བོད་ཡིག

e-texts based on the ACIP/ALL Input

yar lungs pa grags pa rgyal mtshan gyis dpal ldan sa skya'i gtsug lag khang du bsgyur ba'o// //lnga bcu pa'i bshad pa bzhugs so// //rgya gar skad du/ pany+tsa shi kA Ti pi Ni/ bod skad du/ lnga bcu pa'i bshad pa/ /dpal ldan 'jig rten dbang phyug la phyag 'tshal lo/ /gang gi skye ba la sogs 'gro rnams sdug bsngal mdza' dag 'di yis dang por bcom/ slar yang de ring de bzhin ma 'ongs rab gsal 'khor lo gsum la khyab gyur pa/ /shes rab pad+mar shar bas lhan cig skyes pa'i dga' ba rab tu gsal gyur pa'i/ /dri med 'jig rten mgon la phyag 'chil nas ni lnga bcu pa ni rab bshad bya/ /de nas 'di ni zhes pa la sogs pa'i de nas zhes pa'i sgra ni gzhung rtsom pa ste/ /de'i mthar zhes rig par bya'o/ /'di ni zhes pa ni 'chad par 'gyur ba'i rigs kyi 'jig rten dbang phyug gi ngo bo'i sngags rab tu bshad par bya'o/ /zhes 'brel lo/ /de bzhin du rnam pa ni sngags so/ /mchog tu zhes pa ni don dam pa'i bden pa'i ngo bo nyid de/ gnyis su med pa'i ye shes kyi ngo bo nyid do/ /de bzhin du gsang ba ni nyan thos la sogs pa'i spyod yul ma yin pa'i phyir ro/ /'jig rten yang dag rmongs zhes ba ni 'jig rten pa ni mu stegs pa rnams so/ /de rnams yang dag rmongs pa ni rang gi sgrub pa'i mdza' i sems med par byed pa ste/ de'i phyir yang gang gi yang dag rmongs par 'gyur ba ni de'i sems par 'gyur ba'o/ /mchog ni phul du byung ba ste/ de'i yang dag rmongs pa'o/ /gang gi phyir rigs dang rigs byung mngon brjod pa ni 'chad par 'gyur ba'i phyir gang las mu stegs pa'i grub mdza' i phyir/ rigs dang rigs las byung ba'i rnam par bzhag pa ste/ de'i phyir mu stegs byed rnams kyis de'i lugs kyis de bzhin du gdul byar gyur pa sna tshogs pa'i gdul bya 'dul ba'i luT ni de bzhin gshegs pa rnams kyis/ yang dag pa'i bzhed pas so zhes so/ /de'i phyir gang las mu stegs pa rnams rigs dang rigs las byung ba'i sgra thos nas de las 'dir bcos la dad pa skye bar 'gyur zhing/ /dad pa las man ngag la rab tu 'jug par 'gyur te/ /bdag nyid chen po'i khyad par yongs su shes nas rang gi grub pa'i mdza' log bar lta ba yongs su spangs te yang dag ba'i tshul bde bar gshegs pa'i lam la rab tu zhugs par gyur nas/ byang chub chen po'i tshogs sogs par 'gyur te/ de nyid bcom ldan 'das kyis 'dul ba'i thabs so/ /de'i phyir rigs dang rigs byung mngon brjod pas/ /'jig rten yang dag rmongs pa nyid ni sngags te/ rigs kyi 'jig rten mgon po'i ngo bo nyid kyis/ /bshad par bya'o zhes pa ni 'brel ba'o/ /'di ni drang ba'i don no/ /da ni nges pa'i don brjod par bya ste/ sngags ni man+t+ra zhes pa ste skyob par 'gyur ba'i phyir man+t+ra zhes brjod do/ /byang chub kyi sems kyi thig le lhan cig skyes ba'i dga' ba'i rang bzhin ni sngags so/ /rab bshad bya ni mngon sum du bya ba'o/ /de'i phyir yang na thig le lhan cig skyes pa'i ngo bo'o/ /a thA'i a yig bcom ldan 'das ma shes rab ste/ de'i phyir phul du byung ba'i shes pa ni shes rab ste/ shes rab 'di yang phul du byung ba'i ye shes bdag med pa'i ngo bo rang bzhin med pa zhes bshad do/ /yang na a'i yi ge chos thams cad kyi sgo zhes bya'o/ /tha yig ni bcom ldan 'das nyid de thabs so/ /ci'i phyir gsungs na/ thabs dang shes rab kyi bdag nyid ces bya ba'i don no/ /thig le khu ba'i tshul gyi thabs kyis ngo bo nyid do/ /'dir yang lhan cig skyes pa'i dga' ba ni shes rab kyi ngo bo nyid do/ /'di ni zhes pa'i a yig ni dbang phyug go /dam pa i dam zhes pa yang dag par rdzogs pa'i byang chub kyi mtshan nyid dbang phyug ste/ daM ma ni ster bar byed pa'i phyir ro/ /i dam ni 'di na'o/ /pa ra maM zhes pa'i paM ni pad+ma/ de las rtse bar byed de/ ra mi kra DA yaM zhes pa'i khams las shes rab skye?? chog 'byung du rol pa'o/ /de'i phyir gsang ba ni gsang ba'i 'khor lo la gnas pa nyid do/ /'jig rten yang dag rmongs pa zhes pa'i 'jig rten gyi sgra ni dbang po rnams so/ /de rnams yang dag par rmongs pa ni lhan cig skyes pa'i dga' ba thob pa'i mthar dbang po rnams 'gag pa'i phyir ro/ /mchog ces pa ni rab tu'o/ /rigs dang rigs byung mngon brjod pas rigs kyi sgras 'byung ba chen po lngar gyur pa'i de bzhin gshegs pa lnga'i ngo bo'o/ /de las byung ba'i phyir riT las byung ba'o/ /de'i phyir rdo rje dang pad+ma sbyar ba las sra bar gyur pa'i sra ba ni sa'i ngo bor byung ba'i rnam par snang mdzad nyid do/ /de'i rjes su byang chub kyi sems bskyed pa de yang khu ba'i ngo bo nyid chu'i khams kyi ngo bo mi bskyod pa'i ngo bo nyid do/ /rdo rje dang pad+ma gnyis po yang dag par sbyar ba las me skye bar 'gyur te chags pa'i me las skyes pa'o/ /de yang 'od dpag tu med pa'i ngo bo nyid do/ /de nas shes rab kyi chos 'byung du byang chub kyi sems yang dag par 'bab pa de ni rlung gi dbang las so/ /rlung yang don yod grub pa'i ngo bo nyid do/ /de nas yang shin tu dga' ba'i mtshan nyid chags pa yang dag par skyes pa'i bde ba la chags pa ni nam mkha' i ngo bo nyid de/ de yang rin chen dbang po'i ngo bo nyid do/ /de nyid 'byung ba chen po lnga'i rang bzhin gyis de bzhin gshegs pa rnams su 'gyur pa'i phyir ro/ /de'i rigs mngon par brjod pa'i sgras rigs kyi 'jig rten mgon po'i ngo bo lhan cig skyes pa'i dga' ba'i ?? bzhin bshad par bya'o/ /dam tshig spyod bzhes? la sogs pa'i dam tshig ni dam tshig gi phyag rgya'o/ /de yis lhan cig spyod pa ni sbyor ba'o/ /de rnams dang nges par bral ba ste/ 'dir dam tshig gi phyag rgya ni kun rdzob kyi ngo bo nyid do/ /'dir don dam pa'i bden pa'i ngo bo nyid phyag rgya chen mo de kho na nyid gzung ba'i phyir ro/ /bya ba dus zhes pa la sogs pa'i bya ba ni byed pa po dang/ dus ni dus chod de dag las rnam par grol ba nyid ni don dam pa'i bden pa'o/ /de nyid sum ldan yang dag lha zhes pa'i de nyid gsum ni sngags kyi de nyid dang/ bdag gi de nyid dang/ lha'i de nyid de/ de rnams dang yang dag pa ni rtsa'i 'khor lo thams cad du thig le rol pa ste/ de bu kra DA yaM zhes pa'i khams las 'jig rten dbang po rnams la khyab pa'o/ /mgon ni 'jig rten mgon no/ /'gro ba ni lus ngag yid kyi ngo bo nyid dbang du byed pa ste/ bdag po ni 'gro ba'i bdag po'o/ /'dod pa'i dbang phyug ces bya ba la sogs pa'i 'dod pa rnams ni gzugs la sogs pa'i yul lnga'i rang bzhin de bzhin gshegs pa'i bdag po nyid kyis khyab pa'i phyir ro/ /dbang phyug ni lhan cig skyes pa'i dga' ba'i ngo bo nyid kyis bde ba dam par byed pa'i phyir 'dod pa'i lha'i/ /'thod dang ma mthong 'bras rab ster zhes pa'i mthong ba ni 'di'i 'bras bu'o/ /ma mthong ba ni 'jig rten pha rol te/ gnyis ka'i 'bras bu rab tu ster ba'i phyir ro/ /de'i bdag po ni bcom ldan 'das so/ /sngags ni bla ma'i zhal la gnas zhes pa ni bla ma'i zhal las blang bar bya ste/ lhan cig skyes pa'i dga' ba'i ngo bo nyid de po ti la sogs pa'i spyod yul ma yin pa'i phyir te/ bla ma'i zhal nas blang bar bya'o/ /zhes pa'i don to/ /da ni sngags rab tu bshad par bya ste/ drag chen zhes pa la sogs pa'i drag chen gyi sgras ha yig tu brjod par bya ste/ he ru ka'i a Sh+Ta dgod pa'i ngo bo nyid kyi ha'i yi ge'o/ /'jigs byed lus kyi sgras ra yig go/ lnga pa'i thig le'i sgras a'i yig go/ rnam spyod dang po yang dag ldan ni de la po ti'i rim pa ni a(rgyud 'grel pa ni rnam par gcod pa'o/ /de'i dang po ni thig le'o/ /de dang yang dag ldan pa ni h+ri'o/ /bla ma brgyud pa'i rims pas rnam par bcad pa ni ka yig go /de'i dang po ni tsheg drag go /de dang yang dang por ldan pa ni h+rI(rgyud 'grel po lnga pa'i lnga pa ni ma hA'i sgras hA yig go /lnga pa'i sgras dbyangs rnams kyi lnga pa u yig ste/ de dang ldan pa'o/ /lnga pa gnyis pa'i sgras sde pa lnga pa'i lnga pa ma yig ste de dang ldan pa ni hUM ste h+ri(rgyud 'grel yon tan nyis 'gyur dza yig ste dzdza rtseg dang/ yan lag med gnyis kyi sgras thig le ste/ de dag gi thig le gnyis so/ /de dag dang lhan cig tu gnas pa ni dzdza(rgyud 'grel de nyid gsum gyi sngags kyi yi ge'i rang bzhin zhes pa'i don no/ /de nyid cho ga bzhin du 'bum du bzlas par bya ste/ cho ga 'di yis ni ji ltar na yi ge rnams kyi bsdu ba las yi ge rnams kyi grangs 'bum phrag gsum gyi grangs kyi sngags bzlas par bya'o/ /'di ni rjes su dran byas nas/ zhes pa la sogs pa'i 'di ni 'di de nyid de rigs kyi 'jig rten dbang phyug gi ngo bo yi ge gsum gyi rang bzhin gyis sngags rjes su dran pa'o/ /sngags pas zhes pa ni sgrub pa po'o/ /gtsang dam yang ni mi gtsang yang rung ste'o/ /lha bzhin mthong ba lha mo ste zhes pa ni lha'i bu mo rnams kyis 'dod pa'i lha bzhin du mthong bzhin shin tu mdzes pa rnam pa nyid de dbang byed pa'i gtso bo'i phyir gyi sngags so/ / 'di ni? de bzhin zhes pa la sogs pa 'di ni de bzhin sngon du gsungs pa'i sngags kyi mgon po la bya ba 'khrul pa la sogs pa'i mtshan nyid blang bar mi bya'o/ /sgrub ba'ang med ni sbyod pa'i brtul zhugs la sogs pa'o/ /mchod dang me la sbyin sred med ces pa ni de rnams thams cad de rnams kyi gnas skabs kun rdzob kyi ngo bo nyid kyi phyir ro/ /'dir don dam ba'i bden pa'i bdag nyid kyi phyir ro/ /de nyid kyi cho ga'i sngags kyi sgrub thabs kyi gnas skabs kyi rnal 'byor pas so/ /mchog ni rab po/ /bsam gtan yang dag spyad par bya ba ni sgrib pa dang bral mtshungs pa'i sgrib pa ni nyon mongs ba ste/ de dang bral ba'i gnas skabs dang mtshungs ba'i de ldan pa ni rnal 'byor can no/ /rnal 'byor stan dang yang dag ldan ni rnal 'byor dang stan tha dad pa ste/ de la rnal 'byor ni dbang po rnams thams cad ro gcig tu byed pa'o/ /stan ni brjod par bya ba'i bkod pa ste/ de yang ma 'ongs pa ni 'chang par 'gyur ba de dag dang ldan pa'o/ /dus ni 'das pa dang ma 'ongs pa la sogs pa'o/ /tshod ni snga dro la sogs pa'i thun tshong dang bral ba'o/ /rtse gcig sems ni gnyis su med pa'i sems so/ /yang na mi g.yo ba'o/ /g.yo ba med ni mi brtan pa dang bral ba'o/ /de lta bur gyur pa'i rnal 'byor bas mchog gi bsam gtan bya'o/ /zhes pa ni rigs kyi 'jig rten mgon po lnga bcu ba las sngags kyi de kho na nyid bshad pa'i le'u ste dang pa'o// //da ni bdag gi de kho na nyid brtsam par bya ste/ snying kha'i 'khor lo'i nang son pa'i zhes pa la sogs pa la 'dir dang por thig le'i rnal 'byor gyi rim pas gtum mo sgom pa'i rnal 'byor brjod par bya ste/ dang por ro shig lte ba sbrul ba'i 'khor lo kha dog ser po'i chu skyes 'dang ma drug cu rtsa bzhi'o/ /de'i dbus su zla phyed thig les brgyan ba'i dbyangs dang po a yig go/ shar la sogs pa'i 'dab ma brgyad po rnams la a ka tsa Ta ta pa ya sha rnams la zla phyed thig les brgyan pa'o/ /de'i phyi rol gyi dbang ldan la sogs pa'i 'dab ma rnams la a yig la sogs pa'i dbyangs bcu drug dang/ ka yig la sogs pa'i gsal byed sum cu so bzhi dang cung zad dang gsal ba'i Ta Dta da Dha ya la rnams so/ /de bzhin rtsa bzhi rnams la sbyar bar bya'o/ /snying kha'i chu skyes kha dog dkar po 'dab ma brgyad pa'o/ /de'i dbus su hUM yig mag? thur du bstan pa'o/ /shar la sogs pa'i 'dab ma bzhi la a i u e dbyangs yig bzhi po rnams la zla phyed thig les brgyan pa'o/ /dbang ldan la sogs pa'i 'dab ma bzhi la rim pa ji lta ba bzhin dus la sogs pa'i ngo bo lha mo bzhi'i rang bzhin ya ra la wa rnams la zla phyed thig les brgyan pa'o/ /mgrin pa longs spyod kyi 'khor lo chu skyes dmar po 'dab ma bcu drug pa'o/ /de'i dbus su mgo thur du bstan pa'i o yig go/ shar la sogs pa'i 'dab ma bzhi la rim pa bzhin du A a'i a'u i'i dbyangs ring po bzhi la zla phyed thig les brgyan pa'o/ /dbang ldan la sogs 'dab ma bzhi po de bzhin du ya ra la wa la rnams so/ /smin ma'i dbus su chu skyes 'dab ma la sum cu so gnyis pa kha dog sna tshogs pa'o/ /de'i bre 'bru la mgo thur du bstan pa'i haM yig go/ shar la sogs pa'i 'dab ma rnams la re re spangs nas dbyangs yig bcu drug la zla phyed thig les brgyan pa'o/ /de la sprul pa'i 'khor lo la gang dbyangs yig dang po la a yig dbyug pa'i rnam pa ste/ de nyis gtum mo 'bar ba zhes brjod de/ des de bzhin du pad+ma'i dar pa'i skud pa bzhin du shin tu phra ba steng du 'gro bas hUM dang oM yig dam chos dang longs spyod du song nas thig le gnyis bzhu ste bde ba chen po'i 'khor lo re song nas hoM yig gi thig le bzhu ste/ de nas he yig thig le bzhu bas yang ska'i rtse mo brgya stong gi cha'i 'od zer gyis khyab pas a yig gi rang bzhin gtum mo 'bar ba'i thig le la rab tu zhugs te/ phyi nas de yang gtum mo yis/ /de yang thig le sngon bzhin du bsgrub par bya'o/ /'dir de bzhin du phra mo'i rnal 'byor du 'gyur te/ de bzhin du yang lte ba'i sor bzhi tsam spangs nas 'og nas 'od zer stong du bdud rtsi'i thig le sbyor bar 'gyur pa'i gnas las thig le g.yo btsam gyis yang thig le 'dzin pa ni phra mo'i rnal 'byor de/ /de bzhin du thig le dang phra mo'i rnal 'byor dag gang gtum mo 'bar ba de bzhin du brjod par bya ste/ snying kha'i 'khor lo'i nang du bstan pa snying khar thabs dang shes rab kyi bdag nyid gnyis ka'i dam pa'i bde ba 'dzin par gyur pa sprul pa'i pa'i 'khor lo mchen bzang po sum cu so gnyis dang dpe byang bzang po brgyad cu rnam bar dag pa nyi ma dang zla ba nyi rang bzhin thabs dang shes rab kyi bdag nyid ka yig la sogs pa ha yig gi mthar thug pa'i gsal byed sum cu so bzhi Da Dha d+ha ya ra la rnams dang yang dag par ldan pa gsal byed bzhi bcu thabs dang shes rab kyi dbye bas yon tan nyis 'gyur du byas pas brgyad cu'i grangs gsal byed dang/ a yig la sogs pa a(rgyud 'grel kyi bdag nyid gnyis ka'o sgras phreng ba gnyis kyi dbus su rlung gi las kyis bdas te a yig gi rang bzhin gtum mo'i me 'bar ba'i pha rol 'dol rnir 'gro zhes pa'i pha rol ni de bzhin du 'bar bar spul ba'i 'khor lo'i nang du son par gyur pa/ de las bzhengs te chos kyi 'khor lo thob ste/ der gyur nas de bzhin gshegs pa lnga bsregs te rang bzhin med par byed do/ /de las bzhengs te longs spyod kyi 'khor lo der song ste/ yul rnams zos nas sbyan ma la sogs pa'i lha mo rnams bsrogs te/ de'i rjes la rim pa 'dis pha rol ni bde ba chen po'i 'khor lo rab tu brkyang ste der song nas haM yig de bsregs nas rang bzhin med par byed cing ri bong 'dzin pa 'jug par byed do/ /rim pa 'di gtum mo'i rnal 'byor zhes brjod do/ /de skad du yang kyi rdo rje las gsungs te/ lte bar gtum mo sbar ba yis/ /de bzhin gshegs pa lnga bsregs te/ zhes ba de nyid de bzhin du de gtum mo'i rang bzhin bstan ba ste rnam par 'gro ba nyid do/ /de bzhin du gzhan du rnam par 'gro ba'i/ /de nyid gtum mo'i bde ba chen po'i 'khor lo nas/ 'og tu sprul pa'i 'khor lo rnam par 'bab pa'o/ /de la sprul pa'i 'khor lo a yig gi rnam pa'i thig le la rab tu thugs nas slar yang thig le de yang mi snang bar nang du thim ste/ slar yang rlung gi las kyis bskul nas rnam par langs te yang sngon bzhin du bya ba'o/ /de nyid gzhan dang gzhan du 'gro ste/ dbye ba gnyis su gyur ba steng du 'gro ba dang 'og tu 'bab pa'i mtshan nyid kyi dbye ba gnyis su 'gro'o/ /de la rnam pa de nyid kyis rang bzhin med pa'i mtshan nyid gtum mo'i rnal 'byor bar shes par sbyas nas/ rdo rje sems dpa' i go 'phang gi ngo bo nyid thob par 'gyur ro/ /thams cad du 'gro ba zhes pa ni khyab pa'i phyir ro/ /gzhan yang de ci'i phyir na mi g.yo ba zhes pa la sogs pa'i de la gtum mo ste gnyis su med pa'i shes pa'i rang bzhin ni yang dag pa'i shes pa zhes brjod do/ /'dzag pa med pa'i dga' ba'i yul ni mi 'dzag ste mi g.yo ba'o/ /de nyid kyi dga' ba ni lhan cig skyes pa'i dga' ba zhes pa'i don no/ /de'i yul de bzhin du gsungs te/ sngon du gsungs pa'i rim pas chags pa chen pa'i mes gtum mo rab tu gsal ba shar nas/ bde ba chen po'i 'khor lor song ste thig le zhu nas mi 'dzag pa nyid bzhi ba'i skad cig gi rang bzhin ltan cig skyes pa'i 'dag ba thob par 'gyur ro/ /de'i phyir nge nyid rig pas ltan cig skyes pa'i mtshan nyid la rang bzhin gyi sems gnyis su snang ba'i tshul la rjes su rtogs bas gnyis su med pa'i ye shes rtogs pa zhes pa'i don no/ /de bzhin du bzhi pa'i skyed cig lhan cig skyas ba'i bde ba'i yul rnal 'byor pas rig par bya ba ni goms par bya pa'o/ /dam pa'i bde 'dong phyir ni lhan cig skyes pa'i bde ba 'dod pa zhes pa'i don na/ /rnal 'byor pas yang de ni rtogs shing 'jug par byed pa ni de 'dir lhan cig skyes pa'i dga' pa'i rang bzhin gnyis su med pa'i rtogs pa ni khong du chung pa'o/ /de'i 'jug pa mngon sum du byed pa'o/ /de bzhin du de'i rang bzhin gang la de yos rtogs pa 'jug pa rnal 'byor pas 'dir goms par bya'o/ /de bzhin du lhag par rtoD pa'i bdag gi de nyid kyi rnal 'byor ba'i bsngags pa gsungs te/ de'i ngo bo zhes pa la sogs pa'i nge sems dga' ba'i yul ni lhan cig skyes pa'i dga' ba'i spyod yul lo/ /sems ni yang dag par rig pa'o/ /gang gi tshe de'i ngo bo rtogs nyid 'jug par 'gyur ba ni de'i che gnyis su med pa'i ngo bo 'jug par 'gyur ro/ /rnam pa de lta bu'i sems rnal 'byor ba gang gis mngon sum du byas pa de'i tshe las thams cad byed par 'gyur te/ tshig dang bcas pa ste tshig tsa ma gyis de bzhin du byed do zhes pa'i don te 'dir the tsom med pa zhes pa'i don no/ /bsam gtan zhes pa la sogs pa ni sngon du gsungs pa'i bsam gtan/ rnal 'byor yang dag ldan ni bsam gtan dang bsam gtan pa'i mtshan nyid bsam gtan gyi sbyor ba rgyu 'bras bur gyur pa'i snying rje dang shes rab dag gcig pa nyid kyis thabs dang shes rab gcig pa nyid do zhes pa'i don no/ /de dag dang yang dag ldan ni de dang bcas pa'i rnal 'byor ba'o gzhan yang ci'i phyir na dgod par bya ba ni byed pa ste/ sems la dgong pa ste gang gis mi g.yeng ba'i go 'phang la gnas pa nyid do/ /de'i phyir gnas pa ni g.yo ba med pa'i sems so/ /blo ldan ni blo gros gang zhig dge ba'i bla dang ldan pa zhes pa'i don no/ /de lta bu'i rnal 'byor pas sa stengs sa 'og bsgrub par bya ba ni mtho ris sa stengs sa 'og thams cad bsgrub par bya'o zhes pa'i don no/ /'dir mtho ris dngos su bzung ba med kyang sa stengs sa 'og gzung bas de bzhin du mtho ris kyang shugs la shes par bya'o/ /'gro ba kun dag gi rang bzhin bsgrub pa ni rnam par rtogs pa tsam bsgrub par bya'o/ /zhes pa'i don no/ /da ni lhan cig skyes pa'i dga' ba'i rang bzhin 'jig rten dbang phyug gi go 'phang thob pa'i tshigs su bcad pa gnyis gsungs te/ lte ba zhes pa la sogs pa la/ de rnal 'byor pas de bzhin nyid rab tu dgod pas byas na 'jig rten mgon pa'i skur gyur te/ e baM zhes pa ni 'chad par 'gyur pa yi'o yang ni de bzhin zhes pa'i e yig ni pad+ma/ baM yig ni rdo rje rab tu dgod pa ste/ gang gi tshe thabs dang shes rab snyoms par 'jug par byed pa de'i tsho de'i rnal 'byor pas 'jig rten dbang phyug gi ngo bo nyid thob par 'gyur ro/ /lte ba'i dbus? su pad+ma chen po ni lte bar 'dab ma drug cu rtsa bzhi ni pad+ma chen po'o/ /de'i de bzhin du pad+ma'i nam mkha' i nang ni ze 'bru'i mdza' o/ /de la gang gi tshe gtum mo 'bar bas thig le zhu bar 'gyur ro/ /ji ltar rnam gsum ba zhe na/ 'gro ba'i rnam pa gsum ste/ de la gang gi tshe g.yo bar gyur pa ni bde ba chen po'i 'khor lo 'gro'o/ /gang gi tshe 'dzag par 'gyur ba na snying kha'i 'khor lo thob par 'gyur ro/ /gang gi tshe mi 'dzag par gyur pa na lta ba'i 'khor lo zhes par 'gyur ro/ /de bzhin rnam gsum ni rnam pa gsum 'gro bas nam mkha' i nang du song ba'i thig le'o/ /de bzhin rnam pa 'dis lhan cig skyes pa'i dga' ba'i rang bzhin gyi thig le na pad+ma'i phyag rgya yang dag ldan pa'o/ /de la pad+ma'i phyag rgya ni 'jig rten las 'das pa'i ye shes dang thabs su gyur pa baM dang/ e yi ge gi rnam par shes rab kyi pad+ma'i/ /hUM yig gi lhag mar gnas pa ni thabs te rdo rje'i rtse mor son pas 'od zer rnam par gsal ba ni dga' ba chen po'i cha gang yin rgyas gdab ste/ rang gis mngon sum du byas pa'o/ /de'i pad+ma ni phyag rgya zhes brjod do/ /shes rab kyi rang bzhin ni de bzhin du/ /yang rdo rje nyi ma reg 'od kyis/ rab pad rgya yis gdab pa yis/ /pad+mar bde chan cha shes ni/ /pad+ma'i phyag rgyar shes par bya/ /gzhan yang/ bsgrub bya sgrub thabs yang dag sbyor/ /gang de bsnyen pa zhes brjod do/ /rdo rje pad+ma mnyam sbyor ba/ /nye bar sgrub pa zhes byar brjod/ /bskyod par gsungs pa sgrub pa ste/ hUM phaT yi ge yang dag ldan/ /rang bzhin shin tu zhi bde ba/ /sgrub pa chen po zhes brjod do/ /'od gsal kyi shes pa'i thabs su gyur pa sgrib pa dang bral pa'i bdag nyid ba yig rdo rje nor bu bde ba chen po'i chi gang gis rgyas gdab pa ni mngon sum du byas pa'o/ /de nam mkha' i phyag rgya zhes brjod pa de de'i bdag nyid do/ /gzhan yang rdo rje rtse mor rdzogs/ /gang gis bde chen ri bong 'dzin/ /shar nas bde brgya yis btab/ /nam mkha' phyag rgyar shes par bya/ /de bzhin du bsdus pa'i don ni/ /pad+ma'i phyag ni pad+ma ste shes rab po/ /nam mkha' i phyag rgya ni rdo rje ste thabs so/ /de yang 'dir pad+ma'i phyag rgya ni lte bar rnam par gnas pa'i a yig gi rang bzhin no/ /nam mkha' i phyag rgya'i rang bzhin yang thabs te/ hUM yig gi rang bzhin snying kha'i 'khor lo des kyang thabs dang shes rab snyoms par zhugs pa ste/ yang dag par sbyor ba zhes bshad do/ /de'i phyir pad+ma'i phyag rgya yang dag ldan/ /de bzhin nam mkha' i phyag rgyas gdangs/ /ces pa thabs dang shes rab kyis bdag nyid du gsungs te/ srog 'bab ba'i tshad kyis ni/ /de bzhin du gang gis thig le 'gugs ba de ni srog rab tu 'bab pa yis so/ /ci'i phyir zhe na/ gnas gnyis goms par byas pa yis zhes te/ lan gnyis ni gnyis su dbugs 'byung ba dang rdub pa'i ngo bo nyid ces pa'i don ni/ /de lta bu'i rim pas rnal 'byor pas e yig dang ba rab tu dgod par bya'o/ /des 'jig rten mgon po'i sku ru 'byung te/ rigs kyi 'jig rten dbang phyug gi ngo bo nyid thob ba zhes pa'i don no/ /gzhan du zhes pa la sogs pa ni 'dir gsungs pa'i rim pa las 'das te bzlas pa byed cing rnam pa sna tshogs pa'i las sbyar kyang skyes bu de ni nam mkha' la khu tshur bsnun pa dang spun stong 'joms par byed do/ /dper na nam mkha' la khu tshur bsnun pa dang spun stong brdungs kyang dgos pa med pa de bzhin du/ 'dir yang sngon du gsungs pa'i rim pa las 'das te bzlas pa la sogs la byed ba bzhin no/ /cho ga bzhin du zhes pa la sogs pa'i cho ga dang ldan pa'i bsam gtan gyi rnal 'byor pa las gang dang gang byed pa ste/ rgyun mi 'chad par byed pa'i las ni yid kyir 'dod pa ste/ de ni myur du 'grub par byed par the tshom med do/ /'di ni pad+ma 'bar ba las byung ba'i rigs kyi 'jig rten dbang phyag gi lnga bcu pa'i bdag gi de kho na nyid kyi le'u'i rnam par 'grel pa ste gnyis pa'o// //da ni lha'i de kho na nyid bshad par bya'o/ /dang por bcom ldan 'das kyi sgrub thabs bshad pa ni chigs su bcad pa bzhi pa'i sgo nas bcom ldan 'das kyi ngo bo bshad par bya ste/ rang bzhin bsam gtan bcas pa yis zhes bya ba la sogs pa la/ de la dang po re shig gang gi tshe sgrub la po'i rnal 'byor bas bcom ldan 'das kyi sgrub thabs rtsem par byed pa de'i tshe rang gi snying khar pa yig las skyes pa'i pad+ma las a yig yongs su gyur pa las zla ba'i dkyil 'khor bsgom par bya'o/ /de'i steng du bcom ldan 'das kyi sa yon gyi yi ge h+rI(rgyud 'grel can gyi khams thams cad rnam pa sna tshogs pa'i sdug bsngal gyis mnar bar bltas nas/ de la sems can gyi khams rnams sdug bsngal de las nye bar bsgral te bsod nams kyi tshogs 'phel par bya ba'i phyir nam mkha' i dkyil thams cad rang gi yi dam gyi lha dang sangs rgyas dang byang chub sems dpa' rnams kyis yongs su gang bar bsgoms te/ slar yang sa bon gyi yi ge'i 'od zer rnams kyi me tog la sogs pa'i mchod pa'i lha mo rnams spros nas lha'i tshogs la mchod pa byas la/ slar yang dkon mchog gsum la bdag skyabs mchi la sogs pa'i tshigs su bcad pa brjod par bya'o/ /yang de'i 'od zer lcags kyu'i rnam par des lha'i tshogs bkug nas sa bon gyi yi ge la zhugs par bsgom par bya'o/ /de bzhin du sems can gyi khams thams cad kyang do'i 'od zer gyis sbyangs te sangs rgyas nyid la bkod nas sangs rgyas kyi gzugs kyis yang sems can gyi khams thams cad sa bon gyi yi ge la rab tu zhugs par bsgom par bya'o/ /rang gi lus kyang ngo/ /ra yig kyang ha yig dang a'i yig dang thig le rnams kyang phyi ma phyi ma'i nang du zhugs par bsgom par bya'o/ /de yang dang po'i thig le'i nang du rab tu zhugs par bsgoms nas thig le de yang mi dmigs par bya'o/ /de nas de bzhin du shU n+ya tA sa brtan par byed pa'i sngags 'di brjod par bya ste/ rigs drug gi bdag nyid oM shU n+ya tA dz+nyA na badzra la at+ma ko haM zhes pa'i oM ni rnam par snang mdzad do/ /shU n+ya tA zhes pa ni rin chen 'byung ldan no/ /dz+nyA na zhes pa ni mi bskyod pa'o/ /badzra zhes pa ni 'od dpag med do/ /swa b+hA wa at+ma ka zhes pa ni dzi na yod grub pa'o/ /a ta zhes pa ni drug pa rdo rje sems dpa' o/ /de nyid bsdus pa'i rang bzhin stong pa nyid du lta ba dang spro bar blta ba'o/ /bsdu ba zhes pa ni don dam pa'i bden pa ste de nyid shes rab tu brjod do/ /spro ba ni kun rdzob kyi bden pa ste thabs so/ /de'i don dam pa'i bden pa 'da' zhig ni gzhan don rdzogs par 'gyur ba ma yin te/ don dam pa'i bden pa'i mthar sangs rgyas nyid thob par 'gyur ro/ /de ltar na gzhan gyi don yongs su rdzogs pa'i phyir kun rdzob kyi bden pa'i bdag nyid spro bar blta bar bya'o/ /de'i phyir thabs dang shes rab kyi bdag nyid de/ de nyid kyi ka thams cad 'grub par 'gyur ro/ /de la dang por ra yig yongs su gyur pa las nyi ma'i dkyil 'khor ro/ /de'i steng du hUM yig yongs su gyur pa las rdo rje rtse lnga pa/ de las 'od zer rdo rje'i gzugs kyis 'phros nyid las 'od zer 'bar pas rdo rje'i sa gzhi dang rdo rje'i gur rnams bsgom par bya'o/ /de'i dbus su hUM yig yongs su gyur pa las chos thams cad rang bzhin med par bsgoms la phyi nas chos 'byung dkar po bsgom par bya ste/ dkar po nyid ni shin tu rnam par dag pa'i chos kyi dbyings nyid do/ /de'i steng du paM yig yongs su gyur pa las pad+ma dmar po 'dab ma brgyad pa'o/ /de'i steng du oM yig yongs su gyur pa las zla ba'i dkyil 'khor ro/ /de'i steng du h+rI(rgyud 'grel yongs su gyur pa las lcags kyu/ de yongs su gyur pa las rang nyid dpal ldan rigs kyi bu 'jig rten dbang phyug gi ngo bor bsgom par bya'o zhes pa ni 'brel pa'o/ /rang bzhin bsam gtan bcas pa yis ni gnas kyi don thams cad kyi gang gi rang bzhin med pa zhes bshad do/ /de'i bsam gtan ni d+hU tsin+t+ra yaM zhes pa'i khams 'di dang bcas pa'i bsam gtan du blta zhing ldan pa zhes pa'i don no/ /dza ti mtshal gyis 'od zer mtshungs zhes pa'i dza ti dang mtshal zhes pa ni tshon gyi bye brag go /de dang mdzangs pa'i 'od zer dmar po zhes pa'i don no/ /ze 'bru le brgan rtsi dang 'dra ba ni 'od 'bar zhing sin b+hu ra ltar dmar ba ste gtso bo li khri ltar dmar ba'o/ /'dir yang gtso bo ni yang 'od dpag tu med pa ste me dang bcas pa'i/ /gzhan yang sngags kyi gzugs kyi ni yi ge gsum gyi rang bzhin gyi sngags dang lha nyid dbyer med pa'o/ /lha'i lha ni lha rnams kyi bdag por gyur pa'i phyir lha'i lha'o/ /skad cig gis mngon par byang chub pa'i phyir zhal gcig pa'o/ /phyag bzhi ni bdud bzhi las rnam par rgyal ba'o/ /mkha' pad zla ba'i gdan la bzhugs zhes pa ni sngon du bshad pa'i chos 'byung pad+ma zla ba'i gdan la bzhugs pa'o/ /zhags pa lcags kyu bsnams pa ni gdul bya'i skye bo rnams 'dzin pa'i phyir zhags pa dang/ gdug pa can rnams 'gugs pa'i phyir lcags kyu bsnams pa'o/ /khyab bdag ni dbang phyug la sogs pa gtso bo yon tan sbyor ba'o/ /mchog sbyin phyag rgya ni nor bu ste/ phyag rab tu brkyad na gzhan gyi don gyi phyir nor bu dang bcas pa'i phyag gis chu skyes zhes pa'i don no/ /yang dag rol pa nyid ni sgeg pa'i nyams gtso bo'i phyir te sgeg pa dang bcas pa zhes pa'i don no/ /mu tig nor bus rnam par rgyan ni rang bzhin gyis dri ma med pa'i phyir nor bus rnam par brgyan pa'o/ /thams cad la rab tu 'gro ba ster ba'i phyir mu tig gi rnam par brgyan pa'o/ /pad+ma'i phyag ni pad+ma'i phyag rgya dang yang dag par ldan pa'i phyir ro/ /da yang na pad+ma bzhin du sems can gyi don la 'khor ba'i nang du gnas kyang 'khor ba'i skyon gyis ma gos pa'i phyir ro/ /pad+ma'i phyag rgya ni phyag g.yon pad+mas brgyan pa zhes pa'i don no/ /sku gsung thugs rnam par dag pa'i phyir spyan gsum mo/ /gdul bya sna tshogs 'dul bar dgongs pas sna tshogs pa'i tshul 'dzin pa ni sna tshogs sku'o/ /'od zer stong ldan bzhin du ma rig pa'i mun pa sel bar byed pas gzi brjid chen po ste 'od gsal chen po zhes pa'i don no/ /gdug pa can thams cad las rnam par rgyal ba'i dpa' bo'i dbang phyug go /'gro ba rnams kyi bdag po'i phyir 'gro ba'i mgon no/ /rnal 'byor ma rnams thugs dgyes pa ni lhan cig skyes pa'i dga' ba'i ngo bo nyid kyis rnal 'byor ma rnams kyi yid tshim par byed pa zhes pa'i don no/ /sngags rnams kun la zhes pa ni sngags thams cad kyi gnas su gyur pa zhes pa'i don no/ /rnam pa de lta bus bcom ldan 'das rigs kyi 'jig rten dbang phyug bsgo par bya'o/ /dngos grub thams cad rab ster ba ni phyag rgya rab tu ster ba zhes bya ba'i don no/ /rnam pa de lta bu'i dam tshig sems dpa' i ngo bor bsgoms nas/ slar yang nam mkha' i mthil du rnam pa de lta bu nyid kyis bcom ldan 'das yi shes sems dpa' i ngo bor bsgom par bya'o/ /de lta bu'i ye shes sems dpa' dza(rgyud 'grel slar yang ye shes sems dpa' i thugs kar pad+ma dang zla ba la h+rI(rgyud 'grel de rnams la rnal 'byor pas dbang bskur bar gsol ba gdab par bya ste/ /oM sarba ta thA ga ta a b+hi dzi ny+tsa tu mAM/ phyi nas de bzhin gsheg pa dang lha mo'i tshogs su bcas pas dbang bskur bar bsams te/ oM sarba ta thA ga ta a b+hi She ka sa ma ya sh+ri hUM zhes pa'i sngags brjod par bya'o/ /de lta bu'i bsam gtan byas te sngags bzlas par bya'o/ /'di ni mdor bsdus pa'i sgrub thabs kyi rim pa'o/ /de lta bu'i rnam pas sngon du gsungs pa'i bcom ldan 'das bsgom par bya'o/ /grib? dang gang gis zhes pa la sogs pa ni sgrub pa pa'i rnal 'byor pa gang gis gang bsgom pa'i bsam pas rnal 'byor goms pa ste/ bcom ldan 'das kyi rnal 'byor rdzogs par bsgom par bya'o/ /de dang de'i bsam pa'i dbang gis de bcom ldan 'das de'i rang bzhin te de'i ngo bo nyid du 'gyur te yid bzhin nor bu mchog lta bu'o/ /da ni zhi ba la sogs pa'i las kyi rjes su 'brangs nas bcom ldan 'das bsgom pa brjod par bya ste/ lha ni dkar pos zhi rab steng/ /de bzhin ngag ni rab sad byed ces pa ste/ gang gi tshe rnal 'byor bas zhi pa'i las 'ga' zhig byed na/ de'i tshe des bcom ldan 'das sku mdog dkar po bsgom par bya ste/ bcom ldan 'das sku mdog dkar po zhi ba rab tu ster ba'i phyir ro/ /'dir bsgom pa'i rim pas ni zhi ba'i las byed pa'i skabs su rnal 'byor pa zhal byang du phyogs te bsgom par bya'o/ /de la dang por wa yig dkar po yongs su gyur pa las chu'i dkyil 'khor zlum po bsgom par bya'o/ /de'i bdag nyid rigs kyi 'jig rten dbang phyug sku mdog dkar po rnam par snang mdzad lta bu rnam par snang mdzad kyis dbu brgyan pa bsgoms par bya'o/ /de la yang ye shes sems dpa' i ngo bo'i rigs kyi 'jig rten dbang phyug gi rang bzhin gzhan bsgom par bya'o/ /ye shes sems dpa' de'i thugs kar pad+ma dang zla ba la bsgrub bya'i lus bkug ste/ nyon mongs pa rnams thim par bsam mo/ /de'i rjes la ye shes sems dpa' i thugs ka'i zla ba la ye shes gsum gyi rang bzhin gyi sngags kyi phreng ba bshengs te bdud rtsi'i rgyun 'bab par byed pas bsgrub bya'i lus la dmigs shing snying bar byas te/ rang gi lus las 'od zer rnam par 'bros te rtse mo'i cha las dpag tu med pa'i lha mo'i tshogs su gyur nas/ /bdud rtsis yongs su gang ba'i bum pa phyag na bsnams pas/ /bsgrub bya la mngon par dbang bskur te/ de bzhin du rgyan du gyur pa'i lha mo dang snyoms par zhugs pa'i bdag po thabs dang shes rab snyoms par zhuT pa las yang dag par byang chub pa'i byang chub kyi sems kyi rgyun gyis kyang dbang bskur zhing nyes pa rnams nye bar zhi bar bya'o/ /zhes pa ni zhi ba'i las kyi cho ga'o/ /de'i rjes su dag rab tu med par byed pa ni shes par bya ste/ ngag rab tu sad pa ni zhal dang phyag dang sku mdog dang dbyibs la sogs pa thams cad snga ma bzhin du'o/ /'on kyang rang gi sems thog ma med pa'i ma rig pa'i bag chags kyi mi shes pas rab tu bcings pa'i bdag dang bdag gir 'jid pas zin pa'i sems nyid kyi nyon mongs pa ma lus ba nye bar zhi ba rab tu steng ba rnam par snang mdzad dkar po me long lta bu'i ye shes kyi ngo bor bsgom par bya'o/ /re'i dag rab tu sad par 'gyur ro/ /de nyid zhi ba'i las dang/ ngag rab tu sad pa las bcom ldan 'das sku mdeg dkar po bsgom par bya'o/ /da ni dbang dang dgug pa'i chog ste/ dbang dang dgug pa'i de nyid la sku mdog dmar po rnam par bsam par bya ste/ de ni dbang dang dgug pa'i las la bcom ldan 'das sku mdog dmar po bsgom zhing zhal dang phyag mtshan la sogs pa sngon ma bzhin du'o/ /'dir bsgom pa'i rim pa ni rnal 'byor pas zhal nub tu mngon par phyogs te/ ya yig yongs su gyur pa las rlung gi dkyil 'khor gyi steng du 'od dpag tu med pas dbu brgyan pa sgag pa'i nyams gtso bor mdzad pa'i rang nyid rigs kyi 'jig rten dbang phyug gi rnam par bsgoms te/ phyi nas rang gi snying/ bo'i h+rI(rgyud 'grel pa'i pad+ma'i sdong bu las 'od zer gyi skud pa dang bcas pa 'byung ba'i 'dab ma brgyad pa'i pad+ma dmar po bsam par bya'o/ /'dab ma so so las sa bin gyi yi ge dmar po gsum ste h+rI(rgyud 'grel h+rI(rgyud 'grel de/ phyogs kyi 'khor lo thams cad khyab nas bsgrub bya'i gnas su zhugs te bsgrub bya'i lus 'dod pas pha rol gyi dbang du 'gyur zhing myos par byas pa mdun du blta par bya ste/ zhags pas mgul pa bcings shing snying kha'i pad+ma lcags kyus phug ste/ b+ha ga'i pad+mar de bzhin du 'dod pa'i mtshon gyis bsnun pas 'khrugs shing rab tu myos pa rnam par bsam mo/ /de nas phyis de'i snying kha'i chu skyes kyi ze 'bru la h+rI(rgyud 'grel rten pa'i ming gi yi ge blangs te byis rang gi mgul ba la bcings par bsam par bya'o/ /slar yang rang gi snying kha'i pad+ma'i ze 'brug gnas zla ba la gnas pa'i hUM yig las 'od ze gyi dra ba dmar po srog gi rlung gis 'das te 'dab ma la gnas pa'i yi ge gsum gyi rang bzhin gyi sngags kyang steng du stong ste/ gang gi sna bug g.yas pa'i lam nas 'thon nas myos pa'i snying kha'i pad+ma'i za 'brur gnas pa'i ming gi yi ge bkug ste bsgrub bya'i sna bug g.yon gyi bu ga'i lam nas byung ste ming la shin tu khyud nas de'i sems dang rang gri sems lhan cig tu bya'o/ /rlung gi dkyil 'khor gyis dkris pa'i 'di ni dbang gi rab tu sbyor ba'o/ /dgug pa'i rab tu sbyor ba yid 'di nyid do/ / da ni bskrad pa'i rab tu sbyor ba gsungs te/ du ba dmar po'i zhes pa la sogs pa ni bskrad pa'i dus su du ba dmar po'i kha dog gi bcom ldan 'das bsgom par bya'o/ /rlung gi dkyil 'khor gyis dkris pa'i zhes pa ni rlung la dkyil 'khor gyis bskor zhes pa'i don no/ /cho ga 'di lta bu'i bcom ldan 'das kyis dgra po rnams skrod par byed de 'dir the tshom med par byed par 'gyur ro/ /dgra bo rnams skrod par byed pa'i 'dir bsgom pa'i rim pa'i ni rnal 'byor pas nyi ma gung gi dus su kha lhor mngon par phyogs te du ba dmar po'i mdog can don yod grub pa lta bu ser sna'i rigs don yod grub pas dbu rgyan pa rlung gi dkyil 'khor gyis dkris pa bdag nyid kyi 'jig rten dbang phyug gi skud bsgom par bya'o/ /phyag mtshan la sogs pa rnams snga ma bzhin no/ /bsgrub bya yang nga mo'i steng du/ /gnas pa la rang gi 'od zer du ba dmar po'i kha dog lta bus rang gi gnas bskyod par bsam par bya'o/ bdag nyid kyang du ba dmar po'i mdog can lcags kyu'i rnam bsam cha na pa'i mtshon cha bzung bar bsgom mo/ /de bzhin du bsgoms pas dgra bo rnams nges par skrod par 'gyur te/ 'dir the tshom med do/ /da ni rnam par zhe sdang ba'i rab tu sbyor ba gsungs te/ du ba dngul gzugs dmar ba ni/ /rnam par zhe sdang la nges sbyor zhes pa'i du ba dngul gzugs dmar po'i mdog ni de ma thag tu gsungs pa'i da ni yod grub pas dbu brgyan pa'o/ /sngon du gsungs pa'i zhal dang phyag mtshan dang ldan pa'o/ /rang gi snying kha nas bskul te zhe sdang rnam pas/ /rtsams? dngul gzugs dmar po'i 'od zer gyis zhes sdang yang dag par bskyed de/ bsgrub bya ma he dang rta'i steng du gnas te phan tshun dug dang mtshon chas 'thab cing khro bo'i sems dang bcas par bsam par bya'o/ /de lta bu nyid du bsgom zhing rnal 'byor par du ba dngul gzugs dmar po'i 'jig rten dbang phyug gi rnam par byas te/ dgra bo rnam par zhe sdang nges par sbyor bar 'gyur te/ 'di ni the tshom med do/ /da ni gdug pa can gyi sems can rnams so sor bsad pa dang rengs pa'i rab tu sbyor ba gnyis gsungs te/ gsang ba la ni kha dog gnag /dengs pa la ni ser por shes zhes pa la sogs pa'i gsang ba la sku mdog nag por bsgom par bya'o/ /rengs pa la ni ser por bsgom par bya'o/ /'dir bsgom pa'i rim pa ni rnal 'byor pas khre lhor phyogs te/ rang nyid mi bskyod pa bzhin du sku mdog nag po mi bskyod pas dbu brgyan pa/ sngon du gsungs pa'i phyag mtshan la sogs pa dang ldan pa'i dags kyi 'jig rten dbang phyug gi skur bsgom par bya'o/ /phyi nas bsgrub bya yang oM yig yongs su gyur pa las du ba'i mdog gzhu'i dbyibs can rlung gi dkyil 'khor la gnas pa'i ro yig yongs su gyur pa las me'i dkyil 'khor gru gsum dmar po la gnas par bsam par bya'o/ /rang gi snying kha'i pad+ma'i ze 'brul zla ba'i dkyil 'khor la gnas pa'i h+rI(rgyud 'grel te/ de'i nang du song nas yi dam gyi lha dang ye shes sems dpa' la gsol ba gdab par bya'o/ /nam mkha' i mthil du byon pa'i de bzhin gshegs pa rnams la yang gsol ba btab nas/ de rnams kyi mdun du sdig pa bshags par bya ste/ 'di ni dkon mchog gsum la gnod par byed pa'i sems kyis dmyal ba la sogs par 'gro bar 'gyur ba las bzlogs pa'i phyir/ /de bzhin du smon lam gdab ste/ de lta bu'i ngo bo nyid kyi snying rje bskyed par bya'o/ / de'i phyir yang snying rje dman pas 'grub mi 'gyur zhes so/ /de nas sngon du gnang ba thob nas ye shes pa'i de bzhin gshegs pa'i gti mug rdo rje la sogs pa'i lha rnams rang rang gi 'khor lo lo sogs pa'i phyag mtshan dang ldan pas sgrub bya'i lus mar rnag gis byugs pa lta bu rab g.yo ba las bsrungs pa la sogs 'thon par bsam mo/ /ji srid bsgrub bya'i sbyor ba yang dag par sbyor bar byed par 'gyur te/ phyi nas bsgrub bya'i blo dang shes pa mar me g.yo ba med pa bzhin du bsam/ mkha' pang zla ba'i steng du hUM yig las skyes pa'i lcags kyu yongs su gyur pa las de nyid du do'i blo dang shes pa rigs kyi 'jig rten dbang phyug sku mdog nag por gyur nas rlung gis bskyod nas bde ba can gyi 'jig rten gyi khams su 'das nas de bzhin gshegs pa rnams rgyal tshab tu dbang bskur bar bsam par bya'o/ /'di na man ngag gi rim pa'o/ /de bzhin du byas na sdig par mi 'gyur te/ snying rje sngon du 'gro ba'i phyir ro/ /gzhan du ni sdig par 'gyur ro/ /'di ni gsang ba'i rab tu spyod pa'o/ /rengs pa la ni ser por shes zhes pa ni mdor bstan pa ste/ rgyas par bshad pa ni tshigs su bcad pa gzhan gyis bshad de/ /rengs par bya ba ser po nyid las gtso bor phyir rgol ba'i dag rengs par byed pa'i las su brjod do/ /lug gi steng zhes pa la sogs pa'i lug ni dud 'gro ste/ rnal 'byor pas steng du zhon pa'o/ /rnal 'byor pas de bzhin du bsgom par bya'o/ /yang ni bsprub bya'i steng du lug gis zhon pa bzhin du yang dag par gnas pa'o/ /rkan gyi bar tu rtsam phug nas zhes pa ni rigs kyi 'jig rten dbang phug ser por bsgom shing phug gi sung du gnas nas lcags kyus bsgrub bya'i rkan phug nas zhus pa ni de'i phyir thams cad bsgrub bya la nye bar mtshon pa ste/ srid pa gsum du gang gnas pa zhes pa ni thams cad rmongs par byed pa'o/ /'di ni rangs pa'i rab tu sbyor ba'i/ /gzhan dag smos pas ci zhig bya/ /don mar tshig na rab 'dus pa/ /zhes pa ni don mang po tshig nyung shas la 'dus pa zhes pa'i don no/ /'jig rten gsum du gang gnas pa'i/ /las rnams yon tan brgyad dang ldan pa'o/ /de la yon tan brgyad ni yang dag ba'i lta ba dang/ 'tsho ba dang/ rtsol ba dang/ dran pa dang/ ting nge 'dzin dang/ ngag dang/ las kyi mdza' dang yang dag pa'i rtog pa zhes pa rnams te/ 'dir 'phags pa'i lam yan lag brgyad po zhe bzhes so/ /yon tan brgyad dang ldan pa'i gzhan yang gsungs pa dang ma gsungs pa'i las rnams rgyud gzhan rnams las nye bar spyod pa ste/ rgyud gzhan rnams su ji ltar nye bar sbyod pa'i rang tu sbyor ba'i las rnams gal te rang bzhin bsam gtan sbyor ba yis te/ cho ga ji lta ba bzhin byas pas 'dir 'grub par 'gyur bar the tshom med do/ /gang zhig lha ni nam mkha' mtshungs zhes pa la sogs pa'i dngos po las re shig bcom ldan 'das nam mkha' dang mtshungs pa'o/ /kha dog dbye bas slar yang gzhan du tha dad pas/ /'jig ten gsum ni gang sbyod ba'i/ /las rnams thams cad bya ba'o/ /skal bzang byed ba'i zhes bya ba la sogs pa ni 'dir de shig yi ge gsum gyi rang bzhin rigs kyi 'jig rten dbang phyug gi ngo bo'i sngags kyis skal pa bzang po can du 'gyur ro/ /'dod pa'i gzhan dbang bsgrub bya'i snying kha'i chu skyes dbus su son pa'o/ /de'i phyir bslab bya'i snying kha'i chu skyes sbyor bas 'dir rang nyid ribs te 'jig rten dbang phyug gi rang bzhin ye shes sems dpa' i bor 'dod pas gzir te/ bsgrub bya'i snying kha'i chu skyes las rab tu zhubs pa'i sbyor bas dbang po la sogs pa yang dag bar bsgrub par byad do zhes ba'o don no/ /da ni de kho na nyid kyi tshogs gsang sngags kyi mgon po gang du gnas pa zhes gsung te /yi ge gsum dang bcas pa zhes pa sogs 'der stags ni yi ge gsum bcas pa ste/ yi ge gsum gyi rang bzhin zhes pa'i don no/ /lha ni de lta bu kri ta oM zhes pa'i khams las rtsa'i 'khor lo thams cad du thig le'i gzugs nyid kyis rnam par rol pha'o/ /steng du 'gro ba gsum dang ldan pa'i gsum na thugs dang ? dang sku'i 'khor lo rnams su dam ro gcig tu gyur pa ni seng du 'gro ba'o/ /de dang ldan pa ni bcas bzhes pa'i don no/ /yang na rlang gi de nyid kyi rim pa gzhug pa dang gnas pa dang 'byung ba'i do ba nyin mtshin du bzlas pa nyi steng du 'gro ba gsum ldan pa'i/ /de ltar yang rlung na/ a ig gis ni rab tu gzhug/ A(rgyud 'grel ni de kho na nyid gsum mngon sum du byed pa'i mtshan nyid ni las byed pa ste/ rtag tu rgyun mi 'chad pa nyid do/ /rnal 'byor ma rnams zhal la gnas ni bde ba'i bdag nyid thig le de nyid la rab tu 'jug par byed pa'i phyir ro/ / de'i phyir rnal 'byor ma rnams kyis zhal ni chos 'byung gi bdag du gnas so/ /de bzhin du dpal bde mchog gi rgyud las kyang gsungs te/ rnal 'byor ma rnams kun rdzob sbyod/ /mkhas pa yis ni mchod par 'os/ /rang nyid yang dag mdun phyogs nas/ /rnal 'byor ba yis nod kun dbul/ /zhes so/ /yang na rnal 'byor ni 'dig rten las 'dis pa'i ting nge 'dzin thob ste/ gang rang gi bde ba la zhugs so pa de rtsa sum cu rtsa gnyis po de rnams kyi zhal la gnas pa sbyor mdza' gnyis kyi rtsa mor gnas shing rig pa brtan par gyur pa'o/ /de bzhin du yang rtsal 'bor ma ni de rnams rtsa gsum cu rtsa gnyis rnams sbyor bo las skyes par shes par bya ste/ de rnams yang dag par bskul bas ye shes ni mchog tu dga' ba'i ngo bo nyid do/ /rnam pa gsum ni 'gugs par byed ces pa la sogs pa ni rnal 'byor pas gang gi che thig le'i rnal 'byor la goms par byas pas/ de'i tshe lhan cig skyes pa'i dga' ba'i rang bzhin thig le'o/ /mjes pa ni yang dag par rdzogs pa'i byang chub thob pa'i phyir ro/ /pad+ma zung dang ldan pa ni sbrul pa dang bde ba chen po'i pad+mar gyur pa ste/ 'gro ba dang 'ong ba'i tshul nyid kyis so/ /de lta bu'i rnam gsum 'gugs par byed de/ rnam gsum gyur pa'i dbang las de g.yo bar 'gyur ba ni bde ba chen po'i 'khor lo las 'dzag pa'o/ /de'i rjes su 'dzag par gyur pa ni snying kha'i 'khor lor babs pa'o/ /de'i rjes su mi 'dzag par gyur pa ni sbrul pa'i 'khor lor gyur pa'o/ /de'i che dbu mar mar me g.yo ba med pa bzhin du gnas par 'gyur ro/ /de bzhin du rnal 'byor pas kyang rtag tu sbyor ba ni rnam pa de lta bus rtag tu gcig tu gnas pa ste/ rtag tu rgyun mi 'chad pa'o/ /mar me rlung gis ma skyod pa bzhin du rab tu gnas pa thob par 'gyur ro/ /zhes pa'i don no/ /sngon gsungs zhes pa la sogs pa ni sngon du bshad pa'i lca'i lha dbang po'i ngo bor sgrub pa po skya reng dmar po dang mtshungs pa'i 'od du bsgom mo/ /thabs shes rab gnyis rnam par dag pas mtshan mo phyed kyi dus su ste/ srid pa dang mya ngan las 'das pa dag gi dbus su gnas pa'o/ /de lta bu'i rnal 'byor ni sngon du gsungs pa'o/ /yang ni e yig dang bruM yig gi mtshan nyid rnal 'byor yang dag par spyod pa'o/ /da ni dkon mchog gsum la gnod pa byed pa rnams/ /de'i gzugs 'jin de zhes pa la sogs pas slar pa shad de/ sngon du gsung pa'i bcom ldan 'das sku mdog nag po'i rang bzhin du sgrub po'i lus 'jin pa'o/ /de lta bu'i chogs ? po gang gis de bzhin lta ni bcom ldan 'das te zhags pa lcags kyu 'jin pas bsgrub bya'i lus la spyod par byed pa ni yang dag par blang bar bya zhes pa'i don no/ /'dir bcom ldan 'das gang zhags pa dang lcags kyu 'dzin pa nyid kyis 'od zer chen po nyid kyis so/ /de bla ma'i zhal la rnam par gnas na bla ma'i zhal las blang par bya zhes ba'i don no/ / 'did gsungs pa ni sngon du gsungs pa'i zhags pas cings pa la sogs pa dang/ lcags kyus kyang gang dbug pa ste/ de bla ma'i zhal las rtogs par bya'o/ /zhes pa'i don no/ /de bsgrub bya'i lus la gzhan ci 'dra na zhags pas yang dag par bkug cing lcags kyus bsnun pas/ gzhan yang rnam par myos pa ni rnam par 'khrugs pas zhes pa'i don no/ /'jigs pa dang bcas pa'i phyir lus dmar ni lus dmar por gyur te/ yang nas yang du brgyal bar 'gyur te sgo dgu rnams su bsnan pas khrag mang du 'bab pa zhes pa'i don no/ /de bzhin du spon du mdor bstan pa'i rjes su 'brangs nas 'di ni rgyas par bshad pa'i rim pa ste/ dkon mchog gsum la gnod por byed pa gsang ba'i rem pa'o/ /gzhan du bshad pa'i gsang ba'i rim pa ni bsgrub bya'i lus las byang chub kyi sems yang dag par byed pa ste/ zhags pas 'gugs pa dang ldan pa ni lte ba'i 'khor lo la gnas pa'i aM yig yongs su gyur pa las gtum mo 'bar ba'i gzugs ni zhags pas 'gugs pa ste/ steng du song nas bde ba chen po'i 'khor lo gnas pa'i mgo thur du bstan pa'i haM yig gi gzugs la lcags kyus bsnun pa'o/ /rnam par myos pa'i zhes pa ni rang gi gnas nas 'bab pa ste/ bde ba chen po'i 'khor lo las zhes pa'i don no/ /lus dmar ni lhan cig skyes pa'i dga' pa'i ngo po nyid do/ /yang dang yang du brgyal ba ni 'khor lo las 'khor lo'i mthar 'bab pa'o/ /khrag 'bab pa ni bde ba chen po dpag tu med pa'o/ /sgo dgu rnams su bsnun pa ni chos kyi 'khor lor gyur ba'i lha mo bzhi dang de bzhin gshegs pa lnga'i rigs sgor bsnun pas sbrul pa'i 'khor lo'i nang du 'bab ba'o/ /'di yang byang chub sems kyi thig le mi lhung zhing steng du 'dren bar byed pa'i mtshan nyid yin pa ni gzi brjid chen po'o/ /sngon du gsungs pa'i zhags pa lcags kyus 'dzin pa dag gis de thams cad la gzi brjid chen po nyid do/ /bla ma'i zhal la gnas ni snying kha'i 'khor lo dang sbrul ba'i 'khor lo ste/ 'khor lo gnyis kyi bar du gnas ba zhes pa'i don no/ /da ni sngags kyis phan par byed pa srog bzhin bsrung bar bya ba tshigs su bcad pa drug gis gsungs te/ sgrib pa dang bral mtshungs pa'i zhes bya'i la sogs pa ni sgrub pa pos dang por re shig sgrib pa dang bral mtshungs pa ni sgrib las nges par grol ba'o/ /rang lus rnam par blta bar bya ni de rang lus la blta bar ste/ de la sgrib pa dang bral mchungs pa'o/ /lus kyi dbus su rab tu zhes pa'i sngags ni h+rI(rgyud 'grel ni mar me 'bar ba dang/ me lta bus zhes pa'i don do/ /gzhan yang kha dog dmar po ni pad+ma'i gzugs 'dzin pa'o/ /rang gi zhal gyi nang nas 'thon te kha'i sgor rol ni sgrub bya'i kha'i sgo ste bsgrub bya'i kha'i sgo ru zhes pa'i don no/ /de la mngon 'dod rol ba ste bsgrub bya'i kha'i sgor yongs su 'khor ba zhes pa'i don ni/ /phyi nas de nyid yi ge rnams bsgrub bya'i khar thim nas ji srid bsgrub bya'i snying kha'i chu skyes la thim par bsam par bya'o/ /phyi nas de'i mthar snying khar cung zad gnas pa thams cad de'i mthar zhes pa ni dang po'i yi ge'i mthar ni hUM yig go/ de nyid kyi gzugs kyis de yang rab tu zhugs te bsgrub bya'i snying khar gang cung zad gnas ba thams cad phrogs te/ de yang mer mer bo'i rang bzhin dkar dmar gyi rang bzhin sgrol ma'i gzugs ga bur gyi rnam pa de nyid de/ yid 'phrog pa thams cad nges kyang yi ge blang bar bya ba len pa zhes pa'i don no/ /phyi nas gang bsgrub bya'i lus stong par bya ste/ de'i tshe dzdza zhes pa'i gsum pa'i yi ges rlung gis lo ma g.yo ba ltar byas te/ rang gi khyim ni rang gis lus la thim nas lus bsgrub bya'i lus dang ngo bo gcig tu gyur par bsgom par bya'o/ /de lta bu'i rnam pa 'dis lha'i lha ni bcom ldan 'das rigs kyi 'jig rten dbang phyug zhag bdun du bsgrub par byas pas de'i dor dang bcas pa'i skye bo thams cad kyis bran byed par 'gyur ro/ /'tsho ba dang ni nor gyis kyang/ /sa steng 'jig rten slar ci smos/ /'grub 'gyur 'di la the tshom med/ /de bzhin the tshom med pa zhes pa'i don no/ /da ni 'di'i sdags ki dbang du bya ba'i yul gyi rna par dbye ba tshigs su bcad pa gnyis kyis gsungs so/ /rang dbang med rnams zhes pa la sogs pa'i 'dir sdags kyi dbang po ni rgyal po ni rgyal po ste sgrub pa pos 'dir rang dbang med pa ni gzhan gyis gzung ba'i bud med la rab tu sbyar bar mi bya'o/ /rgyal srid sgrub pa mchog ni des pa ste/ 'dir sdags kyi rgyal po bzlas par bya'o/ /zhes pa'i don no/ /sgrub pa po gang gis slar yang gzhan du ste gzhan gyis bdag tu bzung ba'i bud med sgrub pa ni 'dod pas long zhing 'dod pa la chags pa ste/ nges de bzhin du dbang byas pas lhung bar 'gyur te sdig par 'gyur ro zhes pa'i don no/ /rgyu gang gi phyir na de gzhan gyis yongs su bzung ba'i bud med bsgrubs na 'od mi nus pa'i phyir de'i skad cig la 'chi bar 'gyur te/ de mthong ba'i phyir ro/ /gal te lha'i bu mo yin yang 'dir the tshom med do zhes pa ni lha'i bum mo yang des par 'od bar 'gyur ro/ /zhes pa'i don no/ /rigs kyi 'jig rten mgon po'i lnga bcu pa las lha'i de kho na nyid rim par phye ba ste gsum pa'o// //yang dag srung zhes pa la sogs pa ni de rnal 'byor pas dam tshig spyod pa dman pas 'dren pa'i sngags nyid bzlas par bya'o/ /sba zhir srog bzhin bsrung bar bya ste/ 'dir sngags ni 'jig rten dbang phyug gi snying po'o/ /mchog ni phul du byung ba'o/ /gcig pu grogs dang bral byas te zhes pa la sogs pa ni rnal 'byor pas gang gi tshe sngags zlos par byed pa de'i tshe gcig bu ni gnas kyi don thams cad la chags pa spangs pa'o/ /'bum du bzlas ni 'bum phrag gsum gyi grangs kyi sngags bzlas par bya'o/ /de yang 'khor lo gsum ste sku gsung thugs kyi mtshan nyid do/ /bde gshegs mngon sum zhes pa ni sku gsung thugs mngon sum du byed par 'gyur ro zhes ba'i don no/ /da ni sngags bzlas pa'i 'bras bu'i bdag nyid chen po'i gsungs te/ 'jig rten thams cad 'byin pa dang zhes pa la sogs pa ni gang sngon du gsungs pa'i chos gsang sngags bzlas pa dang ldan pa'i rnal 'byor pa des 'jig rten thams cad skad cig tsam la de bzhin du 'byin par byed pa dang skad cig tsam la de bzhin du sdud par byed de/ yang nas yang du 'byin ba dang sdud par byed pa'i zhus pa dang ldan pa zhes pa'i don no/ /nam mkha' i go 'phang 'gro zhes pa ni nam mkha' la 'gro bar byed pa ni phyag na rdo rje la sogs pa ste rdzu 'phrul dang ldan pa'o/ /de rnams kyi go 'phang ni de dag gi gnas su 'gro ba ste sgrib ba bral ba'i gnas su 'gro ba zhes bya ba'i don te/ dran pas 'di la the tshom med pa'o/ /da ni pha rol gyi grang du 'jug pa bshad par bya ste/ sems dang sems med sbyor ba zhes pa la sogs pa ni sems ni rnal 'byor pa'i shes pa'o/ /lus skyes ni lus las skyes pa'i 'byung ba chen por gyur pa rnams 'jug par byed do/ /gang la sems med pa'i lus so/ /sbyor ba ni 'jug pa'o/ /sems ni rnal 'byor pa'i shes pa sems med pa'i ro'i lus la yang dag par thim pa'o/ /lus skyes mang po rnams la rab tu zhugs nas sems ni sems las nges pa mthong ste/ ro'i lus la sems de bzhin du 'dir sems dang bcas pa ste/ des par mthong ba ni ro de la nges par mthong bar 'gyur ro zhes ba'i don no/ /'dir tshogs pa'i don ni sems can thams cad kyi srog gi gzugs sems kyi rten du gyur pa de nyid rim pas pha rol gyi grong la 'jug pa'i dus su rnal 'byor steng du blang bar bya ste/ ji srid lte ba'i 'og nas de yang steng du mgrin pa'i phyogs kyi mthar thug pa dka' nas sna'i bu ga nas 'thon te ro mnyam pa'i las la yang dag par zhugs par bya'o/ /ji srid ro'i lus g.yo ba ste/ spal ba bzhin du'o/ /ci'i phyir yang rab tu g.yo ba ni slar yang de las ro'i lus la phyug ? du srog tshul dgug par bya'o/ /de bzhin du pha rol gyi grong du 'jug pa la goms par bya'o// //da ni sdags kyi bdag nyid kyi che ba bshad par bya ste/ nad bcas zhes bya ba la sogs pa ni nad dang ldan pa'o/ /nang med ni nad las nges par grol bar byed pa'o/ /de bzhin du nad med pa yang nad dang bcas par byed do/ /de bzhin du sngags kyi rgyal lo dbang pos byed de/ zhags pa lcags kyus 'jin pa zhes pa 'di yin gsal ? kyus 'dzin pa'i tshig brling ba ni sngon bshad zin te/ /gzhan du zhes pa la sogs pa ni rang bzhin gyi sbyor ba sngon du gsungs pa'i cho ga ma yin pa gang gi las kyi rjes su 'brangs nas sgrub pa de ni gzhan du ste byis pa rmongs bas zla ba 'dzin par 'dod pa dang 'dra'o/ /gsum gsum zhes bya ba la sogs pa ni sgrub pa po gang gis 'jig rten mgon po'i sku gsum gsum du rig pa ste/ gsum ni rnam pa gsum ste/ de las de nyid gsum ni sngags kyi de nyid dang/ bdag gi de nyid dang/ lha'i de nyid do/ /gzhan yang gsum tshi? sku gsum ste/ chos dang/ longs sbyod rdzogs pa dang/ sbrul pa'i sku'o/ /gzhan yang gsum ni yi ge rnam pa gsum mo/ /de bzhin du gsum gsum du rig par bya'o/ / gnas skabs gsum ni zhi ba dang/ gnyis su med pa dang/ lam rnam bar sbyang ba'i ye shes kyi skabs so/ /de bzhin du sku gsum dang /gnas skabs gsum ni /'jig rten mgon po'i go 'phang ste/ 'jig rten mgon po'i rang bzhin du sgrub pa po gang gis shes pa des ngas par 'jig rten mgon po'i go 'phang du 'gro'o zhes pa'i don no/ /'di ni rigs kyi 'jig rten mgon po'i lnga bcu ba'i 'grel pa mdor bsdus pa ste/ /bci'i bN+Di ta dri med dpal mthang? ngo'i zhal snga nas mdzad brjogs so// //dpal sa skya'i btsug lag khang du mi chen lha rje me ga ling gis zhus shing/ /yar lungs pa shud kye grags pa rgyal mtshan gyis bsgyur ba'o// //