<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1790: 'phags pa lag na rdo rje gos sngon po can drag po gsum 'dul zhes bya ba'i rgyud kyi 'grel pa<br><table><tr><td>
<input type="button" onclick="location.href='tcompletep.php?id=N1790&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1790&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1790&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">po dang glan chung dang ma tshul khrims kyis bsgyur cing zhus dag go/ //*/ /'phags pa 'gan rdo rje gos sngon po can drag po gsum 'du bzhes bya ba'i rgyud kyi 'grel pa slob dpon dzA ba ri pas mdzad pa bzhugs so// //
 rgya gar skad du/ Arya nI lA mpa ra d+ha ra badzra pA Ni ru ta pi ti ta nh+ra bri ti nA ma/ bod skad du/ 'phags pa lag na rdo rje gos sngon po can drag po gsum 'dul ba zhes bya ba'i rgyud kyi 'grel pa/ bcom ldan 'das 'jam pa'i rdo rje
 la phyag 'tshal lo/ /gang zhig nyon mongs dug las sgrol mdzad pa/ /don dam dbyer med khro chags skur snang pa/ /gdug pa'i dug rnams 'joms par mdzad pa yi/ /thugs rje can la rab tu gus btud de/ /dug
 zan chu dang 'o ma dbye ba yi/ /bla ma'i rim gyis rgyud 'dir phan phyir brtsam/ /thabs dang shes rab gnyis med pa'i/ /mi 'gyur dbyer med rtags kyis mtshan/ /drag po rnams gsuM nyon mongs 'joms/ /nyon mongs shes bya las 'phags
 pa'i/ /brjod med rtog bral sku don bshad/ /'di skad bdag gis thos pa dus gcig na/ bcom ldan 'das bdud rnam par 'joms pa bdud kyi sde dang/ lhan cig tu 'og min gzhan 'phrul dbang byed kyi pho brang na thabs cig
 tu bzhugs te/ zhes bya ba ni bcom ldan 'das byang chub tu sems bskyed nas/ bcom ldan 'das mar me mdzad kyis lung ston pa bstan pa mdzad nas/ /gdul bya 'dul bar mdzad pa ni/ bcom ldan 'das mngon par rdzogs
 par sangs rgyas par mdzad de/ 'od bye ba dpag tu med pa khyab par mdzad nas/ ngan song gsum sbyong bar mdzad de/ g.yo ba dang/ 'gul ba dang/ ldeg pa ston pa mdzad nas/ rdo rje gdan byang chub kyi snying po de nyid du
 bzhugs so/ /de nas bdud dga' rab dbang phyug 'khor dang bcas pa ting nge 'dzin gyi mthus de nyid du lhags nas bar du bcad par bya ba'i phyir tshig 'di smras te/ sems can yongs su smin ma byas/ /pha rol phyin drug
 rdzogs ma byas/ /spyod pa de gnyis rdzogs byas na/ /de med phyir na mi rigs so zhes smras so/ /de'i bsam pa phyin ci log bzlog par bya pa'i phyir bcom ldan 'das kyis phyag g.yas pa sa la brdabs bas sa gzhi thams cad g.yos
 khrugs nas/ bcom ldan 'das kyi mdun de nyid du sa'i lha mo gser btso ma lta bu thon te/ thon ba tsam gyis bdung bred bzhin du 'dug par gyur to/ /de nas bcom ldan 'das kyis sa'i lha mo de la bsgo ba mdzad nas nge sa'i steng nas rdul
 phra mo blangs te/ sangs rgyas par rigs so zhes smras pas bdung 'khrugs nas nam mkha' la song ngo/ /de nas bdud de gzhan 'phrul dbang byed kyi lha'i bu'i bdud dang/ sa 'og na gnas pa'i klu dang/ /sa steng na gnas pa'i gnod sbyin
 lag na rdo rje la sogs pa bdud kyi 'khor thams cad bsdus par gyur to/ /de nas bcom ldan 'das la bdud 'khor dang bcas pas mtshon rnam pa du ma dang/ /'brug dang thog dang/ lcags kyi ser ba drag po dbab pa dang/ gcan
 zan gdug pa bzhin khros pa rbad pa dang/ ri dang brag thogs pa med par 'phangs pa de thams cad zhi bar mdzad de/ gang gis kyang mthong bar ma gyur to/ /de nas nam mkha' i dkyil de nyid du dus gsum gyi de bzhin gshegs
 pa thams cad kyi 'od zer gyis byin gyis brlabs ba'i sku phyag na rdo rje'i ting nge 'dzin la snyoms par zhugs so/ /zhugs pa'i de ma thag tu g.yo ba dang 'gul ba dang/ ldeg pa la sogs pa byung ste/ /bdud de rnams ci byung snyam
 pa'i bsam pas phyogs su lta ba ni bred cing sdug bsngal ba'i bsam bas so/ /de nas nam mkha' la bltas te/ mthong bar gyur nas snying 'gas pa'i tshul gyis sa la 'gyel bar gyur te/ sa dang po'i bsam pa dar ldan par gyur to/ /
 de nas sprul pa'i phyag na rdo rje byang chub sems dpa' dpag tu med pa dang bcas pa 'jig rten gyi khams gzhan nas 'thon te/ bcom ldan 'das de la bskor ba byas nas/ byang chub sems dpa' phyag na rdo rje'i phyag gis/ bdud de
 rnams la reg ma thag tu dran pa rnyed par gyur te/ snying rje'i bsam pa rgyud la skyes nas/ nam mkha' i khro bo chen po yang mthong bar gyur te/ phyag na rdo rje la myur ba'i tshul gyis skyabs su 'gro ba'i tshig brjed pa ni/ /
 gtso po bdag cag rnams la bskyab tu gsol/ 'jigs pa chen po 'di las bskyabs du gsol zhes smras pa dang/ phyag na rdo rjes de nyid la song zhes pa'i lan brjod nas skyabs su song ngo/ /de nas dus de'i dus su zhu pa phyag na rdo rje
 bdag gis thos /dus gcig na thos pa'o/ /'o na gang las thos she na/ bcom ldan 'das bdud rnam par 'joms pa'i phyag na rdo rje'i ting nge 'dzin la snyoms par zhugs pa'i bcom ldan 'das pa'o/ /gnas gang du zhe na/
 'dod pa khams kyi rtse mo/ gzugs kyi khams kyi ma tha ste/ gzhan 'phrul dbang byed kyi gnas su'o/ /'khor gang dang ldan zhe na/ sa bla sa steng/ sa 'og gi gdug pa can rnams dang thabs gcig tu bzhugs so/ /'o na rgyu
 cis de rnams dang lhan cig tu bzhugs she na/ 'das pa'i sangs rgyas mar me mdzad la sogs pa gaM gA klung gi bye ma dang mnyam pa ji snyed cig bzhugs pa rnams kyis byang chub tu sems bskyed par mdzad pa'i rjes la/
 ma 'ongs par lung ston par mdzad de/ /khyod bcom ldan 'das shAkya thub pa zhes bya ba mi mjed du 'byung ngo zhes lung bstan nas/ gdug pa can rnam pa 'di gsum thul cig ces gnang ba byin pas na/ /gnod sbyin gyi sde
 dbon dang bcas pa pham par byed pa dang/ bdud kyi sde dpon dang bcas pa pham par byed pa/ klu'i sde dpon dang bcas pa pham par byed pa'i dbyings dang ye shes gnyis su med pa'i phyag na rdo rje'i ting nge 'dzin la zhugs pa'o/ /
 de'i phyir dus gsum gyi sangs rgyas 'das pas byin gyis brlabs pa/ da ltar byung bas byin gyis rlob pa/ ma 'ongs pas rlob par 'gyur pa 'di lag na rdo rjes zung cig ces bka' stsal pa'o/ /de ltar bcom ldan 'das kyis bskul nas/ /phyag na rdo
 rjes gsol ba zhes bya ba na gus pa'i tshul gyis bstod pa'o/ /gnod sbyin stong phrag bye ba dpag tu med pa'i tshogs kyis yongs su bskor ba/ mche ba gtsigs pa dang 'tsham pa zhes bya ba ni mche ba ni nyon mongs pa can dang/ nyon mongs pa
 can ma yin pa gcod pa ste/ mtshams ni g.yo ba'o/ /yang na gdug pa can la'o/ /de'i don ni sgrib pa rnam pa gnyis rtsad nas gcod cing thugs rjes 'gro ba'i don la bskyod pa'o/ /mig me mdag gi phung po 'dra ba zhes bya ba ni/ /mig gi
 shes rab po/ /dmar ba ni chags pa'o/ /yang na gdug pa can bsreg par byed pa'i spyan no/ /de'i don ni ma rig pa 'joms pa'o/ /shes rab me mdag gi phung po 'dra ba ni ye shes chen po rang 'bar ba'o/ /dbugs ni
 thugs rje'o/ /me lce ni smin par byed pa ste/ /gzhan smin par byed pa'o/ /yang na 'jigs pa'i nga ro ni hUM ngo/ /sgra ni phyir sgrogs pa ste/ /dbugs phyir 'phros pa'o/ /de ni me lce bzhin 'bar zhing gdug pa can sreg par mdzad pa'o/ /
 de'i don ni dbugs na rgyan mi 'chad pa'i ye shes so/ /me ltar 'bar ba ni gsal ba'o/ /'jigs pa ni 'jigs pas thams cad do/ /nga ro can ni dbugs 'byin pa ste/ /'jigs pa las thar par byed pa'o/ /de bas na 'dod chags kyi
 dbugs 'byin pa la di skad bya'o/ /'o na 'bras bu ci zhe na/ smin ma khro gnyer bsdus ba zhes bya ba ste/ sku gsum gyi 'gro ba'i don byed pa dang ldan pa ste/ rnam par dag cing sku gsum gyi 'bras bu dang ldan pa la bstong pa'o/ /pad+ma dngus?
 lhas lag pa dang dpung pa brgyan pa zhes bya ba ni sbrul dkar pos so/ /nor rgyas dang dung skyong gis dbul brgyan zhes bya ba ni cod pan byas pa'o/ /sbrul rin po che 'bar ba cod pan thogs pa ni sbrul de bzhis?
 rna ba'i steng ni rin po che 'bar ba'i 'od dang bcas pa yod pa'o/ /de yang cod pan byas pa'i nor bu ni yid bzhin gyi nor bu 'bar ba'o/ /gzhan gyi nor bu ni thon ka dang/ pad+ma rA ga dang/ /in+d+ra ni la'o/ /klu dga' bo dang nye dga' 
 bo 'bad bas snyan cha byas pa zhes bya ba ni sbrul dmar po gnyis so/ /'bar ba ni spyi gtsug na pad+ma DA ga 'bar ba'o/ /rkang pas sbrul gdug pa 'bar ba mnan cing zag /klu'i rgyal bo 'dab bzangs ska rags su bcing shing/ /
 klu nag po se rol khar thegs pa zhes bya ba ni stobs kyi rgyu dang/ rigs ldan gnyis nag po khar bcug nas se ral khar drangs pa ste/ kha nas dug nag bo'i 'phro ba/ spyi bo na/ in+d+ra nI la'i nor bu ljang nag 'bar ba'o/ /
 des ni zhe sdang can 'dul bar byed pa'i mtshan ma'o/ /bzhin rgyas pa ya sos ma mchu mnan pa zhes bya ba ni thabs dang shes rab dbyer med pa'am/ dbyings dang ye shes gnyis su med pa ste/ rgyas pas ni bde ba chen po'i
 ye shes kyi rang bzhin rgyas pa'o/ /de'i 'od ni 'dod chags can 'dul bar byed pa'i mtshan ma dang ldan pa'o/ /gshin rje'i cha byang ni sku che ba dang/ shin tu khros pa'o/ /de dang ldan pa'i bcom ldan 'das de ni phyin ci
 log la zhugs pa la khros shing ljags 'khyug pa dang/ gsus pa 'khyil zhing sbrul za bar ston pa'o/ /de'i don ni gshin rje ni phyin cig log gi gang zag la bya la/ de la shes rab kyi snang ba ston par byed bas na gsung gi sgo
 nas snang ba bskyed pa'i glog go /gsum pa ni yangs pa yin la/ sbrul ni gti mug gi rang bzhin no/ /de 'joms par byed pa la/ zab zhes bya'o/ /des ni gti mug can 'dul ba'o/ /de ltar dug gsum 'dul bar byed pa'i mtshan ma
 dang ldan pa'i stod pa'o/ /'o na yon tan gyi khyad par ci zhe na/ rgya mtsho'i thabs su dpag tshad brgyad khri bzhi stong yod pa rkang pa'i bus mor phyir pa zhes bya ba ni sku'i tshad ston pa ste/ shin tu che zhes bya ba'i don to/ shin tu che zhes bya ba'i don to/ /dbang po dang nyi ma'i steng
 na bzhugs ba zhes bya ba ni/ dbang po ni 'dod pa'i khams kyi brgya byin dang/ gzugs kyi khams kyi tshangs pa ste/ kha bub tu bsnol ba'i tshangs ba'i phrag pa'i steng na zla ba nya gang ba lta bu'o/ /brgya sbyin gyi phrag pa'i steng na nyi ma ste/
 de gnyis kyi steng na bzhugs pa ni brkyang bskum du bzhugs pa'o/ /lag pa brdabs pa'i sgras 'jigs par byed pa zhes bya ba ni/ stobs phul du byung ba ste/ lag pa brdabs pas 'jig rten gyi khams brlag par byed pa'i stobs
 mnga' ba'o/ /a la la zhes bya ba ni stong pa nyid la ngo mtshar ba'am/ gdul bye la ngo mtshar ba'i sgra sgrags pas skrag par byed pa zhes bya ba ni sa bla dang sa steng ngo/ /klu rnams brlag par byed ces pa ni sa 'og na gnas pa'o/ /de
 rnams gang mo drag po sgogs pa'i bcom ldan 'das sku de dang ldan pa'i gang rgyangs chen po dgod pa des brlag par byed pa'o/ /'o na 'phrin las mi mnga' 'am zhe na/ kun tu 'phrugs par byed cing gshin rje'i gzugs can/ khams
 gsum 'jigs par byed pa/ klu rnams 'dul bar byed pa zhes bya ba ni/ kun tu 'khrugs par byed pa'i sku de las 'od zer kun tu 'khrugs shing 'pho ba de las sprul pa dpag tu med pa phyag na rdo rje lta bu'i sprul pa 'phro bas na gshin rje'i gzugs
 can/ sa 'og sa steng sa bla gsum 'jig par byed pas khams gsum 'jigs par byed pa'o/ /de yang gdul bya rnam pa gsum 'dul bar byed pas na/ klu rnams 'dul bar byed pa'o/ /de'i phyir de la phyag
 'tshal lo/ /bcom ldan 'das de la byang chub sems dpa' phyag na rdo rjes phyag btsal nas sbabs pa dang ldan pa'i phyir na phyag 'tshal lo zhes pa'i don to/ /de la dgos pa ci zhe na/ byang chub sems dpa' phyag na rdo rjes gstong nas
 gsung du gsol zhes sgras pa'o/ /de nas bcom ldan 'das gzhan 'phrul dbang byed kyi gnas kyi bdud kyi khang pa de nyid du ting nge 'dzin la bzhugs pa ni/ de nas nam mkha' de nyid la gzhal yas khang dang zhes bya ba ni/ ting nge
 'dzin gyi 'phrul pas bdud kyi khang pa de nyid gzhal yas khang du sprul te/ gru bzhi pa la sgo bzhi pa/ 'khor lo rtsibs bzhis rnam par mdzes/ /dra ba dra ba phyed pa dang/ bdud rnams 'dul bar twa ra na'o/ /d+harma d+hA tu nam mkha' i dkyil/ /
 dur khrod 'jigs pa'i dbus su'o/ /'khor lo chen po'i ting nge 'dzin dang ldan pa'i drag po chen pos 'khor bsdus nas zhes bya ba ni/ gzhal yas khang de'i dbus su bcom ldan 'das phyag na rdo rje zhal gsum pa ste/ 'dod pa
 dang gzugs dbang du sdud pa'i zhal g.yas gong/? na dkar phro dmar ser dbus mthing nag gti mug can 'dul pa'i zhal lo/ /yang na khros pa dang/ bzhad pa dang/ gtsigs pas drag po gsum 'dul bar byed pa/ /yang na
 gzhan 'phrul dbang byed pa bdud gtso bo'i cha lugs 'dzin pas bdud dbang du sdud pa'i rtags so/ /phyag drug ni rdo rje rtse lnga pa dang/ sdigs mdzub dang/ bar ma gnyis thal mo rdegs pa/ tha ma gnyis sbrul za pa/ zhabs gnyis nyi zla
 dang tshangs pa dang/ brgya byin mnan pa/ stag shi sham thabs dang/ rigs bzhi'i klus sku la brgyan pa'o/ /gong gi bstod pa'i yon tan skul rdzogs pa'i bcom ldan 'das dang ldan cig tu lha mo mdzes ldan ma mthing nag gri gug
 dang thod pa bsnams shing/ sku la 'khyud pa ltan cig tu gnas te/ bdud 'dul ba'i tshul can no/ /shar phyogs su dri za'i rigs kyi gnod sbyin 'dul bar byed de/ dri za pho mo'i steng du khro bo 'dud las rgyal bar byed pa zhes bya ba sku
 mdog dkar po/ phyag bzhi pa/ rdo rje rtse lnga pa dang kha TwAM ga 'dzin pa/ 'og ma gnyis sdigs mdzub bcangs shing yum la 'khyud pa/ lha mo 'od zer can sku mdog dkar mo spu gri dang thod pa bsnams shing g.yon phyogs nas 'khril
 ba'o/ /lho phyogs su gshin rje'i rigs kyi gnod sbyin 'dul bar byed pa/ gshin rje pho mo'i steng na khro bo gzi brjid 'bar ba zhes bya ba mdog ser po/ phyag bzhi pa rdo rje dang dbyug tho 'dzin pa/ 'og ma gnyis sdigs mdzub bcangs
 shing yum la 'khyud pa/ /lha mo mdangs can ma sku mdog ser me zangs gri dang thod pa bsnams shing g.yon phyogs su 'khril pa'o/ /nub phyogs su chu lha'i rigs kyi gnod sbyin 'dul bar byed pa chu lta pho mo'i steng du khro bo rngam pa'i sgra bsgrogs
 zhes bya ba mdog dmar po/ phyag bzhi pa rdo rje dang sprul zhags 'dzin pa/ 'og ma gnyis sdigs mdzub bcangs shing lum la 'khyud pa/ lha mo sgra dbyangs can sku mdog dmar mo sta re dang tho pa bsnams shing g.yon phyogs nas
 'khril ba'o/ /byang phyogs su gnod sbyin gyi rigs kyi gnod sbyin 'dul bar byed pa'i bgegs kyi rgyal po pho mo bsnol ba'i sten gna khro bo bdud rtsi 'khyil pa zhes bya ba bsku mdog ljang khu phyag bzhi pa/ rdo rje dang be con bsnams pa/ /thog ma
 gnyis sdigs mdzub bcangs shing yum la 'khyud pa/ lha mo rlung 'byin ma sku mdog ljang khu 'khor lo dang thod pa bsnams shing g.yon phyogs nas gtso bor 'khril ba'o/ /shar phyogs kyi sgor sgo ba gnyis
 te/ lcags kyu mdog dkar po zla ba'i steng na phyir brkyang zhing/ lcags kyus 'dren cing sdigs mdzub mdzad pa'o/ /lho phyogs kyi sgor sgo ba gnyis te/ zhags pa mdog ser po/ zla ba'i steng na phyir brkyang zhing/ zhags pa
 'phen cing sdigs mdzub mdzad pa'o/ /nub phyogs kyi sgor sgo pa gnyis te/ lcags sgrog mdog dmar po zla ba'i steng na phyir brkyang zhing/ lcags sgrogs bsnams shing sdigs mdzub mdzad pa'o/ /byang phyogs kyi sgor sgo
 ba gnyis te/ dril bu mdog ljang khu zla ba'i steng na phyir brkyang zhing rdo rje dang dril bu sdigs mdzub bsnol ba'o/ /de ltar dkyil 'khor rab tu sprul nas gdugs pa can rnams dbang du bsdus nas gtso bo 'khor lo chen
 po la gdug pa 'dul phyir bstod pa ni/ phyag na rdo rje drag po che/ /rdo rje khro bo drag chen 'joms/ /rdo rje mi thub 'jigs byed che/ /rdo rje gzi brjid sngags kyi gtso/ /rdo rje phrin las kun don mdzad/ /thabs 'dul 'khor lo che sku
 la/ /'byung ba lnga yi bdag nyid che/ /mdzes ldan 'od zer can dang ni/ /mdangs can sgra dbyangs rlung 'byin te/ /skyed byed las kun sgrub pa la/ /'gugs shing sdud dang sdom zhing 'dzin/ /mdza' rtul las rnams grub pa
 la/ /zhes bya bas bskyed pa'i rim pa'i dkyil 'khor gyi dbang du byas nas bstod pa'o/ /da ni rdzogs pa'i rim pa'i de kho na nyid dbang du byas nas bstod pa ni/ thig le'i rang bzhin mi shigs la/ /kha sbyor nyi zla'i 'phro 'du las
 bgegs rigs stong phrag 'joms mdzad pa/ /'khor lo'i bdag po khyod la bstod/ /ces bya ba la bdag po ni bcom ldan 'das kyi sku ste/ lha'i bdag nyid do/ /'khor lo ni sprul pa dang/ chos dang/ longs spyod dang/ bde ba chen
 po'o/ /thig le ni byang chub kyi sems zhu ba'o/ /rang bzhin ni de kho na nyid kyi rang bzhin mi rtog pa'o/ /mi shigs pa ni dbyer mi phyed pa'am/ tha mi dad pa ste/ de bas na thabs shes rab dbyer med ces bya ba'i don to/ /de rang bzhin
 ji ltar rtogs par bya zhe na/ kha sbyor zhes bya ba ni 'khor lo'o/ /nyi zla zhes bya ba ni la la nA dang ra sa nA'o/ /'phro 'du zhes bya ba ni bsreg pa dang/ gso ba dang/ srog dang gnang du 'phro zhing 'du ba'o/ /dgos pa ci zhe na/ bgegs
 rigs stong phrag 'joms mdzad pa/ /zhes bya ba ni rnam par rtog pa 'joms pa la bya'o/ /yang na 'khor lo ni rnam pa bzhi'o/ /bdag po ni phyag mtshan rdo rje'i rang bzhin te/ srog dang rtsol ba'i rang bzhin no/ /de'i phyir mi shigs
 rdo rje zhes bya ba'i don to/ /kha sbyor ni rdo rje'i rwa dang bum pa'i rang bzhin 'khor lo bzhi'o/ /de yang thabs shes rab kyi rang bzhin te/ /nyi zla rnam pa gnyis so/ /'phro 'du'i tshul gyis ni bsreg pa dang/ gso bdang bsdu ba'o/ /ji ltar
 zhe na/ bdags rigs stong phrag zhi bar mdzad pa'i phyir/ rnam par rtog pa thams cad spangs shing zhi bas na bgegs la sogs pa zhi ba'o/ /de bas na phyi'i bgegs dang/ nang gi bgegs zhi bar mdzad nas phan pa skyed pa'i phyir
 dgos pa ni de'o/ /sa bon rab tu 'bar ba yis/ /thabs dang shes rab bsregs gso mdzad/ /bde chen rab tu gsos mdzad pa/ /sdug bsngal nyon mongs 'joms la 'dud ces gsungs so/ /des ni gong dang yang 'brel lo/ /de'i don ni
 'di'o/ /bgegs ji ltar zhi bar mdzad ce na/ gtor mas zhi ba'i phyir/ /sa bon rab tu 'bar ba yis zhes bya'o/ /de ltar dkyil 'khor gyi de kho na nyid bstan nas/ gsang sngags ston pa'i sgo nas 'khor rnams
 la dam bsgrag pa ni/ tadya thA/ b+ho b+ho pAM nA ga a d+hi pa ta ye /i daM nI lAM ba ra d+ha ra sha rI raM badzra pA ni h+ri da yin/ ya sa ma ti kra ma te/ ut+mA da naM b+ha bi shud+d+hi zhes bya ba ste/ 'di lta ste/ kye kye brang gis 'gro ba'i klu'i bdag po la
 sogs pa rnams 'di las 'da' bar ma byed cig /gang las she na/ phyag na rdo rje gos sgnon po can gyi sku 'dzin pa'i snying po 'di las so/ /'das na ci zhe na/ 'das na brlag par 'gyur ro/ /'das par gyur na nyes ba ji lta bu
 'byung zhe na/ tadya thA/ bu d+ha bu d+ha/ bi bud+d+ha ma ti phra ba ta zhes bya ba ni 'das pa dang/ da ltar dang/ ma 'ongs pa'i sangs rgyas rnams kyis bka' bcag pas/ ha ra ha ra nA ga nan/ phra ha ra phra ha ra nA ga nan/ tshin+d+ra tshinra nA ga
 h+rI da ya ni b+hinda b+hinda nA ga d+ha ma ni/ pI sI man+ta nA ga sha rI Ni/ bi spho Ta ya nA ga na ya na ni/ nA ga bi da ra NA ya hUM phaT/ nA ga kro d+ha sa ta nA ya phaT/ zhes bya ba ni sa 'og na gnas pa rnams la gnod pa mdor bstan te/ 'di 'dra
 ba 'byung ba'o/ /klu rnams gdan du byas nas za ba dang/ mnan nas gtso bo la ster ba dang/ /dbang po'i rten gcod pa dang/ lus bcing ba dang/ klu'i lus dang snying 'bral bar byed pa dang/ klu'i lus gshog pa dang/ klu rnams
 'joms pa dang/ klu khro bos brlag par byed do/ /de'i las la sbyar ba ni/ dkyil 'khor gru gsum pa sgrub pa'i dkyil 'khor gyi byang du bcas te/ bsgrub bya'i gzugs spra tshil lam rten gyi sa la byas te/ de yang gru gsum pa bcug
 nas bdag nyid gong du bstan pa'i 'khor lo chen po bsgoms la/ sgrub pa'i sngags la las kyi sngags de rnams btags te/ yungs kar spru bar byas la las brtsam mo/ /de ni phu las bskyed cing/ dgug gzhug bcing dbyung
 zhing sa bon phu la las bya'o/ /de nas mnan no/ /sa steng gi gnod sbyin la smod pa dor ba ni/ tadya thA/ bi dA ra NA ya hUM phaT kro d+ha sA d+ha nA ya hUM phaT/ ni lAM ba sa nA ya phaT/ a pra hi ha ta ba la ya phaT/ pa la kra maya phaT/ kra
 twan+ta ya phaT/ kri TAn+ta rlu ba ya phaT/ ro Sha N+Tha ya phaT zhes bya ba ni/ khro mo 'joms ma dang/ sgrub pa'i khro mo dang/ sgrub pa'i gos sngon ma dang/ thogs med stobs ma dang/ pha rol gnon ma dang/ mthar byed mnon ma dang/ mthar
 gzugs gnon pa dang/ gtum chen gnon pa'o/ /yak+Sha a basmAr phaT zhes bya ba ni gnod sbyin gyis 'gal ba ni 'di lta ste/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya zhes bya ba ni brdeg pa dang/
 'joms pa dang/ gsod pa dang/ gnon par byed pa'o/ /de'i las sbyor ni/ sdub pa dang 'brel ba'i las sbyor gyi dkyil 'khor byas te/ de yang gru gsum mdzub gang ba byas te/ sbra tshil la gzugs sor brgyad pa snying khar
 k+Sha gzhug par bya'o/ /'khor gyi sprul pas yungs kar la gsang ba'i las bya'/ /de nas mnan pa'i las bya'o/ /tadya thA/ bi dA ra Na ya hUM phaT/ kro d+ha sA d+ha ya phaT/ nI lAM ba sa na ya phaT/ a pra ti ha ta ba la ya phaT zhes
 bya ba ni sa dang/ me dang/ chu dang rlung ngo/ /sa'i lha mos ni rin po che dang/ pad+ma dang/ ku mu tar byin gyis brlabs so/ /me'i lha mos ni 'od gsal ba dang/ 'bar ba dang/ 'od gzhan zil gyis gnon par mdzad do/ /chu'i
 lha mos ni 'bab chu dang/ bdud rtsi'i mtsho dang/ yid du 'ong ba'i char du byin gyis brlabs so/ /rlung gi lha mos ni sgra snyan pa dang/ yid du 'ong ba dang/ sim pa'i ngad dang/ spos kyi ngad du byas
 te bdud rtsi'i cho 'phrul legs par byin gyis brlabs pa'o/ /pa ra kra mA ya phaT/ kri t+tand+hA ya hUM phaT/ kri tAM ta rU pA ya hUM phaT/ ro Sha NA ya phaT/ ces bya ba ni tshor ba dang/ 'du shes dang/ 'du byed dang/ gzugs dang/
 rnam par shes pa'o/ /mtshan mar 'dzin pa la brten nas rnam par 'byed cing phrag dog zhi nas sdug bsngal can rnams bde bar byin gyis brlabs so/ /mi dge ba'i bsam pa dang ldan pa dge bar byin gyis brlabs so/ /
 gzugs mi sdug mdzes par byin gyis brlabs so/ /zhe sdang dang bcas pa byams pa dang snying rje dang ldan par byin gyis brlabs so/ /rnam par shes pa ni gtum pa 'am 'bar ba'o/ /gzugs ni brten pa'i rang bzhin no/ /'du
 shes ni mtshan mar 'dzin pa'i bdag nyid can no/ /'du byed ni thogs pa med pa'am/ chags pa dang bral ba'o/ /tshor ba ni bde ba'am rgyud la srog 'dzin pa'i rang bzhin no/ /gzhan gyi rgyud sreg pa'i khro bo'i gzugs
 mngar 'joms par byed cing pha rol gnon par byed pas/ trA sa nA ya phaT/ kusma N+DodsA ta nA ya phaT/ pre ta pe shA tsa bi na shA ka rA ya phaT ces bya ba 'ching ba dang/ 'dzin pa dang/ gsod pa dang/ gnon pa la sogs
 pa'i gnod par 'gyur ro/ /de'i las sbyor ni 'di lta ste/ bdud rnams dang/ grul bum rnams pa dang/ srog 'phrog par byed pa'i yi dags rnams dang/ sha za la sogs bdud dang bdud kyi rigs ma rungs pa rnams so/ /de rnams
 bka' las 'das na brlag par 'gyur te/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya zhes bya ba ste/ 'ching ba dang/ 'dzin pa dang/ gsod pa dang/ gnon pa la sogs pa'i gnod par 'gyur ro/ /de'i las sbyor ni
 bskrad pa dang/ gsod pa'o/ /bskrad pa ni gro ga'am shing shun la gdon gyi gzugs brnyan bris te/ rdo rjes mi la bsro zhing bya ba par bya'o/ /sngags che ge mo u tsa ta ya phaT ces brjod nas bskrad par bya'o/ /gsad pa ni sgrub pa'i
 dkyil 'khor dang 'brel ba'i gsad pa'i dkyil 'khor byas te/ gru gsum pa ni ma ba'i khu bas phyags te/ nang du rdo rje rtse mo gyes pa/ nag po bri bar bya'o/ /zur gsum la lcags kyu bri bar bya'o/ /mdza' ma la me ri dang gri
 gu gis bskor bar bya'o/ /de'i gzugs brnyan sor brgyad snying khar bre dang bcas pa rer bcug nas ni ma ba'i khu ba dang yungs kar dang phye ma gsum la sprul pa'i khro bor byas la gsad pa'i las bya'o/ /chas gos ni nag por
 bya'o/ /bdag nyid bsgom pa ni 'khor lo chen po ji lta ba bzhin du gsal bar bya'o/ /phyir gsad thabs sbyar ba ni/ sarba bid+h+nAM bi nA sha ka rA ya phaT ces bya bas las bya'o/ /bstan pa 'jig rten pa rnams la ni/ /gu hya 'di
 ni rab tu bstan/ /rabs chad thod pa'i snod nang du/ /dza(rgyud 'grel lA ba ra d+ha ra sha rI rAM badzra pA Ni h+raM da yaM/ ya(rgyud 'grel lan bdun bskor bas bzlog par bya'o/ /de thim pa dang shar phyogs su 'dug ste/ gtor ma btang nas bslab pa gso ste gsol ba gdab bo/ /de nas rdo rje rtse dgu pas brdungs pa ni/ ha ra ha ra/ pra ha ra
 pra ha ra/ tshinda tshinda/ b+hinda b+hinda/ sarba sha truM bi nA sha ka rA ya phaT ces bya bas brdeg par bya'o/ /de yang dang du bsdu ba dang/ gsad pa dang/ 'dren pa dang/ bcing ba ste/ sgo ba'i gtso bo la brten pa'i sngags so/ /rdo rje rtse mo
 yas rtses bskor zhing brdung bar bya'o/ /ha sa ha sa/ d+ha ra d+ha ra/ mA ra ya mA ra ya/ nA shA ya nA sha ya zhes bya ba ni/ rkang pa'i 'og nas mnan cing brdeg /dgug dang dbang du bsdu ba dang/ /gsad dang mnan pa'i las yin
 te/ /dkyil 'khor lha'i dbang du byas pa'i sgom pa'i las sbyar ro/ /khro mo bzhis ni mchod pa dbul/ /khro bo bzhi yis las brtsam mo/ /mchod rten bcas pa'i ri rtser spa/ /de yis las rnams 'grub par 'gyur/
 'khor gzhod dkar po'i snod nang du/ /nA ga brgyad kyi gzugs byas te/ /'phel ba'i dus kyi tshes grangs la/ /bdud rtsi 'o mas dus gsum mchod/ /bsnyen pa 'bum du thim pa dang/ /lto phye'i gzugs nang ming gzhug bya/ /
 ma ti pra ba ta ha ra ha ra nA ga nan/ pra ha ra pra ha ra nU gnan/ tshinda tshinda nA gi h+ra da yin /b+hinda b+hinda nA ga d+ha ma ni/ b+hi si ma ta nA ga sha rI ra Ni/ bi spho Ta ya nA ga ya na ni/ nA ga bi dA ra Na hUM
 phaT /na ga ko d+ha sA d+ha ni ya phaT/ klu brgyad drag po'i gsang sngags te/ /bsnyen pa gtso bo'i bsnyen pa la/ /phu btags 'di yi rtsa sngags te/ /'bum bzlas 'di yi lam brtsam mo/ /bsrung ba lus la gdags par bya/ /las
 theb lto 'phye'i thod bcug la/ /byad la gdol pa can la gtang/ /mchod rten rab gnas sgrub sngags so/ /thod pa byin brlabs bskor ba'i sngags/ /phur bu hUM dang phaT kyis so/ /lto 'phye la ni klu brgyad sngags/ /'khor lo gnyis
 su shes pas gzhug /gdon sngags gsal byed dbyangs yig bskor/ /bsnyen bsgrub las rnams rdzogs gyur na/ /rang 'og thams cad 'du bar sba'o/ /'dag pa la sogs byin brlabs nas/ /gru gsum rdo rje mtshan pa'o/
 su rtseg drag po'i mchod rten la/ /bum par gdung dang bcas pas mchod/ /zhag gsum bsnyen pa rdzogs byas nas/ /byin brlabs can gyis rab tu mnan/ /klu 'dul ba yi gzugs bya ste/ /gtso bo'i sngags kyis
 legs bsgrubs nas/ /gru gsum gzugs brnyan bcas pa ni/ /gdams ngag ldan pas legs sbyar sba/ /'khor lo grog shing shun pa/ /nim pa'i chu yis bri ba ni/ /thig bzhi le tsha dgug ba la/ /ma nor
 sngags rnams dgod pa ni/ /bi d+hA ra nA ya hUM phaT/ kro d+ha sA d+ha na ya phaT/ nI lAM ba sa nA ya phaT a pra ta ha ta ba lA ya phaT/ ha sa ha sa/ d+ha ra d+ha ra/ mA ra ya mA ra ya/ nA sha ya nA sha ya hUM phaT ces pa dgod/ par kra
 mA ya phaT/ kri tI ta ya phaT/ kri tI ta du pA ya phaT/ ro ShArka ya phaT/ ha ra ha ra/ phra ha ra pra ha ra/ tshinda tshinda/ b+hinda b+hinda/ hUM phaT/ zur la gzugs dang ming bcangs pas/ 'khrul 'khor gtso bo'i lte bar bskor/ /bi dA
 ra dyA ya hUM phaT/ par kra ma ya phaT/ ces bya bas sa i dkyil 'khor steng gnas pas/ zhi zhing spyang po'i las bskor ro/ /kro d+ha sA d+ha na ya phaT/ kri tAM tA ya phaT/ ces bya bas me'i gdan la rab bzhugs pas/ rgyas
 shing smin pa'i las bya'o/ /de gnyis rtsibs bzhi'i 'khor lo ste/ /dang po'i mtshams su laM bsams te/ /gnyis pa'i mtshams su raM bsam mo/ /ni laM pas nA ya phaT/ kri tAM ta rU pa ya phaT/ a pra
 ti ha ta ba la ya phaT/ ro Sha ha ta ba la ya phaT/ dang po'i 'khor lo rtsibs drug ste/ /chu yi gdan bzhugs 'khrul 'khor na/ /dbang du bya dang sdud pa'i phyir/ /chu yi 'khor lo bskor bar bya/ /tha ma'i 'khor lo rtsibs brgyad
 de/ /rlung gi dkyil 'khor la gnas te/ /dbye zhing brlag pa'i las brtsams te/ rlung gi 'khor lo bskor bar bya'o/ /dang po'i rtsibs mchan baM bsam nas/ tha ma'i rtsis yaM dgong bya/ /thun mtshams gcod cing
 gtor ma btang/ /'khor rnams sna la gtso bos gsad/ /de thams cad kyi bsnyen pa ni bco lnga pa'am/ /nyi shu rtsa gnyis bas bya'o/ /bsgrub par bya ba'i rim pa ni/ /bdag nyid 'khor lo chen po'i ting nge 'dzin du bsgoms te/ tadya thA/ b+ho
 b+ho bAM nA ga a d+hi pa ta ye/ i daM nI lAM ba ra d+ha ra sha rI raM/ kro d+ha sA d+ha badzra pa Ni h+ri da yaM/ ya sa ma ti kra ma te/ utwA d+ha naM/ b+ha bi shud+d+hi rA dz+nyA ba ya ti swAhA/ zhes bya ba ni gtso bo dang yum dang bcas pa'o/ /oM bi d+hA ra tA ya hUM
 phaT/ oM kra d+ha sA b+ha nA ya phaT/ oM nI lAM pa sa na ya phaT/ oM a pra ti ha ta ba la ya phaT/ zhes bya ba ni khro mo bzhi'o/ /oM pa ra kra mA ya phaT/ oM kri tAM ta ya phaT/ oM kri tAM ta rbu ba ya phaT/ oM ro Sha Na ha ta ba la ya phaT/ zhes
 bya bas ni gtso bo'i sngags bstan pa ste/ 'bum du rdzogs nas las brtsam mo/ /oM ha sa ha sa hUM/ oM d+ha ra d+ha ra dza(rgyud 'grel ha ra baM/ oM tshinda tshinda dza(rgyud 'grel la sngags btab ste/ nam mkha' la gtor ro/ /sa 'og na gnas pas brjed na ba la po se'us sam/ /nya bri mas brab bo/ /bdud dang log 'dren gyis brjed na ni skud pa la brjod pas gso'o/ /gal te de las 'das na gang du bstan
 pa'i nyes pa dang 'gyur ro/ /ardza ka'i dog pa bzhin du yang 'gas pas dran par bgyis zhes brjod do/ /de'i tshig ni zhes bya ba'i don ni gdon gsum po de'i'o/ /de las gnod sbyin gyis cho ga ni dang por bdag nyid bsod nams
 dang ye shes gnyis sngon du song ba'i bdud rtsi thigs pa'i sgrub thabs bzhin bsgoms te/ zhag gsum bstung bar 'dug ste/ maN+Dal gyi thog tu yungs kar la sngags bzlas te/ zhag gsum thim pa dang nad pa'i spyi por bzhag/
 lag tu yang byin pas sdang ba dang/ khro ba dang/ bzhin mi sdug pa ston cing phyir 'bros so/ /de la maN+Dal gru bzhi pa mda' gang ba byas te spos kyis byugs/ dbus su 'khor lo rtsibs brgyad pa'i thig gdab ste/ tshon ser por bri bar
 bya'o/ /bum pa kha dog sngon po mgul chings sngon po can brgyad dgod do/ /mda' dang gri dang me long bzhi grwa bzhir gzugs so/ /ras sam dang sngon pos gur du dbub bo/ /gtor ma dmar gtor ma brgyad kyang bkram mo/ /mdun du
 bum pa sngon po mgul tshings sngon po dang bcas pa bzhag go /nad pa byang du khrus byas ta ku sha'i steng du bzhag par bya'o/ /de nas bum pa byin gyis brlab pa ni braM las bskyed cing zla ba'i steng du hUM las khro bo bdud rtsi 'khyil ba sngon po/ phyag
 brang du bsnol pa/ mche ba cung zhig gtsigs pa bskyed la ye shes bstim pa la sogs pa bya'o/ /de nas bdag nyid bdud rtsi thigs pa bzhin bsgoms la/ bum pa sgrub pa'i sngags rings? brgya rtsa
 brgyad bzlas bas zhu bar bsam mo/ /de nas rang gtso bor bsams la dkyil 'khor gyi 'khor lo la gnod sbyin chen po brgyad k+Sha las bskyed/ dgug pa dang bgegs bskrad pa dang/ bstim pa dang bdud rtsi myar ba yan chad rdzogs pa dang
 sngags rings bzlas so/ /de nas gtor ma byin gyis brlab pa ni/ oM hUM h+ri(rgyud 'grel lAM ba ra d+ha ra kro d+ha sA d+ha badzra pa Ni hU hUM ma hA ya tSha ba la ni kha kha khU hi zhes bya bas phul te/ de'i rjes la bum pa'i chus nad pa'i lus bkru bar byas la gtor ma btang na zlog par 'gyur ro /de'i phyir gnod sbyin
 gyi gden gyis bris pa la chu la sngags btab ste gtor ma btang bar 'gyur ro zhes bya'o/ /klu bzlog par byed na bdud rtsi thigs bnas 'byung ba bzhin du zhag gsum bsnyung bar 'dug ste/ bdag nyid lhar bsgoms nas mdun
 dum ngal mchod pa dang bcas pa'i thog tu ku ku ra'i ma'i nya phyis sam/ dngul las byas pa'i gbur gcug nas/ gser sngags su sngags rings 'bum bzlas pa 'am/ /brgya rtsa brgyad bzlas nas nad pa la byin na/ /'phrin pa phang/ /
 snying mi dga' ba dang/ sna 'gags pa dang/ du snying 'dod pa dang/ lus bar ba dang bcas par 'gyur ro/ /brtag pa dang/ rmi ltas ni mdze nad brtag pa dang/ rim pa drug par shes par byas nas/ gsor rung mi rung shes pa'i
 brtags 'byung ngo/ /de la ni bu mo lo brgyad nas bcu drug lon pas khrus byas te/ sa blangs la klu sgrub bzhin dkyil 'khor bzhengs la sgrub pa bya ba ni klu sgrub tu shes par bya'o/ /de nas nad pa la rma bya'i sgro lam smyag shad kyi
 lcug? mas bya ba par bya zhing/ bdag nyid bdud rtsi thigs ba bzhin bskyed la klu brgyad 'khor dang bcas pa mchod pa ni/ gtor ma paM las pad+ma'i snod du byin gyis brlabs la/ phyag las bdud rtsi'i rgyan dbab pa ni lag mthil
 du zla ba la a bsams la/ de la chu rgyan rnam pa lnga 'bab par bsam zhing sngags 'di bzlas so/ /oM a mri te hUM phaT na ma(rgyud 'grel sngags lan gsum btab ste byin gyis brlabs la/ oM ni lAM bar d+ha ra kro d+ha sA d+ha badzra pA Ni i daM ba li kha kha/ oM dam ba liM nA ga sha ri ra Ni/ i daM ba lI nA ga sha ri ra Ni/ /i daM ba lAM nA ga d+ha ma ni/ i daM ba bIM nA ga bi d+ha ra Ni/ aM daM ba liM nA ga
 kro d+ha sA d+ha na ya kha kha khA hi khA hi phu phu phu phu phu phu phu phu swA hA/ zhes pas gtor ma sbyin par bya'o/ /mchod pa sngon du song nas gsol ba btab ste/ rtags brten pa ni rim pa drug par shes par bya'o/ /de'i phyir klu
 gzlog par byed na smyag shad lcug ma 'am/ /bal po se'u'i lcug mes bya ba bar bya'o/ /zhes pa'i don to/ /char dbab par 'dod na gzhag klu bsgrub tu shes par bya'o/ /byad par ni de na gnas pa'i klu de klu'i rgyal po dung skyid
 du byas te/ sngags 'ongs kyis gzir ro/ /ser ba srung na steng 'og 'khor lo bsams la sngas ring ba bzlas so/ /yi dags dang blang de phyed rnams la ni nang pa'i lag pa dang rkang pa tshon sna lha'i skud pas dkris te/ bdag nyid
 bdud rtsi thigs pa bzhin du bskyed la nad pa'i srin lag nas bzung ste/ sngags btab na 'dar ba dang rdul ba dang smra ba 'ong ngo/ /de la ni bdag nyid gong bzhin du bskyed la nyi zla'i bar du gdon bre las gci?
 par bya ste/ phyag rgya bzhis rgyas btab la rlung lha la bskyon la 'phang do/ /gzugs brnyan ni tshon sna lnga'i skud pas bcings la bya'o/ /de'i phyir brjod byed dang smyo byed dang ni skud pas bya'o/ /rims nad med par bya ba dang/ gzhogs pa byas?
 na ba dang/ yi ga mchus pa dang/ gnod sbyin dang/ klu dang yi dags la sogs pa'i nad 'di gsum bzlog pa ni skud pa sngon pos bya ste/ me tog sngon pa'i chus bsgyur la maN+Dal byas te/ bdag nyid bdud rtsi thigs pa bzhin bsgoms
 te/ g.yu'i nang du gzhag ste/ zhag gsum bsnyang ba dang bcas pas bsgub? po/ /bdud pa byin gyis brlab pa ni/ stong pa las zhal nas rdo rje'i phreng ba mdun pa la khro bo rdo rje phyir 'phyar ba zla ba'i steng du bsam zhing rag gnas sngags rigs
 bdun bdun gdang po/ /de bas na skud pa sngon po gdags so/ /nor 'dod na zhag gcig bsnyung bar 'dug ste zhes bya ba ni bdag nyid khrus byas gos gtsang ma bgos te/ za gcig par byas la sbrul dkar po'i tshil bu dang/ skung
 khrod kyi ras la me btang ste bsgrub po/ /de nas lcags kyu lnga dag dang/ /sa bon gnyis dang rkyen gsum gyis/ /sgrub pa'i rdzas? kyis de rnams sbyar/ /spa ma bu gcig tu bzhag /maN+Dal sngon pa legs byas te/ bdag nyid
 lha yi skur gsal bas/ /'od zer 'phro 'du'i bzlas pa bya/ /'od dang sgra dag byung ba na/ /byugs pa lus la byug byas na/ /mchod pas mchod nas gsol ba gdab ces bya ba ni/ /songs kyis gdugs nas zhes bya mtho?/ de
 la dbang po rab la ni dngos su /tha ma la rmi lam du dge ba ste/ /yod pa dang mi dge ba ste gter med ces ston no/ /nor lha bsgrub pa ni dpen pa'i gnas su song ste/ stan bde ba la 'dug nas maN+Dal sngon po byas te/ de'i steng du bzhug pa
 ni/ mchod rten sku gdung dang ldan pa'i drung du me tog sngon po la sogs pas mchod la/ zhes bya ba ni bdag ba la mchod rten sngon po gdung sha rI ram bum pa na yod pa'i 'khor lo dang gdugs dang bcas pa dbus su bzhag go /bum
 pa sngon po me tog sngon po'i la rgyan can bzhi yang mchod yon dang rdzas phyogs bzhir bzhag go /mchod pa rnam pa lnga ni me tog la sogs pa ci 'byor ba'i mchod pa'i rdzas rnams bzhag go /chos skyong gi gtor ma rgya chen po yang bshams
 nas/ sgrub pa na bdag nyid bsnyung bas 'dug ste/ tshogs gnyis sngon du song ba dag nyid bdud rtsi'i thigs pa bzhin byas te/ mchod rten las nor lha ser po zhag gcig phyag gnyis pa/ phyag g.yas na nor bu rin po che'i
 chod rkyen/ phyag g.yon ne'u le'i rkyal pa rin po che 'brul ba/ zhabs rkyang skum bi na ya ga'i steng du bsam mo/ /de'i snying khar h+rI(rgyud 'grel kyi 'phro 'du bya'o/ /de yang sngags stong bzlas nas gsol ba gtab na gser gyi dod tshe bdun stong sbyin bar byed do zhes bya ba ni sngags stong thim pa dang bum pa'i chus lan bdun mchod pa ni chu thigs pa re re la sngags lan bdun bdun
 gdab pa/ de nas gsol ba gdab ste bdag che ge mo 'di zhes bya ba la/ 'dus byas kyis dngos po 'di dang 'di stsol cig bya snas chos skyong rnams la gtor ma btang na nyin re la ci 'dod pa'i rdzas gser gyi dor tshe bdun steng
 bdun stong rib 'byung ngo/ /rgyas gdab pa dgrol bar 'dod na thal bas bya'o/ /zhes bya ba ni rgyas btab pa ni ban bod kyi byang du bcug pa'o/ /de dgrol ba'i thabs ni sngon du bsnyen pa rdzogs pa'i tshig? pa
 zag gis thag khung gru gsum bcas te/ drag pa'i sbyin sreg byas nas de'i thal ba dang sngags pa de nyid kyi dri chu sbyar te/ nag po phyogs kyi chos grangs kyi dus su khrus byas na drang srong mod mo yang zlogs so/ /bsrung bar 'dod na
 drag po'i sbyin sreg gi thal ba dang/ skye ba bdun pa'i thal chen la sngags nyi shu rtsa gcig bzlas te/ skyabs 'gro sngon du song ba la btags na bsrung ba'i mchog tu 'gyur ro/ /sgo lcags dbye bar 'dod pas yungs
 ka ra gyis bya'o/ /zhes bya ba ni thab khung gru bzhi byas te/ yungs kar ser po sgrub pa byas la shing sha ra bi ra'i me la zla ba rgyas pa'i dus su sbyin sreg byas pa'i thal ba dang/ yungs kar bsres pas mig na mar blugs
 nas sngags brgya rtsa brgyad bzlas na 'bye par 'gyur ro/ /'jigs pa thams cad ces bya ba ni rnam pa brgyad de/ me'i 'jigs pa dang/ chu yis 'jigs pa dang/ sbrul drug can gyis 'jigs pa dang/ rgyal bo'i chad
 pas 'jigs pa dang/ shugs can gcan gzan gdug pas 'jigs pa dang/ rdo rje 'bar bas 'jigs pa dang/ dus ma yin par 'chi ba'i bar du gcod pas 'jigs pa dang/ srin po khros shing rngam bas 'jigs pa'o/ /
 pas 'jigs pa dang/ shugs can gcan gzan gdug pas 'jigs pa dang/ rdo rje 'bar bas 'jigs pa dang/ dus ma yin par 'chi ba'i bar du gcod pas 'jigs pa dang/ srin po khros shing rngam pas 'jigs pa'o/ /
 de la bsrung ba ni rtsi mar gyi snying po dang/ /zhi ba'i sbyin sreg byas ba'i thal ba dang/ yungs kar la sngags brgya rtsa brgyad bzlas brjod byas te/ bsrung ba'i 'khor lo'i bar du blugs te/ yongs su
 rdzogs pa'i lpags pa'i mdza' mar bstums te/ mgul du btags na bsrung ba'i mchog tu 'gyur ro/ /nad kyi 'jigs pa thams cad ces bya ba ni rlung ba dang/ mkhris pa dang/ pad kan dang/ ldan pa dang/ 'dus pa dang/ yangs dang/
 rims dang/ 'brum bu dang/ shu ba dang/ me dpal dang/ g.yan pa la sogs pa thams cad do/ /de bsrung ba ni skud pa me tog sngon po'i chus skud pa sngon por bsgyur ba la/ rang lha'i skur gsal bas mi dmigs pa las rdo rje'i
 rang bzhin rgya gram dang ldan pa'i bsrung ba'i mdud ba byas te mgul du btags na bsrung ba'i mchog tu 'gyur ro/ /byis pa gdon gyis nyen pa zhes bya ba ni gdon gyi za 'phro'o/ /thams cad ni pho mo'o/ /de bsrung ba mi tshon
 sna lnga'i skud ba la bdag nyid lha'i sku dang ldan pas 'od kha dog lnga dang ldan pa'i 'od kyi gong bu'i nang du oM hUM swA aM hA zhes bya ba bsams te/ rab tu gnas pa byas la de la skyabs su 'gror bcug ste/ mgul du bzhaT?
 na bsrung ba'i mchog tu 'gyur ro/ /chom rkun bzlog pa zhes bya ba ni lam du zhugs pa la sogs pa'i dus su'o/ /sas bya'o zhes bya ba ni/ dang po mal sa nas gom pa 'dor ba'i tshe skyes pa'i g.yas/ bud med kyi g.yon
 nas nron? lag ma btogs pa'i lag bas so rlabs te/ spags lan bdun btab nas byung ba'i tshe ba mas pa dang ldan pa'i bsam pas gdong du gtor na zhi bar 'gyur ro/ /dug la ni rtswa ku shas byab par bya'o zhes bya ba ni
 dug rang la byab po/ /dug gi na ba la ni rtsa sta sha bsregs pa dang/ yun ring po lon pa'i dmar po'i khru gang 'og nas 'jam po brud de lo brgyad pa'i chus sbyar nas sngags btab ste ba tang na 'tsho bar 'gyur ro/ /bdag
 bsrung ba la yid kyis zhes bya ba ni dus thams cad lhar mos pa'o/ /yang na chu la sngags btab ste bya'o/ /gzhan la ni gong gi skud pa so sos bya'o/ /las de thams cad la sngags brjod pa ni gcig gaM/ gsung
 ma ma/ /lan bcu bzhi 'am/ /brgya rtsa brgyad bzlas na 'grub bar 'gyur ro/ /bcom ldan 'das kyis byang chub sems dpa' phyag na rdo rje dang/ 'khor rnams la de skad ces bka' stsal nas byang chub sems dpa' phyag na rdo rje
 dang/ bdud dpung dang bcas pa rjes su yid rangs te/ yid rangs nas stan pa la 'khod do/ /drag po gsum ni sa bla/ sa steng/ sa 'og go /drag po ni ma rungs pa'o/ /de la 'dul ba dus la bab par gzigs nas bstan pa la
 'khor? pa'o/ /de'i 'grel ba bdag gis brtsams/ /lung dang man dag rtogs pas de don bsgrubs/ /'bras bu bdud rtsi lta bu bdag gis 'thung/ /seng nga la yi yul du de thob nas/ /phyi rabs rnams la phan phyir de don brtsams
 mos shing 'jug pas phyag na rdo rje'i zhal mthong shog /drag po gsum 'dul zhes bya ba'i rgyud kyis 'grel pa bdud rtsi myu gu zhes bya ba/ dngos grub brnyes pa'i dza ba ri pas sa ba ri pa la man ngag tu zhus pa /rdzogs so// //
 ranyti? ta de bu rgyan ti dang/ lo tsA ba chos kyis bzang pos bsgyur ba'o// //rgya gar skad du/ nI lAM ba da d+ha ra badzra pA Ni ma hA yak+Sha kA la baM ma hA tsa kra swa d+ha na nA ma/ /bdod skad du/ gnod sbyin gyis sde dpon chen po log na rdo rje gos? sngon