བོད་ཡིག

e-texts based on the ACIP/ALL Input

ku pa ra'i sngags kyi skabs su/ sbyir gnod sbyin thams cad kyi sgrub thabs bstan to/ /'on kyang khyad par cung zad bstan par byas na/ na ma sri yang ka rA ya Di hi hi she swAhA/ zhes so/ /dga' byed ces bya ba gnod sbyin gzhon nu ma cig gi las thams cad byed par 'gyur bas/ de'i cho ga ni snyen pa 'bum phrag gsum bzlas nas de nas khri stan las byas pa 'am shing ka taM pa las byas pa'i shing le ba la/ dga' byed ces bya ba zhal gcig phyag drug pa/ gzhon nu'i gzugs can/ /phyag g.yon dang po na shing thog 'dzin pa/ gnyis pa mchog sbyin gyi phyag rgya can/ /de'i mdun du rtsa ku sha'i chun po la rang 'dug nas/ ba'i sha dang gu gul bsres la stong phrag brgyad sbyin sreg byas na grong khyer brgyad rnyed par 'gyur ro/ /yang de'i 'dun du gu gul rkyang pa'i ri lu stong phrag brgyad kyis sbyin sreg byas na 'khor stong phrag gcig gi ci 'dod pa'i bza' ba rnyed par 'gyur ro/ /bzlas pa tsam gyis bza' rgyu rnyed par 'gyur ro/ /rtag tu bzlas pas gter mthong bar 'gyur ro/ /gzhan yang las thams cad byed par 'gyur ba'i dga' byed ces bya ba'i sgrub thabs rdzogs so// //rgya gar skad du/ yak+Sha kI li kI la rA dza sA d+ha naM/ bod skad du/ gnod sbyin gyi rgyal po phur bus 'debs pa'i sgrub thabs/ yak+Sha ki la ki lo na ma swat+twa TTa pra ta(rgyud 'grel gcig song nas nyi ma re la 'di na re re ster ro/ /zla ba gnyis pa la 'di na ra nyi shu nyi shu ster ba 'am/ yang na ston par 'gyur ro/ /zla ba gsum pa la nyi ma re la 'di nar brgya tsho re ster ro/ /zla ba bzhi pa la 'di na ra stong ster ro/ /zla ba lnga pa la ki li ki la zhes bya ba'i gnod sbyin gyi rgyal po mthong bar 'gyur zhing/ mchog ster bar 'gyur ro/ /'bru dang nor dang gter dang shin tu mang ba ster bar 'gyur ro/ /nad med pa dang bar chad mi 'byung ba dang/ blo dang ldan pa byed par 'gyur ro/ /zla? ba drug na nam mkha' la 'gro bar nus shing rig pa 'dzin par 'gyur ro/ /zla ba bdun na ral gri'i rig pa 'dzin par 'gyur ro/ /zla ba brgyad na lha'i gnas su 'gro bar nus par 'gyur ro/ /cho ga 'di rnams thams cad byas la g.yas kyi khu tshur bcangs la mdzub mo dang mthe bong rtse sprad la kha phye la/ /phyag rgya 'di dang sngags kyis zan rdog gcig byin la/ des zos zin pa'i dus su/ kha bshal ba'i chu lan gsum byin par bya'o/ /kI li kI la zhes bya ba'i gnod sbyin gyi rgyal po'i sgrub thabs rdzogs so// //rgya gar skad du/ priTTa na ma hA yak+Sha se na pa ti sA d+ha naM/ bod skad du/ brdeg par byed pa'i gnod sbyin gyi sde dpon gyi sgrub thabs/ piTTa na ma hA yak+Sha se na pa ti hUM phaT/ zhes pa 'di snyen pa 'bum tsho bzlas nas/ de'i rjes la byang chub kyi shing la ling ga byas la/ de'i mgo la thun mtshams gsum du dri zhim pa'i me tog gis brab po/ /thun re la me tog brgya rtsa brgyad kyis bya'o/ /tshes brgyad nas brtsams te bcu bzhi'i bar gyis 'grub par 'gyur ro/ /oM piTTa piTTa pa ya si n+ya pa ti hUM phaT/ ces so/ /sngags 'di dgra gang yin pa la brdeg du gzhug /oM loTTa na loTTa pa ya sai n+ya pa ti hUM phaT/ 'dis kyang brdeg tu bcug par bya'o/ /'di brdeg par byed pa'i gnod sbyin gyi sde dpon zhes bya ba'i rtog pa rdzogs so// //de bzhin du gzhan yang gnod sbyin rnams sgrub par bya'o/ /gnod sbyin gyi sgrub thabs kyi man ngag cung zad bstan pa rdzogs so// //rgya gar skad du/ sh+ri tsangra de ba sA d+ha naM/ bod skad du/ dpal zla ba'i lha mo zhes bya ba'i sgrub thabs/ oM sh+rI zla ba'i lha mo zhes bya ba a ba tsha ra re/ gong bzhin du 'phags pa gshin