<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N2130: dpal mchog dang po'i 'grel pa<br><table><tr><td>
<input type="button" onclick="location.href='tcompletep.php?id=N2130&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N2130&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N2130&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">dpal mchog dang po'i 'grel pa bzhugs/ /
 rgya gar skad du/ sh+rI par mArya bir nA ma/ bod skad du / dpal mchog dang po'i 'grel pa/ bcom
 ldan 'das 'jam dpal gzhon nur gyur ba la phyag 'tshal lo/ /rdo rje 'dzin pa chen po'i sa/ /thog ma tha ma med dge ba/ /
 dpal mchog dang po'i rgyud las gsungs/ /chos kyi sku la sogs bsdus pa/ /rdo rje 'dzin chen dad pa yi/ /yang dang yang
 du phyag 'tshal te/ /'gro bas de ni gnas thob phyir/ /rab tu phye ste bshad par bya/ /'di skad bdag gis
 thos pa zhes bya ba la sogs pa tshig nye bar dgong pa 'di'i brjod par bya ba ni gang zhig yin 'brel pa ni
 gang zhig yin/ dgos pa ni ci zhig yod/ dgos pa'i dgos pa ni ci zhig yin zhe na/ rgyud 'di'i ming dpal mchog dang po
 zhes bya ba la/ dpal mchog dang po ni chos kyi sku la sogs pa'i mtshan nyid de nam mkha' i khams thams cad ltar/ rtag tu
 bzhugs pa sku dang gsung thugs rdo rje de bzhin gshegs pa thams cad kyi thugs la bzhugs pa/ bcom ldan 'das
 rnam par snang mdzad ni rdo rje 'dzin pa chen po ste/ de'i brjod par bya ba'i ngo bo nyid do/ /de ston par byed pa'i sgra'i tshogs ni rgyud yin no/ /rgyud
 kyis brjod par bya ba dang/ de ston par byed pa'i mtshan nyid ni 'brel pa yin no/ /de lta bu'i bcom ldan 'das gdul bya rnams 'dod pa bskyed
 pa ni dgos pa yin no/ /'dod pa bskyed nas kyang / dkyil 'khor du 'jug pa la sogs pa 'jig rten dang 'jig rten las 'das pa'i
 'bras bu 'thob par 'gyur ba ni / dgos pa'i yang dgos par bshad pa yin no/ /de la bcom ldan 'das sems can rnams kyi 'dod
 chags kyis 'dod chags gdul bar bya ba'i phyir/ dam tshig ni sems dpa' chen por byin gyis brlabs pa rdo rje'i dkyil 'khor chen po'i
 gsang sngags la sogs pa'i tshul gyis bzhugs pa yin no/ /rang bzhin gyis bzang ba'i sems can rnams gdul bar bya ba'i phyir de bzhin gshegs
 pa'i dkyil 'khor dang/ gsang sngags kyis tshul gyis bzhugs pa yin no/ /khro bas khro ba spang par bya ba'i phyir/ /khams gsum rnam par rgyal ba'i tshul gyis
 so/ /log par lta ba spang par bya ba'i phyir/ 'phags pa spyan ras gzigs dbang phyug gi dkyil 'khor dang sngags kyi tshul gyis so/ /ser sna rab tu spang bar bya ba'i
 phyir/ bsam pa thams cad yongs su rdzogs par bya pa'i phyir/ 'phags pa nam mkha' i snying po'i dkyil 'khor dang sngags kyi tshul gyis so/ /sku dang gsung dang thugS
 kyi mtshan nyid gcig tu bya ba'i phyir/ 'phags pa rdo rje khu tshur gyi dkyil 'khor gyi sngags la sogs pa'i tshul gyis so/ /chos bdag med pa dang ma bral na thams cad
 'grub par 'gyur ro zhes bstan par bya ba'i phyir dang/ shes rab kyi pha rol tu phyin pa dang ldan na thams cad 'byor par 'gyur ro zhes bstan par bya ba'i phyir 'phags pa 'jam dpal gyi dkyil 'khor dang sngags
 la sogs pa'i sngags dang tshul gyis so/ /dkyil 'khor du 'jug pa med par gsang sngags kyi tshul 'grub par mi 'gyur ro zhes bstan par bya ba'i phyir/ 'phags pa rdo rje'i 'khor lo'i dkyil 'khor dang sngags
 la sogs pa'i tshul gyis so/ /mchod pas 'grub par 'gyur gyi/ tshogs med par ma yin no zhes bstan par bya ba'i phyir/ 'phags pa nam mkha' i mdzod kyi dkyil 'khor dang gsang sngags kyi
 tshul gyis so/ /nyon mongs pa thams cad kyi gnyen por gyur pa'i dge ba'i phyogs rnams la phyi rol gyi lha'i bu la sogs pa'i bdud rnams tshar gcod par nus na 'grub par 'gyur ro zhes bstan
 par bya ba'i phyir/ 'phags pa rdo rje gnod sbyin gyi dkyil 'khor dang sngags la sogs pa'i tshul gyis bzhugs pa yin no/ /dkyil 'khor gcig tu zhugs pas dkyil 'khor thams cad du zhugs
 lngar 'gyur par bya ba'i phyir dang/ thams cad kyi ngo bo bdag yin no zhes bstan par bya ba'i phyir/ bsdus pa'i dkyil 'khor gyi tshul du bzhugs pa yin no zhes pa'i dkyil 'khor dang ma mo dang ming po
 gsum dang sring mo bzhi'i dkyil 'khor ni de la mos pa'i sems can rnams dga' bar bya ba'i phyir/ de ltar sprul par mdzad nas don gyi sgo nas bstan pa la 'jug par bya ba'i phyir ro/ /de la rdo rje sems dpa' ni ngo bo nyid kyi
 sku yin pa de nyid ni chos kyi sku ?/ gnyis su med pa'i thugs me long lta bu'i ye shes te/ de bzhin gshegs pa'i mtshan dang dpe byad dang ldan pa/ sku thams cad kyi ngo bo nyid yin no/ /rdo rje hUM mdzad dang/ rdo rje khu tshur dang/ /rdo rje gnod sbyin ni
 sprul pa'i sku ste/ bya ba bsgrub ye shes kyi ngo bo nyid yin no/ /'phags pa spyan ras gzigs dbang phyug dang/ sems bskyed ma thag tu chos kyi 'khor lo bskor ba ni longs spyad rdzogs pa'i sku ste/ so sor rtog pa'i ye shes kyi ngo bo nyid yin no/ /'phags pa nam
 mkha' i snying po dang/ /nam mkha' i mdzod ni rnam par smin pa'i sku ste/ mnyam pa nyid kyi ye shes kyi ngo bo nyid yin no/ /'phags pa 'jam dpal yang shes rab kyi pha rol tu phyin pa dang gnyis su med par bzhugs pa'i ngo bo nyid kyis na 'dir gnyis su med
 pa'i thugs kyi mtshan nyid yin pas/ ngo bo nyid kyi sku'i khongs su gtogs so/ /'jig rten pa'i dkyil 'khor rnams kyang sprul pa'i ngo bo nyid yin pas/ bya ba bsgrub pa'i ye shes kyi ngo bo nyid yin no/ /de yang rdo rje sems dpa' i
 dbang bskur bas/ /ngo bo nyid kyi sku ru 'dod/ /rdo rje rin chen dbang bskur bas/ /mtshan dang de bzhin dpe byad do/ /rdo rje chos kyi dbang bskur bas/ /longs spyod rdzogs pa'i sku yang yin/ /rdo rje las kyis dbang bskur bas/ /
 de bzhin sprul pa'i sku yin no/ /zhes gsungs te/ rnam par snang mdzad ni/ sangs rgyas thams cad gcig tu sdud pa yin na/ ji ltar na me long lta bu'i ye shes la sogs pa dang dkyil 'khor dang sngags la sogs pa'i ngo bo nyid du rnam par bzhag ce na/ rgyu dang 'bras
 bu'i nye bar gdags pa'i tshul gyis de'i rgyu mthun pa/ de skad nye bar bstan te/ gzugs nyid ni stong pa'o/ /stong pa nyid ni gzugs so zhes gsungs pas na/ nyes pa med do/ /dam tshig gi phyag rgya'i ngo bo nyid kyi ngo bo nyid du ma bu gnyis pa ni/ bde ba chen
 po'i rdo rje mchog gi dam tshig dam pa'i dkyil 'khor yi ge bcu bdun pa'i sngags la sogs pa'i tshul yin la/ de bzhin du de bzhin gshegs pa dang/ rab tu dga' ba'i rdo rje dang/ khro ba dang/ 'jig rten dbang phyug dang/ nam mkha' i snying po dang/ bsdus
 pa'i dkyil 'khor dang/ ming po gsum dang/ sring mo bzhi dang/ lha dang/ klu dang/ gsang ba'i dkyil 'khor gyi tshul de nyid yin te/ yang 'di rnams nyid kyi rtogs pa la las kyi sgrib pa'i dbang gis/ dum bu dang po las gsungs pa ma grur pa rnams
 la myur du 'grub par bya ba'i phyir ro/ /bde ba chen po rdo rje chen po'i dkyil 'khor dang/ de bzhin gshegs pa dang/ rdo rje me ltar rab tu 'bar ba dang/ spyan ras gzigs dbang phyug dang/ nam mkha' i snying po dang/ ming po gsum dang/ sring mo bzhi dang/ klu dang
 sdug bsngal 'don pa dang/ bsdus pa'i dkyil 'khor dang/ sngags la sogs pa'i ngo bo nyid de/ de nyid ni ji ltar mngon par 'dod pa'i dkyil 'khor du zhugs pa rnams kyang myur du 'grub par 'gyur pa dang/ dpal rdo rje sems dpa' i gsang ba lnga'i de kho na nyid
 chen po dam tshig gsum dang/ rdo rje me ltar rab tu 'bar ba dang/ spyan ras gzigs dbang phyug dang/ nam mkha' i snying po dang/ gsang ba'i ras ris dang/ dkyil 'khor dang sngags la sogs pa'i tshul yin no/ /chos kyi phyag rgya'i don gyi ngo bo dang/ dngos grub rnams kyang myur du
 bsgrub par bya ba'i phyir/ bsgrub pa'i khyad par bsdus pa'i ngo bo nyid dum bu gsum par yang bde ba chen po rdo rje chen po'i dkyil 'khor chen po de bzhin gshegs pa thams cad dang/ rdo rje me ltar rab tu 'bar ba dang/ 'phags pa spyan ras gzigs
 dbang phyug dang/ nam mkha' i snying po dang/ ming po gsum dang/ sring mo bzhi dang/ klu dang sdug bsngal gdon pa dang/ bsdus pa'i dkyil 'khor dang sngags la sogs pa'i tshul yin no/ /yang gsang pa'i dkyil 'khor dang/ gsar ba lnga pa'i ras ris kyi
 dkyil 'khor dang/ lnga po bsdus pa'i dkyil 'khor gyi ngo bo nyid dang/ sgrub pa po myur du 'grub par bya ba'i phyir/ /des bzhugs pa yin no/ /las kyi phyag brgya'i don gyi ngo bo nyid dang dngos grub rnams kyang myur du bsgrub par bya ba'i phyir dang/ bsgrub pa'i khyad par
 bsdus? pa'i ngo bo nyid kyis dum bu bzhi par yang bde ba chen po rdo rje chen po'i dkyil 'khor chen po dang/ de bzhin gshegs pa dang/ rdo rje me ltar rab tu 'bar ba dang/ 'phags pa spyan ras gzigs dbang phyug dang/ nam mkha' i snying po dang/ ming ?  gsum dang/
 srid mo bzhi dang/ klu dang sdug bsngal gdon pa dang/ bsdus pa'i dkyil 'khor dang/ sngags la sogs pa'i ngo bo nyid dang/ gsang pa'i ras ris dang/ dkyil 'khor lnga pa myur du 'grub pa'i phyir/ bsgrub pa'i khyad par nyid kyi bzhugs pa yin no/ /ngo bo nyid
 dang rnam par smin pa dang/ longs spyod rdzogs pa dang/ sprul pa'i skur rnam par bzhag pa ni/ thams cad du snga ma kho na bzhin du lta bar bya'o/ /ngan song gsum dang mi dang/ 'dod pa na spyod pa'i lha dang/ gzugs na spyod pa'i lha rnams par spyod par bya ba'i phyir
 dum bu bzhi las bshad pa'i bsgom pa 'gro ba thams cad khyad par byed pa sngags pa rnams kyis bya'o/ /zhes bstan pa'i phyir/ dum bu bzhi bstan pa yin no zhes gzhan dag 'chad do/ /tshul 'di ni rigs pa'i tshul yin te/ rgya che ba la srid pa rnams ni spros pa'i ye shes
 nas brtsams pa ni dum bu dang po'o/ /bsgrub pa'i khyad par cung zad gcig bstan pa'i sgo nas yang dag par ston pa ni dum bu gnyis pa'o/ /don gsal bar bya ba ni dum bu gsum par ston to/ /dum bu gsum pa'i 'dod pa'i don ni dum bu bzhi par ston te/ yang dang yang du?
 bu gzhan gyis de'i don yang dag par mtshon pa'i phyir ro/ /'di nyid du bcom ldan 'das nyid kyis/ don 'di nyid yongs su gzung bar mdzad nas/ slar yang 'dir ston par mdzad cing/ snying po gsungs par gyur pa mi yang dang yang bstan pas the tshom dang bral ba la rab tu 'jug
 cing/ ji ltar mngon par 'dod pa 'grub par 'gyur ba yin no/ /de yang sangs rgyas byang chub sems dpa' dag/ yang dang yang du legs gsungs pa/ /gsang sngags de la dam pa mchog/ zlos pa po ni 'grub par 'grub/ /zhes gsungs pa dang/ 'jig rten pa'i bstan
 bcos la yang tshul 'di snang lte cho ga de nyid kyis rang gi blo mtshan nyid gang la spros par byas par 'gyur ro/ /de bas na 'dir bzlos pa'i nyes pa'i rtog pa mi bya'o/ /de la 'dir bsgrub pa'i khyad par cung zad cig yod pa 'di lta ste/ dkyil 'khor dang sngags dang/ phyag
 rgya'i khyad par ni dum bu gsum par/ lha mo bzhi dang yang dag par 'dus pa la sogs pa gsang ba'i dkyil 'khor lnga pa dang/ gnyis pa he ma hA su kha zhes bya ba la sogs pa spyan 'dren pa'i sngags dang/ gsum pa dang bzhi par hUM ma hA su ba zhes bya ba la sogs
 pa dang/ gnyis par oM zhes bya ba la sogs bum pa'i sngags dang gsum pa dang/ bzhi pa yi ge hUM zhes bya ba la sogs pa dang/ de bzhin du oM ma d+hu badzra zhes bya ba la sogs pa mchod pa'i lha mo rnams kyi sngags dang/ yang gsang ba'i dkyil 'khor de kho na nyid kyis
 spyan drang pa'o/ /de bzhin du gzhan dag kyang rgyud kyi nang du blta bar bya'o/ /de ltar na dum bu dang por ni dkyil 'khor bco lnga'o/ /gnyis pa ni rdo rje gsang ba'i cho ga dang bcas pa nyi shu rtsa bdun no/ /gsum pa ni nyi shu rtsa gcig gi/ bzhi pa ni dkyil 'khor bco lnga ste/ spyir?
 bsdus na dkyil 'khor bdun cu rtsa brgyad du 'gyur ro/ /de nas 'di rnams kyi gzhi dang dbyings kyi khyad par mdor bsdus nas ji lta ba bzhin du bshad par bya ste/ de la dam tshig chen po'i de kho na nyid byin gyis brlabs pa rdo rje'i dkyil 'khor chen po ni zur
 bzhi la sogs pa'i gzugs can te/ de'i nang du phyi'i dkyil 'khor bzhi zur pa la sgo bzhi pa'i dkyil 'khor de'i phyed kyi tshad la ka ba brgyad kyis nye bar mdzes par byas pa/ phyi rol nas rdo rje phreng ba zlum pos yongs su bskor bar gnas la/ /lha thams cad kyi gnas
 su sdod bu dang bcas pa'i sna tshogs pad+ma'i gdan byas la/ de'i dbus su sems dpa' o/ /mdun du rdo rje yid las byung ba/ g.yas su rdo rje ki li ki li/ rgyab tu rdo rje dran pa g.yon du rdo rje snyems pa'o/ /de'i phyogs kyi cha la rdo rje sbrang rtsi bden bral gyi phyogs su
 rdo rje sprin/ rlung gi phyogs su rdo rje sdom dbang ldan gyi phyogs kyi re'u cha la rdo rje dgun no/ /dkyil 'khor 'di'i rgyab rdo rje srad bu'i nang gi shar phyogs su mi bskyod pa g.yas dang g.yon logs na phyag na rdo rje dang/ 'jam dpal 'khor du bzhugs pa'o/ /lho phyogs
 su rin chen 'byung ldan nam mkha' i snying po dang/ nam mkha' i mdzod kyis 'khor gyis bskor ba'o/ /nub kyi phyogs su 'od dpag med pa 'phags pa spyan ras gzigs dbang phyug dang/ sems bskyed ma thag tu chos kyi 'khor lo bskor bas 'khor du byas pa'o//
 Fbyang gi phyogs su don yod par grub pa rdo rje khu tshur dang/ rdo rje gnod sbyin gyis 'khor du bskor ba'o/ /phyi'i dkyil 'khor gyi mtshams rnams su sgeg mo dang bzhad pa mo dang/ glu mkhan ma dang gar mkhan ma'o/ /shar la sogs pa'i sgo rnams su ni
 gzugs dang sgra dang dri dang ro gzugs la sogs pa'i phyag rgya phyag na bsnams pa'o/ /shar phyogs kyi phyi'i dkyil 'khor gyi snam bu la 'jig rten pa'i lha phyed langs pa/ 'dod pa'i lha tshangs pa/ khyab 'jug/ karti ka/ dbang po drag po chung ma dang bcas
 pa'o/ /lho phyogs su nyi ma/ zla ba/ spen pa/ mig dmar/ chung ma dang bcas pa'o/ /nub gyi phyogs su gtun ban dang/ rlung dang/ me dang/ lus ngan po chung ma dang bcas pa'o/ /byang gi phyogs su phag dang/ gshin rje dang/ log 'dren dang/ dbang po chu lha/ chung ma
 dang bcas par gnas pa'o/ /sgo rnams su ni stobs bzang dang/ sbrang rtsi can dang/ rgyal ba dang rgyal ba thob pa chung ma dang bcas? pa'o/ /phyi'i dkyil 'khor rdo rje sems dpa' i dkyil 'khor dang 'dra ba las de'i nang du bzhi cha pa'i tshad la ka ba brgyad kyis nye bar
 mdzes par byas pa/ zlum po dkyil 'khor de'i nyis 'gyur ni gnyis pa'o/ /de'i phyi rol tu de'i sum 'gyur ni gsum pa ste/ de ni 'khor gyi dkyil 'khor ro/ /lha thams cad kyi gnas su sna tshogs pa'i pad+ma'i ston rnam par bzhags la/ dbus su bcom ldan
 'das rnam par snang mdzad sprul pa'i sku ting nge 'dzin la snyoms par zhugs pa/ sangs rgyas kyi sku gzugs brgyad kyis yongs su bskor pa'o/ /gnyis pa dkyil 'khor zlum po'i nang du shar phyogs nas brtsams te/ mi bskyod pa la sogs pa byang chub sems dpa' 
 gnyis kyi dbus su bzhugs par bya'o/ /gsum pa'i zlum po'i nang du shar gyi phyogs su phyag na rdo rje de bzhin du me la sogs pa'i phyogs mtshams rnams su 'jam dpal dang/ nam mkha' i mdzod dang/ 'phags pa spyan ras gzigs dbang phyug dang/ sems bskyed
 ma thag tu chos kyi 'khor lo bskor ba dang/ rdo rje khu tshur dang/ rdo rje gnod sbyin deng bzhugs par bya'o/ /phyi'i dkyil 'khor gyi mtshams su sgeg mo dang/ bzhad ma dang/ glu mkhan ma dang gar mkhan ma'o/ /sgo rnams su ni bum pa bzhi bya'o/ /yang shar phyogs kyi sgor
 du nas? dang bcas pa'o/ /lhod ni dbya'i?/ dang gser dang rin po che dang/ gos kyis brgyan pa'i snod ro drug gis yongs su gang pa'o/ /nub tu ni stan shin tu 'jam po'o/ /byang du ni sangs rgyas kyi sku gzugs rnam par bzhag par bya'o/ /phyi'i dkyil 'khor rdo rje sems dpa' i
 dkyil 'khor dang 'dra ba las de'i nang du de'i phyed kyi tshad zlum po rdo rje thig gis bskor ba/ dkyil 'khor brgyad pa lta bu/ 'bar ba'i phreng ba yongs su 'khrug pas khyab pa'o/ de ltar lha thams cad kyi gnas su sna tshogs pad+ma'i gdan la dbus su
 rdo rje hUM mdzad de'i spyan sngar g.yas brkyang pas bzhugs te/ g.yas pa'i rdo rje khu tshur gyis rdo rje bsnams pa/ g.yon pa'i khro bo'i khu tshur gyi sdigs mdzub mdzad par brtsam pa'o/ /g.yas su ni lcags kyu bsnams pa'o/ /rgyab tu ral gri bsnams pa'o//
 g.yon du ni zhags pa bsnams pa'o/ /me la sogs pa'i mchams rnams su ni dbyug pa dang/ kha TwAM ga dang/ gri gug dang/ chu gri bsnams pa'i khro bo bsnams so/ /phyi'i dkyil 'khor gyi mtshams rnams su ni sgeg mo la sogs pa'o/ /nang gi snam bu
 de nyid la lha la sogs pa las dbang phyug chen po chud ma dang bcas pa ston la rdo rje sems dpa' dkyil 'khor gyi tshul gyis rang rang gi phyogs su gnas par bya'o/ /shar gyi sgor ni mda' dang gzhu'o/ /lhor ni ral gri'o/ /nub ni 'khor lo'o/ /byang du ni mdud
 bsgrengs nas gnas par bya'o/ /phyi'i dkyil 'khor rdo rje sems dpa' i dkyil 'khor dang 'brab las de'i phyed kyi tshad la mtshams sgo la mngon par phyogs pa gnyis te/ ka ba brgyad kyi tshul dang pad+ma 'dab ma brgyad pas brgyan pa la lha thams cad kyi gnas su sna
 tshogs pad+ma'i gdan la de'i dbus su bcom ldan 'das 'phags pa spyan ras gzigs dbang phyug go/ de'i spyan snga nas brtsams te/ pad+ma dA ga dang/ gtum pa'i dbang phyug dang/ pad+ma chen po dang pad+ma nag po dang/ mi mdzad kyi bdag po rnams so/ /me la sogs
 pa'i 'dab ma rnams la pad+ma chen pos 'dzin dang/ sa 'dzin dang brgya mtsho dang/ nyi ma dang/ rlung rnams g.yas nas bskor ba'i tshul du bzhag go/ phyi'i dkyil 'khor gyi mtshams rnams su dpal chen mo dang/ dkar mo dang/ ser mo dang/ dkyil 'khor la gnas pa rnams te/
 sh+rI/ h+rI/ gI/ d+hI/ zhes bya ba rnams so/ /shar phyogs kyi sgor ni bud med kyi gzugs can no/ /lhor ni sprul lo/ /nub tu ni phag go/ byang du ni pad+ma'i gzugs can yang dag par dgod par bya'o/ /phyi'i dkyil 'khor ni snga ma dang 'dra'o/ /de'i phyed kyis nang du nor bu rin po che zur brgyad pa
 rin po che'i ka pa brgyad dang ldan pa/ rin po che'i lcug mas yongs su bskor ba/ rdo rje rin po che'i rabs bskor ba/ me tog gi chun 'phyang dang/ dar dang gdugs dang/ rnga yab kyis nye bar mdzes par gnas par bya'o/ /da'i dbus su bcom ldan 'das nam mkha' i snying po rta dang ldan pa'i
 shing rta la chibs pas bzhugs pa'o/ /de'i mdun du sna tshogs pad+mas dbang bskur ba'i rin chen rdo rje rin po che'i cod pan thogs pa'o/ g.yas su rin chen nor sbyin gter gyi bum pa phyag na bsnams pa'o/ /rgyab tu rin chen phyag na glegs bam bsnams pa'o/ /g.yon
 du ro'i snod phyag na bsnams pa'o/ /ma la sogs pa'i mtshams su ni rin po che'i gdugs dang/ rgyal mtshan dang/ rnga po che dang/ rin po che'i srog shing phyag na bsnams pa'i lha mo rnams bya'o/ /phyi rol gyi mtshams rnams su ni bum pa dgang ba bzhag par bya'o/ /shar
 phyogs kyi sgor ni rin po che'i cod pan no/ /lhor ni gter gyi bum pa'o/ /nub tu ni rgyal mtshan no/ /byang du ni ro'i snod do/ /phyi rol du ni rgyal mtshan dang ba dan la sogs pa gnas par bya'o// //phyi'i dkyil 'khor ni snga ma dang 'dra'o/ /de'i phyed kyis de'i nang du rdo
 rje thig zlum pos bskor bar ka ba brgyad kyis nye bar mdzes par byas pa/ lha thams cad kyi gnas su sna tshogs pad+ma'i gdan byas te/ de'i dbus su bcom ldan 'das rdo rje khu tshur ro/ /de'i mdun du ni rdo rje sku mchod go/ g.yas su rdo rje lags so/ /rgyab tu ni ting nge
 'dzin rdo rje'o/ /g.yon du ni rdo rje'i rdo rje'o/ /me la sogs pa'i mtshams su ni phyag rgya'i don dang/ ye shes dang las dang/ khu tshur bzang mo zhes bya ba'i mchod pa'i lha mo rnams so/ /phyi'i mtshams rnams su ni sgeg mo la sogs pa'o/ /shar phyogs kyi sgor ni rdo rje
 snyems ma'o/ /lhor ni rdo rje ljags ma'o/ /nub tu ni ting nge 'dzin rdo rje ma'o/ /byang du ni rdo rje rdo rje ma'i zhes bya ba'i lha mo yang dag par gnas so/ /phyi'i dkyil 'khor ni snga ma dang 'dra'o/ /de'i nang du ni de'i phyed kyi 'khor lo rtsibs
 brgyad pa/ dkyil 'khor brgyad pa 'dra ba'i tshul la/ 'khor lo'i steng du shar phyogs nas brtsams te/ bskor phyogs su a la sogs pa'i yi ge phreng bzhir mthar thug pa'i bar du bri bar bya'o/ /de ni 'dir a ra pa tsan zhes bya ste/ 'dod pa thams
 cad thob par byed pa'o/ /de ci'i phyir zhe na/ yi ge a ni 'dod pa zhes bshad do/ /yi ge ra ni chags pa zhes bshad do/ /yi ge pa ni don dam pa zhes bshad do/ /yi ge tsa ni spyod pa zhes bshad do/ /na zhes bya ba ni dngos po med pa zhes bshad do//
 'dod pa dang chags pa dang don dam pa dang spyod pa dang/ dngos po med pa nyid do/ /de ltar 'di bsgoms nas snying po bsgrubs pas 'dod pa thams cad 'thob par 'gyur ro/ /'dod pa thams cad ni de bzhin gshegs pa bskyed pa ste/ de nas snying
 po 'dis de bzhin gshegs pa rnams dang rdo rje 'dzin pa nyid myur du 'thob par 'gyur ro/ /de la lha thams cad kyi gnas su ni sna tshogs pad+ma yang dag par gnas pa la 'khor lo'i lte bar bcom ldan 'das 'jam dpal lo/ /de'i ngos
 rnams su de bzhin gshegs pa'i sprul pa'i gzugs brgyad bya'o/ /phyi rol gyi mtshams rnams su shes rab kyi pha rol tu phyin pa'i glegs bam bzhi bzhag par bya'o/ /shar la sogs pa'i sgo rnams su ral gyi dang mdud thung dang/ lhung
 bzed dang/ shes rab kyi pha rol tu phyin pa'i glegs bam bzhag par bya'o/ /phyi'i dkyil 'khor ni rdo rje sems dpa' i dkyil 'khor tshul ji lta ba dang 'dra ba de'i nang du de'i phyed kyis rdo rje'i thig ka ba brgyad kyis nye bar mdzes par bya'o/ /thams cad
 kyi gnas su ni sna tshogs pad+ma'i gdan bya'o/ /de'i dbus su sems bskyed ma thag tu chos kyi 'khor lo bskor ba'o/ /phyogs dang mtshams su ni phyag na rdo rje la sogs pa'o/ /phyi'i mtshams kyi nang gi me la sogs pa'i mtshams rnams su
 g.yas nas bskor te/ zhi ba mdung gis mtshan pa dang/ ma mo dang/ ming po gsum dang/ sring mo bzhi'i dkyil 'khor gnas par bya'o/ /shar la sogs pa'i sgo rnams su ni rdo rje sems dpa' dang/ rdo rje hUM mdzad dang 'phags pa spyan
 ngas gzigs dbang phyug dang/ nam mkha' i snying po yang dag par bzhag par bya'o/ /nam mkha' i mdzod kyi dkyil 'khor thams cad ni nam mkha' i snying po'i dkyil 'khor dang 'dra ba las mtshams su ni sgeg mo la sogs pa bzhag par bya'o/ /lha thams cad kyi
 gnas su sna tshogs pad+ma'i gdan la dbus su nam mkha' i mdzod sna tshogs rdo rje bsnams pa'o/ /phyogs dang mtshams rnams su phyag na rdo rje la sogs pa dang gi mtshan ma bsnams pa bya'o/ /phyi'i mtshams su ni me tog dang/ bdug spos dang/ mar me dang/
 byug pa ma'i lha mo rnams so/ /shar la sogs pa'i sgo rnams su ni drod tshe dang gser dang mu tig bzhag par bya'o/ /phyir dkyil 'khor ni rdo rje sems dpa' i dkyil 'khor dang 'dra ba las de'i nang du de'i phyed kyi tshad kyi phyi'i dkyil 'khor
 gnyis pa dkyil 'khor zur bzhi pa la ka ba brgyad kyis nye bar mdzes par byas pa'o/ /lha thams cad kyi gnas su sna tshogs pad+ma'i gdan la 'bar ba'i dkyil 'khor gyis brgyan par byas la/ dkyil 'khor dbus ma'i dbus su bcom ldan 'das rdo rje gnod
 sbyin no/ /phyogs dang mtshams rnams su ni byang chub sems dpa' chen po phyag na rdo rje la sogs pa brgyad po rdo rje gnod sbyin gyi gzugs can no/ /phyi'i dkyil 'khor gyi mtshams rnams su ni rdo rje mche ba'i phyag rgya rnams so/ /sgo rnams su ni rtse lnga pa'i khro bo rdo rje
 bsnams pa'i phyag na rdo rje bzhag par bya'o/ /dkyil 'khor thams cad kyi phyi dang nang du bcas pa dang po'i dkyil 'khor dang 'dra bas gnas pa las de'i dbus ma'i ri'u cha la rdo rje sems dpa' i dkyil 'khor ro/ /shar gyi re'u cha la sogs pa la ni rdo rje
 hUM mdzad dang/ nam mkha' i snying po dang 'phags pa spyan ras gzigs dbang phyug dang/ rdo rje khu tshur gyi dkyil 'khor rnams te/ shar dang lho dang nub dang byang gi phyogs su bya'o/ /me la sogs ba'i mtshams rnams su ni 'phags pa 'jam dpal dang sems bskyed ma thag
 tu chos kyi 'khor lo bskor ba dang/ nam mkha' i mdzad dang/ rdo rje gnod sbyin gyi dkyil 'khor rnams mtshams su gnas par bya'o/ /phyi'i dkyil 'khor gyi mtshams rnams su ni zhi ba mdud gis mtshan pa dang/ ma mo dang/ ming po gsum dang/ srid mo bzhi'i dkyil 'khor
 snga ma bzhin du bya'o/ /phyi'i shar la sogs pa'i sgo rnams su ni rdo rje sems dpa' dang/ rdo rje hUM mdzad dang/ 'phags pa spyan ras gzigs dbang phyug dang/ nam mkha' i snying po'i rigs bzhi'i mtshan ma'i ngo bo nyid du gnas par bya'o/ /sems bskyed ma thag tu chos
 kyi 'khor lo bskor ba'i dkyil 'khor du rigs bzhi'i mtshan ma de nyid yin par bstan pas na/ 'dir som nyi mi bya'o/ /bsdus pa'i dkyil 'khor ro/ /dkyil 'khor kun nas zlum po rim pa gsum po la dkyil 'khor dbus ma'i rim pa'i nyis 'gyur ni/ rim pa
 gnyis pa'o/ /sum 'gyur ni/ rim pa gsum pa ste thams cad kyang sgo bzhi pa la mtshams bzhi por mdud rtse gsum pas mchan pa gnas par bya'o/ /de las dbus su dbang phyug chen po'i/ /de'i logs shar la sogs pa rnams su nag po chen po dang/
 dga' ba'i dbang phyug dang dril bu chen po dang gang gyi dbang phyug rnams so/ /me la sogs pa'i mtshams rnams su drag po'i thod pa dang gtum pa'i dbang phyug dang lag pa kha TwAM ga dang/ bal rna dbang phyug rnams so/ /rim pa gnyis pa'i shar la sogs pa'i
 phyogs rnams su drag mo lag na mdud rtse gsum pa thogs pa/ lhor tshangs ma phreng ba lag na thogS pa'i rgya can/ nub tu khyab 'jug ma las/ 'khor lo thogs pa/ byang du gzhon nu ma lag na dril bu thogs pa'o/ /mtshams rnams su nag mo dang nag mo chen mo dang za byed ma
 dang/ srin mo rnams te/ lag na dril bu dang chu gri dang mche ba dang/ kha TwAM ga thogs pa'o/ /zhi ba ma dang be'u run brgya dang gtum ma dang 'jig byed ma rnams kyang de nyid du bya'o/ /shar la sogs pa'i sgo rnams su dbyig pa'i dbang phyug dang/ muN+Da'i dbang phyug dang/ dril rna
 dang drag po chen po rnams gnas par bya'o/ /zhi ba'i dkyil 'khor ro/ /dkyil 'khor zur bzhi pa sgo byang du bltas par gnas pa la de'i dbus su nag po chen po thod pa dang rus pa'i phreng ba thogs pa kha gdangs pa mche ba can rim pa gsum pa la 'byung po brgyad dang rim
 pa brgyad kyis kun nas phreng du bskor nas gnas pa'o/ /shar la sogs pa'i sgo rnams de'i byang gi phyogs nas brtsams te bskor phyogs su drag po la sogs pa'i mtshan ma sngar bshad pa phyogs su dgod par bya'o/ /mtshams kyi dbang ldan nas brtsams te/ nag mo dang nag
 mo chen mo dang/ za byed ma dang srin mo'i mtshan ma sngar bshad pa dgod do/ /sgo rnams su zhi ba dang zhi ba chen mo'o/ /g.yas kyi phyogs su ni sngar bshad pa'i mtshan ma rnams te/ b+he ru Na Da dang/ 'jigs ma'o/ /g.yon gyi phyogs su ni sngar bshad pa'i mtshan ma rnams
 bzhag par bya'o/ /ma mo'i dkyil 'khor ro// //phyi'i dkyil 'khor zur bzhi pa la sgo bzhi par byas la de'i dbus su gzhu lta bu'i dkyil 'khor gnyis pa phyed kyi tshad du byas la/ de'i dbus su seng+ge'i gdan byas nas/ seng ge'i gdan de la ming po gsum
 rim bzhin du gnas bstan gcig la 'dug pa bya'o/ /phyi'i dkyil 'khor gyi shar gyi sgor grub pa/ lho ru ni rdzu 'phrul lo/ /nub tu ni chen po'o/ /byang du ni k+She tras so/ /me'i mtshams su ni gtum pa'o/ /bden bral gyi mtshams su ni khro ba'o/ /rlung gi mtshams su ni mchog
 go/ dbang ldan gyi mtshams su ni bsod pa gnas par bya'o/ /ming po gsum gyi dkyil 'khor ro// //dkyil 'khor kun nas zlum po la sgo bzhi ba la mtshams bzhi ba'i ri mor ka ba bzhi byas la/ dkyil 'khor gyi lte bar
 cha bzhi gnas pa la/ de la shar gyi cha la dga' mo mda' dang gzhu 'dran par brtson pas rang gi sgo la mngon par phyogs te 'dug pa'o/ /lho'i cha la bsod ma phub dang ral gri 'dzin pa'o/ /nub tu phag ma gter gyi bum pa lag na thogs ba'o//
 byang du grub ma tsa sha ka dang gri gug lag na thogs te rang gi sgo la phyogs te mngon par 'dug par byas te/ rang rang gi mtshan ma thogs te rang gi sgo'i dbus su legs par gnas par bya'o/ /shes rab kyi pha rol tu phyin pa'i dum bu dkyil 'khor bco
 lnga rnam par phye ba yin no/ /dum bu gnyis par dkyil 'khor dang po 'dra bar phyi nas byas pa'i dkyil 'khor lha thams cad kyi gnas su sna tshogs pad+ma'i gdan rnam par bzhag la/ de'i dbus su rdo rje sems dpa' o/ /de'i mdun du rdo rje yid las
 byung ba'o/ /g.yas su rdo rje kI li kI la'o/ /rgyab tu chags pa'i rdo rje'o/ /g.yon du rdo rje snyems pa'o/ ? le la sogs pa'i mtshams rnams su ni me tog dang bdug spos dang/ mar me dang/ dri'i bu rnams gnas par bya'o/ /gnyis po'i dkyil
 rnams su sgeg mo dang/ bzhad pa mo dang/ glu mkhan ma dang/ gar mkhan ma'o/ /shar la sogs pa'i sgo rnams su ni rdo rje lcags kyu dang/ zhags pa dang/ lcags sgrog dang/ dril bu rnams gnas par bya'o/ /gnyis po'i dkyil
 'khor dang po'o// //phyi dang nang du bcas pa thams cad rdo rje sems dpa' i dkyil 'khor dang 'dra bas gnas pa la/ de'i dbus su rdo rje sangs rgyas bcom ldan 'das rdo rje sems dpa' i sku can la rin po che cod pan gyi dbang phyug
 ma'o/ /de'i shar phyogs kyi cha la rdo rje go cha lhor rdo rje kI li kI li'o/ /nub tu ni rdo rje chags pa'o/ /byad du ni rdo rje snyems pa'o/ /mtshams rnams su ni me tog la sogs pa'o/ /phyi rol gyi mtshams rnams su ni sgeg mo la sogs pa'o/ /shar la sogs pa'i sgo
 rnams su ni lcags kyu la sogs pa yang dag par gnas par bya'o/ /rab tu dga' ba'i rdo rje khro bo'i dkyil 'khor dum bu gnyis par bshad pa yang rdo rje sems dpa' i dkyil 'khor dang po dang 'dra ba yin te/ de la rdo rje sems dpa' dang/ rdo rje yid las byung
 ba la sogs pa nyid nas rdo rje dril bu'i mthar thug gi bar du khro ba dang bcas par gnas pa yin no/ /rab tu dga' ba'i rdo rje'i khro bo'i dkyil 'khor ro// //dum bu gnyis par bshad pa'i phyi dang nang du bcas pa'i rdo rje sems dpa' i dkyil 'khor
 dang 'dra bar byas pa la dkyil 'khor pad+mas mtshan pa byas la/ de'i dbus su bcom ldan 'das spyan ras gzigs dbang phyug go/ de'i shar nas brtsams te/ rdo rje yid las byung ba dang rdo rje kI li kI? la sogs pa rdo rje dril bu'i mthar thug gi bar du pad+ma'i
 mda' la sogs pa bsnams nas bzhugs par bya'o/ /'jig rten dbang phyug gi dkyil 'khor ro// //dkyil 'khor thams cad rdo rje sems dpa' i dkyil 'khor dang 'dra ba las rin po che lta bur byas la/ de'i dbus su bcom ldan 'das
 nam mkha' i snying po de'i shar nas brtsams te/ rdo rje yid las byung pa la sogs pa nyid nas/ rdo rje dril bu'i mthar thug gi bar du rin po che'i mda' dang gzhu la sogs pa bsnams nas gnas par bya'o/ /rin po che'i dkyil 'khor ro// //dkyil 'khor gyi byi?
 dang nang du bcas pa rdo rje sems dpa' i dkyil 'khor dang 'dra ba de'i dbus ma'i re'u cha la rdo rje sems dpa' i dkyil 'khor ro/ /shar la sogs pa'i ri'u cha rnams la/ de bzhin gshegs pa dang rab tu dga' ba'i rdo rje khro bo dang/ 'phags pa spyan ras gzigs dbang
 phyug dang/ rdo rje rin chen gyi dkyil 'khor bshad ma thag pa'o/ /me la sogs pa'i mtshams su ni me tog ma la sogs pa'i lha mo rnams so/ /phyi'i dkyil 'khor gyi mtshams kyi me'i phyogs nas brtsams te/ bskor phyogs su ming po gsum dang/
 sring mo bzhi dang/ lha ma yin dang/ klu'i dkyil 'khor 'og nas bshad pa rnams la bya'o/ /shar la sogs pa'i sgo rnams su ni lcags kyu la sogs pa gnas par bya'o/ /bsdus pa'i dkyil 'khor ro// //ming po dang srid mo'i dkyil 'khor ni snga ma dang 'dra
 ste/ khru gang tsam gyi skas bzhi las babs par bskor ba/ rgyar khru brgyad pa zur bzhi pa/ shar du gyen du bltas pa'i sgo gcig pa'i dkyil 'khor du gnas pa la/ de'i dbus su khyab 'dug gi 'khor lo/ /de'i shar phyogs la sogs pa'i cha la bde mchog dang
 thag bzang ris dang lag bzang dang/ srin po zhes bya ba'i lha ma yin gyi bdag po 'khor dang bcas pa rnams so/ /mtshams rnams su ni lha ma yin gyi bu mo rnams gnas par bya'o/ /lha ma yin gyi dkyil 'khor ro// /zur bzhi pa la sgo bzhi pa'i dkyil
 'khor la sbrul gyi mjug ma'i ri mos mtshams bzhir mdud par byas pa gdengs ka brgyad sgrings ba sgo bzhi sgo khyud dang ldan pa ni klu'i dkyil 'khor te/ de la chu srin la sogs pa dang/ chus yongs su gang ba'i mtsho'i dbus su klu'i rgyal po mgo brgyad pa'o/ /de'i
 phyogs logs kyi phyogs dang mtshams rnams su mdza' yas dang/ nor rgyas dang/ 'jog go dang/ karko Ta dang/ pad+ma dang pad+ma chen po dang/ dud skyong dang/ rigs ldan gdengs ka bdun bdun dang ldan pa skyes bu'i gzugs su gnas par bya'o/ /klu'i dkyil 'khor
 ro/ /thams cad dkyil 'khor dang bo dang 'bra par byas la dkyil 'khor gyi dbus su bcom ldan 'das rdo rje sems dpa' o/ /de'i shar phyogs nas brtsams te/ rdo rje go cha la sogs pa nas rdo rje dril bu'i mthar thug gi bar du thams cad lha mo'i tshul gyis
 bzhugs par bya'o/ /rdo rje sems dpa' i gsang ba'i dkyil 'khor ro// //dum bu gnyis pa las gsungs pa'i rtsa ba'i rgyud kyi dkyil 'khor bcu gcig yin no/ phyi dang nang du bcas pa thams cad dkyil 'khor dang po'i tshul du gnas pa'i dkyil 'khor la/ de'i dbus su bcom ldan
 'das rdo rje sems dpa' de'i phyogs thams cad du 'dod chags rdo rje la sogs pa'o/ /de'i mtshams rnams su shin tu dga' ma dang rab tu dga' ma dang/ spyan dang dpal chen mo'o/ /phyi'i dkyil 'khor gyi mtshams rnams su ni sgrag mo la sogs pa'o/ /shar la sogs pa'i sgo rnams su ni
 rdo rje lcags kyu la sogs pa'o/ /phyi'i mtshams rnams su ni bum pa la sogs pa dang/ tog rnams gnas pa'o/ /bcom ldan 'das kyi spyan sngar bum pa gcig bzhag par bya'o/ /dum bu gnyis pa nas gsungs pa'i rgyud phye ma'i dkyil 'khor dang pa'o/ /phyi'i dkyil 'khor dang po dang
 'dra bar byas pa/ de'i nang du de'i phyed kyi zlum po la rdo rje'i thig dang/ ka ba brgyad kyis nye bar mdzes bar byas ba lha thams cad kyi gnas su sna tshogs pad+ma'i gdan bzhag pa la de'i dbus su bcom ldan 'das rnam par snang mdzad de'i spyan sngar bcom ldan 'das mi bskyod pa
 bdud las rnam par rgyal bar mdzad pa g.yas su bcom ldan 'das rin chen 'byung ldan byang chub sems dpa' phyag na rin chen cod pan la sogs pa la dbang bskur bar mdzad pa'o/ /rgyab tu bcom ldan 'das 'od dpag tu med pa byang chub sems dpa' chen po kun tu
 bzang po la sogs pas yongs su bkod pa la chos kyi 'khor lo bskor bar mdzad pa'o/ /g.yon du bcom ldan 'das don yod par grub par 'dod chags la spyod pa'i sems can rnams 'dul bar mdzad ba'o/ /me la sogs pa'i mtshams rnams su rdo rje sems ma dang
 rin chen sems ma dang/ chos kyi sems ma dang/ las kyi sems ma rnams so/ /phyi'i dkyil 'khor gyi mtshams rnams su sgeg mo la sogs ba'o/ /shar la sogs pa'i sgo rnams su ni lcags kyu la sogs pa gnas par byas pa/ de bzhin gshegs pa'i dkyil 'khor ro/
 phyi'i dkyil 'khor rdo rje sems dpa' i dkyil 'khor dang 'dra ba las de'i dbus su rdo rje'i 'khor lo zlum po 'bar ba dang bcas pa ka ba brgyad kyi nye bar mdzes par byas pa la/ de'i phyi rol tu cha mnyam pa'i zlum po rmi pa bdun pa byas te/
 lha thams cad kyi sna tshogs pad+ma'i gnas pa la 'bar ba'i 'khor lo'i dbus su bcom ldan 'das rdo rje me ltar rab tu 'bar ba'o/ /de'i mdun du rdo rje mtshon cha 'dzin ma g.yon brkyang bas gnas pas bzhugs pa/ g.yon pa'i khro bo'i khu tshur sdigs mdzud byed pa/
 g.yas ba'i rdo rje'i khu tshur gyis rdo rje rtse lnga pa bsnams pa'o/ /g.yas su ni mdud rtse gsum pa 'dzin ma'o/ /rgyab tu ni ral gri 'dzin ma'o/ /g.yon du ni pad+ma dang thod pa 'dzin ma'o/ /me la sogs pa'i mtshams su ni mda' gzhu dang kha TwAM ga dang 'khor lo
 dang/ ba dan sna tshogs 'dzin pa'i lha mo rnams bzhag par bya'o/ /de'i phyi rol gyi thig dang po'i nang du rdo rje gtsug tor la sogs pa'i go rim bzhin du bzhugs par bya ste/ de bzhin du g.yon brkyang bas bzhugs shing g.yon pa'i khro bo'i khu tshur gyi sngags ?
 byed cing g.yas pa'i rdo rje khu tshur gyis rdo rje gtsug gtor la sogs pa bsnams par bya'o/ /de bzhin du gnyis pa la sngags kyi lha mo rnams phyag na rang gi phyag rgya dang ldan par bya'o/ /gsum par ni rdo rje rgyal po lha mo bzhi'i dbus na bzhugs pa rdo rje rtse lnga pa
 bsnams pa'o/ /bzhi par ni rdo rje rol mo chen po bcu bdud par byed cing rdo rje sgeg mo rnams gang byed cing glu len pa'o/ /lnga par ni rA dza nA ga dang pa tI hA ra dang/ chogs dang khro bo rnams so/ /drug par ni rdo rje pho nya dang/ rdo rje gnod sbyin dang/ rdo rje srin po dang/ rdo rje
 mdag gzhug rnams so/ /bdun par ni rdo rje gtsug tor 'am/ rdo rje smin mtshams kyis brnyes bar gyur cing/ chad pa bcad pa dang/ rdo rje rgyal po dang/ pra tri ha ras g.yul du bcom pa la sogs pa'i rim gyis te/ lha chen po la sogs pa btul ba nas chu lha'i
 mthar thug gi bar du ma mo'i tshogs dang bcas par gnas pa rnams so/ /rdo rje gtsug tor la sogs pa nas rdo rje mdag gzhug gi mthar thug gi bar ni 'jig rten las 'das nyid yin te/ 'jig rten gsum gyi gsang ba'i rgyu dang/ la la ni rgyud 'di nyid du blta bar bya'o//
 phyi'i dkyil 'khor gyi mtshams me'i phyogs nas brtsams te/ bskor phyogs su ming po gsum dang srid mo bzhi dang klu dang sdug bsngal gdon pa'i dkyil 'khor dang sgeg mo la sogs pa'o/ /sgo rnams su ni lcags kyu la sogs pa bzhugs par bya'o/ /rdo rje me ltar rab tu
 'bar ba'i dkyil 'khor ro// //phyi'i dkyil 'khor rdo rje sems dpa' i dkyil 'khor dang 'dra bar byas la de'i dbus su de'i phyed kyi tshad kyis shes rab kyi pha rol tu phyin pa'i dum bu las gsungs pa'i 'phags pa spyan ras gzigs dbang phyug gi dkyil 'khor ?
 'dra bar pad+ma'i dkyil 'khor du yang dag par gnas pa la de'i dbus su bcom ldan 'das 'phags pa spyan ras gzigs dbang phyug go/ de'i mdun du sangs rgyas bcom ldan 'das rnams phyag mtshan pad+ma bsnams te ting nge 'dzin la snyoms par zhugs pa'o/ /de bzhin du
 lhor rin po che'i pad+ma bsnams pa'i sangs rgyas so/ /rgyab tu rdo rje'i pad+ma bsnams pa'i sangs rgyas so/ /g.yon du pad+ma gnyis bsnams pa'i sangs rgyas te/ de dag thams cad kyang sprul pa'i sku'i tshul can te/ ting nge 'dzin la snyoms par zhugs pa'o/ /mtshams rnams zhi
 ba dang sred med kyi bu dang tshangs pa dang 'dod pa'i gzugs pad+ma can la/ /de bzhin gshegs pa'i gzugs can no/ /phyi rol gyi mtshams rnams su pad+ma'i sgeg mo la sogs pa'o/ /sgo rnams su ni pad+ma'i lcags kyu bzhugs par bya'o/ /'jig rten dbang phyug gi dkyil 'khor//
 phyi'i dkyil 'khor dang po'i dkyil 'khor ro/ /phyi'i dkyil 'khor dang po'i dkyil 'khor dang 'dra bar byas la de'i dbus su de'i phyed kyi tshad kyi rdo rje rin chen gyi 'khor lo zlum po la rin po che'i ka ba brgyad dang yang dag par ldan pa mdog sngon po/ /zla ba dang nyi ma dang skar ma 
 la sogs pa'i gzugs rnams kyis nye bar mdzes par byas nas gnas pa la lha thams cad kyi gnas su sna tshogs pad+ma'i gdan byas la de'i dbus su bcom ldan 'das nam mkha' i snying po de'i mdun du rin po che'i cod pan thogs te dbang bskur pa
 zhes bya'o/ /g.yas su gter gyi dum pa phyag na bsnams pa'o/ /rgyab tu glegs bam dang rin po che bsnams par mdzad pa'o/ /g.yon du sna tshogs nor bu bsnams pa'o/ /me la sogs pa'i mtshams rnams su rin po che'i cod pan dang bum pa rgyal mtshan dang mchod pa
 thams cad kyis bkang ba'i snod phyag na bsnams pa'i lha mo rnams sa/ /phyi'i mtshams rnams su rin chen sgeg mo la sogs pa'o/ /sgo rnams su rin chen lcags kyu yang dag par gnas par bya'o/ /rin po che'i dkyil 'khor ro// //ming po
 gsum dang/ sring mo bzhi dang/ klu'i dkyil 'khor ni snga ma bzhin du blta bar bya'o/ /sdug bsngal 'jig pa'i dkyil 'khor ni zur bzhi pa'i sgo bzhi pa la gnad pa la de'i dbus su srin po dang/ yi dwags dang/ 'byung pa dang/ klu dang gnod sbyin dang/ phra men ma dang/ rims la
 sogs pa'i gdon rnams dang? dmyal ba rnams kyang gnas par bya'o/ /sdug bsngal gyi dkyil 'khor ro// /phyi dang nang gi dkyil 'khor dang po dang 'dra bar byas la/ dbus kyi re'u cha la yang dang po'i dkyil 'khor/ shar phyogs kyi re'u chal de bzhin gshags pa'i
 dkyil 'khor/ lho phyogs su rdo rje me ltar rab tu 'bar ba'i dkyil 'khor/ nub tu 'phags pa spyan ras gzigs dbang phyug gi dkyil 'khor/ byang gi re'u cha la 'phags pa nam mkha' i snying po rnam par bzhag par bya'o/ /dbus su bcom ldan 'das rdo rje sems
 dpa' lha mo thams cad kyis yongs su bskor ba'i?/ /shar phyogs kyi dkyil 'khor gyi dbus su sangs rgyas bcom ldan 'das sred med kyi bu'i gzugs can la zla ba bsnams pa'o/ /lhor rdo rje me ltar rab tu 'bar ba gtum pa'i dbang phyug gzugs can rdo rje'i
 mdud bsnams pa'o/ /nub tu 'phags pa spyan ras gzigs dbang phyug tshangs pa'i gzugs can rdo rje'i pad ma bsnams pa'o/ /byang gi dkyil 'khor gyi dbus su nam mkha' i snying po 'dod pa'i gzugs can te/ 'di dag thams cad kyang 'khor dang bcas
 par bzhugs pa'o/ /me la sogs pa'i mtshams rnams su gzungs kyi dkyil 'khor du rdo rje'i dpal mo dang/ rdo rje ser mo dang/ rdo rje sgrol ma dang rdo rje nam mkha' 'khor lo'i rdo rje'i mdud rtse gsum la sogs pa rang rdo rje'i pad+ma dang/ rdo rje'i
 me tog can gyi mda' dang gzhu bsnams nas bzhugs par bya'o/ /phyi'i dkyil 'khor gyi mtshams su ni sgeg mo la sogs pa rnams so/ /sgo rnams su ni lcags kyu la sogs pa rnams so/ /yang byi'i dkyil 'khor gyi snam bu la 'dod pa dang
 tshangs pa dang/ tshangs pa'i mchog dang/ bde byed la sogs pa'i 'khor dang bcas pa rnams so/ /yang dum bu dang po las gsungs pa'i dkyil 'khor gyi tshul du byas pa la de nyid kyi phyi'i dkyil 'khor gyi la khyer la pi bang dang rnga bo che dang ku mu
 nga dang/ cha lang dang b+hi ri dang rdza rnga dang rnga dang rnga rings dang rnga rken nyag ste/ rdo rje rol mo bcu brdud pa la brtson pa'i tshogs kyis dbang phyug rnams gnas par bya'o/ /bsdus pa'i dkyil 'khor ro// //
 'di dag ni dum bu gnyis pa'i rtog pa thams cad kyi phyi ma dang/ rtsa ba'i rgyud kyi dkyil 'khor bcu ste/ rtog pa thams cad kyi rgyud pa phyi ma dang rtsa ba'i rgyud rdzogs so zhes gsungs pas na 'dir som nyi
 mi bya'o/ /'di dag nyid rgyud du 'grub par bya ba'i phyir rdo rje sems dpa' dang/ rdo rje dam tshig gsum dang/ rdo rje me ltar rab tu 'bar ba dang spyan ras gzigs dang nam mkha' i snying po'i ras ris dang dkyil 'khor du rnam par gnas pa 'di dag thams cad ni 'khor
 dang bcas pa yin te sngar bshad pa'i bdag nyid kyi dkyil 'khor gyi bskor ba las rdo rje me ltar rab tu 'bar ba'i cho ga la ni rdo rje mtshon cha dang mdud rtse chen po dang ral gri dang zhags pa 'dzin pa'i lha mo med la de
 bzhin du rim pa bdun gyi nang du ming po gsum dang srid mo bzhi dang/ klu dang sdug bsngal gyis dkyil 'khor med par blta bar bya'o/ /gsang ba'i cho ga yang gzhan yin no/ /'phags pa spyan ras gzigs dbang phyug gi cho ga ni sangs rgyas
 kyi sku gzugs brgyad med pa la sbrang rtsi rdo rje la sogs pa nas pad+ma'i dril bu'i mthar thug pa dang ldan pa'o/ /nam mkha' i snying po'i yang sems dpa' bzhi med pa'o/ /ras ris kyis cho ga thams cad la yang de bzhin no/ /ras kyi dkyil 'khor
 gyi cho ga drug po 'di dag ni rgyud kyi dum bu gnyis par gsungs pa yin no// //dum bu gsum par yang rdo rje sems dpa' dang/ de bzhin gshegs pa dang rdo rje me ltar rab tu 'bar ba dang 'phags pa spyan ras gzigs dbang phyug dang
 nam mkha' i snying po dang/ ming po gsum dang/ srid mo bzhi dang/ klu dang sdug bsngal las 'don pa dang/ bsdus pa'i dkyil 'khor rnams dum bu gnyis pa las gsungs ba'i dkyil 'khor las blta bar bya'o/ /khyad par ni 'di yod de rdo rje
 me ltar rab tu 'bar ba'i dkyil 'khor la nang gi rim pa bdun gyi phyi rol tu shar phyogs la sogs pa nas brtsams te/ 'jig rten gyi khams brgyad la de rnams su sangs rgyas re re zhing byams pa dang/ mthong ba don yod la sogs pa byang
 chub sems dpa' gnyis gnyis dbus na bzhugs par bya'o/ /yang 'di nyid myur du 'grub par bya ba'i phyir rdo rje sems dpa' dang de bzhin gshegs pa dang/ rdo rje me ltar rab tu 'bar ba dang 'phags pa spyan ras gzigs dbang phyug dang/
 nam mkha' i snying po dang/ gsang ba'i dkyil 'khor lha mo bzhi dang yang dag par 'dus ba la sogs pa'i tshul gyis yang dag par gnas par bya'o/ /rdo rje khro bo'i gsang ba'i dkyil 'khor du mi khyad par 'di yin te/ yi ge hUM bzhis spyan drangs pa'o/
 hUM A ra la zhes bya ba ni bsgrub par bya ba'i snying po'o// //yang gsang ba'i ras ris lnga po'i cho ga ni snga ma nyid dang/ rdo rje me ltar rab tu 'bar ba'i ras ris kyis cho ga la ni khyad par 'di yod de/ rdo rje mtshon cha 'dzin pa la sogs
 pas so/ yang dang po'i dkyil 'khor du rdo rje sems dpa' la sogs pa lha mo bzhi dang yang dag par 'dus pa'i dkyil 'khor la sogs pa rnam par gnas so/ /bsdus pa'i dkyil 'khor nyid do/ /de ltar dkyil 'khor nyi shu rtsa gcig ni gsum pa'i
 yin no/ /bzhi par yang rdo rje sems dpa' dang/ de bzhin gshegs pa dang/ rdo rje me lhar rab tu 'bar ba'i dkyil 'khor rnams ni dum bu gnyis par gsungs pa nyid yin no/ /'phags pa spyan ras gzigs dbang phyug gi las ni ting nge 'dzin dang bcas pa
 la sogs par bzhugs pa'i sangs rgyas kyi sku gzugs kyi gnas su 'phags pa spyan ras gzigs dbang phyug gi sku gzugs bzhi bzhugs par bya'o/ 'phags pa nam mkha' i snying po dang/ ming po gsum dang srid mo bzhi dang/ klu dang sdug bsngal
 las 'don pa dang bsdus pa'i dkyil 'khor rnams ni dum bu gnyis pa las gsungs pa'i dkyil 'khor nyid yin no/ /ras ris kyi dkyil 'khor lnga pa yang snga ma bzhin du blta bar bya'o/ /de la yi ge hUM la sogs pa'i ngo bo nyid dang/ phyag rgya dang phyag rgya
 chen po'i tshul dang bsrung ba dang go cha dang bskrad pa dang phur bu la sogs pa'i rang rang gi ngo bo dang gsang ba'i lcags kyu la sogs pas dgug pa dang spyan drang pa dang/ mchod yon dbul ba dang/ phyag rgya bzhi la sogs pas rgyas gdab? cing dbang bskur ba
 la sogs pa'i cho ga'i tshul dang bzlas pa la sogs pa'i tshul dang/ phyi dang nang gi mtshan nyid can gyi sbyin sreg dang/ nye bar bsdu ba ste phyag rgya gang dang gang las byung ba de dang de nyid du dgongs pa dang gshegs su gsol ste/ rang
 gi lus la dkyil 'khor chud par bya ba dang/ /ji skad du bshad pa'i gshegs su gsol ba'o/ /ji skad du bshad pa'i dkyil 'khor la sogs pa'i gzugs can bcom ldan 'das rdo rje 'dzin pa chen po ni dpal cho ga dang po zhes bya ba'i sgra? brjod
 de/ de la 'di nyid rgyun gyi ngo bo nyid yin pa nas /de ston par byed pa'i sgra'i rgyun ni rgyad ces bya ste/ skyes pa'i rab dang 'dra'o/ /de ni mdor bsdus nas bshad pa yin no/ /de ltar gyur pa'i dpal mchog dang po'i rgyud rdo rje gdan pa chen
 po'i ngo bo nyid blo la bzhag nas sdud par byad ba/ sa bcu'i dbang phyug rdo rje 'dzin pas/ 'di skad bdag gis thos pa zhes bya ba la sogs pa 'di gsungs pa yin te/ 'dis ni bdag nyid kyis mngon sum du thos kyi gzhan dag las brgyud
 ba ni ma yin no zhes byang chub sems dpa' chen po kun tu bzang po la sogs pa rnams la ston pa yin no/ /khyod kyis gang gi cho thos zhena/ dus gcig na zhes bya ba gsungs te/ skad cig ma gcig la zhes bya ba'i don to/ /'dis ni rnam
 par thar pa bsam gyis mi khyab pa thos pa nyid kyis dus gsum gyis bskal bar sbobs pa la sogs pa thos par bya ba cung zad yod pa de thams cad skad cig ma gcig gis bdag gis thos so zhes bdag nyid tshad ma'i skyes bu yin par
 ston to/ /khyod kyis gang las de dag thos zhe na/ gang gi tshe bcom ldan 'das 'dod pa'i khams thams cad kyi gzhan 'phrul dbang byed kyi lha'i rgyal po'i gnas na bzhugs pa zhes bya bar sbyar te/ de'i tshe bcom ldan 'das las bdag
 gis thos so zhes bya ba'i don to/ /gzhan gyis mi thub pa'i bdud bzhi bcom bsan bcom ldan 'das so/ /bcom ldan 'das de yon tan ci lta bu dag dang ldan zhe na/ de bzhin gshegs pa thams cad kyi rdo rje'i byin gyis brlabs dang dam tshig dang/ zhes bya ba la
 sogs pa gsungs te/ de bzhin gshegs pa yang yin la thams cad kyang yin pas de bzhin gshegs pa thams cad de dkyil 'khor pa'i sangs rgyas dang byang chub sems dpa' rnams so/ /de nyid ni rdo rje yin pas na/ de bzhin gshegs pa thams cad kyi rdo rje ste/ dngos po
 dang dngos po med pa yongs su tshol ba dang bral ba'i gnyis su med pa'i sems dang sems las byung ba'i tshul lo/ /dngos po thams cad kyis mi byed pas na rdo rje'o/ /de bzhin gshegs pa thams cad kyi rdo rje de'i byin gyis brlabs ni nus pa yin pas na/ de bzhin gshegs
 pa thams cad kyi rdo rje'i byin gyis brlabs te/ rdo rje sems dpa' la sogs pa'i tshul lo/ /de nyid dam tshig yin pas de bzhin gshegs pa thams cad kyi rdo rje'i byin gyis brlabs dang dam tshig ste/ mi 'da' ba' i don ni dam tshig go /de bas na de bzhin gshegs pa kun
 gyis kyang 'da' bar mi mdzad pas phyag rgya dam tshig yin par bshad/ yid kyi gzugs ni bstan phyir ro/ /zhes gsungs pa'i phyir ro/ /dam tshig de rnams la mkhyen pa ni rdo rje sems dpa' la sogs pa'i ngo bo nyid mngon sum du bya ba des pa'i chul lo/ /de nyid ni bye brag
 rnam pa tha dad pa ste/ rab tu dga' ba'i rnam par dag pa'i gnas 'di ni 'di lta ste byang chub sems dpa' i gnas so/ /'dod chags kyi mda' rnam par dag pa'i gnas 'di ni 'di lta ste byang chub sems dpa' i gnas so zhes bya ba la sogs pa'i dbye bas phye ba ste/ des na de lta
 bu'i chul dang yang dag par ldan zhing bcas pa'o zhes bya ba'i don to/ /'di ni de bzhin gshegs pa'i rigs kyis ngo bo nyid mngon sum du mdzad pas dam tshig mkhyen pa nyid dang dam tshig gi ngo bo nyid yin pa ste/ rdo rje sems dpa' la sogs pa'i tshul gyis sems pa re re
 zhing thams cad rdo rje'i ye shes kyi gzugs brnyan las skyes pa'i rgyu can nyid kyis na/ me long gi dkyil 'khor dang 'dra bas bcom ldan 'das me long lta bu'i ye shes kyi ngo bo nyid du yang ston par mdzad pa yin no/ /de ltar re zhig bcom ldan
 'das nyid dam tshig mkhyen pa yin pas na/ gsang sngags kyi sgo la spyad pa spyod pa rnams kyis shin tu yang dam tshig shes par bya'o zhes bshad par gyur pa yin no/ /da ni bcom ldan 'das de dam tshig mkhyen pa 'ba' zhig tu ma zad kyi dbang bskur ba yang bsnyes
 pa yin no/ /zhes bstan pa'i phyir de bzhin gshegs pa thams cad kyi zhes bya ba la sogs pa gsungs pa yin te/ de bzhin gshegs pa thams cad ni mi bskyod pa la sogs pa ste/ de nyid rin po che yin la de rnams las bsgrubs pa'i cod pan ni de bzhin gshegs
 pa thams cad kyi cod pan no/ /des 'dod pa dang gzugs dang/ gzugs med pa'i khams kyi ngo bo nyid kyi khams gsum du kun gzhi rnam par shes pa la dmigs shing bdag tu rmongs pa dang/ bdag tu rgyal ba dang/ bdag tu chags pa dang/ bdag tu lta ba ste nyon
 mongs pa bzhi dang ldan pa'i yid spangs pas mnyam pa nyid kyi ye shes brnyes par yang dag par bstan pa ni dbang bskur ba nyid brnyes pa ste/ 'dis ni rin po che'i rigs thugs su chud cing mnyam pa nyid kyi ye shes brnyes par ston pa yin no/ /gsang sngags kyi sgo
 la spyad pa spyod pa rnams kyis kyang /dbang bskur ba dang ldan par bya'o/ /zhes ston to/ /de nyid rnal 'byor la dbang thob par bstan par bya ba'i phyir/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams
 cad kyi thams cad mkhyen pa'i ye shes ni dngos po'i don thams cad ji lta ba bzhin du thugs su chud pa ste/ lam gyi rnam pa'i yid kyi rnam par shes pa'o/ /de nyid ni rnal 'byor chen po ste/ zhi gnas dang lhag mthong zung du 'jug pa'i lam gyi ngo bo nyid de/ rnal
 'byor de gang la yod pa de la de skad ces bya'o/ /dbang phyug kyang de nyid yin no/ /de bas na de bzhin gshegs pa thams cad kyi thams cad mkhyen pa'i ye shes dang ldan pa rnal 'byor chen po'i dbang phyug ces bya ste/ 'dis kyang chos thams cad ji lta ba bzhin du
 yongs su mkhyen pa yin pas so sor rtog pa'i ye shes brnyes pa yin te/ bcom ldan 'das ni yid kyi rnam par shes pa rnam par dag pa pad+ma'i rigs kyi ngo bo nyid thugs su chud pa yin par ston to/ /sngags pa rnams kyis kyang rnal 'byor la goms par
 bya'o zhes ston pa yin no/ /bya ba bsgrub pa dang/ thugs rje chen pos gzhan gyi dbang la 'jug pa yin no zhes bstan par bya ba'i phyir de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi phyag rgya
 chen po la sogs pa'i mtshan nyid can gyis phyag rgya rnam pa bzhi'o/ /de rnams kyi mnyam pa nyid ni don dam par dngos po med pa'i ngo bo nyid dang/ kun rdzob tu dbye ba med pa khyad par du 'byed par byed pa'i de nyid de thugs su chud pa ni brnyed pa'o//
 sna tshogs pa ni sems can gyi khams ma lus pa'i rgyu dang 'bras bu'i mngon par 'dod pa mthong ba dang/ ma mthong ba'i 'bras bu thob par mdzad pas na sna tshogs pa'i bya ba mdzad pa ste/ sna tshogs pa'i bya ba mdzad pa nyid de de rgyur gyur pas
 ma lus pa ? ste/ thams cad lus pa med pa ste sems can khams thams cad kyi re ba thams cad ces bya ba sred pa'i rnam pa thams cad do/ /de yongs su bskong ba ni mngon par 'dod pa'i don rdzogs par mdzad pa'o/ /de nyid phrin
 las te/ de mdzad pas na re ba thams cad yongs su bskor ba'i phrin las mdzad ba'o/ /'dis kyang bcom ldan 'das mig dang rna ba dang/ sna dang lce dang lus kyi rnam par dag pa'i ngo bo nyid mngon sum du mdzad pas bya ba sgrub pa'i ye shes brnyes te 
 las kyi rigs kyi ngo bo nyid yin par ston to/ /sngags pa rnams kyis kyang zhi ba la sogs pa'i las rnams la goms par bya'o zhes ston pa yin no/ /de lta bu de su zhig yin zhe na/ thugs rje che ba zhes bya ba la sogs pa
 gsungs te rnam par snang mdzad kyang yin la chen po ang yin pas/ rnam par snang mdzad de/ rnam par snang bar byed pa nyid kyis na rnam par snang mdzad do/ /'di skad ston te nam mkha' i khams thams cad ltar rtag tu bzhugs pa/ sku dang gsung dang
 thugs rdo rje bcom ldan 'das rnam par snang mdzad chen po byang chub pa'i mtshan nyid rdo rje sems dpa' gzhi'i sa la rnam par bzhugs pa'i byang chub sems dpa' las lhag pa nyid do/ /de bas na 'di ltar chen po nyid de thams cad khyab pas
 phyogs bcur skad cig ma gcig gi shugs kyis rnam par snang zhing 'bar la/ gzugs thams cad yang dag par ston par mdzad pas na rnam par snang mdzad chen po zhes bya'o/ /de lta bu'i bcom ldan 'das dus ji srid cig gi bar du bzhugs
 zhe na/ rtag pa zhes bya ba gsungs te/ rgyun gyi rtag pa nyid kyi 'khor ba ji srid kyi bar du bzhugs so zhes bya ba'i don to/ ci'i phyir zhe na/ thugs rje chen po'i gzhan gyi dbang gi sems can gyi don du bzhugs so/ /ji ltar na 'das pa dang ma 'ongs pa
 dang/ da ltar byung ba brjod par bya zhe na/ dus gsum gyis mnyam pa nyid la bzhugs zhes bya ba gsungs te/ 'das pa dang mi 'ongs pa dang/ da ltar byung ba'i dus gsum ni dus gsum mo/ /de dag sprul pa'i skus yongs su mya ngan las 'das
 pa la sogs pa yang dag par ston par mdzad pas dus gsum gyis mnyam pa nyid la bzhugs pa ste/ kun rdzob tu bzhugs pa zhes bya ba'i don to/ /longs spyod rdzogs pa'i sku dang/ chos kyi sku dag ni rgyun chad pa med pas 'das pa dang
 ma 'ongs pa'i dbye ba yod pa ma yin no/ /ci 'di dag gzhan du rnam par dbye 'am 'on te ma yin zhe na/ sku dang gsung dang thugs thams cad ces bya ba la sogs pas gsungs te/ sku yang yin la thams cad kyang yin pas na/ sku thams cad de longs
 spyod rdzogs pa dang/ sprul pa'i sku zhes bya ba'i don to/ /gsung thams cad ni bka' rnams so/ /thugs thams cad ni me long lta bu dang mnyam pa nyid dang so sor rtog pa dang/ bya ba bsgrub pa'i ye shes rnams so/ /sku dang gsung dang thugs de nyid rdo rjer gyur pa gang yin
 pa de la de skad ces bya ste gnyis su med pa'o/ /de yang re zhig sems dang sems kyi tshogs rnams der gcig par gyur pa nyid kyis rnam par rtog pa thams cad kyis spyod par mi nus pas rdo rje dang 'dra bas rdo rje'o/ /bdag po de las nges par byung ba'i longs spyod rdzogs
 pa'i sku dag dang/ gsung rnams kyang dngos po'i don thams cad kyis mi phyed bas na rdo rje ste de ltar gsum char la yang rdo rje nyid du 'dod pas sku dang gsung dang thugs rdo je'o/ /de yang ji ltar sku dang gsung dang thug 'dir ? gnas pa de bzhin du blos rtogs par
 mdzad cing de bzhin du gzhan dag la ston par mdzad pa ni/ thugs rje gzhan gyi dbang du gyur pa/ de bzhin gshegs pa'o zhes gsungs te/ ston par mdzad pa'i yon tan yang dag par ston par mdzad pa 'dis/ dag pa'i chos kyi rjes su 'brangba rnams sngags
 kyi tshul 'jug par bya ba'i phyir brtson par 'gyur ba dang/ dad pa'i rjes su 'brang ba rnams re zhig ston pa po'i yon tan thos pas 'bad de/ dang bas bcom ldan 'das kyis bstan pa yin no/ /zhes bstan pa la 'jug par 'gyur ba dang/ chos kyi rjes su 'brang
 la rnams kyang shes rab la spyod par gyur pa nyid kyis nyes pa dang thams cad bral bar 'gyur cing thugs rje'i bdag nyid bslu bar mi mdzad pas sngags kyi tshul 'di bstan pa yin no zhes nges pa skyes par gyur nas par 'gyur te/ nyes pa zad pa rdzun gyi
 tshig/ smra bar mi 'gyur rgyu med phyir zhes bshad pa ste/ de ltar gyur pas 'di bshad pa yin no/ zhes nges pa bskyed nas/ gang du bzhugs pas 'di gsungs shes rnal 'byor gyi gnas bstan par bya ba'i phyir de bzhin
 gshegs pa thams cad bzhugs shing zhes bya ba la sogs pa smos te/ de bzhin gshegs pa thams cad bstan pa yin pas na de bzhin gshegs pa thams cad bzhugs shing zhes bya'o/ /ci'i phyir zhe na/ smras pa gang gi phyir
 sngags pas so/ /bsngags pa nyid kyis na bstod pa'o/ /de ltar na de ni de bzhin gshegs pa thams cad bzhugs pa dang/ bsngags pa dang bstod pa ste/ de bas na de ltar de bzhin gshegs pa thams cad bzhugs shing bsngags
 pa'ang stong pa de lta bu'i gnas der bzhugs so zhes bya bar sbyar ro/ /nor bu rin po che dang bya ba la sogs pa la nor bu rnams dang/ rin po che rnams ni nor bu rin po che ste/ nor bu ni yid bzhin gyi nor bu'o/ /rin po che ni pad+ma rA ga la sogs pa'o/ /nor
 bu dang rin po che yang yin la/ chen po yang yin pas nor bu rin po che ste/ de rnams kyi spras pa ni rnam par brgyan pa'o/ /de nor bu dang rin po ches spras pa 'ba' zhig tu ma zad kyi kha dog sna tshogs pa yang yin te/ kha dog sna tshogs pa ni sngon po dang
 ser po la sogs pa'i kha dog rnam pa du ma'o/ dril bu btags pa ni dril bu dang sbrel pa'o/ /dril bu btags pa yang yin la dar gyi ba dan la sogs rlung gis bskyod yang yin pas/ de skad ces bya ste/ me tog gi phreng ba ni me tog brgyus pa'o/ /rnga ma ni
 rnga yang ba/ /dra ba ni mchog dbus na yod pa'o/ /dra ba phyed pa ni mchog tha ma na yod pa'o/ /zla ba ni ye shes kyi pha rol tu phyin pa ston par byed pa'i me long gi dkyil 'khor te/ de rnams rlung gis bskyed pa ni rlung gis bteg cing g.yo bar byas pa'o/ /de
 ltar nad lta bu'i dar gyis gdan dang/ me tog gi phreng ba dang/ rnga ma dang dra ba dang dra ba phyed pa dang/ zla ba rlung gis bskyod pa de rnams kyis gzhal yas khang de rnams nye bar mdzes par byas pa'o/ /de lta bur gyur pa dang/ gang na bzhugs she na/ 'dod pa'i
 khams thams cad kyi zhes bya ba la sogs par gsungs te/ 'dod pa'i khams kyang yin la/ thams cad kyang yin pas/ 'dod pa'i khams thams cad de phyogs bcu'i nam mkha' i khams mthar thug pa ci snyed pa'i khams de snyed dang gzhan 'phrul dbang
 byed kyi lha'i rgyal po'i gnas ji snyed pa de nyid du bdag nyid kyi dngos po tshad med pa nyid kyis bzhugs so zhes bya ba'i don to/ /nga yang gzhan rnams kyis sprul pas na gzhan sprul te/ longs spyod de rnams la dbang sgyur bar nus pa de la gnas pa'i dang tshul
 can gyi lha gang yin pa de la de skad ces bya'o/ /gzhan gyi sprul pa la longs spyod bar nus pa'i lha de rnams nyid kyis rgyal po yin pas na/ gzhan 'phrul dbang byed kyi lha'i rgyal po ste/ bcom ldan 'das bde ba chen po rdo rje sems dpa' 'dod pa'i khams kyi
 dbang phyug chen po gdul bar bya ba'i phyir/ btsun mo'i 'khor gyi nang na bzhugs te/ gzhan dag gis ni de bzhin gshegs pa thams cad bzhugs pa la sogs pa'i yon tan dang ldan pa'i gzhal yas khang longs spyad par 'os pa yin no/ /'dis ni
 gdul bya rnams 'dod pa bskyed par bya ba'i phyir/ gnas phun sum tshogs pa gsungs pa yin no/ /ci bcom ldan 'das 'di gcig du zhig bzhugs sam zhe na/ 'di lta ste byang chub sems dpa' sems dpa' chen po zhes bya ba la sogs pa gsungs so/ /de
 gtso su zhig yin zhe na/ phyag na rdo rje la sogs pa'i byang chub sems dpa' brgyad ste/ byang chub ston par byed pa'i mtshan ma ni rdo rje ste/ des nye bar mtshan ba'i phyag mnga' bas phyag na rdo rje'o/ /gzigs par mtshan pas na spyan ras gzigs te/ rang bzhin gyi
 dag pa la so sor rtog par mdzad pa dang/ sems can thams cad yongs su bskyab pa la so sor rtog par mdzad pa'o/ /de'i dbang phyug ni gtso bo ste/ spyan ras gzigs dbang phyug go/ nam mkha' ni mnyam pa nyid kyi ye shes
 te/ de'i snying po ste/ skye ba'i gnas mnga' ba gang yin pa de ni nam mkha' i snying po'o/ /chos bdag med par rjes su dran pas sku dang gsung dang thugs rdo rje gcig tu bya ba ni khu tshur te/ de las byung ba la yang nye bar gdags pas rdo rje khu tshur zhes
 bya'o/ /'jam zhing gnyen pa'i dpal gang la yod pa ni 'jam dpal te/ gzhon nu'i mdangs dang ldan pa'i ngo bo nyid dang ldan pa'o/ /shes rab kyi pha rol tu phyin pa la gnas pa'i rgyu mthun pa nyid kyis nyon mongs pa can dang/ nyon mongs pa
 can ma yin pa'i rmongs pa'i sra ba mi mnga' ba'i phyir ro/ /sems bskyed ba'i rjes thogs nyid la chos kyi 'khor lo ste/ dkyil 'khor bskor ba'i dang tshul gang la spyod pa de la de skad ces bya ste/ byang chub sems dpa' yang yin la sems
 bskyed ma thag tu chos kyi 'khor lo bskor ba yang yin pas de skad ces bya'o/ /nam mkha' ni go 'byed de/ de nyid ni rdzas kyi snod kyi khang par gyur pa gang yin pa de ni nam mkha' i mdzod do/ /bdud kyang yin la thams cad kyang yin pas bdud thams
 cad de/ lha'i bu dang/ phung po dang/ nyon mongs pa dang/ 'chi bdag gi bdud do/ /de rnams rab tu 'joms shing bzlos pa'i dang tshul gang la yod pa de ni de skad ces bya'o/ /de dag la sogs pa zhes bya ba ni de dag nyid ces bya ba'i don to//
 de ltar na de dag la sogs pa'i byang chub sems dpa' sems dpa' chen po bye ba phrag brgyad kyis yongs su bskor ba ste/ kun nas yongs su bskor ba dang/ mdun gyis bltas pa ste/ mos ba'i khyad par phul du byung bas blo la 'jog pa'o//
 ci zhig mdzad nas chos ston par mdzad ce na/ chos thams cad kyi ngo bo nyid rnam par dag pa'i sgo zhes bya bar rnam par sbyar te/ ston te zhes bya ba ni 'chad par mdzad do/ /khyad par ji lta bu zhig ce na thog mar dge ba zhes pa la sogs pas gsungs te/ dang por thos par gyur pa ni gnas skabs su mos?
 pa dam pa'i rgyud gyur pas na/ thog mar dge ba'o/ /bar du bsam pa'i gnas skabs na dga' ba'i rgyur gyur bas na bar du dge ba'o/ /mdza' mar bsgom pa'i gnas skabs na grol ba'i rgyur gyur bas na tha mar dge ba'o/ /yang mtshul khrims dang ting nge 'dzin dang shes rab bskyed
 par byed pa nyid kyis thog ma dad dang dang tha mar dge ba ste dge ba ni 'tsho ba med pa'o/ /byang chub kyi sems la sogs pa'i tshig gi tshul yin pas na don bzang po'o/ /skad zur chag pa la sogs pa dang bral bas na tshig 'bru bzang pa'o/ /gang zag dang chos su 'dzin pa dang bral
 nas nam 'dres pa'o/ /theg pa ma lus pa la lhag par mos pa'i sems can rnams kyi mngon par 'dod pa'i don thob par mdzad pas na yongs su rdzogs pa'o/ /chos thams cad dngos po med pa'i ngo bo nyid du ston pa'i rang bzhin yin pas na yongs su dag pa'o/ /de
 nyid yang dang yang du mngon sum du byed par 'gyur ba'i bsgom pa'i lam ni yongs su byang ba'o/ /chos kyang yin la thams cad kyang yin pas na chos thams cad de/ rab tu dga' ba la sogs pa'o/ /de rnams kyi rnam par dag pa yin pas na/ chos thams cad rnam
 par dag pa ste/ rab tu dga' ba la sogs pa'i skye ba med pa mngon sum du byas pa'o/ /chos thams cad rnam par dag pa'i sgo ni thabs te/ gang gi rab tu dga' ba la sogs pa/ thos pa dang/ bsam pa dang/ bsgoms pa'i tshul gyis rnam par dag pa thob pa'o/ /ming de skad
 ces bya ba'i shes rab kyi pha rol tu phyin pa'i tshul gang yin pa de la de skad ces bya ste/ de la shes rab ni chos thams cad bdag med par rnam par 'byed pa'i blo gros so/ /de nyid ni bdag nyid kyi phun sum tshogs pa'i pha rol tu
 son cing phyin pa yin pas na/ shes rab kyi pha rol tu phyin pa ste/ nyon mongs pa can dang/ nyon mongs can ma yin pa'i rmongs pa dang bral ba'i chos thams cad bdag med pa'i rnam par lhun gyis grub ba thob pa'i blo gros zhes bya ba'i don to/ /de'i tshul ni dga' ba rnam par
 dag pa'i gnas la sogs pa thos pa dang/ bsam pa dang bsgom pa'i mtshan nyid ni tshul ti thob par byed pa'o/ /des rtog par mdzad nas de lta bu'i tshul te/ yang dag par ston te zhes bya ba gsung gi ston cing 'chad par mdzad pa'o/ /chos thams cad rnam par dag pa'i sgo zhes bya ba'i shes rab kyi
 pha rol tu phyin pa'i tshul 'di yang dag par ston te zhes bya ba 'di gang zhig yin zhe na/ 'di ltar rab tu dga' ba rnam par dag pa'i gnas nas/ ro rnam par dag pa'i gnas kyi bar du gsungs pa'o/ /'di ltar zhes bya ba ni gang zhe na zhes bya ba'i don te/ rab tu dga' ba rnam par dag pa la sogs
 pa'i rang bzhin can 'di yin no zhes bya ba'i don to/ /de la skyes pa dang bud med kyi dbang po gnyis snyoms par 'jug pa las byung ba'i tshim pa'i khyad par ni rab tu dga' ba'o/ /de'i rnam par dag pa ni dga' pa rnam par dag pa ste/ don dam pa nyid do/ /de yang rab tu dga' ba ngo bo
 nyid med pa ni rab tu dga' ba rnam par dag pa'o/ /rab tu dga' ba rnam par dag pa'i gnas ni rab tu dga' ba rnam par dag pa'i gzhi'i/ /'di ni zhes bya ba ni gnas ni 'di yin no zhes ston pa ste/ des na gnas kyi sgra gnyis pa dang 'di sbyar bar bya'o/ /'di lta ste zhes bya ba
 ni snga ma dang sbyar bar bya'o/ /byang chub sems dpa' i gnas so zhes bya ba ni ngo bo nyid kyis byang chub sems dpa' i gnas yin te/ de'i don ni 'di yin no/ /gang gi che bcom ldan 'das rdo rje sems dpa' 'di byang chub sems dpa' i dkyil 'khor la sogs pa'i tshul gnas kyi rnam pa bcu
 brgya? po la sems can rnams gdul bar bya ba'i phyir bsten par mdzad pa'i 'am/ phyag rgya chen po la sogs pa bsgom pa'i tshul de ni rab tu dga' ba rnam par dag pa'i gnas sam/ rab tu dga' ba rnam par dag pa'i don du 'am/ rab tu dga' ba rnam par dag pa'i rgyur ro//
 gsang sngags kyi spyad pa spyod pa rnams kyi ni/ des dkyil 'khor la sogs pa la dgongs par gyur na gsang sngags kyi sgo'i spyad pa spyod pa rnams kyi rab tu dga' ba rnam par dag pa thob par 'gyur ro/ /de bas na rab tu dga' ba rnam par dag pa de ni gnas su 'gyur ro/ /yang na thams cad
 la mchog tu 'gyur ba'i dngos grub zag pa med pa'i bde ba dang yid bde ba'i ngo bo nyid bcom ldan 'das rdo rje sems dpa' ni rab tu dga' ba ste/ de nyid ni rab tu dga' ba rnam par dag ba'o/ /de nyid ni gnas yin pas na rab tu dga' ba rnam par dag pa'i gnas so/ /'di gang
 gi gnas yin zhe na/ bcom ldan 'das rdo rje sems dpa' byang chub sems dpa' i 'o/ /'dis ni 'di skad ston par 'gyur te/ gang 'di rab tu dga' ba rnam par dag pa'i gnas de ni bcom ldan 'das rdo rje sems dpa' i byang chub sems dpa' i gnas te/ sems
 can gdul bar bya ba'i phyir rten du gyur ba'o/ /de yang gang gi phyir rab tu dga' ba rnam par dag pa'i gnas 'dis das 'dul ba'i sems can gyi khams rnams la 'dod chags kyi 'dod chags rab tu spong bar mdzad pa 'am/ gsang sngags kyi sgo'i spyad pa spyod
 pa'i byang chub sems dpa' rnams kyi gnas de ni bcom ldan 'das rdo rje sems dpa' i gnas te/ sems can rnams 'dul ba'i phyir rten du 'gyur ba'o/ /gang gi phyir rab tu dga' ba rnam par dag pa'i gnas des rab tu dga' ba rnam par dag pa la rten
 te bsgoms pa'i stobs kyis gnas de nyid thob par 'gyur ro/ /de bas na rab tu dga' ba ni bcom ldan 'das rdo rje sems dpa' yin la som nyi mi bya'o/ /de yang de nyid las/ kun gyi dam pa dngos grub mchog/ dbang phyug chen po thog ma'i lha/ /rdo rje 'dzin pa rgyal
 po che/ /rab tu dga' ba mi 'gyur mchog/ ces gsungs pa'i phyir ro/ /shin tu dga' bas na rab tu dga' ba'o/ /zhes bshad de/ gsang ba lngas sems can rnams smin pa la spyod par mdzad do zhes bya ba'i don to/ /de ltar na rab tu dga' ba rnam par
 dag pa'i gnas 'dis ni rdo rje sems dpa' i ngo bo yin par bshad pa yin no/ /budM? med dang skyes pa'i dbang po gnyis snyoms par 'jug pa'i bde ba dang yid bde ba'i dus kyis rjes thogs la phan tshun kun tu chags pa nye bar skye bar 'gyur ro zhes
 bstan par bya ba'i phyir/ 'dod chags kyi mda' zhes bya ba la sogs pa gsungs te/ 'dod chags ni zhen pa'i mtshan nyid can no/ /'dod chags nyid mda' yin pas na 'dod chags kyi mda' ste/ sems dang sems las byung ba phra mo dmigs pa'i phyir ro/ /'dod chags
 kyi mda'i rnam par dag pa zhes sbyar te/ phan tshun kun tu chags pa las 'kyud pa dang/ reg par byed la reg par gyur ba las ni phan tshun gcig la gcig yongs su mi 'dod pa'i chags pa 'byung ngo/ /chags bar gyur ba las ni phan tshun nye bar sbyor ba'i phyig rgyal po la sogs
 pa'i longs spyod thams cad kyi dbang phyug gi bdag po ni 'dod chags kyis mngas rnam par bcom pa ni bdag tu 'dzin pa'i rnam pa'i shes rab ni lta ba'o/ /phan tshun reg pa las kun tu byung pa'i mgu ba ni dga' ba'o/ /chags pas zil gyis non pa rnams ni ma 'ongs pa ?
 'bral bar mi 'gyur bar 'dod pa ni sred pa'o/ /dbang phyug gi gnas kyis myos pa rnams kyi nga rgyal gyi ngo bo nyid ni snyoms pa'o/ /bdag tu blta ba la zhugs pa rnams kyi me tog la sogs pas bdag nyid rgyan pa ni rgyan na/ /mgu ba dang dga' ba'i bas yid tshim pa'o//
 mngon par sbyor bar 'dod pa'i mar me la sogs pa'i snang ba'o/ /nga rgyal gyi zil gyis non pa rnams mtho ba las nyams pa ni 'jigs pas khrus la sogs pas lus kyi dri ma bsal ba ni lus bde ba'o/ /bdag nyid kyi rgyan gyi rgyur gyur pa rab tu dang ba la sogs pa ni gzugs
 so/ /yid tshim pa thob pa rnams kyi gcig la gcig smra ba ni sgra'o/ /snang ba yod pas na gcig gis gcig mthong bas dris nyug pa ni dri'o/ /lus kyi dri ma dang bral nas phan tshun zas snyod pa ni ro'o/ /de nas rjes su myong ba ste/ 'di ni 'khor bar 'jug pa'i rim pa yin no/ /gang gi tshe rdo rje
 yid las byung ba la sogs pa nyid 'dod chags kyi mda' zhes bshad pa de'i tshe/ rdo rje sems dpa' i bde ba myong ba rnams de thob par 'dod pas yang dang yang du rdo rje sems dpa' i ngo bo nyid la kun tu zhen par sgom pa ni 'dod chags te de skad du 'dod chags dam tshig yin par bshad/ chos
 kyi 'dod pa yid du 'ong/ zhes gsungs pa'i phyir ro/ /'di bsgom pas kyang rdo rje sems dpa' i ngo bo nyid mngon sum du byed pa ni reg pa'o/ /reg pa las ni chos thams cad dngos po med pa'i ngo bo nyid yang dag par skyes ba las kyi ma'o sems can 'di dag mi ngo bo nyid kyis sdug bsngal
 ba ste/ /bdag dang bdag gir 'dzin pa la mngon par zhen pa'i khams gsum pa rnams mi zo chun gyi rgyud mo ltar 'khor ba ni chos thams cad dngos po med pa'i ngo bo nyid du ma mthong ba yin gyis gang bdag gis 'dirnams la lam yang dag par bstan par bya'o/ /zhes bya ba'i snying rje chen
 po'i mtshan nyid can gyi sems can rnams la chags pa nye bar skye bar 'gyur te/ ji ltar rtogs pa'i ye shes nyid dang mi 'bral bar 'dod pa ni chags pa ste sdug pa'o/ /snying rje chen po gzhan gyi dbang du gyur pas sems can thams cad kyi don bya ba'i phyir/ rdo rje hUM mdzad la sogs
 pa'i sprul pas thams cad la dbang phyug dang/ dbang rnam par dag pa ni dbang phyug ste/ dbang phyug ni longs spyod ma lus pa phun sum tshogs pa'o/ /dbang ni de la dbang du gyur pa nyid do/ /bsgom pa la kun tu zhen pa rnams kyi yang dag pa'i
 don rab tu 'byed pa'i shes rab ni lta ba'o/ /rdo rje sems pa'i ngo bo nyid mngon sum du byed pa'i mgu ba ni dga' ba'o/ /sdug par sems pa thams cad yongs su mya ngan las 'das par 'dod pa ni sred pa'o/ /thams cad dbang phyug dang rnam par dag pa la gnas pa rnams sems
 can rnams kyi don bya ba'i phyir bdag nyid las gnyis su med pa nyid du yang dag par ston pa'i dregs pa ni snyems pa ste/ spro ba'i mtshan nyid can no/ /bdag tu lta ba dang bral ba rnams kyi byang chub kyi yan lag bdun gyi mtshan nyid can gyi rgyan ni brgyan no/ /de nas kyang bar chad med pa'ilam gyi mtshan
 nyid can gyi shes rab ni yid chim par byed ba'o/ /de nas kyang spyan snga'i rang bzhin can ni snang ba'o/ /skyes bu chen po'i mtshan sum cu rtsa gnyis kyi mtshan nyid ni lus bde ba'o/ /dpe byad bzang po brgyad cu ni gzugs te/ sku des mngon par dad par byas pa'i sems
 can rnams la pha rol tu phrin pa bcu la sogs sgra thos par mdzad pa ni sgra'o/ /de'i don la lhag par mos pa ni dri'o/ /lha dang ro gcig tu gyur ba'i sems ni ro'o/ /de nas kyang rdo rje sems dpa' la sogs pa'i ngo bo nyid kyis rab tu dga' ba mngon sum du byed do/ /'dod chags kyi
 mda' la sogs pa'i gnas rnams kyis kyang rim pa ci lta ba bzhin du rdo rje yid las byung ba dang kI li kI la dang/ rdo rje sdug pa dang rdo rje snyams pa dang sgeg mo dang bzhad pa mo dang glu mkhan ma dang/ rdo rje dpyid dang/ rdo rje sbrin par/ rdo rje ston dang rdo rje dgun dang/ gzugs dang sgra dang bri
 dang ro'i lha mo'i ngo bo nyid du yang dag par ston pa yin te/ rab tu dga' ba rnam par dag pa'i gnas bzhin du thams cad la yang bshad par bya'o/ /bcom ldan rdo rje sems dpa' 'dod pa'i khams kyi dbang phyug gdul bar bya ba'i phyir/ btsun mo'i 'khor gyi nang na bzhugs
 pa'i rab tu dga' pa'i skur sbrul par mdzad pa dang/ de mthong nas 'dod pa'i khams kyi dbang phyug rang gi chung ma'i 'khor rnams sdug bsngal bskyed pa'i blo skyes pa dang bcom ldan 'das la yang mngon par dang pas bcom ldan 'das pa phyag byas so/ /de bas na
 bcom ldan 'das kyi gzugs rnam par dag pa'i gnas so snyam nas bcom ldan 'das ji ltar na khyed kyi phun sum tshogs pa 'di dag thob par 'gyur zhes zhus pa dang/ de'i phyir de gsum la skyabs su 'gro ba dang/ byang chub tu sems bskyed pa la rab tu bkod
 nas de nyid la dmigs te/ bcom ldan 'das kyis rab tu dga' ba rnam par dag pa'i gnas la sogs pa ston par mdzad pa gang yin pa de ni sgra'o/ /sgra de thos pa dang de'i don de la lhag par mos pa'i ngo bo nyid kyis tshul khrims ni dri'o/ /de skad du gal te byang
 chub sems dpa' 'dod yon lnga spyod kyang zhes gsungs pa dang/ gzhan yang tshul khrims dri ni bla na med ces gsungs pa'i phyir ro/ /de nyid la lhag par mos pa'i shin tu mthar thug pa ni re'o/ /de nas kyang byang chub kyi yan lag bdun gyi me tog gi mtshan nyid can gyi rgyan no//
 de nas kyang des par 'byed pa'i cha dang ldan pa'i chos rab tu rnam par 'byed pa can gyi mtshan nyid can gyi shes rab ni yid tshim par byed pa'o/ /de nas kyang snang ba thob pa dang snang ba mched pa dang/ de kho na nyid kyi don la phyogs cig pa las byung ba'i bar chad med pa'i ting nge
 'dzin gyi mtshan nyid ni snang ba'o/ /de nyid la yang sems can dang bdag tu rnam par rtog pa la sogs pa de'i dri ma dang bral ba'i lus kyi bde ba'i rgyur gyur pa'i phyir lus so/ /de nas bdag med par mthong ba ni lha ba'o/ /de'i rgyu la rab tu mgu ba ni dga' ba'o/ /de nas ji ltar
 mthong ba'i don yang dang yang du mngon sum du byed par mngon par 'dod pa ni sred pa'o/ /mngon par 'dod par gyur pa de la spro ba'i grags pa ni bsnyems pa'o/ /spro bar gyur pa dang yang du rab tu dga' ba rnam par dag pa'i gnas la kun tu zhen par bsgoM
 pa ni 'dod chags kyi mnga' o/ /des kyang rab kyi mthar thug par gyur pa dang/ de la spyan lnga ste/ sha'i spyan dang/ lha'i spyan dang/ shes rab kyi spyan dang/ chos kyi spyan dang/ sangs rgyas kyi spyan te/ de nas phung po lnga'i mtshan nyid can tshul khrims 'chal pa la sogs
 pa'i dri ma dang bral ba chos kyi sku la sogs pa'i rang rang gi ngo bo nyid de mngon sum du byed pa ni reg pa'o/ /rab tu dga' ba rnam par dag pa'i gnas mngon sum du byas pa dang/ de yongs su mi spong ba'i chags pa ni sdug pa'o/ /des na nyon mongs pa can dang nyon mongs pa can ma yin dI?
 rmongs pas skabs mi byed pa rang bzhin gyis 'od gsal ba'i rnam par thar pa thob pas lhun gyis grub par 'jug pa ni thams cad la dbang phyug dang/ dbang rnam par dag pa thob ste/ bde ba chen po rab tu dga' ba'i bde bas brgyad pa'i dbang phyug tu gyur pa ste/
 'di ni de'i sgo'i rim pa yin no/ /yul spangs pa'i thar pas skrag pa rnams ni tshul 'di yin te/ de rnams kyis 'khor ba'i gzugs mi brtan pa spangs nas/ lta bas mi ngoms pa'i gzugs thob ste/ bde ba chen po myong bar 'gyur ro zhes
 nges par dgod par bya ba'i phyir bcom ldan 'das kyi ji skad du bshad pa'i gzugs yang dag par mdzad pa ni gzugs so/ /pi bang la sogs pa'i sgra ni pi bang gi gzugs tsam gyis dga' ba bskyed par mi 'gyur te/ de bas na pi bang brdud pa la brtsom
 pa ni sgra'o/ /de med par yang ma yin no zhes bstan pa'i phyir phyag na dri bsnams pa ni dri'o/ /bza' ba med par shin tud+ga' bar mi 'gyur te/ de bas na ro'i snod phyag na bsnams pa ni ro'o/ /me tog gi rgyan med na de dang 'dra ste/ de bas na me tog gi
 gzugs ni rgyan no/ /bdug slos med par yid tshim par mi 'gyur te de bas na spos so/ /mun par ni gcig gi gcig mthong ba med pas de'i phyir nor bu rin po che la sogs pa'i snang ba phyag na bsnams pa'o/ /di byug pa med par lus kyis bde ba'i
 rgyur mi 'gyur te/ de bas na dri byug pa'o/ /las byed pa'i bran mo dang slas kyis tshogs med par rab tu dga' bar mi 'gyur te/ de bas na sgeg mo la sogs pa ste/ mig gis chags pa dang lta ba dang dga' ba dang sred pa dang/ rab tu dga' ba'i spros
 pas mthong? ba'i bsnyems pa'i ngo bo nyid do/ /gzhan ma yin par gyur pa ni 'khyud par byed pa ste/ nam yang yongs su spong bar mi byed cing 'di rnam pa la rnams thams cad du dbang du gyur pa nyid kyis rab tu bde ba chen po myong bar 'gyur bas 'dod
 chags kyis mda' dang/ reg pa dang/ sdug pa'i 'ching ba dang/ thams cad la dbang phyug dang dbang rnam par dag pa'i rab tu dga' ba'i gnas kyis yang dag par ston par mdzad pa 'di ni 'dod chags dang ldan pa rnams 'dod chags kyi 'dod chags yang
 dag par spang pa'i rim pa yin no/ /de skad du dam tshig chen po las dam tshig chen po'i dkyil 'khor la 'jug par bya ba'i phyir/ rtag tu 'dod la gnas pa yi/ /lha yi bu ni 'di rnams dang/ /'dod chags can ni gzhan gyi phyir ? dga' i dkyil 'khor bshad pa
 yin/ /zhes gsungs pa dang/ gzhan dag las kyang/ bin da'i nags ni nyams dga' ba'i/ /wa nyid gyur kyang mchog yin gyi/ /go'u ta mA yul rnams spangs pa yi/ /thar pa nam yang mi 'tshal lo/ /zhes 'byung ste ngo bas na yon tan yin no/ /de ci'i phyir
 zhe na/ zhes bya ba ni gtan tshigs gang gi phyir/ rab tu dga' ba rnam par dag pa'i gnas 'di ni/ 'di lta ste/ byang chub sems dpa' i gnas so zhes bya ba'i rgyu bstan pa'i phyir gsungs pa yin te/ de yang 'di ltar chos thams cad ni ngo bo nyid kyis rnam par
 dag pa ste zhes gsungs te de yang gang gi phyir rab tu dga' ba la sogs pa nas/ ro'i mthar thug pa'i rnams ni don dam par dngos po med pa'i ngo bo nyid do zhes bya ba'i don to/ /de lta yin du zin kyang/ shes rab yongs su dag pa med par 'di dag ji ltar thob
 par 'gyur zhe na/ de'i phyir chos thams cad ces bya ba la sogs pa gsungs te/ chos thams cad ngo bo nyid kyis dngos po med pa'i ngo bo nyid du gyur pa gang yin pa de nyid ni shes rab kyi pha rol tu phyin pa yongs su dag pa yin to chos rnams ni chos nyid las ma 'gyur
 ba yin pa'i phyir/ gang gi phyir stong pa nyid kyi sgras shes rab kyi pha rol tu phyin pa nyid yin par bshad de/ de bas na rab tu dga' ba rnam par dag pa'i gnas 'di ni/ 'di lta ste/ byang chub sems dpa' i gnas so zhes bya ba nas/ ro rnam par dag pa'i
 gnas 'di ni 'di lta ste byang chub sems dpa' i gnas so zhes bya ba'i bar du grub par gyur ba yin te/ gang gi phyir de mngon sum du byas pa'i ngo bo nyid yin pa'i phyir ro/ /da ni phan yon bstan par bya ba'i phyir/ gang la la zhes bya ba la sogs pa
 gsum pa yin te/ chos thams cad ni rab tu dga' ba la sogs pa'o/ /de rnams kyi ngo bo nyid rnam par dag pa ni snga ma dang 'dra'o/ /de nyid ni gnas so/ /de mngon par bsgrub pa ni mngon sum du byed ces bya ba'i don to/ /sgrib pa thams cad ces bya ba
 ni/ bstan pa'o/ /mchod pa dang zhes bya ba sogs pa ni bshad pa yin te/ sgrib pa ni rnam pa lnga ste/ 'dod pa la 'dun pa dang/ gnod sems dang/ gnyid dang /rmugs pa dang/ rgod pa dang/ 'gyod pa dang/ the tsom gyi ngo bo nyid do/ /nyon mongs pa'i
 sgrib pa ni 'dod chags chen po la sogs pa nyon mongs pa rnams so/ /chos kyi sgrib pa ni 'phags pa'i lam skye ba'i gnas su gyur pa ste/ dam pa'i chos spong ba la sogs pa'o/ /las kyi sgrib pa ni mtshams med pa lnga la sogs pa'o//
 'dzin ba ni tshig dang don gyi tshul ma brjed par de sems la nges par 'jog pa'o/ /klog pa ni glegs bam du byas nas klog ba'o/ /kha don du byed pa ni dam tshig tu bzung ba de yang dang yang du goms par byed pa'o/ /tshul bzhin du yid la byed pa
 ni sems dpa' dang bsgom pa'o/ /chos thams cad mnyam pa nyid rdo rje ting nge 'dzin stong pa nyid kyi ting nge 'dzin te thob pa'o/ /chos thams cad la dbang phyug tu 'gyur ro/ /dga' ba ni ting nge 'dzin kyi rgyar gyur pa ni yid bde ba'o/ /de nyid 'bring dang
 chen po la sogs pa'i dbye bas mgu pa dang/ mchog tu dga' ba'i sgrar bshad do/ /byang chub sems dpa' zhes bya ba la sogs pa ni gzugs la sogs pa nas rdo rje bsnyems pa'i bar gyi ting nge 'dzin thob pas zhes bya ba'i don to/ /de
 ltar re zhig bcom ldan 'das rnam par snang mdzad kyi rab tu dga' ba rnam par dag pa la sogs pa ston pas dkyil 'khor sprul par bya ba'i phyir bskul ba dang/ de'i phyir bcom ldan 'das rdo rje sems dpas rang gi de kho na nyid kyi snying po gsungs
 pa ni de nas shes bya ba la sogs pas ston pa yin te/ de nas zhes bya ba ni bar mchad pa ste/ bskul ba'i rjes thogs nyid la zhes bya ba'i don to/ /skal pa phun sum tshogs pa dang ldan pa'i phyir bcom ldan 'das te/ byang chub sems dpa' i lam 'bras bu dang bcas pa thugs
 su chud pa'i ngo bo nyid du gyur pas na bcom ldan 'das rdo rje sems dpa' 'o/ /dkyil 'khor pa'i sangs rgyas dang byang chub sems dpa' ma lus pa'i ngo bo nyid du gyur pas na de bzhin gshegs pa thams cad pa yang yin la theg pa chen po'i mngon par rtogs pa yang yin
 pas/ de bzhin gshegs pa thams cad la theg pa chen po mngon par rtogs pa'o/ /de nyid kyi dkyil 'khor thams cad pa ste gang gi phyir dkyil 'khor thams cad ni rdo rje sems dpa' yongs su gyur pa'i ngo bo nyid yin pa'i phyir ro/ /'dis kyang dam tshig chen po'i de
 kho na nyid rdo rje dang po'o/ /byin gyis brlabs pa zhes bya ba'i rab tu dga' ba'i rdo rje'i dkyil 'khor gyi ngo bo nyid ni/ bcom ldan 'das rdo rje sems dpa' i ngo bo nyid yin par bshad pa yin no/ /rdo rje dbyings kyang yin la mdza' dag kyang yin pas na rdo rje dbyings mdza' dag
 ste/ de bzhin gshegs pa'i dkyil 'khor gyi ngo bo nyid do/ /de dag gi sems dpa' i mchog ni rnam par snang mdzad ces bya ba'i don to/ /khams gsum mdza' dag ni khams gsum rnam par rgyal ba ste/ 'dis ni rdo rje hUM mdzad kyi ngo bo nyid yin no/ /
 zhes pa'o/ /'jig rten gsum po ma lus pa zhes bya ba la sogs pa ni 'gro ba 'dul ba'i ngo bo nyid do/ /don thams cad grub pa zhes bya ba ni nam mkha' i snying po nyid do/ /lag na rdo rje thams cad pa dam tshig chen po zhes bya ba ni dkyil 'khor ma lus pa'i ngo bo
 nyid do/ /de ltar gyur pa 'di go gcig pu zhig yin nam 'o na te ma yin zhe na/ /rdo rje gsang ba'i zhes bya ba la sogs pa gsungs te/ rdo rje zhes bya ba gtsug tor la sogs pa ste/ de nyid ni sems can chen po du mas g.yog byas pa gang yin pa de ni rdo rje
 gsang ba'i sems can chen po du mas g.yog byas pa'o/ /don ci zhig ston par mdzad ce na/ shes rab kyi pha rol tu phyin pa zhes bya ba la sogs pa gsungs te/ rab tu dag pa rnam par dag pa'i gnas la sogs pa'i mtshan
 nyid can zhes bya ba'i don to/ /de las gzhan yang gang rdo rje dbyings su bde ba chen po don yod pa'i sgrar bshad pa de ni rdo rje sems dpa' i dkyil 'khor yin par bshad la de'i dam tshig ni rgyu ste/ de skad ces bya ba'i rang gi de kho na nyid kyi snying po
 gang yin pa de smras pa'o/ /de la rang gi bdag nyid kyi de kho na nyid ste rab tu dga' ba rnam par dag pa'i tshul lo/ /de nyid ni snying po ste de smras so zhes bya ba ni de ston par byed pa sgra gsungs so zhes bya ba'i don to /de yang de bzhin gshegs
 pa'i zhi ba'i tshul rnam par spangs nas rdo rje sems dpa' i sku la sogs pa sreg pa'i gzugs su 'jog par mdzad cing bcings la/ nges 'dl ba rnams la gzugs la sogs pa'i dngos grub gyur pa ni dngos grub thams cad grub ste/ de bzhin
 gshegs pa rnam par snang mdzad bde ba chen po rdo rje 'bebs pas bzhugs nas/ bcom ldan 'das rdo rje sems dpa' i phyag rgya chen po bcings pa'o/ /de bzhin gshegs pa thams cad kyi gsang pa'i rdo rje zhes bya ba ni de bzhin gshegs
 pa thams cad kyang yin la gsang ba'i rdo rje yang yin pas de skad ces bya ste/ bcom ldan 'das rdo rje sems dpa' ni de bzhin gshegs pa thams cad kyi gsang ba'i ngo bo nyid yin pa'i phyir ro/ /de la dmigs pa'i ting nge 'dzin ming de skad ces bya ba
 gang yin pa'i ting nge 'dzin de la snyoms par zhugs pas bzhug pa ni/ zhi pa'i tshul spangs nas rdo rje sems dpa' i sku dang gcig tu gyur nas bzhugs so zhes bya ba'i don to/ /'og min du mngon par rdzogs par sangs rgyas lha'i rgyal po'i gnas na bcom ldan 'das
 byang chub sems dpa' rnams kyis yongs su bskor nas bzhugs so zhes bya ba'i don to/ /'dis ni sngags pa rnams kyi dam tshig pa'i sbyor ba dang dkyil 'khor gyi mchog gi ting nge 'dzin ston pa yin na/ /rab tu dga' ba rnam par dag pa la sogs pa nas brtsams te/ bcom ldan
 'das rnam par snang mdzad gsang ba'i rdo rje zhes bya ba'i ting nge 'dzin la snyoms par zhugs pas bzhugs so zhes bya ba'i bar 'dis dkyil 'khor gyi mchog gi ting nge 'dzin ston to/ /ting nge 'dzin gnyis po de dag mngon sum du byas nas bde ba chen po'i gnas la gnas pa'i
 bsngags pas bsdu bar byas te/ de bzhin gshegs pa thams cad las rdo rje 'dzin pa chen po'i dbang bskur pa blangs la rdo rje gzugs la sogs pa'i dkyil 'khor du de bzhin gshegs pa thams cad bkug nas bcug ste/ bcings nas dbang du byas nas/ las kyi phyag rgya rnams
 kyi rang gi las rnams la/ bde ba chen po rdo rje sems dpa' i la sogs pa nges par sbyar pa ni las kyi mchog ces bya ba'i ting nge 'dzin to/ /de ltar na ting nge 'dzin gsum po de dag ni dkyil 'khor gyi brtul zhugs la gnas pa'i slob dpon gyis nges pa kho nar snyoms par 'jug par
 byas te rnal 'byor gyi gsang pa las dang po'i sbyor ba dang dkyil 'khor gyi mchog dang las kyi mchog gi ting nge 'dzin rnams la snyoms par 'jug par bya'o/ /zhes gsungs pa'i phyir ro/ /de nas rgyud phyi ma las gsungs pa'i tshul du de la ni na gshegs pa thams cad kyis gsol ba ?
 pas ting nge 'dzin la snyoms par 'jug ste/ dkyil 'khor gsungs pa yin no/ /de yang de nas zhes bya ba'i sgra ni bar ma chad pa ste/ gsol pa btab pa'i rjes thogs la zhes bya ba'i don to/ /gsang ba yang yin la chen po yang yin pas gsang ba chen po ste/ de nyid rdo rje
 yin pas na gsang ba chen po'i rdo rje'o/ /bsang ba chen po'i rdo rje nyid dam tshig yin pas na gsang ba chen po'i rdo rje'i dam tshig ste/ dam tshig ni dkyil 'khor ro/ /da 'byung bar dkyil 'khor byin gyis rlob pa'i ye shes gang las 'byung ba'i ye shes gang yin pa
 de la de skad ces bya'o/ /de nyid ni phyag rgya ste/ ming de skad ces bya ba'i ting nge 'dzin gang yin pa de la snyoms par zhugs pa ste/ dkyil 'khor gyi rnam par thugs rtse gcig tu mdzad ces bya ba'i don to/ /dam tshig kyang yin la chen po yang yin pas/
 na dam tshig chen po ste/ bcom ldan 'das byang chub pa'i mtshan nyid can rdo rje sems dpa' o/ /de'i de kho na nyid ni rab tu dga' ba'i ngo bo nyid la sogs pa'i ston pa'o/ /de nyid rdo rje ste rdo rjes byin gyis brlab pa'i dkyil 'khor ro/ /ming de nyid ces bya ba'i dkyil 'khor
 gang yin pa de gsungs pa ni/ bka' stsal to zhes bya ba'i don to/ /de nas zhes bya ba ni gtan tshigs 'di'i phyir zhes bya ba'i don to/ /gang gi phyir dkyil 'khor du 'jug pa ni med par sems can rnams sangs rgyas kyi byang chub mthong ba'i skal pa can du mi 'gyur ro zhes
 bya ba'i don to/ /de bas na yang dag par bshad par bya ste/ yang dag pa dang bcas par rab tu phye ba bshad par bya'o zhes bya ba'i don to/ /ci zhig ce na dkyil 'khor chen po ste/ dkyil 'khor yang yin la chen po yang yin pas na dkyil 'khor chen po ste/ phyag
 rgya chen po'i gtso bo yin gyi/ gzungs la sogs pa'i phyag rgya gtso bor gyur pa ni ma yin no zhes bya ba'i don to/ /dbyings ji lta bu zhe na dam pa zhes bya ba ste/ mchog ces bya ba'i don to/ /ming ji skad du zhes bya ba zhig ce na/ de nyid dang po dam tshig ste/ rdo rje byin brlabs
 zhes bya pa'o/ /zhes bya ba ste/ ming de skad ces bya ba zhes bya ba'i don to/ /dbyibs ji lta bu zhe na/ grur bzhir bgyi zhing zhes bya ba ste/ grwa bzhi dang ldan pa zhes bya ba'i don to/ /khyams rnams kyis yongs su bskor ba zhes bya ba ni gzhal yas khang gi phyi rol/
 kun nas bskor phyogs su khyams kyis bskor ba la ni khyams rnams zhes bya'o/ /rdo rje dang/ rdo rje rin po che dang/ rdo rje pad+ma dang/ sna tshogs rdo rje ni rdo rje kun no/ /sna tshogs pa'i ba dan gyi rtse mor dril bu'i mchog btags pa gang yin pa de la de skad ces bya'o/ /de ltar
 phyi'i dkyil 'khor bris nas/ de'i nang du dkyil 'khor gnyis pa de'i phyed kyi tshad la/ phyi'i dkyil 'khor dang 'dra bar sgo bzhi dang ldan par/ ka ba brgyad la sogs pa'i gzugs can du yang dag par bris la/ de nyid phyi rol tu rdo rje phreng ba zlum pos bskor bar bya'o/ /de nas lha
 thams cad kyi gnas su pad+ma'i gdan bri bar bya'o/ /sangs rgyas sku ni zhes bya ba ni/ rdo rje sems dpa' i sku gzugs te/ sangs rgyas rdo rje 'dzin phyir bshad/ ces gsungs pa'i phyir ro/ /rdo rje phreng ba la sogs kyis spras shing zhes bya ba ni rdo rje'i phreng bsam mdzas par byas pa'o/ /
 sogs pa'i sgras ni pad+ma dang rin po che dang sangs rgyas kyi phreng ba gzung bar bya ste/ rdo rje sems dpa' i gzugs can yin pa'i phyir/ dbang bskur pa'i ngo bo nyid ni phreng ba yin te/ dkyil 'khor gnyis par de bzhin gshegs pa'i sku bstan pas 'dir som nyi mi bya'o/ /mdun du rdo rje sems
 dpa' i ni zhes bya ba ni rdo rje yid las byung ba ste/ phyag g.yon na gzhu bsnams pa phyag g.yas kyi mthe bo dang mdzub mo gnyis kyis rdo rje mda''dren pa la brtson par mdzad pa'o/ /g.yas su ni rdo rje kI li kI la dkar ser rdo rje dmar po bsnams pa yan lag kun gyis yongs su
 'khyud ces bya ba sku kun gyis yongs su 'khyud pa'o/ /de'i phyir zhe na/ rdo rje gzugs te zhes bya ba ste/ rdo rje rtse lnga pa'i gzugs can no/ /sku mdog ji lta bu zhe na/ nyi ma 'od ces bya ba ste/ nyi ma'i 'od kyi mdangs dmar por snang ba'o/ /rgyab tu ni rdo rje 'dod pa chu srin gyi rgyal
 mtshan thogs pa/ sku mdog ljang ser dang ldan par ci rigs par blo dang ldan pas bzhag par bya'o/ /g.yon du rdo rje snyems pa rdo rje khu tshur gnyis kyis rdo rje snyems pa'i tshul gnyis 'dzin pa gtso ma'i gser gyi 'od 'dra ba dgod par bya'o/ /mtshams
 rnams su ni spyi gtsug tu thal mo kha phye bas me tog dang bdug spos dang mar me dang dri 'dzin pa rdo rje yid las byung ba la sogs pa'i sku mdog dang mthun pa rdo rje ? rtsi la sogs pa bzhag par bya'o/ /phyi'i dkyil 'khor gyi mtshams rnams su ni rdo rje dang rin po che'i
 phreng ba dang pi bang dang/ rdo rje thogS pa'i lag pas gar byed pa'i sgeg mo la sogs pa bri bar bya'o/ /shar phyogs kyi sgor rdo rje gzugs phyag na me long bsnams pa ste/ rdo rje sems dpa' la sogs pa'i sems dpa' thams cad kyi gzugS
 brnyan skyed pa'i rgyur gyur pa'o/ /lhor ni sgra pi bang brdung pa la brtson pa'o/ /nub tu ni dri ste/ dri'i snod phyag na bsnams pa'o/ /byang du ni ro'i snod phyag na bsnams pa'o/ /nang gi sgo rnams la de bzhin du blta bar bya'o/ /de ltar me long dang pi bang dang dri'i snod
 dang/ ro'i snod kyi mtshan ma rnams ni dam tshig chen po dang khams gsum rnam par rgyal ba la sogs pa'i rgyud rnams las ston pas 'dir som nyi ma bye'o/ /mi skyod pa la sogs pa'i de bzhin gshegs pa rnams la/ rdo rje sems dpa' la sogs
 pa'i 'khor gyis bskor ba snga bshad pa'i tshul du bri bar bya'o/ /phyi'i dkyil 'khor gyi snang gi snam bu la 'dod pa'i khams kyi dbang phyug dang tshangs pa dang khyab 'jug dang karki ka dang dbang po dang bde byed chung ma dang bcas par kun tu bri bar bya ste/ gang gi phyir
 mchog gi sgras ni khyab 'jug dang karki ka dang dbang po yin par mngon par 'dod do/ /lho phyogs su ni zla ba dang nyi ma dang spen pa dang mig dmar dang chung ma dang bcas pa rnams so/ /nub phyogs su ni gtun dang rlung lha dang me lha dang lus ngan po chung ma dang bcas
 pa'o/ /byang gi phyogs su ni phag dang gshin rje dang tshegs kyi bdag po chud ma dang bcas pa'o/ /sgo rnams su ni stobs bzang dang sbrang rtsis myos pa dang rgyal ba dang rgyal ba thob pa chung ma dang bcas pa bri bar bya'o/ /rdo rje sems dpa' la sogs
 pa 'di dag thams cad kyang rdo rje hUM zlos shing bri bar bya ba'o/ /sgo ni thams cad kyang cha brgyad par bya'o/ /de ltar dkyil 'khor legs par bris nas tha ma rnams spos chus byug la me tog gi sil ma bkram ste/ bum pa dang bum pa gang ba bzhag la
 mchod yon mngon par bzlos pa byas nas/ rdo rje khu tshur gnyis kyi mdzub mo lcags kyu gnyis su byas la/ mkhrig ma gnyis rdo rje bcings pa gnyis bsnol la/ rdo rje se gol brdab pa byas pas dpal rdo rje sems dpa' i sbyor ba dang/ sangs rgyas thaMs cad bsdu bar ?
 de nas myur du phyag rgya che/ rdo rje sems dpa' i rten byed cing/ /mtshan brgya rtsa brgyad dam pa yin/ /lan cig par du brjod par bya/ dpal mchog dang po'i sems dpa' i ste/ zhes bya ba la sogs pa'o/ /rdo rje can ni mdun gnas te/ sems dpa' i skyil skrung gis legs
 gnas/ bde chen rdo rje bzang po mchog/ bdag po lan cig thog ma yang 'gug/ yi ge hUM nyid dang dang po'i rdo rje mnyam par bzhag pa dang/ dbus ma'i rdo rje lcags kyu gnyis dang dgug pa'i sbyor bas snying po dang rang gi lcags kyus dgug par bya'o/ /de nas
 rdo rje mchod yon dbul bar bya ste/ yi ge hUM nyid dang rdo rje'i me tog kha phye ba'i mchod yon gyi phyag rgya bcom ldan 'das 'khor dang bcas pa'i thugs ka'i zla ba'i rdo rje sems dpa' i phyag rgya bcings la/ dza:hUM baM ho /zhes la/ hUM gi mthar bcom ldan
 'das 'khor dang bcas pa legs par bzhag la de nyid brjod cing rdo rje'i lta bas bltas la/ yi ge hUM gis ljags la rdo rje bzang po bskyed de/ bcom ldan 'das 'khor dang bcas pa'i thugs ka'i zla ba'i dkyil 'khor la yi ge hUM bkod la/ yi ge a
 las rang gi snying gar sna tshogs rdo rje bskyed pa gang las byung ba ni las kyi phyag rgya ste/ thams cad la bstan par bya'o/ /bde ba'i thugs mchog kun la rjes su chags/ /rdo rje sems khyod rab tu bde ba'i mchog/ bde ba chen po bstan zhing ma tho bar mdzod//
 sgrub ? 'dzud par bgyi zhes bya ba'i rdo rje'i glu len pa dang/ ba dan gsum pa rtse gsum can/ /ba sbyings bcas mdza' nas dgrol ba dang/ mdun du bskor zhing glog ltar gdeg /de ni rdo rje gar zhes bshad/ /de nas rdo rje khu tshur gnyis bcings
 la g.yon pa dkur bstan nas/ g.yas pas 'degs pa'i tshul gyis snying gar 'jog pa ni las kyi phyag rgya'o/ /rdo rje khu tshur gnyis kyi mda''phen pa'i tshul du byed pa ni rdo rje yid las byung ba rdo rje khu tshur gnyis po de nyid kyi rang la 'khyud
 ba ni kI li kI li'o/ /rdo rje khu tshur gnyis pa de nyid kyis rgyal mtshan bsgreng pa'i tshul du byed pa ni/ rdo rje 'dod pa'i'o/ /khu tshur de nyid bkan te bzhag pa gnyis ni bcom ldan 'das kyi las kyi phyag rgya gnyis lta bu ni rdo rje snyems pa'i'o/ /rdo rje thal mo
 gnyis bskor la/ snying ga'i phyogs su byug pa ltar bya ba ni rdo rje dgun gyi'o/ /'dud pa byas nas spyi bor bzhag nas phab ste/ mthor ba ltar byas pa ni rdo rje sprang rtsi'i'o/ /de ste/ mthor ba ltar byas pa ni rdo rje sprang rtsi'i'o/ /de nyid las mthe
 po bsnyams nas bskor ba ni rdo rje ston gyi'o/ /de nyid shin tu brkyang nas byug pa ni rdo rje dgun gyi'o/ /mi bskyod pa la sogs pa'i sa gnon pa'i phyag rgya ni rgyud phyi ma las bya lta bar bya'o/ /rdo rje mda'i ni rdo rje sems dpa' i las kyi phyag rgya nyid do/ /
 'phags pa 'jam dpal la sogs pa byang chub sems dpa' bdun gyi phyag rgya ni de rnams nyid kyi dkyil 'khor las shes par bya'o/ /phyi rol gyi mtshams rnams su rdo rje thal mo skor ba snying gar bskor ba ni sgeg mo'i phyag rgya'o/ /de nyid
 bskor nas bskor te/ spyi bor bzhag pa ni bzhad pa ma'i phyag rgya'o/ /de nyid las g.yon pa'i mdzub mo bkug pa yu bar byas la g.yon pa'i mdzub mo bkug pas pi bang brdung pa'i tshul du byed pa ni rdo rje glu mkhan ma'i phyag rgya'o/ /
 rdo rje khu tshur gnyis kyis gang byas nas spyi bor rdo rje thal mo bcings pa ni rdo rje gang mkhan ma'i phyag rgya'o/ /rdo rje bsdams pa'i mthil la lta ba ni rdo rje gzugs kyi'o/ /rdo rje bsdams pa ni mdzub mo g.yon pa yu bar byas pa la mdzum mo g.yas pas
 bkug nas brdung ba ni sgra'i'o/ /rdo rje bsdams pa brkyang bas snying gar byug pa ni dri'o/ /bkan la do'i snod ltar bya ba ni ro rdo rje'i phyag rgya'o/ /de nas bcom ldan 'das 'khor dang bcas pa rnams sangs rgyas rin po che'i dbang bskur bas dbang bskur bar bya'o/
 mi bskyod pa la sogs pa'i de bzhin gshegs pa rnams ni rdo rje rin po che'i dbang bskur bas/ dbang bskur bar bya'o/ /de nas bum pa gang ba dang me tog la sogs pa ci snyed pa rnams kyis yang dag par mchod par bya ba ste/ de la sogs par bya bar
 blta bar bya'o/ /de ltar dkyil 'khor rdzogs par byas nas/ de nas dkyil 'khor 'dir zhes bya ba la sogs pas ston te/ de nas zhes bya ba ni de'i rjes thogs la'o/ /'dir zhes bya ba ni dkyil 'khor 'dir ro/ /'jug pa la sogs pa'i cho ga ni dbab pa dang
 dbang bskur ba dang/ snying po 'dzin du gzhug pa rnams ni stsogs pa zhes bya ba'i sgras? ston to/ /'jug pas cir 'gyur zhe na/ rdo rje sems dpa' nyid kyi bar thob 'gyur te/ de ni de la dang po nyid du zhes bya ba la sogs pas ston te/ de la dang po nyid du ji skad du
 bshad pa'i tshog chugs? pa'i slob dpon ni/ /rdo rje sems dpa' i gzugs su brin gyis brlabs pa/ phyag bzhi bya ba sngon? du 'gro bas sdom pa gzung la/ sgor bzhag pa'i bum pa'i chu yi ge hUM mngon par bzlas pas dbang bskur te /gos dmar po la sogs pa
 bgo'o zhes bya ba'i don to/ /rdo rje chen po'i slob dpon zhes bya ba ni bcom ldan ''das kyis rdo rje sems dpa' i dkyil 'khor gyi slob dpon du byin gyis rlob par 'gyur ro zhes bya ba'i don te/ /dkyil 'khor thams cad kyi slob dpon dang zhes bya ba ni/ de bzhin gshegs
 pa'i dkyil 'khor gyi slob dpon zhes bya ba'i don te/ /dam tshig thams cad shes pa dang zhes bya ba ni rdo rje rigs kyi slob dpon du'o/ /chos thams cad rig pa dang zhes bya ba ni pad+ma'i rigs kyi slob dpon du'o/ /las thams cad bsgrub pa dang zhes bya ba ni/ rin po
 che'i rigs kyi slob dpon no/ /dngos grub thams cad grub pa dang zhes bya ba ni rdo rje khu tshur la sogs pa'i dkyil 'khor gyi slob dpon nyid du 'grub par 'gyur ro/ /zhes bya ba'i don to/ /bcom ldan 'das rdo rje sems dpa' byin
 gyis brlabs pa dang zhes bya ba ni nges pa thams cad dang ldan par mdzad do zhes bya ba'i don to/ /gang gi phyir de ltar 'gyur ba des na de bzhin gshegs pa dang/ rin po che dang pad+ma dang/ las kyi rigs kyis dbang bskur ba thams cad thob par
 'gyur ba dang/ 'di la rigs thams cad shes pa dang ldan pa mngon du phyogs par 'gyur ro/ /mchod pa thams cad zhes bya ba ni sangs rgyas dang byang chub sems dpa' rnams dang/ lha dang bcas pa'i 'jig rten gyis mchod par 'os pa zhes
 bya ba'i don to/ /byin gyis brlabs pa la sogs pa'i gnas kyis ni de bzhin gshegs pa dang/ rdo rje dang/ rin po che dang/ pad+ma dang/ las kyi rigs gtogs par 'gyur par ston pa yin la/ 'jig rten dang 'jig rten las 'das pa'i
 dkyil 'khor thams cad ces bya ba la sogs pas ni/ rdo rje khu tshur gyi dkyil 'khor grub pa'i ye shes ston te/ 'di'i snying la zhugs shing don yod pa'i phyir zhes bya ba ni thogs pa med pa'i nus pa dang ldan par 'gyur ro zhes bya ba'i
 don to/ /rdo rje phyag rgya bcings la zhes bya ba ni dang po'i rdo rje rdo rje'i phyag rgya ste / de'i mtshan nyid ni 'di yin no/ /lnga pa bsdus pa bcings nas ni/ dgung sgreng srin lag nang du gzhug / mthe bong mthe chung snyam rdo rje/ /de ni dang po'i rdo rje mchod/ /ces
 bya ba'o/ /rdo rje'i lta ba ni kun tu chags shing rab tu dga' bas mig mdangs pa'o/ /snying po lan gcig brjod nas zhes bya ba ni yi ge hUM lags so/ /bsgrub par bya'o zhes bya ba ni sngar bshad pa'i
 tshul nyid kyis? dam tshig gi phyag rgyas bzhag par bya'o zhes bya ba'i don no/ /rdo rje rnam par bsgreng ba'i zhes bya ba ni rnam par sgeg pa'i dga' ba'i rdo rje zhes bya ba'i don to/ /'di yang rdo rje gar deng bcas pa'i mchod pas rnam par 'gyur zhing mdzum pa dang bcas pa'i mig
 gis 'dud pa'i phyag byas pas/ rdo rje sems dpa' yang de bzhin gshegs pa thams cad rjes su mnyes par phyag bya'o/ /rdo rje thal mos rdo rje'i gar byed cing bskor bas snying gar me tog thogs te bdag nyid 'jug par bya'o/ zhes bya ba ni rdo rje sems dpa' i sbyor bas
 badzra badzra zhes smras shing/ yi ge hUM yang bzlos bzhin du 'jug par bya'o/ /de bzhin du 'dug nas bcom ldan 'das bsgrub par bya'o zhes bya ba ni/ sems dpa' i skyil mo krung gis 'dug la/ de bzhin du phyag rgya chen po bcings la yi ge hUM bzlos shing ji srid bcom ldan  
 'das ji srid ji skad du bshad pa'i mtshan ma ston par mdzad pa de srid kyi bar du bya'o zhes bya ba'i don to/ /bya ba thams cad ni 'dir yi ge hUM nyid kyis bya ba yin no/ /rab tu dga' ba'i dam tshig gi phyag rgya ni lnga po'i bsdus pa'i phyag rgya'o/ /gang yang de bzhin gshegs pa
 la sogs pa la/ mos pa de rnams kyis kyang rang gi dam tshig gi phyag rgya rnams dang/ rang gi dkyil 'khor du 'jug pa'i chogs 'jug par bya zhing dbang bskur ba la sogs pa'i chos rnams kyang phyag rgya rnams kyis rgyas gdab par bya ste/ phyag rgya rnams ni rgyas 'debs par byed
 pa yin no/ /de yang ci ste zhe na gzugs brnyan gyi tshul du de bzhin gshegs pa la sogs pa'i phyag rgya gdul bya rnams la bskyed bar byed pa yin no/ /bde ba chen po rdo rje'i dam tshig ces bya ba ni bde ba yang yin la chen po yang yin pas bde ?  zug pa med
 pa'i rgyun dang ldan pa'i bde ba dang/ yid bde ba yin la/ de'i rgyu mthun pa las 'byung ba'i rdo rje sems dpa' i sku la rdo rje'i sgrar bshad de/ dper na bde bar smra pa las bden par smra ba po zhes zer ba lta bu'o/ /de'i dam tshig ni dkyil 'khor ro/ /rdo rje chos kyi zhes bya ba la
 sogs pa la gzung ba dang 'dzin pa'i rnam par rtog pa dang bral ba'i sems kyi gsang ba ni rdo rje chos yin la/ de rnams kyi mnyam pa nyid ni de kho na nyid de/ de rgyur gyur pas sems can gyi khams ma lus shing lus pa med par phyag rgyas rgyas
 btab par byed pa 'di ni dam tshig go/ rab tu dga' ba'i rdo rje'i phyag rgya lnga po bsdus pa bcings la byin gyis brlab pa bya ste bzlas brjod bya'o zhes bya bar sbyar ro/ /rdo rje bri ba'i phyag rgya ni 'phags pa rdo rje dam tshig gi phyag rgya'o/ /phyag rgya bkrol la zhes bya ba ni dal bar
 gyur ma? phyag rgya dam pa bcing par ma byas par yang bzlas brjod bya'o zhes bya ba'i don to/ /dkyil 'khor du zhugs pa tsam gyis zhes bya ba ni/ mngon du bsnyen pa med par te/ rim pa 'di ni ye shes babS par gyur pa'i yin no/ /gzhan dag gi ni mtshan ma thob
 par gyur nas/ lam rnams 'grub par 'gyur ba yin no/ /'dod chags la sogs pa'i bde pa thams cad phul pas so zhes bya ba la 'dod chags thog mar byas pa'i bde ba thams cad gang yin pa de ni 'dod chags la sogs pa'i bde ba ste/ 'dir 'dod chags
 la sogs pa'i sgras ni rdo rje sems dpa' la sogs pa ston te/ 'dod chags dam tshig yin par bshad/ chos kyi 'dod pa yid du 'ong zhes rgyud phyi ma'i las ston pa'i phyir ro/ /de yang rdo rje sems dpa' la sogs pa bsgom pas du ba par gyur na/
 phyag bzhi yang dang yang du bya bas ngal ba btsal ba ni bde ba thams cad phul ba ste/ phyag bzhi mchod pa phul bas 'grub par 'gyur ro zhes gsungs pa'i phyir ro/ /de yang 'di ni rang gi sems brtan par bya ba yin te/ de lta bus ni de bzhin gshegs pa
 thams cad mnyes par byas 'gyur ro/ /de skad du/ de'i rjes bsgrub pa'i por pas rjes su mnyes pa/ rdo rje sems dpa' nyid ni yin par bshad ces bshad pa'am/ rdo rje sems dpa' la sogs pa'i bsgom pas bde bar gyur na/ bde ba 'dis sems can
 thams cad bde bar gyur cig ces bya ba ni phul ba yin no/ /rdo rje sems dpa' dang 'khyud cing 'o byed pas so zhes bya ba ni rdo rje sems dpa' mdun du bzhugs gsol te bcings la/ 'khyud cing 'o bya'o/ /'khyud pa dang 'o byed pa la sogs pa'i phyag rgya ni/ 'di nyid kyi 'og nas 'chad do//
 yang na khams gsum rnam par rgyal ba'i mchog las btum pa'i bzlas pa'i rnam pa yin par bstan te/ gzugs de la zhugs bzhin nam zhes bshad pa'i phyir ro/ /byang chub sems dpa' zhes bya ba la sogs pas/ de bsam pas yi ge hUM nyid dpag tu med par bzlas
 pas byang chub sems dpa' thams cad rjes su mnyes par byas par 'gyur ro/ /rdo rje thams cad ni rdo rje yid las byung ba la sogs pa ste/ de rnams kyi ni oM ma nod b+ha ba badzra zhes bya ba la sogs pa rang gi snying po bzlas pas nang gi dbang du gyur pa nyid du byas pa ni rjes
 su gnyis par byas par 'gyur ro/ /lha zhes bya ba la sogs pa la/ brgya byin la sogs pa'i gzugs brnyan gyis mdun du de rjes su chags par bya ba'i bsam pas yi ge hUM bzlas brjod 'bum byas na/ de nas de rjes su chags pas bdag nyid kyi thams cad nye bar
 stob par 'gyur ro/ /gnod sbyin mo la sogs pa yang chung ma la sogs pa'i gzugs kyis bdag nyid stob par byed do/ /bdag bsrung ba la ni yungs kar hUM las rdo rje rtse lnga pa'i gzugs su bskyed la rang gi sbyi bor bzhag la /rdo rje 'bar ba'i nang du bdag nyid
 chud par bsam na bdag nyid bsrung bar byas par 'gyur ro/ /gzhan bsrung ba ni g.yas pa'i rdo rje khu tshur gyis rdo rje rtse lnga par blangs la/ pha rol gyi yan lag dang nyid lag thams cad du rdo rje bya ba'i bsam pas hUM bzlos shing rdo rje bskor bar bya ste de lta bus na
 ? 'gyur ro/ /'on? te skye bo'i tshogs bsrung bar byed par 'dod pa nges/ yid kyis rdo rje bsam la/ de rnams kyi yan lag dang nyid lag rnams su de bzhin du bskor zhing phur bu dang mtshams dang/ dkyil 'khor gyir ba la sogs pa'i tshul du byas pas
 bsrung bar bya'o/ /de bzhin du mig gnyis su yi ge hUM las rdo rje bskyed la/ snga ma bzhin du mtshams la sogs pa bcing bar bya'o/ /de bzhin du rengs par bya ba la ni seng+ge la sogs pa'i mdun du rdo rje sems dpa' bsam par bya'o/ /rmugs par bya
 ba la ni bsgrub par bya ba'i lce gzung ba'i tshul gyis/ rdo rje bsnams par rdo rje gzung la/ de btsir ba'i tshul du byas na lkugs par 'gyur te/ tshig 'phrog par 'gyur ro zhes bya ba'i don to/ /rmongs par bya ba la ni bsgrub par bya ba dang/ gcig tu byas la mig 'jum ste
 bsgras pa bya'o/ /thams cad bsad pa la ni lag pa g.yas dang g.yon la yang hUM las rdo rje bskyed la/ lag pa g.yon pa'i rdo rje la/ bsgrub par bya ba'i ming blos bsam te/ lag pa g.yas pa'i rdo rje bsnun na thams cad gsod par 'gyur ro/ /sems can
 thams cad ces bya ba la sogs pa la de rnams rgyas gdab pa la ni/ phyag na rdo rjes bcom la/ dbang po nyi ma gzhan gyi dbang du 'gyur te/ ji ltar des mthong du zin kyang ci yang mi dran pa dang/ de bzhin du rna ba la sogs pas kyang/ mi thos pa dang/ dri mi tshor
 ba dang/ ro mi tshor ba dang/ rag pa myong bar mi 'gyur ba dang/ sems kyis kyang ci yang shes par mi 'gyur ro/ /de gang gis 'gyur zhe na/ rdo rje mkha' 'gro ma'i phyag rgyas so/ /zhes bya ba gsungs te/ mda''dzin ma'i las kyi phyag rgyas so zhes bya ba'i
 don to/ /gang gi phyir de ni rdo rje me ltar rab tu 'bar ba'i dkyil 'khor rgyas 'debs pa'i las can yin par bstan pa'i phyir ro/ /'di yang khro po chen po'i khu tshur gnyis kyis gar byas la/ bstod pa dang bcas pa mda''phen pa'i tshul yin no/ /snying thams
 cad ces bya ba la sogs pa la lha'i sbyor bas bsgrub par bya ba'i lus la/ yid kyis zhugs la/ snying gi pad+ma dang/ ming la sogs pa'i dbang po drangs la/ de rang gi lag gis ston te/ rang gi snying gar bzhag nas gcig tu 'dres par gyur par bsam par
 bya ste/ de lta bus ni snying thams cad 'dren cing 'byin par 'gyur ro/ /sems can thams cad ces bya ba la sogs pa la/ bdag nyid rdo rje gnod sbyin gyi gzugs nam mkha' i khongs thams cad khyab par bsam la/ sprin la sogs pa'i bgegS thams cad khar bcug nas/ bsnyems
 pa dang bcas par hUM bzlos par bya'o/ /thams cad ces bya ba la sogs pa la myur zhing myur ba nyid du gar las byung ba'i rdo rje khu tshur gnyis bcings la kha phye ste/ de nyid zhal shin tu 'jigs pa dang dbu skra gyen du brdzes pa?/ dbu 'og nas bstod pa'i tshul gyis b+ha zhes bya ba brjod
 par bya ste/ nor thams cad ces bya ba la sogs pa las/ dong rtse dgug pa la sogs pa'i tshul gyis bzlas brjod bya ba ni/ nor thams cad 'gugs pa yin no/ /nor dang 'bru zhes bya ba la sogs pa la/ rdo rje hUM las 'byung ba'i lag pa g.yas pa'i mdzub
 mo'i rtse mo dang/ g.yon pa'i hUM gi gzhu rgyud 'dren pa'i tshul ni rdo rje rnal 'byor ma'i phyag rgya ste/ rdo rje me ltar rab tu 'bar ba'i phyi'i dkyil 'khor du 'dis nor dang 'bru thams cad 'gugs pa yin no/ /thams cad ces bya ba la sogs pa la rdo rje sgra'i
 phyag rgya bcings la/ rang gi mdun du hUM gi klu byas pa de dbang du 'gyur ro/ /rdo rje yid las byung ba'i las kyi phyag rgya ni rdo rje mda'i phyag rgya ste/ 'dis ni thams cad dbyigs pa dang/ rjes su chags par 'gyur ro/ /kI li kI li'i phyag rgyas phyogs bcu'i
 de bzhin gshegs pa thams cad 'khyud pas ni thams cad mnyes par 'gyur ro/ /gnod sbyin ma'i gzugs brnyan la sogs pa la yang 'khyud nas bsgrub par bya'o/ /sdug pa'i bcings ba bstan pa la ni rdo rje sdug pa'i phyag rgyas snying btsir? bar bya'o//
 rdo rje snyoms pa ni rdo rje snyems pa'i las kyis phyag rgyas ma rungs pa rnams rab tu bsgrub par bya'o/ /'bar ba'i lta ba gnyis kyis dbreg pa ni lta bas dprog pa'o/ /rdo rje khu tshur snying gar bzhag pa ni gos la'o/ /snang bar bya ba la rdo rje thogs la rtse mo
 'bar ba 'phro ba'i tshul gyis bskor ba bya ba yin no/ /lus bde bar bya ba la ni rdo rje bsdams pas rang gi mtshan ma gzung nas bzlas brjod bya ste/ 'di ni bcom ldan 'das kyis g.yogs te bya ba yin no/ /zhes gsungs pa
 yin no/ /rdo rje mchog gi gzugs kyi phyag rgya ni gang las byung pa'i rdo rje bsdams pa bcings la gung mo gnyis mdzub mos 'khyud de/ mthe bong gnyis kyi mdzub mo dang sbyar/ mthe chung gnyis kyang sbyar bar bya ba ni 'di ni rdo rje'i gzugs kyi
 mchog ste/ 'di bcings la rdo rje yid las byung bar lhag par mos pas thams cad du gzugs thams cad snang bar bya'o/ /sgra thams cad ces bya ba la sogs pa gang las byung ba'i rdo rje bsdams pa las g.yon pa'i mdzub mo'i rtse mo ba lu?/
 pa ni yu ba yin la/ g.yas pa'i mdzub mos de la brdung ba ste/ 'dir sgra thams cad thos par bya'o/ /gar las byung ba'i rdo rje'i lag mthil nyid cing dbugs 'byin pa dang bcas pa'i hUM gi glus dri zhim po tshor bar bya'o/ /rdo rje bsdamS
 pas bzung la mngon par 'dod pa'i gnas su bzhag pa ni rdo rje spo bar bya'o/ /lag pa gnyis kyis se gol brdebs shing bcom ldan 'das rdo rje sems dpa' sku mdog dmar pos bsgrub par bya/ kun tu gang bar bsam la/ yi ge hUM gis klu len
 par byed pa ni gdab pa'o/ /gar byed du 'jug pa la ni lha'i sbyor bas bsgrub par bya ba'i lus la yid kyis zhugs te rang nyid gar byed cing bzlas pa bya'o/ /thams cad blu len du gzhugs pa la ni de bzhin du bsgrub par bya ba'i lus la yi
 ge hUM las rang gi rtsa las rdo rje bskyed de glu len du gzhugs pa'i bsam pas lce bskyod cing hUM gi lus bzlas brjod bya'o/ /smrar gzhug pa la ni dri chab kyis rdul phra rab yi ge las rdo rje rtse lnga pa'i 'bar ba'i ngo bo nyid du bskyed la/ hUM de nyid
 yongs su bzlas la/ gdon la sogs pas zin pa rnams chu de 'thung du bcug na thams cad smra bar 'gyur ro/ /babs nas lan ston pa la ni rdo rje dbab pa las rdo rje bcing ba'i rang gi srin lag dang mthe'u chung gi bar du mthe bong bcug la bskyod pa 'di dang/ yi
 ke hUM gi bzlas pas thams cad babs nas lan ston pa la ni sbyor ro/ /gdon thams cad las thar par bya ba la ni/ gam las byung ba'i ba dan gsum pa gnyis byas la/ /mthe'u chung gnyis gshib te/ mdzub mo rdo rjer bya/ gung mo gnyis 'dud de
 bzlog nas dbang bskur ba'i gnas su mdzub mo'i rtse mo gnyis sbyar la bzhag nas 'dir yi ge mus gdon thams cad las thar par bya'o/ /gdon thams cad 'dzin du gzhug pa la ni tshogs kyi bdag po bskug ste/ de'i mdun du rang gi rdo rje gsor zhing hUM
 zhes bya ba bzlas la/ che ge mo gdon gyis 'dzin du chug shig ces bskul bar bya'o/ /rims thams cad 'dzin du gzhug pa la ni rdo rje bsdams pa brkyang la snying gar 'dar bar bya zhing rdo rje rims kyi gdan gyis 'dzin du gzhug pa ni rims thams cad
 'dzin du gzhug pa ste/ rdo rje bcings pas nam mkha' las rims blangs te bsgrub par bya ba'i snying la bcug pa ni 'dzin du bzhug pa'o/ /? thams cad bsal ba la ni rdo lta bas byang cing rims thams cad bsal bar bya'o/ /rtsar ba la ni khros pas mig mi 'dzum par lta bas blta bar bya ba ni rdo
 rje lta ba'i dug gi phyag rgya'o/ /khyab? ba ni go sla'o/ /dug thams cad bza' pa la ni dang po'i rdo rje'i mdzub mo gnyis sbyar la rkang pa'i sor mo bsgyur par byed cing/ dug gi steng du bzhag la/ yi ge hUM gis bdud rtsis dug bdud rtsib?
 gyur par bsam pa ni/ rdo rje'i bdud rtsi ste/ 'dis dug thams cad bza' bar bya'o/ /bdud la sogs pa zhes bya ba la bgegs thams cad bskrad cing gzhig pa la ni 'khrugs pas dpag tu med par bzlas pa byas te/ ma rungs pa thams
 cad bsad pa la sogs pa ni brlag pa'o/ /mkha' 'gro ma zhes bya ba la sogs pa la rdo rje gsor zhing rdo rje 'bar bas mkha' 'gro ma'i gdon rnams bsregs par gyur par bsam zhing hUM zhes bya ba brjod nam mkha' 'gro ma'i
 gdon thams cad las grol bar 'gyur ro/ /phyag rgya zhes bya ba la sogs pa la rdo rje khu tshur gnyis rdo rje 'phen pa'i tshul du 'phangs na gdon thams cad la sogs pa'i phyag rgya rnams 'jig par 'gyur ro/ /mkha' 'gro ma zhes bya ba la sogs
 pa la rdo rje hUM mdzad kyi phyag rgyas g.yon pa'i mdzub mo thad kar phyed du bzhag ste /g.yas pa'i mthe'u chung brkyang la/ phyag rgya steng du bteg nas bzhag pa 'di ni rdo rje kha TwAM ga'i phyag rgya'o/ /ma mo thams cad kyi zhes bya ba la sogs pa
 las khros pas rdo rje khro bo'i khu tshur gyis ltung bar byed pa'i tshul du sdigs mdzub byed cing hUM phaT ces bzlos pa 'di ni/ rdo rje khro bo'i phaT kyi khro bo stong gi phyag rgya ste/ 'jig rten dang 'jig rten las 'das pa'i rdo rjer bshad do/ /ma
 mo'i gnas su khros pas rdo rje gsor zhing bzlas brjod 'bum byas nam mkha' 'gro ma thams cad dbang du gyur nas ci bgyis zhes bya ba'i mdag gzhug mar 'gyur ro/ /khros pas ha ha ha ha hUM zhes bzlos shing rdo rje khu tshur gnyis bzlog
 ste/ kha'i grwar bzhag pa 'di ni rdo rje drag po'i ha ha zhes bya ba'i gang brgyangs so/ /gzhan gyi dpung thams cad gzhom pa la ni lag pa g.yas pa yi ge hUM las rdo rje rtse lnga pa 'bar phreng ba kun tu rnam par bsam la lag pa de nyid kyis rdo rje
 khu tshur bcangs la mngon par bzlas te/ bskal pa'i me ltar 'bar ba'i khu tshur de nyid kyis yang dang yang du 'phang bar bya'o/ /rab tu dga' ba'i rdo rje'i phyag rgya bcings la srin lag dang mthe'u chung bsnyams la phye ste/ brkyang nas ba dan gyi rtse mo
 lta bu byas la gyen du bsgred ba de ni rdo rje rgyal mtshan gyi phyag rgya ste/ 'thab pa thams cad las thar bar byed pa'o/ /rdo rje bsdams pa bcings la 'phen pas 'phar ba ni rdo rje 'jigs byed do/ /lcags sgrog dang 'khrul 'khor thams cad sgrol ba ni rdo rje hUM mdzad
 kyi phyag rgya rdo rje gang las byung pas 'phangs bas te/ 'di ni khab lang ngo/ /dang po'i rdo rje'i phyag rgya bcings la mthe bong dang mthe'u chud gi rtse mo bzhi las me stag rnam par 'phro ba'i tshul du bya ba 'di ni rdo rje me shel lo/ /de bzhin gshegs pa'i sku'i mchog
 gi phyag rgya bcings la snying gar bzhag pa la khro bo'i lta bas lta ba ni chu med par chu yang dag par bskyed pa ste/ 'di ni rdo rje chu shel lo/ /rdo rje bsdams pa las mthe bong g.yas pa bsgreng la g.yon pa'i mdzub mo lcags kyur bya ba ni bra sen thams cad dbab pa'o//
 lag ngar rdo rjer mnyam gzhag ste/ mthe'u chung gnyis ni lcags kyur bcing/ /mdzub mo gnyis ni sdigS mdzub bsgred/ /khams gsum rnam par rgyal zhes bya'o/ zhes bya ba 'di ni rdo rje khu tshur las byung ba yin te/ rdo rje hUM mdzad 'dis lan glon pa thams cad
 ston pa yin na/ /dang po'i rdo rje'i phyag rgya bcings la nam mkha' la rdo rje sems pa la sogs pa byang chub sems dpa' chen po bskyed pa'i tshul du bya ba ni rdzu 'phrul thams cad bstan pa'o/ /ting 'dzin gyi mchog ni bcom ldan 'das 'od dpag tu med pa'i ting nge 'dzin
 gyi phyag rgya ste/ des cho 'phrul thams cad bstan par bya'o/ /rdzu 'phrul dang tshe 'phrul dag gi khyad par ni nam mkha' la 'gro ba ni rdzu 'phrul lo/ /'od zer rab tu 'khyed pa la sogs pa ni cho 'phrul yin no/ /rdo rje khu tshur gnyis glog gyu ba 'degs pa'i tshul du nam mkha' la bskor
 bar bya ba 'di ni rdo rje'i rdzu 'phrul rnam par 'phrul ba'o/ /rdo rje khu tshur gyi mdzub mo gnyis lcags kyur byas la gcig la gcig ma 'dud pa byas la gcu zhing gcu bar bya ba 'di ni lha thams cad dbab par byed pa'i rdo rje bskor bar? byed pa'i phyag rgya'o/ /klu'i gzugs
 brnyan byas la glu yod pa'i mchor zhugs te/ klu de nyid g.yon brkyang pas mnan la bzlas brjod byas na/ rjes su 'brang bar 'gyur ro/ /rdo rje bka' bsgo ba ni rdo rje khu tshur gnyis kyi lung bsgo bar byed pa'o/ /lha chen po g.yon brkyang ba'i gnas
 pas mnan la khros pas bzlas brjod byas na 'byung po thams cad gdul ba yin no/ /dang po'i rdo rje'i phyag rgya bcings la/ /mdzub mo bsgred bas bzlog pa ni rdo rje srid srung gi phyag rgya ste/ ser ba thams cad zlog par byed pa'o/ /rdo rje thal mo las mdzub mo gnyis
 gshibs la dpral bar bzhag nas/ sor mo lhag ma rnams 'od zer 'gyed pa'i tshul du byas pa 'di ni rdo rje khro gnyer can gyi phyag rgya ste glog 'bab pa thams cad zlog par byed pa'o/ /char dbab pa dang char bcad pa dang/ sprin bskyed pa ni go sla'o/ /dang po'i rdo rje
 ni phyag rgya bcings la/ rdo rje blta bas blta ba ni sprin gzhig pa ste/ /rdo rje nam mkha' i sprin na/ /dang po'i rdo rje phyag rgya bcings la the bong gnyis gdengs ka bsgyings pa'i tshul du bstan pa byas pa 'di ni rdo rje klu'i phyag rgya'o/ /zangs ma'i bum pa spos chus yongs su gang ba
 rdo rje khu tshur gyis bzung la/ ji srid chu lung par gyur pa de srid kyi bar du bzlas brjod bya ste/ 'di ni gter shes par bya ba'i phyag rgya'o/ /dang po'i rdo rje'i phyag rgya dbang bskur ba'i gnas su bzhag la gter rko ba'i tshul du bya ba ni rdo rje 'jor gyi phyag rgya'o/ /'di
 nyid nor? len pa'i tshul gyis dpral bar bzhag pa ni gter thams cad rnyad pa'o/ /mdun du rgyal srid thob pa nyid kyi tshul du dpral bar bzhag pa 'di ni rdo rje dbang bskur ba ste/ /'dis rgyal srid thams cad thob par 'gyur ro/ /mdun nyid dus rnams thob ba'i
 tshul du dpral bar bzhag pa 'di ni rdo rje dbang bskur ba ste/ 'dis sa thams cad kyi bdag nyid tu 'gyur ro/ /rdo rje 'khor lo ni 'og nas bshad pa'i rdo rje 'khor lo'i dkyil 'khor des dkyil 'khor thams cad bsgrub par bya'o/ /dang po rdo rje'i phyag rgya ni bde ba
 cheg po'i dam tshig gi phyag rgya'o/ /rab tu dga' ba'i rdo rje zhes bshad pa ni bcom ldan 'das rdo rje sems dpa' i las kyi phyag rgya'o/ /gang lag pa g.yas pa'i mdzub mo lcags kyud? bya ba ni rdo rje bsnyems pa'i lcags kyu'i phyag rgya'o/ /dang po'i rdo rje phyag rgya nyid ni rdo rje
 grub pa'i phyag rgya'o/ /bcom ldan 'das rdo rje sems dpa' phyag rgya chen por bsam la/ zla ba'i gzugs la gnas nas ni/ nam mkha' i steng du 'dug nas su/ lag tu rdo rje bsgom na ni/ /rdo rje rig pa 'dzin par 'gyur zhes bya ba 'di ni rdo rje rig pa 'dzin pa'i phyag rgya'o/ /
 rig pa thams cad kyi mchog gi phyag rgya ni dang po'i rdo rje nyid rdo rje phra mo ri sbyor ba shin tu mnyam par bzhag la bsgom par bya'o/ /byang chub sems dpa' thams cad bsgom pa la ni thugs kyi phyag rgyas so zhes bya ba ni gang thugs kyi rdo rje 'di nyid kyis byang chub sems
 dpa' thams cad bsgrub par bya'o/ /rdo rje sems dpa' i phyag rgya chen po ni go sla'o/ /byang chub mchog gi ye shes kyi phyag rgya ste des sangs rgyas nyid bsgrub par bya'o// /dpal mchog dang po'i shes rab kyi pha rol tu phyin pa'i dum bu las
 rab tu dga' ba'i rdo rje'i dkyil 'khor gyi 'grel pa mdor bshad pa rdzogs so// //rang bzhin mnyam zhing cha mnyam pa la spyod pa'i sems can rnams rjes su gzung bar bya ba'i phyir /de bzhin gshegs pa dkyil 'khor ston par mdzad par bzhed pas da
 rnams zhes bya ba la sogs par? nye bar dgod par mdzad pa yin te/ de nas zhes bya ba'i sgra ni de ma thag pa ste/ rab tu dga' ba'i dkyil 'khor kyi rjes? thogs la zhes bya ba'i don to/ /yang zhes bya ba'i sgras ni slar yang zhes bya ba'i don to/ /de bzhin gshegs
 pa thams cad kyi zhi ba'i chos nyid ni de bzhin nyid du ro gcig pa'i ye shes te/ zad pa dang mi skye bshes pa'i mtshan nyid can no/ /de nyid ni mngon par rdzogs par byang chub pa ste/ de mngon par bsgrub cing mngon sum du mdzad par shes rab kyi pha rol tu phyin pa'i
 tshul gang gis 'gyur ba 'di nyid ston par mdzad cing gsungs pa'o/ /rdo rje rnams kyi mnyam pa nyid yin pas na rdo rje mnyam pa nyid de/ gzung ba dang 'dzin pa dang bral ba nyid do/ /de bas na rdo rje'i sgras ni sems dang sems las byung ba gnyis su
 med pa nyid yin par mngon par 'dod la/ de'i mngon par rdzogs pa byang chub pa ni mngon sum du byed pa'o/ de nyid ni byang chub po/ /gtan tshigs gang gi phyir zhe na/ rdo rje sra ba nyid kyi phyir zhes bya ba gsungs te/ gang gi phyir de bzhin nyid dang stong pa nyid dang/
 'dus ma byas pa'i ngo bo nyid yin pas rdo rje de ni ro gcig pa'i ye shes te/ de thob pas srog chags dang srog chags ma yin pa rnams dang/ 'dod chags dang zhe sdang la sogs pa'i gnyis su rtog pa rnams kyi mi byed pas na/ rdo rje ltar sra ba yin te/ de
 bas na rdo rje srab nyid kyi phyir zhes bya ba gsungs pa yin no/ /don zhes bya ba'i sgras ni gzugs la sogs pa'i yul rnams la bye bar bshad la/ don rnams kyi mnyam pa nyid ni don gyi mnyam pa nyid de/ don dam par dngos po med pa'i ngo bo nyid do/ /
 yang na bdag gi rnam pa'i nyon mongs pa can gyi yid ni don yin la/ de de'i mnyam pa nyid yin pas na/ don gyi mnyam pa nyid de snga ma bzhin no/ /de mngon par rdzogs par byang chub pa yang snga ma dang 'dra'o/ /de nyid ni byang chub chen po yang yin
 no/ /de ci'i phyir zhe na/ don gcig pa nyid kyi phyir zhes bya ba ste/ don gcig pa ni de bzhin nyid yin la/ don gcig pa'i dngos por gyur pas na don gcig pa nyid ces bya ste/ de rgyur gyur pas don gyi mnyam pa nyid mngon par rdzogs par byang chub pa
 ni byang chub chen po'o/ /chos zhes bya ba ni lung gi chos te/ theg pa gsum la sogs pa bshad pa'i tshul lam yang na byang chub kyi phyogs kyi chos sum cu rtsa bdun dang/ sangs rgyas kyi chos ma 'dres pa la sogs pa ni chos so/ /de rnams kyi mnyam pa nyid
 ni snga ma bzhin du blta bar bya'o/ /'di'i mngon par rdzogs par byang chub pa yang snga ma bzhin du bshad par bya ste de nyid ni byang chub chen po'o/ /gtan tshigs gang gi phyir zhe na/ ngo bo nyid kyis rnam par dag pa'i phyir zhes bya ba gsungs te/ gzung ba dang 'dzin
 pa'i rnam par rtog pa dang bral ba nyid kyi phyir zhes bya ba'i don to/ /thams cad ni mig dang rna ba dang sna dang lce dang lus dang yid kyi tshigs rnams te/ de rnams kyi mnyam pa nyid ni thams cad kyi mnyam pa nyid de dngos po med pa'i ngo bo nyid do/ /de'i mngon par
 rdzogs par byang chub pa ni rtogs par gyur pa'o/ /de nyid ni byang chub chen po ste/ nyan thos dang rang sangs rgyas kyi byang chub las bltos na byang chub kyang yin la/ chen po yang yin pas na byang chub chen po ste/ bla na med pa yang dag par rdzogs pa'i byang
 chub bo/ /gtan tshigs gang gi phyir zhe na/ thams cad la rnam par mi rtog pa'i phyir zhes bya ba gsungs te/ mig la sogs pa'i rnam par shes pa'i rnam par rtog pa med pa nyid kyi phyir zhes bya ba'i don to/ /yang na de bzhin gshegs pa dang/
 rin po che dang/ pad+ma dang las kyis rigs rnams la rdo rje dang don dang chos dang thams cad kyi sgras bshad la/ de rnams kyis mnyam pa nyid de/ de nyid mngon par rdzogs par byang chub pa yin la/ byang chub chen po yang de nyid yin zhes snga ma bzhin
 du thams cad brjod par bya'o/ /ye shes kyi khu tshur yongs su 'dzin pa zhes bya ba ni/ byang chub mchog gi phyag rgya bcings pa zhes bya ba'i don to/ /don gyi gnas 'di nyin ces bya ba ni/ rdo rje mnyam pa nyid mngon par rdzogs par byang chub pa zhes bya ba la sogs
 pa tshig bzhi pa'i don slar yang rgya cher ston cing yang rnam grangs gzhan gyi 'chad par mdzad pa'o/ /'dzum pa zhes bya ba'i cung zad bshad pa ste/ de dang bcas pas 'di gsungs so zhes bya bar sbyar ro/ /ches thams cad ni tshig bzhir gsungs pa'o/ /de rnams
 kyi mnyam pa nyid ni chos thams cad kyi mnyam pa nyid de/ de la dmigs pa'i tshul gyi thugs ni snying ste/ de ston par byed pa'i yi ge la yang nye bar gdags pas snying po zhes bya ste/ de gsungs pa ni bka' stsal pa'o/ /bzhad pa chen pos
 bzhad cing zhes bya ba ni de bzhin gshegs pas 'dul ba'i sems can gyi khams rnams kyis de bzhin gshegs pa'i cha lugs kyi sangs rgyas kyi byang chub thob par mthong ba dang/ dga' zhing rab tu mgu ba skyes nas bzhad pa chen po gsung pa mdzad do/ /de
 bzhin gshegs pa yang yin thams cad kyang yin pas de bzhin gshegs pa thams cad de/ de nyid ni rdo rje yin la/ de rnams kyi dkyil 'khor te/ de byin gyis rlob pa ni bstan par byas pa de la dmigs pa'i sems rtse gcig pa gang gis khyad
 par du byas pa gang yin pa de la ni ming 'di nyid ces bya ste/ ting nge 'dzin de la snyoms par zhugs nas dkyil 'khor chen po 'di gsungs so zhes bya bar sbyar ro/ /ming 'di skad ces bya zhe na/ de bzhin gshegs pa thams cad kyi zhes bya ba la sogs pa
 gsungs te/ de bzhin gshegs pa thams cad kyi de kho na nyid rdo rje'i mnyam pa nyid mngon par rdzogs par byang chub pa la sogs pa mtshan nyid can no/ /de nyid ni rdo rje ste/ de ston par byed pa nyid kyis na de ming de nyid ces bya ba'i dkyil 'khor chen
 po gang yin pa 'di gsungs so zhes bya ba ni bka' stsal pa'o/ /dkyil 'khor ni sngar bshad pa nyid de thams cad du sgo ni ? rgyad char bya'o/ /'dir sgrub pa thams cad yi ge A nyid kyis ba'o/ /de bzhin gshegs pa zhes bya ba la sogs pa la de
 bzhin gshegs pa thams cad kyi rdo rje'i phyag rgya bcing pa las byung ba'i dang po'i rdo rje nyid bcings la/ badzra badzra a zhes zlos shing cho ga ji lta ba bzhin du 'jug par bya'o/ /rnam par mi rtog sbyor ba yis/ /zhes bya ba ni chos bdag med pa bsgoms
 pas so/ /slob ma rnams la sbyin zhes bya ba ni 'byor ba ci yod pas kha zas sbyin no zhes bya ba'i don to/ /mtshan ma bzhi zhes bya ba ni rdo rje dang rin po che dang/ pad+ma dang/ sna tshogs rdo rje skal ba ji lta ba bzhin du me tog gang la babs pa de la mtshan ma
 de sbyin par bya'o/ /dkyil 'khor du zhugs pa tsam nyid kyis las rnams 'grub par 'gyur zhes bya ba 'di ni ye shes babs par gyur pa rnams kyi yin par thams cad du blta bar bya'o/ /de bzhin gshegs pa thams cad kyi bde ba ni rdo rje sems dpa' 
 la sogs pa bskoms pa'i bde ba ste/ nges de bzhin gshegs pa thams cad tshim par bya ba'i phyir/ rdo rje sems dpa' la sogs pa babs pas so/ /bdag phul? ba ni phyag bzhi'i sbyor bas?/ /me tog la sogs pa l bzlas pa ni rdo rje sbrang rtsi dang/
 rdo rje sprin dang/ rdo rje ston dang/ rdo rje dgun rnams kyi sngags brjod pa ste/ des sangs rgyas chos dang dge 'dun ni/ dam tshig chen po gsum 'di yin/ zhes 'og nas bshad de/ de lta bus dkon mchog gsum la mchod par bya'o/ /thams cad la byams
 pa khyab par spro ste bzlas pa ni byams pa'i bzlas pa'o/ /sa gnon gyi phyag rgya bcings la/ stong pa nyid kyi ting nge 'dzin lhag par mos par byas pa'i bzlas pa ni brtan zhing nges pa'i bzlas pa'o/ /nam mkha' i snying po'i ting nge 'dzin la gnas te/ rdo rje rin chen
 gyi ting nge 'dzin gyi phyag rgya bcings la/ rgyan thams cad kyi de bzhin gshegs pa rnams yang dag par mchod la/ bdag nyid kyis rang nyid kyis rang nyid la rnam pa thams cad bcing bar bya'o/ /lag pa g.yon pas pad+ma gzung la rang la rang gi snying gar
 bzhag ste/ lag pa g.yas pas dbye bar bya ba 'di ni rdo rje pad+ma la lta ba'o/ /'phags pa rdo rje nyid ni rdo rje las kyi mchog go/ ye shes kyi khu tshur ni byang chub kyi mchog go/ de bzhin g+gshegs pa'i dkyil 'khor gyi 'grel pa'o/ /nga ni khro bas khro ba spang
 bar bya ba'i phyir/ rdo rje hUM mdzad kyi dkyil 'khor ston par bzhed bas/ de nas zhes bya ba la sogs pa gsungs te/ de nas zhes bya ba'i sgra ni snga ma bzhin no/ /ma rungs pa yang yin la thams cad kyang yin pas ma rungs pa thaMs cad
 de/ lha chen po la sogs pa'o/ /ma rungs pa thams cad 'dul bar mdzad pas na/ ma rungs pa thams cad 'dul ba ste 'dul bar mdzad cing/ des khro ba spong bar mdzad pas 'dul ba'o/ /de ni rdo rje hUM mdzad gzugs can gyi de bzhin gshegs pa
 shAkya thub pa'o/ /yang zhes bya ba ni slar yang zhes bya ba'i don to/ /chos kyang yin la thams cad yin pas chos thams cad de/ 'dod chags la sogs pa'o/ /de rnams kyi mnyam pa nyid ni de bzhin nyid do/ /des rnam par rgyal ba ni mnyam pa
 nyid bsgoms pas/ zhe sdang la sogs pa nges par bstsal ba zhes bya ba'i don to/ /rnam par rgyal ba de'i bsdu ba shes rab kyi pha rol tu phyin pa sgrub pa gang gis mngon sum du byed par 'gyur pa gang yin pa de la ming 'di nyid ces bya ste/ shes rab
 kyi pha rol tu phyin pa bsgrub pa de gsungs pa'o/ /'dod chags kyi zhes bya ba la sogs pa la/ de la 'dod chags ni kun tu zhen pa'i mtshan nyid can no/ /de'i spros pa ni kha dog dang dbyibs dang reg pa dang nye bar spyod pa'i mtshan nyid can no/ /
 spros pa yod pa ma yin pas na spros pa med pa ste/ 'dod chags kyi spros pa rnams mnyam pa nyid du bsgoms pas 'dod chags nye bar mi dmigs so zhes bya ba'i don to/ /'dod chags kyi sgros? pa med pa'i ngo bo nyid ni 'dod chags kyi spros pa
 med pa nyid do/ /des zhe sdang spros pa med pa nyid do/ /de yang zhe sdang ni sems can la gnod par bya bar 'dod pa ste/ de'i spros pa ni mnar sems ring po dgu dang/ bcu po gnas ma yin pa la khro ba'o//
 sgros pa yod pa ma yin pas na sgros pa med pa ste/ mnar sems can gyi dngos po dmigs su med pa'o/ /'di skad ston par 'gyur te/ gang la rjes su chags pa de la khong khro bar 'gyur te/ rjes su chags pa'i dngos po dmigs su med pas khong khro ba'i dngos po
 yang nye bar dmigs par mi 'gyur ro/ /de bas na 'dod chags kyi spros pa med pa nyid kyis zhe sdang gi spros pa med pa nyid du 'gyur ro/ zhe sdang gi dngos po nye bar mi dmigs pas gti mug gi dngos po dmigs par mi 'gyur te/ de bas na gti mug gi spros pa med pa
 nyid du 'gyur ro/ /de yang gti mug ni ma rig pa ste de'i spros pa ni dbang phyug rgyur 'dod pa la sogs par yongs su btags pa'o/ /gti mug gi dngos po dmigs su med pas kyang chos thams cad dmigs su med pa yin te/ /de bas na gti mug gi spros pa med pa nyid
 gyis chos thams cad spros pa med do zhes gsungs te/ chos thams cad ni khams gsum na spyod pa'i sems sam sems las byung ba rnams sam/ byang chub kyi phyogs kyis chos rnams dang/ sangs rgyas kyi chos ma 'dres pa bco brgyad la sogs pa'o/ /de rnams
 kyi sgros pa ni dbye bar yongs su btags pa'o/ /'dod pa'i khams na spyod pa la sogs pa'i tshul gyis chos thams cad la ma spros pas na spros pa med pa ste/ snga ma bzhin no/ /chos thams cad dmigs su med pas kyang shes rab kyi pha rol tu phyin pa sdos? pa med pa
 nyid du rig par bya'o zhes bya ste/ gang chos thams cad dmigs su med pa de nyid ni shes rab kyi pha rol tu phyin pa yin no zhes bya ba'i don to/ /de nyid chis? na 'di ? thams cad kyi mnyam pa nyid kyis rnam par rgyal ba bsdu ba zhes bya ba shes rab kyi ?
 pa bsgrub par 'gyur ro/ /'jig rten gsum las rnam par rgyal ba'i rdo rje'i phyag rgya ni rdo rje hUM mdzad kyi phyag rgya'o/ /pad+ma'i gdol khro gnyer dang bcas pa la sogs pas snying po'i yan lag 'di gsung so zhes par sbyar ro/ /khro bar ston par byed pa'i ? ba'i ?
 ma ni khro gnyer gyi sgrar bshad do/ /khro gnyer dang bcas shing smin ma bteg dang ldan pas khro gnyer dang bcas shing smin ma bteg pa'o/ /bar du myur bar g.yo ba'i mig/ mig gi rdzi ma 'dren pa ni/ 'bar ba'i lta ba yin par bshad/ /ces
 bya ba ni 'bar bar lta ba ste/ des na khro gnyer dang bcas shing smin ma bteg pa dang/ 'bar bar lta ba dang pad+ma'i gdong khro zhing rgod de mche ba cung zad gtsigs nas zhal stong pa gang yin pa de la de skad ces bya'o/ /de nas rdo rje khro bo ste khro bo chen po rdo rje hUM mdzad
 byung nas bzhugs so bya bar sbyar ro/ /bdag nyid dngos po ci lta bu zhe na phyag na rdo rje dang 'dra ba'i dngos po'i bdag nyid can no zhes bya ba'o/ /kha dog la sogs pa ci lta bu zhe na/ kha dog sna tshogs pa la sogs pa ste/ kha dog sna tshogs pa ni sngon po dang
 ser po la sogs pa'o/ /rgyan ni gdu bu dang rna cha dang dpung rgyan dang cod pan la sogs mtshon cha ni rdo rje la sogs pa'o/ /de ltar na kha dog dang rgyan dang mtshon cha rnam pa sna tshogs pa 'chang bar mdzad pas na kha dog dang rgyan dang mtshon ma rnam pa
 sna tshogs bsnams pa'o/ /rdo rje mche ba gtsigs pa ni rdo rje mche ba lhag ger byung ba'o/ /mche ba rnam par gtsigs pa nyid kyi tshems kyi sgros ta ma mchu gnod pa gang yin pa de la de skad ces bya'o/ /de lta bu'i tshems kyis sgros rnon po mi zad
 pa dang gro gnyer bsnyed ba dang/ smin ma 'bar ba dang/ dbu skra dang/ ag tsom rnams 'bar zhing 'jigs su rung ba'i zhal gang la mnga' ba de la ni rnam par 'gyur ba'i mche ba gtsigs pa tshems kyi sgros non pa smin ma mi zad cing khro gnyer
 bsnyed ba spyan dang dbu skra dang ag tsom 'bar ba zhal 'jigs pa zhes bya'o/ /thugs rje chen po'i thabs des bskyed pa'i khro gnyer yin pas na thugs rje chen po'i thabs kyi khro ste/ de nyid ni rdo rje yin la de la dmigs pa'i ting nge 'dzin ni rdo rje hUM mdzad
 la sems rtse gcig pa'o/ /phyogs bcu'i 'dod pa gzugs dang gzugs med pa'i khams rnams la khams gsum zhes bya ba'i sgrar bshad de/ der gnas pa'i lha chen po la sogs pa gdul bar mdzad pas na khams gsum po mdza' dag las rnam par rgyal ba
 ste/ rnam par rgyal ba de dkyil 'khor gang du mdzad pa de ni dkyil 'khor chen po'o/ /yang na khams gsum po mdza' dag las rnam par rgyal ba zhes bya ba la khams gsum rnam par rgyal ba'i/ rdo rje hUM mdzad ste/ des byin gyis brlabs pa'i gzhal yas khang
 la ming de nyid ces bya ste/ dkyil 'khor ming de skad ces bya bar gsungs so/ /rdo rje ni bcom ldan 'das hUM mdzad nyid de'i dkyil 'khor ro/ /'dul ba chen po'i 'dul byed pa zhes bya ba la/ chen po ni dbang phyug chen po la sogs pa ste/ de rnams 'dul
 bas 'dul bar mdzad pa 'am de rnams kyis 'dul ba'i khro bo 'di nyid kyis 'dul bas na 'dul ba ste/ khro ba spangs par mdzad ces bya ba'i don to/ /de ltar na bcom ldan 'das rdo rje hUM mdzad ni 'dul ba chen po yin la de nyid dkyil 'khor gang du
 'dul ba por? gyur pa de ni 'dul ba chen po 'dul byed pa'o/ /dkyil 'khor dang po ni rdo rje sems dpa' i phyi'i dkyil 'khor te/ brgyad cha ba'i sgo dang ldan par bris la nang du de'i phyed kyi tshad kyis rdo rje'i phreng ba zlum po dang ldan pa'i 'khor lo rdo rje ka ba
 brgyad dang ldan par bri bar bya'o/ lha thams cad kyi gnas su ni sna tshogs pad+ma'i gdan byas la dbus su bcom ldan 'das rdo rje hUM mdzad rdo rje dang dril bu bsnams pa rdo rje hUM mdzad kyi phyag rgyas bzhugs pa ji skad du bshad pa'i gzugs dang ldan par bri bar
 bya'o/ /de bzhin du gzhan dag kyang sngar bshad pa nyid yin te/ 'dir yi ge hUM nyid kyis dkyil 'khor bri ba la sogs pa bya'o/ /rdo rje bsnams pa nang du bcings la sor mo rnams 'bar ba nang du bsnol la/ mthe bo'i rdo rje bsgreng ba 'di ni rdo rje dam
 tshig gi phyag rgya ste 'dis badzra badzra hUM zhes zlos shing dkyil 'khor du 'jug par bya'o/ /lag pa gnyis kyis phyag rgya bcings te zhes bya ba ni lag pa gnyis rdo rje hUM mdzad kyi phyag rgya bcings la zhes bya ba'i don to/ /lnga po bsdus
 pa'i phyag rgya bcings la/ bzlog ste kha'i grang? che ba bstan pa 'di ni rdo rje khro bor thar byed do/ /zhes bya ba ni khro bo'i lta ba ste/ rdo rje hUM mdzad kyi phyag rgya bcas pas thams cad rgyas gdab par bya'o/ /rdo rje phra mo'i rtse mo lnga pa rdo rje khu tshur gyis khros
 par gyur pas/ bsgrub par bya ba gzhig pa'i bsam pas bya ste/ 'dis ni thams cad gzhig par 'gyur ro/ /nges par gnon pa ni lhung bar bya ba ste/ yungs kar la sogs pa'i yi ge hUM las rdo rje rtse lnga pa bsam la de dang khros par gyur pas
 bsgrub par bya ba ltung bar bya ba'i bsam pas phyogs der brdeg par bya'o/ /rdo rje hUM mdzad kyi phyag rgya'i g.yas pa'i mdzub mo'i lcags kyus g.yon logs nas g.yon pa'i mdzub mo drang par byas te/ 'di ni rdo rje klu'i khro bo'i phyag rgya phra mo
 'phags par byed pa'o/ /'dis ni gdan thams cad dgug par bya'o/ /snying 'byin pa dang gdug pa thams cad tshang bcad pa ni go bar? zad do/ /ral gri la sogs pa'i phye ma'i sbyin sreg ni lcags phye'i sbyin sreg go/ rang gi sa bon ni sgra ji bzhin
 par yang 'dod mod kyi/ gzhan dag ni rdo rje can bgyi'o/ /ma yin par 'chad do/ /rdo rje hUM mdzad kyis rgod pa'i tshul du byed pa ste/ ha ha ha ha zhes bzlas pas gnod sbyin thams cad skrod par 'gyur ro/ /rdo rjes la brdebs shing bzlas pas
 so zhes bya ba ni go sla'o/ /rdo rje hUM mdzad kyi mdzub mo lcags sgrog tu bcings la spyi bor btegs nas ltung bar bya ba 'dis lha thams cad bsdu bar bya'o/ /srid pa gsum po 'dul bar byed pa ni rdo rje hUM mdzad de/ h+ri zhes bya bas g.yon brkyang
 pa'i gnas pas gnas la rkang pa g.yon pas rnam thos sras kyis gzugs brnyan mnan la/ rdo rje hUM mdzad kyi phyag rgya bcings te khros pas bzlas na rjes su 'brang bar 'gyur ro/ /rdo rje hUM mdzad kyi phyag rgya las g.yas dang g.yon gyi khu tshur gnyis mnan la/ g.yon
 pa'i mdzub mo'i phra skam gyis gzung la drang bar bya ba ni rdo rje skyes bu ste/ 'dis lus ngan po mnan dpal dbrog par bya'o/ /rdo rje hUM mdzad kyi phyag rgya bcings la /'dod pa'i lha'i mdun du bzlas brjod bya'o/ /lnga pa bsdus pa ni/ rdo rje rab tu dga' pa'i phyag
 rgya ste/ des tshangs pa ltung bar bya'o/ /rdo rje hUM mdzad kyi phyag rgyas g.yon pa'i khro bo'i lte ba dang/ 'khor lo'i tshul du brkyang la g.yas pa'i khro bo'i mdzub mo yang dang yang du brdab pa 'di ni rdo rje 'khor lo dral ba'o/ /rdo rje hUM mdzad kyi phyag rgyas lag pa g.yon
 pa'i mdud rtse gsum pa lag pa g.yas pa'i mdzub mos brdab? pa 'di ni dbang phyug chen po 'dul ba'o/ /rdo rje hUM mdzad kyi mdzub mo gnyis kyi lcags kyu ni rdo rje khro bo'i tshogs kyi srin mo'o/ /rdo rje hUM mdzad ni rdo rje khro bo gdug pa'i dam tshig 'jig par byed
 pa'o/ /rdo rje khro bo'i khu tshur gnyis dang mig bsgul? bas de'i bsam pas rdo rje ltung bar bya ba ni/ thams cad ltung ba'o/ /rdo rje hUM mdzad dang bslad ba'i tshul du bya ba ni rdo rje khro bo bslang ba'o/ /gang las byung ba'i rdo rje'i khro bo'i khu tshur gnyis kyis bzung
 nas spangs la gzhan du bzhag pa ni rdo rje khros pa'i rnal 'byor ma'i phyag rgya'o/ /khro bo'i khu tshur gnyis kyis blangs nas phrogs pa ni thams cad 'phrog pa'o/ /khro bo'i lha bas lta ba ni go bar zad do/ /rdo rje khu tshung gnyis bcings la kha phye ste gdad
 'jigs su rung zhing skra gyen du brjes pa mgo bo gnas bstod de bteg cing b+hyo zhes bya ba ni smra ba 'di ni rdo rje khro bo'i gnod sbyin ma ste 'dis bdud kyi dpung thams cad gsod par byed do/ /rdo rje khu tshur gnyis bcings la mthe'u chung gnyis kha'i grwa gnyis su bzhag ste/
 mdzub mo gnyis kyi lcags kyu mche ba ltar bya ba 'di ni rdo rje khro bo ma rungs pa'i srin mo'i phyag rgya'o/ /sbyin sreg ni go sla'o/ gzhig pa dang bsreg pa'ang go sla ba yin no/ /rdo rje hUM mdzad bzlos shing nub pa'i chul gyis sa thams cad nub
 bar bya'o/ /rdo rje me ltar rab tu 'bar ba'i phyag rgya chen po dang/ rdo rje gsor ba'i mtshan nyid can ni rdo rje 'jig pa'i phyag rgya'o/ /'di nyid dang hi zhes bya bas 'jig rten gsum po thams cad las rnam par rgyal bar bya ste/ hUM hi zhes bya ba'o/ /rdo rje hUM mdzad
 kyi mdzub mo gnyis kyi mor sbyor ba ni rdo rje sems dpa' i khro bo'i phyag rgya'o/ /rdo rje bsnams pa nang du bcings la sor mo thams cad 'bar ba'i dbus su mthe bong bzhag pa'i rdo rje 'di ni bde ba chen po'i rdo rje'i dam tshig gi khro bo po/ /khams gsum
 rnam par rgyal ba'i dkyil 'khor gyi 'grel ba'o// //nga ni gti mug gi gnyen por gyud pa pad+ma'i rigs ston par bzhed pas/ de nas shes bya ba la sogs pa gsungs te/ de nas shes bya ba'i sgra ni snga ma bzhin no/ /ngo bo nyid kyis dag
 pa yin kha chos nyid kyang yin pas na ngo bo nyid dag pa'i chos nyid de de bzhin nyid do/ /de thob pa ni de bzhin nyid du ro gcig pa'i ye shes thob par gyur te/ /yang zhes bya ba'i sgra ni snga ma las ltos pa yin te/ shes rab kyi pha rol tu phyin pa'i tshul 'di
 gsungs te zhes bya bar sgyur ro/ /de la chos thams cad ni byang chub kyi phyogs kyi chos sum cu rtsa bdun dang sangs rgyas kyi chos ma 'dres pa bco brgyad la sogs pa'o /de rnams kyi nyam pa nyid ni gzung ba dang 'dzin pa dang bral ba nyid de/ chos thams
 cad mnyam pa nyid la spyan ras gzigs pa ni mngon sum du mdzad pa ste/ de la dbang phyug tu gyur pas na chos thams cad kyi mnyam pa nyid spyan ras gzigs dbang phyug go/ de'i ye shes ni dkyil 'khor la sogs pa'i des pa'o/ /de nyid ni phyag
 rgya ste/ ming de nyid ces bya ba'i shes rab kyi pha rol tu phyin pa'i tshul gang yin pa de gsungs pa'o/ /'dod chags kyang yin la thams cad kyang yin bas 'dod chags thams cad de/ sngar bshad pa'i sems can smin pa dang grol ba dang kun tu zhen pa
 'am sems can la dmigs pa dang chos la dmigs pa'i thugs rje chen po ni 'dod chags so/ /de'i rnam par dag pa ni dge ba bcu'i khas kyi lam ma 'dres pa dang/ don dam par dngos po med pa'i ngo bo nyid do/ /'dod chags thams cad rnam par dag
 bar gyur pa'i ngo bo nyid yin pas na 'dod chags thams cad rnam par dag pa nyid de/ de ni zhe sdang rnam par dag pa'i phyir 'byung bar 'gyur te/ rgyu'i ngo bo nyid du gnas par 'gyur ro/ /gang dag gnas par 'gyur zhe na/ 'jig rten na zhes bya ba ste 'jig pas
 na 'jig rten te/ sems can gyi khams nyid do/ /'di dag kyang snga ma kho na bzhin du blta bar bya'o/ /ma rig pa'i rnam pa thams cad ni dri ma ste/ de'i rnam par dag pa ni don dam par bdag la sogs pa dmigs su med pa'o/ /bdag mi dmigs pa
 de las ni sdig pa'i sems 'byung mi srid pas de'i phyir sdig pa thams cad rnam par dag par 'gyur ro/ /chos thams cad ni sems dang sems las byung ba ste/ de rnams kyi rnam par dag pa ni gzung ba dang 'dzin pa rnam par dag pas rnam par rtog
 pa med ?/ de bas na de'i sems can thams cad rnam par dag pa'i rgyud 'gyur ro/ /yang na byang chub kyi chos sum cu rtsa bdun ni/ chos thams cad 'o/ /shes pa thams cad ni shes pa bcu ste/ sdug bsngal shes pa dang/ kun 'byung dang 'gog pa
 dang lam dang/ kun rdzob dang gzhan gyi sems dang chos dang ? pa dang mi skye bshes pa rnams sam/ yang na mig gi rnam par shes pi la sogs pa 'am/ me long lta bu dang/ mnyam pa nyid dang so sor rtog pa dang/ bya ba grub pa'i ye shes rnams so//
 yang bya ba grub pa'i ye shes ni dge ba'i rtsa ba thams cad sprul pa'i rgyur gyur pa yin pas na shes pa thams cad de/ de'i rnam par dag pa ni de bzhin nyid de/ dge ba bcu kun slong ba dang/ don dam par gnyis su med pa'o/ /de rnam
 par dag pas shes rab kyi pha rol tu phyin pa rnam par dag par 'gyur te/ gang de rnams kyi rnam par dag pa de nyid ni shes rab kyi pha rol tu phyin pa ni yin no zhes bya ba'i don no/ /spyan ras gzigs pa ni lta ba ste sems can yongs su bskyabs pa la gzigs
 pa dang /ngo bo nyid kyis rnam par dag pa'i chos nyid la gzigs pa ste/ de la dbang phyug tu gyur pa'o/ /de nyid byang chub sems dpa' chen po ste/ byang chub chen po'i ngo bo nyid kyi sems dpa' yin pas na byang chub sems chen po'o/ /'dod chags la
 sogs pa'i drims mi gos pa ni ji skad du bshad pa'i rnam pa bzhi pa'o/ /'gro ba thams cad ni khams gsum pa thams cad do/ /der sna tshogs pa ste/ tha dad pa'i gzugs thams cad ston pa'o/ /'gro ba thams cad kyi gzugs sna
 tshogs pa de nyid ni 'khor pa'i nyes pa rnams kyis mi gos pas pad+ma ste/ de skad ces bya ba'i snying po gsungs so zhes pa'o/ /de yang snying po ni gzugs thams cad ston pa'i nges pa'i ye shes yin la de ston par byed pa'i sgra la yang nye bar
 gdags pas snying po zhes bya'o/ /chos thams cad ni 'gro ba 'dul ba'i dkyil 'khor la sogs pa'i ngo bo nyid do/ /de rnams la gzigs pa ni dkyil 'khor gyi de kho na nyid la sogs pa yongs su shes pa'o/ /de nyid ni ye shes te de'i dbang phyug
 yin la de'i phyag rgyan dkyil 'khor la sogs pa ste/ ming de nyid ces bya ba'i ting nge 'dzin gang yin pa de la snyoms par zhugs pa ste/ dkyil 'khor gyi bya pa'i rnam par thugs rtse gcig tu mdzad pa la mngon du phyogs par mdzad ces bya ba'i
 don to/ /dkyil 'khor ni lha rnams kyis gnas te sngar bshad pa'i yi ge h+ri nyid kyis 'dir bya ba thams cad bya'o/ /dkyil 'khor du 'jug pa na yang pad+ma chen po snying gar bcings te badzra badzra h+ri zhes zlos shing 'jug par bya'o/ /'di yang rdo rje thal mo
 khong lhod dang bcas pa las gung mo dang mthe bong kha phye la 'dab ma bzhi pa bya'o/ /rdo rje bsdams pa bcings la mdzub mo gnyis brkyang nas bsnyams te bkug nas smig rgyu lta bur byas nas khro gnyer du bzhag la 'dis thams cad bsad par bya'o/ gdon
 pa'i tshul gyis lag pa g.yon pa bskums la lag pa g.yas pa rang gi mgo po'i steng du bzhag pa ni pad+ma chen po'i phyag gi'o/ /g.yon pa dkur bstan pas pad+ma gzung la/ lag pa g.yas pas snying ga'i phyogs su kha ba byed cing rnam par blta la
 rdo rje lta bas lta bar byed pa 'di ni pad+ma chen po rnam par gzigs pa'i phyag rgya'o/ /rdo rje sems dpa' bstan byas la/ /snying gar rab tu brkyang ba yi/ /sor mo thams cad rab zlum pa'i/ /pad+ma'i nyi ma zhes byang bshad/ /rdo rje khu tshur gnyis kyis
 ba ngan gyi tshul du bya ba ni/ pad+ma chen po rlung gi phyag rgya'o/ /pad+ma'i rigs kyi 'grel pa'o// //da ni sor sna'i gnyen por gyur pa rin po che li? rigs ston par bzhed pas de nas zhes bya ba la sogs pa gsungs te/ nyon mongs pa can
 dang nyon mongs pa can ma yin pa'i kun tu rmongs pa dang bral pas khams gsum gyi bdag por gyur pa ni/ de bzhin gshegs pa thams cad kyi dbang bskur ba zhes bya bas na de bzhin gshegs pa thams cad kyi dbang bskur ba ste/ chos kyi cod
 pan gyis khams gsum gyi chos kyi rgyal sring thob pa'i phyir/ ye shes gang gis mnyam par gyur pa de ni dbang bskur ba las byung ba'i ye shes so/ /de nyid na snying po ste/ bskyed pa'i gnas su gyur pa gang yin pa'i shes rab kyi pha rol tu phyin pa'i
 tshul de ni dbang bskur ba las byung ba ye shes kyi snying po zhes bya ba'i shes rab tu phyin pa'i tshul te/ de bshad pa'o/ /dbang bskur ba sbyin pa zhes bya ba ni dkyil 'khor du spyan drangs par gyur pa'i sangs rgyas dang byang chub
 sems dpa' thams cad la dbang ba'i phyag rgya rnams gyis? dbang bskur ba btab pa dang/ slob ma rnams la dkyil 'khor du gang sbyin par gyur pa'o/ /nor ni dbyig dang gser la sogs pa'o/ /chos sbyin pa ni mdo sde la sogs pa rnams zang zing med pa'i
 sems kyis ji lta ba bzhin du ston pa'o/ /zang zing gi sbyin pa ni zas dang skom dang mal cha dang stan la sogs pa'i rnam pa'o/ /dbang bskur ba thaMs cad kyi rin po che ni rin po che'i rigs kyi ngo bo nyid de 'bras bu'o/ /de rnams kyi dam tshig ni rgyu ste/ snying po gang nges par gyur pas
 rin po che'i rigs bskyed pa de ni snying po yin la/ de ston par byed pa'i skra'i snying po ste/ de ston par byed pa'i sgra'i tshogs la yang snying po zhes bya'o/ /dkyil 'khor ni sngar bstan pa nyid dang 'dra'o/ /'dir bya ba thams cad la yi ge traM zhes ba ba zlas par
 bya'o/ /badzra badzra traM zhes zlos shing dam tshig gi phyag rgya snying gar bcings la 'jug par bya'o/ /de la phyag rgya ni 'di yin te rdo rje thal mo las mthe po dang mdzub mo'i sor mo bzhi kha thur du brkyang la/ de dbus su dbang bskur ba'i gnas su bzhag pa ni rdo rje rin
 chen gyi dbang bskur ba'o/ /phreng ba dang rin po che'i khu tshur gnyis kyis phreng ba bcings pa'i tshul lo/ /rdo rje rin chen gyi dam tshig phyag rgya nyid las gung mo dang srin lag dang mthe'u chung gi sor mo brkyang la srin lag dang mthe'u chung gi sor mo brkyang pa srin
 la ?/ mthe'u chung phan tshun sbyar ba ni rin po che'i rgyal mtshan mchog gi'o/ /rin po che'i khu tshur gnyis rin po che'i srog shing 'dzin pa'i tshul du bya ba ni rin po che'i srog shing gi phyag rgya'o/ /rin po che'i rigs kyi 'grel pa'o// //sku dang gsung dang
 thugs gcig tu byas pa ni mtshan nyid kyi de bzhin nyid du ro gcig pa yin la/ de dran pas phyag rgya 'grub par 'gyur ro/ /zhes bstan par bya ba'i phyir/ de nas zhes bya ba la sogs pa gsungs te/ de bzhin gshegs pa thams cad kyi ye shes kyi phyag rgya yin pas
 na de bzhin gshegs pa thams cad kyi ye shes kyi phyag rgya ste/ bden ? de nyid mi bslu gang/ /de ni rdo rje khu tshur ces/ /ye shes phyag rgya ldan sbyor nyid/ /thob pa don gsum yin par bshad ces gsungs pa 'di ni de bzhin gshegs pa thams cad kyi bsdus
 pa'i ye shes kyi phyag rgya ste/ de thob pa ni mngon sum du mdzad ces bya ba'i don to/ /de thob par ston par byed pa'i dam tshig gi khu tshur de 'dzin par mdzad pas na de bzhin gshegs pa thams cad kyi khu tshur 'dzin pa'o/ /de su zhig yin zhe na/ de bzhin
 gshegs pa zhes bya ba ste/ dngos po'i don ji ltar gnas pa de bzhin du thugs su chud pas na de bzhin gshegs pa zhes bya'o/ /de bzhin gshegs pa thams cad kyi ye shes kyi phyag rgya ni sngar bshad pa yin no/ /de'i byin gyis brlabs pa ni 'khor ba'i?
 srid pa'i bar du bstan par mdzad pa'o/ /de nyid ni rdo rje ste /ming de skad ces bya ba'i shes rab kyi pha rol tu phyin pa'i tshul ? bshad pa'o/ /de bzhin gshegs pa thams cad kyi sku'o phyag rgya ni phyag rgya chen po'o/ /de yongs su 'dzin pa ni ? dang ?
 'dres pas kun nas de rjes su dran pa'o/ /gnas skabs de nyid du gsungs kyi phyag rgya yongs su 'dzin pa ni lce la rdo rje dkar po bsam la sngags thams cad brjod pa'o/ /so so yang dag par rig pa bzhi thob pa ni chos thams cad thob pa'o/ /rang gi
 snying ga'i zla ba la rdo rje rtse lnga pa bsam pa ni thugs kyi phyag rgya yongs su 'dzin pa'o/ /rang gi snying ga'i zla ba la sna tshogs rdo rje bsamS pa las kyi phyag rgya bcings pa ni rdo rje'i phyag rgya yongs su 'dzin pa'o/ /de ltar na phyag rgya bzhi po 'di dag? gis ni ?
 grub kyi thabs bshad pa yin no/ /dam tshig chen po'i rdo rje'i phyag rgya yongs su 'dzin pa zhes bya ba ni/ dam tshig gi rdo rje'i khu tshur bcings la zhes bya ba'i don to/ /rdo rje sra ba'i phyag rgya thams cad kyi dngos grub kyi phyir te/ dam tshig ni rgyu
 yin pas rdo rje sla? ba'i phyag rgya thams cad de/ phya rgya chen po dang/ dam tshig gi phyag rgya dang/ chos kyi phyag rgya dang/ las kyi phyag rgya ste /phyag rgya 'di thams cad kyiS kun tu rgyas btab pa'o zhes bya bar sbyar ro /phyag rgya chen po dang phyag rgya thamS cad kyis rdo rje sems
 dpa' nyid du zhes bya ba rdo rje sems dpa' i ngo bo nyid d/ /rdo rje sems dpa' de'i dngos grub mchog gi rgyur rgyas btab pa'o/ /rdo rje khu tshur gyi rnam par thugs rtse gcig ba ni de bzhin gshegs pa thams cad kyi ye shes kyi phyag rgya'i rdo rje zhes bya ba'i
 ting nge 'dzin to/ /ye shes kyi phyag rgya lnga'i rdo rje'i ting nge 'dzin sum khri lnga stong ji snyed gcig bstan pa yang 'dir bsdus pa yin no/ /phyag rgya thams cad nyid ni rdo rje yin pas na phyag rgya thams cad kyi rdo rje ste/ de rnams kyi dam tshig yin pas na de
 skad ces bya ste/ ming de nyid ces bya ba'i dkyil 'khor gang yin pa de gsungs pa'o/ /dkyil 'khor ni sngar bshad pa nyid dang 'dra'o/ /bcom ldan 'das rdo rje khu tshur gyi mdun du ni rdo rje snyems ma ste /rdo rje sems dpa' gnyis pa'i gzugs can
 no/ /rdo rje lcag sgrog ni rdo rje smra ba'i gzugs can no/ /ting nge 'dzin rdo rje yang ting nge 'dzin mchog gi phyag rgya rdo rje rtse lnga pa bsnams pa'o/ /rdo rje rdo rje ni sna tshogs rdo rje bsnams pa'i rdo rje las so/ /de bzhin du lho'i mtshams te/ me la sogs pa'i mtshams
 rnams su rdo rje rin chen dang rdo rje pad+ma dang/ sna tshogs rdo rje 'dzin pa'i rdo rje'i khu tshur dang/ dam tshig gi rin po che'i khu tshur dang/ dam tshig gi pad+ma'i khu tshur dang dam tshig gi las kyi khu tshur rim pa ji lta ba bzhin du bya'o/ /dkyil 'khor gyi phyi'i
 mtshams rnams su ni sgeg mo la sogs pa'o/ /sgo rnams su ni rdo rje snyems ma la sogs pa rdo rje sems dpa' dang/ rdo rje smra ba dang/ rdo rje ting nge 'dzin dang/ rdo rje las kyi mtshan ma 'dzin pa'i lha mo de'i dbyibs dang mthun pa nyid du bri bar bya'o/ /'dir bya ba thams cad
 ni yi ge a zhes bya ba brjod cing bya'o/ /de'i 'og tu spyan drang ba la sogs pa thams cad byas la dam tshig gi khu tshur bcings te/ badzra badzra a zhes bya ba brjod cing 'jug par bya'o/ /rdo rje bsdams pa bcings la rang gi srin lag dang/ mthe'u chung gi bar du mthe
 po bcus la mdzub mo bkug la bcing pa 'di ni dam tshig gi khu tshur gyi mtshan nyid rdo rje khu tshur gnyis phan tshun kha sbyor la snying gar bzhag nas btsir ba 'di ni snying pa'i rdo rje khu tshur gyi phyag rgya'o/ /rdo rje chen po'i khu tshur ni bcom ldan 'das rdo rje khu tshur gyi dam
 tshig gi phyag rgya'o/ /rdo rje hUM mdzad kyi phyag rgya las mdzub mo gnyis lcags sgrog tu bcings pa byam la/ mthe bong gnyis gshibs la snying gar bzhag pa 'di ni rdo rje 'dod pa'i khu tshur ro/ /rdo rje khu tshur gnyis bcings la/ mda''phen pa'i tshul du bya ba ni
 rdo rje chags pa'i khu tshur ro/ /rdo rje bzhad pa'i dam tshig gi phyag rgya ni rdo rje bzhad pa'i khu tshur te/ des thams cad dbang du bya'o/ /rdo rje bcing pa nyid ni rdo rje bsdams pa ste/ nges thams cad bcing bar bya'o/ /yang rnam pa gzhan gyis kyang thams cad bcing ba
 bstan pa ni/ thams cad bsdams pa la ni rdo rje lu gu rgyud kyi khu tshur gyis so zhes bya ba ste /de yang 'di yin te/ rdo rje bsdams pa nang du bcings la mdzub mo dang mthe bo lcags sgrog tu bya ba'o/ /rdo rje dgun gyi phyag rgya ni rdo rje zhal zhal gyis khu tshur te/ des
 thams cad lkugs par bya'o/ /rdo rje bsdams pa bcings la des bsgrub par bya ba gzung nas mdun du btsir ba 'di ni rdo rje bsdams pa'i khu tshur ro/ /g.yas pa'i khro bo'i khu tshur gyis rdo rje gzung la bsgrub par bya ba btsir pa'i bsam pas btsir ba 'di ni rdo rje
 nges par btsir pa'i khu tshur ro/ /rdo rje khu tshur gnyis bcings la/ dril ba 'di ni rdo rje dral ba'i khu tshur te ral gri dang ldan pas so/ /rdo rje bsdams pa nang du bcings la rang gi srin lag dang mthe'u chung gi bar du mthe po bzhag pa 'di ni
 rdo rje 'bebs pa'i khu tshur ro/ /rdo rje gar gyi phyag rgya ni rdo rje gar gyi khu tshur ro/ /rdo rje khu tshur gnyis kyis pi bang bdud pa'i tshul du byed pa ni/ rdo rje brdung ba'i khu tshur ro/ /snying ga'i zla ba la/ rdo rje rtse lnga pa 'od zer gyi phreng ba kun tu 'khrigs pa dang ldan
 pa bsam la/ rdo rje 'bar ba nges phyogs bcu'i bsgrub par bya ba thams cad rengs par bya ba 'di ni rdo rje dmigs pa'i khu tshur ngo/ /gzhan gyi dpung thams cad rmongs shing lkugs par bya ba ni gzhan gyi dbang du bya'o/ /rdo rje rnga po che'i khu tshur gyis
 zhes bya ba ni rdo rje hUM mdzad kyi phyag rgya las mdzub mo gnyis la bstan par bltas pa dang/ phyag rgya bcings pa de las rdo rje khro bo 'bar ba'i phreng ba kun tu 'khrigs pa'i 'od dang ldan pa'i gzugs can phyug la/ nges gzhan gyi dpung rmongs par bya
 zhing ba rgyal bar bya ste 'di ni rnga ba che'i khu tshur ro/ /dam tshig gi rdo rje'i khu tshur gyi lag mthil gnyis mthe bong gzung la phyag rgya thams cad dgrol bar bya ba ste/ 'di ni rdo rje thar pa'i khu tshur ro/ /rdo rje he ru ka'i khu tshur ni rdo rje hUM mdzad kyi rdo rje khu tshur te/
 des mkha' 'gro ma thams cad kyi phyag rgya gzhag par bya'o/ /rdo rje khu tshur gyi phyag rgya las de nyid mkhrig ma bsnol te brdab pa ni rdo rje hUM mdzad kyi rdo rje khu tshur ro/ /rdo rje khu tshur gnyis mdun du kha sprad pa btser ba ni rdo rje khu tshung phyi khu tshur ro//
 rdo rje khu tshur gnyis kyis yan lag dang nyid lag rnams su byug pa ni rdo rjer bya'o/ /rdo rje khu tshur gnyis khar bzhag pa 'di ni rdo rje ma mo'i khu tshur te/ 'dis thams cad rgyas btab par bya'o/ /dam tshig gi rdo rje'i khu tshur gyis bsgrub par bya ba phye mar rlag
 pa'i bsam pas sa la btsir ba ni rdo rje bzang po'i khu tshur ro/ /rdo rje khu tshur gnyis bcings la rnam par gzhig pa'i tshul du bri ba 'di ni rdo rje gdug pa'i khu tshur ro/ /rdo rje bsdams pa bcings la/ gnyis su byas nas lag pa g.yas pa bsdams la/ de
 yang gnyis byas te/ khu tshur gnyis bcings la g.yas pa'i mthe bong gi steng du g.yon pa'i khu tshur bzhag pa 'di ni dbang po'i rdo rje'i khu tshur ro/ /chu'i nang du gnas shing zhes bya ba la sogs par ji ltar 'gyur zhes na/ rdo rje gnon pa'i khu tshur gyis so//
 zhes bya ba la/ dang po'i rdo rje'i phyag rgya'i mdzub mos gung mo mnan la mthe bong dang sbyar te/ ming gi 'bras bu lta bur byas nas srin lag dang/ mthe chung mnyam por brkyang ba bcings nas/ 'gro bas chu steng du bteg te/ rang gi phyag rgya las byung ba'i
 'od zer gyi tshogs rnams kyis tshogs par byas la chu'i nang du gnas te/ 'chags par bya ste / 'di ni rdo rje gnon pa'i khu tshur ro/ /rdo rje gnyis bcings la g.yon pa'i mdzub mo dang mthe bo'i bu gar g.yas pa'i mdzub mo bcug pa 'di ni lha tshogs? rdo
 rje'i khu tshur te/ 'dis gzugs mang por bstan par bya'o/ /'di nyid mos pa'i khyad par gyis mi snang bar 'gyur te/ des na 'di ni mi snang ba'i khu tshur ro/ /'phags pa nam mkha' i snying po'i dam tshig gi phyag rgya'i rdo rje nam mkha' i khu tshur te/ des rgyu
 ba dang mi rgya ba'i dngos po rnams 'byung bar 'gyur te /de ltar mos pa snang ba yin no/ /rdo rje bsdams pa bcings pa ni rdo rje khu tshur te/ rnal 'byor pa zla ba'i dkyil 'khor la bdug nas nam mkha' la 'gro bar bsam na/ nam mkha' la 'gro bar 'gyur ro//
 rdo rje ral gri'i khu tshur ni 'phags pa 'jam dpal gyi phyag rgya chen po'o/ /rdo rje khu tshur gnyis sna tshogs rdo rje 'dzin pa ni rdo rje las kyi khu tshur ro/ /pad+ma'i dam tshig gi khu tshur gyis a!rdo rje'i pad+ma yongs su 'dzin pa ni ye shes kyi khu tshur ro/ /rin po che'i rigs kyi 
 dam tshig gis phyag rgyas rdo rje rin chen yongs su 'dzin pa ni rdo rje nor gyi khu tshur ro/ /rdo rje khu tshur gyi dam tshig gi khu tshur gyis rdo rje rtse lnga pa yongs su 'dzin pa ni rdo rje phyag rgya'i khu tshur ro/ /phyag rgya 'di rnams ni sngar bshad zin to//
 rdo rje las kyi phyag rgya chen po ni rdo rje thal mo'i khu tshur ro/ /rdo rje ting nge 'dzin gyi phyag rgya chen po ni rdo rje 'dzin pa'i khu tshur ro/ /de yang phyag rgya chen po'i ting nge 'dzin mchog gi phyag rgyas rdo rje 'dzin pas na/ de'i phyir rdo rje 'dzin pa'i khu tshur
 zhes bya'o/ /rdo rje smra ba'i phyag rgya chen po ni rdo rje ljags kyi mchog gi khu tshur ro/ /rdo rje sems dpa' i phyag rgya chen po ni rdo rje snyems pa'i khu tshur ro/ /byang chub mchog ni de bzhin gshegs pa thams cad kyi rdo rje'i khu tshur ro/ /rdo rje khu tshur
 gyi dkyil 'khor gyi 'grel pa'o// //gsang sngags ni shes rab nyid kyis 'grub par 'gyur gyi/ gzhan du ni ma yin no zhes bstan pa'i phyir ro/ /'phags pa 'jam dpal gyi dkyil 'khor ston par bzhed pas/ de nas shes khyab
 la sogs pa gsungs te/ chos thams cad ces bya ba ni gzugs la sogs pa ste/ de rnams spros pa ni sngon po la sogs par rnam par rtog pa'o/ /chos thams cad la spros pa mi mnga' ba gang yin pa de ni chos thams cad la spros pa
 med pa ste bcom ldan 'das so/ /gtan tshigs gang gi phyir zhe na/ gzugs la sogs pa'i ngo bo nyid do/ /'khor lo ltar yi ge bskor ba zhes bya ba ni/ a ra pa tsa na la sogs pa'i 'khor lo dang 'dra ba ste/ a ni 'dod pa'o zhes bya ba la
 sogs pa ston par byed pas yongs su 'khor bar 'jug cing mngon sum du gyur pa'i thos pa dang bsam pa dang bsgom pa'i rang bzhin can gyi shes rab kyi pha rol tu phyin pa'i tshul gang yin pa de ni shes rab kyi pha rol tu phyin pa'i tshul du 'khor ltar ye shes bskor ba zhes bya ba
 ste/ shes rab kyi pha rol tu phyin pa bshad pa ni gsungs pa'o/ /chos thamS cad ni me long lta bu dang/ mnyam pa nyid dang/ so sor rtog pa dang/ bya ba sgrub pa'i ye shes kyi ngo bo nyid dang/ de bzhin du phung po lnga dang/ skye mched bcu gnyis dang/ khams bco brgyad ste
 de rnams ni don dam par dngos po med pa'i ngo bo nyid yin pas stong pa'o/ /ci'i phyir de dag stong pa nyid yin zhe na/ ngo bo nyid med pa'i tshul gyis so/ /zhes bya ba gsungs te/ gang gi phyir/ de rnams la shes rab kyi stobs kyis rnam par brtags par gyur
 na/ ngo bo nyid dmigs su med do/ /de bas na de ni stong pa nyid yin no/ /mtshan ma ni rgyu ste/ bdag la sogs pa rnam par shes pa bskyed pa'i rgyu'o/ /mtshan ma med pas na mtshan ma med pa ste/ rgyu med pa'i stong pa nyid kyis na mtshan ma med pa'o/ /chos
 thams cad ni chos thams cad dmigs su med pa ste /de nyid ni mtshan ma med pa'o/ /smon pa med pa zhes bya ba la sogs pa la/ gsol ba 'debs pa med pas na smon pa'o/ /rang bzhin ni ngo bo nyid kyis skye ba med pa nyid kyis/ nyon mongs pa can dang nyon mongs
 pa can ma yin pa'i kun tu rmongs pa dang bral bas na rang bzhin gyis 'od gsal pa'o/ /de ji ltar rtog par 'gyur zhe na/ shes rab kyi pha rol tu phyin pa yongs su dag pa zhes bya ba gsungs te/ gzung pa dang 'dzin pa dmigs su med pa ni shes rab kyi pha rol tu
 phyin pa yongs su dag pa yin te/ shes rab kyi pha rol tu phyin pa yongs su dag pa'i rgyur gyur pa des rtog par 'gyur ro/ /tshig 'di dag gis ni me long lta bu dang/ mnyam pa nyid dang so sor rtog pa dang bya ba sgrub pa'i ye shes rnam par brtag pa yin par rim
 gyis ston to/ /de bzhin du stong pa nyid dang/ mtshan ma med pa dang/ smon pa med pa dang/ rang bzhin gyis 'od gsal ba'i rnam par sgo bzhi bshad pa yin no/ /ral gri des zhes bya ba ni 'og nas bshad pa'i ral gri bzhi ste/ grangs sam rigs las tshig
 gcig par byas pa yin no/ /'debs shing shes bya ba ni mi snang bar mdzad pa'o/ /de yang 'dis ni chos kyi skur yang de bzhin gshegs pa rnams rjes su ma mthong ba yin no/ /shes rab kyi pha rol tu phyin pa nyid mchog sta?/ dam par
 gyur pa yin pas na shes rab kyi pha rol tu phyin pa'i mchog go /de ston par byed pa sgra'i tshul yang des pa'i don ston pa'i phyir ro/ /snying po dang 'dra bas na snying po ste/ de gsungs pa ni bka' stsal pa'o/ /chos thams cad ngo bo nyid kyis spros pa med pa
 zhes bya ba la/ chos thams cad kyi ngo bo nyid ni sra ba la sogs pa'i tshul te/ de rnams la sra ba la sogs par rnam par rtog pa ni ltos pa'o/ /spros pa med pas na spros pa med pa ste /chos thams cad ngo bo nyid kyis rnam par rtog pa dang bral ba ste/
 don dam par chos thams cad dmigs su med pa'i phyir ro/ /chos thams cad la spros pa med pa nyid ni gzung ba dang 'dzin pa'i rnam par rtog pa gcod par byed pa'i ngo bo nyid yin pas na ral gri dang chos mthun pa'i ral gri zhes bya la/ de'i rgyu mthun
 pa las byung ba'i 'phags pa 'jam dpal gyi dkyil 'khor la yang de skad ces bya ste/ de la dmigs shing ming de skad ces bya ba'i ting nge 'dzin la snyoms par 'jug pa'o/ /'khor lo ltar yi ge bskor ba'i dam tshig ces bya ba la/ 'khor lo ltar yi ge
 bskor ba bshad zin to/ /de'i dam tshig gi gnas skabs so/ /phyi'i dkyil 'khor ji lte ba zhes bya ba ni/ sngar thams cad bshad zin pas slar ma bshad pa'o/ /'dir bya ba thams cad ni yi ge a brjod pas bya ste/ da nas ral gri dang glegs bam gyi phyag
 rgya dang/ badzra badzra a dza zhes zlos shing pad+ma'i dkyil 'khor du 'jug par bya'o/ /lag pa g.yas pa'i rdo rje khu tshur gyi mdzub mo brkyang la rtse mo cung zad bkug nas ral gri'i tshul du bzhag pa 'di ni ral gri'i phyag rgya'o/ /g.yon pa'i rdo rje khu tshur gyis snying
 gar shes rab kyi pha rol tu phyin pa'i glegs bam 'dzin pa ltar bya ba 'di ni glegs bam gyi phyag rgya'o/ /a la sogs pa'i yi ge ngo bo nyid bsgom pa ni a ra pa tsan la sogs pa'o/ /rdo rje ral gri'i phyag rgya ni/ rdo rje bsdams pa las mthe bong gnyis
 gshibs la/ mdzub mo gnyis pad+mar bya/ gung mo gnyis gshibs tshigs gsum pa bkug la ral gri lta bur bya'o/ /'phags pa 'jam dpal gyi dkyil 'khor gyi 'grel pa'o// //dkyil 'khor du 'jug pa med par ni/ dngos grub thob par
 mi 'gyur te/ de bas na dkyil 'khor du 'jug par bya'o zhes bstan par bya ba'i phyir/ de nas zhes bya ba la sogs pa gsungs pa yin te/ de bzhin gshegs pa thams cad kyi dkyil 'khor ni dkyil 'khor ro/ /de'i nang du 'dus pa ni zhugs pa ste/ de
 yang de rnams der chud cing zhugs par gyur to/ /zhes bya ba'i don to/ /de ni de bzhin gshegs pa thams cad kyi 'khor lo'i nang du 'dus pa zhes bya'o/ /'khor lo yang yin la chen po yang yin pas na 'khor lo chen po ste/ de rnams su zhugs
 pa yin pas na 'khor lo chen por 'jug pa'o/ /'jug pa de yang phyi dang gsang ba'i dbye bas rnam pa gnyis te/ phyi'i 'jug pa ni ji skad du bshad pa'i mngon par rtogs pa'i phyag rgya rnams kyis so/ /gsang ba'i 'jug pa ni der zhugs pa'i bshad par rtogs
 par gyur cig/ slob dpon las de kho na nyid bcu gnyis thos pa'o/ /'jug pa der gang gis 'gyur pa'i ming de skad ces bya ba shes rab kyi pha rol tu phyin pa'i tshul bshad pa 'di gsungs pa'o/ /rdo rje mnyam pa nyid ces bya ba la rdo rje ni mnyam/ de bzhin gshegs?
 ba dang/ de bzhin gshegs pa'i rigs rnams so/ /de rnams kyi mnyam pa nyid stong pa nyid do/ /kun rdzob kyang dbyer mi phyed pa nyid kyis rnam par bshig pa 'am /gzung ba dang 'dzin pa'i rnam par rtog pa dang bral ba'i sems dang sems las byung pa'i rdo rje yin
 la/ de'i mnyam pa nyid ni de kho na nyid de rdo rje mnyaM pa nyid nges rang gi ngo bo nyid yongs su shes pa ni 'jug pa'o/ /der ji ltar 'jug par 'gyur zhe na/ de bzhin gshegs pa thams cad kyis 'khor lo la 'jug par 'gyur ro zhes bya ba gsungs
 te/ de bzhin gshegs pa thams cad kyi dkyil 'khor du mngon sum du 'jug pa'i don du 'gyur ro zhes bya ba'i don to/ /don du gnyer ba yin pas na don te/ gzugs la sogs pa bzung bar bya ba'i ngo bor yongs su chad pa 'am/ rin po che'i rir ni don/ /de'i mnyam pa nyid
 ni de bzhin nyid do/ /chos ni stobs dang mi 'jigs pa la sogs pa dad pad+ma'i rigs la chos shes bshad de/ de'i mnyam pa nyid ni snga ma bzhin no/ /'jug pa la yang snga ma dang 'dra'o/ /thams cad ni phyag rgya bzhi dang las kyi rigs la bya bar bshad la/ de rnams la zhugs?
 pa ni sngar ji skad du bshad pa'o/ /de'i don gyi dam tshig ni rgyu ste/ ming de nyid ces bya ba gang yin pa gsungs pa'o/ /dkyil 'khor thams cad du 'jug pa'i rgyud gyur pa'i phyag rgya ni dkyil 'khor thams cad la rab tu 'jug pa'i phyag rgya ste/ rdo rje 'khor
 lo'i dkyil 'khor la dmigs pa'i ting nge 'dzin to/ /de ltar na ming de nyid ces bya ba'i ting nge 'dzin gang yin pa de la snyoms par zhugs pa'o/ /dkyil 'khor chen po yang yin la thams cad kyang yin pas dkyil 'khor chen po thams cad de/ 'jig
 rten dang 'jig rten las 'das pa'i dkyil 'khor thams cad do/ /de rnams su 'jug pa'i phyir/ dam tshig ni mi 'da' ba' i don du rnam par bzhag pa'o/ /de yang gang gi phyir/ dkyil 'khor 'dis dkyil 'khor thams cad du zhugs shing nang du chud par byed
 ba yin no zhes bya pa'i don to/ /dkyil 'khor 'dir ni dang po nyid du gsungs pa'i hUM nyid zlos shing dkyil 'khor gyi bya ba thams cad bya'o/ /de nas badzra badzra zhes zlos shing rdo rje 'khor lo'i dam tshig gi phyag rgya bcings la 'jug par bya'o/ /rdo rje khu tshur
 gnyis bcings la mdzub mo gnyis dang mthe chung gnyis rdo rjer bcings pa ni rdo rje 'khor lo'i dam tshig gi phyag rgya'o/ /dkyil 'khor bzhi thig gdabs pa'i zhes bya ba ni/ rdo rje 'khor lo'i dkyil 'khor legs par thig gdab pa'i rjes thogs nyid la/
 ? mdung gis mtshon pa dang/ ma mo dang /ming po gsum dang/ srid mo bzhi'i dkyil 'khor bzhi po thig gdab/ de'i 'og tu 'jug pa'i cho rdo rje 'khor lo'i dkyil 'khor du bzhugs la /zhi ba mdung gi dkyil 'khor la sogs par de nyid las bshad
 pa'i cho gas 'jug par bya'o/ /rdo rje 'khor lo'i phyag rgya'i dkyil 'khor du 'jug par bstan pas dkyil 'khor thams cad du 'jug par 'gyur ro/ /rdo rje khu tshur gnyis bcings la /mgal me ltar bskor ba ni rdo rje 'khor lo chen po ste/ 'dis
 dkyil 'khor chen por 'jug par 'gyur ro/ /de bzhin gshegs pa thams cad kyi rdo rje'i phyag rgya ni dang po'i rdo rje'o/ /dam tshig chen po'i 'khor lo ni rdo rje bsdams pa bcings la /gung mo gnyis brkyang nas mdzub mo gnyis brkyang la gung mo'i rdo rje de nyid
 kyis rgyab tu bzhag pa 'di ci dam tshig chen po'i 'khor lo ste/ 'dis dam tshig gi dkyil 'khor du 'jug go/ thams cad kyi 'khor lo ni nam mkha' mdzod kyi dam tshig gi phyag rgya yin no/ /gzhan dag ni rdo rje 'dzin ma thams cad kyi 'khor lo yin par bcad
 do/ /rdo rje sems dpa' dang/ 'jam dpal gzhon nu dang /nam mkha' i snying po dang/ nam mkha' i mdzod dang/ 'phags pa spyan ras gzigs dbang phyug dang/ sems bskyed ma thag tu chos kyi 'khor lo bskor ba dang/ rdo rje khu tshur dang/ rdo rje gnod sbyin gyi phyag
 rgya rnams ni g.yon na 'khor lo dang bcas pa ste/ dbang du bya ba la sogs pa dngos grub byed do/ /de la rdo rje sems dpa' i dam tshig gi phyag rgyas ni dbang du bya'o/ /'phags pa spyan ras gzigs dbang gi dam tshig gi phyag rgyas ni dbang du bya'o/ /'phags
 pa nam mkha' i snying po'i dam tshig gi phyag rgyas ni don thob pa'o/ /rdo rje khu tshur gyi dam tshig gi phyag rgyas ni rgyas btab pa'o/ /'phags pa 'jam dbyangs kyi dam tshig gi phyag rgyas ni bcad pa'o/ /rdo rje 'khor lo'i dam tshig gi phyag
 rgyas ni dkyil 'khor du 'jug pa'o/ /nam mkha' mdzod kyi dam tshig gi phyag rgyas ni mchod pa'o/ /rdo rje gnod sbyin gyi dam tshig gi phyag rgyas ni gdug pa 'dul pa'o/ /rdo rje 'khor lo'i dkyil 'khor gyi 'grel pa'o// //mchod pas gsang sngags
 'grub par 'gyur ro zhes bstan pa'i phyir/ de nas zhes bya ba la sogs pas/ nam mkha' mdzod kyi dkyil 'khor ston to/ /mchod pa yang yin la thams cad kyang yin pas mchod pa thams cad ste/ de'i cho ga rgyas pa ni rnam pa rgya che'o/ /lus dang
 dag dang yid kyis phyag 'tshal ba nam mkha' i khams thams cad khyab par byed pa ni mchod pa thams cad de/ bshad ma thag pa de nyid mchog ste/ dam pa yin pas na mchod pa thams cad kyi mchog go/ ming de nyid ces bya ba'i shes rab kyi pha rol tu phyin
 pa'i tshul gang yin pa de ni mchod pa thams cad kyi mchog ces bya ba'i shes rab kyi pha rol tu phyin pa'i tshul lo/ /de bshad pa ni bka' stsal pa'o/ /oM sarba yo ga tsit+taM utpa da yA mi zhes bya ba ni smon pa byang chub kyi sems so/ /gnyis pa sems
 sgom pa'i mtshan nyid can ni 'jug pa byang chub kyi sems so/ /gsum pa ni byang chub kyi ngo bo nyid kyis sems ni byang chub sems so/ /de ltar na gsum po 'di dag bskyed pa ni byang chub tu sems bskyed pas te/ de'i ngo bo nyid ni byang chub kyi sems
 bskyed pa nyid do/ /de ni sgrub pa'i mchod pa'i ngo bo nyid yin pas de'i phyir/ de bzhin gshegs pa thams cad la mchod pa'i chog rgyas pa'o/ /zhes gsungs so/ /byang chub tu sems bskyed pas ni nges pa kho nar sems can gyi don bya ba yin no zhes
 bstan pa'i phyir/ sems can gyi khams thams cad yongs su skyob pa nyid ni zhes bya ba gsungs te/ phyogs bcu ma lus pa'i sems can gyi khams thams cad kyi ngan song bsad pa dang bcings pa la sogs pa'i sdug bsngal yongs su bsal ba ni yongs su
 skyob pa'o/ /dam pa'i sangs rgyas dang byang chub sems dpa' dang/ rang sangs rgyas dang nyan thos rnams so/ /de rnams kyi chos yin pas na dam pa'i chos so/ /de yongs su bzung ba ni thos pa dang bsam pa dang sgom pa'i rjes su sbyor bas so/ /shes rab kyi pha
 rol tu phyin pa yi ge 'dri ba dang zhes bya ba ni go sla'o/ /las thams cad ni mchod pa rnam pa bzhi ste/ de'i don yod pa'i dam tshig ni zlog par dka' ba'i rgyu'o/ /mchod pa thams cad kyi cho ga rgyab pa de'i byin gyis rlob pa ni nam mkha' i mdzod kyi dkyil 'khor
 ro/ /de la dmigs shing ming de skad ces bya ba'i ting nge 'dzin la snyoms par zhugs pa'o/ /rdo rje ni byang chub sems dpa' rnams te/ de rnams kyi mchod pa yin pas na rdo rje mchod pas te/ de nyid ni mchog go/ de'i don yod pa'i dam tshig ni nges pa
 nyid du grub pa'i rgyu ste/ ming de skad ces bya ba'i dkyil 'khor 'di gsungs pa'o/ /dkyil 'khor ni sngar bshad pa yin/ de'i dbus su bcom ldan 'das mtshon cha sna tshogs 'dzin pa zhes bya ba ni g.yon rdo rje khu tshur dkur bsten pas sna tshogs rdo rjes
 mtshan pa'i rdo rje dril bu bsnams pa phyag g.yas pas rang gi thugs gar bstod pa'i tshul gyis sna tshogs rdo rje bsnams pa'o/ /sku dang yan lag zla ba'i mdog la sogs pa'i kha dog lnga pa'i mdog can zhes bya ba la zhal ni dkar po'i/ /thugs ka ni
 dmar po'o/ /phyag ni ser po'o/ /phyag gnyis ni ljang gu'o/ /sku smad ni nag po'o/ /de'i thams cad du zhes bya ba ni phyogs dang mtshams rnams su'o/ /mchod pa'i dam tshig ces bya ba ni byang chub tu sems bskyed pa la sogs pa rdzogs par byed pa'i 
 rgyu'o/ /de rnams kyi gnas skabs ni sngar bshad pa nyid do/ /de rnams las gang zhig gzhag ce na/ phyag rgya rdo rje dang zhes bya ba la sogs pa brgyad po gsungs so/ /phyag na ci zhig bsnams zhes/ /byang chub kyi sems la sogs pa bla
 na med pa'i mchod pa'i cho ga rgyas pa phyag na 'dzin tshul gyis zhes bya ba gsungs so/ /de la byang chub kyi sems phyag na bsnams pa ni rdo rje sems dpa' ste/ phyag na rdo rje rtse lnga pa bsnams zhes bya ba'i don no/ /phyag na ting nge 'dzin ni 'phags pa
 spyan ras gzigs dbang phyug ste/ 'dir pad ma ni ting nge 'dzin ston pas ting nge 'dzin ces bshad do/ /nam mkha' i snying po ni phyag na dbang bskur ba ste/ rdo rje rin chen bsnams zhes bya ba'i don to/ /rdo rje khu tshur ni phyag gi phyag rgyas yongs su 'dzin
 pa ste/ dam tshig gi khu tshur kyis rdo rje 'tshir zhing bzhugs pa'o/ /'phags pa 'jam dpal ni phyag na stong nyid smra ba ste/ phyag nar la gri bsnams zhes bya ba'i don to/ /sems bskyed ma thag chos kyi 'khor lo bskor ba ni phyag na dkyil 'khor 'dri ba
 ste/ rdo rje 'khor lo bsnams zhes bya ba'i don to/ /nam mkha' mdzad ni phyag na mchod pa thams cad de/ sna tshogs rdo rje bsnams zhes bya ba'i don to/ /rdo rje gnod sbyin phyag na sems can rnams yongs su skyob pa ste/ rdo rje mche ba bsnams zhes bya ba'i
 don to/ /'dir bya ba thams cad ni yi ge oM brjod la bya'o/ /de nas badzra badzra aM zhes zlos shing dkyil 'khor du 'jug par bya'o/ /rdo rje thams cad bcings la zhes bya ba la/ de la rdo rje thams cad ni 'di yin te/ rdo rje bsdams pa las
 byung ba'i rdo rje rin chen gyi dam tshig gi phyag rgya las srin lag dang mthe chung brkyang la rgyal mtshan dang/ ba dan gyi rtse mo ltar bya'o/ /lus dang ngag dang yid kyi phyag rgya bya ba ni yid kyi mchod pa'o/ /rang gi snying gar rdo rje rtse lnga pa bsgoms pa dang/ rdo rje sbrang
 rtsi la sogs pa'i phyag rgya rnams kyis kyang mchod pa bya'o/ /byang chub kyi sems kyi mchod pa dang ting nge 'dzin gyi mchod pa ni go sla'o/ /rdo rje rin chen gyi dam tshig ni rdo rje dbang bskur ba sna tshogs so/ /rdo rje khu tshur gyi dam tshig gi phyag rgya ni rdo rje thams cad
 sna tshogs so/ /stong pa nyid kyi mchod pa la ni a la sogs pa'i yi ge'i lung bstan pas so zhes bya ba ni go bar zad do/ /rdo rje 'khor lo'i dam tshig gi phyag rgya ni rdo rje 'khor lo sna tshogs so/ /nam mkha' mdzod kyi dam tshig gi phyag rgya ni sna tshogs rdo rje'o
 rdo rje gnod sbyin gyi dam tshig gi phyag rgya ni bdug pa thams cad gdug par bya'o/ /rdo rje sgrang rtsi la sogs pa'i phyag rgyas ni me tog dor bar bya ba la sogs pa bya'o/ /nam mkha' mdzod kyi dkyil 'khor gyi 'grel pa'o// //bsrungs pa yongs su
 bskyangs pas yongs su 'grub par 'gyur ro zhes bstan par bya ba'i phyir/ de nas zhes bya ba la sogs pas rdo rje gnod sbyin gyi dkyil 'khor ston par mdzad pa yin te/ gdug pa thams cad kyi srog gcod pa la sogs pa la bzlog pa ni thams cad
 'dul ba ste/ thams cad 'dul bar nus pa ni spyod pa'o/ /de su zhig yin zhe na/ bcom ldan 'das ye shes kyi khu tshur te/ byang chub mchog yongs su 'dzin pa'o/ /sems can thams cad 'dul ba ye shes kyi snying po zhes bya ba la sems can
 thams cad ni sdig pa thams cad byed pa'o/ /de lta bu'i sems can thams cad 'dul ba ste/ sdig pa thams cad yongs su spangs nas/ dge ba nges par sbyor bar mdzad pa'o/ /de'i don gyi ye shes yin pas na sems can thams cad 'dul ba'i
 ye shes te/ rdo rje gnod sbyin gyi khro bor yang dag par ston pa'i ye shes so/ /de nyid ni bskyed pa'i gnas yin pas na snying po ste/ ming de nyid ces bya ba gang yin pa de bshad pa'o/ /sems can thams cad ni mdza' bo dang/ tha mal pa dang/
 dgra bo rnams so/ /de rnams la mnyam pa nyid ni bu gcig pa lta bur sdug par sems dpa' dang/ don dam par sems can thams cad mi dmigs pa'i mnyam pa nyid do/ /sems can thams cad mnyam pa nyid kyi thugs rje chen po'i mtshan
 nyid can nges gdug pa thams cad 'dul ba'i phyir/ khro bo'i gzugs su yang dag par ston pa ni khro ba mnyam pa nyid do/ /khro ba'i gzugs de gang gi tshe ldog par 'gyur zhe na/ sems can thams cad ces bya ba la sogs pa gsungs te/ gang gi tshe sems can thams
 cad dul ba de'i tshe khro ba nyid kyang ngal zhing ldog go/ zhes bya ba'i don to/ /de'i ngo bo nyid ci zhig yin zhe na/ sems can thams cad chos nyid pas khro ba chos nyid do zhes bya ba gsungs te/ sems can thams cad kyi chos nyid ni don dam par dngos po med pa'i ngo bo
 nyid do/ /sems can thams cad kyi ngo bo nyid kyi chos nyid gang yin pa de nyid ni chos nyid yin no zhes bya ba'i don to/ /khro bo'i gzi brjid 'di ci zhig yin zhe na/ sems can thams cad ces bya ba la sogs pa gsungs te/ don dam par sems dang sems las byung ba rnams
 ni 'byung ba dang 'dzin pa dang bral ba nyid yin pas na sems can thams cad rdo rje nyid do/ /sems can thams cad rdo rje nyid yin pa des na khro ba rdo rje nyid do zhes bya ba ste/ sems can thams cad kyi gzung ba dang 'dzin pa dang bral ba gang yin pa de nyid ni khro bo'i rdo rje
 nyid do/ /de ci'i phyir zhe na/ zhes bya ba ni rgyu gang gis ni sems can thams cad mnyam pa nyid do zhes bya ba'i bar yin zhe na/ gang gi phyir 'di ltar sems can thams cad 'dul ba ni byang chub bo zhes bya ba gsungs te/ de nyid ni byang chub kyi mtshan nyid do/ /de yang
 'di ltar khro bo mnyam pa nyid la sogs pos sems can rnams 'dul bar byed cing sangs rgyas kyi byang chub thob par mdzad pas na/ de'i phyir sems can thams cad 'dul ba ni byang chub po zhes gsungs pa yin no/ /dkyil 'khor ni sngar bshad pa kho nang
 zad do/ /'dir bya ba thams cad ni yi ge ha zlos shing bya'o/ /de nas badzra badzra ha zhes brjod la/ mche ba'i phyag rgya bcings nas dkyil 'khor du 'jug par bya'o/ /rdo rje thal mo bcings la/ mthe bo gnyis so sor bsgreng la mdzub mo gnyis lcags kyu lta bur
 bkug pa'i phyag rgya 'di ni mche ba ste/ 'di ni mche ba'i phyag rgya'o/ /rdo rje khu tshur gyi phyag rgya thams cad phye mar klag pa ni go bar zad do/ /rdo rje gnod sbyin gyi dkyil 'khor gyi 'grel pa'o// //sbyor ba gcig gis dam tshig thams cad thob par mi 'gyur ba dang/
 dkyil 'khor thams cad ni rdo rje sems dpa' yongs su gyur pa'i ngo bo nyid yin no zhes bstan pa'i phyir/ bsdus pa'i dkyil 'khor ston par bzhed pas/ de nas zhes bya ba la sogs pa gsungs te/ 'jig rten dang 'jig rten las 'das pa'i dkyil 'khor rnams kyi
 ngo bo nyid gcig pa nyid ni thams cad mnyam pa nyid de/ don dam par dngos po med pa'i ngo bo nyid do/ /de rab tu gnas pa ni mnyam pa nyid la rab tu gnas pa ste/ mi bzad pa thugs su chud pa'i tshul gyis bzhugs pa'o/ /de su zhig yin zhe na/ de bzhin gshegs pa
 zhes bya ba ste/ de bzhin du gshegs shing thugs su chud pa'o/ /chos thams cad kyi mchog ces bya ba ni/ rigs thams cad kyi chos thams cad kyi chos nyid ni de bzhin nyid de/ de nyid mchog yin pas chos thams cad kyi mchog ste/ ming de nyid ces bya ba gang yin pa de bshad
 pa'o/ /de bzhin gshegs pa'i rings de thams cad kyi mnyam pa nyid ni gnyis su med pa nyid de/ de lta bu'i thams cad mnyam pa nyid kyis shes rab kyi pha rol tu phyin pa mnyam pa nyid de/ shes rab kyi pha rol tu phyin pa dbyer mi phyed pa nyid do/ /de nyid ni de bzhin
 gshegs pa'i rigs kyi gnyis su med pa nyid de de nyid ni shes rab kyi pha rol tu phyin pa'i gnyis su med pa dang tha mi dad pa yin no/ /thams cad don nyid ces bya ba la sogs pa la don ni rin po che'i rigs so/ /thams cad kyang yin la/ don yang yin pas na thams cad
 don zhes bya ba 'am/ thams cad kyi don yin pas na thams cad don no/ /thams cad kyi don gyi ngo bo yin pas na/ thams cad don nyid de/ shes rab kyi pha rol tu phyin pa'i don nyid do/ /'di skad ston par 'gyur te/ rin po che'i
 rigs ni khams gsum na spyod pa'i nyon mongs pa can dang/ nyon mongs pa can ma yin pa'i kun tu rmongs pa'i bag chags dang bcas par spangs pa'i ye shes te/ de nyid ni shes rab kyi pha rol tu phyin pa'o/ /thams cad chos ni stobs dang mi 'jigs
 pa la sogs pa dang/ pad+ma'i rigs so/ /thams cad kyi chos yin pas na thams cad kyi chos te sangs rgyas thams cad kyi chos yin pa'i phyir ro/ /yang na thams cad kyang yin la chos kyang yin pas thams cad chos te/ de'i ngo bo nyid yin pas na thams
 cad chos nyid de/ des shes rab kyi pha rol tu byin pa'i chos nyid do/ /thams cad las zhes bya ba la thams cad kyang yin la las kyang yin pas na thams cad las te/ sems can gyi don mdzad ba'i mtshan nyid dang sangs rgyas la mchod pa'i las kyi
 rigs so/ /las thams cad kyi ngo bo nyid du gyur pas na thams cad las nyid de/ nges shes rab kyi pha rol tu phyin pa las nyid du rig par bya'o/ /'dis kyang 'di skad ston par 'gyur te/ thams cad las ni bya ba grub pa'i ye shes yin la/ de yang
 don dam par gnyis su med pa yin no/ /de bas na thams cad las nyid pas shes rab kyi pha rol tu phyin pa dbyer mi phyed pa yin te/ de nyid shes rab kyi pha rol tu phyin pa yin no/ /de bzhin gshegs pa rnams dang byang chub sems dpa' thams
 cad ni de bzhin gshegs pa dang byang chub sems dpa' thams cad ste/ de rnams kyi don yod pa'i dam tshig ni 'da' bar mi byed pa/ de nyid ni dkyil 'khor yin pas na don yod pa'i dam tshig gi 'khor ro/ /de byin gyis rlob par bya ba ni bstan par bya ba'i
 byin gyis rlob pa ste/ ting nge 'dzin yang ming de nyid ces bya ba ste/ de lta bu'i ting nge 'dzin gang yin pa de la snyoms par zhugs pa ni mngon sum du mdzad pa'o/ /don yod pa thams cad kyi dam tshig ni dkyil 'khor te/ de'i snying po ni bsdus pa'i dkyil 'khor lta bu
 des pa'o/ /de ston par byed pa'i sgra la yang snying po zhes bya'o/ /dam tshig kyang yin la/ thams cad kyang yin pas dam tshig thams cad te/ rigs lnga'i ngo bo nyid do/ /de nyid ni rdo rje yin pas na dam tshig thams cad kyi rdo rje ste de rnams byin gyis rlob pa'o/ /
 dkyil 'khor ni gzhal yas khang ste/ de la dmigs pa'i ting nge 'dzin la yang di skad ces bya ste/ bsdus pa'i dkyil 'khor lta bur thugs rtse gcig tu mdzad ces bya ba'i don to/ /'di dag kyang sngar thams cad bshad zin pas yang ma bshad do/ /
 'dir dang por rdo rje phyag rgya bcings la/ thog ma kho nar 'jug par bya'o/ /de nas rang nyid kyi dam tshig gi dkyil 'khor la sogs pas dkyil 'khor thams cad 'jug par bya'o/ /bsdus pa'i dkyil 'khor gyi 'grel pa'o// //de ni 'jig
 rten pa'i lha rnams la mos pa rnams la/ de nyid kyi sgo nas bstan pa la 'jug par bya ba'i phyir/ de nas zhes bya ba la sogs pas dkyil 'khor bzhi ston par mdzad pa yin no/ /sems can yang yin la thams cad kyang yin pas sems can thams cad
 de/ de rnams kyis byin gyis rlob pa yin pas sems can thams cad byin gyis rlab pa ste/ rdo rje sems dpa' la lhag par mos pa bskyed pa'o/ /sems can thams cad de bzhin gshegs pa'i snying po can no zhes bya ba ni khams gsum pa'i
 rnam pa'i sems dang sems las byung ba ni de bzhin gshegs pa'i ye shes mthong ba'i sgrib par gyur pa la snying po zhes bya ba'i sgrar bshad de/ de nyid ni sems can thams cad do/ /de bzhin gshegs pa'i snying po gzhan gang yin pa de ni de
 bzhin gshegs pa'i snying po ste/ khams gsum pa'i rnam par yang dag pa ma yin pa'i kun tu rtog pa'o/ /de skad du de bzhin gshegs pa'i snying po ni dag cing gsal la dri ma med par sems can thams cad
 kyi rgyud la rjes su zhugs pa skyes bu chen po'i mtshan sum cu rtsa gnyis dang ldan pa/ dpe byad bzang po brgyad cus rnam par mdzes pa yin no zhes gsungs pa yin no/ /'dis ni 'di skad ston par 'gyur te/ don dam par sems can
 thams cad ni gnyis su med pa'i ye shes kyi ngo bo nyid yin te/ khams gsum pa'i rnam pa'i sems dang sems las byung ba ni shin tu skye ba med pa nyid yin pa'i phyir ro/ /de bas na byang chub sems dpa' sems dpa' chen po kun tu bzang po
 thams cad kyi rang bzhin yin pas zhes bya ba gsungs te/ lha chen po la sogs pa gzugs su ston par mdzad kyang/ zhe sdang la sogs pas gos pa mi mda' bas na kun nas bzang ba yin pa'i phyir kun tu bzang po'o/ /byang chub sems dpa' 
 chen po yang yin la kun tu bzang po yang yin pas na byang chub sems dpa' kun tu bzang po ste/ byang chub sems dpa' i ngo bo nyid kyi sems dpa' gnyis su med pa'i ye shes can zhes bya ba'i don to/ /byang chub sems dpa' chen po kun tu bzang po
 thams cad kyi rang bzhin ni thugs thams cad kyi bdag nyid thams cad du gyur pas na thams cad kyi rang bzhin te/ de rgyur 'gyur bas sems can thams cad de bzhin gshegs pa'i snying po can no/ /sems can thams cad ni don dam par bag chags
 dang bcas pa'i nyon mongs pa ma skyes pa'i dbang bskur ba'i ngo bo nyid yin pas na rdo rje'i snying po can no/ chos kyi snying po can zhes bya ba ni/ de bzhin du dag rab tu 'byung ba'i gnas su gyur pa ma skyes pa yin pa'i phyir/ so sor yang dag par rig pa thob pa'i
 ngo bo nyid kyis na/ dag thams cad rab tu 'byung bas so/ /mya ngan las 'das pa dang 'gal ba'i las thams cad shin tu ma skyes pas na/ bya ba grub pa thams cad la rab tu 'jug pa yin no/ /de bas na bya ba byed pa thams cad la rab tu
 sbyor bas zhes bya ba gsungs te/ /bya ba byed pa thams cad ni sems can gyi don bya ba dang sangs rgyas la mchod pa'o/ /bya ba byed pa thams cad kyi ngo bo nyid yin pas na bya ba thams cad byed pa nyid do/ /de'i rab tu sbyor ba na so sor ston pa ste/ sprul pa
 sku la rab tu 'jug pa'o/ /dkyil 'khor ni kun nas zlum po la rim pa gsum pa ste/ rim pa dbus ma'i nyis 'gyur ni rim pa gnyis pa'o/ /sum 'gyur ni rim pa gsum pa ste thams cad kyang sgo bzhi par bya'o/ /mtshams bzhir mdud rtse
 gsum gyis mtshan par bri bar bya'o/ /de la dbus su ni lha chen po gdod bzhi pa dgod bar bya ste/ gdong dang po bzhi pa la gzhan thams cad drag cing 'jigs su rung ba de'i spyi bor khro bo phyag bzhi pa bya'o/ /lag pa bzhi yod pa bya ste/ mdud
 dang/ kha TwAM ga ni lag pa g.yon na thogs par bya'o/ /de bzhin du lag pa g.yas gnyis su ni phreng ba dang/ g.yung drung thogs par byed ba'o/ /de'i shar phyogs su nag po chen po mdud rtse gsum thogs pa'o/ /lho phyogs su ni dga' byed
 dbang phyug rdza rnga brdung phar brtson pa'o/ zhes pa ni dril chen lag na dril bu thogs pa'o/ /byang du ni gar gyi dbang phyug lag na mdud rtse gsum pa thogs pa'o/ /shar lho'i mtshams su ni thod pa bzang po mdud rtse gsum dang thod pa lag na thogs pa'o/ /lho
 nub mtshams su gtum po'i dbang phyug dbyug pa la dbang byed pa'i ngo bor dbyug pa la byed pa'o/ /nub byang mtshams ni lag na kha TwAM ga dang thod pa lag na thogs pa'o/ /byang shar mtshams ni ba lang sna'i dbang phyug mdud rtse gsum pa lag na thogs pa'o/
 rim pa gnyis pa'i shar phyogs su drag mo lag na mdud rtse gsum pa thogs pa'o/ /lho phyogs su chings ma lag na phreng ba thogs pa'o/ /nub phyogs su khyab 'jug ma lag na 'khor lo thogs pa'o/ /byang du gzhon nu mo lag
 na dril bu thogs pa'o/ /de bzhin du gzhan dag kyang sngar bshad pa bzhin du blta bar bya'o/ /shar phyogs kyi sgor ni dbyug pa'i dbang phyug dbyug pa dang thod pa thogs pa'o/ /lho'i sgor ni mgo'i dbang phyug mdung rtse gsum pa dang/ thod pa thogs pa'o/ /
 nub phyogs kyi sgor ni dril rna dril bu thogs pa'o/ /byang phyogs kyi sgor ni drag po chen po mdung dang thod pa lag na thogs pa bri bar bya'o/ /'dir bya ba thams cad ni twi zhes bya ba bzlos shing bya'o/ /lhag ma rnams ni snga ma dang 'dra'o/ /mdud rtse gsum
 pa'i phyag rgya bcings la/ badzra badzra tri zhes brjod la 'jug par bya'o/ /lag pa gnyis kyis mthe bong mthe chung mnan la/ lu gu rgyud sbrel ba ni mdud rtse gsum pa'o/ /dbang phyug chen po'i dkyil 'khor gyi 'grel pa'o// //ma me'i
 dkyil 'khor ni sngar bshad pa nyid de/ 'dir bya ba thams cad la yi ge b+hyo/ /zhes bya ba brjod par bya'o/ /de nas ce spyad pho nya mo'i spyod pas badzra badzra b+hyo zhes brjod la dkyil 'khor du 'jug par bya'o/ /mkhrig ma bsnol bas lag pa gnyis brkyang
 la/ sa la bzhag ste/ cog pus mchongs la/ ce sbyang gi sgra sgrogs shing 'jug par bya ste/ 'di ni ce sbyang pho nya mo'i phyag rgya'o/ /lag pa g.yon pa'i lag dar mdun du bkug pa ni kha TwAM ga 'dzin pa'i phyag rgya'o/ /lag pa g.yas pa gyen du bteg
 la/ ba dan gsum par byas pa las mthe bong dang srin lag gis thod pa bzung ba ni btung ba 'phrog pa'i phyag rgya ste/ nag po chen po'i dam tshig go /gzhan dag ni go sla'o/ /ma mo'i dkyil 'khor gyi 'grel pa'o// //ming po gsum gyi dkyil 'khor
 yad sngar bshad pa nyid do/ /'dir swa zhes bya ba zlos shing thams cad bya'o/ /de nas badzra badzra swaM zhes brjod nas dam tshig gi phyag rgya bcings la 'jug par bya'o/ /mdud rtse gsum pa mtshan nyid ni dam tshig gi phyag rgya'o/ /ming po gsum gyi
 dkyil 'khor ro/ /sring mo bzhi'i dkyil 'khor yang sngar bshad ba nyid do/ 'dir bya ba thams cad ni haM zhes bya ba brjod la bya'o/ /de nas slob dpon dril bu dkrol zhing lag pa g.yon na kha TwAM ga thogs pa dang bcas pas badzra badzra haM zhes brjod de 'jug par
 bya'o/ /srid mo bzhi'i dkyil 'khor gyi 'grel pa'o// /mdza' yas su med pas mthar thug cing zhes bya ba la/ de la mdza' yas pa ni chos kyi dbyings dang/ nam mkha' i khams rnams so/ /de nyid mu med pa yin pas na mdza' yas mu
 med pa'o/ /de ltar na mdza' yas pa yang yin la mu med pa yang yin pas na mdza' yas mu med pa'o/ /de nyid ni mthar thug pa ste/ /yongs su rdzogs par gyur pa gang yin pa de la de skad ces bya ste/ nam mkha' i khams thams cad khyab pa zhes bya ba'i
 don to/ /de gang zhig zhe na/ de bzhin gshegs pa zhes bya ba gsungs so/ /de'i chos gang yin zhe na/ mthar thug cing mu med pa'i chos dang ldan pa zhes bya ba gsungs te/ de la nam mkha' i khams thams cad ltar rtag tu gnas pa'i sku dang gsung
 dang thugs rdo rje dang ldan pas na mu med pa'o/ /de nyid ni mthar thug pa med pa'i chos te/ yongs su rdzogs pa'i chos so/ /de ltar na mu med pa yin la/ mthar thug pa yang yin pa'o/ /chos gang yin pa de ni mu med cing mthar thug
 pa'i chos te/ de lta bu'i shes rab kyi pha rol tu phyin pa'i tshul 'di bshad do zhes bya bar spyar ro/ /de ci'i phyir zhe na/ mthar thug bar byin gyis brlab pa'i phyir zhes pa ste/ yongs su rdzogs par bya ba'i phyir ro/ /ming ci skad bya ba zhe na/ chos
 thams cad kyi zhes bya ba la sogs pa ste/ de la chos thams cad ni rigs lnga'i ngo bo nyid yin la/ de rnams kyi mnyam pa nyid yin pas na chos thams cad kyi mnyam pa nyid de/ de thams cad kyang mdza' yas shing mthar
 thug pa med par mnyam pa nyid yin la/ mnyam pa nyid des mthar thug par byin gyis brlabs pa ste/ mdor byas nas bsdus te bshad pa'o/ /de nyid ni rdo rje ste/ de ni tshad kyis gzhal bar nus pa ma yin pa'i phyir ro/ /de la shes rab kyi
 pha rol tu phyin pa ni phyogs bcur 'das pa dang/ ma 'ongs pa dang/ da ltar byung ba'i chos thams cad ji lta ba bzhin du yongs su shes pa'i tshul gyis thams cad tu khyab pa'i phyir dang/ de'i ngo bo nyid kyi de bzhin gshegs pa rnams ni mdza' yas
 pa nyid de/ 'dis ni de bzhin gshegs pa'i rigs mdza' yas pa nyid du ston to/ /shes rab kyi pha rol tu phyin pa ni sngar bshad pa dang 'dra'o/ /rdo rje thams cad mu med pa nyid ni rin po che'i rigs mu med pa nyid de/ mnyam pa nyid kyi ye shes nyid
 kyis thabs cad du khyab pa nyid yin pa'i phyir ro/ /stobs dang mi 'jigs pa la sogs pa'i dbye bas shes rab kyi pha rol tu phyin pa du ma nyid pas chos thams cad du ma nyid do/ /pad+ma'i rigs tshad med pa nyid do/ /bya ba grub pa'i ye shes
 kyi ngo bo nyid kyis 'khor ba dang mya ngan las 'das pa ji srid par rab tu 'jug pa'i shes rab kyi pha rol tu phyin pa mthar thug pa med pa nyid do/ /yongs su rdzogs pa med pa nyid do/ /chos thams cad mthar thug pa med pa nyid kyi na/ bya ba grub pa'i
 ye shes yongs su rdzogs pa med pa nyid de/ skad cig ma re re zhing sprul ba'i sbrin rnams kyis sems can thams cad kyis don to/ /thug pa med pa zhes bya ba ni tshad med pa rnams so/ /mthar phyin pa zhes bya ba ni yongs su rdzogs par gyur pa'o/
 sgrib pa thams cad zad nas zhes bya ba ni sgrib pa rnams gtugs par gyur pas so/ /'dus te zhes bya ba ni tshogs par mdzad pa'o/ /bde ba yang yin la chen po yang yin pas na bde ba chen po ste/ dngos grub kun gyi mi 'gyur ba'i bde ba chen
 po zhes bshad do/ /zhes 'di nyid kyi 'og nas bshad pa'i phyir/ zag pa med pa'i sems dang sems las byung ba'i tshogs ni/ de bzhin gshegs pa'i bde ba chen po'o/ /de nyid rdo rje yin pas na/ bde ba chen po rdo rje ste/ de'i don yod
 ba'i dam tshig tu gyur pas na bde ba chen po'i rdo rje don yod pa'i dam tshig ste/ rdo rje sems dpa' la sogs pa'i dkyil 'khor dang phyag rgya'i tshul lo/ /dpal mchog dang po las shes rab kyi pha rol tu phyin pa'i dum bu'i 'grel pa/
 slob dpon kun dga' snying pos mdzad pa rdzogs so// //rgya gar gyi mkhan po pad+ma ka ra bar ma dang/ zhu chen gyi lo tsa ba dge slong rin bzang pos bsgyur cing zhus te/ gtan la phab pa'o// //shes rab kyi
 pha rol tu phyin pa'i dum bu la ni dkyil 'khor bco lnga'o/ /dum bu gnyis pa'i rtsa ba'i rgyud la ni bcu gcig go /de nyid kyi rtog pa thams cad kyi rgyud phyi ma'i rgyud dang/ rtsa ba'i rgyud la ni dkyil 'khor bcu'o/ /yang 'di ras ris la dkyil 'khor
 drug go /dum bu gsum pa chos kyi dum bu la ni dkyil 'khor nyi shu rtsa gcig go/ /dum bu bzhi pa las kyi dum bu la ni dkyil 'khor nyi shu rtsa gcig go /dpal mchog gi rgyud pa ni longs sku rnam snang/ sprul sku rdo rje sems/ rgyal sras phyag
 rdor/ rgyal po rab gsal/ rgyal po sgra gcan 'dzin bzang po/ /slob dpon kun snying/ pradz+nyA tha li ti/ /d+harmA pha la/ lo tsa ba rin chen bzang po/ pu rangs sa ma/ gung pa rgya ya tshul/ gnyal nyi ma gnur chen po/ gnur sing ha/
 klan chos 'byung/ rtsa skya pa ston 'bum /bla ma khri stan seng ge /gnur ye shes rgyal mtshan/ sras bla ma chos rgyal lo/ /dpal mchog dang po'i rgya cher bshad pa slob dpon chen po kun dga' snying pos mdzad pa bzhugs so/ /rgya gar skad du/