<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1636: sgrub pa'i cho ga<br><table><tr><td>
<input type="button" onclick="location.href='tcompletep.php?id=N1636&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1636&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1636&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">g.yon pa'i zhal gsum gdangs pa ni/ /dkar dang dud ka nag po'i zhal/ /dbus kyi zhal gsum 'bar ba ni/ /khro dang chags dang zhi ba'i tshul/ /phyag rgya 'od zer 'bar ba las/ /g.yas kyi phyag rgya bcu drug ni/ /rdeg cing 'joms
 pa'i mtshon cha gdengs/ /g.yon gyi phyag rgya bcu drug ni/ /ro stobs pa yi mtshan mas mdzes/ /brjid gnon zhabs kyi phyag rgya las/ /g.yas kyi zhabs brgyad bskum pa ni/ /dregs pa'i lha brgyad thabs kyis gnon/ /
 g.yon gyi zhabs brgyad brkyang pa ni/ /dregs pa'i lha mo brgyad la rol/ /'dod chags chen po 'dul ba'i phyir/ /rtag tu ling ga rgyas pa'i tshul/ /drag po'i tshul gyis zhe sdang 'dul/ /gdul sku khyod la phyag 'tshal lo/ /
 dur khrod chen po'i dkyil 'khor nas/ /bdud dang gshin rje thabs kyis 'dul/ /ma mo mkha' 'gro dbang du sdud/ /dbang sdud khyod la phyag 'tshal lo/ /dbang phyug chen po'i dkyil 'khor nas/ /dbang med dad pas 'dus pa
 dang/ /ye shes sprul pa'i 'khor gyis bskor/ /'khor bcas khyod la phyag 'tshal lo/ /ye shes thugs kyi dkyil 'khor nas/ /ji lta bur ni sprul gyur nas/ /rnam dag dbyings las ma g.yos te/ /mnyam nyid khyod la phyag
 'tshal lo/ /yon chab dang rol mo'i rdzas kyis kyang mnyes par bya ste/ /'di ni bstod pa'o/ /de nas kha zas ci 'byor pa'i gtor ma raM gyis sbyangs te/ a las bdud rtsi chen por gyur pa'i 'od zer las 'dod yon ji lta bar
 mos pa bzhin du 'byung bar bsams te sngags 'dis 'gro ba dang kun 'khor du bsdus pa rnams la sbyin/ /oM kA la ru pa sarba duSh+Ta satwa dam ka ma hA b+hu ta pa ti i maM ba liM grih+Na grih+Na pa ya swAhA/ zhes lan gsum du brjed de
 dbul la/ /de nas bdag nyid snying gar ma las nyi ma'i dkyil 'khor la bzlas pa'i yi ge bsams te/ bcom ldan 'das kyi thugs kar yang de bzhin du dmigs la bdag las yi ge 'phros pas lha'i thugs dam bskul/ bdag
 la thim pas dngos grub kyi dbyig dam pa thob par 'gyur te/ mgal ma'i 'khor lo ltar rgyun ma chad par bya'o/ /gtong par 'dod pa dang mchod pa bya ste/ mthol bshags byas te bzod par gsol nas ye shes kyi lha slar gshegs su gsol/
 spros med mkha' ltar khyab pa'i sku mchog ni/ /mi gnas phyir na gshegs pa mi mnga' yang/ sri zhu'i tshul gyis gshegs su gsol ba 'dis/ /bdag dang gzhan bcas sgrib pa byang gyur cig /oM dza ya dza ya su dza ya bi shwa rU pa d+ha ri gats+tsha
 gats+tsha swa b+hA ba naM/ kri ti te na ta thA ga taM shtsa/ sarba bud d+ha shtsa/ bi sardza ya ma ma karyaM ku ru swAhA/ de nas dam tshig gi lha bdag la bsdu lus bsrung ba yang bya'o/ /dpal rdo rje 'jigs byed kyi bsnyen pa'i cho ga'o/ /rdzogs so// //
 yi dam bcas pa rdzogs pa dang/ /ting 'dzin rtse gcig gyur pa 'am/ /mtshan ma brtan po thob pa na/ /dben pa'i gnas su song nas ni/ /sngags kyi brtul zhugs spyad par bya/ /sku gzugs sam ni mtshan ma la/ /ting 'dzin spro bsdu gsal
 bar bya/ /sgrub rdzas la yang de bzhin te/ brkyang bskum tsam yang spangs nas ni/ /sems ni cung zad nyams mi bya/ /nam zhig mtshan ma byung ba na/ /the tshom med pas dngos grub blang/ /'di lta ste bsnyen pas rtags byung ba dang/ /sgrub pa brtsam
 par bya ste/ /shin tu dben pa'i gnas su maN+Dal bya ste/ /der lha'i rten bzhugs su gsos te/ /mchod pa'i rdzas dang dngos grub kyi rdzas kyang gzhag go/ yang mchod pa gzhan yang bshams la/ /dang po bsnyen pa'i dus ji lta
 ba bzhin mchod nas/ /de nas bdag dam tshig sems dpar gsal ba'i thugs ka nas yi ge'i 'od zer 'phros pas/ /phyogs bcu'i sangs rgyas spyan drangs nas sku 'am mtshan ma la stim ste/ nam sku mdzum pa 'am me tog 'bar
 ba 'am/ bdug pa dri dang ldan pa 'am rdzas khol ba dang/ dro ba dang dud pa 'thul ba na brtan pa'i sems kyis the tshom med par mchod pa'i rdzas lha la phul te/ lag pa g.yas kyis blangs la thugs kar stim/ dngos grub kyi rdzas
 lag pa g.yon gyis blangs la btung ngo/ /the tshom skyes na bar chad du 'gyur ro/ /'di ni sgrub pa ste dngos grub blang ba'i thabs so/ /de phan chad brdzun dang/ ma thos pa'i chos mngon du 'gyur te/ rig pa 'dzin pa'i sa la
 gnas nas/ 'gro ba ji ltar 'dul ba bzhin du las rnam pa bzhi thogs pa med do/ /mtshan ma ji lta ba bzhin ma byung na yang/ 'jig rten na tshe ring lobs skyen las rnam bzhi 'grub po/ /gzhan du bskal pa bzang por sbyor ro/ /de la
 gnas gsungs pa ni rnam pa sna tshogs ri dgon dang/ /chu klung 'bab chu rnams dang ni/ /dur khrod dben zhing nyams dga' bar/ /sgrub pa dag ni brtsam par bya/ /de la brtul zhugs ni/ /skye bo med pa'i nags tshal du/ /sngags pas lha
 yi brtul zhugs spyad/ /zas la gtsang sme mi blta zhing/ /yul la bzang ngan byed mi bya/ /ting nge 'dzin las mi nyams shing/ /phyag rgya bca' ba 'am bzung na ni/ /lhar bcas 'jig rten phyogs mi btsal/ /glang po la yang lam mi
 gzur/ /rkang pa brag ri thogs med 'gro/ /kha nas gsang sngags rgyal po zlos/ /'di ni sngags kyi brtul zhugs bstan/ /de la mtshan ma gzhag pa ni/ /maN+Dal byi dor byas pa la/ /lugs ma ri mo la sogs dang/ /de bzhin be tson ral gri dang/ /tri shul?
 'khor lo la sogs pa/ /mtshan ma legs byas mdun du bzhag /de la mchod rdzas ni/ /me tog gdug pa mar me dri/ /bshos dang mchod yon sogs pa dang/ /bza' dang bca' bar sbyar ba yi/ /gtor ma sna tshogs bzhag par bya/ /de la dngos
 grub kyi rdzas ni/ /ba ser ba'i mar sar dang/ /sbrang rtsi kha rar bcas pa dag/ za ma tog gam pa rur bzhag/ de la dam tshig gi ting nge 'dzin ni/ /bdag nyid 'jam dpa' i rdo rjer gsal/ /thugs ka'i nyi ma'i snying po la/ /bzlas pa'i yig 'bru
 bsam pa ni/ /chu zla dag gam gzugs brnyan bzhin/ /gcig dang du ma bral bar bsgom/ /de la 'phro dang 'du ba ni/ /chu zla bas dag gam nyi zer bzhin/ /'od zer 'phros pa'i sbyor ba las/ /sangs rgyas kun gyi sku gsung thugs/ /'od zer tshul du
 bsdus nas ni/ /mtshan ma 'am dngos grub rten la bstim/ /de la dngos grub kyi rtags ni/ /sku gzugs 'dzum dang mtshan ma 'bar/ /mar ni khol ba mchog tu bshad/ /dud pa 'thul ba 'bring yin te/ /dro ba dag ni tha ma'o/ /de la dngos grub
 blang ba'i thabs ni/ /dang por mchod rdzas lha la dbul/ /de nas sgrub rdzas bdag nyid btud/ /de la dngos grub kyi gegs ni/ /sems g.yengs pa'am rmugs dang nyid/ /dangs pa bar chad gyur pa 'am/ /the tshom skyes na dngos grub med/ /de la
 grub pa'i dus ni bsnyen pa'i rdzogs gyur phyin chad ni/ /zla ba drug gis 'grub par bshad/ /gal te grub par ma gyur na/ /de bzhin lan gsum brtsam par bya/ /des kyang grub par ma gyur na/ /drag shul tshul bzhin zhag bdun bsgrub/ /de las
 phyir 'bad med par bshad/ /de la drag shul gyi ting nge 'dzin ni 'di yin te/ /kyo ba rdo rje 'bar ba ni/ /gnam lcags zhun ma 'dra ba dag /rang gi snying las 'od 'phros te/ /kyo ba ye shes thugs nas drangs/ /rdo rje 'bar
 bas dbab byas nas/ /yang dang yang du gzhug par bya/ /sgrub pa'i cho ga slob dpon zhi ba'i ye shes kyis mdzad pa rdzogs so// //dpal 'jam pa'i rdo rje la phyag 'tshal lo/ /gang zhig las la sbyor bar 'dod pas//