<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N1577: gshin rje gshed nag po'i rgyud kyi rgyal po mngon par mthong ba lam gyi sgron ma zhes bya ba'i rgya cher bshad pa<br><table><tr><td>
<input type="button" onclick="location.href='tcompletep.php?id=N1577&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N1577&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N1577&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">rab kyis dad pas bsgyur cing zhus te gtan la phab pa'o// /!/ /gshin rje gshed nag po'i rgyud kyi bshad pa mngon par mthong ba lam gyi sgron ma nag po pas mdzad ba bzhugs so// //rgya gar skad du/ kriSh+Na ya mA ri tan+ta rA dza bra
 ka na bra rI pa nA ma TI kA/ bod skad du/ gshin rje gshed nag po'i rgyud kyi rgyal po mngon par mthong ba lam gyi sgron ma zhes bya ba'i rgya cher bshad pa'o/ /bcom ldan 'das smra ba'i skyes mchog 'jam dpal gzhon nur gyur pa la phyag 'tshal lo/ /bde
 gshegs yon tan mdza' rgyas snying po'i snying po nyid/ /dbyings dag rnam pa'i mdza' bral zhi ba chos kyi rje/ /phyir mi log dbang sems dpa' rgyal ba mchog gi sras/ /klu sgrub snying po la sogs 'phags mchog de rnams dang/ /bde ba chen pos nges
 par gang ba nag po'i mchog /mtshan dang dpe byad rab tu rgyas ba longs spyod rdzogs/ /dgra rnams bdag por mthar byed de sprul pa'i 'khor lo dang/ rje btsun 'jam pa 'dzin pa'i rang bzhin de la phyag 'tshal te/ /mchod pa chen po zhe sdang dga' byed dgra
 yi rgyud/ /ma lus yid 'dus yid la dga' bar byed pa'i gtso bo ste/ thabs dang shes rab dbyer med bla na med pa'i nyag gcig pu/ /byang chub sems dga' sbyin pa rnam dag shes rab pha rol phyin pa dang/ /brtson 'grus brtul zhugs la sogs gzhan
 yang de yi tshogs/ /rgyud rgyal gsal byed lam du gyur pa nag po zhabs kyis bshad/ /nges don 'di ni rig 'dod na/ /sgra yi rnam pa mchog gyur ces/ /sangs rgyas rnams dang de sras kyis/ /spyi yi rnam pa 'dir 'dod yin/ /bdun pa yi ni dang po la/ /
 bdun pa'i drug pa'i gnyis pa byin/ /brgyad pa'i gnyis pa'i dang pos brgyan/ /bdun pa'i bdun pa'i gsum pa la/ /bdun pa'i bzhi pa'i mthas brgyan pa/ /bdun pa'i drug pa'i dang po dang/ /bdun pa'i lnga pa'i tha ma dang/ /bdun pa'i drug pa'i gnyis pa la
 brgyad pa'i gnyis pa'i gnyis pas brgyan/ /bdun pa'i gsum pa'i dang po la/ /bdun pa'i gsum pa'i tha ma byin/ /bdun pa'i bzhi pa'i dang po la/ /bdun pa'i drug pa'i gnyis pas brgyan/ /bdun pa'i drug pa'i gnyis pa dang/ /bdun pa'i gnyis pa'i
 dang po ni/ /sgra bzhi po ni bsdus pa'i don/ /dzi ni la yi sgra dag las/ /mtshan gyi mchog ni mngon par rnyed/ /de yang nges par bzhag pa las/ /'di yi de nyid de rig bya/ /khungs btsun yid ches bla ma dran/ /bkra shis rang bzor mi 'jug dang/ /'jug
 don rtog las bstan pa'i 'od/ /sgra yi yan lag rnam pa brgyad/ /bstan bcos de yi lus shes pas/ /mkhas pas bshad bya 'dir 'os yin/ /drang po'i don dang nges pa'i don/ /dgongs pas bshad ma dgongs min dang/ /ji bzhin sgrar bshad
 sgrar min don/ /tshogs dang slob ma'i mdza' drug ni/ /bshad pa'i rgyud kyi rjes 'brangs nas/ /rgyud kyi mchog la nges sbyar bya/ /'dir rgyud kyi rgyal po nyid kyis brjod par bya ba ni brjod par bya ba dang rjod par byed pa'o/ /de yang bcom ldan 'das gshin
 rje gshed nag po dang de'i ye shes kyi cha'o/ /rgyud kyi rgyal po 'di nyid dang dge pa'i bshes gnyen gyi gsung gi dam pa sgra don las mtshams bcad pa sgra rang gi mtshan nyid slob dpon gyi rgyud gyis bsdus pa'am/ sgra spyi'i
 rnam pa de las gzhan pa'i rgyud kyis bsdus pa dag go /de yang sangs rgyas rnams kyi ye shes ni/ /de kho na yi rang bzhin nyid/ /lam dang gzhung gi sgrar bshad re/ /gnyis su med pa brjod bya'i don zhes 'byung ba dang/ /sangs rgyas rnams las gang
 thos shing/ /de ston pa ni gang yin dang/ /bsregs bcas brdar ba'i gser bzhin du/ /yongs su brtags nas blang bar bya zhes 'byung ba'i rgyal/ /'dir dgongs pa ni bdag nyid du bya ba yin la de yang dad pa dang yid chas pa'o/ /thams cad kyang de'i rang
 bzhin du shes pa dang/ thams cad kyang de'i ngo bor rtogs pas nan tan du byas pa'o/ /de yang ston pa'i bka' la ci yod dang/ /gang sus bstan pa bzang po'i mchog gzhan bstan pa'i mthu nyid kyis/ /the tshom dang ni bral byas pa'o/ /'dir dgos bdag
 gdon phun sum tshogs pa ni tha mi dad pa'i ye shes chos thams cad kyi rang bzhin bde ba chen po'o/ /yang dgos pa ni gzhan gyi don phun sum tshogs pa'i 'bras bu ste mtshan dang dpe byad kyi ngo bo dang/ gzhan sna tshogs pa'i gdul bya dang/ mngon
 par snang ba sprul pa nyid do/ /de yang gzhan don phun tshogs sangs rgyas kyi/ /'bras bu gtso bor bshad pa ste/ /sems can rnams kyi don spangs nas/ /chen po'i 'bras bu gzhan ma yin zhes 'byung ba'i phyir ro/ /'dir 'brel pa ni med na mi 'byung ba'i
 don do?/ dngos kyi 'brel pa las phyogs gzhan pa'i blo'i 'brel pa de las byung ba ni don dang tshig gi rang bzhin de dang des gzhan dang gzhan la goms par byed nyid do/ /de yang gzhung gi gzhi dag las/ /dam pa'i ngag ni snang po che/ /rgyud kun gyi ni
 gsang ba'i don/ /gang dang gang la der brjod yod/ /ces 'byung ba'i phyir ro/ /de yang rgyud ni shin tu gsang ba'i don te bla na med pa nyid du 'ong ba yin no/ /gsang sngags kyi mngon par rtog pa nyid ni shin tu dgos pa'i don dam pa la rag las ba ste bla na med
 pa'i snying po bsdus pa'i don to/ /de no mngon sum dang rjes su dpag pa'i yul ma yin te/ 'di dag ni rang gi lha las 'ongs pa dang mchog tu gyur pa'i rgyud pa'i rim pa las mngon par rtogs pa'o/ /de yang phyi rol sgra dang tshad ma dang/ /mngon sum rjes su
 dpag rigs pa'i mdung/ /blo rab mngon shes phra mos kyang/ /rtogs par mi nus man ngag yin zhes 'byung ba'i phyir ro/ /rgyud 'di rgyun te bcom ldan 'das rdo rje 'chang chen po nyid do/ /de yang sangs rgyas pa'i ye shes te sems can thams cad dang rgyud gcig
 pa'i blo gros chen po 'di ni bsam gyis mi khyab pa'i ngo bo'o/ /de dag nyid ni rgyu'i rgyud dang/ thabs kyi rgyud dang/ 'bras bu'i rgyud bsdus pa'i ngo bo ste/ de yang tsan dan lta bu dang/ utpal lta bu dang/ pad+ma dkar po lta bu dang/ pad+ma lta bu dang/ rin po che lta
 bu'i gang zag ste/ zhe sdang gi rigs ni mchog tu gyur pa ste de yang gzhi dang/ rang bzhin dang/ dbrog tu med pa nyid do/ /de nyid ring ba dang nye ba'i cha shas kyis rgyu'i rgyud mngon par rtogs par bya ba nyid do/ /sgrub par byed pa'i thabs na bya ba'i rgyud dang/ sbyor
 ba'i rgyud dang/ rnal 'byor gyi rgyud dang rnal 'byor bla na med pa'i rgyud dang/ de yang thabs kyi rgyud dang shes rab kyi rgyud ni yongs su rdzogs pa dang ngo bo nyid kyis yongs su rdzogs par byed pa'o/ /'bras bu'i rgyud na gshin rje gshed nag po thob pa ste/ de'i gzugs
 can ni sngar bshad pa lta bu'o/ /de dag nye bar gdags su rung ba ni 'brel pa dang tshogs pa ste/ de'i phyir rgyud nyid du shes par bya'o/ /mtshan nyid ni rgyu dang 'bras bu ste/ de'i phyir rgyud nyid du shes par bya'o/ /mtshan nyid ni rgyu dang 'bras bu ste thabs kyi bdag
 nyid du byas pa'o/ /de phyir bskyed pa yi ni rim pa dang/ /rdzogs pa yi ni rim pa gnyis/ /rim pa gnyis la brten nas ni/ /rdo rje 'chang gi chos ston to/ /zhes 'byung ba'i phyir ro/ /de dag rab tu 'byed pa ni tshig gi rgyud dang
 rang bzhin gyi rgyud do/ /de dag yi ge dang sgra nyid kyis gzugs brnyan yi tshogs dang don spyi'i rnam pa nyid 'dzin pa yin la/ don can gyi dpe dang bsam gyis mi khyab pa'i rgyud kyis myong ba de kho na nyid du byed pa'o/ /gnyis pa gnyis ni gzhan
 sel ba ste/ tha dad pa nyid du 'byed pa ni blo'o/ /gnyis med la gnyis mi gnas shing de nyid kyi 'du shes dang bral ni sangs rgyas kyi sa'i de kho na nyid do/ /thabs dang shes rab kyi rgyud gshin rje gshed nag po'i rang bzhin ni rnal 'byor gtso bor
 gyur ba ste/ dang po'i rnal 'byor dang/ rjes su rnal 'byor dang/ shin tu rnal 'byor dang/ rnal 'byor chen po'o/ /de bas na chos kyi sku dang/ longs spyod rdzogs pa'i sku dang/ sprul pa'i sku bsgom pa las yongs su gyur ba ste/ de phyir yang dag yang
 dag min/ /gang gang shig tu bsgom pa las/ /bsgoms pa'i stobs ni rdzogs pa na/ /bde gsal mi gtog blo 'bras can zhes 'byung ba'i phyir ro/ /gzhan yang shes rab pha rol phyin gnyis med/ /snying po don can bla na med pa/ /'di ni yongs su
 bsgoms pa las/ /sangs rgyas kun gyi 'bras bu 'byung/ /zhes 'byung ba nyid kyi phyir ro/ /gal te bsgoms pas ma yin te/ byas dang bsags pas 'grub po zhe na/ ma yin te ji ltar na/ thun mong ma yin par ni bshad/ /gzhan rnams
 rnam pa thams cad du/ /bdag nyid bde don rab tu 'jug/ blang dor yongs su mi shes pas/ /phyi rol lha dang mi rnams kyi/ /bde ba'i don du 'di ltar spyod/ /chu dang me sogs bdag nyid ni/ /zhugs nas 'bras dang 'bras 'byung sogs/ /zla ba gcig
 la sogs par ni/ /lus kyi dka' thub byed pa'o/ /de ltar ma yin te/ 'bras bu dka' thub spyad nas 'byung ba'o zhe na ma yin te/ sdug bsngal dang bcas dka' thub kyis/ /bde ba'i 'bras bu ma yin no/ /zhes bya bas gsal to/ /de ci'i phyir zhe na/ sdug
 bsngal gyi na g.yengs pa'i sems/ /rnam par g.yengs pas dngos grub gzhan/ /dngos grub dngos med 'khor ba ste/ /'khor bas dmyal bar 'gro bar 'gyur zhes gsungs pas gsal to/ /de'i phyir 'jig rten pa'i bsam gtan dag la don med par
 'gyur ro zhe na/ 'jig rten pa yi yang dag lta/ /chen po gang la yod gyur na/ /de ni bskal pa stong du yang/ /ngan 'gror 'gro bar mi 'gyur ro/ /zhes gsungs pas 'khor ba spangs pa ni ma yin te/ de'i mthus dus rtag tu sdug bsngal bar ni ma byas pa'o
 lam la zhugs pa la khyad par ji lta bu yod ce na/ dngos po ma lus rdzas shes shing/ /phung po dngos med mchog mthong bas/ /nyan thos rnams kyi byang chub ni/ /rang gi mya ngan 'das mchog 'gyur/ /pha rol tu phyin pa chen po'i theg pas yon tan
 gyi khyad par ci zhig rnyed ce na/ pha rol phyin pa'i theg pa mchog/ sbyin pa la sogs rab spyod gang/ /rtag tu stong pa'i ror gcig kyang/ /longs spyod rdzogs dang sbrul pa'i sku/ /sku gnyis dag gis dngos po med ces gsungs pa ni bsam gyis mi khyab
 pa'i snying rje chen po dang bral ba ste/ dman pa'i snying rje rang gi mya ngan las 'das pa gtso bor byas pa nyid do/ /gal te khyod sa bcu yongs su rdzogs pa'i phyir mi ldog pa'i rab tu 'phel ba thob pa yang 'gegs par byed pa nyid dam zhe na/ kho bo ni phyir mi ldog pa'i
 sa bcu pa thob pa la yang sangs rgyas pa nyid du mi byed de/ de ltar nyid du des na sa bcu pa'i byang chub sems dpa' nyid sangs rgyas yin par thal bar 'gyur ro/ /de bas na chos dang longs spyod rdzogs pa dang sprul pa ni sangs rgyas kyi sa la gnas pa ste/ 'das pa'i
 khyad par can gyis de ltar zab mo gang mngon du byed pa yin na de ltar na yang sems can gyi don gyi dngos po med do/ /de bas 'gro ba ma lus pa nye bar 'tshe ba med pa dang/ thams cad mkhyen pa la shugs kyi gnon pa 'thung
 bar 'gyur ro/ /bdag med pa rab tu 'phel ba ni rtags pa'i mi mthun pa'i phyogs so/ /de'i phyir gsungs pa/ dngos med gcig po bsgrub pa yang/ /thabs ni spang byar bya ba min/ /bdag gzhan nus pa med pa ni/ /dngos med ri bong rwa bzhin no/ /gal te
 sbyin pa la sogs pa'i thabs ni smon lam gyi thabs kyis 'gyur ba ste/ de'i phyir smon lam ni mchog tu gyur pa'o zhes na/ gang gi phyir ma bsgoms par longs spyod rdzogs pa dang sprul pa'i bdag nyid 'thob ces pa ni the tshom za ste/ ji ltar nges par 'gyur
 ba ni de bzhin gshegs pa thams cad kyis yang dag pa'i dbugs phyung ba med do/ /de ltar na ni chos kyi sku yang smon lam gyi stobs kyis ci'i phyir mi 'gyur te 'gyur bar rigs so/ /de bas na khyod bsgoms pa'i rab tu nyon mongs pa ci zhig bya ste don med pa nyid
 du zad do/ /gal te chos kyi sku ni bsgoms pa dang/ de bsgoms pa las thob par 'gyur ro/ /zhe na mi rigs te gsum po nyid kyang bdag dang gzhan gyi don phun sum tshogs pa ste/ 'bras bu gcig pa nyid la gang gi phyir longs spyod rdzogs pa dang sprul pa'i sku
 gnyis nyes pa ci zhig byas nas gang mi bsgom par 'gyur/ de bas na pha rol tu phyin pa'i theg pa rnams kyis sku gsum gyi bdag nyid can gyi sangs rgyas khas blangs pa tsam du zad kyi de gsal bar bsgoms pa dang bral pa'i phyir thob par mi 'gyur ba'i phyir
 ro/ de phyir sangs rgyas nyid du bsgrub pa'i rgyu/ /sangs rgyas sbyor ba rnam kun tu/ /rgyu dang 'dra ba'i 'bras bu ni/ /rnam pa kun tu blta bar bya zhes 'byung ba dang/ thams cad gsung ba las gsungs pa/ /ting 'dzin ye shes las byung ba/ /'di ltar mdor bsdus
 sangs rgyas nyid/ /sangs rgyas sbyor ba ma yin na/ /bsgrubs pas sangs rgyas thob mi 'gyur zhes 'byung ba'i phyir ro/ /de nyid gsal bar byed pa'i gzhung gzhan yang bshad par bya ste/ der ni sangs rgyas sbyor ba kun/ /sems can ma lus 'dul ba la/ /khro bo nyid ni
 zhi ba yi/ /bdag nyid gshin rje gshed nag po/ /bya ba spyod pa'i theg pa yang/ /bsgrub bya'i dus ni rjes 'jug min/ /de yi rtogs pa rab tu 'gyur/ /der ni bris sku la sogs pa/ /stobs kyi dngos grub bsgrub phyir ro/ /rnal 'byor bla na med pa'i gtso/ /'thob pa'i rgyud
 ni bshad par bya/ zhes bya ba rab tu gsal ba nyid du shes par bya'o/ /'dir ni thabs dang shes rab gnyis su med pa'i sbyor bas chos dang longs spyod rdzogs pa dang/ sprul ba'i bdag nyid 'gro ba ma lus pa la phan par byed pa ni gtso bo ste/ mchog tu
 zag pa med pa bde ba'i rang bzhin bstan pa'i phyir des na thun mong ma yin pa'i 'bras bu thob pa'i rgyu de ni bla na med pa'o/ /tsha ba 'joms pa'i klu tak+Sha ka'i gtsug phud kyi rin po che bzhin du bsgrub par mi nus pa ma yin no/ /ji ltar bsgrub ce na/ 'dod pa'i yon
 tan gyi yul thun mong ma yin pa'i nye bar bsnyen pas bsgrubs pa gsal bar 'gyur ro/ /de dag gis 'khor bar 'gyur ro zhe na/ sngags la sogs pa dus byas pa nye bar spyod pa'i dug bzhin du khyad par can gyi 'bras bu 'byung bar 'gyur ro/ /de phyir ji ltar
 dug gi de nyid shes/ /dug gis dug nyid sel bar byed/ /de bzhin 'dod pa yin phyir ro/ /kun tu rtogs pa'i rol ba rtse zhes 'byung ba dang/ dpal gsang ba 'dus pa las dka' thub brtul zhugs sdug bsngal gyis/ /bsten pa dag ni mi 'grub bo/ /'dod
 pa'i yon tan nye bar spyad/ /bsten pas myur du 'grub pa'o/ /de'i phyir 'di dag ni thun mong ma yin par shes par bya'o/ /des sgos 'brel dang/ mdor sdud dang brtson pa yongs su spang bar bya ba bshad zin to// //da ni rgyud kyi rgyal
 po nyid mngon par dgrol bar bya ste/ 'di skad bdag gis thos pa dus gcig na zhes bya ba ni bstan pa'i chos dang/ sdud pa po dang/ phun sum tshogs pa lnga dang/ khyad par du gyur pa gsum ston pa nyid du byed pa'o
 'di skad ces bya ba ni sdud par byed pa phyag na rdo rjes rgyud thams cad kyi don dang tshig thugs la yang dag par bzhag ste/ rang gi shes pa'i rjes su ye shes kyi rgyun gyi ngo bor rgyud ma lus pa'i don bshad pa'i gtso bor phyin ci ma log pa'i de kho na nyid
 gsungs pa'o/ /de yang 'di skad nyid du thos kyi de la phri ba dang bsnan pa ni cung zad kyang ma byas pa nyid du bstan to/ /bdag gis zhes bya ba ni bdag nyid kyis ma byas pa dang/ gzhan dang gzhan las thos ba dang/ /brgyud ba ni ma yin te/ bcom ldan
 'das la bdag nyid kyis mngon sum du thos pa'o/ /thos pa zhes bya ba ni gang du gang las gang gi tshe thos bya ba ste/ rang gi lhag par mos pas so/ /de yang gzhan thams cad nas thams cad du bkag pa ni ma yin te/ ma ti tsa'i tras smras pa/ gsung
 gcig dag ni gsungs pa ni/ /grangs med pa yi mtshon pa'o/ /'di ltar bdag la gsungs pa zhes/ /'gro ba kun gyi rjes su shes zhes pa nyid kyis so/ /de yang thos pa'i dus na byang chub sems dpa' ste/ sdud pa'i dus na sangs rgyas so/ /ci'i phyir zhe na/
 le'u bco brgyad pa las gsungs pa/ de'i tshe bcom ldan 'das la ji bzhin du gsungs pa/ /thos te skad cig la bzung zhing don bzung bas bsdus nas legs par rab tu yid la byas so/ /zhes gsungs pa shin tu tshad ma'o/ /de bas na slob
 dpon med par rang bzo ni ma byas ba ste yang dag par shes nas byas pa'o/ /dus gcig na zhes bya ba ni 'dir rnyed par dka' ba dang/ bdag nyid thos pa dang ldan pa dang/ phun sum tshogs pa'i shes rab chen po'o/ /byin gyis brlabs kyis ldan pa nyid
 du ston to/ /gzhan ni phyin ci log pa'i zab mo'i chos gzhan du ston par mi 'gyur ba'i phyir 'dis ni ma 'ongs pa'i 'gro ba gus pa dang de brtan po nyid du byed pa'o/ /dus gcig la bdag gis 'di thos la gzhan du yang gzhan gyi rgyud thos pa'i phyir rab
 tu thos pa che bar gsungs so/ /gal te yi ge tha dad pa dang bshad pa dang tshig dka' ba so so dag ji ltar dus gcig na zhes she na/ sde tshan cig ni rgyun ma chad la bar chad med par thos pa'o/ /rgyud re re zhing de snyed nyid du'o/ /de dag 'dzin par mi nus so/
 sangs rgyas kyi mthus bdag gi bsam du med pa'i rnam par thar pa'i sgro thob pa'o/ /gshin rje gshed nag po'i rgyud shin tu gsang ba'i don ni e baM ma ya ste bshad pa'i rgyud gzhan las shes par bya'o/ /de dag ni re zhig bsdus pa'i don to/ /de yang
 gang las thos she na bcom ldan 'das la ste lha'i bu'i bdud dang/ nyon mongs pa'i bdud dang/ 'chi bdag gi bdud dang/ phung po'i bdud de/ rdo rje lta bu'i ting nge 'dzin dang/ stong pa nyid kyi ting nge 'dzin dang/ byams pa chen po'i ting nge 'dzin dang/ rnam bar mi rtog pa'i ting nge
 'dzin gyis sa bon dang bcas pa'i nyon mongs pa ma lus pa bla na med pa shes rab kyi cha'i rigs nyid do bcom pa'o/ /de bas na shes rab chen pos bcom par gsungs so/ /ci'i phyir zhe na/ ting nge 'dzin gyi bdud bcom pas na shes rab kyi
 mi mthun pa'i phyogs de nyid du byas pa'o/ /gzhan yang dbang phyug dang ni gzugs bzang dang/ /dpal dang grags dang ye shes dang/ /brtson 'grus phun sum tshogs pa ste/ /drug po de la bskal par brjod/ /ces 'byung ba ni shugs kyis
 rdzogs pa'o/ /de nyid ni phyin ci ma log pa'o/ /de'i phyir bcom ldan 'das te de las thos pa'o/ /yang dag pa nyid du ni phun sum sogs pa thams cad kyi rtsa ba lhan cig skyes pa ste/ gnyis su med pa'i ye shes so/ /de phyir/ da nyid stong pa da nyid
 gnas/ /da ni 'khor ldan de yi chos/ /da ni dus gsum nges 'byung ba/ /dpal mchog dang po'i skyes bu yin/ /zhes 'byung ba yin no/ /de la gang du gnas nas thos she na/ de bzhin gshegs pa thams cad kyi sku dang
 gsung dang thugs rdo rje btsun mo thams cad kyi b+ha ga rnams la bzhugs te zhes bya ba ston to/ /de bzhin gshegs pa ni gnyis su med pa'i ye shes kyi ngo bo'o/ /rang gi rang bzhin ni chos kyi sku nyid yin te/ kun rdzob tu longs spyod rdzogs pa dang sprul pa'i
 ngo bos rang rang gi lhag pa'i mos pa'i dbang gis gang dang gang gi rab tu 'byed par gyur pa'i sku 'jig rten pa rab tu dga' ba de dang de'i gzugs su 'gro bar byed pa ni don dam pa'i ye shes blo gros yul du ma byas pa ji bzhin pa de bzhin nyid las gzugs
 sku sems can gyi don la rab tu gshegs so/ /zhes bya ba'i don to/ /gal te rang rig dngos 'dzin cing/ /sna tshogs pas 'khrul to zhe na/ rang rig dngos 'dod chos sku las/ /rjes thob sgyu ma'i gzugs su ni/ /mnyam par bzhag las 'byung smra ba//
 skyes bu tha shal brlag par 'gyur/ /zhes pa nyid kyis rigs pa ma yin no zhe na/ ma yin te/ chos kyi sku nyid snying rje chen po'i dbang gi longs spyod rdzogs pa dang/ sprul pa'i sku dang sna tshogs par yang snang ste/ don dam par ma lus pa'i rtogs
 pa'i dngos po med las gang du yang ma song ngo/ /thams cad kyang yin la de bzhin gshegs pa yang yin pas de bzhin gshegs pa thams cad do/ /de yang gti mug gshin rje gshed la sogs pa'o/ /sku dang gsung dang thugs rdo rje zhes bya ba ni
 rnam pa dang mtshan nyid do/ /spyod lam rnam pa bzhis bzhugs pa'i sku'i phrin las gang ji snyed pa'o/ /chos bshad pas bzhugs pa ni gsung gi phrin las gang ji snyed par bzhugs pa'o/ /mnyam par bzhag pas bzhugs pa ni thugs kyi 'phrin
 las gang ji snyed pa'o/ /de rnams dbyer med pa'i don ni rdo rje ste/ byang chub sems kyi ngo bo bla na med pa'i ngo bo nyid kyis tshim pa'i rgyu nyid do/ /de nyid mtshon par byed pa ni sku dang gsung dang thugs rdo rje ste/ bde ba dang stong pa dang gsal ba'o/ /ro gcig pa nyid
 kyis rdo rje ste de'i rang bzhin ni b+ha ga ste gru gsum chos kyi 'byung gnas kyi phyag rgya'o/ /de yang brda' nyid du shes par bya ste/ 'dod pa dang gzugs dang gzugs med pa'i khams gsum rnam bar dag pa'i rang bzhin no/ /ye shes skyon med pa nyid mngon sum du
 byed pas dga' ba'o/ /sa dang po rab tu dga' ba nas sangs rgyas kyi sa'i bar du rtogs pa nges pa 'phel bar byed pas na gyen du 'phags pa'o/ /gshin rje gshed nag po shin tu gsang ba'i don gyis ni khang bu brtsegs pa'o/ /chos thams cad nye bar 'dzin
 pas na chos kyi 'byung gnas so/ /chos thams cad la ro gcig pa'i rgyas 'debs pas na phyag rgya'o/ /khyab cing ma 'dres pa'i don ston pas na b+ha ga ste/ ji srid 'dod chags la sogs pa ma lus bsel pa'i sa ni rjes su 'dzin pa'i don du gshin rje gshed po'i gzug
 dang lhan cig tu bcom ldan 'das kyis chos kyis 'byung gnas kyi dus su gzhal yas khang brtsegs par bzhugs te der 'di ltar thos so/ /de gang la yod ce na/ btsun mo zhes bya ba ni shes rab la bya'o/ /thams cad kyi sgras ni spyan ma dang/ mA ma kI dang/
 gos dkar mo dang/ sgrol ma la sogs pa'o/ /rnam shes bya ba la yang/ de nyid du bsdu bar bya'o/ /ste zhes bya ba ni rgyud yongs su rdzogs par byed pa nyid do/ /de lta bus ni gnas phun sum tshogs pa gsungs so/ /de ltar khyad par can gyi gnas su 'dod chags chen pos
 'dul ba zhes bya ba'i ting nge 'dzin la snyoms par zhugs pa'i sems kyis ji ltar yang 'gyur ba'i rtog pa nub par gyur to/ /de ni sems can rnams kyi ste/ 'di ni rjes su bzung ba chen po'o/ /gang shes rab kyi pha rol tu phyin pa de'i sems bde ba chen po'i ting nge 'dzin
 la snyoms par zhugs pa'i sems kyis ji ltar gyur pa'i rab tu shes par bya ba rgyas pa zhes bya ba gsungs so/ 'jig rten gsum po ma lus po'i rdul phra rab so so'i nang na bzhugs pa'i chos kyi 'byung gnas kyi nang na gzhal yas khang brtsegs par
 dkyil 'khor ma lus pa dang lhan cig tu bcom ldan 'das rang gi rig ma dang gnyis su med pa'i bdag nyid rab tu dga' bar bzhugs so/ /de ni rdzu 'phrul sna tshogs kyi cho gas 'phro ba 'du ba'i yid 'phrog pa zhes bya ba'i don to/ /gang dang lhan cig tu thos she na/
 bcom ldan 'das thabs chen pos dbang po dang bcas par dus shes pa'i don du thun mong ma yin pa'i 'khor 'dus pa gsungs pa ni/ gti mug rdo rje gshin rje gshed dang/ phra ma rdo rje gshin rje gshed dang/ 'dod chags rdo rje gshin rje gshed dang/ phrag
 dog rdo rje gshin rje gshed dang/ zhe sdang rdo rje gshin rje gshed dang/ tho ba gshin rje gshed dang/ dbyug pa gshin rje gshed dang/ pad+ma gshin rje gshed dang/ ral gri gshin rje gshed dang/ rdo rje tsar tstsi ka dang/ rdo rje phag mo dang/ rdo rje dbyangs
 can ma dang/ rdo rje gau ri ma ste mtshams su zhes bya ba smos te chos thams cad ni gcig dang du ma dang bral ba nyid kyis mi shes pa ste shes pa med pa nyid ni gti mug chen po'o/ /chos thams cad gzugs brnyan dang 'dra ba'i rang gi ngo bo mi phyed pa de las
 gzhan 'byed pa ni rdo rje ste/ sdos su byas pa'i sngags chen po bcan gyi sngags don dam bar smra ba rgyu 'bras kyi mya ngan la 'das pa ni bdud de gshin rje'o/ /de'i gshed ni gti mug rdo rje gshin rje gshed do/ /des der thos shes bya'o/ /gzhan 'byed
 pa'i tshig ni phra ma ste/ gzhan phyi rol gyi rigs pa'i grub mdza' dag can rigs pa dan lung gis bye brag tu sun 'byin par byed pa rang gi mnyam pa nyid rang rgyud la sbyor zhing de nyid du byed pa ni pra ma chen po'o/ /mnyam pa nyid kyi ngo bo dbyer med pa de
 dag las gzhan 'byed pa ni rdo rje ste/ mi mnyam pa dang mya ngan la 'das pa ni gshin rje'o/ /de'i gshed ni phra ma rdo rje gshin rje gshed do/ /yul yid du 'ong ba la zhen pa ni 'dod chags te sems can gyi don la so sor rtog cing dmigs pa med pa'i
 snying rjes nye bar khyab par nus pa ni 'dod chags chen po'o/ /de'i ngo bo mi phyed pa las gzhan 'byed pa ni rdo rje ste/ dga' ba chen po'i ngo bo mngon sum du byas te chags pa dang bral bar skyed pa mya ngan las 'das pa ni bdud de gshin rje'o/ /de'i gshed ni 'dod
 chags rdo rje gshin rje gshed/ /pha rol gyi yon tan la yid 'khrug pa ni phrag dog ste/ bdag gis rang gi don phun sum tshogs pa 'grub nas sems can gzhan gyi don phun sum tshogs par byed pa la bdag de kho na nyid kyis bya'o zhes pa gzhan rnam par
 bcad pa ni phrag dog chen po'o/ /bya ba nan tan ni mi byed pa gzhan 'byed pas rdo rje ste/ btang snyoms chen po mngon du byed pa dang rang gi don tsam du mya ngan las 'das pa ni bdud de gshin rje'o/ /de'i gshed ni phrag dog rdo rje gshin rje gshed do/ /gzhan
 yang gzhan la brtse ba ma yin pa'i sems dang gnod pa bya ba'i mnar sems pa ni zhe sdang ngo/ /shes pa dang zhes bya ba la sogs pa'i chos thams cad kyi ngo bo rang rang gi gnas pa la bdag med pa'i ngo bo 'joms par byed pa ni zhe sdang chen po'o/ /chos kyi dbyings
 kyi ye shes dbyer mi phyed pa nyid las gzhan 'byed pa ni rdo rje ste/ snying rje tsam mngon du byas pa 'am/ stong par lta ba dag ni snying rje chen po mngon du byas nas ngo bo nyid kyis sems can gyi don byed pa dang bral ba'i mya ngan las 'das pa'i 'gro ba ni
 gshin rje ste/ de'i gshed ni zhe sdang rdo rje gshin rje gshed do/ /dad pa'i stobs rnam par dag pa ni tho ba ste/ 'jigs tshogs la lta ba dang/ shes bya'i sgrib pa dang/ phung po'i bdud la sogs pa mi mthun pa'i phyogs ni gshin rje ste/ de'i gshed ni
 tho ba gshin rje gshed do/ /brtson 'grus kyi stobs rnam par dag pa ni mthar 'dzin pa'i lta ba dang/ 'dod pa'i sgrib pa dang/ nyon mongs pa'i bdud la sogs pa mi mthun pa'i phyogs gshin rje'o/ /de'i gshed ni dbyug pa
 gshin rje gshed do/ /dran pa'i stobs rnam par dag pa ni pad+ma ste log bar lta ba dang las kyi sgrib pa dang 'chi bdag gi bdud la sogs pa mi mthun pa'i phyogs ni gshin rje'o/ /de'i gshed ni pad+ma gshin rje gshed do/ /ting nge 'dzin gyi stobs rnam par dag pa
 ni ral gri ste lta ba mchog tu 'dzin pa dang/ skye ba'i sgrib pa dang/ lha'i bu rnam par g.yeng byed kyi bdud la sogs pa mi mthun pa'i phyogs gshin rje ste/ de'i gshed ni gti mug rdo rje gshin rje gshed de de mngon du thob pa nyid do/ /chu'i khams dang stobs
 kyi pha rol tu phyin pa dang/ snying rje chen po'i ngo bo nyid kyis mngon par rdzogs par byang chub pa yang rang gi dbang po dang gnyis su med par gyur pa ste dbyer mi phyed pas rdo rje'o/ /rnam par dag pa'i ye shes skye zhing rtog pa mdza' dag dang/ bral bas sems
 can gyi rgyud de nyid du 'gog pa ni phag mo'o/ /de nyid zhe sdang spangs nas zhe sdang gshin rje gshed chen po'i bdag nyid do/ /'di ltar bcom ldan 'das rdo rje 'dzin pa de mngon du thob pa'o/ /me'i khams dang smon lam gyi pha rol tu phyin pa dang/ dga' ba chen po'i
 ngo bo nyid ni de yang dbyer mi phyed pas rdo rje ste/ gzhan du dul ba'i tshegs kyi gnas can ni padmo de'i rang bzhin ni dbyangs te shes rab kyi pha rol tu phyin pa'o/ /can ni 'dod chags gshin rje gshed kyi bdag nyid de/ de dang lhan cig skyes pa mchog mngon du
 byed pa ni gnyis su med cing rab tu dga' bar gyur pa ste de nyid du gyur pa'i don to/ /rlung gi khams dang ye shes kyi pha rol tu phyin pa dang btang snyoms chen po'i ngo bo nyid rang gi 'dzin pa ste/ go rim mig la sogs pa'i dbang po lnga'i gzhir gyur pa'o/ /des
 sems can gyi don ngo bor 'gro ba 'dzin pa nye bar mtshon pas na ri'o/ /de bas na bla na med pa lhan cig skyes pa gnyis su med pa'i ngo bo nyid gau ri'o/ /rang gi bya bas gzhan gyi don byed pa ni rdo rje ste phrag dog gshin rje gshed kyi bdag nyid do/ des de'i bdag
 nyid mngon du thob po zhes bya ba'i don to/ /mtshams su'o zhes bya ba ni dkyil 'khor gyi mtshams bzhi ste gzugs la sogs pa yul drug rnam par dag pa'i don du tho ba gshin rje'i rgyal po bzhi gnas so/ /de las gzhan pa'i 'dus pa med dam zhe na/ thun
 mong gi 'khor 'dus pa yang bshad par bya ste/ de dag la sogs pa gshin rje gshed kyi tshogs chen po dang thabs gcig tu bzhugs zhes bya ba smos so/ /de dag ni gtso bo ste la sogs pa ni gshin rje gshed chen po la rtsa ba'i lhar gyur pa rnams so/
 tshogs zhes bya ba ni skye mched dang sku gsung thugs rnam par dag pa ste/ nang gi bdag nyid can gyi mig rdo rje dang/ rna ba rdo rje dang/ sna rdo rje dang/ lce rdo rje dang/ lus rdo rje dang/ yid rdo rje dang/ gzhan yang sku rdo rje dang/ gsung rdo rje dang/ thugs rdo rje ste/ rigs kyi
 rigs nyid kyis rgyas btab pa spang ba'i phyir sa'i snying po dang/ phyag na rdo rje dang/ nam mkha' i snying po dang/ 'jig rten dbang phyug dang/ sgrib pa rnam sel dang kun tu bzang po dang/ gzhan yang sku'i rigs dang/ gsung gi rigs dang/ thugs kyi rigs te 'di dag gis
 ni byin gyis? brlabs nyid 'grub pa'o/ /la la ni bcom ldan 'das gshin rje gshed kho na'i skye mched dang sku gsung thugs byin gyis brlabs pas thams cad nas thams cad du thams cad mkhyen pa 'grub po zhe na ma yin te/ bcom ldan 'das kyi sku ni ji lta
 bzhin/ /'khor rnams ji snyed ma lus gang de la/ /byin gyis brlabs pa de ni mchog yin te/ /de la khyad par gtso las gzhan ma mchis/ zhes pas gsol lo/ /gal te mngon par rtog pa'i cho gar bcom ldan 'das ma yin pa gzhan gyi byin gyis
 brlabs par ma gsungs pa ci'i phyir zhe na/ 'di dag nyid kyis bla ma rje btsun pa gtso bor byed pa ste/ thun mong dang mchog gi dngos grub ni bla ma la rag las pa ste bla ma'i zhal gtso bor byas pa'i tha tshig go /thabs cig tu bzhugs
 so zhes bya ba ni gong gi thun mong ma yin pa'i 'khor dang thabs cig ste rta mchog la sogs pa byin gyis brlabs pa nyid du bzhugs so/ /'dir ni dkrugs par 'brel ba dran par bya ste ci'i phyir 'brel zhe na/ dkrugs she na the tshom mi za bar bya ba'i don to/ /
 ji ltar the tshom mi za zhe na dkrugs pa'i 'brel pa ni bla ma la rag lus pa ste/ bla ma las 'bras bu sbyin par byas don no/ /ji ltar 'brel zhe na/ le'u bco brgyad pa las/ bcom ldan 'das byang chub sems dpa' i dus su bcom ldan 'das thub pa chen
 po la byang chub kyi dus su bar du gcod pa'i phyir shin tu 'jigs su rung ba'i 'jigs pa chen po ston cing/ bdud kyi stobs kyi dpung chen po lhags te/ de'i mdun na bdud chen po las mchog tu rgyal ba zhes bya ba'i ting nge 'dzin la snyoms par zhugs te/
 bcom ldan 'das nyid kyi sku dang gsung dang thugs rdo rje rnams las gshin rje gshed kyi khro bo phyung ste/ nges par phyud nas kyang phyag na rdo rje bcom ldan 'das thub pa chen po'i bka' bzhin byed pa la phyag na rdo rje khyod ni 'di lta bu'i gshin rje gshed
 kyi khro bo'i gzugs su bsgyur te/ bdud dang klu dang gnod sbyin dang lha ma yin dang lha rnams kyang chongs shig rtogs shig ces gsungs so/ /de nas bcom ldan 'das phyag na rdo rje sems dpa' de bzhin gshegs pa thams cad kyi bdag po la gsol ba
 btab pa dang/ /de nas bcom ldan 'das de bzhin gshegs pa thams cad kyi bdag po dang bdud thams cad 'joms pa'i rdo rje zhes bya ba'i ting nge 'dzin nyid kyi sku gsung thugs rdo rje rnams nges par bstan to zhes bya bas nges par 'brel pa'o/ /
 ma dkrugs pa'i 'brel pa nyid du rigs so/ /ma dkrugs par 'brel pa ni the tshom du gyur pa ste/ sgra'i don drangs par 'gyur ro zhe na/ sen ta ba 'on cig ces brjod pa'i dus su chu dang lan tshwa dang rta dang ral gri la sogs pa la 'gro ba bzhin no zhes bya bas nam mkha' 
 pa mngon pa'i nga rgyal can de dag rang bzor 'jug par ma byed cig pa'o/ /de nas shes bya ba ni nges par 'byed pa dang tshig gi rgyan no/ /phyag na rdo rje ni rdo rje 'dzin pa ste dbyer mi phyed pa'i ye shes ni chos kyi sku'o/ /ye shes de de la yod pas na'o/ /rdo rje sems
 dpa' ni zag pa med pa dang bde ba ro gcig pa nyid dang/ srid pa gsum de'i ngo bor bsdus pa de'i phyir/ mi phyed rdo rje zhes bshad de/ sems dang srid gsum gcig pa nyid/ /shes rab 'di yis sbyor bas na/ /rdo rje sems dpar bshad pa yin/ zhes 'byung
 bas na'o/ /bcom ldan 'das de bzhin gshegs pa thams cad kyi zhes bya ba ni gti mug gshin rje gshed la sogs pa'o/ /bdag po ni gtso bor gyur pa ste rnam par shes pa'i phung po'i rang bzhin rnam par thar pa'i sgo stong pa nyid dang/ mtshan ma med
 pa dang/ smon pa med pa'i ngo bo nyid kyis khyab pa ni chos kyi dbyings kyi ye shes te zhe sdang rdo rje gshin rje gshed do/ /la ni bzhi'o/ /gsol ba btab pa dang zhes bya ba ni byang chub sems dpa' phyag na rdo rjes de bzhin gshegs pa'i gzugs ji ltar bsgom
 zhing bzung snyam pa'i phyir gdams ngag zhus pa'o/ /de nas bcom ldan 'das de bzhin gshegs pa thams cad kyis bdag pos bdud thams cad 'joms pa'i rdo rje zhes bya ba'i ting nge 'dzin 'di nyid kyi sku dang gsung dang thugs rdo rje rnams las nges par
 ston te/ /'di dag gis ni mngon par byang chub pa lnga dang/ rdo rje 'dzin pa gshin rje gshed bsgom pa ston pa ste/ bdud thams cad ni phung po la sogs pa ste/ 'joms pa ni ting nge 'dzin gyi mthus so/ /ting nge 'dzin gyis 'joms par mi nus pa dag ni chos kyi dbyings
 rnam par dag pa'i ye shes rdo rjes so/ /ting nge 'dzin ni rtse gcig pa'i sems te gzhan du ma gyur pa'i don to/ /'di zhes bya ba ni nyid kyi sku dang gsung dang thugs rdo rje'i bdag nyid do/ /de las ji 'byung zhe na/ nges par ston to
 zhes bya ba ni rnam par spros pa'i ting nge 'dzin gyi don to/ /don de dag kyang ci zhe na/ mngon par rtogs pa las nam mkha' rdo rje'i dbus su ni/ /sna tshogs rdo rje 'jigs pa bsam/ /rtag pa'i rgyal po las byung ba/ /gzhal yas khang mchog mdzes pa ste/ zhes
 bya ba de ma thag tu'o/ /zla ba rdo rje'i sbyor ba yis/ /gshin rje mthar byed bsgom par bya zhes bya ba smos te/ zla ba ni dkar po dang dmar po'o/ /de yang a thung ngu las zla ba'i dkyil 'khor gyi steng du/ a A i a'i u a'u ri rI li lI e i o aau aM a(rgyud 'grel ba'i dbyangs kyi yi ge bcu drug po nyis lnga pa du bkod pa ni shes rab kyi bdag nyid do/ /raM las nyi ma'i dkyil 'khor gyi steng du/ ka kha ga g+ha nga/ tsa tsha dza dzha nya/ Ta Tha Da Dha Na/ ta tha da d+ha na/ pa pha ba b+ha ma/ ya ra la wa sha Sha sa ha k+Sha/ Da Dha da yal/ nyis
 ldab du bkod pa thabs kyi bdag nyid de/ byang chub mchog tu sems bskyed pa'i byang chub ste/ me long lta bu'i ye shes kyi rang bzhin gti mug gshin rje gshed kyis nye bar brgyan pa'o/ /de gnyis ro mnyam par gyur pa ni shes rab dang snying rje dbyer med
 pa las byang chub pa de mnyam pa nyid kyi ye shes kyi rang bzhin nga rgyal gshin rje gshed kyis nye bar brgyan pa'o/ /de la hUM dkar po rtsa dmar du gyur pa'i gsung mngon par rtogs pa las byang chub pa ste/ so sor rtogs pa'i ye shes kyi rang bzhin 'dod chags
 gshin rje gshed kyis nye bar brgyan pa'o/ /de las skyes pa rdo rje'i nor bu'i mdangs su gyur pa ni thugs kyi mngon par rtog pa las byang chub pa ste bya ba nan tan gyi ye shes kyi rang bzhin phrag dog gshin rje gshed kyis nye bar brgyan pa'o/ /sbyor ba yis zhes
 bya ba ni rdo rje las rdo rje 'dzin pa'i skur gyur pa ste/ sku yongs su rdzogs pa las byang chub pa chos kyi dbyings kyi ye shes kyis rang bzhin zhe sdang gshin rje gshed kyis nye bar brgyan pa'o/ /de yang rdo rje 'dzin pa rtsa ba'i zhal dkar dmar g.yas sngo g.yon dmar ba
 'gying zhing sgeg pa'i cha byad nye bar 'dzin pa/ khro bo'i stangs la rang gi 'od shes rab dang yan lag 'khyud pa/ g.yas bskum nas g.yon brkyang ba'i zhabs/ phyag g.yas na rdo rje dang ral gri 'dzin pa/ phyag g.yon na 'khor lo dang pad+ma 'dzin pa/ rtsa ba'i
 phyag gri gug dang thod pas rang 'dra ba'i shes rab mngon par 'dzin pa'o/ /gal te 'di dag ni zhi ba 'dzin pa ste/ khro bor mi rigs so zhe na/ ma yin te nag po ni zhe sdang spyod pa tsam nye bar 'dzin pa'i don to/ /dkar po nyid khro bo ma yin na bcom ldan 'das kyis gsungs
 pa'i thabs dang shes rab kyi rgyud dag dang 'gal lo/ /de nas yang dgyes pa'i rdo rje las zla ba'i 'od zer nor bu'i mdangs zhes gsungs pa'i phyir dang/ dpal gsang ba 'dus pa'i dgongs pa ye shes zhabs kyis bshad pa las g.yas dang g.yon gyi zhal ni sngo dang
 dkar/ /gang ba'i zla ba dkar ba'i mdangs dang ldan/ zhes 'byung ba nyid kyi phyir ro/ /de ltar nga zla ba dang rdo rje rab tu sbyor ba byas nas thabs dang shes rab snyoms par 'jug pa la yongs su gyur pa ni khu ba'i thig le'o/ de las lha mo bzhi 'phros shing bskul
 nas nyi ma sa bon dang bcas pa las sku yongs su gyur pa'i gshin rje mthar byed bsgom par bya'o/ /'dir phyag dang zhabs dang bzhugs stangs ni le'u bzhi pa las shes par bya'o/ /ci'i phyir bstan zhe na/ bdud bzhi'i don la sogs pa ste/ shin tu gsol  
 da ni de dag gi sngon du 'gro ba bshad par bya ste/ bdud rnams zhi bar bya phyir dang/ /zhe sdang thams cad gsal ba'i phyir/ /'od zer lnga yis 'khrigs pa yi/ /rdo rje bsrung ba'i don du bsgom/ /phyi mtshams rdo rje sa gzhi dang/ /ra ba dra ba de bzhin no zhes bya ba smos
 te/ bdud rnams ni zhes bya ba ni bzhi la sogs pa'o/ /zhi bar bya phyir dang shes bya ba mi de mthun pa de nub pa dang mi ldan par bya ba'i don to/ /zhe sdang ni gzhan gyis mngon par 'khrug pa'i bsam pa'o/ /thams cad ces bya
 ba ni gti mug sogs pa ste 'dod pa'i lha sdig can dang/ chung ma pad+ma'i phreng ba can gnyis kyi spyi gtsug na me tog gi mnga' lnga yod pa'o/ /gsal ba'i phyir zhes pa'o/ /mi gnas par bya ba'i don de dgos pa'o/ /'od zer lnga yis zhes bya ba ni
 stong pa nyid bsgoms ma thag tu rnal 'byor pas bsrung bar bya ba ste/ de las nyi ma'i dkyil 'khor gyi steng du hUM las sna tshogs rdo rje rgya gram gyi lte ba la nyi ma la gnas pa'i hUM gi 'od zer lnga 'phros pa yis 'khrigs pa'i rdo rje bsrung ba ni rang gi don phun
 sum tshogs par bya ba'i don du dang/ gzhan gyi don du yang bsgom par bya'o/ /ji ltar bsgom zhe na/ phyi mtshams zhes bya ste 'khor yug go /de'i bar du rdo rje'i sa gzhi dang/ phyi rim rdo rje ra ba dang/ nang rdo rje'i dra ba dang/ de bzhin du gur yang shes
 par bya'o/ /de ni gzhan gyi don phun sum tshogs par bya ba'i don du dkyil 'khor sprul pa ni/ de nas bcom ldan 'das de bzhin gshegs pa thams cad skyed pa'i bdud 'dul ba zhes bya ba'i ting nge 'dzin la snyoms par zhugs so/ /gti mug rdo rje gshin
 rje gshed la sogs pa'i sa bon 'di nyid kyi sku dang gsung dang thugs rdo rje rnams las nges par phyung ba/ dbus su ya k+She ma me/ da ya dza ni rA dza ya/ do ru Na ye ni ra'o/ /zhes bya ba smos pa ste/ de nas zhes bya ba smos pa ni rnal 'byor gnyis yongs su rdzogs
 pa'i de ma thag tu'o/ /bcom ldan 'das de bzhin gshegs pa thams cad ces bya ba ni rtsa ba'i dkyil 'khor du gyur pa'i lha'i tshogs so/ /bskyed pa ni byed pa po ste dpal gshin rje gshed nag po'o/ /de ni 'jig rten na pha ma lta bu'o/ /bdud 'dul
 ba'i rdo rje ni dbyer med pa'i gshin rje gshed kyi ngo bo nyid do/ /zhes bya ba ni ming ste/ ting nge 'dzin la snyoms par zhugs nas zhes bya ba ni de yang dag par thob nas sems rtse gcig tu byed pa'i rnal 'byor ro/ /gti mug rdo rje gshin rje gshed la
 sogs pa thams cad ces bya ba ni nye bar gdags su rung ba'i bcu bdun no/ /sa bon zhes bya ba ni lha rnams rdzogs par 'gyur ba'i rgyu'o/ /'di zhe bya ba ni dkyil 'khor gyi bdag po'o/ /de nyid kyi sku dang gsung dang thugs rdo rje rnams la nges par 'byung
 ba zhes bya ba ni 'di ltar bshad par bya ba ste/ rang gi snying ga nas ye shes kyi 'od zer tshangs pa'i bu ga nas lcags kyu lta bus de bzhin gshegs pa thams cad bkug nas tshangs pa'i bu gar zhugs te snying gar rab tu zhu bar bya'o/ /de nas gsang ba
 byin gyis brlab par bya ste/ hUM dang oM las rdo rje dang pad+ma bskyed la/ ho dmar po rnam par dkrug pa'i chos kyi 'byung gnas su 'byung ba'i rnam pa can gyi gzhal yas khang mngon par brtsegs pa mngon par sprul lo/ /der ji skad bshad pa'i gnas su pad+ma
 dang nyi ma dang zla ba rdo rje'i lam nas byung ba'i byang chub kyi sems kyi khu ba dgod do/ /de nas sa bon bcu bdun du gyur par blta'o/ /la la dag ni 'dir bcom ldan 'das snyoms par zhugs pa ma yin no zhes zer te/ de ltar ni rgyud 'di nyid dang 'gal lo/ /de yang le'u bcu
 ba las/ b+ha ga'i ling ba bsgom pa nyid/ /dkyil 'khor bdag po rnam par bsgom/ zhes gsungs pa nyid kyis so/ /gzhan yang ji ltar rang gi chu skyes la/ dkyil 'khor rdzogs pa 'di ltar 'byung bar bya ste zhes bya ba ni snyoms par 'jug par byed na de'i sgra
 ji ltar rdzogs pa nyid du 'gyur/ de? ni? 'di sgra der mi 'jug go zhe na/ de'i tshe spro ba'i sngags la dgos pa med do/ /de'i tshe sngags kyis ni rang gi snying ga nas phyung ba'o zhe na/ de'i tshe chu skyes kyi gnas su sa bon de nyid nye bar bkod pa ci'i phyir de mi rigs so/ /de bas na 'di 
 ltar sngags kyi sa bon rdzogs par phyung ste/ 'di ltar gnas nas gnas su gnas par bya'o zhe na/ gang dam tshig gi dkyil 'khor du phyung ba'i sngags kyis gang du khyer bar byed/ de bas na nges par gsang ba'i dkyil
 'khor du sa bon dang mtshan ma'i rim pa skur bskyed pa lhag ma ma lus pa sprul pa'i dkyil 'khor phyung ste/ dam tshig gi 'khor lo la gnas par bya ba'i gzhan smra ba ni blun po nyid du zad do/ /da ni gang las gang bskyed par gsal bar bya ste/ yo sogs
 yi ge dang po las/ /gshin rje gshed du gyur pa yin/ /yi ge k+She ni gti mug brjod/ /yi ge ma ni phra mar gsungs/ /yi ge ma ni 'dod chags nyid/ /yi ge da ni phrag dog 'gyur/ /gshin rje gshed sogs lnga ru grags/ /yi ge ya las tho bar
 gyur/ yi ge dza las dbyug pa'i gtse/ /lag na pad+ma ni yig las/ /lag na ral grir las yin/ /dza las tsar tsi ka zhes brjod/ /yi ge sa las phag gdod ma'o/ /yi ge do las dbyangs can bsgrags/ /yi ge ru las gau ri dran/ /Na yo ni rA
 mtshams kyi bzhi/ /thod pa bzhi ru 'dod pa yin/ /zhes bya ba smos te/ ya sogs yi ge dang po ni/ /ya ste de yongs su gyur pa las rdo rje rtse lnga pa in+d+ra nI la'i kha dog can de las zhe sdang gshin rje gshed du gyur pa yin no/ /yi ge k+She yongs su gyur pa
 las chos kyi 'khor lo rtsibs brgyad pa kha dog dung lta bu ste de las gti mug gshin rje gshed du brjod do/ /yi ge ma yongs su gyur pa las rin po che zur brgyad pa kha dog gser gtso ma ltar rab tu dad pa ste de las phra ma gshin rje gshed du
 gsungs so/ /yi ge me yongs su gyur pa las pad+ma 'dab ma bcu drug pa kha dog ni pad+ma rA ga lta bu ste de las 'dod chags gshin rje gshed nyid do/ /de yi ge da yongs su gyur pa las ral gri rab tu rno zhing 'bar ba kha dog mar ga ta lta bu ste phrag dog gshin rje
 gshed du gyur pa yin no/ /gshin rje gshed kyi tshogs ni lnga ste gong du rdo rje sgra 'jug pa'i rgyu mtshan gyis khyad par du byas pa'i phyir grags pa'o/ /yi ge ya yongs su gyur pa las rdo rje tho ba'i rtsibs nyi shu spros la kha dog bai DUrya sngon po lta bu ste de las tho ba gshin rje
 gshed du gyur pa yin no/ /yi ge dza yongs su gyur pa las rdo rje dbyug pa kha dog dkar po ste/ mtshan pa dang ldan pa'i phyir gtso bo'o/ /de las dbyug pa gshin rje gshed du gyur pa yin no/ /yi ge ni yongs su gyur pa las pad+ma 'dab ma brgyad pa kha dog dmar
 po ste de dag las lag na pad+ma 'dzin pa'i pad+ma gshin rje gshed du 'gyur ro/ /yi ger yongs su gyur pa las ral gri kha dog ljang gu ste/ de las lag na ral gri 'dzin pa'i ral gri gshin rje gshed du gyur pa yin no/ /yi ge dza las 'khor lo dkar po ste/ de
 las lha mo tsar tsi ka zhes brjod do/ /yi ge sa yongs su gyur pa las rdo rje sngon po ste/ de las lha mo phag gdong mar gyur to/ /yi ge ngo yongs su gyur pa las pad+ma dmar po ste/ lha mo dbyangs can ma nyid du bsgrags so/ /yi ge ru yongs su gyur pa las ral gri ljang
 gu ste/ de las lha mo gau rI ma dran par bya'o/ /Na ro ni rA gong bzhin du mtshams bzhir byang chub sems kyi gang ba'i thod pa bzhi 'dod pa yin no/ /de'i gnas gang du bsgom zhe na/ sna tshogs rdo rje 'jigs su rung ba zhes bya ba smos te/ sna tshogs ni paM dmar ser
 las pad+ma sna tshogs/ de'i steng de du hUM las sna tshogs 'jigs su rung ba de zla ba'i dkyil 'khor gyis yogs par byas la de'i steng na gzhal yas khang brtsegs pa'i ngo bo gang na dang bcas pa bsam par bya'o/ /de'i phyogs dang kha dog gi bye brag dang gzugs
 sna tshogs pa rnams ni le'u bcu bzhi pa las gsungs so/ /dkyil 'khor de dag kyang gang la brten zhe na/ nam mkha' rdo rje'i dkyil du bsam/ zhes bya ba smos te/ nam mkha' ni b+ha ga ste/ chos thams cad kyi rang bzhin yin pas na chos kyi 'byung gnas
 te phyag rgya'o/ /de nyid rtog pa ma lus pa zad pa'i phyir dbyer mi phyed pa'i don de rdo rje'o/ /de'i dkyil du gong gi gzhal yas khang bsam mo/ /de lta bu'i gzhal yas khang der lha rnams kyi phyogs dang go rims ji ltar bzhugs
 she na/ de dkyil bzhugs pa'i gshin rje gshed/ /gnag cing 'bar ba bsgom par bya/ /shar du gti mug rdo rje ste/ /lho ru de bzhin phro ma ste/ /nub tu 'dod chags rdo rje ste/ /de bzhin byang du phrag dog go /rdo rje rtsa yi mtshams bzhi la/ /tsar tsi ka
 sogs rnam par bsgom/ /sgo yi rdo rje rtse bzhi la/ /tho ba la sogs rnam par bsgom/ /sna tshogs rdo rje'i mtshams bzhi ru/ /mi yi mgo bo bzhi dag go /zhes bya ba smos te/ 'di dag gis ni rang gi chu skyes la gzhal yas khang brtsegs pa gsal
 par bshad do/ /de'i dkyil ni gzhal yas khang gi rdo rje lte ba'o/ /de la bzhugs pa'i gshin rje gshed ni kha dog nag cing 'bar ba ste/ zhe sdang chen po'i rigs su gyur ba dang/ chos kyi dbyings rnam par rtogs pa'i cha gang gis kyang bsgyur bar mi nus pa'i
 don dang/ 'gro ba thams cad kyi nyon mongs pa'i sgrib pa dang shes bya'i sgrib pa'i dri ma bsdus pas gshin rje mthar byas pa'i don dang/ longs spyod rdzogs pa'i mtshan dang dpe byad 'bar ba bsgom par bya'o/ /shar du zhes bya ba ni shar gyi phyogs
 te byang chub kyi sems bskyed pa'i rang bzhin no/ /der rdo rje rtsibs kyi rtsa ba la gti mug rdo rje'o/ /ste zhes bya ba ni ma 'ongs pa nye bar sdud pa'i tshig go /lho ni lho'i phyogs te dbang yongs su rdzogs pa'i rang bzhin no/ /der rdo rje rtsibs kyi rtsa ba las gong gi de bzhin
 du pha? ma rdo rje'i yin zhes bya ba ni thams cad nas thams cad du 'khrug ba med ba'i don to/ /nub ni nub kyi phyogs te chos kyi phung po brgyad khri bzhi stong gi rang bzhin no/ /der rdo rje rtsibs kyi rtsa ba la 'dod chags rdo rje'o/ /ste zhes bya ba ni byang nye bar bsdus pa'i
 tshig go /de bzhin byang du zhes bya ba ni byang gi phyogs te/ thams cad ma lus par rgyas btab pa'i rang bzhin no/ /der rdo rje rtsibs kyi rtsa ba la rdo rje phrag dog go /rdo rje ni sna tshogs rdo rje ste/ mtshams bzhi ni phyogs gnyis kyi mtshams so/ /rtsa ba bzhi la zhes bya ba
 ni shar lho la sogs pa'o/ /tsar tsi na swA ra swasti ste la sogs pa ni phag mo dang dbyangs can ma dang gau rI'o/ /rnam par bsgom pa ni rang rang gi gtso bo la cung zad phyogs pa'o/ /sgo ni khyud dang logs dang ngos dang 'gram dang ya phubs dang ldan pa la bya'o/ /rdo rje'i
 rtse ni sna tshogs rdo rje'i rtse mo bzhi ste/ phyogs bzhi dbus na gnas pa'i phyir sgo bzhi la nye ba dang 'dra ba nyid du gnas pa'o/ /tho ba ni tho ba gshin rje gshed de/ sogs pa ni dbyug pa dang pad+ma dang ral gri'o/ /rnam par bsgom zhes bya ba ni sgo'i dkyil du'o/ /sna
 tshogs rdo rje mtshams bzhir ni phyi mtshams te/ de la mchod pa yongs su rdzogs par bya ba'i phyir mi ni grags par zad do/ /mgo ni dbang po lnga'i bzhi'o/ /bzhi ni gral de dag go /khungs nas spro bar bya ba gsungs pa nyid kyis so// //
 bam po gnyis pa/ da ni gsang ba'i dkyil 'khor de dag gzhal yas khang rdzogs par dbyung ba ni sngags dang ldan pa'i ting nge 'dzin gyis so/ /de yang ji ltar 'byung zhe na/ le'u bcu pa las/ so so'i rigs kyi sprin rnams ni /ba spu'i khur? nas spro bar
 bya/ zhes gsungs pa nyid kyis so/ /de la bcom ldan 'das de bzhin gshegs pa thams cad kyi bdag pos gshin rje gshed rdo rje zhes bya ba'i ting nge 'dzin la snyoms par zhugs nas/ zhes bya ba smos te/ rdo rje ni mi phyed pa ste/ de'i ting nge 'dzin la snyoms
 par zhugs nas gdul bya la sna tshogs par byed pa nyid ston to/ /ji ltar ston zhe na/ sku gsung thugs yongs su rdzogs par de nyid du gsal bar byed pa'o/ /de yang sngags kyi mthu khyad par can du bya ba ni zhe sdang chen po rigs kyi sngags gsungs pa/ oM h+rI Sh+TrI(rgyud 'grel na na hUM hUM phaT phaT swAhA/ zhes bya ba smos te/ rigs gcig pa'i ngo bo gshin rje gshed 'di ltar dbyung bar bya'o/ /de dag gis 'gro ba thams cad mngon par sbyangs nas skal ba dang ldan par byas te bdag nyid la byin gyis brlabs par
 bya'o/ sngags ni yon tan ma lus pa'i don de bsam par mi nus so/ phyogs gcig pa'i mngon par rtogs pa bshad pa ni ye shes lnga dag par 'dzin pa oM ste/ oM A(rgyud 'grel pa so sor rtogs pa'i ye shes dang/ bya ba mi slu ba bya ba bsgrub pa'i ye shes dang/ thams cad chu'i nang gi zla ba lta bur rtogs pa me long lta bu'i ye shes dang/ thig le dbyer mi phyed pa chos kyi dbyings kyi ye shes te/ 'dis ni byin gyis rlob pa'o/ /h+rI(rgyud 'grel snying po ste sangs rgyas thams cad kyi thugs sdud pa'o/ /Sh+TrI(rgyud 'grel dmyal ba ste 'khor ba nyid bde ba chen po'o/ /na ni spros pa ste gzhan gyi nus pa sel bar byed pa'o/ /ha u a ni hUM ste rgyu med pa dang/ tshogs dang bral ba dang/ /mthar mi 'dzin pa ste/ de rtogs pa sangs rgyas kyi yon tan sdud pa'o/ /hUM gnyis pa ni ched du
 nyung ba nyid du sdud pa'o/ /zhe sdang zad par byed pas na phaT do/ /zhe sdang chen po nyams dang ldan pas na phaT gnyis pa'o/ /mthu rgyun ma chad pa'i don gyis na swAhA/ de nas bcom ldan 'das de bzhin gshegs pa thams cad kyi bdag pos gti mug rdo rje
 chen po'i sngags gsungs pa/ /oM dzi na dzi ka ces bya ba smos te dzi ni byang chub sems dpa' ste/ na ni gti mug mi gnas par bya ba'i don to/ /dzi ga ni 'dzin pa ste/ gti mug chen pos 'gro ba thams cad sangs rgyas su 'dzin pa'o/ /de nas bcom ldan 'das de
 bzhin gshegs pa thams cad kyi bdag pos phra ma rdo rje'i sngags gsungs pa/ oM ratna d+h+ri ga ces bya ba smos te/ ratna ni rin po che ste/ sangs rgyas pa'i bar du che ba'i yon tan zad mi shes pa'i don to/ /d+h+ri ga ni brtul zhugs te phra ma chen po'i brtul
 zhugs kyis dri ma ma lus pa 'byed par byed pa'i don to/ /de nas bcom ldan 'das de bzhin gshegs pa thams cad kyi bdag pos 'dod chags rdo rje'i sngags gsungs pa/ oM a ro li ga ces bya ba smos te/ a ni ma skyes pa'o/ /ro ni nyams su myong ba'o
 li ga ni mngon par zhen pa'o/ /'dod chags chen pos sems can 'dul bar byed pa'i don to/ /de nas bcom ldan 'das de bzhin gshegs pa thams cad kyi bdag pos phrag dog rdo rje'i sngags gsungs pa/ oM pradz+nyA d+h+ri ga ces bya ba smos te/ pra dz+nyA ni
 shes rab ste/ chos thams cad gcig dang du ma dang bral bas rang bzhin med pa nyid du byas pa'o/ /d+h+ri ga ni rang la gnas pa ste/ yon tan dang ldan pa'i 'bras bu gzhan la phrag dog pa'o/ /de nas bcom ldan 'das de bzhin gshegs pa thams
 cad kyi bdag pos rdo rje tho ba'i sngags gsungs pa/ oM mutka ra d+h+ri ga ces bya ba smos te/ mutka ra ni tho ba ste/ dad pa rnam par dag pa'i stobs dang ldan pa'i/ d+h+ri ga ni brtul zhugs te phung po'i bdud zad par byed pa'o/ /de nas bcom ldan 'das de bzhin
 gshegs pa thams cad kyis bdag pos rdo rje dbyug pa'i sngags gsungs pa/ oM daNdra d+h+ri ga ces bya ba smos te/ daNdra ni dbyug pa'o/ /des 'joms par byed pa ste/ brtson 'grus rnam par dag pa'i stobs dang ldan pa'o/ /d+h+rig ni brtul zhugs te/ nyon
 mongs pa'i bdud zad? par byas pa'o/ /de nas bcom ldan 'das de bzhin gshegs pa thams cad kyi bdag pos rdo rje pad+ma'i sngags gsungs pa/ oM padmo d+h+ri ga ces bya ba smos te/ pad+ma ni chags pa'i don to/ /dran pa rnam par dag pa nyid yod pas so/ /b+h+ri ga ni
 brtul zhugs te/ 'chi bdag gi bdud zad par byas pa'o/ /de nas bcom ldan 'das de bzhin gshegs pa thams cad kyi bdag pos rdo rje ral gri'i sngags gsungs pa/ oM khaDga d+h+ri ga ces bya ba smos te/ khaDga ni ral
 gri'o/ de ni zag pa med pa'i don shes rab kyi rang bzhin te/ ting nge 'dzin gyi stobs rnam par dag pa'o/ /d+h+ri ga ni brtul zhugs te/ lha'i bu rnam par g.yeng byed kyi bdud pham par byas pa'o/ /de nas bcom ldan 'das de bzhin gshegs pa
 thams cad kyi bdag pos rdo rje tsar tsi ka'i sngags gsungs pa/ oM mo ha ra ti zhes bya ba smos te/ mo ha ra ti ni rnam par dag pa ste bde ba chen pos yongs su gang ba'i yid de gti mug gshin rje gshed la gnyis su med pa rdzogs pas ti'o/ /de
 nas bcom ldan 'das de bzhin gshegs pa thams cad kyi bdag pos rdo rje phag mo'i sngags gsungs pa/ oM d+he shwa ra ti zhes bya ba smos te/ d+he zhes bya ba ni lta ste/ bde ba'i rol pas mngon par rtse ba'o/ /zhe sdang chen po'i thugs la rab tu
 dbang ba'i phyir shwar te dbang phyug go /bcom ldan 'das kyi sku la mngon par rdzogs pas na ti'o/ /de nas bcom ldan 'das de bzhin gshegs pa thams cad kyi bdag pos rdo rje dbyangs can ma'i sngags gsungs pa/ oM rA ga ra ti zhes bya ba smos
 pas rA ga ni mtshon te sna tshogs pa'i mdangs dang ldan pa'o/ /ra ni khrag ste mnyes par byed pa'o/ /'dod chags rdo rje'i sku las yongs su rdzogs pas ti'o/ /de nas bcom ldan 'das de bzhin gshegs pa thams cad kyi bdag pos rdo rje go ri ma'i
 sngags gsungs pa/ oM badzra ra ti'i zhes bya ba smos te/ badzra ni rdo rje ste/ dbyer mi phyed pa'i don to/ /ra ni khrag ste snying rjes nye bar 'dzin pa'o/ /phrag dog rdo rje'i sku la rdzogs pa nyid kyi ti'o/ /de yang thams cad gsang ba las/ bcom ldan
 'das kyis byin gyis brlabs pa'i/ nor bu lta bu'i sngags rnams ni/ /gsang chen rab tu sbyor ba yis/ /'di ni bsam dpag dka' ba ste/ /'di yi sgrol ba 'dir rigs min/ /mkhas pa rnams kyi phyogs tsam brjod/ ces 'byung bas shes par
 bya'o/ de nas bcom ldan 'das rdzogs pas dkyil 'khor gyi sku gsung thugs byin gyis brlab pa ni lus ngag yid gsum 'bar bar byas pa'i don to/ /de yang ci zhe na/ de nas bcom ldan 'das kyis sku gsung thugs byin gyis brlabs pa'i sngags
 gsungs pa/ oM sarba ta thA ga ta kA ya badzra swa b+hA ba At+ma konyahaM/ oM sarba ta thA ga ta tit+ta badzra swa b+hA ba At+ma konyahaM/ zhes bya ba smos te/ sku'i gnas ni dbral ba'o/ /gsung gi gnas lkog ma'o/ /thugs
 kyi gnas ni snying ga'o/ /yig 'bru ni oM A(rgyud 'grel sa bon gyi 'od zer gyis ye shes kyi sku gsung thugs rdo rje spyan drangs te gnyis su med par ro gcig par byed pa ni sngags so/ /byin gyis brlab pa'i sngags kyi don ni/ sarba ni thams cad do/ /ta thA ga ta ni de bzhin gshegs pa'o/ /kA ya ni sku'o/ /swa b+hA ba ni rang
 bzhin no/ /At+ma ni bdag go /ko haM ni yin pa'o/ /bA ka badzra ni gsung rdo rje'o/ /tsit+ta badzra ni thugs rdo rje'o/ /de dag ni mthus byin gyis brlab pa nyid du 'gyur ro/ /da ni yongs su rdzogs par 'gyur ba'i mdog dang zhal dang mtshan ma bstan par bya ste/ de nas
 bcom ldan 'das de bzhin gshegs pa thams cad kyi bdag pos zhe sdang gi sku nges par bstan pa/ zhal gsum phyag drug khros pa la/ /in+d+ra nI la 'dra ba'i'o/ /phyag na rdo rje bsnams pa nyid/ /gshin rje gshed ni bsgom par bya/ /zhal gsum phyag
 drug zhi ba la/ /gsal ba'i gzugs dang mtshungs pa'i 'od/ /phyag na 'khor lo bsnams pa nyid/ /gti mug rdo rje rnam bsgom bya/ /zhal gsum phyag drug rgyas 'gyur ba/ /gser gyi rnam pa'i 'od dang ldan/ /phyag dang rin
 chen bsnams pa nyid/ /phra ma rdo rje rnam bsgom bya/ /zhal gsum phyag drug dbang byed pa/ /pad+ma rA ga mtshungs pa'i 'od/ /phyag na pad+ma bsnams pa nyid/ /'dod chags rdo rje rnam bsgom bya/ /zhal gsum phyag drug thams cad la/ /rin chen
 mrgad 'od dang ldan/ /phyag na shugs can bsnams pa nyid/ /phrag dog rdo rje rnam bsgom bya/ /zhes bya ba smos te/ zhal gsum ni g.yas dang g.yon dang dbus so/ /phyag drug ni g.yas kyi dang po dang/ bar pa dang/ tha ma dang/ g.yon gyi dang po dang
 bar ba dang/ tha ma'o/ khros pa la zhes bya ba'i spyan dgu mdangs dmar zhing rab tu bzlog pa dang/ zhal gsum la mche ba bcu gnyis kyis rab tu gtsigs shing ljags 'gril ba'i 'od zer gyis 'khrug pa dang/ khro bo'i rtags ma lus pas
 brgyan pa'o/ /in+d+ra nI la ni rin po che ste/ dpe dang 'dra ba 'od do/ /phyag na zhes bya ba ni gnyis kyi dang po ste/ rdo rje rtse lnga pa 'bar ba bsnams pa nyid do/ /gshin rje gshed du bsgom pa ni rnal 'byor bdag nyid do/ /zhal gsum phyag drug pa ni sngar bzhin no
 zhi ba la zhes bya ba ni/ khro zhing zhi la zhi ba'i las/ /gdon mi za bar mdzad pa'o/ /de dang mtshungs pa'i sku mdog ni/ /gsal de'i gzugs dang mtshungs pa'i 'od ces bya ba ste/ ston ka'i dus kyi zla ba dang gzugs dang mtshungs pa'i 'od do/ /phyag ni
 gnyis kyi dang po ste/ chos kyi 'khor lo rtsibs brgyad pa rnam pa nyid do/ /gti mug rdo rje la sogs pa ni shes pa'i rnam pa ltar bsgom par bya'o/ /rgyas 'gyur ba zhes bya ba ni bsod nams ma lus pa rgyas pa las gdon mi za bar mdzad pas so/ /de dag gi
 mdog ni gser lta bu ste/ rnam pa'i 'od dang ldan zhes pa ni btso ma'i 'od ltar 'khrug pa'o/ /phyag gnyis pa'i dang po'i rin po che ni zur brgyad pa 'bar ba bsnams pa nyid do/ /de nyid phra ma rdo rje'i rnam par bsgom par bya'o/ /zhal gsum phyag drug ni
 sngar bzhin no/ /dbang byed pa zhes bya ba ni sa stengs dang sa 'og dang sa bla ste/ thams cad dbang du gyur pa'i las gdon mi za bar mdzad pas so/ /pad+ma rA ga ni rin po che'i bye brag go /de dag ni las dang mtshungs pa'i 'od do/ /phyag ni gnyis pa'i dang po'o/
 pad+ma ni 'dab ma bcu drug pa ste/ 'phyar ba la bsnams pa nyid ces bya'o/ /zhal gsum phyag drug sngar bzhin no/ /thams cad pa ni 'phrin las te dgug pa dang bskrad pa dang sogs pa'i las kyang gdon mi za bar mdzad pa'o/ /mrkat ni mdog ljang gur gnas
 pa'i nor bu ste/ 'phrin las la rab tu shis pa'i phyir/ rin po che mrgad kyi 'od dang ldan pa'o/ /phyag ni gnyis kyi dang po'o/ /shugs can ni ral gri'i shugs dang ldan pa ste/ ral gri ni phyag na bsnams pa nyid do/ /de nyid phrag dog rdo rje'i rnam par
 bsgom par bya'o/ /de bzhin gshegs pa thams cad kyi sku gsung thugs gshin rje gshed nag po'i rgyud ces bya ba ni bshad zin to/ /mngon pa ni bsgrub bya ste/ 'bras bu'o/ /rtogs par ni sgrub pa'i thabs so/ /rim par phye ba ni rnal 'byor rnam pa
 bzhi ste/ dang po zhes bya ba ni bco brgyad kyi tha mar smos pa'o/ /nag po zhabs kyi bshad pa'i le'u dang po ste rgya cher bshad pa'o// //de ltar mngon par rtogs pas bdag nyid kyi dngos grub kyi ro thob pa 'am/ yid ches
 pa chen po grub nas/ nga ni sems can rnams dbang bskur ba la sogs pas bskal pa bskyed de gsang ba bshad par bya'o/ /de yang sngon du dkyil 'khor mnyes pa las dngos grub 'byung ba'i phyir byin gyis brlabs shing mchod pa'i dkyil 'khor
 bstod par bya ste/ de nas bcom ldan 'das de bzhin gshegs pa thams cad kyis bcom ldan 'das rdo rje sems dpa' chen po la bstod pa zhes bya ba smos te/ chen po ni yod pa dang med pa'i yul dang/ gnyis dang gnyis
 med kyi rnam bar rtog pa thams cad las 'das pa'i ye shes te sangs rgyas kyi sa'i de kho na nyid do/ /de'i phyir 'phags pa klu sgrub kyi zhal nas/ ngo bo nyid kyi rnal 'byor sgro 'dogs bral/ /gang gis bltas kyang de nyid mthong ba min/ /de yi yon tan
 gzhal bar mi nus kyang/ /rnam dag bstod pa blo yis nges par brjod/ /ces gsungs pa'i phyir ro/ /phyogs tsam zhig gis bstod pa brjod bar bya ste/ gshin rje gshed po rab 'jigs pa/ gti mug rdo rje'i ngo bo khyod/ /ston pa sangs rgyas kun rang
 bzhin/ /rdo rje sku la phyag 'tshal bstod/ ces bya ba smos te/ gshin rje gshed po ni gti mug rdo rje ste/ dngos por 'dzin pa dang nyon mongs pa'i gti mug rab tu 'jigs par byed pa'o/ /gti mug rdo rje de dag kyang dbyer mi phyed pa'i ngo bo ste/ tsar tsi ka
 ste khyod ces pa'o/ /ston pa ni bcom ldan 'das de spangs pa dang ye shes phun sum tshogs pa ste/ sangs rgyas so/ /de kun gyi rang bzhin ni tho ba rdo rje ste/ dbyer mi phyed pa'i rdo rje las sku'i rigs su mngon par snang ba rnams la phyag 'tshal ba ni lus ngag yid
 gsum gyi stobs ma lus pa ste/ dbyangs 'dzin pa'i don gyis na bstod pa'o/ /gshin rje gshed po rab 'jigs pa/ /phra ma rdo rje'i rang bzhin khyod/ /rdo rje thugs dang rab mtshungs pa/ /rin chen rdo rje phyag 'tshal bstod/ ces bya ba smos te/ gshin rje
 gshed po ni phra ma rdo rje ste/ des nyon mongs pa'i phra ma rab tu 'joms par byed pa'o/ /phra ma chen po ni dbyer mi phyed pa'i don gyis na phra ma'o/ /de'i ngo bo ni phag mo ste khyod ces bya'o/ /rdo rje thugs ni zhe sdang rdo rje ste/ de dang rab tu mtshungs pa ni rdo rje dbyug
 pa'o/ /dbyer med pa'i rdo rje las rin po che'i rigs su gyur pa la phyag 'tshal ba dang bstod pa bya'o/ /'dod chags rdo rje'i ngo bo khyod/ /gshin rje gshed po rab 'jigs pa/ /rdo rje gsung dang rab mtshungs pa/ /rdo rje gsung la phyag 'tshal bstod/ /ces
 bya ba smos te/ gshin rje gshed po ni 'dod chags rdo rje ste/ nyon mongs pa'i 'dod chags rab tu 'jigs par byed pa'o/ /'dod chags chen po ni dbyer mi phyed pa'i don gyis na rdo rje'o/ /de'i ngo bo ni rdo rje dbyangs can ma ste khyod ces bya'o/ /rdo rje
 gsungs ni dbyangs te/ shes rab kyi pha rol tu phyin pa mchog nyid do/ /gtso bo de dang rab tu mtshungs pa ni pad+ma rdo rje'o/ /dbyer med pa'i rdo rje las gsung gi rigs su mngon par 'byung ba rnams la phyag 'tshal ba dang bstod pa bya'o/ /phrag dog
 rdo rje'i ngo bo khyod/ /gshin rje gshed po las kun pa/ /rdo rje sku dang rab tu mtshungs/ /phyag na ral gri phyag 'tshal bstod/ /ces smos te/ gshin rje gshed po ni phrag dog rdo rje ste/ nyon mongs pa'i phrag dog zad par byed pas las zhes bya'o
 rigs gzhan yang 'grub par byed pas kun ces bya'o/ /dbyer mi phyed pa'i ye shes ni rdo rje ste/ sku dang zhes bya ba ni sku'i rigs su mngon par bsdus pa'o/ /rab tu mtshungs pas na rdo rje pad+ma'o/ /phrag dog chen po ni phrag dog rdo rje ste/ de'i ngo bo ni
 rdo rje go rim yin pa'i phyir/ khyod ces bya'o/ /phyag na ral gri ni 'phrin las mthar phyin pa'i don te/ de la phyag 'tshal ba dang bstod pa bya'o/ /sangs rgyas kun gyi dngos po khyod/ /sangs rgyas thams cad gcig bsdus pa/ /sangs rgyas kun
 mchog gtso bo'i gtso/ /dkyil 'khor gtso la phyag 'tshal bstod ces bya ba smos te/ sangs rgyas ni 'das pa dang ma 'ongs pa dang da ltar gyi'o/ /de kun gyi ngo bo ni bcom ldan 'das ma rdo rje phag mo ste ye shes kyi cha la khyod ces bya'o/ sangs
 rgyas thams cad ni gti mug rdo rje la sogs pa'o/ /yab yum gnyis su med par snyoms par zhugs te bde ba'i ro lhan cig bskyed pa gcig gi rang bzhin du bsdus pa'o/ /sangs rgyas kun gyi longs spyod
 rdzogs pa dang/ sprul pa ste mchog gi snying po'o/ /ye shes sems dpa' ste/ de ni bcom ldan 'das kyi gtso bor gyur pa ste/ zhe sdang rdo rje pas gtso bo'i gtso bo zhes bya'o/ /dkyil ni thun mong ma yin pa ste 'khor ni thun mong ngo/ /gtso bo ni mchog
 tu gyur pa'i zhe sdang rdo rje gshin rje gshed do/ /de la phyag 'tshal ba dang bstod pa bya'o/ /yon tan gyis mngon par bstod pa de dag kyang yul 'os su rung ba byin gyis brlabs pa'i dkyil 'khor la bstod dgos pa'i phyir bcom ldan 'das rnams  
 kyi skye mched byin gyis brlab par bya ste/ rdo rje mig dang/ rdo rje rna ba dang/ rdo rje sna dang/ rdo rje lce dang/ rdo rje lus dang/ rdo rje thugs zhes bcom ldan 'das kyi gsungs pa ni mig la sogs pa byin gyis brlabs pa'i cho ga'o zhes bya ba smos te/ mig
 rang bzhin med par mos pa byas pa las ri bong can gyi steng du yi ge kham bkod de/ de las skyed pa'i 'khor lo las yongs su gyur pa gti mug rdo rje dang 'dra ba'i sa'i snying po bskyed pa ni rdo rje mig go /rna bar zla ba'i dkyil 'khor gyi steng du yi ge
 dzriM las skyes pa'i rdo rje yongs su gyur pa las zhe sdang rdo rje dang 'dra ba'i phyag na rdo rje bskyed pa ni rdo rje rna ba'o/ /snar zla ba'i dkyil 'khor gyi steng du yi ge khaM las bskyed pa'i rin po che yongs su gyur pa las phra ma rdo rje dang 'dra ba'i nam mkha' i snying po ni/
 rdo rje sna'o/ /lce la zla ba'i dkyil 'khor gyi steng du yi ge g+haM las bskyed pa'i pad+ma yongs su gyur pa las 'dod chags rdo rje dang 'dra ba'i 'jig rten dbang phyug bskyed pa'i rdo rje lce'o/ /dpral bar zla ba'i dkyil 'khor gyi steng du yi ge kaM las bskyed
 pa'i ral gri yongs su gyur pa las phrag dog rdo rje dang mtshungs pa'i sgrib pa thams cad rnam par sel ba bskyed pa ni lus rdo rje'o/ /lhe'u snar zla ba'i dkyil 'khor gyi steng du yi ge saM las bskyed pa'i rdo rje yongs su gyur pa las rdo rje 'dzin pa dang 'dra ba'i 
 kun tu bzang po bskyed pa ni yid rdo rje'o/ /bcom ldan 'das kyis gsungs pa de ni tshad ma nyid de mi slu bar bya ba'i don to/ /mig la sogs pa byin gyis brlab pa ni bskyed pas phyogs pa ma yin gyi snying ga'i sa bon gyi 'od zer gyis skye mched kyis
 bcom ldan 'das spyan drangs te/ mchod pas cung zad mnyes par byas la gnyis su med par bya ba ni sngar bzhin no/ /cho ga zhes bya bar rengs shing/ gsal bar bya'i don to/ /dkyil 'khor yongs su rdzogs par ma byas na gzhan smin par mi nus pa'i
 phyir dkyil 'khor brtsam par bya ste/ de yang las dang po pa'i shes pa 'jug pa ni de yang bya ba la rag las pa'i phyir ched du brjod pa dang thig dang chen gyi cho ga brjod par bya'o/ /de nas yang dag bshad bya ba/ /'dod pa'i don du sgrub byed pa/ /
 gshin rje gshed po nyid mtshungs pa/ /gshin rje 'jigs pa'i dkyil 'khor ro/ /zhes bya ba smos te/ de nas zhes bya ba ni tshig nges par 'byed pa dang rgyan no/ /thams cad mkhyen pa'i sku'i gtso bor gyur pas na yang dag go gsal bar bya ba'i
 don gyis ni bshad par bya zhes so/ /'di la dgongs pa'i khyad par ci yod ci spyod ce na/ ma smin pa smin par nus shing zhi ba la sogs pa 'dod pa'i don dang/ thun mong mchog gi dngos grub kun sgrub par byed pa'o/ /gal te de bzhin gshegs pas
 byin gyis brlabs pa nyid mthu dang ldan par rigs la/ gang zag gis byas pa la gong gi yon tan 'byung bar mi rigs so zhe na/ gshin rje gshed po nyid mtshungs pa zhes pa smos te/ ye shes lnga dang dbyer med pa'i rang bzhin nyid do/ /de nyid kyi mthus
 mngon par rtogs pas byin gyis brlabs pa'i dkyil 'khor dag la 'jug ste/ de mtshungs zhes bya'o/ /de'i phyir thams cad gsang ba las/ rten cing 'brel par 'byung ba yi/ /rdzas kyi khyab par gang de la/ /sku gsung thugs
 kyi rlab pa ni/ /sngags pa dpa' bo nus pa yis/ /ji lta ba bzhin 'byung ba ste/ /dper na mchod sdong grub pa yis/ /mthu yi bye brag de bzhin no/ /zhes 'byung ba nyid kyi phyir ro/ /dkyil 'khor de dag gi mtshan ma yang ci zhe na/ gshin rje zhes bya ba
 ni lnga'o/ /'jigs pa ni zad par byed pa'i don de gshad do/ /dkyil 'khor ni bshad zin to/ /ched du brjod pa dang ldan pa'i dkyil 'khor de dag kyang sta gon ni cho ga sngon du song bas nang par nyi ma 'char kar thig gdab par bya'o/ /skud pa ser pa?
 legs bsgrims pa legs pa'i tshad la mdzes pa yis/ /skud pa shes pas thig gdab pa/ /gshin rje tshogs kyi dkyil 'khor ro/ /zhes bya ba smos so/ /skud pa ni srad bu'o/ /sar pa ni smas pa dang nyams par ma gyur pa'o/ /legs pa ni lnga bsgrib
 zhing 'jur ba la sogs pa med pa'o/ /bsgrims pa ni bu mo gzhon nus legs par bkal ba'o/ /legs pa'i tshad la zhes bya ba ni dkyil 'khor gyi nyis 'gyur la sgo'i nyi shu tshad do/ /mdzes pa ni 'jam pa la snum par bsgril zhing dri khyad
 par can gyis bsgos pa'i skud pa shes pas zhes bya ba ni shes rab can te mkhas pa'o/ /de yang ye shes kyi thig dang las kyi thig ste/ ye shes kyi thig ni lnga lngar bsgril ba'i dog pa kha dog lngar byas pa dag snod bzang ba'i nang du go rims
 kyis bzhag ste/ yig 'bru lngar byin gyis brlabs la skud pa nam mkha' la gdab pa ni le'u bcu bzhi pa las gsal lo/ /las kyi thig gis dkyil 'khor cha shas dgod pa yang le'u bcu bzhi pa las sgo ni dkyil 'khor brgyad char bshad do//
 de ltar thig gdab pa ni gshin rje gshed lha bcu bdun pa'i tshogs kyi dkyil 'khor ro/ /de ltar thig btab pa'i dkyil 'khor la tshon bri bar bya ste/ mtshan rnams thams cad rab rdzogs shing/ /bar chad thams cad rab nyams pa'i/ zhi ba
 la sogs rab 'jug pa'i/ /dkyil 'khor 'khor lo'i cha byad la/ /rtse mo lnga dang mnyam ldan pa'i/ /las kyi rdo rje de la bri/ zhes bya ba smos te/ mtshan ni sum cu rtsa gnyis rnams zhes pa'o/ /mtshan ni dpe byad brgyad cu ste/ /de rab tu rdzogs
 pa'i rgyur gyur pa'o/ /shing zhes bya ba ni nges par 'byin pa'i rgyu'o/ /bar chad ni phyi dang nang dang shin tu gsang ba'i bar chad do/ /thams cad rab tu mnyam par byed pa ni dkyil 'khor 'di'i byin gyis brlabs so/ /zhi ba la sogs pa ni rgyas pa
 la sogs pa gzhan yang ngo/ /dkyil 'khor 'di la rab tu 'jug pas rgyud thams cad kyi thog ma med par rab tu 'jug par 'gyur ro/ /dkyil 'khor ni bcom ldan 'das rnams so/ /'khor lo la ni gzhal yas khang ngo/ /cha byad ni kha dog dang dbyibs
 so/ rtse mo lnga ni phyogs re re ste/ 'jig tshogs kyi ri ba nyi shu 'joms par bya ba'i don to/ /mnyam ldan pa'i zhes bya ba ni mi mnyam pa med pa ste nor bu rin po che mu sa ra gal ba'i ri mo bzhin ni/ /las ni sna tshogs rdo rje ste dbyibs so/ /de la bri
 zhes bya ba ni sta gon byas pa'i sa gzhi thig btab pa de la tshad dang mthun par bri'o/ /de dag gi kha dog dang bye brag kyang le'u bcu bzhi pa las/ shar du dkar po chen po ste/ zhes bya ba la sogs pa smos so/ /yang de nyid las de la phyag rgya dgod par
 bya zhes bya ba ni 'di nyid de/ rdo rje 'bar ba dkrigs pa yi/ /rdo rje de yi dbus su bri/ /'khor lo 'od kyis dkrigs bskor ba'i/ /'khor lor shar gyi phyogs su bri/ /'od kyi phreng ba mnyam 'phro ba'i/ /rin po che ni lho ru bri/ /pad+ma rA ga'i mdangs 'dra'i 'od/ / 
 pad+ma nub kyi phyogs su bri/ /'od zer lnga dang mnyam ldan pa'i/ /ral gri byang gi phyogs su bri/ /shar lho'i mtshams su 'khor lo bri/ /lho nub rdo rje bri bar bya/ /grub byang pad+ma'i me tog ni/ /yu ba dang bcas kha dog gsal/ /'od kyi phreng
 ba mnyam 'phro ba/ /utpal ral gri byang du bri/ /shar gyi sgor ni tho ba bri/ /dbyug pa de bzhin lho yi sgor/ /'dam las skyes pa nub kyi sgor/ /byang du rdo rje ral gri'o/ zhes bya ba smos te/ rdo rje 'bar ba ni 'od 'phro ba'o/ /dkrigs pa ni 'od kyi phreng ba'o/ /rdo rje ni
 de bzhin gshegs pa'i rdo rje ste/ sna tshogs rdo rje dbus su shar du phyogs par dri'o/ /'khor lo 'od kyi zhes bya ba ni 'od zer 'phro ba ste/ dkrigs pa ni 'od kyi phreng bas bskor ba'o/ /'khor lo ni chos kyi 'khor lo ste shar gyi rwa'i dkyil du gtso bo'i mdun la
 phyogs par bri'o/ /'od kyi 'phreng ba ni sna tshogs pa'i 'od zer ro/ /mnyam 'phro ba'i zhes pa ni phyogs med par 'phro ba'o/ /rin po che ni zur brgyad pa ste lho'i phyogs kyi rwa'i dkyil du gtso bo'i g.yas la phyogs par bri'o/ /pad+ma rA ga ni shin tu dmar ba'i
 mdangs so/ /de dang 'dra ba'i 'od 'phro ba ni pad+ma rab tu rgyas pa ste/ nub phyogs kyi rdo rje'i rwa'i dkyil du gtso bo'i rgyab la phyogs par bri'o/ /'od zer ni dkar ser dmar ljang mthing kha ste lnga'o/ /de dang mnyam pa'i ldan pa'i 'od 'phro ral gri 'bar ba'o/ /de
 byang phyogs su rdo rje rwa'i dkyil du gtso bo'i g.yon la phyogs par bri'o/ /de ltar bzhi ni sor drug pa'i tshad do/ /shar gyi 'khor lo dang mtshungs par bre'o/ /lho nub mtshams kyi rdo rje dang dbus kyi rdo rje dang mtshungs par bri bar bya'o/ /nub byang gri mtshams
 kyi pad+ma'i me tog ni yu ba ste rtsa ba dang bcas pa'o/ /de yang kha bye ba'i rang nas skyes pa rab tu rgyas pa na gsal ba'o/ /de dag thams cad kyang 'od kyi phreng ba gtso bo rnams dang mnyam par 'phro ba bri bar bya'o/ /utpa la ni rtsa ba ste de la skyed pa'i ral gri byang
 shar mtshams su bri'o/ /de dag thams cad kyang gtso bo la mngon par phyogs shing sor bzhi pa'i tshang ngo/ /shar gyi sgor tho ba ni rtsibs nyi shu'o/ /dbyug pa rdo rjes mtshan pa de bzhin lho'i sgor bri'o/ /mtsho'i 'dam las skyes pa ni pad+ma ste nub kyi sgor bri'o/ /byang
 du rdo rje yu ba can gyi ral gri sor lnga pa'i tshang tsam la sngar bzhin 'od rab tu 'khrugs pas dngos grub 'dod pa dang bar chad sel ba'i bye brag gis nang dang phyir mngon par phyogs pa dag bri bar bya'o/ /de dag thams cad kyang reg pa la reg pa ni rab tu ngo
 mtshar pa'o/ /de dag thams cad kyi mdog ni le'u bcu bzhi pa las phyag mtshan kun tu zhal dang mtshungs pa'i phyir ro/ /de dag bri ba'i thabs kyang/ las kyi cho ga mthong nas ni zhes 'di nyid las 'byung ba nyid do/ /de ltar rdzogs pa'i dkyil 'khor byin gyis brlab
 par bya ba ni/ shes pas dkyil 'khor rdzogs pa la/ zhes bya ba smos te/ shes pas zhes bya ba ni shes rab can bsnyen cing sgrub pa la rab tu rdzogs pa'o/ /dkyil 'khor rdzogs pa la zhes bya ba ni rnal 'byor rnam pa bzhis yongs su smin par byas pa'o/ /de
 ltar yongs su rdzogs pa'i dkyil 'khor la mchod pa mnyes par bya ba ni/ mchod pa khyad par 'phags pa ni/ 'dod pa'i yon tan lnga dag gis/ /'jigs pa med par mngon par mchod/ /ces bya ba smos te/ mchod pa ni dgyes pa skyed par byed pa'i
 thabs so/ /de yang phyi dang nang dang gsang ba dang bla na med pa'o/ /khyad par 'phags pa ni ting nge 'dzin gyi mthu ma lus pa'i cho 'phrul lo/ /'dod pa'i yon tan lnga dag gis zhes bya ba ni de dag thams cad kyi gzhi yang gzugs dang sgra dang dri dang ro dang reg dag
 tu mthun no/ /mchod pa'i dus su 'jigs pa med par bya ba ni dogs pa dang nges pa'i shes pa dang bral ba dang/ dngos por lta ba dang re ba dang bcas pa med pas mngon par mchod pa kho na'o/ /de bzhin gshegs pa thams cad kyi sku gsung thugs
 gshin rje gshed nag po'i rgyud bshad zin to/ /dkyil ni snying po ste 'khor ni len pa'o/ /chen po ni rgyu'i gtso bo'o/ /rim par phye ba ni dkyil 'khor gsal bar byas pa'i don to/ /gnyis pa ni dang po la bltos nas
 bzhag pa'o/ /nag po zhabs kyi bshad pa'i le'u gnyis pa gsal bar byas pa'o// //dkyil 'khor de dag kyang gsol ba ma btab par bri bar mi bya ste/ de ci'i phyir zhe na/ dngos grub ni dam pa la rag las shing de
 yang gsol ba btab pa las mngon par rnyed par bya ba'i phyir dang ma 'ongs pa'i 'gro ba rnams skal pa bzang po la bslab pa'i phyir dang/ de bzhin gshegs pa la gsol ba gdab par bya ste/ de yang bstod pa sngon du 'gro ba dag gis so/ /de'i phyir de nas
 bcom ldan 'das de bzhin gshegs pa thams cad kyis bstod pa'i rgyal po 'dis bstod nas zhes smos so/ /gsol ba btab pa zhes bya ba ni mchog tu gyur pa'i gtso bo de dag la ji ltar gsol ba gdab ce na/ gshin rje gshed 'jigs dkyil 'khor
 ni/ /dkyil 'khor kun gyi gtsor gyur pa/ /sdig pa thams cad 'joms pa yi/ /mgon pos dkyil 'khor bri bar mdzod/ /ces bya ba smos te/ gshin rje gshed smos par zad de 'jigs pa ni dgra rnams so/ /len par gyur pa rab tu thob pa na dkyil
 'khor ro/ /dkyil 'khor kun gyi gtsor gyur pa ni 'dir dbang bskur ba'i sgrub pa pos dkyil 'khor thams cad kyi ye shes thob par gyur pas na'o/ /srog gcod pa la sogs pa'i sdig pa thams cad zad par byed pas na 'joms pa'o/ /mgon pos ni
 dkyil 'khor gyi bdag po dang tha mi dad pa'i rdo rje slob dpon no/ /dkyil 'khor ni sngar bshad pa bzhin bri bar mdzod ces bya ba'i tha tshig go /de nas rnal 'byor chen po rgyas par gsungs pa ni bdud rtsi myang ba dang dgug gzhug bya ba ste/ de nas bcom
 ldan 'das rdo rje 'dzin pa chen pos nyid kyis sku gsung thugs las bdud rtsi myang ba'i cho ga nges par phyung ba/ oM A(rgyud 'grel nyid/ /dgug pa dang ni gzhug pa dang/ /bcing dang de bzhin dbang bya nyid/ /tho ba la sogs sngags bzhi yis/ /mnyam par bzhag pas rnam par bsgom/ zhes bya ba smos te/ de nas bcom ldan 'das rdo rje ni ye shes lnga'i ngo bo nyid de bzhin
 gshegs pa lnga'o/ /de rnams kyis de'i bdag nyid 'dzin pa'o/ /chen po ni byang chub kyi sems rdo rje'o/ /nyid kyi sku gsung thugs rdo rje rnams las bdud rtsi zhes bya ba ni chos thams cad ro gcig pa'i byang chub kyi sems so/ /myang ba ni bdag nyid kyis te dngos
 su ste/ 'da' bar mi nus pas ni dam tshig gi cho ga'o/ /nges pa 'phyung ba zhes bya ba ni de'i bdag nyid bdag gis mngon par spros pa'o/ /de'i byin gyis brlabs pa'i cho ga ni/ oM A(rgyud 'grel pa o'o/ /skyes pa thams cad kyi rang bzhin chu zla lta bur rtogs pa ni ma'o/ /'di dag 'dus pa la oM zhes bya'o/ /chos thams cad gdod ma nas ma skyes pa ni A(rgyud 'grel tu phyung ste/ zad pa med pa'i chos thams cad ngo bo nyid rgyu med pa ste ha'o/ /rnam par spyad pas dpyad pa nyid mngon par spangs pa ni chos thams cad kyi ngo bo nyid de u'o/ /de'i phyir 'di ltar smon pa'i dngos po med pas sgyu ma lta bu'o/ /'di rnams
 'dus ni hUM ngo/ /bdud rtsi rnam pa lnga nye bar spyod pa ni de'i don gyi dam tshig las 'da' bar mi nus pa'o/ /de byin gyis brlabs pa'i sngags kyi ngo bo nges par phyung ba'o/ /de'i phyir oM A(rgyud 'grel sbyor bas yi ge hUM las skyes pa'i rdo rje dkar po rtse lnga pa khong seng can bskyed par bya'o/ /de ni rdo rje lce zhes bya ba ste 'od zer sbu gu'i dbyibs kyi sbyor ba yis rdo rje can kun mnyes par bya'o/ /rdo rje ni me long lta bu dang
 mnyam pa nyid dang so sor rtogs pa dang bya ba nan tan no/ /chos kyi dbyings rnam par dag pa'i ye shes so/ /de'i phyir dpal gsang ba 'dus pa las kyang rgyud lnga rdo rje zhes gsungs so/ /de la yod pas rdo rje can no/ /ye shes kyi bdag nyid can ni
 de bzhin gshegs pa lnga ste de rnams thams cad rdo rje can no/ /thams cad kyi sgras ni rigs thams cad kyang yongs su bzung ngo/ /de yang bdag gi bla ma'i zhal nas ni ma lus pa'i 'jig rten gsum na bzhugs pa'i sangs rgyas 'khor dang bcas
 pa thams cad rang gi lus la bcug ste bdud rtsi myang ba bya'o zhes gsung ngo/ /bdud rtsi sgrub pa gsungs pa ni rdzogs pa'i sangs rgyas bzhugs zhes bya ba ste/ de yang rlung dang me dang thod pa la gnas pa'i pad+ma'i snod du dbus dang phyogs kyi bye brag gis/
 pi mu shu ra ma dang/ d+ha ha na g+ho ku kha rdo rjes brgyan pa byas pa 'od zer gyis bskyod cing sbar bas rab tu gzugs/ /oM gyi 'od zer gyis bkug pa'i rigs lnga'i rdo rje dang bcas pa gcig tu zhugs par byas te/ byin gyis brlab pa'i don to/ /
 dam tshig gi dkyil 'khor rdzogs pa la ye she kyi dkyil 'khor yongs su gzhug pa ni/ ye shes 'byung gnas zhes bya ba smos te/ ye shes rnam pa lnga'i don to/ /ye shes kyi dkyil 'khor la ngo bo nyid ces bya'o/ /dam tshig gi 'khor lo dang
 mthun pas kyang ngo bo nyid do/ /thugs ka'i sa bon gyi 'od zer gyis spyan drangs pa la bgegs bskrad par bya ba ste/ dgug par bya ba ni dkyil 'khor dang nye ba nyid du spyan drang pa'o/ /gzhug ba ni dkyil 'khor nyid du'o/ /bcing ba ni dam tshig dang gnyis su
 med pa'i mi g.yo ba'i ngo bo dbang zhes bya ba ni dgyes pa bskyed pa nyid do/ /tho ba la sogs bya ba ni le'u bcu pa las shes par bya'o/ /sngags ni gang du bshad pa la dza(rgyud 'grel pad+ma dang ral gri'o/ /mnyam par bzhag pa ni dkyil 'khor gyi bdag po'i nga rgyal te rnam par bsgom pa ni tho ba la sogs pa'i nga rgyal 'dzin pa nyid kyis so/ /de lta bu'i dkyil 'khor gyi tshogs de dag kyang gang la gnas de gang la bsgom par bya zhe
 na/ ma he rdo rje gdan nyid la/ /dkyil 'khor gtso bo rnam bsgom bya/ /zla ba'i dkyil 'khor dbus gnas pa/ /gti mug rdo rje rnam bsgom bya/ /rta bdun ldan pa'i dbus gnas par/ /phra ma zhes bya rnam bsgom bya/ /dkyil 'khor dmar po
 dbus gnas pa/ /'dod chags rdo rje rnam bsgom bya/ /las kyi dkyil 'khor dbus bzhugs pa/ /rdo rje las ni bsgom par bya/ /zhes bya ba smos te/ dkyil 'khor gyi gtso bo ni ma he ser skya 'am/ sngon po ste kha lho phyogs su bltas pa dag ni rdo rje
 gshin rje gshed kyi gdan no/ /zla ba'i dkyil 'khor gyi dbus su gti mug rdo rje'o/ /rta bdun dang ldan pa ni bdun gyi bdun dang ldan pa ste nyi ma'o/ /de'i dbus su phra ma rdo rje'o/ /dkyil 'khor dmar po nyi ma ste de'i dbus su 'dod chags rdo rje'o/ /rdo rje las ni
 dkyil 'khor las kyi rigs te de nas yang nyi ma'i dkyil 'khor ro/ /de'i dbus su rdo rje las so/ /zhi ba gti mug rdo rje ste/ /rgyas pa de bzhin phra ma yis/ /'dod chags rdo rje dbang du byas/ /rdo rje las kyi thams cad du/ zhes bya ba ni le'u dang po las gsal bar
 bshad do/ /gal te 'dir smos pa la dgos pa med do zhe na/ bsgom pa'i zhar las byung ba'i phyir dang/ las sbyor gyi sngon du rigs kyi bsnyen pa 'gro ba'i phyir ro/ /da ni rnal 'byor pa mtshan ma thob pa phyag rgya chen po'i dngos grub mi nus pa la mig sman
 la sogs pa'i dngos grub gsungs pa ni/ rdo rje las kyi sbyor ba yis/ /mi yi tshil bu thod par bzhag /de bzhin skra yis sdong bu bya/ /dur khrod dag tu du ba bsgrub/ /mig sman dag ni de bzhin du/ /mig sman
 las kyi bsgom pa la/ /las kyi bzlas pa'i sbyor ba yis/ /mig sman 'di ni 'grub par 'gyur/ zhes bya ba smos te/ rdo rje las kyi sbyor ba zhes bya ba ni tshogs bsags pa mngon du 'gro bas bsrung ba'i 'khor lo dang ldan pa'i nang du raM las bskyed
 pa'i nyi ma'i dkyil 'khor gyi steng du yi ge d+has rab tu brgyan par bya'o/ /de la ral gri 'bar bas rab tu brgyan pas rdo rje las rig pa dang bcas pa bskyed par bya'o/ /de nas a pradz+nyA d+h+rI ga hUM hUM phaT phaT bsnyen pa khri bya'o/ /mi'i tshil bu ni lcags kyi
 snod du legs par bzhu ba dag go /rtse mo can gyis phug pa dang/ steng du btags pa dang/ mtshon gyis phog pa'i mi'i thod par mi'i tshil bu blugs la bzhag par bya'o/ /de bzhin du mi de'i skra dang/ arga'i ras bal dang lhan cig tu
 bzhag ste me spar la sdong bu bya'o/ /dur khrod kyi gnas dag tu mi'i thod pa dang mtshungs pa ste/ bkab ste me spar la dud pas bsdus la thod pa der bzhag go /yang las kyi rdo rje bsgoms te/ zla ba nag po'i gnam stong gi nub mo la lag pa
 g.yon pas bkab ste ji srid du 'bar ba de srid du bzlas te/ mig la bskus pa tsam gyis gang gis kyang mi mthong bar 'jig rten gsum du spyod par 'gyur ro/ /du ba yi ni sa la spyod par 'gyur ro/ /dro ba yi ni sa bla'i 'jig rten thams cad la
 nye bar spyod pa'i thabs so/ /da ni rkang byug bsgrub par bya ste/ khrag dang gur gum gzung byas nas/ /rkang pa byugs pa bsgrub par bya/ /rdo rje las kyi sbyor ba yis/ /rkang pa byug pa 'grub par 'gyur/ zhes bya ba smos te/ khrag ni ral gri ste srin
 lag go /gur gum ni b+ha ga las skyes pa'i khrag go /de yang sngon gyi gnas su bzung bar byas nas rkang pa'i byug pa sgrub par bya ste/ rdo rje las kyi rnal 'byor gyis gnam stong gi dus su gong gi rdzas sngon du song ba'i snod du bcug ste kha bkab la
 bsnyen pa'i khri'i sbyor ba yis rkang pa la byugs pa tsam gyis yang bar nus shing nyi ma gcig la dpag tshad brgyad cu rtsa gnyis phyin par 'grub par 'gyur ro/ /da ni ri lu bsgrub par bya ste/ bdud rtsi lnga ni mnyam pa la/ /sha lnga dang ni ldan pa yis
 lcags gsum du ni bcug byas nas/ /las kyi sbyor bas 'grub par 'gyur/ /zhes bya ba smos te/ bdud rtsi lnga ni bai ro tsa na dang/ bi shwa dang/ shu kra dang/ rak+ta dang/ a kro te ka dang rnams so/ /sha lnga ni mi sha dang/ glang po che'i sha dang/
 ba lang gi sha dang/ rta'i sha dang/ khyi'i sha rnams so/ /de dag gi tshad mnyam pa na tsa na ka'i rus pa'i tshad tsam mo/ /lcags gsum ni gser dang dngul dang zangs rnams so/ /de gsum yang cha mnyam pa ste srang bzhi'o/ /de yang man ca'i ri lu bcings
 pas thub par dril te/ zla ba gzas bzung ba'i dus su rdo rje las kyi rnal 'byor gyis lag pa g.yon pa'i steng du bzhag ste g.yas bkab la/ bzlas pa'i sbyor bas ji srid du 'bar ba de srid du bsgrubs na 'grub par 'gyur te/ de nas khar bcug pa
 tsam gyi ji srid du 'gro ba der bsams pa tsam gyis 'gro ste nus pa thogs pa med do/ /da ni ral gri bsgrub par bya ste/ kan da'i lcags kyi ral gri ni/ /las kyi sbyor bas bsgrub par bya/ /las kyi rdo rje sbyor ba yis/ /las kyi ral gri 'grub par 'gyur/
 zhes bya ba smos te/ kan ta ni gzhon nu gdong drug gi sa bon rdzogs pa'i lcags bzang po'i ngo bo las ral gri brdungs te tshogs bsags pa sngon du song ba'i bsrung ba'i khong par pad+ma'i steng du a las skyes pa'i zla ba'i dkyil 'khor la yi ge d+hi ser
 po bkod do/ /de las gser las byas pa'i mda' gzhur gyur nas de las skyes pa'i gzhon nu gdong drug sku mdog gser btso ma'i kha dog lta bu dang/ dkar po gnyis dang/ rab tu dmar ba gnyis dang/ mthing nag gi nam
 mkha' la lta ba'i zhal te/ shes rab ral gri mda' gzhu 'dzin pa'i phyag rgya dang ldan pa bsgoms la las kyi ral gri sor brgyad pa lag tu thogs te/ o ka la rU pa hUM zhes bya ba'i sbyor bas bsgrub par bya'o/ /de nas lag tu thogs te gar 'dod pa der
 bstan pa tsam gyis mngon spyod du nus so/ /'jig rten gsum ni gnas pa dag la khros kyang mi rgol lo/ /de yang las kyi rdo rje nga rgyal gyi sbyor ba yis las kyi ral gri yang 'grub pa 'gyur ro/ /gzhan yang zhe sdang rdo rje'i sbyor bas gter gyi bdag
 nyid las rdo rje'i rig pa 'dzin pa sgrub po/ /gti mug rdo rje'i sbyor bas dngul gyi 'khor lo la 'khor lo'i rig pa 'dzin pa sgrub pa'o/ /phra ma rdo rje'i sbyor bas rin po che margad cha dgug pa las rin po che'i rig pa 'dzin pa sgrub bo/ /'dod chags rdo rje'i sbyor bas
 zangs dang pad+ma la pad+ma'i rig pa 'dzin pa sgrub bo/ /ral gri'i rdo rje sbyor bas rgyud gzhan las 'byung ba'i dngos grub bsgrub par bya'o/ /de bzhin gshegs pa thams cad kyi sku gsung thugs gshin rje gshed nag po las zhes bya ba ni bshad zin to/
 thabs sna tshogs pa ni las te bya ba ni lha'i ngo bo nyid kyi sbyor ba mchog go /bsgrub bya tha dad pas ni rim pas phyed pa'o/ /gnyis ba las ltos nas gsum pa ste/ le'u gsum pa'i bshad pa nag po zhabs kyis rgya cher gsal bar byas pa'o/ /de ltar dngos
 grub kyi las kyi sbyor ba bshad nas/ da ni gzhan thams cad drag po la bzhugs pa'i sbyor bas bdag nyid la bzhugs par bya ba'i phyir 'khor lo'i le'u bshad par bya ste/ de nas bcom ldan 'das de bzhin gshegs pa thams cad kyis bcom ldan 'das rdo rje
 'dzin pa chen po la bstod pa'i rgyal po 'dis bstod nas gsol ba btab pa/ las kyi dbye ba'i rab dbye la/ /sems can 'jug pa ji ltar 'gyur/ /rdo rje chen pos bshad du gsol/ /nyon cig ye shes chen po rnams/ /zhes bya ba smos te/ bstod pa'i rgyal po
 ni sngar bzhin no/ /de dang 'brel pa'i tshig ni 'og nas 'byung ba'i tshig gis gsol ba btab pa'o/ /las kyi dbye ba ni dam tshig ste zhi ba dang rgyas pa dang dbang dang drag po dang dgug pa dang bcings pa dang gsad pa'o/ /rab tu dbye ba ni thams cad kyi bye brag gis re re
 zhing sna tshogs pa'o/ /sems can ni ma rungs pa dang/ btang snyoms pa dang mnyam pa la 'jug pa ji ltar 'gyur/ dbyer mi phyed pa'i rdo rje chen po thugs su chud pa'i thams cad mkhyen pa khyed kyis ji ltar nus pa dang ldan pa bshad du gsol/ thun mong ma yin
 pa'i 'khor so so dag dang bye brag tu nyon cig ces smras te/ sangs rgyas kyi ye shes yon tan rgya mtsho dang ldan pa rnams yid la byos shig ces bya ba'i don to/ /de nas rdo rje 'dzin dkyil 'khor thams cad kyi bdag por gyur pas rgyal po ste/ las ni zhi ba la
 sogs pa thams cad rab tu 'grub pa gdul bya nyes kha kun gso ba'i bdag nyid kyis 'og nas 'byung ba 'di skad kyi tshig gsungs so/ /de nas bcom ldan 'das de bzhin gshegs pa thams cad kyis thugs rdo rje nyid kyi thugs phyag 'tshal zhing mchod pa byas
 nas/ bcom ldan 'das la lan gsum bskor ba byas te yang dang yang du phyag 'tshal nas bcom ldan 'das nyid kyi gsung nyan to/ zhes bya ba ni sgra ji bzhin pa las lhag par gyur pa'i don med do/ /de nas rdo rje 'chang rgyal pos gsol ba btab pa'i don
 gsungs pa ni/ dbang du bya ba'i 'khrul 'khor bstan/ /gshin rje 'khor lo 'khor lo'i mchog /ma byung 'byung bar mi 'gyur ro /zhes bya ba smos te/ dbang du bya ba ni bud med la sogs pa'o/ /'khrul pa ni sngags te yab rgyal po nyid do/ /bzlas pa'i nus pa
 ni 'khor bar 'byung bas mthu thun mong ma yin par bstan to/ /gshin rje 'khor lo ni lto ba'o/ /'khor lo gnyis pa ni legs par bkod cing bris pa ni mchog ni dmigs pa khyad par du gyur pas byin gyis brlabs
 pa'o/ ma byung ba ni sangs rgyas rabs bdun no/ /zhing dag pa'i bstan pa la sangs rgyas par 'dod pa dag gis byams pa'i bstan pa la yang 'byung bar mi 'gyur ro/ /de ci'i phyir zhe na/ gsang sngags ni nyon mongs pa lam du khyer ba'i phyir ro/ /bud med dbang
 du bya ba dang/ bsrung ba'i don du de bzhin du/ zhi ba'i ro tsa nas bzung ste/ /gro ga de bzhin shing shun la/ /'khor lo gnyis ni mnyam bris la/ na ma na mas mdza' brten la/ /gnag dang spu can ma yin pa'o/ /kham phor gnyis ni kha sbyar te/ /mar
 dang sbrang rtsis bkang ba gzhug /skud pa dkar pos kham phor bcing/ /shar du mngon par phyogs pa yis/ /me tog dkar pos dus gsum gtor/ /gshin rje mthar byed chu shel 'dra/ /bdag nyid bsgoms nas mdun du dgod/ /zla ba'i dkyil
 'khor la gnas pa'i/ /bsgrub bya bltas nas dbang bskur bya/ /bdud rtsi lnga yis gang ba yis/ /bum pa dkar po zla ba 'dra/ /sangs rgyas du mas dbang bskur ba/ /bltas dang sngags kyi bzlas pa brtsam/ /oM che ge mo na ma h+ri(rgyud 'grel / /phaT de ba dat+ta ya shan ting ku ru swAhA/ zhes bya ba smos te/ 'dir bud med dbang du gyur pa ni sems zhi bar gyur pa la bya'o/ /skyes pa dbang du bya ba la ni khyad par gyi rdzas b+ha ga las byung ba'i gur gum gyis bya'o/ /gzhan gyi gdug
 pa'i sbyor ba yis/ /zhi ba'i 'khor lor zhi bar nus pas ni bsrung ba'i don du yang 'gyur ro/ /de bzhin du zhi ba'i 'khor lo bri ba la ni khyad par gyi rdzas ro tsa na ste/ rdul dang klad pa gang yang rung bas bya'o/ /'khor lo de dag kyang gro ga 'am smyug ma'i
 shun pa sor bcu drug pa'i 'khor lo gnyis kha sbyar te/ steng 'og gi yi ge dang lcags khang dang khor yug mnyam pa bris te na ma dang ming spel bas nas mdza' rten la bya'o/ /gnag pa dang yu ba dang rtsa ba can ni lhag par gyur pa ste zhi ba'i las mi 'grub
 pa'o/ /de ma yin pa'i kham phor zlum shing byil ba lhung bzed kha bregs pa lta bu so ma btang ba gnyis kha sbyar te mar dang sbrang rtsis bkang la der 'khor lo gzhug par bya'o/ /skud pa ma spyad pa dang ma smas pa dkar pos rgya gram du kham phor bcings te
 mdud pa med par byas la/ 'gan stan dkar po gso ras kyis bkang ba'i steng du gzhag ste rkang pa rtswa ku sha la mnyam par gnas nas zhi ba'i sems kyis shar du mngon par phyogs pa yis me tog spang rgyan dkar po la ga pur gyis bskor te/ nyin
 lan gsum mtshan lan gsum du dus drug tu gtor ro/ /tshogs bsags pa sngon du song bas bsrung ba mtshams kyi 'khor lo'i nang du bdag nyid gshin rje mthar byed a las skyes pa'i zla ba'i dkyil 'khor steng du oM dkar po yongs su gyur pa las rdo
 rje rtse lnga pa dkar po de las skyes pa chu shel dang zla ba'i dkyil 'khor dang 'dra ba'i bdag nyid bsgoms nas/ mdun du maN+Dal dkar po ga pur byugs pa'i steng du 'khor lo bkod la/ 'khor lo a las skyed pa'i zla ba'i dkyil 'khor la kha sbyor
 du bsams la de la gnas pa'i bsgrub bya yid kyis bltas nas dbang bskur bar bya ste/ bdud rtsi rnam pa lnga dang 'o ma bsres pa'i khu ba la tsan dan dkar po'i bdar pu bdar nas gang bar byas pa'i bum pa dkar po byin gyis brlabs te bum pa'i chu
 yis bkru zhing dbang bskur bar bya'o/ /gzhan yang bum pa dkar po zla ba 'dra ba'i rdzogs pa'i sangs rgyas du mas thogs te dbang bskur zhing khrus byed par yid kyis bltas nas sngags kyi zlas pa khri'i bar du bya'o/ /'di dag gis ni zhi ba'i dam tshig gi cho
 ga gsungs so/ /da ni rgyas pa'i dam tshig bshad par bya ste/ skyes pa zhi ba'i gur gum gyis/ /bri bya de bzhin rgyas pa yang/ /'khor lo gnyis ni kha phye yis/ /swAhAs ming ni brgyan pa yis/ /bsgrub bya'i ming ni bris byas la/ /dmar
 dang sbrang rtsis bkang ba yi/ /kham phor kha sbyar nang du gzhug /skud pa ser pos bcings nas ni/ /me tog ser pos dus gsum gtor/ /byang du kha ltas mdog ser ba'i/ /gshin rje gshed du bdag nyid dmigs/ /bsgrub bya zla ba ser nag la/
 bum pa ser pos bkrus byas la/ /dbang bskur bar ni bsgoms byas la/ /spros la rgyal ba'i bzlas pa bya/ /oM h+rI(rgyud 'grel shaM ku ru bo sha ta na ma:/ 'di ni bcom ldan 'das kyis rgyas pa'i cho ga gsungs so zhes bya ba smos te/ sdig pa ma zhi na bsod nams mi rgyas pa'i phyir zhi nas rgyas pa'i las btsam pa'i phyir/ rgyal po'i stong g.yogs kyi ras la sor drug
 pa'i tshad 'khor lo gnyis mnyam par byas te/ swAhAs ming rgyan par byas pa'i ming 'khor lo la bris la kham phor gru bzhi pa khyim bdag gi gdan lta bu'i gnyis kha sbyar la de'i nang mar dang sbrang rtsis bkang ste dkyil du 'khor lo gzhug bar
 bya'o/ smad pa ma smas shing ma nyams pa ser po gur gum gyi dis dgos pas bcings la mdud pa med par byas nas rtse mo nas gung mo dang mthe bong gis bzung ste/ tsam pa ka gur gum gyis byugs pa'i me tog ser por nyin lan gsum
 mtshan ? ? ste dus drug gam gsum du gtor ro/ /lho'i phyogs dag na stan a shwa de ? ma ser pos bkang ba'i steng du 'dug ste/ tshogs bsags pa sngon du 'gro ba'i bsrung ba'i 'khor lo'i nang du raM las nyi ma'i dkyil 'khor gyi steng du
 swa las rin po che de las mdog ser po gshin rje gshed du bdag nyid dmigs la/ bsgrub bya yang raM las zla ba'i dkyil 'khor kha sbyar gyi nang na gnas pa yid kyis bltas la/ bdud rtsi rnam pa lnga dang sbrang rtsi gur gum gyis gang bar byas pa'i
 bum pa ser po byin gyis brlabs la dbang bskur te/ bkru bar bya zhing rdzogs pa'i sangs rgyas du mas kyang bum pa ser po thogs te/ dbang bskur zhing bsod nams bsgrub par byas la rang gi rigs kyi bdag po spros la bsgrub bya'i lus la bcug ste
 yang dag par mchod pas bsod nams dang gzi mdangs ma lus par rgyas par bsam mo/ /de nas rgyas pa'i zlas pa khri bya'o/ /'di dag gis ni 'khor los bsgyur ba'i rgyal po dang bsod nams mnyam par gyur to/ /'di ni bcom ldan 'das kyis rgyas pa'i cho
 ga'i dam tshig gsungs so/ /da ni dbang gi dam tshig bshad par bya ste/ gro ga 'am ras la rgya skyegs kyi/ khu ba 'am tsan dan dmar po 'am/ srin lag gi ni khrag kyang rung/ /yi ge ho yis brten pa yi/ /'khor lo gnyis ni mnyam par bri/ /'khor lo
 nag sogs bral ba yi/ /kham phor gnyis ni kha sbyar du/ /mar dang sbrang rtsis bkang bar bzhag /skud pa dmar pos bcings byas la/ /nub phyogs su ni kha bltas nas/ /me tog dmar pos mchod par bya/ /bdag nyid gshin rje mthar byed pa/ /
 kha dog dmar po cher 'bar ba/ /zla ba dmar po la gnas pa'i/ /bsgrub bya yang ni rnam bsam bya/ /rang gi lus las byung ba yi/ /'od zer dmar po lcags kyu yis/ /bsgrub bya bkug par bsam par bya/ /sngags ni spro zhing khri bzlas pas/ /des ni
 bsgrub bya nyams gyur nas/ /rkang pa gnyis su lhags nas ni/ /gos bral skra ni bshig 'gyur ba/ /rnam par bsams pa bzlas pa tsam/ /gal te dbang du ma gyur na/ /mar la sogs pa bral bcas pa'i/ /du ba med pa'i seng ldeng mes/ /'khor lo
 de ni sgrub pos bsro/ /oM h+rI(rgyud 'grel te/ /bam po gsum pa/ de ltar bsod nams ma rgyas na/ /gzhan dbang du bya bar mi nus pas bsod nams rgyas pas dbang du bya ba ni 'khor lo'i rgyu gro ga 'am/ smad 'tshod ma'i sham thabs kyi ras la rgya skyegs
 sar pa'i khu ba'am/ yang na tsan dan dmar po sngar khu ba la bdar ba ngag gam srin lag g.yon pa'i khrag nyi shu gsum la byung ba dag kyang rung ste yi ge ho dang brten zhes bya ba ni bsgrub bya'i ming dang spel ba'o/ /'khor lo gnyis ni gzhi
 gcig la yi ge dang 'khor yug dang bcas pa mnyam pa'o/ /bri ba ni dgongs mo'i dus so/ /'khor lo la dkar nag la sogs pa dang rang gi dri ma dang bral bar bya'o/ /kham phor zla gam gyi dbyibs su byas pa gnyis so btang ste ma tang ka'i
 rtsi btang la kha sbyar ba'i nang du mar dang sbrang rtsis bkang ste de'i bar du 'khor lo bcug la bzhag go /skud pa dmar pos skud pa lu gu rgyud du sbrel bas rgya gram du bcing ba byas la/ shar gyi phyogs su gan stan dmar po'i nang du tsher ma
 lcags kyu yod pa'i 'dab ma brdzangs la/ nub kyi phyogs su kha bltas pa'i de'i phyogs su 'dug par bya'o/ /skyer pa'i 'brum bu 'am me tog dmar pos nyin lan gsum mtshan lan gsum ste dus drug gam gsum du dbang du bya ba'i yid kyis
 mchod par bya'o/ /bdag nyid tshogs bsags pa sngon du song bas bsrung ba'i 'khor lo'i nang du rwa las nyi ma swa las pad+ma de la skyes pa'i gshin rje mthar byed kha dog dmar po rab tu 'tshar bar bsgom mo/ /mdun du rwa las skyes pa'i zla ba dmar po
 gnyis kyi mdun du gnas pa'i bsgrub bya blo'i rnam par bsam par bya'o/ /rang gi lus kyi ba spu'i bu ga las byung ba'i 'od zer dmar po lcags kyu'i dbyibs lta bu 'dod chags rdo rje la sogs pa'i khro bo'i cho gas lag na lcags kyu dang zhags pa thogs pas bsgrub
 par bya ba'i snying phug ste/ yid kyi dngos su bkug la 'khor lo la thim par bsam par bya'o/ /de nas sngags bzlas pa'i ngag las 'od kyi cho gas 'phros bas ji srid khri'i bzlas pa byed kyi bar du 'od zer des bsgrub bya'i spyi gtsug nas rkang pa'i mthil du 'phros
 pas mdangs nyams par gyur nas mdangs thams cad rkang pa'i mthil gnyis su lhag par bsam mo/ /de nas bsgrub bya de dag kyang gos dang bral zhing skra rab tu bshigs pa mdog thal skyar gyur pa dag rnam par bsams la bzlas pa gnyis la brtsam par
 bya'o/ gal te dbang du ma gyur na mar dang sbrang rtsi dang kham phor la sogs pa dang bral bar byas te/ du ba med pa'i seng ldeng gi sol ba'i mes 'khor lo de dag gi sgrub pa pos sngags gnyis dang ldan pas ni nang nub tu bsro bar bya'o/ /'di dag gis ni srid
 pa'i rtse mo man chad dbang du 'gyur ro/ /'di ni bcom ldan 'das kyis dbang du bya ba chen po'i dam tshig gsungs so/ /da ni dgug pa'i sbyor ba bshad par bya ste/ dur khrod ras sam yang na ni/ /rang 'byung gis bskus ras la ni/ /khrag dang bya skyegs bsres pa
 yis/ 'khor lo gnyis ni mnyam bris la/ /yi ge dza dang yi ge h+rI(rgyud 'grel gshin rje mthar byed pa/ /nub kha'i nyi ma 'dra ba bsam/ /lcags kyu dmar pos bkug pa yis/ /bsgrub bya dag ni rnam bsgom bya/ /snying la lcags kyus rgyab nas ni/ /ska nas zhags pas bcings bya ste/ /gcer bu snga ni ma bcings pas/ /rlung gi dkyil
 'khor sbyor ba yis/ /yi ge dmar po'i steng 'dug la/ /rdzas lnga yis ni bkrus byas te/ /'ongs pa ru ni bsam par bya/ /gal te bsgrub bya mi 'ong na/ /seng ldeng gi ni me btang la/ /der ni bzlas ba brtsam par bya/ /brtul zhugs
 can gyis 'khor lo bsro/ /de la gzugs de bsam par bya/ /oM h+rI(rgyud 'grel nus pa'i phyir te dbang du byas nas dgug par bsam par bya ste/ dur khrod kyi gos ni ro'i ras so/ /de ma rnyed na rang 'byung gi khrag gis smad 'tshong ma'i sham thabs kyi ras la bskus la/ rang 'byung gi khrag dang rgya skyegs kyi khu ba phyed phyed du bsres pa
 yis/ 'khor lo gnyis kyi lte ba dang rtsibs dang khor yug tu mnyam par srod la bris la/ yi ge dza dang yi ge h+ris ming dbus na gnas pa'i tha ma rnam par brten par byas la/ btsun mo ni bud med de pad+ma'i snod ni thod pa'o/ /de kha sbyar ba'i nang du 'khor lo
 bcug la skud pa dmar po gnyis sgril ba yis rgya gram du bcings pa byas/ klu ga la sogs pa'i me tog dmar pos nyin lan gsum mtshan lan gsum dus drug gam dus gsum du mchod par bya'o/ /tshogs bsags pa sngon du song ba'i bsrung ba'i
 'khor lo'i nang du yi ge rAM las nyi ma'i dkyil 'khor/ de'i steng du dzaM las pad+ma yongs su gyur pa las bdag nyid gshin rje mthar byed pa mdog nub ka'i nyi ma dang 'dra ba dmar ser du sgom ste/ snying ga'i sa bon gyi 'od zer dmar po lcags kyu 'dra bas
 bkug pa'i bsgrub bya dag ni rnam par bsgom par bya'o/ /de nas khro bo lag na lcags kyu dang zhags pa thogs pa spros te/ bsgrub bya'i snying ga nas lcags kyu brgyab ste ske nas zhags pa dmar pos bcing ba byas te/ bsgrub bya de yang skra ma bcings
 par grol ba yaM las bskyed pa'i rlung gi dkyil 'khor ba dan gyis g.yob cing phyar ba'i sbyor ba byas pa'i steng du a las bskyed pa'i yi ge dmar po la zhon pa'am steng du 'dug par bsams la dam tshig gi rdzas rnam pa lnga yis bdag nyid dkrug par bya ste/
 sngags bzlas pas rlung gi dkyil 'khor gyis bteg nas myur ba nyid du ni 'ong bar bsam par bya'o/ /sngags khri bzlas kyang gal te bsgrub bya mi 'ong na/ seng ldeng gi me mdag la sgrub pa po brtson 'grus kyi brtul zhugs can gyis 'khor lo dus thams
 cad nas thams cad du bsro zhing der bzlas pa gnyis pa brtsam par bya'o/ /'khor lo de la sgrub bya de nyid dngos su bsams nas/ u ma de'i nyid kyang 'gugs par 'gyur ro/ /'di ni bcom ldan 'das kyis dgug pa'i cho ga gsungs pa'o/ /da ni rengs par
 bya ba'i dam tshig bshad par bya ste/ dur khrod gos la mkhas pas ni/ /yung ba yi ni khu ba yis/ /'khor lo gnyis ni mnyam par bri/ /yi ge laM gis brten pa yis/ /bsgrub bya'i ming ni bri bar bya/ /kham phor kha sbyar nang du ste/ /kham phor ser po'i steng
 du bzhag/ de la mkhas pas ra khA bri/ /re khA bdun nam yang na ni/ /mnyam bar bzhag pas bri bar bya/ /ri rab lcog brgyad ces grags pa/ /de'i steng du mnyam par bri/ /yi ge hUM dang yi ge baM/ /ri rab de ni brten par bya/ /de'i steng du laM yig las/ /dbang chen
 dkyil 'khor dgod par bya/ /sna tshogs rdo rjes mnan pa las/ /skud pa ser pos bcings nas ni/ /gshin rje gshed po mdog ser bo/ /bdag nyid rnam par bsam par bya/ /rnal 'byor lho phyogs kha bltas te/ /dbang chen dkyil 'khor la gnas ba/ /bsgrub bya ser po
 rnams sems la/ /ri rab kyis ni mnan byas nas/ /dbang chen dkyil 'khor gyi 'og tu/ /man d+ha ra sogs ri bo dang/ /sna tshogs ri po rnams kyis kyang/ /bsgrub bya mnan par bsgom par bya/ /de nas gnas nas bzlas pa brtsam/ /oM h+rI(rgyud 'grel hUM phaT phaT laM de ba dat+ta staM b+ha ya laM/ /de ltar dgug bar mnus na rengs ba mi 'grub pa'i phyir bkug nas rengs pa brtsam par bya ste dur khrod gos la mkhas pas bsnyen pa sngon du song zhing las kyi sbyor ba man ngag 'brel
 pa shes pa ste/ yung ba chad du pangs pa'i khu pa yis/ /'khor lo gnyis ni ma 'grub par/ /mnyam par byas te snga dro'i dus su bri'o/ /yi ge laM gyis bsten pa zhes pa ni bsgrub bya'i ming bla dags dang bcas pa bri bar bya/ /kham phor skyer pa'i mel so
 btang ba'i gru bzhi pa kha sbyar ba'i nang du 'khor lo bcug ste/ gcig sa'i kha dog tu bzhag la khem por gcig sa ser pos byugs te steng du bzhag go/ /de la shes rab dang ldan pa'i mkhas pas skra shad kyi spir gyis yung ba'i khu ba blangs te/ re khA bri ba
 ni bar na sor re yod pa'i mdun nas yang na bzhi'i lha rnal 'byor la mnyam par bzhag par bri bar bya'o/ /ri rab kyi rtse mo'i 'jig rten na lcog brgyad ces grags pa de'i steng du che chung med pa bri bar bya'o/ /yi ge hUM dang yi ge laM gnyis ni rtse mo brgyad la rab
 tu spel bar bya ste de'i phyir ri rab de ni brten par bya zhes gsungs so/ /de'i steng du yi ge laM ser po las dbang chen gyi dkyil 'khor gru bzhi pa tham rdo rje rtse gsum pas mtshan pa dgod par bya'o/ /de'i steng du hUM las sna tshogs rdo rjes mnan pa la/
 gshin rje mthar byed pa/ ser pos rab tu mi g.yo bar bsam mo/ /skud pa ser po la rdo rje mdud pa nyi shu rtsa gcig byas te rgya gram du bcings nas srin lag gi gzung bar bya'o/ /tshogs bsags pa'i bsrung ba'i 'khor lo'i nang na sngar yang bskyed pa'i
 gshin rje gshed mdog ser pos bdag nyid rnam par bsams par bya'o/ /byang gi phyogs su 'og na stan ser po'i nang na shwa twa lo mas rdzangs la rnal 'byor pas de'i steng du kha lho phyogs su bltas te skyil mo krung bca' o/ /mdun du laM las dbang chen gyi dkyil
 'khor kha sbyar ba'i dbus su bsgrub bya ser po skra sgrol ba'i rnam pa yid kyis bsams la/ de'i steng du laM las bskyed pa'i ri rab kyis mnan pa byas nas/ hUM las bskyed pa'i sna tshogs rdo rje yang bsam mo/ /de'i steng du laM las bskyed dbang chen gyi dkyil
 'khor gyis kyang mnan pa de'i 'og tu 'jigs pa'i rlung ltar snang ba'i ri ni man d+ha ra la sogs pa'i ri bo dang zhes bya ba ste/ gzhan yang gser gyi ri bdun la sogs pa sna tshogs pa'i ri bo rnams kyis bsgrub bya mnan par bsam par bya'o/ /ting nge 'dzin de la/ mi g.yengs par gnas
 nas bzlas pa brtsams par bya'o/ /de dag gis ni gsang pa'i bdag po yang non cing rengs par 'gyur na gzhan lta smos kyang ci dgos/ 'di ni bcom ldan 'das kyis shin tu rengs par byed pa'i rdo rje'i go cha'i dam tshig go /da ni ngag bcing bar bya ste/ ngag ni rengs par 'dod pa las/ de
 bzhin 'khor lo gnyis bris la/ /bsgrub bya'i ming yang bri bar bya/ /der ni sngags kyang spros nas bzlas/ oM h+rI(rgyud 'grel gnyis bris la byis pa'i thod pa kha sbyar gyi nang du bcug ste bsgrub bya'i ming dang/ tha ne dang/ taM b+ha dang/ laM du spel la sngar bud med kyi nu zhos bri bar bya'o/ /bdag nyid gshin rje mthar byed ser po sngar bzhin du bkyed la/ bsgrub bya mun khung na gnas pa'i lce la yi ge laM las skyes pa'i dbang
 chen gyi dkyil 'khor gyi steng du hUM las gyur pa'i sna tshogs rdo rje gshin rje gshed ser pos mnan par bsgom mo/ /de nas nim pa'i lo ma'i khu ba la sngags bzlas shing byugs pas sprul pa'i smra ba yang lugs bzhin du 'gyur ro/ /bcom ldan 'das kyi dag rengs par byed pa'i cho ga'i dam tshig
 'di skad ces gsungs so/ /da ni bsod pa'i dam tshig bstan par bya ste/ shin tu legs par sbas ba yis/ /ji ltar gsungs pa bzhin du bya/ /gshin rje gshed nag sbyor ba yis/ /nyi ma gcig gis 'grub par 'gyur/ /de'i don ni 'di yis te/ /shin tu bla na med pa'o/ /legs pa ni gsang ba'i don
 to/ spas pa ni rgyud gzhan du blta'o/ /ji ltar gsungs pa ni sngags dang 'og nas gsungs pa'i sbyor ba'o/ /mi mnyam par bya ba'i don gyis ni bzhin du bya zhes so/ /gshin rje gshed nag po'i sbyor ba ni gnyis te sngon du bya ba ni rnal
 'byor bzhi'i don to de zla ba drug tu song ba'i sbyor ba yis/ /bsgrub pa'i sbyor ba 'di la gnas na nyi ma gcig gis gdon mi za bar 'grub par 'gyur ro/ /'khor lo'i rgyu gsungs pa/ sngar bzhin dur khrod kyi ras la/ brtul zhugs can gyi 'khor lo bri zhes pa ste/
 dur khrod kyi ras ni ro'i ras so/ /de khyad par du mtshon gyis bsnun pa'o/ /gdug pa'i rdzas kyis btul la lus ngag yid gsum gyi brtul zhugs can gyis tshogs kyi 'khor lo bskor te 'khor lo bri bar bya'o/ /brtsam par bya'o/ /ras gdul ba'i rdzas
 ni/ skye tshe ni ni tshwa dang ni/ /dug dang gzhan yang? nim pa dang/ /tsha ba gsum dang tsha ba'i mar/ /da du lo ma'i khu ba dang/ /tsan dan 'bras bu mdzub mo'i khrag /tsitra ka yi khu ba dang/ /tsha rgo can gyi sa blangs te/ /gdol ba'i rdza ma'i dreg pa dang/ /zhes bya ba la
 ske tshon rigs ngan gyi ldum ra nas skyes pa'i 'bras bu'o/ /tsha ni bong bus gcin btang ba'i sa'o/ /dug ni mche ba gtsigs ba'o/ /nim pa ni nim pa'i lo ma skyur du sbyangs pa'o/ /tsha ba gsum ni pi pi ling dang na le sham dang sardza? rardza'o?/ /tsha ba'i mar ni yungs
 dkar nag po'i mar khu'o/ /da du ra'i lo ma'i khu ba ni til mkhan gyi til rdo las byung ba'o/ /tsan dan gyi 'bras bu ni gtum po'i sa bon no/ /mdzub mo ni g.yung mo'i mdzub mo ste de'i khrag go /tsi tra'i sa khu ba ni bya rog gi sgo nga dang bsres te/ tsha sgo can
 gyis ni chu zad par byas pa'o/ /gdol pa ni ro'i mkhar lan pa ste/ rdza ma ni 'bras chan 'tshed pa'i snod do/ /drag pa ni du ba chags pa'o/ /de dag gi ni bri ba yang bya'o/ /de'i sbyor ba gsungs pa ni/ /rab tu ltogs pa'i smyu gu yis/ /bcu bzhi pa ni brtul
 zhugs can/ /khros pa'i sems kyi nyi phyed na/ /gdug pa can rnams gsang pa'i phyir/ /sems can gnod pa byed pa'i mi/ /yi ge hUM gis brten byas la/ zhes gsungs pa la/ rab tu ltogs pa ni rgyun tu ltogs pa ste bya rog go /de'i gshog
 pa g.yas kyi sgro'i smyu gu yis tshes bcu bzhi'i nyi ma phyed kyi dus su man ngag gi lugs kyis bri bar bya'o/ /de yang brtul zhugs can shin tu khros pa'i sems kyis gdug pa can rnams bsad par bya ba'i phyir the tshom med pa la lta ba'i nga rgyal dang ni
 'bras pa'i ting nge 'dzin gyis sems can gang gnod par byed pa'i ming dang hUM spel ba nyid kyis brtan byas la zhes bya ba/ bsgom par bya ba gsungs pa ni/ /bdag nyid gshin rje mthar byed pa'i/ /sbyor bas lho phyogs kha bltas te/ /khro chen rab tu
 drag po'i gzugs/ /rus pas mgo bo bsam brgyan pa/ /zhes gsungs te/ bdag nyid ni rnal 'byor pa bdag nyid do/ /gshin rje mthar byed pa'i sbyor ba ni ting nge 'dzin to/ /lho'i phyogs su kha bltas ba ni rab tu bsad ba la shes pa'i phyogs su khro bo chen po ni thams
 cad kyi gtso bor gyur pa'o/ /rab tu rags pa'i gzugs ni rno zhing 'bar ba'i cha byad thun mong ma yin pa'o/ /rus pa ni rang bzhin gyis brgyan pa'o/ /mgo bo ni byin gyis brlabs pa'i gnas so/ /bsam pa ni med na bsgom par bya ba'i don to/ /brgyan pa ni
 dngos su 'go bar bya'o/ /de yang 'di ltar gsal bar bya ba ste/ ma hel bzhugs lce chud 'grim/ /gsus pa che la rab 'jigs pa/ /sreg byed skra 'bar gyen du 'greng/ /sma ra smin ma de bzhin ser/ /g.yas na rdo rje chen po dang/ /gnyis pa na ni ral gri dang/
 gsum pa'i phyag na gri gug go/ da ni g.yon pa'i bri bar bya/ /'khor lo dang ni pad+ma che/ /thod pa nyid ni g.yon na'o/ /rtsa ba'i zhal ni shin tu gnag/ g.yas pa zla 'od bzang po 'dra/ /g.yon pa dmar po yin par bstan/ /rdo rje rgyan gyi rab tu brgyan/ /?
 khung nas 'jigs chen po/ /rang rig bdag po rab 'phro ba/ /nyi ma'i dkyil 'khor steng na ni/ /zhabs ni g.yon pa brkyang bas gnas/ /mche ba gtsigs shing bsgyings pa yis/ /bskal pa 'bar ba'i me dang mtshungs/ zhes bya
 ba smos te/ ma he ni de'i 'khor ba'i sems can te de la bzhugs pa ni 'gro ba thams cad kyi dri ma sdud par mdzad pa'o/ /lce phyung zhing 'dril ba ni gdug pa can myur ba nyid du gsod par mdzad pa'o/ /gsus ba che ni srid pa gsum lto ba na gnas pa'o/ /rab tu
 'jigs pa zhe sdang gi bdag nyid gtsor gyur pa'o/ /ba sU bu ga'i 'od zer gyis 'byung po sreg bar byed do/ /skra 'bar ba ni me lta bu ste srid pa gsum zil gyis gnon pa'i brdar dbu skra gyen du 'greng ba'o/ /sma ra smin ma ser po ni srin po rtags nye bar 'dzin
 pa ste gsod pa nyid du myur du 'grub pa'o/ /rdo rje chen po ni de bzhin gshegs pa'i rdo rje ste/ ye shes lnga dang ldan pa'o/ /ral gri ni zhe sdang chen po nyid kyis khams gsum gcod pa'o/ /gri gug ni bla na med pa'i shes rab dang ldan pa'o/ /'khor lo ni chos thams
 cad dbyer mi phyed pa'i 'khor lor mkhyen pa'o/ /pad+ma ni 'khor ba'i skyon gang gis kyang ma gos pa'o/ /che ba ni stong pa nyid bcu drug gi 'dab ma dang ldan pa'o/ /thod pa ni byang chub kyi sems kyis thugs rgyud rab tu tshim pa'o/ /g.yas g.yon ni zung du 'jug
 pa'o/ gzhan du phyag drug pha rol tu phyin pa drug la phyag mtshan drug ni ser sna la sogs ba'i skyon drug sel ba'o zhes zer ro/ /rtsa ba'i zhal nag pa ni mi 'gyur ba'i phyir smon pa med pa'o/ /g.yas pa zla ba'i 'od ni dngos po'i dri ma med pa'i phyir stong pa'o//
 g.yon dmar ba ni snying rjes zhen pa'i mtshan ma med pa'o/ /rdo rje ni dbyer mi phyed pa ste gshin rje gshad do/ /rgyan gyis brgyan pa ni sbrul brgyad la sogs pa'o/ /rab tu brgyan pa ni mgo bo lnga bcu'i 'brang pa'o/ /pa sbu'i khung ni bu ga chen po'o/ /'jig
 pa tshan po ni 'phro ba'o/ /rang rig bdag po ni gti mug la sogs pa'o/ /rab tu 'phro ba ni spros nas bsgrub bya'i lus la bcug ste byin gyis brlab pa'i lha yang dag par mchod la des ji ltar bya ba mchod de/ bcom ldan 'das 'di ltar nges pa'i ngo bo byed pas
 'dir dmyal bar 'gro bar 'gyur ro/ /de bas ni 'di yongs su mthong zhing ces brjod la/ /ye shes kyi 'khor lo rang gi sa bon la bsdu'o/ /nyi ma'i dkyil 'khor ni byang chub kyi sems nye bar 'phel bar byed pa nyid do/ /zhabs g.yon brgyad ba ni sangs rgyas kyi la
 gnas pa'o/ /mche ba bcu gnyis gtsigs pa ni rten 'brel zad par bya ba'i don ston to/ /sgyings pa ni tshogs gnyis yongs su rdzogs pas rang dang 'dra ba'i yum dang gnyis su med pa'o/ /bskal pa 'bar ba'i me ni dus mdza' i me'o/ /de dang mtshungs pa ni mthu
 thogs pa mi mnga' ba'i don to/ /'di lta bu'i bdag nyid kyis bsgrub pa brtsam par bya ste bsgrub par bya ba mdun du dgod do/ /gdug pa'i mtshon gyis brgyab pa yis/ /dri ma can la nad kyis gzir/ /gos med 'dar zhing nyam chung ba/ /don 'dod pa'i tshig smra shing
 mtshon gyis gzir bar byas pa yis/ /rnag gi thun pos lus gang ba/ /grang ba'i rlung gis gtses gyur cing/ /me yi nang du zhugs pa la/ /ma he dang ni stag dag dang/ /khyi dang mchu rings can dag dang/ /sangs rgyas de ni mngon 'jigs pa'i/ /sdig po che dag zad
 par byed/ /ces bya ba smos te/ bsgrub bya ni dmigs par bya ba'i yul lo/ /mdun du dgod ces pa ni lho phyogs su'o/ /de nyid la sgrub pa bas mthun par brtags pa'i sngags kyi bzlas pa byas pas rigs kyi rgyal po spros te/ sngar gyi byin gyis brlabs dang bral bar
 byas pa de dag la lcags kyu dang zhags pa'i sbyor bas bkug ste rab tu thim par bya'o/ /de nas 'khor lo dang/ /'bar ba'i ral gri dang/ dgra sta dang/ mdung thung dang/ be con dang/ dbyug ba 'dang/ mda' dang/ kha TwAM ga dang/ mdung rings la sogs ba'i
 gdug pa'i mtshon gyis rab tu brgyab pa yis byang chub sems kyi mnga' ji snyed ba bsdus shing gdug pa'i du ba sngo ljang du 'dug pas lus khyab pa'i dri ma can du byas pa la nad sna tshogs kyis mi bzod par ? zhing
 gos med pa rab tu 'dar zhing nyam chung ba de dag/ e ma'o bdag kan zhi bar gyur par ci ma rung zhes don 'dod pa'i tshig smra bar bsam zhing/ mtshon cha gdug pa can gyis gzir bar byas pa'i snag gi thun pos gang bar gyur pa la/ nub byang gi mtshams
 nas gang ba'i rlung mdog dung kar gnas pa 'jigs pa'i sgra 'phyin pa dag gis brtsags par gyur cing bskyod par gyur pas me rab tu 'bar ba'i nang du bzhugs pa la dur khrod kyi gnas nas ma he dang/ stag dang khyi rgod dang sbrang bu mchu rings can la sogs
 pa rnams kyis sangs rgyas kyi bstan pa dang/ gsang sngags kyi sde mngon par 'jig pa'i sdig pa stobs che ba dang ldan pa de dag rngam par zad par byed par bsam mo/ /gzhan yang drag po'i sbyor ba chen po ni/ mthar byed pa yi ltor gnas pa/ /tsher mas
 lus ni gang ba dang/ /rkang pa shing lcags sgrog gis bsdams/ /de bzhin dum bu dum bur byas/ /pags pa dag ni bshus byas nas/ /de la tsha dang ske tshes bsku/ /hu zhes zer ba bsgom par bya/ zhes bya ba smos te/ mthar byed pa ni gshin rje
 gshed do/ /lto ba ni 'khor lo ste de la gnas pa ni bsgrub bya'o/ /gdug pa'i ting nge 'dzin ni sprul pa'i khro bo'i tshogs rnams kyis gdug pa can gyi tsher ma phur bu'i dbyibs su 'dug pa lag pa g.yon du thogs nas g.yas pa'i tho bas gdung zhing
 oM g+ha g+ha zhes lus bkas pa dang rkang pa shing gis gdos dang lcags sgrog gis bsdams nas sngar bzhin du spros pas gdug pa'i mtshon cha dag gis lus dum bu dum bur byas pa dang/ la la ni pags pa dag bshus par byas nas gdug pa'i
 rdzas tshwa dang ske tshe la sogs bas sku ba byed cing hu zhes zer ba mdangs rab tu 'phro bar bsam par bya'o/ /shin tu drag po'i sbyor ba ni de'i lus bsrung la sogs/ /bcad pa dag gi mdun du dgod/ /de'i go cha yang med byas nas/ /stong pa'i lus ni mdun
 bsam/ /rang gi lus byung khro bo ni/ /gshin rje gshed tshogs bdag nyid 'dras/ /de yis lus la brgyab nas ni/ /tshil bu rkang dag 'thung bar byed/ /de yi mdun du gshin rje bsgom/ /lag na dbyug pa stobs po che/ /gdug pa can de rdeg par byed do/ /de yi rgyu
 ma'i 'phreng ba sogs/ /bya rgod kyis khyer mkha' la 'gro/ /sa yi 'og nas klu dang ni/ /lha ma yin la sogs pas brdeg/ 'di ltar bsgrub bya nyams bya ba/ /snying rje la gnas sems kyis ni/ /sangs rgyas zhing du 'gro bar byed/ /ces bya ba smos te/ /de'i lus
 bsrung zhes bya ba ni bla ma 'am rig sngags pa gzhan dag gis byin gyis brlabs pa'i 'khor lo la sogs pa ni phur bu dang mdud pa dang yungs kar dang rdzas gzhan dag la sogs pa bcad pa dag gis bral bar bya ba'o/ /mdun du dgod pa ni nam mkha' la'o/ /
 de'i go cha ni rdo rje'i go cha ste/ med par byas nas bya ba ni bshus pa'o/ /stong pa ni rang rgyud pa ste lus ni gcer bu pa'o/ /de lta bu'i bsgrub bya mdun du bsam mo/ /rang gi lus kyi snying ga nas byung ba'i gshin rje gshed kyi tshogs bdag nyid kho na 'dra bas
 'jig rten pa'i bsrung ba la sogs pa bzung nas rang gi 'od kyis chu skyes la bcug ste/ phur bu gshin rje gshed yang dag par btab nas rdo rjes mnan no/ /de'i lus la gdug pa'i mtshon chas brgyab nas tshil gyi khu ba dang rkang mar dag 'thung bar byed do/ /de'i
 mdun du stobs can gyi gshin rje bsgom ste/ lag na dbyug pa stobs rab tu che ba rdo rjes brgyan pas gdug pa can de nan tan gyis brdag par bya'o/ /de'i rgyu ma la sogs pa'i nang grol dag kyang bya rgod kyi nam mkha' la khyer nas dum bur za zhing 'gro ba dang sa'i 'og na
 klu dang lha ma yin la sogs pas dum bur brdeg cing lhag ma ma lus par byed par bsam par bya'o/ /gal te theg pa chen po ni sems can thams cad la brtse ba chen po dang ldan pa nyid do/ /'di dag gis 'bras bu 'jig
 par byed do zhe na/ gsungs pa/ 'di ltar bsgrub bya nyams bya ba/ /snying rje la gnas so zhes bya ba gsang ba bla na med pa nyams par byas nas rdo rje dmyal ba las thar ba'i phyir gdug pa de dag bde ba thob par bya ba'i sems kyis yid 'khor lo la bcug
 ste/ dbang gis yongs su smin par byas nas ye shes kyi 'khor lo dang tha mi dad pas gshegs su gsol bas sdug bsngal byed pa'i rgyu 'khor ba'i gnas nas gton nas sangs rgyas zhing du 'gro bar byed do/ /da ni gsang ba bsad pa'i sbyor ba bshad
 par bya ste/ de nas bcom ldan 'das de bzhin gshegs pa thams cad khyad par can gyi thugs kyis 'di lta bu'i gsung phyung ba mdzad do/ /e ma'o bsad pa yang dag bsad/ /bsad pa ma yin sdig las grol/ /ji srid bsad kyang ma bsad de//
 sdig pa stong phrag byas pa yis/ /mnar med la sogs mi skye bar/ /e ma sangs rgyas skye ba'i bdag/ e ma'o sangs rgyas che ba'i bdag/ bsad pas byang chub thob par byed/ /ces bya ba smos te/ e ma zhes bya ba ni 'gal ba 'dus pa ngo mtshar
 ba'i don to/ /bsad pa ni rnam par rtog pa'i rtsa ba bcad pas yang dag par bsad pa'o/ /'dus byas pa zhig pa ni bsad pa ma yin te/ de ci'i phyir zhe na/ sdig pa las grol ba nyid kyi phyir ro/ /de bas ni 'khor ba ji srid pa bsad kyang rnam par
 smin pa dang bral ba'i phyir ma bsad pa ste/ de dag ni sangs rgyas kyi stobs che ba'i ngo mtshar ro/ /de'i phyir sdig pa stong phrag byas pa yis zhes bya ba la sogs pa bstan te don lhag par brjod pa ni med do/ /da ni thun mong ma yin pas bsad pa bstan
 par bya ste/ sems can bsod pa bsad pa nyid/ /snying rje chen po nyid kyi byas/ /e ma'o snying rje stobs kyi mchog /snying rje dman pas 'grub mi 'gyur/ zhes bya ba smos te/ gshin rje mthar byed pa'i stobs kyis sems can gsod pa ni yang dag pa?
 nyid du gsod pa nyid du byed pa ni rgyu snying rje chen po nyid kyis byas pa'o/ /e ma'o dmigs su med pa'i snying rje dang bsam gyis mi khyab pa'i snying rje'i stobs kyis 'grub pa nyid ni mchog go /sems can la dmigs pa dang chos tsam la dmigs pa'i snying rje ni
 dman pa ste/ bsad pa dang bsad pa chen po'i sbyor ba yang 'grub par mi 'gyur ro/ /de dag gi sngags gsungs pa ni/ oM h+rI(rgyud 'grel mA ra yaM hUM phaT/ mtshan mo la'o/ /'di ni bcom ldan 'das kyis rnam par rtog pa bsad pa ni lus la brten pa nyid kyis so/ /rdo rje ni dbyer mi phyed bar byas pa nyid do/ /'khrul 'khor ni bshad zin to/ /sngags ni h+rI(rgyud 'grel kyis so/ /sman ni rdzas kyi khyad par ro/ /bsad pa'i le'u 'di ni gtso bor gyur pa'o/ /la sogs pa ni 'phrin las bzhi yang bsdus pa'o/ /cho ga ni tshul lam thabs ji lta ba rnams so/ /de bzhin gshegs pa thams cad kyi sku gsung thugs
 gshin rje gshed nag po'i rgyud ni bshad zin to/ /las ni zhi ba la sogs pa'o/ /rim par phye ba ni re re 'khor lo dang sngags dang ting nge 'dzin dang rdzas la sogs pas byed pa'o/ /gsum pa'i don gyis na bzhi pa'o/ /nag po'i zhabs kyis bshad pa'i
 le'u bzhi pa rgya cher gsal bar byas pa'o// //de ltar las kyi sbyor ba thams cad kyang 'khor lo la rag las pa'i phyir 'khor lo'i sngon du 'gro ba le'u bzhi pa las ma gsungs pa'i cha gcig pa'i dbye ba dang bskrad pa'i
 las gnyis shes nas 'khor lo bri ba gsungs pa/ de nas 'khor lo gnyis bris la/ /yi ge phaT kyis brten pa yis/ /bsgrub bya'i ming ni bris byas la/ /thod ba kha sbyar nang du gzhug/ ces bya ba'i don ni 'khor
 lo ni rno zhing gcod pa'i don gyis na'o/ /gnyis ni steng 'og /bri ba ni man ngag dang mthun pa'o/ /yi ge phaT kyi brten zhes pa ni ming dang spel ba'o/ /bsgrub pa'i ming ni bla dags dang bcas pa bri bar byas la/ thod pa ni pho mo gnyis ka'i byi thang
 ka dang tsi tra ka byug pa kha sbyar ba'i nang du dur khrod kyi thal bas bkang ste de'i dkyil du bris pa'i 'khor lo gzhug par bya'o/ /de yang thun mong ma yin pa'i sbyor ba 'di nyid kyis 'grub ste/ skud pa sngon pos bcings byas te/ nyi ma phyed kyi dus su ni/ /
 dur khrod sa'i nang du sba zhes bya ba smos te/ skud pa sngon mo ni da du ra'i lo ma dang/ ra mi ta nag po'i lo ma bsres te de nyid sbyar ba bcos pa'o/ /de yang thod pa'i mthil gnyis su kha phye ba lta bur bcings te/ tshes drug gi nyi ma phyed kyi dus su dur khrod
 kyi sa'i gting gru gsum du brus/ /ta dur khrod kyi g.yam pa la rdo rje rgya gram bris te kha bcad pa'i nang du 'khor lo sba'o/ /de yang bsgrub pa 'di bsgoms pas 'grub ste/ gshin rje gshed kyi sbyor ba yis/ /rta dang ma he zhon pa yis/ /lag na mtshon
 thogs bsgrub bya gnyis/ /mdun du bsgrub bya dgod par bya/ zhes bya ba smos te/ gshin rje gshed kyi sbyor ba ni/ /bdag nyid gshin rje gshed kyi nga rgyal lo/ /rta dang ma he la zhon pa ni bsgrub bya ste/ g+ho dang d+ha las bskyed pa'o/ /bsgrub bya gnyis
 ni lag na mtshon thogs shing bral ba'i bsam pa dang bcas pa'o/ /mdun du bsgrub bya gnyis pa gsal bar bya ba kho na'o/ /de nas yang khros pa'i lus las sprul pa'i tshogs/ /gnyis ka'i phyogs su bsam par bya/ /gnyis kas 'thab mo mang
 po byed/ /khros shing gdug pa'i sems ldan pa'i/ /stobs ldan khros pa bsgom par bya/ /bsgoms nas bzlas pa brtsam par bya/ zhes bya ba smos te/ bdag gi snying ga'i sa bon las sprul pa'i tshogs bsgrub bya gnyis ka'i phyogs su dpung byed par bsam
 par bya'o/ /yang snying ga'i sa bon las rlung lta bu'i 'od zer rab tu 'khrugs pa 'byung ste/ bskul bas gnyis ka 'thab mo mang khros pa bsgom par bya'o/ /bsgom bya de dag dang mi 'bral sems dang ldan pas phan tshun yang stobs dang ldan pas rab tu khros pa
 bsgom par bya'o/ /bsgom bya de dag dang mi 'bral ba'i bzlas pa brtsam par bya ste/ oM h+rI(rgyud 'grel dbye ba'i cho ga'i dam tshig chen po gsungs pa'o/ /da ni bskrad pa'i cho ga bshad par bya ste/ cho ga dag ni snga ma bzhin/ 'khor lo gnyis ni bris byas la/ /thod pa kha sbyar nang du gzhug /skud pa nag pos bcings byas la/ /sha za'i tshal du sba bar bya'o
 zhes bya ba smos te/ cho ga ni dbye ba dag dang phal cher mthun pas snga ma bzhin zhes bya'o/ /'khor lo gnyis ni a ran+ta'i mar me'i dud pa dang/ ltogs pa dang mig ser dag gi khrag dang sbyar te bri bar byas la/ yi ge hUM phaT gnyis kyi bar du ming bla dags
 dang bcas pa gzhug pa ni rten zhes bya'o/ /thod pa ni slongs mo pa'i ste/ dkar nag tu byugs pa kha sbyar ba'i nang du bya rog dang mig ser gyi rtug pas bkang la bris pa nang du gzhug par bya'o/ /g.yung mo'i skra'i skud pa nag pos dum bu dum bur bcing ba
 byas la sha za'i tshal ni gnas te dur khrod kyi gnas su sba bar bya'o/ /de dag kyang ting nge 'dzin gyi mthu 'dis 'grub par 'gyur ro/ /gshin rje'i sbyor ba la gnas pas/ /mdun du bsgrub bya bsgom par bya/ /yam byung gzhu yi dbyibs 'dra ba'i/ /rlung gi dkyil
 'khor nag po la/ /de steng mdog sngon rnga mo bsgom/ /de la gdug pa can bskyon la/ /lho phyogs su kha bstan te/ khro bo'i tshogs kyis de rdog la/ /sangs rgyas yin yang bzlogs pa dka' / /zhes bya ba smos te/ che dang? lhag
 par brjod pa ni med do/ /de yang dus chen po bcu gnyis la bdag nyid gshin rje mthar byed pa'i sbyor ba la gnas nas mdun du bsgrub par bya ba'i sngags kyis rmongs pa lta bu dang yan lag thams cad bra shing gi rtsa ba dang 'dra bar bsgom par bya'o/ /de
 nas mdun du e nag po chos kyi 'byung gnas mun pa lta bu'i nang du yam las byung ba'i gzhu'i dbyibs lta bu'i rlung gi dkyil 'khor nag po la/ rlung lha sha ba la zhon pa mdog dug kha bdun gyis bskor ba'i dbus su shaM las byung ba'i rnga mo sna
 la gdug pa'i 'od zer chen po 'phro ba'i steng du gdug pa can bskyon la lho'i phyogs su kha bltas te phyin phar khro bo'i mtshon cha sna tshogs thogs pas rdeg cing deng par bsam mo/ /dper na sangs rgyas yin yang bzlog par dka' ste nges par bkrad pa
 byas par 'gyur ro/ /de nas rdo rje dril bu la sngags 'dis brgya rtsa brgyad du bzlas te 'khor lo la byugs na bsgrub bya 'grub bar 'gyur ro/ /oM h+rI(rgyud 'grel bskrad pa'i cho ga'i dam tshig gsungs pa'o/ /da ni 'khrul 'khor bri ba rten par bya ste/ khros pas rnal 'byor lhor? bltas la/ /rang khrag ro bsreg thal ba dang/ /dug dang tshwa dang ske tshe odang/ /mar khu smyon pa'i khu ba yis/ zhes bya ba smos te/
 khros pa ni khro bo'o/ /rnal 'byor ni de'i nga rgyal lo/ /lhor gnas pa ni las la shis pa'i phyogs so/ /rang khrag ni khro mdzub kyi'o/ /ro bsregs pa'i thal ba ni rus pa nag po'o/ /mar khu ni mi'i tshil lo/ /smyon pa ni smyon gyi lo ma'o/ /khu ba ni da
 du ra'i lo ma'i khu ba'o/ /rim pa gsum pa/ dur khrod ras la 'khor lo gnyis/ /rim pa 'di bzhin bri bar bya/ /zhes bya ba ni dur khrod kyi ras ni ro ras so/ /drag po ni de kho na'o/ /'khor lo gnyis ni thams cad la'o/ /rim pa 'ang bzhin ni gzhi dang?
 'khor lo'o/ /de gsungs pa/ bsad pa gshin rje'i lus la gnas/ /dbye ba rta dang ma he yis/ /bskrad pa rnga mo'i lus la bskyon/ /zhi ba zla ba'i dkyil 'khor gyi/ /rgyas pa zla ba ser po la/ /btsun mo'i snying gar dbang du bya/ /rang la bskyon na
 dgug par byed/ /lkug pa lug gi khog par gzhug /rengs pa la ni ri bong dbus/ /dgug pa seng+ge shar ba/ zhes bya ba smos te/ bsad pa ni gshin rje'i khong par chud par ro/ /dbye ba ni ma he dang rta'i rgyab tu chud par ro/ /bskrad pa ni rnga
 mo'i rgyab tu chud par ro/ /zhi ba ni zla ba'i dkyil 'khor la chud pa'o/ /rgyas pa ni nyi ma'i dkyil 'khor la chud pa'o/ /dbang gi bud med kyi snying ga ste/ pad+ma'i gnas su chud par ro/ /lkugs pa lug gi lto bar chud par bya'o/ /rengs pa ni ri bong gi
 dbus su chud par bya'o/ /sha ra b+ha ni seng ge rkang pa brgyad pa'o/ /dgug pa ni de'i 'phongs su'o/ /'di ltar smyo ba dang nad kyi smyo bar bya ba ni spre'u dang chang gis smyos par bya ba'i lto bar ro/ /khyad par gyi rgyu gsungs pa ni/ ro tsa na dang rgya skyegs dang/ kha
 cher skyes pa'i khyad par gyis/ /dbang du bya ba bro bar bri/ /zhes pa ni ro tsa na ni klad pa'o/ /rgya skyegs ni sar pa'i khu ba'o/ /kha cher skyes pa ni gur gum mo/ /go ba ni dmar por ro/ /de thams cad la yang dge ba'i sems kyis gzung bya
 na/ /'grub 'gyur 'di la the tshom med/ ces bya ba smos te/ dge ba'i sems kyis ni las tha dad ba'i bsam pa'o/ /gzung ba ni mi 'bral ba'o/ /bcom ldan 'das kyis gsungs pa nyid kyi phyir mi slu ba'i don gyis na 'grub par 'gyur 
 te the tshom med ces bya'o/ /mngon spyod kyi lhag ma gsungs pa/ kham phor la sogs pa smos te gong du bshad pa kho nar zad do/ /sngon du bsnyen pa gsungs pa/ /mdza' yi ya bor zhi ba la/ /yi ge ni de gnyis
 ka dang/ phyi nas dkyil gyi ya spangs te/ yi ge lhag ma ci bde bar/ /sngon du bsnyen pa khri tsho tsam/ /'di ni las rnams rab sgrub pa/ /ye shes ni gshin rje mthar byed pa'i ye shes so/ /rdo rje ni gzung ba dang 'dzin pa'i rtog pas mi phyed
 pa'o/ bris pa'i skyon gsungs pa ni 'thab mo 'byung ba ste/ de bas na ya dang ni dbyi bar bya'o/ /de bzhin gshegs pa thams cad kyi sku gsung thugs gshin rje gshed nag po'i rgyud las zhes bya ba ni bshad zin to/ /sngags 'khrul shing
 'khor ba'i zhi ba la sogs pa'i go rims bris pa 'khor lo ste rim par phye ba snga ma bzhin no/ /nag po zhabs kyis bshad pa le'u lnga pa rgya cher gsal bar bya'o// //da ni sngon du gsungs pa'i phyag rgya dang gtor ma 'khor dmigs pa'i le'u gsungs
 pa ni/ de nas bcom ldan 'das de bzhin gshegs pa thams cad kyis/ de bzhin gshegs pa thams cad kyi bdag po bcom ldan 'das rdo rje 'chang chen po la bstod pa'i rgyal po 'dis gsol ba btab pa/ gang gi rdo rje can mnyes
 pa/ zhe sdang phyag rgya'i rnal 'byor gyis/ /rdo rje'i phyag rgyas rgyas gdab pa/ /dngos grub rgya chen ji ltar thob/ /ces bya ba smos te/ gang gis ni rgyu'i rgyud do/ /rdo rje can ni 'bras bu'i rgyud de/ mnyes pa ni tshogs rdzogs par gyur pa'i thams cad kyi rgyud de/
 de dag gzhan yang zhe sdang phyag rgya'i rnal 'byor ni bskyed pa'i rim pa'o/ /rdo rje ni dbyer mi phyed pa ste de'i phyag rgyas rang rgyud gzhan rgyud la ji ltar gdab snyam pa dang mchog dang thun mong gi dngos grub rgya chen po ji ltar thob par byed pa lags zhes zhus so//
 de nas rtog pa gsum pa gsal ba'i phyir/ bcom ldan 'das rdo rje 'chang chen pos tshig 'di gsungs so/ /dkyil 'khor gyi ni lha kun gyi/ /dbu la gshin rje gshed po bsgom/ /rtag tu dkyil 'khor bri bar bya/ /rtag tu sbyin sreg gis kyang dgang/ /rtag tu
 dam tshig dag kyang bsgrub/ /sdom pa dag kyang yang dag bzung/ zhes bya ba smos te/ dkyil 'khor gyi lha ni bcu gsum mo/ /da ni rigs bzhi ste de rnams kyi bdag por gyur pa ni zhe sdang rdo rje ste/ de thams cad kyi dbu la rgyas btab pas gshin rje gshed pa
 bsgom zhes bya'o/ /mnyes par bya ba'i thabs ni bsnyen bsgrub yongs su rdzogs pa'i dkyil 'khor bri bar bya ba dang/ byin gyis brlabs pa'i zhing la yid kyis bri ba ste/ de yang phyi ma ni rtag tu'o/ /sbyin sreg ni nang gi bdag nyid can te kha zas sbyad pa'i ting nge
 'dzin gyi mchod pas ni rtag tu dgang zhes so/ /dam tshig ni shes par bya ba dang spyad par bya ba ste/ shes rab bya ba ni rtsa ba lnga'i bye brag mngon du byed pa'o/ /spyad pa ni g+ho ku d+ha hA na la sogs pa'o/ /rgyun tu bsten pa'i phyir rtag tu bsgrub ces bya'o/ /sdom pa ni
 bla na med pa ste/ 'jig rten pa las ring du gyur pa'o/ /mchog ni slob dpon gyi'o/ /kyang ni gzhan rnams ni nye bar bsdu'o/ /yang dag par bzung ba ni brtan par gyur pa'o/ /dngos grub rgya chen po thob par bya ba ni/ dang po la ni bum pa'i dbang/ /gnyis pa ral gri
 sbyin pa ste/ gsum pa rdo rje dril bu dang/ /bzhi pa zla ba bza' ba yin/ /bzhi po 'di ni dbang chen po/ /zhes bya ba smos te/ dang po ni 'gro ba'i yid brten pa'i phyir bum pa'i dbang ngo/ /bum pa ni chu 'dzin pa'i bya ba byed pa yin la/ dbang bskur bar byed pa ni spyan
 ma la sogs pa yin pa'i phyir rig pa'i dbang zhes bya'o/ /de yang rnam par rgyal ba 'khor lo sgyur ba dang bcas pa'i bum pa lnga gtso bor gyur pa ste re re zhing bcom ldan 'das nyid du gyur pas na cod pan gyi dbang ngo/ /de ltar slob ma'i dbang sngon du song ba'i slob
 dpon gyi dbang ni gzhan gyi don khyad par du spyod cing log par rtogs pa'i rnam grangs du ma gcod pa nyid kyi phyir gnyis pa ral gri sbyin par bya zhes gsungs so/ /gsang ba'i dbar ni gnyis su med par snyoms par 'jug pa'i byang chub
 kyi sems kyi khu ba dag slob mas yongs su spyod pa ste/ bo la dang ka k+ko la'i sgra'i bdag gi rtogs su rdo rje dang dril bu ste de las byung ba zhes bya ba'i don te/ /zla ba ni byang chub kyi sems shes rab ye shes kyi rang bzhin te/ chos thams cad gzugs brnyan lta
 bu'i nyams su myong ba'i lhan cig skyes pa nyid bzung ngo/ /bza' ba ni yid kyi sems nyams su myong bar bya'o/ /de yang thams cad gsang ba las/ dbang bzhi pa ni bde chen bskyed/ /yan lag ldan pa'i rig byed can/ zhes pa dang/ he badzra las/
 dang po la ni bum pa'i dbang/ /gnyis pa gsang ba'i dbang yin te/ /shes rab ye shes gsum par bshad/ /de ltar de bzhin bzhi pa yang/ /zhes gsungs te/ mthong ba'i don bla ma'i ngag gis brgyan par byas pas lhag mi dgos pa'i
 don to/ /bzhi po 'di ni dbang chen po'o zhes bya ba ni mdza' drug dang ldan pa nyid du ste/ zla ba rlung gi dor byas pa tshogs la bshad pa'o/ /sngar bkod pa ni slob ma la bshad pa'o/ /dang po ni sgra ji bzhin du bshad pa'o/ /gnyis pa ni ji bzhin du
 ma yin par bshad pa'o/ /gsum pa ni dgongs te bshad pa'o/ /bzhi po 'di ni dgongs pa ma yin par bshad pa ste 'di dag gis bya ba byas shing lhag pa mi rnyed pa'i don dang ye shes la dbang bar byas pa'o/ /dngos grub ji ltar thob ce na/
 dbang 'di dag gi bye brag gis/ /rgyal ba'i sras kyi byang chub thob ces bya ste/ 'di ni bla na med par gyur pa'i phyir nag po'i zhal nas byung ba'o/ /dbang 'di dag gi bye brag gi rim gyis goms par byas pa'i don to/ /rgyal ba ni dgra las so/ /sras ni
 dbang dang ldan pas so/ /byang chub ni chen po'o/ /thob pa ni tshe gcig gis so/ /da ni gtor ma bshad par bya ste/ 'byung po kun gyi gtor ma yis/ /sngags ni da nas bshad par bya/ /sngags chen bzlas pa tsam gyis ni/ /'byung po thams cad
 'dar gyur pa/ /zhes bya ba smos te/ 'byung po ni dbang po la sogs pa'o/ /gtor ma ni chen po ste lugs ni byin gyis brlabs pa'o/ /sngags ni 'bru re ba 'am/ bcud len gyi tshul las legs par bskyed pa ste las 'grub pa'i phyir bshad ces bya
 ba'i don to/ /sngags chen po ni/ h+rI(rgyud 'grel pas rnal 'byor pa'i 'dod pa bzhin byed pa'o/ /sngags gsungs pa/ oM in+d+ra ya h+rI(rgyud 'grel ra ye phaT b+hyo ma tri ni swA/ sarba bud d+he b+hyo/ hi hi he he pheM pheM swAhA/ zhes bya ba smos so/ /oM ni rdo rje'i sa bon no/ /in+d+ra ni dbang po'o/ /h+rI(rgyud 'grel wi gang ba'i sa bon no/ /ku be? ra ni gnod sbyin no/ /tri ni rtse gsum gyi sa bon no/ /a'i sha ya ni dbang ldan no/ /ta ni 'gun de'i sa bon no/ /agna ye ni me lha'o/ /a ni gri gug gi sa bon no/ /ni si ti tsa ye ni srin po'o/ /na ni ba dan gyi sa bon no/ /ba ya be
 ni rlung lha'o/ /Na ni ku mu ta'i sa bon no/ /tsan+d+ra ya ni zla ba'o/ /hUM ni pad+ma'i sa bon no/ /arga ya ni nyi ma'o/ /hUM ni bgrang phreng gi sa bon no/ /prahma na ye ni tshangs pa'o/ /phaT ni pad+ma'i sa bon no/ /ba su d+ha ra ye ni sa'i lha mo'o/ /phaT ni ral gri'i sa bon no/ /b+hyo ma
 tsi tra na ni thags bzangs ris so/ /swa ni dbyug to'i sa bon no/ /sarba bud d+he b+hyo ni khyab 'jug go /ha ni dgra sta'i sa bon no/ /hi hi he he ni sna can gyi'o/ /pheM pheM ni mkha' 'gro ma'o/ /swA hA ni thams cad mnyes pa gyur
 cig pa'o/ /bskyed cing byin gyis brlabs pa'i tshul ni dkyil 'khor gyi mngon par rtogs pa las shes par bya'o/ /nga ni phyi rol gyi lha yang dag par tshim pa'i gnas bshad pa ni/ bshad dang gci ba chu bsres pas/ /dkyil 'khor gru gsum
 byas nas ni/ /lha rnams tshim byas rnal 'byor pas/ /ha ha zhes kyang dran par bya/ /dkyil 'khor rim gsum bya ba ni/ /brgyad dang bcu gnyis bcu drug pa'i/ /dkyil 'khor mkhas pas bri bar bya/ /shes rab can gyi sngags kun dgong/ /brtul  
 zhugs can gyis bcu gnyis par/ /grub pa'i sngags rnams dgod par bya/ /rgyu dang mi rgyu'i 'jig rten ni gsum/ /ma lus lus pa med par 'grub/ /dkyil 'khor ni yi ge'i dbyibs la gdags so/ /gru gsum ni khru bzhi pa'i tshad do/ /byas pa ni skyad
 nul dang ldan pa'o/ /rgyu ni bshad pa dang gci ba chen po dang bsres pa ni byang chub kyi sems dang khrag dang rnam par snang mdzad do/ /lha rnams ni phyi rol gyi 'khor lo'o/ /de rnams tshim par byed pa'i byed po ni rnal 'byor pa'o/ /ha ha ni mnyes pa'i rjes su
 gad mo rnam pa brgyad kyi bzhad pa dran par bya'o/ /da ni 'khor lo bri ba bshad par bya ste/ dkyil 'khor ni sngags so/ /rim pa gsum ni re khA'o/ /brgyad ni nang du'o/ /bcu gnyis ni rab tu'o/ /bcu drug ni phyi'o/ /de bri ba ni man ngag dang ldan
 pa'i mkhas pa dag gis so/ /shes rab can ni 'khrul pa mi 'byung ba'o/ /sngags ni byin gyis brlabs pa'o/ /kun ni ma lus pa'o/ /dgong pa ni rtsibs la'o/ /brtul zhugs can ni bsnyen pa sngon du sang pa'o/ /bcu gnyis pa ni re'u mig go /grub
 pa'i sngags ni ya ma rA dza la sogs pa'o/ /dgong pa ni ma nor ba'o/ /rgyu ba ni 'gro ba'o/ /mi rgyu ba ni gnod do/ /'jig rten gsum ni 'dod pa dang gzugs dang gzugs med pa'o/ /ma lus pa ni thams cad do/ /lus pa med pa ni lhag ma med pa'o/ /
 sngags gsungs pa/ ya ma rA dzA/ satwa me ya/ ya me do ru/ Na yo da ya/ ya ta yo ni/ ra ya k+She ya/ yak+She yats+tsha/ ni rA ma ya/ 'di dag ni nus pa mi 'jigs pa'i don du bshad par mi bya'o/ /dang po'i thig bzhi'i re'u mig byas pa la bskor
 bar bya'o/ /gnyis pa mtshams med de/ bskor bas bcu gnyis su 'gyur ro/ /gsum pa mtshams na gsum du bcad pa la bskor bas bcu drug tu 'gyur ro/ /de la bye brag gi dgod pa gsungs pa ni/ dkyil 'khor du ya byas shar duk+She/ /lho ru
 'jam pa'i rdo rje ma/ /yi ge me ni nub tu bri/ /byang du nga nang? pa ni/ /bsgrub bya'i ming ni sbyin bya ba/ /mtshams kyi stong pa dag tu'o/ /hUM gnyis kyis ni rten byas nas/ /dgos pa thams cad sgrub par byed ces bya ba'i don 'di yin te/ 'khor lo ni dkyil
 gyi ya ni lho phyogs pa'o/ /k+She ni shar ro/ /ma ni ngag gi nges pa dang bral bas 'jam pa'i rdo rje'i dkyil 'khor gyi sa bon te lho'o/ /d+ha d+ha ni so dang lce rtse las byung ba ste Dha'o/ /ba ni ni tha ma'o/ /bsgrub bya'i ming sbyin par bya ba ni 'khor lo la'o/ /mtshams kyi stong
 pa ni re'u mig bzhi'o/ /hUM gnyis kyis ming gi g.yas g.yon du bsten par bya'o/ /dgos pa thams cad ni las kyi tshig ma lus pa'o/ /sgrub par byed pa ni 'khor lo'i stobs kyis te dkyil lo/ /bar ma gsungs pa ni ya dza ni rA/ ya me do ru/ na yo ni
 ra la sogs/ phyi rol rim par g.yon brtsams bri/ /don kun rab tu bsgrub pa'i phyir/ /rim pa gsum pa de las ni/ /kun tu cha re por ba la/ /shar nas brtsams nas bri bar bya/ /zhes bya ba smos te/ ya dza ni la sogs pa ni phyi rol te brtsibs  
 brgyad phyi rol rim pa ni bar ma'o/ /g.yon brtsams ni phyin ci log go /bri ba ni go rims bzhin bya'o/ /don kun ni zhi ba la sogs pa'o/ /rab tu bsgrub pa ni bdags yig gis so/ /dgong pa ni de'i phyi rim rim
 pa gsum pa de'i dag la dgong pa gsungs pa'o/ /kun tu cha re bor ba ni shar la sogs pa brtsams pa'i phyir phyogs bzhi dang mtshams bzhi la dgod pas brgyad stong par 'gyur ro/ /oM h+rI(rgyud 'grel ro/ na na ni lho nub tu'o/ /hUM hUM nub tu'o/ /phaT ni nub byang du'o/ /yang phaT ni byang du'o/ /swAhA ni byang shar du'o/ /la sogs pa'i sngags ni brgyad shugs kyis shes par bya'o/ /cha brgyad por ba la ni/ mu kaM pa ku ru/ ud tsi ta
 ya/ d+ha shmi ku ru/ tsi d+he pa ya/ shan+tiM ku ru/ puSh+TiM ku ru/ 'di ltar dgod pa'i yi ge rnams/ /g.yon gyi phyogs nas brtsams pa ste/ zhi ba la sogs pa'i las dang rjes su mthun par bri'o/ /oM dang po ste ming ni bar/ /tha mar b+ha shad tha
 bau ShaT/ /ho hUM phaT ldan sa bon gyis/ /zhi rgyas dbang drag tha mar bya/ /zhes bya ba smos te/ oM ni dang po ste phyag 'tshal ba'i don to ming ni bar du gzhug go /tha mar bshad dang bau ShaT tha de ni thams cad la yang shes te khyad par du rgyas pa
 la'o/ ho hUM phaT la sogs pa sngon du rang gi sa bon dang ldan pa ni zhi ba 'am rgyas pa 'am dbang dang mngon spyod kyi tha mar yang bya'o/ /de'i gdags yi ge re re zhig gis re'u mig brgyad dag par bya'o/ /de bzhin gshegs pa thams cad kyi sku
 gsung thugs gshin rje nag po'i rgyud ni bshad zin to/ /'khor lo ni re'u mig sum cu rtsa gsum pa'o/ /rnam par bri ba ni snyoms pa cha snyams pa gzhi gcig pa las log par ma gyur pa'o/ /rim par phye ba ni ma nor ba'o/ /drug pa ni lnga
 pas bzhag pa'o/ /nag po zhabs kyis bshad pa'i le'u drug pa rgya cher gsal bar byas pa'o// //bam po bzhi pa'o/ /da ni mtshan ma thob pa'i rnal 'byor pas sems can gzhug pa dang ma rungs pa 'dul bar gsungs pa/
 khrag dgug pa'i sbyor ba ni/ /zhal gsum phyag drug skem pa yi/ /phyag na 'khor lo zla 'od 'dra'i/ /mkhas pas tsar tstsi ka bsgom bya/ zhes bya ba smos te/ khrag ni khrag chen po ste khams gsum pa'i khrag dgug pa'o/ /sbyor ba ni rang gi snying gar
 pad+ma dang zla ba'i steng du yi ge dzA bkod la/ de las 'phros pa'i 'od zer gyi rje btsun rnams bsams te/ bdun pos sbyangs la tshad med bzhi sngon du 'gro ba'i stong pa nyid du byin gyis brlabs pa las/ oM las nyi ma'i steng du hUM las rdo rje'i bsrung
 ba'i 'khor lo bya'o/ /de'i nang du pad+ma dang zla ba'i steng du dza dang 'khor lo las yongs su rdzogs pa mdog dkar mo g.yas g.yon mthing ka dang dmar po'i zhal gsum phyag drug pa'i g.yas na 'khor lo dang ral gri dang/ g.yon na pad+ma dang nor bu 'dzin pa
 rtsa ba'i phyag gri gug dang thod pa 'dzin pa thugs kar bsnol ba/ g.yon brkyang ba'i zhabs lus skem pa/ ral pa kham nag gyen du 'bar ba/ khrag 'dzag pa'i mgo 'phreng dpyangs pa/ /rus pa'i 'phreng bas brgyan pa/ /'od zer gyi phreng ba 'phro ba/
 mkhas pas de lta bu'i lha mo tsar tstsi ka bsgom par bya'o/ /de'i ting nge 'dzin ni rang gi lce la yi ge dzi dmar po bkod de 'od zer khab lnga bus snying nas rgyab tu phug cing sbrang bu mchu rings lta bu'i 'od zer gyis khrag thams cad bkug ste rang gi kha yongs
 su gang bar bsam par bya'o/ /de nyid kyi phyir de nas bcom ldan 'das gshin rje gshed po bsad pa dang khrag dgug pa zhes bya ba'i ting nge 'dzin la snyoms par zhugs nas rdo rje tsar tstsi ka'i sngags 'di gsungs so/ /oM tsar tstsi ka sid d+ha d+ha na la ha ri ni 
 ratna tra ya/ a pa ka ri/ no ru di ra/ A karSha dza/ sngags 'di dag ni dran byas nas/ kha gdangs pa dag byas pas na/ /'jig rten gsum gyi khrag chen po/ /'gugs par 'di la the tshom med/ /ces
 gsungs so/ /da ni chang dgug pa'i sbyor ba ni/ /zhal gsum phyag drug phag gdong la/ rab sngo phyag na rdo rje bsnams/ /mkhas pas phag mo bsgom par bya/ /zhes bya ba smos te/ tshogs bsags pa dang bsrung ba'i 'khor lo sngar bzhin byas
 pa'i nang du pad+ma dang zla ba las dang rdo rje rdzogs pa'i sku sngon mo g.yas dang g.yon dkar ba dang dmar ba'i zhal/ phyag g.yas na rdo rje dang ral gri/ g.yon na 'khor lo dang pad+ma/ rtsa ba'i phyag na gri gug dang thod pa 'dzin pa ste de'i phyir zhal gsum
 phyag drug go/ rtsa ba'i zhal phag gdod la rab tu sngo ba'o/ /rdo rje snams pa ni bye brag go /mkhas pas de lta bu'i phag mo bsgom par bya'o/ /chang dgug pa'i sbyor ba ni rdza mkhan lag phyis pa'i sa bum pa'i sa bum pa'i kha rdo rje mdzes pas byas pa'i phre
 brgyad pa'i tshad bya'o/ /de nas rkun ma'i skra'i rtse mos bcings pa dag rtsa ba dang rten pa dang khar dum bu dum bur bzhag par bya'o/ /de nas sngags rjes su dran par byas sngags 'di'i che ba'i bdag nyid kyis ni pa ta na zhes bya ste mchod rten gyi
 brong khyer chen po oM d+ha des ya zhes bya ba rgya mtsho'i 'gram na gnas pa der/ 'jigs byed chen po dang/ 'jigs byed dbang phyug ma'i tshogs kyi dkyil 'khor gyi chad de 'gugs nus so/ /dmigs pa ni dal gyi dal gyis 'bab par bsam mo
 rdo rje phag mos 'jigs rten gsum ma lus pa'i char 'gugs nus so/ /rdo rje phag mo'i dbus kyi khang par skad cig kyang chad zad pa med do/ /dad pa dang ldan pa ni dad pa nye bar 'phel ba'i phyir chen por bshad do/ /bsam gtan pa ni
 dmigs pa nye bar bstan par byed pa'o/ /de'i phyir 'dir ni 'grub bar byed do/ /de bas na 'di nyid kyi phyir de bas bcom ldan 'das gshin rje gshed chen po chang dgug pa zhes bya ba'i ting nge 'dzin la snyoms bar zhugs te/ rdo rje phag mo chang
 'gugs pa'o sngags 'di gsungs so/ /oM badzra g+ho ne pu go ne badzra ma ma k+ti b+ha ra b+ha sa saM b+ha ra saM b+ha ra/ tre tA hu ka ma d+hya karSha ya dza/ rdza mkhan lag pa phyis pa'i sas/ /bum pa kha mdzes nyer byas la/ /rkun ma'i skra yi rtan bzhag ste/ /sngags
 ni rjes su dran par bya/ /sngags ni che ba'i bdag nyid ni/ /pa ta mchod rten dag tu bstan/ /dal gyi dmags nas 'bad par bya/ /chang ni 'gugs par rab tu grags /zhes gsungs so/ /da ni shes rab bskyed par bya ste/ shes rab bskyed
 par bya ba'i phyir/ /zhal gsum phyag drug dmar ba la/ /zhi ba phyag na pad+ma bsnams/ /dbyangs can brtul zhugs can gyis bsgom/ /zhes bya ba smos te/ tshogs sogs pa sngon du 'gro ba'i bsrung ba'i 'khor lo'i nang du pad+ma dang zla ba dang/
 d+ha dang chu skyes las rdzogs pa'i sku mdog dmar po g.yas dang g.yon sngo ba dang dkar ba'i zhal/ phyag g.yas pa na pad+ma dang ral gri /g.yon na 'khor lo dang chu skyes rtsa ba'i phyag gnyis kyis gri gug dang thod pa 'dzin pa bsnol ba rab tu zhi ba'i
 cha byad can pad+ma bsnams pa ni khyad par ro/ /de lta bu'i lha mo dbyangs can ma shes rab kyi brtul zhugs can gyis rab tu bsgom par bya'o/ /shes rab ni chos thams cad kyi ye shes te/ /'khor ba dang mya ngan las 'das pa ni rtogs pa'i rgya
 mtsho ste/ de dang brel ba ni mi gnas pa'i mya ngan las 'das pa'i shes rab kyi pha rol tu phyin pa'o/ /bskyed pa ni bdag dang gzhan gyi phun sum tshogs pa'i ngo bo rdo rje dbyangs can ma'i ngo bo nyid do/ /sbyor ba ni chos gcig gi dang po nas gzung ste nya'i
 mdza' i bar du'o/ /thabs dang shes rab gnyis su med pa'i sbyor ba'i rnal 'byor ba lhan cig skyes pa'i nyams dang ldan pa dag gis ha dza zhes smra bar bsam mo/ /bzlas pa'i tshad kyang ji srid du zla ba shar nas nus? pa'i tshad
 kyi rjes su 'jug pas/ yon tan gyi phung po ni dpag tu med pa'i chags bcad brgya ni mtshon pa tsam du zad de bya ba dang ldan pa'i rnal 'byor pa ni khri dang 'bum du yang zin par 'gyur te/ ngag ni gsung gi bdag nyid do/ /de'i dbang phyug ni ma
 lus pa phun sum tshogs ba'o/ /de lta bu'i phyag rgya chen po 'grub bo/ /khams gsum pa'i las thams cad kyang 'grub bo/ /ma lus pa ni nyan thos dang rang sangs rgyas dang 'phrog ma dang tshangs pa la sogs pa'i las 'grub pa nyid do/ /ma lus
 pa'i gzhan ni zhi ba la sogs pa'i las so/ /'grub pa ni ji ltar 'gyur ba'i las so/ /de bas na de nyid kyi phyir de nas bcom ldan 'das dam tshig chen po bcom ldan 'das gshin rje gshed rdo rje shes rab kyi pha rol tu phyin pa zhes bya ba'i ting nge 'dzin
 la snyoms par zhugs nas rdo rje dbyangs can ma'i sngags gsungs pa/ oM pi tsu pa tsu pradz+nyA bard+ha ni/ dzwa la dzwa la me d+ha bard+ha ni/ d+hi ri d+hi ri/ bud+d+hi bard+ha ni swAhA/ tshes kyi dang po nas bzung ste/ kun tu zla ba nya ba'i bar/ /sbyar ba'i ? ni smra
 bar bsam/ /ji srid zla ba rjes 'jug pas/ /rtag tu tshigs bcad brgya zin ni/ /ngag gi dbang phyug 'gugs par 'gyur/ /khams gsum ma lus pa dag ni/ /ma lus lus pa med par 'grub/ /ces bya ba nyid kyi phyir ro/ /de ni bu ba
 dgug pa bshad par bya ste/ khu ba 'jugs pa'i sbyor ba ni/ /zhal gsum phyag drug ral gri bsnams/ /nor bu margad 'dra pa ni/ /gau ri mkhas pas bsgom par bya/ /zhes bya ba smos te/ tshogs bsags pa sngon du 'gro ba'i 'khor lo'i nang du
 pad+ma dang zla pa la/ ru dang ral gri la yongs su rdzogs pa'i sku mdog ljang khu g.yas g.yon sdong dang dkar ba'i zhal gsum pa/ phyag g.yas na ral gri dang no bur bu/ /g.yon na 'khor lo dang chu skyes/ rtsa ba'i phyag gri gug dang thod pa bsnol ba'i
 phyag drug pa ral gri bsnams pa ni khyad par ro/ /nor bu margad dang 'dri ba'i 'od 'phro ba'i gau ri ni mkhas pa bsgom par bya'o/ /khu ba dgug pa'i sbyor ba ni khu ba ni shu kra ste/ byang chub kyi sems so/ /dgug pa ni nam mkha' gnas nas so/ /pad+ma'i
 kha ni rdo rje dang pad+ma mo'i lte ba'o/ /rdo rje'i lam ni skyes pa'i rdo rje'i sbu gu'o/ /dril bu ni gsung gi rang bzhin te bdag gi lce la yi ge dzA dmar po bsams nas/ smin mtshams kyi lam nas tshangs pa'i bu gar zhugs te /lcags kyu lta bu'i dbyings kyi 'od
 zer gyis skyes pa la ni tshangs pa'i bu gar zhugs te drang ba 'am/ phyag rgya ma la ni sngar gyi lam du 'og sgo'i rlung sbyor gyis so/ /bdag nyid 'dod chags rdo rjer gyur te gau ri gzhan du 'phrul pa ni gzhan gyi gnod pa'o/ /de nyid byang du 'pho ba ni man
 ngag go/ bzlas ba ni stag brjod pa'o/ /bsgom pa ni bsam gtan dang ldan pa'o/ /sbyor ba ni sems brtan pa'o/ /shu kra ni byang chub sems so/ /tshogs ni 'khor lo bzhi'i thig le'o/ /de la bzhug pa'i rlung khar btung ba ni dgug pa'o/ /de bas na de'i phyir de nas bcom
 ldan 'das gshin rje gshed rdo rjes khu ba 'gugs pa'i rdo rje zhes bya ba'i ting nge 'dzin la snyoms par zhugs nas/ khu ba 'gugs par byed pa'i lha gau ri'i sngags 'di gsungs so/ /oM ka d+ha ni/ A karSha ni/ gau ri dza h+ri/ duSh+Ta duSh+Ta ya/ shu kra ya
 ArSha ya/ dza dza dza hUM phaT swAhA/ pad+ma'i kha dang rdo rje dang/ dril bu lcags kyu'u rlung sbyor gyis/ /bzlas dang bsgom pa'i sbyor bas ni/ /khu ba'i tshogs ni 'gugs par byed/ /shis pa'i gnas dang bsgrub pa'i dus bstan pa ni/ /nags kyi nang dam
 dben pa ru/ /las 'di dag ni bsgrub byas nas/ /nub bdun tsam du sbyor ba yis/ /'grub 'gyur 'di la the tshom med/ /ces bya ba gsungs pa nyid yin no/ /gsang sngags kyi las kyi dngos grub
 thams cad ni sgrub pa la rag las shing de dag gi nus pa ni dbang la yang 'byung zhing/ dbang gi byin brlabs ni rjes su gnang bas 'jug pa'i phyir/ u dum bar man d+ha ra/ pa ri tsi tra ba le ka /gar ni ka yi phreng ba ni/ /bu khyod
 long la byin gyis rlobs/ zhes bya ba ni bum pa'i rjes su gnang ba'o/ /ral gri chen pos kham gsum pa'i/ /sangs rgyas kun gyis phyag byas pa/ /'byung pa thams cad 'gugs par byed/ /las kyi ral gri dam pa 'di/ /gzung na
 bdud las rgyal bar 'gyur/ /de dag gis ni rdo rje slob dpon gyi rjes su gnang ba'o/ /shes rab thabs kyi ngo bo nyid/ /rdo rje dril bu bsgrub pa 'di/ /long la slob ma yang dag bzung/ /rdo rje khyod kyis slob ma bzung zhes bya ba ni bsad ba'i dbang
 gi rjes su gnang ba'o/ /btung ba rin po che 'di ni/ /rdo rje'i lus ni rab tu bsgrub/ /kun tu ye shes bu khyod kyis/ /'thung zhig ye shes las byung 'di/ /slob ma'i khar yang blugs bya ba/ /gshin rje gshed kyis bsgrags pa 'di/ /shes rab
 yi ge kyi rjes su gnang ba'o/ /rdo rje slob ma bdag nyis ces/ /shin tu dag ba'i sems su bya/ /zhes bya ba ni shes rab ye shes kyi rjes su gnang ba'o/ /de dag gi don ni rdo rje'i dkyil 'khor du 'jug pa'i dus su dkyil 'khor du 'phangs pa'i
 me tog la zla ba gnyi su chad pa'i tshul gyis nyi shu rtsa lnga dang ldan pa'i me tog gi 'phreng ba la byin gyis brlabs shing satwa mahA ba la zhes bya ba dang/ gong gi tshigs su bcad pas slob ma'i mgo la bcings bar bya'o/ /gal te me tog gi/
 phreng bas rigs lngar yongs su bsdu bar mi rigs so zhe na/ rigs la rigs nyid rtogs pa yi/ /rig pa lnga po bstan pa ni/ /me tog ming gis slob ma la/ /bde ba dam pa rtogs par byed/ /ces bya ba'i don gyis phreng ba re re yang myu gu dang/ kha bye ba dang
 shin tu rgyas pa'i bye brag gi phreng ba ste rgyan gyi ngo bo nyid yin pa'i phyir dang dbang lnga po dag gis kyang rang gi lha gsal bar byed pa'i phyir ro/ /slob dpon gyi dbang ni gzhan gyi don gtso bor byed pa ste/ ral gri ni slob dpon las thob pa shes rab chen po'o/ /de las
 kyi go rims dang sems dpa' chen po'i stobs kyis ral gri de nyid rdo rje ste dbyer mi phyed pa'i ye shes lnga'o/ /de dag la khams gsum gyi sangs rgyas thams cad kyis phyag byas pa ste 'os su gyur pa nyid do/ /khams gsum gyi sems can thams cad  'byung ba ste/ slob dpon gyi las kyi mthus de nyid du 'gugs par byed do/ /las kyi ral gri ni las thams cad pa ste/ phrag dog gshin rje gshed po nyid dam pa'o/ /de nyid ni rdo rje brtul zhugs te don dang rtags 'brel bar bzung na bdud bzhi la rgyal bar
 'gyur ro/ /'di dag gis ni dam tshig gsum pa dang/ gnod du bya ba dang/ rjes su snang ba dang/ lung bstan pa dang/ dbugs dbyung zhing gzengs bstod pa dag kyang gzung ngo/ /gsang ba ni gsang ba las byung ba ste/ shes rab dang thabs kyi gsang
 pa las de nyid kyi ngo bo nyid byang chub kyi sems dang she rab dga' ba bzhi'i ye shes su 'grub par bya ba 'di dag ni dag gi rtse mo long zhes brjod la/ bdag byin gyis brlabs pas slob ma yongs su gzung zhig pa'o/ /shes rab ni tshad dang ldan pa'i
 phyag rgya ste ye shes ni de las skyes pa'o/ /de nyid ni btung ba ste yid lhan cig skyes pa'i ros tshim par byed pa'o/ /chos thams cad de phyir nyid kyi ngo bor byed pas na rin po che ste/ des bcom pa med pa'i don mthong bas na rdo rje lus rab tu sgrub par byed pa'o
 de nyid me long lta bu la sogs pa'i kun tu khyab pa'i ye shes lnga ste/ rdo rje slob ma la bu zhes bos la khyod kyi goms par bya ba'i don du lhan cig skyes pa 'thung zhing /ye shes las 'byung ba'i chos 'di dag thams cad
 na slob ma skal ba dang ldan pa yid ches pa'i khar rin po che dbang gis blugs par bya ba ni bcom ldan 'das gshin rje gshed kyis bsgrags pa yin no/ /rdo rje slob ma bdag nyid la yod pa rig cing myong ba yid ches che ba dag gi shin
 tu ste rang rig pa dang bla ma'i bka' o/ /dge ba ni dge ba chen po ste thun mong ma yin pa'i don mthong ba'o/ /rtag tu de'i sems su bya ba ni bzhi pa'i dbang ngo/ /de bzhin gshegs pa thams cad kyi sku gsung thugs gshin rje gshed nag po'i rgyud ni bshad
 zin to/ /dgug pa ni khrag dang chang dang shes rab dang khu ba dgug pa'o/ /la sogs pa ni dbang gi tshigs su bcad pa'o/ /rim pa ni go rims so/ /phye ba ni mnor pa'o/ /drug pas gzhag pa ni bdun pa'o/ /nag po zhabs kyis bshad pa le'u bdun
 pa rgya cher byas pa'o// //da ni dbang bskur ba cho ga yongs su rgyas par 'gyur bar bshad par bya ste/ de nas rdo rje 'dzin rgyal pos/ /bsrung ba'i 'khor lo sbyor bar byed/ /bgegs dang log par 'dren pa dang/ /gdugs
 can dag bsal ba'i phyir gsungs zhes bya ba smos te/ de nas zhes bya ba ni sta gon gyi dus su slob dpon gshin rje mthar byed kyi nga rgyal dang ldan pas rdo rje dang dril bu 'brel ba'i phya ba dang/ hUM zhes brjod pa la slob ma 'khor lo gru bzhi'i nga rgyal dang
 ldan pa bzhis gsol ba btab pa'i rjes thogs la'o/ /rdo rje ni ye shes bzhi ste de gang dang ldan pa ni 'dzin pa'o/ /rgyal po ni gtso bo'o/ /bsrung ba ni bgegs ma lus pa 'da' bar mi nus pa'o/ /'khor lo ni ting nge 'dzin dang sngags yongs su sbyor
 bar byed pa'o/ /bgegs ni lus las kun tu 'byung ba'o/ /log par 'dren pa ni dag las kun tu 'byung ba'o/ /gdug pa can ni sems las kun tu 'byung ba'o/ /bsal ba ni phyogs de dag rnam par bcad pa'o/ /phyir ni bar chad pa srung ba'i  dgos pa ste de'i don du gsungs pa'o/ /de yang tshigs su bcad pa 'di dag bsgrub par bya ste/ dpal ldan ral gri 'chang bdag /bsrung ba'i 'khor lo sbyor bar byed/ /ral gri 'bar ba'i bdag nyid kyis/ /rigs gsum skyes kyang bcod par byed/
 ces bya ba smos te/ dpal ldan ni bdag dang gzhan gyi don phun sum tshogs par byed pa'o/ /gral gri ni las la shis pa'i phyir mtshon pa tsam du zad kyi de dag gnas su rdo rje dang 'khor lo dang rin po che dang pad+ma bcug pas tshigs su bcad pa brjod
 par bya'o/ /'chang ba ni bcom ldan 'das de nyid rdo rje la sog pa 'chang bas so/ /bdag ni de bzhin gshegs pa thams cad kyis skur ba cig pa'o/ /bsrung ba'i 'khor lo sbyor bar byed pa ni bshad zin to/ /ral gri 'bar pa'i bya ba nan
 tan gyi ye shes kyi mthu dang ldan pa'o/ /de nyid kyis rdo rje 'bar ba la sogs pa yang bsdu'o/ /de'i bdag nyid kyis rigs gsum ni sku dang gsung dang thugs rdo rje las skyes pa'o/ /kyang zhes bya ba ni de dag kyang gcod cing 'joms par byed na
 gzhan gyi 'jigs pa lta smos kyang ci dgos/ zhes bya ba'i don to/ /de dag gi rjes la sa'i lha mo lhag par gnas pa'i phyir gsungs pa/ sems can thams cad skyob pa yi/ /lha mo khyod ni dbang du gyur/ /gshin rje gshed kyi dkyil 'khor
 ni/ /slob dpon bdag gos dkyil 'khor bri/ /zhes bya ba smos te/ sa gzhi legs par bstan pa'i dkyil 'khor gyi nub phyogs su khru gang ba'i maN+Dal byas te me tog ga dmar po'i tshom bu lnga pa bkod la/ slob dpon bdag nyid mthar byed pa'i du 
 rgyal gyis lag pa g.yas pas rdo rje 'dzin pas rdo rje rtse gsum pa'i phyag rgya sa la bzhag ste/ rdo rje sems dpa' i yi ge brgya pa lan gsum du brjod par bya'o/ /de nas pa'i lha mo lag bzang mo mdog gser
 btso ma'i kha dog lta bu zhal cig phyag gnyis pa g.yas pa dbang po'i lag pa lta bu/ g.yon pa gsar gyi bum pa lo ma dang bcas pa 'dzin pa/ lus phyed phyung ba sgrub pa po la mngon par phyogs pa dmigs te me tog la sogs pas
 mchod la/ /glu dang ldan pa'i rdo rje dril bus lan gsum du bskor bar bya'o/ /sems can thams cad ni sangs rgyas kyi sras su gyur pa ste/ sems can thams cad snying rje dang shes rab kyis skyob pa'i thabs thar ba'i grong mchog tu
 'jug pa la lha mo khyod ni dbang por gyur pa ste/ sngon mar mi mdzad la sogs pas ji ltar dbang du bzhag pa bzhin du gshin rje gshed kyi dkyil 'khor ni rtsa ba'i dkyil 'khor thams cad la 'jug pa ste/ gang la yang ltos pa
 med par rdo rje sems dpa' bdag nyid kyis snying po len pa'i dkyil 'khor bri ba'i dbang mdzod cig pa'o/ /dgos pa ci yod ce na/ tshul lam thabs ji lta ba bzhin du mnyam par spyod ces bya ba'i tha tshig go /da ni dkyil 'khor du
 gzhug pa bshad par bya ste/ gos kyi gdong ni bcing byas la/ /dkyil 'khor gyi ni mdun sgor bzhag /khyod su zhes kyang 'di skad 'dri/ /bskal bzangs bdag ces tshig tu brjod/ /gsol ba btab pa'i blo bzang la/ /yol ba'i nang du sbyin
 par bya/ /zhes bya ba smos te/ gos kyis bya ba ni ras dmar zhes bya ste/ las thams cad pas gsang ba byas nas hUM zhes nyi shu rtsa gcig bzlas nas/ 'jug pa'i cho ga ma rdzogs par dkyil 'khor mthong na khyad par gyi spro ba mi 'jug pa'i
 phyir khru gang pa de dag gis mig bcings la dkyil 'khor gyi shar phyogs kyi sgor bzhag pa'o/ /de nas slob ma rnam par snang mdzad kyi nga rgyal du gnas pas gsol ba btab nas rdo rje rtse gcig pa'i phyag rgyas me tog gi phreng ba bzung ste/ gsang ba'i
 dkyil 'khor mtshan ma dang bcas pa snying gar bkod la/ oM sarba ta thA ga ta yo ga tsit+totpA da ya mi zhes rnal 'byor gyi sems bskyed par bya'o/ /de nas byang chub kyi mdza' i bar du dam bca' bar bya'o/ /oM sarba ta thA ga ta su ra te sa ma ya stwAM ho su khaM zhes
 brjod pas/ de nas bla ma yon gyis mnyas par byas te bla mas kyang khyod su yin gang la dga' zhes dri bar bya'o/ /slob mas kyang bdag ni bskal pa bzang po ste dkyil 'khor mthong bar spro ba'i yid can no/ /gzhan yang bdag ni bde ba chen po
 la dga' zhes tshig tu brjod do/ /de nas oM A khaM bI ra hUM zhes brjod du bcug la shin tu spro ba'i yid kyis rdo rje rtse lnga pa lag pa g.yas par btang ste sbom po dang dbang po'i rtses 'dzin du bcug la/ deng khyod de bzhin gshegs pa thams cad kyi
 rigs su zhugs kyis ye shes gang gis de nyid kyi dngos grub thob par 'gyur na dngos grub gzhan lta smos kyang ci dgos/ de bas na khyod kyi dkyil 'khor ma mthong ba rnams kyi drung du brjod par mi bya ste/ dam tshig nyams par gyur ta re zhes
 brjod la/ yol ba'i nang du dgug par bya'o/ /de nas yi ge hUM las bskyed pa'i da bzhin gshegs pa'i rdo rje la rigs rnam pa drug gis byin gyis brlabs la spyi gtsug tu bzhag ste/ 'di ni dam tshig gi rdo rje ste khyed kyis dam tshig dang mi ldan
 pa 'ga' la brjod par mi bya ste/ gal te gsang sngags kyi tshul 'di dag dam tshig dang mi ldan pa la brjod na mgo 'gas par 'gyur ro/ /rdo rje sems dpa' rang nyid ni/ /de ring khyod kyi snying la gnas/ /gal te tshul 'di smras na ni/ /de yi mod la
 bkas nas gshegs/ zhes brjod la/ de nas las thams cad pa'i chu khyor ba gsum du blud de/ 'di ni khyod kyi dmyal ba'i chu/ /dam tshig 'das na bsreg par byed/ /dam tshig gsungs na 'grub par byed/ /
 dngos grub bdud rtsi chu 'thung zhig /ces brjod par bya'o/ /de nas slob ma'i snyim pa me tog gis gang bar byas la/ gus pa'i yid kyis ltar bcug ste de ring phan chad khyod kyi phyag na rdo rje nga yin gyis nges spras? pa/ khyod kyis mnyan par bya'o/ /da la
 brnyas pa yang ma byed cig /nyam nga ba ma spangs par 'chi bya'o/ /da la brnyas pa yang ma byed cig /nyam nga ba ma bar bya'o/ /de nas yan lag lnga sa la gtugs pa'i phyag lan gsum du btsal te rdo rje thal mo sbyar te/ de bzhin gshegs
 pa thams cad byin gyis brlabs nas rdo rje sems dpa' bdag la dbang tu gsol ces brjod pa de'i spyi bor ba las chu'i dkyil 'khor mdog dkar po la dbyibs zlum po ste/ bum pas mtshan pa la yi ge ha'o/ snying gar yi ge laM las gser gyis
 gzhi kha dog ser la dbyi bas gru bzhi ste/ rdo rje rtse gsum gyis mtshan pa la yi ge hUM ngo/ /lte bar raM las me'i dkyil 'khor kha dog dmar la dbyibs gru gsum rno ba la yi ge a'o/ /rkang mthil du yi ge yaM las rlung gi dkyil 'khor kha dog sngo
 la dbyibs zla gam ste/ rab tu g.yo ba'i ba dan bye bas mtshan pa de la yi ge dzheM drag cing bzod par dka' ba 'bar ba'i phung po de rlung gis bus par bsams la/ chu'i dkyil 'khor gyi bar du 'bar bar gyur pas de nas dag cing gtsang ba'i
 rgyun babs pas lus byang chub kyi sems kun nas gang bar gyur cing sems lhan cig skyes pas tshim par gyur nas rlung gi bteg par bsam mo/ /de nas slob ma rang nyid kyis bag dang bcas pa'i gshin rje mthar byed du bsam mo/ /lag
 pa g.yas pas rdo rje gsor la/ g.yon pas dril bu dgrol te 'bebs pa'i sngags kyis phangs la spos dbul bar bya'o/ /de'i sngags ni 'di yin te/ oM h+rI(rgyud 'grel a a a a a a stwaM b+ha la ya ra ra ra ra tsa la ya hUM hA dzhe phaT ces bya bar myur du 'bebs par 'gyur/ /de nas slob dpon 'dod chags rdo rje'i lus su dmigs te lce la a dmar po bkod nas tiSh+Tha badzra zhes rdo rje bzhag ste/ rdo rje chos ni mgon po
 che/ 'od dpag med ni bde ba che/ /smos shig 'dod chags chos chen po/ /zhes brjod la dge ba dang mi dge ba dri bar bya'o/ /de nas lus ngag yid gsum gyis bltas zhes par byas la/ ring du 'gro na dbang chen dang rdo rje mnan no/ /de nas
 oM badzra pra tIts+tsha badzra ho zhes me tog der la sngar bzhin du phreng ba dor ba blang bar bya'o/ /de nas oM rdo rje sems dpa' deng khyod kyis/ /mig 'byed pa ni rtson par byed/ /rdo rje mig ni bla med pa/ /de ring bdag gi dbye bar bya/ /he badzra pA sha zhes bya
 bas gdong g.yogs bkrel la byang nas brtsams te lha bstan par bya'o/ /de nas slob mas gsol ba btab pa gsungs pa ni/ dbang bskur don du gus chen po/ /de nas lan gsum rjes su brjod/ /ji ltar sangs rgyas chos chen po/ /rdo rje sems
 dpa' dbang bskur ltar/ /bdag kyang mgon pos dbang bskur zhing/ /mchog kyang bdag la stsal du gsol/ ces bya ba smos te/ ji ltar ni sngon du byung ba'o/ /sangs rgyas ni chos kyi sku dang gnyis su med pa'i ngo bo nyid do/ /chos chen po zhes bya
 ba ni longs spyod rdzogs pa'i sku'o/ /rdo rje ni bla na med pa'i chos thams cad dang dbyer med pa'i ye shes te de la sems dpa' o/ /dbang ni bum pa la sogs pa'o/ /bskur ba ni byin pa'o/ /ltar ni ma 'ongs pa 'dzin pa'o/ /bdag ni skal ba dang ldan pa'i
 slob ma'o/ /kyang ni gzhan nye bar bsdu ba'o/ /mgon po zhes bya ba ni bla ma mkhas pa'o/ /dbang bskur zhing zhes bya ba ni nyin par gsol ba gdab pa'o/ /mchog ni dngos grub bo/ /kyang ni thabs so/ /bdag la stsal
 du gsol/ ces bya ba ni de dag bla ma la rag las pa'i phyir gsol ba gdab pa'o/ /de bzhin glu dang rol mos mchod/ /de bzhin khrus chab byug pas kyang/ /slob ma dad pas blugs par bya/ /de nas bstod pa dag kyang bya/ zhes bya ba ni slob ma'i
 bya ba mdor bstan pa gsungs pa'o/ /da ni zab mo sngags bshad par bya ste/ de nas rdo rje 'chang rgyal pos/ /stong pa nyid kyi sngags gsungs pa/ oM shU n+ya tA dz+nyA na badzra swa b+hA ba At+ma konyahaM/ oM pU dza badzra swa b+hA ba At+ma konyahaM/ oM d+harmA d+hA du b+hA ba At+ma konyahaM de yang
 bshad pa'i rgyud las/ /skye med rtog bral sgyu ma oM/ /rang bzhin med pa shU n+ya tA/ /rtogs pa'i ye shes dz+nyA na ste/ /mi byed gzhan byed badzra'o/ /bdag gi ngo bo swa b+hA ba/ /gang la yod pa At+ma konyahaM/ bsdu ba'i mchog ni hUM du bshad/ /'di nas
 bsod nams kyi tshogs bsags pa'i rjes thogs su de bzhin gshegs pa'i chos kyi ngo bo nyid zang zing med pa'i phyir badzra'o/ /byang chub kyi sems kyi 'phrul pa ni pU dza'o/ /gzhan ni sngar bzhin te de'i bdag nyid gang la yod pa de ni bdag ste/
 ko haM ngo/ /de dag ni ye shes kyis 'khor lo bcug pa'i rjes thogs su'o/ /d+hArmA ni chos so/ /d+hA tu ni dbyings so/ /gang la rang bzhin yod pa ni swA b+hA ba'o/ /phyag dang zhal gyi dbyibs kyi bdag nyid can ni/ At+ma ko haM ngo/ /'di dag ni khu
 ba yongs su gyur pa las bzhengs nas srid pa zhi ba gnyis su med pa'i nga rgyal du gsungs pa'o/ /da ni las rab 'byams bshad par bya ste/ zhi ba la sogs dbye ba yi/ /sbyin sreg de nas bshad par bya/ /sbyin bsreg gang zhig 'brum pa yis/ /las rnams
 thams cad rab bsgrub pas zhes bya ba ni smos te zhi ba ni zhi ba ste/ sogs pa ni rgyas pa dang dbang dang/ dgug pa dang/ rengs pa dang/ dbye ba dang/ bskrad pa dang/ mngon spyod kyi bye brag gis so/ /sbyin pa ni mchog pa'o/ /bsreg pa ni mi mthun
 pa'i phyogs so/ /de nas ni las gzhan rdzogs pa'i mthu'o/ /bshad par bya ba ni dngos grub mi nyams par bya ba'i dgos pa'o/ /zhi ba la sogs pa re re zhing sbyin sreg gsungs pa'o/ /gang zhig ni gang dag ste grub pa ni rdzogs par gyur na'o/ /ye
 shes bya ba ni nus pa dang ldan pa'o/ /de nyid kyi phyir gcig grub pas las thams cad rab tu 'grub par nus so/ /de yang ji ltar bsgrub ce na/ sems ni ji ltar bzhag pa gsungs pa/ zhi ba zhi ba'i sems kyis te/ /rgyas pa rgyas pa'i sems kyis so/ 
 dbang yang der gtad sems kyi ste/ /bskrad dang bsad pa la yang ngo/ /zhes bya ba'i don ni 'bras chan dang 'o ma bza' zhing dge ba'i sems rnam par mi g.yeng ba ni zhi ba'i sems so/ /bu ram dang 'o ma bza' zhing rtag tu bsod nams dang ldan par bya ba'i
 sems ni rgyas pa'i las so/ /chad dang 'o ma btung zhing bsgrub bya la chags pa'i sems ni ra gtad pa'i sems so/ /skyur ba dang nya sha bca' zhing khros pa dang bcas pa'i sems ni bskrad pa bsad pa'i sems so/ /sems de dang ldan pa'i thab khung ste gsungs
 pa ni/ zhi ba'i dkyil 'khor rnam pa ste/ /rgyas pa yi ni rdzing bu 'dra/ /dbang du bya ba zla gam ltar/ /nam mkha' i khams 'dra bas ni bsad/ /ces bya ba'i don to/ /dkyil 'khor gyi rnam pa ni zlum po'o/ /rdzing bu ni so phag gi rdzing bu ste gru bzhi pa'o/
 zla gam ni gzhu lta bu'o/ /nam mkha' i khams 'dra ba ni gru gsum pa'o/ /de yang 'o ma dang gur gum gyi chu dang/ skyer 'brum btsir ba'i chu dang da du ra'i khu ba rnams kyis byug par bya'o/ /de dag gi tshad gsungs pa'o/ /zhi ba khru gang tshad du ste//
 de bzhin rgyas pa khru ngo pa/ /ji ltar rgyas pa de ltar dbang/ /bsad pa la ni sor nyi shu/ /zhes bya ba'i don ni khru gang ni sor bcu gnyis bskor ba'o/ /sor bzhi pa bkyed pa dang kha khyer ni lhag pa'o/ /khru bzhi log?
 re re'i zhang ngo gsor brgyad phyir bkyed pa dang kha khyer ni lhag pa'o/ /dbang yang rgyas pa'i tshad du bya ba ni chur khru ngo pa ste rgyar khru gang ngo/ /kha khyer ni gong dang mtshungs pa'o/ /sor ni nyi shu logs re re zhing ngo/ /bkyed pa dang kha khyer ni sor
 gsum lhag pa'o/ /zabs kyi tshad gsungs pa/ zhi ba'i steng du khru phyed tshad/ /rgyas pa la ni khru tsam ste/ /sor lnga gnyis ni bsad pa la/ /dbang la ji ltar de bzhin dgug /ces bya ba'i don ni steng gi kha nas zhabs su ste/ khru phyed kyi tshad
 sor bcu gnyis so/ khru ni sor nyi shu rtsa bzhi ste/ tsam ni lhag pa bkag pa'o/ /sor ni mtheb sor ste lnga gnyis ni bcu tham pa'o/ /rgyas pa ni dbang dang mthun la de bzhin du dgug par yang sbyar ro/ /zhi ba'i kha khyer ni pad+ma rgyas pa'i
 dkyil du ni sor bcu drug pa rdo rje'o/ /ya ma shing gi dri bzangs la sogs pa rtse mo 'chi las byung ba mdzub gang gi tshad do/ /rgyas pa'i kha khyer ni 'khor los mtshan pa'o/ /dkyil du rin po che sta? ma lta bu'o/ /yam shing n+ya gro ta rlo na pa sor
 nyi shu rtsa bzhi dang ldan pa'o/ /dbang gi kha khyed ni lcags kyu dang zhags pa'o/ /dkyil du pad+ma 'dab ma bcu drug pa tshad sngar bzhin no/ /yam shing tsher ma lcags kyu byas pa sngar bzhin no/ /mngon spyod kyi kha khyer ni mtshon cha sna tshogs
 pa'o/ dkyil du rdo rje gdangs pa sor brgyad pa'o/ /yam shing ser lngar? las byas pa sor bcu pa'o/ /zhi ba'i sbyin sreg gi rdzas ni zho dang/ sbrang rtsi dang/ sha kar dang/ 'bras chan ma god pa'o/ /sran gre'u khyad par
 du'o/ rgyas pa ni gong gi rdzas rnams kyi steng du gur gum gyis kha dog bsgyur ba dang khyad par du bu ram mo/ /dbang la gong gi rdzas rnams tsan dan gyis kha dog bsgyur ba'i steng du 'ol ma se khyad par du'o/ /mngon spyod la ni ni ma la dang/ da du ra dang/ tsha
 ba'i mar dang/ ske tshe dang/ tshwa rnams so/ /bskrad pa la khwa dang/ mig ser gyi sgro'o/ /til dang mar gyi bye brag ni thams cad pa'o/ /sbyin sreg bya ba'i dus gsungs pa/ tshes gcig la ni zhi ba'i bya/ /zla ba nyal rgyas pa ste/ bcu bzhi la ni mngon
 spyod do/ /dbang gi las ni tshes brgyad pa'o/ /zhes bya ba ni bcu bzhi ni nag po'i bcu ste nyi shu dgu la'o/ /gzhan la ni de las lhag pa'i brjod pa med do/ /de bzhin gshegs pa thams cad kyi sku gsung thugs gshin rje gshed nag po'i rgyud ni bshad
 zin to/ /sbyin sreg ni le'u 'di'i gtso bor gyur pa'o/ /cho ga ni tshul dang thabs so/ /rim pa ni go rims so/ /phye ba ni ma nor ba'o/ /brgyad pa ni bdun las gzhag pa'o/ /nag po zhabs kyis bshad pa'i le'u brgyad pa rgya cher gsal bar byas pa'o/ /de
 ltar sbyin sreg gi las yongs su mthar byas nas da ni las phran tshegs kyis gdug pa can sems nges par legs par legs pa la 'jug pa'i phyir brtsam par bya ste/ rgya mtsho'i sa ni blangs byas la/ /klu yi gzugs ni brtsams byas te/ yi ge hUM phu(rgyud 'grel dgod/ h+rI(rgyud 'grel gis kham phor so ma btang ba'i nang du ram gyi khu ba la gro ga'i pir gyis 'khor lo brtsibs brgyad pa'i lte bar pad+ma 'dab ma brgyad pa bris te/ de nas lha mo ku ru kul+le'i stags phu dang swAhA'i bar du bsgrub bya klu'i ming bcug pa spel bar bri bar 
 bya'o/ bsgrub bya de dag kyang dus 'di dag gis gnas te dpyar zla tha chungs la kar ko Tas/ ston zla ra ba la shar ka las so/ /ston zla 'bring po la tka k+Sha kas so/ /ston zla tha chungs la ba su kis so/ /yang de nyid la
 bltas pas dgun zla ra ba la sogs pa bzhi sbyar bas char 'bebs so/ /de las gzhan pa'i kham phor so ma btang ba kha sbyar du byas la/ le'u bco lnga pa las 'chad par 'gyur ba'i ku ru ku l+le'i gzugs bskyed la bkug ste yang dag par mchod pa
 ba'i rnam pa lngas byugs te/ klu gnas pa'i mtsho la sogs par gzhug par bya'o/ /yang na sa bon ni nam h+ri(rgyud 'grel la sngar bzhin du ste/ bcom ldan 'das ma bdag gi las 'di zhes bya ba'i dgos pa don du mdzod cig pa'o/ /zhes bka' sgo nas klu'i gnas su gzhug par bya'o/ /de nas dben pa'i sa phyogs su gdugs dang rgyal mtshan dang bla re dang yol ba dang ba dan
 la sogs pa thams cad sngon por byas la/ sgra khyad par can lag tu thogs te rgyan sngon po dang ldan pa'i rnal 'byor pas yaM sngon po las byung ba'i rlung gi dkyil 'khor gzhu lta bu ba dan gyis mtshan pa/ de'i dbus su raM las me'i dkyil 'khor gru gsum
 pa 'ang 'bar ba zhig bsam la yi ge re pas mtshan pa/ de'i dbus su chu'i dkyil 'khor dkar zhing zlum pa bum pas mtshan pa/ de'i steng du paM las pad+ma 'dab ma brgyad pa dkar po/ de'i steng du nam chu bdag dkar po sbrul brgyad kyi gdengs ka
 can skyes bu'i cha byad lag pa g.yas na ral gri/ g.yon pa na klu'i zhags pa thogs pa'o/ /shar gyi 'dab ma la dgod do/ /utpa la'i 'dab ma ltar rab tu ljang ba/ lho'i 'dab ma la nor rgyas kyi bu dkar po/ nub kyi 'dab ma la tak+Sha ka dmar po
 byang gi 'dab ma la kar ko Ta nag po/ /me'i mtshams su pad+ma dkar po/ bden bral gyi mtshams su pad+ma chen po dkar po/ rlung du dung skyong ser po/ dbang ldan du rigs ldan sna tshogs bskyed do/ /de dag thams cad ni yi ge nam gyi sa bon las byung
 ba'o/ de nas bu raM dang 'o ma dang mar dang bag zan btsegs pa'i bshos yi ge phus bsngags la/ dbul bar bya'o/ /dus kyi rjes su 'brang ba dang/ kun tu rung dang/ chu srin chen mo dang/ yungs kar ser po dang/ na ga pus pa dang/ na ge ge sar gyi
 thang chu dang/ sha kar sbyar ba'i spos dang/ zhun mar gyi mar me mngon par sngags pa yang dbul bar bya'o/ /de nas dzI gnyis kyis bar du sa bon gyi yi ge bcug ste/ oM dang swAhA bzhag pa'i sngags bzlas la/ 'od zer lcags kyu'i dbyibs kyis
 blun mas bkug ste rang gi gnas su gzhag cing yon chab byin nas yang dag par mchod ste gzhan yang/ me tog sngon po de bzhin dri/ /gos dang 'phan yang sngon po dang/ /sngon po chung de ldan pa yi/ /bum pa dag kyang dbul bar bya/ /zhes pa dang ldan pa
 dag gis gsol ba gdab par bya ste/ klu'i rgyal po chen po khyed kyis bcom ldan 'das kyis bka' dang/ bdag la nye bar brtse bar dgongs la char chen po dus 'dir dbab par mdzod cig ces brjod la/ de nas glu'i rgyal pos thams cad bkug
 nas char 'bebs pa la ched cher byed par bsams la/ /oM h+rI(rgyud 'grel zlum po la dkyil 'khor zlum? po bskor te/ der klu'i rgyal po rnams bskyed cing bkug la lce la yi ge rnam bsgoms nas yon chab la sogs pa mchod pas mnyes par byas te/ bur ma dang zhun mar dang 'o mas bkang ba'i bsreg blugs/ /
 gsum gsum g.yas su bzhag nas bsreg par bya'o/ /de ltar tshim par gyur nas char 'bebs so/ /de ltar na yang gal te char mi 'bebs na klu la chad par bcad par bya ste/ snga ma ltar klu'i dkyil 'khor
 byas te 'on kyang khyad par ni dang po rlung gi dkyil 'khor bri bar bya'o/ /bdag nyid kyang blo'i pad+ma'i dbus su bskal pa'i me ltar 'bar 'bar ba'i rnam pa can klu thams cad 'jigs par byed pa'i gshin rje gshed kyi rnal 'byor du byas nas klu
 thams cad kyi gzhug ma thams cad du gcig tu g.yon brkyang pa'i zhabs kyis mnan par bsams te/ rang gi sngags kyi yi ge 'bru re re dang klu'i snying po 'bru re re spel la nga rgyal dang bcas bas bzlas par bya'o/ /de nas rlung gis bskul ba'i
 me'i 'od kyis pad+ma rnying par bltas te/ de ltar mes gdungs shing steng nas khro bo'i mes gdungs nas shin tu sems dad par gyur pas chu skyug par byed pa'i klu'i 'khor lo bsams na nges par char 'bebs so de ltar na yang char mi 'bebs
 na tshig gi don du bshad par bya ste/ rgya mtshos ni chu klung gi sa dang/ klu gnas ba'i sa dang/ grog mkhar gyi sa dang/ shing gcig gi rtsa ba'i sa las klu'i gzugs sprul mgo bdun pa byas la/ de kham phor so ma btang bar blang ba byas la
 dur khrod kyis ras sam mtshon gyis bsad pa'i gos dang dug dang tshwa dang ske tshe dang tsha pa'i mar gyis rtsibs brgyad pa'i ral gri 'khor lo bris la/ de'i lte bar pad+ma 'dab ma brgyad pa ste/ 'dab ma la klu'i snying po dkyil du yi ge baM dang hUM gis brten
 pa bri bar bya ste/ 'khor lo de snying gar gzhug go /de'i phyir klu'i gzugs gcig bsam par bya ste/ yi ge hUM phu snying gar dgong bya'o/ /bdag nyid gshin rje gshed kyi gzugs su gyur par zhabs kyis de'i gzugs mnan nas snga ma
 bzhin du sngags ni h+rI(rgyud 'grel byas 'bab par 'gyur/ zhes pa'i phyir ro/ /gal te ches na bcad par bya ba ni bcom ldan 'das gti mug rdo rje gtso bo byas bas klu brgyad zhi ba'i thab khung du legs par bsams la/ zhi ba'i cho gas mar dang 'o ma la sogs pa'i sbyin sreg khri bya'o/ /de ltar
 na yang klu gdug pa can gal te char mi gcod na mngon spyod kyi thab khung du mngon spyod kyi chogs dpal rdo rje sems dpa' i snying po dang/ ras bal gyi 'bras bu bcas pas sbyin sreg khri byas na char nges par spyod do/ /rgya mtshor zhon pa dang 'gro ba dang khrus byed pa'i tshe mtsho'i rlabs rangs
 par byed pa'i cho ga gsungs pa/ sbul nag gi sha dang de'i sbyar zla ni nim pa'i lo ma dang bsres la nya'i shun par ril bu byas te/ bcom ldan 'das gshin rje gshed kyi brtul zhugs dang ldan pas rgya mtshor bskyur bar bya ba'i ril bu ni sngags kyi bzlas pa
 khri byas nas 'od dang ldan pa'i ril bus mtsho rlabs rengs par byed pa'i mchog yin no/ /rnal 'byor pa dag gis shes pa'i ngo bo tshar la gzengs bstod par bya ba'i phyir dang/ dngos grub nye bar blang ba'i don du dbang gi thab khung legs par bya ste/ tsan d+ha'i
 'bras bu ni btun po'i sa bon no/ /de'i 'bras bu brgya blangs la 'bras dang sran ma sha rnams bsres pa zhib par btags te gur gum gyi chus ril bu tsa na ka'i 'bras bu tsam bya'o/ /bdag nyid gshin rje gshed gyi rnal 'byor bas 'bum phrag brgya ni sa
 yang ste/ de'i ched kyi sngags bzlas la bcom ldan 'das gshin rje gshed pad+ma rA ga'i mdangs dang ldan pa la dbang gi sbyin sreg khri byas pas lha gshin rje gshed kyi zhal mthong bar 'gyur ro/ /da ni mtshon pa tsam du zad kyi tshangs pa la sogs pa yang ngo//
 mthong nas dga' ba'i yid kyis mnyes par byas nas mngon par 'dod pa ster bar 'gyur ro/ /gdug pa can chir bcad par bya ba'i phyir mngon spyod kyi cha drag po gsungs pa ni dur khrod ro gnas pa'i ?
 bya'o/ ro bsreg gi me bskul ba'i yog pa'i shing la rnal 'byor pa gshin rje gshed kyi gzugs su gnas pas bsgrub bya'i gzugs sor bcu gnyis pa'i tshad du byas la smyon pa'i khu ba ni da ru rA ste de'i lo ma'i khu bas dus gsum
 du gzugs la bsku ba byas pas bsgrub bya bkug cing bstim ste sngags khri bzlas pas mdzes thebs par 'gyur ro/ /rnal 'byor ba dag gis nags tshal gyi gseb tu sbrul gyis gzung ba'i dug bsal ba'i phyir sngags gsungs pa ni grub pa'i
 yungs kar ni sngags btab ste mdog ser po de dag blang par byas la/ bdag nyid gshin rje gshed mdog dkar po zhi ba'i yid kyis dkar po'i tshes gcig nas nye bar bzung ste/ sngags 'bum phrag bzhi'i bar du bzlas pa byas nas
 rnal 'byor pas bsdu ba byas nas shing lo'i sdong gi nang du bcug ste lus la bcang bar byas/ /de nas sbrul gyi bzung ba 'am 'gyel ba la gteng na 'tsho bya gang yin pa de dag 'tsho bar the tshom med/ /gal te de dag zhi bar ma gyur na bdag
 nyid gshin rje gshed zhi ba'i nga rgyal dang ldan pas bsgrub bya'i cod pan nas nye bar bzung ste srin lag zla ba'i steng du yi ge hUM dkar po bltas la/ de'i 'od kyis rtsa'i srid ba de srid du 'pho bar bsam zhing/ de'i 'od kyis khrag gi mdangs
 du? ? nag por gyur pa thams cad mdangs kyis dkar por gyur par bsam la bshad ba'i lam du gdon par bya'o/ /de nas ga pur la bzlas pa khri byas pas zin pa'i sar byug pa byas la/ mngon par zhi ba'i 'od zer gyis nye bar gzir
 bar bya'o/ /'di dag ri nges par gtang bar 'gyur ro/ /gal te dug zhi bar ma gyur na dug bsang bar bya ba'i don du bsgrub bya'i snying gar hU ngam h+rI(rgyud 'grel pa'i dug rab tu 'bar bar gyur par bsam mo/ /lag pa g.yon nas g.yas pa'i mthil du paM yongs su gyur pa las pad+ma hUM dkar pos mdzes par byas pa las bdud rtsi 'dzag pa blta bar bya'o/ /de nas oM h+ri ha hUM dza ha/ zhes bya ba'i sngags brjod
 cing lag pas spyi gtsug nas rkang pa'i bar du byab par bya'o/ /de'i sa bon gyis dug bsdus shing lus bdud rtsi dkar pos gang bar bsam par bya'o/ /gzhan yang khro bo'i mtshe ba 'od dang ldan pa la rab tu 'bar ba me chen po sa bon dang bcas ba
 bsams te/ phyag 'tshal dang po gshegs gsol mthar/ /brdeg pa cho ga bzhin du sbyar/ /dug ni bcing bar bya ba yi/ /rnal 'byor pas ni gsal 'dod gyang/ zhes bya ba'i man ngag las shes par bya'o/ /da ni sa blangs kyis mgon ba
 dag zhi bar bya ba'i phyir gsungs pa ni/ ri gshong chu yi sa dag la/ sngags kyi bzlas pa 'bum byas na/ /mgo la bskus pa tsam gyis ni/ /mgo yi nang ni nyams par byed/ /ces pa la/ ri gshong ni spang ljongs rab tu gcing bar bya'o
 chu'i sa ni chu klung gi bye ma'i sa'o/ /blangs pa ni shing lo gtsang ma'i 'dab mas so/ /la ni rdzas yongs su rdzogs pa'o/ /sngags ni oM h+rI(rgyud 'grel sarba big+han nan+nu sha ya hUM phaT swAhA/ zhes pa'o/ /bzlas pa ni rdo rje bzlas pa zhi ba'i man ngag can no/ /'bum du byas nas ni tshad nye bar rdzogs pa ste de dag ni bsnyen pa'o/ /tshig phyed po rjes su sgrub pa ni yi ge gcig pa ste
 sngags 'di sgrub pa'i dus su lan bdun mngon par bzlas shing mar sar dang bsres te lag pa mgo bo khor yug tu mnyes na ni mgo'i zug gzer 'byung bar mi 'gyur te/ las kyi sbyor ba ni de ltar 'bru
 par the tshom med do/ /gdug pa can tshar bcad pa'i phyir 'jigs byed gshin rje gshed kyi rnal 'byor gsungs pa/ bram ze'i sha dag dang/ dur khrod sa dang thal ba las gshin rje gshed kyi gzugs byas te/ zhes pa la/ bram ze'i sha
 sha ni ro mnyams pa dag go /de la gzugs kyi khog legs par brgyangs la/ de dang mtshungs pa'i byug pa ni dur khrod kyi me'i thal ba'o/ /de'i sa ni dur khrod kyi sa'o/ /de'i phyir thal ba las gshin rje gshed kyi gzugs su byas te zhes pa
 dang 'brel lo/ /phyag gnyis pa ni g.yas dang g.yon no/ /zhal ni khro ba ste gcig pa ni g.yas dang g.yon yangs pa'o/ /la zhes pa de dang mtshungs pa'i mtshan pa'o/ /rdo rje chen po ni gnam lcags shin tu sbyangs pa las byas pa'i de bzhin
 gshegs pa'i rdo rje'i tshang ngo/ /g.yas pa zhes pa shin tu 'jigs pa 'phyar ba'o/ /de bzhin ni g.yas dang mtshungs pa'o/ /mi mgo ni skyes pa'i ste g.yon pa na 'dzin cing khrag gis bkang ba'o/ /mdog ni dkar po zhes bya ba ni pha rol de
 ltar bri zhing bsgom par bya ba yang de nyid do/ /de yi sa de'i mthu thogs pa med pas so/ /gdug pa ni lus dang ngag dang sems la gnod par byed pa'o/ /'joms par byed pa ni ma lus pa'i mthu med par byed pa'o/ /las la sbyar ba'i
 phyir de dag la dam tshig gis mnyes par bya ba ni/ bdud rtsi dang ni shu lnga yis/ /nyin re bzhin du gtor ma sbyin/ /zhes bya ba la bdud rtsi ni bsgrad pa dang bsgrod pa ma yin par rtog pa'o/ /de sel bar byed pa'i rtsin ni bai rO tsa na dang byi shwa dang shu
 kra rag ta dang/ a kro te ka'o/ /de dang 'o ma shin tu sbyar te sha lnga ni mi dang glang po che dang/ ba lang dang rta dang/ khyi'o/ /de yis nyin re bzhin du zhes pa ni mar ngo'i gcig nas bcu bzhi'i bar de nyid du nyin dang mtshan mo dus drug tu'o/ /gtor ma ni 'bras
 chan la sogs gzhan yang ngo/ /sbyin pa ni sngags dang ldan ba dag gis nye bar mchod pa'o/ /bdag gi dgra ni gnod pa med byed pa'i mi nyid dang 'brel pa'o/ /chom zhig ces bya ba ni bskul ba'i tshig mA ra ya la sogs pa dang ldan par ro/ /rnal
 'byor pas zhes bya ba ni bcom ldan 'das gshin rje gshed nag po dang de'i ye shes kyi cha rtogs pa'o/ /rtag ces bya ba ni dus ji srid pa de srid do/ /gsol ba gdab pa ni gtor ma'i rjes su ste/ kye gshin rje bdag la gdug pa byas pa'i cho ge mo 'di
 nye bar gsol cig /sha dang khrag dang rkang dang rus pa dang tshil bu dang/ nang grol la sogs pa dum bu dum bur gsol cig ces nub re re zhing khyad par du bcu bzhi'i nub mo 'di skad ces brjod pas nyal lo/ /bsgrub bya'i mi de dag ni tho rangs 'chi bar
 'gyur ro/ /'chi ba'i nad kyi mtshan ma ni chu 'gag pa la sogs pa ni skyug pa dang slab dang yi dags ma rungs pa'i skad 'don pas gzir cing dad ba 'byung ngo/ /yang na nad kyis 'debs par 'gyur zhes bya ba ni ma shin yang ngo/ /gzhan yang smyo bar
 bya ba'i sbyor ba gsungs ba/ dgra yi be ro tsa na blang/ /mi yi rkang sdubs yongs bkang ste/ zhes pa la dgra yi bai ro tsa na ni dri chen no/ /blang ba ni ma he'i rwa dag gis so/ /mi ni skyes bu smyo ba'o/ /rkang sbubs ni rkang rus kyi bu ga'o/ /yongs bkang
 ste zhes pa ni dur khrod kyi sol ba dang bsres bas nan tan du dgang ba'o/ /rab tu bkang nas bya ba gang yin pa ni sngags/ h+rI(rgyud 'grel btags te bskams ba dang smyo nas rgyu ba'i yi dags de nye bar mtshungs so/ /de dag gis rnal 'byor ba'i yon tan nye bar sgrub par byed do/ lha rdzas kyi dngos grub bu mo sdug gu kun sbyin par byed cing de las gzhan pa'i
 dgos pa sna tshogs sgrub par byed do/ /de bzhin gshegs pa thams cad kyi sku gsung thugs gshin rje gshed nag po'i rgyud ni bshad zin to/ /shin tu 'jigs su rung bas na 'jigs byed do/ /gshin rje ni gdug pa can no/ /de nyid tshar
 gcod par byed pas gshed do/ /zhes bya ba ni bshad par zad do/ /rim par phye ba ni las brgyad kyi go rims so/ /dgu pa ni brgyad pas bzhag pa'o/ /nag po zhabs kyis bshad pa'i le'u dgu pa rgya cher gsal bar byas pa'o// //
 da ni rnal 'byor pa'i dgos pa ngo mtshar du grub par bya ba'i phyir ro langs kyi sgrub thabs mdor bsdus te gsungs pa/ ro langs chen po'i sgrub thabs ni/ de nas yang dag bshad bya ba/ /zhes pa la ro ni shes pa dang bral bya'o/ /langs ni gzhan gyis
 brlabs pa ste shes pa dang ldan pa lta bu'o/ /chen po ni rab tu dkrug cing 'jigs par 'gyur ba'o/ /sgrub pa'i thab ni 'og nas 'byung ba dag go/ de nas ni le'u dgu pa'i de ma thag tu'o/ /yang dag ni mi slu ba'i don to/ /gsal bar bya ba la
 bshad par bya zhes so/ /sgrub pa ni thams cad mkhyen pa'i ye shes so/ /de'i grogs su gyur pas na bzang po'o/ /shes pa'i mthun rkyen kun byed pa ste yid dang mthun pa'i dgos pa sna tshogs sgrub pa'o/ /de yang ji lta bu la brten te sgrub ce na/
 bzang po ma rgod rma med pa/ /shing la dbyangs pa dkrol byas la/ /phag la legs par bkru byas te/ /der 'dug sngags bzlas brtul zhugs can/ /zhes pa la/ bzang po ni bram ze ste skyes ba'i ro'o/ /ma gong ba ni bya dang ces sbyang gis nyams
 bar ma byas pa'o/ /rma med pa ni shak ti la sogs pa'i mtshon gyis ma bsnun/ 'bras dang phol mig la sogs pas rngags shing rul bar ma gyur pa'o/ /shing la sbyangs pa ni skra ba ru ba'i shing la bcings pa'o/ /de dkrol bar byas shing yang
 shing gi stegs su phab la dri zhim pa'i chus legs par bkru bar bya'o/ /der 'dug ces pa ni ro bkan te mgo lho phyogs su bstan pa'i snying gar ro/ /sngags bzlas pa ni shin tu drag cing khro ba dang bcas pa'o/ /brtul zhugs can ni gshin rje
 gshed kyi rnal 'byor te/ des nag po 'jigs su rung ba'i gri gug dang thod pa lag na thogs pa bkug cing bcug ste/ de la spos dang me tog la sogs pas mchod cing so rtsi la sogs pa yang byin nas so/ /de'i steng na gnas pa'i khro bo sngags kyi che ba'i
 bdag nyid gsungs pa/ e ma'o ngo mtshar sngags kyi mthu/ /bsam pa med pa'i 'o dod 'bod ces pa la e ma'o ngo mtshar ba nyid do/ /ci'i phyir zhe na/ sngags dang ting nge 'dzin gyi mthu nyid kyis bsam pa med pa ni shi ba'o/ /rtags ni 'dod rab tu
 drag cing mi bzad ba 'bod ba 'byung ngo/ /de nyid bar chod du gyur pa nye bar zhi bar bya ba gsungs pa ni/ gshin rje'i rnal 'byor ldan pa yi/ /yid kyis cung zad 'jigs mi bya/ /zhes pa la/ gshin rje'i rnal 'byor ni zhe sdang rdo rje'o/ /de dang ldan pa
 pa ni gti mug la sogs pa'o/ /yid kyi rnal 'byor rnam pa bzhi ste/ de'i khyad par gyis bya ba dang byed pa dang dngang zhing 'jigs su rung ba ci dang ci byung yang cung zad cig 'jigs par mi bya'o/ /gal te 'jigs pa skyes na bshad pa'i rgyud las/ 'jigs dang
 dogs pa'i yid ni 'byung gyur na/ bla ma nyes dran dam tshig rjes drang zhing/ rang gi rnal 'byor nyid ni dran byas la/ /shes shing rig pa mi 'jigs seng ge lta'i/ /dpa' bo'o yid kyi rnal 'byor bsgom par bya/ /'jigs pa'i yid kyis ni bar chod byed
 ces 'byung ba'i phyir ro/ /de'i 'bras bu ji ltar 'gyur zhe na/ rnal 'byor lam ni gang 'dod pa/ /de kun thams cad ster bar byed/ /ces pa la/ rnal 'byor ni thabs dang shes rab snyoms 'jug pa ste/ de'i ?
 sems kyi nus pa'o/ /gang 'dod pa ni 'khor bar gyur te mkha' spyod dang sa 'og dang/ bum pa bzang po dang/ ral gri dang/ mig sman dang/ rkang byug dang/ lcags kyu dang/ zhags pa dang/ rdo rje dang/ g+hi haM dang/ dngul chu dang/ bcud kyis
 len gang ci yang rung ba rnal 'byor pas gsol ba btab pas de kun thams cad ster bar byed de ji snyed pa blang bar bya'o/ /de ni mtshan ma thob pa'i rnal 'byor pas/ rigs pa brtul zhugs kyi phyir bu mo dgug pa'i sbyor ba gsungs pa/ ma he dang ni ku
 be ra/ /stag dang de las gzhan pa dang/ /dom dang spre'u dag dang ni/ /khyi dag ni khyad bar dang/ /dug dang ske tshe tshwa dang ni/ /de bzhin tshwa gsum so ban dza/ /'di dag legs sbyar gzugs su bya/ /zhes pa la/ ma he ni glang rgod do/ /bu be rin
 ces spyang ngo/ /stag ni ri mos khyad par du byas pa'o/ /de las gzhan pa glang bo che dang drod mo'o/ /dom ni khris pas khyad par du byas pa'o/ /spre'u ni nags kyi rol mo'o/ /khyi ni khyim bdag nyid nye bar bsrung ba'o/ /khyad par ni de dag thams cad kyi sgron
 ma'i dug ni mche ba brtsegs pa'o/ /ske tshe ni ldum ra'i 'o/ /tshwa ni zas kyi ro bskyed pa'o/ /tsha ba gsum ni 'ga' tra'i shing dang/ pi pi ling dang/ ra ka ta'i 'bras bu'o/ /so ban dza ni phye ma gsum mo/ /legs par sbyang pa ni rdzas 'di rnams gcig tu sbyar
 ba'o/ gzugs ni gshin rje gshed po'o/ /bya ba ni tshul dang mthun pa'o/ /de dag ji ltar brtsam zhe na/ gshin rje gshed po 'jigs pa'i gzugs/ /de la rnal 'byor pas gsol ba gdab/ ces bya ba la gshin rje ni lus grub par byed pa'o//
 gshed po ni las la thogs pa med bar 'jug pa'i byed pa'o/ /'jigs pa'i gzugs ni gong dang mtshungs so/ /de la rnal 'byor pas sha lnga bdud rtsi lngas 'bras can gyis nye bar bran pa'i gtor ma snod chen po bdun du bzhag ste byin gyis brlabs shing mnyes
 par dbul ba'o/ /gsol ba gdab pa ni lha la sogs pa rab tu zhi ba'i pad+ma'i mdangs dang ldan pa'i bu mo ni/ gang+gA chu bo'i rgyun ltar rgyud zhi ba/ /mdangs na pad+ma lta bu rab tu mdzes/ /khor ba nyer mthun mdzes pa'i rol rtsed bcas/ /sna tshogs yo byad
 kun gyis nyer bsten pa/ /gsang chen lhan cig skyes pa sbyor bar byed/ /lha mo klu mo gnod sbyin dri za mo/ /mi yi bu mo rab mdzes bzhin mdangs can/ /bdag gi don du khyod kyis dgug sbyor mdzad/ /ces pa dag gis so/ /de dag gang gis 'grub
 cing ji ltar 'gyur ba gsungs pa ni/ h+rI(rgyud 'grel phaT phaT swAhA/ zhes bya ba 'bum tsho gcig sngon du song bas nag po'i tshes gcig nas nye bar bzung ste/ bcu bzhi ba'i dus la khri'i tshad kyis che ge mo bdag la gsol bar 'gyur ro/ /de ci'i phyir zhe na/ de'i pha ni gshin rje gshed de/ de'i lte
 bar ni srid pa gsum gnas so/ /de'i rjes su 'gro ba dang nye bar ldog pa rnams ni de bdag nyid byed pa'i phyir ster bar byed pa'o/ /gal te mi ster ba srid na de tshar bcad par bya ba'i phyir gsungs pa/ gal te rnal 'byor ma byin na/ rmi lam gshin rje gshed rdeg
 cing/ /lho yi phyogs su khyer bar byed/ /sad nas de yis pha yis te/ zhes pa la/ gal te mi 'grub pa 'am rab tu dka' ba'o/ /rnal 'byor pa ni bdag nyid do/ /ma byin pa ni bsgrub bya'i lha mo'o/ /de'i phyir des kyang de la chad pa byed par 'gyur te rmi
 lam du mchog gi gshin rje gshed kyis rdeg cing rab tu 'joms par byed do/ /rlung gi dkyil 'khor gyi steng du rab tu bsgyings pa'i rnga mo la skyon te lho'i phyogs su khyer bar byed do/ /de nas gnyis sad nas de'i dam tshig
 pa'i brtul zhugs la brten pa'i 'os dang ldan pa'i rdzas ster bar byed do/ /da ni rjes su dran pa'i bsgom pa'i rim pa gsungs pa ni/ zhal gsum phyag drug 'jigs pa la/ in+d+ra nI la 'dra ba'i 'od/ /tho ba 'dzin pa'i brtul zhugs can/ /phyag tu
 tho ba dgod par bya/ zhes pa la/ zhal gsum ni g.yas dang g.yon dang dbus so/ /phyag drug ni g.yas dang g.yon gyi bye brag gsum gsum mo/ /in+d+ra nI la ni sngon po ste de lta bu'i 'od dang mtshungs pa ni rtsa ba'i zhal lo/ /'dzin pa ni rdo rje tho
 ba ste sna tshogs rdo rje rtse mo nyi shu pa'o/ /brtul zhugs can ni sems kyi 'du byed kyi ting nge 'dzin to/ /phyag na g.yas kyi bar ma ste de lta bu'i tho ba rdo rje ni/ shar phyogs kyi sgo skyong du ting nge 'dzin gyis dgod do/ /zhal gsum phyag drug khros pa la/ /
 mdog dkar po ste khros pa'i 'jigs/ /'jigs pa yang ni 'jigs par mdzad/ /mkhas pas phyag tu dbyig pa dgod/ /ces pa la zhal gsum phyag drug ni sngar bshad par zad do/ /khros pa la zhes pa ni spyan la sogs pa rab tu gdangs shing
 smin ma bsdus pa'o/ /mdog dkar po ni shel lta bu rab tu 'tsher ba'o/ /khros pas 'jigs pa ni phyag drug gi mtshon cha rno zhing rab tu 'bar bas lho phyogs kyi bdud ma rungs pa zad par byed pa'o/ /'jigs pa ni da bdag dang gnod/
 sbyin rab tu mi bgrung pa dag go/ de yang 'jigs par byed pa ni bcom ldan 'das dbyug pa rdo rje'o/ /mkhas pa ni rnal 'byor pa blo dang ldan pa ste phyag tu dbyug pa dang ldan pa'i ting nge 'dzin gyis lho phyogs kyi sgo skyong du dgod do/ /
 zhal gsum phyag drug dmar ba la/ /'jigs pa chen po sdigs pa yi/ /phyag na pad+ma dmar po bsnams/ /pad+ma zhes bya mkhas pas bsgom/ zhes bya ba la dmar ba ni pad+ma rA ga'i mdog can te/ 'jigs pa chen po ni log par rtog pa ste/
 sdigs pa ni tshar gcod cing de kho na nyid la dgod pa'o/ /phyag na pad+ma ni 'dab ma brgyad pa ste rnam thar dang nye bar mtshungs pa'o/ /dmar po bsnams pa ni chags pa'i rang bzhin te/ snying rjes sems yongs su 'dzin par byed pa'o/ /pad+ma rdo rje gshin rje
 gshed ces bya ba blo gros dang ldan pa'i rnal 'byor pa mkhas pas nub phyogs kyi sgo skyong du ting nge 'dzin gyis dgod do/ /zhal gsum phyag drug ljang gu ste/ phyag na ral gri bsnams pa yi/ /las kun byed par gyur pa'o/ /de la gri zhes bya rnam sgo bya/ zhes
 pa la ljang gu ste margad ste sngo zhing rab tu 'khrug pa'o/ /ral gri rab tu rno zhing 'bar la rgyas pa'o/ /las ni sangs rgyas thams cad kyi 'phrin las te zhi ba dang rgyas pa la sogs pa kun byed pa por gyur pa ni ral gri rdo rje gshin rje gshed ces bya ste/ byang
 phyogs kyi sgo skyong du ting nge 'dzin gyis dgod do/ /mngon par rtogs pa'i rim par phye ba'i zhe sdang gshin rje gshed la sogs pa'i phyag dang zhal dang mdog ni bstan zin pa dang sbyar bar bya'o/ /rim par phye ba dang por gsungs pa'i dkyil 'khor gyi bdag po
 bsgom par bya ba de de lta bu nyid du bsgrub pa'i phyir mkha' i dkyil 'khor brtsam pa gsungs pa ni/ b+ha ga'i ling ga rnam bsgom bya/ /dkyil 'khor bdag po rnam par bsgom/ zhes pa la/ b+ha ga ni rdo rje phag mo'i b+ha ga ste de kho na nyid chos thams cad kyi 'byung gnas su
 bshad zin to/ /de yang rang nyid dang mtshungs pa'o/ /ling ga ni rang gi gsang ba'i rdo rje'o/ /rnam pa ni lha'i 'khor lo ste de dag zhu ba'i thig le byang chub kyi sems rdo rje'i lam nas b+ha ga la 'phro ba bsgom par bya'o/ /dkyil 'khor gyi bdag po ni gtso bo ste zhe
 sdang rdo rje rnam par bsgoms pa'i don ni 'di yin te/ rang dang rab tu mtshungs pa dang/ /yan lag 'khyud cing bde pa'i gar/ /rdo rje pad+ma mnyam sbyar bas/ /bcom ldan b+ha ga'i gnas na bzhugs/ zhes bya ba'i
 don to/ /'di ni shin tu rnal 'byor gyis skabs su drod gsher las skye ba dang/ sgo nga las skye ba dang/ brdzus te skye ba yin gyi/ bcom ldan 'das snyoms par zhugs pa ma yin no/ /gang la la dag gi 'dod pa gsal ba yin no/ /nga ni yum gyi
 pad+ma'i dkyil 'khor du gsang ba'i dkyil 'khor go rims kyis rjes su dran par bya ba gsungs pa zhe sdang rjes su dran rnal 'byor gyis/ /gti mug rjes dran bsgom par bya/ /gti mug rjes dran la dmigs nas/ /phra ma rjes dran bsgom bar bya/ /phra ma rjes
 dran rnal 'byor gyis/ /'dod chags rjes dran bsgom pa bya/ /'dod chags rjes dran rnal 'byor gyis/ /phrag dog dran bya ba rtul zhugs can/ /zhes bya ba'i don ni gtso bo nas go rim gyis dran par bya ste/ 'dir yang/ ji ltar skyes dang lam
 rim dang/ /'jig pa'i phyogs dang ting nge 'dzin gyis shes pa dang sbyar bar bya ste/ dang po ji ltar skyes pa ni sum cu rtsa gnyis pa'i yang mchog tu gyur pa'i phyir dang/ rjes su mthun pa'i 'khor lo la kE yak+She me d+ha go rims su bskyed pa'i phyir ro/ /gzhan
 dag ni de dang mtshungs par sbyar ro/ /gzhan yang gtso bo ni chos kyi dbyings kyi bdag nyid tshe chos kyi sku'o/ /de la longs spyod rdzogs pa dang sprul pa'i sku 'byung bas na gti mug la sogs pa'i go rims 'di nyid rigs so/ /lam gyi rim pa dang sbyar ba
 ni snying po'i rgyud 'di nyid zhe sdang lam du byed pa'i phyir zhe sdang sngon du 'gro bar rigs so/ /de'i rtags bcom ldan 'das kyi sku mdog mi 'gyur ba ni chos kyi dbyings kyi ye shes te gti mug la sogs pa bzhi ni nyon mongs pa rags pa'i rim pas
 gzhag pa yin la de nyid rnam par dag pa ni gti mug rdo rje gshin rje gshed la sogs pa bzhi ste/ dang po sna tshogs lha'i 'khor lo gsal bar bsgom pa dang/ de dag thams cad rang bzhin gyi chos gcig mnyam pa dang/ de bzhin gshegs
 pa'i rigs lngar 'byung ba dang sna tshogs pa'i phrin las kyis sems can gyi don du 'jug pa'i phyir go rims 'di nyid rigs so/ /'jug pa ni gang dag gtso bo la dmigs pa ste de yang shar nas brtsams nas nye bar 'jug pa'i phyir ro/ /gong du bstan pa ni las kyi
 'khor lo'i dus su 'jug pa dang dbang bskur ba de ltar bya ba'i the tshig go /ting nge 'dzin ni bshad pa'i rgyud rdo rje phreng ba las/ rgyal pos khri bzung 'khor gyis 'tsho ba rnyed/ /rnam par shes pa phung po lnga yi gtso/ /sbyor ba dang pos gtso bo gsal byas te/ /mi
 skyod pa yi rnal 'byor dag pa yi/ /rdo rje sems dpa' la sogs go rims bsgoms/ /zhes bya ba dang 'brel to/ /gzhan yang phyogs de nyid gsal bar bya ba'i phyir mngon par rtogs par phye ba las/ zla ba rdo rje sbyor ba yis/ /gshin rje 'joms bar bsgom
 par bya/ zhes bya ba'i phyir zhe sdang rdo rje sngon du dran par rigs so/ /gal te byang nas nye bar brtsams par bya ba ni mchog ste/ bde mchog 'khor lo las rnyed pa'i cho ga bzhin no zhe na/ bden te de na ni shes rab kyi rgyud de nyid sgrub par byed pa'i cho ga
 ste/ dgyes pa rdo rje'i rgyud las/ la la thabs kyi rang bzhin te/ /ra sa shes rab rnam par smin/ /a ba d+hU tI rtog med myong/ /zhes bya ba'i phyir shes rab kyi rgyud ni g.yon nas brtsam par rigs so/ /'di dag ni dpal gsang ba 'dus pa dang rjes su
 mtshungs pa ste thabs dang mtshungs pa nyid kyi phyir shar nas g.yas phyogs su go rims nyid kyis dran par bya'o/ /tshig gi don ni le'u dang po las shes par bya'o/ /brtul zhugs can zhes bya ba ni ting nge 'dzin rnam par gnod pa'i tshul du cho ga ma?
 nyams pa nyid legs par sbyangs pa'o/ /da ni gsang ba'i dkyil 'khor spro bar bya ba gsungs pa/ so so rigs kyi sprin rnams ni/ /ba spu khung na spro bar bya/ zhes pa la/ so so rigs ni zhe sdang la sogs pa rnam
 par dag pas rdo rje rigs la sogs pa lnga dang sku la sogs pa gsum mo/ /kyi ni rjes su mthun pa'o/ /sprin ni sprin dang mtshungs pa ste/ /phal phye ba'o/ /rnams ni rigs kyi sprul pa'o rang las byung ba'i gzugs de nyid kyi ba spu'i bu ga'i khung las
 spros pa'i gzugs kyis rang dang mtshungs pa'i don byas shing so so'i khyad par gyis rten la dgod do/ gti mug rdo rje mngon du gsal bar byas pa'i dkyil 'khor ba'i gdan gsungs pa/ nyi ma'i dkyil 'khor dbus su ni/ /gtum po'i khro bo bsgom
 par bya/ /zla ba'i dkyil 'khor dbus su ni/ /lha mo bzhi po rab bsgom bya/ zhes pa la nyi ma ni byang chub sems rgyas pa nyid kyis so/ /de las gzhan pa'i me long lta bu'i ye shes kyi rang bzhin dang/ zhi ba'i 'phrin las dang rjes su mthun pa
 nyid dang/ dbang bskur ba la sogs pa'i sngon du sems bskyed pa nyid 'gro bas so/ /zla ba'i dkyil 'khor bzhi ni byams pa la sogs ba zhe sdang dang phrag dog dang ser sna dang mngon du rgyu ngan pa tha dad pa bag chags kyi dri ma tshangs pa'i phyir dang
 rig pa la brten te byang chub sems kyi myu gu nye bar 'phel bar byed pa nyid kyi phyir dang shes rab nye bar 'dzin pa'i phyir dang/ kun rdzob byang chub kyi sems kyi mchod ba'i rnam par 'phrul pa'i phyir 'di nyid rigs so/ /de bzhin gshegs pa
 thams cad kyi sku gsung thugs gshin rje gshed po dang po'i rgyud bshad zin to/ /rjes su dran pa ni go rims kyis gsal bar byas pa'o/ /bsgom pa'i mtshan nyid ni mtshan gyis rnam par phye ba ste skyon dang bral ba'o/ /bcu? pa ni dgu
 pas gzhag pa'o/ /nag po zhabs kyis bshad pa'i le'u bcu pa gsal bar byas pa'o// //de ltar bsgoms pa'i rim pas bskyed pa'i rim pa bstan pa dang/ mthar phyin par byas nas mtshan ma 'byung bar 'gyur te/ de dag
 kyang gang zhe na/ lha'i zhal mthong ba dang/ chos dang lung ston pa dang/ rang gi sems dag pa dang/ bum pa nam mkha' la 'jog nus pa dang/ dkyil 'khor slongs pa dang/ ye shes phebs pa dang/ rkyen du ma zhi ba la sogs pa'i mtshan nyid thob
 pas rnal 'byor chen po bsgrub pa'i phyir rig pa brtul zhugs kyi spyod pa brtsam par bya ste/ de yang theg pa chen po'i dge ba'i rtsa ba thams cad ni sems can rjes su brtse ba'i phyir byed pa ste/ de'i phyir/ snying rje chen pos dmigs pa byas nas/ sems
 can don du rjes su brtse/ /bsod nams yongs su rdzogs par bya/ /dam pa'i yon tan 'di rnyed 'gyur/ zhes pa'i phyir 'di yang dmigs pa med pa'i snying rje chen po dag gis spyod pa'i rim par phye bar gsungs pa/ zhe sdang gis mnan 'gro mthong
 nas/ zhe sdang gshin rje gshed gzugs su/ /bcom ldan gshin rje'i dbang gis mdzad/ /ces pa la zhe sdang ni sems can phan tshun mi dga' ba'o/ /de dag gis dgrar gyur cing mnar sems rnam pa dgu skyed par byed do/ /des mnan pa na
 sems la shin tu khyab pa'o/ /'gro ba ni sna tshogs pa ste phal cher rigs drug go /de lta bu shin du sdug bsngal gyis gdungs pa mthong nas bde ba dang stong pa gnyis su med pa'i ye shes la sems can de dag gzhug par bya ba'i don du zhe sdang
 gshin rje gshed kyi gzugs su mdzad do/ /de'i khyad par ci lta bu zhe na bcom ldan 'das kyi sems can thams cad zhe sdang rgyun chags par gzigs te de dag thams cad tshar bcad nas thugs rje'i dbang gis zhe sdang thams cad zad par byed
 pa'o/ /gal te gnyis su med pa las zhe sdang rdo rje la sogs pa 'byung bar mi rigs te/ spros bral dang spros bcas shugs kyis 'ga' ? zhe na ma yin te/ bcom ldan 'das 'gro ba'i snang ba las 'byung ba ni
 snying rje chen po dang re ba med pa'i smon lam gyis dbang gis mdzad pa'o/ /gti mug gis mnan 'gro mthong nas/ gti mug gshin rje gshed gzugs su/ /bcom ldan snying rje can mdzad nas/ gti mug thams cad zad par mdzad/ ces pa
 la/ gti mug ni ma rig pa ste/ tha dad kyi bag chags skyed pa'i rlung 'byung ba'i gnas so/ /de dag gi sems can thams cad kyi sems khyad par mnan pa'i 'gro ba rnams mthong nas gti mug gshin rje gshed kyi gzugs su mngon bar
 mdzad de/ de dag gi mthus gti mug rnam par dag pas gti mug thams cad dbyer mi phyed pa'i ye shes gti mug chen po nyid kyis zad par mdzad do/ /de yang bcom ldan 'das nyid kyis snying rje can ni smon lam ste/ /de dag gis
 mdzad nas so/ /'gro ba phra mas mnan mthong nas/ /phra ma gshin rje gshed gzugs su/ /bcom ldan snying rje can gyis mdzad/ /phra ma thams cad zad par mdzod/ /ces pa la/ 'gro ba ni sems can thams cad do/ /phra ma ni 'dum
 pa med pa'o/ /de dag gis sems can thams cad kyi sems khyab par mnan par mthong nas phra ma gshin rje gshed kyi gzugs kyis phra ma thams cad zad par mdzad do/ /bcom ldan 'das de dag kyang snying rje dang ni smon lam ste/ de nyid kyi
 rgyun gyis sems can gyi don mdzad do/ /'dod chags kyis mnan 'gro mthong nas/ /'dod chags gshin rje gshed gzugs su/ /bcom ldan snying rje can mdzad nas/ /'dod chags thams cad zad par mdzad/ /ces pa la/ 'dod chags
 ni yul la rab tu zhen pa'o/ /mngon du rgyu bag chags dang bcas pa'o/ /de dag gis sems khyab par gnas pa'i 'gro ba rnams mthong nas 'dod chags gshin rje gshed kyi gzugs su sprul te spyod pa mdzad pas de dag gi mthus sems can thams
 cad kyi 'dod chags zad par mdzad do/ /bcom ldan 'das kyi gzugs de dag kyang snying rje dang smon lam ste/ de dag gi dbang gi mdzad nas so/ /phrag dog gis mnan 'gro mthong nas/ /phrag dog gshin rje gshed gzugs su/ /bcom ldan
 snying rje can mdzad nas/ /phrag dog thams cad zad par mdzad/ /ces pa la phrag dog ni gzhan gyi yon tan pa 'di 'khrug pa'o/ /de dag gis sems can gyi yid khyab par mnan pa'i 'gro ba rnams mthong nas/ rnal 'byor pas phrag dog
 gshin rje gshed kyi gzugs su sprul te de'i mthus sems can gyi phrag dog thams cad zad par byas so/ /bcom ldan 'das de nyid kyang snying rje chen po can gyi re ba med pa'i smon lam ste de dag gi dbang gis mdzad nas so/ /gal te lam dang 'bras
 bu'i dus brtag par bya ste spyod pa la dgos pa med pa 'am lam gyis dus su sprul mi nus so/ /zhe na bden te/ snying rje dang smon lam gyi dbang gis 'byung ba ni 'bras bu'i dus yin la/ mnyam bzhags rjes thog tu sprul pa ni lam gyi dus su'o
 gal te lam gyi dus su rigs pa ma yin pa ni blon pos rgyal po byas pa bzhin no zhe na/ ma yin de/ pha rol tu phyin pa dag gi 'bras bu'i gnas thabs gsang sngags kyi lam du byed pa ste/ de'i phyir de nyid du rigs so/ /de yang bshad  
 pa'i rgyud las/ de yi rang bzhin de yin phyir/ /de yi nus pa de la gnas/ /de phyir de yi nga rgyal ni/ /lam nyid las ni bsgom par bya/ zhes gsungs pa'i phyir dang/ yang de nyid las/ thabs chen rnams dang ldan pa las/ /
 nyon mongs byang chub yan lag 'gyur/ /sngags kyis bsad pa'i dug bzhin du/ /'khor bzhi ba'i bdag nyid do/ /zhes bya ba'i phyir ro/ /gal te rnal 'byor pa gang la bab pa'i lha nyid kyi sbyor ba ni bgyis? tshe
 gzhan dang gzhan gyi nga rgyal ni mi rigs so zhe na/ /'di dag ni sems kyi khyad par la rag las pa ste gsang ba'i spyod pa'i dus su rigs kyi nga rgyal gyi spyod pa bya zhing rig pa brtul zhugs kyi ngo bo spyod pa'i dus su gdul bya ni yul la shim? pa'i sbyor
 pa bya'o/ /de ci'i phyir zhe na/ gsang spyod ni bdag nyid byin gyis rlob pa'i tshad du byed pa yin zhing/ /rig pa brtul zhugs kyi spyod pa ni gzhan gyi don du spyod pa sna tshogs pa yi shes kyi ngo bor longs spyod pa ste du ma du ma'i khyad par ye shes kyi ngo
 bor rtogs pa'o/ /gzhan yang rnal 'byor pa rnams kyis rnam par dag pa'i ngo bor gsungs pa ni/ byams pa tsar tstsi ka gsungs te/ /snying rje de bzhin phag mo'o/ /dbyangs can ma ni dga' ba ste/ btang snyoms go ri yi gzugs so/ /zhes pa
 la sems can thams cad la byams pa dang/ bde ba sgrub pa ni byams pa ste tsar tstsi ka ni rdo rje sems ma'o/ /gdul bya zhe sdang gis mnan pa dag la gtso bo dang mthun bar rjes su sbyor ro/ /snying rje ni sems can thams cad kyi sdug bsngal dang sdug
 bsngal gyi rgyu dang 'bral bar 'dod pa'o/ /de'i rang bzhin ni rdo rje phag mo ste zhe sdang rdo rje dang mtshungs par sbyar ro/ /dga' ba'i sems can rnams kyis sems ngo bo med par rtogs nas skad cig ma de nyid la nus pa ma lus par rtogs pa la dga' 
 ba'i sems so/ /de'i rang bzhin ni rdo rje dbyangs can ma'o/ /'dod chags rdo rje dang mtshungs par sbyar ro/ /btang snyoms ni bde ba dang sngag bsal dang/ snyed pa dang ma rnyed pa dang/ grags pa dang ma grags pa dang/ smad pa dang bstod pa'i 'jig
 rten gyi chos brgyad la sems mnyam pa nyid do/ /de'i rang bzhin ni rdo rje gau rI'i gzugs te phrag dog rdo rje dang gnyis su med par mtshungs par sbyar ro/ /mngon par rtogs pa'i skabs su shin tu rnal 'byor gyi lha tshogs bskyed par byed pa'i rgyu ni gang zhe na/
 gsungs pa/ /bdag nyid dngos po thams cad kyi/ /rdzogs par byas nas dkyil 'khor ni/ /rnal 'byor snying ga'i sa bon spro/ /'grub par 'di la the tshom med/ ces pa la/ bdag nyid ni dkyil 'khor gyi bdag po ste/ /dngos po ni cho ga'i yan lag go
 thams cad kyis shes bya ba ni dang po'i rnal 'byor dang rjes kyi rnal 'byor ro/ /de nyid kyis bdag nyid rdzogs par byas nas dkyil 'khor ni bskyed par bya ba la'o/ /rnal 'byor snying ga'i sa bon ni yi ge ya ste/ de las 'phros pa'i 'od las sna tshogs pa'o
 de'i 'od kyis de bzhin gshegs pa thams cad bkug nas khar zhugs pas snying ga'i sa bon las zhu bar gyur te/ /de'i byang chub kyi sems kyi rgyu rdo rje lam nas pad+ma'i lte ba la spros pa las bskyed par bya'o/ /gong gi mtshan ma thob pa'i spyod pa de dag
 ni chos thams cad rang dbang du gyur pa byas pa yis ye shes cung zhig la dbang thob pa'i rnal 'byor pa ste/ /yang dag pa'i ye shes kyi phyag rgya chen po'i dngos grub bsgrub pa'i phyir rig pa brtul zhugs chen po'i spyod pa brtsam par bya ste/ de nas da na
 bshad bya ba/ /spyod pa yin mtshan nyid mchog /gshin rje gshed po 'jigs gzugs kyis/ /sku dang gsung dang thugs su 'grub/ ces bya ba la/ spyod pa ni ched du bya ba'i ngo bo nyid do/ /mtshan nyid ni ci zhe na/ mchog ste bdag dang gzhan gyi don
 nges par bsgrub pa'i phyir ro/ /de yang gang gis bya ba yin zhe na/ gshin rje gshed nag 'jigs pa la/ /gzugs kyi bya ste nyon mongs pa thams cad 'jigs par mdzad pas na 'jigs gzugs kyis so/ /dgos pa gang gi don du spyod pa byed ce
 na dngos grub bsgrub pa'i don du ste/ drag po dang zhi ba la sogs pa'i rnam pa'i sku'i sbyor ba nyid ni sprul pa'i sku'i gzugs so/ /gdul bya ji ltar 'dod pa bzhin du kha sbyor la sogs pa longs spyod rdzogs pa'i skus chos
 ston pa ni gsungs so/ /spros pa dang bral ba ni ngo bo nyid bde stong dbyer mi phyed par rtog pa ma lus pa nus par gyur pa rang bzhin med pa'i ngo bo nyid kyi sems ni chos kyi sku'o/ /de dag ni thugs te bsgrub pa ste skye ba 'di nyid kyis thob bar gyur pa'o
 de dag kyang gnas ji lta bur bsgrub ce na/ dgon pa chen po'i sa phyogs su'o/ /zhes bya ba la dgon pa chen po stong pa mis khyad par du dben pa'am dur khrod do/ /sa phyogs ni/ sbad ljongs dang ni na klung dang/ /nags tshal gsang ba'i sa phyogs dang
 ri bo su la dang dga' ba'i zhing/ /zhes pa la sogs pa'o/ /spyod pa ji ltar bya zhe na/ ma he mchog ni bkug la zhon/ /sbrul dag gis ni rnam par brgyan/ /lcags kyi rdo rje bzung bar bya/ /skra yang ser po dag tu bya/ /gyen brdzes pa yi khyad
 par gyis/ /mgo la thod pa yang dag bskor/ /sma ra kos spu ser por bya/ /h+rI(rgyud 'grel ni ting nge 'dzin gyi bsdu bas bkug la/ zhon pa ni 'khor ba la nye bar 'dzin pa'i brda'o/ /sbrul ni klu'i rgyal po mdza' yas mdog sngon po la sogs pa brgyad kyis mgo la sogs pa'i gnas rnam par brgyan pa'o/ /lcags kyi rdo rje rtse lnga pa dag
 zhe sdang lam du bya ba'i phyir dang/ dbyer mi phyed pa'i ye shes kyi brdar bzung bar bya'o/ /skra ser po rab tu bya ba ni srin po'i rtags te zhe sdang la sogs pa gsod pa nyid kyi brda'o/ /gyen la brdzes pa'i khyad par ni 'khor ba'i skyon gyi gos pa med
 cing 'khor ba'i mtshan nyid shes pas 'khor ba nas nges par 'byung ba'o/ /mgo la thod pas yang dag par bskor ba ni drug ste rigs rnam pa lnga dang rdo rje sems dpa' i rigs kyis rgyas gdab ste/ ye shes lnga dang bde pa chen pos shes pa
 bya'o/ sma ra dang kos spu ser por bya ba ni gdug pa can ma lus pa tshar bcad cing 'dul bar byed pa ste/ zhe sdang lam du byed pa nyid kyi khro bo'i rtags so/ /h+rI(rgyud 'grel pa bskyed bar bya ba'i don to/ /lcags kyi rdo rje nam mkha' la gsor ba ni sems kyi rdo rje bsdod par bya ba'i phyir dang/ bar du gcod pa gang de nyid de ma thag tu bzlog par bya ba'i phyir dang phyi rol pa mngon par gdul bar bya ba'i phyir dang/ ye shes chen
 pos gzengs bstod par bya ba'i phyir ro/ /spyod pa de dang ldan pa la khyad par gyi ming gdags par bya ste/ rdo rje gshin rje gshed sbyor bas/ /seng ge sgra yang de la bya/ /zhes pa ni rdo rje ni gang du yang mi rtog cing thub pa med pa'i phyir ro/ /gshin rje ni
 tha dad pa'i rnam rtog bag chags du ma dang bcas pa rnams so/ /gshed ni rang gi ye shes de nyid du byed pa'o/ /sbyor bas ni chos thams cad rnal 'byor pas thabs dang shes rab zung du 'jug pa'i ngo bor ro/ /seng ge ni nyon mongs pa'i rigs thams 
 cad sreg par byed pa'i phyir sgra zhes de la bya'o/ /spyod pa bya ba'i dus ci zhe na/ nus pa cung zhig skyes pa na/ rol zhing grong du 'jug par bya/ zhes bya ba la nus pa ni lus dang ngag dang sems kyi'o/ /de yang kun tu bzang po'i spyod pas dag gi
 nus pa thob par byas pa'o/ /mtshan ma thob nas gsang ba'i spyod pas lus kyi nus pa thob par byas pa'o/ /rigs pa'i brtul zhugs chen po'i spyod pas sems kyi nus pa cung zad skyed na sems la mngon par 'dod pa'i bsam pas tshogs kyi spyod pa/ 
 ste 'dod pa'i yon tan la rol zhing grong du 'jug par ro/ /de dag tu ji ltar spyad ce na/ gar dang bde ba'i cha kun gyis/ /drug las skyes sogs glu blang bya/ /zhes bya ba la gar ni he ru ka'i gar te 'jigs su rung ba
 la sogs pa rnam pa brgyad do/ /nyams dgu 'am bcu gsum gyis rjes su brjod pa dag bya'o/ /yang na bshad pa'i rgyud las/ sangs rgyas sems par sbyor ba yis/ /sna tshogs gar gyi rol ba rtsa/ /zhes pa'i phyir ye shes chen po mnyam
 pa nyid kyi don dang ma bral ba dag gis so/ /bde ba'i ni 'jig rten pa dang khyad par can mthong ba dang lhan cig skyes pa'i cha ste/ de dag kun gyi myong ba nyid kyis drug la sogs pa ni rdo rje tshig dang ldan pa'i glu'i khyad par te blang bar bya'o/ /de yang bla ma
 rje btsun pa dam pa rnams dang/ de'i rjes su 'jug pa'i don khyad par gyi byin gyis brlabs nye ba nyid dang/ rang gis rang gi de nyid mthong nas chos thams cad kyang de lta bur nye bar rdzogs pa nyid dang/ gsum dang gsum nyid dbyer mi phyed pa'i
 nyams su myong ba nyid dang/ ched du byas pa dang ma byas pa'i sbyod pa khyad par du ngo mtshar du ma brtsis pa nyid dang/ rnal 'byor pa rnams kyis khyad par du 'byed cing gzhan la sbas pa mtshon cha lta bu ko Ta khya la sogs pa nyid 'jig rten pa dang rjes su
 dga' bar nus pa brtse ba dang ldan pa'i sems kyis mthun zhing dga' bar byed pa nyid kyis glu blang bar bya'o/ /yang na drug pa'i sgra bzhi gcig gis bsdus pa ni drug las skyes pa ste/ sogs ni te te te na la sogs pa klu'i khyad par dang mnyam par ma
 bzhag pa'i sbyor ba bstan to/ /da ni bstan pa'i rim pa dang snyoms par 'jug pa gsal por bsten cing rjes su mthun pa yang bsgrub pa'i phyir gsungs pa/ de nas rgyal mtshan khyams mthong nas/ /der ni 'o ma rab bsgrub bya/ /zhes pa la/ rgyal
 ni rnam par rgyal byed de/ skyes bu'o/ /mtshan ni mtshan ma'o/ /de nyid dang rjes su 'brel ba ni bcom ldan 'das kyi rdo rje'o/ /khyams ni shes rab kyi mtsho skyes so/ /de yang dpa' bo dang dpa' mos byin gyis brlabs pa'i gnas su mthong
 ba ste/ hUM las rdo rje bskyed pa'i steng du oM yongs su gyur pa nor bus mtshan pa'i nang du phaT las khong sad bskyed de/ oM las bskyed pa'i pad+ma'i kha khyer la a yongs su gyur pa las ge sar gyi steng du phaT las khong seng du'o/ /der zhes bya
 ba ni mtshan dang ldan pa'i pad+ma'i gnas da nyid du'o/ /'o ma ni lhan cig skyes pa'i ye shes te sgrub pa ni dga' ba bzhi'i bye brag bzhi pa'i rjes su 'gro ba nyid kyis bden pa gnyis dbyer mi phyed pa'i ye shes mnyam du tshogs pa'i skad cig la
 gsum gyis dben par bya ste/ gnas pa ni rnal 'byor pas so/ /de dag lam du goms par bya ba gnyis gsungs pa/ 'o ma la sems cig goms pas/ phyag rgya chen por ba bsgrub bya/ /'o ma ni rang gi rig pa'i lhan cig skyes pa la
 sems de gcig po nyid du goms par bya ba ste/ de yang dgyes pa rdo rje'i rgyud las/ dkyil 'khor 'khor lo sogs thabs dang/ /bdag byin brlabs pa'i sbyor ba yis/ /shes gsungs pa dang rjes su 'thun pa ste/ dkyil 'khor gyi
 'khor lo ni rang 'od kyi rig ma las brten te bsgrub pa'o/ /sogs pa'i sgras/ las kyi phyag rgya ste sna tshogs pa'i dngos po yang de nyid du bsdu par bya'o/ /'di dag ni gzhan gyi lus la nye bar bsten pa ste rgyu'i don gyi gsum pa'i dmigs ba
 gcig par 'jug pa'i man ngag go /de'i khyud par ji lta bu zhe na/ phyag rgya chen po ste don to/ /de dag ni mnyam pa nyid kyi ye shes rnam par rtog pa thams cad nub par gyur ba 'gro ba med pa'i ye shes rdzogs pa dang bral ba nyid do/ /de 'di
 las byung bas na nan tan ces spras nyid du goms par bya ba ste/ rnyed pa'i bu mo la snyoms par zhugs nas bde ba bskyed par bya'o/ /de nas skul ba dang ldan pa'i sgo nas bsgoms pa ni rtse gcig tu'o/ /rgyas
 btab pas thams cad 'gro ba med par byed cing lam du byas pas phyag rgya chen po goms pas thob par 'gyur ro/ /de yang dbang yongs su brten pa ni dam tshig mchog tu gyur pa ste/ 'di yang rtsa ba bzhi pa nyid nye bar bzung bas mi
 spang pa nyid do/ /de yang bshad pa'i rgyud rdo rje phreng ba las/ sor mos cung zhig bskyod byas nas/ /phyi nas lce ni bskams pas kyang/ /na ti gang de rgyas ba las/ /byang chub sems ni 'bab par 'gyur/ /sngags pas rdo rje cung zhig tsam/
 bar bar du ni bskul bar bya/ /nor bu la gnas phaT kyis ni/ /sems la 'byung ba bstan par bya/ /byang chub sems ni ma shor na/ /dam pa'i bde ba brgyas myong 'gyur/ /'gro ba de yi rang bzhin du/ /spros la rgyun mi 'chad snang
 bya/ brtan pa khyab pa bde ba zhing/ /go 'phang mchog 'di thob par 'gyur/ /byang chub sems ni shor gyur na/ /thob pa nyams 'gyur sems rgyal phyir/ /zhes 'byung ba'i phyir ro/ /da ni rig pa dang rjes sbyar ba gsal bar bya ste
 phag mo yi ni gzugs bzung ba'i/ /btsun mo kun las khyud pa yis/ /dpa' bo seng ge bzhin du pyad/? /'dod pa'i don kun rab tu bsgrub/ /ces pa la phag mo ni rdo rje phag mo ste de'i gzugs su gzung ba ni kha dog dang
 dbyibs so/ /de ni sngo bsangs su 'dug pa dang/ phag mo'i rgyan gyis rab tu spras pa dang/ rnam par rtog ba chung ba dag bzung bar bya'o/ /btsun mo kun ni rigs rnam pa lnga las byung ba'i bu mo'o/ /'khyud pa'i zhes bya ba ni gong gi bu
 mo de dag thos pa dang/ dad pa dang/ skyabs su 'gro ba dang/ sems bskyed pa dang/ legs par sbyangs pa dang/ dbang bskur ba dang/ yon tan bzung ba dang/ nges par 'byin pa'i don dang/ man ngag gi yon tan gyi 'dun byas pa nyid dang
 mtshungs par chags pa bskyed pa'i sbyor ba sna tshogs byas te/ phyag rgya chen po'i dngos grub bsgrub pa'i phyir dmigs pa gcig pa'i 'jug par bya'o/ /de ltar gnas pa'i rnal 'byor pa'i 'jigs pa med par bya ba nyid du gsungs pa/ dpa' 
 bos seng ge bzhin du spyad ces bya ba ni sangs rgyas kyi ye shes bzhin du rtogs pas dpa' bo ste/ nyon mongs pa'i ri dags thams cad 'jigs par byed pa nyid kyi seng ge'o/ /de yang re ba dang dogs pas stong zhing 'tsho ba yid la byed pa
 dang ma bral ba bzhin du rnal 'byor pas spyad par bya'o/ /'dod pa ni 'dod pa'i yon tan lnga ste lnga'o/ /don kun ni ma lus pa'o/ /nges don yang dag par rdzogs pa'i byang chub kyi mtshan nyid can bsgrub par bya ba'i phyir dang/ de nyid du bsdus
 shing dbyer mi phyed pa'i phyir rab tu 'grub ce na/ da ni snying rje dang gdul bya'i bsam pa'i dbang gis bsgrub pa'i thabs bye brag gsungs pa/ de nas da ni bshad bya ba/ /phyag brgya pa ni rab bsgrub thabs/ /gsang sngags chen po'i yi ge
 gcig /de'i sgrub thabs mngon bshad bya/ /zhes pa la/ phyag ni g.yas dang g.yon te brgya phyed kyi don gyis phyag brgya pa/ sgrub pa ni thob par bya ba'i bslobs bu mngon par rnyed pa'i mchog nyid do/ /thabs ni mngon par rtogs pa'o/ /
 gsang sngags ni gsang ba las yon tan mchog tu sngags shing ngo mtshar rab tu 'byung bas so/ /chen po ni thugs kyi yi ge ste gcig ni Sh+TI'o/ /phyag brgya pa de'i bzlas pa yang de nyid du mngon par bshad par bya'o/ /yi ge sh+rI ni sku bskyed
 pa'i rgyud nyid kyi phyir sh+rI las 'byung ba'i zhes bya'o/ /ma he yang dag bsgom zhes pa ni ma he lta bu'i zhal yod pas so/ /rdo rje ni sna tshogs rdo rje sto gur dang ra ba'i nang du chud pas dkyil 'khor ro/ /de la gnas ba
 ni nyi ma dang ma he ste/ steng ni rgyab tu shes par byas la gang yang cung zad gcod pa'i mtshon cha ste/ 'bigs pa dang de nyid do/ /mtshon cha sna tshogs ni gzugs te de dang ldan pa'i gzugs de ni blo dang ldan pa zhes bya ste gnyis su med pa'i bde
 ba chen po thams cad ro gcig pa nyid du brnyes pa ste rnal 'byor pa'o/ /brda' khyad par can dang ldan pa'i phyag na bsnams pa 'dis ni bskyed pa dang rdzogs par sbyar bar bya'o/ /'di'i don ni 'di yin te/ skad cig dran pas sngon du 'gro ba'i 'khor lo la phyag
 btsal ba la sogs pa'i rjes la stong pa nyid du gyur pa dang ra ba yang bya'o/ /de'i steng du baM las skyes pa'i pad+ma'i dkyil 'khor du re pha las skyes pa'i nyi ma'i steng na shI yongs su gyur pa las rdo rje rtse lnga pa sa bon de nyid bcas pa las skyes pa'i
 sku ma he'i zhal can g.yas pa dang g.yon pa khro bo'i zhal dkar ba dang dmar ba dang phyag gi gtso bo gnyis na gri gug dang thod pa bsnams pa/ de las gzhan pa'i g.yas kyi phyag na rdo rje dang ral gri dang/ mdung thung dang/ dgra sta dang/ tri
 shu la dang/ thag mdung dang/ tho ba dang/ kha TwAM dang/ dbyug pa dang/ chan pa dang/ gtun shing dang/ bskor bu dang/ 'khor lo dang/ pad+ma dang/ mda' dang/ sog le dang/ tra shad dang/ me'i phung po dang/ sbrul gyi zhags pa dang/
 sna tshogs rdo rje dang/ 'bigs byed chen po dang/ ka ka ru dang/ shak ti dang/ gsor bu dang/ stegs chen dang/ mde thung dang/ rgyun mdangs dang/ drags can dang/ rdebs chen dang/ gnod sbyin mdung dang/ mche ba rnon po dang/ spu gri dang/
 rdo rje mdung dang/ lding 'phen dang/ rtun khung dang/ kha sbyor 'joms pa dang/ lcags kyu dang/ gcod byed chen po dang/ rtog dang/ yan lag rdebs pa dang/ 'khrul 'khor dang/ rtse mo brgyad pa dang/ glang chen dang/ brag dang/ so?
 phreng ba dang/ glang po che'i mche ba dang/ chu glang dang/ seng ldeng gi mtshon dang/ rlung dang/ shing gi 'khrul 'khor tsa ra rnams so/ /g.yon gyi phyag na rim bzhin du/ chu skyes dang/ nyi ma dang/ zla ba dang/ lhung bzed dang/ khri snya dang/ nags
 kyi lhugs ma dang/ brgya byin dang/ tshangs pa dang/ gshin rje dang/ chu bdag dang/ gnod sbyin dang/ 'byung po dang/ me lha dang/ bden bral dang/ rlung lha dang/ sa'i lha mo dang/ thag bzangs ris dang/ khyab 'jug dang/ sna chen dang/
 shing rta dang/ mchod rten dang/ phub dang/ glegs bam dang/ lcags sgrog dang/ zhags pa dang/ mig dang/ cod pan dang/ dril bu dang/ gtsug gtor dang/ gos dang/ bgrang 'phreng dang/ mi ro dang/ spyi blugs dang/ ri dags dang/
 nya dang/ rul sbal dang/ gyad? kyi mkhar ba dang/ ras chings dang/ keng rus dang/ sprin dang/ dung dang/ gau rgyud mangs dang/ gzhu dang/ gling bu dang/ cang ti'u dang/ ma he dang/ DA ma ru dang/ dge slong dang/ phyugs bdag lha'o/ /de dag gi
 mig dang sku la sogs pa byin gyis brlab cing dbang dang byin brlabs dang/ mchod pa dang bstod pa dang bdud rtsi myang ba dang/ spro bsdu byas la/ oM sh+rI phaT swA hA dang zhes bya bas yongs su mnyes pa byas la/ oM A(rgyud 'grel dgrol ba'o/ /da ni de dang mtshungs pa'i mngon par rtogs pa bshad par byas te/ de nas yang dag bshad bya ba/ /dbyug pa gshin rje gshed sgrub thabs/ /yi ge h+ri(rgyud 'grel rdzogs pa'i phyag /sku ni mi yi thal bas bsku/ /ri rab dang ni mnyam pa'i lus/ /gser gyi sa gzhi thug pa'i mnan/ /zhes pa la dbyug pa ni gshin rje stobs rab tu 'joms par byed pa'o/ /gshin rje ni
 bdud dang lta ba sgrib ba mngon par mthong ba'o/ /de 'joms pa ni dbyug pa gshin rje gshed do/ /bsgrub par bya ba 'bras bu'i yul lo/ /de'i mngon par rtogs pa ni thabs so/ /yi ge ni yi ge chen po ste h+rI(rgyud 'grel pa'i las thams cad thogs pa med pa'i don to/ /gsang sngags ni sa bon dang bzlas pa'i sngags gong dang mtshungs pa ste dngos grub 'byung bas che ba'o/ /ma he chen po glang rgod de khyu'i mchog go /bcibs pa ni bskum pa dang brkyang pas mnan pa'o/
 g.yas dang g.yon gyi bye brag gis phyag ni 'bum phrag gnyis so/ /rdzogs pa ni mtshan ma ste/ gri gug dang/ dbyug pa dang/ ral gri dang/ rdo rje dang/ zhags pa ni g.yas so/ /thod ba dang 'khor lo dang/ nor bu dang/ chu skyes dang/
 lcags kyu ni g.yon te/ khri phrag gnyis gnyis kyi phyag rgyas gang bar byas pa'i phyag rgya'o/ /sku ni rdo rje 'jigs pa byed pa'i lus so/ /mi'i thal bas bskus pa ni shes rab kyi phyag rgya ste/ cha shas phra rab 'jug pa nyid kyis sa
 bcu gsum du sbyar bar bya'o/ /de yang bshad pa'i rgyud las/ sna tshogs phrin las rjes 'gro zhing/ /bskyod pa med par 'khor lo'i gzhi/ /thod pa drug ni rgyas gdab mchog /snying po nyid phyir mgul ba'i rgyan/ /spros pa du ma yan
 lag spras/ /nyon mongs rnam dag gdug pa sprul/ /brtul zhugs mthar phyin brgya phyed phreng/ /dpa' bo'i go cha ri mos mdzes/ /rtogs pa'i mthus ldan glang chen gos/ /tha dad sreg pa'i me chen po/ /dmigs pa bral ba'i
 yi dags gang na/ /'gro ba 'dzin byed ma he mchog /sbrul pa mdza' yas rdzogs phyag 'tshal/ /'dis 'gro lha yi khyad par nyid/ /ces 'byung ba'i phyir/ ri rab dang mnyam pa ni dpag tshad 'bum drug khri gnas pa'i lus so/ /gser gyi sa gzhi
 la thug par mnan pa ni dpag tshad brgyad khri rjes su 'gro ba'i ri rab bo/ /bcom ldan 'das kyis ni gsor gyi sa gzhi mnan pa ma yin te/ rdo rje gur dang ra ba'i gnas na bzhugs pa'o/ /de'i don ni snga ma dang rjes su mthun pa ste khyad par
 du h+rI(rgyud 'grel tA na gsang sngags che/ zhes pa la/ bye ba'i phyag ni g.yas g.yon gyi bye brag gis 'bum phrag lnga lnga'o/ /can mtshan ma ste/ gri gug dang/ ral gri dang/ rdo rje dang/ dbyug pa dang/ gtun shing ni g.yas kyi phyag go /thod pa dang/
 'khor lo dang/ nor bu dang/ pad+ma dang/ ro dang/ mdung thung de/ g.yon gyi phyag go /de re re zhig gis 'bum phrag gnyis kyi phyag gdab par byas pa'o/ /bsgrub pa ni gshin rje gshed do/ /yi ge hUM las byung ba'i rdo rje las skyes pa'i
 gtso bo bcom ldan 'das te lhag ma ni sngar bzhin no/ /bzlas pa'i sngags ni bi kri tA na chen po'i gsang sngags te/ oM hUM gis rab tu mtshan pa'o/ /da ni rnal 'byor pa'i bza' ba dang mi bza' ba'i rnam par rtog pa spangs pa dang/ sngags kyi
 skyo ba dang dub pa gsang ba'i phyir dam tshig bsgrub pa'i thabs gsungs pa/ dgos pa thams cad sgrub pa yi/ /dam tshig sgrub thabs bshad par bya/ /sngags kyi dub pas kha zas bza' / /ngan pa dang bral rnyed dka' min/ /zhes pa la dgos pa ni dam
 tshig gi rnam par mi rtog pa dang/ mnyam par byed cing rnam par mi rtog pa nyid kyis dgos pa thams cad bsgrub phyir dgos pa thams cad kyi bdag nyid yin pa'i phyir ro/ /dam tshig ni mi rtog pa thob par
 byed pa 'am rnal 'byor pas mi rtog pa las 'da' bar bya ba ma yin pas so/ /de mngon du bya ba la bsgrub thabs bshad par bya zhes bya'o/ /spyad pa'i dus ni lus lha'i rnal 'byor dang/ dag bzlas pa'i rnal 'byor gyis dub pa'i dus nyid
 dam sems nga la so zhing gzeng bstod pa'i dus nyid du kha zas 'di bza' o/ /'di dag ni mi gtsang ba'i zas so/ /zhe na/ brtags nas mi gtsang ba ni thams cad yin na yang 'di ni dngos grub kyi zas te/ yon tan thams cad kyi bdag
 nyid du shes par bya'o/ /de yang ngan pa dang bral zhes bya ba yin te/ dpyas pa dang bral ba dang srog chags dag gnod pa dang bral bas so/ /rnyed par dka' ba min pas ni thams cad kyis bar bas so/ /de dag kyang ci zhe na/ sha chen
 dang ni rta dang ni/ /glang po che yi khyad par dang/ /ba lang gi dang khyi dang ni/ /bong bu rnga mo ce sbyang ngo/ /zhes bya ba'i khyad par ni bdud rtsi rnam ba lnga ste/ sha lnga dang mtshungs par sbyar ba sngon po ni lo ma'i tshogs gang yang rung ba dang
 bsres ba la longs spyod par bya'o/ /mdud la bskyon pa dang/ mtshon gyis phog pa dang/ btags pa la mes gdungs pa dag gis snum 'byung bar 'gyur te snum chen gyis lus la byug bar bya'o/ /de'i dgos pa ji ltar 'gyur zhe na/ lus
 la byug pa tsam gyis ni/ /'gro ba thams cad dbang du 'gyur/ zhes pa la/ bdud rtsi rnam pa lnga dang/ snum bsres pas lus la byugs pa tsam gyis mngon par mtho ba srid pa'i rtse mo man chad nas thams cad la khyab pa'i bdag nyid du bskal ba
 chen po rnams kyang dbang du 'gyur ro/ /sbyor ba gzhan yang gsungs ba/ snang mdzad sin du ba ra dang/ /zhes bya ba la sogs pa la snang mdzad ni bai ro tsa na te dri chen no/ /sin du bar ni legs shing lo ma ste snabs so/ /bil ba ni le ma ni
 dpal 'bras te byang chub kyi sems dkar po'o/ /so phag phye ma ni de dag thams cad mnyam du bsres pa'o/ /gser shing lo ma'i khu ba ni da du ra'i lo ma'i khu ba ste dri chu'o/ /'di la longs spyod pa'i mthu nye bar rnyed ba dang/ des lus la
 bris shing phyis byas na ni 'dod pa dang gzugs dang gzugs med pa'i khams gsum pa ste dbang du 'gyur ro/ /dug dang chu bur dang mtho rnams kyang dril cing phyis byas bas nyams bar byed do/ /sbyor ba gzhan yang gsungs pa/ gci ba
 chen po ni a kro ta ka ste btung bar bya'o/ /rdo rje bdud rtsi ni byang chub kyi sems so/ /de legs par sbyar ba'i khu ba dag sna'i nang nas rdubs shing legs par 'thungs na bdud rtsi re res kyang rgas pa dang 'chi ba spong ngo/ /rkyen gyis 'chi ba'i dus su
 bdud rtsi snar blugs nas phus btab na 'tsho bar 'gyur ro/ /'og nas 'byung ba 'di dag gi phan yon yang 'di lta bu ste/ 'di ni rnal 'byor mchog gtso bos/ /rang 'byung me tog btud pa bzhin/ /zhes pa la/ 'di ni rnal 'byor zhes bya
 ba ni thabs dang shes rab snyoms par 'jug pa'o/ /mi rtog pa thob par nus pa de'i phyir mchog gtso bo zhes bya'o/ /rang 'byung ni bud med kyi dang po'i dus kyi me tog go /de yang gnag pa dang sngo bsangs dang/ sme sha can gyis mar ngo
 blangs te btung ngo/ /dkar dang dkar sham dang dmar ser dang smug pa'i yar ngo la blangs te btung ngo/ /bzhin zhes bya ba ni bsten pa'i tshogs 'thungs na 'chi bar mi 'gyur ro/ /de bzhin gshegs pa thams cad kyi sku gsung thugs
 gshin rje gshed nag po'i rgyud ni bshad zin to/ /spyod pa'i rnam pa bzhi ste ston pa ni le'u 'di nyid do/ /rim par phye ba ni go rims su bab ba'i spyod pa'o/ /bcu gcig pa ni bcu pas bzhag pa'o/ /
 nag po zhabs kyis bshad pa'i le'u bcu gcig pa rgya cher gsal bar byas pa'o// //da ni mngon par rtog pa'i cha gar byin gyis brlabs nas dbang bskur te/ bkug cing bstims pa'i dkyil 'khor de
 mnyes par bya ba la bsgrub pa'i mchod pa glus yongs su rdzogs par bya ba'i phyir/ de nas bcom ldan 'das skyes bu chen po'i dam tshig rdo rje sems dpa' tsir tstsi ka'i rnam pa'i ting nge 'dzin la snyoms par zhugs shing phag mo'i rnam
 pa'i ting nge 'dzin la yang snyoms par zhugs so/ /gau ri'i rnam pa'i ting nge 'dzin la snyoms par zhugs te/ mchod pa'i glu 'di dag brjod par mdzad do zhes pa la/ de nas ni le'u bcu gcig pa'i de ma thag tu'o/ /bcom ldan 'das ni /
 bshad zin to/ /skyes bu'i bshad pa'i rgyud las/ sangs rgyas kun gyi pho brang ni/ /sangs rgyas kun gyi zhing yin te/ /snying rje chen po'i dam tshig gis/ /pho brang 'gengs par byed pas na/ /de phyir skyes bu zhes brjod do/ /rgyun mi 'chad
 pa chen po nyid/ /ces bya ba'i don gyis so/ /dam tshig ni rgyu'i dus na sems bskyed pa dang smon pa 'jug pa'i khyad par gyis sems can gyi don byed pa dus las mi 'da' bas so/ /rdo rje ni dbyer mi phyed pa'i ye shes te/ sems dpa' ni 'dod
 pa dang/ gzugs dang gzugs med pa'i rnam pa gcig tu nges par byas pa'i don to/ /de yang dgyes pa'i rdo rje las/ mi phyed rdo rje zhes bshad de/ /sems dpa' srid gsum gcig pa nyid/ /shes rab 'di yi sbyor bas na/ /rdo rje
 sems dpar bshad pa yin/ zhes 'byung ba'i phyir ro/ /de nyid kyi ngo bo las kun rdzob byang chub kyi rnam sprul la/ /de bzhin gshegs pa'i 'khor lo gnyis su med par gyur pa'i khu ba nyid las dpag tu med pa'i lha mo rab tu zhi zhing dbyangs can 'di  
 rnams su gyur te tsor tstsi ni rdo rje sems ma'o/ /rnam pa de nyid kyi bye brag ste dpag tu med pa'o/ /ting nge 'dzin ni sems rtse gcig par byas pa'i don to/ /la zhes pa ni gzhi ste dkyil 'khor gyi bdag po nyid kyis so/ /snyoms par zhugs min tha mi dad par
 zhugs pa ste/ lha mo thams cad kyi bdag nyid du'o/ /shing zhes bya ba ni rigs gcig gi lha mor ma zad kyi rigs gzhan gyi lha mo yang yongs su bsdu ba'o/ /phag mo ni don dang rtags rjes su mthun pa'o/ /yang ni 'das pa'i phyogs su ma 'ongs pa yang
 yongs su bsdu ba'o/ /dbyangs ni gsung de'i rnam par dag pa dang ldan pa la can zhes bya'o/ /gau rI ni pra hi d+ha karma ste phrin las thams cad mnyam pa nyid kyi ngo bor spyod pa'o/ /te zhes bya ba ni lhan cig mtshungs pa'i lha mo rnams nye bar mtshungs pa'i
 mchod pa'i glu mgrin du mchod ba ni dam pa mnyes par byed pa ste/ glu ni lhan cig skyes pa'i de kho na nyid gsal bar byed pa'o/ /'di dag ni 'og nas 'byung ba 'di dag go /brjod pa ni tshig dang ldan pa'o/ /mdzad do zhes bya ba ni lus gyi gar dang rjes su
 mthun pa'o/ /rjes su mthun ba'i tshig de gang zhe na/ gsungs pa/ a kye kye gshin rje gshed nag bla/ /srin po'i gzugs chen rang bzhin khyod/ /bdag gis khyod mthong shin tu 'jigs/ /bros pa'i rang bzhin 'di mthong mdzod ces bya ba ni rdo rje
 sems ma'i glu ste/ a ni ma skyes pa ste skye ba med pa'i chos kyi sku'o/ /kye kye ni gdul bya la nges par bod ba ste longs spyod rdzogs pa dang sprul pa nyid de las snang bas so/ /gshin rje gshed nag po ni bla ma ste yang dag par rdzogs pa'i sangs rgyas bsgrub
 par bya ba'i mtshan nyid do/ /srin po'i gzugs can ni bshad pa'i rgyud la/ /zhal gsum srid gsum 'jigs byed pa/ /'gro ba bsod byed phyag drug pa/ /'gro ba mthar byed mdog gnag cing/ /srin pa'i
 gzugs ni he ru ka /zhes gsungs pa nyid do/ /chen po ni bzod par dka' ba'i gzugs te/ de yang 'gro ba la byams pas sprul pa'i rang bzhin khyod ces bya'o/ /bdag gis zhes bya ba ni byams pa'i bdag nyid tsa ra tstsi ka dag gis so
 khyod ni bcom ldan 'das te mthong pa ni yul du gyur pa'i sku shin tu 'jigs pa'o/ /khros ba'i rang bzhin ni khros pa'i rgyu ste/ 'di thod mdzod ces bya ba ni byams pa las phyogs gzhan du gyur pa'i tha tshig gis so/ /'di ni byams pa nyid
 kyis zhe sdang gi rtags mngon par mthong ba'i sku la ched du brjod pa'i mchod ba'o/ /gzhan yang gsungs pa/ mtho ris sa steng sa 'og bcas/ /khyod kyi gar gyi g.yos par mdzod/ /a dza nag po bcag 'dra yi/ /khro khyod ro langs bzhin
 gar mdzod/ /ces bya ba ni rdo rje phag mo'i glu ste/ mtho ris ni lha dang lha ma yin gyi gnas so/ /sa stengs ni mi dang byol song gi gnas so/ /sa 'og ni yi dags dang dmyal ba'i gnas so/ /bcas pa ni 'gro ba ma lus pa'i don to/ /
 gar gyis zhes bya ba ni bshad pa'i rgyud las/ sangs rgyas he ru ka yi gar/ /bla na med pa'i mchog 'di dag/ mgon pos 'gro bla phrag dog pa'i/ /stangs kyi thams cad g.yos par mdzad/ ces 'byung ba'i phyir ro/ /g.yos
 par mtshungs pa ni rab tu gzir zhing sdug bsngal bar mdzad pa'o/ /de'i sku mdog kyang a dza na te mig sman gyi thang chu'o/ /bcag pa dang 'dra ba ni gang cing 'tsher ba ste 'jigs su rung ba'o/ /khros pa ni tha dad kyi rtog pa las khros
 shing phrag dog pa'i yid can no/ /ro langs ni gzhan gyi byin gyis brlabs pa langs ba ste rang gis gzhan la sdang ba'i 'dun ba dang bral ba'o/ /de bzhin du byin gyis brlabs las byung ba'i skus khro bo'i gzugs de dag thong mdzad la/ sangs rgyas
 kyi gzugs kyis 'gro ba rnams sdug bsngal las nges par sgol bar mdzod cig pa'o/ /zhes bya ba ni snying rje'i glu ste thugs rje chen po yid kyis tshar gcod pa'i phrin las mdzad pa la ched du brjod pa'i glu'o/ /gzhan yang gsungs pa/ rnam ba
 sna tshogs gzugs sprul cing/ /mdog nag tshang ni thung ba la/ /bde chen ngo bo khyod gar mdzod/ /rdo rje dbyangs can gsol 'debs/ /zhes bya ba ni dbyangs can ma'i glu ste rnam pa ni longs spyod rdzogs pa dang sprul pa'o/ /de yang sems can gyi don
 gzigs pas dga' bar gyur nas gzugs rnam pa sna tshogs ba sprul zhing sems can gyi don mdzod cig ces bya ba'i don to/ /de yang ji lta bu'i gzugs kyis she na/ mdog nag tshad ni thung ba la zhes bya'o/ /bde chen ni bde ba chen po'i
 ye shes kyi ngo bo nyid do/ /de yang bshad pa'i rgyud las/ spangs dang ye shes phun sum tshogs pa'o/ /bde ba chen po zhes bya ste/ sems can rnams kyi snang ba la dga' bar mdzad khyod gar mdzod cig ces bya ba nyid do/ /rdo rje dbyangs can ma
 ni dga' ba'i bdag nyid de sangs rgyas la yang sems can rjes su dga' ba'i don du gsol ba 'debs pa ni dga' ba'i glu'o/ /bcom ldan 'das bskyod pa med pa'i ye shes kyis 'gro ba rnams dga' bar mdzad pa'i phyir ched du brjod pa'i mchod pa'o/
 gzhan yang gsungs ba/ h+rI(rgyud 'grel pa'i thugs kyi sngags rnams so/ /gar ni sngags kyi nga ro drag po bsgrags pa dang 'grel ba'i gar gyis so/ /srid pa gsum gyi 'khrul pa ni 'jig rten gyi chos brgyad de/ gzung ba dang 'dzin pa'i ngo bo
 de spong bar byed pa ni sngags kyi de nyid dang gar gyi de nyid de de'i rang bzhin btang snyoms chen pos mchod ces bya'o/ /snying rjes khros pa ni snying rje'i dbang gis sprul pa ste dad pa can sgrol bar byed pa'i phyir ? gar ro/ /'gro ba'i ni?
 sems can te des khyod gyi gzugs mthong na lta bas chog shes par mi 'gyur ba'i phyir ngo mtshar du gyur ces bya ba ni btang snyoms kyi glu'o/ /'di dag gis ni de bzhin gshegs pa'i thugs bsam gyis mi khyab pa'i ched du brjod pa'i
 mchod pa'o/ /da ni bzlas pa'i rab tu byed pa gsungs pa/ de yang yang dag bshad bya ba/ /bzlas ba yi ni mtshan nyid mchog /bzlas ba gang zhig rab bzlas na/ /dngos grub yangs pa thob ba mi/ /myur bar ma yin ngal bar min/ /
 ring du ma yin thung ngu min/ /sngags ni cung zad thos par bzlas/ zhes pa la/ bzlas pa ni gang gi rjes su 'gro ba'o/ /mtshan nyid ni 'byung 'jug rjes su dran pa'o/ /mchog ni de bzhin gshegs pa'i thugs kyi snying po'o/ /bzlas pa gang zhig
 ni sku dang gsung dang thugs kyi sngags so/ /bzlas ba ni skyes pa dang bud med dang ma ning gi'o/ /skyes pa ni dag gtso bor ro/ /bud med ni sems gtso bor ro/ /ma ning ni nang du gzhag ste/ lus ngag yid gsum gyi 'brel pa rjes su dran pa na
 ra ba bzlas zhes bya'o/ /de'i khyad par ci zhe na/ dngos grub yangs pa ste phyag rgya chen po de nyid thob pa'o/ /de dag bzlas pa'i thabs kyi bdag nyid ji lta bu zhe na myur bar ma yin te mthug po mi rdzogs shing ring po thung ngur 'gyur ba'i phyir ro/ /
 ngal bar ma yin te stug bo lhag par 'brel bar 'gyur zhing thung ngu ring bar 'gyur pa'i phyir ro/ /ring po ma yin te lhag par 'jug pa'i phyir ro/ /thung ngu ma yin te khong nas 'byung ba med par 'gyur ba'i phyir ro/ /sngags na cung zad
 ces bya ba ni sgra che bar ma yin pa'o/ /thos bar bzlas pa ni rang gi ngag rang gi lus la 'brel zhing gzhan gyi mi thos par ro/ /bzlas pa de dag dang ldan pa'i phreng ba gsungs pa/ gshin rje slob dpon mi mchog gis/ /ma he mi dang mo gnyis dang  
 ba glang dag ni rta dag dang/ /bong bu rnga mo rus pa las/ /bzlas pa'i phreng ba rab bsgrub bya/ zhes pa las/ gshin rje slob dpon ni gshin rje gshed rdo rje slob dpon gyi dbang thob pa'o/ /mi mchog gis zhes bya ba ni dam tshig dang ldan pa'o/
 ma he ni glang rgod de bsad pa la'o/ /me ni dngos grub sgrub pa la'o/ /so gnyis ni glang bo che ste zhi ba la'o/ /ba lang ni rgyas pa la'o/ /rta ni dbang du bya ba la'o/ /bong bu ni khur skyed de dgug pa la'o/ /snga mo ni bskrad pa la'o/ /de dag gis rus
 ba las byas pa'i bzlas pa'i phreng ba'i grangs ni nyi shu rtsa gcig dang brgyad dang lha'i grangs dang nye bar mthun ba dang brgya rtsa brgyad dang/ lnga bcu dang/ nyi shu rtsa lnga dang/ bzhi bcu rtsa brgyad de/ /de dag la dra bzhin gshegs pa'i 'khor lo rab
 tu gnas pa bya ste/ gsad pa'i gnas su rab tu bsnyen bkur ba sba bar bya'o/ /de dmigs pa rjes su dran par bya ba gsungs pa/ mkhas pas yang ni ma mgo ste/ /khrag gis sbags pa'i mgo bsgom bya/ zhes pa la/ mkhas pa ni shes
 rab dang ldan pa'i rnal 'byor pa ste ni/ mgo bo ni thod pa skam po'o/ /khrag gis sbags pa'i mgo bo ni rlon pa ste dbang po lnga dang ldan pa bsgom par bya'o/ /bzlas pa de nyid yang dag par sbyor ba'i cho gas gsungs pa/ zla ba gcig gi bcu bzhi la 
 bdud rtsi lnga dang ldan pa yi/ /sha lnga yi ni bskus byas nas/ /bzlas na dngos grub bsgrub pa'i mchog /ri lu dag ni so so la/ /rnal 'byor pa yi gshin rje bsgom/ zhes bya ba la/ zla ba gcig gis zhes bya ba
 ni lo gcig cha'i rnam grangs bcu gnyis pa'o/ /bcu bzhi pa ni dkar po'i ngo dang nag po'i bcu bzhi pa'o/ /bdud rtsi rnam pa lnga dang ldan pa'i sha ni bdud rtsi'o/ /de yis bskul bar bya ba'i rdzas ni bza' ba dang bca' ba dang/ myang ba dang/ bldog?
 pa dang/ /btung ba'i bye brag 'bras chan dang nya sha la sogs pa'o/ /bzlas na zhes bya ba ni gcig nas khri'i bar te mtshan me'i phyed kyi dus su'o/ /gong gi man ngag gis bzlas na dngos grub bsgrub pa'i mchog tu 'gyur ro/ /dngos grub bsgrub
 pa'i phreng ba'i dmigs pa khyad par du gsungs pa/ ril bu dag ni phreng ba'o/ /so so la ni 'bru re re la'o/ /rnal 'byor pa zhes bya ba ni ting nge 'dzin gyis nyams su myong ba ni yid dang mi 'bral ba'o/ /gshin rje gshed bsgom zhes pa ni mtshan
 dang dpe byad yongs su rdzogs pa'i sku'o/ /bzlas pa'i grangs kyi sbyor ba gsungs pa/ khri tsam gyis ni 'byung po rnams/ /mkha' 'gro ma ni stong phrag dang/ /bdud dang yi dags tshogs kyang 'chi/ /gshin rje rdo rje sbyor ba yis/ /rnal 'byor
 bdag nyid 'bum bzlas na/ /des ni las kun byed par 'gyur/ /bye ba bzlas na dngos grub ste/ /bya ba lnga bzlas smos ci dgos/ shes pa la/ khri ni stong phrag bcu'o/ /tsam gyis ni zhes bya ba ni lhag mi dgos pa'o/ /'byung po rnams dang
 mkha' 'gro ma zhes bya ba ni gnyis kyi don gyi drug ste 'ching ba 'am tshar gcod par nus so/ /stong phrag gcig gis bdud dang yi dwags kyi tshogs 'ching par nus te dpa' bo sems can gyi sems kyi bye brag gyis so/ /gshin rje gshed rdo
 rje ni de bzhin gshegs pa ste/ sbyor ba yis zhes bya ba ni rnal 'byor pa bdag nyid de nyid du'o/ /rnal 'byor ni dpa' bo'i rnal 'byor dang/ rjes kyi rnal 'byor dang/ shin tu rnal 'byor dang/ rnal 'byor chen po'i bdag nyid kyis so/ /'bum bzlas nas
 zhes bya ba ni khri phrag bcu'o/ /des ni las kun byed pa ni zhi ba dang rgyas pa dang dbang dang drag po dang/ dgug pa dang bskrad pa la sogs pa byed pa yin no/ /bye ba ni 'bum phrag bcu ste/ bzlas nas thun mong gi dngos grub bsgrub bo/ /bye ba lnga bzlas
 pas rang gi sems dag par gyur te dngos grub gzhan lta smos kyang rtsa dgos so/ /de yang bshad pa'i rgyud las/ he ru ka yi rnal 'byor gyis/ /chos 'byung byang chub sems kyi byug /sgron ma bcu bcas gtor ma sbyin/ /gsang sngags bzlas pa'i
 bsnyen byas nas/ /'byung po mthu yis bzung byas la/ /'bru re ba dang sde tshan gyis/ /yi ge cho ga'i sbyor ba brtsam/ zhes 'byung ba ltar shes par bya'o/ /de yang ci zhe na/ ting nge 'dzin gyi 'od zer lcags kyu lta bus bkug nas bsgrub pa'i lus la bcug
 cing snying gar nyi ma'i steng du yi ge hUM 'bar bar 'khros pa'i lcags sgrog gis bcings la/ bdag nyid kyi yi ge'i 'od zer rab tu rno ba dag gis spyi gtsug nas rkang pa'i bar du 'bigs shing e las chos kyi 'byung gnas rab tu dkar ba'i nang du re pha las
 me'i dkyil 'khor rab tu 'bar bar bsams te/ de'i 'od kyis rab tu g.yengs pa'i bsgrub bya la thal chen dang yungs dkar brdeg cing/ sad? big+h+nan+nA sha la b+hi d+ha sha ya karsha ya hUM phaT phaT phaT ces nyi shu rtsa gcig gam brgya rtsa brgyad du brjod pas grol bar
 'gyur ro/ /gcig pa'i bud med dang gcig pa'i skyes pa'i thod pa dur khrod kyi thal bas byugs la shing gi lo ma la bsgrub bya'i gzugs du'i ma dang mi'i tshil bu bsres pas bris te 'jigs byed kyi bslud bur bcug la ting nge 'dzin gyis dgug cing
 bstim pa'i sbyor ba bya ste/ gdug pa'i rdzas kyis gang ltar bstad la dud pas bdug pa yang bya'o/ /de nas sbrul ba'i khro ba'i 'od zer du ba ltar rab tu 'khrug cing gdud bdag gis gsad pa'i lam na yang zhugs pas
 sems mar me lta bur mog mog por byas shing skyob pa'i lha dang yang 'brel te/ mdag thal kyang gyur cing sgra sgrol bar bsam mo/ de nas dug dang tsha dang ske tshel sogs pa'i byug pas gzugs brnyan thong ba gnyis kyi bar du bcug nas nam
 phyed na dur khrod kyin kyil du mnan te dur khrod kyi g.yam pas kha bkab la/ khro ba dang bcas pa'i sgo nas gshin rje gshed chen po rnams che ge mo 'di bzung la bdag nyid kyi bsgrub pa rdzogs par gyis zhes bsgul ba'i tshig ni gdags par
 bya'o/ glo bur ba rnams la ni lag pa gnyis rab tu khro ba'i mtshon chas g.yas g.yon du mnye bar byas shing gong gi sngags bzlas so/ /las kyi sbyor ba ni mar po'i brgyad kyang rung ngo/ /bdag nyid ni dpa' bo rnams kyis khyab par bya'o/ /sngon
 du bsnyen pa song bdag gis 'grub par 'gyur ba ni bshad zin to/ /bsgrub pa'i gtor ya'i cho ga gsungs pa/ nyin re'am ni zla re lam/ /de bzhin lo ni re re la/ /gtor ma drug cu rtsa bzhir sbyin/ /dbyug gu drug cu rtsa bzhir shes/ /zhes pa la
 nya ni ro 'am zhes pa rtag tu'o/ /zla re'am zhes bya ba ni zla ba de'i bcu bzhi la'o/ /de bzhin lo ni re re zhes bya ba ni gcig gi dus chen po nyi ma gcig la'o/ /gtor ma ni gtor ma chen po'i/ /drug cu rtsa bzhi sbyin zhes bya ba ni gtor ma'i grangs
 te sbyin pa ni mgron nye bar mchod pa'o/ /dus nam zhe na/ dbyug gu zhes bya ba dang dus mnyam pa'i phyed ni thun bzhi'o/ /de ltar zhag gcig la thun brgyad do/ /thun gyi brgyad cha brgyad ni dbyug gu'o/ /de'i khyad par yang rlung gis gzung bar bya ste/
 dkar po ni tshes gcig la g.yon pa'i sna bug nas zla ba zhes bya'i rlung byung bas thun dang po'i phyed khyab par gnas so/ /de nas 'phos te thun bdun gyi ched kyi cha ni sngar bzhin no/ /'pho ba ni ji srid pa'i phyed phyed nub par 'gyur ro/ /nyin mo ji lta ba bzhin
 du mtshan mo yang de bzhin te/ de dag ni 'pho ba bcu drug go /de'i phyed ni chu tshod do/ chu tshod dngal dbang chen gyi skad cig gnyis gnyis so/ /skad cig re la dbyug gu zhes bya ste gang gi cho steng du rgyu ba ni ma yin no/ /logs gnyis su 'byung
 ba ni rlung yin na/ /thur la 'byung ba ni chu yin no/ /dbus nas 'byung ba ni dbang chen yin no/ /de yang bshad pa'i rgyud las/ de la gang tshe dbus gnas steng/ /gang tshe gang gi bla gnyis nas/ /gang tshe 'og char khyab pa ni/ /skad cig skad cig
 rlung 'byung ba/ /'pho ba bzhi ni shes byas la/ /dbyug gu bzhi la blta bar bya/ /ji ltar dbyig gu dbyug gu bzhin/ /rang sbyor bdag nyid gtor ma sbyin/ /de bzhin du mar de'i chos gcig la nyi ma zhes bya ba'i rlung sna bug g.yas pa nas 'byung ste/
 de ltar chos gnyis dang gsum gyi bar du'o/ /bzhi la nyi ma nas zla bar 'pho/ /de lnga pa dang drug pa'i bar du 'byung ngo/ /de nas yang nyi ma 'pho ste/ bdun dang brgyad dang dgu'i bar du 'byung ngo/ /de nas yang zla bar 'pho ste bcu pa dang/ bcu pa cig pa
 dang/ bcu gnyis kyi bar du 'byung ngo/ /de nas yang nyi mar 'pho ste bcu gsum pa dang/ bcu bzhi dang/ bco lnga'i bar du 'byung/ zla ba phyed gang las dang por 'byung ba der tha mar nub par 'gyur ro/ nyin mo ji lta ba bzhin du mtshan mo yang ngo/ /'di
 yang mtshan mo'i sbyor ba la brtsam par bya ste/ sa dang chu la dge ba'i las/ /me dang rlung la bsad pa'i las/ /zla ba yang dag nyid shes bya/ /nyi ma la ni 'breng po yin/ /mi dge gal te nyi mar bya/ /da ni nges par 'chi ba ste/ /de nyid zla bar 'byung ba
 ste/ shin tu sdug bsngal ster ba min/ /zhes bshad pa'i rgyud las so/ /da ni rnal 'byor pas thun mong gi dngos grub kyi bya ba gsungs pa/ rtag tu cung zad ci zad da/ /de bzhin cung zad 'thung ba dang/ gzhan
 yang bza' ba thams cad kyi/ /phud ni gshin rje gshed la dbul/ /zhes bya ba la rtag tu ni ji srid 'tsho'i bar du'o/ /cung zad ni tha ma ste chen po ci za ba la lta smos kyang ci dgos te/ de bzhin du cung zad ci 'thung ba ni dus kyi'o//
 gzhan yang bza' ba thams cad kyi zhes bya ba ni dus med cing rigs su ma chad pa'i longs spyod do/ /phud ni longs spyod kyis te phyi dang nang gi gshin rje gshed mnyes par bya ba'i phyir dbul ba'o/ /de las gzhan pa ni 'khor ba'i yo
 byad kyang bsdu bar bya ste/ rang gi ye shes khyad par du 'gro ba'i don gyis so/ /da ni mchog gi dngos grub bla ma mnyes pa las dngos grub chen po 'grub pa'i phyir bsgrub par bya ste/ de nas yang dag bshad bya'o/ /bla ma la ni yon
 dbul ba'o/ /las ni thams cad bsgrub pa dang/ /bdag nyid zhi bar bya ba'i phyir zhes pa la/ bla ma ni yon tan 'byung ba'i gzhi yin pas so/ /yon dbul ba ni thugs mnyes par byed pa'i rtsa ba'i/ /las ni 'khrul 'khor la sogs pa bsgrub
 pa dang/ bdag nyid nye bar zhi ba mi gnas pa'i mya ngan las 'da' ba thob par bya ba'i phyir 'bad pas nye bar sten pa ni dgos pa'o/ /bsnyen bkur gyi las ni bdag nyid kyang ni dbul ba dang zhes bya ba la sogs pa ni go sla'o/ /brtul zhugs
 can na bshad pa'i rgyud las/ 'di dang don nye bar gzhag ste/ ma 'ongs gzhan don sems dpa' ni/ /blo ldan gtod pa mthu yis brgyan/ /dpa' bo sems kyi brtul zhugs 'chad/ /zhes pa nyid do/ /de yis bla ma la yon dbul bar
 bya'o/ /de bzhin gshegs pa thams cad kyi sku gsung thugs gshin rje gshed nag po'i rgyud na bshad zin to/ /nye bar 'kho ba ni rnal 'byor pa'i longs spyod kyi bdag nyid du 'tsham pa'o/ /las kyi khyad par ni bsnyen pa dang gtor ma'o/ /thams
 cad pa zhes bya ba ni dam pa bsnyen bkur ba'o/ /rim par phye ba ni re re'i khyad par ro/ /bcu gnyis pa ni bcu gcig pas gzhag pa'o/ /nag po zhabs kyis bshad pa'i le'u bcu gnyis pa rgya cher gsal bar byas pa'o// //
 da ni sems can mi shes pa rmongs pa dag la phyag mtshan gyi rnam par dag pa gsungs pa/ de nas sems can thams cad kyi/ /sdig pa'i las rnams ji snyed pa/ /de dag gcod pas gri gug ste/ /zhe sdang gcod pas shugs can no/ /zhes
 bya ba la/ gzhan dag ni 'dir mi rigs te sems can bsod pa'i dang tshul can yin te/ de dag gis thar ba'i sa bon ma rungs par byed pa'o zhe na ma yin te/ sems can rnams kyi sdig pa ni nyon mongs pas kun nas bslar zhing bskyed pa'i phyir
 sgo gsum du bcu skyes pa ni las so/ /ji snyed pa zhes bya ba ni ma lus pa'i don te de dag gcod cing ma lus par byed pas na gri gug go /zhe sdang ni mtshon ba tsam du zad de lnga'o/ /de gcod cing gshog par zad par byed pas na shugs can zhes bya
 ba sta ral gri'o/ /da ni 'bad pa med par gzhan dang gzhan gyi shes rab kyi mthu bdag gis thos shing khong du chud par bya ba bsgrub pa'i phyir gsungs pa/ de nas yang dag bshad bya ba/ /ring po'i thos pa bsgrub pa'i phyir/ /zhes bya ba'i don ni dgos pa ste
 ring po ni nye bar mtshungs pa'i gnas ma yin par gzhan no/ /thos pa ni bdag gi yul du bya'o/ /bsgrub pa ni de'i lus la skyes par byed pa'i cho ga 'di nyid do/ /phyir ni de la 'di dgos pa'i don gyis na'o/ /de nas rdo rje mkha' 'gro ma'i bsgrub pa gsungs
 pa/ nam mkha' i khams kyi dbus rtogs par/ /nyi ma'i dkyil 'khor mchog bsam bya/ /gnas der rtsa lnga pa yang bsgom/ /zhes bya ba la/ rdo rje ni ye shes so/ /mkha' 'gro ma ni mkha' dang ldan pa'i bcom
 ldan 'das ma'o/ /'dir yang tshogs bsags pa sngon du 'gro ba'i tshangs pa'i gnas bzhis sbyangs pa stong pa nyid du'o/ /nam mkha' i khams kyi zhes bya ba ni zla ba rdo rje'i sbyor ba yis chos kyi 'byung gnas dkar po rnam thar gyi bdag nyid
 can no/ /dbus ni de'i dbus te/ gtogs par ni 'khor yug ste nye bar bsdus par zla bar 'khor lo'i sbyor bas gzhal yas khang ngo/ /de'i dkyil du re pha las nyi ma'i dkyil 'khor 'od zer rno ba dang bcas pa'i mchog bsam par
 bya'o/ /gnas der zhes bya ba ni dkyil du'o/ /des sa bon gyi yi ge las rdo rje rtse lnga pa ni nor bu'i mdangs la rab tu 'khrug pa'i 'od zer can rab tu bsgom par bya'o/ /de'i steng du zhes bya ba ni lte ba la ste gnas ni nyi ma'o/ /dgos pa ni mdog
 nag po las 'phros shing 'dus pa las shin tu 'jigs su rung ba'i sku zhal gsum pa g.yas dang g.yon ni dkar ba dang dmar ba/ phyag drug pa'i dang po'i phyag tu rdo rje rtse lnga pa rnam par bsgom par bya'o/ /gzhan ni zhes bya ba ni ral gri dang
 gri gug dang 'khor lo dang pad+ma dang thod pa'i mtshan ma ste phyag gzhan dag la zhes bya ste lnga yongs su gang bar dgod do/ /shar du zhes bya ba ni go sla'o/ /sbyor ba ni zla ba ste de'i dkyil du sangs rgyas mkha' 'gro ma'o/ /dkyil rim pa zhes bya ba ni
 mkha' 'gro ma lnga po dkyil 'khor gyi dbus su te/ 'dis ni dkyil 'khor rim pa gnyis su shes par bya'o/ /dkyil 'khor ni rtsa ba'i dkyil 'khor la sna tshogs rdo rje rgya gram med par byas pa ka ba brgyad kyi khyad par can no/ /de yang bshad
 pa'i rgyud las mkha' 'gro ma yi dkyil 'khor mchog /ka ba brgyad kyi mdzes byas pa/ /rdo rje rin chen pad+ma dang/ ral gri rang bzhin ka chen po/ /zhes 'byung ba bzhin no/ /me la sogs pa ni bden bral dang/ rlung lha dang dbang ldan gyi mtshams
 bzhi ru'o/ /lha mo ni lA sya ma dkar mo sgeg pa'i tshul dang/ phreng bas ser mo phreng ba 'dzin pa'i tshul dang/ glu dbyangs ma dmar mo bi wang 'dren pa'i tshul dang/ gar ma sngo bsangs gar byed pa'i tshul de bsgom par bya ba yang phyag
 gnyis pa zhal gcig pa g.yas bskum zhing g.yon brkyang pa/ rin po che'i 'phreng ba do shal 'dzin pa/ /cung zhig khros pa'i tshul can no/ /las kyi cho ga ni bsnyen pa dang bsgrub pa ste/ mthong ba ni mkhas shing nges par sbyangs pa des so/
 dar ni zhes bya ba dkyil 'khor gyi shar la sogs pa rnams su'o/ sgo skyong ni las byed cing bgegs bsrung bar byed pas so/ /de yang thos pa la sogs te sngar bzhin no/ /de dag la byin gyis brlabs pa dang dgug cing gzhug par
 byas la mchod pa dang bstod pa dang bdud rtsi myang ba yang bya'o/ /de nas spras pa dang sngon du 'gro bas bzlas pa bya ste/ oM badzra DA ki ni zhes bya ba ni bcom ldan 'das rdo rje mkha' 'gro ma'i sngags so/ oM karma DA ki ni zhes bya ba ni bcom
 ldan 'das las kyi mkha' 'gro ma'i sngags so/ /oM d+harma DA ki ni zhes bya ba ni bcom ldan 'das pad+ma'i mkha' 'gro ma'i sngags so/ /oM bud+d+ha DA ki ni zhes bya ba ni bcom ldan 'das sangs rgyas mkha' 'gro ma'i sngags so/ /oM ratna DA
 ki ni zhes bya ba ni bcom ldan 'das rin chen mkha' 'gro ma'i sngags so/ /laM maM naM gaM zhes bya ba ni mtshams kyi lA sye la sogs pa'i sngags so/ /oM mud ga rA dzA/ oM d+ha na Dha hUM/ oM pad+ma baM/ oM khaDga ho zhes pa ni tho ba
 la sogs pa bzhi'i sngags so/ /'di dag ni sngon du bsnyen pa'i cho ga ste/ bcu gnyis pa las rgya cher shes par bya'o/ /don bsgrub pa brtsam par bya'o/ /dgos pa ni sngar dang rjes su mthun pa nyid la gsungs pa/ de ni
 gsang sngags kyi dngos grub 'byung bar 'byung te zhes bya ba la/ gsang sngags ni snying po nye bar len pa'o/ /dngos grub ni shes rab kyi mthu thos pa'o/ /de dag gi sbyor ba thogs pa med par byed pa 'di dag ste/ oM A karSha tsa ra ta ki ni swAhA/ zhes
 khri dang ldan pa dag gis 'grub par 'gyur ro/ /de'i nye bar len pa sgrub pa'i las kyang gur gum dang/ dzA ti pa la dang/ byang chub kyi shing gi me tog rnams la mngon par sngags te/ mchod pa dang btung ba dang byung ba bya'o/ /byang chub sems
 dpa' phyag na rdo rje snang ba rab tu byin gyis brlabs te utpa la sngon po'i dbyibs su lta bar bya'o/ /de yis gang dang thos pa de dag thams cad kyang tshig gi bzung dang/ don gyi gzungs dang/ mi brjed pa'i bzungs dang ldan par 'gyur ro//
 da ni rdo rjes 'og gi dngos grub bsgrub pa'i phyir gsungs pa/ sa 'og rnam par bsgrub don du/ gnod mdzes rnam par bsgom par bya/ zhes bya ba la/ rdo rje ni nus pa yongs su gnas pa'o/ /sa 'og ni sa 'og gi gnyer ro/ /de mthong
 zhing thob par bya ba'i bsgrub par bya ba'i don du rab tu 'grub pa'i 'khor lo rdo rje gnod mdzes la sogs pa bsgom par bya'o/ /de yang sngon du sogs bsags pa dang stong pa nyid dang bsrung ba mtshams kyi 'khor lo'i rjes la de'i nang du bzhal yas
 khang nyi ma dang gnas pa sprul te/ de'i dkyil du trI(rgyud 'grel ral gri dang 'khor lo dang/ chu skyes dang gri gug dang thod ba dgod par bya'o/ /dkyil 'khor gyi ni zhes bya ba ni ka ba brgyad kyis nye bar mdzes ma snga ma bzhin no/ /dkyil du zhes bya ba ni dkyil ni nyi ma la'o/ /'di ni rab tu dgong bar bya zhes bya ba ni gnog
 mdzes so/ /phyogs bzhi sngags kyi sa bon gyi yi ge las/ shar du spyan ma dgod par bya/ /de bzhin lo ru DA ki ma/ /nub tu lha mo gos dkar mo/ /sgrol ma byang gi phyogs su dgod/ ces bya ba la/ shar ni shar gyi zla ba la'o/ /spyan min zhal
 gsum phyag drug pa mdog dkar ba dgod par bya ste/ zhal g.yas pa dang g.yon pa ni sngo ba dang dmar ba dang/ phyag mtshan ni ral gri dang rin po che dang pad+ma 'dzin pa'o/ /de bzhin lho ru DA ki ma zhal gsum phyag drug pa mdog sngo ba ste/ zhal g.yas pa
 dang g.yon pa dkar ba dang dmar ba/ phyag mtshan ni rdo rje dang ral gri dang rin po che dang pad+ma bsnams pa'o/ /nub tu lha mo gos dkar ma zhal gsum phyag drug pa dmar ba g.yas pa dang g.yon pa sngo ba dang dkar ba/ phyag mtshan ni pad+ma dang ral gri dang
 'khor lo dang nor bu bsnams pa'o/ /sgrol ma ni byang gi phyogs su dgod par bya ste/ zhal gsum phyag drug la mdog sngo bsangs zhal g.yas pa dang g.yon pa dmar ba dang dkar ba/ phyag mtshan ni ral gri dang 'khor lo dang nor bu dang pad+ma
 bsnams ba'o/ /rtsa ba'i phyag gri gug dang thod bas thugs la rab tu 'khyud pa'i tshul lo/ /de dag thams cad kyi zhabs kyang g.yas bskum zhing g.yon brkyang ba/ khro ba dang bcas pa'i khro bo'i rgyan gyis rab tu sbras pa spyan dgu rnam par bzlog cing
 blta ba/ mche ba bcu gnyis kyi phreng ba rab tu gcigs ba'o/ /me tog dang spos dang dri dang mar me ma bzhi ni me la sogs zhes bya ste bden bral dang rlung dang dbang ldan mtshams su dgod do/ /de yang sngar gyi sa bon las bskyed pa'i lha mo zhal bcing
 phyag gnyis pa mdog dkar ba dang dmar ba dang ljang gu'i mdog can no/ /me tog dkar po'i 'phreng ba dang spos kyi snod dang/ mar me dang/ dri'i dung phor lag na thogs pa gtso bo la mngon par phyogs ?
 tho ba la sogs bya ba ni dbyug pa dang pad+ma dang ral gri gshin rje gshed bzhi sgo bzhi ru dgod par bya ste/ zhal gsum phyag drug pa'i khro bo sprul gyi rgyan dang ska rags byas pa ya tsa ni ra bzhi las bskyed pa'i sku ni las kyi cho ga mthong nas
 dkyil 'khor gyi 'khor lo 'di ltar bsgom par bya'o/ /sngags 'og nas 'byung ba nyid kyis bsnyen pa 'bum byas nas rdo rje las 'og gi sbyor ba rnam pa de dag la dres par ldan pas bcom ldan 'das kyis rmi lam gyi mtshan mar sa 'og gi gter
 dang bsgrub pa'i lam mthong bar 'gyur ro/ /rmi lam dang rjes su mthun par rdo rjes 'og gi rnal 'byor pa der 'jug pa'i phyir ro/ /de ni mkha' spyod kyi dngos grub bsgrub pa gsungs pa/ de nas yang dag bshad bya ba/ /bdun pa'i rgyal po'i
 dkyil 'khor te/ /mkha' spyod nyid ni rab bsgrub phyir/ /rta yi mchog ni rab tu bsgrub/ /ces pa la bdun pa ni rta ste/ des 'dul ba'i gdul bya rnams kyi rgyud la rgyal po lta bur gnas pas na rgyal po'o/ /dkyil 'khor zhes bya ba ni
 rten gyi dkyil 'khor te sngon du 'gro ba dang bcas pa snga ma bzhin no/ /de la rten pa'i khyad par bsgom pa ni dgongs pa'i mkha' spyod ces bya ste/ khams gsum gyi nam mkha' la rgyu zhing ji ltar 'dod pa dag tu byed do/ /de nyid rab tu bsgrub
 pa'i phyir sa rta'i mchog rab tu bsgrub par bya ste/ de'i khyad par yang nyi ma'i steng du h+ri(rgyud 'grel ma'i steng du gnas pa rta'i gdong ba rdog ma ser pos rab tu mdzes pa/ g.yas pa na mon sran pre'u rtsa ba dang bcas pa khu tshur dang bcas pa/ phyag g.yon na thod pa thogs pa'o/ /sngags ni oM la sogs pa'i 'bru bdun pa dag las hUM phaT swAhA?/
 legs par rtags te man ngag mkhas pas bzlas na rta mchog gi rgyal por grags shing nyi ma ltar nam mkha' la dbang bar 'gyur ro/ /sngags 'di yis ni bya ba h+ri(rgyud 'grel gsol zhes bya ba ni bcom ldan 'das kyi thugs ka nas phyung ba ste 'khor rnams rang gi thugs ka nas sprul zhes bya bar rab tu grags so/ /de yang gong gi sngags kyis rab tu bskul ba'i rjes la smyug ma'i gling bu bug pa bdun pa nyid do/
 pi wang gi gzhu rgyud dang bcas pa'o rnga zlum ni khog pa gcig gi steng 'og yongs su dril ba'o/ /rnga zlum ni pa tra ha chen po ste rnga bo che'i dbyibs can la rkyed pa cung zad phra ba rda ma'i skud pas sbrel ba las kyi g.yon phyogs su 'phyang ste steng nas
 brdung ba de dag go/ mtshams shes bya ba de me la sogs pa bzhir yid gyis gzhag pa'o/ /ba lang sna dang glang po che'i sna zhes bya ba ni de nyid kyi gdong pa can no/ /de bzhin mdog bzang zhes bya ba ni rab tu zhi ba'i mdangs rab tu rgyas pa'i
 zhal la'o/ /mdog ni khros pa'i bzhin rab tu bsdus pa'o/ /g.yas kyi phyag rnams su gtun shing dang sta re dang lcags kyu dang zhags pa'o/ /gar la sogs pa ni g.yas bskum zhing g.yon brkyang ba'o/ /rnal 'byor gyi zhes bya ba ni rnal 'byor gyi blo'i
 yul gyis so/ /gnas ni sgo bzhi du'o/ /rtag tu bsgom pa zhes bya ba ni bsgrub bya yongs su ma thob pa'i bar de srid du'o/ /mon sran gre'u sngo ba sangs phyag g.yon par bsgom par bya'o/ /rang gi phyag mtshan gong du bshad pa de bzhin du g.yas
 su'o/ bsgrub pa de dag gi khyad par gyi 'bras bu ci zhe na/ ji ltar rta mchog sngags kyis ni/ /rdo rje sa 'og gi yang ste/ rta mchog rnal 'byor nyid kyis ni/ /khams gsum nam mkha' i khams su rgyu zhes byas
 la/ rta mchog gi sngags ni bskyed pa dang bzlas pa'i sngags so/ /bskyed pa ni sa 'og gi dkyil 'khor dang/ ring po'i thos pa bsgrub pa dag kyang h+ri'i sa bon las sprul pa dang/ yang na sa 'og dang mkha' spyod gnyis kyi yi ge bdun pa'i sngags
 kyis bsgrub pa'o/ /rta mchog ni bsgrub par bya ste rnal 'byor ni bsgrub par byed pa rtse gcig pa'i yid kyis so/ /khams gsum ni 'dod pa dang gzugs dang gzugs med pa'o/ /nam mkha' ni srid pa'i rtse mo mthar thug pa'i bar ro/ /khams
 gsum rgyu ba ni thogs pa med pa dbang du byas pa'o/ /de bzhin gshegs pa thams cad kyi sku gsung thugs gshin rje gshed nag po'i rgyud bshad zin to/ /bshad pa'i thun mong gi dngos grub ste/ nges par bstan pa ni las kyi cho ga ma
 lus par bstan pas slu ba med pa'i don to/ /bcu gsum pa ni bcu gnyis pas gzhag pa'o/ /nag po zhabs kyis bshad pa'i le'u bcu gsum pa rgya cher gsal bar byas pa'o// //da ni sngon du bsnyen pa rdzogs pa dag?
 gis sa'i cho ga dang sta gon du gnas pa yongs su rdzogs pa'i rjes la/ srar bus mngon par sngags pa'i sngags gsungs pa/ de la de'i srang bu brkyang ba'i dam tshig gi mchog ste/ oM a kA ro mu khaM sarba d+harma NAM adya nud+pan na dwAd ces bya ba
 la/ srang bu ni ye shes kyi srang bu ste nyi shu rtsa lnga'i bye brag lnga lngar bsgril bar lnga'o/ /de ltar dbye ba byas pa'i 'dog pa lnga bsang bar byas pa'i rjes la/ sa bon byin gyis brlab pa ste/ ye shes kyi sgra lnga spyan drangs nas gnyis su med par gyur pa rdo
 rje'i thig ste/ phun sum tshogs pa de dag byin gyis rlabs kyi nus pas sems can bsdu zhing rgyud smin par byas pa las mi 'da' bar bya ba'i phyir dam tshig gi mchog ste/ rdo rje las la bzhes bskul ba dang rang bar bya'o/ /sngags 'di ni lus byin
 gyis brlabs pa'i dkyil 'khor dang/ ma rig pa gsal ba'i dkyil 'khor dang/ byang chub kyi sems kyi dkyil 'khor gsum gyi spel ba yin par shes par bya'o/ /de yang a ni skye ba med pa ste/ a kA ro mu khaM ni de las skyes pa'i zhal dang
 mdog can no/ /sarba ni thams cad do/ /d+harmA ni chos so/ /NAM ni gnas te 'byung gnas su shes par bya'o/ /adyA ni 'phags pa ste/ nud pan ni rtogs pa'i gnas lugs so/ /na ni nang na rang ste nyams su myong ba'o/ /twAd ni de kho na nyid kyi
 byang chub kyi sems te de ltar sku'i de kho na nyid dang/ gsung gi de kho na nyid dang/ thugs kyi de kho na nyid kyi nus pa bcom ldan 'das kyis de kho na nyid kyis byin gyis brlabs pa'o/ /slob don dang slob ma'i rjes su mthun pa'i ting nge 'dzin
 yang/ dpal ldan gshin rje gshed bsgoms pas/ slob ma rnam snang mdzad du bsgom/ /ye shes thig mchog rtse mo'i rtse/ /shin tu mnyam par bzhag pas gdab/ ces bya ba la/ gshin rje gshed kyi slob dpon gyis bsgom
 ni ye shes kyi thig ste rtse zhes bya ba ni ye shes kyi 'khor los byin gyis brlabs nas so/ /shin tu mnyam par bzhag na zhes bya ba ni phyogs dang sa la mkhas pas 'debs pa'i dus su phyogs dang sa thams cad mnyam par bya'o/
 gdab pa ni thig gi bye brag gis nam mkha' dang sa la gab par bya'o/ /de la 'di ni dkyil 'khor du 'jug pa'i dam tshig go /oM A(rgyud 'grel yongs su rdzogs nas so/ /'di ni zhes bya ba ni 'og nas 'byung ba'i bya ba rnams so/ /dkyil 'khor chen po ni rtsa ba'i dkyil 'khor ro/ /'jug pa ni slob ma ste lus ngag yid gsum bag med pas 'da' bar mi bya bas na dam tshig go
 de nyid bag dang ldan pa'i brda'i don du oM ni lus tshad las mi 'da' ba dang lus byin gyis brlabs pa'i de nyid do/ /A ni ngag tshad las mi 'da' ba dang ngag gi dam tshig go /hUM ni yid tshad la mi 'da' zhing yid byin gyis brlabs pa'i de nyid
 do/ de ltar yi ge gsum pa dag slob ma dkyil du 'jug pa dang/ dkyil 'khor bri ba'i dus gnyis kar bzlas pa bya ste/ 'di dag gis byin gyis brlabs pa'i re khA dang thig la nang du 'jug pa dang/ phyir 'byung bas 'god pa'i nyes pa zad
 par byas so/ /da ni thig skud kyi khyad par gsungs pa/ dkyil 'khor nyis 'gyur ring bar bya/ /der ni sgo yi nyi shu tshang/ /ba yi rnam lngas mnyam byugs pa'i/ /skud pa sangs rgyas kyis rab brtags so/ /shes bya ba la/ thig skud dkyil
 'khor gyi nyis 'gyur du ring ba'i brda ni phyi dang gnang gi dkyil 'khor la nye bar dgongs pa yin no/ /spom phra sgo'i nyis 'gyur tshad du bya ba ni tshon rnam pa lnga la nye bar dgongs pa yin no/ /pa'i rnam pa lnga'i lci ba dang gcin dang 'o ma dang zho dang
 mar ste/ snyoms par byugs shing skyar nul byas pa'i sa gzhi la gdab par sangs rgyas bcom ldan 'das kyi thabs dang shes rab gsang ba'i rgyud thams cad du rab tu sngags so/ /da ni gsang ba dang shes rab ye shes kyi dbang gi phyir
 slob mas gsol ba gdab pa gsungs pa/ de la 'di ni rdo rje chen pos gsol ba gdab pa'i dam tshig go /e ma'o chos dang tshogs kyi gtso/ /dam tshig de nyid bdag la stsol/ /byang chub sems kyang bdag la
 gsol/ ces bya ba la/ de la zhes bya ba ni dkyil 'khor gyi 'khor lo dang cas pa'i slob dpon no/ /'di ni zhes bya ba ni 'og nas 'byung ba'i tshig go /rdo rje ni sangs rgyas ye shes te chen po ni chos thams cad de'i bdag nyid du byed pa'i byang chub kyi
 sems so/ /de'i rtsa ba ni rdo rje slob dpon yin pa'i phyir gsol ba gdab pa ste/ dad dang gus pas 'bras bu la dmigs pa dang rtse ba yongs su mi gtong ba 'di ni dam tshig go/ e ma'o zhes bya ba ni ngo mtshar ba'i 'byung ba ste/ gdol ba mo las 'khor lo sgyur ba'i rgyal
 po skyes pa bzhin no/ /sangs rgyas ni byin gyis brlabs pa'i rang bzhin nye bar rtogs pa dang/ smon lam chen po'i rgyun gyis 'byung ba ste rdo rje slob dpon de'i ngo bo nyid yin pas che ba'o/ /chos ni zhi ba mya ngan las 'das pa dang/ tshogs ni byang chub sems dpa' i
 dge 'dun te de'i rang bzhin yin pa'i phyir gtso bo zhes bya'o/ /dam tshig ni sangs rgyas dang chos dang dge 'dun gyi dam tshig ste/ shes rab ye shes dang gsang ba dang bum pa rnams sbyar bar bya'o/ /de yang skad cig ye shes bde ye shes/ /e baM la
 ni rab tu gnas/ /zhes ba dang sangs rgyas kun gyi sdom pa ni/ /e baM la ni rab tu zhugs/ zhes bya ba dang/ gang la de gshegs bzhug pa dang/ 'chags pa dang ni bzhengs pa dang/ /seng ge lta bur gzims brtags ba'i/ /gnas de la ni bdag
 phyag 'tshal/ /zhes bya bas shes rab ye shes ni sang rgyas kyi dam tshig go /rje btsun dang ni rje btsun ma/ /sbyar las btung bar byang chub sems/ /bsgrod dang bsgrod min spangs ba ni/ /'di nyi gnyis bral chos kyi mchog /ces bya bas gsang
 ba ni chos kyi dam tshig go /bsgrub pa bos rig pa'i dbang bskur blangs nas/ slob dpon dbang gis gzhan min byed/ /nus pa bum pa'i dbang thob pa/ /skyes bu 'di ni tshogs kyi mchog /ces bya bas bum
 ba'i dbang ni dge 'dun gyi dam tshig go /de nyid ces bya ba ni grol bar bya ba'i go rims te bskyed pa'i rim pa dang/ bdag byin gyis brlab pa dang/ rdzogs pa'i rnal 'byor ro/ /de lta bu'i smin pa dang grol ba bdag la stsol ces bya'o/ /byang chub
 kyi sems zhes bya ba ni bzhi pa ste/ kyang ni nye bar bsdu ba snga ma las phyogs pa'o/ /de lta bu'i bzhi pa dam tshig dang bcas pas bdag la stsol ces bya'o/ /de las bsrung ba yan chad byas pa'i rjes las bzung ba gsungs pa/ de la 'di ni sa
 chen po/ /yongs su bzung ba'i cho ga rdo rje sa'i lha mo bkug la/ lha mo khyod ni dbang du gyur/ /skyob pa sangs rgyas thams cad kyi/ /spyod pa yi ni khyad par dang/ /sa dang pha rol phyin pa la'o/ /zhes bya ba la/ sa chen po ni byin gyis brlabs
 pa'i sa'o/ /yongs su bzung bas ni sa'i bdag pos yongs su bzung ba'o/ /cho ga ni dkyil 'khor gyi nub phyogs su dkyil 'khor dang nye bar gnas pa'i mchod pa'o/ /rdo rje sa ma ni sa'i lha mo ste rab tu mdzes shing rgyas pa gser gyi mdog can no/
 bkug la zhes bya ba ni lus kyi phyed phyung du gnas pas brtol nas gnas zhes bya ba'i don to/ /de lta bu'i sa'i lha mo khyod ni thar pa'i grong mchog 'dir skyes bu dam pa 'jug pa'i dbang du 'gyur ba'o/ /de dag kyang gang zhe na/ skyob pa ste sems can
 thams cad kyi yid sangs rgyas thams cad ni mar me mdzad la sogs pa'o/ /spyod pa'i khyad par ni mdzad pa bcu gnyis so/ /sa ni bcu gcig go /pha rol tu phyin pa ni bcu lta bu ste/ de lta bus dka' ba mdzad pa'i dbang po yin pa bzhin du bdag rdo rje
 slob dpon ming 'di zhes bya bas slob ma 'di'i phyed du dkyil 'khor chen po 'di bri zhing 'di nyid du dbang bskur ba'i dpang gyis shig pa'o/ /de nas dkyil 'khor gyi mtshan nyid gsungs pa/ sgo ni/ dkyil 'khor thams cad brgyad cha ste/ /khyams
 chen dag ni bor ba las/ /bdag nyid chen pos shes par bya/ /yid du 'ong zhing legs spras pas/ /sgo yi khyud tsam shes par bya/ /lha'i snam bu 'ang de tsam mo/ /rdo rje lha mo ldan pa yis/ /glu dang rol mo gar yang dgod/ /mchod rnams sgo yi
 phyed yin te/ /'gram dang 'khyud kyang de tsam mo/ /do shal sen mo do dang ni/ /nyi ma zla ba me tog phreng/ /de la gos dang 'phan dag go /rtsa ba'i lha yi thig rgyab tu/ /tshon rtsi snam bu de yi phyed/ /ces bya ba la/ sgo ni zhes bya ba la sgo bzhi'o/ /dkyil
 'khor zhes bya ba ni khor yug thams cad nye bar bsdu ba'o/ /mnyam pa'i cha chen po bcu drug go /tshangs pa'i thig nas nye bar bzung ste phyed la ni cha brgyad do/ /de'i cha gcig ni sgo ste nub nas shar gyi sgor yang cha brgyad nges par bzung ngo/ /de ltar
 brgyad cha dang cha brgyad pa las nges par rnyed pa'i sgo ni mnyam pa ste/ shar dang lho'i bye brag gis cha bzhi bzhi brgyad du yang shes par bya'o/ /khyams ni gang gi khyams dang gtso bo'i dkyil 'khor gyi phyi'i khyams so/ /de yang gshin rje gshed
 kyi bdag nyid kyi rnal 'byor pas 'di ltar shes par bya ste/ gtso bo'i dkyil 'khor ni nang dang phyi thams cad yid du 'ong zhing legs par spras pa'i mtshan nyid can yin la/ phyi rol gyi khyams ni gzhal yas khang gi grib ma ma byung zhing rten khyad
 par can dag mi ldan pas khyad par du rgyan gyis spras shing mi mdzes pa dang bral ba yin no/ /nang gi khyams ni brten pa'i lha dang mi ldan pas bor zhes bya'o/ /sgo khyud ni sgo'i tshang dang mnyam pas sgo tsam shes par bya zhes bya'o/ /lha'i snam bu ni sgo skyong
 gnas pa'i 'khor yug ste/ sgo'i tshad tsam yang de tsam mo/ /gzhan dag ni khyams chen por zhes bya ba ni nang du stong par bor ba ste de'i tshang sgo dang mnyam zhes zer ro/ /rdo rje lha mo'i gzugs
 rdo rje ma la sogs pa ste/ ldan pa'i sa zhes bya ba ni glu dang rol mo ste/ me long dang pi wang dang/ spog phor dang/ lhung bzed zhos bkang ba dang/ lha'i na bza' pany+tsa li ka rnams te gar dang ldan pa rnams kyis thogs pa dgod do/ /de 'og na
 kyang ci zhe na/ mchod rnam zhes bya ba ni kha khyer ro/ /'gram ni ya phubs kyi g.yas dang g.yon no/ /khyud kyang zhes bya ba ni sgo khyud kyi phyi rol gyi khyud ste mchod snam kyi khungs so/ /de tsam mo zhes bya ba ni cha chung gnyis so/ /do shal ni phreng
 ba'i phyi rim pa/ se mo ngo ni nang gi rim pa'o/ /nyi ma dang zla ba ni mchog gi gzhi'o/ /me tog gi phreng ba ni de 'phyang ba'i rtsa ba'o/ /de la ni rta babs te gos kyi rta babs kyi g.yas g.yon du ba dan du 'bar ro/ /'phan ni rta babs la brgyan pa
 gnyis gnyis so/ /rtsa ba'i sa ni cha gsum gyi tha ma rdo rje ra ba phyi ma'o/ /de'i thog gi rgyab tu tshon rtsi'i snam bu ni pan tsar gi gzhi ste/ de'i phyed ces bya ba ni kha khyer phyed do/ /de nas dkyil 'khor bsgrub pa gsungs pa/ de la snying po chen
 po 'dis/ /bdag nyid 'khor lo rnam par gcod/ /der ni rang gi phyag rgya 'ang bsten/ /dam tshig yi ge gzhug pa ste/ /de ltar dkyil 'khor bsgrub par bya/ /zhes bya ba la/ de la zhes bya ba ni phyi rol gyi rten gyi dkyil 'khor ro/ /
 snying bo ni sngags kyis ti chen po ni lha so so'i rtsa ba'i sngags so/ /'di zhes bya ba ni de'i mthus so/ /bdag nyid ni dkyil 'khor gyi bdag po ste/ 'khor lo ni gti mug la sogs pa'o/ /rnam par dgod ces bya ba ni nang nas 'byung zhing phyi
 rol du dgod do/ /nang gi de dag ji ltar rdzogs she na/ der ni zhes bya ba ste/ rnal 'byor gnyis mngon du song nas so/ /rang gi phyag rgya ni rang snang ba'i yul rdo rje phag mo'i chu skyes so/ /rten zhes bya ba ni khang bu brtsegs ma'i gnas su dkyil
 'khor gyi 'khor lo rnam par sprul lo/ /de skyed pa'i rgyu yang ci zhe na/ dam tshig yi ge zhes bya ba ste/ ye shes sems dpa' i thugs ka'i sa bon ni de yi ge ya'o/ /bzhugs te zhes bya ba ni 'phros shing bsdus nas zhu bar gyur pa'o/ /de dag kyang
 gang la byung zhe na/ yab yum gyi brdas dbyibs kyi e baM byin gyis brlabs pas 'byung ba ste/ des mtshon pa'i don gyi e baM lhan cig skyes pa'i ye shes de nyid la skyes pa ste/ de nyid las skyes pa gnas pa ni byang chub kyi sems dkyil
 'khor ro/ /de ltar shes bya ba ni rnal 'byor rnam pa bzhis dkyil 'khor bsgrub pa'o/ /de bzhin du dpal gsang ba 'dus pa las kyang/ dkyil 'khor rnam pa gsum du brtag ces gsungs pa ni/ b+ha ga rig pa'i dkyil 'khor dang/ byang chub
 sems dpa' i dkyil 'khor dang/ lus kyi dkyil 'khor gsum du shes par bya'o/ /dkyil 'khor gyi mdog gsungs pa/ shar du dkar po zhes bya ba la sogs pas ni zhi ba dang rgyas pa dang dbang dang drag po dang rang bzhin mi 'gyur ba mtshon
 pa nyid do/ /de nas mtshams gdab par bya ste/ de la phyag rgya dgod par bya/ /las kyi cho ga mthong nas ni/ /rtag tu phyag rgya mnyam bzhag pa/ /phyag rgya de nyid rtag tu bri/ /zhes bya ba la/ /de la ni dag par bri ba'i dkyil 'khor ro/ /phyag
 rgya ni lha'i mtshan ma'o/ /dgod pa ni ji lta bar 'os pa'o/ /las kyi cho ga ni bsnyen pa dang bsgrub pa'i cho ga mthong nas so/ /rtag tu phyag rgya chen po'i rnal 'byor nam mkha' dang mnyam pa'i 'khor lo bsgom bdag gis phyag rgya de nyid mtshan ma byin
 gyis brlab pa ste/ rtag tu bri zhes bya ba ni dkyil 'khor bri ba de srid du'o/ /de'i bye brag gsungs pa/ de'i dkyil du rdo rje bri zhes bya ba ni sor bcu pa'o/ /shar du 'khor lo ni chos kyi 'khor lo'o/?
 de lta bu la sogs pa ni rin po che cha dgu pa dang/ pad+ma 'dab ma brgyad pa dang/ ral gri 'bar ba rnams sor drug pa'i tshad de shar la sogs pa'i rdo rje'i rtsibs rnams la'o/ /gzhan yang 'khor lo dang rdo rje dang pad+ma dang ral gri rnams ni me
 la sogs pa'i mtshams bzhir ro/ /thob dang dbyug pa dang pad+ma dang ral gri rnams ni shar la sogs pa'i sgo bzhi ru'o/ /skye mched dang ldan pa'i thod pa byang chub sems kyis gang ba bzhi ni dkyil 'khor gyi phyi'i mtshams bzhi ru'o/
 phyag mtshan kun tu zhal dang mtshungs shes bya ba ni rtsa ba'i zhal dang phyag mtshan gyi mdog mtshungs pa'o/ /de nas dgang gzar dang blugs gzar gyi tshad gsungs pa/ de la 'dir ni dgang gzar ni/ de yi yu ba'i tshad du bya/ /khru gang
 dang ni ldan par bya/ /de yi rtse mo'i dkyil 'khor ni/ /sor bzhi pa la zlum por bya/ /gting du sor gnyis zab pa la/ /de la sor phyed mtshur bcas pa'o/ zhes bya ba la/ 'dir ni zhes bya ba ni 'di ru'o/ /dgang gzar ni de bzhin gshegs
 pa thams cad mnyes bar byed pa'i zas kyi mchog byin gyis brlab pa bdun nam nyi shu rtsa gcig gis dgang bar bya ba yin pas so/ /gzar zhes bya ba ni thab la phyogs pa yin pas yongs su yu ba'i tshad du bya ba ni khru gang ste sor nyi
 shu rtsa bzhi'o/ /de'i rtse mo zhes bya ba ni de las lhag pa'o/ /dkyil 'khor ni zlum po'i gzhi gru bzhi pa dang bcas pa'o/ /sor bzhi pa las zlum por bya ba ni nang gi tshad do/ /gting du sor gnyis zabs dang ldan pa la rdo rje hUM gis
 mtshan pa'i bri'o/ /de la sor phyed kyi bu ga dang bcas pa ni sor bzhi pa rdo rje rtse gsum pa'i dbyibs can no/ /de lta bu'i dgang gzar gyi tshad do/ /gzhan yang blugs gzar pad+ma'i 'dab 'dra ba/ /kha ni mthe bo ltos gang la/ /de la sor ni gcig zag
 pa/ rgyud 'di ru ni rab tu bsngags/ zhes bya ba la/ blugs gzar ni blugs par byed pa'o/ /pad+ma'i 'dab 'dra ba ni dbyibs so/ /mthe bong ni lto gang ni sor gnyis kyi tshad do/ /de la sor gcig tsam zab pa la rdo rje hUM gis mtshan pa bris ni blugs gzar
 ro/ rgyud 'di snying po'i rgyud 'di nyid rab tu sngags so/ /de nas rgyud kyi phye ba bstan par bya ste/ dkyil 'khor du ni ma zhugs dang/ /mtshams med lnga ni byas pa dang/ /sems can srog ni gcod pa dang/ /nya dang sha ni mngon za dang/ /chad la
 mngon par dad pa dang/ /chad lta'i brtul zhugs 'dzin pa dang/ /mngon par dbang ni ma bskur dang/ /kun tu 'khyam zhing ldom pa dang/ /grong gi gla mi byed pas kyang/ /gshin rje gshed rgyud mngon gzhol na/ /nag po'i tshig ni ji lta bar
 'grub par 'di la the tshom med/ ces bya ba la/ gal te dkyil 'khor du ma zhugs pa ni rgyud smin par ma byas pa ste 'dir zhugs kyang grol bar mi 'gyur ro/ /gal te grol na de bzhin gshegs pa thams cad bslus pa'o zhe na ma yin te/
 rgyud 'di nyid kyis smin par ma byas kyang man ngag 'di nyid kyis rab tu grol bar 'gyur ba dang rgyud ma lus pa gzhan thams cad kyi dbang bskur ba 'di dag 'dir ma bskur kyang de la dgongs pa'o/ /mtshams med lnga ni pha dang ma dang dge slong
 dgra bcom pa bsod pa dang/ de bzhin gshegs pa la ngan sems kyi khrag phyung ba dang/ dge slong ma sun phyung ba'i las byas pas kyang 'grub par 'gyur te rab tu zab pa'i don gyis so/ /sems can gyi srog gcod pa ni rtsa ba'i ltung ba ste
 de dag gis mi sgrib pa ci zhe na/ zhe sdang la sogs pa nyon mongs pa lam du byed pa'i phyir ro/ /nya sha mngon par za ba dang chang la mngon par dang pa ni 'dod pa la 'dun pa'i bdud kyis kun sa?
 bslus pa'o zhe na/ ma yin te 'dod chags lam du byed pa'i phyir grol bar 'gyur ro/ /chad par lta ba'i brtul zhugs 'dzin pa ni rang gi grub pa'i mdza' bor te 'di nyid la gzhol lo/ kun tu 'khyam zhing ldom pa la//
 grong gi gla mi byed pa rnams spros pa dang ni bral bya bas g.yeng ba ste spyod pa'i dus su shin tu 'tsham mo/ /mngon par dbang ni mi bskur dang zhes bya ba ni gong du bsdu'o/ /gshin rje gshed ni tshig gi rgyud pa/ don gyi rgyud do//
 mngon gzhol na zhes bya ba ni tshig gi rgyud la zhugs pas gzhol zhing don gyi rgyud goms par bya ba'i phyir lam nyid du gzhol na nag po'i tshig ji lta bar zhes gsungs pa kho na bzhin du phyag rgya chen po'i dngos grub 'grub par the
 tshom med de/ /de yang gong gi bya ba ma lus pa btang ba las 'byung ngo/ /de nas ngo mtshar ba'i tshad du brjod pa gsungs pa/ de nas byams pa la sogs kyis/ /rdo rje nges pa 'di thos nas/ /rdo rje byang chub sems dpa' kun//
 mi smra bar ni stor nas gyur/ /de nas shes bya ba ni rgyud kyi khyad par brjod ma thag tu'o/ /byams pa ni byang chub sems dpa' byams pa ste/ la sogs pa ni sa'i snying po dang/ phyag na rdo rje dang/ nam mkha' i snying po dang/ 'jig rten
 dbang phyug dang/ sgrib pa thams cad rnam par sel ba dang/ kun tu bzang po dang/ dpa' bar 'gro ba dang/ rdo rje nges pa ni dbyer mi phyed ba'i bde ba chen po'i ye shes rnam pa lnga'i bdag nyid gnas lugs kyi nges pa nyid ni
 thos nas rdo rje'i byang chub sems la kun cang mi smra bar sdod par gyur pa ni brda ste/ phyi nang gi rtog pa ma lus pa thams cad de kho na nyid du thim par gyur nas ngag gi spyod yul las 'das pa'i de bzhin nyid mngon sum du byas pa'i don
 to/ da ni dkyil 'khor du slob ma yid ches pa dang ngo mtshar du zhugs pa'i phyir rdo rje'i dbab pa gsungs pa/ 'byung ba bzhi'i sa bon chen po yis/ /'khor lo bzhi ni rab bsgrub bya/ /gnas gzhis rab tu sbyor ba bsam zhes bya ba ni mdor
 bstan pa ste/ 'byung ba bzhi ni rlung dang me dang sa dang chu'o/ /sa bon chen po ni yaM raM laM baM ngo/ /dkyil 'khor bzhi ni rlung gi dkyil 'khor zla gam ba dan bye bas mtshan pa/ me'i dkyil 'khor gru gsum ba yi ge re phas mtshan pa dang/
 sa'i dkyil 'khor gru gzhi ba rdo rje rtse gsum gyis mtshan pa dang/ chu'i dkyil 'khor zlum po bum pas mtshan pa bzhi ni slob ma'i lus la rab tu bsgrub par bya'o gnas bzhir zhes bya ba ni gsang ba dang lte ba dang/ snying ga dang mgo bo'o/
 sbyor ba bsam zhes bya ba ni sa bon las byung ba'i mtshan ma mtshon pa nam mkha' la g.yo bar byed ces pa ni rlung gis so/ /rgyas par bshad pa ni go sla'o/ /ched du dbab pa'i sbyor ba ni/ /rgya mtsho du ma chus bkang ba'i/ /gangs kyi ri bo ltar
 bsil ba/ /gnas bzhi ru ni sbyor bas na/ /zhes bya ba la/ rlung gi steng na dzaM drag cing bzod par dka' ba'i 'od kyis rgya mtsho du ma chus bkang ba lta bu rab tu che zhing yangs pa gangs kyi ri bo ltar bsil ba la reg pas byang chub sems kyi
 rgyun gnas bzhi ru rab tu gang ba'i sbyor bas phab par bsams la/ rab tu sngags pa'i spos sbyin zhing sin d+hu ras bris pa'i sngags dang ldan pa'i sgra dkrol bar bya'o/ /de nas lus ngag yid gsum phebs pa'i rtags byung ba dang dri ba'i cho ga
 gsungs pa/ /bar ni snang ba mdza' yas te/ /slob ma rdo rje bsgom par bya/ /myur ba ru ni 'bebs par byed/ /ces bya ba la/ slob ma 'dod chags gshin rje gshed du dmigs te/ de'i khar a la
 snang ba mdza' yas te de yongs su gyur pa las slob ma de'i mgrin pa rdo rjes rab tu brgyan pa'i pad+ma 'dab ma bcu drug pa bsgom par bya'o/ /de nas sngags brjod pa tsam gyis myur ba ni de ma thag tu ste 'bebs par byed do/ /de nas slob
 dpon gyis 'dod chags rdo rjer byin gyis brlabs pa'i rdo rje slob ma'i lce la gzhag la/ rdo rje chos ni zhes bya ba la sogs pa'i dam tshig brjod do/ /de nas bar chad du mi 'gyur ba'i bya ba gsungs pa/ khru gang nas zhes bya ba la sogs
 ba ste/ gal te ring du 'gro na laM las byung ba'i dbang chen gyi dkyil 'khor gyi steng du hUM las byung ba'i sna tshogs rdo rje dang hUM las skyes pa'i ri rab kyis mnan par bya'o/ /de nas gnod sbyin pho mo'i sgrub thabs gsungs pa/ 'jigs
 gzugs ri mo'i mtshan nyid ni/ /de nas yang dag bshad par bya/ /sa ni 'jam po blangs byas la/ /brtul zhugs can gyis bzlas pa bya/ zhes bya ba la/ 'jigs pa'i gzugs kyi lder so dang/ bris pa'i gzugs kyi ri mo dang
 dkyil 'khor du bya ba'i mtshan nyid ni chu klung gis sa 'jam pos blangs la/ rnal 'byor pa gshin rje gshed kyi brtul zhugs can gyis 'og nas 'byung ba'i rjes dang bsres la lder so brtsigs pa dang ri mo'i ras gdul ba 'am dkyil
 'khor bca' ba bya'o/ /de nas yang sran gre'u dang ba'i 'o ma dang sran ma sha dang bu ram dang tin ti nim pa'i rnam pa lnga dang la sogs pa'i bye ma'i sa dang til gyi snum dang/ shing nim pa'i lo ma dang/ na te ste lcags kyi phye ma dang/
 dze ge sa te dur khrod kyi phye ma la bya'o/ /sa mtshon gyi sbyor ba gsungs pa/ dang po dkar por bri bar bya/ zhes bya ba ni gzhi'i tshon no/ /kha dog gzhan gyi de nas sgo zhes bya ba ni go sla'o/ /de la 'dzin byed du bil ba'i snying po gzhug par bya'o
 gzugs kyi mtshan nyid gsungs pa/ gzugs ni khro dang zhi ba mi/ /mtshan nyid dag ni bshad par bya/ /rol pa zhi bar gsungs pa ste/ khro bo sbom la thung bar bshad/ /ces bya ba la/ rol pa ni ring zhing lcug pa'i gzugs so/
 gzhan ni gsungs bar zad do/ /da ni lder so brtsig pa dang sku bri ba'i tshad gsungs pa/ sna ni rang gi sor bzhi'o/ /dbral ba dang kosko mchu dang bcas pa yang de bzhin no/ /'gram pa la yang sor bzhi ste/ /sna mchan g.yas g.yon
 du sor gnyis gnyis so/ /mtshan ma la sor bzhi'o/ /lag pa'i gru mo dang gung mo'i bar du sor nyi shu rtsa bzhi'o/ /dpung pa nas gru mo'i bar du sor nyi shu'o/ /lag mthil rkang mthil ni gdong pa'i tshad do/ /mig mthe bong gang tsam
 ste sor gsum pa'o/ /mig gi 'bras bu la sum cha ste/ khugs la nges pa med do/ /rna ba'i bug pa'i khyim la sor gnyis so/ /rna mchog dang snyan shal la nges pa med do/ /'bras bu ni nu ma ste sor bzhi bzhi'o/ /mchu
 gnyis sdom pa sor gnyis so/ /lte ba'i ting du sor gcig zab pas so/ /gdong pa'i sum 'gyur lus la dgod/ /brla la gdong ngo'o/ /dar gdong la de dang mtshungs so/ /chu so dang pus mo dang long mo nas mtshams su sor bzhi'o/
 mi thung la ni chu so gsum gyis pus mo yan chad khyab par gnas so/ /rol pa la ni lus gdong ngo'i tshad do/ /ral pa dang cod pan la ni sor drug ste gdong gang gi tshad do/ /de nas gnod sbyin po bsgrub par 'dod pas ral ba
 gcig ma'i bsgrub pa gsungs pa/ ral pa gcig ma rab bsgrub thabs/ /de nas yang dag bshad bya ba/ /gnod sbyin mo ni sgrub 'dod pas/ /ral pa gcig ma rab bsgrub bya/ /zhes bya ba'i
 bran dang jo mo'i tshul dang phan btags pa la lan ldon pa'i tshul lta bu yod pas/ de yang tshogs bsags pa dang/ stong pa dang bsrung ba'i 'khor lo dang gzhal yas khang snga ma kho na bzhin du bskyed pa'i dkyil du hUM las skyes
 pa'i gri gug yongs su gyur ba las ral pa gcig ma phyag gnyis pa la zhal gcig ste/ phyag gnyis na gri gug rdo rje'i yu ba can dang g.yon na thod pa bsnams pa/ shin tu sbom la mdog sngo ba dkyil 'khor gyi dbus su bsgom
 par bya'o/ /de nas sa bon gyi yi ge las lha bcu gnyis po go rims kyi tshul gyis phyung la dgod par bya'o/ /de'i mdog dang phyag mtshan gsal bar gsungs pa/ 'khor lo snga ma mthong ba bzhin/ /de bzhin mdog ni rab sbyar bya/ /phyag mtshan
 bdag po ltar 'dzin pa/ /zhes bya bas gsal lo/ /dkyil 'khor de dag thams cad la yang byin gyis brlab cing dbang bskur la bkug cing bstims te mchod pa la sogs pas mnyes par byed pa ni snga ma kho na bzhin no/ /de nas
 bsnyen po bya ste rnal 'byor pa blo gros dang ldan pa la mkhas pas bya'o/ /phyi nang gi lha skyed pa'i bye brag go /sngags bzlas te zhes bya ba ni oM la sogs pa 'di nyid do/ /de nas 'bum du bzlas te/ ral gcig ma'i rnal 'byor dang ldan
 pas bu mo gzhon nu rdo rje'i mdas ma phog pa lo bcu gnyis kyi tshad tsam pa so shing btus nas brdung du bcug pa'i bal rams kyis tshos su btsos te/ mkhal shing mthag tu bcug pa'i snam bu la sngar gyi rdzas gyis byugs te/ ri mo
 mkhan rigs dan gyi bu 'am bu mo dang lhan cig tu gnas pa dag gis rtswa du rba la bri bar bya ste/ gnod sbyin mo'i gzugs rgyan rnams kyis brgyan pa lo bcu drug lon pa'i tshad tsam sgeg pa'i mdangs kyis rab tu brgyan pa a ru ra'i shing la/
 lag pa g.yon pa brten pa/ lag pa g.yas pa pad+ma'i mdangs rab tu rgyas pas mchog sbyin pad+ma dang zla ba'i gdan dang ldan pa mdangs rab tu 'phro ba bris la/ bdag gi sa bon gyi 'od kyis byang gi phyogs dur khrod kyi gnas nas bkug pa'i gnod
 sbyin mo bstim par bya'o/ /de nas de'i mdun du mchod pa'i yo byad sna tshogs pas mchod la/ gong gi sngags la yak+Sha ni aM gu sha dza dzA zhes rang rnal 'byor dang ldan pas nyi ma nub nas skya rengs ma shar gyi bar du bzlas na mtshan mo bdun gyis 'ong
 bar 'gyur ro/ /byug pa dang me tog la sogs pas mchod de/ sgron ma dang legs par sbyar ba'i chad la bdud rtsi myang ba'i tshogs byin gyis brlabs te/ e ma dam tshig chen po'i chu 'di dag 'thung la ji ltar 'os pa'i dngos grub khyod kyis bdag
 la blang zhing/ de yang ma dang sring mo dang chung ma'i tshul gyis byung na 'dod pa'i gtam nges par gleng ba dang shin tu khros pas las bcol dang/ rtsed mo byas pa la las bcol ba'i bye brag shes par bya'o/ /shin tu 'jigs pa ston na yid
 'jigs par mi bya'o/ /dag smra bar mi bya'o/ /'dod pa'i rtsed mo byas na gang 'dod pa'i dngos grub ster ro/ /da ni gdug pa can cher gcod pa'i phyir sbom mos bsgrub thabs gsungs pa/ puk+ka si ni rab sgrub thabs/ /de nas yang dag bshad
 par bya/ /zhes pa la/ pu ni pu'i sa bon las skyed ba'o/ /ka si ni spos par byed pa ma ste 'jig rten gsum la gnod nus pa'i puk+ka si'o/ /de yang sngon du tshogs bsags pa dang/ stong pa dang bsrung ba'i 'khor lo'i nang du pad+ma'i lte ba la nyi ma'i
 dkyil 'khor gyi steng du pu yongs su gyur pa las zhags pa/ de las skyes pa'i puk+ka si sku mdog ser mo zhal bzhi pa phyag bzhi dang ldan pa por bu la chibs pa/ zhal g.yas pa dang g.yon pa
 dkar ba dang dmar ba nam mkha' o zhal sngo ba/ phyag g.yas kyi dang po dang g.yon gyi dang po zhags pa dang tho ba bsnams pa/ 'og ma gnyis na mda' dang gzhu bsnams pa bsgoms so/ /snying ga'i bu'i sa bon las 'phros pas lto phyogs
 kyi dur khrod nas bkug cing bstims te/ oM puk+ka si o zhes 'bum du brjod do/ /de'i las ni 'di yin te yi ge g+hAM las lce pad+ma lcags kyus mtshan par bsams la/ de'i lte ba la gnas pa'i dza dmar po'i 'od kyis bsgrub
 bya'i gzugs sbyin sreg gi thal bas bris pa la bkug cing bstim ste/ de la yang 'od zer sna tshogs 'phros pas snying phug ste nad khong stong du byas pa'i nang du yi ge baM dkar po las sems kyi 'od dmar po lta bu 'pho ba bsams te
 yang lce'i 'od kyis drangs pa kha nas lto bar bzhug bar bya'o/ /des ni bsgrub bya thams cad 'tshe bar byed do/ /da ni mi smad ba'i don du 'jam pa'i rdo rje'i sgrub thabs gsungs pa/ 'jam pa'i rdo rje'i dkyil 'khor 'di/ /de nas
 yang dag bshad par bya/ /de'i mod las mi snang bar/ /'jam pa'i rdo rje grags 'gyur pa/ zhes bya ba 'jam pa'i rdo rje ni gtso bo ste dkyil 'khor ro/ /'khor lo ni mdzes ba la sogs pa'o/ /sgom pa rab kyi mthar phyin pa'i
 khyad par ni de'i mod la mi snang bar nus so/ /de la 'jig rten du byang chub sems dpa' 'jam pa'i rdo rje zhes grags par 'gyur ro/ /de yang sngon du gsungs pa'i gzhal yas khang gi nang du yi ge maM yongs su gyur pa las/ utpa la
 sngon po ral gris mtshan pa can las skyes pa'i 'bar ba ni gser btso ma ste de'i 'od dang 'dra ba'i ser po zhal gsum gyi g.yas dang g.yon sngon po dang dkar po/ /phyag drug pa'i rtsa ba gri gug dang thod pa/ lhag ma rnams na ral gri dang mda' dang
 utpa la sngon po dang gzhu bsnams pa/ gzhon nu lo brgyad pa 'dzin pa'i gzugs mgon po 'jam pa'i rdo rje mi mthong bar bya ba'i don du bsgom pa'o/ /rang gi snying ga'i sa bon muM las byung ste/ shar la sogs pa'i phyogs su bzhag
 pa ni/ mdzes ma la sogs pa bzhi ste/ gti mug rdo rje la sogs pa bzhi dang mtshungs pa ste/ de'i phyir thams cad lag na ral gri dang 'khor lo la sogs pa gzhan la dgod ces gsungs so/ /gzhan zhes bya ba ni phrag dog rdo rje
 dang mtshungs pa'i nye ba'i sgra can ma sngon du smos par zad do/ /'di'i khyad par gsungs pa/ sa bon yi ge maM las byung zhes bya ste/ gtso bo ni maM las skyed pa yin la/ gzhan rnams ni maM las phyung pa'o/ /dkyil 'khor dbus nas bzhugs
 pa ni lnga ste/ thams cad kyi dbus na bzhugs pa ni 'jam pa'i rdo rje'o/ /phyi'i dkyil 'khor dgod pa gsungs pa/ 'od zer can ma la sogs pa'i lha mo bzhi ste/ sdud pa dgod byas snying po la/ zhes bya ba ni/ phyi nang gi lha mo kun gyi bdag nyid  
 yin par bsdus pa dgod bya zhes bya'o/ /snying po zhes bya ba ni gtso bo'i dkyil 'khor du'o/ /lha mo bzhi'i phyag mtshan gyi gtso bo gsungs pa/ mya ngan med dang yal 'dab dang/ /'bras kyi snye ma dbyug pa'o zhes bya ba la mya ngan med ni
 byang chub kyi shing ngo/ /yal 'dab ni ljon pa'i shing ngo/ /'bras kyi snye ma ni yu ba'o/ /dbyig pa dkar po gtun shing ngo /phyag mtshan gzhan rnams ni tsar tsi ka la sogs pa'i lha mo bzhi dang rjes su mthun pa'o/ /sku mdog gi khyad par ni
 ser ba dang zhes bya ba la sogs pa'o/ /mtshan nyid kun kyang zhal gsum zhes bya ba la sogs pa'o/ /tho ba la sogs pa bzhi zhes bya ba ni sgo skyong ste rtsa ba'i dkyil 'khor dang mtshungs pa'o//
 bsgoms nas zhes bya ba ni skye mched dang lus la sogs pa byin gyis brlab cing dbang dang dgug pa dang stim pa dang mchod ba dang bstod pas mnyes par byas la/ /oM wA gi shwa ri muM zhes 'bum du bzlas par bya'o/ /de nas
 rnal 'byor pas sems brtan pa dang bdag nyid 'jam pa'i rdo rje gnas pa'i lus kyi ba spu'i bu ga'i nang du yi ge laM bkod nas mthong bar mi 'gyur ro/ /de dag gi dus su nye bar mtshungs pa'i sbyor ba ni sbyar ba'i tsan dan dang/
 ga bur dang sbrang rtsi'i chus byug par yang bya'o/ /gdul bya bsam pa khyad par can dang ldan pa rnams kyis mthong zhing re ba ltar spyod par yang 'gyur ro/ /gzhan gyis ni ma yin te thun mong ma yin pa'i phyir ro/ /de bzhin gshegs
 pa thams cad kyi sku gsung thugs gshin rje gshed nag po'i rgyud ni bshad zin to/ /'jam pa'i rdo rje'i sgrub thabs ni rgyud dang rjes su mthun pa'i zhi ba'i sgrub thabs de nyid kyi phyir gtso bo'o/ /rim par phye ba ni bcu bzhi pa'i tshogs
 ji snyed pa gsal bar byas pa'o/ /bcu bzhi pa ni bcu gsum pas gzhag pa'o/ /nag po zhabs kyis bshed pa'i le'u bcu bzhi pa gsal bar byas pa'o// //de nas sems can rjes su mos shing gus pa
 bskyed pa'i phyir chu rengs pa'i sbyor ba gsungs pa/ 'phags ma dzha gu li'i sgrub pa'i thabs/ de nas yang dag bshad bya ba/ /gang zhig bsgoms pa tsam gyis ni/ /chu yi steng du 'gro 'gyur ba zhes bya ba la/ 'phags ma zhes
 bya ba ni bcom ldan 'das ma'o/ /dzha g+ha li ni 'gro ba mos pas byed pa'o/ /bsgrub par bya ba ni 'di'i rnal 'byor te thabs ni 'og nas 'byung bar zad do/ /de'i bsgom pa rab kyi mthar phyin pa ni bcom ldan 'das ma gang zhig bsgom pa dang bzlas
 pa'o/ tsam gyis ni 'bum las lhag mi dgos pa ste chog pa'o/ /chu ni zab cing rgya che ba'i steng du tshogs med par 'gro bar 'gyur ro/ /'dir yang tshogs bsags la sogs pa sngar bzhin te gzhal yas khang gi dbus su nyi ma'i steng du zla bas?
 gnas pa'i h+rI(rgyud 'grel par byung ba sku chen po'i phyag gnyis pa'i dang po na sbrul zhags bsnams pa rma bya la zhon nas rab tu dgyes pa'i gad mo rgod par bsam par bya'o/ /shar la sogs pa'i phyogs bzhi ru rma bya la sogs pa dgod do/ /de'i phyag mtshan gyi khyad
 par gsungs pa/ rma bya'i sgro zhes bya ba la sogs pa ste lo ma ni yal ga dang bcas pa'i 'dab ma'o/ /lcags sgrog ni rdo rje'i lcags sgrog go /kha dog gi dbye ba gsungs pa/ ser dang zhes bya ba la sogs pa'o/ mkhas pa zhes bya ba na sbyor ba
 'di nyid la rab tu mkhas pa'i rnal 'byor pa'o/ /'di ltar bsgom par bya zhes bya ba ni lha bcu gsum pa'i 'khor lo'i tshogs so/ /de bzhin sngags 'di dag kyang zhes bya ba ni rnal 'byor dang ldan pas sngags 'di dag rdo rje'i bzlas pa bzla bar
 bya'o/ /oM phu dza tho ba la sogs sgo ru dgod/ /me tog la sogs mtshams su dgod/ ces bya ba la sngar bshad pa bzhon no/ /de dag thams cad zhal gsum phyag drug pa'o/ /rma bya la sogs pa bzhi ni gti mug la sogs pa bzhi dang 
 mtshungs pa ste rang gi phyag mtshan gyi khyad par gyi byas pa'o/ /me tog la sogs pa bzhi ni rdo rje sems ma la sogs pa dang rjes su mtshungs pa ste rang gi phyag mtshan gyi khyad par byas pa'o/
 bdag nyid dzha g+hu li'i rnal 'byor gyis sngags bzlas shing chu'i dkyil 'khor thams cad yi ge maM las gser gyi sa gzhi rab tu brtan par bsams la chu'i steng nas bcag cing rtag tu 'gro bar bya'o/ /de nas dgug pa'i sbyor ba gsungs
 pa/ ku ru kul+le rab sgrub thabs/ /de nas yang dag bshad bya ba/ /gang zhig bsgoms pa tsam gyis ni/ /klu'i bu mo rab 'gugs pa/ /zhes bya ba la/ ku ru ni gdug pa ste/ kul+le ni rab tu 'jigs par mdzad pa'o/ /rab sgrub can ni
 gdug pa tshar gcod pa'i thabs so/ /bsgom pa rab kyi mthar phyin tsam na rnal 'byor pa gang gis bsgoms pa tsam gyis ku'i bu mo rab tu 'gugs par nus so/ /'dir tshogs bsags pa la sogs pa sngon bzhin te/ gzhal yas khang gi
 dkyil du zla ba la gnas pa'i h+rI(rgyud 'grel pa la klu'i rgyal po brgyad dgod do/ /klu'i rgyal po mdza' yas dang/ tak+Sha ka dkar po dang/ rigs ldan sna tshogs pa'i mdog can dang/ dung skyong ser po dag ni g.yas na'o/ /pad+ma dkar po dang/ karko Ta ljang gu dang/ nor rgyas kyi bu na ros dang pad+ma chen
 po pad+ma'i rtsa ba ltar dkar dmar du gnas pa g.yon du dgod do/ /lus thams cad sbrul thams cad kyis rab tu brgyan pa skyed la rdzogs pa dang byin gyis brlab cing dbang bskur la dgug cing bstims te mchod bstod kyis mnyes par byas la/
 snying gar nyi ma la gnas pa'i h+rI(rgyud 'grel gcig pa'i yid kyis rab tu 'khrugs pa'i bzlas pa bya ste/ khri dang bcu'i cha nyid thun cig gis yongs su rdzogs par bya'o/ /de nas lhan cig skyes pa'i stobs rab tu ngo mtshar ba 'phel bar bya ba'i don du rdo rje lus med kyi lha'i bu mo dgug pa gsungs pa/ de nas
 gsang ba bshad bya ba/ /bsdus nas yin gyis rgyas pa min/ /gang gis shes pa tsam gyis ni/ /lha'i bu mo 'gugs byed pa/ /zhes bya ba la/ gsang ba ni sangs rgyas kun gyi thugs te dbyer mi phyed pa'i ye shes de nyid kyi chos thams cad de'i bdag nyid du
 byed cing de nyid ni rig pa mchog la rag las pas de'i bdag nyid mtshan dang ldan pa'i rig mas sgrub ste/ nyan thos la sogs pa'i yul ma yin pa'i phyir gsang ba'o/ /bsdus nas yin gyis shes bya ba ni sgrub pa po'i bdag nyid du byas pa'o/ /rgyas pa
 min pa ni spros pa zhi ba'i sgrub thabs te/ na ta ku ba'i rgyud 'bum pa las dgug pa'i sbyor ba stobs chen la sogs pa yin pas so/ /gang zhig ni sgrub par bya ba'i bdag nyid de/ gang gis shes bya ba dang yang sbyar ro/ /shes pas ni gus pa'i stobs
 can gyis bsgom pa'o/ /tsam zhes bya ba ni lhag mi dgos pa ste yongs su dag pa'i sbyor ba 'di nyid kyis so/ /lha ni bde ba'i yul la longs spyod pa ste/ bu mo ni rigs gsum du bsdu'o/ /de yang lhan cig skyes pa'i bde ba stobs che ba dang/ longs spyod kyi mthu
 thogs pa med par yod pa dang/ spyod lam rab tu sbyangs pa dag gis phan 'dogs ba'o/ /de yang rtags 'di dag gis shes par bya ste sngo bsangs me tog gis rab tu spras pa dang/ dbyangs dang ldan pa'i rin po ches rab tu spras shing dmar
 ser du gnas pa dang/ rgyan dang bral ba rang bzhin gyis brgyan gyis spras shing dkar sham gyi mdog can no/ /'gugs par byed pa'i sbyor ba ni gsum ste/ bshad pa'i rgyud las/ rnal 'byor spyod pa'i
 ting nge 'dzin/ /'gugs par gur gum gyis gzigs te/ /'gugs pa yang ni gtso zhes bya ba ni man ngag go /'di yang sngon du 'gro ba'i bya ba yongs su rdzogs nas gzhal yas khang gi dkyil du zla ba la gnas pa'i h+rI(rgyud 'grel 'byung ba'i sku phyag gnyis pa las zhal gcig pa ste/ phyag g.yas pa na mu tig gi mdog can gyi mda' dang/ gser gyi mdog can gyis gzhu g.yas g.yon na bsnams pa'o/ /lus ser po dang/ dpag tshad brgyad khri'i tshad tsam du khyad
 par du che ba rdo rje lus med ces bya ste/ 'jig rten gyi lus las khyad par du gyur pa'i phyir ro/ /shar la sogs pa'i phyogs su mnga' la sogs pa bzhi dgod par bya'o/ /'dod pa'i lha mo zhes bya ba gtso bo la rab tu phyogs shing gus pa rnyed pa'o/
 thams cad kyi phyag tu mnga' dang gzhu bsgom zhes bya ba ni gtso mo dang rab tu mtshungs par ro/ /khyad par gyi kha dog gsungs pa/ gser dang zhes bya ba la sogs pa'o/ /mtshams rnams zhes bya ba ni me la sogs pa'i mtshams bzhi'o/
 rta dgod ces bya ba ni gtso bo ji srid gnas ba de srid du'o/ /mi 'gag ces bya ba la sogs pa ni me tog la sogs pa bzhin no/ /'dod pas 'gying ba la sogs pa ni sgo bzhi ste tho ba la sogs pa bzhin no/ /dbang bskur ba'i dus dran la 'brel pa ni/
 lha rnams de dag thams cad kyi/ /dbu la gshin rje gshed bo bsgom zhes bya ba las mi bskyod pa'i dkyil 'khor chen po las 'ongs pa'i lha mo bzhi yis dbang bskur ba ni bsregs shing sbyangs pa'i rjes la bsgrub pa'i dkyil 'khor gyi
 lha thams cad kyi dbu la mtshungs par gshin rje gshed po bsgom mo/ /dbang bskur ba'i dkyil 'khor gyi gtso bo la ni ma yin no/ /bsgrub pa dgug pa'i dus su sbyor ba gsungs pa/ bud med kyi ni pad+ma du/ /rdo rje lus med bsgom par bya/ /zhes bya ba la
 bud med ni mngon par ro 'dod pa'i lha mo'i pad+mar ro/ /rdo rje lus med ni lus med pa ste yi ge 'bru dang tha mi dad pas sid+d+hi bsgom par bya'o/ /de nas bdag gi sbyor ba rab tu rgyas par bkang ba'i mda''phangs pas rab tu 'tsher zhing dang ba'i kha dog lnga'i
 mdangs rim gyis mgo bo dang mgrin pa dang lte ba dang gsang ba rnams su phug par gyur pas myos pa dang rmongs pa dang 'dar ba dang lhung ba dang rgyas par bsam mo/ /de nas 'phros pa'i 'od zer gyis bkug cing bstims te rkang pa'i drung du lhung bar bsam mo/
 de'i phyir bdag gis bskyed pa'i yi ge yaM sid+d+hi las yang dag par byung ba'o/ /kun tu 'khor ba rnam par 'phro ba ni 'od zer ro/ /bsrubs pa ni rang gi 'dod par bya'o/ /g.yengs pa ni rang rgyud myos pa'o/ /myos pas bde ba'i yid 'dod kyi/ zhes bya ba ni gang la
 'dod chags kyi ros myos shing bde ba zhen cing 'dod pa'i yid kyis so/ /gos dmar po yongs su dkris shing rkang pa'i drung du lhung bar yang 'gyur te bsam par yang bya'o/ /de nas yang sngon du bsnyen pa 'bum dang las kyi sbyor ba'i dus su khri bzlas par bya ste
 yi ge oM ni ring por dang/ yi ge swAhA tha mar sbyin/ /yi ge sid+d+hi sngags bzlas bya/ /che ge mo zhig bdag dbang 'gyur/ zhes bya ba ni oM sid+d+hi swAhA/ ba shaM ku ru ho ho ho zhes bya ba'i bzlas pa dang 'brel pa ngag gis che ge mo ni lha'i bu ste/ zhig ni bye brag
 gar 'dod pa bdag gi dbang du 'gyur ro/ /'di'i khyad par gsungs pa/ thams cad du ni bsgom byas na/ /nag po'i tshig ni ji bzhin gyis/ /rnal 'byor 'dod pa des thob 'gyur/ zhes bya ba la/ thams cad du rtag tu'o/ /bsgoms byas na zhes bya ba ni
 ting nge 'dzin dang bzlas pa'o/ /nag po'i tshig ni ji bzhin gyis shes bya ba ni bsgrub pa'i dus su zhag bdun du'o/ /des cir 'gyur zhe na/ rnal 'byor 'dod des thob 'gyur zhes bya ste/ dang por bdag gi don du long
 spyad par bya zhing de nas thun mong gi dngos grub kyi las bcol te gzhan gyi don phun sum tshogs par ro/ /bcom ldan 'das gshin rje gshed nag po'i rgyud ni bshad zin to/ /lus med rdo rje'i tshad ni shin tu chen po nyid dang yig 'bru'i gzugs
 te bsnyen pa bsgrub pa'i dus su bsgom pa nyid la bya'o/ /rim par phye ba ni dz+nya g+hu li'i bsgrub pa la sogs pa gzhan rnams kyang/ gsal bar byas pa'i bco lnga pa ni bcu bzhi pas gzhag pa'o/ /nag po zhabs kyis bshad pa'i le'u bco lnga
 pa rgya cher gsal bar byas pa'o// //da ni he ru ka'i sgrub thabs gsungs pa/ he ru ka chen po sgrub pa'i thabs/ de nas yang dag bshad par bya/ /rnal 'byor 'khor bar bcings pa la/ /gang zhig shes pa myur grol
 ba/ zhes pa la/ he ni he he ba ra zhes bya ba ste/ phyi nang gi chos thams cad byed rgyu dang bral ba'o/ /de ci'i phyir zhe na/ ha ba ra sh+Ni zhes bya ba ste/ chos thams cad kyi rang bzhin la mi mnyam zhing mnyam pa'i chos 'ga' yang med do
 e ni yi ge ra na te chos thams cad dmigs su med pa'i phyir rtsol ba dang bral ba'o/ /ru ni ru ru ba ste phyi nang gi chos thams cad rang gi rang bzhin dang bral ba'i phyir sgra brnyan lta bu'o/ /ra ni ra ga pa la zhes bya ste/ chos thams cad rang
 gi rang bzhin du myong zhing chags pa chen po'i bde ba dang ldan pa'o/ /u ni uSh+Ni na zhes bya ba ste/ chos thams cad gdongs ma nas grol zhing rnam par rtog pa'i tshogs dang bral ba'o/ /ka ni ka zhes bya ste chos thams cad dogs pa med
 pa'i bde ba chen po dang ldan pa'o/ /a ni arta rma zhes bya ste chos thams cad rang bzhin gyis skye ba med pa'o/ /'dis ni brtan pa dang g.yo ba'i dngos po thams cad kyi rang bzhin gnyis su med pa'i bdag nyid gzhan gyis dben pa dang rang la gnas
 pa'i ye shes rang gi rang bzhin du mthong ba'i ngo bo nyid mi mnyam pa med pas mnyam pa'i zhing chen po'i bdag gi don dang gzhan gyi don phun sum tshogs pa la zhugs pa'i rgyun chen po 'di ni bcom ldan 'das he ru ka ste ngo bo nyid kyi sku'o/ /de
 las byung ba'i gzugs kyi sku gnyis kyis sems can gyi don byed pa ni chen po'o/ /bsgrub bar bya ba'i don ni sngar bshad pa dag ste de sgrub pa'i thabs ni skyed pa'i rim pa 'di dag gis so/ /de'i khyad par ci zhe na/ rna 'byor zhes bya ste thabs dang
 shes rab gnyis su med pa'i sbyor ba ste gang la yod cing nyams su myong ba dag gis so/ /'khor ba zhes bya ba ni 'gro ba drug tu shing rta'i 'khor lo bzhin du bcings pa la zhes bya ba ni phyi nang gi rlung rab tu g.yo ba mang po dag gis ma rig pa'i nang
 na gnas pa'i yid rnam par rtog pa'i 'ogs kyi nang du bag chags rab tu mthug pa'i chus spangs shing bskyed bar bkyigs pa'i shing ni 'dod pa dang gzugs dang gzugs med pa ste/ de la yang rlung dbang po la rab tu 'phro ba dag gi yul la/
 mngon par zhen pa'i bag chags chung ngu dag gis rab tu mnan pas mi gnas pa'i mya ngan las 'das pa'i gnas shes rab dang snying rje gnyis su med bdag nges par bcings nas gnas pa'o/ /de lta bu dag la gang zhig shes pas zhes bya ste gang
 zhig ni rim pa gnyis so/ /shes pa ni bsgrub cing nyams su len pa'o/ /myur grol zhes bya ba ni skye ba 'di nyid kyis bcom ldan thob pa'o/ /de'i rim pa phye ba gsungs pa ni tshogs bsags pa dang stong pa nyid dang mtshams kyi 'khor lo dang chos kyi 'byung
 gnas dang gzhal yas khang bskyed pa ni rtsa ba'i dkyil 'khor bzhin no/ /de la yang yi dags kyi lte ba la nyi ma la gnas pa'i steng du hUM las skyes pa'i rdo rje sngon po yongs su gyur pa las he ru ka phyag gnyis pa
 la zhal gcig pa ste skyil krung phye pa'i gar gyis bzhugs pa ste/ de'i rdo rje phyag g.yas su bsgom par bya'o/ /de las gzhan pa ni g.yon pa ste thod pa bsgom par bya'o/ /spyan gsum ni sngar mig tu rab tu bzlog cing lta ba'o/ /dbu skra gyen du 'greng
 ba ni mdog ser la rab tu mdzes pa'o/ /phyag rgya lnga yis shes bya ba ni 'khor lo dang rna rgyan dang mgul rgyan dang lag rdub dang ske rags so/ /rnam par rgyan zhes bya ba ni dgyes pa'i rdo rje las 'khor lo'i gzugs kyis mi bskyod pa/ rna pa'i
 bdag nyid 'od dpag med/ /mgrin dbung la ni rin chen phreng/ /ska rags rnam par snang mdzad de/ /lag rdub la ni don yod grub/ /ces bya'o/ /gal te 'og nas 'byung ba'i thod pa lnga la dgos pa med do zhe na/ de dag ni rig pa'i dbang rjes
 su 'dzin pa nyid kyi phyir yin gyi 'di ni rgyan byin gyis brlab pa dang/ me long lta bu dang/ mnyam pa nyid dang/ so sor rtog pa dang/ bya ba nan tan dang/ chos kyi dbyings kyi ye shes kyi bdag nyid kyi phyir ro/ /kha TwAM ga ni zhes bya ba ni
 lha'i sku ste/ g.yon gyi phyogs su gru mo la gzar ba'o/ /phreng ba'i rkang gdub tshar gsum byas pa dag gis brgyan par bya'o/ /de yang bshad pa'i rgyud las/ kha TwAM ga ni lha yi sku/ /sku gsung thugs kyi rdo rje dran/ /thod pa skye mched rnam
 dag pas/ /rkang pa gcig pa'i lam bsgoms te/ /g.yon gyi phyogs su gnas pa yis/ /chos rnams kun la phyag rgya gdab/ /rkang pa gdub bu brgyan pa yis/ /'dun pas 'gro bar mi bya zhing/ rang gi ting 'dzin ji snyed pa/ /ji srid spyod pa
 btsal bar bya/ zhes pa rnam dag tu shes par bya'o/ /de dag gis bskyed pa'i sa bon dang gdan ji lta bu zhe na/ sa bon hUM las yang dag byung/ /yi dags la gnas zhes bya ba'i don ni ro'i snying gar gnas pa ste gong du bshad zin to/ /rtag tu dgod
 ces bya ba ni dpa' bo'i gad mo brgyad de de yang dam pa dang po'i rgyud las/ ha ha sdig pa'i gad mo dang/ he he rab tu dgyes pa ste/ /hi hi bde ga rab sgeg nyid/ /ho ho zil gyis mnon pa'o/ /zhes bya'o/ sangs rgyas lnga ni mi bskyod pa la sogs pa lnga'o//
 rab tu sbyor zhes bya ba ni sangs rgyas lnga ni thod pa'i gzugs su sbyor ba'o/ /thod pa ni kaM zhes bya ba ste bde ba'o/ /de'i rang bzhin ni byang chub kyi sems dang/ ma chags pa'i de bzhin nyid dang/ sbyin pa'i pha rol tu phyin pa dang/ brtson 'grus dog pa med
 pa dang/ bzod pa chen po ste de skyong bar byed pas so/ /cod pan la ni zhes bya ba ni dbu skra mdzes pa'i rtse mo la'o/ /mi bskyod bsdom zhes bya ba ni byin gyis brlabs te rig pa dag gis dbang bskur ba'i rtags su gtso bo la mi bskyod pa bsgom par
 bya'o/ /bcom ldan 'das rdo rje 'chang ngo/ /de dag ma lus pa'i rnam par rtog pas mi 'khrug pa'i phyir mi bskyod pa zhes bya'o/ /he ru kar grags pa ni rgyu'i he ru ka ste/ grags pa tha snyad la yid 'jug pa'i phyir blo'i yul du bsgom par bya'o/
 shar la sogs pa'i phyogs bzhir ro/ /chos kyi 'khor lo ma la sogs pa bzhi'o/ /zhal dang phyag ni he ru ka nyid dang 'dra'o/ /phyag rgya lnga la sogs pa'i rgyan kun gyis brgyan pa yang rjes su mthun no/ /kha dog sna tshogs zhes bya ba'i lha mo rnams
 kyi mdog gam yang na rigs kyi phyag rgya ste lha mo ni gtso bo nyid dang mtshungs pa'o/ /de dag kyang gzugs mdzes shing lcug ste yi dags kyi snying gar nyi ma la bzhugs pa'o/ /gti mug thams cad ces bya ba ni gtso bo smos pa ste nga rgyal la sogs
 pa nye bar 'joms par byed pa'o/ /chos kyi 'khor lo rtsibs brgyad pa dkar po dang/ a shwad tha ni byang chub kyi shing ste lo ma dang/ bcas pa dang/ yid bzhin nor bu ni dpag bsam gyi shing dang /lha
 mo rnams kyi phyag g.yas su/ rdo rje yang ni bsgom par bya/ zhes bya ba ni rdo rje rtse lnga pa'o/ /thod pa'i snod dang kha TwAM ga ni g.yon phyogs su ste thams cad kyang skyil krung phyed pa'i gar gyis bzhugs pa'o/ /spyan ma la sogs pa bzhi ni me la sog
 pa'i mtshams bzhir ro/ /de yang mdog ser ba dang sngo ba dab ljang ba dang dkar po ste phyag g.yas pa'i mtshan ma'i bye brag ni sna tshogs rdo rje rgya gram dang rin po che cha dgu pa dang pad+ma 'dab ma bcu drug pa'o/ /'khor lo'i phyi rol ces bya ba ni gshin rje
 gshed la sogs pa bzhi ste sku mdog ni gnag pa dang ser ba dang dmar ba dang ljang gu'o/ /de dag mtshan ma'i bye brag kyang gtun shing dang/ dbyug pa dang/ /ral gri'o/ /de dag thams cad kyang gtso bo'i phyag rgya dang rjes su mtshungs pa skyil
 krung phyed pa'i gar gyis bzhugs pa/ yi dags kyis nyi ma'i snying ga na gnas pa/ g.yon pa na thod pa dang kha TwAM ga yongs su 'dzin pa'o/ /cho ga'i las ni bsnyen pa dang bsgrub pa ste/ de yang rnal 'byor rnam pa bzhi'i go rims kyis yongs su
 rdzogs par 'gyur ba'i bya ba ni rtsa ba'i dkyil 'khor bzhin no/ /'dir yang bsgrub pa'i dkyil 'khor thams cad ni/ rdzus te skye ba dang nges par sbyar ba ste snying ga'i sa bon las skad cig gis 'phrul bar bya'o/ /de yang bshad pa'i rgyud las sku gsung
 thugs kyi rdo rje can/ rtsa ba'i dkyil 'khor bsnyen byas nas/ bsgrub pa'i dkyil 'khor thams cad ni/ /khri dang ldan pa'i sbyor pas 'grub/ /'dir yang ye shes gang skyes pa/ /bsnyen dang bsgrub pa'i khyad par gyis/ /shes 'byung ba'i phyir bsgrubs
 'di nyid du rigs pa ni/ oM he ru ka hUM hUM phaT swAhA/ zhes bzlas pa dang ldan pa'i sgrub thabs ni rtsa ba'i dkyil 'khor nyid dang rjes su mtshungs pa'i 'khor lo'o/ /'dir ni mkhas pa dag gis rtsa ba'i dkyil 'khor spangs pa'i bsnyen pa'i bsgrub pa yang shes
 par bya'o/ /de bzhin gshegs pa thams cad kyi sku gsung thugs gshin rje gshed nag po'i rgyud bshad zin to/ /he ru ka sgrub thabs ni mchog gi dngos grub kyi don du'o/ /rim par phye ba ni rim pa gnyis yongs su rdzogs par bya ba'i don to/ /bcu drug pa ni bco
 lnga pas gzhag pas so/ /nag po zhabs kyis bshad pa'i le'u bcu drug pa rgya cher gsal bar byas pa'o// //da ni gzugs brnyan gyi rgyud dang rgyud rang gi mtshan nyid bsgrub pa'i phyir go rims la the tshom med par bya ba dang/ spro bsdu la sogs
 rab 'byam gyis bsdus nas phyi nang gi rnam par rtog pa gsal bar bya ba dang/ byang chub kyi sems bde ba chen po ming dag par ston pa'i drin lan dang bcas pa gsungs pa/ rnam pa lnga ni bsgom byas la/ /sangs rgyas gzugs ni bsgom par bya/ /sangs rgyas
 gzugs ni bsgoms pa yis/ mkhas pas 'khor lo bsgom par bya/ /zhes bya ba la/ rnam pa lnga ni cho ga'i bye brag lngas rdzogs pa'i rdo rje 'chang ngo/ /de yang a dang re pha las gyur pa'i zla ba dang nyi ma la dbyangs yig dang gsal yig spel ba dang bcas pa nyis
 'gyur du byas pa ni dang po'o/ /'khrug cing re mnyes pa ni gnyis pa'o de las skyes pa'i yongs su rdzogs pa'i hUM dkar po ni gsum pa'o/ /de gyur pa las skyes pa'i rdo rje nor bu'i mdog du gnas pa ni bzhi pa'o/ /de las byung ba'i rdo rje 'chang ni rgyu'i gshin rje gshed
 ces bya ste/ dkar ba'i mdangs dang ldan pas khyad par byas pa ni lnga pa'o/ /de yang me long lta bu dang/ mnyam pa nyid dang/ so sor rtog pa dang/ bya ba nan tan dang/ chos kyi dbyings kyi ye shes so/ /de yang rgyu mtshan du sbyar bar bya ste/ thun
 mong dang thun mong ma yin pa'i mtshan dang/ dpe byad rab tu dang zhing gsal bar rgyas shing gang ba dang/ zung du 'jug pa nyid du thams cad ro mnyam pa dang/ de nyid las rigs lnga la sogs pa nyid de
 skyes pas so sor rtogs pa dang/ de dag thams cad kyi sems can gyi don gyis 'phrin las kyi bya ba la nan tan du mdzad pa dang/ bzhi yongs su rdzogs pas gcig tu gyur pa ni chos kyi dbyings kyi de rtogs so/ /de'i don ni dbyer mi phyed pa'i
 ye shes la rdo rje zhes bya ste/ de gang la mnga' ba rdo rje 'chang zhes bya'o/ /de yang gti mug rdo rje dang/ phra ma rdo rje dang/ 'dod chags rdo rje dang/ phrag dog rdo rje dang/ zhe sdang rdo rje la sogs pa'i bdag nyid spros shing bsdus pa 'am go rims kyi
 rnal 'byor du byas pa ni 'bras bu lam du khyer ba'i thabs phun sum tshogs pa ste gong dang mtshungs par ro/ /don de yang bdag dang gzhan gyi don phun sum tshogs par sbyar bar bya ste/ dang por chos thams cad thabs dang shes rab kyi rang
 bzhin du brtags pas 'gro ba sgom par bya ste de nas zung du 'jug pa'i ro mnyam pa'i bde ba chen po'i rang bzhin gyis 'od gsal ba bsgom par bya'o/ /de nas brtan pa dang g.yo ba thams cad ye shes snang ba'i 'od zer las 'phros te shes rab kyi
 thabs la rgyas gdab par bya ste 'di ni rang gi don to/ /de yang chad pa dang bem po'i bdag nyid bral bas bde ba chen po'i nyams su myong ba rgyun ma chad pa nyid kyis longs spyod rdzogs pa dang sprul pa'i sku'i bye brag gdul bya la 'byung ba ni gzhan
 gyi don to/ /de yang oM d+harmA d+hA tu zhes bya ba la sogs pa ni rang bzhin ye shes bzhi dbyer mi phyed pa'i chos kyi dbyings kyi rang bzhin bdag nyid la gdod ma nas gnas par rtogs pa ni zung du 'jug pa ni phun sum tshogs pa'o/ /de ltar  
 bdag nyid bsgom par byas la de'i rjes sangs rgyas ni spangs pa dang ye shes phun sum tshogs pa'o/ /gzugs ni bcom ldan 'das gshin rje gshed nag po ste 'bras bu'o/ /bsgom par bya zhes bya ba ni mdog dang mtshan ma ste bshad zin to/ /
 de ltar sangs rgyas kyi gzugs bsgoms pa yis ci byed ce na mkhas pas shes bya ste/ thabs dang bdag nyid bsgoms pa'i lha'i 'khor lo'i tshogs rnams la bsgoms pa'i mngon par zhen pa'i spros pa med pa'o/ /'khor lo ni gti mug rdo rje la
 sogs pa'o/ /de bsgoms par bya ba ni gtso bo 'od dar bcas pa'i rnam par 'phrul pa las so/ /ji ltar dkyil 'khor pas bcom ldan 'das khu ba'i rnam pa nam mkha' khyab pa'i ting nge 'dzin slong bar byed ce na gsungs pa/ gar dang glu yi sbyor ba
 yis/ /'khor lo bskyod par bya ba ste/ /tsar tstsi ka sogs glu dang ni/ /drug las skyes sogs len par byed/ /ces bya ba ni gar gyi rgyu dang 'bras bu'i dus kyi khyad par 'di nyid kyi sems can thams cad kyi don byed do/ /glu ni gar sngon du song ba'i rjes
 la tshig thun mong ma yin pa dang ldan pa dag gis 'gro ba gzhan gyis yid 'phrog cing rang gi ye shes spangs nas rab tu gsal ba'i man ngag go /bzhi ni lha mo bzhi'o/ /sbyor ba yis zhes bya ba ni bskul ba'i tshig dang sbyar pa'o/ /'khor lo bskyed
 par bya ba ste zhes bya ba ni glu 'di yis bskul ba nyid kyis 'khor lo bskyed pa'i rkyen du gyur pa'o/ /tsar tstsi ka sogs zhes bya ba ni phag mo dang/ dbyangs can ma dang/ gau rI mA'o/ /glu ni dbyangs dang ldan pa'i brda'o/ /drug las skyes sogs ni glu'i khyad
 par te gong du bshad zin to/ /de'i khyad par phyogs gcig tu gsungs pa/ snying rjes khros pa'i dad sgrol bzhengs/ khams gsum gyi ni gti mug sol/ /dad sgrol rtsol bas ma bzhugs bzhengs/ /bdud 'di dag las rgyal par mdzod/ /'jig rten
 mgon po stong nyid ji ste bzhugs/ /dang sgrol 'jig rten gyis bzhugs shing/ /byang chub 'dod pa'i 'jig rten mgon po nas/ /khyod ni stong pa nyid la sems par byed/ ces bya ba la/ snying rje khros pas ni snying rje'i
 dbang gis khro bo gshin rje gshed kyi gzugs bzung la zhes bya ba'i don to/ /dad pa ni khyod kyi skul ba ltas pas cho ga mi shes pa'o/ /sgrol ba ni sems can thams cad 'khor ba'i rgya mtsho las sgrol ba'i mthu mnga' bas khyod nyid do/ /bzhings
 zhes bya ba ni stong pa nyid thod mdzod la zhes bya'o/ /khams gsum ni 'dod pa dang gzugs dang gzugs med pa'o/ /kun ni thams cad de lhag ma lus pa'i don to/ /gti mug ni rmongs pa ste ma rig pa'i rgya mtsho chen po sol zhes bya ba ni dag par
 mdzod cig pa ste rdo rje tsar tstsi ka'i glu'o/ /rtsol bas ni sems can gyi don dang bral ba'i mya ngan las 'das pa'i zhi ba'i bde ba nyid de/ de la ma zhugs par rgyal ba'i skur bzhengs zhes bya ba'i don to/ /bzhengs nas ji ltar zhe na bdud ni rmongs pa dang
 'chi bdag dang rgyal byed dang rnam par g.yeng byed lta bu ste de las rgyal bar mdzod cig pa ni phag mo'i glu'o/ /'jig rten gyi mgron bos pa ni 'gro ba rigs drug gi sems can te/ khyod dang po byang chub tu thugs bskyed pa'i dus su sems can ma
 grol ba rnams grol ba dang/ ma bsgral ba rnams bsgral ba dang/ dbugs ma phyin pa rnams dbugs dbyung ba dang/ yongs su mya ngan las ma 'das pa rnams yongs su mya ngan las 'da' bo zhes mgron du ngos pa'o/ /stong pa nyid kyis nam mkha' khyab
 pa'i ting nge 'dzin te de la ji ste bzhugs so/ /de ci'i phyir zhe na/ dad sgrol khyod 'jig rten pa thams cad kyi bsod nams bsag pa'i rgyu nyid du bzhugs shig pa ni dbyangs can ma'i glu'o/ /byang chub ni nam mkha' i mtshan nyid de kun tu rtog pa ma ? pa/
 mdza' dag spangs pa'o/ /de 'dod pa'i 'jig rten pa rnams khyod nyid mngon sgrub par bya ba'i phyir ram de'i phun sum tshogs pa rnyed nas gzhan grol bar bya ba'i don du 'jig rten pa mgron du bos nas so/ /da khyod stong pa nyid la sems par byed rgya?
 thams cad kun tu slus pa nyid du gyur pa'o/ /de'i phyir bzhengs shig ces bos pa ni go rI ma'i glu'o/ /de'i rjes la bsdu ba gsungs pa/ ji ltar skar mnga' 'phro ba bzhin/ /byang chub sems la zhugs par 'gyur/ /rdo rje 'chang rang ngo bo nyid do/ /snying rje dang
 ni 'dod chags sems/ zhes bya ba la/ de bzhin gshegs pa thams cad kyi yab yum du gyur pa'i rdo rje 'chang gi sku srid pa'i bar ma do rnam par dag pa'i sems bde ba chen po'i rang bzhin rnyog pa mdza' dag gis dben pa/ thabs dang shes rab kyi
 rang bzhin nyi ma dang zla ba'i dbus na ye shes kyi thig le ho gnyis kyis brten ba de dag sku dang gsung dang thugs nyid kyi phyir oM A(rgyud 'grel 'gyur ro/ /de las cir 'gyur zhe na/ dbyer mi phyed pa'i ye shes te chos thams cad kyi de bzhin nyid mtshon pa'i rtags su ro gcig tu gyur pa yin/ gal te kun rdzob byang chub sems su ro gcig pa tsam nyid kyis de bzhin nyid du mi 'gyur ro
 zhe na/ kun rdzob la sogs dbye ba yis/ /sen da pa'i sgra bzhin no/ /zhes gsungs phyir tshig nyung yang don rgyas bar mtshon nus te/ dper na yon tan dang ldan pa'i shing zhes brjod pa lta bu'o/ /tshig rgyas kyang don rgyas pa lta bu ma yin te/ dper na
 rtsa ba la sdong po dang yal ga dang lo ma dang me tog dang/ 'bras bu dang shun pa skye ba dang ldan pa ni shing ngo zhes brjod pa lta bu'o/ /tshig rgyas kyang don ma rgyas pa ni rgyal po'i gnas skabs kyis rta dang chu dang lan tshwa dang ral gri sen da pa 'on cig brjod pas
 gcig gis mang po'i don byed do/ /de bas na 'dir yang byang chub kyi sems kyi smon pa dang 'jug pa dang kun rdzob kun de lta bu dang/ don dam pa byang chub kyi sems dang/ bde ba chen po byang chub kyi sems
 bstan pa ste gang zag gi bsam pa'i khyad par gyis chos thams cad byang chub kyi sems chen por ro gcig par gyur pas na byang chub sems la zhugs par gyur ces pa'o/ /gal te gang zag mchog rnams la 'di ni bde ba chen po'i byang
 chub kyi sems su ji ltar 'gyur zhe na/ rdo rje 'chang rang ngo bo nyid ces bya ste ye shes lnga ro gcig pa'i ngo bo nyid ni rang rig pa ste/ de nyid shes rab ye shes kyi dus su rig pa dang lam du goms par sbyangs pas rlung gnas su 'jug par
 'gyur te/ de bas na rang rig dag pa'i bdag nyid de/ dag pa gzhan gyi grol mi 'gyur/ zhes gsungs pa'i phyir ro/ /'dir rig pa rnams kyis bskul ba'i dgongs pa gang zhe na/ khams gsum gyi sems can thams cad la snying
 rje ba dang/ nyid kyi don dang/ gzhan gyi don phun sum tshogs pa'i yon tan mnga' ba'i phyir bskul ba'o/ /de bas na bcom ldan 'das kyis khu ba'i gnas skabs nas kyang ye shes lnga dang snying rje zung du 'jug pa yin no zhes pa yang
 gdul bya la dgongs pas longs spyod rdzogs pa'i gzugs su snang ba'o/ /rnal 'byor bzhi'i go rims bstan pa'i phyir/ dang po bsgom pa rnal 'byor te/ /gnyis pa rjes kyi rnal 'byor yin/ /gsum pa shin tu rnal 'byor te/ bzhi pa
 rnal 'byor chen po'o/ /zhes bya ba smos te/ dang po ni dang po ste lha'i rnal 'byor gyi dang po'o/ /bsgom pa ni rang gi rnam par 'phrul lo/ /rnal 'byor ni mngon par byang chub pa rnam pa lngar sems bskyed pa'o/ /te zhes bya ba ni rang gzhan
 phun sum tshogs pa 'og ma la ltos pa'o/ /gnyis pa la sogs pa ni go sla'o/ /rjes ni sems bskyed pa'i rjes thogs su'o/ /rnal 'byor ni don dam dang kun rdzob zung du 'jug pa'o/ /yin zhes pa ni 'dis rang gi don phun sum tshogs pa'o/ /shin
 tu ni gzhan gyi don la nan tan du bya ba'i tha tshig go /rnal 'byor ni gsang ba byang chub sems kyi dkyil 'khor dang/ bkod pa longs spyod rdzogs pa'i dkyil 'khor zung du 'jug pa'o/ /de ni de'i nus pa 'og ma la ltos pa'o/ /rnal 'byor ni de ma
 tshig dang ye shes zung du 'jug pa'o/ /chen po ni thub pa'i 'od zer dpag tu med pa 'phros pas sems can thams cad kyi don mdzad pa yin no/ /yang de nyid rgyas par bstan pa'i phyir/ rdo rje sems pa rdzogs pa ni rnal 'byor yin par 'di ltar
 'dod/ /de ni rgyu mthun lha yi sku/ /rjes kyi rnal 'byor yin par grags/ /'khor lo thams cad yongs rdzogs pa/ /shin tu rnal 'byor yin par 'dod/ /sku dang gsung dang thugs rnams dang/ /lha yi mig sogs byin brlabs dang/ /ye shes
 'khor lo gzhug pa dang/ /bdud rtsi myang ba dag dang ni/ /mchod dang bstod pa chen po ni/ /rnal 'byor chen po zhes bya ba smos te/ rdo rje ni snying po bstan zhing khong stong med/ /mi chod mi shigs mtshan nyid can/ /mi shigs pa dang mi
 nyams pas/ /stong nyid rdo rje zhes bshad do/ zhes gsungs pa'i phyir thog ma dang tha ma dang dbus mi dmigs pa'i shes rab stong pa nyid do/ /sems dpa' ni/ sna tshogs spangs pa'i skad cig la/ /mchog tu dga' ba yang dag rnyod/ /ston pas bka' 
 stsal sems dpa' che/ /bde ba chen po yang dag bzung/ /zhes gsungs pa'i phyir thun mong ma yin pa'i snying rje bde ba chen po byang chub kyi sems so/ /de nyid zung du 'jug pa bsgrub pa'i phyir me long lta bu la sogs par sems bskyed par rdzogs pa ni rnal 'byor ro 
 rgyu mthun ni rgyu dang 'bras bu rjes su mthun pa ste sA lu dang sA lu bzhin no/ /gal te gzhan dag 'dra bas rgyu mthun pa'o/ /zhe na ma yin te/ gangs ri la gnas pa'i seng ge dang/ rtsig pa la bris pa'i seng ge gnyis
 yon tan gyi khyad par brjod pa tsam du gcig gis kyang yon tan nyid dang mi ldan pa'i phyir rgyu mthun pa ma yin te/ bris pa'i seng ge'i brdas seng ge dngos kyi rnam pa skye srid kyi yon tan dang ldan pa de nyid mi skye ba'i phyir don spyi'i rnam pa'o/
 gal te don spyi'i skyes pa ni rgyu mthun pa'o zhe na/ bris pa'i seng ges mig gi rnam par shes pa skye nus kyi/ yid kyi rnam par shes pa yul gzhan la spyod par byed nus pas rang gi mtshan nyid do/ /gal te spyi'i rnam pa seng ge de nyid rang
 gi mtshan nyid do zhe na/ gang mar me'i yon tan brjod pas mun pa sel bar nus par thal bar 'gyur ro/ /de bas na sems bskyed pa ni thams cad mkhyen pa'i rgyu'i gtso bo ste/ de las 'bras bu zung du 'jug pa rtags dang rjes su mthun
 par 'byung ba ni rgyu mthun lha'i sku zhes bya'o/ /gal te rtags dang rjes su mthun pa yin na rdo rje sems dpa' i mdog dang/ dkyil 'khor gyi bdag po'i mdog gnyis gcig par 'gyur ba 'am/ khyad par yod na ye shes mi rtag par 'gyur ro zhe
 na/ ma yin te/ 'di dag la ni chos skyon med pa'o/ /rgyu dang 'bras bu gnyis ni mtshan nyid mthun par ston te/ zhal gsum dang phyag drug dang zhabs gnyis dang rig ma dang rab tu 'khyud cing mtshon cha drug rab tu 'bar ba rgyan du
 ma dang ldan pa nyid du gcig pa'o/ /sku mdog ni chu shel gyi nor bu lta bur rkyen gyis rab tu snang ba yin te/ sngar rdo rje sems dpa' i dus su ni zla ba'i rgyab yol gyis so/ /de yang me long lta bu'i ye shes dang sems bskyed pa'i brdar
 yang bstan to/ /dkyil 'khor gyi bdag po'i dus su gzhal yas khang gi dkyil in+d+ra nI la ltar gnas pa dang/ rigs kyi khyad par la dgongs pa dang/ 'gro ba thams cad kyi dri ma sdud pa la sogs pa'i yon tan gyi khyad par ro/ /gnyis su bzhag pa
 la dgos pa yod do/ /gcig ni bsgom pa'i lam dang rjes su mthun pa yin la/ gnyis pa ni mi slob pa'i lam dang rjes su mthun pa'o/ /de yang 'phags pa klu sgrub kyi zhal snga nas/ bskyed pa'i rim pa legs gnas shing/ /rdzogs pa'i rim pa 'dod
 rnams la/ /thabs ni rdzogs pa'i sangs rgyas kyis/ /skas kyi rim pa bzhin du gsungs/ /shes gsungs pa'i phyir ro/ /de ltar skyed pa'i rim pa ma yin no zhe na/ sngar bzhin rang rig pas gang zag mchog rnams la rdzogs pa'i rim par 'gyur la/
 dman pa la ni bskyed pa'i rim pa'o/ /gal te rdzogs pa'i rim pa yin na zhal phyag la sogs pa 'byung bar mi rigs so zhe na/ nyes pa med do/ /spros pa med pa'i rang bzhin las/ /sngags dang lha ni yang dag gnas/ /shes gsungs pa'i phyir me long
 dang me long gi gzugs brnyan bzhin ye shes rtog pa dang bral ba de nyid gzugs brnyan gyi rnam par snang ba'o/ /gal te shes par nyid cha gnyis su thal lo zhe na/ 'khor ba yongs su dag pa ni/ mya ngan 'das shes de la bya zhes gsungs pa'i phyir
 mi rtog pa las brtog pa gzhan yin te/ dbyer med pa'o/ /gal te rigs mthun pa mnyen po mi 'thad do zhe na/ thabs chen rnams dang ldan pa la/ /nyon mongs byang chub yan lag 'gyur/ /sngags kyis bsad pa'i dug bzhin du/ /'khor bzhi pa'i bdag
 nyid do/ /zhes gsungs pa'i phyir rgyud pa'i gzhung lugs dang ldan pa'i rnal 'byor la bskyed rdzogs gnyis byang chub kyi sems su ro gcig pas dngos pos dngos po dag par byed pa la dngos med ces phra ba dag par byed gal 'phal ba med do/ /yang na
 bde ba chen por rigs gcig kyang de nyid la blos gnyis su brtags pa yin pas dngos po'i chad pa sel ba dang/ dngos med kyis rtag pa sel ba de bzhin no/ /'dir ni chos thams cad kyi ngo bo ma skyes la
 rkyen gyis skyes te de nyid tha mi dad pa'i dus na 'dzin pa dang bral ba ni bde ba chen po'o/ /rgyu zur du 'jug pa dang 'bras bu zung du 'jug pa gnyis gcig pa ma yin te/ tshes gcig pa'i zla ba dang nya gang pa bzhin no/ /tha dad pa ma yin te tshes gcig
 pa'i zla ba de spangs pa las nya gang ba'i zla ba de rnyed pa ma yin pa bzhin no/ /dgos pa med pa ma yin te byang chub kyi sems ma rtogs pa rtogs par byed pa'i phyir ni ma yin te rtogs pa brtan par byed pa'i phyir ro/ /ye shes ni mi rtag par 'byung
 ba ma yin te/ rang gi ngo bo la 'phel 'grib med kyang ye shes kyi sa las ye shes kyi 'bras bur 'gyur ba ni ma rig pa bag chags rtsa ba dang bcas pa rkyen gyi stobs kyis de nyid kyi nus pa 'phel zhing rgyas par mngon te/ dper na zla ba rang gi
 ngo bo la 'phel 'grib med kyang nyi ma dang nye ba'i dus na zla ba 'grib pa nyid kyis 'grib par mngon te/ nyi ma dang ring ba na zla ba 'phel zhing rgyas pa bzhin no/ /de bas na rgyu mthun pa ni btags pa tsam ma yin te rang gi mtshan nyid la'o/ /rjes kyi rnal
 'byor la sogs pa ni go sla'o/ /'khor lo ni snying po len pa'i gnas so/ /thams cad ni dkyil 'khor gyi 'khor lo'o/ /yongs rdzogs ni rdo rje phag mo'i chos kyi 'byung gnas su sngon sangs rgyas pa'i 'khor lo zhu ba'i ngo bor byas pa las thig
 le dang yi ge dang mtshan ma la sogs pa'i bskyed pa'i sku so so'i sngags kyis nam mkha' la bton te de'i ba spu'i bu ga las byung ba'i khro bo'i tshogs kyis rang gi rigs dang mthun pa'i sems can gyi don byas nas rang rang gi gnas su bzhugs
 pa'o/ sku dang gsung zhes bya ba la sogs pa ni sngar bshad pa bzhin te/ de yang bshad pa'i rgyud chen po las/ yan lag drug ces gsungs te sdom pa gsum ni rnal 'byor ro/ /drug la? gnyis ldan rnam shes nyid/ /mchog gnas
 pa ni rab gnas so/ /chos dang bstod pa chen pos ni/ /dam pa rnams ni mnyes byas so/ /thams cad bdag byin brlabs nas kyang/ /myang ba dngos grub yan lag yin zhes gsungs so/ /da ni phyi nang gi las rab 'byam ma lus pa thams
 cad kyi rtsa bar gyur pa dam tshig ste/ bsrung bar bya dang nyams na bso ba'i cho ga la ma mkhas na rdo rje dmyal ba la sogs pa 'gyur ba'i phyir bshad par bya ste/ slob dpon la ni brnyas mi bya zhes bya ba ni slob dpon ni slob pa thams cad kyi
 dpon du gyur pa'i gzhung lugs dang ldan pa'o/ /rgyud bshad pa dang man ngag ston pa dang/ dbang bskur ba gsum gcig dang ldan pa dang/ gnyis dang ldan pa dang/ bye brag tu ldan pa'o/ /de yang dam chos klog dang sbyin pa dang/ /'chad byed
 man ngag ston pa dang/ /dbang bskur ba dang dkyil 'khor las/ /'di rnams slob dpon yin par bshad/ ces gsungs so/ /de bas na rnyas par mi bya ste dang po sems bskyed pa nas bde ba chen po'i bar du lus dang ngag dang yid dang longs
 spyod kyis bsnyen bkur? zhing rang gi 'tsho bas kyang ches lhag par bya zhing bstod do/ /bde gshegs bka' las 'da' mi bya zhes pa ni bde ba chen po ni bde ba chen po ste dogs pa dang bral ba'i de bzhin nyid thugs su chud pa'o/ /de las kyang
 thugs rje chen po dang smon lam gyi rgyud kyis sems can gyi snang ba dag pa la sogs pa dang mthun par longs spyod rdzogs pa'i gzugs kyis 'gro ba thams cad kyi don mdzad pa la gshegs zhes bya'o/ /de'i bka' ni dri ma med pa ste
 nyan thos dang rang sangs rgyas dang theg pa chen po'o/ /de las 'da' bar mi bya ba ni nyan thos kyi theg pa la gnas pa'i dus su spang bar bya ba bdun las/ de'i yan lag gis khyad par gyis pham pa dang/
 ltung ba dang/ lhag ma dang/ nyes byas dang/ phra mo la sogs pa la phyir bcos pa dang/ bshags par bya ba dang/ sdom pa la sogs pa'i bye brag la gnas par bya zhing gtso bo la gang la chags pa'i dngos por spong ba'o/ /rang sangs rgyas
 kyi theg pa ni spyod lam nyan thos dang rjes su mthun la/ 'khor ba thams cad ni bag med par mthong ste/ bag dang ldan pas 'du byed la yid mi 'jug go /theg pa chen po ni stong pa nyid snying rje'i snying po can gyi sbyor bas smon pa dang ldan
 pa'i 'jug pa dang dge ba dang sgrib pa gnyis mthar byed pa'i tshogs gnyis bsags te mi dge ba bcu la ma zhugs mi 'jug 'jug par mi 'gyur zhing 'khor gsum yongs su dag pa'i sngo ba bdag gi phyed ba'i re ba yongs su gtong ba'o/ /yang
 byang chub sems dpa' i theg pa chen po ni gsang sngags kyi theg pa chen po ste dbang gis smin par byas zhing de'i ye shes rim pa gnyis kyi khyad par gyi rang dang gzhan gyi don phun sum tshogs pa'i rtsa bar bsrung ba dang spyad pa dang shes par
 bya ba dang spyod pa'i dam tshig rnams dang ting nge 'dzin gyis rtags bgrod cing 'bras bu lam du khyer ba do'o/ /de yang thos pa chung ngu gnyis kyi dus su sdom pa sems kyis thob pas shes pa dus gsum rdzas su gnas pa la sdom pa'i rdzas
 gnas pa rtsig pa la ri mo bris pa bzhin te/ rten gang gi mthu nyams pas rten pa 'jig par 'gyur ba'o/ /de yang dge ba'i bshes gnyen gyi stobs kyis theg pa gnyis pa'i sems bskyed nas sdom pa de nyid ngo bo theg pa chen por
 'gyur te/ dper na gser 'gyur gyi rtse'i stobs kyis lcags gser du 'gyur ba bzhin no/ /yang dus khas 'che ba gcig gis ni stong ste/ de bzhin gshegs pa'i bka' mi slu ba'i phyir dang/ dang por dus da rnyed kyi bsam pas thob pa'i phyir
 te/ dper na skyes bu zhig gis khrus byas pas lus kyi dri ma thams cad dag par 'gyur te/ zla mdog tu snang ba bzhin no/ /de bas so sor thar dang byang chub sems/ /rig 'dzin rang gi sdom pa'o/ /sdom pa gsum la gnas nas ni/ /gsang
 sngags rgyal po bsgrub par bya zhes gsungs te/ 'di nyid kyi dam tshig dang ldan pas thams cad bsrungs par gyur pas so/ /gal te mtshan nyid mi mthun pas rigs cig tu bsdur mi rung ste rta dang ba lang bzhin no/ /zhe na ma yin te/ sdom pa
 thams cad ni shes pa'i khyad par gyis bshad pa yin la/ khyad par de nyid rnam par rtog pa ste rtog med ting nge dzin zhing rnyed pa na rnam par rtog pa rten med pas zhi la de bzhin gshegs pa nyid der thams cad rigs gcig pa yin no
 gal te mi gcig na sdom sangs rgyas pa rnams kyang mi rigs so/ /de lta bas na/ theg pa gsum gyi des 'byung la/ theg pa gcig gi 'bras bur gnas zhes gsungs pa'i phyir nges par 'byung ba'i sgo ni bsam pa'i khyad par la bden
 pas? mi 'gegs la/ rnam par dag pa ni rang gi ngo bo nyid yin pa'i phyir rigs so/ /mi rigs na sems can bag dang ldan pa la dgod pa'i phyir/ sangs rgyas bcom ldan 'das kyis/ /las drag gang gis skye bo rnams/ /gang dang gang
 gis 'ching 'gyur ba/ /thabs dang bcas na de nyid kyis/ /srid pa'i 'ching ba las grol 'gyur/ zhes gsungs pa yang mi rigs so/ /de bas na mi bden pa thams cad ni 'khrul pa zhig ba tsam gyis bden par ro gcig par 'gyur ro/ /
 de bzhin spun la khro ba dang nyes pa bsgrags par mi bya'o/ zhes pa ni dam tshig tu rigs mthun par bsdus nas de bzhin no/ /skye gnas gcig pas na spun no/ /de yang shes rab mchog gi mngal na gnas
 pa rnams spun te khyad par gyi rdo rje spun dang bye brag dang nye ba'i spun no/ /de la dkyil 'khor dang slob dpon dang rig pa gcig las dam tshig thos pa ni khyad par gyi rdo rje spun no/ /bye brag tu thos pa ni bye brag gi rdo rje spun no/ /theg pa chen po la
 zhugs pa thams cad ni nye ba'i spun no/ /de yang gnyis ga la ni ltung ba bzhag la/ gzhan la ni cha mthun pa'o/ /khro ba ni yid 'khrugs pa'o/ /nyes pa bsgrags pa ni tshang 'bru ba la sogs pa mi bya'o/ /byang chub sems kyang btang mi bya/
 zhes pa la byang chub sems ni sngar bshad zin to/ /kyang ni 'dud par byed pa'o/ /gtang bar mi bya ba ni dang po dam bcas pa la nyams par mi bya ba'i don to/ /bdag gzhan chos la smad mi bya zhes pa la/ bdag ni sangs rgyas pa'o/ /gzhan
 ni mu stegs can no/ /chos ni mngon par mtho ba'i lam du mthong ba'o/ /smad par mi bya ba yang theg pa'i rim pas nyes pa yang de bzhin du 'gyur te/ mu stegs can la smad byas na/ /rnam par snang mdzad ring ba'i rgyu zhes pa dang/ phyi rol
 pa yang lam tshol zhugs/ /de'i phyir de la smad mi bya/ zhes gsungs pa'i phyir gzhan la lta smos kyang ci dgos/ smod pa ni nga rgyal gyis kun nas bslang ba ste gzhan gyi yon tan la phrag dog pa yang rtsa ba nga rgyal nyid de/ rang nyid la mchog
 tu mthong bas bag chags thams cad kyi mthu brtan par byed cing gzhan khyad par du gsod pas pha rol po'i sems 'phrog par 'gyur te/ byang chub sems dpa' gzhan gyi don du mi 'gyur zhing rang gi don du yang cher mi 'gyur ro/ /sems can la ni byams
 pa dang/ /nam yang gtang bar mi bya'o/ /zhes pa ni theg pa chen po pas sems can thams cad la bu gcig pa bzhin/ bsam par bya zhing dus thams cad du gtang bar mi bya'o/ /sems can gyi zhing dang bral ba'i theg pa chen po ni ming tsam ste/ srin
 po me khyer nyi ma'i 'od ldan pa/ /zhes ming du btags pa lta bu'o/ /gal te sngar gyi byang chub kyi sems dang khyad par med do zhe na/ byang chub kyi sems ni dngos gzhi yin la/ 'di ni bya ba thams cad kyi sngon du 'gro ba'i phyir ro/ /yongs su ma smin
 sems can la/ /gsang ba dag ni bstan mi bya/ zhes bya ba la/ yongs su ma smin pa'i sems can ni lnga ste snod kyis ma smin pa ni log sred can no/ /cho gas ma smin pa ni bum pa'i dbang ma thob pa'o/ /cho ga ma rdzogs pas ma smin pa ni gsang ba
 dang shes rab ye shes ma thob pa'o/ /nyams pas ma smin pa ni rtsa ba'i ltung ba la sogs pa byung nas phyir ma gsos pas so/ /zab pas 'jigs pa'i ma smin pa ni bzhi pa'i de bzhin ni ma thob pa'o/ /gsang ba ni dkyil 'khor dang dam tshig gi
 phyag rgya gcig tsam dang/ brda' dang gsang ba'i dam tshig dang/ /tshogs kyi 'khor lo la sogs pa 'dus pa gcig pa dang zung du 'jug pa'i ye shes bstan par mi bya ste bstan na sang sngags dang nyams par 'gyur ba dang mkha' 'gro ma
 rnams kyis 'tshe ba dang/ rgyud pa'i gzhung lugs kyi byin gyis brlabs nyams par 'gyur ba dang zab mo la bkur ba btab pas bskal pa stong du chos kyi sgra mi grag cing sdug bsngal bar 'gyur ba'i nyes pa ni phal cher slob dpon la
 'byung ba ste 'dod pa'i kun nas blang ba'i nyes pa ni thams cad du spang bar bya'o/ /bdag gi phung po brnyas mi bya zhes pa la bdag ni bdag tu bcas pa'o/ /phung po ni gzugs la sogs pa'o/ /de nyid rang bzhin gnas
 pa dang/ byin gyis brlabs pa'i mthus rnam par snang mdzad la sogs pa ste nang gi sbyin sreg gis mchod bar bya zhing bde bas bde ba bsgrub par bya'o/ /brnyas ba ni 'gegs pa dang/ g.yang sar 'phyod
 ba dang/ dman ba'i brtul zhugs dang/ rnam smin gyi bzod pa dang/ yan lag dang nying lag gcod pa dang/ smyung bar gnas pa dang/ dka' thub dang dka' spyad la sogs pa ste rgyu sdug bsngal bas 'bras bu bde ba chen por mi 'gyur ba'i
 phyir spangs te mi bya'o/ /grod pa'i chos ni sun mi gdon zhes pa ni/ so so'i skye bo grub pa'i mthas/ blo ma bcos pa rnams drang don 'dod pa las/ des don ston pa dang/ don ma go ba la spyod pa ston pa dang/ sems 'jungs pa la khyad par
 gyi longs spyod ston pa dang/ dge ba byas pas 'gyod pa skyes pa dang/ chos 'dod pa la 'jig rten pa'i bstan bcos la sbyar ba dang/ co dgri pa dang/ kham langs byas pa'i nyes pa ni byang chub sems dpa' la ltung bar 'gyur te sems sun
 byung bas ni phyis mi 'jug cing zhugs pa la skur pa 'debs pa dang/ gzhan 'jug tu mi gter na mi bya'o/ /gdug la rtag tu byams pa btar zhes ni bla ma dang dkon mchog la sdang ba ni gdug pa can no/ /de dag la lus dang ngag dang mthu dang
 longs spyod kyis phan 'dogs par byed pa ni byams pa ste/ bla ma dang dkon mchog kho na smad par zad do/ /bla ma dang dkon mchog smad pa ni 'khor ba'i sdug bsngal ma lus ba thams cad skyed pas na mthar pa'i 'gegs su gsungs so/ /
 bla ma dang dkon mchog mchod pa las sangs rgyas kyi yon tan ma lus pa thams cad 'byung ste/ de yang bla ma mchod la bsnyen bkur bas/ mchog gsum yon tan rig bar 'gyur/ /bdud rtsi yid 'ong 'khor las rgal/ /'bras bu nges par
 legs pa 'thob/ /de phyir dam pa'i zhal las ni/ /gsungs pa'i bya ba sdig kyang bya/ /dam ba'i zhal las ma gsungs pa'i/ /dge ba'ang mkhas pas spang bar bya zhes gsungs pa'i phyir ro/ /chos la tshang gzhal mar mi bya zhes pa ni/ chos ni
 rnam ba gnyis te/ lung dang rtogs pa'i chos so/ /lung ni rig pa bzhi ste sgra dang/ bzo dang/ sman dang/ bstan bcos dang/ rig pa'o/ /rtogs pa ni don rtogs pa ste de yang don spyi'i rnam par rig pa dang/ don rang gi mtshan nyid rig pa'o/ /da ni
 ming dang tshig dang yi ge dang/ brda' dang brjod pa thams cad dang bral ba'i ye shes te/ de yang yin min rtsod pa dang/ yod med du rtogs pa ni ltung ba'o/ /gzhan yang lung gzhan yang/ rigs pas blo brid pa'i stobs kyis the tshom za ba ni ltung
 ba'o/ don de nyag cig sgrub par byed pa la sgro 'dogs phyogs sna tshogs nas gcod cing don dang thabs sna tshogs kyis phrad pa byed pa'i phyir chos thams cad la tshad gzhal bar mi bya ste/ thos shing bsams la bsgoms pa yang bya'o/ /sems
 can dad pa can gyis bslu zhes pa ni kha bsag dang gzhog slongs dang thob kyis 'jal ba dang/ rnyed pas rnyed pa tshol ba dang/ srang la sogs pa la g.yo byed pa ni zang zing gis slu ba'o/ /gong mar ston pa ni rig byed 'chad ba dang/ 'jig rten pa'i
 bstan bcos 'chad pa dang/ bdud rgyud ston pa dang/ sgyu ma ston pa dang/ 'khrul 'khor gyi sbyor bas sems can bslu ba'o/ /gnas ngan gyi sbyor bas bslu ba ni rten ngan pa la skyabs su 'gror 'jug pa dang/ dman pa'i dka' thub srung du 'jug
 pa dang/ bdag bsgom pa la sogs pa la sbyor ba dang/ yongs su gcod pa'i blo la slob pa ni don bslu ba ste de bas na de dag mi bya'o/ /gal te sngar bshad pa dang khyad par med do zhe na ma yin te/ sngar ni 'dod pas kun nas
 bslod bar byed la/ 'dir ni yod de gcig gis sun 'byin pa yin la 'dir ni bslu ba'o/ /rtag tu dam tshig brten par bya zhes pa la rtag tu ni dogs pa med pa'i sa'i bar du'o/ /dam tshig gi rgyud 'dir bshad
 pa dang/ rgyud gzhan du bshad par 'gyur ba'i rtsa ba dang yan lag la sogs pa'o/ /ma rten pa ni gnyis te mkhas pa dang blun po'o/ /de dag gis ji ltar brten par bya zhe na/ mkhas pas sdig pa byas ba yang/ /rang bzhin blun pa nyid
 kyis so/ /zhes gsungs pa'i phyir mkhas pa rnams kyis dam tshig khyad du bsad par mi bya ste bstan par bya'o/ /blun po rnams spang ba'i phyir bag med par bya'o zhe na/ ma yin te/ mkhas bas sdig byas pa ni 'phral zhing spyad mi
 mkhas sdig pa thur du 'gro /lcags kyi gong pu chung yang gting du 'gro/ de nyid snod du byas na phye yang kha na 'phyo/ zhes gsungs pa'i phyir blun pa dag gis kyang dam tshig la brten par bya'o/ /bud med shes rab rang bzhin la/ /smod pa'i nges
 pa de bzhin no/ zhes pa la/ bud med ni shes rab kyi pha rol tu phyin ma ste/ rdo rje mkha' 'gro ma thams cad kyi sprul pa'i gzugs so/ /de nyid sangs rgyas bcom ldan 'das kyis kyang rnal 'byor pa la bde ba chen po'i ye shes kyis
 byed pa por gsungs pa ste/ de'i rang bzhin la yang ring ba dang nye ba'o/ /nye ba ni rje btsun ma dang rig byed ma dang phyag rgya mo'o/ /de'i shan 'dra ba ni bud med thams cad la sbyar bar bya ste/ sems mngon par 'khrug pa la sogs pas
 smod pa'i nyes pa ni ltung ba la sogs pa 'byung bas na spang bar bya'o/ /bla ma'i bka' gnang ba dang sems can gyi don du 'gyur ba dang/ byang chub kyi rgyur 'gyur ba dang/ nyon mongs pa'i gnyen por 'gyur ba ni dngos po bzhi la spang ngo/ /de la
 bzlog pa ni spangs yang dngos bo ni lci'o/ /lci yang gi khyad par gyis nyes pa'i bye brag kyang shes par bya'o/ /da ni rtog ba gsal bar bya ba'i phyir/ rnal 'byor spongs mos rgyu mi bya/ rnal 'byor spang bar mi bya ste/ rtag par rgyun tu gsang
 sngags bzlas/ /rtag tu dam tshig la sogs bsten/ zhes bya ba smos te/ slongs mo ni 'dod pa dang bcas pa'i yid kyis grong du 'jug pa'o/ /des rnal 'byor du mi 'gyur zhing rang rgyud kyi dri ma dang bcas pas na rgyu par mi bya'o/ /ji ltar bya zhe na
 rnal 'byor ni snyoms par 'jug pa ste zung du 'jug pa'i nyams spang bar mi bya'o/ /gal te rol cing grong du 'jug pa'i bya ba dang 'gal lo zhe na ma yin te/ 'di ni nus pa ma skyes pa'i dus dang po yin la/ goms pa'i dus ni nus pa cung
 zad skyes pa na zhes gsungs te/ chos thams cad la rol cing grong du zhugs na zhen pa rang rgyud kyi dri mas mi gos te 'dam gyi pad+ma bzhin no/ /rtag pa ni rgyun tu ste/ kun ni phyi nang ngo/ /phyi ni sngags kyi mtshan ma'i rnal 'byor du bzlas pa dang
 nang gi rdo rje'i bzlas pa dang/ /phra mo'i dang/ thig le'i rnal 'byor bya ba'o/ /gsang sngags ni kun gyi spyod yul ma yin pa dang/ yon tan gyi skye gnas su bstan pa'o/ /bzlas pa ni gsal ba'o/ /rtag tu ni yul dang dus dang
 gnas stabs la rag ma lus par dam tshig bsten pa'o/ /la sogs ni spyod lam rgyun gyi rnal 'byor te/ dbang po'i khyad par gyis bdag gzhan mnyam pa dang/ tha mi dad pa dang ro gcig bsten par bya'o/ /gal te dgag par
 ma nus pa'i nyes pa byung na bshags par bya ste/ gal te bag med byung gyur pas/ /bla ma'i dam tshig la gnod na/ /des ni dkyil 'khor bris byas la/ /bde gshegs rnams la nyes pa bshags/ /zhes smos te/ gal te zhes pa ni
 nyes pa byung na gal te 'byung dka' ba'o/ /bag med byung gyur na zhes pa ni dgag par mi nus pa'i ltung ba la sogs pa'o/ /de ci zhe na/ bla ma ni dngos grub thams cad kyi rtsa ba ste dang por gsungs
 pa'o/ dam tshig ni bde bar gshegs pa'i dka' ba la sogs pa ste de la gnod pa ni ltung ba byung ba na rnal 'byor pa des bla ma 'am rdo rje spun nam rang nyid nus pas dkyil 'khor bri bar byas la/ ci 'byor pa'i yo byad kyis tshogs kyi 'khor
 lo bskor te/ bla ma dang bde bar gshegs pa la sogs pa rnams la nyes pa mngon du phyung ste bshags par bya'o/ /de bas na dus thams cad kyi bya ba bstan pa ni rdo rje can gyis mi rtag par/ dad pas bla ma'i dam tshig
 bsrung zhes smos te/ rdo rje can ni dam tshig dang ldan pa'i rnal 'byor pa'o/ /mi rtag pa ni 'khor ba'i char 'gyur ba thams cad la brtag par mi bya'o/ /dad pa ni yid ches pa ste kun gyi gzhir gyur pas so/ /de dang ldan pas bla
 ma dang dam tshig la gces sdus su zhes bsrung ba'o/ /des dngos grub tu ji ltar 'gyur zhe na/ nyes pa ma lus pa rnams sems kyis ni/ /bsam gtan la sogs bzlas pa mchog gzhol bas/ byas la rtag tu bla ma la ni bla mar
 bya/ zhes smos te/ nyes ba ni mi mthun pa'i phyogs ma lus pa'o/ /rnam spang sems ni sdom pa rang gi ngo bo dang/ mi mthun pa'i phyogs dang ngo bo nyes pa phyir bcos pa'o/ /de rnams la brtan pa'i yid kyis bsam gtan rnal 'byor bzhi dang
 la sogs ni phra mo'i thig le'i sgro sdu'o/ /bzlas pa ni gong du bshad zin to/ /mchog ni rdzogs pa'i rim pa la sogs nas 'byung ba la gzhol bar bya la/ rtag tu bla ma la bla mar bya'o/ /mchod bar bya'o/ ri mor bya'o/ /rnal 'byor du
 bya'o/ bla ma'i ngag gis ji lta bu'i slob ma bzung zhe na/ brtan zhing dul ba snying rje gcig tu sems/ /dad dang lhag pa'i bsam pa bzod pa 'dzin/ zhes smos te/ bstan pa ni rtog pa la sems brtan pa'o/ /dul ba ni lus ngag yid gsum
 mo/ /snying rje ni sems can thams cad sdug bsngal dang bral bar 'dod pa'o/ /gcig tu sems pa ni rtse gcig pa'o/ /dad pas bzod pa 'dzin pa ni gnod pa byed pa la ji mi snyam pa dang sdug bsngal dang du len pa'i bzod pa'o/ /lhag pa'i bsam
 pas bzod pa 'dzin pa ni chos nyid skye ba med pa la bzod pa'o/ /de lta bu'i bla mas slob ma la ni gus pa dang/ gshin rje gshed la gus pa la/ brtul zhugs ldan pas de nyid yongs sbyin bya/ zhes gsungs te/ slob ma la yang gong gi yon tan
 gyi steng du dngos grub kyi gnas ba gnyis la gus pa ste/ de la brtul zhugs dang ldan pa'i bla ma ni gong gi gsum dang ldan bas sgro 'dogs gcod pa dang/ phyir mi ldog pa dang/ nyams su myong ba dang/ the tshom za ba dang/ 'gyur ba dang/ spyi'i
 rnam pa gsum ldog par 'gyur te/ de lta bu'i gzhung lugs dang ldan pa yongs su sbyin par bya'o/ /da ni chos thams cad kyi de kho na nyid bde ba chen po'i ngo bo'i byang chub sems rdzogs pa'i rim par bshad par bya ste/ de nas bcom ldan
 'das de bzhin gshegs pa thams cad kyis mchog tu dga' ba'i ngo bo rdo rje 'tshang gi gsung nges par thos nas cad mi smra bar gyur to/ zhes smos te/ thams cad ni gti mug rdo rje la sogs pa'o/ /kyis shes pa ni thugs lhan cig skyes
 pa'i ??gcig par gyur pa'o/ /de gang zhe na/ mchog tu dga' ba chen po'i ngo bo'o/ /gzung ba dang 'dzin pas stong pa mdza' las grol ba gnyis su med pa rang nyid gsal ba sems kyi yul ma yin pa dang /'khor ba las ring du 'gyur ba'o/ /
 rdo rje 'chang ni rang gi lus so/ /gsung ni e baM ma ya'o/ /nges par thos pa ni mi bslu bar ro/ /tshig gam tha snyad kyi lam las thob pa'i ye shes thob ba ni cang mi smra bar 'gyur ba'o/ /de lta mod kyis kyang ??
 'jig rten pa mngon du mdzad nas snying rje chen po'i stobs kyi don lkog tu gyur pa'i sems can rnams gzhug par bya ba'i don du 'og nas 'byung ba 'di lta bu ched du brjod pa ched du mdzad do/ /brtul zhugs mthar thug thong ba chen po ltar/
 'khrul 'khor mthar thug gshin rje gshed kyi rgyud/ rgyud kyi mthar thug ba ni 'dus ba che/ /byung bar ma gyur 'byung bar mi 'gyur ro/ zhes bya ba smos te/ thod pa chen po ni gsum ste/ tshogs kyi 'khor lo rnal 'byor gyi snod du longs spyod
 pa'i phyir dang/ kak+ko lar bo la bsrung bar rig pa'i ye shes chen po rnyed cing bstan par byed pa'i phyir dang/ skye ba med pa'i pad+ma las sna tshogs pa'i chos 'byung ba thams cad gsang ba chen por spyod pa'i phyir bsod nams dang ye shes dang/
 'bras bu mthar thug tu shes par byas la/ gsang ba dang rig pa dang mgon po'i brtul zhugs su spyad bar bya'o/ /'khrul 'khor ni gnyis te/ sngags 'khrul zhing zhi ba la sogs pa'i dngos grub 'khor mor 'byung ba ni dbang po dman pa'i 'o/
 'khrul pa'i bag chags ma rig pa'i bya ba thams cad rnam par dag pa'i 'khor lor sbyor ba ni rgyud 'di nyid do/ /rgyud ni rgyun te rgyu dang thabs dang 'bras bu bshad zin to/ /'dus pa ni de bzhin gshegs pa thams cad kyi sku gsung thugs
 kyi gsang ba 'dus pas ched du brjod pa mdzad cing sems can thams cad kyi lam gyi gsang ba ston par mdzad cing yi ge gsum 'ba' zhig don gyi gtso bor gsungs pa na mthar thug go /byung bar ma gyur pa ni 'das pa la'o/ /'byung bar
 mi 'gyur ba ni ma 'ongs pa la'o/ /de'i yang rgyud de'i khyad par ji lta bu dang ldan zhe na/ e ma'o zhi ba chen po'i chos/ /e ma'o khro bo 'jigs mdzad pa/ /e ma'o mya ngan 'das pa'i chos/ /e ma'o 'khor bzhi ba nyid/ /e ma'o 'di ni rab tu
 mtshar/ /nyes pa gang de yon tan 'gyur/ zhes smos te/ 'dis ni rang don dang gzhan don dang/ gnyis ka dang khyad par dang/ yon tan dang/ ngo bo bstan to/ /e ma'o ni ngo mtshar ba ste ci zhig la zhe na/ zhi ba stong pa chen po'i ngo bo
 dang/ chen po bde ba chen po 'od gsal ba bdag nyid gcig par gyur pas chos te rnam par rtog pa'i zug rdu dang bral bas so/ /e ma'o ni sngar? dang mtshungs so/ /ci zhig la zhe na/ rnam par dag pa de nyid chu zla'i gzugs brnyan lta bu'i khro zhing 'jigs  
 par mdzad pa la sogs pas gdug pa can 'dul zhing de nyid la dgod pas so/ /e ma'o ni sngar dang mtshungs so/ /ci zhig la zhe na/ mya ngan las 'das pa'i mchog ni mi gnas pa ste/ rang don la mi gnas pa ni 'khor ba de bzhin nyid du 'gyur
 bas lhun gyis grub ba ste rang don no/ /gzhan don la mi gna pa ni thun mong ma yin pa'i snying rje dang ldan pas mya ngan las 'das pa la mi gnas te/ dam pa ni shing rta'i 'khor lo'i rgyun bzhin du 'byung ba'o zhe na/ gzhan don no/ de gnyis
 brtags pa med pa ni bde ba chen po'o/ /e ma'o sngar dang mtshungs so/ /ci zhig la zhe na/ 'khor ba nyid zhi ba yin pa dang/ zhi ba nyid 'khor bar 'gyur bas na rnam par rtog pa dang bral ba'i gzhan don 'byung bas so/ /e ma'o sngar dang
 mtshungs so/ /ci zhig la zhe na/ 'og gi yon tan dang ldan pas 'dir ni rab tu mtshungs par ro/ /nyes pa ni sgo gsum du 'byung ba'i mi dge ba bcu dang/ de'i skyed par byed pa nyon mongs pa'i sa bon dang bcas pa'o/ /yon tan 'gyur 
 zhes pas ni bde ba chen po byang chub kyi sems su gyur pa'o/ /de zhes ba ni dus mtshon ba ste/ /lus ngag yid gsum gyi sbyor bas phyag rgya chen po mthong ba'o/ /thabs kyang der 'gyur bas
 na yon tan no/ /da ni de lta bu'i ngo mtshar ba'i ye shes de/ rgyas par bshad pa'i phyir/ dngos po ma yin bsgom bya med/ /khams ma yin zhing rnam shes min/ /nam mkha' i dkyil dang mtshungs pa nyid/ /nam mkha' lta bur bdag
 med par/ /chos 'di bde ba chen po'o/ /sa yang ma yin chu min te/ /me min rlung min nam mkha' min/ zhes smos te/ dngos po 'di yang dag tu yod dam zhe na/ gcig dang du ma la sogs pa'i sbyor bas gnod de med do zhe na brtags
 pa zhig pa'i nyams myong ba la gegs byed med do/ /gnyi ga la'o zhe na/ phan tshun spangs te gnas bas so/ /gnyis med do zhe na/ rgyu log pas so/ /bsgom bya med pas mdza' bzhi las grol bar mi 'dzin pa'o/ /gal te 'gro
 pa la snang tshod 'di ji ltar gnas she na/ yul brten nas rnam par shes pa skye bar 'gyur gyi/ yul sngar bzhin mi dmigs pas rnam par shes pa zhi ba nyid do/ /de bas na gzugs zhes bya ba stong pa ste/ dbus na rnam shes ji
 ltar mchis/ zhes dri ba po la/ gzugs med mthong ba po yang med/ /sgra med nyan pa po yang med ces pa nas/ chos med bsam par bya ba med/ ces gsungs pa'i phyir dang/ khams gsum pa dang kun gzhi rnam par shes
 pa sogs pa ni rnam par rtog pa ste de nyid rlung ngo/ /de bde ba chen po la zhugs pas dper na nam mkha' i khams dang mtshungs pa nyid do/ /nam mkha' lta bu de la brtags bas sgyu ma tsam gyis kyang stong la/ bdag la sogs te lta smos kyang
 ci dgos te med pa'o/ /de ltar zug rngu med pa'i chos 'di ni bde ba chen po ste rang 'byung ba'o/ /de la 'byung ba lnga brtags pa'i skyon gyis kyang ma gos pa'i phyir sa yang ma yin zhes bya ba la sogs pa'o/ /de ltar sgro 'dogs bcad nas zung du 'jug pa dngos
 bstan pa'i phyir/ rdo rje sems dpa' i sbyor ba yis/ /bskyed ba la ni rab gnas na/ /dngos po thams cad dngos med bshad/ /rnal 'byor sbyor ba dang 'brel phyir/ chad pa ma yin rtag ba min/ /yan lag med cing zhal mdog med/ /thog ma bar dang
 mdza' yas pas/ /dngos po thams cad med bar 'gyur/ /mchog tu dga' ba'i mtshan nyid do/ /zhes smos te/ rdo rje sems dpa' i sbyor ba ni lhan cig skyes pa bskyed pa la rab tu gnas pa ni snod bcud kyis rnam par dag pa ste/ de bas phyi'i dngos
 po thams cad rten dang rten pa po med la/ de nyid ma skyes pa'i ngo bor dngos po med par bshad pas dngos po gtan med pa rdo rje'i 'dzin pa la ma grags te/ ye shes kyi yul dang ldan pa'i phyir ro/ /de bas na rnal 'byor ni rim pa gnyis te/ sbyor ba ni zung
 du 'jug pa'o dang 'brel pa ni blo dang dngos po ro gcig ste sems kyi skal par 'brel ba'i phyir rtag pa dang chad pa min no/ /de nyid shes pa'i yul ma yin pas yan lag la sogs pa med do/ /rgyun mi 'chad pas thog ma la sogs pa spangs so/ /skur 'debs
 dang bral bas dngos po thams cad med par 'gyur ro/ /sgro btags dang bral bas mchog tu dga' ba'i mtshan nyid do/ /da ni rdzogs pa'i rim pa mjug bsdu ba'i phyir de bzhin gshegs pa rnams kyis ched du brjod pa gsungs nas/ yang lha mo rnams kyis
 ched du brjod pa bstan pa'i phyir/ de nas bcom ldan 'das la tsar tstsi ka chen mo la sogs pas ched du brjod pa 'di lta bu ched du brjod do/ /bsod nams sdig ba dag dang ma 'brel pas/ /mchog tu dga' ba dri med dag pa yin/ /mgon po de bzhin nyid kyi gter
 gcig pu/ /kun kyang snying rje'i sems kyis mgon 'di yod ces gsungs te/ don dam pa byang chub kyi sems kyi lus la yang dag pa'i 'brel pa ni med do/ /de ci'i phyir zhe na/ dngos kyi 'brel pa ni kun rdzob tsam du zad kyi
 don dam par ni ma yin no/ /de yang kun rdzob skye bar byed pa yin pa la don dam pa skyed byed yin na rgyu mi rtag pa dang/ du ma dang/ bcos ma dang/ spang bya yin pa bzhin 'bras bu yang mi rtag pa dang/ du ma dang/ bcos ma dang/ spang byar 'gyur ro//
 gal te dus mtshungs na rgyu nyid yin na 'bras bu yin la/ 'bras bu ma yin na rgyu ma yin no/ /gal te 'bras bu sngon du song na rgyu 'bras 'chol bar 'gyur bas rgyu med pa'i 'bras bu 'am/ rgyu la dgos pa med par 'gyur ro/ /dper na nam mkha' las nam
 mkha' skye ba med pa ltar chos thams cad kyi rang bzhin gcig nyid la bsod nams dang bsod nams kyi 'bras bu phan pa med de/ 'phel ba dang bde ba mi dmigs so/ /sdig pa dang sdig pa'i 'bras bu gnod pa med de/ 'grib pa dang sdug bsngal ba
 mi dmigs so/ /ji ltar gnas na mchog tu dga' ba'i rang bzhin brtags pa'i dri mas ma gos dag pa'o/ /gal te 'brel pa med pa'i phyir 'gro ba'i don mi 'byung ngo zhe na/ mgon po de bzhin nyid kyi gter gcig pu ni chos kyi sku'o/ /kun ni 'gro
 ba'o/ /yang ni chos kyi sku spros pa mi mnga' ba las snying rje chen po'i sems dang smon lam gyi rgyun gyis gzugs sku gnyis la sogs pa 'di yod do/ /da ni lhan cig skyes pa rang gi ngo bo bstan pa'i phyir/ chos rnams ngo bo bde ba chen po'i dngos/
 mchog tu dga' ba 'di'i ngo bo ni/ /de la gzugs rnams med cing sdig pa med/ /skye dang 'gag pa dag ni yod ma yin/ /zhes smos te/ chos rnams ni phung po la sogs pa'o/ /ngo bo ni rang gi ngo bo'o/ /bde ba chen po dngos ni chos rnams
 thams cad rang gi ngo bor grol pa ste gang gis ma btags pa ye shes kyi rang bzhin ni 'di zhes brjod pa tsam dang yang bral ba'o/ /mchog tu dga' ba 'di yi ngo bo ni zhes pa ni lhan cig skyes pa'i rgyun gyi rnal 'byor du 'gyur ba'o/ /de la gzugs med
 pa ni dgra la sogs pa spangs te/ dbang po rang snang du gyur pa'o/ /bsod nams med cing sdig pa med pa ni mnyam gzhag gi spyod pa chen po ste/ e ma'o bsang pa yang dag bsad ces pa dang 'brel ba'o/ /des mching bar mi 'gyur ba ci'i phyir
 zhe na/ rgyu las skye ba dang/ rkyen gyis 'gags pa med pas na shigs pa med pa'i ye shes thob pa'o/ /gal te sngar bshad zin pas lhag pa la dgos pa med do/ zhe na ma yin te/ sngar ni rang bzhin bstan pa yin la/ 'dir ni rnal 'byor pa 'ba' 
 zhig gis nyams su myong ba bshad pa'o/ /de bzhin gshegs pa thams cad kyi sku gsung thugs gshin rje gshed nag po'i rgyud ni bshad zin to/ /byang chub kyi sems ni kun rdzob dang don dam mo/ /rim par phye ba ni bskyed rdzogs gnyis so/ /
 bcu bdun pa ni bcu drug pas gzhag pa'o/ /nag po zhabs kyis bshad pa'i le'u bcu bdun pa rgya cher gsal bar byas pa'o// //de nas gleng bslang bshad par bya'o/ /gtam rgyud ni sngon byung ba'i dus so/ /mngon par
 byang chub pa'i dus ni thun mong gi ye shes lnga dang/ thun mong ma yin pa thugs su chud pa'i dus 'og min gyi gnas so/ /thub pa chen po ni rdo rje 'dzin pa'i bde ba chen po brnyes pa'o/ /la ni gzhi'o/ /bar du bcad pa'i phyir ni bdud rnams kyis
 so/ shin tu 'jigs su rung ba'i 'jigs pa chen po ston pa ni zhon pa 'jigs su rung ba dang/ gzugs 'jigs su rung ba dang/ sgra skad 'jigs su rung ba dang/ mtshon cha 'jigs su rung ba ston pa'o/ /bdud kyi tshogs ni phung po la sogs pa
 bzhi'o/ /dpung gi ni rta dang shing rta dang glang bo che dang rkang thang gi tshogs so/ /chen bo ni rta gshog ba can dang/ glang po che dang ral gri dang ldan pa dang/ shing rta'i 'khor lo gcan gzan gdug pa can rjes su?
 'dren pa dang/ rkang thang gi tshogs mgo brnyan du gnas so/ /lhag ma ni bcom ldan 'das kyi 'khor yug tu'o/ /bdud chen po las mchog tu rgyal ba'i ting nge 'dzin ni bsrung ba'i 'khor lo dang zla ba rdo rje'i sbyor ba la sogs pa'o/ /snyom bar
 zhugs pa ni mkha' gsang byin gyis brlabs pa'o/ /bcom ldan 'das nyid kyi sku gsung thugs rdo rje ni byang chub kyi sems bde ba chen po'o/ /gshin rje gshed kyi khro bo nges par phyung ba ni rtsa ba'i dkyil 'khor sngar bskyed cing byin gyis
 brlabs ba ltar ston to/ /kyang zhes bya ba ni sdud pa bo la bsgo ba byas pa'i phyir bsdu ba'i kyang ngo/ /thub pa chen po'i bka' bzhin byed pa ni sangs rgyas thams cad kyi phrin las par 'gyur ro/ /phyag na rdo rje ni gcod ba'o/ /'di lta bu'i sngon du gyur
 ba'i 'khor lo'o/ /khro bo'i gzugs su bsgyur ba ni ma 'ongs pa'i rnal 'byor bzhis rgyud sbyangs ba la dgod ba'i phyir dang/ pha rol tu phyin ba ni gsang sngags la grags pa'i gshin rje gshed 'ching bar mi nus ba'i phyir ro/ /bdud ni bshad zin to
 ?? ni mdza' yas la sogs pa gdug pa can no/ /gnod sbyin ni nor bdag la sogs pa'o/ /lha ma yin ni zag bzangs la sogs pa'o/ /lha ni tshangs pa la sogs pa'o/ /de dag gi khongs su dri za dang mkha' lding dang mi 'am ci dang/ lto
 'phye chen po rnams bsdus te chongs shig chongs shig /rtogs shig ces bkul te gshin rje thams cad gshed la dgod ba'i don to/ /de ltar rgyud phun sum tshogs pa'i bdag nyid gsungs ba/ rgyud bsdus pa'i phyir byang chub sems dpa' 
 phyag na rdo rje de ji ltar mdzad ba'i tshul bshad par bya ste/ de'i dus na ji ltar bdag gis bcom ldan 'das kyis gsungs pa thob ba ni/ e baM nas bzung ste rab tu phye ba bcu bdun pa'i bar du'o/ /skad cig la bzung zhing bzung ba ni su ta ste sngar bshad la/
 tshig dang don gyi khyad bar shes par bya'o/ /gsungs pa ni yab yum a bi dus te/ gang na bde gshegs bzhugs ba dang/ 'chags pa dang ni bzhengs ba dang/ /seng ge lta bur gzims brtags pa'i/ /gnas de la ni phyag 'tshal bstod/ ces
 gsungs pas so/ /legs par yid la rab tu byas ba ni yi ge'i tshogs dang/ tshig gi tshogs dang/ ming gi tshogs dang/ don gyi tshogs lhag pa dang chad pa med par byas pa'o/ /gsang ba ni rgyud bzhi ste/ chen bo ni yi ge gsum gyi bdag nyid do/ /de'i
 bdag por bkos ba ni phyag na rdo rje'o/ /la ni thun mong ma yin pa'i cho ga'o/ /na ta ku be ra gnod sbyin no/ /de'i yab ni rdo rje rigs kyi gtso bo'o/ /gshin rje gshed kyi sras su gyur ba'i phyag na rdo rjes de skad ces gsungs so/ /u rgyan? gyi yul ni
 gtum drag la sogs ba rang byung gi dur khrod brgyad do/ /de na bzhugs ba'i rdo rje mkha' 'gro ma rnams te de'i zhal nas yang dag par 'byung ba ni mchog dang thun mong gi dngos grub thams cad bskyed par bya'o/ /rgyud kyi rgyal po 'bum phrag bdun pa
 las phyung gi /dpal gshin rje gshed nag po'i rgyud byang chub sems kyi rtog pa dpal nag po zhabs kyis rgya cher bshad pa'o// //sangs rgyas rnams kyi sku gsung thugs gshin rje gshed kyi snying po'i rgyud/ rim pa gnyis
 kyis rab 'byed gsang ba 'dus sogs dang/ 'khrul 'khor 'khor lo bsgrub thabs phran tshegs la sogs pa/ dam pa'i zhabs pad la btud 'grel pa 'di byas pas/ /snyan ngag tshig gi sbyor la mkhas par ma gyur cing/ /don rgyas pa la nga
 rgyal ba rnams sdang 'gyur cing/ /skye bo phal po cher bdag gis bzod ba bsdud mi mdzad/ /bla ma dang bcas dkyil 'khor rnams la bzod par mdzod/ /lhag pa byang chub sems kyi rang bzhin gsal? ba dang/
 kun rdzob dag pa rang bzhin de kho na nyid dang/ /bdag sogs 'gro ba rnams kyi mchog dga' thob 'gyur te/ khams gsum pa rnams bde ba chen po thob par shog /de bzhin gshegs pa thams cad kyi sku gsung thugs gshin rje gshed nag
 ba'i rgyud kyi rgya cher 'grel ba mngon bar mthong ba lam gyi sgron ma zhes bya ba /rgya gar gyi mkhan po chen po kriSh+Na chen pos mdzad pa rdzogs so// //rnal 'byor pa bsod snyoms pa pradz+nyA sh+rI dz+nyA na kIrti sa rang 'gyur
 du mdzad pa'o// //rgya gar skad du/ kriSh+Na ya mA ri tan+ta sya pany+tsi ka ratna ba li nA ma/ bod skad du/ gshin rje gshed nag po'i rgyud kyi dka' 'grel rin po che'i 'phreng ba zhes bya ba/ dpal rdo rje sems