<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1578: gshin rje gshed nag po'i rgyud kyi dka' 'grel rin po che'i 'phreng ba zhes bya ba<br><table><tr><td>
<input type="button" onclick="location.href='tcompletep.php?id=N1578&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1578&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1578&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">du mdzad pa'o// //rgya gar skad du/ kriSh+Na ya mA ri tan+ta sya pany+tsi ka ratna ba li nA ma/ bod skad du/ gshin rje gshed nag po'i rgyud kyi dka' 'grel rin po che'i 'phreng ba zhes bya ba/ dpal rdo rje sems
 dpa' la phyag 'tshal lo/ /bcom ldan 'das gshin rje gshed nag po la phyag 'tshal lo/ /dpal ldan gshin rje gshed po yon tan ma lus rab tu 'khrungs/ /'od zer sngon po 'jig ba'i dus kyi char sprin gzhon nu ste/ zhal gsum
 pa la rdo rje ral gri 'dzin cing gri gug bcas/ /'khor lo chu skyes thod pa bsnams ba mgo bos phyag 'tshal lo/ /'di skad bdag gis zhes bya ba la sogs pa ni/ gsung rab rnams kyi ni kun gyi yang dag dang po yin la/ sdud ba po ni
 rjes su ston pa'i tshig go /gang gi phyir bcom ldan 'das yongs su mya ngan las 'da' ba' i gnas skabs su gsungs ba las/ dngos su ni byas ba ma yin te/ ji ltar yang dag par bstan ba'i phyir dang/ khyed rnams ni ston ba'i
 dbang byed ba las te de'i chos rnams ni 'di skad bdag gis thos ba zhes pas sdus shig pas so/ /de la 'di skad ces bya ba ni gang ji srid du rgyud thams cad las gsungs pa de lta bu nyid de bzhin du ni ma yin no/ /bdag gis zhes bya ba ni bdag
 nyid kyis mngon sum du thos pa ste/ ston pa bcom ldan 'das nyid la bdag gis thos kyi gcig nas gcig tu brgyud nas 'ongs ba ni ma yin no/ /gang gi tshe thos shing gsungs she na/ sa ma ya ni dus so/ /gang gi tshe bcom ldan 'das
 thub pa chen po'i byang chub la bar du gcod pa'i bdud nye bar lhags par gyur pa de'i tshe zhes pa'i don to/ /de skad du de nyid kyi le'u bco brgyad pa'i gtam rgyud brjod pa la 'byung bar 'gyur ro/ /de yang ci dang ci zhe na/ rgyud ma lus pa'i tshig
 thos zhes gsungs pas so/ /bcom ldan 'das zhes bya ba la bcom pa dang ldan pas bcom ldan 'das zhes te/ bdud rnams bzhi po 'joms pas na/ /'joms pa bcom ldan 'das su brjod/ /shes rab kyis ni nyon mongs 'jom
 de phyir shes rab bcom ldan brjod/ ces pa'i tshig las snang ba med pa bsal ba bde ba chen po'i rang bzhin gyi ye shes ni bcom pa ste/ de dang ldan pa ni chos kyi sku'o/ /de dang der yongs su rdzogs pa ni lha'i 'khor lo la dbang ba ste/
 gang gis de ni rdo rje sems dpa' i gzugs su rdzogs zhes pa'i don to/ /bzhugs pa zhes bya ba ni gzhan du 'brel te/ gang du bzhugs she na/ gsungs pa de bzhin gshegs pa zhes bya ba la sogs pa ste/ thams cad kyi sgra ni mi bskyod pa
 la sogs pa dang de bzhin gshegs pa la sogs pa so so mngon par sbyor ba bya ste/ /sna tshogs pa'i dkyil 'khor du sna tshogs pa'i sa bon gyi yi ge'i rang bzhin no/ /rdo rje ni mi phyed pa na ste dkyil 'khor pa'i lha'i skyes bu'o/ /btsun
 mo ni dkyil 'khor ma rnams te/ lha mo rnams so/ /de bzhin gshegs pa dang rdo rje dang btsun mo dang zhes pa ste phan tshun bsdu pa'o/ /de'i rjes la b+ha ga'i sgras lhan cig de bzhin gshegs pa'i sgra ni mngon du song
 ba'i tshig ste bskur bar bya ba'i phyir ro/ /yang na rdo rje dang btsun mo zhes byas la de bzhin gshegs pa'i sgra dang lhan cig ste tha dad du'o/ /phyi nas thams cad kyi sgras lhan cig tu khyad par du bsdu ba'o/ /de'i rjes la b+ha ga'i sgras lhan cig pa ste de'i
 skyes bu'i drug pa'o/ /de la b+ha ga rnams la zhen pa ni skyes gnas kyi phyir ro/ /de dang der lha'i 'khor lo rdzogs pa la bltos pas na de dang de rnams rdo rje 'chang dang 'khyud pa'i pad+ma'i rang bzhin du'o/ /bzhugs zhes bya ba ni rdo rje dang sbyor ba las byas pa'i
 tshogs kyi rol nas gang du dngos su ma grub pa de'i tshe b+ha ga rnams la zhes pa ni skyed par byed pa'i gnas kyi phyir te/ sa bon de dang de rnams so/ /bzhugs zhes pa ni gnas pa'o/ /gang du rang 'dra ba'i pad+mar gnas pa'i rdo rje sems dpa' bskyed nas
 lha'i 'khor lo nye bar bstan pa gsungs pa ni gti mug rdo rje gshin rje gshed dang zhes bya ba la sogs pa ste/ gti mug gshin rje gshed la sogs pa'i sa bon rnams kyis te lhan cig ces pa'i don to/ /'bras bu las gzhan ma yin par nye bar
 bstan pa'i don du gti mug gshin rje gshed la sogs pa'i rgyus sa bon rnams la 'bras bu'i ming gis bstan to/ /de la mi phyed pa'i gti mug ni gti mug rdo rje ste/ de nyid che ba don med pa'i sgyur gyur pa'i phyir ro/ /gshin rje dang 'dra bas gshin rje
 ste/ de'i sgra ni de dag rlag par byed pa can no/ /gzung ba dang 'dzin pa ni rnam par spyad pas mi bzod pas na rang dang gzhan gyi 'gro ba'i rang bzhin skad cig so sor brdzun par bltas pa la gti mug yang dag par zad par byed pa'o/ /dang gi yi ge ni phan
 tshu na du bltos nas bsdu ba'o/ /de bzhin du phra ma rdo rje gshin rje gshed la sogs pa tshig bzhi po 'di yang ste mi phyed pa la sogs pa thams cad du rtogs par byed pa'o/ /de la bdag med pa la bdag tu 'dzin pa ni gti mug go /gzhan dang rab tu 'byed pa'i tshig ni
 phra ma'o/ /tshogs thams cad la zhen pa ni chags pa'o/ /gzhan gyi phun sum tshogs pa la mi bzod pa ni phrag dog tho ba gshin rje gshed dang zhes bya ba la/ tho ba dang 'dra ba ste 'khor ba ma stongs kyi bar du sems can ma lus par son? pa'i 'jig tshogs
 su lta ba'i bstan pa chen po tho bas 'joms par byed pa'i phyir ro/ /gshin rje gshed ni gshin rje'i bdag nyid kyi dgra zhes pa 'jig tshogs su lta ba de nyid 'joms pa'i rgyur gyur pa'i phyir tho ba gshin rje gshed do/ /de bzhin du phyin nas kyi tshig gsum
 po dag la yang de nyid du las 'dzin par bsdu'o/ /dbyig pa gshin rje gshed dang zhes bya ba ni dbyig pa ni dbyig pa dang 'dra bas te 'khor ba ma stongs kyi bar du sems can ma lus pa la gnas pa'i mthar 'dzin pa'i lta ba'i skyon 'byin pa'i phyir ro/ /gshin rje
 gshed ni gshin rje'i bdag nyid can gyi sgra ste lta ba de nyid 'joms pa'i rgyur gyur pas na dbyig pa gshin rje gshed do/ /pad+ma gshin rje gshed dang zhes pa ni pad+ma dang 'dra bas pad+ma ste/ log par lta ba'i 'dam gyis ma gos pa'i phyir dang log par lta
 ba'i gshin rje'i bdag nyid can gyi dgra'i phyir pad+ma gshin rje gshed do/ /ral gri gshin rje gshed dang zhes bya ba la ral gri dang 'dra bas ral gri ste/ lta ba mchog tu 'dzin pa'i dgra gcod pas so/ /gshin rje gshed ni lta ba mchog tu 'dzin pa de nyid
 gshin rje'i bdag nyid can nyid de de'i dgra'i phyir ral gri gshin rje gshed do/ /rdo rje tsar tstsi ka zhes bya ba ni rdo rje tsar tstsi ka yis te gsum pa'i don la dang po'o/ /de bzhin phyi ma dag la yang ngo/ /de la rdo rje
 ni ni rdo rje dang 'dra ba ste don med par byung ba dang/ nyon mongs pa'i sgrib ba las so/ /de'i tsartstsi ka ni gcig dang du ma dang bral ba'i sbyor bas rnam par dpyod pa dang gtso bo zhes bya ba'i bar du'o/ /rdo rje phag mo zhes
 bya ba ni rdo rje dang 'dra bas rdo rje lte ba ni las kyi sgrib pa de la bsgribs so/ /de'i a ni thams cad len cing rtogs pa'o/ /ha ni rab tu byed pa gzhan du ltas te zhes pas ha 'o/ /pi pi ling la sogs pa'i phyir na ngi pa'o/ /rdo rje dbyangs can ma zhes bya
 ba ni mi phyed pa'i ye shes de nyid dbyangs te shes bya'i sgrib pa'i rgyun sel bas na'o/ /can ni de dang ldan pa'o/ /rdo rje gau ri zhes bya ba la rdo rje mi phyed pa'o/ /gau ri ni stong pa nyid du lta ba ste skye ba'i sgrib pa'i gnyen po'i phyir ro/ /de len? zhing
 'dzin pa nyid kyis ni rdo rje gau ri ste rang gi don gyi skyon can no/ /grwar zhes pa ni rang gi rim pa'i me dang bden bral la sogs pa'i mtshams rnams su'o/ /grwar rnams kyis nye bar mtshon nas nang gi 'phar ma'i shar dang lho la sogs pa'i
 phyogs rnams su gti mug gshin rje gshed la sogs pa rnams so/ /zhe sdang gshin rje gshed ni thams cad kyi dbus su'o/ /tho ba gshin rje gshed la sogs pa rnams ni phyi rol gyi 'phar ma'i shar dang lho la sogs pa rnams
 su'o/ de bzhin du phyi rol gyi grwa rnams su thod pa bzhi po rnams kyang ste phyis rtogs par bya'o/ /de lta bu la sogs zhes bya ba ni de rnams ni gtso bo ste de la sogs pa dang 'dus pa'o/ /de re re las rang rang gi sa bon rnams
 las mdza' yas par spro ba dang bsdu ba rnams kyis zhes bya ba'i don to/ /de yang bzhugs so zhes bya ba'i sngar gyi dang lhan cig tu blangs te 'brel to/ de'i don yang bde ba phun sum tshogs pa yis de rnams thabs cig tu bzhugs
 pa'o/ de rnams ni dkyil 'khor gcig la bltos pa'i dbang du byas pa/ yid la gzhan dag ni gzhan dag la bltos nas dkyil 'khor gyi bdag po dang dkyil 'khor ba yang so so nyid du rtogs par bya'o/ /de dag gi dbye bas ni rdo rje
 sems dpa' i dbye ba yang ngo/ /ji skad gsungs pa'i dkyil 'khor lha rnams kyi sa bon las bskyed ba'i phyir mngon par byang chub pa rnam pa lnga bstan par gsungs pa/ de nas zhes bya ba la sogs pa ste de nas yang zhes pa ni dag 'di lta bu nye bar
 brjod pa'o/ /de nas bcom ldan 'das phyag na rdo rje bos te zhes bya ba 'dis sbyang bya'o/ /ngos nas zhes ba ni dris pa'o/ /bos pa de yang lan dang rjes su mthun par rtogs par bya'o/ /gzhan du na ni skabs ma yin par brjod par 'gyur te dri ba
 gzhan la bstan pa gzhan pas so/ /gang la bos she na gsungs pa rdo rje sems dpa' zhes bya ba la sogs pa ste/ thams cad kyang yin la de bzhin gshegs pa yang yin pas de bzhin gshegs pa thams cad de mi bskyed la sogs pa'o/
 de rnams kyi bdag po zhes pa ni de rnams yang dag par gsungs pa'o/ /yang de bzhin gshegs rnams skyed byed pas so/ /lan gyi don gsungs pa ni/ de nas yang zhes bya ba la sogs pa nas bdud thams cad brlag pa zhes pa ste/
 thams cad la 'tshe ba ni rdeg pa'o/ /las la a rkyen du byas pas bdud thams cad de 'dod chags la sogs pa'i nyon mongs pa'o/ /de dag rnam par brlag pa ni rnam par dag pa'o/ /de nyid rdo rje ste mi phyed pa'i phyir ro/ /ming ni rab tu grags pa'o
 ting nge 'dzin ces bya ba rgyu'i rdo rje 'chang gshin rje gshed kyi gzugs so/ /nyid kyi sku dang gsung dang thugs las zhes pa ni me long lta bu la sogs pa rnam pa lnga'i rang bzhin rnams kyis so/ /nges par phyung ba zhes bya ba ni rnam bar spros
 nas so/ /zla ba rdo rje rab sbyor bas zhes bya ba ni/ gang gi tshe snying ga'i sa bon las bkod pa rnams la bdun po rnam par dag pa'i bla na med pa'i mchod pa dang/ tshangs pa'i gnas gzhi bsgoms
 pa dang/ stong pa'i byang chub dang rdo rje ra ba la sogs pa dang/ de'i nang du son pa'i nam mkha' 'byung ba chen po dang/ /sna tshogs rdo rje la gnas pa 'byung ba chen po bzhi yang dag bar bsdus par skyes pa'i gzhal yas khang gi dbus su gnas
 pa'i nyi ma'i rjes la zla ba rdo rje la sogs pa bsgom pa ste/ gang 'di lta bu yang mngon du dkrugs pa'i rim pas bstan pa'o/ /de lta bu yang brgya lam na gang zhig bla na med par shes rab kyis nga rgyal ba nyid tshig tsam la rab tu 'jug cing de nas
 dam tshig nyams par 'gyur ba'i phyir ro/ /de la zla ba ni a li la sogs pa'o/ /dbyangs yig bcu drug po rnams kyis nyis 'gyur las 'byung ste me long lta bu'i ye shes so/ /rdo rje zhes pa ni bdud las rgyal ba'i rdo rje ste/ ka la sogs pa
 gsal byed rnams las yi ge drug lhag pa grangs bzhi bcu nyis 'gyur las byung ba nyi ma'i rdo rje ste mnyam pa nyid kyi ye shes so/ /de dag ni nyi ma dang zla ba dag go /sbyor ba ni phul du gyur pa ste rab tu sbyor ba'o/ /de nas nyi ma'i steng du hUM
 yig las rdo rje de'i lte ba la hUM yig gis byin gyis brlabs pa ni so sor rtog pa'i ye shes kyi bdag nyid do/ /de nas lha'i 'khor lo spro ba dang bsdu bar gyur pa ni bya ba grub pa'i ye shes kyi bdag nyid do/ /de dag thams cad zhu ba
 las yongs su gyur pa ni shin tu rnam par dag pa'i ye shes kyi bdag nyid du rtogs par bya'o/ /gshin rje 'jigs pa zhes bya ba ni zla ba dang nyi ma dang rdo rje dang sa bon yongs su gyur pa las skyes pa zhu bas bzhengs pa ste/ rgyu'i rdo rje 'dzin pa
 gshin rje gshed po zhabs g.yon brkyang ba sku mdog dkar po rtsa ba'i zhal dkar ba g.yas dang g.yon gyi zhal ni sngo dang dmar ba'o/ /g.yas pa'i phyag rnams kyis rdo rje dang ral gri dang/ gri gug 'dzin cing/ g.yon pa'i phyag rnams kyis
 'khor lo dang pad+ma dang/ thod pa 'dzin pas rang dang 'dra ba la snyoms par 'khyud pa'o/ /de yang b+ha gar ling ga rnam bzhag nas/ /dkyil 'khor bdag po rnam par bsgom zhes le'u bcu pa las gsungs pas so/ /bdud rnams zhes bya ba ni rnam
 pa bzhi ste/ nyon mongs pa dang/ lha dang/ phung po dang/ 'chi bdag gi bdud do/ /rab zhi'i don zhes bya ba ni de'i don du ste bzhi pa'o/ /sdang pa thams cad zhi ba zhes bya ba ni sdang pa thams cad ni dgra bo rnams so/ /zhi ba ni gsal bar
 bya ba'i don du'o/ /stong pa nyid kyi byang chub kyi rjes la gang bya ba de'i brjod pa gsungs pa/ bsrung ba'i don du zhes bya ba la sogs pa ste rdo rje zhes pa ni sna tshogs rdo rje'o/ /des na de nyid gsungs pa/ 'od zer lnga yis 'khrigs pa yis zhes pa ste/
 de yang raM yongs su gyur pa las nyi ma de'i steng du hUM rdzogs pa'o/ /rdo rje bzhi zhes bya ba ni rdo rje de nyid las 'od zer du ma byung ba rnams kyis 'og sa gzhi la thug par rdo rje'i rang bzhin gyi sa gzhir gyur pa'o/ /lcags ri zhes ni rdo rje phreng ba'i 'od
 zer rnams la phyi rol tu ra ba gru bzhi pa'o/ /ra ba zhes bya ba ni rdo rje'i sa gzhi'i steng gi phyogs bzhi 'od zer rnams las byung ba'i brtsigs pa bzhi'o/ /bur zhes pa ni nam mkha' i phyogs su rdo rje'i 'od zer rnams kyis khyab ste thog phub pa'o/ /
 rdo rje sems dpa' rdzogs pa'i rjes la gsungs pa/ de nas zhes bya ba la sogs pa ste de bzhin gshegs pa thams cad bskyed pa po ni rdo rje sems dpa' rgyu'i rdo rje 'dzin pa ni gshin rje gshed pa'o/ /bdud rlag par byed pa'i
 rdo rje zhes bya ba'i ting nge 'dzin la snyoms par zhugs zhes bya ba ni/ rang gi snying ga nas 'od zer gyis de bzhin gshegs pa rnams bkug cing khar bzhugs nas snying khar zhu bar bya ste/
 rdo rje'i lam nas byung ba dang/ rang dang dra ba'i pad+mar zla bar zhu ba'i gzugs kyis dkyil 'khor ba'i sa bon gyi yi ge rnams la rdzogs pa'i lha mo'i 'khor lo ni bdud rlag par byed pa'i rgyu nyid yin pas rgyu la 'bras bu'i ming gtags nas bdud
 rlag par byed pa'i rdo rje zhes bya ba'i ting nge 'dzin ni de dag nyid do/ /nyid kyi sku dang gsung dang thugs rdo rje rnams las zhes bya ba ni rang dang 'dra bar son pa sku dang gsung dang thugs kyi bdag nyid de bzhin gshegs pa gsum gyi rnam par
 dag pa'i chos kyi 'byung gnas zhes bya ba'i don to/ /nges par phyung zhes bya ba ni yang dag par spros te gnas ji lta ba bzhin du rnam bar bkod pa ste/ gti mug gshin rje gshed la sogs pa'i sa bon spros pa'i gnas skabs las
 so/ /dbus su ya zhes pa ni gtso bo gshin rje gshed kyi sa bon du yang shugs kyis rtogs par bya'o/ /zhu bar gyur ba las gshin rje gshed yin la/ de'i tshe sa bon yi ger bya'o/ /nga ni yak+She ma me da la sogs
 pa nyid spros te gnas ji lta ba rnams su'o/ /k+Sha ma me dngag ni nang gi rim pa'i phyogs su gnas pa ste lhag ma'o/ /ya dza ni ra ri phyi rol gyi sgo bzhi po rnams su'o/ /dza sa do ru ni nang gi rim pa'i mtshams
 rnams su'o/ /yo ni rA ni phyi rol gyi rim pa'i grwa bzhi po rnams su'o/ /lha'i dbye bas sa bon gyi yi ge'i rnam par dbye ba gsungs pa/ ra sogs dang po zhes bya ba la sogs pa ste/
 gshin rje gshed ces bya ba ni mi bskyod pa'o/ /gti mug ces bya ba ni rnam par snang mdzad do/ /phra ma zhes pa ni rin chen 'byung ldan no/ /'dod chags zhes pa ni snang ba mdza' yas so/ /phrag dog ces pa ni
 don yod grub pa'o/ /gshin rje 'joms ma lnga ru grags zhes bya ba ni mi bskyod pa la sogs pa de nyid la gshin rje 'joms ma lnga ru grags zhes mngon par brjod pa'o/ /de'i rjes la phyag rgya skabs su dkyil 'khor ba thams
 cad kyi dbu la gshin rje 'joms pa bsgom par bya'o zhes pa ni/ de bzhin gshegs pa nyid ji ltar rigs pa bsgom par bya zhes pa'o/ /da ni rdo rje'i ra ba dang rdo rje'i gur gyi nang du gnas pa'i nam mkha' i bdag nyid kyis stong par 'chad par
 'gyur ba'i gzhal yas khang gi dbus su gshin rje gshed po bzhugs pa'i don du gsungs pa/ nam mkha' rdo rje zhes bya ba la sogs pa ste de la nam mkha' rdo rje ni nam mkha' 'byung ba chen po ste/ rdo rje ra ba dang rdo rje
 gur gyi nang du gnas pa'i nam mkha' i rang bzhin no/ /de'i dbus su ni der khyab ces pa'i don to/ /sna tshogs rdo rje zhes pa ni hUM yig las skyes pa sngar gyi sna tshogs rdo rje nyid do/ /bsam zhes ba ni dran pa ste/ de
 bzhin gshegs pa lnga'i bdag nyid las dbus su nag po dang/ shar du dkar po dang/ lhor ser po dang/ nub tu dmar po dang/ byang du ljang gu'o/ /de'i dkyil bzhugs gshin rje gshed ces bya ba ni sna tshogs rdo rje de'i mu khyud du
 gnas pa'i gzhal yas khang gi dbus su gnas pa'o/ /gzhan yang rdo rje sems dpa' zhu bar gyur ba las rdo rje'i glu yis bskul nas bzhengs par rtogs par bya'o/ /shar rtsibs zhes bya ba ni shar phyogs kyi cha'o/ /de bzhin du lho dang nub dang/
 byang gi phyogs kyi char yang rtogs par bya'o/ /mtshams zhes bya ba ni nang gi rim pa'i grwa rnams su'o/ /rdo rje rtse bzhi la zhes bya ba ni rdo rje gti mug rdo rje gshin rje gshed la sogs pa'o/ /de rnams kyi rtse mo ni chos kyi brda grwa
 rnams su'o/ /tsar tstsi ka sogs zhes bya ba ni tsar tstsi ka dang phag mo dang/ dbyangs can ma dang/ /gau ri ma'o/ /me mtshams sgo bzhi brtsi zhes bya ba ni phyi rol gyi mig sgo ru gang sna tshogs rdo rje rtse mo bzhi ste rtse mo lnga pa rnam pa bzhi'o/ /de dang nye bar gyur
 pa'i sgo nyid du zhes pa'i don to/ /sna tshogs rdo rje'i grwa rnams su zhes bya ba ni sna tshogs rdo rje la gnas pa'i zhal yas khang gi grwa rnams su'o/ /mi'i mgo bo ni skyes pa'i thod ba khrag gis gang ba rnams te sna tshogs pad+ma'i steng du gnas pa'o/ /lha rnams
 kyi sngags kyi bzlas ba bstan pa'i don du/ de nas yang zhes bya ba la sogs pa ste/ gshin rje gshed rdo rje zhes bya ba'i ting nge 'dzin la snyoms par zhugs nas zhes bya ba ni/ 'bras bu'i gshin rje gshed 'byung bar gyur pa'i gnas skabs thob ces
 ba'i don to/ /sngags bzlas zhes pa lhag ma'o/ /gsungs zhes pa ni da lta nyid du gsungs par gyur pa'o/ /dkyil 'khor ba'i bzlas pa'i sngags gsungs pa/ de nas yang zhes bya ba la sogs pa'i tshig bcu gnyis po rnams kyis so/ /sku gsung thugs byin
 gyis brlabs pa'i sngags zhes bya ba ni dkyil 'khor gyi bdag po dang dkyil 'khor pa rnams kyi'o/ /zhe sdang chen po'i sku zhes pa ni zhe sdang gshin rje gshed kyi sku'o/ /zhal gsum zhes pa ni rtsa ba nag po dang/ g.yas dkar po dang/ g.yon dmar po'o/ /phyag
 zhes pa ni g.yas pa'i phyag na rdo rje nye bar mtshan pa'i phyir ro/ /phyag gzhan gnyis na ral gri dang gri gug 'dzin pa'o/ /de bzhin du g.yon pa'i phyag gsum na 'khor lo dang pad+ma dmar po dang thod pa 'dzin pa'o/ /zhal gsum pa zhes rtsa ba nag
 po dang/ /g.yon dmar po dang g.yas nag po'o/ /zhi ba ni zhi ba'i las kyi phan pa'o/ /gsal ba'i gzugs ni zla ba'o/ /de dang mnyam pa'i 'od zer dkar po'o/ /phyag ces pa ni g.yas pa ste 'khor los nye bar mtshon pa'i phyir/ phyag gzhan gnyis su yang ral
 gri dang/ /gri gug 'dzin pa'o/ /de bzhin du g.yon pa'i phyag gsum na rin po che dang pad+ma dang thod pa bsnams so/ /zhal gsum zhes pa ni rtsa ba ser po dang g.yas dkar po dang g.yon nag po'o/ /rgyas pa ni rgyas pa'i las kyi phan pa'o/ /gser bsregs
 rnam pa zhes pa ni bsregs pas mdog bzang pos te de'i 'od do/ /phyag ces pa ni g.yas pa na rin po ches nye bar mtshon pa'i phyir/ gzhan gyi phyag gnyis su yang ral gri dang gri gug go /g.yon pa'i phyag gsum na 'khor lo dang pad+ma dang thod pa rnams so//
 zhal gsum zhes pa ni rtsa ba dmar po dang g.yas dkar po dang g.yon sngon po'o/ /dbang ni dbang du byed pa'i las kyis phan pa'o/ /pad+ma rA ga zhes pa ni rin po che dmar po'o/ /phyag ni g.yas pa na pad+mas nye bar mtshon pa'i phyir phyag gzhan gnyis su yang
 ral gri dang gri gug go/ g.yon par ni 'khor lo dang rin po che dang thod pa bsnams so/ /zhal gsum zhes pa ni rtsa ba ljang gu dang g.yas pa na nag po dang g.yon ser po'o/ /thams cad ni las thams cad pa'o/ /mar gad ni rin po che ljang gu'o/ /phyag
 g.yas pa'i phyag na shubs can te ral gris nye bar mtshon pa'i phyir/ /phyag zhan gnyis su yang rdo rje dang gri gug go /g.yon pa ni 'khor lo dang pad+ma dang thod pa bsnams so/ /de ltar nang gi rim par gnas pa'i gshin rje gshed po lnga gsungs nas
 le'u rdzogs par gsungs pa/ de bzhin gshegs pa zhes bya ba la sog pa ste/ de bzhin gshegs pa thams cad rnams kyis gang sku dang gsung dang thugs ni rdo rje sems dpa' zhes bya'o/ /gang de yongs su gyur pa ni gshin rje gshed
 nag po ste/ de ni de bzhin gshegs pa thams cad kyi sku dang gsung dang thugs gshin rje gshed po de nyid rgyud de de gsal bar byed pa ga la yod pa de ni rgyud do/ /de las zhes pa mi phyogs gcig pa las so/ /mngon par
 zhen pa ni mngon par dang thams cad las te thams cad kyi rang bzhin gyis yang dag par thob cing mngon du byed kyi rang bzhin gyis gang thob pa de lta bu ni mngon par rtogs pa'o/ /mi shes ba kun gyi sgrib g.yogs g.yog ba'i snam bu dang 'dra
 bas snam ba'o/ /der len zhing 'dzin pas na le'u'o/ /mngon par rtogs pa yang 'di yin pas mngon par rtogs pa'i le'u'o/ /le'u dang po'i bshad pa rdzogs so// //slob ma la sogs pa'i dbang du bya ste dkyil 'khor bri ba la
 sogs pa'i don du slob dpon la bstod pa brjod pa gsungs pa/ de na bcom ldan 'das zhes bya ba la sogs pa ste/ rdo rje sems dpa' chen po zhes pa la chen po ni thams cad bsdud par mdzad pa'o/ /rdo rje ni byang chub kyi rang bzhin
 gyis so/ /de skad du byang chub sems dpa' gang de rdo rje zhes gsungs pas so/ /de la sems dpa' ni gang yod pa'i phyir dang/ de'i rang bzhin gyi phyir ro/ /bstod pa gang gis bstod ce na/ gsungs pa gti mug rdo rje zhes bya ba la sogs
 pa'o/ /lha'i 'khor lo bsgom pa'i rjes la mig la sogs pa byin gyis brlab par gsungs pa/ rdo rje mig ces bya ba la sogs pa gsungs pa/ gsungs zhes pa ni gsungs nas so/ /mig la sogs pa rnams byin gyis brlabs nas gang de'i
 dam tshig ni brda ste mig la sogs pa byin gyis brlabs pa'i sngags zhes pa'i don to/ /glegs bam la lar ni dang po'i mdza' can gyi tshig go /de'i don ni 'di yin te mig la sogs pa byin gyis brlabs pa'i dam tshig gang gis
 bcom ldan 'das zhes pa'o/ /khyad par blangs te 'gro ba'i phyir so sor byed pa 'bru mang po par bsdu ba'o/ /de ltar na ni phyi nas kyang de lta bu'i tshigs su rtogs par bya'o/ /bstod pa gsungs pa'i dgongs pa dkyil 'khor bri bar gsungs pa/ de nas zhes
 bya ba la sogs pa gsungs te/ 'joms pa zhes pa ni rab tu gtum par byin gyis brlabs nas so/ /dkyil 'khor zhes pa ni byang chub sems kyi rang bzhin yin pas na'o/ /de skad du yang dpal gsang ba 'dus pa las/ /byang chub sems ni dkyil
 'khor ro zhes gsungs so/ /gshin rje'i sgra ni gshin rje gshed do/ /de dang rab mtshungs ni de dang dra ba ste der bya ba dang byed pa'i phyir ro/ /'dod pa'i don kun sgrub pa byed ces bya ba ni gang 'dod pa'i don ni ji srid ba ste/ zhi ba la sogs der
 sgrub par byed pa'o/ /khyad par ni dbus na bzhugs pa'i sku mdog dang mtshan ma la sogs pa'i dbye bas so/ /dkyil 'khor gyi thig skud gsungs pa/ satwa zhes bya ba la sogs pa ste/ legs par bsgribs zhes pa ni/ /de bzhin gshegs pa lnga
 rnam par dag ba lnga ste/ skud pa rnam pa lnga kha dog rnam pa lngar byas pa'i nyi shu rtsa lnga bdag nyid kyis so/ /legs pa'i tshed la zhes bya ba ni dkyil 'khor gyi nyis 'gyur gyis ring bas so/ /mdzes ba zhes pa ni rab tu legs pa ni'o/ /sgoms su ni
 dkyil 'khor gyi sgo'i nyi shu cha zhes pa'i don to/ /skud pa zhes pa sngags kyis byin gyis brlabs pa las byas pa'i ye shes kyis skud pa'o/ /thig gdab ces bya ba la man ngag 'di yin te/ dkyil 'khor khru gang pa'i dbang du byas nas khru gsum
 pa'i cha la gru bzhi legs par byas la/ dbus kyi char lag pa g.yon pa'i mthe bong dang mdzub mos skud pa bzung nas lag pa g.yas pas rngo rgyus dang bcas pa'i skud pa'i rtse mo bzung ste ri mo zlum po gcig kun nas bskor bar
 bya'o/ /de nas shar dang nub dang/ byang dang/ lho ru slob dpon dang slob ma mngon par phyogs pa yang mi bskyod pa dang/ rnam par snang mdzad kyi lha'i bdag nyid du byas pa'i rnal 'byor pas rim pa ji lta ba bzhin du
 dbus kyi char chings thig gnyis gdab par bya'o/ /de bzhin du rlung dang/ me dang/ dbang ldan dang/ bden bral du gnas la mtshams kyi thig gnyis kyang gdab ste/ de dag gi bar dag kyang mnyam pa dang tshad dang ldan pa'o/ /de'i dbus su dang
 po rkang pa gcig gis mchog pa'i sor mo bcu nas bzung ste ri mo bzlum po gcig kun nas bskor bar bya'o/ de'i rjes la yang mthe bong gang du rkang pa gcig gis mchog pa'i ri mo zlum po gcig po ni rdo rje phreng ba'i don du'o/ /de nas de'i rjes la
 sor lnga pa'i ri mo phra mo gcig phyogs bzhi po rnams su'o/ /de nas rkang pa gcig gi mchog pa'i mthe bong gang gi ri mo'o/ /de ltar ri mig dgur gnas pa las lhag pa'i ri mo rnams phyis la ji ltar mdzes par ri mig dang/ ka ba
 rnams bri bar bya'o/ /de nas shar phyogs kyi tshangs pa'i skud pa las lhag par rdo rje phreng ba'i phyi rol tu ri mo mthe bong phye dang gnyis ni tshon sna'i sa'i don du ste/ me dang dbang ldan gyi mtshams su 'am/ thig gcig gis khyad par
 skud pa gcig gdab par bya'o/ /de nas grwa zhes bya ba tshon sna lnga'i don du'o/ /gzhan dag ni rkang pa gcig gis mchog pa'i mthe bo gang sa'i cha'o/ /de'i phyi rol tu tshangs pa'i skud pa'i ngos nas mthe bo phyed dang gnyis por te ri mo
 gsum gyis ring ba rkang pa gcig gis mchog pa'i mthe bo gang gi dbus su theg gnyis gnyis kyi nges zhes bya ste/ ri mo lnga'i don du'o/ /de nas logs su sor phyed dang gnyis kyi tshangs du rkang pas mchog pa'i mthe bong gang gi
 dbus su 'gram zhes bya ste ri mo lnga'i don du skud pa gnyis gnyis so/ /de nas phyogs zhes pa ste/ ri mo lnga'i don du sor phra ba phye dang gnyis kyi ched rkang pa gcig gis mchog pa'i mtheb gang pa'i dbus su skud pa gnyis gnyis so de nas ngos
 gnyis su khyab pa ni phrag gong zhes bya ba ste/ ri mo lnga'i don du rkang pa gcig gis mchog pa'i mtheb gang dbus su skud pa gnyis gdab par bya'o/ /de'i rjes la rgya gram las pha rol tu mtheb gang pa'i ched tsam rin chen ba gu'i don du'o/ /logs
 kyi skud pa gcig po'i ngos gnyis su gdab par bya'o/ /de nas rin chen pha gu las phyi rol tu logs las rkang pas mchog pa'i mthe bong gang bor ba dang/ yang rkang pas mchog pa'i mthe bong gang gi bar du skud pa gnyis ngos gnyis su gdab pa ni
 ka ba'i don du'o/ /ya phubs kyi steng du kyang pas mchog pa'i mthe bong gang ni rka ba'i mgo bor gdab par bya'o/ /de nas ka ba'i phyi rol gyi ngos gnyis su rin chen snam bu las phyi rol tu sor phye dang gnyis kyi skud pa gcig po ni gzungs kyi snam bu'i
 nges gnyis gdab bar bya'o/ /de nas rin chen sam bu'i don du sngar bzhin du skud pa gcig go /de nas rin chen snam bu las phyi rol du mthe bong phye dang gnyis kyi skud pa gcig pa ste dra ba dang dra ba phyed pa'i don du'o/ /de nas sngar bzhin rin chen snam bu'i
 skud pa'o/ /de nas ka ba'i mgo'i steng du ngos las rkang pas mchog pa'i mtheb gang bor bar bcu gcig rdo rjes mchin pa'o/ /rdo rje'i bla de ni rkang bas mchog pa'i mtheb gang tsam ka ba'i mgo bo las 'phyang zhing sham du gnyis g.yo ba ji ltar mdzes pas
 so/ /de nas dra ba dang dra ba phyad pa'i mtshams kyi snam bu la chu srin gyi gdong pa bdun po rnams te/ rin po che'i snam bu las btags pa de'i kha'i ngos gnyis nas mu teg gi phreng ba'o/ /dra ba dang dra ba phyed pa kun gyi dbus su pad+ma'i gdan la gnas
 pa'i zla ba phyed pa dang/ nyi ma la gnas pa'i rin po che'i steng du rdo rje phyed pa rnams rab tu 'phyang bar gyur pa'o/ /chu srin gyi kha'i dbus su phyung ba rnams ni che zhing dri ma med pa'i nor bu rtse mo gcig btags bas mdzes
 bar gyur pa'o/ /ngos gnyis kyi phreng ba ni cung zad phyung ba ste phreng ba gsum mo/ /de nas sgo'i ngog gnyis kyi tshon gyi sa gzhi la pad+ma'i steng du gnas pa'i bum pa gnyis kyang ji ltar mdzes pas bri bar bya'o/ /gzungs zhes bya ba'i snam bu yang brtse
 ba dang bcas pa'o/ /de nas grwa bzhi po rnams su rdo rjes mtshan pa'i nor bu dbyig ba la btags pa'i rnga ma g.yo zhing 'khrol ba'o/ /'phan gyi tshar tshar yang mthar sleb pa'i ji ltar legs pa gdugs dang yang ngo/ /ka ba dang rin chen snam bu'i dbus
 su yang bum pa bzang po la gnas pa dpag bsam gyis mi shing bri bar bya'o/ /ngos dang ka ba'i bar gyi mthong su rdo rje rin chen bri bar bya'o/ /rdo rje'i bla ri'i steng du me tog gi phreng ba'i snam bu ste/ mthe bong gnyis su rgyas pa/ ngos gnyis su rkang pa gnyis
 kyis lhag pa gru bzhi pa'o/ /de'i rjes la nor bu ste/ rkang pa gsum gyis rgyas pa ring ba ni me tog dang mnyam pa'o/ /de las ngos gnyis su rkang pas chung ba pha gu'i snam bu'o/ /rkang pa gnyis kyis che ba rta'i rmig pa dang 'dra ba mdog sna tshogs pa'i
 rmig pa lta bu'i dbus su'o/ /de nas mdog bzang po snam bu'i zheng dang bcas pa mdog ser po ngos gnyis su rkang pa gnyis gnyis chung ba'o/ /de nas mun ba'i snam bu zheng du mthe bong gnyis pa/ ngos gnyis su mthe bong gnyis kyi chung ba'o//
 de nas sngar gyi mdog bzang bo las chung ba'i mdog bzang po'i snam bu'o/ /de nas rmig rjes lta bu'i snam bu zheng du rkang pa gnyis so/ /mdog bzang po'i snam bu las ngos gnyis su rkang pa gnyis kyis lhag pa'o/ /de nas nor bu ni
 zheng du rkang pa gsum pa'o/ /ngos gnyis su rkang ba lhag pa'o/ /de nas rmig rjes lta bu'i snam bu bzhi ni sngar gyi rmig rjes lta bu'i snom bu bzhin no/ /de nas gser gyi snam bu ni sngar gyi mdog bzhin no/ /de nas kra ma shir sha ni zheng ni mthe bong phye dang gnyis pa
 ngos gnyis su mthe bong gi rkang pa rkang pas chung ba'o/ /de nas rkang ba gcig gis tshad pad+ma'i gdan gyi steng du rkang pa dang bcas pa'i sor mo'i tshad ri dags kyi lus kyi dbus su'o/ /de'i rkyen ni sor phye dang gnyis kyi tshad do/ /mgo bo ni sor mo phyed dang
 gnyis kyi tshad do/ /de'i steng du sor mo phyed por bar ri mo gcig gis bskor bya'o/ /de'i phyi rol tu pad+ma'i phreng ba mthe bo gsum gyi tshad do/ /de'i phyi rol du rdo rje phreng ba sor gsum gyi tshad do/ /ji ltar mdzes par 'od zer lnga dang bcas pa'o/ /de ltar
 ngos re rer khru gang grwa las phyi rol du'o/ /de nas nang khru gang pa'i dkyil 'khor ni grwa gsum du gyur ba'o/ /de na ri dags gnyis kyi dbus su rkang pa gcig gis mchog pa'i mtheb gang pa'i pad+ma'i gdan gyi steng du rkang pas mchog pa'i
 mtheb gang pa'i gdan bor te 'khor lo'i rtsibs bcu gnyis pa sor phyed dang gnyis kyi tshad do/ /dbu ma'i rtse mo dag la'o/ /rtse mo gzhan pa bzhi rnams ni ngos gnyis su bri bar bya'o/ /yi dags gnyis kyi mdun du 'phan gnyis 'phyang
 ba ni ri dags kyi mjug ma la slebs pa'o/ /yi dags kyi phyi phyogs kra ma shir sha'i steng du/ shar dang nub dang byang dang lho ji lta ba'i rim pas kha phyi phyogs su bltas pa'i seng+ge dang/ dad pa'i rgyal po dang rma bya dang chu srin gnyis gnyis bre
 bar bya'o/ de ltar khru gang nas brtsams te ji srid khru stong pa'i bar du dkyil 'khor bri bar bya'o/ /shes rab cos pa ni thig 'debs pa la mkhas pa'o/ /zhi ba la sogs pa rab 'jug pa zhes bya ba ni zhi ba dang rgyas pa dang/ dbang dang/ mngon
 spyod la sogs pa'i las byed pa ste/ khyad par ni dbus su gnas pa'i mdog dang mtshan ma'i dbye ba las so/ /las kyi rdo rje ni sna tshogs rdo rje'o/ /rtse mo lnga pa ni rA?  lnga pa'o/ /mnyam ldan pa zhes bya ba ni phyogs bzhi pa
 rnams la'o/ /de'i dus su zhes bya ba ni de'i mu khyud la gnas pa'i ste gzhal yas khang gi nang gi rim pa'i dbus su'o/ /zhes pa ni rdo rje nag po rtsa lnga pa'o/ /rdo rje 'bar ba zhes pa ni 'od zer rdo rje'i rnams can no/ /shar gyi rtsibs zhes bya ba ni nang
 gi rim pa nyid do/ /shar du'o/ /'khor lo zhes pa ni 'khor lo dkar po rtsibs brgyad pa'o/ /'od zer zhes pa ni 'khor lo'i rdo rje'i 'od zer nyid do/ /rin po che zhes pa ni mdog ser po cha dgu pa'o/ /pad+ma rA ga'i mdangs 'dra'i 'od ces bya ba ni 'od
 zer dmar po'o/ /ral gri ljang gu zhes pa ni lhag ma'o/ /sna tshogs 'bar ba zhes pa ni 'od zer rnam pa lnga'o/ /de ltar nang gi rim pa la de bzhin gshegs pa rnams pa lnga'i mtshan ma bris la/ de dag nyid kyi grwa bzhi po rnams su mtshan ma
 bstan pa'i don du/ /shar phyogs kyi grwa zhes bya ba la sogs te/ shar gyi mtshams su zhes bya ba'i me nyid du'o/ /lho ru zhes bya ba ni bden bral du'o/ /nub tu zhes pa rlung du'o/ /byang du zhes pa ni dbang ldan du'o/ /phyi rol gyi rim pa'i sgo bzhi po
 rnams su mtshan ma bri pa'i don du thob zhes bya ba la sogs pa ste/ de la tho ba ni nag po rdo rje rtse gsum pas mtshan pa'o/ /dbyig pa na dkar po rdo rje rtse gsum pa nag pos mtshan pa'o/ /pad+ma ni pad+ma dmar po'o/ /rdo rje ral gri ni ral gri ljang
 gu'o/ /phyi rol gyi 'phar ma grwa bzhi po rnams su ma gsungs pa nyid ni thod pa rnam pa bzhi po rnams su shes par bya ste/ mtshan nyid thams cad yang dag rdzogs zhes gsungs pa las so/ /gzhan du na ni dman pa nyid du thal bar
 'gyur ro/ /lha'i gdan gyi rim pas mtshan ma'i gdan nams su yang shes par bya'o/ /rdzogs pa zhes pa ni ye shes kyi dkyil 'khor sgo rnams su rab tu zhugs pa ste/ bya ba gzhan la bltos pa ni ma yin no/ /sangs rgyas zhes pa ni mtshan pa'i tshul du gnas
 pa rnams so/ /the tshom med par zhes bya ba ni bden par mngon par zhen pa'i gzung ba dang 'dzin pa rnams spangs pa'o/ /de bzhin gshegs pa thams cad ces bya ba la sogs pa ni snga ma bzhin no/ /dkyil 'khor chen po zhes bya ba la/ chen po yang de
 yin la /dkyil 'khor yang de yin pas dkyil 'khor chen po'o/ /de ston par byed pa'i gzhung gi tshogs ni le'u ste/ le'u gnyis pa'i bshad pa rdzogs so// //dkyil 'khor bri ba'i don du bstod pa byas la gsol ba gdab
 par bya'o zhes pa de gsungs pa/ de nas bcom ldan 'das zhes bya ba la sogs pa ste bdag po zhes bya ba ni rdo rje sems dpa' o/ /bstod pa'i rgyal po zhes bya ba ni dkyil 'khor zhes bya ba la sogs pa 'chad par 'gyur ba'i tshigs su
 bcad pa'o/ /gsol ba gdab pa zhes bya ba ni zhus pa rnams so/ /sdig pa thams cad ces pa ni/ srog gcod pa la sogs pa bgyid ba dang bgyid du stsal ba dang bgyid pa la rjes su yi rang ba'o/ /'jigs zhes bya ba no sngar gyi bzhin
 no/ /dkyil 'khor kun gyi gtso bo ste/ zhes bya ba ni 'dir gsungs pa'i rdo rje mkha' 'gro la sogs pa'i dkyil 'khor las gtso bor gyur pa'o/ /rdul tshon gyi dkyil 'khor ram bsgoms pa'i dkyil 'khor lha'i 'khor lo rdzogs nas
 bza' btung gsungs pa/ de nas yang zhes bya ba la sogs pa ste/ bdud rtsi zhes bya ba ni 'og tu a yig yongs su gyur pa las grwa gnyis su ba dan g.yo ba gnyis kyis mtshan pa gzhu'i rnam pa'i rlung gi dkyil 'khor ro/ /de'i stong du
 raM yig yongs su gyur pa'i me la/ a yongs su gyur pa'i thod ba'i nang du go ku da ha na'i gzugs kyis bza' ba la sogs pa lta bu'o/ /rlung gis bkul nas mes bsregs pa'i thod par zhu bar gyur ba/ oM yig gis byin
 gyis brlab pa'o/ /de'i thig le las byung ba'i 'od zer gyis de bzhin gshegs pa thams cad kyi snying po bkug ste ye shes kyi bdud rtsi dang gcig tu byas pa'i bdud rtsi rnam pa lnga'o/ /de myang ba ni nye bar longs spyod pa'o/ /de'i dam tshig ni
 brda'o/ /byin gyis brlab pa'i sngags ni nges par phyung ba ste/ rab tu bstan pa'o/ /gang zhe na/ byin gyis brlab pa'i sngags zhes gsungs te/ oM la sogs pa'o/ /yi ge gsum gyis byin gyis brlab ces pa'i don to/ /rdo rje lce ni sbyor ba
 yis/ zhes bya ba ni/ hUM yig las lce rdo rje rtse gcig pa'i rnam par byas la de las byung ba'i 'od zer sbu gu'i rnam pas so/ /de'i dgos pas ci zhe na/ mnyes pa ste dgyes pa'o/ /rdo rje can kun zhes pa ni dkyil 'khor gyi
 bdag po dang dkyil 'khor ba'o/ /gang gi tshe bdud rtsi myang bar bya zhe na gsungs pa/ bzhugs bya ba la sogs pa ste/ rdzogs pa'i sangs rgyas zhes bya ba'i dam tshig gi dkyil 'khor dang 'dra ba rnams rang gi snying ga'i
 sa bon las byung ba'i 'od zer rnams kyis bkug ste nam mkha' i phyogs su gnas pa'o/ /ye shes 'byung gnas rang bzhin gyis zhes bya ba ni rmi lam dang sgyu ma'i rang bzhin gyis so/ /dgug ba dang zhes pa dang/ bkug
 pa'i lha'i 'khor lo la mchod yon la sogs pa phul te shin tu nye bar byas pa'o/ /gzhug pa shes pa ni/ dam tshig gi 'khor lo dang/ ye shes kyi 'khor lo dag gcig tu byas pa'o/ /bcing ba zhes pa ni rab tu
 bcugs pa las 'gro bar mi byed pa'o/ /dbang du byed pa zhes pa ni bcings pa'i sdug bsngal btang ste bde bar gyur pa'o/ /yang tho ba la sogs sngags bzhi yis zhes pa ni oM mud ga rA dza(rgyud 'grel dag gis rim pa ji lta ba la zhin du 'am/ dza(rgyud 'grel rdo rje bdud las rgyal ba'i ting nge 'dzin bsgom ste gdan du byas zhes pa lhag ma'o/ /dkyil 'khor gyi bdag po ni dkyil 'khor gyi gtso bo'o/ /gsang ba'i dkyil 'khor zhes pa ni zla ba'i dkyil 'khor ro/ /gti mug rdo rje gti mug gshin rje gshed do/ /bdun
 gyi bdun ba ni lha ste/ gang la de'i bdun gyi bdun pa can nyi ma'o/ /dkyil 'khor dmar po zhes pa ni nyi ma'o/ /las gyi dkyil 'khor zhes pa ni nyi ma'o/ /las kyi rdo rje ni phrag dog gshin rje gshed do/ /rdul tshon gyi dkyil 'khor gyi phyogs la ni sna tshogs
 pad+ma'i steng du ji ltar rigs pa nyi ma dang/ zla ba la gnas pa rang rang gi mtshan ma tsam bri bar bya'o/ /bsgom pa'i bdag nyid dang/ bzlas pa rig pa pos lha'i rnal 'byor gang gis bya ba gang gis bstan pa'i don du/ zhi ba zhes bya ba la sogs pa ste las
 kyi rdo rje zhes bya ba ni phrag dog gshin rje gshed kyi rnal 'byor gyis so/ /thams cad ces pa ni kun te/ gang ji skad de ltar brjod pa zhes pa'i don to/ /mi tshil zhes pa ni skyes bu ni bsad pa'i sha dang/ rus pa'i mar khu'o/ /mi skra zhes pa ni
 skyes bu bsad pa'i skra yis ra ba dang lhan cig ba'o/ /dur khrod du mar ngo'i bcu bzhi 'am brgyad pa zhes pa lhag ma'o/ /btang zhes pa la mi'i thod pa zhes pa lhag ma'o/ /rdo rje las kyi sbyor ba yis zhes pa ni phrag dog gshin rje gshed
 kyi gzugs su 'dzin pa'o/ /mig sman zhes pa ni dreg pa las grub pa'o/ /las kyi bsgom pa zhes bya ba ni phrag dog gshin rje gshed kyi gzugs kyis de lta bar bya'o/ /mig sman dag ni zhes bya ba ni drag pa nges bskus pa'i mdzub
 mo la'o/ /mig sman grub ba ni gsum ste ji srid du dreg de 'bar ba las mig sman du byas pa des 'jig rten gsum du rgyu yang sus kyang mi mthong ngo/ /mig sman gyi dreg pa las du byung na sa 'og gi dngos grub bo/ /dro bar gyur pa'i mig sman gyi
 dreg pas ni 'gro ba kun gyis rtse bar byed do/ /'bar ba la sogs pas ci byed pa yin zhe na/ gsungs pa/ las kyi rdo rje rab sbyor ba zhes pa zhes pa ni don ni 'di yin te/ phrag dog gshin rje gshed kyi rnal 'byor gyis lag pa g.yas pas bkab
 ste/ dreg pa de ji srid 'bar gyi bar du bzlas par byas te du ba dang dro ba la yang ngo/ /gur kum zhes pa ni bud med kyi me tog go /khrag ces pa ni skyes bu bsad pa'i sha'o/ /de dag ni man ngag go /rdo rje las kyi rab sbyor bas zhes bya ba ni
 phrag dog gshin rje gshed kyi rnal 'byor dang 'dzin pa'o/ /gnyis po de dag kyang cha mnyam pa las gcig tu byas te thod par bcug la lag pas kha bcad pa dur khrod du ji srid grub pa gsum ma byung gi bar du bzlas pa ni sngar bzhin no//
 bdud rtsi lnga zhes ba ni mu dang di? dang ba? dang su dang/ ma'i ming ngo/ /sha lnga ni/ go gu da ha na'o/ /bcu po de dag cha mnyam pa'i ril bu nas gang tsam du gzung ngo/ /lcag gsum gyis dkri zhes pa ni/ gser dang/ dngul dang/ zangs kyi snod du rim pa
 bzhin du ril bu byas te/ de rnams kyi rim pa ji lta ba bzhin man cha'i tshad gsum dang/ bzhi dang/ bzhi ru dbye'o/ /bdun dang gsum dang lnga'i ra tis lhag pa can gyi ri lu rag chung gi tshad tsam mo/ /las kyi sbyor ba la zhes bya ba la sogs pa
 thams cad kyi sngar gyi bzhin no/ /kan ta'i lcags kyi ral gri zhes pa ni gdong drug pa'i kan ta'i lcags kyi rgyu las byas te brdungs pa'i ral gri'o/ /las kyi sbyor ba la zhes bya ba ni phrag dog gshin rje gshed kyi rnam par lag pas gzung bar bya ste ji srid
 dngos grub rnam pa gsum ma byung ba de srid du bzlas pa yang sngar bzhin no/ /las kyi ral gri zhes ba ni phrag dog gshin rje gshed nyid kyi ral gri dang 'dra'o/ /zhi ba la sogs pa ji skad gsungs pa bzhag pa ste/ mngon spyod la sogs pa las gzhan
 dag ni gtso bo gshin rje gshed kyi sgrub pa ste/ bcom ldan 'das kyis gsal po nyid du ma gsungs kyang shugs la rtogs par bya zhes pa'o/ /las kyi sbyor ba'i rim par phye ba zhes bya ba las ni sna tshogs pa'i 'phrin las so sor gsungs
 pa'o/ /sbyor ba ni de dag sgrub pa'i thabs so/ /de dag bstod par byed pa'i gzhung gi tshogs la yang le'u zhes bya ste/ des na las kyi sbyor ba'i rim par phye ba'o/ /rim par phye ba'i gsum pa'i bshad pa rdzogs so// //
 zhi ba la sogs pa gsungs pa'i 'khrul 'khor gyi las rim pa brjod pa'i don du/ de nas yang zhes bya ba la sogs pa ste/ 'di zhes bya ba ni gti mug rdo rje'i rang bzhin khyod ces bya ba la sogs pa/ bstod pa'i rgyal pos sngar
 gsungs pas bstod ces pa lhag ma'o/ /gsol ba gdab pa ni dris pa'o/ /las kyis dbye bas rab phye ba zhes bya ba ni las kyi dbye ba ste zhi ba la sogs pa'o/ /rab dbye ba zhes pa ni zhi ba la sogs pa gang la phul du gyur ba'i dbye
 bas khyad par du gyur pa ste/ de yang lha'i gzugs su bsgoms pa la sogs pas bsgrub bya sgrub pa las so/ /rdo rje chen po zhes pa ni rdo rje sems dpa' o/ /ye shes rgya mtsho rnams ni byang chub sems dpa' rnams so/ /nyes kun gso ba'i
 bdag nyid ces pa ni thams cad du skyon thams cad las thams cad yongs su grol ba'o/ /'dir las 'di ni ma rungs pa'i las su bsam par bya ba ma yin te/ rnam pa 'di lta bus kyang pha rol po dag dmyal bar 'gro ba las
 kun nas 'don pa'i phyir ro/ /ji ltar gcod nad can la sman pa mkhas pas bsregs ba la sogs pa'i las bzhin no/ /'di skad kyi ni tshig ces pa ni/ 'chad par 'gyur ba'i 'khrul 'khor mthar thug gshin rje gshed bya ba la sogs pas
 so/ /rgyun du bya ba'i rim pa bla ma'i ngag bzung ba'i don du gsungs pa/ de nas yang zhes bya ba la sogs pa gsungs te/ dbang gi don du 'khrul 'khor ni dbang du bya ba'i 'khrul 'khor ro/ /ci brjod ce na gsungs pa/ gshin rje gshed kyi 'khrul
 'khor zhes pa ni 'di lta bus kyang 'khrul 'khor gyi spyod yul gus bar bya ba'i don du'o/ /bsrung ba'i don du zhes pa ni zhi ba'i don du'o/ /dbang du bya ba dang zhi ba dag la mngon par brjod pa ni zhi ba'i go ro tsa na gzung ste zhes brjod pa ste gnyis ka la
 yang go ro tsa na nyid kyis bri bar bya'o/ /shog bu gang la bri bar bya zhe na/ gsungs pa/ gro ga la sogs pa ste/ smyug ma'i shun pa zhes bya ba ni smyug ma'i tshigs kyi nang gi stong par gnas pa shog bu dang 'dra ba'i lpags pa'o/ /'khor lo bri ba'i
 le'u drug pa las 'chad par 'gyur ro/ /dkyil 'khor rim pa gsum byas te zhes bya ba la sogs pa'o/ /na mo na ma rnam brten la zhes bya ba ni na ma'i sgras nam rnam par bsten pa ste/ zhi ba la'o/ /'dir nye bar mtshon pa las/ las gang
 dang gang byed pa de/ dad der gsungs pa'i sngags spel ba'o/ /'khor lo bris la bzhag pa'i gnas gsungs pa/ gnag dang zhes bya ba ni mdog gnag pa'o/ /spu can zhes bya ba dbus kyi cha'o/ /phyi dang nang dang dman pa dag kyang ngo/ /sogs
 pa'i sgra ni gas pa dang g.yo ba la sogs pa'o/ /gshin rje gshed kyi bdag nyid du bsam zhes par 'brel te/ ji lta bur 'gyur zhe na/ zla ba'i 'od zer dang 'dra ba/ gti mug gshin rje gshed de/ bsgrub bya mdun du dgod ces bsgrubs bya gzhan dag
 dang 'brel to/ /zla ba'i dkyil 'khor la gnas pa zhes bya ba ni 'khrul 'khor nyid zla ba'i dkyil 'khor du bya ste/ de'i dbus su son pa'o/ /bsgrub bya zhes pa ni gang zhi bar bya ba'o/ /rdzogs sangs rgyas zhes bya ba ni/ rang gi snying ga'i sa bon las
 spros te/ gti mug gshin rje gshed du ma rnams kyis so/ /de zhes pa ni bsgrub bya'o/ /bltas nas zhes pa ni de lta bu'i rnam par bsam par bya'o/ /sngags brjod pa gsungs pa/ oM d+h+ri ti zhes bya ba la sogs pas te/ thams cad kyi sngags nyid
 de dang por oM yig nas hUM gi yi ge'i mthar thug pas yi ge dgu'o/ /de'i pha rol tu spel ba'i sngags gnyis kyi nang du song ba bsgrub bya'i ming bri ba'o/ /zhi ba'i dam tshig ni zhi ba'i sngags so/ /gsungs pa'o zhes pa ni brjod zin pa ste/ sngar gyi
 rdo rje 'dzin pa zhes bya bar 'brel to/ /skyes pa zhi ba la snag tsha gang gis bri ba gsungs pa/ skyes pa zhes bya ba la sogs pa ste/ lha la sogs pa yang bud med zhi ba'i cho ga de yis so/ /de bzhin rgyas pa zhes bya ba ni skyes pa rgyas pa'i skabs su
 gur kum nyid kyis so/ /bud med rgyas ba la gang gis bri bar bya ba gsungs pa/ 'khor lo gnyis ni zhes bya ba la sogs pa ste bud med rgyas pa'i skabs su yang gur kum gyis so/ zhes bya ba'i don to/ /swA hA ming zhes pa ni swA hA'i de
 yis sbel ba'o/ /dang po dang tha ma swAhA'i sgras sbyin par bya'o/ /gang dang sbel bar bya ba gsungs pa/ bsgrub bya zhes bya'o/ /ci byas shes gsungs pa/ ming ni blangs nas ni zhes pa pa ste/ bsgrub bya'i ming gis spel bar bya zhes pa'i don to//
 bris te 'khrul 'khor du gzug ces pa lhag ma'o/ kha dog ser po gshin rje gshed ces bya ba ni phra ma gshin rje gshed do/ /zla ba ser po gnas zhes pa ni 'khrul 'khor nyid zla ser por bsams te/ der gnas pa bsgom bar bya'o/
 bum pa ser po zhes pa ni snying ga'i sa bon las byung ba'i phra ma gshin rje gshed du ma'i lag pas 'dzin pa'o/ /bau Sha Ta zhes pa ni bo Sha Ta'i sgras ming spel ba'o/ /rgyas pa'i dam tshig ni rgyas pa'i cho ga'o/ /dbang du bya ba'i chog gsungs pa/ gro ga 'am
 zhes bya ba la sogs pa ste/ ras ni khrag gis bsgos pa'i ras so/ /srin lag gi khrag ces bya ba ni gang dbang du bya bar 'dod pa po dang/ /byed du 'jug par yang dag par rtsom ba ste/ de'i g.yon pa'i srin lag gi khrag gis so/ /de dag kyang
 nges par sbyang bar bya ba ni rgya skyegs la sogs pas so so 'am bsdus pas so/ /yi ge ho yis zhes bya ba ni nye bar mtshon pa ste/ bau Sha Ta'i sgras kyang spel lo zhes nye bar ston par 'gyur ro/ /nag rtsogs bral ba zhes bya ba ni sngar gyi bzhin no/ /kha
 dog khrag ces pa ni dmar po'i bdag nyid can no/ /gshin rje mthar byed ces pa ni bdag nyid 'dod chags gshin rje gshed du byas bas so/ /zla ba dmar po la gnas pa zhes bya ba ni/ 'khrul 'khor nyid zla ba dmar bor bsam par byas la
 'grub bya der chud pa'o/ /rang lus las byung 'od zer gyis zhes bya ba ni/ rang las gnas pa'i sa bon las byung ba'i 'od zer gyis lha'i gzugs so/ /khri tsam ni stong phrag bcu ste/ 'dir yang nye bar mtshon pa'i phyir ro/ /las thams cad la
 yang sngags stong phrag bcu bzlas bar bya'o/ /sngags khri bzlas pa byas bas kyang bsgrub bya ma grub na bya ba'i khyad par gsung ba/ gal te dbang du ma gyur na zhes bya ba la sogs pa ste/ de spro bar ni sngar gyi sngags bzlas bar bya'o/ /mang la sogs
 pa dpral bar bya la zhes pa ni/ mar dang sbrang gis gang ba'i kham phor kha sbyar nas gdon ba'o/ /dgug ba stan pa'i don du gsungs pa/ dur khrod ces bya ba la sogs pa gsungs te/ chol ke spa ni ras so/ /yang ni'i sgra ni dang gi don to/ /'chad pa'i dbang du byas nas
 blangs te phyogs gzhan gyi don to/ /dar na rang byung gi me tog gi ras sam/ dur khrod kyi ras la zhes pa'i don to/ /khrag dang rgya skyegs phyed bsres pas zhes pa ni/ rgya skyegs sam rang gi lag pa'i srin lag gi khrag bsres bas so/ /yi ge dza dang yi ge
 d+haM zhes pa ni dang tha mar dza d+h+ri zhes ba'i yi ge gnyis sbyin par bya'o/ /btsun mo'i ni pad+ma'i snod ces ba ni bud med kyi thod pa'o/ /kha sbyar zhes pa ni gnyis po de dag 'og dang steng du gzhag pa'o/ /dmar zhes pa ni 'dod chags gshin rje gshed do/ /lcags  
 kyu dmar pos bkug pa'i zhes bya ba ni/ rang gi snying ga'i sa bon la 'od zer lcags kyu'i rnam pas bkug ba'o/ /zhags pa bcings zhes bya ba ni phyag g.yas pa'i mtshan ma pad+ma dmar po'i lcug ma 'dzin pas 'chang ba'o/ /rlung gi dkyil 'khor sbyor ba yis
 zhes bya ba ni yi dmar po yongs su gyur pa las rlung gi dkyil 'khor gzhu'i rnam pa seng+ge dmar po'i 'og tu blta bar bya'o/ /rdzas lnga'i zhes pa ni/ /mu dang/ ci dang/ ra dang/ su dang/ ma yis so/ /dbang gis rab tu dbye bas ni dgug pa
 ste der ma brjod kyis kyang thams cad sngar bzhin du rtogs bar bya'o/ /mngon par 'dod pa ma grub bas las kyi khyad par gyi don du gsungs pa gal te bsgrub bya mi 'ong na zhes bya ba la sogs pa ste/ 'khrul 'khor bsros zhes pa ni thod pa
 kha sbyor nas bton te bzlas ba dang 'khrul 'khor yang dag bar brtsam mo/ /bsro ba'i tshe sngags kyi bzlas ba ni sngar bzhin no/ /rengs par bstan pa'i don du gsungs pa/ yung ba yi ni khu ba yis zhes bya ba la sogs pa ste/ yung ba yi ni rab tu
 grags pa'o/ /khu ba ni ba bla'o/ /de dag gi yang dag par bris te kham phor kha sbyar gyi nang du bcug la kham phor ser bo'i steng du ri mo bri bar bya'o zhes 'brel to/ de'i steng du mnyam par bri zhes pa ni ri mo bzhi 'am/ bdun gyi ri mo'i  
 thog tu bsgom bar bya ba ni ri mo nyid rgya mtsho'i bdag nyid kyis bskor ba'i ri rab bsgom bar bya zhes pa'i don to/ /ri rab 'di yis bsten bar bya zhes ba ni ri rab kyi steng hUM yig blta bar bya ba ste/ sgrub ba po'i dbang du byas pa'i g.yon phyogs kyi char ro/
 cha gzhan du yaM baM yig ste/ bsgrub pa po'i lus kyi dbang du byas te g.yas phyogs kyi char ro/ /de'i steng du zhes pa ni ri rab kyi 'og tu'o/ /dbang chen gyi dkyil 'khor zhes bya ba ni sa'i dkyil 'khor te/ gru bzhi mdog ser po gra rnams su rdo rje rtse gsum
 pas mtshan ba'o/ /sna tshogs rdo rjes mnan pa la zhes bya ba ni sna tshogs rdo rjes mnan pa'o/ sa'i 'og tu sna tshogs rdo rjes zhes bya ba'i don to/ /dbang chen gyi dkyil 'khor la bzhengs pa zhes bya ba ni rang nyid dbang chen gyi dkyil 'khor la gnas
 ba bsgom pa'o/ /bsgrub bya rnams bsams ni sna tshogs rdo rje'i 'og tu zhes pa lhag ma'o/ /ri bo rnams zhes bya ni ri rab nyid kyis so/ /rnams kyis mang po'i tshig nyid ni ri rab mang po dang ldan pas mnan pa ste/ lcog brgyad ba'i phyir ro/ /
 gang du gzhag zhe na/ gsungs pa dkyil 'khor dang sna tshogs rdo rje yis 'og tu mnan pa'o/ /don ni 'di yin te/ 'khrul 'khor ser po ni zla ba ste/ /de'i steng du bsgrub bya ser bo/ /de'i steng du sna tshogs rdo rje dang/ de'i steng du sa dang/ de'i
 steng du ri rab bsgom par bya'o/ /na ge ni ri bos so/ /bra la ya ni kha ba ste/ de las byung ba'i ri bo rnams kyis so/ /mnan zhes pa ni ngos rnams nas te steng nas ni ri rab nyid kyis mnan pas so/ /dag rengs bar bstan po'i don
 gsungs ba/ ngag ni rengs bar zhes bya ba la sogs par gsungs pa de bzhin zhes pa ni sngar gyi ji lta ba bzhin no/ /de nas lha'i gzugs nyid kyang de nyid de'i khyad bar ni 'di yin te/ bsgrub bya'i lce la sna tshogs rdo rje ser po'i steng du dbang chen gyi dkyil
 'khor ro/ /de'i steng du gshin rje'i gshed bsams bar bya'o/ /ji ltar brjod pa zhes bya ba ni zhi ba la sogs pa'o/ /gshin rje nag po'i sbyor pa yis zhes bya ba ni gshin rje gshed nag po'i rgyud las gsungs pa'i sbyor bas te/ sangs
 rgyas dang chos dang dge 'dun la gnod pa'i mi 'di dmyal bar 'gro ba las bsgral ba'i don du'o/ /ming bzung ste bsad pas don chen por 'gyur zhes bstan pa'i phyir dur khrod ras la zhes bya ba la sogs pa ste/ brtul shugs can ni gshin
 rje gshed kyi rnal 'byor ba'o/ /snag cha bstan pa'i don du gsungs pa/ ske tshe zhes bya ba la sogs pa ste/ 'dab ma las byung ba'i khu ba'o/ /gtum po'i sa bon zhes bya ba la sogs pa la mjub mo ni rang gi'o/ /tsitra ka'i khu bas sam zhes  
 pa ni lam zhes bya ba'i sgra ni bsdu ba'o/ /rab tu rtogs pa'i sgro myug zhes pa ni bya rog chen po'i sgro smyug gis bri ba'o/ /sems can gnod par byed pa'i mi zhes pa ni bsad par bya ba'i sems can gyi ming ngo/ /lha'i rnam pa'i don du gsungs
 pa bdag nyid ces bya ba la sogs pa sgos? te/ sma ra smin ma de bzhin ser/ zhes bya ba ni sma ra dang smin ma dang skra yang ser ba'o/ /bri ste zhes bya ba ni bsgom par bya'o/ /'khor lo zhes bya ba ni dkar po'o/ /pad+ma chen po ni dmar po'o/ /thod pa
 nyid ni dkar po'o/ /zla ba bzang po'i 'od ni dkar po'o/ /rdo rje'i rgyan gyi yang dag brgyan ces pa ni de bzhin gshegs pa'i bdag nyid kyi phyag rgya lnga 'dzin pa'o/ /ba spu'i bu ga chen po nas zhes bya ba ni rang gi snying gar gnas pa'i mtshan
 ma la gnas pa'i sa bon las byung ba'i 'od zer gyi rnam pa ba spu'i bu ga kun nas so/ /rang rigs bdag po zhes bya ba ni rang gi gzugs 'dzin pa'i gshin rje gshed kyi tshogs dang 'dis nye bar mtshon pa las gshin rje
 gshed dag nyid kyang gtogs par bya'o/ /g.yon pa brkyang ba zhes pa ni g.yon pa rab tu brkyang ste g.yas pa bskum pas so/ /nyi ma'i dkyil 'khor steng ni zhes bya ba ni ma he'i rgyab tu nyi ma'i dkyil 'khor gnas pa de'i steng du gnas pa'o/ /bskral
 pa'i me 'bar dang mtshungs pa zhes bya ba ni 'jigs pa'i dus kyi me'o/ /go cha zhes pa ni yang dag par bsgom par bya'o/ /dri ma can ni nag po'o/ /gzir ba ni rid cing nyam thag pa'o/ /gang gis shen gsungs pa/ nad kyis so/ /lus la ldang zhing
 zhes pa ni/ dman pa'i lus su rnam par gyur pa'o/ /don 'dod pa'i tshig smra zhes pa ni glo lca zhing brjod pa'o/ /mtshon gyis zhes pa ni mdud dang/ mda' la sogs pa rnams kyis so/ /gzir bar bya zhes pa ni/ lus kun la rma la sogs
 pa mang po dang ldan pas so/ /mchu ring can ni rkang ka'o/ /tsher mas lus ni bkang ba dang/ zhes pa ni tsher mas gang pa'i lus so/ /rkang pa gdos dang sgrog gi bsdam zhes bya ba ni gdod dang lcags kyis bcing ba'o/ /de'i lus bsrung ba la
 sogs pa zhes pa ni lus dang/ ngag dang/ yid dang/ mig la sogs pa byas zhes so/ /rang gi snying ga'i sa bon gyis 'od zer bkug pa dang/ bdag gi mdun du zhes pas te/ rang gi lha'i gzugs la'o/ /dgod ces bya ba ni gnas ji
 lta ba'i gzhag par bya'o/ /grub par bya ba bsgom pa'i dus su kun gyi dang po de dag nyid byas la/ phyi nas dri mas gos pa zhes bya ba la sogs pa blta bar bya'o/ /go cha zhes pa ni gang lha ru bsgom par byas pa de'i rjes la 'brangs te
 bkug la rang dang 'dra ba'i pad+mar bcug te rdo rjes mnan par lta bar bya'o/ /stong pa'i lus ltar zhes pa ni ro dang 'dra ba'o/ /rgyab pa ni gsod par bya'o/ /'thung bar byed ces pa ni 'thung bar byed pa'i khro bo de dag go /rkang dang tshig pa dag shes pa la bsgrub bya zhes
 ltag ma'o/ /chu 'gags la sogs nad kyi zhes pa ni ya sma ri ni dri chu 'gags pa'i nang ngo/ /cho ga 'di lta bu nyid ni rang nyid nyon mongs pa tsam gyis bya ba ma yin no/ /zhes gnas pa'i don du gsungs pa/ snying rje la gnas pa'i sems kyis zhes pa ste de dag
 nyid kyis dmyal bar 'gro zhes rnam par dpyad nas so/ /'o na sdug bsngal dang sdug bsngal rgyu la grol bar 'dod pa ni snying rje yin la/ de lta bu thams cad ni bdag la gnod pa yin no zhe na/ gsungs pa gnas btan nas zhes bya ba la sogs pa ste/
 der gnas pa'i sdug bsngal la sgrol bar byed pa ste ji lta pha rol gyi don byed pa las gzhan ci yod ces pa'i don to/ /'di lta bur gsungs zhes pa ni 'di lta bu'i ngag go /phyung bar mdzad ces pa ni brjod nas so/ /ji lta bur gsungs she na/ gsungs
 pa e ma'o zhes bya ba la sogs pa ste sems can gsod ba zhes bya ba ni bla ma dang sangs rgyas la gnod pa byed pa'o/ /rnam par rtog pa chen po zhes bya ni chen po yang yin la rnam par rtog pa yang yin pas rnam par rtog pa chen po
 ste/ dud 'gro la sogs pa'i sdug bsngal gyi rang bzhin no/ /de dag gsod par byed pa ni rlag par byed pa ste de'i don gyis na rdo rje dang 'bra bas na rdo rje ste rnam par rtog pa chen po gsad par byed pas gsod pa'i rdo rje'o/ /bcom ldan 'das
 gang yin zhe na/ 'di lta bu'i cho ga gsungs pa/ 'khrul 'khor zhes bya ba la sogs pa'i cho ga gsungs te/ don ni 'di yin te 'khrul 'khor la sogs pa la dam tshig tu nges par gyur pas byin gyis brlabs pas khyad par gang 'khrul
 'khor la sogs pa nyid do/ /bcom ldan 'das kyi dam tshig ste rdo rje sems dpa' nyid kyi don to/ /le'u bzhi pa'i bshad pa rdzogs so/ //phan tshun du rnam par dbye ba'i don gsungs pa/ de nas zhes bya ba la
 sogs pas te/ de nas zhes pas ni sna tshogs dang lha la sogs pa ste snga ma bzhin no/ /thod pa kha sbyor zhes pa ni/ phru ba la sogs pa'i gyo mo gnyis su gsang pa'i 'khrul 'khor bcug la zhes rtogs par bya'o/ /gshin rje mthar byed shes pa ni/
 bsad ba la brjod pa nyid do/ /rta dang ma he zhon pa dag zhes pa ni/ /gcig ni rta la zhen pa yin la/ gzhan dag ni ma he la zhon pa'o/ /sprul pa'i 'khor lo'i tshogs kyis zhes bya ba ni gnyis ka yang sprul pa'i khro po'i tshig dgod par bya'o/ /stobs dag
 ces pa ni stobs dang ldan pa'o/ /khros pa ni khros pa dang ldan pa'o/ /bskrad pa zhes pa bstan pa'i don du gsungs pa/ 'khor lo gnyis ni bris zhes bya ba la sogs pa ste/ cho ga nyid ni 'di dag ces ba ni bsad pa'i cho ga bstan pa'i snag tsha la
 sogs pas so/ /yi ge hUM phaT kyis bsten pa zhes pa ni bsgrub bya'i ming dang hUM phaT dag spel ba'o/ /thod pa kha sbyar ni phru ba la sogs pa'i gyo mo gnyis su'o/ pha'i nags su zhes pa ni dur khrod du'o/ /gshin rje'i gshed ni gshin rje'i gshed do/ /
 yaM byung zhes pa ni yaM yongs su gyur pa las so/ /khro bo'i tshogs kyis zhes pa spros pa'i gshin rje gshed kyis so/ /ma grub na yid ches pa'i don du'o zhes lhag ma'o/ /cho ga gsungs pa'o/ zhes brjod nas rgya lam na slob ma 'khrul par
 gyur na/ lha'i gzugs dang ras la sogs pa de dag gsungs pa/ khros pa zhes bya ba la sogs pa ste lhor bltas pa ni lhor mngon par phyogs pa'o/ /rang khrag ces pa ni rang gi lag pa g.yon pa'i mdzub mo'i khrag go /thal ba zhes bya ba ni
 sol pa'o/ /smyon pa'i 'dab ma'i khu bas zhes bya ba ni thang phrom gyi 'dab ma'i khu bas so/ /'khor lo rnams kyi khyad par gyi bri ba'i thabs gsungs pa/ bsad pa zhes bya ba la sogs pa ste bsad ba'i cho gar gsungs pa'i snag cha la sogs pa ste 'khor lo gnyis
 ka la yang de'i lus la gnas pa ni de'i ltor bltas pa'i 'khor lo'o/ /rta dang ma he dag ces pa ni 'khor lo gcig ni ma he'i rgyab tu yin la gzhan ni rta'i rgyab tu'o/ /bskrad pa zhes pa ni gnas nas gton pa'o/ /rnga mo'i lus la gnas zhes ba ni 'khor lo gnyis
 ka la yang rnga mo sngon pa'i rgyab tu'o/ /zla ba'i dkyil 'khor la zhes pa ni 'khor lo la zla ba'i dkyil 'khor gyi kun nas bskor te sbyin par bya'o/ /btsun mo'i snying gar zhes pa ni b+ha ga'o/ /ra la skyon zhes pa ni lug la yang bskyon zhes pa'o/ /ri rab kyi dkyil
 du zhes pa ni ri'i phreng bas kun nas bskor ba'o/ /seng+ge sar pa ni rkang pa brgyad pa'i seng+ge'o/ /gzhan dag la zhes pa ni smyon pa la sogs par byed pa'i spre'u dang skyes bu bzhi ba la sogs pa nla bri bar bya'o/ /lan gnyis bcings pa ni legs par bcings pa
 yin zhes pa ni/ snag tsha la sogs pa yang zlos par gsungs pa ro tsa na zhes ba go ro tsa na'o/ /bud med zhi ba ni bud med kyi don du'o/ /skyes pa dang bud med dbang la bya ba ni rgya skyegs te skyes pa dang bud med gnyis ka dbang la bya ba'o/ /gnyis kyi steng du gzhan
 yar skyas pa'i don du kha che yis zhes pas te skyes pa zhi ba la'o/ /skyes pa dang bud med gnyis ka'i rgyas pa la yang ste/ dbang du bya bar bri zhes nye bar mtshon pa'o/ /zhi ba dang rgyas pa dag la yang dge ba'i sems kyis te/ bya ba gang la yang ngo zhes lhag
 ma'o/ /don ni 'di yin te/ zhi ba dang/ rgyas pa dang/ dbang rnams la kham por kha sbyar du gzhag par bya'o/ /drag po'i las kyi dgongs pas bya rog gi sgro zhes bya ba la sogs pa ste/ bya rog ni bya rog chen po'o/ /smyug gus ni bsad pa dang/ dbye ba dang/
 bskrad pa la sogs pa bri bar bya zhes pa lhag ma'o/ /nyi ma phyed na ro sregs sar zhes pa ni ro bsregs pa'i sa'i nang du bskos te/ gzhug par bya'o/ /pad+ma kha sbyor zhes pa ni/ kha sbyor dang pad+ma ni kha sbyor pad+ma ste/ de las bsad
 pa dang bskrad pa dang dbye ba'i sbyod yul la ni/ phru ba la sogs pa'i gyo mo kha sbyor du'o/ /dgug pa ni pad+ma ste/ bud med kyi thod pa'o/ /gshin rje'i rnal 'byor bdag nyid kyis zhes bya ba ni de der ji skad gsungs pa'i gshin rje gshed kyi gzugs kyis so//
 bzlas te zhes bya ba ni brjod pa'o/ /lho phyogs gnas te zhes bya ba ni lho phyogs su mngon par phyogs pa ste/ drag po'i las kyi dgongs pas 'dir nye bar mtshon par bya ste/ gzhan dag dang gzhan dag gi la ltos nas gzhan dang gzhan gyi
 don du mngon par phyogs pa shes par bya'o/ /las grub nas 'khrul 'khor gnas pa la dgos pa med pas ni rim bzhin du dbye ba'i don gsungs pa/ zhi ba zhes bya ba ste las grub pa dang dgongs pa nye bar grub nas gang tshe bsrung ba rig par
 byed pa de'i tshe 'khor lo 'dzin pa yang yi ge bzhi po de dag phyis te gzung bar bya'o zhes ba ni man ngag go /lhag ma zhes pa ni yi ge bzhi po phyis pa las gzhan dag go /ji ltar bde bar zhes pa ni ji ltar 'dod par dbye ba 'am/ gzhan par bya'o/ /
 khri zhes shes pa ni stong phrag bcu'o/ /ye shes rdo rje zhes pa ni gzung ba dang 'dzin pa dang bral ba'i sems kyis te grib ma dang sgyu ma lta bu'i rnam pas so/ /gshin rje gshed kyi rnal 'byor gyis zhes bya ba ni de ltar bu'i gshin rje gshed kyi gzugs
 kyis so/ /yi ge bzhi po 'di dag dbye bar bya ba ci'i phyir zhe na/ gsungs pa/ 'khrul 'khor 'di zhes pas so/ /bris nas zhes pa ni yi ge thams cad bzhag pa na'o/ /'khor lo bri ba'i sngar gyi rim pa'i ni go rims kyis te 'khor lo lnga rim
 mo/ /tra ta ba ta ra da ni bris pa'i ska las dbye ba'o/ /ga tri ba ni ro tsa na la sogs pa ste des na bri ba'o/ /'khrul 'khor gyi rim pa bri ba'i don du ro tsa na la sogs pa ste gang la de ston pa'o/ /mngon par 'dod pa'i don yongs su bcad pa can ni le'u ste/
 ngag gi tshogs pa la yang ngo/ /le'u lnga pa'i bshad pa rdzogs so// //phyag rgya 'chol pa'i sgom pa las ni dngos grub dang sgrub pa po med pa zhes bya ba ste/ bstod pa sngon du 'gro ba'i gsol ba gdab pas phyag rgya 'di 'du ba'i don du
 gsungs pa/ de nas bcom ldan 'das zhes bya ba la sogs pa ste/ 'dis zhes bya ba ni sngar gsungs pa'i gti mug rdo rje'i rang bzhin khyod ces bya ba la sogs pas so/ /zhe sdang zhes bya ba ni zhe sdang bar byed pa dang rab tu gsal bar byed pa'o/ /rang rang
 phyag rgya zhes pa ni rang rang gi de bzhin gshegs pa rnams kyis so/ /dkyil 'khor gyi ni lha kun gyi zhes pa ni dkyil 'khor gyi bdag po yangs pa las dkyil 'khor gyi lha thams cad yongs su rnyed pa'o/ /kun gyi zhes pa ni gzhung las lhag pa ste/
 des ni dkyil 'khor gyi bdag po bzung ngo/ /gshin rje gshed ces pa ni le'u dang por mi skyod pa la sogs pa lnga bshad pas so/ /de lta bas na zhe sdang dang gti mug dang phra ma dang 'dod chags dang phrag dog dang gshin rje gshed rnams la rim
 ba ji lta bas mi bskyod pa dang rnam par snang mdzad dang/ rin chen 'byung ldan dang/ snang ba mdza' yas dang/ don yod grub pa rnams rim pa ji lta ba bzhin no/ /tho ba dang dbyug pa dang pad+ma dang ral gri gshin rje gshed rnams la ni/ mi skyod pa dang
 rnam par snang mdzad dang/ snang ba mdza' yas dang/ don yod grub pa rnams kyis so/ /rtag tu dkyil 'khor ni 'khor lo'i lha rnams so/ /bri bar bya zhes pa ni bsgom par bya'o/ /sbyin sreg zhes bya ba ni nang gi bdag nyid can gyis te gsungs pa'i bdud rtsi
 myang ba'i cho ga'i rig pas so/ /dgang zhes pa ni lha'i bdag nyid can gyi gzugs tshim par byed pa'o/ /dam tshig rnams la zhes pa ni go ku da ha na la sogs pa rnams so/ /bsgrub par bya zhes pa ni ji ltar gsungs pa'i bdud rtsi
 myang ba'i tshogs gza' bar bya'o/ /sdom ba zhes bya ba ni nges par bya ba ste/ de yang dkyil 'khor bzhengs pa la sogs pa can nyid do/ /dang po la ni dbu rgyan dbang zhes pa ni dkyil 'khor du zhugs nas chu'i dbang gi rjes la dbu rgyan gyi dbang
 gis so/ /ral gri zhes pa ni rdo rje'i dbang bskur ba'o/ /rdo rje dril bu dang zhes pa ni dril bu'i dbang bskur ba'o/ /zla ba bzang ba bzhi zhes bya ba ni/ ming gi dbang dang rigs gsum gi dam tshig dang/ rdo rje slob dpon dang/ rdo rje brtul zhugs dang/ dbugs
 dbyung ba dang/ lung bstan pa dang/ rjes su snang ba'i rjes la ste thabs dang shes rab kyi dbang bskur ba yang gzung bar bya'o/ /nag po ni rdo rje sems dpa' yis ni gshin rje gshed nag po'i rgyud las/ rdo rje sems dpa' nyid la nag po zhes
 bya'o/ /dbang bskur ba'i dgongs pa bstan pa'i don du gsungs pa/ dbang 'di dag gis zhes bya ba la sogs pa ste/ tho ba zhes pa ni rnyed pa'o/ /rgyal ba'i sras ni byang chub sems dpa' o/ /bya ba byed pa thams cad kyi sngon du 'gro ba can ni gtor
 ma yin pas/ gtor ma'i cho ga bstan pa gsungs pa/ de nas sngags ni zhes bya ba la sogs pa ste/ 'byung po kun ces bya ba ni 'byung por gyur pa thams cad de dbang po la sogs pa rnams so/ /de yang rang gi lha'i rnal 'byor gyi lta stangs kyis lus
 rnams thal bar bya ste/ rang gi snying ga'i sa bon las 'od zer spros pa'i bdud rtsis yang dag par reg pas yud tsam gyi rnal 'byor gyis bdag nyid dang 'dra pa'i lha'i rnam pa rdzogs so// //de rnams kyi gtor ma ni nye bar mchod
 pa'o/ /lugs ni byed pa ste sngags brjod pa'o/ /ji ltar gsungs pa'i bdud rtsis myang ba'i rim pas bdud rtsi lnga ru bskyed la/ lnga rnams de dag gi lce'i 'od zer gyi sbu gus bdud rtsi de dag nye bar longs spyod do/ /des mngon par 'dod pa'i 'bras bu grub pa'i rjes
 la sngags de nyid gsungs pa/ oM in+d+ra ye zhes bya ba la sogs pa ste/ des ni lha rnams kyi phyir lag pa g.yas pas gnas de dang de rnams su spos btul zhing lag pa g.yon pas dril bu dkrol bar bya'o/ /'di lta ste/ g.yas dang g.yon gyi gnas dang/
 lte ba dang/ snying ga dang/ brla'i gnas dang/ mgrin pa dang/ kha dang/ g.yas pa'i sna bug dang/ rna ba g.yon ba rnams su/ mig gnyis dang ma tshogs ma ste thams cad kyi gnas su lan gsum gsum du dkrol bar bya'o/ /de nas yang lte ba dang/ snying
 gar ci bde bar ro/ /yang char 'thung ba'i dus su rang gi lha nyid tshim pa'i don du gsungs pa byas nas ni zhes bya ba la sogs pa ste/ gru gsum ni zur gsum lag pa g.yon pa'i smin lag gis g.yon du bskor bar bya zhes man ngag go /ji lta
 gyur ce na gsungs pa/ bi dang zhes bya ba la sogs pa ste/ bshang gci la sogs pas bya zhes pa'i don to/ /chu zhes pa ni byang chub sems sam chad do/ /bshad pa la sogs med na/ myos byed tsam gyis bya'o zhes pa ni man ngag go /tshim
 par bya zhes pa ni/ de rnams kyi dkyil 'khor pa la lag pa g.yon pa'i srin lag gis tshim par byas te/ oM dzaM sha dza ma ri ye swAhA/ zhes bya ba la sogs pa rnams kyi rim pas so/ /kyang zhes pa ni lha rnams kyi 'khor lo ma lus par
 tshim par byas pa'i rjes la'o/ /dran par byed pa ni brjod par byed pa'o/ /le'u bzhi pa dang ldan pa ni 'khor lo 'bri ba'i mdor bstan pa tsam byas te/ de nas de dag bri ba'i don du gsungs pa/ bya ba ni zhes bya ba la sogs pa ste/ bya ba
 zhes pa ni 'bri ba ste/ ri bo na la sogs pa rnams so/ /dkyil 'khor rim gsum zhes bya ba ni dang po'i dkyil 'khor dkyil 'khor gnyis pa yis bskor bar bya zhing gnyis pa la yang gsum pa yis so/ /brgyad dang bcu
 gnyis bcu drug pa zhes pa ni dkyil 'khor thams cad kyi nang du ni re mig brgyad pa rnams dang/ dkyil 'khor gnyis pa la bcu gnyis pa dang/ dkyil 'khor gsum pa la bcu drug pa rnams so/ /de la dkyil 'khor gsum tshor la khyab
 pa'i dbu ma las cung zad kyi mdza' gnyis su shar nas zhugs pa'o/ /nub tu ri mo gnyis drang bar bya'o/ /de bzhin du byang nas zhugs te/ ri mo gnyis drang bar bya'o/ /de dag thams cad kyi nang la dkyil 'khor gyi dbu ma'i re mig por ba dang/ re
 mig brgyad du gyur to/ /dkyil 'khor gnyis pa'i mtshams kyi cha rnams su ri mo re re sbyin par bya'o/ /de dag gis ni gnyis par yang re mig bcu gnyis su 'gyur ro/ /dkyil 'khor gnyis pa'i mtshams su gnas pa'i ri mo'i mgo bo nas
 brtsams te logs gnyis nas ri mo gnyis bri bar bya'o/ /de lta bus ni zlum por bskor ba gsum pa la yang le'u tshe bcu drug tu gyur to/ /dgod par bya zhes pa ni thams cad kyi nang zlum por bskor ba la'o/ /sngags zhes pa ni de bzhin gshegs pa
 lnga lnga'i sa bon gyi yi ge rnams te dbus su ya ste zhes bya ba la sogs pa'i rjes kyi tshig gis so/ /de yang mtshams bzhi po por te lhag ma re mig lnga po dag go /re mig bcu gnyis zhes bya ba ni dkyil 'khor gnyis pa dag gi'o/ /de la sgo
 skyong la sogs pa rnams kyi yi ge bcu gnyis pa rnams so/ /sngags dgod pa'i dgongs pa gsungs pa/ grub pa zhes bya ba la sogs pa ste/ ma lus lus pa med par zhes bya ba ni 'jig rten dang 'jig rten las 'das pa la bltos pa'o/ /rgyu dang mi
 rgyur bcas pa ni snod dang bcud du bcas pa'o/ /dang po dang gnyis pa'i zlum por bskor ba la sa bon bskor ba'i tshigs su bcad pa bskor ba gsungs pa ya ma rA dza zhes bya ba la sogs pa ste yang dgod par bya ba'i tshigs su bcad pa gang yin zhe na gsungs pa/
 dbus su yang zhes pa ste yang yig ni thams cad kyi nang zlum por bskor ba dang po la'o/ /k+She zhes pa ni k+She yig go /'jam pa'i rdo rje zhes pa ni ma yig go /me zhes bya ba ni me yig go/ ngan par ma ni da yig go /mtshams kyi stong pa dag ces pa ni nang gi dkyil
 'khor gyi mtshams kyi bzhi por ba rnams su'o/ /de dag kyang ci bsgrub bya 'ba' zhig gi ming bri 'am zhe na gsungs pa/ hUM zhes bya ba la sogs pa ste/ thog ma dang tha? ma(rgyud 'grel pa yin la/ zhi ba la sogs pa la ni na mo la sogs pa'i yi ge spal bar rtogs par bya'o/ /dkyil 'khor gnyis par bri ba'i don du ya tsaM zhes bya ba la sogs pa ste/ phyi rol du zhes pa ni dang por bskor ba las phyi rol du ste/ zlum por bskor ba gnyis
 pa zhes bya ba'i don to/ /g.yon nas brtsams te zhes bya ba ni g.yon pa ste/ ji ltar legs par gyur pa'o/ /don ni 'di yin te/ ji ltar tshigs su bcad pa'i 'byung bar 'gyur ba de bzhin du bri ba'o/ /de nas sngon du k+She yig nas brtsams te g.yas nas bskor
 zhes ba'i don to/ /rim pa gsum pa zhes bya ba ni zlum por bskor ba gsum pa'o/ /mdun du zhes pa ni zlum pos bskor ba gnyis pa la shwar phyogs nas bskor ba ste ya yig las gzhan zhes pa'i don no/ /shar nas zhes bya ba ni shar phyogs nas bskor ba dag ste
 le'u tshe nas brtsams te g.yas nas bskor zhes pa lhag ma'o/ /d+hi? ti bi la sogs pa ste sngags zhes pa ste/ oM h+rI(rgyud 'grel bya zhe na/ gsungs pa/ mo ka zhes bya ba la sogs pa ste/ rab sngags dang bo na mo mthar zhes bya ba ni rab sngags dang po dang mthad? ni na ma zhes rtogs par bya'o/ /rab bsngags ni oM yig ste/ gang gi dang por rab bsngags 'di'i/ /oM h+rI(rgyud 'grel na na hUM zhes ba'i don to/ /sngags 'di'i mthar na ma'i sgra bri ba'o/ /mthar ces pa ni bsgrub bya'i yi ge mthar yi ge mdza' yang na ma'o/ /de dag ni zhi ba ste/ des na don 'di yin te/ oM h+rI(rgyud 'grel ta zhes bya ba ni dbang du bya ba'o/ /ngau Sha Ta zhes pa ni rgyal ba'o/ /hUM zhes pa ni bsad pa'o/ /phaT ces pa ni skrod pa'o/ /gzhan yang hUM gi yi ge gnyis byas te hUM phaT ces rtogs par bya'o/ /'di dag gis nye bar mtshon nas gzhan du yang ho zhes pa 'di lta bu
 dang por bya ste ji ltar rigs par bcod par bya ba'o/ /sa bon zhes pa sa bon dang 'dra ba sa bon te/ oM h+rI la sogs pa'i sa bon rnams so/ /tha mar zhes pa ni tha mar raM lhag ma ste bsad pa'o/ /h+rI zhes pa ni dgug pa'o/ /zhi ba dang skrod pa la sogs par byed ces
 pa'i don to/ /bsrung zhing 'khor lo'i rnam par bri ba la bsrung pa ni zhi ba'o/ /'di dag nye bar mtshon pa'o/ /de'i don gyis na 'khor lo ste 'khrul 'khor gnyis so/ /de'i rnam pa bri ba ni/ yang dag pa'i rim pa gnyis kyis nges par byas nas 'di la yang de bzhin te'o//
 le'u drug pa'i bshad pa rdzogs so// //sngar ma gsungs pa'i dkyil 'khor pa'i rnal 'byor ma bzhi'i zhal la sogs pa bstan pa'i don du gsungs pa/ zhal gsum zhes bya ba la sogs pa ste/ phyag na 'khor lo zhes pa 'dis gti
 mug gshin rje gshed kyi phyag 'tshan gyi gtso bo 'dzin pa'i phyir mtshan ma gzhan dang zhal yang gti mug gshin rje gshed dang 'dra ba'o/ /dgos pa bstan pa'i don du khrag dgug pa zhes bya ba la sogs pa ste/ sbyor ba las zhes pa'i rab tu sbyor ba'i
 sbyod yul las so/ /rdo rje phag mo zhal la sogs pa'i don du zhal gsum zhes bya ba la sogs pa ste mgon zhes pa ni phag gi gdong pa can no/ /phyag na rdo rje zhes pa/ 'dis rim pa ji lta ba bzhin du 'di yang zhe sdang gshin rje gshed dang 'dra ba'o/ /dgos pa
 bstan pa'i don du chang dgug pa zhes bya ba la sogs pa'o/ /rdo rje dbyangs can ma'i zhal la sogs pa'i don du zhal gsum zhes bya ba la sogs pa ste/ pad+ma dmar po 'dzin ces bya ba 'dis kyang rim pa ji lta ba bzhin du 'dod chags gshin rje gshed
 dang 'dra ba'o/ /dgos pa bstan pa'i don du gsungs pa/ shes rab 'phel zhes bya ba la sogs pa'o/ /rdo rje gau ri ma'i zhal la sogs pa bstan pa'i don du gsungs pa zhal gsum zhes bya ba la sogs pa ste/ 'di lta bus kyang phrag dog gshin rje
 gshed kyi zhal dang/ sku mdog gtsor bstan pa las/ 'di yang phrag dog gshin rje gshed dang 'dra ba'o/ /dgos pa bstan pa'i don gsungs pa/ khu ba dgug pa zhes bya ba la sogs pa'o/ /tsar tsi ka'i dgos pa bstan pa bshad pa'i don du
 gsungs pa/ de nas yang zhes bya ba la sogs pa ste/ khrag dgugs zhes bya ba ni gang gis khrag dgugs par byed pa de lta bu'o/ /de nyid ni rdo rje ste mi phyed pa'i phyir ro/ /de yang rdo rje tsar tsi ka'i gzugs te der sems gcig pas na de nyid ting nge 'dzin to//
 kha gdangs pa dag byas ba ni zhes bya ba ni lce la dza(rgyud 'grel rgyal bstan par blta bar bya zhing sngags brjod pa dang ldan pa'o/ /khams gsum ni 'jig rten gsum pa'o/ /khrag chen po ni khrag gi tshogs so/ /chang 'gugs pa'i rdo rje zhes bya ba ni sngar bzhin pa'i rdo rje phag mo'i gzugs so te/ 'dir
 gsungs zhes bya ba ni gsungs nas so/ /chad bzhag pa'i snod gsungs pa/ rdza mkhan lag pa phyis pa'i sa zhes pa ste/ kham pa'i snod byas pa'i rjes la lag pa phyis pa byas te gang 'jim pa rdza mkhan gyis bor pa de las
 so/ /nye bar byas la zhes pa ni thug gi tshad khru gang la kha'i zheng du mtho gang ba lto che ba der chang glugs la snod chung pa gzhan zhig dang ldan pas kha bcad pa'o/ /rkun ma'i skra'i steng zhes pa ni g.yangs pa'i skra las chun po byas te/ sngags rjes su
 drang bar bya zhes bya ba ni chad cung zad myos nas 'ongs te/ snod du blugs nas chad de la dza(rgyud 'grel rten ngag tu bstan ces pa ni/ oM ta de sha zhes bya ba'i gnas na pa ta na'i mchod rten yod pa ste/ der dpa' bo dang dpa' mo'i dkyil 'khor du bcom ldan 'das de dag nyid kyi cho gas 'jig rten gsum gyi chang 'gugs pa'o/ /de ltar yang
 rdo rje phag mo'i khyim de nyid nas chang gi dri zad pa med pa yod do/ /dal gyis dmigs nas 'bad par bya zhes pa ni pha rol gyi spyod yul ma yin te mi smra bas so/ /shes rab kyi pha rol tu phyin pa rdo rje zhes bya ba ni rab tu rnam par 'byed pa ste/ gzung
 ba dang 'dzin pa'i dngos po med pa'i ye shes ni shes rab po/ /de'i pha rol ni chos thams cad bdag med pa'i gnyis su med par shes pa'i mtshan nyid can no/ /phyin pa ni blo des na shes rab kyi pha rol tu phyin pa'o/ /de nyid mi phyed pas na rdo rje ste rdo rje
 dbyangs can ma'i gzugs so/ /ting nge 'dzin ces pa ni sngar gyi bzhin no/ /gzugs 'dis kyang brtsams pa la zhugs te zhag so sor zla bar bya'o/ /oM rA ga ra ti zhes pa ni sngags ni sngar gyi bsnyen pa'i yi ge 'bum bzlas par bya'o/ /rdo rje dbyangs
 can ma'i gzugs nyid kyi thams cad la bya'o/ /zhes pa ni man ngag go /chos kyi dang po nas bzung ste zhes bya ba ni dkar po'i chos nas bzung ste/ dus kyi nam gyi tshe zhes na/ gsungs pa/ ji srid ces bya ba la sogs pa ste gang cung zad brjod pa kun de
 yang dag par 'dus byas pa de nyid kyis so/ /de nyid kyi phyogs la yang ci nyid zhag de nyid la yang dag par 'dus pa de nyid dam zhe na/ gsungs pa/ ji srid zla ba'i rjes su 'jug pa zhes pa ste/ gang gi tshe zla ba shar ba dang der mngon par phyogs pa'o/ /mi
 nus na mdun du snod chus bkang la zla ba'i gzugs la blta zhes pa ni man ngag go /ma lus lus pa med pa ni/ zhes pa ni 'jig rten dang 'jig rten las 'das pa'o/ /khams gsum ma lus pa zhes pa ni 'jig rten gsum po kun kyang dbang du
 gyur ces bya ba'i don to/ /khu ba 'gugs pa la sogs pa ni snga ma bzhin no/ /rdo rje gau ri'i gzugs la zhes pa'i don to/ /rlung dang dril bu lcags kyu sbyor zhes bya ba ni/ oM ka ta ni zhes bya ba la sogs pa'i sngags brjod pa ste/ gang gi tshe dza yig gsum
 brjod par byas pa de'i tshe lce la dza yig dmar po'i 'od zer dang bcas pa'i 'byung ba'i rlung lcags kyu'i rnam pas nang du spu gu'i rnam pas khu ba bkug ste khar zhugs par blta bar bya'o/ /de'i tshe gang nas 'ongs zhe na/ sdang gyi dang sbyar bar bya
 ste/ khwa gdong zhes pa ni b+ha ga'i lam nas so/ /rdo rje lam nas zhes pa ni pho'i dbang po'i bu ga nas so/ /don ni 'di yin te lam de nas rlung dang dril bu lcags kyu'i sbyor ba 'di rab tu zhugs te mgo bo na gnas pa'i khu ba'i tshogs haM yig las bkug
 cing drang bar bya'o/ /bzlas dang bsgom pa zhes pa ni sngags bzlas pa dang lhar bsgom pa'i sbyor ba las so/ /gshin rje 'joms pa zhes bya ba ni nyon mongs pa ste zhe sdang gshin rje gshed kyi gzugs so/ /dbang bskur ba'i mchog ces pa ni sems
 can rjes su gzung ba la phul du gyur pas na mchog go /dbang bskur ba ni dbang gi rgyur gyur pa'i phyir ro/ /de'i dam tshig sngags te des na dbang bskur ba mchog gi dam tshig go /dkyil 'khor du zhugs pa'i don du me tog
 sbyin pa'i sngags so/ /don ni 'di yin te/ slob ma la mig ras bkab la dkyil 'khor khang pa'i phyi rol tu yol ba phub ste/ u dum ba ra zhes pa la sogs pa'i sngags kyi tshig 'dis lag par me tog sbyin par bya'o/ /me tog dor ba'i
 rjes la/ chu dang dbu rgyan gyi dbang sbyin pa dang/ gang gi tshe rdo rje dbang bskur ba de'i tshe khams gsum chen po'i la sogs pa'i sngags 'di yis sbyin par bya'o/ /rdo rje dril bu'i dbang bskur ba gsungs pa/ shes rab thabs zhes bya ba
 la sogs pa ste/ rdo rje khyod kyis bya ba ni de bzhin gshegs pa lnga'i ngo bo ni khyod do zhes dbugs dbyung de ba sbyin par bya'o/ /slob ma bsdu ba nyid du gyis zhes bya ba ni rjes su gnang ba'i sbyin pa'o/ /thabs dang shes rab las byung ba'i byang chub sems bza' 
 ba'i sngags gsungs pa/ btung ba rin po che 'dis ni/ rdo rje'i lus ni rab grub pa zhes pa'o/ /btung ba'i gnas skabs las dkyil 'khor du 'jug pa'i dam tshig gi chu btung pa'i don du gsungs pa/ thung zhig ces bya ba la sogs pa'o/ /don chen
 po'i rgyu'i phyir dang mi gtsang ba gsal ba'i don du gsungs/ shin tu dga' ba zhes bya ba la sogs pa ste/ bdag nyid che zhes bya ba ni yon tan chen po zhes pa'i don to// //le'u bdun pa'i bshad pa rdzogs so// //
 sngon du gsungs pa'i gsol ba btab pa'i rjes la/ dkyil 'khor bri ba'i don du sa gzhi yongs su gzung bar gsungs pa/ de nas rdo rje 'dzin ces bya ba la sogs pa ste/ bgegs dang log 'dren pa dang gdug pa can dag zhes ni lus dang ngag dang
 yid kyi dbye ba las so/ /brlag pa'i phyir ni gsal ba'i phyir ro/ /gsungs zhes pa ni sngags zhes lhag ma'o/ /ral gri 'chang zhes pa ni nye bar mtshon nas 'khor lo dang/ rin po che dang/ pad+ma dang/ rdo rje rnams byin la/ lnga cang lo yang sngags 'di brjod par bya'o/ /de ltar
 ral gri nye bar mtshon nas gcod par byed pa 'gegs par byed pa'o/ /rigs gsum las skyes pa ni/ lus dang ngag dang yid las yang dag par byung ba'o/ /sa'i lha dgug pa'i don du lha mo khyod ni zhes bya ba la sogs pa ste/ sangs rgyas thams cad pa zhes bya ba ni
 drug pa'i don gyi gnyis pa'o/ /dbang du gyur ces pa la dbang po ni legs pa mthong ba'i lam du gsungs pa/ de la de yod pas dbang po'o/ /dkyil 'khor du zhugs pa'i dam tshig dang bya ba gsungs pa/ dmar po'i gos kyis zhes bas ni ras kyis so/ /mdun sgor zhes
 pa shar sgor ro/ /dri ba brjod ces bya ba ni slob ma la zhes pa lhag ma'o/ /brjod pa yang slob ma yis zhes pa lhag ma'o/ /gsol ba gdab ces pa ni slob ma yis te/ nas sam dar dmar pos gdong bkris la me tog gzung ba'i rjes la'o/ /gsum zhes pa ni
 lan gsum du'o/ /rjes su brjod pa ni gsol ba gdab par byed pa ste/ sangs rgyas shes pa ni chos dang gang zag thams cad la bdag med par rtogs pa las chos kyi sku'i rang bzhin rnams kyis so/ /chos chen po zhes pa ni longs spyod rdzogs pa
 dang/ sprul pa'i sku yis te de dag gi sgo zhes pa'i don to/ /rdo rje sems dpa' zhes bya ba la rdo rje ni bla na med pa'i byang chub po/ /de la sems dpa' ni gang la bsam pa yod pa de lta bu'i don ni rdo rje sems dpa' zhes pa'i don to/ /bdag kyang bsgrub pa'i don
 du zhes pa ni bdag ni rang nyid do/ /bsgral ba ni bsrung ba'o/ /mchog ni mngon par 'dod pa'i don te dbang bskur ba zhes pa'i don to/ /bdag gi ni bdag la'o/ /de'i rjes la slob ma'i bya ba gsungs pa/ glu dang rol mo zhes bya ba la sogs pa ste bstod
 ces pa ni gti mug rdo rje'i rang bzhin khyod ces bya ba la sogs pa'o/ /stong pa nyid bsgom pa'i rjes la/ brjid pa gsungs pa/ oM shU n+ya zhes bya ba la sogs pa ste/ de'i don rnam par spyad pas ci dgos she na/ nye bar brjod pa de
 nyid 'bras bur gsungs pa'o/ /rab tu gnas pa dang/ slob ma'i bya ba la sogs pa'i dman pa'i skyon gsal ba'i don du sbyin sregs gsungs pa/ de nas sbyin sreg ces bya ba la sogs pa ste/ rgyas pa'i sems kyis zhes pa ni bu ram dang 'o
 ma zos pa'o/ /'dod pa ni chags pa'o/ /khro ba ni khro ba dang bcas pa'o/ /dkyil 'khor rnam pa ni thab khung zlum po'o/ /rdzing bu'i rnam pa ni gru bzhi pa'o/ /nam mkha' i khams 'dra ba ni gru gsum mo/ /rgyar bstan pa'i don du gsungs pa/ khru gang zhes
 bya ba la sogs pa ste/ ji ltar rgyas pa de bzhin dbang zhes pa 'di yang khru gnyis pa nyid do/ /ser nyi shu zhes pa ni sor nyi shu'i tshad do/ /thab khung rnams kyi zabs gsungs pa/ khru phyed ces bya ba la sogs pa ste/ lnga gnyis zhes pa ni sor
 bcu'o/ /dbang la ji ltar de bzhin dgug pa yang dbang gi thab khung dang mthun par ro/ /rengs pa la ma gsungs pa la yang rgyas pa'i thab khung dang 'dra ba yin te lha'i rnal 'byor dang mtshungs pa'i phyir ro/ /de bzhin du bskrad pa dang dbye ba
 dang gsad pa rnams kyang thab khung 'dra bar shes par bya'o/ /nyi ma'i nges pa bstan pa'i don du gsungs pa/ tshes gcig ces bya ba la sogs pa ste/ bcu bzhi ni nag po'i 'o/ /mngon spyod ni dbye ba dang bskrad pa dang gsad pa'o/ tshes
 brgyad ni dkar pa'i 'o/ /'dir man ngag ni 'di yin te/ dran pa med cing nus med pas gang zhig cho ga dman gyur na 'ang/ /rab gnas la sogs rjes la ni/ /sbyin sreg kun nas dgar bar bya/ /bsgrub bya du ma'i dbye ba yis/ /sbyin
 sregs dbye ba'ang mang por 'gyur/ /gzhung mang mdogs pa'i 'jigs pa yis/ /'dir ni phyogs tsam brjod pa'o/ /sngags dang phyag rgya bcas pa yis/ /dang por sa ni spyang ba ste/ /lag pa g.yas pa gzung bya zhing/ /de rjes rdo rje bsgoms te brdag /oM?
 ha na ha na krod+ha hUM phaT/ thab khung khru gang tshad du rko'o/ /bkos pa khru phyed zabs su gyur/ /de las bzhi dang kha khyer te/ /gzhi ni ge sar bcas par bya/ /kha khyer pad+ma kha bye ba'o/ /mchu dang zheng dang kun tu mnyam/ /so sor sor ni bzhi pa'o/ /brgyad la bzhi ni sor
 brgyad do/ /de dor 'phangs su sor brgyad de/ /sor brgyad pa la gru bzhi ste/ /mu khyud rdo rje mchan pa'o/ /dbang dang dgugs pa la ni rgyas pa bzhin du'o/ /zla ba phyed pa'i rnam pa'o/ /drag po las kyi thab khung la ni/ /gzhi dang kha khyer spangs pa'o/ /thabs khung de
 dag gi dbus su ni 'khor lo dang rin po che dang/ pad+ma dang/ ral gri dang/ rdo rje ste/ dbus su sor gcig la/ mchur sor brgyad pa bri bar bya'o/ /zhi pa'i rdul mtshon dkar po ste/ /rgyas pa'i rdul mtshon ser por bya/ /dbang la dmar po gzhan la gnag
 las kyi rab tu dbye bas so/ /phyogs dang dus kyi dbye bas ni/ /bden pa'i don du gsungs pa'o/ /phyogs la ji ltar de bzhin dus/ /mkhas pas las ni de der byed/ /sngags pas kha ni shar du phyogs/ /zhi ba las ni yang dag brtsam/ /rgyas pa byang du zhes bya
 ste/ /mngon spyod la ni lho ru'o/ /dbang la nub du brjod pa ste/ /gang phyir dgugs pa la yang ngo/ /snga dro zhi ba bya ba ste/ /dgongs mo la yang rgyas pa'o/ /nyi ma gung la drag po'i las/ /nam phyed la ning par dag go /sbyin sreg rjes mthun shing rnams
 ni/ /ma gas pa dang rtse mo'i cha/ /lo ma gnyis ldan dge pa'o/ /las kyi dbye bas bsdus pa ni/ /rgyas pa sor ni bcu bzhi ste/ /zhi ba ser ni bcu gnyis pa'o/ /dbang la sor ni bcu pa ste/ /dbye dang bskrad la sor ni brgyad/ /de bzhin zhi la? sha
 ka ra/ /dkar po'i 'bras ni ma grugs pa/ de bzhin dbang dang dgug pa dag /mar dang sprad dang ka rar bsres/ /me tog dmar po 'am utpa la/ /de bzhin pas dang rengs ba dag /me tog ser po mar la sngags/ /de bzhin du gsad pa
 ni tsher ma dang/ /dug dang/ ske tshe dang/ tshwa dang/ shing bskams 'khyogs po rnams chi ba'i mar gyis spags te de rnams bsreg par byed do/ /de bzhin du bskrad pa la bya rog chen po'i sgro sbyin sreg bya'o/ /da ltar gzhan dang gzhan dag ni rjes su 'brang
 te shes par bya'o/ /'bru dang shing rnams nyid dang ni/ /mchod yon snod ni g.yas su gzhag /rim pa ji ltar gzhag byas la/ /de kun mngon par sngags par bya/ /rgyas pas lag pa thal sbyar nas/ /dbu ma gnyis po brkyang byas la/ /thams
 cad dag dang byed pa'i phyag rgya'o/ /oM sh+rI swAhA/ mar dag par byed pa'i sngags so/ /oM swAhA/ rdzas 'khru ba'i sngags so/ /oM dzriM swAhA/ 'bru rnams dag par byed pa'i sngags so/ /oM rak+Sha rak+Sha swA hA/ rdzas gzhan rnams sbyod bar byed pa'i
 sngags so/ /oM a swAhA/ yaM shing sbyang ba'i sngags so/ /shing ni thab khung las dma' ba/ /thab khung sbyin sregs cha las 'byung/ /ku sha ra min rtse rdum min/ /rtse mo shar phyogs kha bstan pa/ /bkram nas yang ni rtse gcig tu/ kha khyer la
 ni dgram pa'o/ /tsan dan a ka ru shing rnams/ /gzhan rnams dri dang ldan pa'i shing/ /sbyin sreg rnam pas 'bar ba dang/ phyi nas yang ni me dgug bya/ /me yi dbus su bsam bya ba/ pad+ma nyi ma'i dkyil 'khor la/ /me yi lha ni spyan
 gsum pa/ /phyag bzhi zhal ni bzhi pa'o/ /g.yas pa mchog shing bgrang 'phreng dang/ g.yon pa dbyig gu spyi blugs so/ /kha dog las kyi rjes mthun par/ /sa bon raM las bsgom par bya/ /spos snod lag tu bzung byas la/ /oM tshur
 spyon tshur spyon 'byung po che/ /lha yi drang srong bram ze mchog /sreg blugs zhal zas ba zhes slad du/ /'di nyid du ni nye bar bzhugs/ /dgug pa'i tshigs su bcad pa'o/ /de la mchod yon zhabs bsil dbul/ /de la mchod yon gyi sngags ni/ 'di yin te/
 oM dza(rgyud 'grel dri sh+ya dza(rgyud 'grel sku gsungs byin gyis brlab/ /dbu la rin chen 'byung ldan te/ /lce la rdo rje rtse gsum mo/ /sreg blugs bzang po dbul bar bya/ /oM agna ye swAhA/ mar gyi'o/ /oM sarba pA paM da ha na badzra ya satwa pA pi da ha na swA hA/ til nag po'i 'o/ /oM puSh+Ta ye swAhA
 'bras sA lu ma grugs pa'i 'o/ /oM sarbba saM ba de swA hA/ 'bras can zho dang mchog tu gyur pa'i zan gyis so/ /oM sarbba Ti dzA ya swA hA/ 'bras kyi so ba gra ma med pa'o/ /oM mahA be gA ya swAhA/ /nas kyi'o/ /oM mahA ba lA ya swAhA/ /sran ma
 sha'i 'o/ /oM badzra g+hat+ma ri swAhA/ gro'i 'o/ cho ga 'di ni las thams cad pa'i ste mthun pa'o/ /khyad par du ni las dang rjes su mthun par sreg rdzas rnams khyad par gyi sngags kyis sbyin sreg bya'o/ /kha dog dri dang rtse me'i khyil/ /gzugs sgra
 sogs pa dge ba ste/ yon tan gyi ni dge ba yi/ /mi la sregs rdzas bsreg pa zhes/ /zhi ba la ni dkar ba ste/ /rgyas pa la ni ser po'i mdog /dbang la dmar po mngon spyod ni/ /kha dog nag po mchog tu 'gyur/ dbang po'i gzhu dang 'dag
 ba dang/ sbyin sreg g.yas su 'khyil ba mchog /rnga yi sgra bzhin zab pa dang/ /snum zhing rtse mo gcig tu 'khyil/ /du ba'i tshogs na mang zhing me stag bcas/ /rim pas langs shing dal bu dal bus te/ 'od zer dum bur ?
 cing gzi brjid ldan/ /snum med par snang gnag dang bcas/ /pa la sha'i mdog 'dra ba/ /rtse mo nyi ma dang ni mnyam pa'i mdog /de bzhi ni ba lang gi na mdog dang mtshungs/ /mi dge mtshan ma yang dag mthong/ /de lta bu la sogs pa mtshon
 pa'o/ /sbyin sreg gi mthar me 'bar ba zhi ba dang khyad par gyur pa'i me tog dang/ /spos la sogs pa'i mchod pa'i tshogs dang/ tshigs su bcad pa 'dis gshegs su gsol bar bya'o/ /bdag gi don dang gzhan gyi don/ /bsgrub te
 sreg blugs bzhes nas kyang/ ji lta'i dus su yang ni gshegs/ /bdag la dngos grub thams cad mdzod/ /me ni bsang par dka' ba ste/ /zhi dang rgyas pa'i sgrub pa la/ /chu ni dkar ser dbang sogs la/ /chu ni dmar dang nag po shis/ /
 oM gi li gi la hUM dza swAhA/ zhes bya ba 'dis thal ba spos dang ma tog dang/ rnga sgra dang bcas pas chu bo dag tu bskur bar bya'o/ /le'u brgyad pa'i bshad pa rdzogs so// //char dbab pa'i cho ga gsungs pa/ rgya mtsho'i sa
 zhes bya ba la sogs pa ste/ de'i ma rnyed pa'i phyogs la yang nye bar mtshon pa las te/ chu bo dang/ chu klung dang lteng ka dang/ rdzing dang/ lom shod dang/ khrom pa rnams kyi ngas gnyis nas blang bar bya'o/ /klu gcig ces
 pa ni 'jim pa las pad+ma 'dab ma brgyad pa'i dbus su chu bdag sprul gyi gdengs ka bdun pa/ skyes bu'i gdong pa can phyag gnyis pa/ g.yas ral gri 'dzin cing g.yon pa na zhags pa bsnams pa paM yig las skyes pa'o/ /shar
 phyogs kyi 'dab ma la mdza' yas utpa la sngon po ltar sngo bsangs/ /lho phyogs na nor rgyas dkar po/ /nub phyogs na 'jog po dmar po/ /byang phyogs na stobs rgyu nag po/ /mer pad+ma dmar po/ /bden bral du pad+ma chen po dkar po/ /
 rlung du dung skyong ser po/ /dbang ldan du rigs ldan sna tshogs so/ /de rnams kyang 'dzi bal ni gyi yig lan bdun du mngon par sngags te/ naM yig las skyes pa/ snying gar thal mo sbyar ba bzhag la/ sbrul gyi gdengs ka re re dang ldan pa lta bar bya'o/ /oM
 phu snying gar dgod ces pa ni/ oM h+rI(rgyud 'grel zhes bya ba ni/ snying gar bkod pa'i sngags de nyid bzlas par bya ste/ gshin rje gshed kyi rnal 'byor dang ldan zhing bdag nyid khros pa'i sems ni rgyan thams cad kyi sngon po/ /phyogs brgyad na gnas pa'i klu rnams kyi mjug ma dag dbus kyi chu bdun gyis
 yang dag par mnan zhing/ thams cad kyi mgo bo rnams kyang gshin rje gshed kyis mnan nas gnas bar blta zhing/ klu thams cad kyi gnas rnams su 'bar ba'i gzugs su yang nas yang du blta bar bya'o/ /gshin rje gshed kyi tshogs su gsal
 ba yi/ /phyag mtshan sna tshogs pas gzir ba dang ldan pa nyid kyang stong phrag bcur bzlas pa byas pas gdon mi za bar char 'bab bar 'gyur ro/ /gzhan dag tu mthong ba yang blangs nas 'di lta bu yang bya ste/ gshin rje gshed kyi dkyil 'khor bzheng
 su gsol bar byas la/ de nas rlung gi phyogs su rdzing bu cung du bya'o/ /de'i dbus su klu rnams kham phor kha sbyar du gzhugs par bya'o/ /glang po che myos pa ni mgo byug /klu gdul bar byed pas ni klu rnams la byug par bya/ ba nag mo'i 'o mas ni
 kham por dgang bar bya/ kham phor kha sbyar gyi skud pa nag pos bcings bar bya'o/ /mchod pa dang gtor ma la sogs pa dang/ dam tshig kyang bza' zhing drag po'i las kyi cha bsnyan pa dang ldan par bya'o/ /rgya mtsho'i brlabs rengs pa'i
 don du gsungs pa/ sprul nag po'i zhes bya ba la sogs pa ste/ sbrul nag po'i ni a la gar ta'i sha ste nim pa'i lo ma dang cha mnyam zhes pa lhag ma'o/ /ril bus zhes pa ni sran tsa na ga'i tshad tsam mo/ /bzlas pa khri byas zhes pa ni rengs pa'i cho ga yis
 stong phrag bcu bzlas par bya'o/ /rlabs rengs byed pa ni/ gang gi tshe rlabs byung bar gyur ba de'i tshe ri lu gcig skyur bar bya'o/ /tsan dan gyi 'bras bu brgya zhes pa ni/ da du ra'i 'bras bu nang na gnas pa'i sa bon rnams ni nyi shu lnga ste/ ma sha'i 'bras bu rnams
 kyang de tsam mo/ /'bras zhes pa ni ma grugs pa'i 'bras sA lu te/ de yang de dag tsam nyid do/ /de ltar brtsis pas brgya phrag gsum du gyur pa'o/ /'bum phrag brgyad ces pa ni dgug pa'i cho ga yis 'bum phrag brgyad mngon par bsngags pa ste/
 brgya phrag gsum zhes pa lhag ma'o/ /sbyin sreg la ni lha zhes pa ni/ dgugs pa'i rim pa tsan dan gyi dza dang/ 'bras bu sA lu rnams re re blangs pa las bsdoms pas sa bon rnam pa gsum mo/ /sbyin sreg ni sreg rdzas kun nas bsregs pa'o/ /lha
 zhes bya ba ni bcom ldan 'das gshin rje gshed nag po nyid de/ nges nye bar mtshon nas gang yang rung ba'i ming gis sbyin sreg byas pa de nyid mthong bar 'gyur ro/ /mthong ba nyid ni mngon par 'dod pa'i dngos grub po/ /yog pa'i shing zhes pa ni/
 shi ba'i ro la sregs pa'i phyed tsam tshig pa dbrugs? pa'i shing bu'i sol ba'o/ /smon pa'i khu ba dang btags zhes bya bar 'brel to/ /gri zhes pa ni dbang du bya ba'i cho ga yis/ /stong phrag bcu bzla bar bya'o/ /de ltar lhan cig tu bsgrubs
 nas gang gi tshe dgos pa de'i tshe gang la ltas pa de dbang du byed par 'gyur ro/ /tsa 'bum phrag bzhi bzlas zhes pa ni gti mug gshin rje gshed kyis te zhi ba'i cho ga la zhes pa'o/ /ming sbyin pa sngar ma mthong na ni mthong ba zhes te bzlas par bya ba'o/ /de ltar
 byas na gang yang rung ba la sbrul gyis zin pa de la lan bdun mngon par sngags pa'i yungs kar mngon par brdeg par bya'o/ /ri gshong sa ni blangs la zhes pa ni gang yang rung ba'i ri gshong nas sa'i cha dkar bo'i dum bu la rang gi lag pas mnan te/ sa 'og
 bzhin du kum la mthong bar gyur pa'i bar du ste/ zhi ba'i tshogs mgo nad ces spel ba'i sngags kyi mngon par bsngags par bya'o/ /ma 'ongs pa'i dus su yang ji srid nam mkha' i mdza' gtugs kyi bar du blo brtan pas byin gyis brlabs pa byas 'jim pa de yis de nas
 mgo nang can gang yang rung ba'i mgol byug bar bya'o/ /des nad mgo nyams par byad do/ /lan bdun mngon par sngags zhes pa ni/ zhi pa'i cho ga yis so/ /lag pa zhes bya ba lag par zla ba'i dkyil 'khor bsgoms pa las ba mo lta bu'i char ba'i rgyun gyis so//
 'byung mi 'gyur zhes pa ni ma 'ongs pa'i dus su yang skye bar mi 'gyur ro/ /nyams par byed ces pa ni skyes zin pa yang zhi bar byed pa'o/ /tshar bcad pa bstan pa'i don gsungs pa/ bram ze zhes bya ba la sogs pa ste/ thal ba zhes bya ba yis ni
 sog? ba yis so/ /dur khrod sa zhes bya ni 'jim pa dag gis so/ /gzugs brnyan ni ji ltar 'dod pa'i tshad ces lhag ma'o/ /rdo rje chen po ni rtse mo lnga ba'i rdo rje'o/ /a ba sya bya ni g.yon pa'o/ /Nri? mgo ni mi'am go bo'o/ /cher 'jigs pa ni 'jigs
 par byed pa can de/ zhal rnam par 'gyur ba la sogs pa rnams kyis so/ /bdud rtsi dang/ sha lnga yis zhes bya ba ni/ sha lnga po dang bdud rtsi lnga po dag go /rtag gsol gdab ces bya ni de'i rnal 'byor du dmigs la/ oM h+rI(rgyud 'grel sogs pa'i sngags dang/ dgra bo'i ming du spel la gsang ba'i cho gas bzla bar bya'o/ /'di skad brjod ces bya ba ni dus myur ba zhes pa'i don to/ /gang yang rung ba'i nyin zhag la zhes pa'i don to/ /tshar bcad gzhan dag
 bstan pa'i don du gsungs pa/ 'dra'i zhes bya ba la sogs pa ste/ rnam par snang mdzad ni bshad pa'o/ /mi'i rkang sdubs zhes bya ba ni bcangs pa'i rjes rang gi thug ma'i spu gu'o/ /'bum bsngas pa ni dgra'i ming dang spel ba sngar gyis so/ / 
 bskrad pa la ni bsgom pa ste/ 'khrul 'khor dang bral ba nyid kyis bzlas par byas nas so/ /shing gi rtser zhes ba ni sa ko ta'i shing dam ba ru ra'i shing gi rtse mo la'o/ /mnyes shes pa ni gang de shing las thab la rnam par snang mdzad gsal
 te/ rkang sbubs mar 'ba' zhig gis bkang nas dgra la zhi ba'i cho ga ba ste/ stong phrag brgyad cu bzlas pa byas na/ de'i tshe de bde bar 'gyur ro/ /gshin rje 'jigs pa zhes bya ba ni gshin rje 'jigs pa gang du ston pa de yang de bzhin no/ /le'u
 dgu pa'i bshad pa rdzogs so// //sngar gyi le'u ro langs bsgrub pa'i cho ga mdor bstan pa'i cho ga bshad pa'i don du gsungs pa/ shing la zhes bya ba la sogs pa ste/ shing la sbyangs pa zhes bya ba ni bsgegs pa'o//
 ma kod ces bya ba ni dman ba ma yin pa'i lus so/ /yan lag go /rma mad ni mtshon gyis ma rgyab pa'o/ /legs pa zhes pa ni ma rul pa'o/ /khrus shes pa ni dri bzang bos shes lhag ma'o/ /gzhan yang ro'i snying gar rang
 gi snying ka'i sa bon las 'jigs pa'i yi dags bkug pa ste/ lag pa ni gri gug dang thod pa can rab tu bcug ste/ me tog dang spos dang byug pa la sogs pas kyang mchod pa byas la de gan rkyal du byas pa de'i steng du sngags te de
 ru bzlas pa zhes pa'o/ /oM h+rI(rgyud 'grel pa'i don gsungs pa/ e ma'o/ zhes bya ba la sogs te/ 'o dod 'bod pa ni rnam par 'gyur ba'i sgra'o/ /'jigs med pa las cir 'gyur ba gsungs pa/ gang dang gang gis zhes bya ba la sogs pa ste/ gang bslangs pa zhes bya ba de ni sems kyis
 byed pa ste ral gri dang mig dman dang rkang mgyogs la sogs pa'o/ /bcom ldan 'das mgon po dpal gshin rje gshed nag bo'i gzugs kyi don dang 'jim pa las 'dus bya bar bstan ba gsungs pa/ ma ha sha'i zhes bya ba la sogs pa ste/
 gzugs zhes bya ba ni gzugs kyi don du 'jim ba bya ba'o/ /che ge mo de bdag la stsol ces bya ba ni de'i pha dang da'i ming dag rab tu sbel te/ de nas oM h+rI(rgyud 'grel bcu bzlas ba bya ste/ de bslangs pas de ster ro/ /mi ster bar gyur na de sdug bsngal bar gsungs pa/ gshin rje gshed po zhes bya ba la sogs pa'o/ /sngar ma gsungs pa'i tho ba gshin rje gshed la sogs pa sgo skyong bzhi'i zhal
 la sogs pa gsungs te/ zhal gsum zhes bya ba la sogs pa ste/ thams cad kyang zhe sdang gshin rje gshed kyi gzugs la/ khyad bar ni rdo rje'i gnas su tho ba'o/ /de ltar gti mug gshin rje gshed dang 'dra ba ni dbyig pa  
 gshin rje gshed de khyad par ni 'khor lo'i gnas su rdo rje dbyug pa'o/ /de ltar pad+ma dang ral gri gshin rje gshed kyang 'dod chags dang/ phrag dog gshin rje gshed dang thams cad kyi bdag nyid dang 'dra ba'o/ /ji ltar sngar gyis rim pas
 mngon par byang chub pa rnam pa lnga'i rjes la/ lha bsgom pa gsungs pa/ b+ha gar ling ga rnam par bsgoms pa la/ b+ha gar ling ga ni phul du gyur pa'i rnal 'byor las/ sa bon gyi yi ge rnam par bsgom pas skyes
 pa'o/ /don ni 'di yin te/ rang dang 'dra ba la snyoms par 'jug pa rdo rje sems dpa' gshin rje gshed kyi kha ru snying ga'i 'od zer gyis sangs rgyas thams cad bkug ste bcug pas zhu bar bya ste/ rdo rje'i lam nas lha mo'i pad+ma'i nang du
 ltung ba'i ya yig bor ba k+She ma med pa la sogs pa sa bon bcu drug po rnams yang dag par spros te gnas ji ltar bkod pa las dkyil 'khor bdag po rnam par bsgom zhes pa'o/ /chags pa dang rjes su chags pa shes rab dang bcas
 pa zhu bar bya ste/ /yaM gi yi ge yongs su rdzogs pa'o/ /de nas rnal 'byor ma rnams kyis yang dag par bskul bar gyur pa dang/ dkyil 'khor gyi bdag po zhe sdang chen po gshin rje gshed rdzogs par 'gyur ro/ /zhe sdang rjes
 dran/ zhes bya ba ni zhe sdang gshin rje gshed rdzogs par gyur nas so/ /gti mug rjes dran bsgom par bya zhes pa ni sa bon k+She yig las skyes pa'i gti mug gshin rje gshed bsgom par bya'o// //de ltar gong nas  
 gong nyid du rtogs par bya'o/ /lha'i 'khor lo rdzogs nas spro bar bstan pa'i don du spro bar bya zhes pa la sogs pa ste/ rigs kyi sprin zhes pa ni rang dang 'dra ba'i lha'i tshogs rnams so/ /so so zhes pa ni so so dang ldan pa'o/ /khro bo bzhi
 zhes pa ni tho ba la sogs pa bzhi po rnams so/ /gsal ba'i dkyil 'khor ni zla ba'i dkyil 'khor ro/ /le'u bcu pa'i bshad pa rdzogs so// //zhe sdang la sogs pa'i dbye ba'i dgos pa bstan pa'i don du gsungs
 pa/ zhe sdang gi mnan zhes bya ba la sogs pa ste gshin rje gshed po ni zhe sdang gshin rje gshed do/ /dam pa'i gzugs ni grib ma dang sgyu ma lta bu'o/ /de bzhin gti mug gis mnan zhes bya ba la sogs pa yang 'dis sogs par bya'o/ /sna tshogs
 pa'i gzugs kyang blos dbyer mi phyed par bya ba'i phyir gsungs pa/ bdag nyid kyis zhes bya ba la sogs pa ste/ bdag nyid dkyil 'khor dang dkyil 'khor pa la sogs pa thams cad du lhag par mos par bya'o/ /thams cad kyang bdag nyid las dbyer mi phyed do//
 zhes bya ba'i don to/ /rnal 'byor snying ga'i sa bon spro zhes pa ni ba spu'i khung bu'i rtse nas spro zhes pa la sogs pa sngar ji ltar gsungs pa de'o/ /de ltar byas pas cir 'gyur zhe na/ dngos grub ces pa ste grub pa'i mtshan ma mthong ba'o/ /de
 nas zhes bya ba la sogs pa ste/ spyod pa ni dgu pa ste bya ba'i khyad par te de'i mtshan nyid do/ /ci'i don du zhe na/ gsungs pa/ /gshin rje gshed po zhes bya ba la sogs pa ste sku gsung thugs su grub ces pa ni gshin rje gshed por
 gyur ces bya ba'i don to/ /spyod pa de nyid gsungs pa/ mgon po chen po zhes bya ba la sogs pa ste/ gang gi tshe 'dis cho ga de lta bus nus pa dang ldan par byas pa de'i tshe gshin rje gshed kyi dngos grub thob pa'o/ /de yang gang gis dus
 su bya bar nus she na gsungs pa/ nus pa cung zad ces bya ba la sogs pa ste/ skyes pa ni mngon du byas pa'o/ /brgya lam na bsgom pa tsam gyis ji lta ba ma yin no zhes pa'i don to/ /drug las skyes zhes pa ni dug las skyes pa dang
 'dra bas na drug la skyes te ro du ma dang ldan pa sna tshogs kyis chags pa dang rjes su chags par gyur pa zhes pa'i don to/ /nus pa gzhan dag kyang bstan pa'i don du rgyal mtshan zhes pa la sogs pa ste rgyal mtshan khyams ni dbyangs pa'i mi'o// 
 'o ma zhes pa ni'i sha ste snod la gnas pa'o/ /bdud rtsi myang ba la bsgom pa'i rim pas mngon du zhu bar bsgrub par byas pa'o/ /go ma goms par zhes pa ni bdud rtsi'i cho ga de bzhin du goms par byas pas so/ /phag
 mo'i gzugs su bya zhes pas ni/ ji skad gsungs pa'i phag mo'i gzugs su lhag par mos te rang nyid gshin rje gshed kyi gzugs su bsgom par bya zhes pa'i don to/ /de'i rjes la mdor bsdus pa'i gshin rje gshed kyi sgrub pa'i thabs 'bras
 bu dang bcas pa bstan pa'i don du gsungs pa/ de nas zhes bya ba la sogs pa ste/ 'dir yang mchod pa la sogs pa dang/ rdo rje gur gyi nang du son pa'i nam mkha' gnas pa'i sna tshogs rdo rje'i bar du thams cad mthun pa'o/ /sa bon ci la 'byung bar
 bsgom zhe na/ /gsungs pa/ yi ge sti zhes bya ba la sogs pa ste/ 'dir don ni 'di yin te/ sna tshogs rdo rje'i nang du re pha las nyi ma dang/ de'i steng du sti yig las skyes pa'o/ /ji ltar 'byung zhe na gsungs pa/ rdo rje'i dkyil 'khor la gnas pa
 zhes bya ba la sogs pa ste/ don ni 'di yin te/ ma he'i steng du nyi ma'i dkyil 'khor la gnas pa'o/ /mtshon cha bsten pa'i don du gsungs pa/ gang yang cung zad ces bya ba la sogs pa ste/ phyag rnams kyis zhes pa ni phrag rnams kyi'o/ /
 dbyig pa gshin rje gshed kyi yang phal cher ni phyag brgyad pa'i sgrub pa'i thabs nyid bzhin no/ /khyad par ni 'di nyid kyis sa bon yi ge h+ri ste/ gdong pa yang mi'i 'o/ /ri rab ji ltar mtho zhes pa ni de dang 'dra ba ste/ ri rab mnyam pa'o/ /
 zhal rnam par 'gyur ba la yang dbyig pa gshin rje gshed bzhin te/ yang de'i sa bon ni hUM yig ste/ de yis thams cad rdzogs pa'o/ /sngags kyi dub pa zhes bya ba ni rnal 'byor pa'o/ /rnyed sma zhes pa ni kun gyis smad pas na blangs pa
 dman pa la sogs pa las so/ /ga ro ni bong bu'o/ /kri stu ni ce sbyang ngo/ /snum chen ni mi'i mar khu'o/ /sngon po ni rams so/ /bsres zhes pa ni rams kyi lo ma'i khu ba dang cha mnyam pa'o/ /bril phyis bstan pa'i don du gsungs pa/ ro tsa na zhes pa
 la sogs pa ste/ ro tsa na ni rnam par snang mdzad do/ /de'i thog ma dang tha ma'i cha spangs te bar pa blang bar bya pa'o/ /so phag phye ma zhes bya ba ni chu'i nang du dus ring por gnas pa'i so phag go /phyed mnyam zhes pa ni ro tsa na la sogs pa cha mnyam
 pa ji tsam gyi tshad tsam du so phag gi phyed ma'i tshad ni de tsam mo/ /gser shing ni da du re te/ thams cad gcig du byas nas 'dis mnyes shing dril bar bya'o/ /gcig pa chen po ni mi'i dri chu'o/ /btung bar bya ba ni sna nas so/ /zhes pa lhag
 ma'o/ /rdo rje bdud rtsi ni byang chub kyi sems so/ /de dag re re zhig nas btung bar bya/ 'am zhes gsungs pa/ rang byung me tog btung de bzhin zhes pa ni bud med kyi khrag gis lhan cig sre ba'o/ /'di nye bar mtshon pa las de bzhin gshegs
 pa gzhan dag kyang rtogs par bya'o/ /'di'i sems ni don gsal bar byed pa ni/ le'u phyi mar gtor ma drug cu rtsa bzhi sbyin pa dbyig gu drug cu rtsa bzhi la zhes pa te mkhas pas 'dir rtogs par bya'o/ /le'u bcu gcig pa'i bshad pa
 rdzogs so// //dkyil 'khor gyi 'khor lo'i glu'i mchod pa bstan pa'i don du gsungs pa/ de nas zhes bya ba la sogs pa ste/ skyes bu chen po zhes bya ba la gnyug ma'i longs spyod rdzogs pa'i sku'i bdag nyid pas na chen
 po yin la/ gang gi phyir kun 'gengs par byed pa de nyid la skyes bu zhes mngon par brjod pas na skyes bu ste/ de yang 'gengs pa ni dkyil 'khor gyi 'khor lo'o/ /de'i dam tshig ni gang la nye bar spros te/ de nyid skyes bu chen po'i dam tshig ste
 dpal rdo rje sems dpa' o/ /tsar tstsi ka'i rnam pas ting nge 'dzin la snyoms par zhugs zhes pa ni/ rdo rje tsar tstsi ka'i gzugs su byed pa ste de bzhin du gzhan dag la yang ngo/ /'di brjod do zhes pa ni brjod zin pa'o/ /oM ?bde zhes
 pa ni a re re'o/ /gshin rje gshed nag ces bya ba ni gshin rje gshed nag po'o/ /bdag ces pa ni bdag nyid byams pa'i rang bzhin gyi tsar tstsi ka'o/ /khyod ces pa ni khyod la'o/ /mthong pa ni mthong nas so/ /'jigs pa ni rab tu 'jigs pas/ /
 bla ni bla ma'o/ /mthong zhes pa ni yongs su btang ba'o/ /khros pa'i rang bzhin ni khros pa'i ngo bo'o/ /rgya mtsho sa stengs sa 'og ni rgya mtsho dang/ mtho ris dang/ sa 'og dang/ sa stengs so/ /mig sman ni nag po btsag ces pa ni mig sman btsag dang 'dra
 ba nag po'o/ /de dag ni ma phag mos brjod pa'o/ /gnag cing zhes pa ni nag po kyi zhes pa'o/ /thung ba'i tshad ces pa ni thung ba lta bu'i tshad do/ /rnam pa mang po zhes pa ni rnam pa mang por ro/ sprul zhes pa ni sprul par byed pa'o/ /gzugs zhes pa ni gzugs
 su'o/ /rdo rje dbyangs can zhes pa ni rdo rje dbyangs can ma'o/ /bdud ces pa ni zhu bar byed pa'o/ /khyod ni gar zhes pa ni khyod kyi gar ro/ /bde chen rang bzhin zhes pa ni kye bde ba chen po'i rang bzhin no/ /rdo rje gau ris brjod pa gsungs pa/ h+rI(rgyud 'grel pa la sogs pa ste/ sol zhes pa ni spro bar byed pa'o/ /srid pa gsum gyi 'khrul pa ni khams gsum gyi 'khrul pa rnams so/ /snying rje yis ni khros pa ni kyi'i rdo rje'i khro bo rnams so/ /rje btsun ni dang sgrol lo/ /de mdzad ni de bzhin du mdzod cig pa'o//
 gang ni gang rnams so/ /'gro ba ni 'gro ba rnams so/ /bltas ni lta bar byed pa'o/ /bzlas pa mtshan nyid ces pa ni bzlas pa'i sngags brjod pa'i tshul lo/ /ring po ma yin zhes pa ni thung ngu la ring por brjod pa'o/ /thung min zhes pa ni ring po
 thung ngur byed pa ste/ /de dag ma yin pa'o/ /sngags ni cung zad thos par ro/ /zhes pa ni ji ltar gzhan gyis mi thos par te/ /de bzhin du bzlas zhes pa ni don to/ /gshin rje'i zhes pa ni gshin rje'o/ /gnyis za ni glang po'o/ /ba ji zhes pa ni rta'o/ /gdung zhes
 pa ni rus pa'o/ /bcu bzhi'i zhes pas ni nag po'o/ /sha lnga yis zhes pa ni gong ku nga ha na'i sha yis so/ /bzlas na zhes pa ni phreng ba la bzlas pa'o/ /mi'i mgo bo khrag 'dzag ces pa ni bcad ma thag gi khrag 'dzag pa'o/ /de lta bu min na 'gro ba nyid du
 lhag par mos par bzlas par bya'o/ /'byung po rnams zhes pa ni brgya byin la sogs pa rnams te mi rnams la gnod par byed pa'o/ /mkha' 'gro ma rnams kyis zhes pa ni gnyis pa'i don gyi drug pa'o/ /stong phrag dag la zhes pa ni stong phrag gis
 so/ /gsod par byed ces pa ni tshar gcod par byed pa'o/ /gshin rje gshed kyi sbyor ba yis zhes bya ba ni de la gshin rje gshed kyi rnal 'byor ji lta ba bzhin du byas pas 'byung pos gzung bar shes par byas la/ de'i tshe skyes bu de la snying ga'i sa
 bon gyis 'od zer gyis 'byung po la sogs pa dgug pa dang/ gzhug pa dang/ bcing ba ni/ dza(rgyud 'grel yang hUM yig las skyes pa'i rtse mo lnga pa'i rdo rje gnyis kyis ngos gnyis su btsir ba/ yang yig las byung ba'i rlung gi dkyil 'khor dang/ me'i dkyil 'khor 'bar ba yis 'og nas mgrin pa'i bar du bsregs par bsgrub bya blta bar
 bya'o/ /hUM yig 'bar ba las skyes pa dang 'dra ba'i yungs kar la brgya rtsa brgyad mngon par sngags pa'i nga rgyal gyis sngags bzlas shing brgya ba pas/ de'i lus nges par phug pa nyid da du blta bar byas nas nges pa nyid du grol bar 'gyur ro//
 yang na rang gi lag pa gnyis pa la hUM yig las skyes pa'i rdo rje 'bar ba nyis bsam par bya'o/ /bsgrub bya'i lus las 'byung po la sogs pa bkug pa'o/ /rdo rje gnyis kyi bar du chud par bya zhing de'i 'od zer gyis zin pa'i
 rang gi lag pa kha sbyar gyi dal bus mnye zhing bsu bar bya zhing sngags kyang bzlas par bya'o/ /de lta bus sam/ rkang pas kyang mnye bar bya'o/ sngon du bsnyen pa dang bral bas dgos pa mi grub pa bstan pa'i don gsungs pa/ 'bum bzlas na zhes bya ba
 la sogs pa'o/ /rnal 'byor bdag nyid ni lha'i rnal 'byor dang ldan pa'o/ /dngos grub ste zhes pa ni gshin rje gshed kyi gzugs thob pa'o/ /smos ci dgos zhes pa ni 'di yang mi rnams kyis dag gi spyod yul ma yin te sangs rgyas kyi spyod
 yul du byas pa'i phyir ro/ gcig pa chen po btung bar bya zhes pa la sogs pa la/ /de gang gi tshe btung bar bya zhe na/ re re las zhes pa ni don so so la'o/ /nyi ma so so lam rnyed na ci ltar bya zhe na/ zla ba re re la'o/ /zla ba re re la yang ma
 rnyed na gsungs pa/ lo re re? la ste gtor ma sbyin zhes bya ba la sogs par 'brel to/ /gtor ma zhes pa ni de bzhin gshegs pa rnams kyi mchod pa'i rnam pa ste/ nang gi bdag nyid can gyi sbyin sreg las so/ /gang nas she na sna nas
 so/ /drug cu rtsa bzhi zhes pa 'di yang dbyig gu zhes pa 'dir 'brel to/ /don ni 'di yin te/ bzhis lhag pa'i dbyig gu drug cu ni sdoms pa ste/ dbyig gu drug cu ni nyin zhag gcig la'o/ /nyin zhag gcig po de'i dbyig gu las cir 'gyur
 zhe na/ drug cu rtsa bzhir zhes pa ste/ drug cu rtsa bzhi la ni zhag gi lhag ma la zhes pa'i don to/ /'di'i man ngag kyang sna nas te/ dang por rnam par snang mdzad dang/ rin chen 'byung ldan dang/ snang ba mdza' yas dang/ mi bskyod
 pa dang/ don yod grub pa dang/ na ra la sogs pa'i bdag nyid rnams kyi so so zhing yang ra ti lnga'i tshad/ /mi skyod pa lhag pa la/ rdo rje sems dpa' i ni dngul chu zhes bya ba ste/ ra ti gcig btul te der bsre bar bya'o/ /rin chen 'byung ldan blang don nag?
 po dang sngo bsangs ma la ni nag po'i phyogs la blang bar bya'o/ /dkar po dang dkar sham la ni dkar ba'i phyogs la'o/ /gzhan yang gal te nag po dang/ dkar po'i phyogs zhes bya ba gang gis kyang mthun par grub pa de bzhin du ? nang bsres kyi dbye
 ba ni/ dkar po'i phyogs kyi tshes gcig bcu gnyis dang gsum la ni dkar po'i phyogs kyi dgos pa bsgrub par bya'o/ /bzhi pa dang/ lnga pa dang/ drug pa la ni nag po'i phyogs kyi dgos pa bya'o/ /de bzhin du bdun pa la sogs pa nyi ma gsum
 la dkar po'i phyogs kyi dgos pa'o/ /bcu pa la sogs pa'i nyi ma gsum la yang nag po'i phyogs kyi dgos pa'o/ /tshes bcu gsum la sogs pa'i nyi ma gsum la yang dkar po'i phyogs kyi dgos pa'o/ /ji skad gsungs pa las go
 rims bzlog pa yis nag po'i phyogs kyi tshes gcig la sogs pa nyi ma gsum la rtogs par bya'o/ /lung las ri bong can nyid nyi ma ste/ nyi ma ri bong can nyid do/ /ri bong can zhes bya ba 'dis ni dkar po'i phyogs yin la/ nyi ma
 ni nag po'i phyogs so zhes gsungs pa yin no/ /ji skad gsungs pa'i dkar po'i nyin mo dang/ mtshan mo'i lhag ma la sna bug g.yon pa nas blug par bya'o/ /mtshan mo'i lhag ma la yang sna bug g.yas pa'i bu ga nas so/ /
 de yang sna ru chu dang/ dbang chen sbyor bas sna bug g.yon par ste shin tu bzang pa ma yin blo/ /me dang rlung sbyor bas na 'bring po'o/ /sna bug g.yas par yang med na/ rlung dang sbyor ba ni thams cad du blugs par bya ba ma yin pa'o//
 rlung dang dbang chen sbyor ba de nyid tsam la sbyin par bya'o/ /de skad gsungs pa sa dang chu la bzang po'i las/ rlung dang me la nag po'o/ /zla ba bzang po yang dag rig /'od rno ba la 'bring po'o/ /gal te nyi ma'i rlung dang
 mer/ nges par yang ni 'chi ba ste/ /de nyid zla ba byung gyur na/ /shin tu sdug bsngal ster ba min/ zhes pa'o/ /sbyor ba rnams ba bzhi ni rlung dang/ dbang chen dang me dang chu zhes bya ste/ rim pa ji lta ba bzhin du logs dang steng dang dbus dang
 'og rnams nas rlung rab tu rgyu ba'i mtshan nyid do/ /bya ba gzhan dag la yang sbyor ba 'di nyid las dge ba dang mi dge ba'i mtshan ma rnams su rang nyid shes par byas pa'o/ /gang zhig rtag tu gshin rje gshed kyi rnal 'byor dang ldan pa de'i gang byas
 pa ni gshin rje gshed kyi bya ba ste/ de thob pa la ni cung zad kyang brjod par bya ba ma yin no/ /gang yang goms par bya ba ma yin pa de la ni 'di lta bus lhag par mos par bya ba yin te/ de'i phyir gsungs pa/ rtag tu cung zad ci zad dang/ zhes
 bya ba la sogs pa'o/ /gzhan yang bza' zhes pa ni me tog dang thig le la sogs pa la'o/ /phud dbul zhes pa ni thog ma nyid kyi bshos gtsang ngo/ /bla ma mnyes pas thams cad 'grub pas de la dbul ba'i don du gsungs pa/ de nas zhes
 bya ba la sogs pa ste/ yon ni phul du gyur pa'i yin no/ /nye bar 'khor ba'i khyad par kun ces pa ni/ gang dag 'khor zhing btub pa rnams te/ de'i khyad par ro/ /de dag gsal bar byed pa de la de skad ces bya'o/ /le'u bcu
 gnyis pa'i bshad pa rdzogs so// //bcom ldan 'das kyis phyag mtshan bstan pa'i don du gsungs pa/ de nas zhes bya ba la sogs pa ste/ sdig pa'i las ni ji snyed pa zhes pa la/ sdig pa'i las ni sdug bsngal
 ba'o/ /shugs can ni ral kri'o/ /nyon mongs pa ni 'dod chags la sogs pa ste nye bar mtshon pa las so/ /ji skad gsungs pa gzhan dag las yang rnam par dag pa rtogs par bya'o/ /nam mkha' i khams kyi dbus gnas bsam zhes pa ni/ bdun po rnam par dag
 pa dang/ bla na med pa'i mchod pa dang/ /tshangs pa'i gnas bzhi bsgoms pa'i rjes la/ 'gro ba gzung ba dang 'dzin pa'i rang bzhin la stong pa nyid du bsgoms pas rmi lam lta bur byas la/ /thogs par bya ba dang bral ba bdag nyid 'byung ba chen po nam mkha' ste/
 nam mkha' i phyogs su bsgom par bya'o/ /der ci zhe na gsungs pa/ nyi ma'i dkyil 'khor te/ re pha las byung ba pa'o zhes lhag ma'o/ /rtse lnga pa zhes pa ni hUM yig las sna tshogs rdo rje'o/ /gnas der zhes pa ni/ gzhi gzhal yas khang zhes pa'o/ /
 de'i don 'di yin te/ rdo rje ra ba dang/ rdo rje gur gyi nang du gnas pa'i sna tshogs rdo rje'i mu khyud la gnas pa'i 'byung ba chen po bzhi yongs su gyur pa las gzhal yas khang ngo/ /de bzhin du phyis kyi dag po la yang dkyil 'khor gyi 'khor lo'i nang
 du rtogs par bya'o/ /d+hi zhes pa ni sa bon nye bar bkod pa ste/ 'dir yang sngar bzhin du mngon par byang chub pa rnam pa lnga la sogs pa ste/ khyad par ni nyi ma dang/ zla ba dang/ rdo rje dang/ sa bon gyur pa las zhu ba dang/ zhu ba las bzheng pa
 dang/ yang rdo rjer gnas pa dang/ sa bon nyid ni rdo rje sems dpa' o/ /de dag yongs su gyur pa las bcom ldan 'das ma de nyid skyes pa'o/ /de'i thugs kar sa bon las dkyil 'khor ba'i lha rnams spro bar bya'o/ /phyag ces pa ni g.yas pa'i phyag
 gi gtso bo'o/ /gzhan dag ces pa ni lnga po rnams su'o/ /ral gri dang/ gri gug dang/ 'khor lo dang/ pad+ma dang/ tho ba rnams so/ /rdo rje mkha' 'gro ma la sogs pa 'di rnams ni zhe sdang gshin rje gshed la sogs pa bzhin zhal gsum pa
 phyag bcu drug pa rnams so/ /lA skye ni dkar zhing sngo bsgeg ba'i cha byad do/ /phreng ba ma ser po zhes bya ba ni phreng ba bsnams pa'o/ /gar ma dmar po gar sgyur ba'o/ /glu ma slob bsangs glu len pa'o/ /de rnams kyang zhal gcig phyag
 gnyis pa'o/ /de bzhin gzhan zhes bya ba ni/ sgo rnams su tho ba dang gshin rje gshed la sogs pa ste/ sngar bzhin no/ /grwa rnams su yang 'dir ma gsungs med kyi thod pa rnam pa bzhi'o/ /oM badzra DA ki ni zhes bya ba la sogs pa ni
 bzlas pa'i sngags so/ /bsgom pa dang sngags kyi dgos pa gsungs pa/ ring ba'i zhes bya ba la sogs pa ste/ ring ba nas thos pa ni ring pa'i thos pa'o/ /yang dag gnas zhes bya ba ni g.yon brgyang bas gnas pa'o/ /rin chen
 thor cog ces bya ba ni rin po che'i dbu rgyan no/ /ral gri zhes pa ni g.yas pa'i phyag du'o/ /sdigs mdzub zhags pa zhes pa ni g.yon pa'i phyag du'o/ /spyan ma zhes bya ba ni sku mdog dkar mo'o/ /phyag g.yas pa na 'khor lo 'dzin pa'o/ /
 mA ma kI ni sngon mo phyag g.yas pa rdo rje 'dzin pa'o/ /gos dkar mo ni dmar mo phyag g.yas pa ni pad+ma 'dzin pa'o/ /sgrol ma ni ljang gu phyag g.yas pa na ral gri 'dzin pa'o/ /lha mo thams cad kyang zhabs g.yon brgyad ba/ g.yon
 pa'i phyag sdigs mdzub dang zhags pa bsnams pa'o/ /me tog ma ni dkar mo phyag na me tog phreng ba can no/ /spos me ma ni sngon? mo spos kyis snod bsnams pa'o/ /mar me ma dmar mo mar me'i sdong bu 'dzin pa'o/ /byug pa ma mi ljang khu dri'i
 dung phor 'grin pa'o/ /'di dag ni g.yas brkyang bas gnas shing gar gyis bskyings par byed pa'o/ /thob la sogs pa rnams ni sngar gyi bzhin no zhes lhag ma'o/ /las kyi cho ga mthong nas ni zhes bya ba ni/ /bcom ldan 'das
 bskyed pa'o brjes la/ de'i snying ga'i sa bon nyid las lha thams cad spro bar bya'o/ /bdun pa'i rgyal po zhes pa ni rta'i mchog go /bsgom par bya zhes pa ni sngar gyi bzhin no/ /g.yas pa zhes pa ni g.yas pa'i phyag go /sngags ni phu? gsum der grig? su
 mo/ /ji ltar phyag rgya ma gsungs pa dang/ ma bshad ba ni de yang de bzhin gshegs pa rnams kyi khang dog gi rjes su 'brangs nas rtogs par bya'o/ /lha mo rnams kyis kha dog la sogs pa'i dbye ba yang sngar gyi dkyil 'khor bzhin du bya la/ /bdag
 po'i zhal phyag ji lta ba zhes bya ba ni bdag po ste/ gtso bo bzhin du phyag gnyis ma/ /ha'i? zhal gdong gcig pa/ de'i phyag mtshan 'dzin pa'o/ /sngags 'di yis ni zhes pa ni rta mchog gi snying ga na gnas pa'i haM yig nyid do/ /'byung zhes
 pa ni spro ba'o/ /smyug ma'i gling bu la sogs pa ni rang rang gi ming gi mtshan ma 'dzin pa'o/ /gdong bzang ma dang gdong ngan ma zhes pa ni brda tsam du zad do/ /'di dag kyang yang dag par ma khro bo'i cha byad can no/ /kha dog gi dbye ba ni
 sngar gyi bzhin no/ /sgo skyong rnams kyi rim pa ji ltar phyag g.yas pa rnams su phyag mtshan 'dzin par gsungs pa/ gtun shing zhes bya ba la sogs pa'o/ /rdo rje sa 'og gi sngags ma gsungs pa brjod pa'i don du ji ltar rta mchog ces bya
 ba la sogs pa ste/ de'i phyi na rdo rje la 'og gi sdogs nyid do/ /sa bon gyi yi ge ni h+ri yig dag go /mkha' la zhes pas ni nam mkha' la'o/ /khams ni 'jig rten gsum po/ /dngos grub nges par ston pa zhes bya ba ni/ dngos grub rnams
 kyis 'og gi bu gar 'jug pa la sogs pa rnams so/ /gang du nges par bstan pa de la de skad ces bya'o/ /le'u bcu gsum pa'i bshad pa rdzogs so// //dkyil 'khor bzhengs su gsol ba'i don du thig gdab pa gsungs pa
 de la zhes bya ba la sogs pa la/ de la zhes bya ba ni sa yongs su bzung ba dang/ sbyang ba bya ba'i sa gzhi la'o/ /mchog ces pa ni mngon par 'dod bas na'o/ /dam tshig ces pa ni/ ye shes thig skud ces bya ba ni//
 bar bya ba ma yin ba'i phyir/ a kA ro mu khaM zhes bya ba la sogs pa ste/ sngags 'dis thig skud byin gyis brlabs bar bya'o/ /rnam par snang mdzad ni gti mug gshin rje gshed yin la/ gshin rje mthar byed ni zhe sdang gshin rje gshed do/ /
 ye shes ni yak+She ma med ces pa'i yi ge rnam pa lnga'o/ /des bskyed pas thig bskud ni ye shes thig mchog go /de lta bas na rtse mo'i rtse mo'i/ /shin tu mnyam gzhag ces pa ni/ shar la sogs pa'i phyogs kyi go rims bzhin no/ /de ci
 dkyil 'khor chen bo dam tshig yin zhe na/ gsungs ba oM A(rgyud 'grel pa'o/ /sdom phra bstan pa'i don du gsungs pa/ sgo'i zhes ba'o/ /rdo rje chen po la gsol ba gdab pa'i dam tshig ces bya ba/ rdo rje ni rdo rje slob dpon te/ de la dkyil 'khor du gzhug pa'i don du'o/ /gsol ba gdab pa ni zhu ba'o//
 de'i don gyis ni dam tshig ste de brjod pa'o/ /de nyid gsungs pa/ e ma'o/ zhes bya ba la sogs pa'o/ /sa yongs su bzung ba'i dam tshig ces pa ni/ sa gzhi yongs su bzung ba'i sngags so/ /de'i dgos pa ji lta bu zhe na/ gsungs
 la/ rdo rje zhes bya ba la sogs pa ste/ dgug pa zhes pa ni mngon du bya'o/ /de yang tshigs su bcad pa'i sngags gang yin zhe na/ gsungs pa/ lha mo khyod ni zhes bya ba la sogs ba'o/ /thig skud sgo'i nyi shu cha'i sbom phra
 gsungs pa de nyid mi shes so zhe na/ sgo'i tshad gsungs pa/ dkyil 'khor brgyad cha zhes bya ba la sogs pa ste/ brgyad cha zhes pa ni dkyil 'khor khru gang gi dbang du byas na sor gsum mo/ /bzhengs su gsol zhes pa ni rdul mtshon dgye ba cang?
 dag bar bris nas so/ /khyams chen zhes bya ba la/ chen po yang de yin la/ khyams kyang yin pas khyams chen te/ de yang chen po ni lha'i gtso bor bzhugs pa'i gnas yin pa'i phyir te/ nang gi rim pa zhes pa'i the tshom go /yid du 'ong
 zhes bya ba ni/ ri mo lnga'i sa dang 'brel ba la ni/ rkang pa gcig gis mchog ba'i mtheb gang dang/ tshon gyi sa dang/ 'brel ba la ni mthe bo phye dang gnyis dang/ rdo rje phreng ba dang 'brel ba ni rkang pa gcig gis mchog pa'i mtheb gang
 ngo/ /de bzhin du ngos bzhi char la yang mthe bo gsum gsum dor bas mthe bo bco brgyad po de la legs par spras pa zhes bya ste/ sa gzhi de nyid la sna tshogs pa'i ka ba zheng du rkang pa gcig gis mchog mthe ba gang pa bris pa le tshe
 dgu'i bdag nyid du byas pa'o/ /sgo khyud ces pa ni sgo'i tshon sna lnga'o/ /sgo tsam zhes pa ni mchur gsum mo/ /de tsam zhes ba ni sgo tsam ste/ mthe bong gsum gyi tshad do/ /lha'i snam bu zhes bya ba la rdul tshon gyi snam bu la lar gyis dgod
 pa ma yin no zhe na/ de'i don du 'dir ni thod pa rnams su gsungs te/ grwa rnams su sor mo gsum gyi tshad tsam mo/ /sgo'i ngos gnyis su yang bum ba gnyis ste/ thams cad dkar po dang ldan ba'o/ /yang lha'i snam? bu zhes bya ba la
 mchod pa'i sna bur bri ba'i don du gsungs pa/ rdo rje lha mo zhes bya ba la sogs pa'o/ /khyams de'i chang ji tsam zhe na gsungs pa/ /mchod rnams zhes bya ba la sogs pa ste/ phyed kyi zhes pa ni mthe bo phye dang gnyis so/ /'gram zhes pa?
 ni mu khyud kyi steng du gang mtshon lnga'i ngos de nyid 'gram mo/ /de'i steng du gang tshon sna lnga dang nye bde ni logs so/ /de tsam mo zhes bya ba ni de dag gnyis/ la yang mthe bo phye dang gnyis kyi tshad tsam mo/ /lha'i snam bu las
 phyi rol tu mtheb gang ba'i rkang ba'i tshad kyi rin chen snam bur bor bar/ gang dra ba dang/ dra ba phyed ba'i snam bu de nyid mthe bo phye dang gnyis kyi tshad do/ /zhes brjod pa ni dra ba dra ba pa la sogs pa zhes te/ snam bu de'i tshed du rtogs par bya zhes pa lhag
 ma'o/ /de'i phyed cis pa ni sgo'i phyed ces te/ mthe bo phye dang gnyis so /rtsa ba'i thig ces pa ni nang gi rim pa'i rdo rjer ba'i phyi rol dang/ ri mo las kyang phyi rol lo/ /ri mo'i dkyil 'khor la ye shes kyi dkyil 'khor gzhug pa'i don du gsung
 pa/ de la zhes bya ba la sogs pa la/ snying po chen po zhes bya ba ni de bzhin gshegs pa rnams dang 'brel ba'i phyir/ bcud du gyur ba'i phyir na chen po yin la snying po yang de yin pas snying po chen po'o/ /rnam par dgod ces pa ni
 nam mkha' i phyogs las bkug ste gnas par bya ba'o/ /bdag nyid 'khor lo zhes bya ba ni rdul tshon gyi 'khor lo dang mnyam pa'i ye shes kyi 'khor lo zhes bya ba'i tshig go /rang gi phyag rgya ni rang gi shes rab ste/ gshin rje gshed kyi rnal
 'byor dang ldan pas lhag ma'o/ /bsten zhes ba ni dbang po gnyis snyoms par 'jug par byed pa'o/ /dam tshig yi ge zhes ba ni byang chub kyi sems bskyed bas so/ /dkyil 'khor zhes ba ni rdu tshon gyi dkyil 'khor la ye shes kyi
 'khor lo bkug nas gcig tu byas pa'o/ /de'i rab tu bsgrub pa ni bsad gtor bya ba'o/ /gang gi tshe dkyil 'khor la sogs pa rab tu gnas pa la byang chub sems mngon du bskyed bar mi nus pa des na bsgoms pas kyang bya ba'o//
 de bzhin du bum pa bcu bya ba ni stobs che ba/ mchu 'phyang zhing 'grin ba ring ba/ rdo rgyus kyis dkar por byas pa dbus kyi bum pa'i ngos la sna tshogs pad+ma dang/ nyi ma la gnas pa'i rdo rje rtse lnga pa'o/ /shar phyogs kyi bum pa'i ngos la sna tshogs pad+ma
 dang/ zla ba la gnas pa'i 'khor lo rtsibs brgyad pa'o/ /de bzhin du lho phyogs la sogs pa gzhan gsum pa la yang sna tshogs pad+ma dang/ nyi ma la gnas pa'i rin po che dang pad+ma dang/ /ral gri rnams bri bar bya ba'o/ /me'i mtshams su rang
 sna tshogs pad+ma dang/ zla ba la gnas pa'i spyan gnyis so/ /bden bral la sogs pa gsum po rnams su yang sna tshogs pad+ma dang/ zla ba la gnas pa'i rdo rje dang/ pad+ma dmar po dang/ gser gyi utpa la rnams kyis mtshan pa'o/ /las
 thams cad pa la sna tshogs pad+ma dang/ nyi ma la gnas pa'i bdud rtsi 'khyil pa'i mtshan ma ste rdo rje rtse lnga pa bri bar bya'o/ /bum pa de rnams kyang/ dzam+bU dang/ tsu ta dang/ bi dza pu ra dang/ ma du ka ra dang/ dzin yan ta'i shing rnams kyi
 le mas la brgyan pa'o/ /rdo rje'i ske can la/ gser dang/ dngul dang/ zangs dang/ mu min bya ru ste rin po che lnga dang ldan pa'o/ /so ba dang/ ma sha dang/ nas dang/ gro dang/ til rnams kyang nang du'o/ /a pa ra tsi d+ha dkar po
 dang/ 'bri ha ti dang/ kaN+Ta ka ri dang/ sa ha de ba dang/ bi sha de ba rnams te/ sman lnga dang ldan ba'o/ /de nas dbus kyi rnam par rgyal ba'i bum pa la me tog gi phreng ba gdags par bya'o/ /bum pa brgyad po gzhan rnams yang de nyid
 kyi me tog gi phreng ba dang sbrel zhing dags par bya'o/ /rnam par rgyal ba'i bum pa'i kha ru rdo rje bzhag ste/ rab tu gzhag pa'i lha'i 'am/ de'i rigs kyi sngags brgya rtsa brgyad bzla bar bya'o/ /shar la sogs pa'i bum pa rnams la
 ni oM dang/ A(rgyud 'grel pa'i sngags bzhi po sngar bzhin du bzla bar bya'o/ /bdud rtsi 'khyil pa'i bum pa la yang/ oM hUM swA hA zhes pa'i sngags brgya rtsa brgyad bzlas te/ byang phyogs su bzhag par bya'o/ /thams cad kyang g.yas phyogs nas bskor te/ gzhag bar
 bya'o/ dgongs mo'i dus su song ba dang/ zhag de'i lhag ma dang/ dus bzang po la rab tu gnas pa dang/ rdul tshon gyi dkyil 'khor dang mthun pa'i lha rnams dang/ rang gi snying ga'i sa bon gyi 'od zer gyis bkug ste/ 'di rim pa
 bzhin du mchod yon la sogs pa sbyin par bya'o/ /mchod yon gyi rim pa 'di yin te/ gser dang dngul dang nya phyis dung/ /rdo dang 'jim pa zangs kyi snod/ /'di dag mchod yon snod yin te/ /ma 'byor shing lo snod kyis bya/ /
 mchod yon gyi snod bstan pa'o/ /dri zhim chu dang 'o ma mngar/ /chu gtsang me tog dkar po rnams/ /ji ltar rnyed pa'i snod nang bzhag /spos kyis bdug cing mngon par sngags/ /de dag ni mchod yon bsgrub pa'i cho ga'o/ /zhi dang rgyas
 sogs sgrub pa las/ /las dang rjes su mthun pa ru/ /dkar po ser po dmar po ljang/ /dri dang chu sogs de bzhin sbyar/ /mchod yon gyi cho ga'i dbye ba'o/ /me tog spos dang mar me dang/ dri yi dung sogs g.yas su bzhag /
 g.yon du sngags kyi mchod yon snod/ /snod rnams mdun du bzhag par bya/ /mchod yon gyi snod dgos pa'o/ /yi ge gsum mam sangs rgyas lnga'i sngags ni rgyud las ci gsungs pa/ mchod yon la sogs g.yas su bya/ /ji
 ltar rgyud kyi rjes 'brangs la/ /zhi ba'i mthar ru b+hu sha ta/ rgyas pa po pu sha ta'i mdza' / /gsang pa hUM phaT mdza' yis so/ /dgug dang dbang la dza dang h+ri/ /mchod yon mngon par sngags pa'o/ /dang por dri zhim chu dbul bya/ /sbrang dang 'o ma
 gnyis po'o/ /gsum po ru ni dag pa'i chu/ /bzhi pa me tog dang ldan pa'o/ /dri zhim chu ni dung chos nas/ /zhabs bsil du ni dbul bar bya/ /oM ni diM hUM khaM hUM padyA/ 'o ma sbrang ni zhal du ste/ /ku sha'i chun pos bsang gtor nas/ /yang ni
 chu gtsang 'ba' zhig la/ /mchod yon sngags ni bzlas pa nyid/ /oM sarbba sam sho d+ha ni hUM phaT/ zhal bsil ni 'thor 'thung ngo/ /mthe bo mdzub mo me tog blang/ mthe bo mthe'u chung dgrol bya ste/ me tog ldan pas mched par bya/ /zhabs
 bsil bzed zhal chos bzangs su/ /nye reg de bzhin lcags snod du/ /rdzas gzhan man 'ji'i steng gnas pa'i/ /gser la sog pa'i gnod du dbul/ /de'i phyi nas rdul tshon gyi dkyil 'khor dang mthun pa'i lha'i 'khor lo
 rnams/ /dza:- hUM baM ho:- zhes pa 'dis dgug pa dang/ gzhug pa dang/ bcing ba dang/ dbang du bya ba la mig la sogs pa byin gyis brlab pa dang/ yi ge gsum byin gyis brlab pa dang/ dbang bskur ba dang/ de bzhin
 gshegs pa'i phyag rgya yang bya ste/ me long du dkyil 'khor gyi gzugs brnyan snang ba dang/ dang por rnam pa lngas bkru bar bya ste/ oM sarbba ta thA ga ta kA ya bi sho d+ha ni zhes pa'i sngags kyis so/ /de bzhin du b+h+ruM dziM khaM hUM zhes pa'i
 sngags kyis dri zhim pa'i mar khus byug par bya'o/ /sngags 'di nyid shun lpags lnga legs par btags pas kyang byug par bya'o/ /de bzhin du oM sarbba ta thA ga tA b+hi She ka badzra swA b+hA bA t+ma ko haM zhes pa 'dis dri zhim pas byug ste/ bkru bar
 bya'o/ /de nas gtsang zhing gtsang mar sbyar ba yis/ /lha rdzas bzang po'i me tog 'di/ bdag ni gus bar 'bul lags na/ /bzhes te bdag la bka' drin gsol/ /me tog 'bul ba'o/ /nags tshal bcud ni
 yid du 'ong/ /dri yis rgyas pa'i dri mchog 'di/ /bdag ni gus pas 'bul lags na/ /bzhes te bdag la bka' drin gsol/ /spos dbul ba'o/ /gdon rnams 'joms shing bkra shis la/ /dge zhing mun ba rnam sel ba/ /bdag
 ni dad bas 'bul lags na/ /bzhes te bdag la bka' drin gsol/ /mar me dbul ba'o/ /lhan cig skyes dang sbyar zhing dag /shangs la tshim byed dri 'di rnams/ /bdag gis gus pas dbul lags na/ /bzhes te bdag la
 bka' drin gsol/ /bshos gtsang thams cad yang dag ldan/ /bza' dang bca' bar ldan bcas pa/ /kha dog dri dang ro ldan ba/ /dbul gyi so sor bzhes su gsol/ /de ltar mchod pa rnam pa lnga dbul bar byas la/ ji lta sangs
 rgyas thams cad kyang/ dga' ldan gnas na yang dag bzhugs/ /lha mo sgyu 'phrul lhums su gnas/ /de bzhin 'drir bzhugs bstan par mdzod/ /mgon por rtag tu 'dir bzhugs par/ /gyur nas me tog la sogs
 'di/ bzhes nas bdag la rtser dgongs te/ /byang chub sems ni 'phel bar mdzod/ /de'i sdus pa'i dus su/ /oM gI li gI li hUM dza swA hA/ zhes pa 'dis rdul tshon bsdu bar byas la/ snod gtsang mar rdul tshon rnams
 blug te/ sngag de nyid kyis chu bor rab tu dor ro/ /'di nyid kyi rim pa thams cad ni/ bris sku rab tu gnas pa la yang ste/ gshegs su gsol ba ni ma yin no/ /slob ma'i bya ba la yang bum pa dang/ dkyil 'khor la
 sogs pa thams cad bya'o/ /rgyud 'dir gsungs pa'i slob ma'i cho ga ni phyogs cig tsam du bstan pas na/ de tsam gyis bya ba ma yin te/ mthun mod du gsungs pa mdor bsdus te brjod par bya'o/ /de la bris sku la ni de bzhin
 gshegs pa rnam pa lnga ste/ rnal 'byor ma bzhi mtshan ma dang bcas pa'i bum pa gcig ste/ rin po che lnga dang/ sman lnga dang/ 'bru lnga dang/ snying po lnga dang/ dri zhim pa'i chu yis gang ba'o/ /oM a big+hA n+ta kri ta hUM phaT zhes pa'i
 sngags kyis brgya rtsa brgyad bzlas/ shing pa la was kha brgyan zhing mgul pa ras kyis bkris pa/ me tog dang spos la sogs pas mchod de mdun du bzhag par bya'o/ /de nas slob mas maN+Dal byas la/ me tog gi phreng ba rnams bzung ste
 pus mo g.yas pa'i lha nga sa la gtsugs la/ sngags kyi theg pa'i snod du gyur par gsol ba 'debs pa'i don du sngags kyi dngos grub don gnyer gang/ /dkyil 'khor 'dir ni gzhug par bya/ /de las gzhan pa bsod nams 'dod/ /gzhan
 yang 'jig rten pha rol gnyer/ /'jig rten pha rol la dmigs nas/ /dad ba chen por byed pa yi/ /blo ldan dkyil 'khor du ni gzhug /'di'i 'bras bu 'dod mi bya/ /'di yi 'bras bu 'dod gyur na/ /'jig rten pha rol 'gyur ba min/ /skyes bu 'jig
 rten pha rol gnyer/ /dka' ba med par 'di 'bras 'grub ces rna bar bsgrag par bya'o/ /de lta bu'i slob ma de rang nyid lha'i rnal 'byor du byas pa'i lus blos bcug la/ rang gi rdo rje nas phyung la/ rang snang ba'i pad+mar gnas pa la/ de bzhin
 gshegs pa zhu bas bskur te byung nas dkyil 'khor gyi shar phyogs kyi sgor tsog tsog por 'dug ste/ 'jug pa'i don du gsol ba gdab pa/ khyod ni bdag ston dpa' bo che/ mA ma kI dang mnyam sbyor ldan/ /mgon po chen po
 bdag 'tshal lo/ /byang chub chen po'i tshul bstan pa/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun te/ /skabs gsum dag kyang bdag la
 stsol/ /thar pa chen po'i grong khyer du/ /mgon po bdag ni 'jug par 'dod/ /ces slob ma'i gtso bo gcig la byas la/ bu tshur theg pa chen po la/ /gsang sngags tshul gyi cho ga ni/ /khyod ni yang dag bstan par bya/ /khyod
 ni theg chen gnod yin no/ /zhes brjod la/ dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang/ /sangs rgyas byang chub yid kyis gzung zhes bya ba gsum pa de
 skyabs su 'gro ba'i tshigs su bcad pa lan gsum du brjod pa'i slob ma de rnams la/ oM A bignAn+ta krita hUM phaT/ ces pa bdud rtsi 'khyil pa'i sngags kyis kun bsrung ba byas la/ de rnams kyi snying ga dang/ mgrin ba dang/ mgo
 bor nyi ma gnas pa'i rdo rje sngon po dang/ zla ba dmar po la gnas pa'i 'khor lo dkar po rtsibs brgyad pa'i lte ba rnams la/ rim pa ji lta ba bzhin du hUM/ A(rgyud 'grel g.yas bar rdo rje bzung ste/ slob ma rnams kyi snying ga dang/ mgrin pa dang/ mtshogs mar reg cing/ hUM A(rgyud 'grel gar sbyin par bya'o/ /de dag ni slob ma lhag par gnas pa'o/ /de nas gtor ma sbyin te/ rang gi lha'i rnal 'byor sngon du song ba dang ldan pas so/ /rang nyid slob ma 'jug pa'i cho gas dkyil 'khor du 'jug pa nas
 brtsams te/ rjes su gnang pa'i dbang bskur ba'i bar du bcom ldan 'das la blo yis blangs te/ bden pa'i don du gsol ba gdab par bya'o/ /chos rnams gzugs brnyan lta bu ste/ /dag cing gsal ba rnyog pa med/ /gzung ba med cing brjod
 du med/ /rgyu dang las las kun tu byung/ /de bzhin de nyid las byung ba/ /bden pa de yis dkyil 'khor ni/ /gzugs bsnyan dang mtshungs slob ma yis/ /sdig med gsal bar mthong bar shog /de nas yol ba'i phyi rol tu yon phul
 ba'i slob ma re re zhing yang rnam par snang mdzad kyi gzugs su dmigs la/ a khaM bir hUM zhes pa'i sngags kyis lan bdun mngon par bsngags kyis lan bdun mngon par bsngags pa'i me tog lag tu byin nas gdong ras bkab ste bum pa'i
 chus bsangs la dri bar bya'o/ /khyod su yin/ ci la dga' / des smras pa/ skal ba dang ldan pa ni bdag ste/ bde ba chen por ro/ de nas de'i snying gar rdo rje bzhag /oM sarbba yo ga tsit+totpa ta ya mi/ /su ra te sa ma ya stwaM/ ho sid+d+hi badzra ya tha su
 khaM/ de nas hUM dza hUM zhes pa'i sngags 'dis bkug ste/ yol pa'i nang du gzhug cing dkyil 'khor gyi sgor bzhag pas brjod par bya ba ni dkyil 'khor ma mthong ba rnams la smra bar bya ba ma yin zhing/ dam tshig nyams par ma gyur cig ces pa'o//
 mgo bor rdo rje bzhag la/ gal te tshul 'di smras par gyur pa yin no/ dam tshig gi rdo rje 'dis mgo 'gas par byed do/ /de nas rdo rje me tog dang bcas par snying gar bzhag la brjed par bya ste/ oM rdo rje sems dpa' deng khyod kyis/ /
 snying la yang dag zhugs pa ste/ /gal te tshul 'dis smras pa ni/ /de ma thag tu dral te gshegs/ /'dis mna' bsgag par bya ste/ /pad+ma'i snod du bdud rtsi lnga gzhag la/ /yi ge gsum gyis byin gyis brlab ste/ oM badzrA mri tong+ga tha zhes pa
 lan bdun du bzlas la/ 'di ni khyod kyi dmyal ba'i chu/ /dam tshig 'das na bsreg bar byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub ces brjod la blud bar bya'o/ /de nas slob mas
 'di skad brjod par bya/ deng nas brtsams te/ khyod kyi phyag na rdo rje nga yin pas ngas gang ci bsgo ba de dag thams cad bya dgos so/ /khyod kyis nga la yang brnyas bar ma byed cig /yang ba ma spangs par dus byas nas sems can
 dmyal bar lhung bar gyur ta re zhes dam tshig gi chu blud par bya'o/ /de nas slob mas 'di skad brjod par bya ste/ de bzhin gshegs pa thams cad kyis byin gyis brlabs la rdo rje sems dpa' bdag la dbab tu gsol ces ba'o//
 de nas slob ma'i snying gar laM ser po las byung ba'i dbang chen gyi dkyil 'khor gru bzhi pa rdo rjes mtshan pa la hUM yig nag po gnas pa'o/ /mtshogs mar chu'i dkyil 'khor baM yig las byung ba dkar zhing zlum pa bum pas
 mtshan bas haM yig dkar po kha mthur du bltas pa gnas pa'o/ /mgrin par yaM yig nag po las byung ba'i rlung gi dkyil 'khor gzhu'i rnam par ba dan g.yo bas mtshan bar dmar po gnas ba'o/ /rkang pa ni rlung gi dkyil
 'khor gyis pus pas me'i dkyil 'khor gru gsum 'od zer 'bar ba la gnas pa'i dze yig dkar po 'od zer dang bcas pa bsam ste/ bsgyings ba dang bcas pas dril bu la brol zhing a be sha ya staM b+ha ya raM raM raM tsA la ya tsA la ya hUM
 hA dze zhes brjod pas 'bebs par byed do/ /phebs par gyur nas lce la a yig dmar po bsams te/ sna la snang ba mdza' yas kyi gzugs bsam bar bya'o/ /de nas smros shig ces pas dge ba dang mi dge ba smra par
 'gyur/ /brjod ba shes nas oM tiSh+Tha badzra zhes pas bstan par byas la/ khyod kyi mig gis ji ltar mthong zhes dri bar bya'o/ /dri bar byas pa dkar po dang/ ser po dang/ dmar po dang/ nag po rnams snang zhes des smras na/ zhi ba dang/
 rgyas ba dang/ dbang dang/ sngon spyod kyi dngos grub rnams kyi snod du 'gyur ro/ /zhes bstan par bya'o/ /de nas bden pa'i byin gyis brlabs bya ste/ bdag gis dkyil 'khor 'di ru ni/ /slob ma yang dag gzhug bar bgyi/ /ji ltar bsod
 nams de bzhin shog /lha'i rigs kyi rig ba dag /dngos grub 'di ni gang grub pa/ /gang gi rigs kyi snod du 'gyur/ /gang la bsod nams ci yod pa/ /dkyil 'khor 'dir ni de bzhin shog /de nas me tog gcig dkyil 'khor
 du dor bar bya ste/ pra tIts+tsha badzra ho zhes ba 'dis so/ /de nas me tog dor ba las/ /dman pa dang mchog la sogs pa'i dngos grub mtshon bar bya ste/ de la gal te sangs rgyas rnams kyi dbu 'am/ mtshogs ma 'am/ spyi gtsug
 tu lhung na ni/ de'i tshe phyag rgya chen po'i dngos grub tu 'gyur ro/ /gal te spyan nam zhal du lhung ba de'i tshe sngags kyi dngos grub tu 'gyur la/ /yan lag mchog tu lhung na mchog dang/ yan lag 'bring po la ni 'bring po dang/ /smas
 kyi cha la ni tha ma 'grub pa'o/ /sku las ring du lhung na tha mas 'grub la/ /nye bar gyur na myur du 'grub pa'o/ /lha rnams kyi rang rang gi gnas su ni le'u tshes ri mos bcad par shes par bya'o/ /gang gi tshe gnyis par du lhung bar gyur pa
 de'i tshe/ me tog gang la nye bar gyur ba de'i rigs su 'gyur ro/ /dkyil 'khor gyi phyi rol tu lhung na ni/ dman ba'i dngos grub du 'gyur ro/ gal te ri mo lhung ba de'i tshe yang dor bar 'gyur ro/ lan gsum du dor bas
 de'i tshe de nyid du lhung na dngos grub med la/ rdo rje phreng ba'i phyi rol tu lhung na nang du lhung ba tsam gyis yang dka' ba'o/ /de dag ni me tog dor ba'i cho ga'o/ /de nas me tog blangs te/ slob ma'i mgo la bcings te/ pra
 ti grih+na swa mi mar spra bas ha ba la zhes brjod pas so/ /de nas mig gnyis yi ge oM bsams te/ oM rdo rje sems dpa' dang khyod kyi/ /mig 'byed ba ni brtson ba ste/ mig ni thams cad 'byed mdzad ba/ /rdo rje mig ni bla med pa zhes brjod la/
 gdong g.yogs dgrol bar bya'o/ de dag ni dkyil 'khor du gzhug ba'i cho ga'o/ /da ni dbang bskur ba brjod par bya ste/ byang chub rdo rje sangs rgyas la/ /mchod rten ji ltar gsal ba bzhin/ /bdag kyang bsgral ba'i don du ni/ /nam
 mkha' rdo rje deng bdag gsol/ /ces gsol ba 'debs pa dang ldan pa'i slob ma rnam par snang mdzad kyi gzugs su dmigs la rang gi rig ma skyes bu'i chu/ /bum pa brgyad pos thams cad de/ /rdo rje thugs su rab bsgoms
 nas/ /rdo rje can gyi dbang bskur bya/ /khu tshur dang bcas pa nas chu blugs la/ sangs rgyas kun gyi byin pa yi/ gsang gsum gnas las byung ba yi/ /khams gsum kun gyi phyag mdzad pa/ /rdo rje'i dbang bskur chen
 po'o/ /badzra a b+hi Shiny+tsa zhes brjod pas ni/ /slob ma 'khor lo sgyur ba lta bu'i dbang bskur bya'o/ /de dag ni chu'i dbang bskur ba'i cho ga ste/ me long lta bu'i ye shes so/ /de'i rjes la gser ram/ /gos la sogs pa'i las
 bsrung ba'i dbu rgyan slob ma'i mgo la bcings la rin chen 'byung ldan gyi sbyor ba las nam mkha' i phyogs na bzhugs ba'i de bzhin gshegs pa thams cad dbu rgyan la rigs kyi gzugs su gnas par blta bar bya'o/ /de dag ni
 dbu rgyan gyi dbang bskur ba ste mnyam pa nyid kyi ye shes so/ /de nas rdo rje chen po'i rtse lnga pa snying gar rang gi lag pas gzung la dbang bskur rdo rje sems zhes brjod do/ /slob ma snang ba mdza' yas bya/ /sangs rgyas rdo rje'i dbang bskur bya/ /'di
 de sangs rgyas thams cad kyi/ /shin tu grub phyir rdo rje zung/ /zhes brjod cing rdo rje snying ga dang/ mgrin pa dang/ mtshogs ma rnams su reg par byas te/ lag pa g.yas pas rdo rje sbyin par bya'o/ /de dag ni rdo rje'i dbang bskur ba'i cho ga ste/
 so sor rtog pa'i ye shes so/ /de nas don yod grub pa'i gzugs su dmigs shing lag pa g.yon pa'i dril bu byin la/ rdo rje dril bu ldan pa dag gi 'khyud pa'i tshul du byas la/ oM badzra ti ba ti ? bi She ka ta/ zhes bya ba ni dril bu'i dbang bskur
 ba'i cho ga ste/ bya ba grub ba'i ye shes so/ /de nas mi bskyod par bsams la/ ming gi dbang bskur ba yang sbyin par bya ste/ mgo bor rdo rje dang dril bu sbyin bar byas la/ oM badzra sa twA stwam b+hi shiny+tsa mi badzra nA mA b+hi She ka ta/ kye dpal gti
 mug rdo rje/ kye dpal 'dod chags rdo rje/ kye dpal zhe sdang rdo rje/ zhes pa la sogs pa rigs dang rjes su mthun pa'i ming gdags bar bya'o/ /zhes pa ni ming gi dbang bskur ba'i cho ga ste/ shin tu rnam par dag pa'i chos kyi dbyings kyi
 ye shes so/ /de ltar dbang bskur ba rnam ba lnga po de dag ni rigs pa'i dbang bskur zhes brjod do/ /thams cad kyang spyan la sogs pa'i rig pa'i bya ba la 'jug pas shes pas so/ /de'i rjes la rdo rje slob dpon dbang bskur bas/ kyE bdag
 la stsol cig snying rje'i mchog /rang gzhan don gyi nus par 'gyur/ /ji ltar bdag la deng gsol cig /ces gsol ba 'debs pa'i slob ma ste/ seng+ge'i stan la gzhag ste/ sna tshogs pad+ma 'dab ma brgyad ba'i steng rdo rje sems
 dpa' i gzugs su dmigs la/ hUM las byung ba'i rdo rje byin la/ thog mdza' med pa'i sems dpa' ni/ /rdo rje sems dpa' dga' ba che/ /kun tu bzang po kun bdag nyid/ /rdo rje snyems bdag bdag po'i bdag /
 bcom ldan 'das dpal mchog dang po'i skyes bu'i/ zhes bya ba ni/ de kho na nyid gzung bar bya'o/ /de'i rjes la a yig las byung ba'i dril bu dang/ 'di ni sangs rgyas thams cad kyi/ /shes rab dbyangs can rjes 'gror bshad/ /khyod
 kyis kyang ni rtag tu zung/ /byang chub mchog tu rgyal ba bzhed ces pa 'dis lag pa g.yon par dril bu sbyin par bya zhing/ /srid pa ngo bo nyid kyis dag /ngo bo nyid kyis srid bral bya/ /rang bzhin dag pa'i sems dpa' mchog /srid pa yi ni mchog
 tu brjod ces brjod la/ slob mas dril bu dkrol bar bya'o/ /de'i rjes la yid kyi gzugs ni bstan pa'i phyir/ /phyag rgya dam tshig ces su brjod/ /gang tshe kun gyi gzugs su bstan/ /de ni phyag rgya rab tu grags/ zhes pa 'dis rang
 nyid lha'i gzugs kyi nang gi bdag nyid can gyi phyag rgya chen por byin gyis brlabs nas 'khyud bar bya'o/ /slob dpon gyis de'i tshe rang gi snying ga'i sa bon las byung ba'i lha rnams kyi tshogs nam mkha' la gnas pa rnams kyis dbang bskur
 bar bsam par bya ste/ sangs rgyas kun gyi spyin pa yi/ /gsang gsum gnas nas byung ba yi/ /khams gsum kun gyis phyag byas pa/ /rdo rje dbang bskur chen po'o/ /zhes pas dbang bskur ba'o/ /de skad du yang gsungs
 pa/ shes rab bcu drug lon pa la/ /lag pa dag gis yang dag 'khyud/ /rdo rje dril bu mnyam sbyor bas/ /slon dpon gyi ni dbang du 'dod/ /ces pa'o/ /de nas slob ma rnam par snang mdzad kyi gzugs su dmigs pa
 la/ rjes su snang ba sbyin par bya ste/ sems can kun la phan pa'i phyir/ /'jig rten kun la thams cad du/ /ji ltar sna tshogs 'dul 'gyur ba/ /chos kyi 'khor lo rab tu bskor zhes pa'o/ /chos kyi gnas su rin po dang/ rdo rje dang/
 pad+ma dang/ ral gri'i sgra bcug pa'i rim pa las tshigs su bcad pa rnam pa lnga ni rjes su snang bar sbyin pa'o/ /de'i rjes la mi bskyod pa'i gzugs su dmigs la/ 'di de sangs rgyas thams cad kyi/ /rdo rje sems dpa' i phyag ni gnas/ khyod?
 kyis kyang ni rtag tu zung/ /phyag na rdo rje brtul zhugs brtan/ zhes pa 'dis hUM las byung ba'i rdo rje slob ma'i lag tu sbyin par bya/ oM sarbba ta thA ga ta sa ma ya badzra tiSh+The Sha stwaM d+ha ra ya mi/ hi hi hi hi hUM zhes slob ma la brjod par byas nas rdo rje'i
 brtul zhugs blang bar bya'o/ /zhes pa ni rdo rje'i brtul zhugs sbyin par bya'o/ /de nas bdag nyid sangs rgyas kyi gzugs su bsams te/ snying gar g.yon pa'i khu tshur gyis chos gos kyi grwa nas bzung ste/ g.yas pa mchog sbyin pa'i
 phyag rgya bcas nas/ slob ma gang gi rigs de'i gzugs su dmigs nas lung bstan bar bya ste/ oM 'di ni ngas khyod lung bstan phyir rdo rje sems dpa' de bzhin gshegs/ /srid pa'i ngan 'gro rnams las bton/ /srid pa'i mchog 'di?
 'grub par byed/ /kye de bzhin gshegs pa che ge mo/ /khyod ni dam tshig bsgrub pa'o/ /b+hur b+hu ba swa zhis lung bstan byas la/ gang 'di lta bu'i chos 'byung ba'i phyag rgyas lung ston par byed pa ste/ de ni de bzhin gshegs pa thams cad
 dang/ de ni 'khor gyi byang chub sems dpa' dang bcas pa'i dkyil 'khor rnams kyis mgrin gcig tu bla na med pa yang dag par rdzogs pa'i byang chub tu lung ston par byed do/ /gang 'di lta bu nyid ni chos 'byung ba'i phyag rgya ste/ byin
 gyis brlabs kyis stobs te/ 'di ni sngags kyi stobs so zhes dad par bya'o zhes brjod do/ /de dag gis lung bstan pa'o/ /de'i rjes la/ ma hA sa ma ya hUM phaT ces brjod cing dbugs 'byung ba sbyin par bya ste/
 gsang ba'i dkyil 'khor mchog tu ni/ /zhugs shing mthong ba dam pa ste/ /sdig pa kun las grol bar gnas/ /khyod ni de ring bzang por 'dod/ /theg pa chen po bde chen 'dir/ /yang ni 'chi ba yod min te/ /srid pa'i
 sdug bsngal las rgal ba'o/ /byang chub sems ni spang mi bya/ /rdo rje zhes pa'i phyag rgya ste/ /gang zhig skyes pa tsam gyis ni/ /sangs rgyas nyid du the tshom med/ /dam pa'i chos ni spang mi bya/ /nam yang bor bar bya ba min/ /mi shes
 pa'ang rmongs pa la/ /de ni bstan par mi bya'o/ /rdo rje dril bu'i phyag rgya yang/ /nam yang spang bar mi bya'o/ /slob dpon dag kyang smad mi bya/ /de ni sangs rgyas kun dang mnyam/ /rang dag yongs su spangs nas su/ /dka' thub
 rnams kyis gdung mi bya/ /ji ltar bde bar bde ba bzung/ /'di ni ma 'ongs rdzogs sangs rgyas/ de ring slob dpon dkyil 'khor gyur/ /sangs rgyas byang chub sems dpa' dang/ /lha rnams kun gyi mthun par gsungs/
 sems can rjes su brtse don du/ /khyod kyi dkyil 'khor cho ga bzhin/ /nan tan gyis ni bri bar gyis/ /sgrub po rnams kyang rgyud la sbyor/ zhes pa ni dbugs dbyung sbyin pa'o/ /rjes su gnang ba la sogs pa bzhi po 'di
 rnams ni dbang bskur ba rnam pa lnga'i rjes la 'am slob dpon gyis dbang bskur ba'i rjes la sbyin par bya'o/ /slob dpon gyis dbang bskur ba nyid ni phyir mi ldog ba'i dbang bskur ba zhes brjod do/ /dbang bskur ba lnga dang/
 slob dpon gyi dbang bskur ba la ni bum pa'i dbang bskur ba zhes brjod de/ thams cad kyang bum pa'i bya ba las 'jug pas so/ /dbang bskur ba drug po 'di dag ni rgyud de kun dad me 'gal ba'o/ /de dag ni slob dpon gyis dbang bskur ba ste/
 rdo rje'i lus su rnam par dag pa'o/ /de'i rjes la yol ba la sogs pa rnams kyis dben par byas pa'i phyogs su slob ma gsang ba'i dbang bskur ba'i don du skal ba dang ldan pas phul te nges par byung ba'i gnas skabs su gsol ba gdab par
 bya'o/ /byang chub rdo rje sangs rgyas la/ /mchod chen ji ltar stsal ba bzhin/ /bdag kyang rab tu bsgral slad du/ /nam mkha' i rdo rje bdag la gsol/ /bla mas kyang lha'i rnal 'byor du lhag par mos te/ rang rig pa mngon du byas la/ /nam
 mkha' i khams mi 'tsher ba yis/ /shes rab kyi ni pad byung ste/ /shes rab gdong ni gtsang ba dang/ /thabs kyi gdong yang de bzhin te/ /mthe bo srin lag lag gis ni/ /slob ma'i kha ru lhung bar bya/ /des kyang a ho su kha zhes brjod
 cing longs spyod kyi sbubs su gzhug par bya ste/ rnam par snang mdzad kyi bdag nyid du son pa'o/ /des kyang langs te de lta bu nyid kyis sbyin par bya'o/ /de dag ni gsang ba'i dbang bskur ba ste/ rdo rje'i ngag rnam par dag pa'o/ /
 de'i rjes la slob ma'i lag tu ste/ /phyag rgya lag tu gtad bya zhing/ /de bzhin gshegs rnams dbang por byas/ /spyi bor rdo rje yang dag gzung/ /bla ma rdo rje can gyis brjod/ /'di ni khyod zung legs pa yin/ /sangs rgyas kun gyis
 brtan par gsungs/ /'khor lo bskor ba'i rnam 'byor gyis/ /dam pa'i bde ba yang dag brtsam/ /'jig rten gsum 'di dag pa ste/ /gzhan gyis kyang ni sangs rgyas min/ /de bas lhan cig mi gnas par/ /khyod kyis chags?
 yang bya ba min/ /'di ni sangs rgyas thams cad kyi/ /rig pa'i brtul zhugs bla na med/ /rmongs pa gang zhig 'da' byed pa/ /bla med dngos grub 'byung mi 'gyur/ zhes brjod la/ slob ma'i phyir de sbyin par
 bya'o/ /de nas rang nyid lha'i bdag po'i rnal 'byor gyis/ de'i mtshogs ma dang/ snying ga dang/ lte ba dang/ gsang ba dang/ brla rnams su rim pa ji lta ba bzhin du/ oM hUM swA A hA zhes pa'i rigs sngags kyi tshogs su bya'o//
 de'i rjes la hUM gis as pad+ma dang rdo rje ste/ de dag gi ze 'bru la yang a dang aM yig go /bug sgor yang phaT ser po bsam par byas la/ /oM pad+ma su ka da ra ma hA ra ga su khaM da da tsa du ran+na ta baka bi sha hUM hUM karyaM ku ru sha me zhes bya
 bas pad+ma byin gyis brlab pa dang/ oM badzra ma hA de sha tsa du ran+na ta da ya ka kha mu ge ka ra so nA tha hUM hUM karyaM ku ru sha me zhes pas rdo rje byin gyis brlab pa'o/ /de nas b+ha gar g.yon gyis rtsa gnas pa/ /rdo rje dbyings kyi dbang
 phyug ma zhes byas/ cung zad sor mos bskyod byas na/ /de yis bla ma'i bka' la shes/ /de'i rjes la/ oM sarbba ta thA ga tA nu rA ga na badzra swa b+hA bAt+ma go haM/ zhes dga' ba brtsam par bya'o/ /mkha' khams rdo rje yang dag
 sbyor/ /reg pas ngo mtshar chen bo las/ /gang zhig bde ba bskyed pa des/ /mchog tu dga' bar des byed pa'o/ /mchog dang dga' bral dbus su ni/ /mtshon zhing bltos la bstan par gyis/ zhes pas shes rab
 ye shes kyi dbang bskur bas/ thugs rdo rje rnam par dag par byed pa'o/ /de nas ji skad gsungs pa'i cho gas dbang bskur sbyin/ /slob ma'i mos pas yid kyi yang dag shes/ /zab cing rgya che'i tshul la mos gyur na/ /
 dbang bskur rin chen tshig gis sbyin par bya/ /dga' ba bde ba cung zad bde/ /mchog tu dga' ba de las lhag /dga' bral chags dang bral nyid de/ /lhan cig skyes dga' lhag ma'o/ /dang por reg par 'dod pa dang/ /gnyis pa bde bar 'dod
 pa ste/ /gsum pa chags pa nyams pa ste/ /de nas bzhi pa bsgom par bya/ /rnam pa sna tshogs dang po'i dga' / /mchog tu dga' ba rnam par smin/ /dka' bral rnam par rnyed ba ste/ lhan skyes mtshan nyid bral ba'o/ /rnam ba sna tshogs sna
 tshogs brjod/ /'o dang 'khyud pa la sogs la/ /rnam par smin pa de las bzlog /bde ba'i ye shes nyer longs spyod/ /rnam par nges pa gros su brjod/ /bdag gis bde ba zos pa'o/ /mtshan nyid bral ba gsum las gzhan/ /chags dang chags
 bral rnam par spangs/ /des na 'di skad du gsungs te/ /'dod chags ma yin chags bral min/ /dbu mar dmigs par mi 'gyur te/ /gsum po spangs pas 'di nyid na/ /lhan cig skyes pa rtog pa brjod/ /ces dbang bskur ba thob pa ni bya ba
 byas pa'o/ /zhes brjod de/ deng dus bdag tshe 'bras bur bcas/ /bdag gis gson pa 'bras bu ste/ /de ring sangs rgyas rigs su skyes/ /bdag ni de ltar sangs rgyas skyes/ /gzhan yang 'dir de bzhin gshegs pa rnams kyis gsungs
 pa'i bkas? dkyil 'khor du 'jug pa la sogs pa dang/ /dbang bskur ba so so la bla ma'i don du gos gsum dang yon dbul bar bya'o/ /ma 'byor bar gyur na dang po dang bar ma dang tha mar ro/ /thams cad du 'byor par ma gyur pa'i phyogs la ni/
 kun phyogs gcig tu byas te/ thog ma nyid du gos gsum dang/ yon gyi bar du dbul bar bya'o/ /yang ma 'byor na ji ltar gang yang rung ba ste/ bla re dang 'phan rnams te/ ral pa la 'jam po'i stan mthon po dang/ gser gyi sor
 gdub nges par 'bul bar bya'o/ /de bzhin du sbyin sreg dang rab tu gnas pas yang ngo zhes pa'o/ /de nas sbyin sreg bya zhing/ gtor ma sbyin/ 'gro mchog rnams kyang 'dul bya zhing/ de rjes dge 'dun chos ston
 bya/ /mgon med 'phongs pa tshim par bya'o/ /zhes 'di dag thams cad kyi rdo rje dang rdo rje dril bu dang bcas pa'i lag par bya'o/ /de la rdo rje sor ni brgyad nas brtsams/ nyi shu rtsa gnyis grangs mnyam bya/ /rdo rje brgyad kyi tshul las byas/ /
 gser dang ra gan la sogs byung ba'o/ /rdo rje zhes bya rnam pa gsum rtse gsum rtse lnga rtse dgu pa'o/ /yang ni rnam pa gnyis dbye ste/ zhi dang ma zhi'i dbye bas so/ /bzhi bpa sna tshog rdo rje ni/ rtse mo lnga pa gdong bzhi pa'o/ /dbu ma bzung
 ba'i gnas yin te/ /mdza' i rtse mo de'i chod/ /chu srin spel ba mdza' dang mthar/ /chu srin kha nas byung ba'o/ /rtsa spom rtse mo bag kyis 'phra/ /rtse mo dgu zhing rims kyis rno/ /phyogs kyi cha las ma 'das ba/ /dbu ma'i ra ni nas
 kyi dbyibs/ /ra bzhi yi ni bar dag kyang/ /dbus kyi rwa dang bar mtshams bya/ /rdo rje dang ni rjes mthun par/ /chung ngu sor gnyis cha bskyed bri/ /rtse mo phan tshun mnyam bya zhing/ /dbu ma la ni cung zad bsnyung/ /rwa brgyad rtsa ba'i yan
 lag tu/ /pad+ma'i kha phye ska rags brtags/ /dbus kyi cha ni cung zad tsam/ /ska rags las ni lhag bar bya/ /phan tshun mnyam ba'i lhag ma ni/ /rim gyis nyis 'gyur mthon bor bya/ /chu skyes 'dab ma brgyad mdzes ba'i/ /kha ni
 rtsa bar phreng ba gnyis/ zhes pa ni rdo rje'i mtshan nyid do/ /dril bu'i drug cha kun nas zhal/ /de la cha bzhi dag ba yi/ /mkhar ba'i rang bzhin las ni bya/ /gzhan ni gzhan las bsrung ba yin/ /dril bu de'i ni nang gi mkhar/ zheng dang
 mchu ru mnyam par bya/ /kha khyer utpal brgyad cha yin/ /gzhan la bum pa'i cha dang ni/ /steng gi cha ni gnyis yin te/ /ngos su shes rab gdong pa bya/ /gdong de sngar gyi rdo rje phyed/ /nyid de rdo rje phyed 'dra bya/ /de ltar sor brgyad la sogs pa'i/ /
 dril bu'i rdo rje mthun par sbyar/ /cung zad chu skyes kha bye ba'i/ /kha 'am yang na kha la mchu/ zhes pa ni dril bu'i mtshan nyid do/ /rdul tshon gyi sa gzhi'i dbye ba dbye ba brjod pa'i don du gsungs pa/ shar du shes rab bya ba la sogs pa ste go sla'o//
 las kyi cho ga mthong ba yis/ zhes bya ba la sogs pa ni ji ltar rig pa nyi ma dang/ zla ba la sogs pa la gnas pa'o/ /rdo rje zhes pa ni rtse lnga pa'o/ /'gor la ni rtsibs brgyad pa'o/ /de lta bu la sogs pa zhes bya ba ni rin po che ser po cha dgu
 pa dang/ pad+ma dmar po dang/ ral gri ljang gu dang nang gi rim pa'i phyogs rnams su'o/ /mtshams rnams su ni 'khor lo dang/ rdo rje dang/ pad+ma dang/ utpa la rnams so/ /phyi rol gyi rim pa'i sgo rnams su ni tho ba nag po dang/ dbyug pa
 dkar po dang/ pad+ma dmar po dang/ ral gri ljang gu'o/ /phyi rol gyi 'phar ma'i grwa rnams la yang/ thod pa rnam pa bzhi'o/ /phyag mtshan kun tu zhal dang mtshungs/ zhes bya ba ni lha rnams rang nyid kyi zhal gtso bo'i sku mdog dang po'i khru
 gang tsam zhes pa'i 'og na gnas pa'i rin chen sor gnyis pa dang/ rdo rje sor drug pa bor ba ste/ yu ba khru gang gi tshad do/ /de'i steng du yu ba'i steng du gnas pa dang/ ska rag kyis bcings pa sor bzhi pa las te steng du dkyil 'khor
 zhes pa ste gru bzhi pa'o/ /de dag thams cad kyi tshad ji tsam zhe na gsungs pa/ sor bzhi pa'i tshad zhes pa'o/ /gting du sor gnyis zhes pa ni/ sor bzhi pa dang ldan pa la sor gnyis gting du 'bru ba ste/ zheng du sor bzhi pa la
 gting du sor phyed bor ba bru ba ste/ dkyil 'khor du ni rtse gsum ba'i rdo rje sor gnyis pa'o/ /zhes pa ste/ man ngag go /bcud 'dzag khung bu zhes pa ni dgang gzar gyi mgo bor gnas pa/ pad+ma'i 'dab ma'i
 rnam ba zheng du sor brgyad pa/ zabs su sor gnyis ba'i dbus su rgyar sor bzhi ba bkos par gnas ba'i rdo rje rtse gsum pa sor bzhi'i tshad kyi dgang gzar la/ mar 'dzag ba'i don du sor phyed kyi bug pa gang yin pa de ni sor phyed ste/
 bcud 'dzag khung bu'o/ /de lta bu 'di ni khru ngo pa'i tshad kyi dgang gzar ro/ /blugs gzar pad+ma'i 'dab 'dra zhes pa ni/ blugs gzar khru phyed dang gnyis pa ste/ de yang 'og tu rdo rje rtse lnga pa sor gnyis pa de'i 'og tu rin po che sor gcig pa'o/ /
 de'i steng du yu ba khru gang pa'o/ /de'i steng du yang ska rags sor gsum pas nye bar brgyan pa'o/ /de'i steng du sor drug pa'i tshad kyi pad+ma'i rnam pa'o/ /rdo rje rtse gsum sor gsum pas blugs gzar ro/ /rgyud kyi che ba'i bdag
 nyid bstan pa'i don du dkyil 'khor du ni ma zhugs zhes bya ba la sogs pa ste/ gshin rje gshed kyi rgyud la brten nas mchod pa dang dad pa tsam gyis zhes pa lhag ma'o/ /de nyid ji lta bu zhe na/ nag po zhes bya ba la sogs pa
 ste/ dbang po mchog gi rgyu dang 'bras bu'i tshul rdo rje sems dpa' nyid kyis mkhyen to/ /rdo rje'i tshig ces ba ni rdo rje sems dpa' nges pa'i tshig ste dngos po'i rang bzhin brjod pa ni dkyil 'khor du ni ma zhugs zhes bya ba la
 sogs pa'o/ /slob mas dkyil 'khor du gsar du 'jug pa'i don du de la zhes bya ba la sogs pa ste/ 'byung ba bzhi'i sa bon zhes bya'i rlung dang me dang sa dang chu dang ste 'byung ba chen po sa bon yaM raM laM baM yi ge rnams kyis so/ /'khor
 lo bzhi zhes pa ni rlung la sogs pa'i dkyil 'khor rnams so/ /gnas bzhi zhes pa ni rkang ba'i 'og dang/ lte ba dang/ snying ga dang/ mtshogs mar ro/ /rim ba ji lta ba bzhin du gnas rnams su sa bon gyi yi ge brjod pa'i don du rkang
 ba zhes bya ba las brjod pa'o/ /'khor lo bzhi bstan pa'i don du gsungs pa/ gzhu'i rnam pa zhes bya ba la sogs pa ste/ grwa gnyis su g.yo ba'i bdan gnyis dang ldan ba'o/ /gru gsum zhes bya ba ni zur gsum mo/ /ba ne zhes ba ni me'i
 dkyil 'khor ro/ /rdo rje can ni 'dzin bzod pa/ zhes bya ba ni rdo rje ri bo 'dzin par bzod pa'o/ /rdo rje'i ri bo de nyid bstan pa'i don du ri rab ces bya ba la sogs pa ste/ sprin zhes pa ni tshogs rnams so/ /gsil ba chen po zhes ji
 skad gsungs pa'i don gsungs pa'o/ /gangs kyi ri bo zhes bya ba la sogs pa la gangs kyi ri bo ni kha ba'i yi'o/ /'bebs zhes ba ni yul la 'bebs pa'o/ /dag la 'bebs pa'i don du gsungs pa rdo rje snang ba mdza' yas sbyor ba zhes bya ba ste/
 phebs pa'i slob ma'i lce la yi ge a dmar po yongs su gyur pa'i nyi ma la h+rI(rgyud 'grel ba'i dam tshig ces pa ni dri zhis zhu ba ste/ ji skad du gsungs pa'i 'byung ba bzhi po bsgoms pas rang gi bsod nams kyi stobs las gang yang rung ba'i sems bkug pa gang gi rtags de bstan pa'i don du khru gang zhes bya ba la sogs
 pa'o/ /de nas zhes bya ba la sogs pa nas rin chen cod paN sor drug pa zhes bya ba'i bar rtogs par sla zhes ba ste ma bshad do/ /gnod sbyin mo bsgrub pa'i don du gsungs pa/ de nas zhes bya ba la sogs pa ste gnod sbyin mo ni bsgrub
 dus su zhes bya ba ni/ gnod sbyin mo bsgrub par 'dod pa'i dus su ste sngon mo che zhes lhag ma'o/ /sa bon ma gsungs pa yang man ngag gi hUM yig las skyes pa'o/ /de yang gzhal yas khang yongs su rdzogs pa ni gshin
 rje gshed kyi gzhal yas khang bzhin no/ /'di dag thams cad ni phyag gnyis pa yin la/ tho ba la sogs pa ni phyag drug pa nyid do/ /sngar gyi dkyil 'khor zhes pa ni rdul tshon bkye ba'i dkyil 'khor gyi 'khor lo'i bzhin te gshin rje gshed  
 kyi dkyil 'khor bzhin no/ /bdag po'i mtshan ma 'dzin zhes pa ni ral gcig ma bzhin thod pa dang gri gug 'dzin pa'o/ /don ni 'di yin te/ ral gcig ma'i rnal 'byor dang ldan pas sngags kyi yi ge 'bum cang mi smra bar bzlas te/
 gang gi tshe gnod sbyin mo bsgrub pa de'i tshe gzhon nu mas bkal ba'i skud pa la ras kha tsar ma bcad pa las gnod sbyin mo bris pa'i thad ka bya ste/ de yang rgyan thams cad kyis brgyan pa lang tsho phun sum tshogs pa dang/ sgeg pa'i
 nyams dang/ me tog dang/ 'bras bu bcas pa'i mya ngan med pa 'am/ pA ta 'am/ a mra'i shing rnams gang yang rung ba'i yal ga lag pa g.yon pas 'dzin cing g.yas pas mchog sbyin pa'o/ /de'i mdun du me tog dang/
 spos dang/ bshos gtsang la sogs pa sbyin pa dben pa'i gnas su ral gcig ma'i rnal 'byor dang ldan pas sngags bzlas par byas na nyi ma bdun gyis 'ong bar 'gyur ro/ /'ong bar gyur na dri zhim pa'i me tog gi chu mchod yon du sbyin par bya'o/ /
 de nas las sgrub par 'gyur ro/ /ma dang sring mo dang/ chung ma ste gang yang rung bar nges par smra bar bya'o/ /de lta bus des tha snyad du byed par 'gyur ro/ /gzhan du na gsol bar byed ces so/ /yang na nag po'i bcu bzhi 'am/ /brgyad pa'i
 chos gang yang rung ba la spang leb la sngar bzhin du bri bar byas la/ ral gcig ma'i rnal 'byor las snying ga'i sa bon gyis bkug ste/ tho ba la sogs pa'i sngags bzhis nye ba nyid du dgug pa dang/ ri mo la gzhug pa dang bcing ba dang/ dbang du byas la
 skye gnas lag pas bkab la sngags bzla bar bya'o/ /gzhan du cang mi smra bas so/ /de nas nyi ma bdun gyis 'ong bar 'gyur ro/ /'ongs nas sgrub po'i stobs kyis 'dod pa'i byed cing brtse ba sna tshogs pa yang ston par byed par 'gyur ro/ /'jigs par
 yang ston par byed do/ /'on kyang 'jigs pa mi bya zhing smra bar yang mi bya'o/ /de nas bde blag tu gyur pa'i rjes la dngos grub tu 'gyur zhing rnal 'byor pa gang yin par mngon par 'dod pa dang rtse bar byed do/ /de nas kyang ma grub na de'i tshe gshin rje gshed
 kyi rnal 'byor ma/ ral gcig ma'i rnal 'byor gyis rang gi kha'i sa bon las rdo rje lcags kyu spros pa dang/ lcags kyu rnams kyi skye gnas phug la/ zhags pas ske nas bcings te/ bkug nas ri mo la gzhug par bya'o/ /de'i mgo bo nyid
 la gshin rje mthar byed bskal pa'i me dang mnyam par bsam par bya zhing 'og nas kyang re bas me'i thob khung ste/ de nas nga rgyal dang bcas pas der bkug ste gshin rje gshed po'i sngags pas ral gcig ma'i sngags bzlas par byas na nges pa
 nyid du nyi ma bdun du 'grub par 'gyur ro/ /de nas pU ka si ni rab tu sgrub ces bya ba la de'i dngos grub ni pU ka si zhes pa ste/ des ni snying po 'don par byed pa'o/ /sku mdog ser mo zhes bya ba ni go sla ste/ pu yig gi sa bon las skyes pa
 zhes pa lhag ma'o/ /pU ka si las zhes bya ba ni snying 'khrug pa'i las so/ /don ni 'di yin te/ de lta bu'i rnal 'byor las lce las dza yig dmar po las byung ba'i 'od zer rnams kyis sgrub bya'i snying phug ste/ snying la khaM yig dkar po
 bsam par bya ste/ de nas de'i snying 'od zer de rnams kyis bkug ste /rang gi snying la zhugs par bsam par bya'o/ /zhags pa ni g.yon du'o/ /tho ba ni g.yas par ro/ /g.yas pa na mda'o/ /gzhu ni g.yon pa ste/
 de yang zhags pa ni de'i ske nas 'ching bar byed do/ /lcags kyu ni 'gugs par byed do/ /gzhu ni bkang ste snying gi gnas su mda' rdeg par byed do/ /oM pu ka phug ka zhes bya ba ni oM pu ka che ge mo'i pu ka zhes bya ba 'di ni yi ge 'bum snyon par
 bya'o/ /mi snang ba'i don du gsungs pa/ de nas zhes bya ba la sogs pa la/ mjam pa'i rdo rje rab bsgrub pa ni 'jam pa'i rdo rje rab tu grub nas sgrub pa'o/ /ser po zhes pa ni rtsa ba'i zhal ser po'o/ /g.yas pa dang g.yon pa dag ni dkar po
 dang sngon po'o/ /man ngag las ni g.yas pa na ni ral gri dang/ mda' dang gri gug 'dzin pa'o/ /g.yon pa naM utpa la sngon po dang/ gzhu dang thod pa 'dzin pa dang/ phyag ces pa ni g.yas pa'i phyag dang po'o/ /'khor lo la sogs gzhan
 la dgod ces bya ba ni phyag gzhan lhag ma rnams su'o/ /gti mug gshin rje gshed la sogs pa bzhin du mtshan ma 'dzin pa'o/ /snying po bsdus pa zhes bya ba ni snying por gyur ba'o/ /phyag mtshan gyi gtso bo bstan pa'i don du gsungs pa/
 mya ngan med 'da' zhes bya ba ste/ me tog dang 'bras bur bcas pa'i mya ngan med pa'i yal 'dab po/ /yal ga zhes pa ni byang chub kyi shing gi yal ga'o/ /dbyig pa zhes pas ni dbyig gu gsum pa'o/ /'di rnams kyang phyag
 gnyis pa'i phyir na gzhan gyis ni bsdigs mdzub can no/ /sku mdog bstan pa'i don du gsungs pa/ ser dang zhes bya ba la sogs pa rim pa ji lta ba bzhin du'o/ /tho ba la sogs pa ni sngar bzhin no/ /bsgom zhes pa ni 'di lta
 bu'i bcom ldan 'das so/ /mthong bar mi 'gyur zhes pa la/ /rtsa yig ni bdag nyid snying rje'i dbang gis ston par yang byed do/ /gang du 'jam pa'i rdo rje sgrub pa'i thabs ston pa de bzhin du le'u 'di yang ngo/ /le'u bcu bzhi pa'i bshad pa rdzogs so// //
 sa bon phu las yang dag byung zhes bya ba ni sngar bzhin du gzhal yas khang la sogs pa yongs su rdzogs pa'i rjes la ste/ a la sogs pa rnams kyis ni me long lta bu'i ye shes dang/ ka la sogs pas ni mnyam pa nyid dang/ phu yig las
 byung ba'i sbrul ni so sor rtogs pa dang/ sbrul gyi snying gar yang yi ge phu bya ba grub pa'i ye shes so/ /me long la sogs pa gcig tu gyur na ni shin tu rnam par dag pa'i chos kyi dbyings te/ de las skyes pa'i phu yig ces bya ba ni rdo rje 
 sems dpa' rdzogs so// //phyag na sbrul snams zhes pa ni g.yas pa'i phyag na'o/ /g.yas pa'i phyag gzhan dag ni ral gri dang gri gug 'dzin pa'o/ /g.yon pa'i phyag gsum du 'khor lo dang/ pad+ma dang/ thob bsnams ba'o//
 rma bya la ni zhon zhes bya ba la bya la bcibs pa'o/ /rma bya ma la sogs pa rim pa bzhin du bzhin du phyag g.yas pa'i mtshams bstan pa'i don du gsungs pa/ sgro dang zhes bya ba la sogs pa ste/ sgro ni rma bya'i sgro'i tshogs so/ /yal
 ga ni byang chub kyi shing gi yal ga'o/ /lcags sgrog ni rdo rje lu gu brgyud do/ /'di rnams kyi rim pa ji lta bar kha dog dbye ba bstan pa'i don du gsungs pa/ ser dang zhes bya ba la sogs pa'o/ /'di rnams kyi phyag mtshan ji skad
 gsungs pa'i bar du nas phyag gzhan rnams su yang gti mug gshin rje gshed la sogs pa bzhin du phyag mtshan rnams so/ /me tog la sogs zhes bya ba ni sngar bzhin du phyag gnyis pa nyid do/ /de ltar bsgom pa yongs su
 rdzogs pa dang/ chu'i dkyil 'khor du lam yongs su gyur pa las dbang chen gyi dkyil 'khor ser po bsgom par bya'o/ /ku ru ku le yang rdo rje'i ra ba dang rdo rje'i gur bskyed pa'i mthar thams cad snga ma bzhin no/ /khyad par ni
 mngon par byang chub pa lnga ste/ sa bon las utpa la ni so sor rtogs pa'i ye shes yin la/ de'i lte bar zla ba las ngas pa'i son las spros pa dang bsdus pa ni bya ba grub pa dang/ thams cad ro gcig tu gyur ba ni shin tu rnam par dag pa'i
 chos kyi dbyings so/ /de las byung ba'i h+rI(rgyud 'grel utpa la sngon po ltar sngo bsangs dang/ dmar po dang/ mdog sna tshogs dang/ ser po rnams so/ /g.yon par phyag bzhir ni pad+ma dang/ stobs kyi rgyu dang nor bdag dang/ pad+ma chen po rnams dang/ sa rim pa ji lta bar dkar po
 dang/ nag po dang/ ser po dang/ dkar bsangs kyi mdog rnams so/ /klu 'gugs par byed pa gsungs pa/ 'dis ni char 'bebs pa'i nus mthu 'byung ba nyid do/ /de la man ngag ni 'di yin te/ kham por se ma btang ba la
 rams kyi khu bas ral gri rtsibs brgyad pa'i 'khor lo'i dbus su pad+ma 'dab ma brgyad pa bris la/ lte bar ku ru ku l+le'i sngags bsgrub bya'i klu'i ming dang spel te bri bar bya'o/ /oM ku ru ku l+le h+ri(rgyud 'grel sha ya/ ta ra dzha ya/ ga ra dzha ya phu h+ri(rgyud 'grel rnams kyi ming dang spel bar byas la/ kham phor so ma btang ba gzhan zhig gis kha sbyar bar bya zhing skud pa ser pos bkri bar bya'o/ /de ru ku ru kul+le dgug pa dang/ gzhug ba dang/ bcing ba dang/ dbang du byas la/ yang dag par mchod 
 cing gnang ba mnos nas klus byin gyis brlabs pa chu mig la sogs par bcug na der 'bebs par 'gyur ro/ /rig pa 'dzin pa dgug pa'i don du rdo rje lus med bstan pa/ de nas zhes bya ba la sogs pa ste/ dbang du byed ces pa ni phan par
 byed pa'o/ /phyag na mda' dang gzhu dang/ bsnams shes zhes bya ba ni g.yas dang g.yon gyi phyag dag na mda' dang gzhu 'dzin pa'o/ /dga' ba la sogs pa'i phyag mtshan bstan pa'i don du gsungs pa/ gzhu dang zhes bya ba la
 sogs pa'o/ /sku mdog bstan pa'i don du gsungs pa/ ser po zhes bya ba la sogs pa'o/ /ma 'gags ba la sogs pa yi ni/ rdo rje tsar tstsi ga la sogs pa sku mdog yin la/ dpyid la sogs pa ni tho ba la sogs pa'i mdog
 go /'di dag thams cad kyang phyag gnyis pa'o zhes pa lhag ma'o/ /gshin rje gshed po zhes bya ba ni sngar gyi de bzhin du de bzhin gshegs pa rnams so/ /dgug pa'i cho ga bstan pa'i don du gsungs pa/ bud med kyi ni
 zhes bya ba la sogs pa ste/ bya rog gdong gi nang du gnas zhes bya ba ni bsgrub bya bud med kyi skye gnas kyi dbus su gnas pa'o/ /gzhan yang bdag nyid rdo rje lus med kyi rnal 'byor dang ldan par gyur pas so/ /rdo rje lus med
 ces bya ba ni de'i sngags so te sngags dang lha dag dbyer mi phyed pa'i phyir ro/ /de'i sngags ni ci zhen gsungs pa/ yi ge si ti'i sngags so/ /yi ge si ta las yang dag byung zhes bya ba ni shin tu gsal ba'i 'od zer 'bar ba 
 rnam par spro ba de'i lus thams cad khyab pa'o/ /myos nas bde ba 'dod ces bya ba ni shin tu bde ba 'dod pa'o/ /oM gyis yi ge dbyangs dang spel zhes bya ba ni man ngag gis oM dang h+ri yig ni dang po ?/
 yi ge swA hA de rjes sbyin zhes bya ba ni yi ge sid+d+ha dbus su sbyin zhing mthar ni swA hA'i sgra sbyin par bya'o/ /de las ni oM h+ri(rgyud 'grel bstan pa de'i rdo rje lus kyi sgrub pa'i thabs so/ /le'u bco lnga pa'i bshad pa rdzogs so// //shes par zhes pa ni mngon du byed pa'o/ /de'i rang bzhin bstan pa'i don du gsungs pa'o/ /phyag gnyis zhes bya ba la sogs
 pa ste rdo rje phyag tu zhes bya ba ni g.yas pa'i phyag rgya'o/ /go ro taM ni thod pa'o/ /gzhan la zhes pa ni g.yon par ro/ /phyag lnga zhes pa ni 'khor lo dang/ rna cha dang/ mgul rgyan dang/ lag gdub dang/ skar ga rnams so/
 sa bon hUM las yang dag byung zhes pa ni bdun po rnam par dag pa ni bla na med pa'i mchod pa la sogs pa nas rdo rje sems dpa' zhu pa'i bar du byas nas so/ /yi dags la gnas zhes pa ni ro'i snying gar nyi ma la gnas pa'o/ /rab
 sbyor bas zhes bya ni rnam par dag pa las so/ /sna tshogs gzugs zhes pa ni dkar po dang/ ser po dang/ dmar po dang/ sngo bsangs kyi mdog rnams so/ /yi dags la gnas zhes pa ni ro'i snying gar zla ba la gnas pa'o/ /
 chos kyi 'khor lo ni 'khor lo'i rtsibs brgyad pa'o/ /a shwadtha ni byang chub kyi shing ngo/ /yid bzhin nor bu dang/ dpag bsam gyi shing ste de rnams kyi 'og tu ni rnal 'byor ma rnams bri bar bya'o/ /rdo rje zhes pa ni rtse mo lnga pa'o//
 lha mo zhes pa ni lha mo rnams kyi'o/ /phyag g.yas cha zhes bya ba ni g.yas pa'i phyag tu'o/ /thod pa'i snod ni mi'i snod du/ /o pas bya ni g.yon pa'o/ /yid du 'ong ba zhes bya ba ni spyan dang zhes bya ba la sogs pas so/ /sor sbyar bar bya'i/ /sgo'i cha zhes ?
 ni shar phyogs dang/ lho phyogs la sogs pa'i sgo rnams so/ /'khyil par bcas zhes bya ba ni bdud rtsi 'khyil pa'i'o/ /las kyi cho ga mthong bas zhes bya ba ni phyogs kyi rnal 'byor ma rnams kyi g.yon du kha TwAM ga'o/ /de la sbyin? la sogs pa ni dkar po dang/
 ser po dang/ dmar po dang/ sngo bsangs dang/ 'khor lo dang/ rdo rje dang ral gri g.yas pa dag gis 'dzin pa'o/ /g.yon du ni thod pa 'dzin pa'o/ /gshin rje mthar byed la sogs pa ni tho ba dang/ dbyug pa dang pad+ma dang/ ral gri 'dzin pa'o/ /
 g.yon pa ni zhags pa 'dzin cing sdigs mdzub byed pa'o/ /de bzhin du ma gsungs kyang ye shes kyi 'khor lo gzhug pa'o/ /phyag rgya rgyas btab pa yang bya ba'o zhes pa'o/ /'dir ni bcom ldan 'das bskyed pa nyid kyis dkyil 'khor ba zhes pa yang bskyod
 pa ste bcom ldan 'das kyi snying ga'i sa bon las so/ /le'u bcu drug pa'i bshad pa rdzogs so// //rgyud ni thams cad du bsgom pa rnams dkrugs kyang rim pa ji lte pa bzhin du rtogs par bya ste de bzhin du brjod pa gsungs pa/
 rnam pa lnga ni zhes bya ba la sogs pa ste/ de la a yig la sogs pa dbyangs kyi yi ge bcu drug po nyid 'gyur gyis zla ba me long gang ba lta bu'i ye shes kyi bdag nyid kyi rnam pa'o/ /kal sogs pa dang wa ya raM la dang bcas pa lhag ma ste/ gsal
 byed bzhi bcu tham pa nyis 'gyur gyi nyi ma ni mnyam pa nyid kyi ye shes te byang chub pa gnyis pa'o/ /sa bon gyi yi ge las mtshan mar skyes shing mtshan ma la yang sa bon zhes pa so sor rtog pa'i ye shes te gsum pa'i rnam pa'o/ /de dag las
 spros pa las bsdu ba ni bzhi pa'i rnam pa'o/ /de la zla ba la sogs pa thams cad zhu ba ro gcig tu gyur pa ni shin tu rnam par dag pa chos kyi dbyings kyi ye shes te rnam ba lnga'o/ /sangs rgyas gzugs ni zhes bya ba ni rdo rje sems
 dpa' o/ /rdo rje can zhes bya ba ni klu bzhin nye bar bskul nas mngon par 'dod pa'i lha'i gzugs te gtso bo'o/ /de nyid gsungs pa/ klu bzhi zhes bya ba la sogs pa ste/ tsar tstsi ka sogs zhes bya ba ni gang sngar byams pa la sogs pa bsgom
 pa de nyid du rtog par bya ste dkyil 'khor rnams ni da dung du skye bar ma gyur pas so/ /gang du rdo rje sems dpa' bskyed pa med par der ni thams cad bsdus pa las byung ba'i mtshan ma la gnas pa'i sa bon rdo rje sems dpa' o/ /gang gi phyir mtshan
 ma ni rdo rjer brjod la de gang sems dpa' ni sa bon te des na rdo rje sems dpa' o/ /de la khyad par ni klu yis bskul ba dang nye bar bral ba nyid de de dag thams cad yongs su gyur pa las skyes pa tsam mo/ /drug las skyes pa'o/ /zhes bya ba ni
 drug ste sngar bshad zin to/ /sogs zhes bya ba'i sgra ni dbyangs du ma dang ldan pa'o/ /longs zhes pa ni bzhengs pa'o/ /dad sgrol zhes pa ni sems can thams cad la bu gcig pa ltar brtse ba'i mtshan nyid can gyi byams pa dang/
 sdug bsngal dang/ sdug bsngal gyi rgyu las yang dag pa bsgral par 'dod pa'i mtshan nyid can gyi snying rje dang/ rnam pa thams cad kyi bde ba yang dag par bsdu ba'i 'dod pa/ bdag nyid can gyi dga' ba dang/ de bzhin du 'jig
 rten las 'das pa'i bde ba'i rgyun la 'dod pa'i rnam pa can gyi btang snyoms te/ de lta bu'i tshangs pa'i gnas bzhi bsgom par byas la/ 'gro ba rnams rmi lam dang sgyu ma lta bur bsam zhing/ oM shu n+yA ta dz+nyA na badzra swA ba bUt+ma?
 konya haM zhes pa'i sngags brjod pas sems nam mkha' dang mnyam par bya'o/ /mdun du re ba las ni nyi ma rnam par bsgom/ nyi ma der ni hUM byung sna tshogs rdo rje ste/ rdo rje de nyid kyi ni ra ba dang/ gur bcings pa yang rnam par bsgom par bya'o/ /des
 sa gzhi bcing ba dang/ de ni khong pa lta bu ste de'i nang du sna tshogs rdo rje gnas pa'i steng du gnas pa nam mkha' i bdag nam mkha' i phyogs su yaM yig nag po las rlung gi dkyil 'khor nag po gzhu'i rnam pa gnyis su ba dan g.yo ba gnyis de ba ldan pa'o/ /de'i
 steng du raM yig dmar po las me'i dkyil 'khor dmar po gru gsum grwa rnams su re phas mtshan pa'o/ /de'i steng du baM dkar po las chu'i dkyil 'khor dkar po kha 'og tu bltas pa bum pas mtshan pa'o/ /de'i steng du laM yig ser po las sa'i
 dkyil 'khor ser po grwa bzhi pa grwa rnams su rdo rje rtse gsum pas mtshan pa bsgom par bya'o/ /de'i thog tu rlung gi dkyil 'khor la sogs pa thams cad yongs su gyu pa las gzhal yas khang gi rim gnyis par sna tshogs pad+ma'i 'dab ma'i steng
 du rang rang gnas ji lta bar zla ba dang nyi ma'i gdan rnams so/ /grwa bzhi pa la sgo bzhi pa/ ka ba brgyad kyi nye bar brgyan/ /rta babs bzhi dang yang dag ldan/ /dra ba dra phyed dril bu dang/ /ba dan la sogs dang bcas pa'o/ /mtshan nyid thams cad
 yang dag rdzogs pa bsgom par bya'o/ /nang gi rim pa'i dbus su a yig la sogs pa dbyangs yig bcu drug pa rnams kyi sa g.yas bskor dang g.yon bskor gyi nyis 'gyur las zla ba'i dkyil 'khor ni me long lta bu'i ye shes kyi rnam par
 dag pa'o/ de'i steng du ka yig la sogs pa gsal byed rnams las lhag par da da wa ya ra la'i yi ge rnams kyi nyis 'gyur gyi rim pa dang rim pa yin pa las nyi ma'i dkyil 'khor ni mnyam pa nyid kyi ye shes kyi rnam par dag pa'o/ /de'i steng
 du hUM yig la de nyid las rdo rje rtse lnga pa'o/ /de'i lte ba la yang nyi ma la gnas pa'i hUM yig ni so sor rtog pa'i ye shes kyi rnam par dag pa'o/ /hUM yig de nyid las gshin rje gshed kyi 'khor lo spros pas sems can
 gyi don byas nas yang snying por bkug ba ni bya ba grub pa'i ye shes so/ /de dag thams cad skad cig gis zhu bar gyur pa las dkar po ni shin tu rnam par dag pa chos kyi dbyings kyi ye shes su bsgom par bya'o/ /de ltar na mngon par
 byang chub pa rnam pa lngas rdo rje sems dpa' 'chad par 'gyur ba'i gshin rje gshed kyi phyag mtshan 'dzin pa sku mdog dkar po zhal gsum ni rtsa ba dkar po/ /g.yas ba nag po g.yon pa dmar po dang ldan pa zla ba'i dkyil 'khor
 la gnas pa'o/ /rang snang ba'i rdo rje phag mo'i rnam pa dmar po dang snyoms par zhugs par blta bar bya'o/ /de dag ni rnal 'byor ro/ /de nas rang gi snying gar gnas pa'i hUM yig gis 'od zer rnams kyi gshin rje gshed
 kyi dkyil 'khor bkug ste/ khar zhugs nas chags pa dang rjes su mthun pas zhu par gyur te/ /rdo rje'i lam nas lha mo'i pad+ma'i nang du spros pa dang/ byang chub kyi sems de dag las skyes pa dkyil 'khor ba'i sa bon
 kyi yi ge rnams gnas ji lta ba bzhin du dgod par bya'o/ /de la nang gi rim pa'i shar du ni zla ba'i dkyil 'khor la k+She yig dkar po dang/ lho phyogs su nyi ma la gnas pa'i ma yig ser po dang/ nub tu pa ni rje btsun no/ /
 snying rje khros pa zhes bya ba ni thugs rje las bskul ba'i khro po'i khams gsum zhes bya ba ni srid pa gsum ste/ 'dod pa'i khams dang gzugs kyi khams dang/ gzugs med pa'i khams so/ /sol zhes pa ni sol bar byed
 pa'o/ /de dag ni rdo rje tsar tstsi ka'i rnams so/ /bdud rtsi dang g.yas zhes bya ba ni nyon mongs pa dang/ lha dang phung po dang/ 'chi bdag gi gzugs te bdud bzhi po 'di dag go /rgyal bar mdzod ces pa ni pha rol las rgyas bas te nga rgyal bar byas
 pa'o/ /dang sgrol zhes bya ba ni rgyal rigs so/ /mdzod ces ba ni 'dod pa'o/ /rdo rje phag mo'o/ /'jig rten mgon pos zhes bya ba ni 'jig rten pa rnams 'gron du bos pa'o/ /stong nyid ni stong pa nyid las te bde ba chen po'i ror mthar phyin
 pa'o/ /'jig rten bsod nams zhes bya ba ni 'jig rten pa'i bsod nams kyis so/ /de dag ni rdo rje dbyangs can sa'i'o/ /ci phyir khyod ni gang gi phyir/ /stong nyid sems zhes bya ba ni/ /stong nyid rnam par sems dpa' ste/ /stong pa nyid ni don
 du'o/ zhes pa'o/ /'jig rten 'gron bos zhes bya ba ni 'jig rten rnams bos pa'o/ /de dag ni rdo rje gau ri'i 'o/ /klu'i dgos pa bstan pa'i don du gsungs pa/ ji ltar zhes bya ba la sogs pa ste/ de'i don ni 'di yin te/ thugs rje
 chags pa'i sems kyis zhu zhing thim pa'i rjes la yang dag par bskul ba dang de'i rjes la skar mda''phang ba bzhin byang chub kyi sems zhugs so/ /zhes rtogs par bya'o/ /byang chub kyi sems zhes bya ba ni oM A(rgyud 'grel gsum po 'bar ba'i gzugs so/ /rgyud 'dir bde blag tu rtogs pa'i don du thog mar zhes bya ba ni gang gi brda ste dang po'i rnal 'byor gyi dang por brtan pa'i don rdo rje sems dpa' i dang po ste/ bdun po rnam par dag pa bla na med pa'i
 mchod pa nas bzung ste/ rdo rje sems dpa' i rdzogs pa'i mthar thug pa ste rnal 'byor zhes bya ba'i don to/ /de'i rgyu mthun zhes bya ba ni rdo rje sems dpa' de nyid zhu ba las yang dag par bskul bas langs pa'i lha ste 'bras bu
 gshin rje gshed do/ /'khor lo thams cad ces bya ba ni dkyil 'khor pa'i lha rnams kyi 'khor lo'i tshogs so/ /sku dang gsung dang thugs nyid ces bya ba ni sku dang/ gsung dang/ thugs byin gyis brlabs
 pa'o/ /de dag gi don du 'di dag yin te/ sgrub thabs legs par brjod par bya'o/ /rang gi snying gar yaM yig dmar po las byung ba'i nyi ma dmar po de la gnas pa'i hUM yig nag po las 'od zer rnams byung ste/ mdun du zhags pa
 dang/ lcags kyu'i rnam pa gnyis su gyur pas gshin rje gshed kyi dkyil 'khor gyi 'khor lo dang 'dra bar bsgom par bya ba'i 'og nas phug cing steng nas bcings te/ mdun du gnas pa la 'od zer rnams dang por bya ste/ de dag
 gi sgo las mchod pa sna tshogs pa rnams sprul zhing phyag bya ba dang/ ji srid du bdag gis sdig pa bgyis pa dang bgyid du stsal ba dang/ rjes su yi rang ba'i sdig ba de dag thams cad bshags par bgyi'o/ /yang bdag gis 'tsho ba'i
 don du mi bgyid do zhes sdom par gyi'o/ /gang ji srid bsod nams byas pa de dag la rjes su yi rang ba dang/ de nas de ltar mchod pa la sogs pa ji srid bsod nams su gyur ba de dag thams cad 'gro ba rnams kyi don du bla na med pa'i
 byang chub tu yongs su sngo bar bgyi'o/ /byang chub ma thob kyi bar du sangs rgyas la skyabs su mchi'o/ /chos la skyabs su mchi'o/ /dge 'dun la skyabs su 'chi'o/ /de'i rjes la bdag nyid kyis gshin rje gshed kyi rang bzhin du sangs rgyas par gyur pa dang/ sems
 can thams cad dpal gshin rje gshed kyi gzugs su rgyas par bya'o/ /de lta bu'i don gyis bdag nyid gsang sngags chen po 'di nyid yang dag par brten par bgyi'o/ /de ltar mchod pa dang/ sdig pa gshags pa dang/ bsod
 nams yongs su bsngo ba dang/ gsum la skyabs su 'gro ba dang/ byang chub mchog tu sems bskyed pa dang/ lam bsten pa'i mtshan nyid do zhes pa bdun po rnams yang dag pa'i mchod pa byas la/ nyi ma la gnas pa'i me yis dmar
 po dang/ byang du de yig ljang gu nyi ma la gnas pa'o/ /me la sogs pa'i mtshams rnams su ni zla ba'i dkyil 'khor gnas pa'i rim pa ji lta ba bzhin du dzas de ru zhes pa'i yi ge rnam bzhi dkar po dang/ nag po dang/ dmar po dang/
 ljang gu'i mdog go /phyi rol gyi rim pa'i shar dang/ lho la sogs pa'i sgo rnams su ya tsa ni ra zhes pa'i yi ge bzhi po nyi ma la gnas shing nag po dang/ dkar po dang/ dmar po dang/ ljang gu'i mdog go /grwa bzhi ru ni zla ba'i dkyil
 'khor la gnas pa'i Na ya ni ra zhes pa'i yi ge bzhi po kha dog dkar po blta bar bya'o/ /de nas rang gi rig ma dang lhan cig tu chags pa dang/ rjes su chags par zhu ba las rdo rje sems dpa' zhu ba'i gzugs su blta bar bya'o/ /de nas sngon
 gyi smon lam gyis stobs kyi dbang gis byams pa dang snying rje dang/ dga' ba dang/ btang snyoms kyi tsar tstsi ka la sogs pa rnal 'byor ma bzhi po rnams nang gi rim pa'i grwa rnams su blta bar bya'o/ /de la rdo rje tsar tstsi kas ni 'di ltar/
 gsol ba 'debs bar byed de/ snying rjes khros pa'i rje btsun bzhengs/ /srid gsum kun gyi gti mug sol/ /de bzhin rdo rje phag mos kyang ste rje btsun gsol bas ma bzhugs bzhengs/ bdud 'di dag las rgyal bar mdzod/ de bzhin
 du rdo rje dbyangs can mas kyang 'jig rten mgon pos stong nyid ji ltar bzhugs/ rje btsun 'jig rten bsod nams kyis bzhengs shig /de bzhin du rdo rje go rims kyang byang chub 'dod pa'i 'jig rten 'gron pos nas/ ci phyir khyod ni stong nyid
 sems dpa' i bskyed/ glu'i de mthag pa'i rjes nyid du/ oM A(rgyud 'grel yig sbon po las rdo rje sngon po rtse lnga pa'o/ /de'i lte bar yang nyi ma dmar po la gnas ba'i yaM yig sngon po'o/ /de nas sa bon dang bcas pa'i rdo rje yongs su gyur pa las bdag nyid zhe sdang gshin rje gshed gnag cing khro la drag pa mgo bo'i
 phreng ba 'phyang ba 'dzin pa/ mche ba gtsigs pa/ dbu skra ser po gyen du 'bar ba/ smin ma dang/ ang tshoms ser po/ /mche ba cung zad gtsigs pa/ gsus pa 'phyang ba/ 'jigs pa'i dus kyi me lta bu/ sbrul brgyad kyis
 brgyan pa/ stag gi pags pa rnams dkris pa/ zhal gsum pa/ rtsa ba nag po/ g.yas dkar po g.yon dmar ba phyag drug ste/ g.yas pa'i phyag gsum na rdo rje dang/ ral gri dang/ gri gug 'dzin pa'o//
 g.yon pa'i phyag gis ni 'khor lo dang/ pad+ma dang thod pa 'dzin pa ma he chen po'i rgyab tu nyi ma la zhabs g.yon brkyang ba'o/ /dbu la sangs rgyas lnga'i rang bzhin gyi thod ba'i dum bu lnga gnas shing phyag rgya lnga 'dzin pa'o/ /ba
 spu'i bu ga rnams las rang dang 'dra ba'i gshin rje gshed kyi tshogs spro zhing/ oM h+rI(rgyud 'grel rjes la nang gi rim pa'i shar phyogs su gnas pa'i k+She yig las gti mug gshin rje gshed dkar po/ /rtsa ba'i zhal de kar ba g.yas sngon po/ /g.yon pa dmar po/ phyag g.yas pa rnams kyi 'khor lo dang/
 ral gri dang/ gri gug 'dzin pa'o/ /g.yon pa'i phyag rnams kyi rin po che dang/ pad+ma dang/ thod ba 'dzin cing oM dzi na dzrig ces pa'i sngags brjod par bya'o/ /de nas lho phyogs ma yig yongs su gyur pa las phra ma gshin rje gshed sku mdog ser po
 rtsa ba'i zhal ser po/ /g.yas dkar po g.yon pa dmar ba/ g.yas pa'i phyag rnams kyis rin po che dang/ ral gri dang/ gri gug 'dzin pa'o/ /g.yon pa'i phyag rnams kyis ni 'khor lo dang pad+ma dang/ thod pa 'dzin zhing oM ratna d+hig ces
 pa'i sngags brjod par bya'o/ /de nas nub phyogs su me yig yongs su gyur pa las 'dod chags gshin rje gshed sku mdog dmar po/ rtsa ba'i zhal dmar zhing g.yas pa nag po/ /g.yon pa dmar po'o/ /g.yas pa'i phyag rnams su pad+ma
 dmar po dang /? ral gri dang gri gug 'dzin pa/ g.yon pa'i phyag rnams su 'khor lo dang/ rin po che dang/ thod pa 'dzin pa'o/ /oM a ro li ka ces brjod par bya'o/ /de nas byang phyogs su de yig yongs su gyur pa las/
 phrag dog gshin rje gshed ma ra ka ta'i mdog can/ rtsa ba'i zhal ljang gu g.yas pa nag po g.yon pa ser po/ g.yas pa'i phyag rnams su ral gri dang/ rdo rje dang/ gri gug 'dzin cing/ g.yon pa'i phyag rnams kyis 'khor lo dang
 pad+ma dang thod pa 'dzin cing/ oM pradz+nyA ? ces pa'i sngags brjod par bya'o/ /bzhi po de rnams kyang zhabs g.yon brkyang ba dbu skra ser po gyen du bgreng ba/ spyan gsum zlum zhing dmar ba 'jig pa'i dus kyi me ltar bzod par dka' 'o/ /de nas
 nang gi rim pa'i me'i mtshams su gnas pa dza yig las rdo rje tsar tstsi ka gti mug gshin rje gshed dang 'dra ba byams pa chen po'i rang bzhin/ oM ma hA ra ti zhes pa'i sngags brjod cing blta bar bya'o/ /de nas bden bral du sa yig
 sa rdo rje phag mo zhe sdang gshin rje gshed dang 'dra ba la/ rtsa ba'i zhal phag pa'i gdong can snying rje'i bdag nyid can/ oM de Sha ra ti zhes pa'i sngags brjod cing bsam bar bya'o/ /de nas rlung gi mtshams
 su do yig las rdo rje dbyangs can ma sku mdog dmar mo/ /'dod chags gshin rje gshed dang 'dra zhing dga' ba'i bdag nyid can/ oM rA ga ra ti zhes pa'i sngags brjod cing bsam par bya'o/ /de nas dbang ldan du du yig las
 rdo rje gau rim phrag dog gshin rje gshed dang mtshungs ba la/ ral gri gnas su utpa la ser bo 'dzin pa btang snyoms kyi bdag nyid can/ oM badzra rA ti zhes bya ba'i sngags brjod cing blta bar bya'o/ /rnal 'byor ma de rnams
 kyang zhabs g.yas brkyang bas gnas pa'o/ /de nas phyi rol gyi rim pa'i shar phyogs kyi sgor yaM yig las tho ba gshin rje gshed zhe sdang gshin rje gshed dang 'dra ba las khyad bar ni rdo rje'i gnas su rdo rje rtse gsum pas
 mtshan pa'i tho ba 'dzin pa ste/ oM mutka ra d+h+rig ces pa'i sngags brjod par bya'o/ /de nas lho phyogs kyi sgor tsa yig yongs su gyur pa las dbyig pa gshin rje gshed zhe sdang gshin rje gshed dang 'dra ba las khyad par ni
 'khor lo'i gnas su rdo rje rtse gsum bas mtshan pa'i dbyig pa 'dzin cing oM daN+Da d+h+rig ces ba'i sngags brjod par bya'o/ /de nas nub phyogs kyi sgor ni yig yongs su gyur pa las pad+ma gshin rje gshed 'dod chags gshin rje gshed
 dang 'dra ba ste/ oM pad+ma d+h+rig ces bya ba'i sngags brjod par bya'o/ /de nas byang phyogs kyi sgor ra yig yongs su gyur pa las/ ral gri gshin rje gshed phrag dog gshin rje gshed dang 'dra ba oM khaDga d+h+rig ces pa'i sngags brjod cing
 bsam par bya'o/ /dkyil 'khor ba'i lha rnams kyang 'khor lo'i bdag po'i rgyun gyis brgyan pa'o/ /de nas phyi rol gyi rim par grwa bzhi la gnas pa ni na yo ni rA'i sa bon las sna tshogs pad+ma la gnas pa'i rang gi gdan la thod pa rnam pa/
 bzhi por bdud rtsi rnam pa lngas gang bar bsam par bya'o/ /de dag ni 'khor lo thams cad rdzogs pa ste/ shin tu rnal 'byor du brjod par bya'o/ /de nas dkyil 'khor gyi bdag po dang dkyil 'khor ba rnams kyi mig la sogs pa la/ oM badzra
 tsak+Shu oM badzra kro d+ha oM badzra gra na/ oM badzra dzi ba/ oM badzra kA ya zhes pa'i sngags kyis byin gyis brlabs par bya'o/ /de bzhin du mgo bo la zla bar oM yig dkar po gnas pa dang/ mgrin pa a yig dmar po pad+ma dmar po la
 gnas pa dang/ snying gar nyi ma dmar po la gnas pa'i hUM yig sngon po sku gsung thugs kyi bdag nyid du lta bar bya'o/ /de nas rang gi snying ga'i sa bon gyi 'od zer gyis nam mkha' i phyogs su gnas pa'i sangs rgyas thams cad la yang dag
 par mos par de bzhin gshegs pa thams cad de bdag la dbang bskur khyed kyis gsol ces gsol bar bdab par bya'o/ /de nas de rnams kyis gshin rje gshed kyi gzugs su bya ste/ bum pa bdud rtsi lngas gang ba
 bzung ste dbang bskur bar byed do/ /de nas phyi dang nang gi dri ma ma lus ba bkru ste 'bar zhing gsal ba dang ldan pa bdag nyid kyi phyi dang nang gi dri ma ma lus pa dag par blta bar bya'o/ /dkyil 'khor gyi bdag po dang dkyil 'khor
 pa rnams kyi dbu la rang gi rigs kyi bdag po lta bar bya'o/ /de yang 'di lta ste/ dkyil 'khor gyi bdag po ni mi bskyod pa'o/ /gti mug gshin rje gshed kyi rnam par snang mdzad do/ /phra ma ni gshin rje gshed kyi rin chen
 'byung ldan no/ /'dod chags gshin rje gshed kyi snang ba mdza' yas so/ /phrag dog gshin rje gshed kyi don yod grub pa'o/ /rdo rje tsar tstsi ka ni rnam par snang mdzad do/ /rdo rje phag mo ni mi bskyod pa'o/ /
 rdo rje dbyangs can ma'i ni snang ba mdza' yas so/ /rdo rje gau ri ma ni don yod grub pa'o/ /tho ba gshin rje gshed kyi ni mi bskyod pa'o/ /dbyig pa gshin rje gshed kyi rnam par snang mdzad do/ /pad+ma gshin rje gshed kyi snang ba mdza' 
 yas so/ /ral gri gshin rje gshed kyi don yod grub ba zhes bya'o/ /de'i rjes la rang gi snying ga'i sa bon gyi 'od zer gyis ye shes kyi 'khor lo bkug ste yang dag par mchod nas/ oM mutka rA dza/ oM danda hUM/ oM pad+ma
 baM/ oM khang ba ho zhes pa'i sngags rnam pa bzhi dgug pa dang /gzhug pa dang bcing ba dang/ dbang du byas pas dam tshig gi 'khor lo dang/ ye shes kyi 'khor lo gcig tu bya'o/ /de nas yang yaM yongs su
 gyur pa las ji skad gsungs pa'i rlung gi dkyil 'khor la de spar ba'i yaM yig yongs su gyur pa las me'i dkyil 'khor ro/ /des bsros pa'i sa mig dkar po yongs su gyur pa'i thod pa srog dang bral ba'i go ku da ha na oM
 yig gis byin gyis brlabs bas zhu bar gyur par blta bar bya zhing/ oM yig gi thig le las byung ba'i 'od zer gyis de bzhin gshegs pa thams cad kyi thugs ka'i bdud blangs te/ der zhugs pas bdud rtsi rnam pa lngas
 bsil bar bya te/ oM A(rgyud 'grel gyur par blta bar bya zhing/ rdo rje tsar tstsi ka'i zhal gyi glus mchod par bya ste/ a kye kye gshin rje gshed nag bla/ /srin mo'i gzugs kyi rang bzhin khyod/ /bdag gis khyod mthong shin tu 'jigs/ /spos pa'i rang bzhin 'di mthong mdzad/ /de nas rdo
 rje phag mo'i zhal nas/ sa bla sa 'og sa steng gsum/ /khyod kyi gar kyis g.yo bar mdzad/ /mig dman ltar nag khros pa'i thugs/ khyod ni ro langs bzhin gar mdzod/ /de nas rdo rje dbyangs can ma'i zhal nas/ mdangs nag tshad ni ?
 thug pa la/ /rnam par sna tshogs gzugs yul mdzad/ /dbyangs can ma bdag gsol ba 'debs/ /bde ba chen po khyod gar mdzod/ /de nas rdo rje gau ri ma'i zhal nas kyang/ /h+rI(rgyud 'grel gyi 'khrul pa sol/ /rje btsun snying rje'i dbang gis khros/ /'gro bas gar byed pa ni mthong zhes pa'i glu'i dkyil 'khor yang dag par mchod nas/ de la bstod pa bya ste/ gti mug gshin rje'i rang bzhin khyod/ /gshin rje gshed po
 shin tu 'jigs/ /ston pa sangs rgyas kun rang bzhin/ /rdo rje sku la phyag 'tshal bstod/ /phra mo rdo rje'i rang bzhin khyod/ /gshin rje gshed po shin tu 'jigs/ rdo rje thugs dang rab mtshungs pa/ /rdo rje rin chen phyag 'tshal bstod/ /
 'dod chags rdo rje'i rang bzhin khyod/ /'dod chags chos kyi 'byung gnas gtso/ /dbyangs kun gyi ni mchog gi mchog /rdo rje gsung la phyag 'tshal bstod/ /phrag dog rdo rje'i rang bzhin khyod/ /gshin rje gshed po las kun pa'i/ /rdo
 rje sku dang rab mtshungs pa/ /phyag na ral gri phyag 'tshal bstod/ /sangs rgyas kun gyi rang bzhin khyod/ /sangs rgyas thams cad gcig bsdus pa'i/ /sangs rgyas kun gyi mchog gi mchog /dkyil 'khor gtso la phyag 'tshal
 bstod/ /ces pa ste/ de ni rnal 'byor chen po ste/ /mig sogs byin gyis brlabs pa dang/ /sku dang gsung dang thugs nyid dang/ ye shes 'khor lo gzhug pa yang/ /bdud rtsi myang pa dag dang ni/ /mchod
 pa che dang bstod ba ni/ /rnal 'byor chen po zhes brjod pa'o/ zhes pa 'dis nye bar mtshan par bya ste/ /'chad par 'gyur bas kyang rnal 'byor chen por rtogs par bya'o/ /bdag nyid de ltar bsgom nas thams cad kyi snying gar rang rang gi
 stan dang/ zla ba dang nyi ma la gnas pa'i rang rang gi sa bon yi ge rnams blta zhing zla bar bya'o/ /de la sngags ni 'di yin te/ oM yak+She ma med ya tsa ni rA dza sa do ru/ na yo ni rA hUM hUM phaT phaT swAhA/ de bzhin du lha thams cad kyi
 sku rnams las rang dang 'dra ba'i lha'i sku sems can gyi don du spro bar bya'o/ /de la zhe sdang gi rigs kyi snod du gyur pa'i sems can rnams brtul nas mchod pa chen po zhe sdang che ba las bkod nas 'ongs te dkyil 'khor gyi bdag po'i
 lus la rab tu zhugs pas zhe sdang gshin rje gshed kyi 'khor lor blta bar bya'o/ /de bzhin du gti mug gi rigs kyi snod du gyur pa'i sems can rnams mchod pa chen po gti mug che ba las bkod nas gti mug gshin rje
 gshed kyi tshogs rnams gti mug gshin rje gshed kyi sku la bsdu bar bya'o/ /de bzhin du phra ma'i rigs kyi snod du gyur pa'i sems can rnams mchod pa chen po phra ma che ba la bkod nas phra ma gshin rje gshed
 kyi lha'i 'khor lo rnams bsdu bar bya'o/ /de bzhin du phrag dog gshin rje gshed la sogs pa rnams kyang rtogs par bya'o/ /de ltar yang dang yang du bsgom pa byas pas ngal bar gyur na/ yan lag drug gi rnal
 'byor bsgom par bya ste/ nag dang ser dang de bzhin dmar/ /sngo bsangs dkar ljang rim pa bzhin/ /lhan cig skye dga' tsam du ni/ /'khor lo bdag por bcas pa bsgom/ /de nas langs te sngar bzhin du lha'i 'khor lo rnams bsgom zhing ? pa gang
 bsdu ba la sogs pa'i sngags bzla bar bya'o/ /de ltar lha'i rnal 'byor dang ldan pas gter ma byin gyis brlabs pa dang zhi ba la sogs pa'i las rnams brtsams par bya'o/ /de nas ji ltar bya ba bstan pa'i don du gsungs pa/ slob dpon la sogs
 pa rnams te/ bde gshegs bka' zhes pa ni bcom ldan 'das kyis ji skad gsungs pa'i gang la gnas pa 'di ni bya ba'o/ /'di ni mi bya ba'o/ /spun zhes pa ni rdo rje 'chang gi sprul pa la spun du gyur pa ste sems can rnams nyid kyi skyon bstan
 par mi bya'o/ zhes pa 'brel te/ de bzhin khro bar mi bya zhes pa ni khros pa las legs par chos bstan pa ma yin pa'o/ /bden pa zhes pa ni don dam pa'o/ /chos shes pa ni rul pa dang 'gal ba la sogs pa'o/ /chos la tshad ni
 zhes pa ni zab cing rgya che ba'i lha la sogs pa la te dgos pa chung ngu la zhes bya ba'o/ /rtag tu bstan par bya zhes pa ni lhag ma'o/ /shes rab rang bzhin zhes bya ba ni shes rab kyi pha rol tu phyin pa'i gzugs brnyan rnams kyi'o/ /slong mos
 zhes bya ba ni gzung ba dang 'dzin pa'i mngon bar med pas so/ /rnal 'byor par mi bya zhes bya ba ni lha'i rnal 'byor ro/ /rtag par ni dus thams cad du'o/ /rtag tu zhes pa ni mnyam par bzhag pa dang mnyam par ma bzhag pa'i rnal
 'byor gyis so/ /sngar dam tshig mngon par rjod pa las yang gang zhig brjod pa ni de'i don yang 'di yin te/ bsrung ba dang/ bza' ba de dag gi dam tshig ni gnyis te/ sngar ni bza' ba'i dam tshig brjod pa yin la/ /
 'dir ni bsrung ba'i dam tshig tu dgongs te/ bla ma smod pa zhes pa ni gnod pa byed pa'o/ /de bzhin du dam tshig ces bya ba ni dam tshig nyams pa na'o/ /dkyil 'khor zhes bya ba ni rdul tshon gyi dkyil 'khor ro/ /bde
 gshegs rnams la zhes pa ni bla ma rnams la zhes pa'o/ /de dang nye bar ma gyur na sangs rgyas rnams nyid la'o/ /nyams pa'i gnas skabs su bla ma 'di ji lta bu zhig la bya zhe na gsungs pa/ dad pas zhes bya ba la sogs pa
 ste/ dam tshig ces bya ba la ni go gu nga ha na la sogs pa brten pa'o/ /gzhan mi rtag ces pa ni dam tshig bsten par byed pa ji ltar gzhan gyis mi rigs pa'o/ /nyes pa ma lus zhes pa ni lung las gsungs pa'i nyes pa
 bsrung ba'o/ /bsam gtan la sogs zhes bya ba ni lha'i rnal 'byor dang ldan pa'o/ /sems can mchog gzhol zhes pa ni sems can gyi don mchog pa'o/ /bla ma der ni bla ma zhes bya ba ni bla ma de la gus par bya ba'o/ /
 slob ma'i yon tan bstan pa'i don du gsungs pa/ bstan zhes pa ni bstan pa nyan pa dang klog pa'o/ /dul ba zhes bya ba ni sems can thams cad las dman par sems pa'o/ /dad pa'i bsam pa ni rab tu dang ba'o/ /
 mdzes zhes pa ni lus dang yan lag dman pa ma yin pa'o/ /smin bya zhes pa ni chos bstan pa la sbyor ba'o/ /mchog tu dga' ba chen po zhes bya ba ni lhan cig skyes pa'i dga' ba'o/ /dga' bar gyur ces pa ni mchog
 tu tshim par byed pa'o/ /ched du brjod ces bya ba ni brjod pa dang ldan pa rnams so/ /ci brjod cen gsungs pa/ gshin rje gshed kyi mthar thug ces pa ni dpal gshin rje gshed kyi rgyud dang lhar dngos grub myur ba gdon
 mi za bar 'byung ba'i 'khor lo rnams las gzhan dag tu de bzhin du ma yin pas so/ /thod pa'i mthar thug shes pa ni thod pa 'chad ba'i mthar thug pa ste/ he ru ka'i rnal 'byor gyi mthar thug pa'o/ /de lta bas na nyan thos la sogs pa'i
 brtul zhugs ni mthar thug pa ma yin no zhes pa'i don to/ /e ma'o zhi ba chen po'i chos zhes bya ba ni rmi lam dang sgyu ma lta bu gnyis med bden par mi 'gyur ba las zhi ba chen por byed pa pos 'jigs pa mdzad la zhes bya ba ni
 zhi bar gyur nas 'dul bya rnams la smad du byung ba'i 'jigs pa'i gzugs su ma sprul pa'o/ /de lta bu'i lha gnyis gsungs pa/ e ma'o zhes bya ba la sogs pa'o/ /'khor ba mya ngan las 'das zhes bya ba ni zhi ba'o/ /
 e ma'o 'khor ba zhi ba nyid ces bya ba ni/ 'di yang 'khor ba lta bu 'am/ 'jig rten pa lta bu ste/ lha rnams kyi rnam pas 'jug pas de lta bu la yang rgyun gyis 'jug par byed pa'o/ /e ma'o 'di ni zhes bya ba la sogs
 pa ste/ nyes pa gang de shes zhes pa ni khyim dang khyim thab dang/ skye ba dang/ 'chi ba la sogs pa'o/ /de dag ni 'khor ba'i bskyon te/ 'dir yang de lta bu ste/ thams cad mchog gi yon tan du gyur pa yin no/ /
 gang gi phyir 'di ni gzhal yas khang du gnas pa la sogs pa yin yang 'ching ba'i rgyu ma yin no/ /'on kyang grol ba nyid du byed pa'o/ /yang skyon rnams yon tan du ji ltar byed ce na gsungs pa/ byang chub med cing
 zhes pa ste/ 'di yang byang chub 'di bsgrub par bya ba la/ byang chub sems dpa' ni sgrub par byed pa'o/ /zhes logs su mngon par zhen pa med pa'o/ /mngon rtogs med ces pa ni mngon par rtogs pa ni byang chub
 kyis don du lam ste der logs su mngon par zhen par mi bya'o/ /dngos po min zhing bsgom pa min zhes bya ba ni bdag nyid bsgom par bya ba dang/ bsgom pa po dang/ bsgom pa ma yin te/ tha dad kyi mngon
 par zhen pa dang bral zhing sems nyid yang dang yang du goms par byed pa'i bdag nyid tsam mo/ /ci'i phyir yang mngon par zhen pa med pa zhe na gsungs pa/ khams kyang min zhing zhes bya ba la sogs pa ste/ phyi rol gyi
 gzugs la sogs pa'i rten med pa'o/ /gzung ba med pas 'dzin pa yang med dam zhe na kyang med zhes pa ste/ 'dzin pa'i rnam par shes pa yang med ces pa'i don to/ /'o na so sor snang ba na ji lta bu zhe na/ nam
 mkha' i dkyil 'khor dang mtshungs pa nyid ces pa ste/ gang gi phyir nam mkha' ni nam mkha' i rang bzhin no/ /sngon po dang/ dkar po la sogs pa'i rang bzhin dang bral ba snang ba tsam ste/ de lta bu yang mun pa dang/
 sprin la sogs pa'i gzhi yin pa de rnams bsdus nas nam mkha' nyid ni/ 'dir 'di lta bu zhes rmongs pa'i yid can rnams mngon par zhen pa'i de bzhin du bde ba chen po ro gcig par rtogs pa rnams dang bral
 ba'i shes pa dang 'di nyid la ste/ 'di lta bu rnams sna tshogs pa'i gzhi yin pas de nyid rang bzhin no/ /zhes rmongs pa rnams mngon par zhen pa'o/ /'di nyid gsungs pa/ nam mkha' lta bu zhes pa ste/ bdag
 med chos 'di bde chen po/ zhes bya ba ni sems nyid bde ba chen po'i rang bzhin/ /de nyid bdag med pa'i chos yin la/ de yang snang bar 'dod cing rnam pa'i rang bzhin med par gyur pa ste/ rang bzhin med
 pa rnam pa bral ba zhes pa'o/ /gzung ba dang 'dzin pa'i dngos po med pa'i de'i phyir na 'byung ba lnga ma grub par bstan pa'i don du gsungs pa/ sa yang ma yin zhes bya ba la sogs pa ste/ sa la sogs pa ni rdul phra rab kyi tshogs nyid du 'dod cing
 rdul phra rab kyi cha shas med pa'i dngos po zhes brjod de/ 'di ni phyogs kyi cha'i dbye bas rtogs pa gang la cha shas med pa yin/ da lta bas na rdul phra rab ma grub pas sa la sogs pa'i bya ba ni snyim pa chu ster ba nyid do/ /gal te 'di dag
 thams cad la gzung ba dang/ 'dzin pa sna tshogs rang bzhin gyis med na gang las skye bar 'gyur zhe na/ gsungs pa/ rdo rje zhes bya ba la sogs pa ste/ /rdo rje ni mi phyed pa'i ye shes so/ /de'i bden pa ni sems dpa' o/ /de'i rab tu sbyod
 bas zhes pa ni gti mug rab tu 'byed pa'i sbyor ba'o/ /bskyed pa ni de las te/ 'dir yang rten cing 'bral bar 'byung ba dang por 'di ni blta bar bya/ bdag ni blta byed do zhes pa la sogs pa ste/ de yang ci gzung ba dang/ 'dzin pa de zhes
 pa la brten pa ma yin nam zhe na/ gsungs pa/ thams cad ces bya ba la sogs pa ste/ dngos po thams cad ces bya ba ni gsal zhing snang ba brten pa'i gzung ba dang 'dzin pa'i rnam pa'o/ /de dngos med bshad ces pa ni bden pa'i ngo
 bo ma yin pa'o/ /yang na de'i don ni 'di yin te/ shes pa la brten nas gzung ba dang 'dzin pa'i rang bzhin du brtags pa yang ci pha rol po'i shes pa ni gzung ba'i dang 'dzin pa'i rang bzhin ma yin te/ pha rol gyi rang rig pa mngon
 sum du ma gyur ba'i phyir ro/ /gang gi yang dag par rig pa las brten pa yang ma yin te/ gzung ba dang 'dzin pa ma yin pa'i phyir ro/ /'das pa dang ma 'ongs pa yang mngon du gyur pa ma yin pas na gzung bar ma grub pa nyid do/
 de ltar byung ba'i rang rig pa yang gcig pa nyid kyis ni gzung ba dang 'dzin pa ji ltar yin te bdag? nyid la bdag nyid byed pa 'gal ba'i phyir ro/ /de lta bu nyid kyis na dngos po med pa zhes bya ba la sogs pa ste/ zhes bya ba ni gang de lta
 bu de'i don gyis na dngos po med pa ste/ shes pa la brten pa'i gzung ba dang 'dzin par yang dngos por ma grub pa'o/ /'o na 'di lta bu yang ste bden par gyur pa'i gzung ba dang 'dzin pa'i rnam pa spang ba'i don du nges pa nyid du thabs gams?
 bar byas na de ni gnyen po la te bden pa'o/ /de lta bu'i sbyor ba gang la yod pa de ni rnal 'byor ba zhes 'os pa'o/ /rnam pa gzhan gyis gzung ba dang 'dzin pa'i de zhes gsungs pa/ rnal 'byor zhes bya ba la sogs pa'o/ /don ni 'di
 yin te/ rnal 'byor pa'i 'brel pa ni yod pa ste/ gzhan yang 'di ni chad pa ma yin te snang ba tsam du yod pa'i phyir ro/ /ji skad gsungs pa'i dbyad pa mi bzod pas na rtag pa ma yin pa'o dang/ don dam pa yang ma grub na
 rnam pa gzhan gyi gzung ba dang 'dzin pa'i ngor brtags pa de ji ltar grub/ de ni lha'i rnal 'byor pa yang don 'di gsal bar bya ba'i phyir yan lag med cing zhes pa la sogs pa ste gsal zhing snang ba las yan lag la sogs pa
 ste/ des na chad pa yang ma yin zhing ji skad gsungs pa'i spyad pa mi bsod pas na rtag pa ma yin pas so/ /ci de lta mod kyi 'o na ni don dam pa gang yin zhe na/ gang mchog tu dga' ba'i mtshan nyid can no/ /zhes pa lhag ma'o/
 bzung ba dang 'dzin pa'i rnam pa yongs su spangs pa gang bde ba chen por ro/ /cig pa'i ye shes de ni bden ba zhes pa'i don to/ /gang las shen gsungs pa/ dngos po thams cad ces bya ba la sogs pa ste/ dngos po thams
 cad ces bya ba ni phyi dang nang gi zhes bya'o/ /de'i rten ni shes pa'i rnam pa ste/ chos can de las chos rnams 'byung bar 'gyur ro/ /de rnams kyang don dam par ma grub po zhes pa'i dgongs pa bstan pa'i don du gsungs pa/ /thog ma zhes bya ba
 la sogs pa'o/ /bcom ldan 'das kyis ji skad gsungs pa de dag thams cad dag gis rtogs par byas nas go bar bya ba'i don du gsungs pa/ de nas bcom ldan 'das ma rnams zhes bya ba la sogs pa ste/ de dag gis ci zhig brjod ce na/
 dri med ces bya ba la sogs pa'o/ /dri med ni dri ma med pas te phyi rol gyis gzung ba dang de la bltos pa rnams so/ /dag pa ni rnam par dag pa ste/ ye shes ni gzugs su gzung ba dang de la bltos pa'i gzung ba dang 'dzin par ma byung
 ba'o/ /ho zhes pa ni mnyas pa'o/ /gang yin zhe na/ gsungs pa/ mchog tu zhes bya ba la sogs pa ste/ mchog ni ma bcos par 'dod pa yin la/ dga' ba ni bde ba chen po yin pas so/ /'di lta bu yang thabs kyis sgrub bya bsod
 nams bden pa'i bdag nyid ma yin no zhe na/ gsungs pa/ bsod nams zhes bya ba la sogs pa ste/ bsod nams ni bsod nams yis so/ /thob pa zhes ni rab tu thob pa'o/ /ma zhes pa ni ma yin pa'o/ /'brel pa ni 'brel
 par byed pa'o/ /de yang thabs kyi rang bzhin gyis phyi rol gyi bsod nams bden pa'i bdag nyid de der byed do zhes pa'i don to/ /thabs kyi ngo bo ni lus su snang ba tsam dang/ bsod nams kyi rang bzhin pas na yod pa nyid do/ /'o na
 de lta bu ni gzung ba dang 'dzin pa sangs pa na rnam par shes pa tsam 'ba' zhig gis gnas pa yang ma yin pa de ni stong pa nyid du brjod cing snying rje med par 'gyur bas na/ de ltar 'di yang bcom ldan 'das nyid kyis dbyer med du
 gsungs pa'i don du snying rje'i sems kyis shes pas te/ snying rje'i sems ni rmi lam dang sgyu ma lta bu'i rang bzhin gyi ngo bo'o/ /yod ces pa ni ji srid nam mkhar gnas pa'i bar du sems can ma lus pa'i
 don mdzad pa'i nus pa yod pa'o/ /dang ba zhes pa ni gzung ba dang 'dzin pa yongs su spangs pa ste dri ma med pa'o/ /de'i phyir bdag nyid gsungs pa/ gter chen gcig pus zhes pa la/ gter chen ni gter chen po dang
 'dra ba ste/ 'gro ba ma lus pa'i 'tsho ba ster bas na'o/ /de bzhin nyid ces pa ni dbyer mi phyed pa'i ye shes kyi bdag nyid bcom ldan 'das so/ /stong pa zhes pa ni gzung ba dang 'dzin pa'i skyon dang bral ba'o/ /'o na de
 lta bu don dam pa byas pas 'gro ba 'di dag rnams la ni skye zhing 'gro ba yin pas de dag gi rang bzhin la ma khyab po zhe na/ gsungs pa/ mchog tu zhes bya ba la sogs pa ste mchog ni 'gro ba la khyab pa'o/ /dga' ba ni nyon
 mongs pa dang bral ba'o/ /de'i phyir 'di nyid dang po zhes pa ste dang po nyid dngos po med pa ste/ gcig gi rang bzhin du 'os pa med pas khyab ces pa'i don yin la/ de yang gcig gi rang bzhin du nges pa la ni mchog tu dga' ba
 med do zhes pa'o/ /dga' ba ni nyon mongs pa dang bral ba yin na/ de yang ji ltar shes she na gsungs pa/ bde ba chen po zhes bya ba la sogs pa ste/ bde ba chen po zhe rang bzhin gyis nyon mongs pa dang bral ba yin la des
 na dga' ba chen po'i don to/ /de lta bas na 'di ni chos rnams ngo bos shes pa ste/ chos ni rang gi mtshan nyid 'dzin pa bstan pa dang/ g.yo ba'i dngos po ma lus pa'o/ /de rnams kyi rang bzhin ni gnyug ma'i de kho na nyid de
 mkha' 'gro ma rnams kyang de rang bzhin te rang bzhin gyis rnam par dag pa las so/ /'on 'di ltar 'gro ba ni rkyen la skye ba dang ldan pa'i 'gro ba'i rang bzhin te de dag der 'gyur ro zhe na gsungs pa/ med cing zhes bya ba la sogs pa ste med pa
 ni med pa nyid do/ /de ni de rnams kyi'o/ /de bzhin nyid ces pa ni de bzhin nyid la'o/ /bsod nams med cing sdig pa med ces pa ni thams cad kyang ro mnyam pa de'i rang bzhin no zhes pa'o/ /ci'i phyir zhe na/ gsungs pa/ 'jigs dang
 zhes bya ba la sogs pa ste/ 'jigs pa dang skye ba ni sdig pa dang bsod nams kyi sbyor ba yn na de dag dngos po med pa las/ ci'i phyir de dag gi rang bzhin 'byung zhes pa'o/ /byang chub kyi sems zhes pa ni sangs rgyas kyi thugs kyi rang bzhin
 no/ /de gsal ba ni gtan la 'bebs pa'o/ /de ston par byed pa dag gi tshogs te byang chub kyi sems gsal bar byed pa'i le'u 'o/ /le'u bcu bdun pa'i bshad pa rdzogs so// //rgyud 'byung ba'i skabs la 'bab pa'i
 don gsungs pa/ de nas gtam rgyud brjod par bya ste zhes bya ba la sogs pa'o/ /lhags te zhes bya ba ni mngon par phyogs pa gyur pa'o/ /bdud chen po las rgyal ba zhes bya ba la bdud chen po ni nyon mongs pa la sogs pa'i mtshan nyid rnams so//
 pha rol las rgyal bas rgyal ba ste mngon par byang chub pa rnam pa lnga las yang dag par byung ba'i rdo rje 'dzin pa gshin rje gshed kyi gzugs zhes pa'i don to/ /nyid kyi sku gsung thugs rdo rje'i gtso bo zhes bya ba ni gshin rje gshed kyi gtso
 bo'o/ /nges par phyung bar gyur nas/ zhes bya ba ni sku gsung thugs rnams kyis gshin rje gshed du gyur pa'o/ /dgos pa bstan pa'i don du nges par phyung zhes bya ba la sogs pa ste/ de rnams kyang de'i dus su gnas pa'i lha?
 la sogs pa rnams de bzhin du snang ba yin pas 'di brjod par bya ste/ bcom ldan 'das rang nyid kyis bdag nyid kyis bdag nyid la bka' bsgo ba yang ma yin no/ /skad cig la zhes pa ni dus su nyung ngu nye bar
 mtshon ba'o/ /legs par rab tu yid la byas so/ zhes bya ba ni bdud rnams so/ /zhes pa lhag ma'o/ /legs so sbyin pa dang ldan pa gang yin zhe na/ legs par byed pa ni gang rab tu byed pa ni gang zhes pa'i don to/ /
 gsang ba chen po'i bdag po zhes bya ba la gsang ba chen po ni gnod sbyin no/ /de rnams kyi bdag po ni phyag na rdo rje'o/ /rdo rje'i rigs kyi gtso bo zhes bya ba ni mi bskyod pa'i rigs te 'dir de'i rigs mchog tu gyur pas na de'i dbang
 du byas zhes ba'o/ /ci rgyud 'di gtso bo yin pa'o/ /dgyes pa'i rdo rje'i rgyud bzhin du yang dag par byung ba yin zhe na/ gsungs pa/ na da ku be ra'i yab ces bya ba la sogs pa ste/ na da ku be re zhes pa'i rgyud rkang pa gcig dang bcas
 pa'i 'bum phrag gcig pa las phyung zhes pa'i don no/ /nan tan du byas zhes pa ni yang dag pa'i nan tan gyis te des 'dul ba'i blo dang ldan pa rnams kyi don du'o/ /de bzhin du rgyud kyi rgyal po chen po zhes bya ba ni rgyud kyi rgyal po las
 so/ /orgyan nas byung zhes pa ni orgyan nas yang dag par byung ba'o/ /le'u bco brgyad pa'i bshad pa rdzogs so// //gang gis rgya mtsho'i chu yang rmig pas 'gebs shing ri bo'ang rab tu g.yo ba yi/ /ma he'i rgyab
 tu nyi ma dmar pa'i gnas su gang zhig zhon zhing rol ba ni/ /bskal pa'i mthar byung sprin dang 'dra ba'i gshin rje gshed kyi rnam pas yun rings su/ /'gro ba rnams kyi phun sum tshogs pa rab tu 'byor pa'i rgyur gyur cing/ /
 bde gshegs dgongs pa yongs su shes pa'i stobs ni rin chen te/ /srid gsum mun pa 'joms shing dga' bas 'di ni phreng ba'ang yin/ /rin chen 'od zer ldan pas snying la gnas pa'i yon tan byed/ /mdog bzang phreng bar brgyus
 pa'i yon tan ldan pa 'di yi ni/ /snod kyi sems can rtag tu sems nyid dga' zhing rgyas pa dang/ /shin tu dga' ba'i yid kyis mun pa sel bas nyi ma bzhin/ /rin chen phreng ba dang ni 'dra bas rin chen phreng ba ste/ /yang
 dag bsdus pas 'gro ba las ni rgyal ba'o/ /de yi gnyis med rtogs pa'i las ni mtshungs med pa'i/ /snying rje dang ni stong pa'i brtse bas snod du gyur/ /sems can kun gyi snod rnams las ni bde gshegs kyi/ /dgongs
 pa'i bdud rtsi'i chu yis bran pa'i brtse chen po/ /kun mkhyen yang dag sems 'di rgya mtsho'i chu rlabs bzhin/ /rgyal ba gshin rje gshed dpal rnam spras nan tan las/ /yon tan dpal du gyur pa'i dka' 'grel 'di yin te/ /
 rin chen phreng ba zhes ni ming du brjod pa'o/ /ma ga d+ha yi shar gyi phyogs/ /b+hi gal zhes bya ba'i yul/ /bi kram pu ri'i gtsug lag khang/ /sku 'khrungs mkhas pa chen po las/ /a ba d+hu tI par gyur pa'i/ /gzhon nu zla bas mdzad pa yin/ /
 rgya gar mkhan po li la badzra la/ /bod kyi lo tsa bsod nams rgyal mtshan ni/ /rus pa dbyel la mkhan ni ser rtsa yis/ /rnyed dang grags pa'i don du 'di ma bsgyur/ /rang gi slob ma rnams kyis gsol btab nas/ /phan pa'i bsam pas
 'di don legs par bsgyur/ /gal te ltag chad 'ga' zhig yod srid na/ /rgya dpe gzhan dang mkhas pa gzhan dag la/ /da dung bdag nyid zhus gtugs legs par bgyid/ /sgra yi ming dang rnam rtog sna tshogs bas/ /lo tsA gzhan gyis
 bcos pa ma mdzad cig /mnyan cing shes na 'di la bshad pa mdzod// //dpal/ shin rje gshed nag po'i dka' 'grel rin po che'i phreng ba zhes bya ba/ slob dpon gzhon nu zla bas mdzad pa
 rdzogs so// //'di bris dge ba'i mthu dang nus pa yis/ /gshin rje gshed po'i go 'phang mchog thob nas/ /pha mas gtso byas 'gro drug sems can rnams/ /sangs rgyas go 'phang tshe 'dir ma thob pa dang/ /gdon
 bgegs 'byung po'i tshogs rnams zhi mdzad pa'i/ /gshin rje gshed po'i go 'phang myur thob shog/ (//!/ /gshin rje'i dgra nag po'i rgyud kyi dka' 'grel bzhugs so//) //rgya gar skad du/