བོད་ཡིག

e-texts based on the ACIP/ALL Input

ba'i 'grel pa/ mkhas pa chen po dril bu pas mdzad pa rdzogs so// //rgya gar gyi mkhan po many+dzu sh+rI satwa dang/ dge slong blo ldan shes rab kyis bsgyur ba'o// //'phags pa 'jam dpal gyi mtshan yang dag par brjod pa'i sgrub thabs bzhug go// //rgya gar skad du/ sArya many+dzu sh+rI nA ma saM gI ti sAd+ha nA ma/ bod skad du/ 'phags pa 'jam dpal gyi mtshan yang dag par brjod pa'i sgrub thabs/ /'jam dpal ye shes sems dpa' la phyag 'tshal lo/ /yon tan ye shes mchog gi mchog gyur ba'i/ /bde ba'i stobs kyis bde ba'i ro myang ba'i/ /rang gi rgyud gsum dag pa'i 'jam dpal de la 'dud/ /'jam dpal mtshan ni brjod pa yi/ /gzhung lugs thob par gyur pa yi/ /yongs bsdus sgrub thabs gsal bar bsdebs/ / de'i gzhung bdag gis bshad par bya/ /shes rab snying rjer ldan pa yi/ /zab mo'i don la dgongs pa yis/ /theg chen sngags pa'i rnal 'byor pas/ /yid dga' ba yi gnas nyid du/ /bde ba'i stan la nyer 'dug ste/ /snying khar nyid dkyil a bsams la/ 'od phyung 'phags pa bla mar bcas/ /yid kyi mdun du spyan drangs la/ /maN+Dal mchod pa phul byas la/ /gsum la skyabs su gsol ba dang/ /sdig pa ma lus bshags pa dang/ /byang chub mchog tu sems bskyed do/ /de yang rgyud las/ dpal ldan pad+ma sangs rgyas skyes/ /tshogs gnyis tshogs ni bsags pa po/ /rtag pa kun rgyal rnal 'byor can/ /bsam gtan bsam bya blo ldan mchog /rdo rje dregs pa rdo rje'i snying/ rdo rje nyi ma snang ba che/ /rdo rje zla ba dri med 'od/ /rdzogs pa'i sangs rgyas a las byung/ /kha dog sna tshogs 'bar ba'i 'od/ /'phags lam shin tu mtho la gnas/ /bla ma gsang sngags che ba'i mchog /sems can kun gyi yid ltar 'gyogs/ /dkyil 'khor chen po yangs pa yin/ /mchod cing brjod pa drang srong che/ /gtso bo dkon mchog gsum 'dzin pa/ /dag par byed pa sdig sel ba/ /sangs rgyas byang chub bla na med/ /ces gsungs so/ /de nas skad cig ma la bdag nyid 'jam dpal du bsgoms la/ /de'i thugs ka nas a las/ /rdo rje shugs can 'jigs par byed/ /ha la ha la gdong brgya pa/ /dpal ldan lag pa brgyas gang la/ /gdung ba'i mtshon cha sna tshogs 'dzin/ /phyogs bcur sprul pa sna tshogs 'gyed pa'o/ /oM many+dzu sh+rI kro d+ha ya mAn+ta ka hUM phaT/ b+he ro ha na ra da ha ra/ pa tsa ra sarba mu ka badzra kharga chod rak+Sha rak+Sha hUM hUM phaT phaT/ ces brjod pas mtshon cha dpag tu med pas mtshams bcad do/ /de nas oM shUn+ya ta dz+nyA na badzra swa b+hA pA b+hA pA at+ma ka haM zhes brjod pas stong par bsam/ snying kha'i sa bon las byung ba'i/ /'byung ba lnga'i yi ge rang bzhin chad do/ /e/ e/ baM/ raM/ laM/ nam mkha' rlung chu ri rab me dang bcas/ /de stengs pad+ma'i lte ba la/ b+hAM las ye shes gzhal yas khang/ /pho brang pad+ma 'khor lor bcas/ /gru chad sgo bzhi mu khyud ldan/ /rgyud las/ stong pa nyid dga' 'dod chags blo/ /rdo rje snying po mkha' 'dra ba/ /phra zhing zag med sa bon bral/ /'byung ba chen po rgyu gcig po/ /dkyil 'khor chen po yangs pa yin/ /zhes gsungs so/ /de nas gdan sgom ste/ /paM las pad+ma zla ba'i gdan/ /a dang ma las nyi ma'i gdan/ /de stengs a yi 'phro 'du las/ /a las 'jam dbyangs rdo rjer gyur/ /sku mdog dmar ser gdong lnga pa/ /dkar sngo dmar ljang dmar ser ro/ /zur phud lnga ldan cod pan can/ /me tog rin chen phreng bas brgyan/ /phyag rgyad rim par bsnams pa ni/ /ral gri mda' dar lcags kyu rdo rje g.yas/ /po ti gzhu dang zhags pa pad+ma g.yon/ /gzhon nu mdzes pa'i rgyan dang ldan/ /kha dog lnga ldan 'od kyi dbus/ /rdo rje skyil krung bzhugs pa la/ /thugs kar shes rab 'khor lo'i dbus/ /nyi ma'i steng na ral gri a yis mtshan/ /'khor lo'i rtsibs la gsang sngags dgod/ /yang na gnas bzhir 'khor lo bsam/ /de ltar bsam gtan ting 'dzin dben/ /de yang rgyud las/ dpal ldan sangs rgyas pad+ma skyes/ /rdo rje nyi ma snang ba che/ /rdo rje zla ba dri med 'od rdzogs pa'i sangs rgyas a las byung/ /gzugs che lus kyang che ba ste/ /gdong lnga zur phud lnga dang ldan/ /zur phud lnga pa me tog spos/ /lag pa brgya po kun skyod cing/ /shes rab ral gri mnga' gzhu thogs/ /rdo rje lcags kyu zhags pa che/ / rdo rje las skyes rdo rje'i bdag /dpal ldan pad+ma gar gyi bdag /'jig rten gsum na gzhon lus gcig /kha dog sna tshogs 'bar ba'i 'od/ /rdo rje skyil krung rdzogs sangs rgyas/ /sprul pa'i 'khor lo sna tshogs 'chang/ /nyi ma 'char kha'i dkyil ltar mdzes/ /gsang sngags chen po rigs gsum pa zhes gsungs pa'i phyir ro/ /sangs rgyas de'i thugs ka ru/ /oM las gyur ba'i rnam par snang mdzad ni/ /sku mdog dkar ba'i rang bzhin la/ /zhal gcig pa la phyag bzhi pa/ /dang po ral gri po ta 'on/? tha ma byang chub mchog gi phyag rgya'o/ /sangs rgyas de yi thugs ka ru/ /ye shes sems dpa' mtshon gang ba/ /sku mdog dmar ser gser mdog la/ /shes rab ral gri mda' gzhu bsnams/ /sangs rgyas de'i mdun nyid du/ /pad+ma'i gdan la shA gzung bsgom/ /?? pho brang pad+ma 'dab brgyad la/ /shar du hUM las gyur pa'i rdo mi bskyod pa/ sku mdog sngo skya'i rang bzhin la/ /dang po gnyis ni po ti ral gri bsnams/ /tha ma gsang ba sa gnon la/ /g.yon pa mnyam gzhag rdo rje bsnams/ /lho ru traM las rin chen 'gyur ldan ni/ /ser dog? zhal gcig phyag bzhi pa/ /g.yas g.yon kun gyi dang po 'dre/ /tha ma mchog sbyin rin po che/ /nub tu h+rI(rgyud 'grel grub pa ni/ /ljang khu zhal gcig phyag bzhi pa/ /khu tshur phyag na rgya gram bsnams/ /kun la rin chen sna tshogs kyis brgyan pa/ /gnas gsum 'bru gsum byin gyis brlab/ /zhabs ni rdo rje skyil mo krung du bzhugs/ /phyi rim 'khor lo rtsibs brgyad la/ /A li yongs su gyur pa las/ /nyi zla pad+ma'i gdan stengs su/ /yab kyi thugs ka a yi 'phro 'du las/ i A u a'u/ e i o aau 'phros/ /dbyangs yig 'od du zhu ba las/ /chos 'khor rim bzhin bskor bar bya/ /kun tu bzang po nam mkha' i snying po dang/ /'jam dpal sa yi snying po dang/ /spyan ras gzigs dang sgrib pa sel/ /phyag na rdo rje byams pa'o/ /'khor lo pi waM utpa la/ /dud phor pad+ma rin chen dang/ /myu gu rdo rje bum pa'o/ /g.yon pa thams cad mchog sbyin no/ /rin chen phreng ba'i rgyan gyis brgyan/ /gdan la bzhugs shing 'gying pa'i tshul/ /rgyud las gsang sngags tshul chen las byung ba/ /byang chub sems dpa' sems dpa' che/ /rnam shes brgyad po rtogs pa 'chang/ /kha dog sna tshogs 'bar ba'i 'od/ /dpal ldan blo dang sgeg par ldan zhes gsungs so/ /phyogs kyi sgo bzhir bsgom pa ni/ /gtso bo'i thugs ka'i 'phro 'du las/ /dza(rgyud 'grel sku mdog rang rang phyogs dang mthun/ /rgyud las/ rdo rje lcags kyu zhags pa che/ /'dzin pa chen po rdo rje'i zhags/ /'jam dbyangs chen po sgra che ba/ /zhes gsungs so/ /de nas thugs ka'i sa bon a las 'od 'phros ye shes 'khor lo dgug gzhug phya/ sangs rgyas thams cad spyan drangs la/ /a A sarba ta thA ga ta kA ya bA ka tsi t+tA b+hi Shi ny+tsa hUM traM h+ri haM oM/ zhes dbang bskur bar bya/ rgyud las/ sangs rgyas byang chub bla na med/ /ye shes dbang bskur cod pan can zhes gsungs/ /de nas snying po bzlas pa bya/ /thugs ka shes rab 'khor lo la/ /de dbus lte ba'i 'khor lo la/ /sngags 'phreng me tog dkyus pa ltar/ /de la dmigs te bzlas par bya/ /oM bA gI shwa ri muM/ oM badzra ti k+Sha du(rgyud 'grel A sarbA tA thA ga ta h+ri da ya/ ha ra ha ra/ oM hUM h+rI b+ha ga bA na/ dz+nyA na mU rti/ bA gi shwa ra/ ma hA pA tsa/ sarba d+ha rmA ga ga na/ a ma la su pa ri shu d+ha/ d+ha rmla d+hA tu dz+nyA na ga rb+ha a:/ de yang rgyud las/ 'od bzangs 'bar ba dpal gyi be'u/ /'od chen rnam par snang bar byed/ /gzi brjid phreng ba blta na sdug /gsang sngags chen po rigs gsum pa/ /zhes gsungs pas so/ /de nas mchod pa rgyas pa dbul/ a A sa rbA ta thA ga ta d+hU pa pU dza me g+ha sa mu dra spha pa Na sa ma ye hUM/ puShpaM/ A lo ke/ gan d+he/ nai bi tye/ shabde/ rgyud las/ mchod pa chen po 'dod chags che/ /sems can thams cad dga' bar byed/ /ces pa la sogs pa dug lnga rang grol gyi mchod pa'o/ /oM badzra gAM ti hUM/ oM badzra nre tye hUM/ oM badzra mA le traM/ oM badzra lA sye h+ri/ de yang rgyud las/ mchod cing brjod pa dang gro? che zhes gsungs so/ /de nas mchod 'os bstong 'os phyag gi gnas/ /zhes pas bstong nge/ 'di ltar sangs rgyas bcom ldan 'das/ /sangs rgyas rnam par snang mdzad che/ /gdong lnga zur phung lnga dang ldan/ /lag pa brgya pos kun bskyod cing/ /sprul pa'i 'khor lo sna tshogs 'chang/ /goms pa'i stabs kyis bar byed pa/ /sum cu rtsa gnyis mtshan 'chang ba/ /rnam snang gtso la phyag 'tshal 'dud/ /rigs lnga la 'dud kyi bstod pa bya'o/ /'jam dpal dpal dang ldan pa'i mchog /'jam dpal ye shes sems dpa' yi/ /ming ni yang dag brjod pa mchog /'jam dpal de la phyag 'tshal 'dud/ /gzhon nu'i sku lus 'chang ba po/ /ye shes sgron mes rab gsal zhing/ /'jig rten gsum gyi mun sel pa/ /'jam dpal de la phyag 'tshal 'dud/ /nyid kyi 'dab bzangs tshogs kyis ni/ / zla ba rgyas pa zil gnon cing/ /rig pa rnam par gsal bsgyur la/ /'jam dpal de la phyag 'tshal 'dud/ /ma bgyis zur phung gsal ba la/ /nor bu 'bar ba'i sku mnga' zhing/ /nyid ni kun tu dga' ba'i sku/ /'jam dpal de la phyag 'tshal 'dud/ / bdud rtsi 'dra zhing 'jam la zab/ /yid dang gsung gi sgra sgrogs pa/ /dam pa chos kyi rin chen mdzod/ /'jam dpal de la phyag 'tshal 'dud/ /gangs kyi chu ltar gdangs gsal ba/ /'jig rten khams na rnam par bzhugs/ /nyon mongs dri ma rab spangs pa/ /'jam dpal de la phyag 'tshal 'dud/ /mche ba gtsigs dang bsgyings pa yis/ /'jigs pa'i sku yi tshul gyis ni/ /ya ma'i dregs pa 'joms mdzad pa/ /'jam dpal de la phyag 'tshal 'dung/ /rang gi spyan dang mdangs 'dra ba/ /u tpal sngon po rab mdzes pa/ / shes rab ral gri mda' gzhu 'dzin/ /'jam dpal de la phyag 'tshal 'dud/ /phyogs bcur bzhugs pa'i sangs rgyas la/ /rgya cher bstong pa rab bstod pa/ /'gro ba'i lam ni ston pa po/ /'jam dpal ril phyag 'tshal 'dud/ /de nas sems dpa' brgyad la bstod/ /mkhas pa chen po thabs che ba/ /mkhas pa sgyu 'phrul chen po 'chang/ /'jig rten khams brgya kun bskyod pa/ /kun tu bzang po khyod la 'dud/ /rdzu 'phrul chen po stobs chen ldan/ /nam mkha' i bdag po sna tshogs ston/ /nam mkha' las byung rang byung ba/ /nam mkha' i snying po khyod la 'dud/ /shes rab chen po blo chen ldan/ /shes rab ye shes me bo che/ /shes rab chen po skad cig la/ /'jam dpal shes rab khyod la 'dud/ /rdzu 'phrul chen po chi re? grags pa/ /rdzu 'phrul rkang pa'i stobs dang ldan/ /sa yi snying po 'gro ba 'dzin/ /sa yi snying po khyod la 'dud/ /snying rje chen po blo yi mchog /snying rje che dang shes rab dang/ /sangs rgyas kun gyi snying po che/ /spyan ras gzigs dbang khyod la 'dud/ / shugs chen 'gyogs pa chen po ste/ /de bzhin gshegs pa'i yid ltar mgyogs/ /rgyal ba rnam rgyal dgra las rgyal/ /sgrib pa sel ba khyod la 'dud/ /stobs chen pha rol gnon pa po/ /stobs po che la thabs che ba/ /smon lam ye shes rgya mtsho ste/ /phyag na rdo rje khyod la 'dud/ /byams chen rang bzhin dpag tu med/ /byams pa'i go cha chas pa ste/ /byams dang snying rje'i dkyil 'khor can/ /dpal ldan byams pa khyod la 'dud/ /rdo rje lcags kyu zhags pa cha/ /'dzin pa chen po rdo rje zhags/ /'jam dbyangs chen po sgra che ba/ /ye shes sgo ma khyed la 'dud/ /rdo rje sa twa sa twa che/ /rdo rje de bzhin gshegs pa che/ /rdo rje de bzhin gshegs pa kun/ /rdo rje dang po kun tu bzang/ /phyag 'tshal phyag na rdo rje la'o/ /rdo rje rgyal po sangs rgyas mchog /rdo rje lcags kyu de bzhin gshegs/ /nges pa'i rgyal po sangs rgyas mchog /phyag 'tshal rdo rje 'gugs khyod la'o/ /rdo rje chags pa bde ba che/ /rdo rje mda' ni dbang byed pa/ /bdud kyi 'dod pa rdo rje che/ /phyag 'tshal rdo rje gzhu khyod la'o/ /rdo rje legs bde ba che/ /rdo rje mgu ba dga' ba che/ /rab dgyes rgyal ba bud d+ha mchog /phyag 'tshal rdo rje dgyes pa la/ /rdo rje rin chen rdo rje'i don/ /rdo rje nam mkha' nor bu che/ /nam mkha' i snying po rdo rje phyug /phyag 'tshal rdo rje rin chen la'o/ /rdo rje gzi brjid cher 'bar ba/ /rdo rje nyi ma rgyal ba'i 'od/ /rdo rje gzi brjid gzi brjid che/ /phyag 'tshal rdo rje 'ong khyod la'o/ /rdo rje don rab rdo rje dpal/ /rdo rje rgyal mchen rab dga' byed/ /rdo rje chen po rin chen tog /phyag 'tshal rdo rje dpal khyod la'o/ /rdo rje bzhad pa bzhad pa che/ rdo rje 'dzum pa ngo mtshar che/ /dga' zhing rab dga' rdo rje ston/ /phyag 'tshal rdo rje dga' ba la'o/ /rdo rje chos rab de bzhin don/ /rdo rje pad+ma rab dga' byed/ /rdo rje dbang rab rdo rje'i spyan/ /phyag 'tshal rdo rje spyan khyod la'o/ /rdo rje rno ba theg pa che rdo rje ral gri mtshon chen po/ /'jam dpal rdo rje rab tu zab/ /phyag 'tshal rdo rje blo sas la'o/ /rdo rje rgyu dang snying po che/ /rdo rje 'khor lo tshul chen po/ /dpang skor rdo rje las byung ba/ /phyag 'tshal rdo rje snying khyod la'o/ /rdo rje gsung ba rang rig mchog / rdo rje bzlas pa rang 'grub phyir/ /mi gsung rdo rje mchog bsgrubs pa/ /phyag 'tshal rdo rje gsung khyod la'o/ /rdo rje las rab rdo rje bka' / /las kyi rdo rje kun rab 'gro/ /rdo rje nges pa rgya che ba/ /phyag 'tshal rdo rje rgya gram la'o/ /rdo rje sku ni brtan pa che/ rdo rje go cha sra ba ste/ /brtson 'grus mchog ste dka' thub che/ /phyag 'tshal rdo rje brtson 'grus la'o/ /rdo rje gnod sbyin thabs chen po/ /rdo rje mche ba gtsigs pa che/ /bdud 'joms rdo rje mi zad pa/ /phyag 'tshal rdo rje drag po la'o/ /rdo rje mtshams sbyong? rab tu 'dud/ /rdo rje bcings pa rab grol cing/ /phyag 'tshal rdo rje gnyis med la'o/ /lhag cad yi ge brgya bas bshags/ /a ti gats+tsha mu bshags/ /bdag gi dge ba'i rtsa ba 'das/ /'gro pham? lus 'dren par shor/ / 'jam dpal gyi sgrub thabs zhi ba 'od kyi rim pa zhes bya brdzogs so// //sdom pa bzang po'i thugs dam/ lo tsA ba da mra b+his bsgyur ba'o// //'jam dpal khro bo'i sgrub thabs bzhugs so// /