<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1688: dpal gshin rje gshed dmar po'i 'tsho ba'i de kho na nyid ces bya ba'i man ngag<br><table><tr><td>
<input type="button" onclick="location.href='tcompletep.php?id=N1688&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1688&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1688&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">'byor zhes bya ba/ mkhas pa chen po 'jigs med 'byung gnas spas pas mdzad pa rdzogs so// //rgya gar skad du/ sh+rI rak+ta ya mA ri dzI baM tat+two pa de sha nA ma/ bod skad du/ dpal gshin rje gshed dmar po'i
 'tsho pa'i de kho na nyid ces bya ba'i man ngag /dpal gshin rje gshed dmar po la phyag 'tshal lo/ /dag cing dri med bdud bzhi 'joms/ /dpa' bo gshin rje gshed btung de/ /dpal ldan gshin rje gshed rgyud las/ /sbas pa bla ma'i
 lung gi bshad/ /phyi dang nang dang gzhan rnams kyis/ /dus dgra'i tshul 'di shes bya ste/ /lho phyogs sa 'og rim pa bdun/ /sgo med mun gar bcu drug nas/ /chos kyi rgyal po'i las kyi 'khor/ /bye ba 'bum bcas gshin rje ste/ /gru pa'i dngos?
 grub phun sum tshogs/ /zhal gcig phyag gnyis nyi ma'i mdog lar gsal/ /ma he la bzhugs de yi ge sher yin te/ /lhar bces 'jig rten kun gyi gtsug gis mchod/ /gdug cing gtum pa'i skye bo gang/ log par ltung pa gshin rje
 yin/ /snying rjes bstan la gzhug pa'i phyir/ /tshar gcod pa ni gshed yin no/ /ka li ya ste A li ma/ /g.yas dang g.yon pa gshin rje ste/ /kun dar ma ni dbus gnas su/ /gang zhig gnyis su med de gshed gnyi ma
 zla ba'i lam gnyis bor/ /'gro ba gang yin gshin rje ste/ de yang dbus su gang gnas pa/ /ye shes de ni gshed yin no/ /dman pa'i snying gi dbus song rtsa/ /nyon mongs ngo bo nyid yin no/ /srid pa'i rtsa ba gshin rjer bshed/ /rnal 'byor
 pa la tshul de nyid/ /yang dag ye shes nyid du 'gyur/ /de ni de yi gshed yin no/ /gzung ba ya ste 'dzin rtog ma/ gzung dang 'dzin pa'i kun rtog ni/ /'khor ba'i rtsa ba gshin rje ste/ /a ni rnam par skye ba med/ /de ni gang yin snying rje'o/ /stong nyid
 snying rje ro gcig pa/ /mi gnas mya ngan 'das te gshed/ /gang zhig lus ngag sems kyi ni/ /snyings ma gang yin gshin rje ste/ /sku gsung thugs kyi ye shes kyis/ /dngos por gyur pa gshed yin no/ /mdor na srid pa'i kun rtog tshogs/ /gang
 yon gshin rjer gshad pa ste/ /rnam par dag pa'i ye shes sku/ /kun mkhyen pa ni gshed du gsungs/ /lte snying 'grin pa spyi bor ni/ /bdud bzhi gnas pa gshin rje ste/ /mthar byed bzhi ni gshed yin no/ /ya la sogs pa'i yi ge
 ni/ /ma ngag las kyi gshin rje ni/ /mi bzang srid pa'i las kyis gzir/ /dag pas dpal ldan dus kyi dgra/ srid pa'i 'ching ba las grol zhing/ dngos grub bde chen mchog ster yin/ /ya ma gnyis su 'dzin pa ste/ /spos med 'od
 ?gsal an tar brjod/ /ka yig bla mas bstan pa nyid/ /gshin rje mthar byed ces byar grags/ 'tsho ba zhes bya srog tu brjod/ /'tsho ba'i dbye ba zhes bya ba/ /'jig rten 'jig rten 'das pa'i dbang 'gyur/ /gzhan yang srid dang zhi ba las/ /srog ni de
 gi gsang 'di gang gis shes/ /thams cad grub cing rang dbang 'gyur/ /gzhan yang srid dang zhi ba las/ /srog ni de bzhin gnyis su brjod/ /dngas ma dang ni snyigs mar gnas/ /sangs rgyas thams cad gcig bsdus pa/ /bla ma'i thugs su shes bya ste//
 mi phyed brtan pa'i gus pa yis/ /ltos pa med pa'i bsnyen bkur bya/ /stong nyid snying rje dbyer med pa/ /mi 'gyur ba ni srog gi mchog /de las gzhan pa'i bskyed pa yi/ /yig 'bru rnams dang phyag mtshan dang/ /phyag rgya snying po la sogs pa/ /rgyal po sras
 bcas srog yin te/ /dad pas thugs dam bskul bar bya/ /stong nyid snying po'i snying rje can/ /rnal 'byor lam pa rnams kyi srog /dngos grub chen po 'dod rnams kyi/ /srog ni dam tshig sdom pa yin/ /rnal 'byor pa rnams bsgrub bya ba/ /'jig rten pa dang
 'jig rten 'das/ /yon tan 'byung gnas srog gcig tu/ /byang chub sems ni kun dar brjod/ /bla ma lhag pa'i lha rnams kyi/ /byin brlab srog ni mi phyed pa'i/ /gus pas brtan pa med na min/ /de las gzhan pa 'jig rten pa'i/ /'byung po phal
 che'i srog gi gnad/ /srog dang 'tshong dang ni tshe/ /'di rnams dbye bas shes par bya/ /rtsa ba'i srog ni sngon bzhin no/ /sa stengs 'byung po kha cig gi /dbus rlung srog tu nges pa yin/ /'byung po rnams ni rang rang gi /bod pa'i sngags dang sa bon dang//
 ma Ni rnams kyi srog yin no/ /sde chen bzhi ba'i dang po la/ /mos brgyan dbyangs kyi gsum pas brgyan/ /'byung po rnams kyi srog la gnas/ /de las gzhan par byung po'i srog /kha cig gnas la gnas pa yod/ /zhugs shing la sogs
 gnas pa ni/ /kha cig rdzas la brten te gnas/ /kha cig rang gi grab mar gnas/ /kha cig phyi yi 'byung bar gnas/ /nor bu ri rab gos la sogs/ /kha cig sman dang kha cig dug /kha cig 'gro ba gzhan gyi gzugs/ /sa stengs 'byung po rnams kyi 
 srog /bdag gi rtsa la gnas pa yin/ /de la sogs pa du ma yis/ /srog gi dbye ba sna tshogs pa/ /'di ru brjod pa mi nus so/ /mi rnams kyi ni srog gyur pa/ /ming dang ming yin dang po dang/ /rnam par shes pa tshe gzugs yin/ /gza' dang
 rgyu skar la sogs pa/ /mdor na brtan g.yo ma lus pa'i/ /srog ni phyi dang nang du gnas/ rnam rtog ma rig chen po ste/ /'khor bar gnas pa rnams kyi srog /stong nyid snying rje mi 'gyur ba de/ /mi gnas mya ngan 'das pa'i srog /srid pa dang ni mya ngan
 'das/ /rtsa yis bdag nyid lus la gnas/ /lte ba mgrin snying spyi bo la/ /rlung me chu sa zhes bya ba/ /phrag dog zhe sdang chags dang rmongs/ /lus ngag yid gsum mi phyed gnas/ /bdud bzhi po ni rnam par gnas/ /sdug bsngal kun 'byung paM
 dang 'gog /bden pa bzhi yi ngo bo nyid/ /rgyu mthun rnam smin skyes bu can/ /dri ma med pa'i 'bras bu bzhi/ /srid pa'i skye gnas bzhi po dang/ /e baM ma yA yi ge bzhi/ /de bzhin ya ma rA dza bzhi/ /spyan dang mA ma gos dkar sgrol//
 yum bzhi po yi rnam pa ste/ /gshin rje shes rab pad+ma dang/ /bgegs shes bya ba mthar byed bzhi/ /tshad med bzhi dang mthar byed bzhi/ /dga' ba bzhi dang skad cig bzhi/ /dam tshig las chos phyag rgya che/ /phyag rgya che yi rang bzhin no//
 rig bzhi ye shes bzhi yi dngos/ /sku bzhi ye shes bzhi dang ldan/ /khams gsum la sogs thams cad kyi/ /bdag nyid chen po rdo rje 'dzin/ /bdud kyi bar chad bsrung ba'i phyir/ /de phyir gsang ba bshad par bya/ /A li kA la'i
 sbyor ba yis/ /lus ngag yid gsum bsrung bar bya'o/ /bdag nyid lhag pa'i lhar gsal bas/ /A li kA li rab brjod pas/ /spyi gtsug nas ni rkang mthil bar/ /shes rab thabs kyis skor phyogs su/ /mi phyed par ni bcing
 bar bya/ /A li kA li rtsa gnyis po/ /thabs dang shes rab yi ges bsrung/ /gnyis med rtsa ni rdo rje bsrung/ /phyi dang nang gi bdag nyid do/ /rang gi gsang sngags rgyal po la/ /shes rab thabs kyi ye shes mchog /thog ma nas ni mdza' ru sbyar//
 oM A(rgyud 'grel tu sga/ /brgya byin gyis kyang mi tshugs na/ /sha za phra mo smos ci dgos/ thabs dang shes rab ro gcig pa/ /rnam par mi rtog bde ba che/ /'od gsal ting 'dzin mchog gi ni/ /lhag pa'i bsrung ba gzhan med do/ /sa chu pas kyang mi phyed do/ /a
 A/ i a'i/ u a'u/ ri rI/ li lI/ e Ai/ o a'au/ aM A(rgyud 'grel bsgrub bya dbang du 'gyur/ /rtag tu bsgrub pa po rnams la/ /thabs kyi yi ge brtan par 'gyur/ yi ge brgya pa'i gsang sngags kyis/ /lhag pa'i lha ni mnyes par bya/ /bla ma'i man ngag rjes 'brang 'di/ /blo ldan slob mas bskul ba'i phyir//
 me long ltar gsol byas pa la/ /bla ma lhar bcas bzod mdzad rigs/ /dge ba gang nges 'gro ba kun/ /bdud bzhi'i dgra las rgyal gyur cig /dpal gshin rje gshed kyi 'tsho ba'i de kho na nyid ces bya ba/ /rgya gar gyi paN+Di ta d+har pan A
 tsarya'i zhabs kyis mdzad pa rdzogs so// /rgya gar gyi paN+Di ta dngos grub brnyes pa d+har paN a tsArya de nyid dang/ glo bo lo tsa ba dge slong shes rab rin chen gyis/ /chos kyi rgyal po'i sku mkhar nyi gzungs su bsgyar cing
 zhus te gtan la phab pa'o// //rgya gar skad du/ rak+ta ya mA ri de sha pA d+hiSh+na na/ bod skad du/ gshin rje mthar byed dmar po'i byin gyis brlab pa'i rim pa/ khams gsum po ni ma lus pa/ /snying