བོད་ཡིག

e-texts based on the ACIP/ALL Input

dpal bcom ldan 'das ral pa gcig pa'i sgrub thabs slob dpon chen po mi phaM sngas pas mdzad pa bzhugs so// //rgya gar skad du/ sh+rI e ka dzA Ti b+ha ga wA na sA d+ha naM/ bod skad du/ dpal bcom ldan 'das ral pa gcig pa'i sgrub thabs/ rje btsun ral pa gcig pa la phyag 'tshal lo/ /dang por re shig sngags pas tshogs bsags pa sngon du 'gro bas pad+ma dang/ ka bA la dang/ ro'i gdan bltas la de'i steng du hUM dang baM las yab dang yum ral pa gcig 'phyad pa'i bcom ldan 'das bsgom par bya'o/ /shar dang/ lho dang nub dang/ byang gi pad+ma'i 'dab ma dag la ni rdo rje 'khor lo dang/ rdo rje rin chen dang/ rdo rje pad+ma dang/ rdo rje sna tshogs rnams bsam mo/ /byang shar la sogs pa'i mtshems bzhir ni bdud rtsi ka pA la dag go /de'i phyi rol du khyams kyi phyogs bzhir gti mug rdo rje dkar mo sgron ma thogs pa dang/ bag chags rdo rje ser mo rdo rje thogs pa dang/ 'dod chags rdo rje dmar mo zhags pa thogs pa dang/ zhe sdang rdo rje ljang khu ral gri thogs pa rnams bsgom mo/ /khyams kyi grwa bzhir ni byang shar nas brtsams te brtan pa'i rdo rje ma ser mo ri rab thogs pa dang/ sbyor pa'i rdo rje ma dkar mo zla ba thogs pa dang/ 'bar ba'i rdo rje ma dmar mo nyi ma thogs pa dang/ stobs kyi rdo rje ma ljang khu ba dan thogs pa rnams dgod do/ /brgyad ba 'di dag ni pad+ma dang ro'i gdan la rnam par gnon pa yin no/ /de bzhin du shar dang/ lho dang nub dang/ byang gi sgo bzhir yang go rims ltar rdo rje lcags kyu dang/ zhags pa dang/ lcags sgrogs dang/ dril bu 'dzin pa rnams dkar ba dang/ ser ba dang/ dmar ba dang/ ljang khu'i mdog can rnams bsgom par bya'o/ /ji ltar dam tshig bskyed pa dang/ ye shes sems dpa' gzhug pa nyid/ / gsang sngags bzlas shing bsgom pa dang/ /rdzogs pa'i rims sogs che ga bzhin/ /dpal bcom ldan 'das ral pa gcig pa'i man ngag khungs phyung ba/ slob dpon chen po mi phim sbas pas bsdus ba rdzogs so// //rnal 'byor gyi dbang phyug sh+rI mi tra dang/ gnubs lo tsA ba mai tri sh+rIs bsgyur ba'o// //rgya gar skad du/ sh+rI b+ha ga wA nE ka dzA Ti sA d+ha naM/ bod skad du/ dpal bcom ldan 'das ral pa gcig ma'i sgrub thabs/ rje btsun ral pa gcig ma la phyag 'tshal lo/ /shin tu gsang ba'i rtog pa las/ /rnal 'byor pa la phan byed pa/ /bla ma'i drin thob dga' ba'i mthus/ /ral pa gcig 'phyang sgrub thabs bri/ /rab tu bsngags pa'i gnas su ni/ /blo mchog sgrub pa po/ yid thul/ /dam tshig che dang rab ldan pas/ /dang po stong nyid bsgom par bya/ /oM swa b+hA ba shud d+ha(rgyud 'grel hUM yig 'bar ba bsam par bya/ /hUM paM ma a k+ShaM don gnyis mdzod de yongs gyur pas/ /rdo rjes mchen pa'i gri gug can/ /rdo rje'i 'od kyis rnam brgyan pa/ /ye shes sku mchog bsgom pa'o/ /oM A(rgyud 'grel stabs mdzad cing/ /zhal gsum phyag bzhi 'gyid bag can/ /rdo rje dang ni thod khrag 'dzin/ /ral gri utpal g.yas dang g.yon/ /nam mkha' i mdog can mi zhing khro/ /dmar ser ral pa gcig 'phyad ma/ /mi thung gzugs can bzhad mo che/ rdo rje rin chen rus pas brgyan/ /sangs rgyas lnga yis dbu rgyan cing/ /dus gsum sangs rgyas rtags 'chang ma/ /gar gyi nyams dgugs dgyes bzhugs nyid/ /phyag rgya lnga yis rnam brgyan pa'o/ /sku gsung thugs kyi dag pa yis