བོད་ཡིག

e-texts based on the ACIP/ALL Input

rgya gar gyi mkhan po dpal ldan gnyis su med pa'i rdo rjes mdzad pa rdzogs so// //rnal 'byor pa bsod snyoms pa pradz+nyA sh+rI dz+nyA na kI rtis rang 'gyur du mdzad pa'o// //'jam dpal ye shes sems dpa' i mngon rtogs dang/ 'jam dpal ye shes sems dpa' i rin po che'i phyag rgya dri ma med pa'i cho ga gnyis med rdo rjes mdzad pa bzhugs// //rgya gar skad du/ A rya dz+nyA na satwa many+dzu sh+rI ni pa ka nA ma/ bod skad du/ 'phags pa 'jam dpal ye shes sems dpa' i mngon par rtogs pa zhes bya ba/ 'phags pa 'jam dpal ye shes sems dpa' chen po la phyag 'tshal le/ /sangs rgyas kun gyi mes po ni/ /sku gsung thugs kyi rdo rje can/ /'jam dpal ye shes sems dpa' ni/ /rgyal ba kun gyi yab gyur te/ /'khor los sgyur bcas thams cad kyis/ / rang gi ris la bstong byas te/ /bskyed pa'i rim pas rdzogs 'gyur pa'i/ /brjod dang nges brjod bshad par bya// //thog mar bsam gtan pas dben zhing nyams dga' ba'i sa phyogs su cung zhig blo bde bar gnas te sems bskyed par bya'o/ /de nas rang gi snying gar sa bon gyi ye ge gzi brjid dang ldan pas 'gro ba ma lus pa sbyangs shing dag par yid kyis bltas te/ dbyangs kyi yi ges bstod la rjes su bya ba gnyis kyis gzhug cing rnam par bsgom par bya'o/ /de nas 'jam dpal ye shes sems dpa' 'gro ba'i bla ma dang ldan pa spyan drangs te/ 'dung nyi shus bstod par bya'o/ /de nas sngags kyi phreng ba lan bdun du blangs te me tog gi mchod pas sangs rgyas kyi dbang bskur ba mi zad pa gnang bas byin gyis brlab pa'i sems mi g.yo bar bya'o/ /de nas yang A lis sbyangs te/ 'od zer rnon po can dang ldan pa'i bsrung ba'i 'khor lo bya'o/ /de'i dkyil du sna tshogs pa'i pad+ma shes rab dang thabs yang dag par 'dus pa'i blo gros chen po ye shes kyis mtshan pa'i sa bon las sngar gyi bde bar gshegs pa bla ma dang ldan pa'i tshogs ji snyed pa bcug ste/ de dag las skyes pa'i 'jam dpal ye shes sems dpa' ni zhal gsum pa phyag drug pa rdo rje skyil mo krung la cung zhig 'gying ba/ dkar ba dang sngo zhing dmar ba dang/ dmar zhing dkar ba'i mdog can/ nyi ma dang/ mda' dang/ u ta pa la blo gros chen pos mtshan pa dang/ zla ba dang/ gzhu dang/ gzhu dang/ u tpa la rtsa ba dang ldan pa ye shes chen pos mtshan pa'i phyag rgya can/ /khro ba dan gzhi ba mnyam pa'i nyams mda' ba/ rin po che'i rgyan rnam pa sna tshogs pas spras pa/ zla ba rgyas pa lta bu bsgom par bya'o/ /de nas rang gi snying ga'i sa bon gyis 'jam dpal ye shes sems dpa' dkyil 'khor gyi 'khor lo chen po spyan drangs te/ yang bstong nas/ rab tu gnas pa dang/ dbang bskur ba dang/ byin gyis brlab pa ni de nyid las yongs su rdzogs par bya'o/ /de nas yang sangs rgyas thams cad kyi snang ba thob nas/ mtshan yang dag par brjod pa'i bstod pa bya'o/ /de dag ni brjod pa'o/ /yang skad cig gis 'jam dpal? ye shes sems dbang dmigs te/ rang gi sa bon las spyan drangs nas/ a dang re ba las gyur pa'i shes rab dang thabs 'dus byas pa'i dbus su yi ge muM dmar ser gyi 'gro ba sbyangs nas/ gcig tu gyur pa'i bcom ldan 'das nam mkha' i khams su bzhugs su gsol te/ stegs bu dri zhim pa rin po che 'am/ me tog gcal bkram pa'i steng du glegs bam bzhag la/ sardza ra rdza la sogs bkul te/ lkog ma sbyang ba byas nas/ mchan yang dag par brjod pa bklag par bya'o/ /de nas