<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N2125: dkyil 'khor gyi thig gdab pa'i mdor bsdus pa zhes bya ba 'i 'grel pa<br><table><tr><td>
<input type="button" onclick="location.href='tcompletep.php?id=N2125&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N2125&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N2125&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">dkyil 'khor gyi thig gdab pa'i mdor bsdus pa'i 'brel pa slob dpon ? bcas mdzad pa bzhugs so// // rgya gar skad du/ sam k+Shipta maN+Da la sU tra nA ma kridti/ bod skad du/ dkyil 'khor gyi thig gdab pa'i mdor bsdus pa'i
 'grel pa/ 'jam dpal gzhon nur gyur pa la phyag 'tshal lo/ /de la dang po kho nar bcom ldan 'das la phyag 'tshal ba sngon du 'gro bas bstan chos rtsom pa la 'jug pa yin te/ gang gi phyir bstan chos rtsom pa thams cad la yang
 dam pa rnams ni rang gi 'dod pa'i lha la phyag 'tshal pa dag dang po kho nar nges par byed do/ /de bas na dag cing zhes bya ba la sogs pa rnams smos pa yin te/ /de la dag pa ni 'dod chags la sogs pa'i nyes pa rnams dang bral ba'i
 phyir ro/ /de nyid ni rang bzhin zhes bya ba ngo bo nyid kyis chos kyi dbyings kyi bdag nyid yin pas na rang bzhin no/ dri ma med pa ni dag chags dang bcas pa'i nyon mongs pa'i dri ma dang bral ba'o/ /de nyid ni bde ba chen po zhes bya ste/ bde
 ba zhes bya ba ni thams cad stong pa'i mtshan nyid can/ /rang bzhin gyis 'od gsal ba chos kyi dbyings ma 'gyur ba'i ngo bo nyid ces bya ba'i don to/ /chen po zhes bya ba'i sgra ni mchod par bya ba'i tshig ste/ /'jig rten pa dang 'jig rten las
 'das pa'i mchod pa rnams khyil? mchod par bya ba yin pa'i phyir ro/ /'dis sku gsum gyi sgo nas bstod nas phyag bya ba ste/ rang bzhin dri ma med pa ces bya ba ni chos kyi sku'o/ /bde ba che zhes pa ni longs spyod rdzogs pa'i sku'o/ /dag
 cing zhes bya ba ni sprul pa'i sku'o/ /de lta bu'i bcom ldan 'das de la/ lus dang ngag dang yid kyis phyag 'tshal zhing btung nas/ rgyud rnams kun gyi ste/ /de kho na bsdus pa la sogs pa'i phyi'i zhes bya ba thun mong du gyur pa'i
 dkyil 'khor gyi thig gdab pa zhes bya ba/ de bzhin gshegs pa'i pho brang gsal bar byed pa bshad par bya zhing bstan par bya'o zhes bya ba'i don to// //da ni gnas phun sum tshogs pa bstan pa'i phyir/ sa gzhi cha mnyam yid 'ong
 ba zhes bya ba la sogs pa smos te/ sa'i cha ni gnas te shin tu yang mnyam zhing phyogs bzhir snyoms pa'o/ /de nyid kyis na yid du 'ong ba ste/ nye 'khor shing dang tshul sogs pa dang ldan pas nyams dga' ba'o/ /gzhan yang rgyad ni dkyil
 'khor nyis 'gyur la zhes bya ste/ dkyil 'khor gru bzhi la sogs par byed na dkyil 'khor gyi gnas rgyad khru brgyad la sogs par bya'o/ /gzhan yang dri zhim chu yis legs btab cing zhes bya ba ni ga bur dang tsan dan la sogs pa
 shin tu dri zhim pa'i chus byug pa'o/ /sngags kyis dag byas zhes pa ni dkyil 'khor bsgrub pa'i thabs kyi cho gas sa yongs su gzung ba la sogs pa'i sngags rnams mngon du bzlas pas dag cing bsangs par bya'o/ /rab mdzes par zhes
 bya ba ni legs pa'i khyad par dag dang ldan pa'o/ /de lta bu'i yon tan dang ldan pa'i gnas su ci zhig bya zhe na/ phyogs 'dun mnyam par shes byas la zhes bya ba la sogs pa smos te/ dbang po dang/ /shin rje dang/ chu bdag dang/
 nor bdag gi phyogs te/ phyogs bzhi dang/ me dang bden bral dang rlung dang dbang ldan gyi phyogs te/ mtshams rnam pa bzhir phyogs dang mtshams mnyam zhing mtshungs par shes par byas la/ thig gdab par bya'o/ /mtshan nyid ji lta
 bu dang ldan pa'i thig gis zhe na/ thig skud ces bya ba la sogs pa smos te/ gang gis thig gdab ce na/ thig gis so/ /de'i mtshan nyid ji lta bu zhes/ dkyil 'khor nyis 'gyur la zhes bya pa smos te/ chung dkyil 'khor nyis 'gyur
 gyi tshad do/ /de bzhin du shin tu gsar zhing gsher ba yis zhes bya ba ste/ dkyil 'khor gzhan du yongs su lob? ma sbyad pas na shin tu gsang pa'o/ /las thams cad pa'i chus brlan pas na gsher pa'o/ /mkhas pa
 ni thig gdab pa'i cho ga shes pa ste/ des ji lta ba bzhin du ma nor bar dkyil 'khor gyi thig gdab par bya'o/ /nges ni 'di skad du ston par 'gyur te/ gru bzhi pa la sogs pa'i dkyil 'khor la de'i nyis 'gyur te/ chung khru brgyad
 par bya pa'o/ /de bzhin du khru brgyad pa la sogs pa'i dkyil 'khor byed na khru bcu drug par bya zhing/ sbom? su sgo'i nyi shu cha dang mnyam pa 'dam zhing mdung pa med pa la legs par bsgril ba'i srad bus thig gdab par bya'i zhes bya
 pa'i don to/ /da ni tshangs pa'i thig gnyis pa nas brtsams te thig gdab pa'i cho ga bstan pa'i phyir/ slob dpon shar blta zhes bya ba la sogs pa smos te/ sngar bshad pa'i gnas der/ slob dpon bla ma shar du blta zhes pa shar
 phyogs mngon par phyogs la/ slob ma ste sgrub pa'i grogs ni nub tu bltas te zhes bya ba nub phyogs su mngon par phyogs pa ste/ /gnyis g.yang mthun pa'i rkang stabs kyis gnas par byas la/ srad bu rab tu brkyang la rdo rje khu tshur gyis
 bzung nas srang bu brkyang zhing bsrings la/ /dbang ldan dang me'i mtshams gnyis kyi dbus na mtshan ma yong par slob ma'i khu tshur gyis bzung ba dang/ slob dpon gyis bden bral dang rlung gi phyogs gnyis kyi dbus na mtshan ma
 yod par bzung nas/ rdo rje khu tshur sar bzhag pas zhes bya ba dkyil 'khor gyi sar bzhag nas/ tshangs pa'i thig dang po de rab tu gdab par bya'o/ /tshangs pa'i thig gnyis pa de'i dbang du byas nas/ thig de dkyil 'khor brgya
 dag gi zhes bya ba smos te/ sngar btab pa'i tshangs pa'i thig de dkyil 'khor brgya dag gi zhes bya ba dkyil 'khor ji tsam bya bar mngon par 'dod pa'i tshad kyi'o/ /yang na cha bzhir mnyam par bsgo byas pa zhes bya ba ni/ snga ma de dum
 bu mnyam po bzhir bgo par bya'o/ /de ltar bgos nas cha bzhi gsal bar bgos pa de dag gi mdza' gnyis dag ni zhes bya ba shar dang nub kyi cha gnyis po dag ni dor nas su zhes bya ba mi gtogs par por nas su/ dbus ma gnyis kyi tshang
 du bya gang lte ba dang 'byar ba'i dbus ma gnyis po de'i tshad du byas la/ tshad de dang mnyam pa'i shing 'jam zhing drang ba byas la/ tshangs pa'i thig gnyis pa'i mtshams 'og nas bshad pa'i rim pas bya'o/ /dbus su mnyam pa zhes
 bya ba la sogs pa la ji snyed pa'i shing yon po ma yin pa las chur dkyil 'khor gyi phyed kyi tshar la/ zheng du cha chung dang mnyam par legs par gzhogs shing byas nas/ sngar bshad phyogs su sa ris bya'o/ /de ltar byas nas langs la de bzhin du
 nub nas shar phyogs su bltas te/ shing de lag pa g.yon pas mi 'gyur bar bzung la/ lag pa g.yas pas snga ma bzhin du bzung nas/ lag pa g.yon pa mi 'gul bar byas te/ rnam thos sras kyi phyogs su lag pa g.yas kyis
 bzung ba'i shing gi rtse mo drud pas sa la ri mo bya'o/ /de bzhin du mi 'gul bar bzung ste/ lho phyogs de gshin rje'i phyogs su sa ris bya'o/ /de ltar byas nas langs la de bzhin du yang nub tu bltas te snga ma bzhin du shing dbus su
 bzhag la / lag pa g.yon pas dam du bzung ste/ lag pa g.yas bzung ba'i shing gi rtse mos dang por lho phyogs dang byang phyogs nas snga ma bzhin du sa ris bya zhing/ dbus su gnyis phrang par drud la sa ris gnyis bya'o/ /de ltar
 byas pas cir 'gyur zhe na/ des ni lho phyogs dang byang phyogs su bya rog rjes gnyis su 'gyur ro/ /bya rog rjes gnyis mtshams su ni/ zhes bya ba ni byang phyogs dang lho phyogs su bya rog rjes gnyis byas pa'i
 mtshams te sa ris gnyis drud pa'i mtshams su tshangs thig gnyis pa gdab bya zhing/ zhes bya ba byang nas lhor brkyang pa'i tshangs pa'i thig gnyis pa yang snga ma bzhin du gdab par bya'o/ /de ltar tshangs pa'i thig gnyis
 pa gtab nas zung bzhi ? cha mnyam pa'i cho ga bstan par bya ba'i phyir/ tshangs phyed kyi zhes bya ba smos te/ tshangs thig phyed kyi tshad kyis ni zhes bya ba dkyil 'khor gyi phyed kyi tshad kyi shing bus tshangs pa'i thig gi mtshams su gzhal zhing bzhag nas/
 bya rog rjes bzhi byas nas zung bzhi zhes bya ba dbang po'i phyogs la sogs pa'i phyogs bzhi'i cha'i tshang gzhal bar bya zhing bsnyam par bya'o/ /de'i 'og bur? bzhi zhes bya ba la sogs pa la de ltar byas nas de'i 'og tu yang zur bzhi ste/
 phyogs bzhi char gyi thig gdab bo zhes bya ba bya rog rjes bzhi'i mtshams su thig gdab par bya'o/ /de'i rim pa gang gis zhe na/ byang dang lho zhes bya ba la sogs pa smos te/ dang por slob dpon me'i phyogs su gnas la/ byang phyogs su bltas
 te dbang po ste shar phyogs su thig gdab par bya'o/ /de nas rlung gi phyogs su gnas la lho phyogs su bltas te/ chu bdag dang zhes pa te nub tu thig gdab par bya'o/ /de nyid du gnas la shar phyogs su bltas te nor bdag ces bya ba byang phyogs su thig
 gdab par bya'o/ /de nas yang me'i phyogs su gnas la nub tu bltas te gshin rje'i phyogs su ni zhes bya ba lho phyogs su thig gdab par bya'o/ /de ltar ngos bzhi'i thig bzhi btab nas/ yang ngos re re zhing gzhal bar byas la/ gzhal nas
 gal te shin tu mnyam par gyur cing cha snyoms par gyur na/ de'i 'og tu mtshams kyi thig gnyis gdab par bya'o/ /de yang ji ltar gdab ce na/ phyin pa zhes bya ba la sogs pa smos te/ dang por slob dpon byin pa ste me'i phyogs su gnas la mtshams
 kyi thig gdab par byas la/ de'i 'og tu srin po ste bden bral gyi phyogs su gnas la/ mtshams kyi thig gnyis pa gdab par bya'o/ /thams cad du yang srad bu 'dzin pa ni slob dpon dang srad bu 'dzin pa gnyis ka yang g.yas nas bskor
 par bya'o/ /de ltar byas pas ni zur bzhi pa dang thig bzhi ba'i dkyil 'khor du 'gyur te/ 'dis ni tshad ci tsam du 'dod pa'i dkyil 'khor gyi gnas grub par bshad pa yin no// //da ni ngos kyi cha chen po rnam par dbye ba bstan pa'i phyir
 de 'og ces bya ba la sogs pa smos te/ de ltar byas pa de'i 'og tu ste/ rjes thog la'o sngags pa zhes bya ba rdo rje slob dpon blo ldan pas zhes bya ba shes rab phun sum tshogs pas/ ngos bzhi'i cha ni dbye bya ste zhes bya ba ngos bzhi pa'i cha
 so sor dbye bar bya'o/ /re re yang zhes bya ba la sogs pa la re re 'am so sor ngos kyi thig gdab pa la/ cha chen bcu drug tu zhes bya ba ste/ yang? cha chen po bcu drug bcu drug tu rnam par phye la mtshan ma gdab par bya'o/ /de nas rab mnyam
 zhes bya ba ni shin tu legs par bcal te mnyam par byas pa'i phyir ro/ /yid 'od la ni mdzes shing gsal ba'o/ /so so'i cha ni dbye bar bya zhes bya ba ni/ cha chen po re re zhing cha chung du bzhi bzhir dbye bar bya'o/ /de ji ltar dbye zhe na/ dang
 po dang ni zhes bya ba la sogs pa smos te/ tshangs pa'i thig dbus ma'i rgyab kyi cha chen po nas bgrangs te phyogs kun tu bya ba'o/ /de yang dang po ste gcig nas brtsams te/ gnyis pa dang/ gsum pa dang/ bzhi pa bkol la/ de bzhin
 du lnga pa dang/ drug pa dang/ bdun pa dang/ brgyad pa ste/ ngos kyi zur na gnas pa'i cha chen po'i bar du bzhi bzhi ste/ cha chung du bzhi bzhir legs par bsgo bar bya zhing dbye bar bya'o/ /de ltar tshangs pa'i thig gi ngos
 gcig bgos nas/ tshangs pa'i thig gi ngos gnyis pa yang de dang tshul mthun pa'i phyir/ brgyad pa gzhan yang de bzhin bgo zhes bya ba smos te/ tshangs pa'i thig gi ngos gnyis pa'i brgyad po yang gong ma dang tshul mthun par dpa' //?
 zhes bya ba'i don te/ /de ltar phyogs bzhir mnyam zhing mtshungs par rnam par bgo bar byas nas de'i 'og ste/ phyis legs par thig gdab par bya'o/ /de ltar thig btab pas re'u mig tu 'gyur zhe na/ de bstan pa'i phyir 'di la phreng
 re 'am re mig 'di zhes bya ba la sogs pa smos te/ 'di la zhes bya ba ni mngon sum du gyur pa'o/ /'phreng re 'am re'u mig ni/ lnga bcu rtsa brgyad dag tu 'gyur zhes bya ba thig gdab pa 'breng? re zhing lnga bcu rtsa brgyad du 'gyur te/ spyir
 ni re mig lnga stong bzhi brgya yod par zhes par bya'o// //tshon sna lda'i ri mo'i gnas kyi thig gdab pa bstan pa'i phyir/ tshangs pa'i thi gi zhes bya ba la sogs pa smos te/ dang po tshangs pa'i thig nas brtsams te/ ngos
 gnyis la ste/ phan tshun gyi logs kyi cha chung du bsgrangs pa'i gsum pa dang/ de bzhin du ldam dang/ de bzhin du bcu bzhi pa dang/ de bzhin du bcu bdun pa dang/ de bzhin nyi shu pa dang/ cha lnga lngar phyogs bzhis ri mo lnga'i don du
 cha lngar? phye ste thig gdab par bya'o/ /thig btab pa des cing 'gyur zhe na/ /sgo khyud ces bya ba la sogs te gsum pa ni sgo khyung du 'gyur/ de bzhin lnga pas logs su 'gyur ro/ /bcu bzhi pa ni ngos su 'gyur ro/ /bcu bdun pa ni 'bram du
 'gyur ro/ /nyi shu pas ni ya phubs bzang po ste/ sgo'i steng gi char 'gyur ro/ /thig gi rim pa lngar bstan pa 'di ni de kho na nyid bsdus pa la sogs pa rgyud kyi rgyal po ma lus pa thams cad la yang thun mong du gyur pa yin te/ /de lta bu'i thig
 gang ba za de mdor bsdus shing nyung dur byas shing bstan cing bshad pa yin no/ /zhes bya ba'i don to/ /de ltar btab zin nas ci bya zhe na/ de'i 'ig? tu ji lta ba bzhin du dbyi dgos pa ste/ de'i thabs bstan pa'i phyir/ blo sgo nas brtsams nas
 ni zhes bya ba la sogs pa smos te/ blo ldan shes rab che ba'i slob dpon te/ des dang po sgo nas brtsis te dbyi zhing mi mngon par bya'o/ /ji ltar dbyi zhe na/ shin tu mnyam zhing gsal bar dbyi zhes bya ba smos te/ sgo la sogs pa lha thams
 cad kyi gnas rnams mnyam zhing gsal bar dbyi bar bya'o/ /shin tu mnyam zhing zhes bya ba rang rang gi tshad dang mnyam pa dang/ de bzhin gsal ba ste bye brag phyed cing mngon par dbyi'o/ /sgo'i tshad ci tsam du zhe na/ sgo ni 'khor lo'i brgyad
 char ro/ /zhes bya ba smos te/ 'khor lo'i zhes bya ba ni 'dir ngos kyi ri mo lnga'i nang gi nang gi cha chen po brgyad kyi tshad kun nas mnyam par gnas pa la bya ste/ de'i dbus su tshangs pa'i thig gis brgyan pa brgyad char gnas pa las de cha chen 
 po gcig gi tshad du sgo dbyi bar bya'o/ /ya phubs bcas par zhes bya ba ni steng gi ya phubs dang ngos kyi 'gram dang bcas par dbus su mnyam zhing gsal bar dbyi'o/ /sgo khyud ces bya ba la sogs pa la sgo khyud kyi khyams su bya ba ste de
 yang zheng du ste rgyar cha bcu gnyis kyi tshad dang mnyam par dbyi zhing/ de'i chur ni ji srid sgo khyud gnyis kyi bar/ khyams kyi char ni rnam par brkyang zhes bya ba smos te/ sgo gnyis pa'i sgo khyud kyi bar mthar thug gi bar du phyogs bzhi kun
 nas legs par bskor ba'i khyams su bya ste rnam par brkyang zhes bya ba'i don to/ /sgo khyud kyi phyi rol nas brtsams te khyams kyis brgyan par bya'o/ /'gram zhes bya ba la sogs pa la rin po che phag gu ni nor
 bu 'phreng ba ste/ de yang sgo 'gram gyi rgyab zheng du cha chung gcig yod par 'gram gyi cha nyid dang 'brel par bri bar bya'o/ /dra ba dang dra ba phyed pa'i gnas brtan pa ni logs kyi phyi rol zhes bya ba ni sgo logs kyi phyi rol zheng du cha chung
 gnyis su bya'o/ /ka pa bya ba'i don du logs las rgyab kyi zhes bya ba la sogs pa smos te/ logs kyi rgyab kyi cha gzhan pa ste/ gnyis pa snga ma las cha gcig gis bstod pa ste/ cha chung lngar gnas shing khyams kyi rgyab la 'og lto
 rten cing gnas la/ rta babs kyi ni nang du bya zhes bya ba ste/ rta babs kyi nang gi thig la ka ba'i mgo sbyor bar bya'o zhes bya ba'i don to/ /rta babs kyi gnas brtan pa'i phyir rta babs ya phubs dag las ni zhes bya ba la sogs pa
 smos te/ rta babs kyi ya phubs te sgo'i steng gi cha las cha gcig dor ba zhes bya ba de'i phyi rol gyi cha chung du cig dor zhing bzhag la/ zheng du cha chen po gcig yod pa/ chur ni cha chen po bzhi'i tshad yod par bya'o/ /skas la sogs
 pa ji bzhin 'gyur zhes bya ba ni skas la sogs pa'i ming can gyi dbyibs kyi khyad par yong pa gang dag de dag tu 'gyur bar bya'o/ /de yang ji ltar mdzes pa dang/ yid du 'ong ba bzhin bya ba ste/ skras lta bu dang/ glang po'i rgyab ces
 pa dang/ g+ham baM ra zhes bya ba dang/ b+ha lha bi zhes bya ba dang/ b+ha da ka zhes bya ba dang/ sring ka tra dang/ ma ka ra dang/ dan di dang/ 'phreng ba can dang/ gdugs can dang/ 'phreng ba can rig pa 'dzin pa dang bcas pa dang/ dad pa
 la sogs pa'i bya rnams kyis mtshan pa ste/ de dag la sogs pa gang yang rung bas brgyan ba'i rta babs bya'o zhes bya ba'i don to/ /rta babs kyi steng du chos kyi 'khor lo bya ba'i phyir/ rta babs cha gcig zhes pa la sogs pa smos te/ gdan
 gyi pad+ma ni rta babs kyi steng gi cha la brten nas mchur cha chung du gcig la zheng du chos kyi 'khor lo dang mnyam pa'i pad+ma la gnas par bya'o/ /chos kyi 'khor lo de yang chod ni chu dang zheng du cha chung du gnyis gnyis yod pa/ rtsibs brgyad pa
 'am bcu gnyis par bya'o/ /chos kyi 'khor lo rtsibs bcu gnyis pa 'am brgyad pa bya ste/ de'i tshad kyi chu dang zheng du cha chung du yod par nyes par bya'o/ /de'i chos kyi 'khor lo'i steng du gdugs bya ste/ de yang tshad ni dpangs su cha chung du gcig gi
 tshad du byas la/ re las kyang cha chung phyed ni gdugs bya/ phyed ni yu bar bya'o/ /ri dags gnyis bya ba'i phyir 'khor lo'i ngos gnyis zhes bya ba la sogs pa smos te/ chos kyi 'khor lo'i ngos gnyis te g.yas logs dang g.yon logs/
 thad ka ni drang thad du ri dags gnyis te/ kriSh+Na sa ri ka gnyis mnyam zhing cha 'dra bar gnas la/ ji ltar gnas zhe na/ rta babs la rten 'khor lo'i phyogs bya ste/ rta babs kyi steng gi cha la brten nas gnas la/ chos kyi 'khor lo la mngon par
 phyogs shing kha bltas nas 'dug pa bri bar bya'o/ /ji tsam gyis gnas par bya zhe na/ shin tu 'jar min rgyang ring min zhes bya ba ste/ chos kyi 'khor lo deng ri dags gnyis kyi bar na cha chung du gcig gis chod pa'i gnas su bya'o zhes bya ba'i don
 te/ rdo rje dang rin po che yu ba can bya ba'i phyir/ rdo rje rin chen zhes bya ba la sogs pa smos te/ rdo rje dang rin po ches mtshon pa'i dbyig pa la bya ste/ tshad ni de tshang zhes bya ba la sogs pa smos pas/ ri dags kyi dpangs kyi tshad dang zheng du cha chung
 gnyis yod pa'o/ /de yang ri dags de'i rgyab kyi cha gcig dor ba'i phyi rol gyi thig la brten par bya ste/ de'i 'og gi cha chung du gcig gi yu bar byas la steng gi cha chung du gcig las phyed ni rin po cher bya phyed ni rdo rjer bya'o/ /
 ba dan bya ba'i phyir ba dan dril bu zhes bya ba la sogs pa smos te/ ba dan dril bur ldan pa'i zhes bya ba ni/ rdo rje rin po che mchog gi yu ba la gnas pa'i ba dan cig la dril 'phyang zhing 'khrol ba btags pa dang/ ba dan gnyis pa ni rta babs
 kyi mdza' ma ka ba'i mgo dang nye ba la btags pa ste/ de ltar rta babs kyi ngos gnyis la ba dan mjes par bya'o zhes sngon gyi slob dpon dag 'dod do/ /gzhan yang dra ba dang dra phyed pa'i rnam bu'i phyi rol gyi mtshams kyi ngos gnyis la yang
 gdab par bya ste/ de ltar thams cad brtsis na dkyil 'khor re re zhing ba dan nyi shu rtsa bzhi bzhi 'dogs pa yin no/ /'dir ba dan nye bar mtshon ba tsam du zad do/ /rdo rje rgyal mtshan dang/ dar sna dang/ rin po che dang/ me tog gi phreng ba la sogs
 pa ji ltar 'os pa'i lha'i mchod rdzas sna tshogs pa bzang zhing mdzes pa rnams kyis kyang brgyan par bya'o/ /gzhan yang ngos nas zhes bya ba ni/ mtshon sna lnga bri zhing zur bzhir gnas pa'i nang du shar lho mtshams la sogs pa'i so so'i
 mtshams dag bu lha'i snam bu ste/ lha rnams kyi gnas kyi re khar gyur pa'o/ /de cha chen po gcig gi tshad du byas pas lha so so'i gnas rnams byas la/ de yang rgyud la lar ni re kha gsum du bya dgos la/ dkyil 'khor la lar ni lha'i
 gnas lngar bya dgos/ la lar ni gcig tu bya dgos te/ bcom ldan 'das kyis ji skad gsungs pa'i de bzhin du lha snam dgod pa dang rjes su 'tsham par bya'o/ /da ni chog de thams cad kyi thun mong yin par bstan par bya ba'i phyir/ 'di
 ni zhes bya ba la sogs pa smos te/ 'das pa thag pa 'di ni rgyud? rnams thams cad kyi zhes bya ba de kho na nyid bsnus pa la sogs pa rgyud ma lus pa kun gyi spyi'i thun mong yin te/ gzhan dang gnan du bya ba ni med do/ /thig dbyi ba ni legs pa yin/ zhes
 pa ni thig gdab ba dang dbyi ba legs shing gsal ba yin no zhes bya ba'i don to// //'o na khyad par du bya ba gang yin she na/ 'di'i nang zhes bya ba la sogs pa smos te/ sngar thig btab pa dang dbyi ba byas nas sgo bzhi pa dang rta babs bzhi pa
 la sogs pa dang ldan pa'i ngos kyi nang du lha'i gnas kyis nga rgyan pa'i dkyil 'khor 'di'i nang du zhes bya ba'i lha'i snam bu'i thig gi nang logs su kun nas cha chen po drug yod pa'i zur bzhir gnas pa gang yin pa de'i dbyibs ni nang gi dkyil 'khor gyi tshul
 rgyud kyi rgyal po du ma las sna tshogs par 'byung bas na/ de ni rgyud de dang de'i dbye ba nyid kyis rnam par phye ba yin te/ de bsam thams cad kyang de dag nyid las gsal zhing zur phyin par shes par bya zhing rtogs par byas nas lhag chad med par ?/
 pa nyid du bya'o/ /yang na lhag chad ming? ba nyid du zhes bya ba ni/ da'i gzhung 'di la mi dgos pa'i lhag pa yang med la/ chang ba'i mtshang ba yang med do zhes bya ba'i don la nges par byas pa don to// //da ni de kho na nyid bsdus pa las rdo rje dbyings
 kyi dkyil 'khor 'byung ba dang de'i nang gi dkyil 'khor bstan pa'i phyir de nyid bsdus pa zhes bya ba la sogs pa smos te/ de nyid bsdus pa zhes bya ba ni rgyud kyi mtshan te/ de bzhin gshegs pa thams cad kyi de kho na nyid bsdus pa zhes mtshan du
 btags pa'i phyir ro/ /rtsa ba'i rgyud kyi zhes bya ba ni/ de nyid rnal 'byor gyi rgyud kyi ma lta bu yin pa'i phyir ro/ /bshad bya ste zhes bya ba ni bstan par bya'o zhes khas len pa'i tha tshig go /tshang ci tsam zhe na/ lha'i snam bu'i thig la ni/ 'dab 'byor 'khor
 lo rab tu mdzes/ /zhes bya ba smos te/ lha'i gnas kyi snam bu'i nang gi thig le la 'dam 'byor cing reg par 'khor lo ste/ nang gi dkyil 'khor gyi 'khor lo shin tu mdzes shing tshad dang ldan par bya'o/ /de yang ji ltar bya zhe
 na/ ji ltar rgyud kyi rjes mthun par zhes bya ba smos te/ bcom ldan 'das kyis rgyud las zhes bya ba la sogs ji skad du gsungs pa bzhin du bya'o/ /de nyid ni dkyil 'khor lnga dang ldan zhing gsal zhes bya ba ste/ /sangs rgyas kyi dkyil 'khor
 dang/ rdo rje'i dang/ rin po che'i dang/ pad+ma dang/ las kyi dkyil 'khor ste/ de bzhin gshegs pa lnga'i dkyil 'khor zlum pos dbus dang shar la sogs pa'i phyogs bzhir gsal zhing mngon par bya'o/ /de'i 'og tu dkyil 'khor gyi rnam
 par dbye ba bstan par bya ba'i phyir snga ma'i zhes bya ba la sogs pa smos te/ sngar bshad pa'i thig gi cho ga'i rim pa de la gang cha phra mo'i rnam par dbye ba'i thig gdab pa byas pa gsal zhing rdzogs de la/ de bzhin gshegs pa lnga'i dkyil
 'khor gyi sbyor bas bgo bar bya zhing bskor bar bya'o/ /lha'i snam bu'i zhes bya ba la sogs pa de la/ dang po'i lha'i gnas kyi nang gi thig la sbyar zhing reg par byas nas dang po kho nar zlum po gcig gis bskor bar bya'o/ /de'i 'og ste rjes
 thogs la nang yi zlum por bskor ba gnyis pa ni/ snga ma'i nang che chung gcig las zlum por bskor bar bya'o/ /de ltar bskor ba gnyis kyi bar dag ni/ ste phan tshun gyi zlum por bskor ba'i gnyis kyi bar gyi gnas gang yin pa de ni/ cha
 chung du nyi shu rtsa gnyis su nges par yod pa yin te/ gnas ded ni dkyil 'khor gyi mchog lnga po bya ba'i gnas yin par shes bya zhing khong du chud bar bya'o/ /de la dbus su sangs rgyas kyi dkyil 'khor bya bar bstan pa'i phyir ro/ /tshangs
 pa'i thig las zhes bya ba la sogs pa smos te/ dbus kyi tshangs ba'i thig de'i phan tshun ngos gnyis te g.yas dang g.yon du cha bran gsum gsum bskor bar bya zhing zlum por bskor la/ /yang bskor ba de'i nang du cha chung gcig gi phyed kyi tshang kyis zlum por
 bskor ba gnyis pa bya'o/ /de gnyis zhes bya ba la sogs pa la gong bskor ba phan tshun de gnyis bar du kun nas cha chen po gcig dang bzhi cha dang bcas pa cha chung du ni dbus ma ste/ de bzhin gshegs pa'i dkyil 'khor yin par shes par bya'o/ /lnga po
 zhes bya ba la sogs pa la dkyil 'khor de yang dbus dang phyogs bzhi ste lngar gnas pa de la/ sna tshogs pad+ma dang/ de'i steng du zla ba yis bya ba ste/ zla ba rgyas pas lte ba ste/ dbus dang shar la sogs pa'i phyogs bzhir brgyan par bya'o/ /de lta
 bu'i dkyil 'khor de ni gang gis na/ sangs rgyas kyi dkyil 'khor nyid zhes te/ bcom ldan 'das rnam par snang mdzad kyi dkyil 'khor yin pa de'i phyir/ 'khor lo'i phreng bas yang dag par ldan par bya ba ste/ zlum po'i bskor ba'i ri mo gnyis kyi
 bar du 'khor lo'i phreng bas mu khyud brgyan par bya'o zhes bya ba'i don to/ /de ltar sangs rgyas kyi dkyil 'khor bshad nas shar phyogs kyi cha la rdo rje'i rigs kyi dkyil 'khor bya ba'i phyir/ de mtshungs zhes bya ba la sogs pa smos te/ shar gyi phyogs
 che la zhes bya ba ni/ dbus kyi dkyil 'khor gyi shar phyogs su dkyil 'khor dbus ma dang mnyam ba'i mi bskyod pa'i dkyil 'khor bya'o/ /cha chung phyed dang bcas dor bas zhes bya ba ni/ rnam par snang mdzad kyi dkyil 'khor la cha chung phyed dang gnyis
 ro? zhing spangs pa'o/ /tshangs pa'i thig las de bzhin bskor/ zhes bya ba ni/ tshangs pa'i thig gi ngos gnyis was ? chung gsum gsum pa'i gnas su bskor zhing zlum pa'o/ /nang du yang tshe phyed la la bskor bya zhes bya ba ni sngar bskor ba'i nang du?
 chung phyed kyi tshad las zlum por bskor ba gnyis pa bya'o/ /de'i nang du yang snga ma bzhin du sna tshogs pad+ma'i steng du zla ba'i dkyil 'khor shes par bya'o/ /de bzhin zhes bya ba la sogs pa la de ltar shar dang lho dang nub dang byang
 ste phyogs bzhi'i gnas rnams su'o/ /mi bskyod dkyil 'khor la sogs zhes bya ba ni/ mi bskyod pa dang/ rin chen 'byung ldan dang/ 'od dpag med dang/ don yod grub pa la sogs pa'o/ /dkyil 'khor ni zhes bya ba ni/ gnas mnyam
 par byas pa lnga po'i bdag nyid can zlum por bya'o zhes bya ba'i don to/ /rdo rje rin chen chu skyes dang/ sna tshogs rdo rje'i phreng bas brgyan/ ces bya ba ni/ dkyil 'khor de dag la grangs ji lta ba bzhin du rdo rje'i phreng ba dang/ rin po che'i phreng ba
 dang/ pad+ma'i phreng ba dang/ sna tshogs rdo rje'i phreng bas bskor bas ri mo gnyis kyi bar du brgyan par bya'o/ /slob dpon la la dag gi gzhung gzhan dang/ rdo rje'i ra bas zhes bya ba la sogs pa smos pa yin te/ gong du smos pa ltar sangs
 rgyas la sogs pa'i dkyil 'khor du/ 'khor lo la sogs pa'i 'breng gis bskor bar mi bya'o/ /rdo rje'i ra? bas shin tu mdzes pas dkyil 'khor lnga pa thams cad brgyan par bya'o/ /zhes sngon gyi slob dpon kha cig 'chang de/ de yang
 rigs pa nyid de/ 'di ni gang gi phyir rdo rje'i dbyings kyi dkyil 'khor yin bas na/ gtan tshigs de'i phyir slob dpon de'i gzhung lugs de ni mchog dam pa yin pas gzung bar bya ba nyid do/ /ji ltar zhes pa la sogs pa la ji
 ltar dbus kyi dkyil 'khor gyi bdag po bcom ldan 'das rnam par snar mdzad kyi dkyil 'khor la pad+ma dang zla bas brgyan pa de bzhin du gzhan dag gi yang pad+ma dang zla bas brgyan par bya ba'o zhes bya ba'i don to/ /re'u mig la'o zhes bya
 ba la sogs pa la de bzhin gshegs pa'i dkyil 'khor gyi re'u mig gang gang yin pa de'i dkyil 'khor gnyis kyi bar du cha chung du gcig po phyed dang bcas pa ste/ cha chung du byed dang gnyis kyi tshang du dkyil 'khor dbus ma'i phyogs bzhir gnas
 pa der chu dang zheng du rang gi tshang ji tsam yod pa'i gnyi ga'i mdza' ru ka ba rdo rje phyed pas mtshon pa'i ka ba brgyad byas la/ de yang gcig la gcig rdo rje'i rtse mo 'dus pas mtshams kyi zur bzhi bzhir 'gyur ro/ /dkyil 'khor zhes bya ba la sogs
 pa la/ dkyil 'khor bzhi'i phyi rol gyi rgyab tu cha chung du phyed ces bya ba cha chung du phyed du dor zhing spangs par sngar dang por byas pa'i zlum por bskor ba gnyis kyi bar du rdo rje'i phreng ba bri bar bya'o zhes bya ba'i don to/ /mtshams su zhes bya ba la
 sogs pa la/ nang gang gi dkyil 'khor gyi mtshams te/ /mi bskyod ba dang/ rin chen 'byung ldan gyi dkyil 'khor gnyis kyi bar dang/ de bzhin du rin chen 'byung ldan dang/ 'od dpag tu med pa'i dkyil 'khor gnyis kyi bar dang/ 'od dpag tu
 med pa dang don yod pa'i dkyil 'khor gnyis kyi bar dang/ de bzhin du don yod grub pa dang/ mi bskyod ba'i dkyil 'khor gnyis kyi bar dang/ shar lho mtshams la sogs pa'i gnas bzhi po de rnams su rang rang gnas tshad kyi/ zhes bya ba rang
 rang gi gnas kyi tshad dang 'tsham pa'i zlum por bskor bar byas la/ de'i dbus su sna tshogs pad+ma dang zla ba'i dkyil 'khor gyi brgyan par bya ba'i don to/ /der ni zhes bya ba la sogs pa las mtshams kyi gnas bzhi bo de dag tu sgeg mo
 la sogs zhes bya ba/ rdo rje sgeg mo dang/ 'phreng ba ma dang/ glu dbyangs ma dang/ gang mkhan ma dang/ nang gi mchod pa'i lha mo dgod par bya'o/ /de nyid bsdus pa'i dbus dkyil 'khor/ zhes bya ba ni dpal de kho na bsdus pa zhes bya ba'i
 rgyud kyi rgyal po'i dbus ma'i dkyil 'khor te/ nang gi de bzhin gshegs pa'i pho brang zhes bya ba'i don to/ /'dug sogs phyi yi lha mo bzhi/ /phyi yi mtshams su bri bya zhing/ /zhes bya ba ni/ rdo rje bdug pa mo dang/ me tog ma
 dang/ mar me ma dang/ byug pa ma ste phyi'i mchod pa'i lha mo bzhi ni phyi rol gyi snam bu'i shar lho la sogs pa'i mtshams bzhir bri bar bya'o/ /ji bzhin sems dpa' rnam par dgong/ zhes bya b ni 'gron gyi byang chub sems dpa' bskal
 pa? bzang po bri bar bya ste/ de rnams ni sngar bshad pa'i ngos kyi nang na phyogs re re zhing lha'i gnas bzhi bzhir bya zhing nang du dgod par bya'o/ /sgo rnams su ni sgo srungs bri/ zhes bya ba ni/ shar la sogs pa'i sgo bzhir/ rdo rje lcags kyu dang/
 zhags pa dang/ lcags sgrogs dang/ dril bu ma ste sgo srungs bzhi bri bar bya'o/ /gzhan yang phyi rol zhes bya ba la sogs pa la sngar bshad pa'i sgo bzhi dang/ rta babs bzhi la sogs pa'i phyi rol dkyil 'khor gyi rgyab rgyan zlum por
 bskor ba gnyis kyi dbus su rdo rje'i phreng ba ste/ rdo rje'i ra ba gsal zhing mdzes par bya'o/ /de yang tshad ji tsam zhe na/ cha chen gyi ni phyed kyi tshad/ ces bya ba ste/ cha chung du gnyis tsam 'am/ ji tsam 'os par bya'o/ /'bar ba'i 'phreng ba'ang
 de yi tshad/ /ces bya ba ni/ rdo rje ra ba'i phyi rol tuAng me 'od 'bar ba'i 'phreng ba dang zheng mnyam par bya'o/ /phyi rol shing la sogs pas brgyan/ de'i phyi rol shar la sogs pa tshangs pa'i thig brgyad btab pa'i mtshams thig la sogs
 pa'i gnas su/ la ta la'i shing dang/ puN+Da ri ka dang/ sa la'i shing dang/ shing sha pa dang/ u duM ba ra dang/ a mra dang/ a shwa twa? dang/ na ga ge sar gyi shing dang/ me tog la sogs pa dang/ bya sna tshogs la sogs pas ?
 par bya zhing/ shing gnyis kyi bar du mtsho dang/ rdzing bu la utpa la dang/ pad+ma dang/ ku mu da dang/ puN+Da ri ka la sogs pa me tog rnams kyis brgyan par bya zhing/ de'i steng na dang pa dang/ ngur pa dang/ bya ka lan+ta ka la sogs pa/ sgra sgrogs
 pa lta bur mdzes par bya'o/ /nang du de yi phyed phyed du/ zhes bya ba la sogs pa la/ cha chung du nyi shu rtsa bzhi ni nang gi dkyil 'khor te/ der ni sgyu 'phrul dra ba la sogs pa'i dkyil 'khor du nang du sgo bya bar gsungs pa gang yin pa der na cha
 chung nyi shu rtsa bzhi po de nyid cha chung der? zhing phyed phyed du bgos te cha gnyis par byas la/ de bzhin du gsum pa dang/ lnga pa dang/ bcu bdun pa dang/ nyi shu pa dang/ nyi shu gsum pa ste/ de lnga la thig gi cha gsum gsum du bgos la ri
 mo gsum gsum du bya'i/ ri mo lngar lngar ni mi bya ste/ phyi'i tshon sna lngas ri mo bya ba yin la/ nang gi ri mo gsum bya ba yin pa'i phyir ro/ /de ltar byas pa'i sgo bzhi'i bar du/ dkyil 'khor gyi rim pa gnyis pa dang/ gsum pa dang/ bzhi pa dang
 lnga pa dang/ bdun pa la sogs pa'i rim pa bya ba ni/ rgyud kyi dbye ba las rdo rje slob dpon nyid kyis shin tu zhi ba'i shes rab kyi blos rnam par brtag cing rdzogs par bya ba'i don to// //da ni nye bar bsdu ba'i phyir/ rin chen bzang pos dpa' bo rdo
 rje la zhes bya ba la sogs pa smos te/ gang gi don du 'di byas zhe na/ rin chen bzang po ste/ gang gi phyir ming rin chen gyi mdza' ma bzang po dang ldan pa des tshul bzhin du btab pa'o/ /gang la btab ce na/ dpa' bo rdo rje la ste/ dbang bskur ba'i
 ming ni dpa' bo rdo rje ste/ slob dpon dang byed go cha la'o/ /ji ltar btab ce na/ dad cing gus pas mang du gsol btab pas/ zhes bya ba smos te/ gsang sngags kyi spyod pa dang/ dkyil 'khor gyi las la dad cing mos la/ bla ma la gus pas
 mang du gsol ba btab pa'o/ /ci'i phyir byas zhe na/ brtse phyir zhes bya ste/ rang gi slob ma dar/ sems can gzhan rnams la brtse ba'i phyir slob dpon gyi dpe mkhyung spangs pa'o/ /gang zhig byas zhe na/ thig gi cho ga gsal
 phye bas/ zhes bya ba ste/ nor bu'i gling gi slob dpon bde ba'i rdo rje'i rjes su 'brangs nas gsal zhing phyin ci ma log par byas pa'o/ /nyes par gyur pas bdag la bzod par mdzod/ ces bya ba ni/ bdag gis slob ma dam pa'i don du thig gdab pa'i chog
 mdor bsdus pa byas pa 'di la/ dam pa ste bde ba'i rdo rje la sogs pa slob dpon bdag la bzod par mdzod cig pa'o// //bsod nams yongs su bsngo bar bya ba'i phyir/ 'di byas bsod nams dam pa yin/ zhes bya ba la sogs pa smos te/
 gong du bshad pa'i thig gdab pa'i cho ga byas pa las dri ma med pa'i bsod nams dam pa byang chub tshogs gyur gang thob des ces bya ba ste/ byang chub ni sgrib pa dar bral ba'i ye shes so// //de'i tshogs ni rdzogs par byed pa ste/ de lta bur
 'gyur ba'i bsod nams gang zhig thob pa'i bsod nams des ni/ 'gro ba drug tu gtogs pa'i sems can ma lus pa 'di dag dkyil 'khor gyi bdag po rnam par snang mdzad du rang nyid mngon sum du grub par gyur cig pa'o// //gang zhig
 bla ma'i rab mchog u rgyan mkhan po'i gzhur/ /yon tan de nyid bcu shes sangs rgyas zhi ba yi/ /shin tu gces shing sbas pa'i dkyil 'khor bris pa'i las/ /de 'dir phye bas 'jig rten rdo rje 'dzin grub shog// //yul kha cher skyes pa'i
 rdo rje slob dpon sh+rad+d+ha ka ra ? rang nyid kyis mdzad pa'i thig gdab pa'i cho ga'i 'grel pa/ bod yul du skyes pa'i dge slong rin chen bzang pos gsol ba btab nas 'grel pa byas pa rdzogs so// //rgya gar gyi mkhan po sh+rad+d+ha ka
 ra parma dang/ zhu chen gyi lo tsa ba dge slong rin chen bzang pos skad gsar chad kyi zhus te gtan la phab pa'o// //'jam pa'i rdo rje la phyag 'tshal lo/ /dkyil 'khor gru bzhir byas pa la/ /zur thig phyogs thig mnyam par gdab/ /cha chen