བོད་ཡིག

e-texts based on the ACIP/ALL Input

bsod nams seng+ges bsgyur pa'o// (//gshin rje gshed dmar po'i las kyi phreng ba'i sgrub thabs yid bzhin nor bu zhes bya ba bzhugs so//) //rgya gar skad du/ rak+ta ya mA ri karmma a ba li sa d+ha naM tsin+ti ma ni na ma/ bod skad du/ gshin rje gshed dmar po'i las kyi phreng ba'i sgrub thabs yid bzhin nor bu zhes bya ba/ gshin rje gshed la phyag 'tshal lo/ /lha dang lha min ma lus bcod pan gyis btud pa'i/ zhabs kyi pad+ma dang ldan 'jam dbyangs rdo rje dang/ de nyid rang bzhin khro bo gshin rje gshed po la/ btud nas de yi sgrub thabs gsal bar bri/ 'gro ba'i dal 'byor g.yo ba dang/ /dam pa'i gshed gnyen rnyed dka' bas/ /'dod pa ma lus bsgrub pa'i phyir/ /sngags pas 'bad kyis mkhas pas kye/ /re zhig 'gro ba ma lus pa gdon par bya ba'i phyir byang chub kyi sems chen po bskyed pa dang/ /dad pa mchog dang ldan pa/ /snying rje che ba/ chos thams cad sgyu ma lta bu la sogs pa so sor rtog pa dang ldan pa zhig gis gshin rje gshed dmar po'i bzlas pa bye ba sngon du 'gro bas sam/ lha'i rjes su gnang ba thob pas gnod sbyin mo la sogs pa'i dngos grub bam/ sems la 'dod pa gang yin pa bsam gtan la gnas pas bsgrub par bya'o/ /de skad du yang gsungs pa ni/ sngags dang phyag rgya'i rnal 'byor dang/ bsam gtan 'khor lo'i rnal 'byor gyis/ /'gugs pa 'grub par 'gyur ba yin/ /rnam pa gzhan gyis mi 'grub po zhes so/ /nags tshal dben pa dag tu ni/ /yang na sngags 'di thams cad kyis/ /sngags pa rnams kyis bye ba zlas/ /las ni thams cad byed par gsungs/ /gang zhig phun sum tshogs pa yi/ /bya ba thams cad 'dod pa des/ /nyon mongs dri ma thams cad dag /zla ba lta bur sems tsam nyid/ /bdag kyang de yi rang bzhin no/ /snod dang bcud kyi 'gro ba dag /sems tsam nyid du sems can kun/ /yang dag sangs rgyas de sras rnams/ /bdag gi sems su gnyis med bya/ /de yi 'od zer lcags kyu yis/ /sangs rgyas kun gyi yon tan ni/ /sa dang pha rol phyin la sogs/ /nam mkha' lta bur bsgom par bya/ /dkar po'i gzugs kyis bzhugs pa ni/ /rang phyogs 'o ma'i 'babs chu bzhin/ /rang sems de ltar bsgoms pa las/ /sngon gyi smon lam stobs kyis ni/ /snying rjes bskul nas 'di lta ste/ /sa 'og bar du bsgom par bya/ /e me sems can sdug bsngal can/ /'khor bar yun du gnas pa dang/ /thabs dang shes rab bral ba yis/ /yang dang yang du yun ring gnas/ /de rnams kun gyi rtogs bya'i phyir/ /bdag nyid gshin rje gshed por bsgom/ /oM bo d+hi tsit+to twA da yA mi/ /zhes brjod do/ /de las byung ba'i 'od zer ldan/ /ka la sogs pa'i yi ges brgyan/ /rim gyis skyes pa'i sems nyid ni/ /sems can yongs su 'dzin par byed/ /kun kyang snying rje'i stobs las byung/ /gnod sbyin mo la sogs pa'i sgrub pa gang la yang khrus kyi cho ga bstan pa/ /de la chos thams cad rang bzhin gyis dag pa sgyu ma lta bu dang/ /rmi lam lta bu/ thog ma nas ma skyes pa/ /rang bzhin gyis mya ngan las 'das pa/ thog ma nas zhi ba'i chos thams cad la sogs pa lhag ma rims bas bdag gi lus dang phyi dang nang thams cad rdul phra rab kyi rnam par dbye bar bya ba'i yi dmigs pa'i spyod pas myur du grub par byed pas/ /nang gi khrus chen po la nan tan du bya'o/ /gang zhig phyi'i rdzas la chags pa rmongs pa'i blo can rnam par rtog pa'i dpyod pas the tshom sel bar mi nus pa des phyi'i khrus kyi cho ga 'di bya'o/ /thog mar ro zhig hUM yongs su gyur pa las khro bo zhal gcig phyag gnyis pa/ /sems dpa' i skyil krung gis bzhugs pa/ /khro gnyer dang bcas pa/ /sku mdog sngon po 'bar ba chen po'i 'od zer 'khrug pa/ /dang po'i rdo rje 'gying ba nga rgyal dang bcas pa rdo rje chen po 'od zer 'bar ba'i me stag 'phro ba/ /dang por rdo rje gsor zhing bskal pa'i me dpung 'bar ba ltar 'bar ba/ /rdo rje nyi ma me 'bar bar bdag nyid sprul nas/ /oM d+hu pi d+hu pi kA ya d+hu pi pra dzwa li ni swAhA/ zhes brjod cing/ rdo rje bsdams pas nang du bstan te/ bar dang bcas pa/ mthe bo rdo rje rtse sbrang nas phyir 'gyed pas/ /rdo rje me'i dam tshig gi phyag rgya bcings nas/ /bdag nyid 'bar bar bya'o/ /rdo rje 'jigs byed 'bar ba'i phyag rgyas bzod par dka' ba'o/ /de'i rjes su bskyed rims che bar bstan pa bzhin du rdo rje go cha ste/ de'i rjes su oM b+h+ru rdzwa la oM hUM swAhA/ zhes sa bzung la cha gsum du byas la sngags 'dis byin gyis brlabs nas khrus byed pa'i sar gzhag ste/ de nas bdud rtsi 'khyil ba'i phyag rgya bcings la chu 'am chu'i snod gnas la bgegs thams cad bskrad pa'i ched du 'og dang steng bcing bar bya'o/ /oM b+hu dzwa li swa hUM swA hA/ zhes rig pa 'di brjod cing/ gong du bshad pa'i sa cha gsum po las cha gcig gis bshad lam bkrus te/ lag pa gnyis bkrus la nye reg bya'o/ /cha gnyis la hUM zhes brjod cing/ / lus po thams cad khrus byas te/ cha gsum pas mgo bkrus nas/ oM buM dzwa la hUM swAhA/ zhes pa 'dis nye bar reg nas rang gi mgo la sngags dang bcas pa'i chu gtor nas/ /rang gi lha'i dam tshig gi phyag rgyas bdag byin gyis brlabs nas khrus byed sa nas ldang bar byed do/ /de'i rjes la bdud rtsi 'khyil pa'i sngags bzlas pa'i chus gos la gtor nas/ /ji lta ba bzhin gyon nas yi ge brgya pa brjod cing/ /yid kyang chu'i gnas kyi bsrung ma gshegs nas/ /skad cig gis lha'i nga rgyal gyis de'i sngags yid kyis brjod bcing bsam gtan gyis khang pa'i drung du 'gro bar bya/ /de nas rkang pa gnyis bkrus la/ rig ma des nye bar reg la/ hUM phaT ce pa lag pa g.yon pa'i khu tshur gyis bgegs thams cad bskrad nas/ bsam gtan gyi khang par zhugs te/ yang bdud rtsi 'khyil pa'i sngags kyis stan la sogs pa dang bsam gtan khang pa la byug pa la sogs pa gtor nas nye bar reg par bya'o/ /sa ma ya stwaM zhes brjod cing/ /phyag g.yas pa bkan par bya la/ gung mo dang srin lag tsam bkug nas/ /phyag rgya 'dis rkang pa gnyis kyi nang du bcug la/ tsog pur bsdad de smra ba bcad la pad+ma'i tshul gyis kha la yang rag par byas/ /lan gnyis sam lan gsum du rna ba gnyis dang mig gnyis dang sna dang/ kha dang lag pa gnyis dang/ lta ba dang mgo la reg par bya ba ni mgo bkru ba'i cho ga'o/ /de ltar khrus byas pa 'am ma byas kyang rung/ /ri'i sul la sogs pa dben pa'i gnas su chags pa thams cad dang bral bas spyod lam yangs par dag bcad la/ /'phags pa gshin rje gshed kyi rnal 'byor gyis gnod sbyin mo'i sgrub pa nye bar bya ste/ de la hUM gi yi ges 'gro ba thams cad stong par byas la/ bi ma lo d+he d+hi hUM zhes pa brjod pas/ /rgya mtsho chen po'i steng du oM a ba tsa la bi re swAhA/ zhes pas gser gyi rang bzhin gyi steng du/ oM a ba tsa la hUM zhes pas rin po che'i rang bzhin gyi ri'i rgyal po tshad med pa/ me tog dang shing thog sna tshogs pas brgyan pa nags tshal gyis brgyan pa/ dpag bsam gyi shing gis brgyan pa/ 'dod pa'i yon tan lnga'i longs spyod dang ldan pa'i yid du 'ong bar bsgoms te/ der h+rI(rgyud 'grel sgra dang 'od zer gyi sgra dang sprin gyi tshogs kyi nam mkha' thams cad khyab par bsam/ 'od zer de dag gnod sbyin mo'i gzugs su gyur te/ tshur 'dus nas k+ShiM de nyid la thim par gyur/ /k+ShiM de nyid yongs su gyur pa las gnod sbyin mo longs spyod can ma zhes bya ba lang tsho rgyas pa/ sgeg pa'i ro dang ldan pa/ mdzes ma lha mo'i gzugs lta bu 'dzin pa/ sku mdog ljang gu gos dkar pos smad g.yogs dang stod g.yogs byas pa/ phyag g.yon pa dpag bsam gyi shing la 'jus pa/ phyag g.yas pa me tog kha dog lnga dang ldan pas brgyan pa/ steng na gdug dkar po rang bzhin gyis gnas/ 'gyid ba'i tshul gyis 'gyid zhing g.yo ba de ltar rnam par bsam mo/ /de nas gong du bstan pa'i sngags dang phyag rgya des byin gyis brlabs te kha lta bu'i phyag rgya bcings te/ oM ya mAn+ta ka hUM zhes pas/ rang gi thugs ka nas gshin rje gshed gong du bstan pa'i gzugs can rdo rje lcags kyu 'dzin pa/ /sku la 'od zer rab tu 'bar ba/ nyi ma bye ba lta bu dang ldan pa/ bgegs ma lus pa 'jigs par byed pa/ 'jig rten gsum po bsdigs par byed pa'i khro bo cig spros la/ de la bka' bsgo ba bya bas gnod sbyin mo bkug nas/ bdag gi sku la zhugs nas slar phyir spros te/ gnod sbyin mo'i mgo bdag gi zhabs kyis mnan nas gnas par bsgom ma/ /rdo rje lcags kyu la sogs pas dgug pa la sogs pa dang/ mtshams bcad pa la sogs pa sngon du 'gro bas/ /gong bzhin du gdan dang mchod yon dbul ba dang/ mtheb mdzub gnyis skum pa ltar byas la/ ser mo gzhan rnams phyir bskyed de/ zhabs bsil gyi sngags kyi zhabs bsil phul la/ dam tshig ma'i phyag rgya bstan te/ rdo rje lcags kyu la sogs pa'i sngags dang phyag rgya gong du bstan to/ /'dir dam tshig ma ni lag pa gnyis kyi sor mo rnams phan tshun bsnol te srin lag gnyis phyir bkyed la tshigs gsum pa bkug ste bya ba ni/ 'di ni gnod sbyin mo thams cad kyi dam tshig gi phyag rgya'o/ /oM b+ha ga wa ti dri sh+ya ho/ /de bzhin du lha mo rang rang gi rtog pa nas byung ba bzhin du bshad pa'i sngags bzung bar bya'o/ /de nas oM badzra ratna a b+hi Shiny+tsa zhes pas dbang bskur bar bya/ de phyag rgya gong du bstan zin to/ /de nas mchod yon lngas mchod do/ /oM gyis yi ge las byung ba'i me tog dang/ dri dang/ mar me dang/ pi wang dang/ gling bu dang/ dung dang/ rda rings dang/ rag dung la sogs pa'i sgra'i bye brag dang/ glu dang gang dang/ sgeg mo dang/ bzhad ma dang/ rlung g.yab dang/ rgyan mtshan dang/ ba dan dang/ gdugs dang/ rnga dang/ gos dang/ dpung rgyan dang/ do shal dang/ rkang gdub dang/ bla bre dang/ dra ba dra phyed dang/ g.yor ga'i dra ba dang/ gzhal yas khang dang/ ji lta ba bzhin du gnas la yod pa dang/ gzhan yang mchod pa'i tshogs mthong ba dang/ thos pa la sogs pas nam mkha' khyab par khengs pas/ gnod sbyin mo la mchod pa bya bar bsam/ de nas gong bzhin du dril bu dkrol zhing byin rlabs kyis phyag rgyas mchod pa byin gyis brlabs te/ gong bzhin du gnod sbyin mo'i rin po che'i ri la gnas pa/ sgrub pa'i dbang du gyur pa/ rang gi gzugs kyi sprin gyis nam mkha' gang bar byed pa de nyid thun gsum mam bzhi bsgoms pas nges par 'grub po/ /gang zhig bsgoms pas 'grub par mi nus pa des rtog pa las bshad pa'i sngags bzhin du bzlas par bya'o/ /de las bzlas par bya ba'i sngags ni/ oM b+ha ga wa te swAhA/ zhes so/ /gnod sbyin bskyed pa dang mchod pa thams cad kyi cho ga byas la/ gnod sbyin mo'i sngags rang gi snying las bskyed/ rang gi sngags gnod sbyin mo'i snying la bskyed la thun gsum mam bzhi'i rim pas bzlas pa bya/ dal na yang dag par mchod de/ yi ge brgya pa brjod la/ oM mu(rgyud 'grel zhes? sar pa mis ma gyon pa 'am shing 'ol bam gang yang rung ba skye bos dben pa nyid dang mthun pa'i gnas su/ bla re dgram pa dang gdugs la sogs pa dang/ me tog dri zhim po dang bdug spos dang/ mar me la sogs pas nye bar brgyan pa dang/ sa gzhi la dri'i byug ba byas pa'i steng du bzhag ste/ gnod sbyin mo gong du bstan pa'i gzugs su sprul nas/ dgug pa la sogs pa sngon du 'gro bas 'phags pa gshin rje gshed kyi phyag rgya sngon du bsams te/ rjes la ji ltar bde bas rang gis bri ba'i ri mo mkhan la gshin rje gshed kyi rnal 'byor gyi bsrung ba byas la 'bring gzhug go /de lta bu'i thang ka la skye bos dben pa 'am/ tshal du rab gnas byas la/ nya la dkar gsum gyi gtor ma dang mar me bzhi phul nas/ gong du bstan pa'i cho gas thams cad la byin gyis brlabs nas mchod pa chen po byas te/ dung la sogs pa mchod yon gyi snod la me tog dkar po dri zhim po'i chu dang bsres pas gang bar byas la lag pas snod la reg la/ rgongs mo nas brtsams la smyung gnas byas la de srid bar du bzlas pa bya/ ji srid bar du lha'i longs spyod sbyin byed ma/ lha mo'i gzugs lta bu longs spyod cen ma 'ongs nas bdag nyid kyi lag pa gnyis kyi mthe bong gnyis nas 'dzin te byung nas mig mi lta bar bya'o/ /gal te bltas na sgrub pa po nyid rengs? pa la sogs par 'gyur ro/ /mtshams bcad pa ni dra ba dang/ gur dag ba dan dang/ khyed bde bar sbyon la sogs par byas la/ bdud rtsi rgyun gyi phyag rgyas mchod yon phul la snyim pa sbyar la mthe bong gnyis rtser gzhag la mchod yon 'bul ba'i phyag rgya dang bcas pas/ oM sarba de ba te tstsi nbya? mri ta d+ha ra swAhA/ zhes sngags brjod cing/ de nas mchod pa byas la/ dri dang/ me tog dang spros la sogs pas yang mchod yon phul nas snyim pa kha phye la chu gnyis bsnol mar byas la/ de nang du mthe bong gnyis bcug la mdzub mo gnyis kyi mthe bo mnan par byas te/ srin lag gnyis rtse sprang nas gung mo gnyis phyir bkyed par bya ba ni/ zhi pa'i gtor ma'i phyag rgya'o/ /oM hi hi tu ru tu ru aM? pu ra ya ma hA pa ya na hUM hUM phaT swAhA/ a mri ta d+ha ra swAhA/ zhes so/ /gang gi tshe sma na/ khyod kyi bdag gis ci bgyi zhes zer na/ de'i tshe gong tu gang 'dod pa de nyid blang bar bya'i gzhan ni mi smra'o// oM h+ri(rgyud 'grel a ma nyid du blangs na bu lta bur skyong bar 'gyur ro/ /grub thob dang lhan cig 'grogs par 'gyur ro/ /'o ma'i rgya mtsho la gnas pa dang/ lhan cig 'grogs bar 'gyur ro/ /shing tog kyang ster bar 'gyur ro/ /sgrub pa po gang gis zos pa de tshe bskal pa tsam du gnas par 'gyur ro/ /sring mo gyis shig ces brjod na/ 'di na ra bcu gnyis ster bar 'gyur ro/ /sgrub pa po 'khor bcu gcig dang bcas pa la kha zas bsgrim pa med par ster bar 'gyur ro/ /'tsho ba bar mi 'chad par ster bar 'gyur ro/ /pho nya mo byas na dpag tshad brgya'i pha rol nas kyang skyes pa 'am bud med gang 'dod pa de dag 'dod pa khugs par 'gyur ro/ /gong du bstan pa'i a ma'i don yang byed par 'gyur ro/ /yang na khyim thab mar gyur bas ri rab la sogs pa la nye bar gnas pa'i brtul zhugs can gyi tshal gyi gnas bston par 'gyur ro/ /rig 'dzin grub pa rnams kyis tshe bskal pa'i bar du thub par bya ba'i ngo bro ba'i shing thog rnams ster zhing zhes pa la sogs pa rtog pa las shes par bya'o/ /gang zhig gnod sbyin mo rtog pa las bshad pa'i dus las 'gal nas 'ong par ma gyur na/ de'i tshe rdo rje lcags sgrog gi phyag rgyas gnod sbyin mo de dus las ma bab bar du bcing bar bya'o/ /oM badzra spho Ta hUM baM zhes pa'i phyag rgya gong du bstan zin to/ /gal te ci yang mi smra na/ de'i tshe rdo rje bzhad ma'i phyag rgyas smra bar 'gyur ro/ /de la sngags ni 'di yin te/ na mo badzra pA Ni spha la la ha se ha sa badzra Ni ku ru ku ru kaM pa kaM pa ra la tsa la ka lpa ka lpa swAhA/ zhes so/ /dngos grub ma byin par 'gro par 'gyur na de nyid kyis bcing bar bya'o/ /phyag rgya ni thal mo sbyar nas srin lag gnyis nang du bsnol te mthe bong gnyis kyis srin lag gnyis kyis rtsa ba mnan par byas/ gung mo gnyis rtse sprad nas de'i rtsa ru mdzub mo gnyis rdo rje'i rnam par rtse sprad de gzhag /mthe chung gnyis bsnol te/ phyir bskyed par bya zhes so/ /'byung po thams cad bal chu la bzlas la brjod par bya ba'i spyi'i phyag rgya'o/ /gnod sbyin mo dang/ a pa rA dzi ta dang/ gzhan yang yi dags mo la sogs pa'i cho ga 'di ni ji ltar sbyor ba ji lta bar sbyar bar bya'o/ /longs spyod can ma'i rtog pa rdzogs so// //rgya gar skad du/ ra ti pri ye sA d+ha nA ma/ bod skad du/ dga' bas tshim pa'i sgrub pa'i thabs zhes bya ba/ oM ra ti pri ye swAhA/ zhes so gro ga 'am/ ras khra