བོད་ཡིག

e-texts based on the ACIP/ALL Input

'khor lo chen po'i lha tshogs la bstod pa bzhugs so// //rgya gar skad du/ nI lAM ba ra d+ha ra badzra pa ni mahA yak+Sha tsakra a hA de ba ga na maN+Dal stod tra nAm/ bod skad du/ gnod sbyin gyi sde dpon chen po lag na rdo rje gos sngon po can 'khor lo chen po'i lha tshogs la bstod pa zhes bya ba/ dpal phyag na rdo rje la phyag 'tshal lo/ /hUM cang lo can gyi gnas mchog dam pa na/ /sa bcu'i byang chub sems dpa' i gtso bo ste/ /skye med dang las longs spyod rdzoT pa'i sku/ /yon tan ma lus rdzogs pa khyod la 'dud/ /sprul pa'i sku mchog gdug pa'i dul mdzad pa/ /brjid pa'i sku lnga sbrul brgyad sku la brgyan/ /snang srid dbang du bdud pa'i mthu stobs can/ /srid gsum sdug bsngal mthar mdzad khyod la 'dud/ /zhabs gnyis brkyang bskum mthing nag 'bar ba'i zhal/ /g.yas dkar g.yon dmar spyan gsum ldan/ /phyag drug g.yas 'chang g.yon sdigs mdzub/ /bar gnyis thal rdebs mdza' gnyis sbrul gsol 'dud/ /dpral ba'i khro gnyer smin ma g.yo zhing 'khyug /dbu kra kham nag gyen rdzes me stag 'phro/ /ral pa'i cod pan sbrul gyi gdeng kas brgyan/ /rigs kyi bdag pos dbu brgyan khyod la 'dud/ / ljags 'gril mche gcigs nga ros 'brug sgra sgrog /kha rlangs me ltar 'bar bas gdug pa sreg /mche ba gtsigs pas dug gsum rtsad nad gcod/ /nyon mongs 'joms par mdzad pa khyod la 'dud/ /'jig rten gsum sleb sku mchog shin tu brjid/ /sngon po 'chang ba'i na bza' sku la gsol/ /dus gsum me ltar 'od zer 'bar ba'i sku/ /srid gsum zil gnon khyad 'phags khyod la 'dud/ /gsus pa'i smad 'khyil stag gi sham thabs can/ / tshangs pa brgya byin nyin zla 'bar ba'i steng/ /zhabs gnyis phrag zhags yon tan rdzogs pa'i sku/ /mdza' gnyis rtag chad sel mdzad khyod la 'dud/ /rngam pa'i sku yis bdud rnams 'dul bar mdzad/ /brang 'gro brgyad kyis sku brgyan klu dbang 'dul/ /brkyang bskum brjid pas gnod sbyin zil gyis gnon/ /phrin las thar mdzad khyod la phyag 'tshal 'dud/ /sbrul ba'i khro tshogs bye ba sku la 'phro/ /hUM phaT sgra 'byin mtshon cha mang bo 'dabs/ /thing nag sku yas khams gsum cho des 'debs/ /sprul pas skrag mdzad khyod la phyag 'tshal 'dud/ /yum mchog mdzes ldan mthing nag zhal gcig ma/ /phyag g.yas gri gug dung dmar zhal du stob/ /rus pa'i phreng brgyan skal pa'i 'od zer 'phro/ /sbrul pa grangs med khro chung 'phri la 'dud/ /dri za'i rigs 'dul khro rgyal bdud las rgyal/ /sku yi rang bzhin zhi ba'i las mdzad pa/ /dkar gsal zhal gcig phyag bzhi rdo rje 'phyar/ /rtse gsum sdigs mdzub gti mug 'joms la 'dud/ /brkyang bskum bzhugs nas na bza' sngon po gsol/ /brang 'gro brgyad kyis sku brgyan mthu stobs can/ /gsung ging ros log 'dren gdug pa 'dul/ /rngam mdzad bdud las rgyal byed khyed la 'dud/ /gnyes byed yum ni lha mo 'od zer can/ /dkar mo 'dzum can zhal gcid phyag gnyis ldan/ /spu gri gtso 'khyud dung dmar yab la stob /khro chung bye 'gyed lha mo 'khyod la 'dud/ /gshin rje 'dul mdzad yon tan rang bzhin sku/ /rgyal ba'i phrin las mthar phyin sku mdog ser/ /zhal gcig phyag bzhis bdud 'dul rdo rje 'phyang/ /dbyug to g.yon 'dzin sdigs mdzad 'khyud la 'dud/ /zhabs gnyis brkyang bskum gshin rje mnan mdzad 'gying/ /brjid sku na bza' sngon po stag ris gsol/ /rigs bzhi gdug pas sku brgyan yon tan rgyas/ /sprul pa'i khro 'gyeng gzi brjid 'bar khyod 'dud/ /dgyes mdzad lha mo dbyangs can gser mdog zhal/ /zhal gcig phyag gnyis ral gri gtso la 'khyud/ /band+ha khrag brkang yab kyi zhal du stobs/ /sprul pa grangs med 'gyed mdzad khyod la 'dud/ /klu dbang 'dul mdzad gsung gi rang bzhin sku/ /dbang gi phrin las mthar phyin sku mdog dmar/ /'gying bag zhabs gnyis brkyang bskum sa bdag gnon/ /rngam chen me ltar 'bar ba khyod la 'dud/ /zhal gcig phyag bzhis rdo rje sbrul zhags bsnams/ /sdigs mdzub 'khyud mdzad gsung gi rngam stobs can/ /sbrul rigs bzhis brgyan gos sngon stag ris gsol/ /klu rigs dbang sdud rngam skra sgrogs la 'dud/ /mnyes mjed lha mo dmar mo 'dzum bag can/ /zhal gcig phyag gnyis ste'u gtso la 'khyud/ /dung dmar stobs mdzad sprul pa'i khro tshogs sprul/ /thabs mkhas sgra gcan yum mchog khyod la 'dud/ /gnod sbyin rigs 'dul phrin las rang bzhin sku/ /rtog pa'i phrin las mthar phyin sku mdog ljang/ /zhal gcig phyag bzhi sku mchog phyag mtshan ldan/ /phrin las bzhi mdzad rdo rje be con 'dzin/ /sdigs mdzub gnyis mdzod yum la 'khyud khyod 'dud/ /brkyang bskum mdzad pa'i rigs bzhi'i sprul gyis brgyan/ /stod g.yogs sngon po stag ris na bza' bsol? phrin las thams cad rdzogs mdzad mthu stobs can/ /bgegs rnams 'joms mdzad bdud rtsi 'khyil khyod 'dud /thod gyur ljang khu zhal gcig phyag gnyis ma/ /thabs shes tshul ldan 'khor lo gtso la mkhyud/ /snying rje'i rang bzhin ban dmar yab la stobs/ /sprul lnga 'gyed mdzad rlung 'byin sku la 'dud/ /dza(rgyud 'grel dpung 'joms mdzad sgom bzhi la 'dud/ /rang gi dad pa'i stobs kyis skul 'gyur nas/ /mos pa'i dbang gis bstod pa 'di byas pa'i/ /bsod nams tshogs gyur sgrib pa gnyis byang nas/ /rgyud shel ltar dag sems can don byed shog /bstod pa mos pa'i rgyud ngan tha ba btul/ /ma rig mun sil dag ba zla zer 'dra/ /dri med gsal ba gang thob sems can rnams/ /'khor lo chen po'i lha zhal mthod bar shog /gnod sbyin gyi sde dpon chen po lag na rdo rje gos sngon pe can 'khor lo chen po'i lha tshogs la bstong ba zhes bya ba/ nam gru'i rigs las dngos grub brnyes pa'i dzA ba ri bas mdzad pa rdzogs so// //rgya gar gyi paN+Di ta chen po de ba pu r+Na a ti dang/ bod kyi lo tsA ba dge slong chos kyi bzang pos bsgyur ba'o// //*/ /rgya gar skad du/ pra ti hya sa mu tpa tsh+ya nA ma rak+Sha/ /bod skad du/ rten cing 'brel par 'byung ba'i bsrung ba zhes bya/ dpal phyag na rdo rje la phyag 'tshal lo/ /bde gshegs