བོད་ཡིག

e-texts based on the ACIP/ALL Input

thod shog /rgya gar gyi slob dpon chen po sh+rI badzra kIrtI zhal snga nas mdzad pa rdzogs so// //rgya gar skad du/ sh+rI e ka dza TI yA d+ha naM/ bod skad du/ dpal ral gcig ma'i sgrub thabs/ /jo mo byin brlabs can la phyag 'tshal lo/ /dran pa tsam gyis sems can rnams/ /oM byang 'phel zhing bar chad zhi/ /dgra rnams 'dul zhing byang chub nye/ /ral gcig ma la phyag 'tshal lo/ /sems can nyon mongs bsod nams chung/ /'khor bar yun ring gnas pa la/ / mchog dang thun mong thob bya'i phyir/ /jo mo'i sgrub thabs brtsam par bya/ /dur khrod la sogs nyam nga bar/ /mi ro'i stan la rab 'dus nas/ /byang chub mchog tu sems bskyed nas/ /dngos sam yang na yid kyis kyang/ /yan lag bdun nam rnam bzhir tsha? song pa'i ngang las pad+ma'i gdan/ /ro dang nyi ma zla ba la/ /skad cig dran pa tsam gyis kyang/ /dpal ldan chen mo sku mdog gnag /zhal gcig ma la phyag bzhi pa/ /g.yas gnyis ral gri gri gug dang/ /g.yon pa utpal thod pa rnams/ /ral pa sger ze'i thor gtsug dang/ /'phyad ba'i tshul la rnam par brgyan/ /spyan gsum zhal ni mche ba gcig so/ /'dzum pa'i mdangs dang ldan pa'o/ /stag gi sham thabs byas pa'i zhabs/ /g.yas pa bskum nas g.yon pa brkyang/ /sems dpa' i skyil krung gar gyis bzhugs/ /sprul dang thod pa'i rgyan la sogs/ /dur khrod chas kyi brgyan par bsgom/ /yul gsum sku gsung thugs kyi dbang/ /phyi nang gsang ba'i tshul du yang/ /skad gcig nyid la dbang bskur bya/ /de lta bu'i sbyor ba la/ /bag tsam skyo bar gyur pa na/ /rig pa 'di yang brjod par bya/ /h+rI hI hUM phaT/ /mtshan dang ldan pa'i thod pa'am/ /yang na ci yang rung ba'i snod/ /sha lnga bdud rtsi la sogs pa'i/ /ba li rgyan gyis mchod pa bya/ /rtsa ba'i sngags kyi bstod pa 'dis/ gdangs dang ldan par bstod par bya/ /pra ta ni ni Dal a ro ba ti/ /g+h+ri ta b+h+ri ta g+h+rar ang te hA sa na 'od/ /sra ya hUM khaTTa g+hA ni la ga pa dza tra dzu tra u g+hA ni g+ha ba ra ga ti ga pu dz+nyA da traM nas sa ka pa la/ ki ti ra dzu gu taM haM ut+ta ta ra ye saM/ /thal chen khrag dang sbyar ba yi/ /dkyil 'khor dag kyang rtag tu dbul/ /zab mo'i don yang bsgom par bya/ /de lta bu'i sbyor ba yis/ /mi yi ro'am dur khrod ngam/ /gtsug lag khang dang ma yi dam du/ /lus ngag yid gsum 'bar ba yis/ /zhag cig bdun bdun dang rtsa gcig /gsum lo gcig gis 'grub par 'gyur/ /zhal gyi dkyil 'khor bstan nas ni/ /gang ltar 'dod pa dri ba gyis/ /de lta bu yi lung bstan nas/ /dngos grub rnam pa gnyis kyang thob/ /thun mong tshe ring nad med cing/ /yo byad dang ni rigs brgyud 'phel/ /kun gyis lta ba'i 'os su 'gyur/ /mchog ni byang chub the tshom med/ /dpal ldan chen mo grub nas kyang/ /gdug pa'i gnod sbyin rnam pa gnyis/ /drag po'i shugs kyis 'phrin las byed/ / g.yas na kA la nag po ni/ /ral pa kham nag gyen du brdzes/ /sprul dang thod pa'i rgyan dang bcas/ /dar nag gos kyi le'u can/ /zhabs la sag sti yu thung gon/ /sbrul nag bcus pa'i ske rags byas/ /g.yas pa ral gri klad la bskor/ / g.yon pa utpal dkar po rnams/ /mtshe gcig tog tog skan sgra can/ /g.yon na b+hi ka la dmar po/ /ral pa gsigs pas sa gzhi khengs/ /khro gnyer dpral bar bzhin bsdus pa'i/ /leb rgan dmar po sku la gsol/ /rkang pa brjeb cing gdug pa 'dul/ /gri gug g.yas pa thod pa g.yon/ /zhal nas drag po'i dan sngags sgrogs/ /a yin h+rid srid has phreng/ /hang sa hu hang sa hung/ has pring a yin hing srid/ /gdug pa'i drag sngags 'di dag kyang/ /gnod sbyin gnyis kyi srog kyang yin/ /de dag 'grub par gyur pa na/ /bsam pa tsam gyis rings pa dang/ /khros pa tsam gyis 'chi bar 'gyur/ /thal mo brdangs pa'i sbyor ba yis/ /mi ma yin pa'i 'byung po rnams/ /seng ge mthong ba'i ri dags bzhin/ /mthong ba tsam gyis 'bros par 'gyur/ /de ltar yin gyis gdams pa 'di/ /'gro ba rnams la phan gyur cig /'di 'dra'i gdams ngag dam pa 'dis/ /kha nas me 'bar khod du sbrul zhugs pa'i/ /bu ngan phal la sbyin pa min/ /dpal rag pa gcig ma'i bsgrub thabs 'khor gnod sbyin dang bcas pa rdzogs so// //rje grub thob chen po'i thugs dam/ /gnubs lo tsA bas bsgyur ba'o// //*/ /rgya gar skad du/ /ma N+ya lo ke pa ri nA ma/ bod skad du/ brgyal?