བོད་ཡིག

e-texts based on the ACIP/ALL Input

gtor ma thams cad sngags 'dis sbyin par bya'o/ /oM h+rI(rgyud 'grel gtor ma sbyin par byas pas 'grub po/ /'khor los dgos pa kun byed do/ /sangs rgyas kun gyis byin brlabs kyis/ /ye shes bla ma gnang ba yi/ /byas pa dran pa yis ni byas/ /gshin rje'i dgra mgon na na dag gis/ /bsgrub pa'i thabs kyi mchog byas la/ /de'i bsod nams khyad par gyis/ /sems can gnas chen thob par shog /dpal u rgyan gyis yul nas byung ba grub pa'i 'khor lo ji ltar rnyed pa klu'i byang chub kyis mdzad pa rdzogs so// // de nas yang dag bshad bya ba/ /sngags pas rtag tu rten pa ni/ /rus spal 'o ma zhes bya dang/ de bzhin 'od kyi lo ma dang/ /'jim pa skam po nyid dang ni/ /de bzhin me yi khu ba dang/ /sgra brnyan gyis ni rdzas dag ste/ /'di rnams rtag tu sbyar na ni/ /rang bzhin gyis ni nad med cing/ /tshe ring dbang po rgyas pa dang/ /rtag tu lang tsho dar la bab/ /lha rnams kun gyi byin gyis rlob/ /'di la dpyad par mi bya ste/ /mthu dang ngo bo nyid kyi 'grub/ /ting 'dzin sngags kyis byin gyis brlabs// las kyi rnam smin sbyong bar byed/ /rig pa 'dzin pa'i sa la gnas/ /de phyir cho ga bzhin du bsten/ /tshes gcig skya rengs shar ba na/ /snod la ma reg rus sbal zho/ /drod ma yal bar gtang ba'am/ /yang na nyi ma'i spu gus btung/ /mar kyi do yi tshes gcig la/ /'od kyi lo ma btsal na ni/ /de nyid nas ni bzung nas kyang/ /zhag gsum skya rengs shar ba na/ /lo ma de bcad bza' bar bya/ /yang na nyi ma'i spu gus bya/ /'jim pa bzang po sbyar nas ni/ /zhag gsum chu'i nang du bskam/ /de blangs nas ni yang bskam nas/ /phye ma byi la spar tshad re/ /ba yi 'o ma dang sbyar nas/ /sngags pas rtag tu btung bar bya/ /me yi sdong po sar pa ni/ /sa'i mar gyis dril nas ni/ /kha sbyar snod dang ldan byas nas/ /me chu sa yis btsir nas ni/ /btung ngam nyi ma'i spu gus btung/ /lan tsha bral ba'i sgra las ni/ /zhag gsum bcings pa'i sgra brnyan rdzas/ /nam gyi gung la sngags pas bzlas/ /chags sum snod du zhag gsum gzhag /rtse mo'i cha ni byug pa ste/ /dbu ma'i cha ni bdud rtsi nyid/ /rtsa ba'i cha ni dor bar bya/ /'di rnams so sor bsten pas na/ /tha mal 'bras bu gsum gyis phye/ /byi la'i spar tshad re re sbyar/ /ma sbyar na yang nyes pa med/ /tshogs par bsten na bzang bar bshad/ /re re ra bsten kyang nyes pa med/ /'jam dpal gyi rtog pa dam rdzas gsar ba rmad du bsgyur te bsten pa'i cho ga rdzogs so// //gshin rje gshed dmar po'i bsgrub thabs bzhugs so/ //rgya gar skad du/ rak+ta ya nA ri sA d+ha naM/ bod skad du/ gshin rje gshed dmar po'i sgrub thabs/ gshin rje gshed dmar la phyag 'tshal lo/ /gdung bzhi po ni rnam par 'joms/ /dpa' bo drag po sgrol mdzad pa/ /ya mA nA ka phyag 'tshal nas/ /de yi sgrub thabs bdag gis bshad/ /thog mar gnas dben par bdud rtsi lnga la sogs pa'i ril bu khar bcu gnas bdag nyid ro'i thog tu bsams te/ 'dug la tshangs pa bzhi dang ldan pas bla ma dam pa la mchod par bya'o/ /oM swa b+ha ba shud+d+ha(rgyud 'grel d+harmma(rgyud 'grel