བོད་ཡིག

e-texts based on the ACIP/ALL Input

dang/ ba glang gi khrag gis byugs pa'i seng ldeng gi so shing stong phrag gcig la/ skra grol zhing gcir bur byas pas sbyin sreg byas te/ mthong nas/ ma'am sring mor gyur te/ mis ka bcu drug slangs na brgyad ster ro/ /rang gi khrag dang chang bsres pas mo byung ba'i dus su mchod yon phul lo/ /a lum pi ni zhes bya ba'i sgrub thabs rdzogs so// //rgya gar skad du/ uts+tshuSh+mA nA ma sA d+ha naM/ bod skad du/ uts+tshuSh+mA zhes bya ba'i sgrub thabs/ oM uts+tshuSh+mA ya swA hA/ zhes so/ /'di yi cho ga ni nya'i dus nas phyi ma'i tshes bcu bzhi'i bar du bsod snyoms slangs pa'i zan la chang bu gcig la sngags bzlas la rang bza' / /gnyis pa la bzlas la chu la bsgyur la btad/ zhag nyer gcig na gdol pa mo'i gzugs su byas nas sgrub pa po la lung ston to/ /de la skyug bro bar mi lta'o/ /de nas rang gi gzugs kyis gnas te/ ma 'am sring mo 'am chud mar gyur te/ dam bca' byas nas rjes su 'brang bar 'gyur ro// tshogs bsags pa'i gang zag gis zhag bdun na 'grub po/ /bsod nams chung bas kyang zhag nyi shu rtsa gcig gis bram ze gsang du zin kyang 'grub par 'gyur ro/ /grub nas di na ra lnga lnga nyi ma ra res ster ro/ /zan gyi chang bu ster ba'i dus su mi med par zan bza' / mtshan mo gcig pur nyal bar bya'o/ /uts+tshuSh+mA zhes bya ba'i sgrub thabs rdzogs so// //rgya gar skad du/ k+Shu k+Shu si ri kunda ri sA d+ha naM/ bod skad du/ k+Shu k+Shu se ri kun da'i sgrub thabs/ na mo pi shA tsi ni k+Shu k+Shu se ri kunda ri swAhA/ zhes so/ dur khrod kyi sol bas khang pa'i shar phyogs kyi rtsig pa la 'dre mo'i gzugs bris te/ de'i nang du mi mi btang bar byas te/ nyi ma rgas pa dang/ gzugs de'i 'dun du 'dug ste/ de'i mgo la lag pa gzhag la/ brgyad kyi lhag pa'i stong phrag gcig bzlas nas/ de'i drung du nyal bas zhag dang po la dur khrod kyi dri rnam par 'gyur ro/ /gnyis pa la a ka ru la sogs pa/ bdug spos kyi bri rnam par 'gyur ro/ /gsum pa la lus pa reg bya 'jam pa skyed par byed do/ / de la mi mgul bar shing sdong ltar bsdad te/ de rang nub mo nas 'grub par 'gyur bas/ 'gron bu pa ni brgyad ster ro k+Shu k+Shu se ri ku da'i sgrub thabs rdzogs so// //rgya gar skad du/ bi shA tse kar+Na grih+Na sA d+ha naM/ bod skad du/ sha za mo rna ba 'dzin pa'i sgrub thabs/ uts+tshuSh+mA pi shA tsi kar+Na grih+Na swAhA/ zhes so/ /nyi ma rgas pa'i dus tshod la spun pa spar do khyer nas dben pa'i sar bor la btang ngo/ /zhag nyi shu rtsa gcig gis dus su 'dre mo 'ong bar 'gyur ro/ /de mi sdug pa'i gzugs ston na de la 'jigs par mi bya'o/ /sngags zlos shing de dang gtam smra'o/ /skad chung bar bya'o/ /de nas de na re bdag gis ci bya zhes zer na/ /bdag la grub par gyis shig ces bya'o/ /de nas de na re bdag la gtor ma byin zhes zer na dur khrod du phyin nas/ bal sran gyi gtor ma dbul lo/ /de nas gter ston pa dang blo 'phel ba'i rdzas dang/ gzhan yang 'dod pa thams cad ster ba dang/ thams cad srung bar byed pa'i 'dre mo'i sgrub thabs rdzogs so// //rgya gar skad du/ pi shA bi kriSh+Na mu kha sA d+ha ni/ bod skad du/ sha za nag mo'i sgrub thabs/ oM ta ti la ta ti le kriSh+Na mu khe ma hA bi shA tsi de hi da bA hi swAhA/ bsnyen pa 'bum phrag gcig bzlas te/ de nas tshes bcu bzhi nas zan lhag ma'i chang bu la sngags lan bdun bzlas shing/ zla ba gcig gi bar du sbyin no/ /nam phyed la bzlas pa mang du bya/ de nas tshes bcu bzhi'i mtshan mo thog thag bzlas pa bya/ nam phyed dam yang na tho rangs ka 'grub par byed do/ /nyi ma re re da nir bcu bcu ster ro/ /'dre mo kha nag mo'i bsgrub thab rdzogs so// //