བོད་ཡིག

e-texts based on the ACIP/ALL Input

rje gshed kyi ro bsreg gi cho ga zhes bya ba slob dpon nag po zhabs kyis mdzad pa rdzogs so// //rgya gar skad du/ ga Na tsakra bi d+hi nA ma/ bod skad du/ tshogs kyi 'khor lo'i cho ga zhes bya ba/ rje btsun mgon la phyag 'tshal lo// bsod nams khyad par bsags pa dang/ /dam tshig nyams pa bskad pa dang/ /bgegs rnams nye bar zhi bya'i phyir/ /bdag gis tshogs 'khor bshad par bya/ /yid dang mthun pa'i sa phyogs su/ /tshogs kyi khang pa yid 'ong ba/ /'khor khang rim gsum ran par gtsig /de nas tsandan gur kum dang/ /dri yi tshogs ni bsgos nas kyang/ /sa bzhi bzang po legs byas te/ /rnam lngas skyang nul byas nas kyang/ /gzhung dang mthun pa'i maN+Dal la/ /mdzes pa'i me tog legs bkram ste/ /mchod pa'i tshogs rnams tshad bar bsag /'byor pa'i yo byad ldan pa dang/ bsdu bar 'os pa'i rnal 'byor tshogs/ /ma lus par ni bsdus nas kyang/ /slob dpon la ni zhu ba dbul/ /las kyi bum pa byin brlab nas/ /mchod pa'i bum pa bsags nas kyang/ /mdzes pa'i me tog legs btang ste/ /tshig 'dis gsol ba gdab par bya/ /khro bo sngon po mdzes pa che/ /khyod ni dam tshig yid du 'ong/ /nor bu rin chen ches bcings pa'i/ /dbyug pa phyag na bsnams pa ste/ /bdag ni 'khor ba las bsgral phyir/ /dpa' bos gnang gis btang du gsol/ /rnal 'byor ma yi tshogs dbus su/ /bzang po'i sgo ni rnam par dbye/ /gsol ba btab nas nang bkug ste/ /las kyis bum pas chu gtong te/ /mnA chu blud la bral la dgod/ /de nas rdo rje slob dpon la/ /me tog phul te gsol ba gdab/ /de nas rnal 'byor pho mo la me tog gtor ma bskul bar bya/ /de nas rdo rje slob dpon gyis/ /lhar bsgom lce lag byin gyis brlab/ /phyag rgya byin brlab mngon rtogs brjod/ /hUM thog mdza' med pa'i sems dpa' ni/ /rdo rje sems dpa' de bzhin gshegs/ /kun tu bzang po kun bdag nyid/ /rdo rje sems dpa' bdag po'i gtso/ /oM mahA badzra hUM/ a/ srid pa rang bzhin dag pa'i phyir/ /ngo bo nyid kyi gdod nas dag /rang bzhin dag pa'i sems dpa' yis// srid pa dam pa mchog tu byed/ /oM h+rI(rgyud 'grel bsil zhabs bkru? dbul?/ /mchod pa'i tshogs kyis rab mchod nas/ /de kho na nyid bstod pa bya/ /oM h+rI(rgyud 'grel dye shapda/ oM A(rgyud 'grel bstod/ /gshin rje gshed po rab 'jigs pa/ /nga rgyal rdo rje ngo bo khyod/ /rdo rje thugs dang rab mtshungs pa/ /rin chen rdo rje ngo bo nyid/ /'dod chags rdo rje gtso bo khyod/ /'dod chags chos kyi rnam pa bsnyems/ /thams cad dbyangs ni mchog gi mchog /rdo rje gsung mchog phyag 'tshal bstod/ /phrag dog rdo rje ngo bo khyod/ /gshin rje gshed po las kun byed/ /sku yi rdo rje rab 'dra ba/ /ral gri phyag la phyag 'tshal bstod/ /sangs rgyas kun gyi dngos po khyod/ /sangs rgyas thams cad gcig tu bsdus/ /sangs rgyas kun mchog gtso bo'i gtso/ /dkyil 'khor gtso la phyag 'tshal bstod/ /bdag gis nyon mongs tshogs rnams las/ /byung ba'i sdig pa'i tshogs rnams ni/ /rje btsun 'jam dbyangs spyan lnga ru/ /de dag thams cad bshags par bgyi/ /rdzogs pa'i sangs rgyas nyid dang ni/ /byang chub sems dpa' dge 'dun mchog /slob sogs dge ba thams cad la/ /rgya cher bdag ni rjes yi rang/ /khams gsum rnam rtog dra ba yis/ /mngon par gtibs pa mun nag la/ theg pa chen po'i ye shes che/ /chos kyi sgron mas 'od snang mdzod/ /rdzogs sangs 'khor ba'i chos rnams las/ /chos skur mya ngan 'da' bzhed pa/ /'khor ba ji srid gnas par du/ /sems can don mdzad bzhugs su gsol bsod nams tshogs las mngon byung ba'i/ /dge ba'i bsod nams ma lus kun/ /sems can 'khor ba las sgrol phyir/ thams cad byang chub mchog tu bsngo/ /mchod pa nyi shu'i tshogs rnams kyang/ /de sogs rol mo'i tshogs rnams ni/ /rnal 'byor pa yid 'bad pa yi/ /rdo rje chen po mchod byas la/ /de nas blo yis shegs su gsol/ /de nas stong pa nyid bsgoms te/ /snying rjes zin pa'i gsal bar bya/ /de nas bsrung ba'i 'khor lo ni/ /rdo rje sa gzhir ba dang/ /'phar ba'i khang pa drag po la/ / mtshon cha tshogs kyis spras par bsam/ /nang du chos 'byung dkar po ni/ /gru gsum mtshon cha dang bcas pa/ /rdo rje gzhal yas khang bskyed la/ /rnal 'byor bzhi yi tshul dag gis/ /de nyid dkyil 'khor smin par bya/ /de nas bdud rtsi byin brlabs te/ /rtsa ba'i dkyil 'khor rim bzhin mchod/ /de nas mthe bong srin lag gis/ /blangs pa'i bdud rtsi byugs pa yis/ /chos 'byung gru gsum dkar dmar bri/ /de nas bdud rtsi'i thig le yis/ /mdzes pa'i me tog legs bkram ste/ /skad cig bskyed dang dgug gzhug bya/ /de nas bdud rtsi phul nas kyang/ /bdag nyid la ni mchod par bya/ /thabs dang gsang bas blangs nas kyang/ /lce rtse smin mtshams spyi bor gtor/ /de nas de dag mi dmigs bsgom/ /rtsa ba'i dkyil 'khor nyid la ni/ /gsang ba'i dkyil 'khor ?? nas kyang bstod cing bdud rtsi myangs nas kyang/ /gsal bar dmigs nas bzhugs su gsol/ /de nas zhing skyong 'khor bcas la/ /gtor ma rgya chen btang ba ni/ /yi ge gsum gyi ngo bo yis/ /bsregs dang sbyangs dang gtor byas la/ /maN+Dal bzang po yid 'ong ste/ /thig le le rtse dgu byas te/ /dbus la ye shes 'khor lo bsam/ /phyogs dang mtshams la zhing skyong brgyad/ /ma mo sum cu rtsa gnyis dang/ /bcas pa spyan drangs mchod pa bya/ /oM/ shing gcig dang ni dur khrod dang/ /ri po dang ni ri su la phug /grong dang bzhi mdo dag dang ni/ /khyad par du ni khang stong dang/ /gdol pa'i snod dang thang dang ni/ /khyad par du ni chu la gnas/ /nag po drag po drag po che/ /lhas byin mnyam du bsten pa dang/ /nag po gtsigs dang mi sdug drag /rga las 'das dang log 'dren rnams rgan byang mo dang drag mo dang/ /mi sdug ma dang u ma dang/ /rgyal ba rnam par rgyal ma dang/ /mi thub gzhan gyis mi thub ma/ /nag mo bzang mo nag chen mo/ /nag sbom ma dang rnal 'byor ma/ / dbang mo dang ni zla ba mo/ /drag tu sdang dang 'phyang ba mo/ /'phrog byed ma dang mar mem/ /'jib byed grong gnas rnal 'byor ma/ /drag mo'i gzugs dang drag chen mo/ /mche ba gtsigs pa'i thod chen mo/ /thod 'phreng phreng can kha TwAM ma/ /sprul chen ral gri dgra sta can/ /rdo rje de bzhin gzhu can ma/ /de bzhin chen mo mkha' 'gro ma/ /las kun rjes su grub byed ma/ /sbyor ba'i dkyil 'khor rgya chen mo/ /de bzhin rdo rje dbang phyug gtso/ /de bzhin gshegs pa'i sku che ste/ rdul byed rnal 'byor 'byin pa mo/ /rdo rje dbang mo'i bka' 'di yis/ /thams cad ma lus 'dir 'dus shig /oM kak+ka Dha na babba na d+ha na/ kha kh+kha kha da na/ sarba duSh+TAn/ ha na ha na/ g+hA ta ya g+hA ta yA mo ka sya hUM/ zhes pas bkug la/ pad+ma'i gdan la gnas par bsams la/ /mchod pa lngar byin gyis brlabs pa de nyid dbul te/ /sngags de nyid kyi mjug la/ /a mo ka sya shAn+ti dU? ru hUM hUM phaT swAhA/ zhes pas dbul te/ so so'i lce la hUM las rdo rjer byin/ /byin gyis brlab par bsams pa'i sbu gu'i 'od kyis drangs te mchod par bsams la/ /de nas chos bshad de/ /chos rnams gzugs brnyan lta bu ste/ /dag cing gsol la zhes bya ba brjod nas/ /smon lam btab ste/ sems can thams cad sdig med cing/ / sems can thams cad bde gyur cig /gang gi lam nas 'gro ba yis/ /sangs rgyas nyid dang phrad par shog /ma bsgral ba rnams bsgral ba dang/ /ma grol ba rnams bdag gis dgrol/ /da lta nyid du rjes brtse bas/ /rnal 'byor stan bcos gnas la dbang?// ces bya bas bsngo bar byas gshegs su mi gsol/ /de nas rnal 'byor pho mo kun lha'i dkyil 'khor du bltas la/ /dad la dri yis mchod/ de nas me tog dang bdug pa dang mar me dang/ lha bshos kyis tshul bzhin du mchod la/ /de'i 'og tu bdud rtsi dang bcas pa'i chang gis mched de/ /lag pa g.yon pas chad bzung nas/ /g.yas pas rtse gsum pa byas la/ /tshigs su bcad pa 'dis sbyin te/ /ltos shig mdzes pa dam pa'i chos/ /'di la the tshom yod ma yin/ /bram ze khyi dang gdol pa gsum/ /rang bzhin gcig tu rtogs par bza' / /zhes bya bas drang ngo/ /len pa pos brjod pa/ 'dod chags dri ma bral ba yi/ /rin thang med las legs 'ongs chos/ /bzung dang 'dzin pa rnam par spangs/ /de kho na nyid bdag phyag 'tshal zhes pas pad+ma'i skor ba dang bcas pas blang ngo/ /'og ma rnams la drang ba la 'di skad brjod/ /sbyor ba'i dus na dngos grub ni/ /sbyod kun de nyid de bzhin du/ rnal 'byor pas ni kun tu spyad/ /ji ltar bde bar spyad par bya/ /zhe bya ba brjod la brim mo// de'i 'og tu sha lu dang gur mar gyis mchod/ /de nas lta bshos so sor drangs la/ /de nas kun gyis phud bsdus la/ /slob dpon la phul nas/ /slob dpon gyis cha gnyis su dgos te/ /cha gcig g.yon gyi phyogs su bgos la byin gyis brlabs la/ /dkyil 'khor gyi lha la dbul/ /cha gcig g.yas su bzhag la/ /byin gyis brlab la phyogs skyong la dbul te/ /oM a kA ro mu kham zhes pa'i sngags kyis mchod/ /de nas ci bder rol cing longs spyod/ skabs der bkra shis bya'o/ // de nyid yang dag spyod pa yis/ /rnal 'byor pa ni kun nas bdag /ji ltar bde bar brjod par bya/ /sgyu ma lta bur mdzes pa yis/ /gnyis sprod kun khyud sogs sbyor ba/ /lus can don du yang dag spyad/ /dngos po bral la phyag 'tshal lo/ /de nas lha dang phyogs skyong la gnang ba nod pa dang/ bzod par gsol ba byas te/ badzra satwas bzod gsol byas te/ badzra mu(rgyud 'grel zhes bsdu'o/ /oM badzra du pe grih+Na gats+tsha hUM/ zhes bya bas phyi rol gyi lha gshegs su gsol lo/ /de nas lhag ma bsdus te/ de la yang gnyis te/ rnal 'byor pho mo'i lhag ma ni phyi rol gyi sha za la sogs pa mi ma yin pa rnams la btang ste/ phyi sgor? gton la btang ngo/ /khyim pa'i lhag ma ni khyim pa de nyid kyi mi ma yin pa la bsngo'o/ /lhag ma de lta bu'i skal pa med pa la/ slob dpon gyi kha nas bdud rtsir byas la sbyin no/ /de nas yin bdag dang 'khor la bkra shis dang smon lam gdab po/ /de nas gtor skyel de log pa dang/ tshogs kyi khang sgor me long dang dung bud pa dkrol/ /chu can gyi zan ni mchod/ de nas nang du log nas rnal 'byor pho mo la yang de bzhin mchod pa bya'o/ /ma 'ongs skye bo'i tshogs rnams bsags par 'dod pa dang/ bslab pa'i lam la zhugs pa'i rnal 'byor pa/ /don du dri med lung dag bla ma'i man ngag ltar/ /ma nor bzung ste bdag dang gzhan la phan phyir bris pa yin/ /tshogs kyi 'khor lo'i rim pa slob dpon nag po zhabs kyis mdzad pa rdzogs so// //