ba/ /sems can kun gyis don gyi phyir/ /bdag ni rtag tu slob dpon gyur/ /slob dpon chen po bdag la stsol/ /de nas slob dpon gyis dkyil 'khor gyi lha thams cad la gsol ba gdab par bya ste/ che ge zhes bya 'di nyid ni/ /byang chub
 sems ni yongs 'dzin pa/ /dam tshig mchog dang gsang ba yi/ /'khor lo 'dir ni 'jug par 'tshal/ /de nas slob dpon gyis 'di skad brjod par bya ste/ bdag nyid chen po khyod/ /gsang ba chen po'i rigs dag ba/ /shin tu sbas pa yongs su 'dzin
 par 'dod dam zhes dri bar bya'o/ /des kyang bdag 'tshal zhes brjod par bya'o/ /de nas yang slob dpon gyis 'di skad ces brjod par bya'o/ /sangs rgyas chos dang dge 'dun te/ /dkon mchog gsum la skyabs su song/ /'di ni sangs rgyas rigs dag pa'i/ /dam
 tshig brtan par gyur pa'o/ /rdo rje dril bu'i phyag rgya yang/ /blo chen khyod kyis bzung bar gyis/ /byang chub sems gang de rdo rje/ /shes rab dril bu zhes grags so/ /slob dpon khyod kyis bzung bar bya/ /bla ma sangs rgyas kun dang mnyam/ /'di ni rdo rje rigs
 dag pa'i/ /sdom pa dam tshig yin par grags/ /rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi nang gsang ba'i theg pa gsum/ /dam chos khyod kyis
 gzung bar bya/ /'di ni pad+ma'i rigs dag pa'i/ /dam tshig sdom pa yin par gsungs/ /las kyi rigs mchog chen po la/ /sdom pa thams cad ldan bar ni/ /yang dag nyid du bzung bar bgyi/ /mchod pa'i las kyang ci nus bya/ /gzhan yang bcu bzhi 'di dag
 ni/ /phas pham par ni yang dag bshad/ /spang zhing dor bar mi bya ste/ /rtsa ba'i ltung bar shes par bya/ /nyin dang mtshan mo lan gsum du/ /nyin re zhing ni bzlas par bya/ /gang tshe nyams na rnal 'byor pa/ /kha na ma tho chen por 'gyur/ /khyod kyis srog chags
 gsad mi bya/ /ma byin bar yang mi blang ngo/ /'dod la log par ma spyad cig /rdzun du smra bar mi bya'o/ /phung khrol kun gyi rtsa ba ni/ /chang ni rab tu sdang bar bya/ /sems can 'dul phyir ma rtogs pa/ /bya ba ma yin thams cad spang/ /dam pa nye bar brten bya
 zhing/ /rnal 'byor pa rnams bsnyen bkur bya/ /lus kyi las ni rnam gsum dang/ /ngag gi rnam pa bzhi dag dang/ /yid kyi rnam pa gsum dag ni/ /ci nus par ni rjes su skyongs/ /theg pa dman pa 'dod mi bya/ /sems can don la rgyab phyogs min//
 'khor ba dag kyang yongs mi spangs/ /rtag tu mya ngan 'das mi chags/ /lha dang lha min gsang ba pa/ /khyod kyis brnyas par mi bya zhing/ /phyag rgya bzhon pa mtshon cha dang/ /mtshan ma 'gom par mi bya'o/ /'di dag dam tshig yin
 par bshad/ /khyod kyis rtag tu bsrung bar bya/ /des kyang 'di skad brjod par bya'o/ /slob dpon 'dir ni bdag la gson/ /gtso bos ji skad bka' stsal pa/ /de ltar bdag gis bgyid par 'tshal/ /ji ltar dus gsum mgon po rnams/ /zhes bya ba nas brtsamS
 te/ sems can mya ngan 'das lang gad ces bya ba'i bar du brjod par bya'o/ /de nas de la oM sarba yo ga tsit+ta u ta pA ra ya mi/ zhes bya bas byang chub tu sems bskyed du bcug la/ de'i snying gar de bzhin du rdo rje bskyed nas/ rdo rje sems dpa' byin gyis
 brlabs la 'di skad ces brjod par bya'o/ /der khyod la bcom ldan 'das kyis byin gyis rlab par 'gyur gyis/ deng khyod kyis de bzhin gshegs pa thams cad kyi gsang ba'i dkyil 'khor ma mthong ba rnams la smra bar ma byed cig /dad pa med pa rnamS
 pa smra? ba yang ma yin no/ /de nas lnga po bsdus pa'i phyag rgya bcings la/ 'di skad ces brjod par bya'o/ /'di ni dam tshig rtsa bas te/ /sangs rgyas thams cad rab bsgrubs pas/ /gal te dkyil 'khor ma mthong smras/ /rigs rnams thams cad de
 brlag 'gyur/ /oM mahA su kha ha na sa ma ya a ti kri mi NaM su ra stwaM/ de nas yon gyis mchog blangs la/ sgor bzhag pa'i bum pa'i chus dbang bskur nas/ dang po rang nyid gzhug pa'i cho gas gzhug par bya'o/ /zhugs nas 'di skad ces brjod
 par bya ste/ mahA ra ti su tra d+hi/ su to sh+ya/ su su kho/ badzra satwa a db+hya sid+d+ha maM/ zhes smos shig ces bsgo'o/ /de nas yang 'di skad ces brjod par bya ste/ deng khyod de bzhin gshegs pa thams cad kyi rigs su zhugs kyis/ ngas khyod la ye sheS
 gang gis de bzhin gshegs pa thams cad du 'grub pa yang 'thob na/ dngos grub gzhan lta smos kyang ci dgos te/ de lta bu'i ye shes bskyed par bya yis/ khyod kyis dkyil 'khor chen po ma mthong ba rnams la ma smra shig /khyod kyi dam tshig nyams par gyur
 ta re/ de nas rdo rje slob dpon rang nyid kyis sems ma rdo rje ma'i phyag rgya kha thur du bstan pa dang/ gyen du bstan pa bcings la/ rdo rje slob ma'i spyi bor gzhag ste/ 'di skad ces brjod par bya ste/ 'di ni khyod kyi rdo rje'i dam tshig yin gyi gal te 'ga' zhig
 la smras na glad pa 'gas par 'gyur ro/ /de nas dam tshig gi phyag rgya de nyid dang/ mna'i snying po chu la yongs su bzlas la/ slob ma 'thung du gzhug go /de la mna'i snying po 'di yin te/ rdo rje sems dpa' nyid khyod kyis/ /de ni snying la yang dag bzhugs//
 gal te tshul 'di smras na ni/ /de ma tu dral te gshegs/ /badzro da ka Tha/ de nas slob ma la 'di skad bsgo zhig /deng phyin chang khyod kyi phyag na rdo rje yang nga yin gyis/ ngas 'di byos shig ces bsgo ba gang yin pa de khyod kyis bya dgos so/ /khyod kyis nga la
 brnyas par ma byed cig /mi bde ba ma spangs par khyod dus byas nas dmyal bar ltung bar gyur ta re zhes smras la/ de nas 'di skad ces brjod par bya ste/ de bzhin gshegs pa thams cad kyis byin gyis rlobs la/ rdo rje sems dpa' bdag la 'bab par
 gyur cig /ces brjod du gzhug go /de nas slob dpon gyis myur du sems dpa' i rdo rje phyag rgya bcings la/ de'i snying gar bzhag ste/ 'di skad ces brjod du gzhug go /'di ni rdo rje'i dam tshig ste/ /rdo rje sems dpa' yin par grags/ /rdo rje ye shes bla
 med 'di/ /de ring nyid du 'bab par shog /de nas badzra A ba sha a zhes bya ba 'di lan brgya zlos su gzhug go /yang g.yon pa'i khro bo'i khu tshur bcings la/ sems dpa' rdo rje'i phyag rgya che ste/ hUM a(rgyud 'grel sbyor ba gnyis ka la yang 'od zer dmar po 'bar ba'i 'od kyis kun nas 'khrigs pa'i rdo rje sems dpa' kun du gang bar bsams na nges par 'bab par 'gyur ro/ /lha'i ye shes kyang 'di las skye bar 'gyur ro/ /de nas me tog gi
 phreng bas dbang bskur ba dang/ gdong g.yogs dgrol zhing dkyil 'khor bstan pa dang/ 'jug pa'i phyag rgyas dgrol ba dang/ slob dpon gyi las kyi cho gar bstan pa'i sbyor bas byed du gzhug go /de nas de bzhin du pad+ma bris la/ slob ma de rdo
 rje sems dpar byin gyis brlabs te/ pad+ma de la rdo rje sems dpa' i phyag rgya chen pos nye bar bzhag la/ yon gyi mchog blangs te/ mchod yon byin la me tog la sogs pas yang dag par mchod de/ rnam par rgyal ba'i bum pa las rdo rje khu tshur gyis
 chu blangs te/ slob dpon gyi tshogs dbang bskur zhing chu de 'thung du bcug ste/ 'di skad ces brjod do/ /'di ni sems can dmyal ba'i chu/ /dam tshig 'das na bsreg par byed/ /dam tshig bsrung na dngos grub ni/ /rdo rje bdud rtsi'i chu 'dis 'grub/ /rdo rje
 dril bu'i phyag rgya rnams/ /gal te dkyil 'khor ma mthong smras/ /skye bo 'dus pa'i nang gnas shing/ /dad pa med pas brgyad par 'gyur/ /de nas phyag rgya'i dbang bskur ba dang/ cod pan gyi dbang bskur ba dang/ rdo rje dang bdag po dang/ ming gi
 dbang bskur ba dang/ rang gi dngos grub kyi rdo rje brtul zhugs dang/ chos dang de kho na nyid kyi dam tshig rnams sbyin par bya'o/ /de nas me tog la sogs pa dang rdo rje mtshon cha la sogs pas de yang dag par mchod la/ de la snying po byin te/ dang por mna'
 mdor du bcug la/ lha'i phyag rgya bzhi bslab par bya'o/ /de nas gsang ba'i dbang bskur ba bshad de/ slob dpon du dbang bskur ba 'os pa bcug la/ slob dpon gyi las kyi cho ga thams cad dang/ dkyil 'khor dang/ lha'i de kho na nyid bstan par bya'o/ /'di
 dag gis ni dbang bskur bar 'gyur ba yin no// //de nas dbang bskur ba'i cho ga rgyas par bshad par bya ste/ rtsa ba'i dkyil 'khor las rab tu khru do dor la dbang bskur ba'i dkyil 'khor shar phyogs kyi sgor bltas pas/ nang gi dkyil 'khor gyi tshad tsam
 zur bzhi pa sgo nub tu bltas la/ tshon gyis phye ma sna lnga bri bar bya ste/ dkyil 'khor de'i dbus su pad+ma 'dab ma brgyad pa/ de'i steng du dang po'i rdo rje kha dog dmar po bri bar bya'o/ /de nas dkyil 'khor de me tog la sogs pas yang dag par mchod la/ sna tshogs
 pad+ma dang/ ras kyis g.yogs pa'i seng ge'i gdan nas/ stan nang tshangs can rdo rje rtse mo mngon par bzlas pa der bzhag ste/ de yang dbang bskur bar bya ste/ dpal rdo rje sems dpar byin gyis brlabs te/ de'i lus la lha thams cad kyi gnas su snga ma bzhin du
 pad+ma'i gdan bsams nas/ gdan de rnams la dang po'i rdo rje snying po dang bcas pas dpal rdo rje sems dpa' la sogs pa bskyed de/ gdan de la dpal rdo rje sems dpa' i phyag rgya chen por 'dus nas/ dang po'i rdo rje de nyid dang/ rdo rje sems dpa' la sogs pas snying
 ga dang/ smin mtshams dang/ lkog ma dang/ spyi bo rnams su byin gyis brlabs pa dang/ seng ge'i gdan gyi steng du bla re bro zhing/ g.yas logs su dang dang/ me tog gi chun pos brgyan pa'i gdugs dkar po rin po che'i tog can/ hUM gi bzlas pa bzhag pa dang/
 g.yon gyi phyogs kyi char dang sna tshogs pa'i rgyal mtshan dang/ ba dan nam mkha' mdzod kyi sngags bzlas pa bzhag la mchod yon phul te/ me tog la sogs pas yang dag par mchod nas/ dud dang/ rda rings dang/ rnga po che dang/ ru dud la sogs pa'i rol mo
 rnams rol mo'i phyag rgyas byin gyis brlabs kyis brlabs pa'i sgra dang/ phyi rol du glu dang gar rnams bya ba dang/ rdo rje mtshon cha la sogs pas mchod de/ de nas yon gyi mchog blangs la/ dpal rdo rje sems dpa' i sku gzugs de'i spyi bor bzhag la/
 bkra shis tshigs su bcad pa gdon par bya'o/ /de la bkra shis tshigs su bcad pa ni 'di yin te/ phun sum tshogs pa mnga' pa gser gyi ri bo 'dra/ /'jig rten gsum gyi mgon po dri ma gsum spangs pa/ /sangs rgyas pad+ma rgyas pa 'dra
 ba'i spyan mnga' ba/ /bkra shis de ni skye dgu zhi byed dang po'o/ /de yis nye bar bstan pa'i mchog rab mi g.yo ba/ /'jig rten gsum na grags shing lha dang mis mchod pa/ /chos kyi dam pa skye dgu rnams la zhi byed pa/ /'di ni 'jig rten dge ba'i bkra shis
 gnyis pa'o/ /dge 'dun dam pa chos ldan thos pa'i bkra shis phyug /mi dang lha dang lha ma yin gyis mchod pa'i gnas/ /tshogs kyi mchog rab ngo tsha shes dang dpal gyi zhing/ /de ni 'jig rten dge ba'i bkra shis gsum pa'o/ /sems can kun la phan
 phyir byang chub mnga' ba'o/ /don rnams thams cad 'grub par brtul ba yongs ldan pa/ /tshogs kyi las dgyes thub pa'i bkra shis gang byung ba/ /bkra shis des ni skyes dgu rnams la zhi byed shog /'gro la phan phyir de bzhin gshegs pa dga' ldan lha'i/
 gzhal med khang gi snying po nas ni 'dir gshegs te/ /dbang bcas lhas bskor ba'i bkra shis gang byung ba/ /bkra shis des ni skye dgu rnams la zhi byed shog /lo ma ma tog 'od 'bar nyams dga' lum pa'i tshal/ /lha mo dag gis bsten par mgon po
 bltams pa na/ /srid pa mthar phyin pa yi bkra shis gang byung ba/ /bkra shis des ni skye dgu rnams la zhi byed shog /grong khyer ser skya'i gnas nas rgyal po'i pho brang du/ /lhums na bltams pa ston pa bde gshegs zas gtsang sras/ /myur bskrun bdud
 rtsi'i chus gtor pa yi bkra shis gang/ /bkra shis des ni skye dgu rnams la zhi byed shog /grong khyer dam pa ser skya'i gnas zhe bya bar ni/ /rmad du grags pa che ba lha yis mngon bstod pa/ /bsam yas dge sgrubs bsod nams phung po'i bkra shis gang
 bkra shis nges ni skye dgu rnams la zhi byed shog /dgyes shing nas phyed grong khyer mchog nas mngon phyung ste/ /dka' thub tshal du mngon par gshegs shing tshangs la sogs/ /lha yi tshogs kyis yongs su bskor bar bkra shis gang/ /bkra shis des ni skye
 dgu rnams la zhi byed shog /baiDUrya ltar sngo ba'i rtswa bting steng bzhugs te/ /skyil mo krung bcas mi g.yo mchog gi bkra shis gang/ /bkra shis des ni skye dgu rnams la zhi byed shog /chu bo'i 'gram na rtsu sha'i 'phreng gis yongs bskor ba/ /shin tu rmad du
 byung ba srid pa sel mdzad pa/ /blu yis rgyal pos phyag byas pa yi bkra shis gang/ /bkra shis des ni skye dgu rnams la zhi byed shog /shing rgyal drung gshegs byams pa'i stobs kyis bdud kyis phyogs/ /mang po brtul tshe sa steng dang ni nam mkha' la/ /bcom
 ldan bkra shis rnam pa sna tshogs gang byung ba/ /bkra shis des ni skye dgu rnams la zhi byed shog /sdug bsngal mdza' dag gzhig phyir rdo rje gdan bzhugs te/ /nam gyi tho rangs bdud bzhi po dag rnams 'dul ba/ /ston pa bde bar gshegs pa'i
 bkra shis gang byung ba/ /bkra shis des ni skye dgu rnams la zhi byed shog /grong khyer bar NA ser grong khyer mchog zhugs nas/ /chos kyi 'khor lo mchog bskor ba yi bkra shis gang/ /lha yul deng 'dir shin tu rmad du byung 'gyur ba/ /bkra shis des ni skye
 dgu rnams la zhi byed shog /bkra shis gang zhig phan byed dam pa dag byed pas/ /bsod nams bya byed 'phags pa'i skye bos mngon bstod pa/ /bcom ldan shAkya thub pa seng ges kun gsungs pa/ /bkra shis nges ni skye dgu rnams la zhi byed shog /mu
 stegs byed pa kun gyi nga rgyal gzhom pa dang/ /'gro la bde ba bskyed pa'i cho 'phrul dam pa dag /nye bar ston pa rgyal ba'i bkra shis gang byung ba/ /bkra shis des ni skye dgu rnams la zhi byed shog/ 'gro la phan phyir mtho ris gnas nas 'dir gshegS
 te/ /tshangs pa la sogs lha tshogs lag na rnga yab gdugs/ /sna tshogs thogs pas yongs su bskor ba'i bkra shis gang/ /bkra shis des ni skye dgu rnams la zhi byed shog /de bzhin gshegs pa zhi ba mchog tu nyer gshegs pa//
 man dar ba'i me tog mang pos mngon mchod pa/ /lha mchog rnams kyis mngon par bstod pa'i bkra shis gang/ /bkra shis nges ni skye dgu rnams la zhi byed shog /lha dbang klu dang mi yi dbang pos phyag byas pa/ /mkha' lding gnod sbyin dri za'i dbang pos
 mchod gyur pa/ /de bzhin gshegs pa'i stobs bcu ldan pa'i bkra shis gang/ /bkra shis des ni skye dgu rnams la zhi byed shog/ //de nas mtshan brgya rtsa brgyad pas yang dag par bstod la/ dang po bum pa gang ba dang rdo rje gzugs la sogs
 pa de dag dang/ de nas bum pa de rnams kyis so/ /de'i 'og tu rnam par rgyal ba'i bum pa las chu blangs la/ de bzhin du dbang bskur bar bya zhing/ bzung du yang gzhug go /de nas phyag rgya'i dbang bskur pa dang/ cod pan dang/ dar dbyangs kyis dbang bskur ba
 dang/ rdo rje dang/ bdag po dang/ ming gi dbang bskur bar byin la/ dngos grub kyi rdo rje brtul zhugs yang/ sbyin par bya'o/ /de nas me tog la sogs pa dang/ rdo rje mtshon cha la sogs pa'i mchod pa phyag rgya rnam pa bcu gnyis dum bu gnyis pa'i rtsa ba'i
 dkyil 'khor du bshad pa rnams kyis yang dag par mchod la/ chos dang de kho na nyid kyi dam tshig rnams sbyin par bya'o/ /de bzhin gshegs pa'i rigs kyi dkyil 'khor du yang mchod pa bcu gnyis po de nyid de bzhin gshegs pa'i khu tshur gnyis las byung
 ba'o/ /rdo rje rigs las khro bo'i khu tshur gnyis las byung ba'o/ /pad+ma'i rigs las ni pad+ma'i khu tshur gnyis las byung ba'o/ /rin po che'i rigs las ni rin po che'i khu tshur gnyis las byung ba bzung bar bya'o/ /rdo rje sems dpa' i dkyil 'khor la ni kha
 dog sna tshogs pa'o/ /de bzhin gshegs pa'i dkyil 'khor la ni dkar po'o/ /rdo rje'i dkyil 'khor la ni sngon po'o/ /pad+ma'i dkyil 'khor la ni dmar po'o/ /rin po che'i dkyil 'khor la ni ser por shes par bya'o/ /de nas snga ma bzhin du cho ga rnams
 rjes su spyad la/ yi ge bras byin gyis brlabs pa'i rin po che'i thur ma 'am/ gser gyi thur ma blangs la/ slob ma'i mig gnyis su pra bkod de/ thur ma des de'i mig du byugs la/ 'di skad ces brjod par bya'o/ /ji ltar mig mkhan rgyal po yis/ /'jig rten
 rab rib bsal ba ltar/ /bu khyod kyis ni mi shes pa'i/ /rab rib rgyal ba rnams kyis gsal/ /oM ne trai a pa ha ra pa Ta laM h+ri(rgyud 'grel med/ /bzung du med cing brjod du med/ /rgyu dang las la byung ba ste/ /ngo bo nyid med gnas med par/ /de ltar chos nyid shes nas su/ /sems can don ni bla med byos/ /'on kyang sangs rgyas sras su skye/ /de nas yi ge hos mda' dang bcas pa'i gzhu byin la/ de bzhin
 gshegs pa thams cad rjes su mnyes par gyis shig ces brjod la/ phyogs bzhir mda' bzhi 'phen du gzhug /steng 'og tu yang 'phen du gzhug la/ /oM badzra rA ga ho zhes kyang smrar gzhug par bya'o/ /de nas a badzra satwa/ zhes pas me long bstan
 la/ 'di skad ces brjod par bya ste/ rdo rje sems dpa' me long bzhin/ /dag cing gsal la rnyog pa med/ /sangs rgyas kun bdag rang nyid ni/ /bu khyod kyi ni snying pa bzhugs/ /de bzhin gshegs pa kun bdag gang/ /byang chub sems 'dir shes par gyis
 de nas badzra he tu ma/ zhes bya bas chos kyi 'khor lo rkang pa gnyis su dgod pa dang/ badzra b+haSha raM zhes bya ba dang/ dung lag pa g.yas par byin la 'di skad ces brjod par bya ste/ de ring phan chad 'jig rten la/ /skyob pa rnams ni 'khor lo bskor/ /chos kyi
 dung ni bla med pas/ /kun du ma lus gang bar gyis/ /som nyi yid gnyis mi bya zhing/ /dogs pa med pa'i sems kyis su/ /gsang sngags spyod pa'i tshul gyi mchog /'jig rten 'di la rab tu sgrogs/ /de ltar byas nas sangs rgyas la//
 phan 'dogs drin du 'tho? zhes bya/ /rdo rje 'dzin pa de kun kyang/ /kun du khyod la bsrung bar byed/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs la/ /chos kyi 'khor lo rab tu bskor/ /mdor na 'jig rten
 thams cad du/ /sems can kun la phan pa'i phyir/ /ji ltar 'dul ba sna tshogs pa/ /rdo rje 'khor lo rab tu bskor/ /mdor na 'jigs rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /khro bo'i 'khor lo rab tu
 bskor/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i/ /pad+ma'i 'khor lo rab tu bskor/ /mdor na 'jig rten thams cad du/ /sems can kun la phan pa'i phyir/ /ji ltar 'dul ba sna tshogs pa'i
 nor bu'i 'khor lo rab tu bskor/ zhes bya bas/ de bzhin gshegs pa dang/ rdo rje sems dpal dang/ rdo rje hUM mdzad dang/ 'jig rten dbang phyug dang/ nam mkha' snying po'i nga rgyal dang/ tshigs su bcad pa 'di rnams kyis rjes su gnang bar byin la/ /rang
 gi lha'i snying po sbyin par bya'o/ /de nas phyag rgya bzhi'i ye shes bslab par bya'o/ /gzengs bstod pa'i phyag rgya bcings la/ slob ma thams cad la dbang bskur bar bya'o/ /oM 'di ni ngas khyod lung bstan pa/ /rdo rje sems dpa' de bzhin gshegs//
 srid pa gsum du grub pa'i phyir/ /srid pa'i ngan 'gro dag las ston/ /kye'i rdo rje che ge mo zhes bya ba'i de bzhin gshegs pa sid+d+hi sa ma ya stwaM b+hur b+hu ba swa:de la gzengs bstod pa ni 'di yin te/ de bzhin gshegs pa'i khu tshur gnyis bcings la/ /g.yon pa
 chos gos kyis mdza' 'dzin pa'i tshul byas la/ g.yas pa mi 'jigs pa'i tshul byas la/ cho ga lhag ma rnams ni dum bu gnyis pa las shes par bya'o/ /rjes su bsgrub pa dang/ rjes su bsgrub pa'i lan yang de bzhin du shes par bya'o/ /de nas sbyin sreg bya ste
 slob mas bsang gtor byas la/ g.yon logs su bzhag ste/ de'i g.yas pa'i mthe bong lag pa g.yas pa g.yon pas bzung nas/ hUM gis mar gyi sbyin sreg lan bdun byas la/ blugs gzar gyis slob ma la bskor ba bya ste/ de nyid kyis dgad? blugs
 gsum dbul bar bya'o/ /de nas sangs rgyas spyan gyis de bzhin du sbyin sreg bya'o/ /de nas slob ma'i lag par rdo rje gnod sbyin bzlas pa'i gdu bu btags la/ de nyid bzlas pa'i chus gsang gtor bya'o/ /oM du ru sphu? ru dzwa la tiSh+Tha sid+d+ha lo tsa ni sarba artha sA d+ha
 ni swAhA/ zhes bya ba sangs rgyas spyan gyi sngags dang/ snying gar byugs te/ slob ma btang bar bya ba ni/ slob ma'i thun mong gi che ga'o/ /gang zhig slob dpon gyis dbang bskur ba la ni de la dmigs te/ mar gyi sreg blugs brgya hUM zhes bya ba dang sbyin sreg
 bya'o/ /de nas sangs rgyas spyan gyis yang sbrang rtsi dang/ mar dang zho dang bsres pa'i til gyis sbyin sreg brgya rtsa brgyad sangs rgyas spyan gyi sngags nyid kyis dbul lo/ /de nas de bzhin du gang du bu btags la bsang gtor byas te/ snying gar byugs mas yang snga ma
 bzhin du thab kyi nang du dkyil 'khor bsams la/ dkyil 'khor pa'i lha rnams la sbyin sreg phul nas/ yang dkyil 'khor la bzhugs pa'i bcom ldan 'das la mchan brgya rtsa brgyad pas bstod nas/ mchod pa thams cad kyis yang dag par mchod de/ phyi rol
 du gtor ma byin la nye reg bya ste phyag rgya dgrol ba la sogs pa sngar bshad pa'i cho ga rnams rjes su spyad nas /bcom ldan 'das 'khor dang bcas pa gshegs su gsol par bya'o/ /de nas de bzhin du rang gi lus la sprul pa'i dkyil 'khor bcug
 shes rab kyi pha rol tu phyin pa mdza' yas pa nyid pas/ de bzhin gshegs pa mdza' yas pa nyid do/ /shes rab kyi pha rol tu phyin pa mu med pa nyid pas/ rdo rje thams cad mu med pa nyid do/ /shes rab kyi pha rol tu phyin pa du ma nyid
 pas/ chos thams cad du ma nyid do/ /shes rab kyi pha rol tu phyin pa mthar thug pa med pa nyid pas/ las thams cad mthar thug pa med pa nyid do/ /sems can chen po legs so legs/ /bde ba chen po legs so legs/ /theg pa chen po legs
 so legs/ /blo gros chen po legs so lags/ /cho ga 'di ni legs par smras// //spyan dbye ba'i cho ga bzhugs so// //rgya gar skad du/ pra tiSh+Tha bid+d+hi/ bod skad du/ spyan dbye ba'i cho ga /bcom ldan 'das 'jam dpal gzhon nur