བོད་ཡིག

e-texts based on the ACIP/ALL Input

ma gnyis ni sprad byas la/ /snying dbus hUM las sgo rnams bkag /sems rten hUM ni yar 'phangs te/ /bla ma'i hUM ni snying khar bsdu/ /'dod che 'og tu mi dgug go /yang na sgo gzhan bkag rjes la/ /rtsa gnyis thabs shes yi ges dgag /snying dbus dbu mar zla khaM hUM/ /de stengs hUM ni skar mda' ltar/ /'jug pa'i rlung dang sbyar bar bya/ /yang na 'od kyis 'pho ba ste/ /gzhu dbyibs 'khrul 'khor bya rjes su/ /lte bar rlung bcas zla bar hUM/ /snying dbus gong bus bu ga dgag /stobs kyi yi ges sems drangs nas/ /lha yi thugs kar 'phangs te bsre/ /gnas gzhan gang du skye 'dod par/ /yi ge gsum gyis drangs ta 'phangs/ /yang na spros med rnal 'byor pa/ /sna tshogs stong pa'i gzugs nyid las/ /'od gsal dang du 'pho ba ste/ /phyag rgya chen po nyid 'gyur ro/ /rang gi sems gong du 'pho ba'i man ngag slob dpon dpal 'dzin gyi gdams pa de nyid kyi mdzad pa'o/ /paN+Di ta rgya gar mngon shes can dang/ /bod kyi lo tsa ba 'gos khu bas bsgyur ba las phyis sa'i steng na 'gran zla dang bral ba d+har baN A tsarya dang/ lo tsa ba shes rab rin chen gyis gyi grong du bsgyur cing zhus pa'o// //byin gyis rlabs pa'i rim pa dpal gshin rje gshed la phyag 'tshal lo/ /mkhas pas ri dang dur khrod du/ /rim pa gnyis dang bzlas pa dang/ /mdun bskyed mchod dang gtor ma sogs/ /phul la bla ma las lung nod/ /rang nyid dpal ldan dmar po'i sku/ /gong bu nyid du gsal ba yi/ /n+ya gro d+ha'i sdong po ni/ /brgya byin gnas su sleb pa'i rtser/ /bla ma lhar lta dbu ma yi/ /sgo ni rab tu dbye bar bya/ /snying ga nas hUM ni skar mda' bzhin/ /steng gi sgo nas rab 'phangs te/ /rdo rje gsum dang dbyer med de/ /bsre ba gsum ni dran byas nas/ /spros med nyid la sems gzhag bya/ /ye shes chen pos byin rlob 'gyur/ /'pho ba'i byin gyis brlab pa'i rim pa bcom ldan 'das kyis dngos su byin gyis brlabs pa dpal 'dzin chen pos mdzad pa rdzogs so// //bla ma shar phyogs pa chen po d+har paN A tsArya dang/ glo bo lo tsa ba dge slong pradz+nyA ratNas sku mkhar nyi gzungs su bsgyur ba'o// //rgya gar skad du/ agne de ba pU dzA nA ma/ bod skad du/ me'i lha mchod pa zhes bya ba/ /ma lus gdug pa'i sems ldan pa/ /bla ma la ni sdang ba sogs/ /gzhom phyir drag byed cho ga ni/ /gshin rje 'joms mdzad mchod phyir bshad/ /'bum ni yongs su rdzogs pa nas/ /dge ba'i mtshan ma mthong 'gyur zhing/ /lha dang bla mas mthong 'gyur na/ /'grub 'gyur gzhan du nyams par 'gyur// dus dang thabs dang rdzas dang ni/ /cho gas bsgrub par bya ba ste/ /rnam dag bzhir ni shes par bya/ /sgrub po snyen pa mthar son dus/ /drag po'i stobs dang mig dmar sogs/ /drag po'i gza' skar rgyu ba'i dus/ /mar ngo'i zla ba'i bcu bzhi sogs/ /drag byed 'byung po rgyu ba'i dus/ /rgyu ni rlung ni rgyu ba'i dus/ /dgun smad mtshan phyed dbyar gyi smad/ /sna bug g.yon nas rlung rgyu'i dus/ /g.yul 'gyed la sogs skye bo rnams/ /rab tu 'khrugs pa'i sems ldan dus/ /'di ni drag po me yi lha/ /mchod pa'i rnam dag dus su bshad/ /de nas gnas kyi mtshan nyid ni/ /byang du gnas dang mdog nag dang/ /rtsub cing tsher ma skye ba dang/ /drag po'i lha tshogs gnas pa'i phyogs/ /de ni dran byed me'i gnas/ /thab sogs cho ga bshad par bya/ /thab khung gru gsum sor nyi shu/ /zabs su sor bcu ldan pa ste/ /rdo rje dang ni rtse gsum bri/ /zla ba rdo rje mtshan sna tshogs/ /rdzas kyi rim pa bshad bya ba/ /rnga mo'i rtug pa rdo thal dang/ /me tog nag po tsher ma'i shing/ /sor brgyad khrag spags